المنتدى :
الشعر والشعراء
مدري أصفق للصدف أو زماني
مدري أصفق للصدف أو زماني
ولا أصفق لك مدامك نسيتيه
يعني رجعتي لي وانا في مكاني
مامداني انسى شي الا ذكرتيه
مسرع رجوعك تو ماامدى اعاني
حتى الشعر مامدى احسه واعانيه
ماكن نفس القلب هذا نساني
واستوطنه حب ً جديد ً عبث فيه
اخترتي حبه وانا ربي عطاني
تاج الشموخ اللي احبه واداريه
رفعت نفسي قبل لاصير ثاني
وقلت المحبه حظ والله يهنيه
واغتلت بيديني طموح واماني
وهدمت بيتً وسط قلبي سكنتيه
وصارت سنيني معك مثل الثواني
حتى ولااذكر اي شي ً تحبيه
والحين جيتي لي من اقصى زماني
كنك قصيدً خان بشفاه راعيه
بعيونك الدمعه تخون المعاني
طفله ورباها الغدر بين اياديه
وانا اعرفك مارجعتي عشاني
انتي رجعتي بس همك تخونيه !!
مما لامس روحي
|