لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 29-03-11, 04:36 PM   المشاركة رقم: 231
المعلومات
الكاتب:
اللقب:
عضو فخري


البيانات
التسجيل: Apr 2009
العضوية: 142868
المشاركات: 11,327
الجنس أنثى
معدل التقييم: نوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسي
نقاط التقييم: 3549

االدولة
البلدSaudiArabia
 
مدونتي

 

الإتصالات
الحالة:
نوف بنت نايف غير متواجد حالياً
وسائل الإتصال:

كاتب الموضوع : نوف بنت نايف المنتدى : القصص المكتمله
افتراضي

 

البارت الثاني والعشرين .

*** من الفرحه نسيـــــت إني عليك البارحـه زعلان ...نسيت أقول لو تسمح تكرم لا تكلمني ***










بعد مرور أسبوع :
الفجـــر :
صقـر :


في بيت أبوه , بالمطبخ على وجه التحديد , علشان يكون بقرب الشاي ..والعصاير ..
قدامه أوراق رسم , مع ألوانه , كان قاعد يرســم عدة رسمات تنفـع للسيـارات ..كنقشــات , فأهو صار له فتـره تارك هالشي .
ولازم عليـه يطلع بلوغات جديده ..!
لعب بكتفــه بضيق ..
يبي ينـــام !!
بس ظهــــره حتى لو حاول ينام ما يقدر ..ملتهـــب بصـــوره خيـاليه ..مؤلمــــه , وأفكـــاره السودا مو مخليته ينام , ودام فكره مشغول يعجـز عن النوم بشكل متواصل , وهذي بلوه عليـه التخلص منـــــــــها ...
فكـر باللي مسببه له كل هالمعاناة ؟!!!!
هل إهي تستاهــــــــــل !!
المشكــله عارف هالإجابه مسبقاً ..لأ ما تستاهـــــــــل !!
إنـزين ليش مو قادر يتخطاها عيـــــــــــــل !!!
غريب ..!
المشكـــله إنها مع كل اللي عملتـــه فيـه , فأهو عاجـز إنه يتخطى مشــاعره تجاهها ..
أكبـر إهانه للرجـل إنه يحب وحده يدري إنها ما تحبــــه ..!
وتحلـــم بغيـــــره بعد..!!
شخط على الورقه اللي قدامه بعنـــــــــــــــف ..مما أدى إلى إفسـاد الرسمه اللي كان راســمها , وإضطر يعفــــــــــس الرسمـــــــــه ويرميــــــــها بأي داهيـــه ..
المشكله إنه ما يبي يتزوج غيرها مثـل ما قال لها ..
فأهو ما نطق بهالكلمه , إلا ما ناحية التهديد ..والإنتقام ...!
بالواقع ما يبي يتزوج , فأهو مو غبي علشان يورط فتاة أخرى مالها ذنب معاه , ومع حبــه ..ويعقد الأمور..
فأهو ما تزوج وإهي ماخذه غيـــره , علشان يتزوج عليها ألحيـــن ..
وهذا الشي مخليـــــــــه يغتاظ أكثــــر !!
إنه وجودها بحيــاته , مخلي الحريم حــوله , ولا يسوون !!
إنه ما يترس عيـنه إلا إهي .. إهي وبس.. ووجــودهــا عنده بالدنيا كلها.!!
بــــــــــــــلوه إبتلى فيـــها هالقلــــــــــــــــــب ..!
غبــــــــاء محكـــــــــــم سيطر على قلبـــــــــــــه !!!!
لا اهو يبيــها لنفـــسه ,ولا يبي يتزوج عليــها ولا يبي يطلقهــا ..
يحس برغبــه شديده بالسيجاره ..
فإهي مرتبطــه معاه بهاللحظات بالذات ..واهو ما رد لها إلا بمثـــل هاللحظات ..
يحتاج يدخــنها ويحس فيها تدخــل جسمـــــــــــه , وتطلع معاه بالنفـــــــس الأخـــر ..
يبيـــــــها تحرق كل شي بداخله وتطلع ..
وعى من أفكـــاره ..لما وصـل لهالمرحــله , ليــــــــــــته ما وعد إبراهيم بذيك الفجــريه بترك السيجاره ..!
فكاهو ألحين محــترق , وعدت أيام عليـه واهو محترق ..ومن قبـل لا يسافر إبراهيم واهو محتــرق , و مو قادر يخلف بوعـده ..
وبعد ما عرف بمرض إبراهيم أصبح ذاك الوعد له قيمـه أكبـر وأكبـر .
رد يركز على العمل جدامه ..
لما سمع صوت الباب يفتـــح ..رفع راســه , وشاف قبالــــــــه أبوه ..
حس كأنه الزمن رد فيـــــــه لسنين لورى ..
نفس المشهـــــــد بنفـس المكان , بنفس الوقت تقريباً ونفس النفسيـــــــه السيئـــــــــــه ..
ونفس الأشخاص ..
والأغرب إنه لنفــس السبب ..!
ما كان يدري إنه ناصر كانت له نفــس الفكـره , إلا لما قال أبوه بجفاف صارت لغته الوحيده التي يعرفها , على الرغم من تغير نفسيته " كأنه الزمن عاد نفســــه "
صقـر ما علق ..!
قرب ناصر ..وقعد على الكرسي قبـال صقـر ..وأثنينـــــــهم إرجعوا لذاكرتهم لذيك الفتره بالذات ..

الماضي :
صقـر :

بعد عودته من رحلته الإيمانيه لأفريقيـا , كان حاس بالرضـا الداخلي .
الأمل ..
الثقــــه بإنه يقدر يسوي كل شي ..
ومن بين هالأشيـاء إقناع عمه خالد بزواجـه من زينه ..!
لاحقتــه من أفريقيـا للكويت دعوات الخير من الناس اللي فـرج عنـــهم , وساعدهم .
أصوات التوحيــد بعدد الناس اللي أسلموا على إيد هالحمــله ..
وبعد عودته تأكد إنه قراره كان سليم ..بالذهاب مع قافلة الخيـر , المتجهه إلى أفريقيا مع لجنة العون المباشر .
لكن ألحين مشتاق لأهله ..اللي كان الإتصال فيـهم قمه بالصعـوبه إن ما كان معدوم .
مشتاق لأمـــه ..
ومشتــاق بصوره كبيـره لزيـــنه اللي كان مسافر وإهي زعلانه منــه ..
وأول الأشخاص اللي يبي يشـوفهم كانوا أمــه ..والأكيـد زيـــنه ..
دخــل المنطــقه ..
ودخـل القطعه ..
ودخـل الشـارع ..
وطاحت عيــنه على البيـــــــــت ..وتفاجأ بالأضـواء ..والزيـــــنه !!!
والسيـــارات ..
كانت الفتره ..حـزت مغـــرب ..!!!!
دخـل بسيــارته للبـيت ..وجاله البواب , اللي أول ما شافـــــه قال " أهــلاً يا بيــــه "
صقـر كان متعجـب من كل هالرجال اللي موجوديــن بالبيـــت .
طلع من السيـــاره ..
وتــوجـــه للدوانيـــه , فأهو ما يقدر يدخـل البيت , من غير لا يسلم على صاحبـه ..!
طلعوا بعض الرجال ..اللي يعرفهم صقـر واللي أول ما شــافوه ..ِسلموا وقالـوا " بالمبــارك "
عقد صقـر حواجبـه بإستغراب لكن قبـل ما يجاوب , كانوا قد إنصـرفوا ..
كمـل طريــجـه نفـس الكلام توجـه له عدة مرات ..
إضافه إلى كلمات مشابهه ..
كـ منهـا المال ومنـه العيـال ..
الفال لك ..
ومن هالكلام اللي اهو مو فاهم منـــه شي ..ومو عارف سبــــبه ..
لكن سبــب له توتر ..
قبــل لا يدخـل الدوانيـــــــــه , وقفــــه واحد وقال " مبـروك زواج إختك من صديقــــــك , الحمدلله اللي جمع و وفق .."
إختي ..
إلتفت على الدوانيـــــــــه بعنف بعد ما إستوعب منو يقصد الريال بلفظ إختي ..
لأ ..
ماراح يسوي فيــــــــه جذي ..!
لأ يا رب ما تزوجــــــــــت ..!!!
ما كان مصدق ..
ما يبي يصدق علشان ما يكون بهاليوم هــــــــــــلاكه ..!
إهي ما راح تتزوج غيــــــــــــره
إهي له ..!
يا رب ...يا رب ..يا رب لا تحرق فؤادي عليــــــــــها ..
إهي ما يصيــر تكون لغيــره ..
إهي طول عمرهــا له ..له أهو بروحــــه ..!!!
ترك الرجال واقف من غـــير أي إعتبار , وراح بطريقه أقــرب للركض لداخل الدوانيـــه الكبيــره ..!
وشـاف بوجهه أول ما دخــل عمه خالد لابس البشـــــــــت ..ومعاه فواز لابس البشت كذلك وعمه عبدالعزيز ..
وقـــف ثابــت بمكانه !!
ما يدري ليش حس إنه المكان غمـره السكون ..بدخـــوله ..
او اهو الوحيـد اللي غمـره حالة السكون هذي ؟!!!
رد نظــره لعمه خالد اللي قال بصوت عالي لعموم كلهم " هــــــذا اهو أخوها ولدي صقـــر ..جا على طول من المطار لعرس إختـــــــــه الوحيـــده "
صقـر بهاللحــظه حس كأنه الدنيــا بدت تدور فيــه !!
حس بالغثيـــــــــان على طول يتدافع لأعلى صدره ..
نار حرقت كل اللي مســــــــــته من أحشـــــــــــــاءه ..يغلي بطريقه جنــــــــــونيه ..
هذا مو حقيــــــــــقه !!
اللي اهو فاهمه مو حقيــــــــــــــقه ..عمـــه خالد ممكـــــــن يكون دنيء لكن مو لهالدرجـــــــــه ..!
مستحيـــــــــــل يحرمـــــــــــه منهــــــــــا ..!
حــس بالغثيــــــــــان بصــوره أكبــر ..
يحس إنه توازنه بيختـــــــــل ..
لكن عيـــونه كانت على عمه خالد ..
والنظــره البارده , اللي تعبـر عن عدم الإهتمام إهي اللي خلـــــــــت صقــر بكل قـوه على الرغم من الحــــــــــــــريقه , والنار اللي شبــــــت فيه يتمــاســـــــــــك !!
رغبتـــــــــه إنه ما أحد يتشمـــــــــت فيــــه .. قرب ..
بخطوه بعد خطوه ..
وكل خطوه منهــم عذاب ..
عذاب ما قط كان متصوره بحيــاته كلهـــا ..
قال بصوت كان غريب عليـه " مبـروك "
وراح لرفيــجه اللي كان مبتســم ببراءه , ما كان يعرف إنه صديقه يبي المرأه اللي اهو متزوجهــا ..
وسلم علـيـــه واهو يقـــول وكل حرف من الكلمه يجــرح حلقه ..يحرقه " منك المال ومنـها العيــال "
قال له فواز بإبتسامه صادقـه " الحمـــــــــدلله إنك ييت يا صقـر , كنت خايف ما تلحق , صرنا ألحين نسايــــــــب "
ما قدر يــبادله الإبتـســـامه ..
كان قاعد يحتــضر , ما في شي قاعد يحــركه إلا الكرامه وقوة الإراده ..
ما راح يخليــه عمـه خالد يتشمــــــــــــت فيـــــــــــه !!
ما راح يخليـــــــــــــه يشوفه وأهو منهـــــــــــار ..
سلم على الكل ..وما احد بان عليــه إنه منتبـــــــــه !! ما احد منتـــبه للعذاب ..اللي اهو عايشــه ..
كانوا حوله يتكلمون عن كيف إنه فواز حاول يتصـل عليــه ..
عن شلون إنه عمه خالد ما إختار إلا هاليوم علشان العرس , لأجل صقـر يلحق على العرس ..
يتكلمون ويتكلون ..ويسألون عن سفــرته ..وعن كل شي ..ما أحد حس باللي اهو قاعد يمــر فيــه ..
واهو يحترق ويتفحم..ثم يحترق و يتفحم ..
يشــرب قهوه بعد الأخرى بعد الأخرى ..إيده إن شال الفنجال ترتجــــــف من كبت المشاعر ..
بعدها ما قدر يقعــد أكثـــر , واهو يشـــــــوف الوضع قبــــــــــاله ..
الغيــــــره مو راضيـــــــــه تخليــــــــــــــه ..وخيــالاته مو قادره تتركـه .
ولأول مره يشـعر بألم مزعــج بظهـــره ..!
عينه كانت على فواز ..يحــــــــس يبي يذبح صاحبه ..
صديقــــــه يبي يقــــــــــــــتله ..ويبي يذبــــــــــــــح عمه خالد ..
وهالشي بحد ذاته خـلاه ما يقدر يقعد أكـــثــر !!
كان يســـــــــــمعهم يقــولون راح يزفون المعرس ..
فجأه قام أهو ..ما يقــــــــــدر يقعـــــــــــد ..بلا كرامه ..بلا بطيــــــــــــــخ ..
حاول يبـــــــــتعد عن الدوانيـــــــــه , واهو يمشي مثــل السكــــــــــــــــران ..!
زوجهـــــــــا ..
زوجهــــــــــا ..
زيــــــــــــنه ملكـــــــــــــــــــه ..شلون يزوجهـــــــــــــا ؟!!!
تزوجـــــــت من رفيــــــــــجه ..
وإهني الغثيـــــــــــان تملـــــــك منــــــــــه ..
وما وعى بنفســــــــه غير واهو يستــــــــفرغ بالقرب من أحد الأشجار الموجوده بالحديقـــــه ..!
كلما وقــــف ..رد إستفــرغ بعنــــــــــف أكبـــــــــــر ..
مو مهتم لمكـــــــــــانه ..
كان قاعد يأن ...يتألم ..واهو يــــــــــرد يستفـــــــــــــرغ ...!
تزوجـ إستفـــــــــــــرغ ـت
إهي له ..
إستهلك الإستفراغ كل طاقته ..
جســـــــــــده كله قام ينضح بالعــرق !!
أه ه ه ه ه ه ه .
العــرق كان قاعد يتعبـــــــــــه , ويخليـــــــه يشــعر بعدم الثبات ..
لكن أخذ نفــس عميق , وشد ظهــره وإبعد إيده عن الشجــره , وقف طوله المهيـــــــب ..
حس بغيمـــــه من السواد تحيـــــــط فيــــــــــه ..
ونيـــــــــــران قاعد تتأكـــــــــــــــله ..
خيـــــــــانتها ذبحتـــــــــه !!
الخايــــــــــــنه ..
رد تســــــــــــند على الشجـــره .. وإستفـــــــــــرغ من غير أي تحكـــــــــــم ..!
وبعدهـا إبتعد بخطواته غير الثابته متوجـه لسيــارته ..
ما كان واعي على نفســـــه ولا على طريقة سيـاقته للسـياره ..!
والواقع إنه كان يمشى بطريقه متعرجه ..
غير ثابته وكاد يصطدم بعدة أشخاص ..
ومن غير أي هدف ..
لكن عقــله البـاطن قاده لبيــــــت أبوه ..!!!!!!!

ناصـر :


الأغاني بالحفـــله كان على أعلى نغمــــــــه لها ..
كانت الليـــــــــــله أشد سواد من كل الليـــالي !!
بعد ما رقص , وحاول يفــرح روحــــه , بدى الملل السريع يتسلل لنفـســــه ..
لما جاله أسامه ..واهو يقــول " ناصر ......."
ناصر ما كان قاعد يسمـــــــع اللي يقــوله أسامه من علو الموسيقى ..
أشــر بوجهه ..
وأذنـــه وصـــرخ " مو قاعــــــــــد أسمــــــــــــــع "
رد أسامــــــــه بصوت عالي " أظـ.... إنه ولـد....برااااااااااا "
هذي هي الجمــله اللي كان يسمعهــا ناصر من الموسيقــــــــى ..
فرد قال " منــــــــــــــــو ولده بــــــــــــــرا "
بان الإنزعاج على أسامــــــــــــه وأشـــر على نـــاصر " ولـــدك ؟!! "
بان الضيـــــــــق على طول على نـــــــــاصر ..
ما يحـــــــــــب هالطـــاري ..
يذكــــــــره بمواضيــع أهو يحـــــــاول ينساها ..
هالحــــــــــفلات , والجمعات الغــرض منها شي واحد ..
الرغبـــــــه بنســيان الماضي ..
هــز كتفــــــــه بعدم إهتمام واهو يقــــــــــول " شــــــــسوي له ؟!!!!! كيفـــــــــــــه "
ورد يمثـــــــــل الإندماج مع الموسيقى ..
مع إنه بدى يتساءل متى جا صقر من السفـــر ؟!!
ومو من عادته يجي بهالوقت , فأهو يعرف إنه هذي وقت حفـلات ناصر اللي اهو مايوافق عليـــــــها ..
رد أسامه يطق ذراع نــاصر اللي شــافه بضيــق ..
فكمـــل أسامــــــــه " أظــ ...إنه مو بخيـــ ...شكـلـ...مو طبيــ...ـي "
عقد ناصـر حاجبه !!
بعدهــا قرر يروح للخارج ..شاف السيــاره التابعه لولده ..!
توجــه لها ..
شاف راس ولده مسنود على السكان ..
حس بخـــوف ..
لكن مع هذا طق على الجامـه على أمل إنه يفتح له ..
لكن ما كان في أي رد ..ففتح الباب ..
كان صقـر يأن !!
أه ه ه ه ه ه ه ه .
قال له ناصر " صقـر ..صقــر "
ما كان في رد غير زيـادة الأنيــن , بقـوه ناصر مسـك ولده وطــلعه برا السيــاره ..وترك باب السيــاره مفتوح فأهو كان عاجز يشيـل الريـال ..
صقـر أول ما حس بالهـوا الخارجي ..
إبتعــد عن أبوه ..وطاح على ركبــته ورد يستفــرغ ..واهو يقــول " زوجـ...ـهـا ..أه ه ه ه "
شعـر بالرغبه باللإستفراغ إلا إنه ما في شي طلع ..
وقال " ذبحـنـ ..ـي ..الكلــب ...الكـــــــــــــــــــلاب "
وهالمره أخرج كل شي بكبــــــــــــده بإستفراغ شديد ..
ناصر إستوعب الكـــلام , وإنصدم فأهو ما كان يدري إنه ولد يحـب أو عينه على وحده من البنات !!
فكان هالشي صدمه له ..
كان شكل صقــر يعور القـــــلب ..
منو هذي اللي تزوجــــــــــت !! واللي ذبحت ولده !!!
سكـر ناصر السيــاره , وشــال المفتاح ...وراح لصقر ..وقـال بصـرامه " قــوم يــلا "
صقـر أبعد نـاصر بإيده بتعـــب , وكمــل مسند راســه " أحس إني قاعد أحتـرق ...تزوجـــت ..تزوجــت ..إهي لي ...المفروض تكون لي ...تزوجــــــــــت "
صقر وقتها ما كان مستوعب ..اهو شنو قاعد يقــول أو يســـوي ..
كان مثــل اللي يهــذي ..!
نـاصر هالمره خاف أحد يشـــــوف ولده على هالحاله , أول مره يحس بإحساس الحمـايه .
فمد إيده ومســك ذراع صقــر , و وقـــــــفه ..
صـقر ما كان قادر يشيــل نفـــسه , ناصر دخـــله لداخل البيت لكن من الباب الخلفي , وصعده لغرفة النوم بالأعلى ..
كان طول الوقت يأن ..بألم و وجـــــع ..
ويردد أسم واحد ( زينه )
وناصر يعرف منو زينه !!!!!
أول ما سدحـــه على الفراش , صقر كأنه محـروق , فز على أحد الجهــات ..
ما تكـــلم ناصر ..لأنه صقـر كان كأنه محــروق فعـــلاً ..
هالشي يخـــــــــــرع ..!!!!!
صقـر كان يردد كلمة " ما أقدر ..ما أقدر ..ما أقدر "
نـاصر نـزل بســرعه , وصوت الأغاني واصل له بإزعاج ...أنهى الحفـــــــــله ..ما راقب إنصـراف الناس مثـل كل مره ..
رد صعــــــــد وبإيده ماي بارد ..
شــربه صقــــــــر ..اللي في البدايـــــــه زاد أنيـــــــــنه ..من الماي البارد ..
وبعدها بدى يمســـــــــح على ويهه صقـــــــر , واهو يقـــول " تعوذ من إبليــس بسم الله عليك الرحمن الرحيم .. ان شاء الله..تقدر ..تقـــدر "
الماي البــارد كان له تأثيــر قوى على صقر ..اللي هدى من الهذيان ما عدا بعض الأنين بين الحيــن والأخــر ..
بالنهايــه إنتهى الأنيــــــــــن ..
وناصر ظل قاعد منصدم من اللي شافه , ومنصدم من ردة فعله تجاه اللي أسمه ولده ..
ولأنه خايف يقـوم صقـر مره ثانيـــه ..
قعد على الكرسي لكن غلبه النعاس !!!
وما قام إلا بعد فتـــره وتفاجأ إنه الســرير قبــاله كان خالي ..فز من مكـــــــــانه ..
وراح للحمــام ..وما لقى أحد
وبعدهـــــــا نزل , وهناك لقى ولده بإيده سجاره وقبــاله طفـاية السجـــاير, المملوءه بأعقاب السجــاير ..
ولو ما شاف الخطوط السودا ..!! والشحوب الغريب بوجهه ولده ..كان شك بذيك اللحــظه باللي صــار ..
أما صقـر لما شـاف أبوه ..طفا السجــاير ..
قال ناصـر بإختصـار " تبي تذبح روحـك ؟!!! "
وأشـر على أعقــاب السجاير ..!
تابع نـاصر بصـرامه " من متى تدخـن ؟!!! "
رفع صقـر حاجبــــه ..
ما تكــلم صقـر للحظـه وكانت عيــونه مغيمـــه بالســواد ..!
وبعدهـا إبتســـــــم بســخريــه " من زمان !! "
قال له نـاصر " ما قط شفت بإيدك سيجاره "
صقر كان خلال الفتره اللي كان فيها ناصر نايم , طلع شراله الباكيـت , والولاعه ..فقال " لأني قطعتها من فتـره , ورديـــت لها " بعدهـا قام واقف وأضاف " أنا كنت أنتظرك تقوم علشان أشكـرك على اللي سويــته يبـا بروح لشقتي , بأسبح , وأغيـر ملابسي وأروح الكراج "
قال نـاصر بصـرامه " تدري ليش تزوجــــــت ؟!!! "
صقـــــــــر بان على ملامحــــــــه الوحشيـــــــــــــــه ..
لكن بعدهــا صار وجهه جامد ..
" ما أدري وما يهمنـــي "
ما كان صقــر يبي يفكـــــــــر بالسبب ..
فأهو قاعد يتعــذب من الداخــــــــــــل , ويتقطـــــــــــــــــــع ..
والأنكى والأمــــر إنه اللي شـافه بهالحاله أبوه ..!
إنه لجأ لهالإنسان من بين كل الناس .!
ما يحب ولا يرضى إنه أحد يشوف ضعفه ..والمشكله انه إللي سببت هالضعف مره ..
رد ناصر " إهي ما تستاهل تعبك علشانها "
صقـر شاف ناصر بنظره غامضــه , وطلع سيــجاره , وحطـها في فمــــه ...وبعدها إبتسم وقال بإختصـار " لأ ما أحد يستــاهل "
أخذ الولاعه من الطاوله وشب سيجارته ..وطلع ..

الحاضـر :
ناصر :


ما أحد كان يدري بأفكـــار الثانـــي ..
فأثنيـــــــنهم كانوا مستغرقيــن بنفس الذكرى , لكن من غير إعلان للطرف الثاني عن هالشي ..
ناصر أضاف لجملـــته السـابقه " يا ترى لنفــس السبب ؟! "
إشتدت ملامح صقــــر بعنف , لكن بسـرعه سيطـــر عليــــها ..
يكره أحد يذكـــــــــره بذيك الأيام ..اللي كانت من أسوأ أيام حيـــــــاته ..!
واللي يظن إنه مع زينه دايماً بيعيش أسوأ ايام حياته ..!
قال صقـر واهو يتجنب السؤال " قاعد أشتغـل "
ناصر شاف الرسمات ..اللي كانت عنيفه بشكل مخــيف ..فكلها لون أحمر , وأسود ..ومتعلق بدماء , وخناجـر ..
وهذا خلاه يتساءل هل صقر منتبه للي راسمــــــــته إيده , ولا طلعت تلقائياً ..
وخلاه يتساءل , شنو علاقة هالرسمات بعمـل صقـر ..!
" وأكيد تبي تقولي إنه مرضي اهو الشي الوحيد اللي مخليـك قاعد عندي إهني ..طول هالأسبوع ..مثـل ما شغلك مسهـرك اليوم ..وكل يوم للفجـر , شاللي مخليــك قاعد عندي في البيت يا صقـر وإنت توك متزوج ؟!!! "
إبتســـــــم صقـر بســخريه , وبعدهــا بإعجاب بأبوه .
يمكن يقدر يخدع الكل إلا هالإنسان ..الموضوع ما يحتاج لسرعة بديهه ..!
كان متوقع هالسؤال من عدة أيام ..! واليوم جا له ..
قبل ما يعلق على كلمه أبوه , قـرب ناصر وتسند على الطاوله ما بينهــــــــــم أضاف ناصـر " قولي شسوت لك هالمره ؟!! "وكمـل بعدها بثواني " ولا إنت اللي سويت ؟!!! "
بدى يطقطق صقـر بالقلم على الطاوله بكســل ..
وبعدهــا قال " خلنــا نقـول إنه الماضي لحق الحاضــر وشكله بيدمر المستقبــل "
ناصر اللي مرت الأيام عليـه صعبه ..
فأهو على الرغم من مسامحته لأخوانه اللي ماكانوا مشتركين بالتمثيــليه ولا كانوا يدرون انها تمثيليه, إلا إنه محاولته التأقلم مع زياراتهم , و وجودهم كانت صعبه ..!
أهو و ولده قاعدين يمرون بنفس الشي ..!
ماضيهم قاعد يلحق حاضرهم , ويدمر مستقبلهم ..
لكن ناصر قاعد يحاول يقاوم هالشي ..فماضيه دمر مستقبله لفتـره طويـله , واهو مايبي هالشي يصـير لصقــر ..!
وقال لصقــر " لا تخليـــه يأثـر على مستقبــلك مع زوجتــك , لا ترد تعيش الماضي ..فالماضي إنتهى و ولى إلى غير رجعـه , ذكريـاتك ما راح تفيــد إلا إنها تفتح الجروح , الجرح اللي ينفتح لمرات عده , بيصير صعب يبرا "
كان وده يقــول اللي صــار ..
وده يشـرح لأبوه كل شي !!
بس المتعـــــــود على السكــوت , ما يقدر يتكلم , ويشكي بصوره طبيعيـــــــــــه ..
بإختصار قال " الكلام سهـل "
ناصر كان عارف هالشي بعد ..!
لكن قال بكل جديه " إنت تحبــها ؟!!! "
هذا اللي يذبـح إنه يحبــــــــــها , مو حب طبيعي ..لأ حب جنـــــــــــــون ..
لأنه المجنون وحده يرضى على عمـايلها معاه ..!
قال صقـر بجديـه " خلنـا من هالسـالفه يبـــا , ما أبي ولا أحب أتكـــلم فيـها "
ناصر ما كان يحتاج إلى تأكيد صقر ..فأهو يدري إنه ولده يحب مـــــــرته .
فذكرى ذاك اليوم لازالت بذاكرته ..!
و وضعـه الحالي يأكد على هالشي ..
هذا اللي إسمها زيـنه , واللي ما كانت تارسه عينه لها تأثيــر قوي على ولده ..!
فأهو يعشقهــا بجنون ..!
وما يعرف هالشي الا اللي كان حاس بهالإحساس بيوم من الأيام ..
كمــل صقـر " أنا كلمت شليبـا ؟! "
ناصر تشتت إنتباهه , وعلى طول ركز على كلام صقـر .
هذي خطوه ثانيه قاعد يتخذهـا في سبيل التغيير ..!
إرجاع زوجتـه الحامل بإبنـــــه ..
فأهو ما يبي يضيع سنين من حيـاة إبنه اللي جاي ..
قال ناصر " إنزين وشقالت ؟!! "
صقـر ركز على وجـه أبوه ..
وبعدها قال " ما عطتني رد ..الواضح إنها متردده , ومو متقبــله الفكــــره , أعتقد إنها ودها ترد الهنــــد ..يمكن تترك الولد عندنا وتروح ..وأنا ما أقدر أجبـرها على شي "
هـز نـاصر راسـه بتفهـــــــــم !!
من الداخــــل كان حاس بالتــــــــوتر فالتغـــيير اللي قاعد يحـاول يحدثـه بحيـاته وأسلوب حيـاته ..صعـــــــــــب وشديد الأثــر .
فأهو ليلحين تجيــه لحظات ..ما يتقــــبل وجود أحد في حيــاته ..
يا رب عـــــــــــــونك ..

بعد لحظات :
نور :

صلت الفجـــر وإهي ألحيــن بإنتظار رجعة أبوها من المســجد .
فإهي ودهـا تتكـــلم معاه ..!
ما لقت لها فــرص ما بين إنشغالاتها إلا اليوم ..!
لأنها كلما كانت تبي تتكلم معاه ..تحس إنها ما تقدر أو تخاف يكون كلامها غير مقنع.
دخـل أبوها للصـاله ..
ما كان منتبـه لها , إلا لما وقفت ..
إلتفت بســرعه لجهــتها , بعدهــا إبتســـم لها ..
وإهي ردت هالإبتسامه , وإهي تقـول " تقبــل الله يبـــا "
رد عليــها " منــا ومنـــج يا عــــروســـــــه " أضاف واهو يقـول " شمقعدج لي ألحين , وإنتي وراج عرس ؟!! "
قـرب منــها , وحط إيده على كتفــها ومشى معاها للدري ..
وقال بحنـان " لا يكــون تحاتيــن باجــر " وأضاف " إنتي تدريــن إنج تقدريــن تتراجعيــن عن هالقرار بأي وقت ؟! وأنا مستعد أوقف معاج ؟!! "
أبوها كله حنـان , وما تدري شلون لولوه تبي تكسـر بأبوهم بذيك الطريقه !! أبوهم ما يستاهل ..
إبتســمت لأبوها وقالت " مشكــــــور يـبا , بس الحمدلله مرتاحه من زيـاد "
وقفت وحـست بأبوبها يوقف ..
وقالت " ودي أكلمــك بموضوع ؟! " وكمـــلت " بس ما أدري شلون بتكون ردة فعــلك "
عقـد أبوها حاجبـه , وقال بكل جديـه " قاصــرج شي ؟!! ناقصج .."
حطت إيدها على ذراع أبوها ..
وقالت بكل حــب ولهفــه " لا يـبــا إنت ما تقصـــر , عسى عمرك طويل "
وأضافت " الموضوع عن لولوه ..! "
عقـد أبوها حاجبــه ..
وقال " لولوه ؟!! قاصرها شي ؟!! "
نور حسـت بالخجـل ..
ما تدري إن كان لها حـق تتكـــلم ..بس إهي ما تبي هالرجل العظيــم يتألم من إحدى بنـاته .
ما تبي يظنهم ناكريـن للمعروف ..
مع كل اللي قدمه لهم ..ما يقدرون يرمون كل شي بوجهه , مثـل ما تبي لولوه تسـوي ..
قالت بهدوء " يبـا يصيـر نقعد شوي ؟!! "
فيصل أصـابه قلق ..!
لولوه شفيــــها ؟!! ليش نور تبي تتكلم عنـــها ..
قعدوا على القنـــــــــــفه ..وقال أبوها بقلق " يـلا تكلمي , شفيـها لولوه ؟!! "
قالت نور " بتكلم معاك عن اللي متقدم لها .."
شافت تغيـــر وجـه أبوها ..إلى تعبيــــر أكثــر جديـــه ..
وقال " أمج كلمـــــتج عن هالموضوع ..؟! "
حســت إنها غلطت بالطريقه اللي افتحت فيها الموضوع ..
وقالت بســرعه " لأ أمي ما قالت لي ...أنا سمعت "
عقــد أبوها حاجبه بغضب !!
يعني كانت قاعده تتسمــع !
ما كانت تبي تحمـل أمها المسؤوليه , فإهي اللي حطت على عاتقهـا محادثة أبوها ..
كان أبوها كأنه يبي يقـــوم ..
قالت بعجـــله " يبــــــــــا ياليــــــــــتك تقبـــــــــل فيـــه ..طلبـــــــــتك إقبـــل فيـــه "
قال لبنتــه بصرامه " إذا جا لها واحد كفو , ما راح أرده "
أبوها عنيــد ..
مو فاهم فكـــرتها !!!
قالت نور " إنـزين يبـا , ألحين اللي متقـدم لها ..شنو اللي فيـه واللي مخليك ترفضــه ؟! "
فيصل ما يبي يتناقش بهالموضوع مع بنتــه .
فهذي المواضيع إهي ما لها علاقه فيــها !!
لكن لما شاف نظرة عيـونها ما قدر يردها وقال " يشتغل بوزارة الخارجيـه , بتتأذى معاه "
إحمدت نور ربهــا إن أبوها أخذ و ورد معاها ..
فقالت " يبـا هالشي إهي تقـرره ما يمكن إهي تبي تســافر , وتروح وترد ... ليش ما تسأل عنـه , عن أخــــلاقه وتشــوف ..!! إن كان يستاهلها ولا لأ ؟! "
المشكله إنه فيصل مو شايف بجراح عيب إلا هالشي .
فأهو يعرف الريـال , يعرف أبوه ..ويعرف أهلهم وربعهــــــم !!
قال بكل صرامه " إنتي إهتمي بنفســج وبعــرسج باجـــر لا تفكــرين بإختج "
قام من مكــانه ..
وقبــل لا يروح قالت بيأس " يبــا أنا خـايفه لا يمــر يوم تسوي فيـه لولوه شي ما يرضيــنا "
وقف مكــانه , واهو حاقد حواجبــــــــــه بغضب ..
" شتقصديـــــــن ؟!!! "
وبعجــله ..قالت " يـــبا يبــا لولوه تبي تتزوج "
إشتد إنعقاد حواجب أبوها .
وحســت فيه كأنه غضب أكثـر !
بان الغضب على ملامحـــه " شالكــلام اللي تقــولينه عن إختج ؟! "
فيصل كان حاس إنه هالكــلام عيــــــــــب بحق لولوه ..
شنو يعني لولوه تبي تتزوج !!
يعني تبي ريــــــــال !!
حس بالدم يفـــــــور بدمــــــه من هالتلميــــــــــج !!
بس إستمـــرت " يبــا هالكلام مو غلط ولا حـــرام ...إهي كبــــــــــرت ..وصارت تتأثـــر لما تشوف صديقاتها , واللي بعمــرها يتزوجون حتى إختها اللي أصغر منها بتتزوج ."
كان هالكلام نفـــس كلام غنيــمه من قـــبل ..
بذاك الوقت ما عطاه الإعتبار ..
لكن لما سمع نفس الكلمه من نور ..تردد , وخاف !!!
وأضـافت " أنا أختها وأدرى بمشاعــرها , أحس فيـها متغيره , ومتضـايقـــه .."
وكمـــــــــلت بإصـرار " يــبا إذا ما كان فيه عيب بأخلاقه أو ديـنه ..أو عايلته فأقبـل فيـــه .."
أصــر فيصل على رايـــه واهو يقــول " أنا أبي لها الزيــن "
أبوها مو قاعد يسمع لها ..
قالت بسؤال جدي " يبا إنت ليش قاعد ترفض الخطاب ..ليش جذي متشدد ..ما في أحد كامل ..حتى لولوه مو كامله "
فيصل متعجب منها ومن غنيمه ..
شنو يتوقعون يرمي بناته على كل من هب ودب ..!
ما يسمعون القصص ..
ولا أهو بس بروحـه اللي يشـوف ..
عقـــــــــــد فيصل حواجبــه وقال " ما تشـــــــــوفين اللي حــولج ...البنات شكثـر متأذيات من الطلاق ..شكثر بنات أزواجهــم مأذيـــنهم ..البنت أمانه عند أبوها ...لازم يسلمهـا للي يستاهلها " وأضاف " وكاني ما رفضت زيـاد ؟!! لما شفته كفو , وأنا أعرف أبوه .."
إهي نفسها ماتدري شلون قدرت تفلت من السالفه ..
قالت بهدوء لأبوها " أشوف البنات المتأذيات , وأشوف البنات السعيـدات ..كل حيـاة لابد ويكون فيها مشاكل , ويكون فيها أفراح "
ما كان عندهـا إضافه على هالكلمه غير إنها قالت " يبـا إنت شوف لولوه ..لاحظها ..لاحظ تغير تصرفاتها ..لاحظ ضيقــها "
اهو ملاحظ تغير بنته الكبيــره ..
ودايماً يتساءل عن هالتحـول ..حتى مره قام سألها ..لكن ما كانت ترد .
معقـول يكون هذا السبب ..
بس ليش ؟!
أهو داير باله علــيهم مو مخلي عليهم قاصـر ..
قال بصـوت كله ألم " إهي قالت لج هالكلام ؟! إهي قالت لج إني مقصر عليـها "
راحت نور لأبوها على طول ومســـــــــكت إيده , وبــــــــــــاستها ..
وإهي متألمــه لنبـرة الألم اللي بصـــوته .
وقالت " ما عشنـــــــــا ولا كنــــــــــا لو نقــول إنك مقصــر ..إنت شايــلنا على كفــوف الراحــه "
حط إيده بحنان على راس بنته , وقال بحـزن " والله يا بنتي , من كلام أمج , وكلامج ..حاس كأني مقصــر بكثيــر أشــياء "
رفعت راســها وقالت وإهي تنفي هالتهمــه " لا يبـــا .. إحنـا ندري إنه هالشي من حرصـك عليــنا ..الله لا يحرمنا منك .."
هــز راســه ..
ومشى عن بنتــــــــــه ..
اللي شافته وقلبــــــــها متقطع ..!

الصباح :
زيـنه :


في الفراش اللي مره جمعهـــم مستلقيـه تشوف السـاعه ..
تشوف الثواني تتحــرك ..
وألحين تحركت الدقيـــــقه ..
دقيــقه ورى الأخرى تمـــر وإهي مستلقيــــــــــه ..حتى بعد مرور أسبوع ما خفت صعوبة الوضع عليها ..
وما قدرت تطلع من البيــت وتعيش عند منيره..!
فإهي تدري إن إطلعت فإهي ما راح ترد !! وراح ينتهي كل شي !!!
وراح تكون حطت نقطة النهايــه !
إذا كان اهو تخلى وإهي تخلت عن هالزواج فما راح يكون في شي ..
وإهي صلت إستخاره ! وهذا اللي إهتدت له ..إنها ما تخلي بيــــــتها ..إي بيتها..المكان الوحيد اللي حست فيه بالسكن وانه فعلا بيتها..!
لكنها مجـــروحـــــــــــه منــــــــــه حيـــــــــل ..بطريقــــــــه خيــاليـه ..ومؤلمـــــــــــه .
شكـــــــــــــه فيـها معذبـــــــــــها !!
كلامــــــــــــه القاسي ..
ردود أفعاله القويه والقاسيه..
أهو يختار أسوأ الكلمــــــــــــات والطرق علشان يجـرحهـا ..!
وإهي كانت غلطانه بس مو لهالدرجـه .!
اهو هجــرها هجـر كلي ..!
ما كأنها زوجتـــه ..كأنه ألغاهــا من قاموســه ..
مثـل ما وعد إنه يســوي ..
كأنها شي ما له وجود ..!
وهالشي كان سهـــل عليـــه ..ما إستصعـــــــب السـالفــه !!
نفسـه ما ردتـــه ..
تحـــبه واهو ما يحبــــــــــــــها ..بكل بساطه .
علشان جذي إهي ما تقدر تتخلى عنـه واهو يقـدر .
علشان جذي إختـار أقسى الكلــمات , علشان يذبحهـــا ..
علشان جذي مقـرر يتزوج غيــــــــــرها ..
أنيــــــــــــن صدر من أعمـــــاقها لهالفكــره ..
حريقـــــــــه بصدرهـــــــــــــا ..ردت تشب وإهي اللي ما إنطفت من أول ما قال هالكلمـــه ..
تذكــرت طريقتـــه الفظيعه بصدهــــا !
إبعادهـا عنـــــــــه ..وإهي ما صدقت تتجـرأ .
تحسه إختار هالطريقه بالذات لأنه يدري إنها راح تحطمــها ..
ما راح تسمح له يحطــــمهـا ..!
إهي شنو فيـها علشان زوجهـا الأول يعجـز يقـرب منهــا ..والثاني بإختياره يبتعد ..!
إهي مو حـــلوه !!
مو جذابــــــــــه !!
غمضت عيــونها من إهانة هالفكــــــــــره ..
ردت فتحت عيـــنها ..
شافت ثواني الساعه المتحركه ..
لازم تقوم ..
بس أي خطوه تقوم فيها صعبه ..
الإلتفات صعب ..
الجلوس صعب ..
وضع رجلها على الأرض صعب ..
قيامها صعب ..
المحافظه على توازنها صعب ..
بإختصار الحياة من دونــــــــــــه صعبه ..
أي حركه تعتبرها مجهـــــــــــود ..
رجعت إنتفضت كرامتـــــــــــــها ..
أكـــــــــــــــرهه
إي أكــــــــــــــــــرهه .
ما أواطنـــــــــــه بعيــــــــــــشة الله ..
لا يــــــــــرد ما أحتــاجه !!
ما تظن إنه في وحده بعقـــــلها بتتزوجــــه هالحجـــــــــــــر ..!!
وكانت تدري إنها كاذبه ..!

بدريه :


دخـــلت بتـوتر للفصــل !!
الألم في بطنــــــــــها أزعجهـــــا وإهي تدخــل ..
من زمان ما تواصلت مع العالم الخارجي بمكان ما يكون متعلق ببناتها ..
بموضوع متعلق فيها إهي ..وبهواياتها ..
تعلقت بالكاميرا الجديده اللي شرتها علشان هالدوره .
نقلت النظر على الموجوديــن , كل الكلاس كان فيـــه حريـــم , مختلفيـــن الأعمار ..!
تحــركت بتردد لأحد الكراسي وقعدت ..
أخذت نفــــــــس عميق !!!
خوفها وإضطرابها كانوا دافع علشان تكمـــل هالدوره ..!
لأنه خلاص ما عاد فيها تكون حبيسـة هالمخاوف , ما تبي تحكم على نفسها , وشخصيتها بالإعدام لمجرد تجربه سيئه ..
دخــل المحاضـر ..
وإهي أخذت نفــــسها بعزم ..وبدت تنصـــــــت للكـــلام ..
لما إنقطــع إندماجهـا بدخول أحد الأشخاص , بنت ..كانت قاعده تعتذر عن التأخيــر ..
إدخلت وإقعدت بالكرسي بقــرب بدريه , وإهي تتحلطم وتقــول " الشـــوارع زحمــــــــــه "
إلتفت عليــها بدريه بإبتســـامه ..لكن من غير تعليق أو إهتمام فعلي ..
كانت بترد تندمـج مع المحاضر ..لما كمـلت البنت بنفـس الهمس " والله أقولج ..تييب اليهـــــــــــد , وأنا الله خيــر ما قعدت مبـجر راحت علي نومـه "
بدريه ردت إبتسمــت ..من غير تعليق ..
إنتهى الشــرح ..
وقال المحاضر " أتمنى منكم إنكم تحضرون لي صور فيها تطبيق للي تعلموته اليوم بالمحاضره "
وأضـاف " مشكـــــــــــورين "
ظلت لحظات بالكــلاس ..وسمعت تعلقيات البنات عن الموضوع , وعن الأشيـاء اللي تعلموها ..
موضوع مختلف كليـاً عن دلال , وداليـا ..شي تعرف عنه ..وتحس إنها جيده فيه ..
إهي مع ناس مشتركه معاهم بنفس الهوايـه ..
تبادلت الأرقام مع بعض البنات ..
وإبتســـــــــمت بإنشــراح , بالخارج إبتسامه وبالداخل إبتسامه !!
أخيـراً إطلعت من شرنقتها !!
وإستمتعت بنشــاط مختلف وغير متعلق ببناتها ..

صقـر :


" هــلا منيـــره .."
للمره الألف يكون معزم ينطق لفظ ( يمـه ) إلا إنه بأخر ثانيـه يغيــر لأسمهــا ..
يمـه ...
يمـــه ..
يمـــه ..
متى يقدر يقول هالكلـــــــــمه !!
سمع صــوت أمـــه تقـول " أنا قلت لك إنه اليوم عرس بنت خالتك غنيمه ...عدل ؟!! "
غمض عيــــــــــــنه بقـــــــــــــوه ...أوووووووووووه توه يذكــر راحت هالسالفه عن بـــاله ..!!!!!
استغفرالله ..
عرس زيــاد ..وعمه عبدالعزيز بيكــــــــون هناك ؟!!!
يالله ..!
قال بهدوء " إي قلتي لي "
قالت منيـره بصرامه " بتروح ..عدل ؟!! "
يمــه ..
يمــه ...
" إي إن شاء الله منيــــره بروح "
ضرب الطاوله بقوه ....قــــــــــول الكلــــــــمه الزفت ...ليش ما تقـــول ( يمــــــــــــــه )
منيره اللي كانت حاسه بالخلافات بين المتزوجيـن حديثـاً قالت بصرامه " ما راح تيي اليوم تتغدى ؟! "
ضيق غمر صدره من هالطاري ..
وما كان منــه إلا إن رد بجفاف وبروده " لا ما راح أقدر "
حاولت تتمالك أعصابها ..
فأهو هاجر البيت صار له فتــره ..
وإهي مو عميـه علشان ما تلاحظ غيـاب سيـارته بالدخول والخروج .
في سالفه بين هالأثنين ..
والأثنين ما يبون يتكلمون عنهــا ..
قالت بكل جديـه " ومتى بتقدر ؟!! "
لما أعرف حل مع نفـــــسي ..!
وحل معاها ..
وأستوعب أنا شنو أبي ..!
وإهي شنو تبي منـــي ؟!!
بس أجاب بإختصار " لما تخــلص الظروف ."
غمضت منيــره عيــونها ..
وقالت لنفسها ( إنتي مالج شغل يا منيــره ..الداخل بين البصله وقشرتها ما ينوبه إلا ريحتــها )
ردت علـيه بهدوء " على راحتك ..خلاص أروح مع السايق اليوم للعرس ؟! "
صقـر عقد حاجــــــــــبه ..
كان وده لو يقدر يقول لأمه أوكي روحي مع السايق ..
لكن ما يقدر ..
فقال بهدوء " لا يا منيــره , خليني أنا أمرج وأخذج للعرس "
إبتسمــــــــــــت منيـــــــــــره براحــــــــــه ..
فإهي مشتاقه لولدهــــــا !!
أما صقــر فأنب روحــه ..وبعديـــــــــن يعني ..قول :
يمـــه ..
قول هالكلمه ..
يمــه ..
الكلمه حتى أسهـل من كلمه منيره وأقل حروف ..
هالسالفه قاعده على صدره ومقلقته ..
لكن إنتهى الإتصال من غير لا يقولها ..!!!!

شيلبا :

يا ترى شفيــه ناصر ؟!
شنو مرضـــه !!
من أول ما قال لها صقــر حست بالقلق ..!
مشاعر متملكــتها غريبـــــه ..
قلق , ليش تقلق عليــه , واهو عدة مرات ضاربها ..ومأذيهــا !!
يمكـن لأنه بداية زواجهـم كانت غير ..!!
ما تغير بشكل جذري وكلي إلا بعد ما عرف بحمـلها ..!
دايماً في شي بداخلها يقول إنها تقدر تغيره , وتقدر ترده مثـل ما كان قبـل ..
شنوو القرار ألحين ؟!
من بعد ما تكلم معاها صقـر عن رغبة ناصر بإنه يرجعهــا وعن أسفــه ..
حست بالضياع .!!!
خوف !!
ما تدري شنو القرار السليــم ..
إهي من أول ما إنتقلت إهني وإهي فكرتها الرئيسيه الرجوع للهند .
عند أهلها ..
من غير طفــلها , لكن هالقرار صعب ..!
فإهي ما تقدر تتخلى عن طفـلها ..مهما قالت ..! ومهما ظنت !!
ومع كلمة صقـر ..ردت تتساءل ..
هل تعيش بالكويت ؟!
مع الخيـر ؟!!
بعيد عن الفقر , وخدمة المنازل ..بعيـد عن العمل والتقشف اللي تعيشه بالهند !
من أول ما تولى صقر العنـايه فيـها , وأهو حاطها على أكف الراحــه ..!
بس نـاصر ..
ناصر يبيــها ترجع ..!
فإهي بتكون زوجـة كويتي !!
ومن اللي فهمته من صديقاتها الهنود إنها تقدر تاخذ الجنسيـه الكويتيه بعد فتره ..!
وراح تكون أم كويتي ..!
إن غلط علـيهـا ناصر فإهي دايماً تقدر تلجـأ لإبنــــه !! أهو راح يساعدهـا ..
وبهذا تقدر تضرب عصفورين بحجـر ..تقعد مع إبنها بالكويت ..وتعيـن أهلها بالهند ..
إرتجفت كلما فكرت بعنف ناصر , وضـــربه ..
لكن هالمره تدري إنه لها ظهـر !
فصقر ما راح يسمح لأبوه يضربها ..مره ثالثه ..
عقـلها حتى الأن مو مستوعب إنه ناصر إعتذر .. ويتأسف منهـا ..
طول علاقتها فيـه , ما حست إنه شخصيته تقبل هالتصـرف ..غريب ..!
هل معقوله مرضه أثـر عليـه ..! غير أفكاره ..
عضت على شفايفها .
إستـرخت بالمكان اللي قاعده فيـــه , صقــر قال لها أمس " إذا إنتي ما تبين ..قولي ما أبي ..ما في مشكله "
ما في مشكله .
يا ليـت عندها من يدلها على القرار السليـــــم ..!
مسكـت الموبـايل اللي عطاها إياه صقـر ..!
بس تعتقـد إنها توصـلت لقرارها ..فاللي إطرحته على نفسـها من أفكار ومقارنات ..
يرجح كفه على الكفه الأخرى ..
تحتاج لوقت للتفكيــــــر .

زينه :

مرهقـــــــــه وراسها مصدعهـــا ..
قالت بإصــرار " شيماء بليــز ما أقدر أروح العرس , حاولي تتفهميـــن قراري "
ما تقدر تلبي دعوه لعــــرس ورقـــص وإهي نفسيـــتها صفـــــــر جذي .
صعــب .
خاصه إنها بالليـــل ما عندها غير البكي , فالصبح راسها يصدعهـــا ..
قالت شيماء بضيق " ليش ريلج مو راضي ؟!!! "
زينه بهالوقت كانت راح تصيــح بكل جديــه , دمعتها صايره على طريف ..مو قادره تتمالك نفسها , أي أحد يطريــه تبجي !!
أي ذكرى لكلامه القاسي تبجيها ..
الغيـــــــــــره حارقتها ..
ما تنام ..
وجــرحه لها حارقها مايخليها تنام ..
مشاعرها صايره مرهفـــــه لأقصى حد , ومؤلمـــه لأقصى حد ..
لكن مع هذا كله ما قدرت تتخلى عن بيــتهم ..!
جنون ..
بس تحس تخليــها عن هالبيت , يساوي تخليــها عن زواجهـــم , وهالشي إهي ماتبي حتى تفكـــر فيـــه .
ليــاليها إن قدرت تنام فإهي مملؤه بأحلام مرعبــه , عنه اهو ..وعن رزان ..
عن إنه تخلى عنها وتركها بمكان ما تعرفه ..
دايماً مرتبطه فيـــه !!!
قالت وإهي حاسه بخنقـه " لا ما مانع .."
لأني ماني قادره أحصــله ..
ردت شيماء بحــرص وإهي تقاطعـــها " خلاص عيـــــل تعالي "
زيـنه إستحت لأنه هالأصرار من قبـل شيماء واللي صار له أيام أحـرجهـــا ..!
ما تقدر تردهـا أكثــر من جذي فقالت وإهي تحاول تبتسم " خلاص ..أوكي ..أوكي "
إنتهت المكالمه على هالوعد ..
و زيــنه حطت لها جبن ..و زيــتون بصحنــها , قالت بهدوء " هذي شيماء , بنت الـ ( ..) عازمتني على عرس إختها اليوم ..ومسكيــنه صار لها فتره تلزم علي ..شكلي بروح "
منيــره اللي كانت قاعده قبـــالها ..إرتاحت , أخيـراً زينه تبي تطلع من الحاله اللي اهي فيــها ..
فهي صار لها أيام ..مكتئبه ..
يمكن بالعرس توسع صدرها ..
قالت بإبتسامه , وإهي بداخلها عتبانه على ولدها " زيــن تسوين , علشان تطلعين من الجو اللي إنتي فيــه "
زينه ما كان جوابهــــا إلا إبتسامه بارده اللي إهي فيــــــه كله من ريــلها , اللي ما يحبــها ..!
إنســـــــــدت نفســـها ..!
كلما تتذكر قسوته , وطريقته برمي الكلام ..وصده , تحـس بألم ..يذبحهــا ويخطف أنفاسهـا .
أضافت منيـره " عاد اليوم عرس زياد ونور بنت غنيمه "
هـزت زينه راسـها بالموافقه , فإهي تذكر هالشي ..أخيــراً راح يتزوج الأثنيــن ..
الله يهني سعيد بسعيـــده ..
نور تســـتاهل كل خيـــر ..
بس ما قدرت تمنــع إحساس بالغيــره يتمــلك قلبــها ..!
حاولت تكتمــه بس ما قدرت ..!
كلما ذكرت شلون زياد أتصـل عليـها علشان ترفضـه لأنه يحب نور..تغار ..
تغار لأنه صقـر مو معقوله يسوي هالشي علشانها ..!
لأنها مو معقــوله يحبــها مثـل ما زيـاد يحب نور ..!
بدت تاكل الأكــل قبالها , وإهي تحاول تمســد راسـها اللي بدى يصدعــها ..
منيـره شافت هالحركه بضيق ..
إهي ما كلمت صقـر عن حركاته , لأنه زينـه ما قالت لها شنو سبب الخلاف ..ما قالت لها عن شي أصلاً .
وزينه ليلحين ببيت صقر ..
فتجنبت الكلام مع صقر أو زينه خوفاً من إنها تسبب مشاكل أكثر مما تصـلح ..!
قالت منيـره بهدوء " تعالي باجر معاي الشـاليه ..شوفي البنات , غيري جو "
ما علقت زيـنه للحظه , إهي ما قالت لمنيــره عن شي ..
لكن الواضح إنه منيره ملاحظه كل شي ..وفقالت " لا مالي خلق كلام "
منيره تكلمــت بصــرامه " أنا ما راح أترك البيت من غيرج ..وإذا على الكلام , أنا بكون معاج , وبأشوف منو اللي بتمد لسانهـا وتتكلم ..وبعديــن في مليون شي وشي يشغل صقـر عنج , وأهمـها مرض أبوه "
زيـنه شافت منيـــره وفكرت في كلامهــا ..
صح !!
شفايدة القعده إهني ..حاطه إيدها على خدها , تنطـر الأمر السامي من حضـرة السي سيد بالعفـو عنهـــا !!
اهو ما يه كل هالأسبوع بيي ألحيــن !!
وأدام منيــره معاها ما أحد يقـول شي ..!
تحس ودهـا تقعد بمكانها السري ..
تسمع صوت البحـــر ..يشفي قلبــها ..
هالشي قرر عنهــا وقالت بكل هدوء وجديـه " خلاص إن شاء الله "
وكان جاوبها مكافأته إبتسامه من منيـــره ..!
زينه طول جلســتها بعد ذلك على مائدة الفطور تقاوم التفكير بزوجهـا ولما إنجحــت بإبعاده ما قدرت غير إنها تفكر بأبوها ..
فإهي صارت تكره المخـزن ..
وماعاد فيـها تحاول النزول لهنـاك ..!
وإهي تبي تعرف عن أبوها ..
ما عاد فيها تستحمـل الغموض ..الأسرار ..
ما كانت تبي أحد يدري إنها تبحث عن الحقيقه المتعلقه بأبوها ..
لكن ألحين ما عاد فيها تهتم ..
ورفعت عيــونها الذابــله لمنيـره , وقالت بهدوء " خالتي ..أبي أسألج عن شي مهم ؟! "
كانت منيـره قاعده تاكـل ..وإرفعت راسـها ..وقالت بهدوء " شنو سؤالج ؟! "
قال بإختصار " عن أبوي ؟! "
بان على منيــره عدم الرضـا فإهي ما تحب تتكـلم عن الماضي ..
الذكريات صعبـــه ..
وما في داعي الماضي يأثر على الحاضر ..
قالت منيـره بهدوء وجديــه " شفيــــه ؟!! "
زينه ما كان لها خلق ..بالطواله .. فقصت على منيـره الموضوع من بدايــته , علشان تفهــم ليش إهي تبي تعــرف الحقيقه ..
زيــنه شافت منيـره ..وقالت " عمي عبدالعزيز يه لي ذاك اليوم ..وقالي إنه أبوي مختلس ..."
منيــره على طول عقــدت حواجبـــها , وبان الغضب على ملامحهـا ..
هذا منو يظن نفسـه علشان إيي , ويقـول هالكلام ..!!
هذا الظاهر كبـر ودبـــــر !!!
وقالت " قالج إنه أبوج مختـــلس ..؟!! وليــش قال هالكلام , شالداعي حقـــه ؟! "
زيـنه ما تغير أي شي بويهها ..!
إهي تبي تعرف الحقيـــقه , عاجــل ولا آجـــل ..
فقالت بكل جديـه " خالتي ..بغض النظر عن السبب ..أبي أعرف صحة هالكلام "
منيــره على طول توترت ..
تكره هالفتره من حيـاتها ..فإهي إضطرت للمره الألف إنها تكون قويه علشان اللي حولها , علشان نفسـها ضد كلام النـاس ..
وقالت بهدوء " أبوج عانى من أزمـه ماليــه ..ورهن البيــت ..و ...صقر شرا البيت " وقفــت منيــره الكلام , وأضافت " أنا قلت لج هالكلام ..!! "
زينه عرفت الإجابه ..
كان واضح إنه منيره مو قاعده تعطيها إجابه واضحه ..
قالت زيـنه لمنيــره " يعني أبوي أختلس , جم إختلس ؟!! ومن منـــو ؟!!! "
منيــره ما حبت الإساءه إلى صورة خالد عند بنته !!
منيــره قالت بصـرامه " أنا ما قلت هالحجي ؟!! "
زيـنه ..ما تبي هالمماطله فإهي تبي تعرف الحقيقه , بس ..
قالت بهدوء " خالتي أنا بس أبي أعرف الحقيـــقه , علشان أعرف شلون أرد على الناس .. هالشي ما راح يغيير علاقتي بأبوي ..أبـــوي مات "
قالت منيـره " إنتي قلتيــها ..أبوج الله يـرحمـه , والماضي ماضي ..الناس ما لهم علاقه فيـــه "
قالت زيــنه بإصــرار وتعـــب " الله يخليــــــــج منيــــــــــره , أنا عارفه هالحقيـقه ..بس أبي أعرف شلون صارت ؟!!! "
منيــره شافت اليأس بعيــون زيـنه ..
كان بين قراريــن يا إنها تقـول أو لأ ..!
لكن إنها تقول بهالحاله أحسـن من إنها تخبي ..لأنها تخاف لو راحت زيـنه لشخص ثاني راح تسمع القصة بإسلوب مختلف ..إن سمعتها منها إهي اللي تحب خالد غير لما تسمعها من احد ثاني..
فتنــهدت ..وقالت بهدوء " أنا راح أقولج اللي أنا أعرفه بإختصار "
زينه بدت تحس بقلق ..
وتحفــز كل ما فيــــــها ..
راح تعـــرف عن أبوها ..!
راح تعرف عن الموضوع اللي كانت ما تدري عنه شي ..
قالت بكل جديـه " أوكي ..قولي لي . "
وبدت منيــــــــره الكلام ..
وإنتهـــــــــــت ..بهالجمله الصارمه " القضيـه إنتهـــت , وكل شخص خذا حقـــه ..عمج عبدالعزيز كان قاعد يلعب بالكلام , أبوج مو مختلس ..أبوج مر بأزمه ماليـه , وطلع منهــا , من غير أي حكم قضائي يديــنه "
وظلوا ساكتين حتى بعد إنتهاء منيره من شرحهـا وكلامهــا ..
زينه قاعده مكانها , وعقـلها يحاول يفهــم الموضوع عدل ..
وإهي مصعوقه !!
من اللي فهمته من منيره ..
أخذت نفس عميق , لكن حتى التنفس بهذي اللحظه كان مؤلم ..
حاولت تلخص اللي فهمته ..
إيدها رجفت .
أوكي ألحين يعني ..
اللي صار من كم سنه هو الأتي .
دخل بسوق الأوراق الماليه , الأسهم ..شخصياً .
خســر خســــــــاره كبيــــــــــره وفادحــه , أو بالأصح خسـر كل شي ..! وصارت عليه ديون .
أخذ فلوس من حسـاب الشركه ..! اللي اهو رئيس مجلس إداره فيها !!
وبألم فكرت ..
أبوها إختلس مال من الشركه ..على أمل انه يربح ويقدر يعوض خسارته ويرد اللي خذاه من الشركه!
وخسر هالفلوس بعد بسوق الأوراق الماليه .
وأثناء المراجعه السنويه إكتشتفت الشركه إختفاء هالمبالغ .., طبعاً أبوها أعفي من مهامه ..
إنرفعت قضيه ..
أبوها رهن البيت عند البنك مقابل قرض ! علشان يسدد ..الديون وتنتهي سالفة القضيه ..!
طول عمرها رافعه راسها ومفتخـره بأبوها , جدام الكل ..!
بس واقع إنه أبوها مختلس مثل ما قال عمها عبدالعزيز ..صدمه وألم فظيع ..
تتساءل منو يعرف هالشي بعد ؟!
صقر .
عمها عبدالعزيز أكيد ..
الكل ..
أول ما سمعت هالأدعاء اللي من عمها عبدالعزيز إنصدمت ..أو بالأصح إخترعت ..و كرهت إنه الماضي كله أسرار , ..لكن لما فكرت بالموضوع بعمق ..
ما صدقت إنه أبوها يسوي جذي .
بس ظل السؤال يلاحقها ..مدى صحة هالكلمه ؟!
يبه ليش جذي !
أبوها مختلس ..!
تحس بروحها قاعده تتقطع من الداخل .
أبوها إهي ..!
شلون تقدر تشيل هالألم اللي بقلبها ..!
شلون تقدر تشيل هالحرج !
كاهي الحقيـــقه , إنعرضت علي ..
كلهــا !!
شنو أبي أكثـر من جذي ..
بانــــــــت الحقيقـــــــــه المــــــرهقـــه , على الأقل ألحيـــــن إن فاتحهــا أحد بهالموضوع تقدر ترد ..
تعرف شتقـــــــــول ؟!!!
إبتسمت لمنيـــره , وقالت " مشكــــوره كنت أحتاج أسمع هالحقيــــــــقه " وأضافت " إسمحي لي منيــره , ودي أروح أنام ..أخذ راحتي قبــل العرس بالليـــل
منيــره شـافت بنت زوجهـا تطلع بضيق ..
وتتمنى من كل قلبها إنه الحقيقه تفيد زينه؟!!

بالليــــل :
صقـر :


وقف سيارته عند صالة الأفراح ..ظهـــره ملتهــــــــــب , مو مستحمل الملابس اللي عليــــه ..
عرس زياد ..!
بداخـــــله كان مستصعب الدخول ..!
كاره هالدخول !! الغيـــره والأفكار ذابحته ..! مو مستحمـــــــل يشوفهم ..!
لكن اهو عمره ما هرب من أي مواجهه ..! ما راح يبدي اليوم خاصه إنه الدعوه كانت من عمه فيصل زوج خالته غنيمه ..
واهو ما يقدر يتجاهل هالدعوه علشان أمــه ..على الأقل ..!
نـزل بكل ثقــــه ..
لكن ما ينكــر إنه شوفة عمه عبدالعزيز و زيـاد ثقيــله على قلبـه خاصه بعد ما شاف زوجته تسترجع أيامها معاهم .
وخاصه إنه راح يذكر فواز ..
وخاصه إنه الموقف الأخير ما بينه وبين عمه عبدالعزيز أزفت من الزفت !!!
دخـل وكان قبـله صف من الرجـال ..يسلمون ..
حس بعيـــون عليـــه ..
رفع راسه , وإكتشف إنه اللي يشــوفه كان عمه عبدالعزيز ..
لكن ويهه ما بان علــيه شي !!
عبدالعـزيز لما شاف صديق ولده ..واللي متزوج زيــنه بالوقت الحالي ..!
توتـــــــــر !!
فأهو ألحيــن أكيـد يدري عن فواز ..!
يدري عن كل شي ..!
شقاعد يفكر ويقول عن فواز ..
ليش يا زيــنه ما تزوجتي زيـاد !!
جان كل شي صار بالخفـا وما أحد يدري عن شي ..
ليش فضحتي فواز عند صديقــه ..؟!
ما يقدر غير إنه يتوتر .
أهو ما قدر يجتمــع بصـقر من قبـل , خاصه بعد المواقف اللي جمعتـــهم ..
لكن ألحين يقدر يقــوله كلمه سريعه ..
صقر لما وصــل لعمه عبدالعزيز ..كان بيسلم بمصافحه فقط .
لكن تفاجأ لما سحبه عمه عبدالعزيز , وسلم عليــه واهو يهمس بعنف " إستر على ما واجهت "
وشد على كف إيده ..بقـــوه !!
علت ملامح ويه صقر الإستغراب والتعجب .
إبتعـــد صقـــر , وشاف عمه عبدالعزيز , لكن عمه عبدالعزيز كان قاعد يتكلم مع الريال اللي بقربه .
إستر على ما واجهت !!!
تحــرك وأهو يتساءل عن المعنى !! اللي مالها معنى من وجهة نظره !!
لكن قرر بالنهايــــــه إن الموضوع أكيـد عن سالفة خطبته لزينه حق زياد , واهو خاطب بنت عمه فيصل !!
ما يدري شنو يظن عمه عبدالعزيز , لكن الأكيد ما راح يعلن إنه زوجته إنخطبت من حماها , علشان ما يأكد على الإشاعات السابقه اللي كانت تحاوطهـا ..
شاف ساعته ..
الحمــل الأثقل إنه بيروح يجيب أمه من البيت اللي ما طبه من أيام المشكـله بينه وبينـــها ..

زيـنه :

إنقلت أغلب أغراضها الخاصه بالحفــله الليــله لغرفتهـا في البيت الرئيسي ..فإهي بتروح مع منيـره , والسايق ..للعــرس ..وما في داعي بكل كشختهــا , وفستانهـا تروح وترد بالحديقــــــه ..وتتوصخ عبـاتها ..
إلبســــــــت فستانهـــا ..التركواز ..كتف مكشــوف , وكتف مستور ..على خصـرها حزام ..والفستان ساده مسدول على جسمــــها ..
شعـــرها ومكياجها إهي سوتهم في البيــــت ..
حاولت تركز على شكــلها ..إعجـــزت تحس حالتهــــا النفسيــه ما تسمح ..
مهما حاولت تقنع نفســها فإهي متعبــــــــــه ..
أخذت علبــة الشبكه وبدت تلبـــــــــس خواتمهـــا ..
ما تصدق إنه موضوع أبوها إنكشف ..
مهما قالت لنفســــها فموضوع أبـــــــوها قاهــــرها , ومعـور قلبــها ..
وبداخلــها ما كانت تبي تروح العـــرس ..فإهي تحس بخجـل من مواجهـة الناس ..!
تخجل من مواجهة أي شخص يدري بالموضوع ..
لما إستوعبت مســـــــــــار أفكـــــــــارها ..
إنهــــــــــرت نفســــــــــــــها .. ما لها حق تسوي هالشي ..!!!!
أبوها يحبــــــها , ما قط قصــر معاها !!
وإهي ما عاشت فترة الأزمه اللي مر فيها أبوها ..والكل حاول حمايتها ..!
بالعكس هالشي المفروض يحـسسها إنها محبــوبه ..ويعلمهــا قيمتها عند أبوها ..
ألحين مرت سنين على الموضوع ..وعلى كلام منيـره فأبوهـا ما تمت إدانته من أحد ..
منيــره إهي الوحيده اللي عاشت ذيك الفتره , وعانت ..!
منيـــره كبـرت بعيـــــــــنها أكثــر وأكثـر .
منيــــــــره إنسانه قــويه ..تحس الدنيــا صفعتها وايد .. كثــــــــــر ما الدنيــا علمتـــــــــــها !! تحس انه بحيــاتها أسرار ومواقف ...!
لكن مع هذا تشوفهـا مثــل الجبــل..
ودهــا لو تكون مثــلها .., بنفس قوتهــــــــا ؟!!!
بس منيـره من معدن ثاني ..غير ..أصلب وأكثــر قـوه ..
ما في شي تخجـــــــــل منـــه ..!
شــافت روحهــا بالمنظـــره بعــزم ..ورفعت راســها وظهـــرها ..
إهي متأكده إنه شكــلها حلو ..
دققت على مكيــــــــاجهــا , على شكــلها بصــوره ..
ما في شي يبيـــن الحاله المأساويه اللي إهي واصله لها , من الأفكــار والظروف ..
خذت الفحمـه اللي شابتها الخادمــه , وبدت تبخــــــــر روحــها ..
شعــرها ..
جسمـــــــها ..
مو باين أي شي من أفكــارها الداخليـــــــه ..!
شـافت رسـاله من شيماء ( وينــــــــــج ؟! )
إبتســـمت , وإكتبت رســاله سريعــه ( خلصــت لبســت , وحطيت المكيــاج ..كاني إن شاء الله يايـــه )
وإختــــــــرعت لما فجــأه إنفتـــــــــح باب غرفتهـــــــا ...
وطــلعت منيـــره وبايـــن عليــها الخـــرعه ..
" زيــــــــنه أنا تأخــــرت بالصــالون ...هالكوافيـــــــــــره عطلتنــــــــي , ما لبســـت , ولا صليـــت ..ألحيـــــــن بييي صقــــــــر نزلي له ..لا يفضحنــا على التأخيــر "
منيـره قالت كلمتــها , وطــلعت ..تاركه زيـنه بيدهــا المبخــــر ..
صقـــر ..!
منيــره ما تدري إنه اللي قالته قلب كيــانها ..!!
صقــر بيي عقب غيبة أسبوع ..
بس ما تقدر تشـــــــــوفه !!
ليش ما هقــت إنه أهو اللي بياخذ منيره للعــــرس ..
تحــركت ببطئ للعباة الإسلاميـه ..حطت المبخــــر على الطاوله المجاوره للفـراش ..وقعدت ..
صقـر إهني ..!
صقـــر بيكون تحت بعد دقايق ..مشتــــــــــــاقه له بالحيــــــــــل ..ومجـروحــه منه بالحيــل
حطت إيدها على قلبــــــــــــها اللي قاعد ينبض بجــنون ..
مشتـــاقه وخــايفــــه ..!
ما تدري إن كانت تبي تواجهـه ..تبي تتكلم معاه ولا لأ ..!
حطت إيدها على فمهـا بتوتر ..حست بالبـرود بكل أنحـاء جسمــها ..
شلون تقدر تشـوفه عقب اللي قاله لها ..
شلون تقدر تشوفه وإهي لازالت في بيتــــه ..
ألحين خافت من جرأتهــا بالبقاء في منــزله تحس كأنها بهالحـركه إدعست على كرامتهــا وايد ..
كان المفـــروض تطــــــــــلع ..
إنطق الباب , إلتفتت عليـــه , وقالت بتوتر " منـــو ؟!! "
سمعت صوت وحده من الخدم ..تقــول " بابا صقـر في تحت سيـاره "
إنتي قــويه ..
إنتي قويـــــــه ..
حطت إيدها على قلبـــــــها تبي تخفف من وقعــــه ..
خذت عبــاتها ..ولفتـــها , أخذت نفــــس عميق ..
وقالت لنفســـــها ( تقدريـــن ؟!! تقدريــــــــن تواجهيــــــــنه )
وأضافت ( تجاهليـــــــه , لا تتكلميـــــــن معاه ..لا تشــــــــــوفيـــــنه )
( إن بينتي إنج متأثره من وجوده , راح يعرف قيمــته عندج ...واهو ما يستاهل بعد اللي سواه واللي قاله )

الولايات المتحده الأمريكيه :
إبراهيم :


كل أمل له بإنه التحاليل بالكويت كانت خاطئه ..إنتهى وإنقضى ..
فالدكتور ألحين أخبره إنه تحاليلهم بأمريكا جاءت مثبتــه لما جاء بتحاليل الكويت .
اهو ألحيــــن خايف ..
سعد بقربه قال " WHAT WILL WE DO NOW ?! "
(ما الذي سنفعله الأن ؟! )
الدكتور كانت عيــنه على إبراهيم ..
وقال بكل جديـه " WE WILL START WITH THE CHEMO TO REDUCE THE CANCER IN THE BODY THEN WE WILL DO AN OPERATION TO REMOVE THE TUMOR "
( شوف نبدأ مع العلاج الكيماوي , للحد من إنتشار السرطان بالجسم وتصغير مساحاته , بعد ذلك سنقوم بعمليه لإزالة الورم )
إبراهيم ما تكلم ..
إكتفى بالصمت ..
باقى الأسئـله كلها توجهـت من قبـل سعد ..
قال الدكتور قبـل ما يروحون " IBRAIM DO YOU HAVE ANY QUESTIONS "
(إبراهيم ألديك أسئله ؟! )
قال إبراهيم بهدوء " WHEN WILL WE START ?"

(متى سوف نبدأ ؟! )
رد الدكتور بكل جديه " tomorrow "

(غداً)
إنتهت المقابله , ورد إبراهيم لغرفته بالمستشفى ..العلاج راح يبدي باجر ..
الرعب تملــــــــــــك قلبــــه ..
لكن الأمـــل بالمستقبــل يخلي رغبته بالحيـاة أقوى ..
بدى الجد ..!
دخــل عليـهم علي بإبتســامه ,واهو جايب معاه الفطور " ها بشـــروا شلون المقابـله ؟!! "
إبتسم إبراهيم بسخــريه " زفت والحمدلله "
سعد شافه بضــيق , وإبراهيم تجاهل هالنظره .
فأهو له حق يعبر عن المشاعر اللي تنتابه , وما راح يسمح حق أحد يأنبه على هالمشاعر .
شاف ساعته , وقال " ويــن كنت ؟!!! تأخـــرت ؟!! "
إبتسم علي بعد ما عطا سعد وجبتــه , وقعد بقـرب إبراهيم , وقال " كنت قاعد أمـر على جارتكم الأمريكيه , أخوها مريض بعد "
رفع إبراهيم حاجبه , واهو يقـول " مو كأنك وايد مطيـح عندهم هناك ؟!! "
هـز علي راسـه بضحكه , وقال " لا بس إهي كاسره خاطري بروحهـا مع أخوها , ما أحد يزروهم "
إبتســــــــم إبراهيم بسخــريه " لا والله فيــــــــــك الخيــر , حدك حنـــــــــــــــون "
همس سعد بصوت منخفض " لا حول ولا قوة إلا بالله "
أثنينهم إسمعوه ..
وقال علي لإبراهيم " إكل تبن لا أطيـح من عيـن أخوك " وكمــل " شقال الدكتور ؟!!! "
بكســل قال إبراهيم " قال إني مريض ؟!!! شراح يقول يعني !!! بأبدي الكيماوي باجر الظاهر مستعيليـــن على الموضوع "
بان الضيــق على علي ..!
من غير لا يشعر ..وهالشي لاحظه إبراهيم ..
وبعدها قال علي فجأه " إتصلت على بناتك ؟!! "
إبراهيم كان يعد الساعات على ما يصير الوقت اللي يقدر يتكلم فيه مع بنــاته !
اهو وبدريه محدديـن وقت علشان المكالمه عن طريق الفيديو ..
وبعدها ما صارت الساعه !!
تنهــد إبراهيــم وقال " لأ لمـــا ألحيــن , بعد شوي بأتصـــل "





يتبــع ..

 
 

 

عرض البوم صور نوف بنت نايف   رد مع اقتباس
قديم 29-03-11, 04:41 PM   المشاركة رقم: 232
المعلومات
الكاتب:
اللقب:
عضو فخري


البيانات
التسجيل: Apr 2009
العضوية: 142868
المشاركات: 11,327
الجنس أنثى
معدل التقييم: نوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسي
نقاط التقييم: 3549

االدولة
البلدSaudiArabia
 
مدونتي

 

الإتصالات
الحالة:
نوف بنت نايف غير متواجد حالياً
وسائل الإتصال:

كاتب الموضوع : نوف بنت نايف المنتدى : القصص المكتمله
افتراضي

 

التــــــابع ..








الكويت :
صقـر :


هالعرس السخيـــــــــــــف !!!
واهو يجي من عايلـه عمه عبدالعزيز الخيـــــــــــر !
كاهو مضطــر يدخل لحديقة البيــــــــــت اللي ما طبــــــــــه صار له أسبوع !!!!
فأهو مكتفي بالذهاب للدوانيه ويدخـلها من الباب اللي على الشارع ..
وألحين حاس بقــلبه يرفرف بترقب ..ومعدل دقات قلبه قاعد يزيد ..
يبي يشـــــــــــــوفها !!!!!
الشوق ذابــــــــــــحه .
يبي بس يشـوف طيفـــها !!!
يبيها تمـــر جدامه !!
بدا يطق على السكان بنغم رتيـــــــــــب ..
وين منيـــــره ؟!!
إن ما نزلت ألحيـــــــن راح يستخــــــــف , وينــزل ويدور على زوجتــــــــــــه !!
إلتفت على البيـــــــت ...يـــــــــــــــلا منيــره تعالي ..
قربـــــــه من المكان اللي إهي فيــه قاعد يعذبــه ..
ما يبي يهين كرامته ما يبي يتنازل ..
شـاف الباب الخاص بالبيـــت ينفتح !!.
تنفس الصعداء ..ورد شغــل السيـاره ..لكن رد إلتفت بإستيــعاب بطيء ..
إهي نـازله !!!
زيـــــــــن نازله ..مو منيــــره ..
قلبــه فز لها بقســوه , معانــــــــــد كل كلمات صاحبه وغضــــبه عليـه ..
نقـل عيــــــــنه على ملامحهـا بعجــز مشتــاق ..!
بعدها بكل عنــاد قســوه جـر عيــونه جـر عن وجهها ..وشد على السكــان ..ما يبيها تلاحظ اللي فيـــه من سبايب بعدهــا ..
زيـنه كانت رافعه راسها بعزة نفس , ما تبي تبين له إنها خايفه !!
لكن بنفس الوقت مو قاعده تشوفه .!
مع شوقهـا له بس خايفه إنه عينها تنقل له ..كل معاناتها في بعده ..
مجـروحــه منـه !! وغاضبـه , ما تظن تقدر تتخطى اللي قاله واللي سواه من قبـل كم يوم !!
ليـــــــــش قررت تروح !!
ليش قالت لخالتها منيره بروح العرس ...!
ليــــــــــــش !
ألحيــــــــــن إهي ملزومه تدخل حق مكان اهو فيـه !!! تضطر تشوفه وتسلــــــــــــم ..
بس إهي ما وافقت إلا بعد ما ظنت إنه السواق اهو اللي بيوديهــــم !! إشدراها إنه اهو اللي بيوديها ..!
خايفه تدخـــل ويرمي عليها كلمه قاسيـــــــــه ..
فإهي ما نست اهو شنو يقدر يسوي بكلمه أوكلمتيـــن ؟!
ولا نست شلون يقدر ينسف ثقتها بنفسـها !!!
ولا تقدر تنسى إنه له القدره العجيـبه على السيطره عليها ..
وإهي ما عادت تقدر تستجمـع قوتها علشان تتحمل قسوته , خلاص تبي الإستقرار ..
تبي الراحه والأمان معاه .
ما عاد لها قوه .
سنيـــــــن زواجهـا بفواز كانت قاعده تصد حبـها له بكل قوه ..وهالقوه ناتجـه على رغبتها بالبقـاء ..وخوفاً من الإنهيـار ..
لكن ألحين فأهم لبعـض ..ما تقدر تصد ..هالشي متعب ..
بس كرامتها ..ما سمحت لها تتراجع لداخل البيت ..! , أو إخبار خالتها منيره إنها ما تتجـرأ على الخروج لأنه صقر بالإنتظار !!!
شافت سيـــارته ..!
وكل شي فيــــها يقول لها خلاص روحــي ..ردي وقولي لمنيـره , ما أبي أروح لعرس إخت شيماء..!
لا تصيـــرين غبيـــــه يا زيــنه , لازم تبيـن له إنه هالجرح اللي أهو إجرحج إياه ما راح يمنعج من مواجهته ..
مو كفايه الضعف اللي ظهرتي فيـــه !! ما عندج كرامه ..
بس اهو قاسي ..
والمفروض إنتي تغلبيـن هالقسـوه ..!
المشكله إنه الشخص اللي إحترق بالنار , صعب عليه يقـرب منها مره ثانيه ..!
واهو بالنسبـه لها مثـل النار ..
إيدها قاعده ترجـف ...أنفاسهــا مخطــوفه .. بتوتر ..
فتحت السيـاره , وما تكلمت , فإهي زعلانه عليـــــــــــه !! لازم يعرف إنهم مهما إغضبوا من بعض في بعض الكلام لازم ما يستخدمه معاها ..! ولأنها خايفه تخون مشاعرها ونفسها , وتفضح روحهـــا ..
غمرت سيـارته بريحة البخــور , والأطيــاب الجميــله ..
صقـر إنتظـــر السـلام , لكن ما صدر منها شي ..وبطريقه سريعه حس بالغضب ..اللي ظل على السطح طول هالوقت !!
يترقب منها كلمه وسلام !!
عقب كل اللي سوتــــــــــه فيه..
شنو يبي بكلامهـا أو سلامهـا !
أهو مو ميت عليها !
وبعدها إستوعب إنها فتحت باب سيـارته ...! ليش ..!!!!
وين تظن إنها رايحــــــــــــه ..!!!!
ووصــــــــــل الإستيعاب لعقله ..
رايحه العرس !
نزل إيده عن المفتاح ..والغضب متملكه ..لكن طبعاً الغضب إن كان بيظهر , راح يظهر بطريقه بارده !!
وقبل ما تدخل السيـاره ..صفعــها بسؤال بارد جاف غاضب" وين رايـحه ؟! "
توترت ..
وحســت بويهها ينصبـغ باللون الأحمـر ..
حست بالإهانه والإذلال ...خاصه إنه نبرته المزعجـــه هذي اتعرفها عدل..ماوراها خير..
كان المفروض تنطر خالتها منيره , وما تدخـل السياره من غير ما تكون موجوده معاها .
لهالدرجه ما يبيها معاه بمكان واحد !!
كرامتها إنتفضت ..
وقفت عند باب السيـاره ..وقالت ببرود " رايحـه العرس ..."
وما وضحت إنه العرس , أهو عرس إخت صديقتها !!! لأنه بكل بســــــــاطه انفجر فيها و قاطعهــــــــا " ما راح تروحيـــن , ردي البيت "
الغيـــره الشديـــــــــــده والغضــــــــــــــــب الأعمى اللي ملازمه , واللي يحتـــــــــــاج بس لإشاره بسيطه للإنفجـــار ..إنفجـــــــــــر ببرود ..
تبي تروح لعـــــــــــرس حمــــــــــــاها السـابق !
للرجـــــــــــل اللي كانت متقدم لها !!
للرجل اللي اهو أخو زوجهــا السـابق !!!
لأهل زوجهــا السابق ..!
تحت أنظار النـاس اللي يعــرفونها على إنها زوجة فواز !
الوقحـــــــــــــــــــه !!
وتقــــــــــــولها بكل صفاقـــــــــــه !!!
هذي شنوووووووووووو ؟!
من شنــــــــــــــو مخلـوقه ؟!!
ما عندها دم !!!
زينه حاولت تتمالك أعصــابها
شدت على أسنــانها ..
زينه ما تصدق طريقته بالكلام معاها , كلمالها تصير من سيء لي أسوأ ..
حتى مو معطيها فرصه تتكلم ..! وإهي حدها تعبانه ..
ويالله يالله تزهبــت لهالعرس فمالها خلق هالحركات ..
واهو قاعد ياخذها بشراع وميداف ..
ليش ما يسمعها ..!
ليش تضطر تبرر له تصرفاتها دايما..
ببرود قالت " لأ راح أروح , انا متزهبه وخالصه "
تتحداه ..
زيـنه وقفت مكــانها , وإهي بقلبــها تردد يا ليـــت ما ييت ..!
كله من شيماء وإصرارها إنها تيي حق هالعرس ..
بس ما تقدر تتراجع ألحيـن ..!
ودهـا بس ترد للبيت ..
وكأنه ينطر الشـــاره ..فتح البــــــــاب ..
ونـــــــــزل ..
زيــنه شـافته يفتح البـــاب ..وأعصــابها على طول شدت ...
لكن إثبتت بأرضهــــا ..!
خاصه لما وقف بطوله , الفرق بينهم شاسع بينهم ..كان لابس دشداشه , وشماغ ..شكله مهيـــــــــــــب ..!
لما صار قبـالها ..وطاحت عيـنه على وجهها الرائع عن قـرب ..شعر بالغضب أكبـر ..
مســك ذراعهـا , سحــبها لورى ...
وسكـر بـــاب السيـاره ..!
وقال بكل جمود " دخلي داخل وقصـري الشــر "
سحبــت ذراعهــا من إيده ..
وذكرى جــــــــــرحه لها لازالت طريه بعقــــــــــــــلها ..
كلمته القاسيــــــــــــه ..
خلـــــــــــتها تقول بشهــــــــــــقه " لا تلمسنـــــــــــــــي "
ويـهه إكتسى بقســـــــــوه شديده بعد هالأمــر اللي موجه له ..
ما إهتم إنه قال نفس هالكلمه لها من كم يوم..
اللي يهمـــــــــه إنها سمحت لذاك يلمســـــــــــها أما أهو فإنركن على الرف ..!
وكمـلت بكل بعنف " مو إنت تبي تتركني !! مو إنت تبي تتزوج علي ..خلاص مالك شغل فيني ..أنا أسوي اللي أبيـــــه "
على طول وجهه غمرته السخــــــــــريه !!
وإبتســـم إبتسامه جانبيــــه ..!
ورفع حاجب ..وقال " يعني اللي أفهمـــــه منج ..يا إني أردج , وما أتزوج ..يا تسوين اللي تبيــنه ؟! "
الإحمرار غــــــــــزا ويهها من سخــــــــــــريته ...!
ومن طريقـــــــــــته بإظهــارها بهالصوره البشـعه ..!
وأضـاف بعد ما زالت كل علامات السخـريه من ويهه , وإكتسى بالقســوه " ما راح أردج ..وما راح تروحيــــن عرسه , فدخلي البيــت بكرامتــــــــــج "
زينه بألم ..وجــرح ..ما راح يعـــــــرف يستخدم الكلمـــــــــات بطريقه أكثــر رقــه .؟!
أهو يستعمـــلهم كأداة و وسيــــــــــله للجــــــــــرح ..وينجح ..
لأنها حاده بطريقه مؤلمه ..!
صـرخت عليــــــه من حدة مشاعرها .." ما أسمح لك تتكلم معاي بهالإسلوب ...أي كـــــــــرامه هذي ..اللي قطعــــــــــــتها بكـــــــــــــــــلامك القـــــــــــاسي ..اللي تبي تنهيــــــــــــها .. "
شنو تتوقــــــــــع منه !!!!
ما عنـــــــــــــده حيــله للثـأر لنفســــــــه إلا سهام الكلام ..
فأهو يدري إنه عاجز عن الزواج من غيرها ..ما يقدر يظلم وحده ثانيــــه !!!
واهو يدري إنه يبيــــــــــها وإنها مالكه قلبـــــــــــه وأحاسيســه .
ويدري إنها تحب غيــــــــــــره ..
إيده مشلولــــــــه ..عاجــزه ..جدامهــــــــــــا !!
كان رده على شكــــــــــــــــل صقيــــــــــــع بارد " شنو تتوقعيــن ردة فعل الريــال لما يشــــــــــوف مرته تشوف ألبــــــــوم صــور زوجهــــا القبلي ..."
شافـــــــــــــها ونيـــــــــــــران عيـــــــــــونه , وملامحـــــــــه , مناقضــــــــــــه برودة كلامه .." ولا متزهبــه تبي تروح من ورى ظهـــــــــــره لعـرس حماهــــــــا ..لعرس الريــال اللي كان بيتزوجهــــا .." نقــل عيــونه على شكــــــــــــــــلها بتقـــــــــــــزز , وكـــــــــــره نابع من حب ..وكمــــل " تبيني أصفق لج , أقولج عفيـــه على الشـــــــــــاطره ...شوفــــــــــــيه..وتذكـــــــــــــري أيامــــــــــــــه "
إرحم حبي لك ..
إرحمنـــــــــــــــــي ..
شلون مو قادر يشوف بنظرة عيـنها شوقها ..حبـــها ..لهفتها.. وحنينها
شلون الكل مخمــــــــــــن سيطرته عليــها , واهو لما ألحين يفكر إنها تفكــر بغيــــره ..
إهي تعرف السنع , وتعرف الأصول ما راح تروح حق عرس حماها السـابق ..
قالت ببرود "أنا مو مضطـره إني أبرر لك , إنت ما تسمعنـــــــــــــي .., لكن بقـولك شي واحد ..أنا بروح عـــــرس .."
اهو مبــرمج عقــــله على سوء الظـــــــــــــــن فيــــــــــــــها .
أيام متملكـــــــــته مشاعر سلبيــــــــــــه ..
ما عنده أي تقبــل لها , ولا لكلامهـــــــــــــا ..
وقاطعها ببرود قــــــــــــارص ينافس برودهـا , يعلمها منو الخبيـر بهالمجال ومنو المبتدأ " إلا غصباً عنج ..تبرريــــــن ...إن كنت أبي التبرير , وغصباً عنج ما تروحيــن إن أمــــرتج "
إهي أصـــلاً ما تبي تروح حق عرس إخت شيماء ..نفسيــتها سيـــئه ..
وما وافقت إلا بعد إصرار ..
وألحيــــــــن ما تقدر تروح خـــلاص فإهي على شفيــر الإنهيــار ..
بس ما راح تبجي ..
ما راح تبجي لو شنـــــــــــــــو ..!
مو متقبــــــــــــــــلها ..إهي حاسه بهالشي وإهي مو غبيه علشان ما تفهــم ..
" إنت قاسي ..إنت ما عنــــــــــدك أي ذره من إحساس "
تذكـــــــــــر أحاســــــــــــيسه لما شافها تشوف الألبوم ..
وأحاسيـــــــســـــــــه لما تزوجت غيــــــــــــره .
وأحاسيـــــســـه لما تزوجهـا ..
ولما هجــرها ..
ولما رد شــافها ..
أي إنعدام أحاسيس هذي تتكلم عنه !!!!!!
مو اهو المنعدم الإحساس ..إهي المنعـــــــــــــــدمة الإحساس , إن ما قدرت تلامس حرارة مشاعره !!
قال ببرود " دخــــلي داخــــــل ..لا تخليني أكـــرهج بحيــــــــــــاتج "
في أكثـر من جذي كره لحيـــــــــــاتها ..
كرهها الحيــــــــــاة بطريقـــــــــــه موطبيعيه ..
الغيــره مجنونه بداخلــها ..
وحزنها مجنون ..
وألمهـــــــــــا مجنون ..
ومقهـــــــــــوره إنه ما يحبها , ولا راح يحبــــــــــــــها ..
حست بالدموع ..
حست فيهـــــــــــــــا ..
وبغضــــــــــــب لأنها بتبجــــــــــــــــي جدامــــــــــــــــــه ..
قالت وإهي تصــــــــــرخ عليـــه " أنا كـــارهه حيــــــــــــــــــاتي ..وخالصــــــــــه ...الله يفكنـــــــــــــــــي من هالعيشــــــــــــــــه إن شاء الله "
تركــــــــــــــته و بخطـــوات سريـــــــــــعه لداخـــــــــــل البيت .
ما راح تقـدر ..خـــلاص ما تقدر تروح العـــــــــــــــرس ..
حتى لو علشان تعاند أو علشان كرامتها او هالخرابيـــــــــــط ما تقــــــــــــــدر تروح .
صقر وقف متجمــــــــد من كلمتـــــــــها ..
وحس بالقهــــــــــر ..
الغيره كانت تذبحه..!
كارهه عيشـــــتها ..!!!!
لأنها مــعاه ...لو فواز ..
إشتعـــــــــــــــــل بســرعه أكثر مما كان مشتعل
مجــــــــــــروح منهـــا !!!!!
ولف جهتــــــــــــــها وشــاف ظهــرها , وصــــــــــــــرخ بغضب لظهــــــــــــــرها " أكيـــــــــد بتكرهيـــــــــــن الحيـــــــــــاة لأنه حبيــــــــــــــب القلب مو موجــــــــــــــــود ..لأني حرقت ذكرياته اللي إنتي عايشه علشـــــــــــانها.. اهو ما راح يــــــــــــرد ...فوااااااااااااااااااز ماااااااااااااااااااات ..وأنا زوجج.. تعـــــــــــــودي وعيشي مع هالواقع ...لو تموتيـــــــــــــــن ما راح أتركج .." مـــــــا لفت عليــــــــــــه , وســـــــــرعت من خطواتها ..وهالشي إستفــــــــــــزه وقال " بتـــــــــــــهون عليــــــج هالفكــــــره إن عرفتي رصيدي بالبــــــــــنك أكبـر من رصيـــــــــده "
سكــــــــــــرت أذونهــــــــــــا , وإستعجـــــــــــــلت وبدت تهـــرول للبيــــــــــــــت ..
عـــذاب ..
عذاب ..
ما تقدر تسمـــــــع أكثـــر ..
بغت إنها تدعم منيـــــــــــره الطالعه من البيـــــــــت ..
تجنـــــــــــــــبت منيــره بأخــر لحظه ..
وسمعـــــــــــت صـرخة منيــره القلقه " زيــنه شصايـــر ؟!!! "
ما ردت عليــها على خالتها ..
وكمـــلت هرولتهـــــــــا لداخــــــــــــــل البيت ..متوجهه لغـــرفتها ..
وبدت تركض كأنه شياطين الجن والإنس تجري وراها !!!
منيــره إختـــــــــــرعت ..
البنـــــــت ردت إنهارت وإهي ما صدقت تهدي..ردت لحالتها الســابقه ..
كانت بتلحــقها ..
لما سمعــــــــــت صقــر يقــول ببرود " منيره خليــها , تأخـرنا , خليــنا نروح للعــرس "
لفت عليــــــــــه بغضــب ..
أكيـد ..
كان المفروض تعرف إنه زينه ما راح تنهــار إلا إذا ولدها بالســالفه .
ليش ما فكرت بهالشي قبل ما تسمــح للبنت إنها تنزل وتركب السيــاره مع ولدها ..
اللي تعرف إنه لســـــــــــانه قاسي , ومن أقسى الأدوات اللي يستخدمها ..
قالت بغــضب " شقــلت لهــــــــــــا ؟!!! "
كان لما ألحين غاضب ..
زينه ما راح توقف عن تصـرفاتها الإستفزازيه..
بكل جمود وبرود قال " ما قلت لها شي "
شافته بنظره غاضبــــــــه , وعدم تصديق ..
إبتســـــــــم صقــر بسخريه وأضـاف " إلا إنها ما راح تروح للعـرس "
عقــدت منيــره حــاجبها بحيــره !!!
ليش ما رضا !!!
إلتفتت على الباب , وإهي تبي تروح لبنتــها (بنت زوجها )...
لكن بعدهــا قالت بجديــه غاضبه " إذا كان لأنها ما إستأذنت منك فإهي إستأذنت مني , وأنا سمحـــت لهـــا , ما في داعي تطلع أعصـابك عليها "
شــــــــــب الغضــــب بعيـــــــــــــونه واللي كان يحاول يتمالكه ..
مو مصدق إنه منيره تقوله إنها سمحت لها تروح من غير إعتبار لمشاعر ولدها ..
ولا اهو من وجهة نظر الكل ما عنده أي إحساس .
ليش ما أحد يقدر اللي اهو يحس فيـه !
وقال ببرود غاضــــــــــب "أي إذن ....أي بطيــــــــــــــخ ...المســـأله مالها علاقه بإذن .." وأضاف بغضب " من صجج تبيــــنها تروح لهالعــــرس !!!! لا وتبيني بعد أشــــــــــــوفها وأقولهـــا روحي !!!!!! "
ما يرضيـها زعل صقـر ..
والأكيد ما يرضيها زعل زينه ..
ولأنها ما شافت حالة صقـر , فإهي بس تعرف إنه زيـنه حالتها كانت صعبه ..!
مع إنها ما تعرف سبب هالتعب اللي كانت تمر فيه بنت زوجهـا ..
منيره قالت بصـرامه "صار لها أيام تعبانه وأظن إنه هالشي منك ومن عمايلك , وما صدقت على الله تهدى وتقرر ترد للدنيا ..علشان إنت تيي و تردهـــا لهالحــاله "
حاله ..
يمكن لو يقدر يرد لها الألبوم ما راح تكون بأي حاله ..
رضى نفــسي أغمره من تعبها , يعني مو بس اهو اللي كان عايش بجحيم هالأسبوع ..
مو اهو اللي كان بس قاعد يتعذب .
مع إختلاف الأسباب ..
لكن هالرضى سرعان ما أختفى , لما تذكر كلمتها أكره حيـاتي ..
تنـــــــــــرفز لأنه الكل يبي يتدخل , واهم ناسين إنها له .
إهي زوجتـه ..
وإهي اللي معذبتـــــــــه ..
قال بكل جديه وصرامه " طبعاً أنا المجرم ..عديم الإحساس ..وإهي الضحيه ..المسكينه المضطره تكون متزوجه مني ..وألحين نقدر نروح العرس "
وقفت منيـره مكـانها , وتأملت ويه ولدهــا .
يعني اهو بعد كان يعاني خلال هالأسبوع ..!
إعجـزت ..ما تدري شنو تسوي بهالأثنين ..
وقالت بجديه وصرامه " أنا ما قلت جذي "
غمض عيــــنه , لأنه حس بروحـه يهاجم أمـه ..
فأهو لما ألحين بالمزاج الدفاعي
فأهو مو عاجبه إنه أمه قاعده تدافع عنـــها وإهي ذابحـــته .

إبراهيم :


وينــــــــــــها ليش تأخــــــــــــــرت ..؟!!
شاف الأسماء على الأم أس أن ..
مو موجــود إسم بناته من بين الحاضرين ..
حــــــــس بالضيق ..
تأخــرت ألحيــن ربع ساعه ...!
كل يوم هذا موعدهـم ..ليش تأخرت اليوم !!
أكيــــــــــد صاير فيــهم شي ..
وينــــــــــج يا بدريــــــــه ؟!!!
يـــــــــلا أبي أشــوف بناتي ..!
شتت إنتباهه عن الشـاشه , علي اللي قال " تبي قهوه " وكانت واقفه معاه وحده شقـرا !!!
عقـد حاجبـه لكن ما علق ..ففكــره مشغول ..
هـز راســه بالنفي .
فأهو يحـس بالقلق ..

بدريه :


كانت مستغرقه بالتصـــوير وما كانت مفكــــره بأي شي ثاني ..
قاعده تحاول تطبق النقاط اللي تعلمتـــها ..على الجمادات الموجود في بيتهــــــم ..
فإهي جربتها على بناتها وطلعت النتايج حـلوه ..لكن إن كانت تبي تودي هالصور للكلاس باجـر فإهي تفضل إنها تكون للجمادات ..
كانت مستمتعـــه لأقصى درجــه .
ما كانت حـاسه بالوقت , أو بأي شي ..
لما جت وحده من بناتها , وقالت بتذمـــر " يمـــا ..متى نشوف بابا ؟!! "
ما كانت بدريه مع بنوتتهـــا ..
بس جاوبت " هممممم ؟!! "
طقت البنت الصغيـره بريــلها على الأرض وإهي تقـول " ماما ..نبي نشــــــــــوف بابا إبراهيم "
وقالت بنتهـــــــا الثانيـــــــــه " متــــــــــــــى ؟!!! "
دخــل لعقــــــــل بدريـه إسم إبراهيم ..
ونزلت كاميــرتها , وشافت الساعـــــــــه بعجــــــــــــــله ..
أبيــــــــــــــــــه ألحيــــــــن الموعد ..
تأخـــــــرت عن الموعد ثلث ساعه تقريــــــــباً ..
شافت بناتهـــــــا القلقــــــــــات , واللي واقفين عند ريــــــــــلها ..
وقالت بســرعه " ألحيــــــن ..ألحيــــــــــن "
راحت خذت لها عباة , ولفة راس , وضبطت حالها ..
وهالشي خذى منهـا خمس دقايق ..
على ما إفتحت الـــــلاب توب , وإدخلت الأمسن ..كان قد مر نص ساعـه تقريبــا .
بناتها قعدوا على الكراسي اللي إهي محضــرتها لهم ..
وقبـل ما تدخـــل عليــــــه ..
اهو تكـــــــــــلم ..
_ ليـــــــــــــش تأخــــــــــــــرتوا ؟!! شصــــــــاير ؟!!
_ أسفه إبراهيم كنت مشغوله , ونســــــــيت الوقت ..والبنات ذكروني ..ما كان قصدي ..إن شاء الله ما يتكرر ..
عضت شفايفها فإهي تدري إنه ماراح تعجبـــه إجابتهـــا ..
وبالفعـــل إبراهيم بالطرف الثانـي ..ما كان عاجبــته هالإجابه ؟!!
هذي أسرتهم المفروض ما تنشغل عنها بشي !!!!
كان على وشك كتابة ( شنو شاغلكم عني )
لكن قبـل ما يرسـل الكلمه , وقف ..!!
السؤال أناني ومجنون !!
مسحـــه في الوقت اللي إهي أرسلت فيــه :
_ شلون تحاليك ؟! "
يعني ذاكره إنه اليوم وقت نتايج التحاليــل ..يمكن ما كانت مشغوله مثـل ما اهو متصور ..:
_ نفس تحاليل الكويت .
تضايقت لما قرت هالكلمه ..!
فكتبت :
_ متى راح تبدي العلاج ؟!
هذا اللي مخوفني أكثر شي ..باجر العلاج يا بدريــه !!
يا خوفي من هالعلاج ..
لكن أجاب :
_ باجــر بإذن الله ..علشان جذي ما أدري إحتمال ما أٌقدر أدخــل يا ليت تحاولين تشرحين للبنات .
إلتفتت على بناتهــــــــا ..
الله يعيـــن شلون راح يفهمون هالموضوع ..
ردت على إبراهيم :
_ إن شاء الله ..الله يعيــــــنك ويشــافيك , ويردك لبنـاتك ..
إبتســـــم إبراهيم ..لما قرى هالكلمــه ..
دلال قطعت على بدريه أفكارها وقالت " يمه , وين بابا ؟!! "
إبتســـــمت لبناتهــــا !!
وإدخلت على الكام , وعملت إتصال في الفيديو , بين الأب وبناته ..
لما طلع وجهه على الشاشه ..
كان واضح عليـــــه التعب .
البنـــــــــات أول ما شافــــــــوا أبوهــــــــــم أثنيــــــــــهم صرخوا " بابا "
إهتمامه تحــول لهم ..
أما إهي فقالت " أخليــكم مع بعض "
شافت نظرته تتوجــه لجهتـها على الكاميـرا ..
إستأذنت وإطلعت ..تاركـه الأب مع بناته !
لكن هالشي ما عجب إبراهيم ..فإهي كل مره تقعد معاهم ..!
واهو بهالطريقه يحس إنه أسرته كلها مع بعض ..
بدريه تعتبر عنصـر ربط بينه وبين بناته ..!
تقدر تحـرك الحوار و وجودها بهالفتره وبإتصالات الفيديو مهمــه عنده .
قالت داليـــــا " بابا متى راح تيي ..؟!! "
تحـولت تعابيـــــــــر وجهه للحنان على طول ..
فأهو يشـفق على هالبنتيـن الثنتيـن أكثر شي ..!
إبتسم لهم ..
وقال " لما أخلص شغـــل "
قالت دلال " متى تخــلص شغــل ؟! "
هذا السؤال المجهـول يا دلال ..
وينـــــــــج يا بدريـــــه ..تعالي عاونيني ..!
قال بهدوء " ما أدري حبيبتي "
يا كثـــر ما أتمنى الرجوع للكويت اليوم قبـل باجــر ..أشــوفكم ..
وأخطب لولوه ..

زينه :


بطأت حركتها لما حسـت إنها بأمان من سهامه ..
وتسنــــــــدت على الطوفه بعجـز !!
دخلت لغرفتهـــا .
تحس بالعــجــز ..
بالعجـــز !!
وحــرقه بأعماقها ..
ما يحبنــــــــــــــي ..
ولا راح يحبـــــــــــــــــني ..
كل كلامـــــــــــــه يدل على هالشي ..
كل كلامه ..
أهو يعتبرها أحقـر مخلوقات الله ..
واضح من تصـرفاته !!!
من إتهاماته !!
من عدم رغبته بســــــماعها ..
إدموعها كانت قاعده تنـزل لكن من غير أي صوت ..
قعدت على الفــراش ..
ما تبي ..
ما تبي فلــــــــوسه .
ما تبي منه شي غير الحب ..والإهتمام ..هالشي مو حرام !!
إنعكس الضوء على وجهها ...نــزلت عيـــونها وشافت خاتمهــا اللي فيـــــــه الزمــــــــــرده ..
فـــــــــــــلوسه ..
ما تبي شي منـــــــــــــــه !!!
حســــــــت بغضــــــــــب , والدموع زاد نزولــــــــــــــها ...و أصدرت صـوت غاضب ..
حـاولت تسحب الخاتم من صبـــــــــعها لكن علق فيــه مو راضي يطلع !!
أصدرت صوت دليل على الغيظ والعجـز ..
قامت من الفـــراش ..
فصــــــــــخت عبـــــــــــاتها , ورمتـــها ككومـــــــــــه بمكـــــــــــان ما بالغـــرفه ..
حـاولت تنــزل عقد شبكتهــــــــا ..
ونجحــــــت ..
وبعدهــا إنزعت إسوارة الشبكه , والساعه , والدبله ..كل إنرموا على الفراش ..
حطت إيدها على فمهــا وإهي تشوفهم بغضب ..وألم ..
عـــــــورها قلبــــــــــها من رميــتها لهم بإهمـــــــــــــال ..
لكن إهي ما تبيــــــــــــــهم ..
ما تبي ولا شي منـــــــــه ..
ردت تحــاول تنــزع الخاتم اللي بصبعهــــــــــا ..لكن عجـــــــــزت ..
كان مستحيــل عليـها نزع هالخاتم !!
مو راضــــــــــــي يطلع وهذا زاد من غيظهـــــــــــا ..
وصــرخت بغضب ..
وبيأس تركتـــــــــه ..
وبدت تفكـــر بكل شي عطاها إيااااااااااه ..
ما راح تاخذ منه شي !!!
راحت جري لحقيبـة يدها اللي جت فيها من الصالون ..وطلعت عقد الأرض اللي حاطته ببوكـــــــــــها , وطلعت كرت البنـــــــــك ..
كانت مثـل اللي أصابها جنون ..
بقمــــــــة القهـــــــــــر من شكــه الدايم ..!
قمة القهـر من نظرته السيئه فيـها والمحبطه !!
قمــــــــــه القهــر ..
من كل شي ..
والغيــــــــــره إنها ما راح تكون بنظره أكثر من إنسانه متسلقه ..
وإنه يفكـــــــــر بغيـــــــــــــرها !!
كانت مثـــــــل المجنــــــــــونه اللي تطلع كل شي من مكـــــــــــانه بغيظ.
ألمـــــــــــها وجــرحها متجدد معاه .
تبي قلبــــــــــــه ..
تبي حبـــــــــــــه ..
تعبـــــــــــــــــت !!!!!
تعبـــــــــــــــــت !!!
ما راح يصدقـــــــــــها لأنه ما يحبــــــــــــــــها ..
إي ما يحبــــــــــــــها !!
اللي متملكه قلبــــــــه إهي رزان ..
ما في غـــيرها ..!
( وبدت أفكــارها تروح لإحتمالات لو كانت بغير هالفيضان من المشـاعر جان ما فكرت فيها )
أكيـــــد لأني أنا بنت خالد .
لأنه اهو ما كان يبيني من الأساس ..
ما يحبني ولا راح يحبني ..
راحت للكبــــــــــت , وطلعت الشي اللي إحتفظت فيــه من يوم وفاة فواز ..
الشي اللي تعلقت فيــه بأيام حزنها على فواز وأعتبرته مثـل طوق النجاة ..
لشماغ صقـر اللي سترها فيـه بالمستشفى ..
الشماغ اللي إحتفـظت فيـه بأحلك أيامها ..
واللي خذته من شقتها وشقة فواز ..
إرفعت إيدهــــــــا ..تمسح دموعهــــــــــا بإنهيــار ..
كتمــــــــه بصدرها ..
هالشماغ خبتـــه بالكبــت , وما تجرأت ترده له ..!
هذا أكبـر دليل على إنها حتى وإهي تكره ..كانت تحبـه ..
رمت الشماغ على الفراش مع الباجي ..وقلبها ينزف دم !!
تبي تتخلص منــــــــهم ..
ما تبي شي ..
آآآآآآآآآآآآآآآآآآآآآآآ
يا ربي ..
بإصــرار ..تحــركت ..
سحبت علبة المجوهرات , وحطت فيها الشبكه ..وحطت فيها كل شي ..ما عدا الشماغ ..
لأنها تبي ترميـــــها .
تبي تتخــلص منــها !!
آآآآآآآآآآآآآآآآآآآآآآآآآآه
إهي ما باعت نفسـها له علشان فلوسه !!
ولا تبي شي منــــــــه ..
وقامت تكرر لنفســــــــــها ..
راح أرمي كل شي ..
راح أرمي كل شي
أنا ما بعت روحي ..
ما أبي شي منــه .
ما أبي شي ..
أنا مـ ..ـا أبـ..ـي شي ..مناااااااااااااه

صقـر :


قالت لصقـــر بهدوء ومحاولة التفهــم " أنا ماني فاهمــه ليش ما تبـيها تروح لعرس بيـت الـ ( ..) "
كل ما فيه تجمــــــــــد ..!
بكل أنحاء جسمــــــه !!!!!!!!!!
بيت الـ (...) ..
يعني مو عرس زياد ..
يعني اللي سواه والكلام القاسي ما كان له داعي !!!
ليش ما قـــــــالت ..ليـــش ما تكلمــــــــت , ولا إهي تبي تعذبني ..!
تذكر محاولاتها ..
شــــــــــد على أسنــــــــانه
إهي حاولت تقـــولك يا الغبي !!
حاولت ..وإنت ما عطيــتها مجـال !!
لأنك تبي تفهمــــــــــها غلط ..تبي تسيء الظن فيها , وتبي تلقى لك فرصه إنك تجرحها عقب ما إجـرحتك ..!
المره اللي طافت إهي الغلطانه ..بس هالمره ..
هب فيـها من غير ما تتكلم !!
يعني أشكـــرا يبي يطلع كل اللي فيه و ينفجـــــــر فيها على أقل سبب !
رفع راســه بعجــز ..
قال بصوت هامس " خـر(..) خــر( ..) "
ما يحب يظلم !!!!
ما يبي يظلمهـــا !!!
منيــره كانت قاعده تراقب تعابير ويهه ..وما تدري ليش حست في تغير كبير !!!
قالت بنبره متحفظه واضح عليها الغضب " إنت شقـايل بالضبط ؟!!! "
رفع راســه عن الأرض..
حاول يفتح حلجه يتكـــلم ..! بس سكـــــت ..
مرر إيده على رقبته ..
شيسـوي ألحيـــن ..!!!!!
بس الأكيــد إنه ما راح يطلع من هالمكان قبـل ما يتكلم معاها ..
تحرك بعـزم ..
قال " بروح أتكـــلم معاها ..منيـره نطريـــــني بالسيـاره "
ما يدري عقـب الهجـوم العنيــــف ..اللي كان عليـها شنو ردة فعلــها بتكون ؟!
يا رب أفرغ علي الصبــر ...
قاعد أمر بشي صعـــــــــب , يارب دلني الطريج الصـــــــــــــح !!
منيــره كانت بتوقفــــــــه وتقول ( يكفي اللي سويـته ) هذيله مو بس عيـالها ..هذيـــله أثنين متزوجـين , وبينهم مشـــاكل ...ما تبي تتدخــــل بينهم , تحس كلما قل التدخـل ينجح الموضوع أكثـر ..
صقـر دخل البيت بسـرعه , ورفع دشداشته , وصعد عدة درجات مره وحده ..
مو عارف شراح يقـول ..
بس الأكيد إنه غلطان ..!
كمــل صعدته للدور الثاني من البيـــــت ..
لما شـافها براس الدرج بالأعلى ..
وقف بمكــــــــــــــانه مبهــــــــــــــور مصعـــــــــــــــــوق !!
جميـــــــــــــله جمال مبهــــــــــر !!
حرام يشوفها بهالشكــــل وأهو اللي ميــت شوق عليها .
واهو مذبوح من عشقه وشـــــــــوقه , وحاجته لها .
حرام يحس بهالحب كله واهو يعرف حبها لغيــره ..
حرام تبهــره بحســنها وإهي ما راح تعطيه قلبــها !!
لكن عقد حاجبه لما شاف علبه بإيدها ..وشاف بإيدها الثانيه شماغ ..
و رد عيـونه لوجهها ..
ما كان قاعد ينـزل أي دمعه من عيــنها ..وهالشي يبشـر بالخـيـر !!
فألحين يقدر يتفاهم معاها بعقـل ..!
زينه كانت تبي تنـــــــــزل الدرج بترمي هالعلبه اللي عندهــــــــا بأي مكان لعيـــــــــــن .
هالعلبه تحتوي على مجوهــراتها وكروت البنك , ووثيقة الأرض وبإيدها الثانيه فيها الشماغ ..
هالشي اللي يعتبر عند زوجهـا دليل إتهام ..
وقفت لما شافـــــــــــته ..
لما شافــــــــــت جارحهــا , وقاتـــلها ..
وقفت لأنها عجـزت تتحـــــــــــرك ..
الجــــــــــرح زاد عمــقه , كأنه نصـل بقلبــــــــها , وأهو أدراه بكل قســـــــــوه بالجــــــــــــرح ..
وخــلاها تنـــــــــزف وتنـــــــــــــزف ..
شــافت ملامحـــــــــه القاسيــــــــــه !!
خافت ..
إرتعبت ليش ياي ؟!!! يبي يكمـــــــــــل كلامه الجارح !!
يبي يذبحني ..!
لكن مع كل هذا ..فإهي تعشــــــــــــــــقه بجنون ..
وتغــــار عليـــــــــه بجنون !!
ومتألمـــــــــه منه بجنون ..
قهـــــــــــر إنه مع كل اللي يســــــــــويه مو قادره تجبر قلبـها على كرهه ..
ما تبي فلـــــــــوسه ..
ما تبي غير إنه يكــــــــــون لها ..
ما تبي غير إنه يحبـــــــــها ..
تبيه يحس باللي إهي تمـــر فيـــــــــه ..
شــــــــافته بحقـــــــــــــــــــد من ســــــــوء ظنــه , وشدت على إيدها ..
ما راح تسمح له .
ماراح تسمح له يجـــــــــــــرحها أكثــر هالمره ..
إمنعـــــــــت الدموع بقـــــــــوه هالمره !!!!! بكل قوه ..!
شدت على إيدهــــــــــا وتذكرت الشماغ , والكيس ..
صقر ما كان عارف شنو يقـول لها , لكن فكر بشغله وحده , إنه يدخل بالموضوع على طول ..
وبعدها بالطريج بعد ما يوصل منيـره , يعتذر من زينه , ويشرح لها إنه ظن إنها رايحه لعرس زياد..و ظن خاطئ !!!
صقـر قال بصرامه وجديه " تعالي ..."
قبـــــــــل ما يكمـــــــل جمــــــــــــلته , إنــــــــــــــــرمت عند ريوله العــلبه ..وإنفتحت شويه .
نزل عيـونه للأرض ..
شاف العلبه بإستغراب , عقد حاجبه ..
إصــــــرخت فيــــــــــه " ما أبي شي منـــــــــــــــك ..أخذ أغـــــــــــــــــــراضــــــــــــك , ما أبي ولا شي ...."
رفع راسـه عن العلبه بتفاجأ ..
عيونه شافـــت ويهها , وقال بكل جديـــه " زيـــــــن ..."
زينه ما كانت معاه كـلش ..
بعد ما إسمعت طريقته بنطق إسمهـا ..( زين) إغتاظت ..
كانت تعشق هالطريقه ..وكانت تعتبرها طريقته بتميزها عن غيرها ..
طريقته بالتعبير عن إهتمامه ..!
أما ألحين فما تبي تسمــع هالأسم لأنه هالأسم دليل على إحتقاره لها ..ونابع من كرهه لها ..
قاطعته وقالت بصــــــــراخ " لا تقـــــــــول زين , أكـــــــــــره هالأسم "
حس كأنها صفعته , فأهو ما كان منتبه إنه لا يزال يناديها بهالأسم ..كان ينطق فيــه تلقائياً ..
سكـــــــــر فمـــه بغضب ..
ردت تتكلم بعنف " إخذ كل شي ..أخــــــــ..ـــــــذ الأرض , والشبكـــ..ـــــه والفلـــــــ..ـــــوس , ما أبيــــــــــــــهم ..ما أبي منــــــــــ..ــــــك ولا شي "
زينه تقطع كلامها من تزاحم المشاعر ..
صقر كان قاعد يشوف إنفجارها , ما كان متوقعه ..
مصدوم كانت قاعده تصــرخ بجنون عليه و وجهها كان محتــقن !!
كان واضح عليها الإنهيـار ..!
رد عيـونه على العلبه , وإنتبه إنها علبه الشبكه ..ورفع عيـونه لها ..
الموضوع متطور أكثر مما أهو متصور !!
شالحـركات !!!
وما كان يبي يتكلم فيه ...حاول يتفاهم معاها بهدوء , وقال بصرامه " عن الينون , خــلاص لبسي عباتــ ..."
إهي كملــــت ما كأنه قال شي ..وكملت بنفس الصراخ .." و ما أبي شي منــــــــــك ..إنت ما تفهــــــــــــــم ..ما أبي ..ما أبي فلوسك إفهـــــــم "
ألحين ما تبي الفلوس .
ألحين ما تبي !!
لا تقــــــعد تسوي روحهـا ما تبي هالأشيــــــاء , واهو أكثر واحد يدري شنو مقدار أهميتها عندها .!
قاعد يفيض فيه الكيل من ردة فعلها ..
لا تقعــد تمثــل عليـه ألحيـن , ما له خلق ..النفاق والكذب ..
أهو غلطان بسالفة العرس ..لكن غيرها لا تسوي له هالتمثيليه ..!
فقال بملل " أنا متزوجج وأنا عارف حبج للفلوس , ما في داعي تـتظاهـرين بشي ..مو فيـج فكينا وبطلي عن هالتمثيل"
ما يفهــــــــــــم هذا ..!!
ما راح يفهـــــــــــــــــــــم !!
شافــــته وبقهـــــــــــر صـــــــــــرخت " إخــــــــــــــذ كل شي ..لا تخلي شي ما أبيهـــــــــــــــــم ..إخذ الأرض ..والفلوس ..وكل شي ..أنا مو متزوجتك علشان الفلوس "
شد على أسنـانه ..
يكــــــــــــــره الكذب ..
كل شي يهــــــــــون عليه إلا الكـــذب .
إن ما كان علشان فـــــــــلوسه عيـل علشان شنو وإهي اللي تكرهه ؟!!
ليــــــــــــــــش تتزوج واحد كارهته !!! مو منطقــــــــــــــي
أثنيــــــــنهم كانوا مستغرقين ..ببعض , ونسوا إنهم واقفين على الدرج ..
إهي بالأعلى واهو على أحد الدرجــات ..
قال بسخريه غاضبه " إنتي قبلتي فيني علشان الأرض ...تزوجتي فواز لأنه عنده فلوس ...راعي الكراج ..." وأشــر على نفســـــــه " ما كان عنده إياها .." وأضاف بغيظ " تبين الصــراحه إن ما كان علشان هالأشيـاء فأنا عاجـز إني أعرف سبب زواجج مني ؟!! "
ردت عليـــــــــــــه على طــــــــــــــول , ومن غير شعور وبتلقائيه ..بصـــــــــــراخ " لأني أحبـــــــــــــــــــــــــك "
تجمــــــــد بمكــــــــــــانه !! تسند على درابزيـن الدرج بصدمه !!
أهو ما سمع هالكلمه من لســـــــــانها كان مثـل اللي إنضرب على راســــــــــه ؟!
مستحيــل أصلاً ..
أكيــــــــــد إنه من كثـر ما قام يتمنى هالكلمه قام يتخليـــها ..
فقال بعدم تصديق " شنو ؟!!!!!! شقلتي ؟!!!! "
أما إهي فكمــلت بنفـــــــــس الصــراخ , ودموعها تتجمـــــــــــع بعيــــــــــــونها بكثافه " لأني أحبـــــــــــــــــك تسمــــــــــــع ...غبيـــــــــــه وميــــــــــــــــنونه ومجــويه على راسي وأمــــــــــــــوت عليـــــــــــــــــــــك ..أعشـــــــــــــــــــــقك ..ما قط وقفـــــــــت عن حبـــــــــــــــــك..أرتحــــــــــــت ألحيـــــــــــــن..عرفــــــــــــــــت ليـــــــــــــش تزوجتك ؟!!!! "
إنتفــض بمكــانه .. إهي ما تحبـــه !!
شالخـرابيـــــــــط !!
مو معقــول ..ألم بصدره من هالكلمه , يحس فيها سخريــــه ..!!
كان يحس كأنها قاعده ترمي حمــــــــــول على كتفـــــــــه ..
تحبـــه !!
هه قاعده تتطنــــــــز عليـه ..قاعده تتستفـزه ..!
قال بإسلوب صدمه وتوهان لكن بعنف شديد يعبر عن عنف مشاعره "لأ ..لأ ..إنتي ما تحبيـــــــــــني !!!! شلون أصــلا تحبيني ..وتتزوجيـــــــــن غيري !!!!!!..شلون ما قط وقفتي عن حبي !!!!!! وتاخذين صديقي ..! لأ .."
كأنه صفعها على وجهها وخلاها تنتبه انها قالت له أحبك
إنصعقت ..
إنهـــــــــــد حيـلها من تعبيــــــرها عن هالمشاعر ..كان ودها تقعد على الأرض ..من إرهاق هاليوم الصعب ..!
المشكله إنه مع كل تضحيتها وإعترافها فأهو ما صدقها ..!
وقالت بحســــــره وتعب من عدم فهمه وإهي تشد على الشماغ اللي لازال بإيدها " ليــــــــــــش مو قاعد تفهــــــــــــــــم موقفي ....أنا كنت صغــيره , تركني حبيبي واقفه , وأنا أترجـاه ..أتــــــــــــرجاه يتزوجني ..ورفضني ..كســــــــرني وأهان كرامتـــــــــــــي جدام الناس ..صرت حجــوه بحلج اللي يسوى واللي ما يسوى .." تحشــرج صوتها ..وإهي تتذكر ضحكة لولوه "خليتهم يضحكون علي وعلى غبائي بركضتي وراك وترجيك "
صقر كان قاعد يشــــــــــــــوفها ..من مكانه بالأسفـــــــل وإهي مشتعله وتتكلم ..
ردوا حق ذاك اليوم اللي تهاوش فيه مع أبوها ورجعوا يتكلمون بهالموضوع ..اهو شرح لها بليلة عرسهم ..بالسيــــاره عن ذاك اليوم ..
لا أهو ما شرح لها شي عن ذاك اليوم ..!
اهو بس هاجمهــــــــا , ما سمع , أو ما كان يبي يستوعب موقفها وما إهتم بكلامها, ولا فكر بالموقف من وجهة نظرها ..كان المهم عنده إنها تزوجت غيره ..!
ما فكر من جهتها وموقفها وإهي تترجاه ..مع إنها قالت من قبــل نفس الشي تقريباً !!
ما يبي يفكـر بذاك اليوم !!
شقاعد يصير , مو معقول اللي قاعد يسمعه !!
إخترع ..من إعترافهــا !!
وكمـــــــــــلت " ما كان في حــــــــــــل غير إني أبيــــــــن للكل إني قدرت أتخطــــــاك ..والبـــــــــــــلا ..البـــــــــــــلا إني ما قدرت أتخطاك ..ولا أتخطى حبـــــــــــــك ..كنت أمثل عليــــــــهم وأمثــل على نفــسي ..وأمثــل على الكل ..والكل مصدقني ..تصدق أنا لازم أخذ الأوسكار ..إنت قلت لي إنك مو ملاك ..وأنا بعد مو ملاك ..أنا بشـــــر ..بشــــــــر أخطي وأصيـــــــــب "
قلبــــه قام يعــــــــــــــوره ..
صدره قاعد ينعصــــــــــر ..
مو قادر يتكــلم ..!!!!
مو قادر يوقف !!!!
نزلت على الأرض وإقعدت على أعلى الدرج بإرهاق وتعلقت الدرابزيـــن بألم ..وكمــلت " والبــــــــــلا إني ما قدرت أحب فواز بيـــــــــوم ..فواز اللي كان يحبني ..ما قدرت غير إني أحبك إنت مع كل اللي سويـــــــته فيني , وقاعد تســـــــــويه "
الغيره من مجرد نطقها للأسم إشتعلت فيـــــــه ..
هو يذكر إنها قالت له ..إنها تحب فواز !!
غمض عيــــــــــــنه ..لأ ..لأ إهي ما قالت له هالشي , أهو إستنتج هالإستنتاج من كلامها ...
فســـــــــــر كلامهــــــــــا بهالطريقه ..وفسر تصرفاتها بهالطريقه ..؟!
قال بتعب " الألبوم ..؟! "
ضحكت ضحكه أشبه بالبكـاء وقالت " هذا البـلا الأكبـر ..حتى إني نسيـت ليش كنت أبي أشوف شكلي "
مصدوم ..عالمه كله قاعد يهتز حوله ..
تحبــه !!
إهي قاعده تقــول إنها تحبه لاتزال تحبه !!!! ما قط هالفكره خطرت في باله !!!
واهو مو قادر يتعامل مع هالموقف ..
غصه ببلوعـمه ..مو قادر يبلع ريقــه حتى ..!
صعد درجه وحده ..بيتوجــه لها ..يضمـــــــــــــها ..
يبي يسوي أي شي ..
لكن إهي على طول إنتبهــــــــت , وإرفعت إيدها له بغضب " لا تقـــــــــــــــــرب " وكمــــلت وإهي تشوف ويهه " إنت مو مصدق حبي ..صح ؟!! "
رد وقف مكـــــــانه ..
ما تكلم ..لأنه مو عارف شنو يصدق ..وشنو يكذب ..؟!
رفعت إيدها اللي فيها الشماغ , وقالت بيأس وألم " شــــوف "
عيــنه مو قادره تترك ويهها ..
لكن بالنهايه وترك ويهها , وشاف اللي بيدها ..الشماغ ...!
قالت بألم " تدري هذا من شماغه ؟!!! "
تأمـــله , قلبه كان يضرب قفصه الصدري بقوه ..
وبعدها هـز راســه بالنفي ..وأهو يبلع ريقـــه بصعوبه ..!
إنزلت دمعه من عينها ..وقالت " هذا شماغك "
رد عيـــــــــونه على ويهها بســـــــــــرعه ..
وكــملت بجرح وألم " شماغك اللي ما فارقني من أول ليلة بوفاة فواز "
أخذ نفـــس عميق ...أشبه بالشهقـــــــــــــه ..!
وتذكــــــــــــر ذيك الليــــــــــــله بكل ما فيها ..!
وتذكر لما سترها بالشماغ و وغضبها منــــــــــــه !!
مع كل غضبها كاهو شماغه بإيدها وعندهـــــــــــا !!
غمض عيــــــــنه بصعوبه ورد فتحـها بألم ..!!
وأضــافت " ما فارق حضني بأول ليالي وفاته ..ما قدرت أتخلى عنــــــــــه ..تخيــل حتى وأنا أكرهك أحبـــك ..حتى وأنا حاقده عليــك ..أعشقك .."
يعتــرف ..إنها أقوى منـــــــــــه !!
يعترف إنها إعترفت بحبها بغض النظر عن كل شي ..
واهو كان خايف , وعاجز عن الإعلان .
يعترف إنه صدقهــا ..
هالكلمات اللي ينطــرها سنين ..اللي كان يتعذب لأنها مو له ..صارت بالأخير له ..
ما قط تخلى قلــــــــــبها عنه ..
فجــــــــــأه إرتمى الشمــــــــاغ عند ريــــــــوله ..
وصــرخت عليــــــــــــه " لكن ألحيـــــــــن ما أبيــــــــــــــه , ولا أبيـــــــــــك ..ولا أبي فلوســـــــــــــك ولا شبكتــــــــــــك ولا أرضــــــــــــــــك , ولا شي منــــك ..أدري إنك ما تحبـــــــــــــني ولا راح تحبني بيوم..وأدري إنك ما تـــــــــــــثق فيــــني ولا راح تثق فيني بيوم "
لأ ..
لأ مو ألحين عقب ما لمس القمــــــــر تبي تحــــــــــــرمه ..
عقب ما إعترفت بهالحـب , تبي تتخلى عنــــــه !
اهو شسوى فيها ...؟!! حطمهـــا !!
الحاجــــــــز بينهم صــار شكبـــــــــــــــــره !!!
زينه ردت حــاولت تنــزع الخاتم اللي مو راضي يطلع من صبعها الأوسط ..
لكن إعجزت طبعاً , فقالت بقهــــر " مو راضي يطــــــــــــــلع ..عمى بعيـــــــــــــــنه مو راضـــــــــــي يطــلع "
شافها ..
وخاف عليها وعلى صبعهــــا ..
ما رد على إعترافاتها ..ما يملك هالقدره ..
ما يدري شنو يقول ..
فأهو لازال تحت تأثيــر الصدمه ..!
وقال بهدوء مختلف عن اللي يعتمل بصدره " خليـه عندج ما أبيــه "
شــافته بغضب ..وقهــر يظن إنها قاعده تقص عليـه ..
مو مصدقها ..
حتى ما علق على إعترافها بشي ..
ما إهتم بتعـــريتها لروحــها ..!
قالت " أنا اللي ما أبيــــــــــــــه "
حاول يرد يتكلم معاها ..
يقولها إنه مصدقهــا ..!
قال " زيـ ...ـنه "
إنقطعت الكلمه لإنه كان بيقولها زين ..لكن صلحهـا بسرعه لما تذكر غضبها ..
زينه خافت من الكلمه اللي راح يقولها لها ..خافت من الجرح الجديد ..خافت من شكـــــــــه , خافت منــــــــــــه .
إهي ما تبي شي خلاص ..
صايره تهرب منه جسدياً بصوره دائمه , تهرب بالركض دايماً منــــه ..!
قامت من مكانهـــــــــا ..
وإهي تقــول " ما أبي أسمعـــــــــــك , ولا أبي أكلمك , لا تظن إني علشان أحبك راح أنسى كل اللي سويته وقلته لي "
إشتعلت الغيره بصدرها ..
وجا في بالها موضوع زواجه , ما راح تترجاه علشان سالفة زواجه , لكن إن تزوج راح تموت ولا تعيش عنده في البيت ..
يظن إنه راح توقف إهني وتسمع كلماته القاسيه اللي يختارها علشان يحطمهـا ..!
وكمــلت " على بالك إني ما أدري إنك ما صدقتني ...أصلاً ما يهمني لا تصدق ولا شي ...ولا شي ..ما يهمنـــــــــــــــي "
وراحت ركض لغرفتها ..
واهو ظل واقف مكانه ..
روحه مثقــــــــــــله من كل هالإعترافات ..
من إعترافها بحــبها له ..صدمه ..
من خوفها منه ..صدمه ..
أهو وين كان عن هالمشاعر كلها ..!
كل اللي قالته , مثبته على الأرض ..لكن بالأخيـر حرك رجله بيصعد ..لازم يتكلم معاها ..يسوي أي شي !!
لما رجله داست على الشماغ ..فنزل عيــونه ..وشافت العلبـه , والشماغ على الأرض ..
وقف للحظات وبعدها نزل وقعد على الأرض ..
شال العلبــــه , وشاف محتوياتها ..
الشبكه ..
الساعه ..
كروت البنك ..و ورقة الأرض ..!
هالورقه ما لها أي قيمه فالأرض بأسمهـا , وما راح يتغير هالشي إن عطته هالورقه ..وكروت البنك كذلك ..
بس يراهن إنها ما تدري بهالشي ..!
أغلق العلبه ..
ما تبي هالفـلوس !!
ليش فكــر عيــل إنها تزوجـت فواز علشان الفلوس ..!!!!
لأني دايماً كنت أحس بالنقــص من هالناحيــه , دايماً كنت أفكـر إنها إهي بنت العز مو معقــوله تحـــــــب واحد مثلي ..!
دايماً أشوف حبها لي على إنه حب مراهقـــه ..راح تكبـر وتنساه ..!
دايماً كنت أتساءل شنو فيني ينحــب ..!
لما تزوجت غيري ما كنت مستغرب ..كنت متوقع ..!
وخاصه إنها تزوجت واحد ولد نعمه وخيــر , عند أهله فلوس من زمان ..تربى على إنه كل شي يبيـه يلقاه ! شالغـــريب ..غنيه ..تزوجت غني ..شخص من ثوبها !
وتصرفاتها البارده المحتقره له ..بعد زواجهم أثبتت له إنه الزواج كان برضــاها ..
إنها كانت تشوف روحــها أعلى منـــه , وأرفع من إنها تتزوجــــــــــه !!
هذا اللي يكســــــــــر ..إنه دايماً يظن نفسـه أقل من إنها تحبــــــــــه .
وفصـخ شماغه والعقال اللي على راسه ..يحس فيهم ثقال ..
ومرر إيده على شعـــره بتعب ..!
تعشــقه ..! تحبـــــــــــه .!!!
قالتهم له ..
اهو ألحين سعيــــــــــــــد ..بيطيــــــــــــــر من الفـــــــــــــــرح هالكلمات صاروا ملكـــــــه .
له اهو ..
واكتشـــــــــــف إنه مالكهم طول حيـــــــــــاته ..
لكن المشكله إنه إكتشافه لهم كان بعز مشاكلهم ...وبعز ألحين خوفها منه , وعدم تقبلها له ..
أه يا زيــــــــــن شقاعد يصير !!!!
تذكر حرصها ..تأثرها بكل شي يقــوله ..
دموعها اللي تنزل على كل كلمه جارحه يقولها ..!
لو ما كانت تحبه كان ما حست بهالشي كله وبهالقوه بالمشاعره ..
شاف الشماغ اللي إهي رمته عليــه ..!
ورفعـــه لأنفـــه , أصبح هالشماغ يحمـل من عطرها وريحتــها ..!
لو ما كانت تحبه كان ما إحتفظت بهالشماغ ..
كان يتمنى لو يكون جسدها ما مسه أحد غيره ..
أرض عذرا ما كانت لأحد ..
لكن أدام قلبها ما تخلى عنه فهالشي لوحده يكيفيــه ويرضيــه ..
لازم يكافح علشان حبها ..!
شنو سوى فيـــــــــــــهم !!!
إنت كنت تبيهــا تعذرك على تجاهلك لها ...وإنت ما قدرت تعذرها ..!
يا رب العالميـــــــــــن !!!
قاعد على الأرض وأهو مو مصـــــــدق إنه اليوم إكتشف ..إنها تحبـه ..
وسمع هالإعتراف ..
وصدقه ..
لأنه اللي يطلع من القلب يدخل القلب رأسا..
خايف من تأثير ردات فعله عليــهم ..وعلى هالحب ..
والألعن إنه ما قدر يقول لها وأنا بعد أحبج ..! فأهو مو متعود على هالكلام ..ولا يعرف يقوله ..
والمشكله إنه كلمتها الأخيره قاعده تتردد بعقله ..



يتبــــــــع ...

 
 

 

عرض البوم صور نوف بنت نايف   رد مع اقتباس
قديم 29-03-11, 04:49 PM   المشاركة رقم: 233
المعلومات
الكاتب:
اللقب:
عضو فخري


البيانات
التسجيل: Apr 2009
العضوية: 142868
المشاركات: 11,327
الجنس أنثى
معدل التقييم: نوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسي
نقاط التقييم: 3549

االدولة
البلدSaudiArabia
 
مدونتي

 

الإتصالات
الحالة:
نوف بنت نايف غير متواجد حالياً
وسائل الإتصال:

كاتب الموضوع : نوف بنت نايف المنتدى : القصص المكتمله
افتراضي

 

التـــــــــابع ..





منيــره :



صقـر لما تأخـــر ..نزلت إهي للبـــيت !!
خافت على الأثنين ..
خاصه إنهم على أعصابهم , ومتزاعلين ..!
أول ما دخلت .. شافت صقـر قاعد على الدرج , واهو فاصخ شماغه .
غمــرها الإستغراب ..
والقلق !!!
كان بيده علبــــــــه , وبيده الثانيه شماغ !!
وعلى الأرض شماغ وعقـال !!
صعدت الدرج ..واهو ما حس فيها , أو حس لكن ما شافها !!!
أول مره تشــوفه بهالشكل المتعب ...
وشافت أعلى الدرج , وإهي تحس بقلق على زينه ..
لكن وقفت عند ولدها , وقعدت بقربه , وقالت بصرامه " شصـار ؟! "
صقـر حس بالسـخريه , من هالكلمه , حاس بتعب ..
فأهو إكتشف حبـها , لكن ما يدري إن كان هذا بالوقت المناسب ولا لأ ؟!!
" أه ه ه ه ه يا يمــــــــــــه "
ما كان منتبه إنه قال لها هالكلمه , لكن منيــره فـز قلبــها على طول ..
وإيدها اللي كانت بتنحط على كتفـــه إنزلت بصمت ,وصدمه !!
قالها أخيـــراً ..!
قالها يمــــــــــــه أخيـــــــــــــــراً ..
وكمــل " تصدقيــن إني مستانس !! مستــــــــــانس !! إلا بطيــر من الفرح "
إبتســــــــــــم بهدوء واهو يشوف الأرض , وهز راســه " لكني مو متعود على هالكميـــــــــه من الفرح "
الغريب إنه فعـلاً مستانس , فكل مشاكلهم راح تنحـــل إن كانت تحبــه !!
هذا العائق الوحيد اللي كان بينهم ..
تفكيـــــــــــره إنها ما حبته بيوم !!
وتفكيــره إنها تزوجته علشان الفلوس !!
كل شي زال وبقســوه من عقله ..! وهالشي أنهكــــــــــــه !!
ألحين لما يسمع إنها كانت تحبـه , وما قط وقفت عن حبــه , هالشي أنعش له روحــه !!
يقدرون يصيرون سعداء , الشي يحتاج لوقت !!
صحيح ذكرى زواجها بتحدث غصه دايمه له , لكن غير ..ألحين كل شي غير .
منيره ما كانت مركزه إلا على إنه قال لها يمه ..
رفعت إيدها مره ثانيـه ,وحطتها على كتفــــه , إلتفت عليها ..وقالت " إنت ..إنت قلت لي يمــ..ـه "
عقد حاجبــــــــه بتركيــز ..
أهو قال لها ( يمـــه )
شاف عيون أمـــه ونظرتها المتأثــــره !!
رقت ملامحـــه لها ..
فأهو كان قاعد يتدرب علشان يقولها لها طول الأسبوع ..!
لكن كان يستصعب نطقها !!
الظاهر إنه خروجهـا من غير قصد ألغى الحاجز اللي كان يعاني منه ...
يحس إنه إعتراف زينه بإنها تحبه , حرره من وايد أشيـاء !!
حط إيده على إيد أمــه , وقال برقه " أسـف لأني تأخرت بالنطق فيــها "
هـزت راســها بالرفض ..!!
كأنها قاعده تقــوله ( لأ ) ..
التأثر مانعهــا من النطق , وأهو إكتشف إنه عنده قدره عجيــبه على جعل الناس اللي يحبهم يبجـــــــون !!!
حط إيده على خدهــا وقال برجاء " مـ ...يمــه لا تبجيـــــــن .." إبتســــم برقه لها " وراج عرس بتخربين مكياجج "
هــزت راسهـــا بالموافقه ..بس إستمرت عيونها بالدموع ..وبعدها قالت " ما أقدر ..ما أقـ..ـدر أخيـراً قلتــ..ــها "
حطت راسها على صدر ولدهــــا ..
وإهي بقمــة التأثـــــــــر , صقر شد عليها بقوه ..لحضنه ..
أخيــــــــــــــراً .
قالت له بهدوء " قولـ..ـها بعد "
صقـر سمع كلمـــــــــتها ..
إستحى يقـولها لها بعد طلبــها ..
لكن قال بهمس " يمـــــه "
تنهــــــــــــدت منيــــــــــــره بحب ..!
بعد فتـــره صقـر خلالها كان قاعد يفكر بزواجــه بعمق ..وبالإعتراف اللي سمعه !!
منيـره كانت تفكر بالنعمه اللي الله أنعمهــا عليـها ..بسماع هالكلمه ..
وبعدها شافت العلبـــه اللي بيــده , والشماغ , وتذكـرت زينه ..
وقالت " شصـار بينكم ؟!! "
طقطق على العلبــه , وقال بكل جديه " ما صار إلا الخيـــر , عقب اليوم , إن شاء الله كل شي بيصيـر تمام "
عدلت منيــره قعدتها , وشافت الجديه على وجه ولدهـــا وقالت " وينهــا عيـــل ؟!! "
قام من مكــانه , ومد إيده لمنيــره واهو يقــول " ما راح تيي العرس "
منيره ما حطت إيدها بإيد ولدها وقالت بكل جديــه وقلق " صقــــر ؟!!! "
شاف أمه , وقال " لا تخافيـن عليـها , صدقيني "
منيــره كانت واثقه من كلمة صقـر !!
لكن مع هذا فزينه بنت حســاسه ..!
وإهي قلقه عليــها , فإهي تتأثــر بقوه من المواقف ..وما تدري شنو صار بيـنهم ولا شافت البنت من أول ما يت لداخل البيت ..!
بس قالت بقلق " ما أظن إني أبي أروح للعرس , أبي أقعد إهني مع زيـنه "
مد إيده لمنيـره ..
وقال بكل جديـــه " أنا راجع إهني , بعد ما أوصلــج لا تخافيـن عليها "
وأضاف بعد ما شاف تردد أمـه " خالتي غنيمه ما راح تسامحج إن ما رحتي لعرس بنتــها "
خذت إيده ..
وقامت .., أما أهو فمد إيده للأغراض على الأرض ..
ومسـكهم .
توها تستوعب إنه العلبه شبكة زيــنه , وقالت " هذي مو شبكة مرتك ؟!!! "
قال بكل جديـه " إي شبكــتها "
عقـدت منيـره حاجبها بتسـاءل ..
قالت منيــره " شتسوي عنـــدك ؟!! "
إبتســــــــــــم صقـــر وقال " بحطـــــــهم عندي "
وأضــاف " يـلا منـ ...." صحح لعمــــــــــره " يمــــــــــه لا نتأخــر على خالتي غنيــــمه وتعصب عليــج "
شافته وإهي تحس بنشـــــــــــوة فــرح من هاللفظ ..
وترد تحــــــــــس بدموعهـــــــا تتجمــــــــــع ..!
لكن مع هذا شافت الدرج وقالت لأخــــــــر مره " إنت متأكــد إنه ما فيها شي ؟!! "
صقـــــــر بعد إعترافهـــــا ..كان متأكد إنها تبي تقعد بروحهــــــا ..!
لكن يتمنى لو يقعد معاها ..!
بس اهو مو قادر ..يتكلم ألحيـــن ..لا بعقل ولا بمنطق .
فأهو بعده تحت تأثير الصدمــــــــــه ..!
قال " إي متأكد "

زيـنه :


إعترفت له ..
قالت له أحبك ..أعشقك ..
قالت له كل شي ..
واهو جارحهــا , وقايــل كلام قاسي ..لها ..
شلووووووووووون !!
ليــــــــــــش قالت له !!
شراح يفكـــــــر فيها ..
شنو بيظن !!
إنها قاطــــــــه نفســها عليـــه ..!
أكيــد ما صدقــها ..!
يا الغبيــــــــــــــــه !! مع كل اللي سواه وقاله ..تقــــــــــولين له هالكــــــــــــــــــلام ..
بيتزوج عليــــــــــــج وتقولين له هالكلام .
يصدج وتقولين له هالكــــــــــــــــلام ..
يقولج أقسى كلام معقوله المرأه تسمعه وتقولين له هالكلام !!
غبيـــــــــــه !!
غبيــــــــــه !!
غبيـــــــــــه !!
شافت خاتمهــا ونزلت إيدهـا بيـأس ..
كشفت كل أوراقهـــا ..
وألحين الكره بملــعبه ..راح يتفنن بإرجاع الديـــــــــن لها ..
بيتفنن بتعذيبــــــــــها !!
ما راح ترد لبيـــــــــته ..خلاص ما تقدر ترد هنــاك بعد كل اللي قالته ..له عن حبها وعشقــــــــــــها وهالكلام ..

فيصل :


المصـوره قاعده تصورهـــم بالإستديو اللي إهي مسويته في إحدى الغرف ..
عيونه مو قاعده تطيـح عن بنته الكبيـره ..
بدى يلاحظ بصوره أكبــر ..
الحـزن المحيـط بفمــها ..
النظرات التائهه !!
ما كأنه عرس إختهـــــــــــا ..!
هل أهو أجرم بحقــها ..!
هل صحيح كلام نور إنه إختها متأثره من زواج الكل حولهـا ..
بس هذا نصيـــب ..
اليوم شاف جراح , وشاف أبوه ..! ناس اجاويد ..يعرفهم , ويعرف أخلاقهم ..بس عيبــه الوحيد إنه بوزارة الخارجيــه ..بس اهو ما يبي بنتـــه تشتت بين الدول ..!
إرفعت لولوه نظــرها وإلتقت بعيـــون أبوهــــا ..وبعدتها إهي بســرعه , كأنها بتهــرب ..
وبهاللحظه بس ..حس إنه كلام نور صحيح ..
وقدر يقـــرر ..
راح لغنيـــمه وأســر بإذنهـــا " بسأل عن الريـــال ..وإن شاء الله خيــر "
بهاللحظــــــــه إلتقطت المصــوره الصوره ..!

بعد لحظات :
صقــر :


شاف الخادمـه تنـزل من الدرج ..
شافهـــا بتساءل ..
قالت له " ماما زيــنه في نوم "
رد للبيـت الرئيسي وجاب معاه عشا ..
كان يبي يحاول يتكلم معاها ..!
لكن الظاهر ما في أمـل يتكلم معاها اليوم ..
تأفف ..
وطــلع للدوانيــــه ..فأهو بيكون قريب منهــا ..وبعدهـا بينام في الملحق ..

اليوم التالي :
الصبـــــــح :
غنيـــــــــمه :


مو مصدقه اللي سمعته من زوجهــــــــا أمس ..!
بيــسأل عن جــــراح ..
هذا اللي قـــاله إهي متأكده ..
ما كانت مصدقه اللي تســمعه ..
إهي تعـــرف أهل جــراح , لولوه مو معقــوله تلقى أحسن منــهم ..
قالت لفيصــل بهدوء علشان تتأكد .." فيصل "
رد عليــها زوجهــا المشغول " هممم "
قالت بتســاءل " إنت ..إحمم إنت قلت إنك تبي تسـأل ..."
كان خايف من إنه يعطي زوجتي أمـــل ..فرد عليــها فيصل " غنيــمه قلت راح أســأل عنه أكثــر , مو معناته إني راح أوافق "
هــزت راســــــــــــها بفــــرح وسعاده ..
فإهي تدري إنهم خوش ناس ..وتدري إنه ما راح يلقى أحسن منهم حق بنته
فقالت " إي ..إي عادي ..إنت بس إسأل ..بس إسأل "

زيــنه :


قامت الصبح بعدم راحـــــــــه ..
وفجأه إستوعبت إنها نايمـــــــه بمكيــاجهـا , وملابســـها ..والجي جي ...
وإستوعبت إنها ما قامت لصــــــــــــلاة الفجـــــــر .
أستغفرالله ..!
فزت من مكــانهــا ..
فصخت ملابســـها , ومسحـــــــت مكيــاجهــا ..وحطت فازليــن على إصبعهــا لأجـــل تطلع الخاتم ..
لما فصخت الخاتم ..حطته بعــــــــلبته ..
إهي قالت لصقــر إنها راح ترده ..بس ما تدري إن كانت تقوى على هالشي ..!
عضت شفــــــــــايفهــا بألم ..
بخجــل ..لما تذكرت شكــلها وإهي تصــارخ عليـه معترفه بكل وقاحــه بحبــها ..
مع كل صده ..
صج ما عندهـــا كرامـــــه ..
أففففففففففف خلاص إنتي قلتي له مشاعـــــــــــرج ..
تعاملي مع الموضوع ..!
وطريـــــــــــقة تعاملج خليها تكون كأنج ما قلتي شي !!
كأنج ما إعترفتي بشي ..
بيني له إنه ما يقدر عليــــــــــــــج ..!
إهي قــــــــــــويه ..إهي مثـــــــــــل منيـــــــــــــــــره ..!

الشاليـــــه , الظهــر :
زيــنه :


وصلوا للشـــــــــاليه مبجــر الصبح ..الهوا العليـــل ..وصوت البحــــر ..
سلمت على خوات منيــره , والبنات , وعلى طول هربت للشاطئ ..لمكانها السري ..
فكرت هناك بإعترافاتها ..بمشاعرها , بالأحداث اللي مرت عليـها , من أخر فتره مرت فيها زارت هالمكان ..
تحس كأنه عمر ..
وألحين توهـــا رجعت للكل ..وقت الغدا ..
أغلب البنـات رايحـــين وراديـــن بالأطباق ..
وإهي من ضمنـــهم ..
لما وحده من خالات صقــر نادتهــا " زيـــــــــنه "
إلتفت عليــها ..وقالت " نعم خالتي "
ردت عليـها خالة صقـــر " نادي البنات الباجي للغــــــــــدا ؟! "
قالت بإبتســـــــامه هاديــه " إن شاء الله "
توجهــت لخارج الشــــــــــاليه ..
لما طاحت عـيـنها على ظهـــر إنســـــــــان تعـــرفه ..
طــوله الممــيز ..
غمضـــــت عيــونهـا ..
بس تعبــــــــانه !!
ليش يه !!
ما تقدر تواجهه عقــــــــــب إعترافهـــــــــا الغبي ..!
إهي لازم تكــــــــــون قويه إن واجهته , ما تبين إنه حبــها له خلاها ضعيفه ..
أو تبيــع كرامتهــــــــــا ..
لما فتحت عيــونها ..
شافت المشهــــــــــــد ككل ...واللي خــــــــــلاها تغلي بنـــــــــــــــــــــار حارقه ..مؤلمـــــــــه ..
فجــر قاعده تلعب مع الأطفال الصغار اللي كانوا كبـــر بنات إبراهيم ..بالكـــره ..
وفجـر كانت مشتطــه ..ما كأنها على أعتاب الجامعــــه !!
وصقـر ورزان واقفين بقرب بعض يضحــــــــكون ..
ما حســــت بروحـــــــــــها إلا وإهي تتوجـــــــــه بغضب للمكــان اللي إهم فيــه ..
فجــــر شـــافتها ..ونادت بأعلى صـــوتها " زيـــــــــنه تعالي لعبي معانا " .. رزان أول ما إسمعت إسم زيــنه ..تشنجت بعدم إستلطاف
صقـر أول ما سمع إسمــها إلتفت ..
بمشـــــــــــاعر مختلفه , فأهو ألحيــن يحس بالــراحه ..
عدم التوتر ..
بشـــــــــــوق ..
تحبــــــــــــه ..ويحـــبهـــــــــــــا شنو أروع من جذي ..
وإكتفى بإبتســـــــــــامه ..لها ..
فجأه إنحذفت كوره وإضربت على راس فجــــر من أحد الأطفال ..
اليهـــال كانوا يضحكون ..فجــر قاعده تضحك , ورزان بعد على الموقف اللي صار ..
لكن زيـنه ما لقت أي شي مضحـــــــــك ..
فإهي شابــــــــه بضــــــــو قاعد يحــرقهـــا , ما تقدر تتكـــــــــلف بإبتســـــــامه ..
يمكن لو كان واقف بروحــه جان ما تجــرأت على الأقتراب , خاصه بعد اللي سواه فيها ..
لكن الغيره كانت دافع لها بالتحـــــــــــرك ..الغيــظ خـــلاها تبي تبعدهـــــــــــم عن بعض ..!
رزان وصقـر ما كانوا فعلاً واقفين يم بعض , كانت تبعد بينهم خطوات ..
واهو توه جاي ..
لكن طبعاً زيـنه ما كانت تدري ..وما كانت تشوف المسافه بيـــنهم ..
لما شافت زوجــها , وشافت إبتسامته لها ..
ما شافت غير إنه قاعد يتطنــــــــــز عليــــــــــــها .
ما إبتســـــــــــمت بالعكــس كشــرت بويهه ..واللي يشــــــوفها يظنهــا حاقده عليـــه ..
يبي يتزوج رزان ؟!
معقـــوله عيــنه عليــــــــــــها ؟!!
وقفــته معاها مو طبيــعيه ..!
إهي اللي يبيـــــــــــها ..
صقـر إختفت إبتســامته ببطــأ ..
عطتــه نظرة إحتـقار من فوق لي تحت ..وصـرفت النظــر عنــه بطريقـــــــــه مغيـــــــــظه ..
خلته يشد على اسنـــانه ...
وقفت زيـنه بالمسافه بينـــه وبين رزان .
وإلتفتت على رزان قالت " الغدا زاهـــب "
رزان حســت بالوقفه العدائيـه ..
وبالإسلوب الزفت..والنظره المو حلوه بعد ..
إلتفتت رزان على فجـــر ..ونــــــــادتها ..
تحس كـأنه زيـنه تغار منهـا ..!! وإهي ما تلومهـا فإهي إزرعت هالشي في مخها..
بس هالمره صج ما كانت تبي توقف مع صقـر !! صار الشي تلقائي غير مخطط له .
لما راحــوا للشــاليـــــــــه ..
إلتفتت زينه على صقـــر بعنــــف وملامحهـــــا كانت بقمــه العنف " لا تـــــوقف مع هالبنت مـــــــــــره ثانيــــــــــــه , لا تقـــــــــــــــــرب منـــــــــــها "
وســـــــع باله عليـــــــــــــها ..
واهو يشــوف الأطفال قاعديـــن يلعبــون ..
مستعــــــــد يسمع كل شي تبي تقوله ..
لكن راح يوضح لها نقطــــه مهمـــه .
فقال بهدوء " رزان رابيه مع بنات خالتي وأنا أعدها وحده منهم "
عبـــــــــــــاله إنها مو فاهمــــــــــــه ..
مو فاهمــــــــــــه حركاته ..!
أهو ليــش ياي ..علشان رزان ...!
إهي تدري إنه مو يــاي علشانهـــا ..
شــافته بشــــــــــك " شتسوي إهني ؟!!! ليش ييت ؟!! ليش ما قعدت بالديـــره "
الهجــــــــــوم المفاجئ والكـــره اللي ينضح من تصــرفاتهــا ..
تقــبله بصـدر رحـب فإهي شافت منـه هجــوم والويــل بالأيام اللي فاتت ..
وقال بهدوء " لأني أبي أكون مع زوجــــــتي "
تدري إنه قاعد يســــــــــخر منـــــــــها وهالشي أثــار غيــظهــا ..
فأهو متجنـــب المكان اللي إهي فيــه صار لــه إسبـــــــــوع ..
أهو اللي سكت عقــب ما قالت له أحبـــــــــك ..
قالت بغضــب " أنا ما أبي أكــون معاك , رد الديــــره "
ما راح يرد الديــره مهما كانت ما تبيــــه .
فاهو بعد ما إكتشف حبـها له ..ما راح يمنعــــــــــــه عنهـــا شي ..
لازم يتفاهـــمون عن اللي صــار بيــــــــنهم أمــس من خلافات ..فأهو يحتــاج لإرضاءهـــــــــا ..
فإهي لازالت تحس بالجــرح من كلامـــــــــه ..
فقال بكل جديــه " زيــن عن أمـس ..بقــولج ..."
إبتعدت خــطوه عنه ..
ما راح تتكـــــــــــلم عن أمس ..
عن غبـاءها بالإعلان عن حبـــها ..!
قالت بدفاعيــــه " ما أبي أتكــــــــــــلم عن أمس "
مد إيده بتلقــائيـــه , ومسك ذراعـــها ..
سحبت إيدها على طول منـــه ..
وقالت بعنف " قلت لك أمس لا تلمســـــــني " وأضـــــافت بعنـــف أشد " مثـل ما إنت ما تبيني أنا بعد ما أبيك "
إن كان يظنـــــــــها بتنسى اللي قـــاله لها فأهو غلطــــــــــان ..
إن كان يظن إنه إعترافــها بيخليها تنـزل من كــرامتها , وتقبــل بكلامه فأهو غلطان ..!!! واكثــر من غلطان ..
وإن كان يظن إنها بتشـوفه مع غيــرها وبتسكـــت ..لأنها تحبـه فأهو مجنون ..
صــقر رفع إيــــــــده بإستـــسلام .
هالكلــــــــمه الغبيـــــــــــه اللي قــــالها ..
لازم يفندهـــــــا ..
لازم يشــــــــــــــــرح لها ..
بس اليهـال ..كانوا موجوديــن حولهم ...فقــال بصرامه " لازم نتكـــلم عن أمـــس , بأخليــــــج على راحتج ألحيــــن بس بعديـن راح نتكــلم "
تجـــاهلتـــــــــه ..
ومشــــــت عنـــــــــــــه مو مهتمــــــه ..!
ما راح تتكـــــــــــــــــلم معاه ..
ما تقــــــدر تستحمــــــــل كلامه معاها ..بعد ما اهانت نفســــــــــها جدامه وأعلنت كل شي وقابلها بالصمت وعدم التصديق ما تبي تتكــــــــــــــلم معاه ..
وما تبيــــــــــــه يتزوج ..!
وما تبيه حتى انه يوقف مع أحد , اي كان ولا حتى مع رزان ..
رجفت شـــايفـــــــــــها ..
تبي حبـــــــــــــــــه ..!
ليــــــــــــش ما يحبهـــــــــــا ؟!! ليــــــــــــــش مو قادر يحبــــــــــــــــها .
صقــر تابع ظهــــرها ..
صدهــــــــــا له كان متوقع ..فتصــرفاته من وقت زواجهـــــم كان هجــومي ..
ما يبي يفكــر غير بإنها تحــــــــــبه , وإنها ما قط حبت شخص ثاني ..
ما يبي يخســـرها ..
قاعد يدوس على نفــــــــــسه وايد من هالناحيـــــــه ..فالغيــره لازالت تنتــابه لما يفكـــر بزواجهــا السـابق ..
دخــلت الشــاليـــه !!
إبتســـم بفكاهه ساخـــره الله يعيـــنه عليـها إن عرفت إنه بينام معاها بالغــرفه !!

الليـــــــل :
زيـــنه :


الكل طالع على البحــــر وقاعدين على المده ..
الحريم جهه , والريــاييل جــــهه ..
مثــل العاده بهالوقت من السنــه يطلعون الشوايــــه ..
ويبدون الريــاييل , يشوون بهالمشاوي ..!
وريــــلها طبعاً طاق الصدر , واهو اللي قاعد يشــوي ..
والبنــــــــــات رايحــين وراديــــــــن عليــه ..
( لو سمحــــــت صقــر ) ( بليــــــــــز صقــــــــر ) ( ولا عليــــــــك أمـر صقـر )
( حبيبي صقــر ) <<< هذي الأخيــره من تأليفــها ...فولا وحده قالت له حبيبي
ما تقدر تتجــاهله ولا تتجنبــــــــــه ألحين مثــل ما سوت طول اليوم ..!
فإهي حاولت ما تشــوفه طول اليوم ..لأنها بس تطيــح عيـــــــنها عليــــــه تبدي تحـــــــس بغيره مجنـــــــــونه ..وحـزن ويأس خيــالي ..
وأصـــلاً مع كل إعنادهــا وخرابيــطها ..إلا إنه الشوق ذابحهــا ..
وتبي تكون معاه ..
وميـــــــــته من الغيره عليــــه !!
غيره مجنـــــــــــــونه ..
عيـونها مو قاعدين تطيــح عن ريــلها ..
الغيـــــــــــره واصله فيها لدرجـة إنها قاعده تغار من بنات إبراهيم اللي طول الوقت حــوله ..
عيــونها تراقـــبه ..
كلما تحــرك , تتبعتـــــــــــه بعيـــــــــونها !!
فجــر كانت واقفه عنده ..
شكــلها قاعده تطلب حق عمرها ..!
أهو إبتسم حق فجـر , وإهي إشتعلـــــــــــت ببساطـــــــــــــه سريعــــــــــــــــه ..!
لما طاحــت عيــونه جهــتها ..عقد حاجبـه على النظـرة الغاضبه ..
شنو سوى ألحيـــن ؟!! فأهو كافي خيــره شـره طول اليوم ..!
زيــنه أبعدت عيــنها عنه ..حـاولت تطنــــش الموضوع ..
وتشــوف الحريـــم والبحـــــــــــر ..
لكن عيونها ترد له تلقــائيــاً ..
منو فيـــهم يبيــها ..؟!!
بمنــــــــــو قاعد يفكـــــــــر ..
إن تزوج عليــــــــها بعد ما تذبحــــــه , وتذبحـــــــها ..راح تطلب الطــــــــــــــلاق ..
توتـــــــــــرت وإغتاظت ..لما شافت رزان تيي مع دانـــــــــه ..
تقرب من جهــة الحريــم وتسلم بكل رقه على الكل ..
وبعدها تروح بكل عزم للمكان اللي موجود فيـه صقــــــــــــر !!!
علشان تطلب المشاوي اللي إهي تبـــــــيهــا , صقـــر بهالفتــره ما كان اهو اللي يشوي , كان قاعد ياكل يم اللي قاعد يشوي بداله..
وقاعد يســـــــــــولف ويضحــــــــك ...
وطبعـــــا ..
الأنســــــــه رزان واقفه بمكان قربه ..!
قامت زيـــــــنه من مكــــــــــانها ما تقدر تستحمـــــــــــل اليوم كله لعـــــــــب بأعصــابها ..
ما حســــــــت إنها جذبت نظـــــــر الشخص الوحيــــــــد اللي ما كانت تبي تجذب إنتــباهه ..
لحقـــــــــها بكل هدوء ..
وقال بهدوء " وين رايحـــــــــه ؟! "
ما كان يبيــــــــــها تروح ..فإهي طول اليوم قاعده تتجــــــــــاهله ..
شي كان واضح له مع إنه يمكــــــن ما كان واضح لغيـــــــــــره .!!
مشتـــــاق لوجهها اللي حرم نفســـــــــــه منــــــــــــه أيام ..!
زيــــــــنه ما كانت تبيـــــــــــه ولا تبي تســـــــــمع صـــــــــوته ..
الغيظ من أمس واليوم خلاها تقــــــول بكل وقاحـــــــه " مو شغــــــــــــلك "
إن كانت تظن إنها بتهــرب وإهي قايــله هالكلمـــــــه بالساهـــــــل ..
فإهي غلطانه ..
لأنه اهو قال بصـرامته المعتاده .." ما في داعي نتكلم مع بعضــنا بهالأسلوب "
ما تصـــــــــدق اللي تسمعــــــــــه ..
مستحيــــــــــــل ..
أهو يقـــــــــــول هالكــــــــــــلام ..
اهو اللي كلمته مثـل لســـــــعة الدبور ..وأشد قــــــــــــوه ..
قالت بغضــب " طبعاً إنت الوحيـد اللي لك حق تتكـــــــــلم جذي "
قــررت إنها تتركـــــــــه وتتحـــــــــــــــرك ..
لما مسكـــــــــــــها بكل قوه ..
ولصقــــــــــها بالطــوفه ..وثبتـــــــــــــها بمكـــــــــانها بجسمــــــــه
كان المكان اللي اهم فيــــــه عبــاره عن ممر مظلم بين شاليهين ..
قالت له بكل عنـــــــف " لا تلمسنـــــــــــــــــي ..ما أبيك تجيـــــــسني "
صقــــر كان يبيــــــــــــها تسمـــــــــــــعه ..
وما يهتـــــــــم بالوسيـــــــــــله اللي يخليـــــــــها فيــــــــه تسمعــــــــــه ..
حط إيده تحت حنكــــــــــها وقال بكل جديـــــــــه " أنا أســـــــــــف ..أســـــــــــف على كل كلمـــــــــــه قلتــــــــــــها بحـــــــــــــقج ... "
قبـــــــــــل ما يضيــــــــــف أي شي ثانــــــــــي ..
قالت بحقــــــــــــد " وأنا أكرهـــــــــــــك "
شد على حنكـــــــــــها اكثـر وقال بكل جديـــــــــــه " لأ ..إنتي تحبيـــــــــــني ."
حاولت تفـــــــــــــلت من إيده بكل قــــــــوه
إستغــــــــــــل إعتــرافهــــــــا .. التعبان انا اوريه...
وقامت تتحرك بعنف على أمل انها اتخليه يهدها..
اوووووووووف...
ما تصـــــــــدق إنه تجـــــــرأ يقول هالشي لهـــــــــــا ..
ثبتـــــــــــــها بقــــــــــــوه وقال " أســـــــــــــف وقســــــــــــم بالله أســـــــــــف "
دزته فجــأه عنهـــــــــــا ..
وراحـــــــت للشــــــاليه ..إصعدت لغـــــــــــــرفتها ..
كانت قاعده ترتجــــــــــف بجنون ..
خايفه منـــــــــه !!
أســــــــــــف على شنـــــــــــو ولا على شنـــــــــــو ؟!!
شيبي منــــــــــــها ؟!!
مو أهو قايــل ما يبيــــــــها ؟!!!
مو أهو قايـل يبي يتزوج ثانيــــــه !!
ولا يظن إنها لما تعترف بحبهـــــا معانتها راح تكون طوع إيده وبنانه ..!
دخــلت غرفتها ..راحت للحمــــــــــــــام خذت لهــــــــــا شور سريـــــــــــــع ..
أنا ليــــــــش قاعده أسوي جذي !!!!!
ليش قاعده أسمع له ..!
أكلـــــمه !!
اتهاوش معاه !!!
ألاحقـــــــــــه !!
أطالعـــــــــــــه !!!
أبي قربه وأبي بعده بنفــــس الوقت ..
مشاعري وأفكاري كلهـــــا مخربطــــــــــــــه !!!
مره أقول أبي أحبــه ..ومره أقول لازم أكرهه ..ومره أقول كيفه , ومره أقول لأ أنا زوجتــــــــــــه ..ومــره أقول كرامتي ..و بلحظه ألغيـــها .
شنو هالحيـــــــاة ..!! مو عارفه شنو أسوي ..!
منو يدلنـــــــــــي شنو أسوي ..!!!
وأخذت الكريمات وتدهنـــــــــــت ..طـــــــــلعت أحد قمصان نومهـا القصـار المريــحين .. لبســـــــــته ..
وإستلقت على الســـــــــرير ..
من غير لا تنتبــــــــه للحقيبــــــــه الثانيـــه

صقــر :


بعد ما سدح بنات إبراهيم بالغرفه الثالثه الموجوده بالشــــــاليه ..
توجــه لغرفته مع زوجتــه ..
اللي يتمنى من كل قلبه إنها نايمــــــــه .
ما يبيـــــــــــها تفضحـــــــــه بصراخهــــــا ..
وهروبــــــــــــــها ..!!
دخــل بهدوء ..
تنفس الصعداء لما شاف الضوء مطفي ..
سكر الباب , إستعان بضوء موبـايله ..
عرف وين حقيــبته ..دخل الحمــام أخذ له شــــــــور ..شــــاف جزء من ظهـــره بالمنظره ...ملتهب مثل العاده ...تنهــــــــــد ..
وطلع ..
الســرير صغيـــــــر !!
أكيــــد بتحــس فيـــه ..
الله يعيـــــــــنه عليــــــــــــها ..!!
أزال اللحــاف بهدوء ..
وإستلقى بطريقه غير مريحـــه , عدة مرات يتقــلب بهدوء يبي يلقى مكان مناسب بالضيق بس مو قادر ..
ما كان عارف شنو يقدر يســــــــوي ..
قرر إنه يضع ذراعه تحت جسمـــــــــها بخفــــــــه ..علشان يضمــها , ويصيــرون قراب ..
وبنفــس الوقت كل واحــد فيــهم يكون له مكان مريح ..
أصدرت أصوات منزعجـــــــه عدة مـــــــــرات ..
لكن أخــر شي إستقـــــــــــرت بحضنـــــــــه ..!
وبثواني فقط ..نام أهو بعد ..

بعدهــا بساعات :


فتحت عيـــــــونها على إحســـــــــاس بالدفا والأمان مفتقـــــــــــدته ..
ذراع محيطـــــــــه فيــــــــــــها ..
وإلتفتت بكل جسمـها وبعيــــــــون ناعســــــــه إكتشـــفت إنها بأحضان حبيبــــــــــها ..
خبــــــــــــــــت وجهـها بصــــــــــــدره مشتــــــاقه له حيـــــــــــل !!
ورفعت راسها لوجهه تتأمل ملامحه بخدر ..وهي متأكده إنها قاعده تحلم
فتح عيـــــــــنه من الحـــــــــــركه ..وتفـــــــــاجأ بالعيــــــــون الناعســـــــــه اللي تشـــــــــــوفه ..
ووجهـــها القريب من وجهه ..وجــــــــــــه حبـــــــــه..
اختفت كل الافكار واشتعلت كل المشاعر واسقطت كل الحصون
وما كان منـــــــــــه إلا إنه يقــــــــــــترب ..
ويمتلكهــــــــــا مثــل ما كان يجـــــــــب بأول ليـــله لهم ؟!



أتمنى لكم قراءه ممتعــــــــــــــه .

على أمل اللقاء بكم قريبـاً

لا تحرموني من التعليق

الكاتبه


bwidow

 
 

 

عرض البوم صور نوف بنت نايف   رد مع اقتباس
قديم 29-03-11, 08:19 PM   المشاركة رقم: 234
المعلومات
الكاتب:
اللقب:

البيانات
التسجيل: Aug 2007
العضوية: 39529
المشاركات: 127
الجنس أنثى
معدل التقييم: seniora عضو بحاجه الى تحسين وضعه
نقاط التقييم: 11

االدولة
البلدItaly
 
مدونتي

 

الإتصالات
الحالة:
seniora غير متواجد حالياً
وسائل الإتصال:

كاتب الموضوع : نوف بنت نايف المنتدى : القصص المكتمله
افتراضي

 

اول البارت صراع واخره وفاق احلى من كذا مافيه

بصراحه الكاتبه جدا مبدعه الله يصبرنا للبارت الجاي عشان نعرف وش بيصير

 
 

 

عرض البوم صور seniora   رد مع اقتباس
قديم 31-03-11, 01:50 AM   المشاركة رقم: 235
المعلومات
الكاتب:
اللقب:

البيانات
التسجيل: Sep 2010
العضوية: 190173
المشاركات: 17
الجنس أنثى
معدل التقييم: صمت الغروب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
صمت الغروب غير متواجد حالياً
وسائل الإتصال:

كاتب الموضوع : نوف بنت نايف المنتدى : القصص المكتمله
افتراضي

 

يعطيك العافيه غلآتي..

 
 

 

عرض البوم صور صمت الغروب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبه black widow, black widow, زين صقر, زينة هي الموت و المنعوت و النجوى, زينة هي الموت و المنعوت و النجوى للكاتبه black widow, قصة زينة هي الموت و المنعوت و النجوى
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t145707.html
أرسلت بواسطة For Type التاريخ
Untitled document This thread Refback 19-08-14 11:35 PM


الساعة الآن 11:23 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية