لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


ـٍـٍـٍـٍوـٍو للقـَـَـَدرٍ ح،ـٍـٍـٍكـآيـَـَة !

السلآم عليكم .. شخباركم ..؟ ان شاء الله بـ خير .. جنون الحب .. عضوة جديدة صار لها فترة تتصفح منتداكم .. اللي نال على استحسانها وقبولها .. و

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 27-07-10, 03:50 PM   المشاركة رقم: 1
المعلومات
الكاتب:
اللقب:

البيانات
التسجيل: Jul 2010
العضوية: 180735
المشاركات: 5
الجنس أنثى
معدل التقييم: جنــون الـحب عضو بحاجه الى تحسين وضعه
نقاط التقييم: 10

االدولة
البلدBahrain
 
مدونتي

 

الإتصالات
الحالة:
جنــون الـحب غير متواجد حالياً
وسائل الإتصال:

المنتدى : الارشيف
افتراضي ـٍـٍـٍـٍوـٍو للقـَـَـَدرٍ ح،ـٍـٍـٍكـآيـَـَة !

 






السلآم عليكم ..
شخباركم ..؟
ان شاء الله بـ خير ..

جنون الحب .. عضوة جديدة صار لها فترة تتصفح منتداكم ..
اللي نال على استحسانها وقبولها .. و لاحظت تميزه ..
فـ قررت الانضمام لكم .. و مشاركتها اياكم احاسيسها و بوح اقلامها ..
فـ اتمنى ان تقبلوها معكم و بينكم اخت و صديقه ..

و توعدكم انها راح تقدم الافضل ان شاء الله ..

و هاهي تضع بين ايديكم روايتها البكر ..
و للقدر حكايه ..
متمنية ان تنال على رضاكم..


ـٍـٍـٍـٍوـٍو للقـَـَـَدرٍ ح،ـٍـٍـٍكـآيـَـَة





 
 

 

عرض البوم صور جنــون الـحب  

قديم 27-07-10, 03:58 PM   المشاركة رقم: 2
المعلومات
الكاتب:
اللقب:

البيانات
التسجيل: Jul 2010
العضوية: 180735
المشاركات: 5
الجنس أنثى
معدل التقييم: جنــون الـحب عضو بحاجه الى تحسين وضعه
نقاط التقييم: 10

االدولة
البلدBahrain
 
مدونتي

 

الإتصالات
الحالة:
جنــون الـحب غير متواجد حالياً
وسائل الإتصال:

كاتب الموضوع : جنــون الـحب المنتدى : الارشيف
افتراضي

 









انت لي هـ الكون يا كل الملا
وحبي لك يا لذتي ماهو قليل
إما انت تكون لي وإلا فلا
مستحيل احب غيرك مستحيل


ام يوسف: شوق.. حور .. يمه قوموا استوى الوقت.. قوموا صلوا..
شوق: ان شاء الله يمه.. قمنـااا..
وتروح الام تصحي يوسف.. اللي من اساس ما نام كان ساهر على فلم في ام بي سي ماكس ..
الأم: يوسف ياا يمه.. قوم حبيبي صل .. كااااهو يأذن..
يوسف: ان شاء الله يمه..
ويبند التلفزيون ويصلي وينسدح على السرير وعلى طول ينام..
في حجرة حور وشوق..
شوق تقعد حور بكل دفاشه الدنيا وحور خبر خير لا حياة لمن تنادي .. وتأخذ الكوب اللي قريب منها وتروح الى الحمام ( عزكم الله) و تحط في الكوب ماي وترشه على وجه حور .. وتقعد حور مصدومه من نومتها..
حور(فاتحه عيونها وبورزها): شنو صاير..؟؟
شوق: ولا شي بس قعدي صلي..
حور: انتي متى بتصيرين ناعمه.. هاااااه.. وبنظره حالميه خربتين علييه حلمتي ويا عبـادي افف منج.. وتأخذ تلفونها بتتصل فيه..
شوق: هي انتي اثقلي شوي.. عاد قلنا تحبون بعض بس مو جدي .... من صباح الله خير..
حور: وش فيج غيرانه والله عبود حبيبي بعد قلبي والله.. وتتصل له ..
وتسوي لها شوق مااااااااالت بيدها.
عبدالله: هلا بالحب كله.. هلا بالحور..
حور (بدلع): هلآ عبادي
عبدالله بحب : هلاا عمرري
حور : شخبارك..؟؟
عبدالله: بخير من بعد صوتج.. شخبارج ياحلوه ..؟
حور: بخير.. هااا صليت..؟
عبدالله: فديت اللي يحاتوني صليت ولا لا.. أي صليت..
حور وهي مستحيه منه: اوكي يالله باي خل اقوم اصلي واشوفك في بيت جدي..
عبدالله: اوكي حبي اشوفج هناك .. وتحملي بروحج ..
وتسكر التلفون .. وتغرق في بحر افكارها ويا فارس احلامها عبدالله.. ولد عمها واهو حاجزها له من يوم اهم صغار وهي تحبه وهو بعد يحبها والكل يدري عنهم. .
وتضرب شوق حور بالمخده على راسها ..
شوق: هيييي انتين بسج احلام ويهالراس قومي صلي لا يطوف الوقت..
وترد حور الضربه لشوق وتهرب بسرعه الى الحمام ( عزكم الله ) وتطلع تصلي وترد تنام جنب اختها..

يا ابعدهم عن عيوني و اغلى الناس
ياحب عاش في قلبي ليال كثير
حبيب الغير وشلونك عسى لا باس
تعبت اقول في غيابك عساك بخير


الساعه 9 في بيت الخال منصور.. وبالتحديد غرفه حنان..
راشد: حنونه حبيبتي.. تدرين اليوم حلمت في منوو..؟
حنان: امممم .. اممممممممم .. وهو في غير عشقك..
راشد: حلمت ان انا وابوي رايحين نخطبها ليي.. وهي كانت مستانسه..
حنان : راشد بسك من الاحلام عيش الواقع شوي.. مستحيل ابويي يرضى تاخذها واهو ما يكلم امهاا من 10 سنين..
راشد ( بحزن): ما اقدر انساها تعرفين شلون كل ما احاول انسى اتعلق فيها اكثر..
حنان( وعيونها نص مفتوحه): زيــن راشد حبيبي مو تضايق واذا اهي من نصيبك بتاخذها.. والحين تسمح تطلع ابي انام..
راشد: يعني طرده هاااه اخت حنان..
حنان( وهي تثاوب) : اعتبرها اللي تبي وسكر الباب وراك لو سمحت.. انت شبعان نوم اني سهرانه ابي انام اطلع ..
راشد: بعدين بتجيني تبيني اطلعج هااا معليه ..
ويطلع ويرقع الباب ورااااه طرااااااااااااااااااااااااااااخ..
وفي الحجره حنان تتحلطم عليه..

في بيت ابو يوسف:
الساعه 10 ..
ميري: طق طق .. سوق .. هور..
شوق: ميري شنو تبين..؟
ميري:مدام يقول قوم عسان ياكل ويروه بيت عود..
شوق: اوكي.. الحين بنجي..
وتقوم تروح تغسل وتقعد حور.. وتنزل وتلقى امها وابوها واخوانها قاعدين على السفره يتريقون ..
تنزل تحب راس امها: شلونج يمه..؟
ام يوسف: بخير فديتج..
وتروح تسلم على ابوها وتحب راسه ويرفع لها يوسف راسه يباها تحبه بس هي ضربته وقعدت تاكل وهو تم يتوعد لها..
ام يوسف: الا اقول يمه شوق وين اختج..
ابو يوسف: ايي وينها دلوعتي .. ليكون ما قعدت تراني اعرفها تعبد النوم عباده..
وتنزل حور: فديتك ابو يوسف الغالي ..وتنزل اتحبه على راسه تروح تسلم على امها وتحبها على راسها وتقعد بين ابوها و اخواها عمران ( 8 سنين) ..
ويبدا عمران يصيح ما يباها تقعد جنبه.. ويفتح اذاعته ..
أبو يوسف: حور يبه قومي مافينا على صراخه من الصبح..
حور: مو على كيفه.. مو قايمه.. انتون واااجد مدلعينه..
ابو يوسف بحزم: حور سمعتي كلامي قومي..
وتقوم حور واهي تتحلطم على عمران .. ويوسف وشوق يضحكون عليها بصوت واطي..
وتدور لهم شوق:هيي انتون على شنوو تضحكون .. ضحكتون بلا ضروس قولوا اميين..
شوق: آمييييين يارب اضحك عروس وتطلع لها لسانها..
يوسف: اقول يبه متى بتروحون بين يدي ... الساعه 11الا ..
حور: أي .. أي .. نبي نروح من وقت .. ما نبي نتأخر مثل كل مره..
ام يوسف(بنص عين): ومنو يأخرنا غيرج.. تتعدلين كأنج الا عروس..
عمران: عشان تشوف عبود ادري ادري.. ويضحك.. ويضحكون كل اللي في الصاله على وجه حور اللي صار كأنه طماط .. وتسوي روحها معصبه وزعلانه وتقوم بتروح فوق حجرتها
في حجرة حور وشوق ..
حور واقفه قبال المنظره تطالع روحها وتتخيل انها عروس عبود ..واستحت من افكارها.. حور ما شاء الله عليها طويله شوي وبيضه وجسمها مليان وعيونها كبار .. سودان .. وشوي ناعسات..وخشمها طويل وحليو و وجها متناسق كله مع بعضه.. وفلت شعرها.. الأسود الناعم.. اللي وصل الى نص ظهرها.. ولون شعرها زادها حلاا.. لانه مبين بياض وجهاها..وبعد ماشافت انها فعلا جميله راحت الى غرفه التبديل وفتحت الكبت وتمت تفكر شنو تلبس ..





 
 

 

عرض البوم صور جنــون الـحب  
قديم 27-07-10, 04:03 PM   المشاركة رقم: 3
المعلومات
الكاتب:
اللقب:

البيانات
التسجيل: Jul 2010
العضوية: 180735
المشاركات: 5
الجنس أنثى
معدل التقييم: جنــون الـحب عضو بحاجه الى تحسين وضعه
نقاط التقييم: 10

االدولة
البلدBahrain
 
مدونتي

 

الإتصالات
الحالة:
جنــون الـحب غير متواجد حالياً
وسائل الإتصال:

كاتب الموضوع : جنــون الـحب المنتدى : الارشيف
افتراضي

 






الظهرفي بيت الجد علي ( ابو عيسى)
دخلوا ابويوسف وام يوسف واولادهم..
وكان هناك عيسى وزوجته واولاده ( عبدالله 22 – محمد + أحمد 17 – نور 12) والعم سلمان (27 اعزب) والجد علي والجده مريم..
اول ما مادخلوا سلموا على الجد والجده وحبوهم على روسهم.. وبعدين راحوا الاولاد يسلمون على عمومهم واولاد عمهم..
يوسف : شلونك عمي..
ابو عبدالله: بخير يا ولدي .. انت شخبارك.. وشخبار الدراسه وياك..؟
يوسف: الحمدلله بخير..
يوسف: شو اخبارك سلماني.؟؟
سلمان: شنو ... شنو..عيد ما سمعتك..
يوسف: قلت.. شو اخبارك سلمااني..؟
سلمان (وهو رافع حاجبه):.. شنو شايفني اصغر عيالك ..شو اخبارك ..
ولا بعد سلماني وشوووله ما تسلم عليي مثل عمك ابو عبدالله..؟
أحمد: سلمان تغار من ابويي اعترف..
سلمان(بعصبيه مصطنعه): شنو ضيعتون الحيا.. قول عمي سلمان والله وش رايك عبوود..؟؟
تعمد سلمان يقول عبود لان عبود سرحان يطالع حور وناسي كل اللي حواليه..
عبدالله انتبه: هاااااه .. سلمان ناديتني..؟
سلماان: لااا.. بس اقول خف شوي اكلت البنيه بعيونك.. ابوها هني.. احشم شوي..
وضحكوا الشباب على عبود اللي صار وجه احمر متفشل من كلام سلمان.. وقطعت ضحكهم عليهم عمتهم فاطمه وريلها صالح واولادها ( سعيد 19 سنه – ساره 16 سنه ).
واحمد من شاف ساره ضرب محمد على جتفه وابتسم له.. اما سعيد فبعد ما سلم على خيلانه وجده وجدته الشباب راح يسلم على بنات خيلانه,,
سعيد: هلا حور .. شخبارج..؟
حور: بخير .. انت شخبارك .. وشخبار الدراسه وياك.؟؟
سعيد : انا بخير والدراسه ماشي حالها..
سعيد: هلا شواقي شخبارج ان شاء الله بخير..
شوق.. وصوتها بالكاد ينسمع: بخير وانت..؟
سعيد: بخير ..... وبصوت نازل دامج بخير.. وكمل بصوت مرتفع اوووه نور هني.. شخبار..؟
نور(وبنظره عصبيه): شنو بعد ليش ما تدلعنا اني وحوري ولا شايفنا بنات البطه السوده وشوق لاا.. هاااااا..؟؟
سعيد: ضحك منحرج.. اوكي ولا يهمج شخبارج نواري..
نور: بخير .. انت شخبارك..وطالعته بنظره شك وتحذير وليكون في الجامعه تطالع مني ولااا مناك.. خلك سيده .. فاهمني..
سعيد.: لاا .. ولا يهمج ما اطالع مني ولاا منااك .. وراح عنهم ..
ساره: ليش سعود سلم على شوقاني غيير..
نور تغمز : شكله يحبهاا ايووووا شوووقووو .. حركااات هاا ..
وقامت شوق معصبه ومنحرجه.. : سخيفيييين.. وراحت صوب جدتها قعدت تسولف وياها..
والبنات كانوا يضحكون على شوق.. وهم يضحكون جات عين حور في عين عبدالله..وضحك لهااا.. شوي الا وصلها مسج منه..( فديت هالضحه ..يارب ما انحرم منها ولا من صاحبتها .. قولي آميييين).. رفعت راسها وشافته يطالعها ويبتسم ابتسمت له..
الا تقول لهم ساره اللي قاعده جنب حور: عبود.. شنو رايك تجي مكاني اسهل بدال لا تخسر كردت..
عبدالله: يكون احسن ووقف..
يوسف( بعصبيه): هييي انت .. وين . وين بتروح انرز مكانك..كفايه كل ما الف وجهي لك القاك تطالعها وساكت عنك.. حس يا اخي اخوها هني..
عبدالله(بخوف): زين .. زين هد اعصابك..
الا الخدامه جايه تناديهم للغدا..وهم قاعدين على السفره يتبادلون الاحاديث ..
حوروهي تصفق بايدها : هدوء بليز .. امي .. و ابوي.. ويدي ويدتي . وعمومي ومرت عمي واولاده وعمتي وريل عمتي واولادهم...
محمد: حشى بالعه مسجل .. خذي نفس شوي..
حور : صل على النبي لا تحسدني.. المهم خلونا من محمدووه عندي لكم اقتراح عجييب ..
نور(تقاطعها بطناز): ميررري ..مييييري.. تعالي سمعي اقتراح حور.. حور ناديتها لانش نسيتين اسمها.. واهي خدامتكم ولازم تاخذين رايها.. والكل قعد يضحك على حور..
سلمان:غردي بنت اخوي العزيزه..
حور: شكرا سلماني.. وبغضب وانتين نوررواا ما يضحك.. واقتراحي اهو شنو رايكم نروح البحر بعد الغدا..؟
الكبار بان على وجهم ان الاقتراح مو عاجبهم..
حور..(وبعيونها تتراجاهم): دخيلكم والله الجو جناااااان .. ومن زمان ما رحنا .. والله شنو رايكم شبابا وصبايا..؟؟
عبدالله(بنظرات حب اللي خلت حور تنزل راسها): انا موافق انوديج دام خاطرج تروحين ليش لااا..؟
يوسف (وهو مركز نظره على عبدالله): طبعاً مو بروحكم انا وياكم قاعد على قلبك....
الكل ضحك على يوسف وعبدالله..
وفي النهايه اتفقوا ان الشباب والصبايا بروحون ومعاهم سلمان..
ام يوسف: اقول حور يمه انتبهوا لعمرااان ..
حور : ان شاء الله يمه..
واتصلت الى صديقة عمرها ضحضوحه..
حور(وهي تحوس في قصتها): اهليين ضحضوحه ..كيفيك..؟
ضحى: بخير .. انتي شخبارج ..؟؟
حور: منييييحه.. ضحضوحه.. اليوم شفت عبووود .. وعذااااب... لابس بنطلون جينز وقميص ابيض فيه نقش بالاسود عند الكتف وطاله جنان ولا بس كاااااب..
فديته كحلت عنوني بشوفته القمر..
ضحى: بس .. بس .. شنو هذاا كل هذاا سواه فيج ..
حور: اقول ضحى شنو رايج .. تجيين ويانا بنروح البحر.؟
ضحى : منو بيروح..؟؟
حور: بس احنا الشباب والشابات ويا سلماني..
ضحضوحه: لااا شنو اجي فشله.. ارز فيسي..
حور(بنبره تدل على ان كلام ضحى ما عجبها) : لااا لا تقوليين جدي ترا ازعل وانتين بتجين لي اني ..
ضحى: امممم .. اوكي بشوف ابويي..وبرد لج خبر..
حور:اوكو .. أي ويت يووووو دير.. وتيك كير دبوو..
ضحى: يو تو.. سييي ياااااااا..


وسكرت الموبايل عن ضحى وتمت تفكر فيها ضحى صديقة عمرها من يوم اهي صغيره وهي وياها في كل خطوه تخطيها في حياتها ودائما ايد ضحى بايدها.. وضحضوحه قصيره شوي وسمرا بس سمارتها بحلاوه وعيونها عسليه وكبار .. وشعرها بني مموج ويوصل الى بدايه ظهرها بس كلها على بعضها تجذب من اول نظره.. وقطع عليها تفكيرها هرررن سيارة سلمان..
حور في بالها.. اوووه .. اووووه .. ما لبست الحين بيعصب سلماني..
وتلبس بسرعه عباتها.. وتحط شيلتها على راسهاا..وتحمل موبايلها والكاميرا..وهي طالعه تدور نعالها.. وصلها صوت هررن ثاني من سلماني اربكها اكثر..ولبست النعال بس للاسف مقلوب..
وبسرعه ركضت لسياره سلماني وركبت قدام وكانوا قاعدين ورى سارا ونور وشوق.. اما الشباب فنقسموا في سيارتين.. سياره عبدالله وكانوا فيها اهو ومحمد وأحمد وسيارة يوسف فيها يوسف وعمران و سعيد..




 
 

 

عرض البوم صور جنــون الـحب  
قديم 27-07-10, 04:07 PM   المشاركة رقم: 4
المعلومات
الكاتب:
اللقب:

البيانات
التسجيل: Jul 2010
العضوية: 180735
المشاركات: 5
الجنس أنثى
معدل التقييم: جنــون الـحب عضو بحاجه الى تحسين وضعه
نقاط التقييم: 10

االدولة
البلدBahrain
 
مدونتي

 

الإتصالات
الحالة:
جنــون الـحب غير متواجد حالياً
وسائل الإتصال:

كاتب الموضوع : جنــون الـحب المنتدى : الارشيف
افتراضي

 






ووصلوا البحر ونزلوا الشباب والبنات وكان طالع صوت هواش شوق وحور واصل لاخر الدنيا..
شوق(بترجي): حوري عفيه عطيني الكاميرا.
حور: احلمي يا بعدي .. احلمي..
شوق(بقهر): اووكي يصير خير
و راحوا البنات يتمشون على البحر ويلعبون في الماي وكان شكلهم عجييييب اللي يشوفهم ما يعطيهم اعمارهم كأن جهال صغار وضحكهم مالي المكان وتموا الشباب واقفين يسولفون..
عبدالله: يساااف .. تشوف الدلو اللي عند عمران..
يوسف: ايه .. وش فيه..
عبدالله ( بخبث) : في مااي..
يوسف (بابتسامه خبيثه): تعجبني..
وراح عبدالله اخذ الدلو وترسه ماي.. ورش عبدالله سعيد بالماي اللي في الدلو.. وصار كله مااااي المسكين.. واخذ سعيد الدلو وسوا مثل المقلب على محمد واحمد .. فراح سلمان يركض عنهم بعيد.. عن لا يجيه الدور..و يضحك ويركض عنهم.. سكت مره وحده لانه حس انه دعم احد..ودار وراه بيعتدر بس تلعثم من الجمال اللي شافه..
البنيه( بنظرات احتقار) : هييي.. انت ما تشوف اعمى ..؟؟ وراحت عنه..
واجوا الشباب..
يوسف: هاااه سلماني .. حلوه صح وغمزله..
سلماني(متنح):
عبدالله: لااا .. لااا.. راحت وخذت قلبه وياها..
سعيد: ويلي عليك يا سلماني من نار الحب ..
أحمد ( يطالع سعيد بنص عين): ليكون مجرب..؟؟
سعيد ( تلعثم): وين يا حســره..
محمد: حوووووه سلماني.. قوموا ..قوموا شباب نروح لها ترجع عقل سلماني ..
الشباب كلهم ضحكوا عدا سلمان..
سلمان(بنظرات استغراب): شنو فيكم تضحكون..؟؟
عبدالله: ولا شي سلامتك بس..

وعند البنات..

واهم قاعدين على البحر رن تلفون حور وكانت ضحضوحه تخبرها انها وصلت.. وراحوا لها البنات و كان في زوج من العيون تتبعهم .. عيون عبود تتبع حور ..
وعيون يوسف تتبع ضحوي.. وفي عيون تتبع هالعيون .. تتوقعون عين منو..؟؟




اترك المجال لتعليقاتكم ..
و انتقاداتكم اللي اتشرف بها ..


اختكم ..

جنون الحب



 
 

 

عرض البوم صور جنــون الـحب  
قديم 28-07-10, 07:29 AM   المشاركة رقم: 5
المعلومات
الكاتب:
اللقب:
عضو فخري
✿ باذِخَةُ الْعَطَاءْ ✿


البيانات
التسجيل: Jun 2009
العضوية: 146680
المشاركات: 19,397
الجنس أنثى
معدل التقييم: ΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسي
نقاط التقييم: 4020

االدولة
البلدSaudiArabia
 
مدونتي

 

الإتصالات
الحالة:
ΑĽžαεяαђ غير متواجد حالياً
وسائل الإتصال:

كاتب الموضوع : جنــون الـحب المنتدى : الارشيف
افتراضي

 

السلام عليكم ..


مرحبا فيك اختي بين مبدعات ليلاس وخواتك ..


ان شاء الله تلاقين التفاعل المطلوب .. وتوصلين بهالقصة لبر الامان وتنهينها على خير .. << فيس يركز على الالتزام ..

ويا هلا فيك مرة ثانية ..

زوزو

 
 

 

عرض البوم صور ΑĽžαεяαђ  
 

مواقع النشر (المفضلة)

الكلمات الدلالية (Tags)
جنون الحب, وللقدر حكاية
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:44 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية