لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 31-07-10, 01:47 PM   المشاركة رقم: 81
المعلومات
الكاتب:
اللقب:
عضو راقي


البيانات
التسجيل: Feb 2010
العضوية: 156711
المشاركات: 9,381
الجنس أنثى
معدل التقييم: ἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداع
نقاط التقييم: 363

االدولة
البلدSaudiArabia
 
مدونتي

 

الإتصالات
الحالة:
ἤǿǿ∂ẻ-179 غير متواجد حالياً
وسائل الإتصال:

كاتب الموضوع : morano2 المنتدى : القصص المكتمله
افتراضي

 

,,, غنج &منصور,,,
.
.
.
با الاوتيل
دخلت غنج الجناح نزلت على طول طرحتها وفكت عباتها ..
-كان نمتي عندهم احسن..؟؟
التفتت غنج وهي انرعبت ان في الجناح احد توقعت مافي احد بسبب الانوار الي كانت مطفاه
شافت الابوجوره القريبه تنكبس وشافت منصور جالس على الكنبه الي عند الابجواره ..ويكبسها تطفى.. وتشتغل..و تطفى ..وتشغل..واخر شي ترك
الابجور شغاله...
غنج تطالعه بصمت مطبق ..انتبهت للطاوله الصغيره الي جنبه... كيسين غزل بنات ..وابره مستخدمه مرميه بهمال ..
غنج ابتسمت بحزن مستحيل يترك ها القذاره مهما صار.....
منصور بحده يتخللها صوته الي كان مبحوح\يعني ماصارت ساعه ..؟؟من كم ساعه وانا منطق هنا مثل الكلب لحالي..!
غنج فكت جزمتها الطبيه وحطتها على جنب ..
وتفكيرها انحصر في ها الوقت في الشهرين الي طافو.. ماوجودي وعدمه واحد يامنصور.. بس انت
تمسك عليك مسكات...
اهملت كلامه..
منصور بنفعال وهو يوقف \مانتي ماتنعطين وجه اساس.. انا كيف خليتك تروحين..؟؟ مافي احد لك هناك.. وش يهمونك الي هنااك..
ماهمك الا هو
وانتي رحتي له مخصوص..قوللي ..قوللي..قابلتيه..اكيد انك قابلتي..هاالزفت..ماتتكلمين والا صمخى..؟؟
غنج تناظره وتحاول تكون مالكه اعصابها \من,,؟؟
منصور بقلة صبر\عزام الزفت,,يعني تستهبلين..
غنج ببلعت ريق\واذا يعني,,.؟؟؟وقابلته..؟؟شصار..؟؟
منصور مات قهر ..وتوجه لها بعصبيه.. ودفها على باب الحمام الي كان مسكر ويده كانت على ذراعها\وتقولينها ياحيوانه ..؟؟
المره الاولى عدتيها بمزااجي..
والحين راح اخليك تكرهين اليوم الي طلعتي فيه لدنيا..مو منصور الي يكون اطرش بزفه مو منصور,,.؟؟
غنج المتها شدة منصور له وضغطه لها على الباب الي كان مقبضه يعور جنبها بقوى تماسكت \منصور هدني..
عزام ماصار يعني لي شي خلاص..
انت وطفلي دنيتي الحين... منصور انت تعورنا ....تعورني انا وطفلك ...هدني..
وغمضت عيونها بئلم.. وانشد مع عيونها وجها الي طلع ماهو مرتاح ومتئلم..
منصور انتبه في ثورة غضبه وحدته لحركته البايخه..
كيف يشدها كذا وهي حامل...ويمكن تتئذى من اي شي..ياني غبي...اساس ليه عصبت عليها
كذا...؟؟
تركها منصور وعطاها ظهره.. وراح لجهت الاريكه ..ورمى نفسه عليها.. وحط يده على عيونه وسوى نفسه بينام..
غنج مسكت جنبها بئلم ...ناظرته بيئس..لفت عنه ودخلت الحمام....
فتحت موية الحنفيه غسلت وجها الحار...رفعت وجها لمرايه ...
شافت وجه..ماهو وجها..جديده عليها ها الملامح..ملامح كبرت...كبرت..كبرت..
انرسمت عليها خطوط الجديه...وانها صارت كبيره الحين..وتبي تحمي عائلتها الصغيره...
ماتبي تخسر شي في ها المعادله..من امس دخلتها,,وهي
تبي تربح..مافي مجال للخساره,,
ائلمها بطنه كثير..من لما قامت الصباح وهو يئلمها بقوى....ماتقدر اكثر من كذا..وحركت منصور زادتهاا الم .عورها بشدته عليها..
-با الجناح
منصور انا سخيف..يعني..شها الحركه الي سويتها..كني بزر...طيب انا سمحت لها بتروح..ومتئكد انها احتمال كبير تقابل الزفت..
وفهيد كان يراقبها..بس ماشاف انهم تقابلو ابد..يعني معقوله كلامها صحيح..انها تبي تفتح صفحه بيضا..جديده..مادري..مادري..بس
انا مابي..مابي..لاصفحه بيضا..ولاحياه ثانيه..معجبني وضعي كذا..راح اسفرها مع رانيا..انا ماراح اروح..مابي اروح...مابي اطلع منه هنا
مايعجبني شي اسمه تغير.....تتعالج وترد..وخلاص..اذا هي تبي طفل..بكيفها..انا مابيه..خلها ترببيه..ماراح ااغير شي في حياتي..لي
هدف وراح احققه,..راح ادمر جراح الشامخ..راح اخليه يشحذ بكل شارع..مايلقى احد حتى يساعده..راح يشوف مايكره..
لفته باب الحمام لما انفتح.. طالع شكلها ووهي طالعه من الحمام ..
حاول يبعد عيونه عن الاعتذار لها لاكن ماقوى..غلطان يامنصور من راسك لساسك ..
غلطان..
طالعها وهي ماسكه جنبها ..وشوي تمسك بطنها.. كئنها تضغط عليه...
قام له بسرعه...وقف قريب,,وبحه\غنج اسف عورتك,,
غنج ماطالعته طنشته..الالم الي فيها ..ماهي متحمله منصور واعتذاره..اساس ما شالت عليه.. تعودت خلاص,,
منصور قرب منها ومسك جنبها والي كانت ايدها عليه وحط يده البارده على يدها \عورتك..
غنج بتعب\منصور..انا ..معي دم..
منصور طالعها بعدم فهم \يعني كيف....؟
غنج ببحه\يعني معي نزيف..يعني تعبانه..من الصباح كان خفيف..لاكن الحين انا تعبانه..
منصور خاف وطار قلبه في ها اللحظه مسكها بخفيف ومشى فيها للكنبه جلسها عليها وماقال ولاكلمه
غنج جلست وحطت راسها على الكنبه مددت رجولها بتعب,,انتبهت له وهو يتكلم بجواله..
منصور بحده\جيب لي دكتور او دكتوره لنساء من تحت الارض ربع ساعه بضبط عندي دق على رانيا اكيد انها تعرف ورح جبها
بنفسك ولاتتئخر كثير ,,اذا تئخرت ماراح انتظرك راح اطلع للمستشفى..ولماتجيني راح تعرف كيف التئخير يالله بسرعه,,,
سكتت غنج ماردت عليه,,
مانتبهت الا على منصور يكلمها بعكس نبرته الي كانت\غنج شتحسين فيه الحين..؟؟
غنج فتحت عيونها وبتعب\عادي مافي الم كثير ..لاتخاف...طفلي قوي...
منصور طلع برى الجناح بسرعه سوى حوسه با لاوتيل تسمع غنج صوته الحاد على مرافقينه...ماتوقعته..كذا...يخاف..يصير شي بطفله او فيني...
توقعت الجمود منه مثل ماعودني...
شخصيته مركبه وغريبه...مامر علي مثله..شخصيه ماتنبئ بلي راح يسويه..يناقض نفسه...بتصرفات كثيره..حنون..وقاسي..ماله قرار او قاع..
منصور فتح الباب بخشونه\غنج انتي الحين طيبه في معك شي,,...؟؟؟
غنج مافتحت عيونها اشارات بس بصباعها انها بخير
طل منصور من جديد على المرافقين\ياحوش جهزو السياره بسرعه بنزل فيها للمستشفى...
غنج ببحه\منصور ماراح اقدر اطلع خلاص بمكاني انتظر الي بتجيبها لاتخاف مافي شي يخوف..انا بخير...
منصور التفت لها وصد عنها وطلع...
دقايق ودخل عليها\غنج يالله انا ماقدر اخليك ..هاذاالتبن مو قريب من الاوتيل
غنج ووجها معرق\لا ماقدر راح استنى...
منصور قرب منها وجلس على ركبه\يالله خلينا نروح..
غنج صارت تبكي في هاالوقت
منصور ماتحمل وشالها لما شالها انتبه للكنبه الي امتلت دم...
انصدم منصور من قوة تحمل غنج..وتكورها على نفسها...ماتبي تخبره حتى بتعبها
خذى بسرعه عباتها ورماها عليها ومشى فيها بسرعه لتحت,,,.
دقايق وكانو المرافقين يفتحون لمنصور الباب الخلفي لسيارته..
دخل غنج با المقعد الخلفي وتوجه هو للمكان السايق
منصور بصراخ\بعد انا الي بسوق ...وانتم الحقوني با ااسياره الثانيه
بعد عبد اللطيف من منصور الي كان قمه في العصبيه..
ركب منصور السياره وتوجه بسرعه لجهت مستشفى قريب من الاوتيل..
..
بمكان مظلم ومهجور...بعيد عن النور..
اصوات غرغره..
ودماء غريبه..
ديك اسود..
واصوات تعويذات غريبه..
طلاسم...تجدد..وادعيه..وايات معكوسه وغريبه..واسم حنان..بينها يذكر..
....
با المشفى
وغنج داخل غرفة الدكتوره,,,
الدكتوره بعد ماطلعت من الكشف على غنج\لا اتطمن المدام بخير..
منصور بقلق\لاكن هي معها دم..
الدكتوره\هي شوية مرهقه وهاذا ناتج عن ضغط..لامشاكل بحملها ولاشي والحمدلله..انا عطيتها شوية ادويه..وابرة مغذي..وبذن الله تطلع معك
منصور بقلق\يعني هي الحين بخير
الدكتور باابتسامه وهي تفتح الستاره على غنج الي كانت مغمضه عيونها ولما انفتحت الستاره فتحت عيونها الزمرديه
ولتقت بعيون منصور الي كان قاعد بتعب قريب من مكتب الدكتوره...ولما شاف عيونها ..وقف بسرعه..
الدكتوره\احلا بيبي بذن الله ينتظركم...
منصور يتضايق من فكرة حمل غنج..بس ابتسم بتعب
وقف قريب من سريرها ..
غنج وهي تحاول تجلس..وتسكر الازره تبع بلوزتها...
منصور مد يده يساعدها تجلس
طلعت الدكتوره من الغرفه
جلست بتعب ..
منصور رفع دقنها لجهته,,,مارفعت عيونها له,,,
تحاول تلتهي بئي شي..بجرح الي تحت شفايفه..بسمه المرسوم بحروف اسبانيه على كبكه الفضه...
ساعته..اي شي..بس تتقبل..قربه..لو بشوية راحه..وتتئقلم...
رفع يدها لفمه وباسها..
اسف..
اسف..
اسف..
اسف..
ياغنج..آسف..
رفعت غنج عيونها لعيونه ..
منصور بهدوء\صدقيني من اليوم..راح اخليك بدنيتي اميره..
ابتسمت غنج بهدوء وبلعت غصة حزن مارضت تروح..
..
..

 
 

 

عرض البوم صور ἤǿǿ∂ẻ-179   رد مع اقتباس
قديم 31-07-10, 01:49 PM   المشاركة رقم: 82
المعلومات
الكاتب:
اللقب:
عضو راقي


البيانات
التسجيل: Feb 2010
العضوية: 156711
المشاركات: 9,381
الجنس أنثى
معدل التقييم: ἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداع
نقاط التقييم: 363

االدولة
البلدSaudiArabia
 
مدونتي

 

الإتصالات
الحالة:
ἤǿǿ∂ẻ-179 غير متواجد حالياً
وسائل الإتصال:

كاتب الموضوع : morano2 المنتدى : القصص المكتمله
افتراضي

 

.....
با فلة ابو بدر
حنان بصراخ تصارخ وتبكي تهذي بشكال غريبه قدامها..تتكور..او تصبح افاعي..كلها تطمع في ان تقتص,,من دماء نظيفه..
حنان\لاااااااا بعدوهم بعدهم عني مااااااابي ماااااااابي..
نادر الي دخله فيصل بعد تصويت الخادمت له..
دله فيصل لجناح حنان..
صار يركض نادر لفوق للجناح حنان من دون ان يسمع الوصف الدقيق له..
يتبع الصوت..ويفتح الغرف
اخر شي فتح جناحها بخوف..
شافها طايحه..ومتقلبه مابين استفراغ ..ومابين دماء تنزل..
نادر بصراخ\حناااااااان شفيك حنااان
حنان بصراخ\بعدو عني بعدو بععععععععععدو..لاحررررررام عليكم.....اه ..ابر كثيره....لااااااااااااااا
نادر يمسح استفراغ حنان من شفايفها \حنان شفيك شصاير..؟؟
حنان حاولت تستمع قوتها لاكن بلمت وماعاد قدرت تحكي في النهايه..
شالها نادر وركض فيها مع الدرج وتوجه فيها لسيارته..ولاقرب مستشفى..
....
ستوووووووووووووووووووووب...
راح تبدئ العد التنازلي لنهاية الروايه..
انتظروني با الجزء الاخير...في موعد راح احدده لاحقا.....بذن الله..
دمتم بحب ضمني بين الاهداب..


............
بسم الله الرحمن الرحيم..
....
مرحبا باالجميع.....
قبل كل شئ..احببت ان انوه..اي عضوه راح تنقل الروايه لئي منتدى آخر..لها كامل الحريه... لكن..رجائي ان تذيل الروايه
بئسمي...
....
بدايه..
...
وصلنا بهاذا البار المكون من ثلاث اجزاء..لنهاية المطاف..
حب اكتمل ..ام ظل ناقص..
غصن اورق..ام ظل يابس..
,
,
,
اجزاء مضت..
.
.
.
تئقلمنا مع حياتهم المفعمه با الكثير من الالام.. و..الاحزان.. و..الاهات..
انتظرتو البارتات بشوق..وانتظرت ردودكم معها بشوق كبير..
ها..انا ..اختم.. روايتي المتعبه بنسبه لي..نعم متعبه..وجدا..جدا...ارهقتني....بكتابتها..وتنزيلها.. ومحاولاتي المستميته من اجل
ان اكون ملتزمه الى ابعد الحدود مع متابعاتها ومع اجزاءها..لاكن في النهايه..وجدت كل العذر مع بعض الكاتبات..
في غيابهم القصري..عن تنزيل اجزاء روايتهم..فئنا الكمال لله..
...
..
..
توقعات كثيره..عقدتم عليها بمخيلتكم النهايه..؟؟ترى هل هي صحيحه..!!ام مخالفه..؟
حكايات كثيره..تنتهي بئلم او بشوق..او بحب..بفراق..بموت..باكتمال..!
ترى مااهي نهاية رواية ضمني بين الاهداب...؟
هل العاشقان سوف يجتمعان..؟
هل يستمر مسلسل فراقهم الدائم..؟؟
ماهي نهاية افراد الطبقه المخمليه التي دخلنا باعماق مفردات حياتهم...؟؟
...
قبل ان ابدء..وهاذا الكلام مهم بنسبه لي..النهايه بكل تئكيد..لايتفق معها الاخرون..لاكن بمنظور الكاتبه..تكون هي الانسب..
بما ان هي التي صاغت الاحداث وعايشت الشخصيات. ..ودخلت باعماق مشاعرهم.. وردات افعالهم..
راح اترك لكم قطعات الالماس تفصل بين الاحداث تعطيكم خلاصة الرواية..
اهلن بكم با البارت الاخير من روايتي..غرورك صادف عزة النفس فيني...
*
*
*
الجزء الاول..
*
*
*
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
*
مدخل..
وعدني مايطيح إلااا .. بعدما انهد أنا واطيح
واناا اعطيته وعد ما آطيح الين اشوفه يعاني.

حسافه صرت انا واياه نتسابق علىَ التجريح
هَدف كِلّ واحد ٍ مناا يفووز ، ويجرح الثاني. ؟


......................غنج&منصور...............
غنج تلمس بطنها المنتفخ لها اسبوع من دخلت التاسع..
ياربي صاير يئلم..
وصايره ثقيله...
ابتسمت لشكل منصور وهو يلاعب اسيل ...شكله يحب الاطفال كثير..
طيب كثير..وغير الكاركتر الي كان راسمه لنفسه قبل كم شهر..
غنج طالعته بستغراب والله حنون حيل ..يذكرها بلحظات مع ها.. لا.. لا.. لا.. لازم تلغي ها الجزء من مخها.. خلاص ...خلاص..
تحرك طفلها بحركه قويه ...المت غنج وخلتها تشهق بخفيف...
التفت لها منصور بسرعه وبخوف\غنج شفيك..؟؟فيك شي ..؟؟تحسين بشي...؟؟
غنج بتعب\لا بس بيبي ماخذ راحته ها اليومين با الترفيس..
ناظرها منصور برحمه...
كيف متمسكه في ها الطفل..؟؟ وهي ماراح اساس تشوفه ..طاحت لعبة اسيل من يده.. وصارت تبكي تبيها..
التفت لها منصور بعصبيه فيها شوية ضحكه\اقول عصير راني.. اخذي بنتك هاذي... تراها ازعجتني هي وشعرها المفلفل هاذا..
رانيا تضحك\ايه ..ايه... بعد من الحين ماتبي اسولي... من قدك ياعم..؟؟ بجيك واحد ابيضاني.. اشقراني ..اطخم.. يهبل طالع لمه!!
منصور مفجوع\ول ..ول.. اذكري الله... نعنبو ابليسك.. هاذي الي ناوية على شر..؟؟
وقفت غنج بتعب .. وهي تضحك.. تبي تطلع لغرفتها.. طلعت من الجلسه.. ولما كانت عند اول درجه ..ارتفعت وخافت بشهقه..
منصور وهي بين ايديه\بسم لله عليك خوفتك..
غنج تضحك\منصور انا الحين ثقيله راح اتعبك بشيلتي..
منصور وهو يصعد الدرج وهي بين ايديه بفستان الحمل التفاحي بدون اكمام وقصير طالعه كيوت \يالله انتي عصفوره ..كيف تعبيني وشكل
الي بتجيبينه نتفه مثلك...
غنج حطت يدها على شفايفها تضحك..
فتح منصور باب الغرفه برجله ..وهو يدفه بظهره.. وانفتح الباب.. نزلها على السرير.. وصلح لها خداديه من ورى علشان ترتاح عليها..
صعد منصور السرير وهو يضحك..
غنج تنزل حلقها الورد من اذونها\شيضحكك ..؟؟
منصور يطالعها بخبث \مممممم طالعه جنان بحملك هاذا.. تشهين الواحد يقطع خدودك..
غنج حطت يدها على خدودها بخوف\مجرم ..تقطع خدودي بعد؟؟
منصور اطلق ضحكه وهو يطالع عيونها الي بين الضحكه والخوف...
حط راسه على رجولها الي كانت مددتها.. وقرب من بطنها المنتفخ.. وغمض عيونه ..
مر6شهور..مشاكلهم قلت كثير..
هي تحاول تبني معي حياة جديده..
تبي تنسى ماضيها وانسى ماضي..ونعيش..؟؟
بس..انا احس عزام..يوقف بشموخه بنص..؟؟
بنص حياتنا..اشوف حركاتها.. وسكانتها.. وسرحانها..احس بنفاسه تخنقني ..اذا دخلت عليها
فجئه وهي سرحانها..
ليه..؟؟
لا لا لا..هاذي تهيئات..هي نسته خلاص..وبدت معي من يوم حملت حياه جديده..
بس انا لازم انظم حياتي..
انظمها...ههههه...من بعد ماشاب ودوه الكتاب..!
غنج في هالوقت تئمل شكله وهو مغمض عيونه...يالله منصور يعاني بين واقعين.. كل واحد يشده..
كان ضابط بمركز مرموق ..ومستقبل مشرق.. بين اهله وعايلته..
كان له طموح..
وله اماله..
والحين دخل نفسه بمستنقع ماعاد قدر يطلع منه ..
كيف مافهمته من البدايه..؟؟
وماحاولت اساعده.. بس الحين مافي يدي شي كلها
كم يوم.. وادخل في عالم ثاني..
مادري كيف ملامحه.. بس الاهم طفلي يشوف النور..
منصور بهدوء يقطع عليها تفكيرها فتح عيونه وطالع في عيونها الزمرد\غنوجه,,اذا جت بنت راح اسميها هواجر على اسم امي..
غنج بضحكه وهي تمسح على شعره\اوكي ..واذا جاء ولد راح اسميه ماجد على بابا الله يرحمه.. وراح ادلعه جودي.. يااااي يدنن
ابتسم منصور لها ولحركاتها..
سمع دق جواله الي كان بمخباته ..
شاف الرقم ورد عليه..
هلا فهيد..
فهيد\انا تحت طال عمرك..
منصور بتوتر\خلاص انا راح انزل لك الحين..
سكر منصور والتفت لشماغه القريب ..سحبه وهو يوقف..
راح لجهت المرايه.. وصلح الشماغ عليه ..ومد يده بياخذ عطره المركز.. لاكن لما كانت يده قريب
من عطره ..قبض اصابعه.. ومدها لعطرها الياسمين.. وبخ عليه اربع بخات ..وبعدها بخ على يده.. وحطها على خدوده,,
غنج تطالعه وهو يقرب منها..
نزل نفسه لمستواها وطبع على خدها بوسه ..استغرقت لحظات او ثواني.. وسحب نفسه منها..
غنج كانت اسرع لما مسكت يده البارده\وين منصور ..؟
منصور مايبي يضايقها وهي حامل \شوي وراجع..
غنج تسحب يده وتحطها بيدها الثانيه القريب من بطنها\لاماتروح انا الليله تعبانه مادري كيف ..
منصور بخوف\تحسين بولاده.,؟
غنج بخوف\لا ..لا.. بس احس صدري ضايق مره ..وين بتروح..؟
منصور وقف بضيقه ..يبي يروح.. ماتعود انه يجلس كذا طويل.. له فوق الاربع ايام ماسهر.. وهاذا بعرف منصور ياكبرها بس..
منصور سحب الجوال من جيبه ودق على فهيد..
-فهيد انتظرني تحت حتى لو اتئخر فاهم..؟
سكر منصور منه.. ونزل شماغه على الكنبه.. وصعد السرير جنب غنج..
منصور فتح قلابه \طيب تعالي نامي بحضني الحين.. وبعدها يصير خير..
غنج ولول مره تقرب من منصور..
وتحط راسها على يده قريب من صدره.. وتغمض عيونها بتعب.. ماتدري ليه تحس بخنقه.. تحس بضيقه.. تحس
بشي يكتم على نفسها يمكن علشان الولاده قربت...؟
يمكن علشان مشتاقه لخوها تركي كثير..؟
يمكن علشان ايش..؟؟
ماتدري وماتعرف ..؟
يمكن علشان رتبة حياتها مع منصور والغت كثير من الاولويات وكثير من الاشياء علشان منصور وعلشان الي ببطنها..
غنج ببحه ويغلبها النوم وتقاومه\منصور انت وين بتروح,,..؟؟
منصور بهدوء وهو يضمها خفيف لصدره\بروح لبوي الليله.. لازم اصفي حسابات قديمه بينا..
غنج و يغلبها النوم وماخلاها تكمل جملتها\منصور بليز ماتروح.. انا محتاجه لك ..انا معك احس با الامان..
منصور وهو يمسح على جبينها الي يشوف عليه قطرات عرق خفيف وماسمع اخر الجمله\نامي وارتاحي .. ماعليك من ها العالم ,,
انتي خليك الطفله الي خذتها...
بعد ماتئكد منصور من نومة غنج سحب نفسه بشويش وقام..
وهو عند باب الغرفه بيطلع ويسكره بهدوء..ناظرها بطرف عينه..ابتسم..وسكر الباب بهدوء..

 
 

 

عرض البوم صور ἤǿǿ∂ẻ-179   رد مع اقتباس
قديم 31-07-10, 01:50 PM   المشاركة رقم: 83
المعلومات
الكاتب:
اللقب:
عضو راقي


البيانات
التسجيل: Feb 2010
العضوية: 156711
المشاركات: 9,381
الجنس أنثى
معدل التقييم: ἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداع
نقاط التقييم: 363

االدولة
البلدSaudiArabia
 
مدونتي

 

الإتصالات
الحالة:
ἤǿǿ∂ẻ-179 غير متواجد حالياً
وسائل الإتصال:

كاتب الموضوع : morano2 المنتدى : القصص المكتمله
افتراضي

 

...
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
.
.
.
,,,,بحضر زفافك ولو بطيافي ماخليك,,,,,
,,,,,,,,,,,,,,,,,
في افخم قاعات الرياض..
كان عرس اميري بجداره..
غلفته جميع انواع الفخامه...
حضره جميع وجهاء المجتمع..
وطبقاته المخمليه...
زواج الصقر وزواج سعود..
اولاد العالي..
كان الديكور بفخامت الذهبي والعنابي ..الذي درج با المكان.. با قسم الرجال,, با ارضيات الاسود,,,
كان سعود جالس مرتبك جدا..بينما عزام عادي جدا ..اساس يبي السالفه تخلص بسرعه..
يشوف ابو الجوري يسلم على الرجال المهمين ..ويجلسهم بامكان خاصه فيهم.. اما الي من طبقه اقل من ها المخمليه..
انواع التطنيش و يوكل مهمة السلام والترحيب فيهم للي مرافقين معه..
وهاذي نقطه يحسبها عزام ضد عمه..
مايحب حركات الاستخفاف با الناس.. وترتيبهم حسب طبقاتهم.. جدا متناقض.. متواضع ومغرور.. جامع الضد.. في كل الامور..
عزام ابتسم.. كان بيطلع البكت يدخن..اما هي بتصير تحفه في الكميرات الي قاعده تصورنا لو ادخن الحين..
طلال قرب من عزام وبهمس\تبي مويه..؟
عزام اشار برفض.. وهو يئشر انه موجود قدامه كاسات مويه..
عزام التفت لجهت بدر..
الي كان جالس بكرسي بعيد عنهم شوي.. وكان مو مع الجلسه ابد ..ولاا مع الناس ..ياها يابدر لاتدخل عالمك هاذا
والله يانا محتاج لك ..اشر عزام لطلال يروح لبدر
انتبه سعود لفيصل الي يناديه..
عرف انها زفته..
طلع سعود وتوجه للجوات القصر
اما عزام فقام مع عمه لمدخل ثاني علشان ياخذ عروسه..
...
*
*
*
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
زفة مهاوي وسعود..
..
دقايق وبدت زفة سعود الي تئخرت كثير...ومايدرون شسبب..
نزلو اثناتهم من الدرج ..
الي كان بجهتين بخطوات مدروسه وعلى وقع الاغنيه..
مها اخيرا ..وهي تشوف سعود يمشي مع الدرج..
وهو ماهو اقل منها ارتباك ولاخوف وخجل ..حلمها بدى يصير حقيقه..
حبها العذري الاول ..الندي.. الحين راح يتحقق.. وبترتبط مع حبيب العمر ..والقلب وكل شي..
سعود وهو يشوف مهاوي بفستانها الابيض.. الامع.. وهي فيه مثل الاميره ..ماهو مصدق انه بطل حركاته من تحت راس ها الاميره..
في ها الوقت مد سعود يده ..والتقت باعذب كفوف ..و...تلامست اليدين... و...تعانقت القلوب....
واتجهو للكوشه...الي كانت على شكل اريكه بلون البنفسج..وعليها عريش ورد تنزل منه سلاسل مذهبه..
..
*
*
*
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
في نفس المكان لاكن بجه ثانيه..
..
زفة صقرنا..
..
كان اخوات ..وبنات خالت الجوري ..مزدحمين عند جناح جوري الي با القاعه...
عزام رافض ينزف وهم بيسون لها زفه بسيطه لما تطلع هي ويها..
لحضات وكان ابو الجوري داخل بعزام وهم بدو ينثرون الورد ..وام عزام تبكي ..
دخل عزام الجناح وابو الجوري ييارك له ويوصيه في الجوري..
وينبه مايزعل دانته..كان كلام عزام قليل..ابشر..ومن عيوني...
ابو الجورري وهو يشوف عزام يتقدم للجوري ويرفع من وجها طرحتهاا وباس جبينهاابتسم
عزاام جلس هو الجوري على الكوشه.. وبدى يدخلون عليه المهنئين من اهلها ..اما اهله مادخلت عليه الا امه..وام فيصل...
امه وهي تمسح دموعها وتبارك له..
قام عزام وباس راسها ويدها..
ورجع جلس جنب عروسه الي كانت ترجف..خجل..وخوف..ورتباك
اما هو..
خلونا نقول..
مثل لقبه تمام..
صقر..
والصقر مكانه وين..؟؟
محلق بعيد عنهم بسماء بعيد عن زفتهم الغبيه الي هم حاطينها..
لحظات وبدا الموجودين يخفون..ومابقى غير الجوري وعزام والمصوره..
قام عزام بئوامر من المصوره يصور مع زوجته..
هي حركات بسيطه..
لاحظ عزام بعيونه الثاقبه..المصوره السمراء وهي تحركهم مثل الدمى بئوامرها..
اخر..شي..مل..وانقرف\بس خلاص يكفي..!!
انتبهت المصوره للائمر ..ولمت اغراضها بئسرع من توقع عزام وطلعت..
عزام\الجوري جهزي نفسك نطلع..انا استناك عند باب السياره مقربينها عند باب القاعه..
طلع عزام بسرعه..
ودخلو خواات الجوري يجهزونها تطلع معه..
...
بعد ساعتين..
..
في سيارات العرسان كانت موقفه عند افخم اوتيلات المملكه..
نزل عزام وساعد الجوري تنزل.. وطلعو لجناحهم..
بعدها بلحظات كانت سيارة سعود ومهاوي وكان معهم فيصل الي ساعد اخته تنزل ..
في الجناح الي فتحه الموظف وعطى عزام باقة ورد \الف مبروك..
عزام طنشه وخذى الباقه ودخل الجناح بعد ماساعد الجوري تدخل ..
نزل عزام طرف ذيلها الي كان طويل وتوجه للكنبه وفسخ شماغه وفك قلابه...
الجوري نزلت عباتها بهدوء ...
وحطتها على الشماعه... وتوجهت بخجل لطرف الكنبه وجلست...
كانت تسرق النظرات له بحب وشوق وخجل..
عزام برتباك\انا طالع اذا تبين تغيرين غيري برااحتك..
طلع عزام بهدوء ...ومانتبهت الجوري الا على صوت الباب...
استغربة وكانت بتخنقها العبره ...هاذا حتى ماطالع شكلي كيف يبين اغيره اووووف
شكله مرتبك بزياده...
*
*
*
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
با الجناح المجاور
سعود ومهاوي..
واحلا لحظات حب بين الاثنين...
سعود بفرحه\اموت على الخجلان اموووووووووت انا...
مهاوي صارت مو احمر قولو لون ثاني غيره...
سعود طبع بوسه على خدها وابتسم وهو يبوسها...
مهاوي رجعت شوي بخجل وجلست.....
سعود مرتبك مايدري شيقول\مها وبعدين معك انتي الحين خجلانه مني..؟؟
مهاوي ابتسمت خفيف وسكتت..
سعود بهبل\انا بطير بطييييييير انتي من الليله زوجتي زوجتييييييييي ياحلو الحب يانااااااااس..
مهاوي سمعت ها الكلمات.. وكانت بدوخ من الوناسه... ها الكلمات يقولها سعود حبيبي يالللللللللللللللله..
سعود بدت كلماته الرومنسيه تهل \انتي حبي الاول والاخير... ياعساني اموت اذا حبيت غيرك..ياعساني...
مهاوي بطفاقه\اسم لله عليك الله يخليك لي..
سعود نقز ورمى الشماغ على الكنبه بضحكه\اروح انا مع التسميه شي ثاااااااااني...
مهاوي حطت الباقة على فمها بضحكه خجوله...
جلس جنبها سعود ومسك يدها وصار يبوسها\انا اليوم حبيبك.. وبكرا ..وبعده ..ومابي غيرك ومابي اعيش الا معك...
*
*
*
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
... عزام&الجوري,,,
نرجع قريب من جناح عزام..
عزام برى الجناح حقه يدخن.. ويطفي ..ويدخن... ويطفي من خمس دقايق بس..
خلص له ثلاث سجاير كان يشربها بنهب.. وبلتلذذ غريب..
مسك جنبه الايمن يعوره بقوى...
اختفى الالام
بيظل طول عمره بها الالام..
يااااااااااه ماعشق غنج ذوقني المواجع وانا اتصبر عليها..
غنج..؟؟
حرك شفايفه بقهر\وينها وانا وين..؟؟
غيمه مرَّت في حياتي .. والرَعَد خوَّف غزال ..
وضاقت الدنيا بـ عيني يا بعد كل " الغوالي " ..!
رحت أدَوْرِك في جنوبي لين وصَّلت الشمال ..
والمصيبه .. إنَّ { قلبي } ما هَرَب منّك وجالي !
هذا آنا .. اللي دوَّرتك وعاااندت "المُحال " ..
ما لقيتك ! وينك إنت ؟! ما لقيتك يا منالي !
إيييه [ ضايق ] من غيابك ومات فيني الإحتمال ..
بس تأكَّد هذا حظي .. وهذا في دنياي فالي ..!
ما شكيت إلا لـ حالي يوم عذَّبني الوصال ..
لمَّا دمَّرني غيابك .. جرحي الأسود طرالي ..!
أدري إنِّك ما تبالي .. و " غيبتك "أكبر مثال ..!
وشي طبيعي لو جرحني قلبك اللي .. ما وُفالي !
وتدري إنِّي مآتحرَّك شامخٍ مثل الـ " جبال " ..!
وماخضعت إلا لـ ربٍ وقت هالضيقه صفالي ..
ياللي تسأل عن جديدي و وين ودَّاني الخيال ..
تحسِب إنِّي بالقصايد أكتب إحساسي .. وأبالي ..
ما دريت ..! إنْهَا حرُوفي كلَّهَا ظيييم الليال ..
وكل قصيده في غيابك قلتَهَا , وآنا لـ حالي ..!
ما سمعها غير " قلبي " .. والله يا بنت الحلال ..
وإلا أنا ما جيت أكتب وآنا في دنياي سااالي !
جيت إلى شاطئ خيالي . . . زايرٍ قصر الرمال ..
وإنصدمت إنَّه تهدَّم ! لاحَرَس يحميه ..و والي !
ودِّي أكتب لك قصيده و ودِّي أرسم لك هلال ..!
صفحتين بـ إيد شاعر مُرهف إحساسه خيالي ..!
القصايد يا حبيبي هي ترى مثل : [العيال] ..
ومن رحلت بعيييد عنِّي .. قمت أتفقَّد عيالي ..!
وين ودَّتك الليالي ؟! هذا هو أصعب سؤال !
وما لقى قلبي إجابه . . . وين ودَّتك الليالي !
ترجف أيامي حبيبي وصارت الفرحه " محُال " ..!
بردك اللي ما رَحَمني.. شوووف منّه وش جرالي !
ما بقى أي شي [ غالي ] .. وضعت في كلمة ( تعال ) ..!
وما ذبحني غير إنِّك . . . . . يا بعد دنياي " غااالي " ..!
لا بغى يتركني قلبك .. تكفى وصَّهـ بالعدال !
إبعد شويَّه .. وإرجع .. وإبعد .. وإقطع وصالي ..!
ليه يعني في البدايه جيت . . يسْبقْك الدلال ؟!
وليه [ تتقهوى ] غرامي وتنثر بـ إيدك " دلالي " ..!
قلت لك : إنَّ المحبه , ما تْحشِم قَدر الرجال ..
لـ إستوى بعين { المحبَّه } الثقل ويَّا هبالي ..!
وقلت لك : نظرة عيونك من علامات الجمال ..!
إستغفر الله .. لا نظرت المُر صار المُر " حالي " ..!
وقلت لك : ما أبي أحبك .. وإنثنى راس العقال !!
قلبي عاندني وحبِّك ..وطااح من راسي [ عقالي ] ..!
تَحْسِب إنَّه زال حبك ؟! لا يا عمري " ما يزال " ..!
صعبه يتغيَّر مكانك . . . وإنت لي أوَّل وتالي ..!
الغنى .. ماهُو حصيلٍ من . . . دنانير ومال ..!
الغنى .. معناه شوفك يا حبيبي وراس مالي ..!
كيف أعزِّل عن ديارك وما قوى قلبي الرحال ؟!
ما صمل قلبي فراقك .. وكانت ديارك " رحالي " ..!
كيف أجاوب من سألني وآنا في حالة .. ضلال ..
وينه عنّك من تحبه ؟! والسؤال بصوت عاالي ..!
قلت ما أسمَع .. وعاد الكلمه مرَّاتـٍـ وقال :
لا إتّهَرَّبْ من سؤالي .. لا إتّهَرَّبْ من سؤالي ..!
وين ودَّته الليالي ؟! حيييل يحرجني [ السؤال ] ..
والمُصيبه إنِّي مدري ..! وين ودّتك الليالي !!
التفت بعدها بقهر..وشاف واقعه المر..انا متزوج..والليله..اول ليالي!!يااااااه وين ودانا غررورنا ياغنج..
انتي وين وانا وين...؟؟
مشى خطوتين..
فتح الباب وتنحنح ودخل..
شافها لابسه فستان ناعم ... بنفسج قصير وانيق..ابتسم على الابيات الي طرت له با البدايه ....
والجوري بادلته الابتسامه..ااااه ماتدري با الحال..
جلس وطلع جولاته على الطاوله وطلع البكت الدخان...
الجوري جلست على الكرسي القريب منه...
بلع ريقه عزام واستجمع قوته\الف مبروك زواجنا..وياليت اقدر اسعدك معي...
الجوري ببتسامه سكتت...وبا داخلها ياليت انا الي اقدر اسعدك...
عزام مافي خاطره شي يقوله ولاشي فاسكت...اساس ماايحب يتكلم كثير..طبعه الصمت..
طق الباب لدخول العشى ..دخلت الجوري غرفة النوم ودخل بعدها القرسون يحط الصحون..

 
 

 

عرض البوم صور ἤǿǿ∂ẻ-179   رد مع اقتباس
قديم 31-07-10, 01:51 PM   المشاركة رقم: 84
المعلومات
الكاتب:
اللقب:
عضو راقي


البيانات
التسجيل: Feb 2010
العضوية: 156711
المشاركات: 9,381
الجنس أنثى
معدل التقييم: ἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداع
نقاط التقييم: 363

االدولة
البلدSaudiArabia
 
مدونتي

 

الإتصالات
الحالة:
ἤǿǿ∂ẻ-179 غير متواجد حالياً
وسائل الإتصال:

كاتب الموضوع : morano2 المنتدى : القصص المكتمله
افتراضي

 

الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
..سعود&المها...
في جناح سعود مها..
كانت تلك العلكه بفمها...سئلت وعرفت ناصر كان متئكد وهو الي جابها..
راح تسوي له فضيحه..ماصارت ولااستوت...
يعني مسوي فيها الشريف...وحنى الزباله..والله ماغيركم ياعيال العالي..الزباله..
ياوحوش ..بثياب بشر...مايخطون...!
طقت الباب بخفه...
باداخل الجناح..
مهاوي ابتسمت وقامت ..ليتها غيرت فستانها بسرعه.. بس هو جاء بسرعه ماعطاها فرصه ابد...
فتحت الباب واستغربة....
وحده واقفه..عبايه مخسره ...
بعيون ملثمه تذبح... وشكل حلو واضح..لاكن بميوعه غريبه...وهااللثام الشفاف..يفضح عن وجه جميل...
غزلان بتاميل\الف مبروك ياعروسه...
مهاوي بصدمه\عفوا... بس شكلك ملخبطه..؟؟ماعرفك..
غزلان دفت الباب بيدها بشويش ودخلت...
مها منصدمه\قلت لك شكلك غلطانه..؟؟
غزلان بميوعه\لا ماني بغلطانه انتي مها صح....
مها طالعتها بصدمه\نعم..تعرفيني
نزلت غزلان بدلع االلثمه الشفافه ..وحركت شعرها بنعومه ..وطاح على كتوفها با انوثه طاغيه... قدام عيون مها الطايره..
مها بنرفزه\ممكن تطلعين برى ...لطلب لك الحين الامن..؟؟
غزلان تعلك العلكه \اوه ليش معصبه.. مفروض انا الي اكون معصبه ...مو انتي مفرقه العشاق...؟؟ّ!
مها طالعتها بقهر وبحده\عشااااااق !!!اقوللك اطلعي برا ..؟؟انتي اكيد شاربه شي ...منتي بطبيعيه... روحي دوري حبيبك بعيد عني..؟؟
غزلان تقرب منها بنعومه وهي تعلك\انتي خذتي حبيبي..! وين ادور عليه وهو عندك...
مها برجفه حست ان قلبها بيوقف \من حبيبك.؟
غزلان بهدوء\سعود ...الي هو زوجك ...سرقتيه مني...؟؟
مها مقهوره من اسلوبها والكلام الي تنطق فيه\اكلي تبن اطلعي انتي كذابه .,,
غزلان تطلع جوالها بهدوؤ وتفتح الاستديو بميوعه\لا مو كذابه ..؟؟شوفي حبيبي شوووووفيه قبل ماتاخذينه مني...
بس اوعدك راح يرجع لي.. راح يرجع ليي
مهاوي تطالع الصور الي تقلبها غزلان بيدها با الجوال...
ضحكات..
وبوسات..
وضمات...
وصور باين عليهم متزوجين ...مو عا.. ش .. ق ..ي .. ن ..كيف خدعني سعود با حبه هاذااااااااااا...؟؟
كيف..؟؟ لا الي قدامي كذب كذذذذذذذذذذب..
مو حقيقه تكذذذذذذذذذذذذب ...اكرهاااااااااااااااا ...اكرهاااااااااااااااااااااااا...
غزلان مسكت الجوال وسكرته وحطته بشنطتها\شفتي كيف..؟؟ صدقيني يموت فيني.. وراح يرجع لي فااااااااهمه..
مهاوي بقرف\انتي واطيه.. انتي زباااااااااااااااااله.. زباااااااااااااااااله ..انتي وهو زباااااااااااااااااااااااااله
في ها الوقت سمعو صوت الباب وسعود ينادي مهاوي بخفه\حبي انا جيت...
وقف الكلمات في شفايفه ..ووقف مصدوم ..وهو يشوف غزلان قدامه بضبط ..وعلى وجها اكبر ابتسامه,,,
التفت بسرعه لمهاوي الي طاحت المسكه من يدها...
وترجف وعيونها مسمره على غزلان...
وتشهاق بصوت خفيف وتنفسها سريع...
غزلان بغنج\قلبي انت ..الف مبروك مع انك ماعزمتني..؟
سعود بحده \انتي وش جاااااااابك هنا وش جاااااااابك..؟؟
غزلان بدلع\جيت ابارك للي سرقتك مني ..؟؟
سعود مسكها من ذراعها ودفها لبرى الجناح ..
دفها على الجدار بقوى وضغط على رقبتها\تبين ايش مني قولي.. تبين ايش..؟؟
شقلتي الحين لمها شقلتي..؟؟
تكلمي يا الكلبه قولي..؟؟
غزلان وهي تبعد ايدين سعود من رقبتهاا\بعد عني يازبااااااااله بعدددددد..
سعود يلتقط انفاسه من القهر وهو يبعد منها شوي لاكن ايده الثانيه مازالات ماسكه يدها\هههه زباله ..انتي الواطيه.. انتي على بالك بتزوج وحده
مثلك..؟؟
من حضن واحد لحضن ثاني ..عبده للي يدفع اكثر... لا اصحي يا ماما.. اصحي.. انا اخذ وحده مثل اللوللو...
شرف.. وعفه.. مو وحده مثلك..؟؟
غزلان تضحك وهي تبعد يدها بقوى\انت الزباله ..انت واخوك.. نسيت ان بنت عمكم الموقره مثلي بضبط.؟؟
بنت عمكم الي ذبحتوها هااا..؟؟
سعود ناظرها بصدمه كيف عرفت االا اذا النذل مشاري ولد خالها قال لها..
سعود وهو يصر على اسنانه\اكلي تبن لا قص لسانك الحين...؟؟
غزلان بقرف\ انا مو خايفه منك ولا من اخوك الي خلى رجاله يهتكون عرض بنت خالي ..كلاب.. وزباله...
على فكرا انافرجيت مها الصور وراح ادمر حبك..؟؟
يا الشريف...؟؟
ركضت بعدها غزلان للاصنصير.. تاركه سعود مبهوت وراها...
اخوه...
خلى رجاله يهتكون عرض وحده علشان ينتقم لعرضه...؟؟اخوه..؟؟
اخوه...؟؟
الهامه..
القامه..
الشموخ..
والشرف..
الصقر..
كل هاذا كذب...
وها الكلبه شعملت فيني ...؟؟
شسوت ..؟؟
خلت مها تعرف عن علاقتنا لوين..
الا مها..
الا ..
حبي الصغير..

 
 

 

عرض البوم صور ἤǿǿ∂ẻ-179   رد مع اقتباس
قديم 31-07-10, 01:54 PM   المشاركة رقم: 85
المعلومات
الكاتب:
اللقب:
عضو راقي


البيانات
التسجيل: Feb 2010
العضوية: 156711
المشاركات: 9,381
الجنس أنثى
معدل التقييم: ἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداع
نقاط التقييم: 363

االدولة
البلدSaudiArabia
 
مدونتي

 

الإتصالات
الحالة:
ἤǿǿ∂ẻ-179 غير متواجد حالياً
وسائل الإتصال:

كاتب الموضوع : morano2 المنتدى : القصص المكتمله
افتراضي

 

الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
قطعة الالماس..لايجتمع الشرف..والكذب.. كلاهما يتصارعان لصداره..احداهما يجب ان ينتصر..!!!
عزام & الجوري,,,
با الجناح العرسان الثاني
عزام يلمس برتباك جبينه وكان ياكل شوي سلطه با الصحن ..انتبه لها من طرف عينه انها ماتاكل شي..
عزام ببتسامه\جوري..
انتبهت الجوري لاسمها ورفعت راسها \هلا..
عزام\كل لي لك شي..
الجوري ارتبكت زياده وهي تمد شوية متبل با الشوكه للفمها با ابتسامه.. اسم انها تاكل اي شي..
قام في ها الوقت عزام\الحمد لله..
دخل الجناح الثاني جهت دورات المياه..
دخل الحمام ..ناظر وجه با المرايه...وده يكسر ها المرايه وها الاوتيل كله...
يحس با الظلام يحتويه..ويلمه..ويضمه..
يناديه ها الظلام..ويكسر نور الشمس بجموده...
غسل ايدينه..بعدها بلل وجه با المويه...
حس با الالام ترجع لجنبه الايمن...الم الكلى بعد الغسيل امس..
جلس على طرف الجاكوزي.. و.. الالام تعتصره...غمض عيونه با الم..وهو يتذكر
جلساته مع عمه ابو فيصل وابوبدر في بيع الاسلحه با السوق السودا..
نايف واومره للجوهر ينهيه...
اشخاص كثير مرو بحياته وخذاه غرور تحديهم له انه يئذيهم..
غنج..
مشاري..
العنود..
شعاع...
لايكون هاذا عقاب الله لي..لايكون..اه..يذكرني اني ضعيف..ضعيف..ضعيف...
الالام تشتد عليه...
لحضات معدوده..لاكن عند عزام كانت ساعات ثقيله..
بدى الالام تخف عليه..تدريجين...لما اختفت..ومابقى غير وغس خفيف..
قام بثقل واستوى واقف..خذى له كلينكس ومسح وجه الي تغير لونه..
فتح الباب الحمام وطلع...مشى لجهت الجناح..
شاف الاكل انشال والجوري جالسه على الكنبه ولما شافته ابتسمت...
عزام توجه للكومدينه الي عليها كاس مويه شرب منه شوي...
عزام التفت للكيس الي على اللطاوله لونه اخضر..
الجوري با ابتسامه\انطق الباب.. ولما فتحت قالو لي ان في احد من مرافقين الاستاذ عزام يقول ان عزام موصي عليه..؟؟
عزام تذكر طلال انه يهاوشه علشان يشتري لهاا هديه ..ولما رفضت قال مو على كيفك.. راح اسحب من رصيدك واشتري لها بسمك..
توجه عزام للكيس وطلع من علبه شوي كبيره لونهاا اخضر......
فتح العلبه..
شاف طقم الالماس دورين لون احجاره توتي ...ارتاح ان اللون مو اخضر.. لئنه ببساطه يحس ها اللون ماركه مسجله لعيون غنوجته..
التفت لها..وهو فاتح الطقم على الطاوله للف الطقم بصابعه لجهتها\هاذي هديتك مني..
قامت الجوري بخجل وتوجهت لطقم..لمسته بصابعها..ابتسمت\شكرا..مره ذوقك روعه..
ابتسم عزام على غباءها هي لو تشوف ذوقه الراقي ماقالت عن ذوق صديقه طلال الا,,,ذوق جحلط...=هههههه
*
*
*
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
بمستشفى
طل نادر من فتحته صغيره باالباب..
شافه نور عينه جالس يهتز..يهتز..يهتز..با خيال انسان..ماهو حقيقه..
التفت للدكتوره\وبعدين يعني..متى تحكي..متى تحس..متى تشعر فيني..مايكفي انها فقدت جنينها وماحست....
يعني شلون تجيها ها النوبات الفزع
كيف ثعابين وابر..لمتى يعني ماحصلنا لها علاج..
الدكتوره\خل ايمانك بالله قوي ..وانا متئكده من كلامك ان في عمل لها..دامك شرحت لي الظروف الي صارت لك من زوجة ابوك..مااستغرب
انها كمان منها..ساعدها دامك تقدر..
نادر حط يده على خصره بتعب ورجع يطالعها من فتحه الصغيره با الغرفه..علشان ماتحس فيه وترجع لها الحاله...
*
*
*
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
قطعة الالماس..ياانسان..ياصغير..ياحقير بجانب السموات وعظمتها..والجبال وثقلها..والارض وانبساطها..الا تعلم..ان الله خبير بصير..
..
..
..
,,الشياطين حين تعقد اجتماع,,,
في استراحه فخمه`يغلب عليها الطابع الاسباني...
كان اربعه من تجار المخدرات المعروفين بنسبه لعالمهم الاسود...
ابو منصور ومعه ولده متعب..
ابو بدر..
ابو للوللو..
ابو حمد...
يتناقشون على الصنف الجديد الي نزلوه في السوق...
وكيف راح يكون الخطه لها السنه ..؟؟صارت الرقابه مشدده... وصارو يواجهون صعوبات كثيره...
واغلبية صفقاتهم تفشل...
لحظات...
وكان دخول الشخص الخامس الي الكل يعرف بدخوله ماعدا اثنين..\سلام على شيوخ سوق المزاج...؟؟
التفتو كلهم وقامو يسلمون عليه ...
ابو بدر الي تشقق من الوناسه...
ابو للوللو الي بعد يعزه لاسباب كثيره ...
ابوحمد الي مع الخيل ياشقرا ..اهم شي انه مع الي يدفع اكثر..
ابو منصور ومتعب مبلمين من دخلوله المفاجئ لهم..؟؟
منصور بسخريه\مساك الله باالخير ياالعميد.. ياعميد سوق الشمه ..والهروين ..هههههه جايب ولدك متعب يكمل المسيره ..
تطمن انا بواصلها بذن الله من بعدك هههههههه
الجميع سكتو.. وجلسو.. ماعرفو ان بينهم خلافات... غير ابو بدر..
فهيد كان واقف قريب من منصور...
ابو منصور تمالك نفسه وسكت....
طالت الجلسه... ونقشات حاده... وهاديه... بس الي كان قدام ابو منصور ان ولده يكوش على كل شي...
وكئن ابوه قدامه اجير...
ماهمه ولا حطه رقم جنبه..ببساطه صفر على الشمال ؟؟
كل شي كوش عليه... وها السنه بلعها كلها...
كاره كثير.. وزاد كرها قبل يومين ..بعد ماخسره العشرة ملاين في الاسمنت..
قام ابو منصور بعصبيه وطلع.. ولحقه متعب...
منصور لما شاف انه نرفز ابوه.. قام وراه علشان يوصله درجة مايتحملها.. مبسوط مره على مضايقة ابوه وقهره..
ياما قهر امه وضايقها ...؟؟
ياما.. وياما تحملو ? ها الاب..
وجاء يوم رد الحساب ...
راح ادفعه دم قلبه...
كل دمعه واه طلعت من امي...
امي اليوم ..تعطلت عندها وظائف الكلى..وضمر جزء من المخ...يعني ببساطه مسئلة ايام وتموووووووووت..
ماراح احد يوقفني عن تدميره..
وتفليسه...
وتشميت الناس فيه..
ماراح اسامحه ابد..امي الحين هي الي تتنتقم ..مو انا ..مو انا ..موانا...
لما صار قريب من ابوه...
منصور بتريقه\انت ياالشايب!!
التفت ابو منصور وهو يركب السياره لولده منصور..
طالعه يشرب سيجارة حشيش وينفثها قريب منه...
بستهزاء كبير..لوقوف ابوه قدامه..
متعب بحده\خير يا منصور وش تبي ..؟؟ترى انا مخليك بمزاجي ..؟؟والا انا وابوي بصبعنا نتفك...!
منصور طالع اخوه متعب الي انرعب.. ورجع ورى خطوات ..
مهما كان..منصور..يخوف بهاذي الحاله..حالته المنتهيه..والبايع كل شي..وهو يتذكر اخوه زين..ويعرف من هو اخوه اكثر من اي شخص..
ابو منصور\وش تبي يامنصور..
منصور بضحكه\ها وش رايك فيني با العشرا مليون الي قبل ايام ..؟؟مو حلوه حركاتي فيك ..تسحيب بعدين سحبه قويه ههههه..
ابو منصور بقهر\يعني وش تستفيد ....؟؟تراني ابوك بنهايه..
منصور من دون ولا تعبير بوجه\امممم ابوي..ايه صح..تصدق نسيت..الا..صح ..يا حضرت الاب بسئلك والله سؤال يرقع في صدري..من
يمكن..سنه..لا اكثر من سنه...؟؟
ابو منصور بكره\خله بصدرك مابيه..
منصور بخبث\انت الي ارسلت الرجال لمجمع العالي قبل سنه ..؟؟وسرقت الاوراق..؟؟وسببت لهم فضيحه وبعدها قشيت الصفقه الكبيره الي
كانت بترسي عليهم؟ههههههههه
ابو منصور اختفت كل الملامح الي على وجه ..
منصور باابتسامه كبيره\شرايك نخبر ابو بدر فيها.. تراه قريب؟؟او خلنا نقول صقرهم...؟؟عزام..؟؟ردة فعله اقوى..
متعب بحده\وين الاثبات وينه ها وينه..
منصور يطالع ابوه\يابوي يا الغالي ..وضحك بقوى..انا نسيت اقولك..؟؟ ان كل تحركاتك.. وصفقاتك.. وخرابيطك...
تجيني ااول بول وبا الاشرطه والكاميرا..
خخخخخ يعني بداية الاتفاق.. ونهاية الاتفاق.. وفوق هاذا كلام كثير ..وصفقات عندي باشرطه موثقه هههههههه...
شكلك ماتصدقنيي صح..
التفت لفهيد الي جاء لجهته ومعه لبتوب صغير ..وضرب منصور اصابعه بخفه واشتغل الاتفاق الاول ..
وبعده شرحه للخطه واتفاقتهم الباقيه والفلوس الي دفعها لهم بعد ماجابو له الصفقه ..وتبليغه عنهم لشرطه...
كل هاذا حطه منصور مقتطفات صغيره با السيدي..
سكر البتوب بخفه\ها يابو منصور شرايك.. في ولدك الضابط ..؟؟مو كفو يترئس امبراطوريتك بعدك...؟؟
متعب كان منقهر منه هجم عليه لاكن وقفه يد ابوه..
منصور يناظر اخوه واطلق ضحكته الساخره\يا قوي ..شكلك شارب حليب نيدو قبل لاتجي.. مع نيدو تنمو معه الاجيال..هههههه
متعب بكره\كل تبن يامنيصير.. والله لنئدبك ..يعني انت مستقوي علينا ..حنى تاركينك بكيفنا...
منصور يبتسم وهو ينفخ من الدخان الحشيش وقرب من ابوه\اوه نسيت بعد اقولك ..انا عارف بصداقتك مع ابو بدر.. وبمشيها بمزاجي..ايش كمان
بس هو خبرك انك ها اليومين بجي لك حفيد...ممم...حفيد جراح الشامخ....شف انا والله اقولك من الحين.. اذا جاء ولد راح اسميه على ابو المدام
تعرف هي بنت من..؟؟تعرف مو...ماجد بن محمد العالي..المليونير المعروف الي مات من سنتين...تعرفه..؟؟؟والله نسب يشرف...؟؟في احد
من عيالك متعب او براك اوهادي..مناسب عايله مثلهم...قول..
التفت لمتعب الي وجه صار مية لون من القهر وهو يتذكر زوجته الي مالها لا اصل ولافصل..
منصور بستخفاف\سمعت ان متعب ماخذ بنت السالم..هههه ها الشحاذين المنتفين ..
هههه والا براك الي ماخذ له ثنتين وملتهي بمشاكلهم..
وكل وحده اهلها اردى من الثانيه...اوه نسيت هادي هاذا عاد تحفه..
ماخذ له وحده ماندري وين قرعت ابوها فيه وهههه..
ناظر ابوه وبتحدي وبتشفي وبقهر سنين\انا مناسب العالي..ونسبهم يرفع الراس..مو ها اللحنط الي ماخذينهم عيالك..
مممم..يعني انا نسيبهم
يعني..لاتئمن نفسك مني..لازم احمي الي انا مناسبهم من غدرك ومكرك فيهم..كلها كم يوم..
ويكون ها لاشرطه والسيديهات بمكتب الصقر
وعاد ينتقلل تصفية الحسبات بينكم..تعرف عاد..اذا طلب مني مساعده..والله ماراح اقصر..ماهو ولد عم المدام..اظنك مقدر موقفي..
واطلق بعدها منصور ضحكه كبيره وركب سيارته ومشى...
ابو منصور بقهر وهو يلتفت على متعب ولده ووجه صاير اسود من القهر الي جاه\قل للكلب الي يشتغل معه ينفذ الي قلته له الليله مو بعد شهرين
الليله الليله..
متعب ارتبك\يبه لاكن..؟
ابو منصور\كل تبن لقتلك الحين بيدي دق عليه الحين وقل له ..كل شي عنده جاهز الحين..
متعب\طيب طيب..

 
 

 

عرض البوم صور ἤǿǿ∂ẻ-179   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة ضمني بين الاهداب, شبكة ليلاس الثقافية, غرورك صادف عزة النفس فينى, غرورك صادف عزة النفس فيني / الكاتبة : ضمني بين الاهداب ، كاملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t145892.html
أرسلت بواسطة For Type التاريخ
ط؛ط±ظˆط±ظƒ طµط§ط¯ظپ ط¹ط²ط© ط§ظ„ظ†ظپط³ ظپظٹظ†ظ‰ | AppsmediatamaNet This thread Refback 28-03-15 10:54 AM


الساعة الآن 03:30 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية