المنتدى :
الأطباق الرئيسية
صينيه السمك 3 طرق..
السلام عليكم ورحمة الله
امس عملت صنية سمك وكانت تحفة ما هان عليا اكلها لوحدي قلت اجيب لكم الوصفة
الطريقة الاولى
دي الي عملتها امس وكان سمك بوري لكن كل الطرق الي حقولها تتعمل مع اي سمك صنية لكن ما اعتقد تتعمل مع البلطي
تجيبي السمك تنظفيه وتفتحيه وتخرجي احشائه يتغسل كويس جدا
تكوني مجهزة طماطم مقطعة مكعبات
خضرة(انا حطيت بقدونس وشبت)
جزر مبشور
فلفل اخضر (حار او حسب الرغبة)
كلها مع بعض في طبق والكمية حسب الرغبة او كمية مناسبة
وتجيبي ثوم مهروس ومعاه ملح وكمون وشطة(لو حبيتي)
جزء من الثوم تتبلي بيه السمك من جوة ومن برة
الجزء الاكبر تعصري عليه ليمون وتخلطية علي الطبق الي فيه الطماطم والخضرة
تجيبي الصنية وتقطعي فيها بطاطس شرائح(لو عايزة)
جزء صغير جدا من الثوم تحطي عليه شوية ماء(ربع كوب)وتحطيه علي البطاطس
ترصي السمك عليها وتحشيه بالخلطة ولو فيه زيادة حطيها عليه وتعصري عليه ليمون تاني
وتضيفي شوية زيت صغيرين
وتدخليه الفرن
وبالهنا والشفا
الطريقة الثانية
طبعا السمك متنظف ومفتوح ومغسول وكله تمام
تقطعي بصل قطع صغيرة وتحطي عليه ملح وفلفل اسود
وتحشي بيه السمك وتتبليه من بره
ولو عايزة تحطي تحتيه بطاطس شرائح
وترصي السمك وحبة زيت ويدخل الفرن
الطريقة الثالثة
تقطعي شرائح البطاطس في الصنية وتقطعي عليها مكعبات طماطم وشرائح فلفل اخضر حار
وتتبلي السمك بالثوم المهروس عليه كمون وملح وشطة
تتبليه من جوه ومن بره
وترصيه فوق الصنية وحبة زيت ويدخل الفرن
يارب يعجبكم واكون اضفت جديد
منقووووووووووووووووول..
|
15-07-10, 06:42 AM
جديد مواضيع قسم الأطباق الرئيسية
العرض الشجري
