لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


أخيراً صرت مجنونك ، للكاتبة : مشاعر حزن

السلام عليكم... شلونكم يا احلى اعضاء في احلى منتدى؟ اليوم حبايبي جايبتلكم رواية قطرية رومنسية كوميدية وايد حلوة ..اتمنى تنال اعجابكم..وعشان ما اطول عليكم راح انزل اليوم انشاء الله

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 31-07-10, 06:05 PM   المشاركة رقم: 1
المعلومات
الكاتب:
اللقب:
ليلاس متالق


البيانات
التسجيل: May 2007
العضوية: 28460
المشاركات: 50
الجنس أنثى
معدل التقييم: سر الخلود عضو بحاجه الى تحسين وضعه
نقاط التقييم: 21

االدولة
البلدBahrain
 
مدونتي

 

الإتصالات
الحالة:
سر الخلود غير متواجد حالياً
وسائل الإتصال:

المنتدى : القصص المكتمله
New Suae أخيراً صرت مجنونك ، للكاتبة : مشاعر حزن

 

السلام عليكم...
شلونكم يا احلى اعضاء في احلى منتدى؟ اليوم حبايبي جايبتلكم رواية قطرية رومنسية كوميدية وايد حلوة ..اتمنى تنال اعجابكم..وعشان ما اطول عليكم راح انزل اليوم انشاء الله اول جزئين ....اتمنى للجميع وقت ممتع


القصة بعنوان " أخيراً صرت مجنونك ".... للكاتبة مشاعر حزن



ما قبل البدايه ..

دخلت بيت جدها وهي مستغربة من البيت والمكان ، وتفاجأت أكثر يوم شافت الجلسة الشعبية الي على جنب ، البيت كان كبير بشكل مو طبيعي .. شافت الحريم في جهة والرجاجيل في جهه .والبنات كانوا متغطين .. يا ربي وش هالجو في احد ميت .. لا مستحيل ّ ! الله يهداج يا يمه ليش أرسلتيني لهالبيت !. بيتهم كان كبير في بريطانيا بس ما كان هالشكل , رنت في اذونها كلمات نور وهي تقولها انتي لازم تتاقلمين يا دانه ..
وقفت عند الباب .. فصخت العباه والشيله الي تحسهم شوي وراح يخنقونها .. وسط استغراب الكل
الكل كان مشغول اول ما دخلت بس يوم شافتهم اسكتوا وقعدوا يناظرونها .. شغلت اغنية اجنبية على الجوال وقعدت تصارخ
it's party time '
شغلت الاغاني وقامت حق الجدة الكبيرة تحاول تقومها عشان ترقص طبعا الكل قعد يضحك يعرفون ان عندهم بنت عم بس ما توقعوها كذا .. فرري ومجنونه اشوي .. صحيح انها عايشة برا وما صار لها يومين من رجعت.. بس هذا ما يعني انها تتصرف على اساس انها ما تعرفهم ! ولا تعرف عاداتهم ..
ما انتبهت للعيون الي تناظرها من بعيد وشكله مشمئز من حركتها ؟؟! .. دخلت داخل مع البنات وهي معصبة من جدتها حيل ّ! وهي وش عرفها ان حياتهم كذا !!





الشخصيات :
ام محمد: مرة كبيرة في السن , بس اتحب تتدخل في كل صغيرة وكبيرة في العايله , متمسكة بعاداتهم القديمه وايد , بس بلحظة تنقلب وتصير حنونه , لو حد عصا لها طلب ما يلوم الا نفسة , ممكن تقعد اتحن علية لين الصبح , او تضربة بعصاتها وترتاح . مات ريلها وربت عيالها وكبرتهم .. عندها 3 أولاد .. وبنت وحدة عائله البنت راح تعرفونها مع الاحداث ..
الاخ الاول :
محمد : ( ابو عبدالله ) عمره ( 66سنه)عصبي وايد وايد . يحب ايمشى الامور على كيفه , بس مع هاي طيب كثير ويحب عايلته ما يبي يكسر اي كلمه لامه , من زود حبة في امه .. كان ماسك شغل العايله ولكن فضل انه يتقاعد ويمسك الشغل للعيال ..
زوجته ام عبدالله (هيا) : في حالها , بعيدة عن المشاكل , توها السنه متقاعدة ومتملله من القعدة بروحها في البيت عندهم 3 عيال .. .
عبدالله : اب حنون طيب , عايلته هي اول اهتماماته , متزوج وهو صغير اشوي يوم كان عمرة 20 سنه , متزوج نور اخت زوجته عمه .. راح اعرفكم على عايلتهم مع الاحداث !
جاسم: بحكم دراسته في الخارج , هو متفتح وهاي الموضوع فاتح مشاكل كثيرة مع ابوة , وجدته بس علاقته قوية وايد مع عمه براهيم يعتبرة ابوة الثاني مو عمه .
الجوهرة : اخر العنقود ومدلعه وايد وايد خصوصا من قبل جدتها , لانهم مسمينها عليها , اي شيء تبيه تروح تطلبة من جدتها لانها تدري محد بينفذة لها غيرها .. عمرها 20 سنه .. تخصص هندسة صناعية جامعه قطر ..
الاخ الثاني : ابراهيم )ابو خليفه ) عمره 50 سنه .. هو سفير في لندن من حوالي شهر انتهت مدة شغله هناك . واضطر يرجع الدوحة بعد غياب دام 21 سنه . وما كان يرجع فيهم الا في الاجازات , اب حنون ..ايعرف مصلحة عياله وممكن انه يجبرهم عند الضرورة , لو شايف ان الموضوع فيه مصلتهم ؟؟
ام خليفة(عائشة) : .. عصبية .. بس مع هاي طيبة وايد .. وممكن ان الواحد ايقص عليها بكلمه حلوة
خليفه : عصبي كثير ما يتفاهم , عكس ابوة تماما محد يقدر ايكلمه , بس مع هاي مدلع بندته تدليع مو طبيعي عندة بنت اسمها شوق عمرها 14 سنه وولد اسمه حسن عمرة 3 سنين، اسم مرته مها ..
احمد : 23 سنه .. ما حب يعيش بلندن مع اهله .ما صدق خلص تعليمه ورجع الدوحة .. فتح له شركته الخاصة مع سعود ولد عمته .. يصير اخ طلال بالرضاعه ..
دانه : دلوعه ابوها .. تعيش هلايام مرحلة غريبة بحكم انها عايشة طول عمرها في لندن بحكم شغل ابوها , وما كانت تحب تجي الدوحة مع اهلها ايام الاجازات , وكانت تفضل تقعد هناك والي يساعدها ان طلال كان يدرس هناك ذيج الفترة .. عمرها 20 سنه .. رفيجة ريم والجوهرة مع انها مختلفة عنهم اشوي .. هادية وايد .. تمت صداقتهم مع بعض رغم ان الجوهرة ما شافت دانه الا مرتين في حياتها لانها ما كانت تجي لندن وايد ودانه ما تحب اتزور الدوحة كثير .. بس كانت دايم تتصل فيهم .. تخصصها اداة اعمال .. كارنجي ميلون.. وشاطرة وايد بدراستها لدرجة انها قدرت تمسك الشركه لمدة 8 شهور يوم كانت بلندن طبعا بمساعده جاسم ولد عمها
الاخ الثالث :
راشد : (45) سنه زوجته متوفية من سنتين عايش مع امه في الدوحة و تربطه علاقة قوية مع عبد الله .. عشان تقارب السن مع ان عبد الله اكبر منه ..عنده بنتين ..
امل : 20 سنه .. تخصص انجليزي .. مع ريم والجوهرة بنفس الجامعه .. بس هي مب وايد معاهم .. ومحترة من دانه لانها توها جاية الدوحة ومع هاي الكل ايحبها ويحب يقعد وياها ..
العنود : 17 سنه .. ثالث ثانوي .. ناعمه .. وهادية وفي حالها .. الكل ايحبها ويحب يقعد معاها لطيبة قلبها .. ادعوا لها تجيب نسبة









الفصل الاول ..


دخلت في الظلام وشافتها قاعدة بروحها .. لا حول ولا قوة الا بالله .. هاي لين متى بتسوي بعمرها جي .. ما يسوى علينا .. كانت قاعدة ع السرير وتسمع اغنية انسى لماجد المهندس ..
فتحت الليتات .. ودشت
نور: دانه .. دانه .. دانوووووووووووووووووووو
دانه : هلا ..
نور: شعندج قاعدة في الظلام ..
دانه: لا ولا شيء ..
نور: دانوا بتتكلمين ولا اشلون ..
دانه: اففففففف .. اتكلم شاقول يعني .. مو حرام عليكم الي تسونه فيني .. نور انا مستحيل استحمل هالعيشة .. تعبت والله العظيم تعبت .. اتكلم شاقول انا في حد ما كلمته .. نور والي سلمج كلمي ابوي !!
نور: اكلم ابوي شاقوله .. اقوله بنتك المحترمه ما تبي تعيش وياكم تبي تهاجر واتروح لندن ..!! بالله عليج هاي كلام ناس عاقلين ..
دانه : نور حبيبتي افهميني .. انا من يوم ما وعيت ع الدنيا وانا هناك .. ما جيت الدوحة الا مرة يوم ولادتج بفهد .. وبنفس الوقت صادف عرس خليفه بس !!
نور: وهاي غلطت ابوي كان مدلعج وايد ..
دانه: لا دلع ولا شيء .. بس حضي كان حلو .. كل ما اقولهم انا مب رايحة ايكون في حد بيتم .. يا ابوي يطلع له شغل .. يا طلال ايكون هناك ..
نور: اقول بلا كلام زايد وافهمي حبيبتي .. روحة وعيشة هناك مافي .. يا دانه صار لج 3 شهور هني .. خلاص .. المفروض اتكونين تاقلمتي ع العيشة هني ..
دانه: نور اتعرفين لما تعيشين طول عمرج بمكان وفجأه تنتقلين .. انا تاقلمت ما اقولج لاء .. بس مشتاقة للقعدة هناك .. مشتاقة لجامعتي ... لربعي .. لبيتنا لكل شيء ..
نور: يا يمه ... هالكلام الي تقولينه انسية حبيبتي .. ابوي وامي ما عاجبهم حالج .. اهتمي بدراستج بمستقبلج .. وان شاء الله في الاجازات شي طبيعي بتروحين هناك .. اما تحولين هناك مرة ثانية ما في .. سفر بروحج لا تحلمين ..
دانه: الا فهد متى ان شاء الله يروح الجامعه !!!!!!!!!!!!!!!!!
نور: بعد سنتين ليش ..
دانه: افففففف باكون متخرجة ..
نور: ومتزوجة ان شاء الله ..
دانه : شهالكلام الله يهداج .. انا هني مب قادرة اتاقلم تبيني اتزوج .. مستحيل اعيش هني افففففف
نور : على الاقل انتي هنا مع اهلك .. خوانك .. بنات عمك ولا انتي و شرايك !!
دانه: خوان .. أي خوان يا شيخة !! انتي الي طول عمري اعتبرج اختي تزوجتي قبل لا انولد وما كنت اشوفك الا لما تجينا بالاجازات بس ما تقصرين كل اجازة تزورينا !! وخليفة خلص ثانوية وراح امريكا .. وبعدين رجع للدوحة ! أما احمد ما صدق يخلص ثانوية ويعيش في قطر الناس يروحون الجامعه برا وهو في الجامعه رجع للبلد !! اي كلن وهمه ما يبون اختهم !!
نور: دانووووووو انتي الكلام معاج ضايع .. تعالي تحت الكل يسأل عنج .
دانه: ان شاء الله ام طلال اي اوامر ثانية ..
نور: سلامتج حبيبتي ..

اكيد ما تعرفون منهي نور ..
نور : هي اخت عائشة " ام خليفة " امها وابوها توفوا وما حبت تعيش عند خوالها فقررت تعيش مع اختها الكبيرة وتزوجت عبدالله ولد اخو ابراهيم .. ولدها الكبير طلال راضع مع محمد .. الكل يعتبرها اختهم الكبيرة ومستحيل حد يقولها خالتي .. لانهم يحسونها اختهم العودة وهالشيء اثر على عيالها لدرجة انهم يسمون عيال خالتهم خوالنا >> عندي احساس انكم ما فهمتوا شيء ..
طلال : 23 سنه .. يشتغل مع ابوة وعيال عمة في الشركة .. صديق جاسم الروح بالروح
ريم: 18 سنه .. رفيجة دانه والجوهرة الروح بالروح تدرس في جامعه قطر هندسة صناعية بس توها السنه مخلصة ثانوية . والجوهرة معاها
فهد : اخر العنقود 15 سنه .. الحياه حلوة عنده .. واهم شيء لعب الكورة هههه

كانوا قاعدين في الصاله الفوقية من الملل ولا عارفين شيسون ..
الجوهرة : ريمي .. ريم .. شتسوين صار لج ساعه ..
ريم: يعني شاسوي .. قاعدة اكلم العنوود ..
الجورة : اند واي ..
ريم: ليكون ريلي وانا ما دري شدخلج ..
الجوهرة : وانتي كل ما قلنا شيء قلتي ريلي الله يعين هالريل الي بياخذج ..
ريم : والله يحمد ربه .. ايحصله الريم بنت عبدالله ..
الجوهرة : اقول بلا هذرة زايدة خالتج وين ..
ريم: اي خاله !! ما عندنا خوال في العايله ههههههههههه
الجوهرة: عبالج اتنكتين ويا الوية .. دانوووووو وين خل اتجي بالمرة ..
ريم : دقيت عليها ما ترد .. يمكن الجوال ع السايلنت ولا شيء ..
الجوهرة : تصدقين ملل ..
ريم: ادري !!
الجوهرة : اقوووووول متى بيبون قصر الحب ..
ريم: والله لوعتوا جبدي مع هالمسلسل التركي مالكم .. .. ما ادري ..
الجوهرة: حرام عليج والله المسلسل ايهبل .. احسن منج اتشوفين مسلسل انتهى تاريخة حد يشوف نور الحين
ريم: ههههههههه افففف اتصدقين حتى امي عائشة اتشوفه ..
الجوهرة: ههههههههههههههههه ..
ريم: وبعدين توها الساعه 7 .. باقي على المسلسل مالكم ..
الجوهرة: شفيج معصبة كله مالكم مالكم .. تيكت ايزي يا عزيزي الحياه حلوة ..
ريم: انا خاطري اعرف شلي تحبون في المسلسلات التركيه .. ما في احلى من الاجنبية
الجوهرة: جو من يتكلم .. الي قاعدة تتابع نور بعد ما كل الناس شافوه
فهد: السلام وعليكم ..
الجوهرة: عليكم السلام مرحبا الساع
فهد: ريموووو شسالفت عمتج اليوم ..
ريم: والله ما ادري عنها يا زول..
الجوهرة: هييي انت وين رايح ..
فهد: رايح اسلم على امي هيا .. ليش !!!!!!
الجوهرة: لا سلامتك .. ......... اقول ريمي
ريم وهي قاعدة اتقلب بالتلفزيون وبدون نفس : هلااااااااااا
الجوهرة باهتمام: اشلونها دانوا الحين ..
ريم: اتصدقين ما ادري .. اخر مرة كلمتها اول امس .. وكانت عادية ..
الجوهرة : بس هي جد ما عندها سالفه ..
ريم: شنو ما عندها سالفه .. مرة وحدة الحياه تغيرت عليها .. هي هناك كانت حياتها غير .. اسئليني انا .. جامعه مختلفة ربع مختلفين .. حتى في ابسط الاشياء مثل السواقة .. تراها كانت تسوق هناك .. تطلع على كيفها .. جات هني خليفة منعها من السواقه .. يدي قالها ما في طلعه بروحج .. ربعها تغيروا فجأه .. راحت مكان ما تعرف في حد .. حتى اهلها اول مرة اتشوفهم ..
الجوهرة: ادري .. بس بعد .. ليش ما تيي تقعد ويانا اتسولف ..
ريم: سكتي هي اول يوم جات في بيتكم شافت يدتي من يومها حرمه ما تجي مرة ثانية ..
الجوهرة : ليــــــــش ..
ريم: هههههههههه اسكتي اول ما دشت عاد خبرج هي ما تعرف خالد منو ولا تعرف جاسم عدل.. عبالها عمامي او شيء جي .. فصخت العباية ودخلت اتصارخ عندها الحياه حلوة ..
الجوهرة: افففففف .. ويدتي بدت مناحة شطول ..
ريم: ههههههههههههه والله يدتي ضحكتني .. مع عصاتها .. ههههههههه مسكينه دودو ..
الجوهرة: والله ما تنلام .. ولا تجي اتدرعم مني والطريج .. بس معقوله ما تعرف خواني ..
ريم: يعني بذمتج هي متى شافتهم .. اخر مرة يوم احنا صغار يوم سافرنا جميع للندن .. حتى انا لولا انهم عمامي جان ما عرفتهم .. وبالنسبة لجاسم كانت علاقتها رسمية وياه وكل ما تشوفة تتهاوش وياه .. لدرجة انها مرة قالت لي ودي اشوف هالانسان وهو يضحك
- هاااااااااااااااااااااااااي
ريم: هلا والله .. جان ما يتي ..
العنود: والله ما بغيت بس كسرتوا خاطري .. اي تعالي فستاني مال حفلتك ،اليوم رحت اشوفة ..
ريم : اوك .. ان شاء الله حللو
العنود: حلو الا طبع يجنن ، بس المصممه قالت لي اقول لدانه تجي تسوي بروفة على فستانها دقيت عليها وما ردت علي
ريم: مو مشكله باقولها باجر . انا اساسا باروح ويا امي لان فستان امي جهز واكيد هي بتجي وياي ..
العنود: والله فلللللللله اخيرا بيكون عندنا حفله ..
ريم: ههههههه ان شاء الله مو اخر الافراح .
الجوهرة: الا وين امل ..
العنود : كانت نايمه .. بس اسكتوا امسكتني يدتي .. ما بغت اتطلعني الا بطلعت الروح افففف
الجوهرة: هههههه ليش ..
العنود: منو هناك .. انزين شيسون .. يمه ليكون الصبيان هناك .. انزين سلمي اول ما تدخلين وبوسي راس عمامج ..
ريم: هههههههههه فديتها عيوزتنا والله ..
الجوهرة: يا ناااس ملل .. وش هالاجازة !!
العنود: اقول انتوا جايبيني اهني اناظركم .. ما عندكم افلام شيء .. سوالف !!!!
الجوهرة: شجاب الافلام للسوالف ..
العنود: اهو .. شيء انسوية ..
ريم: يختي الاجازة ملل .. مفكرة اكلم ابوي ايسفرنا ....
العنود: ايسفرج بروحج واحناااا..
ريم: تذكرين من كم سنه يوم رحنا كلنا لندن ويا بعض .. والله كانت احلى سفرة .. خل نقنعهم ايسونها لنا .
العنود: ههههههههه اية والله كانت احلى سفرة .. وبعد عشان دانوووو ما تحن علينا ودوني لندن ودوني لندن
الجوهرة: هههههههههههههه
بو عبدالله : السلام عليكم ..
ريم: وعليكم السلام هلا يدي ..
راحوا البنات ايحبون راس ابوهم ويسلمون عليه ..
بو عبدالله: الجوهرة يبة جاسم وينه ..
الجوهرة: طالع .. يبه توها الساعه 8 ونص
بو عبدالله : انزين اتصلي على اخوج قوليله ابوي يبيك ضروري ..
ريم: بسم الله وش السالفه ليش جدي معصب ..
الجوهرة" بقلق": ما ادري !! ان شاء الله جاسم ما يكون مسوي شيء بس !!
العنود: شيء جديد يعني .. جاسم طول عمرة عنده مشاكل مع ابوج عمرهم ما اتفقوا !!
الجوهرة: اي والله ..(( وراحت تتصل على جاسم!! ))
---------

كانوا العائله كلها متجمعه .. دانه وابراهيم وعائشة ونور وطلال ..
ابراهيم : ها يا دانه .. اشفيج يبة معصبة وقاعدة في حالج ..
دانه: لا يبه سلامتك ..
مال طلال على دانه الي كانت قاعدة احذاه
طلال: دانوووووو خلاص .. لا تعورين راسج الي تبينه ما راح ايصير ..
دانه: طلال احس نفسي متملله .. كله محبوسة بالبيت , ومفي حد ايطلعني وغير جي ما عندي ربع اقعد وياهم .. اففففففف
طلال: بس جي هاي الي مضايقج .. طلعه واطلعج تامرين امر .. وربع عندج البنات وعندج صديق وهو انا .. هاي الشيء ما راح اتحصلينه برع الدوحة ) وغمز لها(
دانه: ههههههه الله يقطع بليسك .. الا تعال وين حموود ما شفته اليوم ..
طلال: وانتي شفتي حد .. كله في غرفتج ..
نور (( وهي تبتسم )) : اخيرا شفناج تضحكين ..
طلال: اية انا ناوي اطلع دانوووو .. يالله الشيخة دانه قومي .
دانه: ويـــــــــن
طلال: تطلعين ولا لاء .. يله عشان اتعرفين ان الحياه في الدوحة ما تعوض مو تقولين لي لندن وما دري شنو . هذة قطر يا حبيبتي احلى من لندن بالف مرة ..
نور: تنفع اتسوي دعاية للسياحة !! هههههههه
دانه: اوكي دقيقة البس واجي .. (( وراحت وهي تركض ((
ام خليفة: انا هالبنت تعبت معاها !! والله يهداها جدتكم مب راضية تخليها في حالها كل ما تشوفها تزفها
نور: من تصرفاتها الغلط !! ولا في وحدة عاقله .. تفصخ الشيله والعبايه قدام الرجاجيل !!
ام خليفة: والبنت وش عرفها !!
طلال: ولو يا جدتي !! في شيء اسمه اصول ..
ام خليفة: ياا ولد !! شنو جدتي !! قولي يمه
طلال: هههههه الحين امي تقولك يمه وانا اقولك يمه ما يصير !!
----------------------------------------------


كانوا فاتحين الشات ويستهبلون .. همه مو من النوع الي يقعدون على الشات وهالسوالف .. بس الملل وما يسوي كل وحدة كانت قاعدة على جنب والاب توب على حضنها .. والاسامي ,, الله لا يوريهم ..
وحدة اسمها خبله .. والثانية مجنونه والاخيرة اكرهكم ..
ريم : الله يفشلج جوجو .. انتي شتقولين للبنت
الجوهرة " وهي تضحك " : احلى جي .. خل تتوهق ..! الا عندوو ليش ما تتكلمين !
العنود : قاعدة اكلم وحدة مصريه ع الخاص .. مسكينه عبالها اني بعد مصرية !
ريم: عاد مصرية واسمها خبله اشلون .. !
العنود: لا لا قلت لها ان مرافجة قطريات . وما حبيت ابين لهم اني غير عنهم !
الجوهرة : هههههه والله منتي بصاحية ! اجل مرافجة قطريات .. ! اقول انا باروح داخل اجيب افلام .. تمللت منهم !
على روحت الجوهرة .. دخل جاسم الصاله بعد ما تنحنح !
جاسم: السلام عليكم ..
ريم والعنود : وعليكم السلام ..
جاسم: شالسالفه !!! ووين الجوهرة
دخلت الجوهرة وهي شاله مجموعه افلام ..
الجوهرة: فديتني اول ما تدخل تسال عني !!!!!
جاسم: من زينج .. شالسالفه ليش داقه ..
الجوهرة: مو انا الي ابيك ابوووووي ..
جاسم ( والاستغراب مالي وجهه): ابوووي !!!!!!!!!!!!!!!!!!!!!!
ريم: جسووم روح ليدي بسرعه تراه بيعصب ..
جاسم: ان شاء الله بس اقول ترا عمتي شريفة اتصلت تقول باجر راح يرجعون ان شاء الله ..
العنود : الله فلللللله والله اشتقت لمريوم ..
ريم: يس يس .. حظهم سافروا مو مثلنا !
--------------------

جات لهم دانه وهي تركض ..
ام خليفة: يمه اشوي اشوي ..
ابو خليفة : ههههههههه خليها تستانس.. ما بغينا انشوف الضحكه على وجها
دانه: طلول يله ..
طلال: بل ما يسوى علي .
ام خليفة: انتظري يكمل قهوته بالاول !!
طلال:. اتفضلي الشيخة دانه .. مع السلامه ..
كلهم : مع السلامه ..
نور: انزين يبة وهو متى كلمك بالموضوع ..
بو خليفة : والله امس بالليل يا بنيتي بس احنا مترددين وايد ..
ام خليفة: تبي الصراحة يا ابراهيم الريال ما يعيبة شيء وما ينرد ..
نور: اية والله يا يبى انا مع امي ..
ابو خليفة: بس البنت لحد الحين صغيرة ..
ام خليفة: لا البنت لا صغيرة ولا شيء انا يوم كنت كبرها كنت توني متزوجه
نور: والله ما ادري شاقول .. الريال ما ينعاب وحرام انردة .. انا افكر فيها .. اشلون بتقدرر تتاقلم دام هي على العيشة هني مسوتلنا سالفه .. اخاف تتعذب .. وتراه عصبي وايد
بو خليفة: وانا هذا الي مخليني متردد
نور: وانت كلمت خليفة بالموضوع !!
بوخليفة: اي نعم وهو موافق .. وحتى احمد ما عنده اعتراض !!
ام خليفة: شوفي يا يمه اختج مدلعه .. ما بيعدلها غير الزواج .. ولا شله هالدلع كله .. كل الناس عاشو هناك .. وردوا وكملوا حياتهم طبيعي .. محد فكر مثلها ..
--------------------------

كان جالس بالمجلس وهو مب مصدق الي قاعد يسمعه .. معقوله ابوي يفكر هالتفكير !! معقوله ابوي يجبرني بيوم من الايام .. مب بنت انا ولا قاصر عشان انجبر !!
جاسم: يبة انت شقاعد اتقول .. مستحيل مستحيل
ابو عبدالله: شوف يا ولدي هاي عين العقل .. لازم اتسوية ..
جاسم(( وبدا صوته يرتفع)): يبى انت بتدمر حياتي .. انت شقاعد اتقول .. قلت لك مستحيل الي انت اتقوله ..
ابو عبدالله: لا ترفع صوتك على ابوك فاهم ..
جاسم: السموحة يبى ..
ابو عبدالله: شوف يا ولدي .. هذة بنت عمك .. وانت لازم تاخذها .. وبعدين هذا كلام جدك الله يرحمه ..
جاسم: ويدي شنو ايمشي الكلام على كيفة .. يدي مات يا بية مااااات ..
ابو عبدالله(( وبدى ايعصب)): شوف يا جاسم .. انا تكلمت معاك بالطيب .. بتاخذها يعني تاخذها .. وبعدين انا كلمت ابوها عن الموضوع والخطبة تمت مو ناقص غير موافقة البنت ..
جاسم: شنووووو والمعرس اخر من يعلم مثلا .. يبى انت شقاعد اتقول .. هذة حياتي مستقبلي .. اشلون اقضية مع وحدة ما اعرفها .. معرفتي فيها ما تتعدى السلام .. هذا وانا ما اذكر اني شفتها بعد ..
ابو عبدالله: استح على وجهك .. واحنا من متى انشوف الحريم قبل لا نخطبهم هاااا .. مب عيب عليك اتقول هالكلام الفاضي .. وبعدين شنو ما تعرفها مو اشتغلت وياها بلندن
جاسم : اي بس علاقتنا كانت رسميه .. عمري ما قعدت وياها فترة طويله واغلب اجتماعاتنا تكون ع النت .. نادر ما نجتمع ويا بعض .. صحيح انهم عايشين برا بس كان في حدود
بو عبدالله: وانا هاي الي شجعني .. والنعم بتربيه ابراهيم !!

)) طلع وهو مب عارف شيسوي .. اسودت الدنيا في ويهة اي سودت هو يعرف بحجم المشاكل مع ابوة .. وانهم دوم يتهاوشون بس مو لهالدرجة .. مب لدرجة ان يخطبله من دون علمه ابوه حطاه جدام الامر الواقع .. وهو محتار وضايع ومو عارف شيسوي.. وما لقو يخطبون له الا دانه .. دلووعه .. وشايفة نفسها وعبالها ان محد قدها ((



الفصل الثاني ..

كان قاعد ع البحر .. المكان الوحيد الي يرتاح فية , ويحب يقعد فية , يقدر ايفضف ويقوله كل الي يبية , ليش انا ليش ....... شهالحركة البايخة .. الحين معقوله ابوي ويدتي يتصرفون هالتصرف .. انزين انا شذنبي .. هي شذنبها !!! تعيش مع واحد ما يدانيها ...
- جاسم .. خرعتني شالسالفه ...............
جاسم (بدون اي اهتمام حتى ما شال عينه من ع البحر ): هلا خالد
خالد: جاسم شفيك !!!!!!!!!
جاسم: ما قالو لك ..
خالد: عن شنو ..
جاسم : ابوي ويدتي خطبولي دانه .......
خالد: هههههههههههههههههههههههههههههههههههه
جاسم: لحظة لحظة انا محتر وشايل الدنيا فوق راسي وانت تضحك الحين شلي يضحك بالله عليك خالد: انت شلي معصبك .. عادي مصيرك بتتزوج .. وبتتزوج بهالطريقة بعد .. ليش انت معتقد انهم بيخلونك تختارها وما دري شنو ..
جاسم: ما قلت جي .. بس دانه لا لا ......
خالد: ليش انت شايف عليها شيء .
جاسم: يا خي يعني ما تشوفها .. ما تصلح لي مدلعه وايد وفوق هاي متربية برع ..
خالد: عن هالكلام الفاضي .. انت طول عمرك كنت تبي وحدة متفتحة اشوي .. وفوق هاي دانه تربية عمك .. الي معزته من معزة ابوك عندك .. شوف جسوم لو تبي رايي دانه اكثر وحدة تنفع لك ......
جاسم: انت شنوووووووو (( وبدى يعصب ويرفع صوته)) بتذبحني أنت اقولك ما بيها .. ما بيها .. ليش ما خطبوهااا لك .. وبعدين دانه اعرفها يوم كنت اشتغل بالشركه ما تنفع لي .. تحر وكل يوم كنا نتهاوش .. دانه طبعها غير .. وبعدين أنا وهي ما نستحمل بعض .. كيف راح نقدر نبني اسره مع بعض !!
خالد: ههههههه اسرة عاد . يا زين الفصحة على لسانك يا خوي
جاسم: خلووود !! انقلع !

(( اكيـــــــــــد ما تعرفون من خالد .. بدري هههههههه ... خالد هو اخو جاسم من الرضاعه .. وما يفترقون نهائيا من يوم وهمه صغار .. خالد وحيد امه وابوة .. توفوا من يوم وهو صغير وربته خالته الي هي ام عبدالله .. ))
----------------------------------------------
طلال(( وهو يصرخ)) : دانوووووووو وقفي مب جي ..
دانه (( بخوف)) : ما دري اشلون اشلون ...
طلال: انتي بتودينا بستين داهية .. اكاه البيت ادخلي اشوي اشوي ..
دانه: عبالك ما عرف اسوق .. ترا كنت اسوق بلندن .. افففففف بس انتوا سياراتكم مب طبيعية .
طلال: الشره مب عليك على الي اقولج سوقي ..
دانه: افففففف وانت ليش معصب .. يله كاني جدام بيت جدي تنزل هني ..
طلال: انتي الي بتنزلين هني ..
دانه: شنوووووووووووووو
طلال: دانو عن العبط انتي في حديقة بيتكم البيوت احذا بعض ..
دانه: بس بعد ...
)) الجد قبل لا يتوفى كان مسوي بيوت لعياله جنبهم على اساس ان يكونون كلهم عندهم نفس الحديقة .. الا ابو عبدالله .. الي كان بيته يبعد حوالي شارعين .. كان بيته كبير وشاري اراضي لعياله حوله عشان ما يبعدون .. عبدالله , وجاسم (وطلال وخالد)الي يعدهم عياله ..
جاسم قاعدين يأثثون بيته الحين((

طلال: يله انزلي ..
دانه: لاااااااا .. وقف عند باب بيتنا ..
طلال: دانووووووو يله
دانه: نو نو نو
)) يرن تلفون السياره بهاللحظة ((
طلال: الووووووووووووو
خالد: هلا بو عبدالله ..
طلال: اهلين خالد ..
خالد: وينك في ..
طلال: بيت جدي العود ليش في شيء ..
خالد: ترانا في الكوفي شوب لو حاب اتجي .. من زمان عنك ..
طلال: لا يا شيخ ولا كنا ويا بعض بالدوام .. يله اخلص من المشكله الي جدامي واجي ..
خالد: ههههههههههه مع السلامه ..
دانه: يله وصلني عشان اتروح لربعك ..
طلال: دانو والله مب فاضي )) يشوف ساعه السيارة)) دانوووووووو ترى الساعه 10
دانه: شنووووووو .. بسرعه بسرعه .. يله
طلال ( ببرود اعصاب): نو
دانه: اووووف ما منك فايدة .. خل انزل واعلم امك عن حركاتك .. باي
طلال: ههههههههههه
)) والمسكينه راحت تركض ركيض ما تبي اتفوت المسلسل .. حتى رفعت عبايتها وركضت ((
--------------------------------------------


كانت الجدة قاعدة جدام التلفزون تشرب الشاي .. الا وامل تجي ..
امل: السلام عليكم ..
ام محمد: وعليكم السلام يمه ....
امل: اشلونج يدتي ..
ام محمد: وي .. الحمد لله يمه .. امل وينج في من الصبح ؟؟
امل: يدتي كنت نايمه خبرج ما عندنا شيء انسوية بالبيت ..
ام محمد: ورااااا ما رحتي مع اختج عند البنات ..
امل: ليش عندوووو طلعت ..
ام محمد: اية يمه راحت بيت عمج محمد ..
امل: اووووووووووووووووف
ام محمد (( بعصبية)): املوو وصمخ مو عيب عليج اتقولين جي جدام يدتج .. وبعدين اشفية بيت عمج هاااا..
امل: يدووو انا ما قلت شيء ..
ام محمد: وهالتافأف .. شنوووووووو ها ..
امل: يدو سلامتج بس متملله ما في اسويه ..
العنووووووود: هاااااااي EVERY BODY
الجدة: العنووووود .. وصمخ شهالكلماات .. تدرين اني ما حب لغة الشقر والحمر
العنود: هههههههههههههههههههههههههههاي
امل: الساعه 11 بدري
العنود: كنت في بيت عمي شفيج .. وبعدين طالعنا كمن مسلسل تركي .. افف ما عرف شيحبون بهالمسلسلات .. وطلعت ويا ريمو هي راحت بيت يدها وانا رديت بيتنا ..
الجدة: اية يمه صله الرحم زينه وانا امج .. انا رايحة انام ..
العنود : جدتي .. عمتي شريفة راح ترجع باجر ..
الجدة : اي فديتها .. دقت على من اشوي والله اني اشتقت لها
العنود: الي يسمع يقول صار لها سنه مسافرة كلها شهر ..
امل(( وهي اتقوم عشان اتساعد جدتها على المشي)) : دانوووو كانت هناك
العنود: لا .. اتصلت فيها الجوهرة وقالت انها طالعه ويا طلال ..
امل: اهااااااا,


كانت قاعدة جدام التلفزيوون .. وتوه مخلص المسلسل .. صحيح ان السيزون قديم بس هي تحب هالمسلسل ولو اتشوفة الف مرة عادي عندها .. كانت تطالع بونز على watch serries
ولا تسمع حد ايناديها من المكتب
- دانه .. دانه
دانه: نعم يمى ..
ام خليفة: تعالي اشوي حبيبتي ..
اففففف .. شيبون هاذيله الحين .. بروحي مقهورة والسبة هالحلقة الغبية ..
دانه: هاي مامي .. دادي .. في شيء
ابو خليفة: استريحي اشوي دودو
قعدت بهدوء على الكرسي الي مجابل امها وابوها وهي متخرعه اكيد في شيء ولا جان ما نادوني بهالطريقة .. بس ...... شنو .... اففف ابي اطالع الحلقة الثانية من النت .. اكيد هالحلقة لما يمسكون السيريل كيلر .. دانوا عقلي .. اف هاي مسلسل .. شوفي امج وابوج شيبون ..
دانه: امر يبة .. في شيء
ابو خليفة: شوفي يا بنيتي .. انتي كبرتي ما شاء الله عليج .. في ناس يبون يخطبونج ..
دانه: لاء .. يبة انا مو موافقة
بو خليفة: وانتي ما ودك تعرفين منو الي خاطبك
ام خليفة: اسمعي يا بنيتي .. الي خاطبج هو جاسم ولد عمج ..
دانه: سووووو .. مام نو .. اي كانت ( So?...mom no I can't)
ابو خليفة: يا بنتي هذا ولد عمج ..
دانه: يبى يعني عشانه ولد عمي لازم اوافق بالغصب .. انا مو موافقة يبى ..
ام خليفة: انزين يا بنيتي استخيري وان شاء الله ما يصير الا الخير
دانه: لا لا لا .. حرام عليكم !! جبتوني هنا بالغصب والحين راح تزوجوني بالغصب !!
ابو خليفة: دانه !! محد جابج هنا بالغصب !!
دانه(( وفي عيونها الصيحة خلاص)) : يمه انا قلت قرار نهائي .. شقالولج اروح اتزوج خلطبيطة ..
ابو خليفة(( وهو جد بدى يعصب )): شوفي يا بنيتي هذا ولد عمج .. يعني محد راح ايعرف قدرج ومكانتج كثرة .. وجاسم ولدي واعرفه زين بيحطج على عينه وراسه .. فكري بهدوء ووزني الامور براسج .. لاني عطيت الريايل كلمه ومستحيل اتراجع عنها ..
دانه: يعني شنو يبى بتجبرني ..........
ابو خليفة: لو كنتي هبله وما تعرفين مصلحتج شيء طبيعي اجبرج .. ولا اخليج اتضيعين نفسج .. هذا ريال ما ينرد وانا ابوج .. كفاية اني مربيه على ايدي ..
دانه(( وهي تصارخ )): لاء لاء . يبى انا مو موافقة اول شيء اتجيبوني هني بالغصب .. وبعدين اتزوجوني بالغصب .. انا شنو ما لي راي .. ما اقدر اتحكم في حياتي .. انا جاسم تعاملت وياه يوم اشتغلت بالشركه ما ينفع لي .. معقد ويحر !
ابو خليفة (( عصب عليها)): دانـــــــــــــــــــــــــه .. جب ولا كلمه .. انجلعي براااااااااا

------------------------------



كانت اتفرفر في التلفزيون .. اما اختها كانت اتشوف اخر اخبار المنتدى ..
امل: اوووووووووف باجر الاربعاء ..
العنود: يعني ..
امل: يعني ميلس الرجاجيل يا فالحة .. واكيد بنات عمج بيجون عندنا .. عشان يدتي
العنود: خل ايجون مو احسن من هالملل الي قاعدين فيه على الاقل نقعد وياهم ..انا لو ربع جدتي جاو الحين باروح ابسط عندهم ..
امل: هههههههههههههههاي .. بنات عمج ما عندي معاهم اي مشكله .. بس دانو هاي ما ادانيها .
العنود: حرام عليج والله انها طيبة ..
امل: لا طيبة ولا شيء .. اتحر !! اتسوي نفسها مسكينه عشان الكل ايحبها ..
العنود: امووووووووول لا تقولين جي .. تراها صج مسكينه وفي حالها ..
راشد: شيسون بناتي الحلوين ..
العنود: هلا يبى اخبارك ؟ ...راحت حبة راسة .. وطبعا امل سوت مثلها
راشد: الحمد لله يبى .. الا وين جدتكم
العنود: راحت تنام ..
راشد: امل .. جيبي لي قلاص ماي
امل : ان شاء الله ..
راشد: وانتي يا بنتي يا العنود جاهزة يبى للدوام ..
العنود: اية يبى بس لين الحين باقي شهر ونص للاجازة .. والله ما ودي اداوم احس باكون في فيلم رعب ههههههههههههه
راشد: ههههههههههههههههههههه ..... اي طبعا هالسنه ثالث .. ابيك ترفعين الراس مثل امل ما شاء الله عليها ....
امل : وش فيها امل
العنوود: فشلتنا (( وتغمز لابوها))
-----------------------------------------------


دانه: ريم مستحيل .. مستحيل اوافق ..
ريم: هدي حبيبتي .. ترى والله صدقيني جسوم طيب وبيحطج فوق راسه ..
دانه: مو طيب .. انتي دايما اتقولين انه ايهاوش الجوهرة .. وكان يهاوشني بالشركه وايد كل يوم نتهاوش عيل اشلون لو صرنا ببيت واحد
ريم:ايهاوشها .. بس عمره ما هاوشني .. بالعكس ايحب القعدة معاي ههههههههههه .. هو بس ايحب ايعصب الجوهرة هاي كل الموضوع ..
دانه: لاء .. هو ايحر وشايف نفسة .. عمري ما تقبلته .. احسه ما ادري اشلون (( واتكمل صياحها)) ريمووووووو عادي انتحر .
ريم: شنووووووو .. بالله عليج هاي افكار وحدة عاقلة .. تخسرين اخرتج عشان زواج ..
دانه: ريموووووو ابوي عطى الموافقة لعمي .. انا ما ابي .. ما ابي .. ريم ما يصير اتكلمينه اتقولين له اني ما ابية ..
ريم: دانه شوفي حبيبتي لا تعورين راسي ولا راسج انتي بتاخذينه يعني بتاخذينه .. سواء قلت له ولا لاء .. بس لو درى ترا الموضوع راح يفتج ابواب كثيرة ؟؟
دانه: اوووووووف .. واذا ما قلنا شيء كنت ما ابية .. شاسوي
ريم: هييي انتي بيكون فلله راح نصير نقرب لبعض اكثر !!
دانه: اكثر من كذا ..امك تصير خالتي .. وابوك ولد عمي امي تصير ام اخوك بالرضاعه وانتي وخوانك تصيرون خواني انا و اخوي بالرضاعه .. وهالعايله المخبرطه يا شيخة
ريم: دانووووو تراج والله لعوزتيني .. حياتي فكري بالموضوع .. ترى جسوم ما ينرد .. بس الغبي اليوم شايفتة ما قالي انه خطب خالتي حبيبتي ..
دانه: المشكله اني ما عرف حد غيرج اسولف معاه اوووف ..
ريم: ليش عندج جوجو , عندوو . املوو الدبة وبنات عمتي راح يجون قريب
دانه: بالله عليج هاي كلام جوجو اخت جاسم, عندووو ياهل , املو ما ارتاح لها اووووووووووف ..هاي مشكله الي ما كونوا صداقات ..
ريم: ههههههههههههههههههههههه توج ما صار لج 3 شهور اي صداقات يا ماما .. اوك باي .. طلول وصل وجايب فيلم معاه ..
دانه: مالت , باي ..
ريم : لحظة دودو فكري عدل حبيبتي .. لا تفشلين ابوج ... اكلمج باجر باي
دانه: باي
سكرت منها وتمت اتفكر .. ليش ما اعطية فرصة ثانية .. دانه كل شيء ايهون في سبيل سمعه ابوج .. انتي ما ترضين علية يتفشل جدام امه واخوه وايقولون ما عنده كلمه على بنته .. انتي اكثر وحدة اتعرفين ان ابوج ما ينفذ القرار الا وهو دارسة عدل .. يمكن جاسم راح ايكون شيء زين بحياتج .. يمكن ايحبج .. لا جاسم ايحب مستحيل .عمرة ما ضحك وياي يوم كنت بالشركه جنهم كانوا مشغليني غصبن عنه . شاسوي الحين يا ربي ..اوافق ولا لاء ..بس قرارج ما عاد ايهم ابوج عطاهم موافقتج .. ريم وطلال اكثر ناس ايعرفونه وعمرهم ما اشتكون منه بالعكس .وجاسم اخو عبدالله شوفي عبدالله ما شاء الله عليه اب مثالي وطيب ويا بيته وعياله . اف يا ربي . بس ياماما خوان وتوئم وما يتشبهون فما بال عبدالله وجاسم الي بينهم قرن ..
---------------------------

طلال : السلام عليكم ..
ريم: هاي ماي برذير ..
طلال: الناس ايردون يا فالحة ..
ريم (( بدون اهتمام وهي اتطالع الافلام الي جدامها تختار واحد)) اوكي .. (( ولا تنقز فجأه)) طلول
طلال: هاا
ريم: دريت ان جاسم خطب دودو
طلال: ادري من زمان ..
ريم: وليش ما قلت لي .. على الاقل اكون اعرف شالطبخة يا دوينه اتكلمني ..
طلال: اساسا عمي ويدتي اخطبوها من اسبوع تقريبا بس عمي اليوم رد لهم الموافقة ..
ريم: وجاسم .. مستانس طبعا
طلال( اه لو تدرين عن جاسم .. صحيح ان ما قالي شيء , بس مبين انه فية شيء , اخوي واعرفه زين): اية ريمو مستاس ودانوووووو ..
ريم: تبي الصج .. دانوو مو موافقة
طلال(وهو معصب): يعني شنو يجبرونها .. ابوي ابراهيم اليوم رد على ابوي محمد
ريم: ادري .. الظاهر جي .. بس فكر فيها يا فالح .. دانه وجاسم لايقين على بعض .. بس حركات يهال ..
طلال(وهو بدى يعصب): اقول انجلعي عن ويهي .. وهالكلام الفاضي
ريم: بس
طلال: انجلعي ...
ريم: اقول طلوول استعد الدور جاي عليك (( وركضت عشان تحره))

نروح حق دانه الي اول ما سكرت من ريم راحت غرفتها وقفلت الباب .. ودها حد يفهمها هي تدري ان مهما تكلمت ويا ريم .. ريمو ما راح تفهم الي تحس فيه..
فتحت الالبوم القديم وهي تشوف صورها ويا ربعها .. كانت تحب التصوير .. التصوير احد هواياتها ..
اخ بس ليت الزمن يرجع .. انا تعبت من هالحياه .. جاسم معقوله اخذ جاسم .. هو عمره ما راح يفهمني .. ما فهمني قبل ولا راح يفهمني الحين !
مسكت الجوال وحبت تتصل على مايا بس باخر لحظة سكرت الخط .. مستحيل حد يدري ! مستحيل اعلم حد عن زواجي ! الكل يدري اني اكره جاسم .. لاخر لحظه في الدوام واحنا علافتنا مو اوكي ! دام بالشغل ما كنا نقدر نتفاهم ليش نتفاهم الحين ... اشلون راح نقدر نتفاهم في حياتنا !
------------------------------------------



توه راد البيت , ما توقع ان في احد ينتظرة الوقت متاخر وايد , ما وعى الا يسمع صوت من الصاله ..
جاسم: يبى , اشعندك قاعد لي هالوقت ..
محمد: كنت ابي اقولك اتجهز عمرك بس ..
جاسم: حق شنووووووو
محمد: شوف يبة باجر بعد صلاة المغرب بنروح نخطب رسمي .. فاهم
جاسم : يبى اتوقع عرفت رايي في الموضوع ..
محمد:هو بكيفك انا كلمت عمك وهو رد علي ... يا يبى هاي رغبة المرحوم يدك .. ويدتك بعد رايدة هالشيء
جاسم: وانا مو مهم شاريد .. يبى هاي حياتي ..
محمد: يله زين , محد فينا اختار حرمته وشوف اشلون عايشين والحمد لله
جاسم: انتوا غير وانا غير .. يا يبة زمانا غير عن زمانكم
محمد:شوف يا جسووم بعد اسبوعين الملكه .. وبنت عمك ما تبي تسوي عرس .. فالملكه والعرس راح يكونون بنفس اليوم . واذا ما حضرت ما تلوم الا نفسك !
صعد فوق وهو معصب شاف الجوهرة الي كان واضح عليها انهاا سمعت المحادثة كلها ..
الجوهرة : اقول مبرووك
جاسم: للاسف .. يس قولي مبروك
الجوهرة: مبروووووووووك .. صدقنني جاسم تراها بنت زينه وحبوبه
جاسم: الله يبارك فيج .. بس ماني قايل عقبالك ..
الجوهرة: ههه باااااااايخ ..

دانه تتوقعون اقتنعت اخيرا .. ولا مار اح اتوافق وطلال راح ايكون في صفها ؟.
تتوقعون هل راح ينظاف شيء جديد للاحداث ؟
هل راح يتصرف طلال ويقنع جدة انه يكنسل الخطبة ؟؟
جاسم هل راح يتصرف ؟؟
العلاقة بين دانه وامل .. هل راح يظاف لها اي جديد او لاء

 
 

 

عرض البوم صور سر الخلود   رد مع اقتباس

قديم 01-08-10, 03:48 PM   المشاركة رقم: 2
المعلومات
الكاتب:
اللقب:
ليلاس متالق


البيانات
التسجيل: May 2007
العضوية: 28460
المشاركات: 50
الجنس أنثى
معدل التقييم: سر الخلود عضو بحاجه الى تحسين وضعه
نقاط التقييم: 21

االدولة
البلدBahrain
 
مدونتي

 

الإتصالات
الحالة:
سر الخلود غير متواجد حالياً
وسائل الإتصال:

كاتب الموضوع : سر الخلود المنتدى : القصص المكتمله
افتراضي

 

القصة بعنوان " أخيراً صرت مجنونك ".... للكاتبة مشاعر حزن


الجزء الثالث ..!!!!

ابتسمت لما هيا ومريم وصلوا لبيت جدتهم .. صحيح انها ما تعرفهم من فترة طويله لكن تحس براحة كبيرة معاهم ومع هيا خصوصا
كلها دقايق وتجمعوا كل البنات الي جلسوا فوق في الصاله الفوقية بعد الغدا لأن الشباب قرروا يجلسون تحت مع الامهات ..
دانه بملل : انتوا العادة شتسون ..!
ريم : اممممم نسوي وايد اشياء .. العادة بالليل نطلع مع بعض
مريم : وبالنهار ممكن نسولف ولانستهبل على اليهال .
العنود تضحك : شرايكم نسوي مثل ذيك المرة
امل بخوف : لا لا اخاف حد يصيدنا .. او يعرفنا من أصواتنا
دانه بحماس : شكلها السالفه فيها أكشن ..
الجوهرة تضحك : دانو توعدينا ما تعلمين احد
ريم: لا لا دنو تربيتي لا تحاتين
دانه بعصبية : ريموو عقلي .. مستحيل أعلم حد يله قولو
العنود: شوفي الحين الساعه 2 .. باقي نص ساعه على نهاية برنامج فوزية الدريع
دانه : هاا !!؟
ريم: دوينه .. هاي وحدة يحطونها ع الراي . هاي قناه تلفزيونية لا تقولين هاا
الجوهرة: أخر مرة كنا معزومين في بيت ريموو ومن الملل اتصلنا واستهبلنا عليها .. هي في برنامجها تحل قضايا الحب !!
دانه تضحك : يعني الفتوا لها قصص حب
ريم : الا قولي استهبلنا عليها
هيا بحماس : خل نتصل ..!
الجوهرة : انا أول وحدة !!
مريم: وانا بعدك..
هيا: طيب لأن دانو اول مرة تسويها هي راح تكون ثالث وحدة !!
دانه بحماس : يس يس ودي اهبل في احد ..!
كلها دقايق ومسكت العنود الجوال واتصلت بالرقم المحفوظ عندها .وسلمت الجوال للجوهرة الي كانت تنتظر
الجوهرة بهمس : بعد اشوي بيحطوني ع الهواء
امل: تمام اليوم حطوكم على طول بعد هواشنا ذيك المرة
ريم : احسن احسن .. أجل يحطونا ع الانتظار نص ساعه .. تراها مكالمه دوليه مو لعبة
الجوهرة بهمس : بنات بنات دوري .. دوري
فوزية : الوو هلا يا عيوني ..
الجوهرة وهي تغير صوتها وتخليه انعم . : خالتي فوزية
فوزية : ويييي يا حلو خالتي على لسانج .. امري يا عيوني
الجوهرة : انا عمري 14 سنه . وبابا يبي يزوجني بالغصب
فوزية : ويي يا عيوني .. كل شيء بالغصب الا الزواج ما يصير ما يصير .. وانتي صغيرة يا يمه 14 سنه
الجوهرة : المشكله إن خطيبي في الاربعين .. ومتزوج وعنده بنت كبري .. هي معاي بالمدرسة على فكرة
فوزية : ويي يا عيوني بعد
الجوهرة: وش اسوي الحين
فوزية : والله مشكلتج ماهي هينه يا بنيتي .. هذا حال اغلب الاباء .. يبيعون بناتهم لكن ابوك اكيد له وجهه نظر .. شوفي أبيك تحاولين تقنعين البنت ان مالك ذنب بزاوجك من أبوها .. واذا قدرتي اقنعي ابوك يرفض هالزواج .. ودخلي عمك خالك .. اخوك اي أحد بالموضوع .. انتي اصغيرة يا عيوني .. بيني لهم انك مو راعية زواج .. بس اذا انجبرتي وتزوجتي استسلمي يمكن خير لك ..
الجوهرة: مشكورة يا خالتي .. مشكوة .. خلاص اشوف ان شاء الله !!
كلها دقيق وسكرت الخط وكل البنات ما توا ضحك .. .. .. مريم تضحك : انا انا ..
هيا : جربي اتصلي من جوالي .. عشان ما يشوفون نفس الرقم دام جوجو توها متصله ..
اتصلت مريم وكلها 5 دقايق وكانت تتكلم ع الهواء ..
مريم: حياتي أنا قصتي قصة ..
فزية : امري يا عيوني ..
مريم: انا أحب
فوزية : ومن متى الحب كان عيب .. المهم ما يؤدي الى الغلط
مريم : انا خايفة .. اغلط .. خايفة اخاف .
فوزية : يا عيوني كم عمرك
مريم: 17 سنه
فوزية : مخطوبة ولا متزوجه
مريم: لا عانس
ريم : الله يفشلج في وحدة تقول انها عانس ع التلفزيون
مريم تهمس لها :مب احسن من عزباااء
فوزية : شنهي المشكله يا عيوني
مريم: انا احب واحد يشتغل عند أبوي .
فوزية : الشغل عمره ما كان عيب .. الشغل
مريم تقاطعها : هو سايق عندنا..
فوزية باندهاش : سايق
مريم تسوي نفسها تبكي .: اي يعني سواق يعني دريول .. اسمه كاني
فوزية : لا يا عيوني ما في اي توافق .. لا أجتماعي ولا اقتصادي ولا أي حاجة
مريم:لا تقولين ابتعدي ترا انتحر .. احبه .. أحبة
سكرت الخط فجاه وانفجرت ضحك ..
أمل تضحك : ليه سكرتي الخط ..
مريم: فلست ابوي .. سنه تتكلم
أمل بخبث : الحين دور دانه ( وقالتها بدلع(
دانه بحماس : يس يس ..
كلها دقايق وكانت ع الهواء ..
فوزية تستضرف دمها: اليوم ما شاء الله كله بنات قطر
دانه : ما يضحك .. انا عندي مشكله ..
فوزية : شنو يا عيوني
دانه : أنا هلي يبون يزوجوني بالغصب ( وشرحت اغلب تفاصيل زواجها(
فوزية : الزواج ما يكون بالغصب يا بنتي .. أبوك اكيد يبي مصلحتك ومن كلامك فهمت ان الولد من عمرك تقريبا مش كبير وايد حاولي تزرعين حبه في داخلك .. الحب مثل البذرة لازم ينزرع وينروي ..
دانه وهي تبي تصيح : وش اسوي الحين
فوزية : هو شكله مرتب ..
دانه : دانه يس يس من ارتب شباب العائله
فوزية : عليه حركات مغازل ما مغازل
دانه: لا لا
فوزية : يا بنتي حاولي تتقربين منه وتركي عنك الخرابيط .. المهم تتقبلينه نفسيا والحب كلميه وتقربي منه وبتحبينه
دانه " افف والله ما اتخيل نفسي اقرب من هذا ..وحش استغفر الله وحش" : اي اي ان شاء الله .. اسمع نصيحتك


الكل قرروا يطلعون الشباب جلسوا بالمجلس والشياب قرروا يمرون على المزرعه يجلسون اشوي .. ظلو جاسم وخليفة مع الحريم .. ..
كان ماسك الرموت كنترول ويشوف القنوات الموجودة .. شاف الراي وكانوا حاطين برنامج فوزيه الدريع حط على القناه اشوي .. يغير جو ويضحك على سوالف الناس
سمع صوت حس نفسه يعرفة التفت على فهد ولف وجهه له وكلمه بهدوء وبصوت واطي
علشان محد يسمع ..
جاسم : اسمع بالتلفزيون .. تعرف صوت الي تتكلم وتقول انها حنان من قطر
فهد سكت اشوي يسمع وكلها دقايق وشهق ..
فهد : مب كأنه صوت دانو ..
جاسم بصوت واطي : طيب اسكت لا تفضحنا
فهد : شراح تسوي
جاسم: شوف البنات فوق .. ابيك تركب فوق بسرعه ومن دون لاحد يحس وتشوفهم شيسون
فهد : خلاص ان شاء الله
كلها دقيق وصعد فوق ورجع وهو يضحك
نور : شفيك فهد .. شكلك مب طبيعي
فهد: لا لا سر بيني وبين عمي ..!
جاسم وهو قايم : فهد تعال معاي برا
طلعوا للمجلس الخارجي وفهد لحد الحين يضحك ..
جاسم بعصبية : ممكن تفهمني شفيك
فهد: الاغبية .. ما كان عندهم شيء يسونه .. 3 منهم اتصلوا على هالبرنامج البايخ يستهبلون عليه
جاسم بهتمام : والاخيرة دانه
فهد: اي اي .. وريم كانت تهاوشها اخذتها وودتها غرفة العنود وهاوشتها ..
جاسم " يعني الي كنت متوقعه صح .. والله لا اوريج يا دوين .. واخليك تكرهيني غصب .. نشوف شراح تسوين "
فهد : عمي شفيك
جاسم: لا سلامتك حبيبي .. روح داخل ..
فهد : طيب تامر على شيء ..
جاسم : اي .. روح داخل وشوف اذا البنات راح يطلعون ولا لا .. وقولي
فهد " ودي افهم وش سالفتك .. بس مصيري راح افهم .. شكلك وراكم قصة انت ودانو "
.................................................. .....


العنود : بنات ما ودكم تطلعون !!
دانه : ليش في مكان تروحونه غير بيوت بعض ..!
ريم تضحك : تراك ماخذة فكرة مب حلوة عن الدوحة..
دانه : وش اسوي من يوم ما جيت ما رحت الا مرة الموفن بيك ومرة تمشيت مع طلال .. وبس !!
الجوهرة : خلاص وش رايك نوديج الاند ..!
دانه : وش ذا
أمل تضحك : وقلبتي بدوية بعد .. الله يرحم ايام ياااي ..
دانه " اووف وبعدين مع هالبنت "
هيا : هاي مجمع .. واحلى ما فيه انه قريب من البيت !!
دانه : المهم يكون كبير . تصدقون من يوم ما جيت ما سويت شوبينج ..! شنو المحلات الي فيه قوتشي .. جيفينشي !!
مريم : لا لا محلات عاديه تبين تروحين هالمحلات روحي اللؤلؤة ولا فيلاجيو ..!
العنود: وجيفيينشي له فرع بالمول بعد ..!
دانه : خلاص مب مشكله باروح معاكم ..
مريم وهي طالعه من غرفة أمل : انا باروح تحت اكلم الامهات !!
ريم : باجي معاج ..
نزلت تحت بسرعه .. تحس نفسها تمللت من البيت وودها تطلع شافت جاسم تحت جالس مع جدته ..! وما في غيرهم ..!
ريم وهي تتكلم بسرعه : جدتي وين الناس !!
أم محمد : راحوا العزا !!
مريم الي توها نازله من فوق وهي مستغربة من حال ريم .
مريم : جدتي احنا نبي نطلع .!.
جاسم : اطلعوا !!
ريم : وانت شدخلك !!
جاسم : من بيطلع !!
ريم : كلنا ..!
جاسم " فرصة انفذ خطتي .. إن ما خليتك تندمين انك قلتي مشكلتنا ع التلفزيون وقدام بنات عمك ..! اوريك لا وتقول وسيم بس ما ابيه مو عاجبني .. اوريك الي مو عاجبك والله تشوفين .. "
جاسم : ريم .. وين بتروحون !!
ريم : ما ادري !!
جاسم " مالي الا فهود " .
ريم : اوك ديدة انا باروح فوق ..!
طلعت فوق وهي تركض ومو مرتاحة لحركه جاسم .. أكيد وراه شيء !!
أما جاسم الي اتصل في فهد وقاله يروح للبنات يشوف وين بيطلعون !!
فهد : دنوو !!
دانه الي كانت تلبس شيلتها " الطرحة " ..
دانه : هاا !!
فهد : اشوفك طالعه وين بتروحون ..
ريم بعصبية : وش فيك انت وجاسم ..
دانه : وش دخل جاسم ..
ريم : ما ادري عنه يسال اسئله ما ادري اشلون تحت واكيد مرسل هذا ( وتاشر على فهد) ويبي يعرف شالموضوع ..
دانه بعصبية : وعمك بس كله كذا .. والله يقهر
فهد : انتي ليش معصبة عليه هذا وهو خطيبك ..!
ريم : مالك دخل .. وبنروح الاند عندك شيء ثاني ..!
فهد : اي عندي باب رقم كم بتنزلون ( وجلس يضحك )
ريم بعصبية : قول لجاسم مالك دخل
دانه: شدخل جاسم ..
ريم : لا لا ولا شيء !! بنروح مع كاني بس اذلف
نزل بسرعه وقال لجاسم وهو وده يعرف جاسم على شنو ناوي طلع من البيت والموضوع شاغل باله .. أما جاسم راح واخذ الشاص " البيك آب " وراح لبيتهم وغير ملابسة وركب الشاص وانطلق للاند مارك
..................................................


- اقول جسوم ترانا جالسين نلعب بليارد ما راح تجينا ..!
جاسم : لا لا عزيز .. انا مشغول الحين !!
عبد العزيز : خلاص على راحتك .. في امان الله ..
سكر التلفون وبدى يراقب الطريق وهو متفشل من شكله أول مرة يطلع بهالمنظر العادة يكون رزة وكشخة بس كل شيء يهون في سبيل انه يتخلص منها ..! وفي سبيل انه يأدبها على الحركه الي سوتها قدام بنات عمتها ..!
كان لابس بنطلون برمودا اسود وتي شيرت بنفسجي !! ومسوي شعرة سبايكي .. جلس سنه وهو يحط جل بالشعر لحد ما تعدل ..!
جاسم " الله ياخذج يا دانو .. ولا حد يصدق ان أنا اسوي كذا .. بس احسن عشان تتعلم .. اوريها قدام بنات عمي .. ان ما احرجتها عشان تعرف اشلون تطلع اسرارها قدام الغرب "
شاف سيارة كاني من بعيد وشاف البنات وهم ينزلون من السيارة ..! ودخلو للمجمع حمد ربه ان الساعه الحين 3 والمجمع فاضي .. مستحيل حد يروح الاند 3 الظهر ..
دخل للاند وراهم على طول وتوجه لهاقنديز .. هو عارف الجوهرة مستحيل تشوف هاقنديز وتقاوم انها تشتري منه ايس كريم ..!
جلس على الطاوله الي قدام الكاونتر .. لانهم اكيد راح يتوجهون للكاونتر عشان يطلبون ايس كريم ..!

جاسم بصوت عالي و يصفق عشان يلفت نظر البنات الي جاين من بعيد طبعا البنات توزعو بس ظلو ريم ودانه والجوهرة مع بعض والباقي راحو لوجوه .. والاند كان شبة فاضي الا من كم شخص اجنبي يدورون ..
جاسم بصوت عالي : يو يو يو .. ابي كوفي !!
ضحك القرسون على شكله وراح يسوي له تركش كوفي أما جاسم حس انه منحرج من الحركه حتى ببريطانيا الي ما حد يعرفه فيها هناك مستحيل يطلع من البيت هو بهالشكل .. حتى بالشاليه ما يكون مو مرتب كذا !!

ريم تشهق وتكلم الجوهرة بصوت واطي : موجو !!
الجوهرة الي كانت تبي تدخل مانغو .. : ها اشتبين !!
ريم: شوفي هاقنديز !!
الجوهرة بصوت حالم : ليش اشوفه وهو في قلبي وبروحي !!
دانه تضحك : الي يسمع يقول تتكلم عن كاني مو هاقنديز !!
الجوهرة تكملل التمثيليه : وه بس يا زين كاني !!
ريم بعصبية : شوفو الرجال الي جالس مو جاسم !!
دانه : اووف وهذا وين ما اروح جايبين لي سيرته !!
الجوهرة : دانه تراه اخوي .. ( وتلتفت ناحية ما تاشر ريم وشهقت اول ما شافت الرجال الي اول ما لمحهم سوا لهم باي باي من بعيد(
ريم " الله يفضحك على هالعمله .. وانا اقول ليه مهتم .. بس ليه يسوي هالحركه .. "
الجوهرة " عمري ما شفت احد يسوي كل هاي عشان ما يتزوج .. والله دانو تجنن حرام عليه " دانه " ووع وش هالوجه !! مسوي سبايكي بعد ما يدري ان موضته طاحت .. بس اكيد يستهبل .. انا شايفة جاسم ببريطانيا عمره ما لبس كذا طول عمره شيك .. اكيد وراه سر .. بس والله اوريه .. يع شكله مقرف .. "
دانه : وش رايكم نروح له ..
ريم " ودي اعرف وش الي تخططون له "
الجوهرة " حسبي الله عليك يا جسوم فشلتنا .. "
الجوهرة وهي تسوي نفسها عادي : طيب يله !!
قربوا منه وريم والجوهرة يشوفونه بنظرات توعد .
جاسم وهو يضحك : يو يو يو اخباركم بنات ..
ريم : تمام .. وش هالصدفه الحلوة
جاسم : مواعد وحدة ( ويسوي نفسه غلط ويبي يعدل غلطته بالكلام) واحد من الشباب حياكم ..!
دانه " جد ما يستحي .. الله يهداك يا يبة الي رميتني لشخص مثل هذا .. "
الجوهرة " صاحي ذي كل هاي عشان يفسخ الخطوبة "
.................................................. ..........


اففف الله يهداهم متى راح يجون .. الكل راح القاعه الجوهرة امي نور حتى يدتي راحت .. افف هذي ريمو متى بتمر علي .. ولا كأنها صاحبه الحفله .. كانت دانه بالبيت قاعدة تتجهز .. هي اساسا كانت متفقة ويا ريم انها تروح الحفله وياها .. وريم تأخرت عشان تاخذ روب التخرج .. اكيد تسألون حفله شنو هاي .. الله يسلمكم ريم توها مسوية حفله تخرج من ثالث ثانوي لان النتايج طلعت وسوت الحفله في الماريوت هوتيل .. ما وعت الا جوالها كان يرن .. ردت عليه بسرعه !
- الووو ..
- هلا دانوو ,, انزلي بسرعه يله .. تأخرنا
- انا جاهزة ولابسة عباتي الحين باطلع ..

غطت وجها لانها كانت متمكيجة وطلعت .. قربت من السيارة بس انتبهت ان ريم قاعدة جدام .. بس طلال وخالد مسافرين .. منو الي يسوق !! معقوله يكون هو !!!!!!!!!!
قربت من السيارة اكثر وشافته .. اي هووووو !! ما قدرت تستحمل ورجعت مره ثانية .. انا مستحيل اركب وياه .. افف وشيبي هذا َ!
نزلت ريم من السيارة ..
- انتي وش بلاج !
- منو الي جايبج !
- خطيبج يعني ما عرفتيه ..
- افففف اففف منج " وهي تصارخ " شنو .. اقول روحي بروحج !
- وين اروح بروحي ! دانو لا تحرجيني .. والله ترجيته لين ما رضى
- وشفيه السايق ليش ما يودينا هو !
- انتي تبين ابوي يكسر راسي .. اشلون اركب بالليل مع دريول .. اقول اعقلي وتعالي .. ترى بيقول انج خايفة ومنحرجة !
- وشو وشو وشو .. انا اخاف من هذا .. يولي
- استحي على ويهج هذا خطيبج .. يله حبيبتي ركبي !

ما بغت توافق .. بس اخيرا رضت ..دخلت وهي تتأفف وسكرت الباب بقو ..
جاسم بخاطرة " اخيرا دخلو السيارة ما بغو ذبحوني وانا انطر "
جاسم " هذة شكلها من البداية مو طايقتني " : يا بنت العم الناس يسلمون بالاول
دانه" هذا شنو ما يفهم اني ما ابيه .. يا رب يفهم ويكنسل" : ما انتبهت ! السلام ..
كانت ريم جدام عند جاسم .. فقربت دانه منها اشوي وسألتها بصوت واطي عن مكان القاعه اذا قريبة ولا بعيدة .. خبركم هالبنت ما تدل مكان ! جاسم ضحك من تصرفها بس سوا نفسه مو هامه ..
جاسم: شتقولون ..
دانه: وانت شدخلك .. لقافة هو !
جاسم " وهذة بعدين معاها .. انا غلطان الي قلت دلوعه .. اقصد دفاشة " : مشكورة يجي منك اكثر يا بنت العم ..
دانه: ولو العفو متى ما بغيت زفه محترمه حياك ..
جاسم " هذة كله معصبة .. بس انا ليش اسكت لها ..في لندن كنت ما اخلى الكلمه النهائية لها " رن جوال دانه بهاللحظة .. انتبهت ان المتصله هي سهر !! كان ودها ترد لانها مشتاقه لها حيل ولكن قررت انها تسكت .. لان اكيد جاسم مستحيل يفوت الفرصة وما يعلق ..
ريم: منوو
دانه: سفااانه !!
جاسم: الحمد لله انج ما رديتي
دانه: وانت وش خلك !! انتبه للسواقه اخاف تودينا في داهيه !!
جاس: اقول ولا كلمه .. تحمدين ربك مركبك سيارتي .. الحمد لله والشكر .. عالم ما تفهم

وصلو القاعه اخيرا .. القاعه كانت بعيدة عنهم ولكن جاسم كان يسوق بسرعه .. كان ودة يفتك منها بس .. لسانها طويل وما قدر يستحملها .. بس الحق ينقال تضحك .. تضحك وايد ! لازم اراويها العين الحمرة من اول يوم .. الوعد قدام يا دانوا !
اول ما وصلو القاعه ..

ريم: جاسم .. ان شاء الله بتجي تاخذني ولا ..
دانه: ليش يجي .. الله يخلي السواق !
جاسم: اقول عنادا فيج باجي .. وانتي ما بتركبين الا وياي ..
دانه" بعصبيه " : شنو .. لو اخذ لي بيك آب " شاص" ، ما ركبت وياك .. ان شاء الله اقعد بالشنطة ..
جاسم: خلاص عيل .. راويني وين بتركبين .. اي ريموو متى ما خلصتوا دقي .. ما يصير تركبون بروحكم ويا دريول (( وطبعا طالع دانو بنظرة قاتله .. دانه مشت عنه بسرعه .. بس ريم انتظرت اشوي )) ريم !
ريم: هلا
جاسم : ولي سلمج لا تخلينها تركب وياي
ريم: الي يسمع يقول هي ميته عليك !
جاسم: هههههه لا بس ما بيكون لي خلق اتهاوش اخر الليل ابي ارتاح .. وواذا قدرتي تستغنين عن خدماتي يكون احسن !
ريم: ههههه لا تحاول ..
جاسم: افاا يا اعز بنات ابوي انتي
ريم: طبعا اعز هو في غيري .. جسووم بالحق على خطيبتك المجنونه .. تراها هبله وممكن تسوي بنفسها شيء !!
جاسم: يا ريت والله !!
ضحكت ريم على كلامه .. ومشت وراها بسرعه !!

دخلت القاعه ولقت دانه بانتظارها عند مكان تفتيش الشنط .. خبركم المكان الي ياخذون منه جواويلنا ..!
دانه: شيقول !
ريم " باستهزاء" : يقول خالتج ذي انا حبيتها .. لازم تركب ويانا بالليل !
دانه" بعصبيه ": يخسي !
ريم" تتكلم بجد": هيييي .. هذا عمي .. وانتي تعالي ما تقدرين تقضبين لسانج جدام الريال .. عيـــــــــــــــب .. عيـــــــــــــــــب !!
دانه : اقول ولا كلمه .. لا تخربين هالليله بكلام عن عمك المحترم .. مب المفروض تروحين الغرفة تتعدلين !!
ريم: الا !!
دانه: خلاص عيل .. اشوفك بعدين !!
ريم: بايي .. الا دانوو
دانه: هلا !!
ريم: استحي ادخل
دانه: شنو .. وهذا وقته تتكلمين !! وش اسوي يعني ادخل مكانك !!
ريم: اخاف اطيح على وجهي
دانه: لا تحاتين .. اعتبريها برفه للزواج !!
ضحكت على كلام دانه بس قررت تفكر بالموضوع صج .. هاي تدريب عشان لما تتزوج !!


قام من النوم وهو مكتئب .. خلاص ما بقى على العرس غير اسبوع .. نزل تحت وشاف العائله كلها متجمعه على الغدا !!
خالد: تو الناس .. كان ما جيت تتغدى
جاسم: اقول اسكت ولا كلمه !! مب ناقصك انا !!
بو عبدالله :اتركه اتركه .. دووم المزاج قبل العرس يكون زقت كذا !!
اشوي ولا يشوفون الجوهرة تركض .. وتلبس عباتها !!
ام عبدالله : على وين يا الجوهرة !!
الجوهرة: ريم اتصلت وتقول راح يتغدوون كلهم عند دانو اليوم ؟؟ مزاجها متعكر قبل العرس
جاسم " بعصبية": وانا وين ما روح تجيبون لي سيرتها .. وذي ام لسانين ليش مزاجها متعكر يحصلها تاخذ جاسم بن محمد !!
خالد: والنعم فيك يا خوي .. ما عليك منها تدلع !! تبي تحرهم ههههههههه
الجوهرة: ويييييي تحرنا !! هههههه .. الا تعالوا شكنتوا تقولون قبل ما اجي
خالد: قررت اتزوج
ام عبدالله " ما صدقت طبعا ": صج
خالد: يس يس .. يله دوري لي عروس !!
ام عبدالله : العروس موجود .. جنا بنت خالك !!
الجوهرة : بل .. الله يعينك يا خوي !!
خالد شهق وهو يشرب الماي .. أما جاسم قعد يضحك عليه !!
خالد: بل .. خلاص خلاص هونت !! ما لقيتوا الا جنا
ام عبدالله: خلاص وش رايك ازوجك لامل بنت عمك !!
الجوهرة: يس يس يا ريت
خالد: مب هاي ام كشه !! الي كانت تركض ورا الحيوانات وتعذبهم !! لا لا طبعا ما ابي اتزوجها
جاسم: ههههههههه عبالك احسن من اخوك .. انا بيزوجوني لوحدة كانت دبة ، شعرها كشة .. هبله !!
الجوهرة: كانت هههههههه متأكد
جاسم: الا ما زالت !! انا من بعد ما شفتها بالحفله فقدت الامل فيها !!
ابو عبدالله: جسوووم اعقل .. هذة بنت عمك !! خطيبتك !! عيب هالكلام
ام عبدالله: محمد وش فيك .. ترا الولد يتغشمر !!
أما جاسم ما حب يطول القعدة أكثر .. ما تمللوا من سيرة بنت العم !! مب كفايه الي صار !!

وكانوا البنات مجتمعين في بيت ابو خليفة " ابراهيم" .. بالتحديد في الصاله الموجودة بالدور الارضي .. صوب بركه السباحة
ريم: اقول ترا ملل .. خل نلعب لعبة !!
دانه بملل: وش تلعبون يعني ..!
الجوهرة: اي شيء نلعب عيون !!
هيا: يس يس
دانه: وش هالاسامي الغريبة ..
مريم : هاي الله يسلمج نجيب اوراق ونكتب في كل ورقة رقم وورقه فيها عيون الي يطلع لها عيون تامر أمر على وحدة الارقام ..
دانه : طيب يله !!
راحت ريم تركض لفوق عشان تجيب معاها أوراق وكلها دقايق الا هي داخله ..
أخذت الجوهرة كل شيء وابتدت تكتب وتوزع الاوراق ..!
أمل بفرح : انا العين انا العين
دانه " الي يسمع يقول حصلت نوبل " بابتسامه : طيب يله اختاري رقم ..!
أمل " يا رب تكونين انتي يا دوين ": امممممممم 2
مريم: اففففففف هاي أنا ..!
أمل: طيب شوفي ابيك تروحين فوق وتجيبين لي ايس كريم لاني ما تغديت عدل ..!
مريم بعصبية : اففففف مالت !!
ريم : يله من جديد ..
الجوهرة : انا العين انا العين
دانه: اي رقم
الجوهرة: 4
ريم: ميييييييييي
الجوهرة: ابيك تروحين فوق .. وتجيبين اي خدامه هندية تشوفينها ومري على بيت جدتي لانه ملاصق في بيت دانو ...
هيا: وباقي البيوت ..
الجوهرة: لا حرام بيتين وايد عليها ..
أمل: اساسا اغلب الخدامات يتجموع في بيتنا .. لما ما يكون عندهم شغل ..
صعدت ريم لفوق وهي معصبة على طلب الجوهرة الحين حد يطلب يجيب الشغالات وش بتسوي فيهم تصور معاهم مثلا ..
ريم "مب صاحية ذي .. "
راحت لبيتهم وبدلت عبايتها لان من اشوي حسن وصخها لها وهي طالعه من بيتهم مرت على بيت جدتها .. وشافت جدتها تطالع التلفزيون برنامج انجليزي يعلم الطباخ وهي تسوي نفسها فاهمه ..
ريم " اي هين .. لو فهمتي كلمه وحدة يصير خير "
مرت للمطبخ .. ولقت الشغلات مجتمعين ولا لقيت غيرثلاث هنديات في المطبخ
ريم تكذبت عليهم: مدام جوهرة يبي يعطي انتي فلوس
ماكذبو خبر وراحو معاها ومرت على بيت ابراهيم وراحت للمطبخ وشافت ثنتين خدامه بيتهم وحدة مالت بيت عمها ..!
واخذتهم معاها وهي طالعه شافت شغاله حسن .. كانت شاكه انها هندية لكن ما تعرف جنسيتها بالضبط .. بس قررت تاخذها معاها وتشوف ..
وراحت تحت للبنات والخدم الست يمشون وراها .. واشوي ولا تلحقها مريم الي كانت رايحة تجيب ايس كريم لأمل ..
وصلت لتحت وراحت جلست جنب دانه وتلفت على الجوهرة ..
ريم: اشبعي بهم ..
أما الجوهرة على طول راحت جلست على الدرج وتشوف الخدامات ومعاها ورقه وقلم ..
الجوهرة : يله كول واهد يجي يقول اسم هادا فيلم جين .. فيه شاروخان وسلمان علي وايشوريا ويجلسون الخدم يتكلمون والجوهرة تكتب وتحاول تسكتهم عشان تكتب الي قالوه .. ودانه تطالعهم وهي منصدمه ..
ريم تلتفت على دانه : ترا جوجو تموت بالافلام الهندية ..
دانه تضحك : اي لاحظت ..
اشوي ولا تجي الشغاله الي كانت ريم شاكه فيها وأول ما شافتها الجوهرة .. مسكت الخيزران مالت جدتها وقالت لها اطلعي برا بصوت عالي .! وجلست الشغاله تتحلطم ليه ليه مشكله مشكله
الجوهرة :انا كلام هندي مافي كلا اثيوبي يالله اذلفي
الشغاله لأثيوبيه وهي رايحة :في في فيلم
الجوهرة :انتو اصلان يالله لاقين تكلون عشان تخرجون افلام يالله طسي اذلفي عن وجي بسرعه .. فاضيت لك انا ..!
وراحت الشغاله وهي تتحلطم
الجوهر:: انا قلت لج جيبي الهنود .. ريمي ليش جبتي اثيوبيه ..
ريم: جبت خمس هنود وعطوني الاثيوبية ببلاش ..!
الكل : هههههههههههه
امل: اقول نكمل لعب ..!
ريم: يله ..
بدو يكملون اللعبه ويسولفون مع بعض ..
العنود : واووووو فله اخيرا بيكون في عرس !
ريم: ههههه وانتي هالحفله اتسمينها عرس .. دانوا انا لحد الحين مو مستوعبة انج رافضة اتسوين عرس ..
الجوهرة : اي والله .. معنج تموتين ع الحفلات .. انتي حفله تخرجج من الثانوية سويتها كبيرة وايد ..وعرسج ما تبين حفله عودة .. والله انج غريبة !
دانه " وهي مو طايقتهم " : اقول الي صار صار .. والعرس باقي علية اسبوع .. وملابس الحمد لله خذينا كل شيء .. والعرس عرسي مو عرسكم .. فبليز خلوني في حالي !
شوق: بس دانوو كل ثيابنا جاهزة .. احس فستاني مال حفله ريمو احلى من فستان عرسج !
ريم: هههههه انتي الهبله .. الحمد لله انا حق حفله تخرجي كنت مفصله فستانين كأني كنت حاسه !
هيا: اسكتي يم احساس انتي .. حتى فستاني انا حلو ..
ريم: بس كلكم فساتينكم جاهزة .. حتى العروس فستانها جاهز
امل: هههههه بالله عليكم قط سمعتوا عروس وفستانها جاهز !
دانه " بعصبية " : وانتوا شدخلكم .. وبعدين فستاني جاهز اي بس مو من الدوحة .. اخترته من كتلوج .. وحمووود جابة معاه من لبنان ولا نسيتوا ّ!
العنود: دودو لا تعصبين !
دانه : اقول انا رايحة داري ...راحت قبل لا تنتظر ردهم حتى .. الكل طالعها باستغراب
الجوهرة: انا اخبر العروس يوم عرسها تكون فرحانه والدنيا مو شايلتها وهاي باقي على عرسها اسبوع وهي على هالحال ..
ريم" والله فشلتينه يا دوينه " : اعصابها تعبانه .. خليها !
راحت غرفتها وهي تصيح خلاص ما بقى شيء .. اشوي واصير زوجته .. يا ربي وشهالوهقه.
ـ---------------------------------------


كانوا قاعدين في الميلس .. خلا الميلس الا منهم اهمه الاثنين الكل راح بيت جدهم العوود .. عشان الملكه ..
خالد: يا ابن الحلال .. رووح .. انت مب صاحي تبي اتفشل ابوك
جاسم: قلت لك الف مرة .. هالزواج مستحيل ايتم .. مستحيل !!
خالد: يا ابن الحلال .. فضحتونا .. عشان ابوك بس .. وان شاء الله بتسعدون ويا بعض ..
جاسم: يا اخي انا هالبنت مو رايدها .. ما وعينا يومين من الخطبة الا ابوي جدم الملكه والعرس وخلاهم نفس اليوم .. احس اني بلعبة ابوي ويدتي ايخططون على كيفهم
خالد: ههههههههههههه هو خايف اتغير رايك ..
جاسم: خل اوافق بالاول .. انا قلت لابوي بأحضر الخطبة عشان عمي .. ما ارضى له الفشيله بس بالاقي سبب وباكنسل كل شيء الله يهداه ما عطاني فرصة
خالد: انا ادري اشكثر اتحب عمك بس شوف تعتقد عمك يرضاها على بنته ، انت بنفسك قلت ان دانه دلوعه ابوها .. ما ينرفض لها طلب .. انزين فكر في كلام الناس اشراح ايقولن عنها ولد عمها تركها قبل الملجة بساعه .. يا خوي الدوحة صغيرة وبسرعه ينتشر الخبر
" يرن تلفون جاسم"
خالد: منو
جاسم: هذا طلال ... هلا طلال
طلال: انت وينك في
جاسم : بالبيت ليش ..
طلال: اقول يله تعال .. الملاج بيوصل بعد اشوي .. لا تفظحنا
جاسم: سم طال عمرك .. ابدل واجيكم
خالد: هههههههههههههههههههههه الي يشوف ويهك وانت اتكلمه
جاسم: لا تنسى انه رفيجي وولد اخوي ، ما ابي اخسرة عشان سالفه مثل هاي .. كلنا ندري اشلون هي قريبة منه .. وحتى احمد دانه تصير اخته وما ودي ازعله على سالفه ما تسوى
خالد: الا احمد وينه .. والله صار لي اكثر من اسبوعين ما شفته
جاسم: اكيد مشغول مع الشغل .. شركته في بدايتها ! وسعود نفس الشيء ما ينشاف ! امس زرت عمتي وكانت تشتكي منه ..

اعتقد حان الوقت اني اعرفكم على العمه !
اسمها شريفة " ام سعود " .. متزوجة .. هي اكبر من عمهم راشد ب3 سنين تقريبا ..
" بو سعود " : يشتغل مع اهله بشركتهم الخاصة .. كان يتمنى ولده الوحيد سعود يمسك الشغل من بعده بس سعود رفض يشتغل مع عمامه .. وحتى يوم خواله اقترحوا عليه يشتغل معاهم رفض وفضل يفتح شركته مع احمد ولد خاله .
سعود : عمره 26 .. قريب وايد من احمد .. من سنه فتح شركه خاصة مع ولد خاله .. رفض انه يشتغل مع ابوه وعمامه .. لان في مشاكل كثيرة بينه وبين عيال عمه .. اول ما خلص دراسه اشتغل مع خواله فترة وبعدين فتح شركته مع احمد ..
هيا : 20 سنه عمرها .. تخصص اعلام جامعه قطر .. ثاني سنه جامعه مع باقي البنات .. علاقتها قويه معاهم بشكل كبير ..
مريم : اخر العنقود .. عمرها 17 سنه كبر العنود .. رايحة ثالث ثانوي يعني .. وعلاقتهم قويه مع العلم ان كل وحدة في مدرسة بحكم المسافه الي بين بيتهم ..
--------------------------------------------



- ليك تؤبريني شو هالجمال .. طالعه ملاك اليوم
دانه: تسلمين نادين ..
نادين: ليك .. لشو هالدموع , خليني اشتغل
ريم: هاااااااااي ..
دانه (( وهي خلاص مو عارفه تبتسم والسبه حالتها النفسية الصعبة)): ريموووووو انا هبله ليش وافقت
ريم: ههههههههه ادري انج هبله من زمان .. شفيج ترى عمي ما يعض ..
دانه: اقول انطمي .. انتي عبالج انا موافقة ع العرس افففففففف .. انا ما وافقت الا عشان ابوي .. ما ودي يتفشل جدام الناس ..
ريم: اوكي .. هاي كله مو مهم المهم انج موافقة .. يعني سوي نفسج مستانسة ترى هاليوم ما راح يتكرر ، مو كفاية انج بطيتي جبدنا يوم قلتي ان ما تبين عرس ..
دانه: اية عرس ما بي .. العروس لازم اتكون مستانسة مقتنعه .. مو مغصوبة .. راح ايبين علي كل شيء ما ابي ..
ريم: اموت واعرف ليش مو عاجبج .. املوووووو تحت بتموت من الحرة
دانه: تبية خل تاخذة
ريم: ههههههههههههه ما تقول لاء ..
دانه: ريموووووو ... ايصير اغير رايي
ريم: تبين تفضحينا انتي .. عقلي .. عمي يتخرع بعدين .. دانوو يا الدبة باشتاقلج ..
دانه: اف .. اف .. اف .. اف ..
ريم: اشفيج .. عمري ما شفت عرووس تتأفف يوم عرسها هههههههههههههه والله انج اتضحكين
دانه: انتي شنو ما تقدرين مشاعر الغير ..
الجوهرة: هاي بنت اخوي ومرت اخوي الثاني
ريم: هاين عمتي ههههههههههه
الجوهرة: ليك تؤبريني .. ليش هالدموع
دانه: الجوهرة،انتي بتسكتين ولا اشلون ..
الجوهرة: بل بل التوتر ايسوي هاي كله .. عيل ريمو الله يعينا
ريم: هههههههههههههههههه
الجوهرة: ترى والله طالعه حلوة بس نادين عدلي مكياجها خربته مع الصياح ..
نادين: شو بدك ياني اعمول فيا .. كل اشوي عم تبكي ..
دانه(( بدت اتعصب)): اقول اطلعوا برع
الجوهرة: هيييييي .. تطردين حماتج .. ان ما علمت جسوم
ريم جاتها الضحكه .. عيل لو تدري ان دانه رافضته اشبتسوي .. بس هالاثنين امرهم عجيب والله .. كل واحد رافض الثاني .. مع اني مستعدة احلف انهم يتشابهون باشياء كثيرة .. نفس الذوق في الاغاني .. الاكل .. الافلام .. في كل شيء .. اي شيء تساله لجاسم وبعد فترة تاخذ راي دانه .. اغلب الاحيان ايكون نفس الراي .. ما ادري ليش رافضين بعض .. والله ان امرهم عجيب ..
الجوهرة: الا قوليلي .. انتي شسالفتج بالضبط .. ما تبين عرس .. والحين قاعدة اتصيحين .. ما تبين طقطقة واكتفينا بالدي جي
دانه: بتسكتين ولا اشلون
الجوهرة: الحمد لله فستانج طلع حلو ..
ريم: شعبالج تراه ذوق الوالدة .. ولا لو خلينا كل شيء لدانوا عز الله ما في عرس
الجوهرة: بعد حركاتها .. والله خفت لا تسويها وتنزل لنا ببجامه
ريم: ههههههههههههههه اتخيل ..
دانه(وهي خلاص بدت تفقد اعصابها): جوجو .. منو تحت ..
الجوهرة: يدتي .. بنات عمي راشد اي وعمتي شريفة
ريم: ويت ويت .. الا ليش ما جو فوق ..
الجوهرة: العنود بغت اتجي .. بس ما حبت اتخلي املو بروحها . ومريم وهيا تاخروا بالصالون الا اكمل امج .. امي .. ام دانو الدبة ههه ، مرت خليفة ,.. بس ما في حد غريب ربع امي وامج .. بس مو وايد ناس .. بس الحمد لله .. المكان طالع رووووووووعه .. صحيح انه موقاعه بس والله طالع احلى من القاعات
(( ما كذبت الجوهرة يوم قالت ان المكان احلى من القاعات بالفعل .. البيت كان منسق ومزين بطريقة حلوة وايد . كفاية لان بيتهم كبير الي يشوفة يقول هذا قصر مو فيله .. يتميز بطابع القصور المصرية القديمه .. الي تشوفونهم بالافلام يعني البيت يمزج بين الكلاسيك والموديرن )) دانه: اي اشوه ..
الجوهرة: يله انا نازله مو حلوة اخت المعرس ومحبوسه فوق هههههههههه
--------------------------



العنود: واو .. المكان طالع ايجنن .. باقول حق خالتي يوم اعرس باسوي حفلتي هني
امل: اففففف انتي على شنو مستانسه
العنود: طنش تعش تنتعش .. انتي ليش معصبة وتتاففين .. اضحكي هذا عرس مو عزى ..
امل: انا قاعدة اضحك .. شوفي بالعكس لازم اضحك عشان ابين احلى وحدة فيهم ..
العنود: وانتي هذا الي هامج ..
امل: يس يس .. عيل اشتتوقعين ..
الجوهرة: ها شرايكم .. المكان طالع تحفة ..
العنود: اية طبعا .. عرس دانه وجاسم تبينه ايكون اي كلام
هيا : بس دانو فديتها ما تبتسم .. الله يهداها بس .. مريوم تضحك وياها وهي ما تعطيها ويه .. عيزت معاها فوق وهي حتى كلام ما تكملت ..
الجوهرة: هههههههههههه عيزنا معاها .. اقول قومي نرقص قبل لا تدش دانوو .. لان بعدها بدقايق بيدخلون جاسم ..
العنود: لا مو حلووووووو ما راح ناخذ راحتنا
الجوهرة: هههههههههه اتكلمي عن عمرج يا ماما
العنود: اوف منج .. قومي قومي ..
--------------------------------


الملاج: بالمبارك
جاسم: الله يبارك فيك يا شيخ ..
بو خليفة: بالمبارك يا ولدي ..
راح ايسلم على عمامه وابوة .. لاحظ فرحة الكل بزواجة بس انت يا جاسم .. فرحان .. متضايق .. زعلان .. ما يدري مو عارف ايحدد شعوره .. هو واثق انه من اليوم بدا حياه جديدة مع وحدة ما تربطه فيها اي علاقه .. شراح ايسوي اشلون راح يتصرف .. تمنى انه يقدر ايروح البحر مرة ثانية .. هو ما يرتاح الا هناك ..
طلال: بالمبارك يا خوي ..
جاسم: الله يبارك فيك ..
طلال: اشفيك .. الي يشوفك ما يقول معرس ....((ووطا صوته عشان محد يسمعه)) انت فيك شيء ..
جاسم: لا سلامتك .. بس متوتر خبرك حياه جديدة ..
طلال: ههههههه الله يهنيك عاد ما وصيك .. دانه مو بس خالتي .. هي اختي الصغيرة بعد ..
جاسم: لا توصي حريص هي بعيوني ..
-------------------------------


دخلت عليها وهي اتيبب .. الف الف الف مبرووك ..
دانه: نور شالسالفه !!
نور: الحمد لله ملجو .. (وقربت منها وهي تحضنها) مبروك حبيبتي .. هههههههه ما تدرين شقد انا فرحانه اليوم .. بنتي الي عرست مو اختي
دانه: هههه فديتج الا وين امي ..
نور: تحت ويا المعازيم ..
مريم: اقول دانوا انا تمللت منج باروح تحت ويا البنات يمكن عيوز تقرر تخطبني

((كانت نور لابسة فستان اسود .. محليها خصوصا مع بشرتها البرونزية .. كان الفستان طويل .. ومفصل على جسمها .. شكله روووووووووعه...اما شعرها بما انه قصير فكانت مسويته متموج الي يشوفها ما يقول عمر بنتها 20 سنه .. بس نور تزوجت وهي صغيرة .
ريم كانت طالعه جنها عروس بفستانها الابيض .. الموديل كلاسيك خصوصا مع خامته الدانتيل ...شعرها طويل مسويه باف خفيف والباقي مموجته طالعه ملاك ..
نروح للجوهرة الي كانت لابسة فستان احمر وهاللون محليها خصوصا ان بشرتها بيضا .. ناعم وبسيط ولاكن طالع حلو عليها خصوصا ان هي عريضة اشوي .. اما شعرها فكانت مسويه تسريحة عادية بس كانت طالعه احلى وحدة بالبنات ((

ابتسمت وهي اتطالع الفرحة بعيون اختها العودة "امها الي ربتها وما فرقت بينها وبين عيالها" ..ردتلها الابتسامه ولكن ابتسامه صفرا اشوي .. هي خايفة اي خايفة .. اشلون راح اتكمل حياتها ..مع واحد ما تحبة ما تعرفه .. عمرها ما شافته ..
طلعت نور وتمت بروحها .. تطالع شكلها .. طالعه حلوة .. طول عمرها وهي تتخيل شكلها وهي عروس بس عمرها ما تخيلت انها بتكون بهالجمال ..
فستانها كان ابيض .. تطريزة ناعم وخفيف وهاي الشيء الي كان زايدها جمال .. كانت بروحها جميله وبشهاده الكل .. شعرها كان مموج .. ومرفوق والي ساعدها شعرها الطويل .. كانت تحب شعرها .. وما تبي اتقصة طول عمرها كانت اتقول انا ما راح اقص شعري الا لم اتزوج .. واليوم تزوجت .. هاي العرس الي حلمت فيه وهي صغيرة ولكن السعادة مفقودة .. ما تدري ليش اتحس بغصة .. بالم بحزن مو عشانها بتفارق اهلها ، لاء لان مصيرها تحدد مع واحد عمرها ما حبته ولا عرفته .
ما عرفت شتسوي .. اتحس فيها الصيحة بس ما ودها حد ايحس بشيء .. ما تبي اتزعل امها وابوها .. هي وافقت وخلاص .. لازم تكتم مشاعرها بقلبها الحين . محد يدري عن طبيعه الحياه الي راح اتعيشها معاه .. بس ما تقدر تتمنى غير انها اتكون سعيدة .. اية سعيدة .. وان شاء الله اختيار ابوها ايصيب ..

دخلت عليها ريم وقطعت حبل افكارها ..
ريم: ها دودو جاهزة ..
دانه: الحين !!!؟
ريم: هههههههه عيل متى .. الساعه 10 وان شاء الله ع الساعه 12 جاسم بيدش .. عشان يمديكم اتروحون المطار يله ..
دانه: ما يصير اتاجلين اشوي .. خل يتاخر ما له داعي اقعد وياه
ريم: خخخخخخخخ اقول بلا هبل .. عشان المصورة يمدي اتصوركم .. يله دودو
قامت وهي خايفة .. ما ارتاحت الا لما مسكت يد ريم .. قربت من الدرج .. الحين لازم تنزل .. الحين زفتها .. الله يستر والله يا خوفي لا اطيح على ويهي صج فشيله

بدت خطواتها مع الشعر الي كان في بداية الزفه .. كان شكلها رهيب وهي نازله .. الكل ما قدر ايقول غير سبحان الله .. غطت عليهم كلهم .. كانت صج عروس .. ومع كلمات راشد الماجد كانت تنزل بهدوء شديد ما توقعت انها ممكن تنزل بهدوء .. توقعت انها بتركض .. تمنت انها تركض وتفتك .. لو سئلها أحد بهاللحظة شنهي اكثر لحظة بغيتيها تنتهي بسرعه بتقول هذة .. كانت خايفة ويدها ترتجف .. وهي تشوف اهلها .. الناس الي تحبهم .. امها وهي تمش دموعها وكانت خالتها "ام جاسم " جنبها .. يسمون في قلبهم عليها .. كانت صج ملاك بهاللحظة ..

نزلت من الدرج الملكي .. وراحت بهدوء للكوشة طبعا اضطرت اتوقف عدة مرات عشان فستانها الطويل وهم عشان المصورة تصورها .. "اف والله سندرتني مع الصور .. ما يسوى علي" , اضطرت اتسوي الحركات الي قالت عليهم وهي من داخلها ودها تزنط المصورة " الله يستر وما تفشلني جدامه ولا صج بادوس في بطنها" .. قعدت على الكوشة بعد ما سلمت على اهلها .. جاتها الصيحة وهي اتشوفهم يرقصون من الفرحة ..امل ،العنود، ريم والجوهرة كلهم بدو يرقصون.

اول ما خلصت الزفه تمنت ترقص وياهم عاد هي عندها الرقص له عشق خاص لكن وين طيري انتي العروس حست بنفسها وهي مو قادرة تمسك ادموعها يوم شافت امها وخالتها يرقصون ، امها عمرها ما رقصت في عرس خوانها ..ما عرفت توصف شعورها بهاللحظة ، شعور حلو انج اتكونين العروس .. اتحسين بمدى حب الكل لج ، مستانسة وزعلانه وبنفس الوقت خايفة .. خايفة وايد .. تبي تنسى .. اتحاول تنسى بس بنفس الوقت مو قادرة .. اي مو قادرة .. اشلون "انسى المعرس .. اففف .. ما ابيه يدخل .. يارب ما يدخل ..ما ابي .. ما ابي .. افففف الله يستر"

مسكت يد الجوهرة بقوة يوم قالولها الحين المعرس بيدخل .. وهي تترجاها انها ما تبعد .. بس صعبة وايد لان خليفة اخوها بيدخل وياهم واحمد بعد. شافت ريم بنظرات توسل .. وقفت جنبها ومسكت يدها طبعا ريم مو محتاجة تتغطى لان عرس عمها وخالتها ما في حد غريب وهاي الشيء الي خلى ريم مستانسة .. وتنتظر عرسها بفارغ الصبر
-----------------------

كانو واقفين برع الرجاجيل ينتظرون الاذن عشان يدخلون كلهم ..
جاسم: خالد خلاص ما له داعي ..
خالد: شنو ما له داعي !! تستهبل انت ..
جاسم: اففففففف ما له داعي ادخل . شوف اشلون زحمه .. حشى كل هذول نسوان
خالد: هههههههههههههههه حسافه اني مب داخل وياكم ..
طلال: اقول يا المعرس بلا كلام فاضي الجوهرة دقت علي اتقول الحين بيبدون الزفه ..
جاسم: عمري ما توقعت اني باتوتر هالكثر
طلال: هههههههههههههه انت متوتر .. والله شكلك يضحك

بدت الزفه .. دشوا الرجاجيل .. كانوا يتوقعون ان العروس حلوة .. بس تفاجأ الكل يوم شافوا المعرس .. حتى هو وسيم .. اية وسيم الله يحفظة ..
ما قدر يوصف شعورة وهو ايطالعها .. عمره ما توقعها بهالحلاة .. هو شايفها من قبل .. بس ما توقعها جي .. كانت بكشة وتركض ورا طلال في الحوش هاي الي يتذكره عنها .. او بالشغل كانت رسمية وايد .. لبسها رسمي ما تتمكيج !عمره ما تخيل انها جميله بهالشكل ..

رفعت عيونها ووقفت وهي مو مستوعبة "الحين هذا ريلي .. هو من ناحية وسيم هو وسيم .. ضحكت على عمرها وهي تتذكر انها كانت تبي واحد اشقر عريض مثل الي تشوفهم برا".. .هذا وسيم .. كانت تشوفه قبل بس ما كان كاشخ .. واول مرة تشوفة بالثوب .. بالثوب احلى احلى بكثير .. حتى بالبدله يكون حلو بس عمرها ما دققت في شكله او تاملته .. اذا حد قالها وصفية كانت بتتردد لانها ببساطه عمرها ما شافته عدل !. بس الوسامه والجمال مو مهم .." اية مو مهم اهم شيء الاخلاق الاسلوب السلوك وانا متاكدة ان جاسم يفتقر حق كل هالسوالف" .. نزلت عيونها وهي تشوف عيون الكل عليها .. كانت صج ميته من الحيا ..

قرب من الكوشة ووصل عندها .. بحركه طبيعية باس جبينها .. هي استغرب من الهاحركه اشوي وتعطية بكس .. بس استحت "قالت فشله جدام الناس" بالمقابل ارفعت راسها .. وابتسمت .. حس فيها انها عصبت مهو ماسك يدها كان مبين انها خايفة وترتجف توقع ان الخوف طبيعي .. كل بنت لازم اتخاف بيوم عرسها بس ما تخيل انها خايفة منه .. ما تبية .. تحتقرة .. تكره ..
كان يدري انها ما تبيية من يوم حفله ريم .. بس توقع انها ممكن تغير رايها .. نفورها منها وضح له كل شيء ..
سلمت على ابوها وعمامها .. شافت الفرحة بعيون الكل خصوصا ابوها .. الي ما يعتبر ان اليوم عرس بنته بس بالعكس اليوم عرس بنته وولدة . هو الي مربي جاسم .. ودايم تمنى انه يزوجة لدانه .. الله يرزقهم بالذرية الصالحة يا رب ..
-------------------------------


كان واقف برع .. شاف وحدة قاعدة اتعدل شعرها ومسكينه مو دارية انهم دخلو المعرس لحد الحين .. مبين عليها متوهقة وهي اتشوف فستانها من تحت ..
- افففففف الله يهداها يدتي .. لازم اتدوس على فستاني يعني .. الحين شاسوي .. اسمع زفة المعرس .. افففففففف .. يعني ما اقدر ادخل القاعه عاد اشلون ادخل وفستاني انشق اففففففف ..
ابتسم وهو يشوفها اتكلم عمرها .. بس استحى على ويهه ومشى عيب يقعد يناظر بالبنت بهالطريقة .. شراح ايقولون عنه .. بس منهي يا رب .. انا هالصوت مو غريب علي .. سامعه من قبل بس وين .. لف ويهه وراح صوب طلال الي طلع من الصاله .. وهو مو قادر ينسى شكلها ..




الجزء الرابع

مشت بهدوء وهي تدعي ربها ان محد ينتبه للفستان .. اوف انا المرة اليايه ما راح اقعد عند يدتي بعرس كلش .. فستاني راح .. افففففففف والله انه كان فضيع ..
امل: العنود ايبين
العنود: شنو
امل: فستاني
العنود :بالله عليج اشلون بيبين وانتي لابسه عباية هااااااا
امل: بعد والله اخاف حد ينتبه ..
هيا: امول عن السخافه الزايدة احنا باخر العرس .. الناس بيمشون بعد اشوي .. لا تقومين من مكانج او تمي بالعباية عادي ترى
امل: تراج اتحرين ..
الجوهرة: شو صبايا
امل: جوجو فستاني ايبين انه مشقوق
الجوهرة: لاء .. يا الدبا محد راح ينتبة لا تسوين قصة
العنود: شفتي
الجوهرة: اوووووووووف احب هالاغنية "كانوا حاطين سلام العشق للوسمي" ما ودكم ترقصوون ..
مريم: واخوج المحترم
الجوهرة: كلها دقيقتين ويتوكل .. احم احم بعدين المكان كله لنا
العنود: اقول سوي الي تبينه بعد ما دانو اتسافر .. مسكينه احس فيها الصيحة
امل: هههههههههه عروس لازم ..
التفتت الجوهرة على الكوشه وهي تبتسم ..
الجوهرة: يحليلها يدتي .. شاقه الحلج
هيا: ههههههههههههههههه مو هي الي مختارة ومسوية كل شيء لازم ..
العنود: هههههههههه بس يحليلهم لايقين على بعض .. فديتها ريموو ما تركت دانوو دقيقة .. لحد الحين ع الكوشه
الجوهرة: دانو بتخليها!؟ حالفه علينا اذا تركناها بتصيح وبتفضحنا
امل والعنود:ههههههههههههههههههههههههههههههه
--------------------------------------


قاعد ايطالعها وهي اتسوي نفسها مشغوله بالخاتم الي مزين اصبعها .. مبين عليها جد مستحية .. حرام اظلمها معاي .. شكلها يرحم والله ..
كانت تتجنب اي نظرة لعيونه .. اتحس نفسها بتصارخ .. يتتهاوش .. مو قادرة تستحمل لحظة وحدة بالمكان ما وعت الا تشوف يده تمسك يدها .. حست بيده باردة بعكس يدها الحارة والي ترتجف .. ارفعت راسها ولا اتشوف هالمصورة .. تبي اتصور .. " افففففففف في حد شكله بينذبح اليوم "
جاسم: خخخخخخ شفيج عصبتي .. ما يسوى علينا كل هذة حيا
" سكتت واحترمت نفسها اساسا اكره شيء عندها ان حد ايعلق على تصرفاتها ، بغت اترد تتكلم بس ما اقدرت .. بالمقابل اسحبت يدها بقوة .. "
شفيها هاي .. كل هالعصبيه عشان مسكت يدها .. واشفيها اسحبتها ، عبالها ميت على يدها باسويلها تمثال مثلا .. بنات اخر زمن ما ادري شلي خلاني اخذ دلوعه مثلها .. الله هداك يا يبة بس ..

ما صدق اول ما نور جاتلهم وقالتلهم المفروض ايروحون الصاله الثانية على اساس ياخذون راحتهم اشوي ... قام من ع الكوشه على طول ولا لف وراه وانتظرها بعد وهذا الشيء بط جبدها كان ودها تفصخ الكعب وترمية على راسة .. "الحين انا دانه يتركني ع الكوشة ويمشي بروحه .. اووووف .. ما ادري شلي خلاني اخذ واحد مغرور مثله والله انه ايحر" ..ما باقولكم عن ويه نور والجوهرة بهاللحظة .. اساسا الكل كان مشغول ما انتبهوا على حركه جاسم الا ثلالث الجدة ونور والجوهرة .. وكل وحدة فيهم كانت اتدعي ان هالليله اتمر على خير لان شكلهم ما راح يرسونها على بر .. كل واحد اعند من الثاني ..
---------------------------------------


الجوهرة :اوف.. اوف والله انه غبي
ريم الي كانت قاعدة اتعدل مكياجها : منو
الجوهرة: عمج المحترم منو يعني
ريم: خالد ولا جاسم
الجوهرة: بلا هبل جاسم طبعا
ريم: اسكتي انا هالاثنين باطين جبدي من الصبح .. كل واحد اعند من الثاني .. يمسك يدها تعصب وتسحبها، المصورة تبي اتصور اتكشر في ويها .... ايحرون والله العظيم الحين صار لهم ساعه ع الكوشه ما قالوا ولا كلمه معقوله
الجوهر: كل شيء متوقع ولا ما شفتيه الاخ شمسوي .. اول ما امج راحت لهم عشان ايروحون الصاله الثانية تركها ومشى
ريم: منو امي .............!!!!!!!!!!
الجوهر: لا طبعا دانوا .. وشكلها دودو انقهرت .. احس بيذبحون بعض هناك
ريم: ههههههههههه ما عليج بالعكس اهمه بيسافرون حق مكان رومنسي
الجوهر:ههههههههه كله بفضل خلوود لو ما جهز التذاكر كان جسووم بيوديها يومين الحسا ويرجعها ..
ريم: ههههههههههههههههههههه .. عمي واعرفه زين ما بيصدق يفتك منها
------------------------------


دخلت واقعدت بعيد عنه بكرسي ثاني .. عصب وتضايق" شفيها هاي الحين .. الحين هاي حيا .. ولا مغصوبه ولا شالسالفه بس عاد مستحية وشرسة جي معقوله ..طالعتني بنظرة يوم مسكت يدها جني ماكل حلال ابوها ما يسوى علي.."
سمعت طق الباب ولفت راسها " ان شاء الله تكون ريموو .. مب ناقصة حركات" هي عارفه ان البنات مستحيل ايخلونها في حالها .. "اف يا ربي معقوله كل الحركاات وعوار الراس ايكونون بيوم واحد" .. بس الويه الي طل كانت اخر وحدة تتنمى اتشوفه بهاللحظة عرفت انها راح تتهاوش اي نعم راح تتهاوش ..

المصورة Hello , sorry for interrupting can I take some photos :
Mr. Jassem could you come her and touch her hand , then …..etc
اضطروا يرضخون لكلامها .. طلبت منهم يقربون لبعض ويوقفون .. شافها تقوم وهي معصبة .. وهو نفس الشيء !!
قرب منها أول مرة ينتبه للون عيونها .. كانت بنية !! والي زينها الكحل !! ما حس بعمرة ولا كان ناوي يبعد الا يوم داست على رجله بكل قوه عشان يبعد عنه !!
جاسم: انتي ما تشوفين ..
دانه: وانت ما تبعد !!
رجعت مكانها وهي تشوفه بنظرة متوعدة !!
جاسم: تراك مجنونه !!
دانه :Can you go out
المصورة: But this is my job
دانه" بعصبية ": اقووول برع اووووووووووف ناس ما تفهم ..
ما قدر يمسك نفسة على شكلها .. كانت جد معصبة .. معقوله التوتر ايسوي كل هاي .. حاول يضحك بس خاف لا يحرجها اكثر كفاية الي فيها .. قطع حبل افكاره صوت نور..
نور: انتوا شسالفتكم بالضبط
دانه: ولا شيء ليش
نور: المصورة طالعه وقاعدة تشتكي .. عيب عليكم .. جاسم قاعد تضحك بدال لا تكلمها ..
جاسم: لا لا نور عادي حتى انا ما كان لي مزاج سندرتنا والله ..
نور: والله انكم غير شكل .. انزين دقايق ويفتحون البوفية الثاني للاهل بعد ما المعازيم يطلعون .. باخليهم ايجبون لكم
دانه: لا نور ما له داعي ما لي نفس
جاسم: اية وانا بعد .. اساسا انا مستعيل .. لازم امشي
نور: شنوووووووووووووووو انتوا من صجكم .. وين تمشي الشيخ مو اليوم عرسك
جاسم: ههههههه اية بس باروح ايجب الشنط واستعد للسفر لاتنسين بعد ساعه لازم انكون بالمطار ..
ريم: هااي .. اشفيها المصورة قاعدة تتحرطم
نور: ههههههههههه حركاات عمج وخالتج .
ريم: هههههههههههه والله انكم .. جاسم ترى خالد دق علي ايقول انه جاب لك سيارتك .. هي عند الباب الحين ..
جاسم : يله عيل لازم امشي مع السلامه ..
------------------------------

 
 

 

عرض البوم صور سر الخلود   رد مع اقتباس
قديم 08-08-10, 01:02 PM   المشاركة رقم: 3
المعلومات
الكاتب:
اللقب:
ليلاس متالق


البيانات
التسجيل: May 2007
العضوية: 28460
المشاركات: 50
الجنس أنثى
معدل التقييم: سر الخلود عضو بحاجه الى تحسين وضعه
نقاط التقييم: 21

االدولة
البلدBahrain
 
مدونتي

 

الإتصالات
الحالة:
سر الخلود غير متواجد حالياً
وسائل الإتصال:

كاتب الموضوع : سر الخلود المنتدى : القصص المكتمله
افتراضي أخيرا صرت مجنونك....للكاتبة مشاعر حزن

 

الجزء الخامس ..

كانوا قاعدين ع الطاوله .. الجوهرة وامل والعنود وشوق بنت خليفة .. مو مصدقين ان العرس عدا على خير الجوهرة: والله انه كان يوم طويل.. انا لازم اروح بيتنا وانام ... ولا تدرون الظاهر بانام مع ريموو هني
امل: ما عندكم سالفه ..انا باروح انام بسريري
العنود: لا جد خل انام كلنا هني ... اكيد بتكون صعبة على خالتي ان البيت يفضى جي فجأه
مريم: واحمد شنو ..
الجوهرة : احمد كله بالدوام والله يهداه .. وحتى لو قعد ما بيكون لنا حس بالبيت .. خل نجرب .. مغامرة .. وش رايكم
شوق: انا اساسا من الاول كنت بانام هني
انقهرت امل من تصرفهم .. بس ما حبت اتبين بالعكس حبت اتغير الموضوع ..
امل: جو جو الا ما قلتي .. جاسم ودانه وين راح يقعدوون
الجوهرة: المفروض في بيتهم بس بيتهم بيعدلون فيه اشياء كثيرة .. فبيسكنون فترة عندنا ..
مريم: واو .. على جي بيتكم بيكونن صج فلله .. ريمووووو ودانوا مطيحين عندج
الجوهرة: هههههههههههههههه .. اتقولي ريمو خل دانه ترد من السفر بتنقل عندنا بالبيت .
العنود: الدبة هي الحين محتله نص داري ودارج ودار المسكينه دودو
الجوهرة: هههههههههههههه .. بس تدرين احلى اليمعات والسهرات اتكون هني في بيت عمي براهيم .. هاي الي مب حلو بعد ما دانو تزوجت ..
العنود: لا عادي اساسا البيت ما فيه غير عمي ومرته ،.واحمد كله طالع نقدر نجي باي وقت ههههههههههه
امل: من صجكم .. خلو الناس يرتاحوون حرام عليكم ..
الجوهرة: اصصصصصصصصصصصصصص .. ولا كلمه انتي وياها .. المعرس ع التلفون .. هلا والله بجسومي
جاسم: شنو جسومي اصغر عيالج .. اقول خليها تجهز وتنزل الحين انا طالع من البيت .. بادخل باسلم ع السريع وباطلع ما ابي حد ايعطلني ..
(( سكتت الجوهرة وما حبت اتعلق على كلام اخوها .. هي اتعرف جاسم زين .. اساسا طول عمره عصبي بعكس طلال وخالد .. الكل كان ايخاف منه وما يحب يرفضله طلب .. الله يستر ما ادري اشلون بتكون حياتج يا دانوو معاه .. والمشكله ان كل واحد اعند من الثاني ))
-----------------------------


كانت قاعدة تتعشى ويا ريم وهيا فوق .. بعد ما لبست وتاكدت من الشنط وكل شيء .. ما لها نفس اضطرت تاكل بعد حنت ريم عليها ..
ريم: شفيج اول مرة اتكونين ساكته ..
دانه: ريموو تراني خايفة .. مرتعبة
ريم: اند واي"" and why
دانه: متزوجة واحد ما احبة ما اطيقة .. وترى مبين علية انه هو بعد ما يبيني .. اشلون باقدر اسافر وياه .. ما اعرفه ريم
هيا: دانووووو شهالهبل هاي كلام وحدة عاقله بالله عليج .. ترى هالريال الي مو عاجبج صار ريلج فاهمه .. وبعدين منو قالج انه ما يبيج ..لو ما يبيج كان ما اختارج بنفسه
دانه: هيووون قالولج هبله ولا ما تفهم .. الكل يدري ان يدي هي الي مقررة كل شيء .. وبعدين شفتية اليوم .. ريم ترى كل شيء ايبين من تصرفاته .. ما اقدر يا هيا ما اقدر
ريم: شوفي يا هبله .. هاي كله انتهى وانا اضمن لج انه يحبج .. وبعدين تعالي مالت عليج شناقصج عشان ما يدانيج .. ما شاء الله عليج حلوة وذكيه .. وعمي فديته وسيم ومركز ومال وكل شيء اشتبين اكثر ..
دانه: ابي الحب .. ريمووووو تذكرين واحنا صغار . عمري ما تمنيت فلوس .. او اسكن في بيت عود .. كنت اتمنى اعيش في بيت صغير بس انكون كلنا نحب بعض وايكوون عندي عيال وايد وهالشيء الي انا مفتقدته طول عمري .. حياتي كلها كنت عايشتها برا .. امي مشغول بين الدوحة وبلندن اتكون ويانا بس عقلها هني .. وابوي مشغول بشغل السفارة تربيت بروحي ما عندي خوان اقعد معاهم لان الفرق بالعمر بينا كبير ..
ريم: اقول مالت عليج بس .. وانا وطلول وفهود شنو مو خوانج ..
الجوهرة والعنوود: واحنااااااااااااااااااااااااا
ريم: وهالسيابيل شنو " يعني قروود"
دانه: ههههههههههههههههههههه
العنود: اي ضحكي ترا كلها خمس قايق ويصل حبيب القلب
دانه: شنوووووووووووو
الجوهرة: يله ناديت الخدم اينزلون الشنط البسي عبايتج وتعالي ..
ريم: الا حد بقى
العنود: لا الاهل بس .. اغلبهم طلعووووووووووووو حتى اموول راحت البيت اتقول صدعت ومريم شكلها رقدت في الغرفة التحتيه
بدت تلبس الشيله بهدوء وهي تتاكد من شكلها جدام المنظرة الا تذكرت شيء خطير .. انا اشلون ما سئلتهم من البداية !!
دانه: ريم .. الجوهرة انا وين باسافر
العنود: شنووو .. في عرووس ما تدري وين بتروح شهر العسل
الجوهرة: تبين الصراحة ما ادري .. كل الي اعرفه ان خالد الي مختار .. الله يسلمج من ضيج الوقت .. جاسم خلا خالد يهتم بحجوزات الفندق والبلد وما اشطرط عليه بلدة معينه المهم انها ما تكون لندن هههههههههههههههه
ريم: فديته عمي يبي يودج مكان رومنسي
دانه: اقول بلا هبل .. اتقولين ما تشرط يعني حتى لو حجز للبحرين عمج الفاضل ما كان بيعلق
الجوهرة: هههههههههههه لا اشدعوه بالعكس قاله بي مكان حلو .. مو تفضحني جدام البنت .. ولازم جاسم ايكون زاير المكان من قبل عشان ما يتوهق جدامج
--------------------------


الجزء السادس ..
كانت قاعدة مكانها تشوف التلفزيون الي موجود بالطيارة .. شفية هذا من يوم ما ركبنا ما قال ولا كلمه حتى في المطار ما تكلم كل سوالفه كانت ويا خليفة الي وصلنا ولا كأني مرته .. اف والله انه ايحر لو كنت مسافرة ويا طلول ارحملي ..
عرفت من سوالف خليفة وجاسم انهم راح ايروحون ايطاليا وتاكدت اكثر لما اسمعت الطيار ايكد على هالشيء اول ما ركبوو .
الله يستر عاد ايطاليا انا عمري ما زرتها .. بس الحق ينقال خلوود طلع عندة ذووق طول عمري خاطري اروح ايطاليا بس وين بنسكن .. وبأي منطقة .. ان شاء الله فينيسيا ولا ميلانو يقولون حلوين
قطع حبل افكارها يدة يوم لمست يدها بهدوء شديد .. لفت ويها علية وشافته يبتسم ما تنكر ان الابتسامه ذوبتها بس ردت بجفاء شديد
دانه: خير
جاسم:" خير حد ايقول خير حق ريله لا وهم في شهر العسل بعد .. الله يصبرني عليها يا رب " الخير بويهج الشيخة دانه .. تسالج المضيفة تامرينها بشيء
دانه: لا سلامتك ما اشتهى
جاسم: وانتي هاي حالتك لا كليتي في بيتكم ولا بالمطار ولا هني
دانه: انا ما اشتهي " ما يدري انها تعشت ويا ريموو "
جاسم: كيفج .. ((ما عطاها ويه وطلب له عصير وقعد .. ))
انشغل عنها وقعد ايطالع الفيلم الي يعرضونه ما وعى الى يطالع حد نايم وتسند على كتفه .. ابتسم يوم شاف ويها الملائكي وهي نايمه وحس بالراحة وهو يتاملها .. عمره ما توقعها بهالجمال صحيح انه لسانها طويل وانجبر انه ياخذها ودلوعه وايد .. بس مع هاي فيها شيء حلو ويجذب عفويتها وجمالها .. ما حب ايكمل الفيلم او ايقومها بالعكس انشغل بتامل ويها .. معقوله ما صار لي معاها الا ساعتين واقلبت حالي .. معقوله صار لي معاها اقل من 24 ساعه ومو قادر ارد عليها.. انا عمري ما كنت جي .. لا لا مستحيل .. انا اعرفها من 7 شهور تقريبا عمري ما تاملت ويها .. عمري ما حسيت بهالاحساس .. اكيد مشاعر معرس يديد والله اني مب صاحي !
-------------------------------
كانوا كلهم قاعدين في غرفه دانه .. ونايمين اربعتهم على سريرهاااااااااا ..
ريم: افففففففف وخروا انتي وياها فعصتوني
الجوهرة: انتي الي وخري
العنود: اييييييييييييييييييييييييييي " وهي تصرخ"
لفوا كلهم جنبها لقوها طايحة ع الارض وسحبت اللحاف معاها
كلهم: هههههههههههههههههههه
شوق: اي عورتوني انتوا الواحد ما يرقد جنبكم ..
العنود: اي والله .. ما ادري متى بتتركون عنكم هالدفاشة
ريم: الحين صرتوا ثنتين محد يدافع عنكم ه
شوق: فديتها دودو ما ادري شمسوية
ريم: احسها تتهاوش ويا جسوم
الجوهرة : اي والله مي تو
العنود: خير مو همه رايحين شهر عسل اي هواش يا شيخة
الجوهرة: خخخخخخخخ خبرج كل واحد لسانه اطول من الثاني ولحد الحين ما تعودوا على بعض لازم صح ريمي
ريم: اي صح
الجوهرة: اسكتوا اسكتوا " لفو كلهم على الجوهرة الي فتحت جوالها وردت على طلال"
الجوهرة: هلا طلول
طلال: طلول بعينج ريال شكبري اتقولين طلول ..
الجوهرة: اسفة طال عمرك
ريم: ههههههههههههههههههههههههههه مشكله الي تخرعوا
العنود: اية والله
الجوهرة: اسكتوا انتوا وياها طلال ايقولكم تبون عشا
ريم: اية اية ابي بيتزا
العنود: وخلي يجيب فيلم وياه انا ما ابي انام
شوق: وخلي يجيب شيبس ليز اخضر بالمرة
الجوهرة: سمعت
طلال: اقول انتوا الواحد ما يسالكم .. بس شفت ما ودي اروح البيت قلت اجي اسهر وياكم في بيت يدي
الجوهر: يله زين حط الاغراض عند الباب واطلع ..وين اتجي شوقوو وعندوو موجودين اقلب ويهك ....
طلال: اقول انتوا ما تنعطوون وجه ..
خالد " كان معاه بالسيارة" : تامرين امر الشيخة الجوهرة الحين بنجيب لكم الطلبات ..
الجوهرة: صج
خالد" الشيخ كان رايق حيل .. ": اية صج
-------------------
قامت من النوم على صوت الطيار يعلن وصول الطيارة لمطار روما بعد رحله دامت 5 ساعات ونص تقريبا ..
لفت لقته قاعد يطالع توم وجيري ويضحك " اففففف والله انه فاضي ريال اشكبرة ايطالع لي توم وجيري .... خل يطالع لوني تون مو احلى "
جاسم: صباح الخير
دانه: صباح النور .. وصلنا
جاسم: اي .... بس دقايق .....
كانت المسافه ما بين مطار روما وفينيسا طويله اشوي .. بس ما حست بتعب من خلالها .. بالعكس كانت تتامل الطريق .. بعكس جاسم الي اول ما ركب السيارة رقد لا وبدى يشاخر بعد ساعه ..
" اووووووف وياه هذا ازعجني ..بدال لا اسمع موسيقى هادية اقعد اسمع صوت شخيرة .. ويا ريت بعد لحن عدل الا مزعج " ..
دانه: جاسم جاسم .. قوم َ!
جاسم: وصلنا
دانه: لا بس ازعجتني ..
ما علق ورجع رقد مرة ثانية .. بس هالمرة على صوت شخيرة اكثر .. شنو هذا يعاندني مثلا ولا !
وصلو الهوتيل .. ودخلوا السويت بهدوء طبعا تفاجأت ان السويت غرفة وحدة بغت تعلق بس اول ما سألت شافته عصب وما رد عليها .. خافت ودخلت الغرفة وسكرت عليها الباب اما هو طلع وسكر الباب بالقو وراه ..
" اووووووف هذا اشفية عصب .. شنو مو من حقي اسئل .. ! خل ارتب ملابسي احسن لي .. الا هو وين راح .. "
خلصت من ترتيب ملابسها ترددت اذا ترتب ملابسة هو بعد ولا لاء .. بس في النهاية قررت انها ترتب نص ملابسة ّ!!
عشان اذا ما عجبه الترتيب يقط النص الباقي بالشنطة .. واذا عجبه يرتب النص الباقي بروحةّّ!! لا فيج الخير يا دوينه ّ!
راحت تسبحت ويوم طلعت لقته راقد على السرير .. كانت لابسة الروب.. وحاطة منشفة على شعرها .. تفاجأت يوم شافته .. غطت نفسها عدل !
-انت شنو ما تستحي .. اطلع ابي ابدل !
- نعم ! (( رد عليها بهدوء ولحد الحين راقد ع السرير ))
- وبعد اصمخ .. اقولك اطلع ابي ابدل !
- انتي الي شكلج ناسية اني ريلج .. تبين تبدلين تفضلي الغرفة كبيرة !
- اففففف منك .. (( خذت ملابسها من الكبت وراحت الحملم وهي تتحرطم ))
ابتسم على حركتها بس ما حب ايعلق .. (( اففف هذى متى تطلع .. ابي اتسبح .. ))
ما صدق يوم طلعت ..
- اقول انتي رتبتي اغراضي
- اي نصهم ....
- شمعنه نصهم .. جان كملتي معروفج
- قلت يمكن ما يعجبك عشان ما اتعب نفسي !
- اوك .. قول طلعي لي ملابس انا باروح اتسبح ! ورتبي باقي اغراضي اذا ما عليج امر!

انقهرت منه هذا مره عاايش الدور اني حرمته ... طنشته ورحت الصاله خذيت لي شيبس وكولا من الثلاجة .. وقعدت اطالع ال تي في . ما وعيت الا وهو جاي ومعصب ولاف فوطة" منشفة على وسطه " .
من غير ما ترفع عينها عليه : وخر ابغى اشوف التلفزيوون
سحب الريموت من جنبها وطفى التلفزيوون وقال : ممكن تناظريني يوم اكلمك
دانه " اماا عليك جسم يهد ابليس العدوو تقول مبيت بالنادي كششخه ..صدق ماعدك الفه الرجال يهاوشك وانتي تخزينه "
رفعت عيني وقلت له : نعمممممممممم

جاسم : ينعم بحالك ... وين ملابسي
دانه " بكل برود" : ببيت الجيران مثلا .. اكيد بالكبت !
جاسم : انا مو قايلك طلعي ملابسي قبل لااتسبح
دانه" ببرود شديد .. حسيت نفسي بايخة وقتها" : اعتقد انك مو بيبي عشان
اجهزلك ثيابك
مسكني من ذراعي بقوة وسحبني لصدره وقال : دانوووو.. لاتختبريين صبري .. روحي طلعي ملابسي بالطيب
شكله كاان معصب ع الاخييييير بصرااحه خفت يضربني رحت طلعت له ملاابسه
----------------------------
العنود: اقول الجوهرة اخوج خالد هاي فضيع من صجة جاب لنا الاكل
الجوهرة: اسكتي والله حتى انا مستغربة
العنود: ليش مو من عوايدة
الجوهرة :جاسم ايسويها اما خلوود لاء ... اول مرة تره
ريم وشوق الي كانو يطالعون الفيلم..
ريم: الجوهرة .. اتهقين المعاريس وصولووووووو
الجوهرة : الساعه 7 عندنا اي اعتقد ..
شوق: والله انا احنا افشل
العنود: وااي
شوق: شوفي حالتنا مو شايفين خير الساعه 7 الصبح بيتزا
ام خليفه لما ادخلت الصاله بطلت عيونها ..
ام خليفة: شنو هاي
شوق: يدتي جايبن بيتزا حياج
ام خليفه: الساعه 7 الصبح .. وبعدين شهالقذارة الي انتوا قاعدين فيها اكل بكل مكان
ريم: ههههههههههه يدتي هاي حركه عشان انواسيج بعد زواج دانووو
الجوهرة: هههههههه اي صح ..
ام خليفة: اقول نظفوو قشكم وروحوا ناموو .. مب زين يا يمه السهر
العنود: خالتي تبين يدتي تذبحنا .. اليوم الجمعه .. يعني الساعه 12 لازم العايله كلها اتكون عند يدتي
ام خليفة: انزين نامو لكم ساعتين ..
ريم: لا يدتي .. ترى ما راح اتجينا النودة خلينا جي اريح لنا ولكم
--------------------------------------
كانت تعبانه . وايد ما نامت الا ساعتين بالطيارة .. كلت لها شيء شوي من الاكل الي طلبة وقعدت تشوف التلفزيون بهدوء .. طبعا هو كان قاعد وياها .. اشوي الا قامت تروح تنام ..
.. لفت عليه لقته قاعد ع الكنبة وشكله تعبان .. مسكين والله شكله يرحم .. راحت الغرفه .. شافت انهم حاطين الشنط هناك .. بدلت وانسدحت على السرير بسرعه .. لحد الحين مو مستوعبة الي صار .. معقوله انا تزوجت ولا مسافرة مع ريلي شهر العسل ..بس امحق ريل افففففف لو كان واحد احبة ويحبني نفس ما طول عمري تمنيت كان احلى والله " قطع على حبل افكارها صوت حد يدخل الغرفه على طول عطته ظهرها وسوت نفسها نايمه .. ابتسم لتصرفها لكن ما حب يحرجها .. راح الحمام يبدل - وانتوا بكرامه-
--------------------------------
امل: الا ما قلتيلي شرايج فيها .. حلوة ولا
نوف: تبين الصراحة وووووووع .. الحين هاي عرووس .. اففف وايد ما عطينها اهمية .. وينه جاسم بس فديته احلى منها بكثير
امل: من ناحية احلى منها فهو صج .. بس احنا شعلينا من جاسم انا الي حارتني دانه
نوف: لا والله حتى جاسم ايحر يعني يترك كل بنات الدوحة وياخذها والله اني احلى منها بكثير
امل: من قالج انه يبيها اساسا يدتي هي الي جابرتهم يتزوجون
نوف: صج
امل: اي سمعت يدتي وهي تكلم عمي محمد
نوف: اففففف .. يا ريته كان ماخذني .. والله ما ارفضة
امل: ههههههههههههه من زينج
نوف: امل والله اني اتكلم جد ..
امل: حتى انا اتكلم من جد هو شافج مليوون مرة في بيتنا لو يبيج كان تكلم .
نوف: لا هو ما تكلم لانه اخته ما تحبني اكيد قالت له لا تفكر فيها
امل: ههههههههههههههه نوفو وش هالكلام الفاضي الله يهداج .. جوجو طيب ما تسويها
نوف: اقول اموول باي ..
امل: والله ضحكتيني مع اني منقهرة من دانوو .. باي
سكرت التلفون وراحت ع الكمبيوتر ما تدري ليش بس صايرة اتقضي طول يومها ع المنتدى .. مع انها كانت تحتقر الناس الي جي .. بس اشوي اشوي من الملل انسجمت مع المنتدى .. والكل هناك تعود عليها لدرجة عدم وجودها ليوم واحد يعتبر شيء موطبيعي ..
كانت اتعز اغلب الاعضاء الا عضو واحد ما تدري ليش .. كان بالنسبة لها شيء ثاني .. مع ان عمرها مع كان بينها وينه احتكاك من اي نوع .. علاقتهم طبيعية .. بس اتحس ان كان يرد على مواضيعها بالذات .. ودوم يقعد في ملفها الشخصي الي بالمنتدى ..
والله طلعتي مهب هينه اموول .. هع هع
-------------------
ام محمد : يمه العنوووووووووووود اختج فوق ..
العنود: والله ما ادري جدتي توني جاية من بيت عمي براهيم
ريم: انا رايحة اشوفها ..
ام محمد: اي وانا امج خليها تنزل ..
الجوهرة الي كانت قاعدة جنب مها مرة خليفه ويسولفون مع بعض ..
العنود: انتوا شفيكم من الصبح تتساسرون
الجوهرة: خير اتي في شيء
العنود: الخير بويهج الشيخة شسالفتكم مع الوية
مها: ههههههههه لا سلامتج بس سر " وتغمز لها "
العنود: اووووووو مرت خليفه اختربت هههههههههههههههههههههههههههه

مها: ههههههههه اقول انتوا مو كفوا الواحد يقعد وياكم
الجوهرة: ههههههههههههههه




قام من النوم ما شافها جنبة .. احتر من حركتها .. بس قرر ان يطنش الحين .. افففف منج يا دانو صدعتيني ويا هالحركات .. مرة اتصيرين نذله ولعينه ومرة الاقي رقه العالم فيج الله يصبرني عليج والله يهداك يا يبه الي وهقني فيج !!!!!
طلع من الغرفه ولا يطالعها قاعدة اتطالع فيلم بملل .. مبين عليها الزهق بس حب انه يستهبل خخخخ اوريج يا بنت ابراهيم .
قعد جنبها ع الكنبة ..
جاسم: صباح الخير
دانه: صباح النور
جاسم: من بدري قايمه
دانه: من ساعتين تقريبا ما جاني نوم ..
جاسم (( مشى لعند الشباك )): اتصدقين المكان شكله يجنن ..
دانه: يس شفته الصبح والله انهبلت ..
جاسم: بس لاحقين ع الطلعه .. خل الليله نقعد بالهوتيل ما لي مزاج
دانه " خير ان شاء الله جاي يحبسني الشيخ افففف .. ما يدري ان اخس شيء عندي اني انحبس .. بس اوريك يا جسووم " اوك (( قالتها بدون اهتمام عشان تقهرة))


شلي بيصير بين دانه وجاسم على مدى الايام ؟؟
نوف وظهورها الجديد بين ابطال قصتنا هل راح يكون لها دور في المستقبل ؟؟
امل والجوهرة والعنود شالجديد في حياتهم ؟؟؟؟؟؟؟؟؟؟؟؟؟؟؟؟؟




الجزء السابع ...

كان قاعد ع المنتدى .. ويرد على موضوع من كتاباتها .. هو لحد الحين ما يدري اشلون بس مو قادر .. مو قادر يشلها من باله .. يتمنى يتقربلها باي وسيله بس مو عاؤف اشلون .. هو يدري انها مو من هالنوع .. وما ودة يطلب ايميلها بنفسة ايخاف لا يطيح من عينها ولا شيء .. بس لفتت نظرة من اول ما قرى اسمها .. والاسم الغريب الي اتخذته لفنسه
"غارقة باحزاني ".. ليش؟؟ لهالدرجة حياتها مأساوية ..
- خاااااااالد خااااااااااالد
- خالد: هلا ريم حياج انا بداري
- ريم: اقول امي هيا اتقولك تبي غدا
- خالد: قوليلها ما اشتهي ..
- ريم : اوك
- خالد: الا ريم
- ريم: سم اخوي (( وراحت قعدت على السرير – استانست- شعندة خلوود بيسولف وياي ))
- خالد: في عرس جاسم .. كان في وحدة وقت الزفه قاعدة برع .. شفتيها
- ريم: خيرررر .. وانت شعندك تسال عن بنات خلق الله ..
- خالد: لا بس استغربت الكل كان داخل .. الا هي في الصاله الجانبية .. وكانت تتحرطم على يدتها ما ادري امها بصوت عالي ..
- ريم: هههههههههههههههه اكيد املوو .. لان الصاله الجانبية كانوا مسكرينها .. عشان يقعدون فيها المعاريس .. ومحد دخلها الا الاهل .. ويدتي اساسا داست طرف فستانها .
- خالد: اهاااااااا
- ريم: الا شعندك مهتم ..
- خالد: سلامتج يله اذلفي
- ريم: اففففففف وانت ما عندك الا هالكلمه !! ما صدقت اتسولف وياي
- خالد: اقوول انتي ما عندج بيت
- ريم: الله يخلي ابووي .. اكيد عندي .. بس ابي العوزك .. باي

----------------------------
- دانه ما خلصتي ..
- خلصت بس لحظة البس شيلتي ..
طلعت من الغرفة , وهو يوم شافها ما عرف شيقول , كانت لابسة شيله ورديه .. وتنوووورة بيضا ستايل اسباني.. وبادي وردي مع ابيض .. كان شكلها فعلا كيووت .. ما عرف شيقول او شيسوي غير انه يفتحلها الباب والابتسامه شاقه الحلج خخخخخخخخ ..
دانه: الا وين بنرووح ..
جاسم : بنروح نتغدى بعدين بنتمشى شرايج ..
وقبل لا ترد مسك يدها وبدو يمشون .. ما اقدر اوصفلكم شعورها بهاللحظة كان غريب .. حست ان حرارة تسري بجسمها .. لفت ويها اتجاهه .. شافته ايطالعها وهو يبتسم وبدو يمشون بهدوء ..
------------------------------
- بوووووووووووووووووووووووووووو
- (( نقزت اول ما سمعت الصوت وطاح ريموت التلفزيون الي كان على حضنها ))العنود: بسم الله خرعتني
- فهد: خخخخخخخخخخخ شعندج قاعدة بروحج ..
- العنود: ولا شي مستر فهيدان بس ملل خخخخخخخخخ
- فهد: اقول عن العبط درينا انج اكبر مني ..
- العنود: خخخخخخخخخخخخخخ اقول انجلع يا البيبي
ويسمعوون صوت من وراهم ..
وييي يمه .. فهد فهيدااان .. ورا ما تسلم على يدتك
فهد:اوباااااااا .. جات العيوز
العنود: خخخخخخخخخ روح سلم عليها قبل لا تاكلنا
فهد: هلا والله .. هلا بالزين كله هلا بام محمد
ام محمد: هلا يمه .. اشلونك فديتك ما تبين
فهد(( وهو يساعدها عشان تقعد على الكرسي )): موجود يدتي بس مشغول بهالدنيا
العنود: ام حق شغل
فهد: خير الشيخة
العنود: لا سلامتك اخوي خخخخخخخخ .. يدتي باروح لامل تامريني على شيء
فهد: ذلفي .. نبي نتنفس
العنود: انا اكلم يدتي .. في مان الله
ام محمد: الله معاج يمه وانت (( اتطق فهد ع الخفيف بعصاتها)) ما بتعقل كله مهاوش في بنت عمك ..
-----------------------
مسك خصرها وقعد يمشى معاها .. هي استغربت من الحركه بس ما حبت اتبين سوت نفسها عادية هع هع بس ما تفوت جاسم حس انها متوترة .. قرب من اذنها وهمس لها ..
- ما له داعي كل هالتوتر .. المفروض تتعودين
دانه: ومن قال اني متوترة .. عادي . بس ولي سلمك وخر اشوي
جاسم: افاااا .. تبيني اوخر .. ليش الشيخة .. عاجبني الوضع
دانه (( وبدت اتعصب)): انت وبعدين معاك .. (( بعدت عنه وقعدت تمشي .. بس ما خلاها بروحها لحقها ومسك يدها ))
جاسم: وصلنا
دانه: وين
جاسم: المطعم مو جوعانه ..
دانه: لاء
جاسم: هالمرة غصب تاكلين .. ما كليتي شيء امس ولا اليوم الفطوور .. ما يسوى علينا هالحيا (( وغمز لها))
" اففففف وبعدين معاه هذا .. بس الحق ينقال شكله يجنن وهو يغمز .. بس ايحر والله .. ليش جي ايسوي فيني .. "
دخلو المطعم .. وقعدوا في مكان يطلع ع الدريشه كان فعلا المنظر حلو .. وفنيسيا مدينه العشاق ..
جاسم: شرايج نطلب سمك
دانه: انا ما اكل مأكولات بحرية
جاسم: الحين .. انتي في فينيسيا وما تاكلين سمك ما يصير
دانه: يه . بكيفك
(( عرف انها معصبة بس ما حب يعلق ويعصبها اكثر كل الي سواه انه ابتسم .. ورد بهدوء))
- خليني اطلب هالمرة على ذوقي .. شوفي ذوق ريلج تراة يعجبج (( وغمز))
" اففففففففف .. شفية هذا كل ما قالي شيء يغمز .. مستانس ع الحركه وانا ما ادري .. ما يدري انه يجنن .. "
- على راحتك !!
------------------------------
-اقول يمه حطيلي سلطة ..
طلال: بلاج جنج ما شفتي اكل .. الناس ياكلون اشوي اشوي
ريم: وانت شدخلك .. خلني اكل
عبدالله: وانتوا كله هواش ؟.. ما تخلون الواحد ياكل براحة
طلال: السموحة يبى .. بس نرفزتني
ريم: يمممممممه الا وين فهد .. ليش ما جى يتغدى
نور: فهد نايم.. ايقول ما يشتهى ..
عبدالله: اي كله من السهر على هالجهاز ما ادري شبتستفيدون منه
ريم: يممه .. شرايج انروح فيلاجيوو اليوم ..
نور: شوفي انا باروح كارفور الي هناك .. خذي عمتج وروحوا فيلاجيو
ريم(وهي مو مصدقة ان امها وافقت بسرعه): من صجج .. الله وناسة باروح اعلم جوجو
طلال: والغدا
ريم: حلال عليك
وتوها تبي تروح فوق تتصل في الجوهرة الا الجوهرة داشة البيت وهي تتحرطم على الدريول ..
طلال: كأن صوت الجوهرة ..
الجوهرة: يس يس انا هني .. اشلونك بو طلال( وراحت اتحبة على راسة ) وانتي مرت اخوي اخبارج
نور: الحمد لله فديتج انتوا اشلونكم
الجوهرة: تمام .. الله تتغدوون .. !!
نور: خخخخخخ حياج اقعدي .. باقولهم ايجيبون لج صحن ..
ا لجوهرة: ما اقول لا لعزيمه خخخخخ .. بس باروح افصخ عبايتي .. في غرفه ريموو ..
وتوها تبي تطلع الا ريم داخله المطبخ ..
ريم: انتي هني!!!!!!!
الجوهررة: يس .. تعالي وياي .. بافصخ عبايتي فوق وبنسولف ..
ريم: ليش صاير شيء
(( طبعا اهمه كانوا على الدري ويسولفوون))
الجوهرة: جاسم دق اليوم
ريم: ليكون متهاوش ويا دانو .. وعرف انها مغصوبة عليه
الجوهرة: لا لاء بالعكس .. يوم رديت التلفون كان ريلاكس .. وهادي .. وسلم علي وسالني اذا ابي شيء .. عمرة ما سوى هالحركه وياي ..
ريم: خخخخخخخخخخخخخخخخ والله دانو اطلعت خطيرة ..
الجوهرة: هي ما كلمتكم ..
ريم: كلمت يدتي مرتين .. وامي مرة على ما اعتقد بس انا لاء
الجوهرة: تدرين ان احنا ما نستحى
ريم: افا ليش ..
الجوهرة: خوات المعرس المفروض اندق عليها
ريم: اي بس فشله .. والله اخاف ازعجهم .. اقول وصلنا يله قطي عباتج وامشي ابي اتغدى عشان انروح فيلاجيو ..
-----------------------
كانوا قاعدين على السفرة يتغدوون , فعلا البيت فضى عليهم يوم تزوجت دانه .. كانت ماليه عليهم البيت .. صار البيت ما ينطاق من دون بنتهم الصغيرة .. مع ان ريم والجوهرة وشوق دايما يجون يسلموون بس بعد دانه وجودها شيء ثاني ..
ام خليفة : الا اقولك ترى دانه اتصلت اليوم وتسلم عليك ..
ابو خليفة: الله يسلمها .. وشلونها مع ريلها ان شاء الله مستانسة ..
ام خليفه: اتقول انها مستانسة ..
ابو خليفه: والله قلبي معورني عليها احس زوجناها بدري
ام خليفة: الله يهداك يا ابراهيم .. شهالكلام .. محد بيعرف قدر بنتك مثل ولد عمها , وبعدين شوف نور ما شاء الله عليها يوم كانت كبرها كانت حامل بطلال ..
ابو خليفة: بس نور غير ودانه غير .. الزمن تغير يا عائشة ..
ام خليفة: الله يهداك .. انت متاثر بس لان كانت فديتها مالية البيت .. والله حتى انا ما صايرة اشتهى اقعد فيه وهو فاضي .. بس هاي سنه الحياه .. والحمد لله نور وخليفة وعيالهم ما يقصرون . كل يوم عندنا ..
------------------------
نرجع للمعاريس .. .. كانت قاعدة بالمطعم وياه وتوهم جايبين
جاسم: ليش ما تاكلين .. ما كليتي الا سلطة
دانه: قلت لك ما حب السمج
جاسم: انتي ذقتية ..
دانه؟: لا .. بس ما احبة .. مب غصب
جاسم: انزين عشاني ذوقيه ولو ما عجباج نطلب شيء ثاني .. ترى صار لج فترة ما تاكلين عدل..
" اففف .. هذا وبعدين معاه مسويلي فيها خبير تغذية .. الله يعيني بس!!"
مسكت الشوكة وهي خلاص مو قادرة تستحمل ... طول عمرها وهي تكرة السمج .. وهو ما يقدر غير انه يبتسم على حالتها بس لازم اتجرب خخخخخخخ .. ذاقت اول لقمة .. وحست ان الاكل زين .. مب زين الا لذيذ .. بين هالشيء على ويها .. طبعا الشيخ جاسم ما شال عينه من عليها يبي يشوف تصرفاتها لما تضحك لما تزعل . لما تتضايق .. ايحس انه يبي يعرفها زين .. مب عشان شيء . بس جي ..
- ان شاء الله عجبج
دانه: زين ( طبعا هي ما حبت اتقوله انه عجبها عشان ما يكبر راسه .. خخخخخخ حركات )
جاسم: خلاص عيل نطلب شيء ثاني
دانه: لا ماله داعي .. انا يوعانه وما اقدر انطر .. بس العشا خله على ذوقي
جاسم: تامرين امر الشيخة دانه .
ابتسمت له .. وتوها بتلف ويهها الا تشوف شخص مو غريب عليها .. اي نعم هالويه مو غريب .. ولكن معقول .. وش جابها لهني ..والله اني مشتاقت لها حيل .. لا بس مستحيل .. اذكر قبل لا ارد الدوحة قالت لي انها بتاخذ صيفي يعني ما بيكون عندها وقت للسياحة ..
جاسم: دانه ....... انتي وياي
دانه: هاااا (( ما عندها اسلوب هالبنت ))
جاسم: وحدة تقول لريلها ها .. وين رحتي ..
دانه: لا بس .. شفت وحدة اعرفها من لندن (( وابتسمت له ابتسامه رضى .. ما عرف شيسوي هالبنت قاعدة تحتل قلبه اشوي اشوي .. ))
جاسم: ردينا للندن !! انسي خلاص ..
دانه: جاسم ترى والله مو بيدي .. بس انا تعودت على لندن .. ترى كنت احس نفسي انتمي لهناك اكثر من الدوحة .. وانت جربت وعشت ويانا سنتين ..!
جاسم: بس انتي المفروض اتكونين حاطة في بالج انج بتعرسين وبتعيشين بالدوحة ..
دانه: ما اجذب عليك اذا قلت لك .. انتي كنت حاطه في بالي اني اذا باعرس باخذ واحد عايش هناك ... وباكمل حياته هناك
- دانه ... معقوووله
- التفتوا اثنيناتهم ناحية الصوت .. ما قدرت دانه غير انها تبتسم وتوقف اتسلم ع البنية ..
دانه: سفاااااانو والله لج وحشة
سهر: خخخخخخخ انا قلت لو باشوفج .. بتزورينا بلندن مو بالصدفة اشوفج في فنيسيا
دانه: خخخخ سوري بس انشغلت .. وبعين ما مداني اشتاق لكم
سهر: حرام عليج والله مشتاقت لج حيل ( وتلتلفت على جاسم الي كان يبتسم .. مستغرب منها ) .. اهلا
سهر " وهي تساسر دانه " : اقول مو هاي مديرج البايخ >> طبعا جاسم سمع كل شيء
دانه: نسيت اعرفكم .. جاسم هاي سهر رفيجتي .. كانت تدرس وياي بلندن .. بس هي سعودية .. سهر هاي جاسم زوجي ََ!!! ( حست ان نطقها غريب .. اول مرة اتقولها حق حد خخ)
جاسم: ولو سهر مب غريبة .. كل يوم كانت ناطه بشركه .. يقال شركه ابوها !!
سهر : شنو ....... معقوله دانوا عرستي !! لا وخذيتي من جاسم !! " ولا جنه واقف وراها "
دانه: ههه ليش لاء
سهر: بس استغربت .. ( وتلتفت على جاسم) .. اخبر كنتوا ما تطيقون بعض يوم جيت تشتغل عندنا !!
" والله لين الحين .. اخخخخخخ بس ما تشوفونها شتسوي فيني " بس طبعا ما قدر ايرد غير بابتسامه ..
اما دانه الي نحرجت من سهر ..
دانه: اقول ولا كلمه !!
سهر: وانت تعال .. طبعا كل يوم باجي اتطمن على صديقتي .. اجل تبيني اخليها وحدة بالشركه !
دانه انحرجت من كلامها: اقول انتي ويا منو جاية
سهر: ويا اخوي نواف .. يله عيل استاذن .. فرصة سعيدة داننوو وجاسم
ردت مكانها وهي اتشوفه يبتسم . حاولت اتطنش بس ما قدرت .. وكان ايطالعها بنظرات غريبة .. اول مرة اتشوفها بعينه ..
دانه: جاسم . لا تناظر فيني جي !!!
جاسم: لو ما ناظرت في زوجتي .. حبيبتي !!!!!!!!!!!!!!!!!!!!!!!!! باناظر في منو
دانه " شفية هذا جن .. بس يحليله ايعرف ايقول كلام حلو ... دانو لازم اتكونين جامدة لازم ما تخلينه ينتصر " : ناظر باي حد .. ترا ما حب حد ايطالعني ..
جاسم " شفيها هاي .. ما تستاهل الواحد ايقولها كلام عدل .. الظاهر ما تمشي الا بطراقات " : خلاص عيل نادي رفيجتج .. على الاقل تبتسم اتشجع الواحد مو انتي !!
دانه: شنوووووووووووووو
جاسم" خخخخخخ ان ما خليتج تتحسفين يا دانو " : اي شوفي ابتسامتها بريئة ..
دانه((وهي خلاص جد معصبة وتبي اتقوم)): اقول انت ما تستحي !!! تتكلم عن البنية جدامي .. على الاقل احترمني
بس جاسم سبقها ومسك يدها ..
دانه: اترك يدي
جاسم: انتي ليش جي !!!!!!!!!!!!!!!!!!!!!!!!!!!!!!
دانه: شنو .. انا المفروض اسئلك هالسؤال ..
جاسم: يا بنت الناس .. (( وسكت اشوي .. هو مب عرف شيقولها .. ما يقدر يقول انه يحبها لانه مب واثق من حقيقة شعورة .. يمكن الي يس فيه ايكون مجرد اعجاب او حب للتملك .. او مرة وحدة ترفضة .. والي يضحك ان هالي ترفضة هي ملكه )) اولا انا اتغشمر .. كنت ابيج اتحسين فيني اشوي .. كل معصبة وتصارخين علي .. وبعدين انا دام عندي دانه مستحيل التفت واشوف حد ثاني .. ما في حد بهالعالم يقدر اينافسج ((ما توقعت هالحركه منه بس شال يدها وباسها ))
" يا ربي .. هذا يبي يذبحني ..مرة ايحر .. والف مرة يجنن .. بس واااااااي دايما اشوفهم ايسون هالحركه في الافلام عمري ما توقعت انها حلوة جي .. اقول دانو عقلي .. الحين شارد ع الريال "
دانه ( ابتسمت ): نمشي
جاسم: تامرين امر .. نمشي .. الا تعالي باسئلج ..
دانه : هلا
جاسم : اخيرا رديتي رد عدل احسن من ها ..
دانه : اووووف منك قول
جاسم : افا تونا كنا حلوين ! المهم .. شقصدها ان كنا نكرة بعض
دانه: ههههه لا بس كانت تشوف هواشنا يوم كنا بالشركه !!
جاسم: هههههه والله ايام .. مافي يوم ما كنا نتهاوش .. ولا يوم انعزمنا على حفله العشا !!
دانه: يس يس ... الي طحت فيها جدام الناس وانت مشيت ولا كأنك تعرفني !! والله نحرجت !!
جاسم: حد قالك تطيحين !! انا خفت لا تسوينها في العرس واتوهق فيج

 
 

 

عرض البوم صور سر الخلود   رد مع اقتباس
قديم 08-08-10, 01:08 PM   المشاركة رقم: 4
المعلومات
الكاتب:
اللقب:
ليلاس متالق


البيانات
التسجيل: May 2007
العضوية: 28460
المشاركات: 50
الجنس أنثى
معدل التقييم: سر الخلود عضو بحاجه الى تحسين وضعه
نقاط التقييم: 21

االدولة
البلدBahrain
 
مدونتي

 

الإتصالات
الحالة:
سر الخلود غير متواجد حالياً
وسائل الإتصال:

كاتب الموضوع : سر الخلود المنتدى : القصص المكتمله
افتراضي وأخيرا صرت مجنونك....للكاتبة مشاعر حزن

 

الجـــــــــــــــــــــ الثامن ـــــــــــــــــــــــزء ...


- اففففف وين الاغنية .. والله تعبت وانا ادورها .. ما في موقع ما دورتها فية ..
- امل( وهي داخله المكتبة): عندوا .. اشفيج تتحرطمين .. شالسالفه
- العنود: اتعرفين اغنية ابي حبك معي يكبر .. الي طلعت على mbc
- امل: مب هاي الي المغني الي مسوي نفسه كلش .. وقاعد عند سيارة حمرا ما ادري وشو
- العنود: اي اي ..
- امل: شفيها !!
- العنود: صار لي سنه ادورها .. ومو لايقتها ..
- امل: دخلي منتدانا كاني شفت من كم ان يوم مشاعر حاطتها ..
- العنود: منو هاي مشاعر بعد ..
- امل: وحدة ويانا بالمنتدى .. ادخلي المنتدى بتلاقينه بالفيفوريت ..
(( وتوها تبي تطلع الا تلاقي العنود تناديها ))
امل: اف منج شنو بعد ..
العنود: لج رساله خاصة افتحها ..
امل: شنووووو لا طبعا .. انجلعي برع
العنود: بس (( اتقاطعها امل))
امل: اقول هاي لاب توبي على فكرة .. روحي استخدي الكمبيوتر الي بالصاله
العنود: مشكله الخوات اذا ذلو (( وتوها تبي تطلع .. الا تتذكر شيء وتلف على امل؟)) اموول الا منو هذا الحر ..
امل: ولا حد .. زميل وياي بالمنتدى ..
العنود: اهاااا .. استمتعي برسالتج خخخخخخخخخ

((ما اخبي عليكم ان الحر هو الشخص الي كانت امل معجبة فيه .. ما تدري ليش بس دايما اتلاقية وياها .. موجود.. يرد على مواضيعها .. وتلاحظ ان اسلوبه وياها غير عن الكل.. فما صدقت اول ما لقت منه رساله))
" منصجة هاي .. انا شعرفني بالبلياردوو .. خخخخ بس خلي اسوي نفسي فاهمه واتحداه ههههه ..
طرشتله رساله كاتبة فيها .. طبعا اقبل التحدي .. بتلاقيني موجودة في روم 18 واسمي قطرية كيوت ..



----------------------------

كانت الغرفة صج ظلام .. وبرد شديد .. وما ينسمع صوت غير صوت شيء واحد وهو التلفزيوون .. الريم كانت قاعدة اتطالع فيلم وهي جد ميته من الخووف ..
- يا الهبلللللللللله لا لا لا .. لا تذبحينه ترى يحبج والله (( وتصيح وياهم .. )) حراام عليج .. اف والله انه مزيون حد يذبح مزيون مثله احمدي ان لقيتي حد ايحبج ويدافع عنج .. لا ومزيون بعد .. العادة يكونون مب حلوين
- بووووووووووووووووووووووووووووووووووووووووووووووو
(( طبعا محد كان مع الريم في الغرفة .. وهي ماتت من الخوف .. يوم سمعه الصوت .. الشيخة عبالها العيوز الي ذبحوها بالفيلم))
- منووووووووووو (( وتكمل صياحها)) منووووووووووووو
- بوووووووو .. واااااااااااااااة .. لااااااااااااااااااا .. بووووووووووووووووو
- ااااااااااااااااااااااااي .. يا ربي .. يممممممممممه .. يبىىىىىىىىىىىىى (( الشيخة اتصارخ على امل حد يجيها .. بس فجاه تتبطل الليتات ))
- اسكتي يا الفضيحة .. انتي الواحد ما يلعب ويااااااااااج
- طلوووووووووووووووووووووووووووووووووووووووول
طلال: هههههههههههه بس شكلج كان جد تحففه .. يا ريتنا مصورينج ..
ريم: دووووووووب .. وبعدين اشلون هالاصوات اطلعت منك .. انت كذاااب بس ما تبيني اصارخ (( وترجع اتصارخ وهي تصيح؟)) يمممممممه .. يبةةةةةة , في حرامي
طلال: هيييييييييي انتي .. فهووووووووود اطلع !!!!اختك هاي ما ينلعب وياها
الريم: افففففففف منكم والله انكم اتحرون .. انا شجابني هني لو راقدة في بيت جدي احسن لي
طلال( وهو يقعد ع الكرسي الي جنبها): استحي على ويهج جنه ما عندج بيت كله مطيحة هناك في بيت يدي ..
فهد ( وهو داخل الغرفة): طلول .. جيب الاكل انا جوعان ..
ريم: اكل من وين
طلال: خخخخخخخخخ بس لي انا وفهد انتي ما تعاونتي ويانا
ريم: شنو اتعاون وياكم انت ويهك اتخرعني وتبيني اضحك ..
طلال: انا ابي افهم شيء واحد .. دامج مو قد افلام الرعب ليش اتطالعينها !!
ريم: مضيعه وقت .. بسرعه تكلم من اي مطعم جايب ..
فهد: بينيجنز ..
ريم: يا لبى قلبه هالمطعم .. اعشقة ..
طلال: خخخخخخخخخخخ والله انج مب صاحية ..

------------------------------

" والله مب حاله ويا هالبنت .. لو كل المتزوجين هاي حالتهم كان محد تزوج , الحين معقوله تتركني اول ما نرجع واتروح الغرفة, هاي جزاتي الي طول اليوم اتغزل فيها , مب مشكله الحين اطلعلها مواهبي وقت العشا ههههههه والله اني افشل , ام حق مواهب "
كان قاعد يطالع التلزيون وهو يتحرطم , ميت من القهر من تصرفاتها , ولا يسمع صوت الباب , عرف ان العشا وصل .. مع انها قالت انها تبي تطلب العشا على ذوقها بس هو قرر يفاجأها وطلب اكل ايطالي ايعرف انها تمووت بالاكل الايطالي وايد ..
رتب الاكل وراح الغرفة .. استغرب ان ما في رد .. دخل وهو يتحلف فيها اذا كانت نامه ما اتشوف مني خير .. وكانه حد كب عليه ماي بارد .. يوم شافها بالهشكل .. الليتات مسكرة والغرفة باردة والشيخة دانه نايمه بهدووء !!!!!
انقهر وطلع من الغرفة وتعشى لحاله .. وطلع !!
راح يتمشى ويفكر في وضعه الي عايش فيه !! حس نفسه تعب .. وكل ما يتعب يرجع بتفكيرة !! ويتذكر !!
دانه غير !! اي نعم غير .. غير بكل شيء بتصرفاتها .. بحركاته حتى باخلاقها .. مو مثل ..

-----------------------

- خخخخخخخخخخخخ قولي انج ما تعرفين تلعبين بس
- اساسا ما لعبتها الا مرة وحدة ويا اختي ..
- احم احم لا تتحدين هاي سابع قيم افوز فيه وانتي كله اصفاار .. فشلتينااا
- اقوول يا الحر ولا كلمه .. تراك نرفزتني
- انزين اطلب منج طلب ..
- امر تدلل
- اشدعوه قاعد على صوت الخليج خخخخخخخ .. لا تناديني الحر قولي خالد
- ليش انت اسمك خالد ..
- ايه .. عادي اعرف اسمج ولا فيها احراج
- اساسا المنتدى كله ايعرف اسمي .. امل
- المهم .. يله اضغطي على PLAY AGAIN ابي اكسر راسج
- خيررررررر .. لا انا تعلمت اصول اللعب خلاص .. انا الي باكسر راسك ..
( كانت هاي حالهم .. قاعدين لين الفجر وهمه يلعبووون .. ما تدري ليش بس استانست عليه وايد مع ان هاي اول مرة تقعد معاه برع اسوار المنتدى .. وحست انها اتسوي شيء غلط بانها كلمت ريال .. بس المهم انها ما عطته ايميلها يعني ما في شيء خاص .. )
استمرت تلعب معاه واخيرا في القيم العاشر فازت عليه .. طبعا حست انه كان متصنع الفوز بس ما همها .. المهم انها فازت !! من الفرحة راحت وسوت اهداء بالمنتدى لنفسها عشان فازت بالقيم اخيرا !!

-------------------------
يوم الجمعه !! الظهر ..

نور: الا ما قلتي يدتي وينهم البنات .. وعمي.... صار لي نص ساعه عندج ما شفت حد
ام محمد: وي يمه مسرع ما مليتي من يدتج ..
نور: لا وشدعوه يا يدة .. بس مشتاقت لهم .. ما اشوفهم الا من جمعه لي جمعه
ام محمد: والله هاي حالهم .. قاعدين على العنتر نت
نور: ههههههههههههههههه يدتي شنو هاي بعد .. اسمه الانتر نت
العنود: السلام عليكم
الكل: وعليكم السلام ..
ام محمد: زين انج قمتي مب شرات اختج ما تفهم .. صار لها سنه مجابله هالجهاز ..
العنود: يدتي .. هي سهرانه عليه ما نامت من امس
نور: وانتي يا فالحة شمقومج ... هالوقت .. اخب مثل ريم ما تقومون ..
العنود: جهازي في فايروس .. ونايمه من وهل ما عندي شيء اسهر عليه
ام محمد: اي كله منكم .. متعبينه مسكين , ومو مخلينه ينام وفوق هاي مبطلين الدريشة شلون ما يجية فايروس ..
نور والعنود: خخخخخخخخخخخخخخخخخخخخخخخخخخ
نور: يدتي هذا جهاز مو بني ادم
ام محمد: والله كله واحد وانا امج الحين انتي يا نويرة بتعلميني
نور: خخخخخخخخخ لا محشومه يدتي !!
العنود: الا جدتي . المسكين هذا ابي اوديه المستشفى يتعالج ..
نور : عندووووو لا تلعبين عليها ..
العنود: نوووور .. تراها فرصة وجات والله ما صدقت .





.............................

راحت له بعد ما طلبت الاكل , " غريبة الساعه 11 وهو لحد الحين نايم "
دانه: جاسم , يله قوم ..
جاسم: \هااااااااااااااااااااااااااا
دانه : قوم صباح الخير !!
جاسم: صاير شيء ( وقعد على السرير من الخرعه )
دانه: نووو .. بس قلت اقومك زهقت من القعدة بروحي
جاسم: زين انج تذكرتي ان في حد مسافر وياج
دانه " اشفيه هذا من الصبح " : اربع وعشرين ساعه ويا بعض وتبيني انسى
جاسم: طلبتي الريوق ولا ..
دانه: يس يس .. بس بعدة ما وصل يله لين ما تخلص اتلاقي كل شيء جاهز ..
راحت تعدل شعرها , وترتب الفطور اول ما وصل .. واستغربت انه تاخر حيل , صار له نص ساعه من قام وهي ميته تبي تاكل , بس فشله كفاية ان صار لي اسبوع وانا مو عبرته عيب ..
جاسم: مرحبااا
دانه (وهي تبتسم)" ما بغى .. والله اني ميته من اليوع" : مرحبتين ..
استانس على ابتسامتها , بس ما حب ايسوي نفسه مهتم على طول راح عند الاكل , وطنشها .. طبعا دانه احترت من حركته بس ما حبت اتبين " اشفيه هذا مب صاحي .. صار لي نص ساعه ما*** عمري في النهاية اول ما يشوف الاكل ياكل ويسفهلي .. "
جاسم : انتي شسالفتج بالضبط
دانه: اي سالفه
جاسم: اتشوفين حالتج طبيعيه .. اتقومين بروحج .. تاكلين بروحج .. تطلبين بروحج .. وتنامين ولا تسولفين كله ساكته .. دانه انتي فيج شيء
دانه: خخخخ شفيني عادي .. " اف شاقوله هذا " , مستحيه هههههههههههههههههه
جاسم: تستهبلين انتي وويهج ..
دانه( اشفيه هذا , موب صاحي): انزين ليش اتكلمني جي ..
جاسم: محتر ..!! عشر تيام وانتي على هالحاله , كل يوم اقول باجر بتتعدل ولا في فايدة , دانوو شوفيني انتي مغصوبة
دانه: خيررر .. يعني انت ما تعرف ابوي .. عمري ما غصب عياله على شيء مو مقتنعين فيه ..
جاسم" مع اني شاك ولله .. احم احم اساسا انا من يقدر يرفضني هع هع ": اي اشوة .. عيل شنو سبب تصرفاتج .. طول اليوم انا الي اتكلم وانتي الساكته .. واول ما اقولج كلمه اتعصبين على طول انا قالولي دلوعه بس ما توقعتج جي ..
دانه" وهذا ما بخليني اكل من الصبح .. والله الاكل يشهي " : اي .. مهو لحد الحين مو متعودة عليك ..
كملت اكلها ولا عطته وجه كان وده يفتح معاها مواضيع للحوار بس خاف من درة فعلها .. خل اكل وانا ساكت اريح لي ..
اول ما خلصت اكل جلست على الكنبه وفتحت بكلتها عشان تلم الشعر الي كان طايح على وجها
جاسم" خليه .. كان حلو جي .. " بس طبعا ما تجرأ يقول هالكلام خاف يجية منها شيء !!
دانه: خيير في شيء !!
جاسم: اقول شيء وما تزعلين !!
دانه: قووول .. لا تخاف
جاسم: شكلك حلو يوم يكون شعرك مفتوح !!
دانه: زين قلت لي عشان ارفعه !! (( وقامت وراحت للغرفة .)
وشفيها هاي .. الواحد ما يعطيها ويه !! هذا جزاتي الي قررت امدحها فجأه ..

-----------------------

- ما بغيتي اتدقين .. من اسبوع اتصل فيج ما تعطيني ويه .. ولا تكلميني ع المسن شسالفتج بالضبط
امل: اسكتي يا نوفو بلاوي صارت هالاسبوع
نوف: شنو ولد عمج طلق مرته ... بليز قولي اي ..
امل: حرام عليج !! ما صار لهم اسبوع .. صح اني ما احبها بس ما اتمنى لها الطلاق ..
نوف: اففف منج .. عيل شالسالفه تكلمي
امل: تذكرين الحر الي وياي بالمنتدى .
نوف: الي ايم اتسولفينلي عنه ايه .. شبلاه عرفتي عنه شيء
امل: اشياء خخخخخخخخ .. تدرين مرة كلمنى منى العب وياه بليارد
نوف" وهي متحمس" : انزين
امل: وقعدنا انسولف ويا بعض .. صايرة اسهر وياه ع البليارد كل يوم . واليوم طلب ايميلي بس انا مترددة احس انه غلط .. رفضت بس هو اصر شاسوي
نوف: عطيه عادي
امل: بس انا عمري ما سويتها .. واذا ابوي فرضا درا بيذبحني انا واثقة من هالشيء
نوف: وابوج شدراه مثلا .. بيراقب النت .. يفتح ايميلج
امل: لا لا لا
نوف: خلاص توكلي على الله .. وبعدين اتسوين اكشن كفاية ما تطلعين بروحج .. وا تكلمين شباب ع التلفون مع ان لو تبين راح تقدرين .. كلميه ع المسن على الاقل
امل: بس انا خايفة ..
نوف: لا تخافين عادي .. بس لا تقولين له معلومات عن نفسج من يدري يمكن يطلع اخوج خخخخخخخخخخخخخخخخخخ
امل: ما عندي خوان هع هع
نوف: اختج مسويه نفسها صبي
امل: اقول تستهبلين ويا هالويه .. باي
نوف: ههههههههههههه باي
-----------------------
سهر: انتوا ناس ما تستحون
ريم: افااااااا سفانوا يالدبا وشهالكلام القوي
سهر: قاهريني انتي ودانوو .. الحين صديقتكم ومع دانه من ايام ابتدائي واحنا ربع .. وتتزوج ولا تعلمني .. اشوفها بالصدفة ويا ريلها
ريم: شفتي دانوو ..
سهر: يس يس بمطعم هي وريلها .. بس تبين الصراحة ريلها يجنن لو خطبني ما كنت بارفض .. بس اقولج شيء انا على السب والوصف الي كنت اسمعه منها يوم اشتغلت بالشركه عمري ما توقعته جي .. تقولي عصبي ويحر ويقهر ومتعصب وما ادري شنو .. والله طلع وسيم وماسك يدها الشيخ .. ههههه
ريم: : اقول احترمي نفسج تراه عمي
سهر: خخخخخخخخخخخخخخخ ادري .. اقول ما عندج عم ثاني
ريم:هههههههه امبله عندي .. خلاص طرشيلي صورتج اعطية ههه .. , وبعدين بالنسبة للحفله , احنا سويناها عائلية وبالبيت , بس جاسم ناوي يسويلها حفله كبيرة لما يرجعون لو بتحضرين باطرشلج بطايق
سهر: متى عاد
ريم: احنا حاجزين على نهاية 8
سهر: وقتها باكون بالسعودية .. خلاص راح احظر ان شاء الله ..
ريم: الا تعالي ., دانو قالت لي ان ابوج انتهت فترة شغله في لندن
سفاية: يب يب
ريم: بتمين تدرسين هناك .. ولا
سهر: والله ودي اكمل هناك . بس نواف مب راضي ايقول يا السعودية او دوله من دول الخليج اتكونين قريبة منا ع الاقل
ريم: انزين ليش ما تجين قطر
سهر: ما اقدر اترك امي بروحها , اتعرفين انا بنتها الوحيدة ..
ريم: اي بس نواف اخوج موجود , تعالي والله تكونين ويا دانو واحنا موجودين احسن مما اترحين مكان ما تعرفين فيه حد , انتي ما شفتي دانوا اول ما يات
سهر: ما ادري والله
ريم: انزين انتي حاسب , ادخلي كارنجي .. ترى كل شيء موجود انتي بس تعالي بتكونين ويا دانو
" كانت ريم قاعدة في بيت جده ابو عبدالله , تسولف ويا سهر الي دقت عليها يوم كانت قاعدة ويا العايله , عشان يتجمعوون كالعادة , وبعد الصلاه يرحون كلهم بيت جدهم العوود "
عبدالله: الا ريم وين راحت ..
الجوهرة: رفيجتها دقت وراحت اتسولف بالصاله الثانية ..
ريم: اهلن ..
الجوهرة: هلا ببنت اخوي
ريم: بسم الله , الجوهرة ترحب فيني واتقول بنت اخوي .. طلول الظاهر امي راضيه علينا اليوم
طلال: هههههههههههههه
ام عبدالله: يمه خالد وصلت اغراض غرفه اخوك ..
خالد: يمه انا كانت شغلتي شهر العسل , ويوم كلمه جاسم شكله كان مستانس من اختياري ,, اثاث جناحة مهمه طلال
( جاسم طلع موزع المهمات عليهم , وهو كان مرتاح خخخخخخخخخخخ )
طلال: اي رحنا انا والجوهرة اخترنا كل شيء وباجر او الي بعدة بيوصلون ..
ريم: خيررر .. وشمعنا وديت الجوهرة.. انا اقرب .. ساكنه وياك بنفس البيت
طلال: انتي اخاف دانوو تتخرع من ذوقج
ريم: ه ه ه , كككك ( ضحكات الاستهزاء كلها ضحكتها ؟)
عبدالله: ما ادري هالاثنين متى بيعقلوون ..
الجوهرة: اي وانت الصاج يا اخوي .. عيالك يهال ..
خالد: خخخخخخخخخخخخخخخخخخخخخخخخخخخخ حالتج صعبة جوجو
الجوهرة وهي تسساسر ريم الي قاعدة جنبها : اقول خل انحن عليهم انروح المزرعه يومين شرايج !!
ريم: اي اوكي ..
الجوهرة: يمه ..
خالد: شكلها بتطلب !!
ام عبدالله: هلا يمه ..
الجوهرة: شرايكم انروح المزرعه يومين
ريم: احنا وبيت يدي ابراهيم .. وامي العودة وعمي راشد
طلال: لااااااااااا وين !!
عبدالله : الجو حار يبى وين الواحد يروح هناك
الجوهرة: الا بالعكس ونااسه .. نغير جو .. ما بقى ع الاجازة الا اشوي .. والسنه ما سافرنا
ريم: اي صح .. عشان يكون لنا نفس للدراسة ... خصوصا عندوو ومريوم فديتهم السنه ثالث ..
ام عبدالله: انزين يا يمه اخوج ومرته ما بقى الا شوي ويرجعون ..
الجوهرة: الي يسمع يقول بنقعد شهر .. الا ويك اند يعني يومين
(( ويرن جوال ام عبدالله بهاللحظة ))
هيا: هلا .. هلا بحبيبي .. هلا بعينوني
ريم: اووووووووووو يدتي تعرف اتغازل
الجوهرة: اقول اعقلي يا بنية .. لوحد ابوج سمعج يكسر راسج
هيا: الحمد لله يمه انا بخير اشلونك انت واشلون الدانه ..
جاسم: ماشي حالنا ( ويلفت على دانه ويبتسم لها ) الحمد لله مرتاحين
هيا: الحمد لله يا يمه , خوانك ايسلمون عليك ..
جاسم: اي قلت اكيد قاعدين وياج هالحزة , سلمي عليهم وايد .. الا وين ابوي
هيا: والله طلع ويا عمك ابراهيم من الصبح يمه .. وما ادري عنه
-------------------------------------
نور: اقول عندوو روحي نادي اختج
العنود: ما بتجي طيعيني ..
نور: قوليلها تتجهز ما بقى شيء ع الصلاه وبعد الصلاه العايله كلهم عندنا
العنود: خخخخخخخخ هي اساسا ميته من القهر تنتظر وحدة ع المسن وما دخلت
ام محمد: المسن ّ!!!!!!!! وي يمممه الله يكفينا شرة
العنود: يدتي المسن messenger ... وشو ذي بعد نور ولي سلمج سويلي اياه ودي اذوقه
نور: ههههههههههههههههههههههههههههههههههه
------------------------
نواف: ها شقلتي !!
سهر: قلت لك مستحيل , مب يعني ان ابوي خلص شغله هناك لازم ارد وياكم باكمل دراستي وبعدين بارجع
نواف: شوفي يا بنت الحلال, قعدة هناك بروحج مافي , وبعدين انتي ما كانت وياج الا دانه وكاهي ردت بلادها وعرست ..
سهر: والسعودية ما اعرف فيها حد .. وين تبيني ادرس بالله عليك !! اساسا الجامعه اللي انا ادرس فيها مو موجوده عندنا
نواف: احنا مو ناقصين جامعات , كل التخصصات موجودة والحمد لله .روحي الرياض .. ادرسي هناك ع الاقل اتكونين قريبه منا .. الحين كل الخليج يجون السعودية يدرسون وانتي رافضة ..
سهر: بس ما عرف حد يدرس بالرياض , واذا رحت هناك منو بيكون معاي احنا بالقصيم مو بالرياض ّ!!
نواف: وين تبين تروحين عيل .. البحرين عندهم جامعات عدله .. ولا الامارات او حتى قطر .. انتي تخصصج مو صعب في كل مكان اتلاقينه المهم داخل الخليج , على الاقل نقدر انسير عليج كل فترة والثانية ..
سهر: ما عندي ربع هناك .. ما عندي ربع الا بالدوحة .. والباقين بلندن !!!!
نواف: خلاص كلمي دانه ..
سهر: بس دانه جامعتها .. غير ترى .. دشت جامعه كارنجي !! وحتى لو انا تخصصي غير عن دانه
نواف: انتي شوفي المتوفر عندهم , لو عجبك درسي هناك , او تعالي السعودية !!
سهر: انت لاحظت ان كلامي صار قطري خخخخخخخخ , والله اني اضحك !!
---------------
كانوا ماسكين يد بعض ويمشون بهدوء , ما كان هدوء قاتل بالعكس , كان المكان يجنن , حاولت تسحب يدها كذا مرة , بس كان ضاغط على يدها بالقو .. كانت عاجبتها الحركه بس بنفس الوقت منحرجة ..
دانه: الا احنا وين رايحين !!
جاسم: الله يسلمج انتي الحين في منطقه اسمها Mercerie اشهر منطقه تسوق في فينيسيا
هو يدري انها تحب السوق مو تحبة الا تموت عليه من يوم ما كانت تشتغل وياه .. يمكن ما كان يتعامل وياها وايد وكل تعاملاتهم كانت عبارة عن اجتماعات ع النت بس متاكد من شيء مواحد ان ذوقها حلو وان كل راتبها كانت تصرفة على التسوق ..
دانه " ببرود " : حلو
جاسم: لحد الحين زعلانه ..
دانه: من قال اني زعلانه , عادي
جاسم: بالعكس , صح انج كل يوم اتكونين جي باردة بس مبين عليج زعلانه !!
دانه" وهي صج بدت تعصب , هاي شنو ما يعرف يتكلم" : يعني انا باردة ...!!!!!!!!!!!!!!!!!!!!!
جاسم" ابتسم من حركتها واحد- صفر يا دانو " : مو باردة باردة .. بس مبين ان في شيء مو عاجبج !! مب راضية وتتصنعين البرود
دانه: الشيخ دكتور نفسي وانا ما ادري , وانت كل شيء مو عاجبج .. قاعدة لحالي وما لي خص فيك عصبت .. اسئل واتدخل اتقول باردة .. وبعدين هد يدي عورتني !!!!!!!!!!!!!!!!!!!
جاسم " والله انها فلله اذا عصبت " : يعني مب زعلانه !!
دانه" هذا شنو ما يفهم ": افففف .. منك!!! لا الشيخ مب زعلانه
جاسم: ههههههههههههه تراج فلله لما انرفزج صح كلام طلول ..
دانه" اوريك يا طلال , هاي كله طلع من تحت راسك " : خخخ اساسا طلول ما يعرف شيء
مال عليها وباسها بخفه على خدها , تفاجات من الحركه بس ماحبت اتعلق , لانها اتعرف انه ما بيخليها لحالها !!
دانه " حبت اتغير الموضوع ههه مب هينه تراها " : تعال خل ندخل هالمحل شكله حلو ..
جاسم ( ابتسم على حركتها بس ما علق ): اتفضلي !!
قعدت تطالع الفساتين المعروضة , كانت جد حلوة وراقية .. مع انها غالية اشوي بس سعرها كان يستاهل , عجبها فستان بيج لين تحت الركبة بشوي .. ودانتيل , ومثبت بشريطة بالنص , اتحسينه كلاسيك بس هذا ذوق دانه ..
جاسم: حلو صح !!
دانه: يجنن , اخذة !!
جاسم: اي ليش له , احسة بيطلع حلو عليج , هذا ينفع لسهرة !!
دانه: انت شسالفتك , من يوم ما دخلنا واتقولي اختاري فستان سهرة , حد بيعرس ولا شيء
جاسم ( ارتبك , ما كان يبيها تعرف عن مفاجأته لها الحين ) : ها لا بس , اهني فساتينهم تجنن واللون لابئ لبشرتك .. ( وقالها بطريقة خلتها تضحك )
دانه: ههههههه اما لابئ لبشرتك .. اشوي وتقولي هذه موضة السنه .. اوك .. خلاص باخذة ..
----------------------\
" افففففففف هذا وقته العايله كلها بتتجمع , ابي اروح فوق , مشتاقه للحر اليوم ما كلمته كلش "
العنود: امووووووووول وينج !!
امل: ها وياكم !!
هيا: وين ويانا من مساعه واحنا انحن ونسولف وانتي ولا موجودة !!
امل: خخخخخخخخ سرحت اشوي اتعرفين ما بقى شيء ع الجامعه وقاعدة افكر
هيا: اسكتي لا تذكريني !!
ريم: بالعكس انا متحمسة مووت للجامعه احس بيكون فلله
هيا: مهو انتي اول سنه لج .. لازم تتحمسين !
الجوهرة: اقول احنا ما سافرنا عاد انا وريمو من الصبح انحن على الشعب الي عندنا يودونا المزرعه شرايكم
امل: لااااااا ما له داعي
( استغربوا كلهم من ردها بس ما حبوو , يعلقون .. شاسالفتها هذة مع انها اكثر وحدة تحب تروح المزرعه )
امل " وبعدين معاهم , لو رحت المزرعه ما راح اقدر اكلم خالد " : ما له داعي انروح الجو مو حلوو
العنود: بالعكس , احبى شيء لو رحنا الصيف , نتسبح بالبرجة , ونلعب بالماي خخخخخخخخ
ريم: خخخخخخخخخخخخ يس يس , والله وناسة .. بس يدتي قالت نروح بعد ما دانو وجاسم يردون من السفر
العنود: شيبون من المزرعه اهمه في فينيسيا !!
الجوهرة: خخخخخخخخ ترى دانوا اتسلم عليكم , كلمتها من يومين , وهم اليوم دقوا على امي
الكل: الله يسلمها
دخلت عليهم مها وهي شاله حسن " ولدها الي عمره سنتين " ..
مها: شعندكم قاعدين بروحكم
ريم: هلا والله بمرت خالي !! ام حسوني
مها: انتي وراج شيء , عمري ما سمعتج اترحبين جي من الله .. وبعدين شنو حسوني جنه اسم صعيدي
الجوهرة: خخخخخخخخخخخ المشكله انج فاهمتها
مها: ههههههههههههه
امل: يبونج تقنعين الحكومه انروح المزرعه !!
مها: بهالحر !!!!!!!!!!!
ريم: وانتوا كل ما قلنا لكم قلتوا حر , بالعكس الجو بيكون حلو حق مزرعه , وبعدين ما بقى شيء على رمضان والمدارس والجامعات, نبي نستانس اشوي
مها: والله ما ادري , ما اعتقد حد بيوافق !!
مريم: شوفي اهمه مترددين يوافقون ولا .. قاعدين يدرسون الموضوع
الجوهرة: امي قالت روح بس بعد ما المعاريس يرجعوون
مها: وي فديتها دندوون , اليوم الصبح دقت علينا
العنود: والله القعدة مب حلوة من دونها !!
الجوهرة: شرايج مهوي , تجين انحن عليهم !!
مها: انا اقول انطروا يمكن الجو يتعدل , لان حر وايد ورطوبه ما ينفع انروح المزرعه !!
--------------------\



..الجزء التــــــــــــــاسع ..


قامت من النوم وما لقته جنبها اكتفت بابتسامه, شافته داخل الغرفة والابتسامه شاقه حلجة , ما حبت اتعلق واكتفت انها لفت ويها الصوب الثاني , وهي منحرجة !!!!!!!!!!!!!!!!!!!

-------------------------
** ما هقيت ان الهوا عذب قلوب الرجال**
تدرين حاس نفسي متضايق اليوم ..
×× اكرهك لكن اموت في حبك ××
افااااااا ليش !!
** ما هقيت ان الهوا عذب قلوب الرجال**
ما ادري !!
×× اكرهك لكن اموت في حبك ××
خالد .. الساعه 8 ما وراك دوام ..
** ما هقيت ان الهوا عذب قلوب الرجال**
ما ودي اروح , مفكر اخذ اجازة اليوم واقعد وياج !!
×× اكرهك لكن اموت في حبك ××
احسن !! امس ما سولفنا
** ما هقيت ان الهوا عذب قلوب الرجال**
امس يمعه عايلتي صعبة انسولف !!
×× اكرهك لكن اموت في حبك ××
مي تووووووووو !!
** ما هقيت ان الهوا عذب قلوب الرجال**
انتي عندج خوان وخوات !!
×× اكرهك لكن اموت في حبك ××
احنا شقلناااااااا!!!!!!!!!!! ما في اسئه شخصية ولا باسويلك بلوك وبافتك
** ما هقيت ان الهوا عذب قلوب الرجال**
خلاص خلاص ما يسوى علي !! اوكي
---------------------------------
- اوووووووف انتي كله جي , كل يوم قاعدة اتصيحين ابي اولد ابي اولد .. زين منه متحملج !!
- طلال" الي كان يلعب اونوا ويا فهد" : هيييييي انتي تراج عورتي راسنا كله اتصارخين
- ريم" افت عليه وهي معصبة": انت شعليك , الهبله كل يوم اتصيح اتقول ابي اولد !!
- فهد: ليكون انتي الي تولدين وانا ما ادري , عادي نتي شعليج
- ريم: شنو شعلي , انا اتابع المسلسل , اووووووف اسكت !!!!!!!!!!!!!!
- طلال" لف عل فهد" : اووووووووف يا بو فيصل سكتوك !!
- فهد" وهو ايسوي نفسه معصب" : اتخسي !! انا الشيخ فهد بن عبدالله مب اي حد
- ريم" وهي خلاص مفورة": انتوا ما لقيتوا تلعبون الا هني , المسكينه قاعدة تولد بالسيارة " وتصيح" حراااااااااام , مهند انت صج غبي ما تعرف تتصرف , اووووف حرام والله ..
- فهد وطلال: ههههههههههههههههههههههههههههههههه
- طلال: صج مب صاحية !! الحين الناس يطالعون ميرنا وخليل ما ادري شسمه ذاك
- فهد: انت ما شفت شيء دانوو وقت المسلسل اخس منها ترى !!
- طلال: ههههههههههههههه عيل الله يعين جسوم عليها !!
- ريم " طالعتهم بنظرة اتخرع" : انتوا شسالفتكم بالضبط !!
- ريم ................... ريم ........ وينج يمه !!
- فهد: امي تناديج ردي !!
- ريم " هاي وقته" : هلا يمه , انا اطالع نور !!
- طلال : هاي الارسال واصل عندها متاخر بعد ما الناس تابعو نور وخلصو ,والحين يشوفون ميرنا وخليل لا وابشرج واحد من الشباب يقول انه قريب يخلص وانتي لحد الحين مع نور هي صارت اتطالعه ..
- ريم : اف منك وقتها كان عندي مدرسة .. عادي انا اطالع المسلسلين بنفس الوقت
- طلال: يا خطيرة يا اختي .. سويتي عمل عظيم !!
- جوالج ما سكت , روحي شوفية عور راسي !!
- طلال: مشكله المهمه !!
- ريم: هههههههههههه احم احم عشان اتعرف اختك اشلون , متى ما بغيت واسطه تعال
- طلال: هههههههههههههههههههههههههههههههههههاي , اقول روحي ردي على جوالج !!
- ------------------------
- والله ان الشوق ذابحني , وانت شالي البال ومكيف , كان تبغي رضاي صالحيني , ادري انك زين ورهيف
العنود " وهي ترقص... كانت تتمايل بسرعه فضيعه على اتغام الاغنية , ورقصها فلله " : والله ان الاغنية فلله , عاشو عاشو ...
--------------------------
خليفة: يدتي , هشهالصوت , من الي مشغل اغاني عندكم ,
ام محمد: وي يا يمه يا فهد , هذة العنود , من الصبح وهي تردح – ترقص – على هالاغنية ,, عورت راسي الله يهداها ..
خليفة: هههههههههههه يدتي انا خليفه مهب فهد , فهد ولد نور اختي
ام محمد: وي يمه انت خليفة , انا احيد ان خليفة معرس , وين مرتك
مها: خخخخخ كاني يدتي جدامج !!
ام محمد ( والله ضايعه هاليدة ): وييييييي يمه اشلونج ان شاء الله تمام
مها : الحمد لله تمام يدوو
ام محمد: وبنتج شروق , شرق , شسمها يمه
خليفة " ههههههههههههه شوق يدتي !!
ام محمد: اي شروق اشلونها ,وحسن فديته اشلونه
مها: ههههههههههههههه الحمد لله يدتي شروق وحسن بخير
خليفة " بصوت واطي لمها" : منو شروق
مها: شوق , ما حبيت افشل يدتك فديتها ,, خلها
خليفة: الا يدتي !! , وهاي عندو مب ناوية تهدا اشوي عورت راسي ويا الاغاني
مها" الله يفضحج يا عندوو , العالم كله درى " : عادي خليفة الحين بتسكرة !!
خالد: السلام عليكم جميعا ّّ!!!!!
ام محمد: ويييييي يمه جاسم !!
خالد: اي جاسم يدتي انا خالد !!
ام محمد: اي حبيبي اشلونك

خالد: الحمد لله طيب , اشلونكم خليفة , وام حسن
مها: الحمد لله تمام ..
خليفة : يدتي شكلج تعبانه اليوم ..
ام محمد : وي يا يمه الكبر شين .. عادي بعد اشوي باروح اخذ قيولتي
خالد : هههههههههههههههه اما قيولتج وين سمعتيها هذة بعد
مها : شعبالك ترا يدتك مثقفة ..
خالد: بل , يدتي وشهالازعاج !! عندكم عرس ..
ام محمد: لا يمه هاي العنوود اتلاقيها تناقز
خالد: حلو تنقز , بس والله الاغنية فله , عادي اناقز وياها
ام محمد: هههههههههههه وانت متى بتعقل يمه , خلي اخوك يرجع بالسلامه ان شاء الله واندورلك على مرة انت بعد ..
خالد" وهو يطالع خليفة بنظرة ( انقذني )" : يدتي تو الناس .. انا لين الحين بيبي
خليفة : , اي يدتي توه بيبي خل نخطب لحسن ولدي شرايج
مها " وهي تساسر خليفه" : اسكت الله يهداك تراها اتسويها !!
خليفه: هههههههههه الله وناسه نفتك منه
مها : حد يقول عن ولدة جي
خليفة : شاسوي معور راسي .. شفتيه مساع شسويه .. بس خلاص توبة
مها: اي خلك جي مطيع
مها: الا يدتي وينهي امل ..
ام محمد: وي يا يمه مع هالامل , طول اليوم تناظر في هالعنترنت ..
خالد: خخخخخ يدتي .. العنتر هذا ريال والنت هذا جهاز شتقصدين بالضبط
خليفة ومها: هههههههههههههههههههههههههههه
ام محمد" وهي رافعه العكاز ": خلووووووووووووووووووووود !!!!
خالد وراح يركض عند خليفة : توها صاحية من مساعه واحنا نضحك عليها
خليفة: ههههههههههههههه اسكت الله يفضحك , يعني ما تعرف يدتك ..
خالد: فديتها عيوزتنا " وراح باس راسها "
- ساااااااااااااااااااالي ,سويلي عصير !!
ام محمد: امل .. يمه البسي شيلتج وانزلي , سلمي !!
امل" يا ربيييييييي وبعدين وياهم , مب كفاية ان خالد ما دخل اليوم ع المسن " :
ان شـــــــــــــــــــــــــــــــاء الله ..
مها: ما بغت اتقوم !!
خالد " امل هاي الحلوة الي في عرس جسوم !! يحليلها " : الا يدتي اشلون عمي براهيم من فترة مو شايفه ..
ام محمد : والله تمام فديته اليوم العصر كان عندي .. وانت وراه ما تزور عمك
خالد: والله ودي , بس كل ما ابي اروح انسى !!
خليفة: انا بعد اشوي رايح اطل عليهم تعال .. نفس الحوش !!
خالد: خلاص تم !!
امل: السلام عليكم ..
الكل: وعليكم السلاااااااام ..
رفعت عيونها , وناظرته .. ما تدري بشنو حست , بس بشعور حلو .. ما شاء الله عليه وسيم .. الحين هذا ولد عمي معقوووله . .. يا ترى هاي منو طلال ولا خالد !!!!! غريبة العادة يدتي تزفني وما تخليني اطلع جدامهم شعندها اليوم بنفسها عازمتني

-----------------------
أول مرة احس بهالاحساس , معقول بديت احبة , لا لا مستحيل ما اعتقد ان الحب يجي بهالسهوله , يمكن اكون متقبلته صح !!
والله اني مترددة مب عارفه افسر شعوري , الحين هذا الحب ولا لاء , جاسم شنو بالنسبة لي .. زوجي بس , ولا ولد عمي ولا شنو !!!
جاسم: وين رحتي !!
دانه : وياك , بس اتصدق المنظر يجنن
جاسم" وهو يبتسم " : انتي الي تجننين
دانه " افففففف منه لازم اسوي نفسي ثقيله .. بس والله كلامه يجنن ": شنو بدينا .. قلت لك ما حب هالحركات .
جاسم " هاي وبعدين معاها خاطري اكفخها " : خلاص ان شاء الله .. المكان احلى منج ...
دانه : ههه اي جي اوكي ..

-------------------------------------------

مر اسبوع وكل يوم علاقتها بالحر اتزيد .. لدرجة انها صارت تقوله كل صغيرة وكبيرة عن حياتها .. وهو بعد نفس الشيء .. عرفت عنه انه وحيد امه وابوه .. اسمه خالد ، اهله توفوا في حادث وهو صغير ، مع الاسف عمامه ما يحبونه لانهم ما كانوا راضين على زواج ابوه من امه فربوه امه وابوه من الرضاعه .. المسكين يعور القلب .. !
كانت تتأسف على حالها وايد يوم تتذكر وفاه امها .. كانت اتشوف البنات بالجامعه وعلاقتهم بامهم وهي وحيدة ..!
تتذكر يوم حفل التخرج من الثانوية .. كل البنات مع امهاتهم وهي امها كانت توها متوفية .. بس اضطرت اتروح .. ما حبت تعيش لحظات الحزن من جديد .. حدبت تونس ابوها وتخليه هو واختها يعتقدون انها مارست حياتها الطبيعية .. بس هي عمرها ما نستها ومستحيل تناساها . هاي امها !!
كانت فاتحه البوم الصور القديم .. الي مستحيل تمل منه .. كل ما حست نفسها بحاجة انها تكلم امها تفتح الالبوم وتبدا تتكلم ، وتذكرت مأساه خالد – الحر- . كنت اتوقع نفسي وحيدة بس على الاقل انا عندي العنود وابوي ويدتي .. صحيح ان هو عندة خوان من الرضاعه بس الاخوان الحقيقين غير .. والله صعبة ان الواحد يفقد ان مع عايلته ..
كانت مشغله شريط القران على سورة يس يوم دمعه حارة طاحت من عيونها وهي تتذكر كل هاي .. والله أن الحياه صعبة !!
--------------------------------------
- الا طلال شعندك اليوم مطلعني نتعشى . العادة احن عليك وما تعطيني ويه
- طلال: ولا شيء بس اشتقت لسوالفج وقلت نطلع ويا بعض ..
- ريم : هههههه طلول قالولك هندية ! تكلم عدل شتبي ..!
- طلال: والله ما فيني شيء .. بس كنت حاجز للمطعم ويوم دقيت على الربع اغلبهم طلعوا مشغولين .. ما حبيت الحجز يروح فدقيت عليج ..!
- ريم: والله انك مصلجي .. الحين انا شفتك داق .. وتقولي نروح الفور سيزن ... قلت اخيرا تذكر ان ما عنده اخت غيري وقال بيدلعني !
- طلال: افا يا اختي .. انا احبج حب مستحيل اعبر عنه .. عشان جي اطقج واتشهاوش وياج دوم .. هاي طريقتي في التعبير عن الحب !
- ريم: طلول اعترف وين قاري هالكلام !
- طلال : ههههه مشكلتج انج فاهمتني .. قالوه في الراديو اليوم الصبح
- ------------------------




الجزء العاشر ..

قامت من النوم بس ما لقته في السويت .. جربت تدق عليه بس ما رد عليها .. اففففف يا دانو طفشتي الريال منج اكيد شرد ورجع الدوحة .. وشو هاي ! ما كمل شهر وياي على طول زهق .. وين راح الصبح من وهل توها الساعه 8 الصبح ..
- السلام عليكم ..
- عليكم السلام ..
(( كان شكله يعور القلب .. داش عليها وهو مبين عليه التعب .. كان لابس ملابس رياضة .. وشكله راح يركض الصبح ! بس المسكين شكله تعب وايد ))
- حبيبتي اكيد فتقدتيني ..
- صج ما حسيت انك طالع ..
- (( اي يصير خير .. اساسا شكلج ما صدقتي يوم شفتيني داش البيت .. )) احسن عيل عشان ما اخرعج على الفاضي .. ما يهون علي !
جاسم : الا دانه !!
دانه : هلااا ..
جاسم : مساعه شفت مايكل تذكرينه !
دانه: مو هو صاحب شركه الاعلانات الي كنا نتعامل وياها .
جاسم : اي نعم هو ..
دانه: افففففف ما حبه .. !
جاسم : (( وانتي منو تحبين .. )) اي عادي حتى هو ما يحبج
دانه: المهم وش يبي !
جاسم : هو ومرته موجودين في فينيسيا .. ويوم شافني قال لازم نتجمع .. خصوصا بعد ما قلت له اني جاي باجازة شهر العسل .. قال لازم يتعرف على مرتي !
دانه: وقلت له اني مرتك !
جاسم: لا قلت يمكن ما تبين تين وتحرجيني .. ! اخذ اي وحدة معاي بدالج ههههههههههههه
دانه: ه ه ه عبالك تضحك ! خلاص مب رايحة روح خذ اي وحدة بدالي !!
جاسم : " يا خي استانس يوم اشوفها معصبه .. بس الحلو فيها ان بسرعه ترضى " اافااااااا .. (( وطلع علبة مغلفة من مخباه )) كنت ادري انج بتزعلين فقلت اشتري لج هدية !
دانه " يحليله .. شرا لي هدية .. ان شاء الله يكون ذوقة حلو " وانت عبالك كل ما بازعل بتيبلي هدية .. نصيحة لا تعب نفسك .. اخاف تخسر كل الي عندك !
جاسم " هه هه هه انتي شوفي الهدية بس .. لا تغترين بالعلبة المغلفة !" انزين فتحيها .. ابي رايج حبيبتي !
فتحت العلبة ولا تحصل داخلها .. جريدة وجلاكسي وولاعه !
جاسم : ترا الجريدة والولاعه لي !
دانه " وشو هاي ما عندة ذوق .. حق نفسة يلبس ماركات ويوم يبي يراضي زوجته يشري لها هدية من الدكان !" ولاعه !
جاسم : اي يا عمري الولاعه والجريدة لي .. المكان الوحيد الي كان مفتوح الدكان .. حتى مو دكان كشك صغير .. يله انا رايح اسبح .. اطلبي الفطور بعد نص ساعه !
دانه : " ههههه والله مب صاحي .. " ..
-----------------

في بيت ام محمد ..

العنود : تدرين مها انا وايد محتارة .. ما عرف اي تخصص ادخل .. كل البنات الي معاي مختارين الا انا !
مها : بس تدرين انتي غير ، انتي الحمد لله عندج ايلتز – هذا امتحان تحديد مستوى لغه انجليزية مطلوب قبل الدخول للجامعه - ..
العنود : ادري بس شفايدة الاايلتز من دون تخصص .. انا حتى ما عرف اي جامعه ادخل ! ولا ادخل على حساب ابوي ولا اي شركه .. مريم قررت وانا احس نفسي متوهقة
مها : ومريم شراح تدرس ..!
العنود : مريوم خاطرها في طب .. بتروح وايل كورنيل
مها : شوفي الي يعجبج ولو بغيتي على حساب شركه . تعالي عندي ! باخليهم يقبلونج ! انزين تدرين انا باجر عندي مؤتمر في جورج تاون ليش ما تجين وياي !
العنود : بس جورج تاون علوم سياسية .. انا مستحيل ادخله !
مها : يا بنت الحلال لا تدخلينه .. على الاقل شوفي المدينه التعليمية .. يمكن تحبينها وتقررين تدرسين فيها مثل دانه !
- افف وانا هاي حالي الكل يطلع وانا قاعدة بالبيت . يمه طلعيني انا تملله
- قومي ماما انا ما حب اطلع ..
- " كانت تتكلم ودموعها على خدها" يمه انا زهقت والله .. كله حابسيني بهالبيت !
- الجوهرة .. اقول اعقلي .. انا مالي بارض اطلع .. ما حب الطلعه خلاص !
- الجوهرة : " افففف متى اتزوج وارتاح على الاقل اطلع اروح انا تمللت كله حابسيني .. جني خدامه " اففف منج انا زهقت !
طلعت من الصاله وهي تصيح ؟؟ جد زهقت محد راضي يطلعها وومنوع تطلع بروحها .. والتلفزيون والنت ما فيهم شيء . خلاص انا شاسوي بحياتي ! زهقت من كل شيء .. يا ريتي كنت ولد. هالزمن ما يحترم البنات !
قعددت تطالع التلفزيون برنامج فرنسي ، ما فهمت منه ولا كلمه بس على الاقل تضيع وقتها في شيء مفيد هي جد زهقت بهالبيت ومو عارفة وش تسوي ! الا جوالها كان يرن ، عرفت انها العنود " ان شاء الله يكون في طلعه ولا حفله ولا عزيمه .. انا تمللت " .
- هاااي
- هلا
- بسم الله ليش صوتج كئيب .. تخرعين ..!
- زهقاااااانه .. ما عندي شيء اسوي .. ويوم اقول لامي طلعيني تقولي ولي ! هاي ام هاي .. اففففففففف انا تمللت .. قولي ان عندج شيء عدل ولا باسكر !
- والله معاها حق امج تقولج ولي !
- اقول عندو .. اذلفي !
- لحظة لحظة .. ترا يدتي وافقت على المزرعه .. مع ان حر , بس حنينا علها كلنا .. حتى شوقو ههههه .. والحين يدرسون الموضوع ما يدرون اذا نروح السيلين ولا المزرعه ..
- انا عندي المزرعه .. ارتاح فيها اكثر ! اذا رحنا السيلين اخواني بيلعوزونا !
- انا قلت جي بعد .. بس انشوف !
- يله .. باي
- باي ..
- --------------
-
كان توه قايم من النوم وهو يفكر في امس ، اي نعم يفكر في امس .. ظل طول الليل سهران على المسن وياها .. يحس لما يسولف وياها ما في شيء يمنعه من انه يقول الي في باله .. حتى لو كان ناوية ما يقولها شيء غصبن عنه يحس نفسه قاعد يتكلم ، يتبكم وبس !ولما ما يكون وياها يعد الساعات عشان يلتقي بها .. قصتها حياتها تقريبا قريبه منه ، مو وايد طبعا بس في تشابه .. ولا اسمها أمل ،" غريبة انه نفس اسم بنت عمي راشد .. وامول بنت عمي بعد تجنن بس انا واثق ان الامل الي اعرفها احلى .. ذيج شخصيتها تجذب , حلوة من الداخل .. اما امول بن عمي راشد اشوف ريمو ما تحبها وايد !
انتبه للساعه الي جنبة كانت الساعه 10 ونص .. افففف الحين بآنزف يا من عبدالله ولا من راشد .. هاي اسوء شيء في الشغل ويا الاهل .. كل ما تسوي شيء غلط بيعايرونك .. وينك يا جسوم ، مع انه ما اشتغل وياي بالدوحة فترة طويله بس كنت كل ما اتأخر احها في راسه .. تدرون شكلي باطلب من الادارة توديني لندن مكانه .. والله احس راحة هناك ! قرر ينزل ويشوف من موجود بالبيت ؟؟
- صباح الخير ..
- هلا حبيبتي صباح النور .. شعندج قايمه هالحزة خبر اجازة
- اي بس امس من الملل رقدت الساعه 8
- وانتي كله ملل 24 ساعه عندج ملل .. !
- خلوود لاا تعور راسي شاسوي .. محد ايطلعني ..
- ولازم حد يطلج .. اقول فطوركم مب حلو شكلي باروح بيت يدي ..

" لازم اروح من وهل .. متواعد مع امل على الساعه 11 ونص .. بس تدري خالد سوها 12 افضل ما تضمن ترجع من بيت يدك . او يمكن يطلبونك الشغل .. اكيد اهمه ماكلين حصى عليك الحين .. " ..
فتح جواله وطرش لها رساله على الايميل .. خاف يتأخر عليها وتعصب مثل امس .. قعد ربع ساعه يراضيها ..

---------------------------

شعندها صار لها فترة تدق علي .. متردد اذا لازم ارد عليها ولا لاء .. بس انا قايلها .. ما ابي اي علاقة تربطنا مهما كانت .. مب كفاية انها سوت هالشيء من دون رضاي .. طلع برا الغرفة ورد علها من دون نفس ..
- هلا نادين ..
- جاسم .. شفيك معصب !
- لا سلامتج بس في شيء ..
- اي بغيت اكلمك بموضوع ..
- شنو ما المبلغ ما كفا هالشهر ..
- ليش العلاقة الي تربطنا علاقة فلوس وبس ّّ!!
- اقول باي .. لو عندج شيء قوليه الحين .. ما عندي وقت ! " قالها وهو معصب وحتى ما انتظر اجابة منها على طول سكر التلفون ودخل داخل الغرفة .. "
- شفيك معصب !
- لا سلامتج .. ها ريدي َ!
دانه : اي ريدي .. الا ما قلت وين بنروح !
جاسم : بنروح مسرحية !
دانه " وهي قاعدة على السرير " : شنو .. لا لا انا ما حب المسرحيات .. لو كلش ودني سينما احلى !
جاسم " خاطري مرة نتفق على شيء .. والله فرق بين وبين " : لا لا انا خاطري بمسرحية .. يمدحونها خل نجرب ! وبعدين راح ناخذ جوله في قارب ..
دانه: بس مو الحين ليل !
جاسم : اي حلاته ليل غير عن كل الناس .. شفهمج انتي بالرومنسية .. اقول تعالي بس !

" غريبة من يوم ما رد على التلفون وهو متغير، وبعدين العادة يروح الغرفة الثانية.. ليش طلع من السويت بكبرة .. غريبة ! وشفيه مستعيل على الطلعه !"
لبست شيلتها وطلعت وراه على طول وهي مستغربة .. بس ما حبت تسأله , متى ما يحس براحة بيتكلم .. افضل من انه تجبرة على الكلام ..

....................................

بيت شريفة " ام سعود"

كان الكل جالس هناك . أمل العنود .. وريم .. وهيا ومريم .. من الملل جلسوا يلعبوون سوني " بلايستيشن "
ريم : مو كانها موجو تاخرت ..
مريم : يس يس ..
هيا : انا يوم كلمتها عصبت تقول اشلون كل البنات عندج وما تقولين لي وانا من الصبح جالسه احن على امي ابي اطلع ..
ريم تضحك : احسها بتذبحني .. خصوصا بعد ما جلستت تتشكى لي أمس وتقول متملله ..
أمل وهي تشوف ساعتها : بنات الساعه صارت 5 المغرب
هيا : وبعدين لا تقولين بتمشين
أمل متردة : هاا
العنود: اموول بلا سخافه .. مدري وش الي عاجبك بالبيت تجلسين ع النت طول اليوم والله ملل
هيا : طيب اقول خل نلعب بليستيشن قبل لا تجي موجو ترى بتحتكر اللعب ومحد بيلعب بعدين ..
- انـــــــــــــــــــا جيــــــــــــــــت
ريم تضحك : اما انا جيت
العنود: عبالج شيء مهم يعني
الجوهرة : يله زين تحمدون ربكم اني جيت .. وش تسون
هيا : تشوفينا قدام البلايستيشن .. نرقص يعني ..
الجوهرة وهي تركض للاشرطه : يا رب في مصارعه يا رب في مصرعه ..
مريم : دوري بالاشرطه الي هناك يمكن تلاقين كذا شريط اتوقع سعود عنده مصارعه ..
الجوهرة : وانتوا شبتلعبون
هيا : انا ابي سيارات
امل: لا مب حلو نبي نلعب باربي
العنود : هيي مسويه نفسج ياهل طول الوقت ساكته ويوم تكلمتي قلتي باربي ..
ما اعطتهم وجه وجلست تدور على شريط مصارعه اغل الاشرطه كات كورة .. او سيارات اما مصارعه ما كان في ..
الجوهرة " حسبي الله عليك يا سعود ما عندك مصارعه "

الجوهرة:مالت عليكم بنات ابي مصارعه ..
امل بدلع : وااي مافي اسلوب
ريم بعصبية : اموول كم مرة قلنا لا تتدلعين
أمل : اووف انتي وياها
هيا تضحك : يا ويلي ع الدفاشه
الجوهرة بعصبية : المهم ابي شريط مصارعه
مريم: من وين نجيب لك ( وكملت لعب)
العنود: من زين المصارعه تعال العبي معنى
الجوهرة :لا ابي مصارعه
هيا : ما في مصرعه العبي معانا .. او لو تبين العاب شباب في كورة ..
الجوهرة بعصبية : لا هيا كم رقم ألسوبرماركت الي عندكم
هيا :ليه
أنا: بكلمه يجيب لي مصارع
ريم : تشترين اشرطه من السوبر ماركت ما يبيعون ارسليه لايست .. يبيعون هالسوالف
الجوهرة: لا لا ايست بعيد السوبر ماركت اقرب
أمل: بس مال السوبر ماركت شيب يومين ويخترب مو اصلي
الجوهرة بعصبية : مب مهم اتسلى فيه الحين .. يله وين رقم السوبر ماركت
هيا : بسم الله ويت اشوي
هيا وهي تفتش بالجوال : 498*****
اخذت الرقم ودقت بسرعه ..
الجوهرة : الووو
ألهندي :هلو
الهندي :عندك مصارعه 2009 او 2008
الهندي : مافي معلوم مسارأه
الجوهرة : مصارعه مال بليستيشن معلوم
الهندي : بليستيشن مافيه بس واير مال بليستيشن
الجوهرة: مابي بليستيشن ولا ابي واير أبي شريط مصارعه
ألهندي : أنا مافي معلوم أنتا ايش بيب
الجوهره : أنت بقره ناد نفر ثاني
ويرد عليها هندي ثاني وجلست تتحرطم كالعادة
ألهندي :الو
الجوهرة : الو فيه شريط مصارعه 2009 مال بليستيشن
ألهندي : لا لا مافيه
الجوهرة بعصبية : انت في كذاب في شريط مصارعه روح جيب بسرعه
الهندي : لالالا مافيه معلوم
الجوهرة بعصبيه : ماتعرف مصارعه جعلك الجلطه
الهندي : أنا فيه معلوم شطه جيب
الجوهرةا :لا مافيه شطه جلطه معلوم
الهندي : انا يسئل نفر ثاني
ويجلس شوي ويرد علي هندي ثاني
أنا : فيه مصارعه
الهندي الثاني : ماما هو يقول ما في مسارعه .. في دووكان ثاني روهي( وسكر في وجها السماعه )
الجوهرة :بنات الهندي سكر في وجهي جعله الجلطه الحقير والله لا انتقم منه
ريم وهي تضحك : مسويه فيها حليمه والله لا انتقم منه تستاهلين
والتفتت تكمل لعب لان القيم كان بينها هي والعنود .. وامل كل اشوي تشوف الساعه وتتحرطم
أما الجوهرة أخذت جوال ريم واتصلت منه
الجوهرة وهي مغيرة صوتها: ألو
ألهندي الي سكر بوجها :الو
الجوهرة :جيب كيس سكر و كيس طحين و4 دبات بيبسي و3مريندا و جيب كيس ليز وكرتون مكرونيا وكرتون دجاج وكرتون معجون طماط جيب بيت بيت شوي
أنا ونا مسكره الموبيل بيدي :هيا ويش اسم ابعد جيران لكم
هيا: مدري
الجوهرة بعصبية : تستهبلين ما تعرفين جيرانهم ..
هيا : اعرف ان اسم بنتهم منال بس مدري وش العائله
الجوهرة وهي تكلم الهندي : جيب بيت مال بابا مال منال
البنات ماتوا ضحك وهي سكرت السماعه بوجهه
الجوهرة : عطيني اسم حد من جيرانكم
مريم : بيت بو سالم ورانا
الجوهرة : اوريهم ..
وراحت اخذت جوال مريم ..
واتصلت ورد الهندي
الجوهرة : ألو
الهندي: ألو
الجوهرة : شوف جيب كرتون سفن وكرتون فليك فلاك وكرتون مارس وكرتون جلكسي وكرتون بونتي وكرتون توكس و3 كراتين عصاير مشكله وكيسة
شيبس تسالي و كلاسيك وكيسة فشفاش حروف وجوحى وبفكي قطر وكرتون أأأأأأأأأطماط وجيب بعد كرتون شنبو بنتين و7 كرولس كبير وحفايض بانبرز وأأأأأأ8شحاطات مال حمام جعلها قدرك وبعد جيب 12 شريط فيديو وكيس صابون كبير واااا9 كراتين بيض بس
الهندي :مايبي شي ثاني
الجوهرة :لا بس بسرعه جيب بيت بابا سالم
ألهندي :جين
وسكرت وهي ميته ضحك
ريم : فشــــــــــــلتينا
الجوهرة : احسن عشان يتعلم اشلون يسد بوجهي الدووب








الجزء الحادي عشر ..
كانوا قاعدين بالصاله بعد الغدا , يشربون الشاي ، ريم وفهد يطالعون التلفزيون ، عبدالله يقرا الجريدة ونور معصبة .. اي نعم معصبة .. مبين عليها العصبية وهي قاعدة وشكلها جد ودها تتهاوش ويا حد بس محد عطاها ويه الكل يسوي نفسه مشغول عشان ما يتهاوش وياها . " والله اذكيا طلعوا " .
نور : عبدالله انت اشلون موافق .. انا رافضة هذا ولدك متى يفهم ..
عبدالله : الله يهداج ما يسوى اني قلتلج .. قبل الغدا وانا قايل .. لحد الحين تفكرين بالموضوع .. انسى خلاص !
نور : شنو انسى ولدي يبي يروح يعيش برا . بعيد عني .. اشلون انسى !!
عبدالله : هو ما بيهاجر برا .. بيروح يمسك الشركه بلندن يمكن لمدة 6 او 7 شهور نفس جاسم وبيرجع .. بعدين حد ثاني بيروح يمسك .. محد مستغني عن عياله !
ريم : افففف حسافه دانو عرست ولا جان ماتت من الوناسة .. بتروح لندن !
فهد : اي والله .. خاطري اشوف ويها يوم تدري .. احس بتقول لعمي بليز روح بداله !
عبدالله : لا جاسم يقول تعب هناك وايد الشغل وايد متعب !
ريم: بس اشوف استانس ! .. هو اساسا يحب لندن وايد .. لا تنسى يبة انه درس هناك !
نور : انا خاطري اعرف عيالنا شيحبون بهالبلاد .. ما في احلى من الحياه في بلادك بين اهلك .. مو غريب ّ!! بس بعد اقولكم اني مو موافقه عل سفرة طلال .. " وقمت وهي معصبة " ..
عبدالله :/ هاي امكم ما في شيء يعجبها .. كله معصبة !
فهد : هههههه اسكت يبة لا تجيك الحين !
عبدالله: انت ما وراك معهد ..
فهد: اي ..
عبدالله : روح ادرس .. يله بسرعه !
فهد : وانتوا كله جي ! في الاجازة دراسة .. في المدرسة دراسة متى الواحد يشوف حياته .. شكلي باروح ويا طلال !
ريم: ههههههه اي تبي امي تذبحنا ! محد قالك ما تعدي الايلتز . الحين بتروح ثالث ثانوي وانت ما عندك شيء !
فهد : ما له داعي الله يخلي الجسر ولا التاسيسي !
عبدالله : يبه اخاف تروح وتستانس على القعده هناك .. على الاقل عد امتحان واحد قبل لا تروح لا تفشلنا !

----------------
كان قاعد على البحر ، كل ما يتضايق يروح هناك مو عارف وش يسوي ، صايرة تحتل تفكيرة وعقله 24 ساعه على باله لما يكلمها يحس انه وده يبتعد عنها ، ولما ما يكون معاها ما تقدر تفارق تفكيرة ، صاير مو قادر ينام ولا يشتغل ..
يا ترى هذا هو الحب الي يتكلمون عنه , ولا وشو هاي .. ليش صاير افكر فيها ،عرفت بنات وايد ، تعرفت وكلمت بنات وايد بس هي الوحيدة الي افكر فيها .. عمري ما فكرت اني احب وحدة كنت اكلمها .. بس يا ترى منو هاي !
قطع حبل افكارة صوت طلال , وهو جاي ..
طلال: شفيك .. صاير كل ما تكون بروحك تقعد ع البحر ،حتى ما فكرت ادق عليك على طول جيت ..
خالد " وهو جد معصب" : شوف مالي بارض لك .. عندك كلام عدل قوله ما عندك خلاص .
طلال : لحد الحين تفكر فيها ..
خالد : منو !!
طلال: هذة الي معاك بالمنتدى ما ادري بالشات
خالد: اي اي . . اي هي الي في بالي
طلال: يا بن الحلال افهم . دامها كلمتك معناته كلمت 10 غيرك تفكر فيها ليش . خلها في حالها الله يهديها !
خالد: لا لا امل غير ..
طلال: هي اسمها امل ..
خالد: اي حلو اسمها صح .
طلال: لاء !
خالد: اقول عندك كلام عدل قوله ما عندك روح بيتكم !
طلال: افا يا خوي وانا الي جاي اخفف عليك .. واواسيك ! بس يا خالد حاول تبتعد عنها.. انتوا مستحيل يكون دربكم واحد . انت حتى ما تعرف اذا هي بنت ولا ولد .. ما تعرف اذا المعلومات الي تقولها صحيحه .. ما تعرف شيء ! يا اخي ياما سوالف صارت ع النت !
خالد: اقوول انا مو بنت عشان تنبهني جي !
طلال : وليش بس البنات محتاجين تنبية .. ؟ نفس الاغلاط الي البنت ممكن تطيح فيها الولد بعد .. بس احنا انحط حرتنا بالبنت ! دايم حقها ضايع ..
خالد: هههههه مو كل البنات صدقني .. ناس ياخذون حقهم وزيادة
طلال: اقول ما بغيت اشوفك تضحك َ!! اخيراً . ..
----------------------
كانت معصبة وقاعدة تصارخ عليه وهو نفس الشيء يعني بمعنى ثاني يتهاوشون . ما صدقت انهم وصلوا الغرفة اخيرا .. حد يسوي سواته وشو هذا ولا كأن عايش برا فترة طويله لا ودارس برا بعد .. اف منه .. اف !
دانه " وهي تصارخ " : اقول انت وشو فشلتني جدام الريال !
جاسم : لا يا شيخة خايفة على مشاعرة .. انتي وشو ما تستحين .. على الاقل احترمي ريلج الي واقف وياج !
دانه: وانا وش سويت .. واحد جه سلم علي ورديت السلام ! عادي مجرد زميل !
جاسم : زميل يجي يسلم ويقول ليش ما تدقين علي ! انتي صار لج 4 شهور تاركه الوظيفة .. ليش اتدقين عليه قبل ! اساسا ليش كنت تدقين عليه !
دانه: اقول لا تذبحني ! انت كنت تشتغل معانا وتعرفة
جاسم : ولاني اعرفه ما ابي مرتي تقعد وياه .. وحتى لو ما كنتي مرتي انتي بنت عمي ! يعني حتى لو شفتج قبل اتكلمينه كنت باكسر راسج !
دانه: اقول انا محد يقدر يكسر راسي ! مو انا الي حد يهاوشني .. دام ابوي عمرة ما هاوشني !
جاسم: عشان جي هاي تصرفاتج . عشان جي انتي دلوعه .. عشان جس انا مو قادر اتحملج !
" ما يدري اشلون قال الكلمه الاخيرة اهمه لحد الحين في شهر العسل .. تروح تقول للبنت انا ما اتحملج .. ! ما وعى الا وهو شوفها طالعه برا الغرفة ودموعها على خدها .. اشوي ولا جواها يرن .. طلع حب يشوف من المتصل :
دانه " وصوتها متغير " : هلا سهر ..
سهر: بسم الله ليش صوتج جي !
دانه: انا خلاص تعبت .. مو قادره اتحمله !
سهر: دانو بسم الله عليج شفيج .. انتي توج معرسه! شالسالفه .. انا دقيت ابي افضفض
(( ما وعت الا والجوال ينسحب من يدها بهدوء .. التفتت لقت جاسم وراها وماسك الجوال .. رد بهدوء على سهر .. ما قال غير باي .. ولا اشوي وتلاقي جوالها ينفلع من الدريشة .. لفت عليه باستغراب ولا تشوفة مبتسم بهدوء .. واشوي الا وهو يسحب جواله ويفلعه من الدريشة هو بعد .. ))

قعد على الكرسي الي حذاها ..
جاسم : شوفي حبيبتي .. انا اسوي جي لاني خايف عليج !
" اول مرة يكون جي ,.. يكلمها بهالحنية .. بهالهدوء . العادة لما يكبمها نبرت صوته تكون غير .. معقوله هذا جاسم يا ترى .. ما عرفت شنو ترد سوا بالسكوت .. ما عرفت وش تقول .. !"
جاسم: انا اغار .. لا تلوميني .. ترى ما اقدر اشوف واحد غيري يكلمج ولا يمسك يدج .. عاد سامحيني .. انا اسف لاني صارخت عليج بس الصراحة مت من القهر .. لو عادي كان تهاوش وياه في نص المطعم مو بس هاوشته بالكلام .. حبيبتي كل يوم غلاج قاعد يزيد عندي .. تدرين يوم شفته يقرب ومسك يدك انقهرت . اي نعم انقهرت .. منو هذا عشان يكلم زوجتي بهالطريقة !
" ما عرفت شتسوي ! اول مرة حد يكلمها جي .. اول مرة هو يكلمها جي .. ما عرفت ترد .. حست ان الدنيا حاره .. ويها صار احمر من الحيا .. جد جد انحرجت .. شافته يبتسم وهو يشوفها متوهقة ! بس ما رد وهي بعد ما ردت بس طاحت دمعه من عيونها .. دمعه كانت ناطرة انها تنزل من زمان .. "
جاسم: عادي اقولج شيء وما تزعلين !
دانه: شنو ..
جاسم : مره ثانية لما تعصبين مني لا تكلمين احد .. ولا تشتكين لان .. تعالي وكلميني ! ما ابي اي احد يتدخل بمشاكلنا ولا يدري عنها بعد .. اوك !!
دانه : اوك .. إلا انت تدري انك قطيت جوال وجوالك من اشوي ... من الدريشة !
جاسم: هههههه اي احنا بشهر العسل مثل ما يقولون .. خلاص خل نرتاح من دون تلفونات ولا حد .. ما بقى غير اسبوع .. خل نقضيه بروحنا !!
-----------------
- يبة تصدق ما صدقت يوم دقت علي من زمان ما طلعنا ويا بعض ..
- ليش ما تقيتي على وقلتيلي .. انا قايلج متى ما خاطرج تطلعين بس قولي لي .. كم بنت عندي انا !
ريم: فديتك حبيبي !
عبدالله: كم باقي على جامعتج يبة ..
ريم: شهر ! الحين بداية 8 .. انا نهاية 9 اداوم .. مو ثل دانوا الدبة بعد اسبوعين دوامها !
عبدالله: عاد دانوا ما شاء الله عليها سابقتج بكورس بسنتين .. مع انها كانت تشتغل في لندن ومحد توقع انها راح تقدر توافق بين مسك الشركه والشغل .. حتى جاسم تفاجأ منها
ريم: ههههه يبى هاي تعليمها تعليم لندن .. مو الدوحة !
عبدالله : وش فيه تعليم الدوحة .. من احس ما يمكن كفاية انج متخرجة من مستقله افضل المدارس هاي !
ريم: باباتي .. انا ما صدقت اطلع معاك ما نبي نسولف عن الدراسة بليز . خل نسولف ع شيء احلة .. مثلا متى بنسافر السنه !
عبدالله: ههههههه وانتي هاي الي هامج ..
ريم: يبة ابي ارتاح قبل الجامعه عاد اذا ما جبت جي بي عالي لا تزفني نفس ما تسوي بفهود ..
عبدالله : والله يكسر خاطري هالفهد .. كله زافينه عشان دراسته .. انا وامج .. يله اخيرا وصلنا .. هاي السينما ! يله اسبقيني واختاري فيلم لين ما اصف السيارة ..
ريم: اوك .. انزين داادي .. ! الا في نوع معين تبي اتشوفة
عبدالله : اي عشاني .. لا تختارين انجليزي ! خل نروح مصري .. يله روحي اختاري الي يعجبج وبعدين قولي لي ! بس قولي لي اول ابي اشوف يمكن ما يعجبني !
ريم : هههه اوك اوك !

--------------------

كانت قاعدة تسولف ويا العنود جدام التلفزيون .. توها راجعه من السوق .. الحمد لله اخيرا يدتها وافقت انها تروح السوق اشوي .. العادة تزفها وتقولها لازم حد كبير يجي معاج انتي لحد الحين صغيرة .. هالمرة شفقت عليها وخلتها !
العنود : المهم .. اتخيلي فهود العصر جانا..
امل " من دون نفس " : وبعدين .. بيت جدته عادي !
العنود: انتي شفيج ليش ما تعطيني ويه ..
امل " وهي تناظر الساعه " : ها لا لا سلامتج بس انتظر شيء !
العنود: اووف منج اقولج فهود جانا اليوم والله انه خبل في يدتي بشكل ! هو يتكلم ويدتي تضحك اول مرة اشوف يدتي تضحك جي .. ههههههههه
" اول ما رن منبة الجوال .. على طول فزت .. وراحت ركض صوب غرفتها .. ما صدقت ان اخيرا جاه الوقت . اخيرا بتلكمه اخر مرة كلمتها امس بالليل .. وهي جد مشتاقت له ! "





الجزء الثاني عشر ..

كانت قاعدة تلبس بسرعه ما صدقت ان الدريول اخيرا رجع .. صار لها ساعتين تنطرة .. قامت من وهل عشان الدريول .. اول ما خلصت دقت على ريم وهيا عشان يستعدون .. وامل والعنود راح يروحون العصر .. امل راحت بيت رفيجتها والعنود نايمه .. اكيد تسألون البنات وين راح يروحون ..! ادري ادري .. الله يسلمكم اليوم الخميس .. وباجر الكل راح يروحون المزرعه .. البنات ستانسوا يوم دروا انهم بيروحون المزرعه الا الجوهرة وشوق كان خاطرهم يروحون السيلين !
الجوهرة : ها ريمو خلصتي ..
ريم: اي اي .. انا لابسة .. انتوا وينكم
الجوهرة : اسكتوا .. امي كانت ماخذة الدريول ورايحة عزا ما ادري وشو .. !
ريم: اوكي انا امي قاعدة تهاوشني .. ياسكر .. بس تعالي بسرعه !
راحت وهي تركض على الدري ...\
- نرمين .. نرمين .. تعالي انا في روح جمعية !
- ماما في غدا .. انا بيسوي غدا !
- اقول تعالي معاي .. عبالج البيت ما يمشي من غيرج .. حياه في سوي غدا تعالي انتي معاي .. " ما صدقت تروح الحين .. قالت خل تروح بسرعه قبل لا ابوها يجي ..!"
مرت على الريم .. وراحوا ويا بعض خبركم بنات لازم افلام ومسلسلات وحلويات ..
الجوهرة : افف لو شاليه مو احسن ..
ريم: بالعكس الشاليه الصبيان ما بيخلونا على راحتنا ..
هيا : ليش الشباب بيجون ! اخبر خلود مب ياي .. وجاسم مو موجود ؟
ريم: اي بس يدتي هاوشتهم .. هههههه لو سمعتيها وهي تهاوش طلال .
هيا : اففف انا لحد الحين مو مقتنعه ابي اروح السيلين .. صار لي سنه من اخر مرة رحنا .. المزرعه رحنا لها بالشتى
ريم: اي اقول فهووووود بياخذنا وبيودينا الاند بعد اشوي .!
الجوهرة: وليش ما يودينا الحين .. في كارفور بالاند
ريم: هو الحين في بيت رفيجة ! بنروح الاند قلت له ابي اخذ افلام ..
الجوهرة : اي صح .. ترى الاثاث وصل !
هيا: مال جاسم ..
الجوهرة: مال عباس .. اي اكيد جاسم ..
ريم: هههههههه اما عباس .. وشفيه ما عجبج !
الجوهرة: حلو .. بس مال الصاله ما حبيته كثير ! مو حلو لون اخضر وبيج وشهاللون ..
ريم: بالعكس مودرن .. هاي ستايل دانوا !
الجوهرة: المهم ما علينا ! مو كأن طولنا .. الجمعية قريبة من البيت .. كاني شالسالفه ليش في بعيد ..
كاني " السايق" : ماما في حادث .. سيارة في روح !
ريم: انزين سرع اشوي.. يله بنروح الاند!
كاني: الحين شنو في لاند ولا في جمعية !
هيا: وانتي ما قلتي الا جدام هذا .. روح الجمعية .. وبعدين روح خذ فهد من بيت صديق مال هو ..
ريم: لا لا فهود وياه دريول بيتنا .. خل يروح البيت هذا ..
الجوهرة: انت روح البيت .. ونرمين انتي تمي ويانا ! ردي على جوالج قاعد يرن ..
ريم: اي هاي يدتي .. هلا امي عائشة .. انا باروح الجمعية ويا الجوهرة وهيا. اي اي باجي بيتكم بعدين ان شاء الله .ليش امي عندكم !! اها ...... اوكي .... خلاص ... ان شاء الله !

الجوهرة : شتقول خالتي !
ريم: ولا شيء تقول تعالي تغدي في بيتنا بعدين .. لان امي عندها .. بيتجين وياي !
الجوهرة : لا لا مستحيل اليوم امي مسوية هريس ! واااي احبة !!
هيا : انا معزومه عند اموول اليوم .. من زمان ما شفتها
ريم: هههههه حق المتن .. لا لا انا مسويه رجيم ..
الجوهرة : لا تحاولين بالحالتين مو حلوة .. اقول وصلنا خل ننزل !
ريم: شوفو كل وحدة فينا تاخذ غربة عشان نخلص بسرعه
الجوهرة : اوك انا باروح حق الشيبس والايس كريم..
ريم: وانا العاصير والبيبسي ..
هيا: انا باخذ حلويات .. ..
الجوهرة: والله جنا مو شايفين خير !
ريم: ههههههه ليش احنا كل يوم نجي الجمعية !
الجوهرة: الحمد لله والشكر ! والله نفشل ..
---------------------
كانت قاعدة في غرفتها وتتصفح الالبوم .. البوم قديم اخر مره فتحته يوم العزا .. ما تدري ليش صايرة تتذكر الموضوع بستمرار .. تحبس الدمعه وما تبي تحسس احد بمشاعرها .. وينج يا يمه والله اني اشتقت لج .. اه اصعب احساس يوم تفقد حد من هلك ام كان ولا ابو .. احساس صعب .. ! بدت تشوف صورها وهي صغيرة والدمعه ماليه عينها .. وابوها المسكين من يوم وفاه امها وهو متغير .. متغير وايد ! مو هو ابوي الي اعرفة.. كأن شايل هموم الدنيا كلها على راسها .. الله يخليك لي يا يبة .!
اخ وينج يا امي .. والله اني اشتقت لج .. ليش تركتيني . " وكملت صياحها .. "
اشوف الكل ويا امه في الاعياد في المناسبات في الجمعات الا احنا .. صحيح انهم يعاملونا زين واحسن من الاول بس .. بس انا عارفه ان هاي كله شفقة .. اي نعم شفقة .. شفقة وبس ! يا رب خل لنا ابوي .. وعطة الصحة احنا من غيرة ما نسوى شيء .. خصوصا بعد وفاه امي . انا باروح ثالث ، احس اني محتاجة لحضن . محتاجة لحد يخفف علي صعوبة هالايام الجاية ، يا رب !!
كملت صياحها على السرير لين ما جاتها النودة ورقدت وهي مو حاسة بشيء لا بألم ولا بحرقة ولا بشى .. غطت بنوم عميق لدرجة ان لما امل حاولت تقومها عشان يطلعون ما قامت ، ويوم ابوها قومها للعشا ما قامت بعد .
الكل حس ان فيها شيء غريب حتى الجدة ، بس فضلوا انها تقعد بروحا هالمشاعر ممكن تقل بيوم من الايام بس مستحيل تخافي
ما في شيء اغلى في العالم من الام والااب .. أدري ان العيال غالين بس .. الصراحة ما أدري في اعتقادي لحد الحين ان الام والاب اغلى يوم اجرب يكون لي عيال بارد لكم خبر !
تشوف الالبوم وتتذكر مناسبة كل صورة .. كل صورة لها قصة شكل ، ام العنود وأمل كانت تحب التصوير عشان جي كانت تصور وايد ، وكل وحدة من البنات لها البوم خاص فيها .
----------------
كان لاهي بالشغل ، الشغل تضاعف هاليومين خصوصا ان خالد صاير ما يداوم كثير وإذا داوم اغلب وقته يقضية بالمصانع .. اخ بس متى يرجع جاسم يمسك جزء من الشغل نفس قبل .. جاسم بعد ما رجع من لندن فضل انه ياخذ فترة اجازة واشيك على شركه لندن مع المدير الجديد من البيت .. على اساس انه مستعد اذا في اي اخطاء ولا حاجة .. بس لان المدير الجديد من العايله فلازم حد منهك يروح على الاقل في السنه مرتين او ثلاث يشيك الحسابات .. وأي قرار يتأخذ في الشكره لازم تكون بموافقة احد الشركاء الي بالدوحة ..
(( الله يهداه خلود وينه هذا .. وراشد بعد ما داوم اليوم .. لا حول ولا قوه الا بالله ... )) قام من المكتب عشان يروح مقر شغله الرئيسي .. الشغل كان موزع بين افراد العايله .. جاسم وخالد ماسكين الشركات الخارجية دوامهم الاساسي بالدحة بس بين كل فترة لازم يروحون يشيكون على الشركات ، وخالد الحين في مصر على فكرة .. طلال ماسك فرع السد .. وابو عبدالله وراشد ماسكين الفرع الرئيسي اما خالد فمسؤول عن المصانع .. كان معصب على حسابات مجدي لانها كلها غلط لا ويبيني اوقع عليها بعد .. هذا لازم يتحول للتحقيق وكل الملفات تتاجع .. كل شيء غلط .. انا اشلون كنت احياننا اوقع من غير لا اقرى .. الظاهر اني في ورطه كبيرة !!
جات السكرتيرة بعد ما ضغط على الانتركم ..
- شنو استاز
- مايا .. ابيج تنادين المحامي ، ومدير الحسابات ، وعمر " مدير شؤون الموظفين" ، وصالح
- في مسج معين بدي أولو
- لا بس قولي لهم اني طالبهم ضروري .. وانتي لازم تحظرين
- اوك ..
رن جواله اول ما طلعت السكرتيرة .. شاف المتصل رقم غريب اول مرة يشوفة بس من فتح الخط عرف انه في ايطاليا .. تذكر ان دانه وجاسم هناك .. خاف ليكون صاير شيء قوي رد والخوف مالي قلبة .
- hello
- هلااااااا بولد اخوي .. يا خطير هلو بعد .. الله يرحم ايام اول يوم انجليزيتك مكسرة
- هههههههه اما انجليزيتي مكسرة انت عبالك دارس بالهند .. تراني كنت وياك !
- وانت ما تخليني انسى هالمرحله المشؤومه من حياتي !
- الا اقول .. ليش ما تتصل من جوالك
- ضاع " طبعا ما قاله على الحقيقة " ، انا الحين اتصل من الفندق الي في روما
- دام وصلتوا روما معناته راح ترجعون قريب
- جاسم المفروض باجر طيارتنا .. بس مفكر اروح لبنان !
- ليش صاير شيء !
- قبل لا اتصل فيك كلمت خليفة وقالي ان في مشاكل كبيرة مع الفرع المصري .. وانت لا تنسى ضروري اروح لبنان نهاية الشهر على اساس محتاجين موضفين .. وهلامور لازم بنفسي اشرف عليها ..
- بس باقي على نهية الشهر !
- خليفة حتمال ينقل مدير الفرع بلبنان حق مصر .. لان فرع لبنان ماشي تمام بعكس مصر . بس ما له داعي نسبق الاحداث !
- اها .. ومتى الرجعه ان شاء الله ..
- ما راح اطول بلبنان 4 ايام يمكن ، وخليت طيارتي اليوم بعد ساعتين تقريبا !
- اي .. تروحون وتردون بالسلامه .. الا شلونها خالتي !
- لو سمعتك الحين بتعصب
- هههههه داري انا ابي احرها بالعماله .. ليش هي مو جنبك ! صار لها يومين جدتي تدق عليها وجوالها مشغول ما ادري مسكر شيء جي
- اي اي ضايع بعد ..
- انتوا شسالفتكم مع الجواويل كل شيء ضايع .. اخاف انتو تضيعون بعد
- خخ ما يضحك .. كاهي خالتك ..
دانه : طلوووووول انت ما تستحي كم مرة اقولك لا تقولي خالتي .. تحسسني بأني عيوز .. انا اصغر منك ترى !
طلال : هههههه انتي الله يهداج الي تبين تصغرين نفسك بالغصب .. الا شسالفه جوالج يقولون ضايع !
دانه " لفت على جاسم مستغربة ": جوالي ضايع !
جاسم" هاي الي بتفضحنا .. اشر لها بيدة يعني انا الي قلت جي "
دانه: اي اي ما ادري انسرق !
طلال: اها .. المهم اشلونج حبيبتي .. عشاج مرتاحة
دانه: الحمد لله
طلال: دودو دقي على يدتي .. كالنت تحاتيج لان ما تردين ع الجوال
دانه/: كان جوالها مشغول فكلمت خليفة عشان يطمنها علي !
طلال: يله عيل باي حبيبتي اشوفج بعد اربع ايام ..
دانه: باي فديتك !
سكرت الخط واتفتت صوبة الي كان يطالعها ويتصنع العصبية !
- ليش تتفدينه ..
دانه: مو ولد اختي .. ومثل اخوي
جاسم: بس بعد انا اغار !
دانه: كيفك غار .. (( ولفت وياها وهي تبتسم .. اما هو فجد انقهر ))
جاسم (( دواك محد قالك تسوي نفسك جميل بثينه .. )): هاي بدال ما تراضيني
دانه " اووه وش اقوله هذا .. والله احراج .. لا دانو خلاص قوي قلبج": يا قلبي انت مستحيل تزعل مني .. انت تحبني (( ورمشت بعيونها بسرعه تتصنع الدلع ..))
جاسم " فديتها تجنن .. بس لازم اسوي نفسي ثقيل " : وععع ما يليق !
دانه " احترت من قلب " /: انت وبعدين معاك .. يله روح حاسب الهوتيل .. وقول لهم ياخذون اغراضنا .. مب لازم نروح المطار !
جاسم " تستاهل .. حد قالم ترد جي .. بس والله احب اتهاوش وياها .. اتجنن في جميع الحالات " : ان شاء الله عمتي !
ضحكت عليه وهو يمثل الخضوع المطلق .. لا وطالع من الغرفه وهو منزل راسه يا بلفيت حاس بالذنب .. نسدحت على السرير وهي تفكر من كان يصدق ان كل هاي بيصير .. لو حد قالي هالسالفه العام جان تهاوشت وياه .. معقوله انا وجاسم توصل العلاقه بينا لكذا .. الله لا يغير علينا .. والله بديت ارتاح معاه .. شكله طيب غير عن الصورة الي كنت راسمتها له
-------------------
طلع من المصنع قبل لا يخلص الدوام .. حس انه بيختنق خلاص زهق من الشغل .. كان يناظر الساعه وينتظر الساعه تجي 3 بفارغ الصبر ، فتتح النت في الشغل وما كانت داخله .. ما عرف شيسوي .. ما حب يروح الفرع الرئيسي لانه اكيد راح ينزف من قبل ابوه ولا عمه .. وحتى طلال لانه ماسك الشغل كامل هالايام ..
لقى السيارة تودية بطريق البيت .. فقرر انه يزور جدته .. حتى الجمعه هالاسبوع ما راح لها .. كان معزوم على الغدا بالميلس .. ولا قدر يمر عليها بالليل !
خالد(( مو مشكله اضيع ساعتين هني واروح البيت بعدين عشانها .. )) : السلام عليكم
نروح حق امل الي كانت قاعدة بالصاله على المنتدى ، تنتظرة متى يدخل .. امس يوم قالها نتلاقى الساعه ثلاث بغت اتقوله لا خل نتلاقي قبل .. بس تذكرت شغله ، وانه صار له فترة طويله يا ما يداوم يا يتاخر ! اكيد راح يسونله سالفه .. سمعت صوت ولد عمها وهو يسلم خلت الابتوب بالصاله وركضت تنادي جدتها وتجيب الشيله !
اما خالد كح وسلم ودخل الصاله على اساس البنات يروحون يجيبون شيلتهم ولا يتغطون ولا حاجة .. قعد اشوي ولا لفت نظرة الابتوب الي كان موجود على الكرسي المجابل التلفزيون .. الكرسي الي دوم جدته تحب تقعد عليه .. يا ترى وين يدتي الحين معقوله تكون لحد الحين بالمطبخ ولا طالعه .. قعد ينادي على جته .. واول ما سمع ردها راح صوب الابتوب .. قال بيدخل ع المسن يمكن تكون قاعدة ولا شيء .. خصوصا ان هاي فترة اجازة مو جامعات ودوامات .. بس لفت نظرة المنتدى الي كان مفتوح عليه ..
سبحان الله نفس ستايل منتدانا .. ما هقيتها منك يا صلوحي " مدير المنتدى" ، رفح الصفحة لفوق حب يشوف اسم المنتدى عشان يواجه المدير بالحقيقة بس المنتدى كان هو نفسة اسم منتداه .. لا مستحيل !
شاف الرابط اي نعم هذا نفس الرابط .. نفس الرابط الي انا حافظة عن غيب .. يا ترى شالسالفه .. معقوله يدتي تكون مشاركه بالمنتدى من دون ما ادري .. لا اشدعوه هاي بالغصب تعلمت على التفزيون .. التفت لاسم العضو ، يمكن يكون يعرفه ولا حاجة !
--------------------
كانت شوق في غرفتها وهي جد معصبة .. لا مو معصبة بس الا تصارخ وتهاوش حسن اخوها بصوت عالي ..
شوق : افف منك .. انت شنو عبالك كل شيء لعبة .. هذا جوال يا بابا جوااااااااااااااااااااااااااال
طبعا حسن ما فهم شيء واكتفى ان يصيح بصوت عالي .. بس شوق ولا هامها كانت جد محتره على جوالها لانه جديد .. ما كمل شهر كان هديه من ابوها بمناسبة نجاحها السنه !
جات مها وهي تركض ..
مها (( وهي رايحة صوت حسن وتحاول تهديه )): شسويتي باخوج بعد !
شوق : يمه لازم انا الي اسوي .. اسئليه هو !
مها " بعصبية " : شوقو تكلمي احين لج ما تشوفين حالته !
شوق: كسر جوالي!
مها : سو ..
شوق : سو .. سووو . سو كسرت راسه ..
مها " فقدت السيطرة على اعصابها " : شوقو هذا اخوي .. حد يهاوش ولا يطق اخوه على سبة جوال !
شوق : بس يمه هذا جوالي الجديد .. وما نزل بالدوحة !
مها : واذا ابوج مسافر .. قولي له يجيبلج الي تبينه .. مو تهاوشن اخوج على شيء ما يسوى
شوق : ههههههه يمه الله يهداج ابوي رايح مصر .. حد يشتري جوال من مصر .. هذول كل شيء عندهم متاخر.. تلاقين الموديل لحد الحين ما وصل !
مها: اوكي اشتريه من النت ولا ودية يعدلونه لو عاجبج وايد .. بس مو تهاوشين حبيبي !
شوق:/ يمممممممممممممممممممممممممه ..
مها: شوفي ! يا ويلج ان صيحتي اخوج مرة ثانية فاهمه .. الحين انتي الكبيرة ، تحطين عقلج بعقل ياهل .. بزر !
--------------

نرجع حق خالد الي كان متفاجأ .. لف صوب اسم العضو وياليته ما لف .. عصب ، بغى ياخذ الابتوب ويكسرة لولا ان جدته دخلت عليه وشافته بهالحاله !
ام محمد: وانت بعد قعدت على هذا الجهاز .. انا ما ادري شسوى فيكم !
خالد" وهو شارد" : يدتي .. هذا لابتوب من
ام محمد: يمكن حق امل .. لانها كانت قاعدة هني وبعدين نادتني !
انا غبي .. انا حمار ّ! كان ودة يصارخ ويقولها بصوت عالي .. انا اشلون ما انتبهت على تشابه الاسم .. نفس الاسم .. نفس القصة تقريبا ! انا كنت ادري ان الدوحة صغيرة بس عمري ما توقعتها صغيرة لهالدرجة .. كان وده يبكي . يصارخ .. يناديها ويعطيها كف يبرد حرته .
استئذن من جدته وطلع بهدوء .. جدته استغربت .. شفيه هذا كأن جاي يسلم على الكمبيوتر مو على جدته !
ركب السيارة وهو حاس انه ضايع .. ما يدري وين يروح ما يبي يدخل البيت ويحط عينه بعين ابوه .. ولا يبي يروح الشركه عشان ما يشوف عمه .. ويبي يطلع من هالمكان عشان ما يشوف احد يعرفة .. ركب السيارة ومسك طريق الشمال !! يبي يروح بعيد .. اي نعم بعيد !!
اشوي الا دموعه بغت تنزل .. معقوله انا اسوي جي في عرضي .. في الناس الي استظافوني وربوني كأني واحد من عيالهم ! لواهم كان الله يعلم بحالي مع بيت عمي ! وبهالطريقة ارد لهم معروفة .. صج اني انسان خاين وما استحي ! ولا في حد يسوي جي في الي يساعده ومد له يدة .. مدولي يدهم وانا صغير وربوني .. وفي النهاية اتعرف على بنتهم !
اخ بس اخ .. كانت دموعه تزل وصت لومه لنفسة وكان يمشي بصورة جنونية .. ما انتبه لعدد الاشارات الي تعداها .. ولا كم مخالفه م***ا الرادار .. كل الي يبي يسويه انه يبتعد ! اي نعم يبتعد .. لولا ان الانتحار كان انتحر .. مو ضعق ايمان ولكن من الحيا .. اي نعم من الحيا .. اشلون راح اقددر اروح بيتهم واسكن معاهم.. واحط عيني بعينهم وانا اسوي شيء غلط من وراهم .. انا لو عمي درا ممكن يذبح امل .. كل شيء مسموح الا الحرام والغلط !
بس انت غبي يا خالد .. ! ليش كلمتها كنت تدري ان غلط .. حلال على بنات الناس وحرام على عرضك .. لا لا انا كانت نيتي شرسفة عمري ما طلبت منها معلومات خاصة .. عمري ما حفظت معلوماتها الخاصة مثل اسمها ورقم تلفونها .. وهي كانت محترمه ما قالت لي غير اسمها الاول .. حتى بيتهم باي منطقة ما قالته .. انا لو كنت ابي اعرف معلومات عنها .. كنت باعرف بكل سهوله .. الموضوع لا صعب ولا حاجة ..! ولكن انا احترمت خصوصياتها ّ!
لا يا خالد .. لا ! لتدافع على نفسك انت انسان ما تستحق ! لا تقول الشيطان لان انت السبب . اي نعم انت السبب في كل شيء !
اخ صدمه .. والله العظيم صدمه !
رجع لوعيه اخيرا . ووقف السيارة ونزل .. صحيح ان الجو حار واسد .. بس ما همه .. كان ودة يرتاح .. كانت السياير الي في الدرب قليله جدا .. بس الكل لما يمر وشوفة يستغر .. رجال موقف سيارته ويمشي ودموعه على خدة .. الكل استغرب !
بس خالد مصدوم .. ما عرف وش يسوي .. ما يبي يروح البيت .. ما يبي يكلم حد ... ما يبي يكلمها .. اي نعم .. ما يبي يكلمها !
كفاية الي جاه من وراء علاقتي فيها .. لازم انسى .. لازم انسى !
بس راح تقدر تنسى .. وراح تكون العلاقة الي بينهم علاقة حب عابرة .. وامل وشلي راح يصير فيها .. راح تكتشف الموضوع ولا ..!

 
 

 

عرض البوم صور سر الخلود   رد مع اقتباس
قديم 08-08-10, 01:28 PM   المشاركة رقم: 5
المعلومات
الكاتب:
اللقب:
ليلاس متالق


البيانات
التسجيل: May 2007
العضوية: 28460
المشاركات: 50
الجنس أنثى
معدل التقييم: سر الخلود عضو بحاجه الى تحسين وضعه
نقاط التقييم: 21

االدولة
البلدBahrain
 
مدونتي

 

الإتصالات
الحالة:
سر الخلود غير متواجد حالياً
وسائل الإتصال:

كاتب الموضوع : سر الخلود المنتدى : القصص المكتمله
افتراضي واخيرا صرت مجنونك....للكاتبة مشاعر حزن

 

الجزء الثالث عشر ..
كانت تطير .. وتطير .. بس الغريب انها تسمع احد يقولها يله يله ! شنو هاذيله يبوني اطير اعلى مثلا .. بس ما اقدر .. هاي اعلى ارتفاع ممكن اوصل له .. فبس منو هم انا ما اشوف احد تحتي ! فتحت عيونها بهدوء شديد .. شافت سقف غرفتها .. ولحد الحين هي تطير بس هالمرة تطير بدفاشة .. اشوي اشوي ولا شافت الجوهرة قاعدة تنط على السرير .. وهي تصارخ يله يله !!
- هيييييييي انتي شتسوين
- ما بغيتي اتقومين جنج من اهل الكهف ..
- هيييي روحي ابي ارقد ..
الجوهرة : عندو قومي ترى جدتي بتذبح توها زافة امل لانها ما رضت تقوم ..
العنود : اففف منكم شتبون .. هاي اجازتي المفروض ارتاح .. بعد شهرين انا ثالث
الجوهرة: شدخل !!
العنود: شنو . لازم استفيد من هالوقت ! لازم ارتاح ! لازم استمتع !
الجوهرة: اقول زهقتيني .. يله قومي غسلي ويهج . قبل لا جدتي تيجي !
توها كانت بتدخل الحمام – وانتوا بكرامه – ولا لفت للجوهرة لانها نادتها ,,
العنود: نعم
الجوهرة: ترا البوم الصور رجعته للكبت لو جدتي شافته بيحز بخاطرها وبتعتقد انكم مب مرتاحين اهني ..
ابتسمت للجوهرة .. معاها حق .. جدتها وابوها والعايله كلها بلا استثناء اتسوي المستحيل عشان ما يفقدون امهم .. الكل عايش معاناتهم ... حتى بعد مرور سنتين يحاولون ما يحسسونهم ان في شيء ناقص .. اما امل كانت متضايقة وما لها بارض اتسوي اي شيء .. وعصبت اكثر يوم شافت جدتها جاية الغرفة بالعصا تحاول تقومها بالغصب .. شنو هاذيل من يقوم الساعه 7 الصبح عبالهم دياي " دجاج" ..
- يممممممممه شالسالفه ابي ارقد ..
- اموول .. قومي .. مب تبغون تروحون المزرعه ! يله بنوديكم المزرعه ليش ما تقومون ..
- يدتي الساعه 7 الصبح ابي ارقد امس ما رقدت !
- اي بس شار تناقزين من مكان لي مكان .. وصوت هالاغاني عالية .. ! يله البسي وقومي ! انا باروح اشوف ماريا وسالمية >> تقصد الخدم
قامت من النوم وهي متكاسله .. شافت المسن لقته بعده ما دخل .. شافت المنتدى هم ما دخل ما عرفت شتسوي .. تلقائيا فتحت الجريدة ع النت .. دخلت على مرقع ال 4 جرايد .. تشوف صفحة الوفيات والحوادث .. اكيد صار له شيء .. هي ما تعرف اسمه الكامل .. كل الي تعرفه ان اسمه خالد واسم ابوه احمد.. بس الحمد لله ما كان في حد اسمه خالد الا واحد عمره 67 متوفي .. خالد قالها اسمه واسم ابوه بس عمرها ما سالته عن عايلته عشان يقولها .. ولا عمرها اسئلته عن اي شيء خاص .. هي متاكده اذا سئلته كان بيقولها .. بس بعد اكيد كان راح يسالها نفس السؤال .. وهي ما تبي تحطه في موقف مضطرة تكذب عليه او تقوله ما اقدر اقولك .. انت تجاوزت الخط الاحمر !
نروح حق العنود الي كانت ترتب اغراضها مع الجوهرة وتحط الافلام بالشنطة بسرعه امس ما قدرت تسوي ولا شيء نفسيتها ما كانت تسمح لها ..
العنود: الا وين ريم ..
الجوهرة : ريم بتجي ويا شوق وامل بعد اشوي .. اتقول تحس انها بتتهاوش ويا يدتي الييوم
العنود: ليش هي شمسوية !
الجوهرة: ولا شيء .. بس خاطرها تسبح بالبرجه ..
العنود: الله يعينها عيل ! الا كم يوم بنقعد هناك !
الجوهرة: ولا يوم
العنود" بطلت عيونها بطريقة كرتونية " : شنو انتوا عورتو راسنا بنروح وبنروح وما بنبات بعد !
الجوهرة : عمي براهيم امس اقترح ان العايله كلها تسافر ويا بعض احلى من قعدت المزرعه .. بس بيروحون المزرعه اليوم علشان خاطرنا !
العنود: والله فلله دايم افكار عمي براهيم حلوة .. متى بنروح ّ!
الجوهرة: لحد الحين ما قرروا .. بس جدتي مصممه ان الكل يروح حتى الصبيان .. فأكيد بيكون قبل نص 8 لان دانه راح تبدا جامعتها .. وريم السنه راح تشتغل بالاوقاف نهاية 8 لمده اسبوعين !
العنود : الصبيان ! عيل شكلنا السنه مب رايحين مكان !! هذيل حق المزرعه الي بالدوحة سووا سالفه وقالوا مب رايحين ! وبعدين بعد يومين طلول بيسافر ويا ربعه !
الجوهرة: صج وين بيروح !
العنود: ما ادري على ما اعتقد لندن
الجوهرة : هههههههه وين دانوا عنه
العنود: لا اعتقد تخطت هالمرحة هي تزوجت خلاص ّ!
الجوهرة: مستحيل .. ريم امس كلمتها !
العنود: شتقول !
الجوهرة: ولا شيء مفيد بس انها راحت لبنان .. وبترد باجر ان شاء الله !
العنود: الا تعالي ! امل مالها حس .. انا بانزل الشنطة تحت وانتي روحي لها !
الجوهرة : اوك !!
--------------
طلع من السايرة وهو يبي يرقد .. تفاجأ ان دريول " سايق"بيت جدة واقف في الحوش هالوقت .. اعتقد ان البنات ما عنهم مدرسة ليش هذا واقف .. راح يبي يدخل بيتهم لان اخر شيء يبي يشوفه هو هي ! بس للاسف شافته جدته قبل لا يدخل .. لف ويه وشاف البنات متوجهين للسيارة .. كانت لابسة نظارة شمسية كبيرة وايد .. تغطي كل عيونها .. كان شكلها حزين ما انتبهت له ركبت السيارة بسرعه مع العنود والجوهرة ..
خالد " من دون نفس" : هلا جدتي
ام محمد: وين كنت
خالد: يدتي لا تسوين لي تحقيق والله ما لي بارض
ام محمد بعصبية: انت ما تستحي يا ولد .. حد يكلم جدته بهالطريقة !
خالد من دون نفس : انتي مب جدتي !
(( صدم الكل بهالكلام .. حتى الجوهرة بطلت فمها يوم قال جي .. حتى العنود .. اما الجده نادته كذا مرة بعصبية .. اول مرة يشوفون الجدة معصبة .. حتى امل الي ما كانت منتبهه انتبهت وتفاجأت من رده .. خالد يحب جدته وايد ))
دخل البيت وهو زعلان .. زعلان من كل شيء من نفسة من امل من العالم كله .. بس عصب اكثر من الكلمه الي قالها لجدته .. معقوله اقول لها .. عمري ما تخيلت ! هي اكثر وحدة احبها بالعايله .. على عصبيتها وعنادها ..بس ارتاح لها كثير .. لما تصيدني مشكله ولا حاجه اروح لها هي اول وحدة .. حتى قبل لا اكلم امي ولا ربعي ! لا حول ولا قوه الا بالله ! الشيطان قص علي لي قلت هالكلمه ...
انا لازم اعتذر لها .. بس هي طلعت الحين .. جرب يتصل عليها كذا مره بس محد كان يرد عليه .. في النهاية ردت الجوهرة وقالت انها ما تبي تكلمه !
-----------------
ركبت السيارة وهي تركض جد تأخرت والجوهرة من اشوي داقة عليها وكانت معصبة تقول احنا مضطرين ننظف ويا الخدامات وانتي نايمه .. الا رن جوالها ,,
امل: ردي !
ريم: بعد اشوي لماا نوصل بادق عليها .. الحمد لله ان المزرعه قريبة ..
شوق: قريبة .. انتي تستهبلين ! ربع ساعه بالطريق !
ريم: اي انتي ما جربتي تروحين مدرسة بعديه عن بيتكم .. انا كان بين مدرستي وبيتنا نص ساعه حشى سفر مو مدرسة ..
شوق: يا كثر المدارس الي بالدوحة بس انتي الله يهداج الي يسمع يقول ما في غيرها !
ريم: الا خالتي .. اخبار خالي خليفة
مها: والله الحمد لله تمام .. بيرجع نهاية الاسبوع ان شاء الله
ريم: زيــــــن هالمره ما طول .. العادة بالشهور !
شوق: اي احسن .. والله اشتقت له فديته ابوي ! انتي ريمووووو ردي على جوالج زهقتنا !
ريم" اووف منج ، ما بتخلوني اتكلم على راحتي .. كل اشوي اسكتي " : الووووووو .. هلا والله .. هلا بسهر
سهر: هلا بج يا عمري ..
ريم: انا اكيد امي داعيتلي مكلمتني 4 ما ادري 5 مرات بالشهر .. يا شيخة كانت تمر شهور قبل لا نكلمج
سهر : ترى مو لجل عيونج .. بس عشان دانو سافرت وما صارت ترد علي
ريم: افااااااا ! هاي وانا مستانسة اقول اخيرا صار عندي صديقة سعودية مثل دانوو
سهر: يا قلبي انتي من زمان صديقتي ..
ريم: تدرين باجر ولا الي بعدة دوينه بترد
سهر: صج .. زين زين لاني محتاجت لها
ريم: لو شيء مهم ترى ممكن اساعدج
سهر: سويت بحث عن الجامعات .. صحيح ان تخصصي موجود في كل مكان بس الصراحة ما حبيت ارجع خصوصا ان نوافو وابوي منعوني ارجع السعودية بروحي .. انتي تعرفين ان ابوي انتهت مدته بعد ابو دانه ب 3 شهور
ريم: اوك
سهر: المدينه الي ساكنه فيها ما بها جامعات اجنبية قوية .. فاقترح نواف اني اروح اي مدينه ثانية او اسافر للخليج . او لبنان
ريم: وقلتي بتجين لقطر َ!
سهر: والله طلعتي ذكية .. يس يس راح اجي لقطر
ريم: بس اقول ..!
سهر: هلا
ريم: جامعاتنا مو كلها قويه .. حتى جامعات السعودية قوية وجامعات لبنان اقوى واقوى
سهر: شوفي وين ما رحت ما باعرف فيها احد ، لان اغلب شلتنا ضلت بلندن بس انا ودانه واماني رجعنا .. اماني تزوجت وعاشت في باريس
ريم: اوك ..
سهر: وبس .. صعب اني اروح مكان جديد وما عرف فيه احد .. ما في غير قطر .. تراني عايشة حوالي 12 سنه في لندن .. الفترة مو قليله ..ّ!
ريم: ههه على الاقل عشتي ببلادج فترة
سهر: انتي عبال كل الناس مثل خالتج .. والله اني كنت ازفها .. بس ما ترضى تجي .. تقول انا قطرية اول ما اقعد باتعود على عاداتهم ! واغلب عاداتهم نطبقها بالبيت عندنا .. ما في شيء جديد !
ريم: والله انج صادقة .. الا انتي وين الحين
سهر: يمكن بعد 10 ايام راح اكون عندكم .. انا بالبيت الحين !
ريم: ان شاء الله .. اقول انتي بتحولين الاوراق لكارنجي قطر مثل دوينه ولا بتحولين في جامعه ثانية ..
سهر : لا لا ويا خالتج .. راح اضل على نفس تخصصي .. تدرين كان خاطري ادرس في الجامعه الامريكية في الشارجة !
ريم: وليش ما رحتي ..
سهر: ما عرف هناك .. عجزت ابدا حياه جديدة بروحي
مها " وهي تضغط على يد ريم وتكلمها بصوت واطي" : اقول وصلنا سكري !
ريم: اقول سهووووووره يله باي يا عمري .. راح اشتئلك !
سهر: كذابه !
ريم: ههههههه مشكله انج فاهمتني
سهر: صادقت دانو لمدة 5 سنين .. اعرفج عدل يا قلبي !


كانت قاعدة بروحها في الكوفي شوب .. المفروض يتلاقون الحين .. سوت شوبينج ع السريع .. بس مسرع ما زهقت ما تحب تروح السوق بروحها .. هي مو من النوع الي تحب السوق بشكل كبير .. لفتت نظرها عايله من ام واب وولدين صغار كان شكلهم جد كيووت .. ولا البنوته الصغيرة وهي تحاول تاكل بروحها .. وملعوزة المكان .. ما وعت الا شافت يد على كتفها .. لقته مبتسم ..
- ما بغيت الاقيج ! والله تحسفت اني حذفت الجوال
- هههه توك متذكر .. ! اساسا كل الارقام المهمه بالجوال .. حتى رقمي السري مال البنك !
- عاد انتي الله يهداج .. لازم تخلينه بالجوال !
- اي شعلك الي حذفته جوالك الثاني مال الاهل ..
- بس عاد لا تطلعيني شرير الجوال الثاني سكرته وحطيته بالامانات !
- خلصت شغلك ..
جاسم " وهو يبتسم" : تسوين نفسج مهتمه يعني !
دانه" شفيه هذا .. يوم ما اسئل يقول ما تهتمين ولا كأني زوجج .. ويوم اهتم يقولي شدخلج .. اووف منه ": لا بس لاني ابي ارد الدوحة .. زهقت " وقالت الكلمه الاخيرة بصوت عالي شوي" ..
جاسم: اسكتي فشلتينا " وبدا يضحك " ادري زهقتي مني .. شعور متبادل .. بس شنسوي مضطرة تمين معاي لين باجر !
دانه " والله اني ما احتاتي غير الدوحة .. ولا ودي ارد ": اها .. احسن !
جاسم : باوصلج وباسافر !
دانه: وين !
جاسم : ولا شيء بس عندي شغل بورميث ..
دانه: بور ميث .. يعني في بريطانيا
جاسم: اي !( وبدا يضحك بصوت عالي)
دانه: والله انك بايخ .. قوم ابي ارجع الهوتيل .. تعبانه اشوي !
مشى قبلها وتركها .. وشو هاي .. هاي ثاني مرة يسوي فيني هالحركه .. الله يفشله .. وتذكرت ليله العرس وضحكت والله ان كنا اغبية .. بس هي ما لحقته وقعدت مكانها !
رجع لها وهو معصب ..
جاسم: انتي وينج ..
دانه: توك متذكر اني وياك ..
جاسم : الا متذكر ما تشوفيني رديت !
دانه: اي بعد ما مشيت وتركتني .. انزين قول بساعدج .. يمكن ثقيل عليج ولا حاجة !
جاسم : من كثرهم .. الي يسمع يقول مليون كيس .. الا كيس مكياج وكيس كتب !

شافته بنظرة وعطته كيش الكتب ومشت جدامة .. احسن خل يحس بشعوري اشوي .. لحد الحين مو قادرة انسى الي صار بالعرس .! ان شاء الله بس ان محد انتبه .. والله اني نسيت اسئل جوجو ولا ريمي !

لفت لقته واقف يتكلم معا وحدة .. ما عرفت من هي بس انقره شافته يضحك وياها وشكله مستانس على السوالف وانقهرت ولفت .. وسوت نفسها مو مهتمه ..

نروح حق جاسم الي شافها لتفتت بس ولا كأنه مهتم .. ظل يظحك ويا ماريا .. ماريا كانت طالبه وياه بالجامعه من زمان ما شافها .. تزوجت زميلهم يوسف وهو طالب من البحرين بعد الدراسه على طول !
مشى وراها بعد اشوي .. لقاها قاعدة في الحديقة الي جدام الفندق على طول .. كانت الحديقة فاضيه محد فيها .. كان شكلها قاعدة تفكر ! بس كان معصب وايد منها .. خلاص تعب من حركاتها .. تعب من اسلوبها تعب من حياته معاها .. سوى معاها المستحيل ومو عارف وش يسوي اكثر .. ببساطة دخل الهوتيل وراح الغرفة بهدوء .. ولا حتى راح لها !
--------------------
لبست قبعه وغطت فيها شعرها .. مع فستان قصير لونه ازرق غامق .. وبنطلون ابيض وبادي يد طويل ابيض بعد .. كانت حاطه الاي بود على اذنها وتتمشى ورا الجبل .. جيل صغير موجود في نص المزرعه منعزل اشوية . وفوقه قعدة ما حبت تقعد فيها لان المكان مرتف اشوي .. وهي تخاف من هالاماكن .. ظلت تتمشى وتفكر فيه .. ليش ما دخل ع النت ! ليش ما قالها شيء .. سئلت كل المنتدى عنه محد يدري عنه شيء .. هو مأدب محترم كثير مو صاحب هالحركات .. انا اعرفة زين .. هو محترم ولا هو راعي بنات ! مبين عليه .. اجل ليش ! ليش ابتعد فجأه ولا جاه .. اليوم الي قبله ما كان فيه شيء كان عادي وايد .. اخ منه والله سوالي قلق نفسي !
مو مشكله يا امل يمكن عنده ضروف .. بس مو حاله هاي انا حتى اسمه الكامل ما عرف .. صايرة كأني هبله اطالع صفحة الحوادث والوفيات بالجريدة ..
طاحت الدمعه من عينها وبدت تصيح بصمت سكرت الاي بود ورمته .. وصاحت بهدوء .. تدعي ربها ان محد يهتم .. ولا حد يدري .. تدعي ربها انه يدخل وتتطمن عليه .. بس الي ما تعرفينه يا أمل انه قريب .. اي نعم قريب واقرب مما تتخيلين ّ!
صحيح اني ما عرفة من وقت طويل بس احس ان الحياه من دونه ولا شيء .. بسرعه دخل قلبي ! لا حول ولا قوه الا بالله .. وش هالحياه والله اني كرهتها .. افف يا امل يومين ما كلمتيه وصار لج جي .. عيل لو شهر شراح تسوين !
يا ربي ريحني .. فكني ! خلني اتطمن عليه يا رب !
مشت الدمعه من عيونها وخذت الاي بود ومشت وهي مو منتبه للشخص الي كان يراقبها من بعيد وهو متألم اكثر منها .. بس مو عارف وش يسوي .. !
------------
التفتت عليها لقت ان وجها متغير ، ومتسندة على الكرسي الي قاعدة عليه ..
نور" بهدوء": العنود .. فيك شيء
العنود: لا لا بس راسي يعورني ..
نور: نونو حبيبتي .. انا مثل امك ! لو فيك شيء قولي لي يمكن اقدر اساعدك
العنود: لا خالتي " طبعا هي تقول خالتي احتراما لها .. لانها امبر منها بكثير" بس تعبانه اشوي ما في شيء خطير
نور: الساعه كم رقدتي امس
العنود: ما اتذكر غفيت وانا اقرى كتاب
نور: انزين روحي فوق نامي .. ووقت الغدا انا راح اقومج
العنود: لا لا كل البنات قاعدين فوق في غرفتنا ..
كانت المزرعه كبيرة كثير .. المزرعه هي لمحمد ! كان فيها غرفتين تحت .. وحدة لام محمد والي جنب المطبخ للشغالات
وغرفه فوق لجاسم كانت قاعدة فيها مها وولدها الصغير ، وغرفه زيادة كانت قاعدة فيها ام دانه وابراهيم .. والغرفة الرئيسية لمحمد و ام عبدالله .. راشد فضل انه ما يروح المزرعه اليوم ، وغرفة لخالد كان قاعد فيها بروحة وغرفة لطلال هم قاعد فيها بروحه .. عبدالله ونور في الغرفة المخصصة لعبدالله وغرفة جواهر قاعدين فيها كل البنات .. وغرفه لفهد طبعا .. مثل ما انتوا شايفين الغرف كانت على عدد عيال محمد بالاضافة لطلال فهد مع غرفة زيادة .. كانت الارض الي بانين عليها البيت كبيرة وايد .
نور : انزين ليش ما تروحين غرفة طلال
العنود " فتحت عيونها " : شنو
نور: حبيبتي الاولاد يلعبون برا .. ولا تنسين ان ما راح نبات في المزرعه يعني اكيد ما راح يحتاج غرفته .. روحي نامي وارتاحي .. ووقت الغدا راح اناديج
العنود: لا لا خالتي .. يمكن ازعجه . اخاف يحتاج الغرفة ولا حاجة
نور: لا مستحيل .. وحتى لو حب يرقد انتي تعرفين الشباب يحبون يقيلون " نوم العصر يعني" بالخيمه ! وتدرين باطرش له سج اخبره ..
العنود " والله اني حاسه ان شيء بيصير.. بس يالهبله وافقي .. كم مرة تجيج فرصة مثل هاي" : اوك ..
صعدت فوق وراحت غرفته بهدوء .. فتحت باب غرفته كانت ظلام وباردة .. اهمه يوم جاو الصبح فتحوا مكيفات كل الغرف ورتبوها .. درخلت الغرفة شافت مفاتيح على الطازله الي جنب السرير .. تذكرت انه اول ما وصل راح غرفته اشوي وبعدين طلع .. اكيد نسى مفاتيحة .. الله يستر عندي احساس اني بانحرج اليوم !
دخلت في السرير وراحت في سابع نومه !

نروح هالوقت لخالد ممكن! .. كان قاعد في غرفة جدته مع الجدة ، يبي يعتذر بس مو عارف اشلون هو يدري هي شكثر تحبة وهي تعرف غلاتها عنده ..
- جدتي انا اسف على الي صار اليوم
- لا يا ولدي .. انت معاك حق
- اي انتي مو جدتي انتي امي .. صدقيني والله الشاهد انا ارتاح لك اكثر من امي .. على كثر ما تهاوشيني بس متاكد انك تبغين مصلحتي !
- اشفيك يا خالد !
- حيران يأم محمد
- يا خالد مهب زينه الحيرة .. كلم حد ! ولي الي في خاطرك وانا امك !
- ان شاء الله يا جدتي .. بس اهم شيء ما تكونين زعلانه .. يعلم ربي اني ما كنت ناوي اجي .. بس غيرت رايي بعد الي صار اليوم ..
- خالد .. وانا امك انا من فترة كان ودي اكلمك في موضوع
خالد " الله يستر منج يا يدتي .. عندي احساس انج بتزوجيني " : امري يا الغالية
ام محمد: انت تزور عمامك
خالد: عمي براهيم اول امس زرته .. وراشد اشوفة بالشركه لما امر عليها
ام محمد: لا عمامك عمامك .. اخوان ابوك احمد مهب عبدالله
خالد: لا والله .. من فترة ما رحتلهم بس زرعت عمتي حمدة من اسبوعين
ام محمد: يا وليدي قطع الرحم مهيب زينه .. زورهم ولو مرة بالاسبوع ..
خالد: احاول
ام محمد: اعرفك يا وليدي .. لما تقول احاول يعني ما راح تسوي الشيء
------------
- انت ما تستحي .. في حد يفوز على ابوه
- ههههه يبة الفروض الابو يسمح لولدة بالفوز .. عشان ما يتعقد
- لاتعقد يبة .. انا راضي بس اهم شيء افوز
- يدييييييي .. ابوي ابراهيم شمعت شقال ابوي .. انا ابي امي !
ابراهيم " وهو يضحك " : عبدالله يبة تحط راسك براس هالياهل خله يلعب
فهد: يدي وانا الي بغيتك عوون .. قلت يمكن تساعدني اشوي
عبدالله: لا تحاول محد بيفكك مني .. كفايه امس ما قدرت العب وياك بعد الغدا
فهد: ههههههه انا شكلب بانادي امي .. عشان تسوي نفس ام ما تخليك تلعب
طلال" وهو يضحك " : بس ابوي حتى انا زفتني .. قالت ريال شكبرك تلعب العاب بزران

كانوا كل الشباب مجتمعين في الخيمه الا خالد ما كان موجود هالوقت .. خذ السايرة وراح يتمشى اشوي حول المزرعه يمكن ييقدر يرتاح .. حاول بكل الطرق بس مهب قادر.. مهب قادر يمسك نفسه كان وده يطرش لها رساله ويعترف لها بالحقيقة .. وهم كان وده يصارحها وجها لوجه .. وجزء منه يقول لا تعلمها وترد ولا تسولف .. سو نفسك ما تعرفها .. ولا كأن لك خص فيها ..
لاحظ بو عبدالله الشرود الي على وجه خالد بس ما حب يعلق ..تمنى انها تكون مشكله بسيطه وتعدي ابسرعه لانه شكله تعبان .. تعبان وايد ! طول مهو قاعد كان خالد شاغل باله ما صار يشوفه كثير .. اول ما جى اختفى قعد يتمشى .. بعدين دخل داخل لجدته ويوم شافها ودها الغرفة على اساس ان محد يسمع .. هالولد فيه شيء . ولازم اعرفه
-------------

-يا ربي عليهم والله انهم يحزنون
- اي والله .. الا شوقو انتي فاهمه شيء من الي يقلولونه
شوق " وهي تمسح دموعها" : لاء بس شوفهيم قاعدين يصيحون !
الجوهرة : يا ربي علية .. والله انه مملوح
شوق: منو
الجوهرة: هذا ابو بدله سودة .. الي ما غير ملابسة من بداية الفيلم
شوق: اي والله .. شكله خليجي مو هندي !
الجوهرة : يا شيخة كل الخليجين اشكالهم اشكال هنود ..
شوق: وشو وشو لا طبعا .. اساسا ما في احلى من الخليجين .. انتي انسانه بلا ذوق !
الجوهرة " وهي تضحك" : اقول اعقلي لا اخلي ولد عمي يزوجج حق واحد من الدريوليه ..
شوق: لا عااد كلهم هنود ! واذا كان في ناس كشخة راح يصيرون فلبينين
الجوهرة : اقول اعقلي مو كأن عمرج 12 سنه .. عيب هالكلام عيب
شوق: هههههههههه شوفو من يتكلم .. مو انتي الي كنتي تحبين تطالعين بات مان لانه وسيم
الجوهرة " وهي تضحك ": هاي مشكله الي يقول شيء جدامج .. !
شوق: اسكتي انا كل ما اشوف بات مان ويا حسوون اتذكرج
الجوهرة :واي حبيبي حسوون وينه ..
شوق: افف لا تذكريني الدب كسر جوالي !
الجوهرة: وانتي شتبين بجوال .. انا ما عطوني جوال الا لما صرت اول ثانوي
شوق: الزمن تغير يا قلبي
الجوهرة: الا يهال اخر زمن .. ما صار يعجبكم شيء ..
---------------------
دخل الغرفة يدور الجوال والمفاتيح .. فتح الليتات وعد على السرير على طول توه انسدح ولا شاف شيء جامد تحته .. هذة مو مخدة وهذا مو السرير في شيء على السرير ..
فتح اللحاف اشوي اشوي وشاف وحدة ما عطته ظهرها توقعها ريم ولكن ,,
قامت على صوت الباب هي نومها خفيف جدا .. حست ان في حد رقد على رجلها وفجأه قام الظاهر تخرع بس منو هذا يا ترى .. معقوله يكون طلال ّ! لا لا مستحيل .. نور قالت انها راح ترسل له مسج تقوله ما يجي الغرفة . شال عنها جزء من اللحاف في هاي اللحظة شهقرت ضعبن عنها .. كان ودها تطلع من الغرفة بس اشلون تطلع وهو موجود .. اشلون تطلع وما عندها شيله !
من الصدمه ما عرفت وش تسوي الدموع تجمدت عند عيونها .. وحست نفسها متوهقة وايد !
" يا ترى منهي هذة .. ريم شعرها طويل هذة شعرها قصير .. لون شرها اسود ! هذة مو ريم ولا الجوهرة !. بس الحق ينقال شعرها حلو .. والله انك فاضي في بنت راقدة في غرفتك وتفكر في شعرها .. والله وهقة وفشيله بعد .. " سمع شهقتها عرف انها حست ان في حد في الغرفة .. ابتعد عن السرير
- السموحة اختي .. انا باطلع ّ خذي راحتج .. بس ممكن اسئل سؤال قبل
ما يدري من وين جاته الجرئة .. هو جريئ بس مو بهالمواقف . وهو مقدر ان البنت منحرجة مرة ! بس لازم يعرف .. لازم يلاقي اجابة واضحة !
ما ردت عليه .. حس فيها بس دعى ربه انها تجاوب عليه ..
- انتي من !
سمعت السؤال وتوهقت .. هو ما عرفها ! هل هاي شيء المفروض تفرح له ولا تحزن . ما عرفت وش تسوي هي بروحها متوهقه .. قالت اسمها بصوت واطي بس الظاهر انه ما سمعه لانه تاسف .. وتوه يبي يطلع قالت اسمها بس بصوت اعلى هالمرة !
- العنود ..
ابتسم وحمد ربه على هالصدفة .. يدري انه المفروض يطلع بس ما يعرف ليش هو متجمد بالباب .. يعرف انه لازم يطلع بس يحس ان رجله لاصقة في الغرفة وما ودها تطلع .. شافها متغطية باللحاف وشكلها متخرعه .. غطت شعرها وجسمها وما يبين الا ويها ! وكانت جد حلوه !
" شفيه هذا مو المفروض يطلع . قالي جاوبي علي وباطلع .. شنو حلتله القعدة يعني ! يا ربي وياه والله انه يوهق وشو هاي .. انسان يحر والله شكلي انا الي باقوم وباطلع ".
مسكت اللحاف بالقو وحته على راسها على اساس ان ما في جزء من جسمها يبين غير ويها .. حتى يدها مو طالعه ووصلت عند الباب عشان تمشي .. كان طويل اطول منها بكثير !
توها تبي تطلع الا صدمت فيه لانه ما وخر عن الباب وهي ما كانت حاسه .. طاحت على الارض واللحاف طار بعد !
اما هو توهق يوم شافها جي .. على طول طلع من الغرفة ونزل من على الدرج .. وهو ما ودة ينسى ! متخرع ! متفاجأ .. الافا الاحاسيس اختلطت في داخله .
اما هي شافته يطلع بهدوء .. ودموعها طاحت يا ربي ليش نحطيت بهالموقف .. بس نور صج بايخة قالت انها راح تطرش له مسج ليش ما طرشت .. توها بتطلع الا تذكرت انها خلت جوالها على السرير .. رجعت عشان تاخذة حصلته طايح على الارض ولتفتت ان في جوال ثاني تحت السرير .. كان شكله على السايلنت وكان في ميج واحد غير مقروء واتصال لم يرد عليه الاثنين من " الوالدة" .. ما فتحت الرساله بس تركت الجوال مكانه وخذت جوالها .. طلعت وهي تبتسم بهدوء .. كانت جد منحرجة بس مستانسة بنفس الوقت .. تدري انها هبله لانها حست بهالاحساس بس وشتسوي !




..الجزء الرابع عشر ..

اخيرا خلص الجوازات .. هي سافرت كثير بس غريبة اول مرة ياخذون وقت طويل .. يمكن لان كل مرة تكون مع اهلها اما هالمرة هي مشتاقة لهم .. تحس نفسها وحيدة ! اخيرا رجعت الدوحة .. معقوله يا دانه انتي الي تقولين هالكلام ! انتي الي شتقتي للدوحة !
مب كنتي ما تحبين هالمكان .. ولا تحبين هالحياه .. عشتي طول عمرج هناك .. تحسين نفسج ما تنتمين لهني ! بس ليش احس نفسي مشتاقت لها .. طول فترة سفري ما فكرت في لندن .. ما فكرت في بيتنا الي هناك .. بس فكرت في عايلتي .. في " بلادي " .. فكرت في غرفتي الي هني .! فكرت في حياتي .. تذكرت الجامعه وتذكرت شقد مشتاقه للدراسة .. شتاقت لربعها .. لازم اول ما ارجع اكلمهم .. لازم اخذ ارقامهم من سهر ! الله يهداك يا جاسم وهقتني . يوم حذفت الجوال ..
لقت يد ينحط على كتفها .. والابتسامه شاقه حلجة !
- تدرين اشتقت للدوحة ..
- مي تو
- هههههه وينك يا عمي تسمع دانه .. احسه بيحبني زيادة بعد ما يسمع انج اشتقتي لقطر
- ليش تضن اني ما حب بلادي ؟ انا اعشقتها .. هاي قطر في حد ما يحب قطر ؟
- بس الي كنت اسمعه غير جي ..
- لا يا جاسم انا مب اكره قطر .. انا احبها بس مو متعوده عليها ! انا عشات طول عمري برا .. ما تعودت على الحياه هني !! بس اول ما جيت حست ان في شيء يربطني فيها .. هي بلادي ! وما في احد بالدنيا يركه بلاده بالعكس .. احس نفسي مرتاحة ! بس انا احب لندن لا صديقاتي هناك .. هني لازم ابدأ حياتي من جديد .. حسيت نفسي ضايعه !
- مستحيل تضيعين وانتي معاي .. وين ما تروحين بتلاقيني معاج !
- خخخخ اقول .. انا ابي اروح اشوف امي .. يله بسرعه
- تشوفين امج الساعه 2 الفجر ! خل نرد نرتاح وباجر ان شاء الله نشوفها
دانه : الا ما قلت لي من بينتظرنا ؟
جاسم: طلول
دانه: واي فديته اخوي .. مشتاقت له
جاسم: ههه اعملي حسابج لا تتفدين حد جدامي مره ثانية ترا اغار !
دانه" اكيد يحبني .. شكله يحبني ! واي ترا انا استحي .. بس فلله " : فديـــــــــــــــــــــــــــــــــته ..
ضحك عليها وراح يجيب الشنط ..
شافوا طلال واقف مع المنتظرين من بعيد ما عرفت شتسوي بس اول ما قربت منه ضمته . هذا اخوها اعز خوانها .. حتى اعز من اخوها الصجي الي هو خليفة . طول عمره قريب منها .. فاهمها عدل ! تحبه كثير .
جاسم: افاا .. انا قلت لج ما احب تتفدين حد .. تروحين تضمينه ..
طلال" وهو يضحك " : وحدة تضم اخوها .. وانت شعليك
دانه؟ اي صح .. انت شعليك
جاسم: رجعنا لطولت اللسان .. طلول روح .. شكله محد مقويها غيرك
دانه: ما عليك منه طلول .. اخبار امي وابوي .. ونور وريمي
طلال: بل بل .. انا قلت اول وحدة بتسألين عنها جدتج ّ!
اول ما سمع جاسم هالكلمه ضحك اما دانه تغير لونها .. طول عمرها تحس ان جدتها ما تحبها ّ! عمرها ما عاملتها معامله عدله .. طول عمرها وهي تنتقدها ّ !
المطار كان بعيد عن البيت .. تقريبا يبعد نص ساعه عن البيت .. بس الشارع كان فاضي .. الساعه 4 الفجر الحين ولا حد بالشارع .. فوصلوا البيت خلال 10 دقايق .
طلال: يله دخلو .. صحيتوني من النوم ولا خليتوني انام عدل
جاسم: ليش انت بتروح الدوام اليوم
طلال: لو انا ما رحت منو بيروح ! خالد صار له يومين ما يداوم .. لدرجة ان ابوي امس الصبح مر على المصانع .. وخليفة اليوم بيرجع ان شاء الله
جاسم: انا باداوم ان شاء الله ..
طلال: ما يمديك .. بالعكس ارتاح اليوم ..!
جاسم: مو مشكه انا مشتاق للشغل .. خلاص زهقت من خالتك !
شافته بنظرة و ودخلت البيت .. بط جبدها بهالكلمه ؟؟ توه راجع من شهر العسل يبي يداوم لا وبعد يقول انا زهقت منج .. صج ما يستحي ! اشلون جي يقول جدام اخوي .. هذا ما يدري انه يجرح مشاعري بهالكلام .
الحمد لله ان باب البيت مبطل ، دخلت ولقته داخل وراها وشال شنطتها بيدة ..
- ليش سبقتيني ..
- لا سلامتك .. اساعدك ..
- هههه ما راح تقدرين .. ثقيله عليج
- اوكي .. وين اروح !
- وين تروحين يعني .. بيت الجيران .. غرفتنا طبعا !
- الي يسمع يقول طول عمري مطيحة في غرفتك .. هي وين يعني
- خخخخخخخخخخخ في وحدة ما تدل غرفت زوجها .. انتي ما جاية بيتنا فوق من قبل
- جيت مرتين ويا ريم .. ورحنا غرفه الجوهرة على طول ! ما شفت البيت عدل ..
- الله يسلمج انا لي جناح كامل فوق .. وخالد له الطابق الثالث الي فوق كله ..
- اها ..


--------------

- اقول ما بغيتي تدقين ..
- اسكتي انا وحدة مالي بارض وميته من الخوف ابي منج طلب ..
نوف " تخرعت ": شنو .. بسم الله عليج شفيج
امل: افف .. اسكتي يا نوف انا مقهورة وميته .. ولا اعرف وش اسوي
نوف: يا بنت الحلال .. تكلمي .. تبيني اجي بيتكم ولا حاجة ..
امل: لا لا لو جيتي .. يدتي ، ما بتخليج في حالج .. بروحها ما تحبج
نوف: بل .. في الويه عاد .. انزين غطي ع الموضوع مو على طول ما تحبج
امل: المهم ما علي .. ابيج بسالفه ضروري
نوف: اي اي آمري ..!
امل: لو عطيتج اي بي ادريس .. ممكن تطلعين لي اسم الشخص وعنوان بيتهم .
نوف: يا بنت الحلال وش السالفه
امل: شوفي .. تعرفين خالد
نوف: من ؟؟؟
امل: الحر الي بالمنتدى
نوف: اي اي عرفته خلاص
امل: الله يسلمج صارلي يومين ما كلمته ..
نوف: وبعدين
امل: بس وانا ميته قاعدة احاتيه .. مب طبيعي انه ما يكلمني ..
نوف: انزين يمكن انشغل ولا شيء .. عادي !
أمل: لا لا انا اعرف خالد زين ما يسويها ..
نوف: يا حبيبتي يا اموول .. هذا واحد ما تعرفينه .. يمكن زهق عادي كلهم جي ! مصيرة بيرجع ..
أمل: يعني وش رايج ..
نوف: انا رايي انج تنطرين ..انطري اسبوع وبعدين .. هذا اذا ما نسيتيه خلال الاسبوع ..
امل" بصوت كله حزن": انساه
نوف: كم صار لج تعرفينه شهو ونص صح
أمل: شهرين .. من بعد عرس دانه بشوي
نوف: ليش اهمه صار لهم شهرين !!!
أمل: اي كل ما المفروض يرجعون .. يأجلون ! شكلهم خذو على بعض
نوف" افف .. والله قهر ": اها الله يهنيهم
أمل: من قلبج
نوف: لا والله ..
----------------
نزلت تحت وهي تعبانه .. صار لها يومين مع الام البطن الي تجيها .. ولا عرفه وشتسوي .. قالت لامها قالت يمكن مغص عادي ويروح .. نزلت وهي خلاص صج تعبانه امس سهرت طول اللليل تشوف فيلم لين الساعه 4 تقريبا ..ولا نامت عدل اليوم لانهم المفروض يتغدون عند يدتهم .. بس الحين الساعه 10 ليش انا قايمه جي من وهل !! نزلت تحت وراحت الصاله التحتيه على طول ولا تحصل امها قاعدة ويا واحد ووحدة .. ما شافت الويه .. ما تقدر تشوفه لانها ما عطينها ظهرهم ! بس اشكالهم مو غريبة عليها .. وامها اساسا مو لابسة لا عبايه ولا شيله ..
التفتت الا تصرخ صرخة ..
- دودووووووو .. يا الدوباا والله شتقت لج ..
جاسم " وهو يضحك على شكلها " : بس دانه .. هاي وانا اخوج !
الجوهرة " وهي تضم دانه " : انت شرير .. هي مسكينه طيبة .. انا قلت بيذبحها وبيي بروحه ..
ضحك جاسم وراح يسلم عليها ..
الجوهرة : المهم وشسويتو .. ان شاء الله استانستو
دانه : الحمد لله
شافت دانه بنظرة يعني انتي متأكدة .. بس دانه بتسمت لها ابتسامه ريحتها
الجوهرة " الحمد لله ما فشلنا ": اي تعالو وشسالفه الجواويل .. جربنا نتصل عليكم بس كان ما عرف وش فيه ..
جاسم: الله يسلمج جواويلنا ضاعوا
الجوهرة " والله اني شاكه ": الاثنين ..
دانه" وهي تضحك ": اي الاثنين .. تخيلي !
الجوهرة : تدرين دودو عندي احساس انها حركه من حركات جاسم .....
جاسم " والله طلعت فاهمتني ": جنج ظالمتني وايد .. ترى هي الي خبتهم عشان ما اتصل عليكم ..
دانه: انــــــــــأ .. (( انا شكلي باقول الصج وبارتاح .. ))
جاسم " وهو يضحك " : اي اي ..
دانه " اوووف منه رجع لسخافته " : اقول ما راح توديني لامي
ام عبدالله : شوف زعلت البنت (( عشاه ما يفضحنا وياها بس ))
جاسم: افا يا دودو تزعلين مني انا
ما قدرت الا تضحك على شكله .. هذا صج ما يستحي .. اشلون يقول جدام هله هالكلام .. لازم يحرجني يعني
..
ضحك على شكلها وما حب يحرجها اكثر .. قعد يسولف ويا امه عن اخوانه واخبارهم ..
الجوهرة " وهي تساسر دانه" : ان شاء الله كل شيء ما شيء تمام .. والله كنا نحاتيكم انا والريم
دانه: اي الحمد لله ..
الجوهرة : احنا لازم نحتفل برجوعج ..
دانه: اما رجوعي .. الي يسمع يقول مهاجرة .. كلها شهر ونص
الجوهرة: عن الكذب شهر وخمس وعشرين يوم
جاسم: بعد حاسبتهم
الجوهرة : بسم الله مركب كشافات ..
ام عبدالله: جواهرووووووووو .. اذكري الله لا تقولين عن اخوج جي !
الجوهرة : يمه غشمرة .. غشمرة
جاسم: لا يمه لا تصدقينها هي محترة مني
الجوهرة " سبحان الله جاسم جي .. والله وعرفتي تغيرينه يا دانووو .. اخبر كان كله يهاوشني .. اول مرة يقعد ويسولف .. لا ويضحك بعد "
دانه: شفيج ساكته ..
الجوهرة : مستغربة من اخوي
دانه : ههههههههه ليش !
الجوهرة : دانو تراه تغير وايد !! اخر مرة قعد ويانا ويسولف ويضحك قبل لا يسافر يدرس تدرين


...................................


دخل المكتب وهو معصب .. شاف الي قاعد ورا المكتب بنظرة تخرع
- انا ودي افهم بس انت متى راح تداوم مثل الناس
- انت الحين جاي لي المصنع عشان تقولي هالكلام ؟.. وأأأي وتعال اشفيك داخل المكتب بهالطريقة ما في سكرتيرة برع .. ما في انسان قاعد ورا المكتب له احترامه !
- اقول .. خلود اسمع الكلام واعقل ! صار لك فترة مو على بعظك .. متى اخر مرة داومت !
خالد " وهو معصب ": وانت شدخلك .. ليكون انا اخذ الراتب منك وانا ما ادري !
طلال: مهو من سواياك مفكرين يعطوني المصنع ام*** فترة ! مو كفايه فرع السد عندي !
خالد : اقول خذة وفكني .. انا مزاجي مو مزاج دوام .. خلاص تعبت !
طلال : ياخي انت اليوم ضيعت علينا مناقصة مهمه ... الشراكه الي المفروض تتم بينا وبين الشركه الالمانية ضاعت والسبة استهتارك هاليومين ..
خالد: ضيعت شراكه .. بس ربحتكم شراكات ومناقصات ,, ولا بتنسون الي سويته بلحظة عشان يوم ولا يومين حبيت ارتاح فيهم ..
طلال: يوم ولا يومين .. يا خي خاف ربك صار لك اسبوعين على هالحال .. مب امس ابوي داوم في المصنع بدالك .. ومر على راس لفان شاف الاوضاع اشلون والشركه اشلون ماشية .. يا خوي هذا شغلك ! احنا ممسكينك هاي كله !
خالد: والله العظسم الي فيني كافيني .. بعد جاي تسندرني مع هالسوالف
طلال : الي فيك .. ليش وشفيك
خالد : بلاوي .. بس ما تنقال .. ما راح تفهم
طلال : خذ راحتك يا خوي .. بس انت عارف متى ما بغيت تتكلم راحح تلاقينا موجود ..
(( اخ يا طلال .. اتكلم .. طيب اتكلم وش اقول .. مو كفايه الي فيني ! مو كفايه المشاكل .. يا ربي ساعدني .. ريحني .. انا تعبت خلاص .. ))
طلعه من افكاره صوت الجوال بعد ما طلال طلع طبعا .. شاف الاسم وتردد اذا يرد ولا لاء .. نادين صار لها فترة تتصل من دون ما اعطيها .. ويه ! المسكينه .. يمكن محتاجة شيء !
----------
دخلت البيت وهي ما تشوف شيء فيه متغير مثل ما هو .. بيتها .. كل شيء بمكانه ! والله اني اشتقت لامي وابوي !
- تتوقعهم طالعين
- انتي الي الله يهداج قلت لج نتصل بالاول
- ليش نتصل .. نسيت ان جيران .. لحظة لحظة باروح فوق اناديهم ..
وراحت تركض فوق اما هو قعد في الصاله التحتيه وهو يتامل البيت .. تذكر االعرس كان تقريبا بنفس المكان الي هو قاعد فيه .. بل والله ايام ! من قادر يصدق اني تعودت عليها .. بس ودي افهم حقيقة شعورها .. وش السالفه ! احس نفسي ضايع ..
كان وده يكمل تفكيرة .. بس لاقاها قاعدة تلاكض على الدرج شكلها فرحانه وايد .. كانت لابسة فستان اصفر قصير .. وشعرها مربوط على ورا .. شكلها شكل طفله صغيرة .. وصلت لعنده وهي تلهث ..
جاسم " وهو يضحك " : شفيك تركضين .. حنينا للطفوله
دانه : انا بعدي بيبي اساسا .. لا بس قلت اكيد اشتقت لي .. ما حبيت اخليك تنتظر اكثر
جاسم : بعد عمري يلي حاسه فيني والله .. الا دودو
دانه : سم
جاسم: وين ابوج وامج .. كأنهم تاخروا
دانه: ابوي يتكلم بالتلفون .. شكلها محادثة مهمه حتى انا ما عطاني ويه ..
جاسم : وانتي من يعطيج ويه .. المفروض تحمدين ربج اني موجود !
دانه : شنو !! اقول اسحب كلامك .. انا محد يعطيني ويه .. انا دلوعه ماما يا حبيبي
جاسم" اخ يا زين حبيبي وهي طالعه منها .. بس لازم اثقل شويه ": عادي حتى انا دلوع ماما .. انا دلوع ديدة بعد " على فكرة اهمه يسمه جدتهم ديدة " ..
دانه " اخ منها هالديدة .. يا ريتها تحبني كثر ما انا احبها بس .. ما ادري ليش تحب جسووم ": عادي انا دلوعه اخواني بعد ..
ام خليفة " وهي نازله من على الدرج ": يا هلا ويا مرحبا .. تو ما نور البيت !
جاسم : منور بوجودك يا خالتي !
ام خليفة : ها يمه عشى استانستوا بس !
دانه : اي فديتج . الحمد لله ..
جاسم : عيل خالتي وين عمي . ودي اسلم عليه قبل لا روح لجدتي ..
دانه " فزت من مكانها .. طبعا الكل استغرب من الحركه "/ شنووو
جاسم " وشفيها هذة .. يقول شايفة جني ": شفيج ما سمعتي .. بنروح نسلم على جدتي !
ام خليفة " اخ يا دانو ما تعرفين تقبضين لسانج ": يمه تو الناس .. العايله كلها معزومه عندها على الغدا اليوم ..
جاسم : ولو يا خالتي .. نروح نسلم عليها بالاول .. ووقت الغدا راح نروح بعد .. للبيتين نفس الحديقة .. مثل ما جينا هنا لازم نسلم عليها بعد !
دانه " افف منه هذا .. اكيد راح تزفني الله يهداها .. مو ناقصة هواش انا " ..
جاسم " والله ودي اعرف ليش ما تحبين تروحين لهالمسكينه .. والله ان جدتي في حالها .. الله يخليها لنا .. "

عم صمت على كل الحاظرين .. لدرجة ان بو خليفة استغرب ! وش فيهم ذول ساكتين .. مو من عوايد دانه انها تسكت .. خصوصا يوم جاتلي فوق ,, كان شكلها عندها كلام كثير تبي تقوله !


................................

اخيرا نامت على حضنها .. البنت قاعدة تكبر وهي مو عارفة وش تسوي .. صايرة تفهم صايرة تسأل وندين ضايعه .. وش تقولها بالضبط ! تقولها الحقيقة .. هي صغيرة وعقلها مستحيل راح يستوعب ! ابوها وامها راحوا وخلوها .. صارت وحيدة بهالدنيا ما لها غير هالبنت .. حتى ابو البنت ما يبيها .. ! يكتفي بالمصروف الي يطرشه لها شهريا .. طبعا المصروف كان كبير ويكفي نادين وشهد .. من غير ما ندين تظطر .. تشتغل !
- ماما ..
- شو .. انتي لساتك صاحيه ..
- ماما ... بدي تحكيلي القصة من جديد !
كل يوم تقولها نفس القصة .. وما تمل منها .. تقولها قصة لقائها بابوها .. قصة الحب الكبير الي جمعهم .. وتحديهم لكل الاهل عشان يحين هذا الحب ! ولكن ، اخفت عنها شيء واحد اخفت عنها النهاية المرة الي عاشتها !
اخفت عنها الكره الشديد الي صايرة تشعرها بانتجاه ابو شهد .. اخفت عنها الظلم الي حست فيه من بعده .. طلع اناني .. اي نعم انسان اناني !
رمت راسها على الكرسي .. وطاحت الصورة الوحيدة الي بقت لها من طليقها .. صورة كانت تجمعها معاه في بداية زواجهم .. الصورة الوحيدة الي احتفضت فيها لبنتها . هي عارفة .. لاء هي متاكدة يوم من الايام راح تسال البنت هاي الاسئله .. بس عمرها ما توقعت البنت راح تسال في عمر صغير .. شهد عمرها 3 سنين .. عمرها صغير ولكن عقلها قادر على استيعاب المشاكل الي تمر فيها هذة الاسرة لصغيرة !!
نادين .. شو بدك تعملي بشهد .. ابوها ما بدو اياها .. وعمها ما عم يرد .. ! اهل ما في .. ولا بتعرفي حدا ممكن يهتم فيها !
لو انتشر هذا المرض اكتر من هيك .. شهر ممكن تتيتم مرة تانية .. ومين راح يئدر يهتم في بنتك الوحيدة .. البنت التي بتحسسك بالامان وانتي جنبها .. البنت الي هي تمرة حبكن انتي و ....






الجزء الخامس عشـــــــــــــــــــــــ15ـــــــــــــر

قامت من النوم عشان تصلي صلاه الفجر .. صار لها وقت طويل ما صلت الصلاه في وقتها .. ابتسمت يوم شافته راقد جنبها .. ما تعرف حقيقة مشاعره .. في متأكدة انها بدت تحبه .. صارحت نفسها بهالحقيقة من زمان بس هو !
هي من بالنسبة لجاسم هي حبيبته وصديقته .. ولا يشوفها وحدة دخلت حياته بالصدفة .. نفسي اعرف شلي تفكر فيه يا جاسم .. خاطري ادخل افكارك وافهم .. مع اني اخاف انصدم بلي فيه واخسرك للابد .. ترددت ما عرفت اذا تقومه ولا لاء .. بس قررت انها تقومه بعد ما تتوضى .. ما في احسن من صلاه الفجر في وقتها ..
كان الجو بارد اليوم مع انهم في اغسطس والمفروض يكون احر شهر في السنه بس اليوم شكله غير .. طلعت وهي تتنافض بعد ما توضت .. قومته ..
اول ما شافها ضحك على حالها .. كان شكلها جد يضحك ! وكانت ترتجف من البرد ..
جاسم " وهو يضحك ": الي يشوفك يقول عايشة في الاسكيمو .. مب في قطر !
دانه : عااد اليوم الجو بارد .. توني متوضية ومشغل المكيف بعد .. يله روح توضى عشان تصلي !
جاسم: ليه الساعه كم الحين
دانه : 5 الفجر .. ادري انه مأذن من اكثر من ساعه بس لح الحين ما طلعت الشمس ..
جاسم : خلاص حبيبتي تامرين امر .. اقول دودو
دانه " وايي يا زين دودو " : هلا
جاسم : ما اعتقد اقدر انام شرايج نطلع بعد ما نصلي ..

صحيح ان هي كان خاطرها تنام اول ما تخلص صلاه .. امس ما قدرت تنام عدل .. يمكن اخذت لها غفوة بس وقامت على صوت المؤذن وهو يعلن وقت صلاه الفجر .. بس ما قدرت تردة .. استمتعت من هالطلب كثير .. كان خاطرها تطلع معاه .. من يوم ما داوم وهي تشوفة ينشغل عنها يوم بعد يوم .. تسليتها الوحيدة بنات عمها .. ووجود سهر الي خلاص نقلت للدوحة .. ولي سهل الموضوع اكثر ان نواف قرر يعيش في الدوحة بعد .. خصوصا بعد ما شارك صديقة .. استأجرو بيت قريب من بيت دانه .. الي صج فرحانه لانها صارت تشوف سهر تقريبا يومياً ..
لاحظت انها تاخرت عليه بالرد .. ابتسمت له ابتسامه .. تعلن له فيها انها موافقه .. اما هو ما ان شاف بتسامتها نط على طول وراح يتوضا .. عشان ما يأخر صلاته اكثر من هيك !


غرفة خالد ..

حاول طول الليل انه ينام ولك ما قدر .. كان ودة يكلمها .. مر اكثر من اسبوعين وهمه على هذا الحال .. ليه يا امل ليه .. ليش تحسسيني بالذنب .. كان يدريىهل نسته .. ولا لازالت تسال عنه وتطرش له ايميلات .. فتح الايميل ولقى اخر ايميل طرشته كان يوم الجمعه يعني من يومين .. يعني من يومين .. ابتسم وقال اكيد قررت تعيش حياتها خلاص .. حتى انا لازم اعيش حياتي وامحيها من عقلي .. وبابدأ بايميلي .. كان ناوي يدخل المسن الي ما دخله من اسبوعين .. من يوم ما اكتشف ان اممل تصير بنت عمه ... دخل على امل انها مو موجودة ااالحين .. الساعه 6 الفجر الحين وشيء طبيعي انها تكون نايمه هالحزة ..
فتح المسن ولقى مليون رساله منها .. تساله وش فيه واذا هو بخير ولا لاء ..

ما اقولكم عن حاله امل يووم شافت ان خالد رجع كانت فقدت الامل خلاص .. وحتى صارت ما تقرى جرايد الحوادث مثل الاول وتشوف اذا صادة شي لا سمح الله او لاء ..
اول ما شافته داخل بدت تغني وحست ان الحيوية رجعت لها من جديد .. جربت تكلمه بس ما في امل .. لا حياه لمن تنادي .. لي ما عصبت وكانت على وشك انها تطلع من المسن لما رد عليها بكل برود .. هلا امل بغيتي شيء !!
بغيت شيء .. انت الي تسألني هالسؤال يا خالد .. اي طبعا ابغى شيء .. ابي اعرف حالك .. انت ما تدري انا شكثر اشتقت لك .. وودي اسمع صوتك ..


تفاجأه من ردت فعلها كان ودها تكابر وتقوله كيفك بس باخر لحظة كتبت خرعتني عليك ..؟
ما اكن وده يرد عليها .. كان وده يسفه لها .. ويرجع ينام ! كان وده يقطع النت من العالم عشان ما يقرون يتواصلون بس هو عارف نفسه .. اول ما راح ينقطع النت راح يطلع فكرة عشان يشوفها ويتواصل معاها .. كان بين نارين حس انه لازم يقولها .. او انه يسكت ولا يخسر حبها !
كان وده يخطبها بس هو عارفه انه قلبها لشخص ثاني حتى لو كان له هو ! قلبها راح يكون الخالد . الي تعرفه عن طريق المسن مهب خالد الانسان الحقيقي الي خارج اسوار الشبكه العنكبوتيه .
كان ناوي يتكلم بس اول ما طرش لها الرساله اكتشف انها طلعت ..
كان وده يرجع ويمسها .. كان وده ما يطرشها بس ما قدر ! خلاص الي صار صار وهي عرفت لو ما عرفت في هاللحظة راح تعرف باجر ولا الي عقبه .. كان وده يتصل على بيت جدته عشان يسمع صوتها .. ولا يروح يشوفها بس هو عارف انها ما راح تطيقة بعد الي صار ..! حس انه خسرها .. اي نعم خسرها للابد !
......................................


كانت تتأمل شكلها بالمراية ، فرحت كثير يوم تذكرت انها تشبه امها .. وحمدت ربها على هالنعمه .. على الاقل
كل ما تشتاق لامها .. تشوف نفسها بالمرايه .. ! تذكرت من سنه وكيف انها جات لهالبيت .. كانت امها على مشاكل كثيره مع جدتها . لان جدتها ما كانت موافقة على زواج راشد .. وكيف عاملتهم بحنان يوم عرفة الحقيقة ورفضت من راشد انهم ينتقلون .. اقنعته ان بناته يجلسون هنا ويتعرفون على بنات عمهم لانهم اساسا كانوا عايشين بالوكرة ..
نزلت و هي تغني و فرحانه..دارت عيونها في كل الصاله..و هي تفكر وش كثر تحب كل شي في هالبيت..لكن البسمه راحت من شفايفها و هي تطالع هالنظره الحاده اللي مصوبه عليها..تمنت إنها تتخيل..لكنه كان واقف قدامها..و وجوده لايمكن تشك فيه..حست ان قلبها نبضاته وقفت..مادرت وين تروح..لكن أخيرا بدت تستوعب وركضت على فوق بسرعه..و هي تحس بنظراته تلحقها.. اخر مرة شافته اليوم الي كانوا فيه في المزرعه .. ما عرفت وش تسوي .. كان يطري على بالها من فترة لي فترة بس كانت تسكت نفسها باي شيء .. بس اليوم هي شافته ! اي نعم اخيرا شافته ..!
عند المدخل_وقف طلال سرحان فيها..جاء وراه احمد اللي كان جاي معه..لكنه مد يده بسرعه يوقفه قبل يدخل..لين شاف إنها اختفت و بعد يده عنه ودخل الصاله و عيونه تراقب المكان اللي اختفت منه..احمد مادرى وش اللي صار..
احمد: وش فيك؟
طلال بشرود: هاه
احمد: وش فيك وقفتني؟
طلال يلتفت له: آآ كان فيه أحد في الصاله
احمد: من البنات؟
طلال: إيه
احمد بإستغراب: ما أشوفك غضيت النظر إلا طارت عيونك و إلا الحرام بس علي!

سكت عنه طلال..وهو يتخيلها للحين قدامه..انصدم من التغيير اللي صار فيها..يوم شافها في المزرعه كانت غير .. كانت تشوفه بنظرة كلها خوف ورعب هذة في اللحظات القليله الي كانت شايله فيهم اللحاف من على وجها ..
احمد: طلوول وين رحت كنت أكلمك!
طلال: نعم ما سمعت
احمد: إيه مو أنت مادري وش فيك من دخلنا و أنت منطرش..أقولك المفروض اتصلنا قبل..إحراج البيت فيه بنات و ..
دخلت عليهم جدتهم و فرحت بجيتهم.. قعدت تسولف معاهم .. حتى ما سالتهم ليش كانوا واقفين بهالحاله !

في غرفة العنود_جلست العنود مصدومه من الموقف اللي صار لها..ما تخيلت إنها بتشوفه مره ثانيه..و انحرجت من نظراته اللي كانت تتفحصها.. اكيد كان يتذكر ذاك اليوم .. بس معقوله يكون عرفني ! يا هبله من بيجلس يغني ويرقص كذا بالبيت غيرج .. الله يهداها جدتج كل ما حد جه قالت لهم العنود ترقص وتغني !
قررت تنزل تتسمع عليهم..كان نفسها تسمع كيف يتكلم..كيف يضحك..و نزلت و وقفت قريب من المجلس تسمع سوالفهم وضحكهم..و بعد نص ساعه..سمعتهم يعتذرون و راحت تركض للمطبخ قبل يطلعون عليها..
..........................

العصر .. \ فيلاجيوو

كانو يتمشون ويشرون اغراض للجامعه خلاص ما بقى عليها شيء اسبوعين يمكن .. وكل وحدة تكتم خوفها من هالتيرم .. شلون راح تكون الجامعه .. الناس الي فيها ! لان ثنيناتهم راح يدرسون بهالمكان لاول مرة !
سهر : الا دودو هناك راح تظلي بالعبايه (( الجامعه الي راح يدرسون فيها مختلطة على فكرة ))
دانه : اي اي انا اول مرة يوم رحت اسجل شفتهم كلهم بالعباية والشيله عادي .. لان في شباب معانا مثل ما انتي عارفة !
سهر: بس احنا طول عمرنا معانا شباب .. وشرايج نلبس شيء طويل مثل الي كنه نلبسة للجامعات الي هناك !
دانه: نو نو ما راح ينفع .. هناك كله شباب وبصراحة الوضع ما يطمن .. حتى فهد حذرني منها كذا مرة
سهر : ههههههه فهود عاد .. الا تعلي اخبارك ويا جاسم ..
دانه " وهي تبتسم ": الحمد لله ..
سهر : يعني ما تتخانقون مثل الاول !
دانه : الا نتخانق .. بس تعودنا يمكن .. بس تدرين انا لحد الحين مو متطمنه
سهر: اقول اعشقي الراحة .. انتي ما تتطمنين لاحد !
دانه" تبي تضيع السالفه " : اي صح ذكريني باجر نوديج المستشى .
سهر: ليه....
دانه : نسيتي انهم طلبتوا منهم نحاليل .. ولازم تخلصها بسرعه عشان نقدر الاوراق من الاقضل
سهر : اقولك شيء !
دانه: يس يس .. اول امشي خل ندخل محل بربري ..
سهر : انا متطمنه لجيه نواف معي !
دانه: ليه .. هو راح يسكن هنا على طول
سهر: ما ضل غير سنتين .. السنه راح يكون معي عشان شغله والسنه الجايه احتمال كبير يكون العرس ..
طالعتها دانه باستغراب كثير .. كانت تبتسم وهي تتكلم عن الموضوع .. اول مرة سهر تسويها .. العادة تعصب اذا اي احد جاي سيرة الخطبة .. لدرة ان كلنا نسينا انها مخطوبة ! واحيانا اشك ان حتى هي نست ..
دانه " وهي مستغربه ": عرس تقصدين انتي وولد خالتك ذاك ..
سهر: اي .. وهو في غيرة !
دانه: بس اول مرة تتكلمين عنه من يوم ما خطبوج !
سهر : اقول دودو .. وش رايك بهالشنطة ..
كانت تاشر على شنطة " بربري" لونها اسود .. شويه كبيرة يعني تنفع للجامعه .. مغطية بسير جلدي في نص الشنطة ..
دانه : اتصدقين حلوة .. اول مرة تختارين شيء حلو ..
سهر : اقول الخلا
دانه: شرايج نشتري مثل بعض ..
سهر: واووو فلله .. يس يس . انا موافقة !
اشتروا الي بغوه وطلعوا من المحل ودانه لحد الحين السالفه في بالها .. ودها تسال شلي طراه على بالها .. هو خاطبها ولكن ما عمرة حبها .. لدرجة ان مره جاه وتهاوش معاها .. وهي مالها ذنب بعد .. دانه كرته من هالسالفه ! وكانت تخاف تفتح السالفه مع سهر لا تزعل !

العصر . فيلاجيو .. قريب من الباب الرئيسي ..

كانت قاعدة بالسيارة وهي معصبة من دانه .. وهذة ما تعرف تنطر قلت لها اني راح اروح معاكم لفيلاجيو .. الحين بعد دقايق امي ولا جايم ولا اي احد بيتصل ويقول يله رجعوا انتوا تأخرتوا .. وانا بعدني ما تسوقت ..
جواهر " وهي معصبة ": يله كاني .!!!! ابي انزل
كاني " السايق": جوهر انتي يبي ينزل في ينزل هنا .. هذا واجد زحمه !
الجوهرة : اي طبعا .. مهو فيلاجيو لو راحوا اللؤلؤة مو افضل .. اففف منكم !
توها تبي تنزل الا تحس بظربة قويه .. صارخت بكل قوتها .. فتحت عيونها ولا تشوف السايق وهو معصب .. اكيد السيارة راحت فيها ..
حاولت تفتح الباب .. والحمد لله افتحت .. كانت الظربة في جهه الكرسي الي جنب كرسي السايق .. والباب الشيء الوحيد الي تاثر .. الحمد لله انها جات على كذا !
لعت من السيارة .. وهي جد معصبة على الموقف المحرج الي نحطت فيه .. دعموا ووين في فيلاجيو .. وعند الباب الرئيسي ! كل الشباب تلاقينهم واقفين هناك .. خصوصا ان اليوم يوم العائلات بس .. الله يغربلك يا كاني ..
سمعت صوت شخص يسالها : اختي انتي بخير !
كانت تعرف انها المفروض تمشي ووتصل على حد من خوانها عشان يجونهم وتدخل داخل لدانه .. بس بدال لا تسوي هاي كله .. شافت الشخص بنظرة ..
هي كانت لابسة نظارة شمية .. هو ما انتبه لا عدل .. فجأه شافها تنفجر في وجهه
- انت ما تستحي .. لازم هالحركات يعني
- انا وش سويت يا اخت سايقكم هو الي صدم فيني !
سمعت صوته .. حست انه مو من قطر .. هاي اللهجة مو لهجة قطري ! شافت ملابسة تاكدة انها مو ملابس امراتي او عماني .. لان العمانين ما يحطون عقال على راسهم والامراتين ثوبهم غير !
كان وجها تساله انت من وين .. بس الله يهداج يا جوجو وش هاللقافة ..
- الحين انا وش اسوي .. اقول كاني
- نعم جوهر !
- اتصل على جاسم وقوله يجي ! (( وتلتفت على الرجال)) اخوي الحين يراويك شغله
- يقالك تهدديني .. خل يجي وش اسوي به
- انت سعودي (( ما تدري اشلون لفظة هالكلمه .. خست انه قليله ادب .. عير متربية .. اكيد راح يعرف اسمهم لما يصلحون السيارة .. ش راح يقول عن اهلها .. بنتكم مو متربية ؛))
- ((ابتسم .. بس بعدين رد بهدوء )) وانتي وش دخلك
- الحين زين مني اسئل .. اقول خلصوا سيارات السعودية جاي تسوي حوادث في الدوحة ..
ومشت عنه وهي محتره ! وشو هذا ما يستحي .. بس انتي الي بعد يا الجوهرة مصختيها .. انا اشلون طلع مني هالكلام .. اول مرة في حياتي اتجرأ واكلم رجال .. كاني من النوع الي وايد يسوي حوادث كل مرة اقعد بالسيارة بهدوء لين يجون اخواني .. اول مرة اعصب واطلع من السايرة واكلم حد .. مشت من السيارة . وكانت الخدامه تمشي وراها لين ما ادخلوا داخل المجمع !!
ما كان ودها تقول شيء جدام سهر .. البنت ما تعرفها عدل وخافت لا تاخذ عنها فكرة مش اووكي .. قررت انها تسكت لي ترجع البيت وتقول لدانه اوريم او هييووون حد ممكن يفهمها .. ظلت تدور مع البنات ! كانت جايه تاخذ لها فستان لحفله دانه .. بس ما قدرت تختار شيء ! كل تفكيرها كان منصوب في الحادث الي صار من اشوي .. وجرأتها الغير طبيعيه مع الرجال ! بس الحق ينقال .. هو وسيم ّ اي والله وسيم ..
كانوا يتمشوون .. دانه التفتت على الجوهرة لقتها تبتسم ..
دانه : جوجو وش بلاج !
الجوهرة : ها ... لا لا سلامتج ! ما في شيء !
سهر " بعد ما سكرت الجوال من عند اخوها ": اففف وش فيه هذا !
دانه: شفيج ..
سهر : كان معصب .. وقالي رجعي مع دانه !!
الجوهرة : اي حياج !! بس ترا اخواني راح يرجعونا
دانه: شنو ... ليش
الجوهرة : السيارة سوت حادث !! وخليت كاني يتصل على حد من خواني يعلمهم !!
كانت الجوهرة تبسم لما تذكرت كلامها الي قالته له .. " خلصوا سيارات السعودية .. جاي تسوي حوادث عندنا " والله اني مب صاحية ! في حد طبيعي يقول هالكلام ..
بس يا رب ما يعلم خواني واروح فيها !!

............................
بعد اسبوع ..


استغربت دانه من تحمس الكل .. قالولها انهم معزومين على حفله بس هي ما تعرف حفله منو ولا شالسالفه ..
كل الي تعرفه ان البيت كله متحمس .. حتى جاسم ! جاها الصبح ومعاه فستان كان جد راقي .. لونه ابيض وذيله طويل .. بس فيه وردة وردية بالنص .. والذيل مدرج ! كان شله راقي !
دانه استغربت من هالاهتمام .. ! العايله كلها مهتمه وهي تحس نفسها ضايعه ولا تدري عن شيء ! وش فيك يا جاسم .. ليه كل \هالاهتمام في الحفله .. خالتها حجزت لهم بالصالون وهي بس جابولها وحدة تسوي شعرها والمكياج في البيت هي وريم .. حتى الجدة كانت متحمسه .. كل اشوي تتصل وتسأل عن حالها ..
راح الكل القاعه من وهل الا دانه خلوها بالبيت مع ريم وهيا .. حتى دانه استغربت من الموضوع .. بس هيا وريم ما عطوها وجه وفهموها ان ما في غير سيارة وحدة وما فيها مكان للعايله كلها !
راحوا القاعه متأخر حوالي الساعه 10 .. دانه استغربت من الموضوع وش هالعرس الي اروحه الساعه 10 .. الساعه 10 يدخلون العروس ..
دانه " قبل لا تنزل من السيارة ": ريم انا مب نازله !
ريم وهيا بطلوا عيونهم بطريقة هستيريه ..
ريم: وووشوو
دانه: مب نازله .. اسلاعه 10 الحين .. انتوا وش سالفتكم .. انا احس ان في شيء . تراني مب مرتاحه !
هيا: دانه بليز نزلي ولا تخربين الموضوع
دانه: اخرب شنو .. احنا الحين في الفور سيزون .. بندخل عرس ّ مب داخله عادي ! باقولهم تعبانه .. ابي افهم شالموضوع .. انا احس ان في شيء .. انتوا ليش مهتمين فيني لهالدرجة اليوم ..
ريم: دانو بتعرفين كل شيء داخل ..
دانه: ريم .. اليوم عرس حد من اهلنا .ز انتوا وايد مهتمين ! بس منو هالشخص !! بل ليكووون سهر .. والله لا ذبحها اذا كانت هي
هيا : لا لا والله مهب سهر .. بس عشاني نزلي ! يله دانوو
نزلت وهي اساسا مو طايقة المكان .. ما تحب لما تحس باحساس المغفله .. في شيء قاعد يصير من وراها بس مو قادرة تكتشفه ..
راحوا من الباب الخلفي للقاعه ودانه اندهشت اكثر .. وش هالعرس الي يسون فيه كذا .. معقوله كل اعراس الدوحة بالهالشكل .. هي راحت عرس خليفة من قبل بس ما كان جي .. بس بعد عرس خليفة كان من 15 سنه يا دانه ..
دخلوها غرفة فصخت فيها العباية وقعدت تتاكد من مكياجها ..
ريم " وهي تعدل شعرها ": دانووو .. احنا الحين بندخل للعرس
دانه: يعني .. انا اساسا مو فاهمه شيء سوا الي يعجبكم
هيا " هاي شكلها بتعصب . لازم نقولها ": دانه باقولج شيء ..
دانه: شنو ..
هيا: انتي ما سويتي عرس .. يوم تزوجتي!
دانه: بلا سويت
ريم: هالحفله الي كانت في بيتكم محد يسميها عرس ! على الاقل عرس ما يليق فيج
دانه " بدت تضحك ": يعني شنو بتسون عرس ثاني
ريم: ترا هاي فكره جاسم .. وهو الي مرتب لكل شيء .. حتى فستانج هو ختارة
دانه " بصدمه": شنووو
هيا : هههههه يحليله ولد خالي .. عرفتي تلعبين بعقله دانو " وغمزت "..

دخلت القاعه .. كانت جد جميله .. احلى من يوم العرس الي الكل مدحها فيه .. هالمرة ما كانت معصبة .. ولا كانت بتصيح .. كانت واثقة من حبها .. واثقة من حبه ... وما تتمنى غير ان الله يوفقهم .. دخلت القاعه بفرحة .. بدموع الفرح وهي تشوف حب الجميع لها .. تفاجأت من هالمفاجأه .. معقوله يسويلي عرس جديد .. بهالدرجة يحبني ..

دخلت القاعه وعلى نغمات الاغنية .. انتظرت لي خلص الشعر بالاول .. الشعر كان طلب من جاسم لشاعر مشهور .. وهو الي القى الشعر .. اما الزفه فكانت بصوت راشد الماجد .. وزفة خاصة لعرسها !! لقته واقف ينتظرها .. طول عمرها تتمنى عرس على الطريقة الاوروبية .. الرجال يدخل اول وينتظر .. وسوى لها هالحركه .. القاعه كانت مزينه بطريقة .. كأنهم قاعدين بحديقة .. كان المكان روعه يجمع بين الفخامه والبساطة .. هو عرس الاحلام الي طول عمرها كانت تحلم فيه .. مشت على المسرح بهدوء ورزانه ويدها في يدة .. فجاه شافت الستيج " المسرح" نقسم لنصين !! ارتفع المسرح على فوق .. وكان مثل بحيرة صغيرة او نهر صغير تحتهم !! كانهم جالسين بحديقة بالضبط !! طبعا هي كانت متخرعة ولا تدرس وش السالفه .. ضغطت على يدة بالقو ..

بعد اشوي رجع كل شيء لطبيعته .. ودخلو مع بعض .. على نغمه هادية .. شافت في عيونه الحب الي كانت طول عمرها ودها تشوفه فيه .. حست ان حلمها تحقق .. عمرها ما حلمت بفلوس ولا ببيت كبير بس حلمت بالحب والعائله .. حلمت بالحنان الي كان ودها تشوفه .. واليوم تحقق حلمها .. الحمد لله يا ربي !

جلسووو على الكوشة اشوي وبعد دقايق جات المصورة تصور .. وجات امها وام والعائله الكريمه يسلموون عليهم !! اشوي الا يوقفووون ويمشون على المسرح .. وتشوف عازفة الكمان بدت تعزف معزوفة خاصة .. حست نفسها ضايعه بس متحمسة .. كانها بعرس احلامها بالضبط !! ما تعرف الحين شو المفروض يسوون .. وشو سالفه هالمعزوفة !!

مسك يدها .. ووصلوا لحد نص المسرح .. هالمرة بعد المسرح تقسم لقسمين .. بس لما لفت شافت ان الكوشة اختفت من ورا .. انقلبت فجأه وكان مكانها مثل بيت زجاج مليان ورود .. فتح الباب وظهرت كيكه كبيرة !! ..
همس لها !!
جاسم: هذة الكيكه لان ما سوينا فتره خطوبة ولا سوينا حفله خطوبة !! (( علما بان الاعراس في الدوحة ما يقصون فيها الكيك .. يسون هالحركه في حفله الخطوبة .. ))
قطعوا الكيك مع بعض .. ومرة ثانية رجعت لهم الكوشة !!
كل شيء كان رهيب وخيالي .. حتى العايله كانو متفاجأين .. ما كانوا يعرفون ان هاي كله راح يصير!! جاسم كان جايب مهندس خاص من الامارات .. يفهم بهالسوالف !!


انتهى العرس وراحت لغرفتها بالهوتيل معاه .. ما طولو فيه وايد قعدوا ساعتين بس .. وهاي عادة في العرس الخليجي مو مثل الاجانب !
دانه: ليش ما قلتلي
جاسم" وهو يبتسم": كان ودي افاجأج ..
دانه: تصدق كنت حاسه ان في شيء .. بس كان مستحيل اتخيل انك بتسوي لي عرس ثاني ..
جاسم: صدقيني ما كان الموضوع سهل
دانه: الكل كان يدري .. الناس كانوا وايد اغلبهم ما عرفهم
جاسم: اي سوينا بطاقات حاله حال اي عرس ثاني .. والعايله كانت تدري اي تصلت فيهم يوم كنا مسافرين وقلت حق امي والجوهرة كل شيء عشان يخططون
دانه" وهي مستغربة ": شنو ووو .. عشان جي كنت تحن علي اشتري فستان
جاسم: العرس الي كان في بالي بسيط .. وفخم .. بس من اربع ايام يوم شفت الترتيبات للقاعه حسيت ان بيكون فخم وما راح تقدرين تلبسين ذاك الفستان .. ورحت مع ريم واخترنا واحد ثاني ..
كانت مستغربة وهي تسمع الي يقوله .. لهالدرجة تحبي يا جاسم .. صدقني انا بعد .. انا بعد !
ضمها .. وهي لحد الحين مو مستوعبه الي صار .. عمرها ما تخيلت ان احد ممكن يسويلها هاي كله
همست له بحب : هاي احلى هديه حد قدمها لي بحياتي !!

 
 

 

عرض البوم صور سر الخلود   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة مشاعر حزن, أخيرا صرت مجنونك, أخيراً صرت مجنونك, مشاعر حزن, قصة أخيرا صرت مجنونك
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:53 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية