لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 09-07-10, 04:02 AM   المشاركة رقم: 21
المعلومات
الكاتب:
اللقب:

البيانات
التسجيل: Jun 2010
العضوية: 174296
المشاركات: 30
الجنس أنثى
معدل التقييم: عزتي بشموخي عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
عزتي بشموخي غير متواجد حالياً
وسائل الإتصال:

كاتب الموضوع : retaj المنتدى : القصص المكتمله
افتراضي

 

شـكــ وبارك الله فيك ـــرا لك ... لك مني أجمل تحية .

 
 

 

عرض البوم صور عزتي بشموخي   رد مع اقتباس
قديم 09-07-10, 09:21 AM   المشاركة رقم: 22
المعلومات
الكاتب:
اللقب:

البيانات
التسجيل: Aug 2007
العضوية: 36407
المشاركات: 56
الجنس أنثى
معدل التقييم: retaj عضو بحاجه الى تحسين وضعه
نقاط التقييم: 25

االدولة
البلدQatar
 
مدونتي

 

الإتصالات
الحالة:
retaj غير متواجد حالياً
وسائل الإتصال:

كاتب الموضوع : retaj المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة وريـــف مشاهدة المشاركة
   حبوبه وين البارت


هلاااا وغلاااااا

جد جد اسفه وان شاء الله بنزله هـ لحين

 
 

 

عرض البوم صور retaj   رد مع اقتباس
قديم 09-07-10, 09:23 AM   المشاركة رقم: 23
المعلومات
الكاتب:
اللقب:

البيانات
التسجيل: Aug 2007
العضوية: 36407
المشاركات: 56
الجنس أنثى
معدل التقييم: retaj عضو بحاجه الى تحسين وضعه
نقاط التقييم: 25

االدولة
البلدQatar
 
مدونتي

 

الإتصالات
الحالة:
retaj غير متواجد حالياً
وسائل الإتصال:

كاتب الموضوع : retaj المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة عزتي بشموخي مشاهدة المشاركة
   شـكــ وبارك الله فيك ـــرا لك ... لك مني أجمل تحية .



العفو يا الغلااااا

هلا وغلا نورتي صفحتي

 
 

 

عرض البوم صور retaj   رد مع اقتباس
قديم 09-07-10, 09:27 AM   المشاركة رقم: 24
المعلومات
الكاتب:
اللقب:

البيانات
التسجيل: Aug 2007
العضوية: 36407
المشاركات: 56
الجنس أنثى
معدل التقييم: retaj عضو بحاجه الى تحسين وضعه
نقاط التقييم: 25

االدولة
البلدQatar
 
مدونتي

 

الإتصالات
الحالة:
retaj غير متواجد حالياً
وسائل الإتصال:

كاتب الموضوع : retaj المنتدى : القصص المكتمله
افتراضي

 

الفصـل الحادي عشر





كان الجو مشمس وحار بس حلو ومحتمل...الشمس ماكانت ساطعه وايد والنظارة خففت من حدتها .. طالعت العنود لأحمد اللي كان ماسك يدها وسرحان وهو يتفرج على الشوارع المرصوفه .. استغربت سكوته .. وصلوا لمقهى عالبحر ..
ــ شتشربين ؟. .
ــ تونا متريقين .مب مشتهية شي..
تما جالسين وهي مستغبه صمته ..وبعدين تشجعت وسألته ــ أحمد ..
ـ ياعيون أحمد ..
ــ شفيك ساكت؟؟...من طلعنا ودرنا بهالمكان الحلو وانت ساكت .توقعتك تشرح لي شي عن تاريخ هالمكان ..
ابتسم ـ لان شهر العسل مرة بالعمر..ألا اذا تزوجت مرة ثانية ..
عصبت العنود ــ نعم ؟؟
ضحك ــ الله ينعم عليج ..أمزح معاج لاتزعلين .. هو مرة وحده بالعمر..فقررت ان شهرنا يكون بهالمكان الرومانسي ..بنسافر بعدين في جوله حول الدول الاوربية .. لكن .. اول اسبوعين مع بعض لهم معنى كبير.. فيبتج لهالمكان اللي ارتاح له كلما اتوتر...هالمكان اللي جيته وانا مراهق عمري 12 سنه .. هي جزيره سياحيه من جزر اليونان ليتل فينس....وتعتبر من اقدم الجزر الاوربية وتعتبر الهام الفنانيين وعاشقين الطبيعه .... تتميز بهالشاطيء الساحر..وجوها الدافيء.. في متحفين أثريين هنا . ...بنزورهم بعدين وفي طواحين هوائية كانت ميزة هالجزيرة في القرن السادس عشر .. ومثل منتي شايفه طرقها السااحرة والوان البيوت المميزة ..
ــ صحيح حتى الفندق .. كلها ابيض ساطع و ازرق ..ماشاء الله الفندق وايد ..روعه ..يعطيك احساس بيتوتي..والمنظر..روعه ..
طالعها احمد ـ ان شاء الله هذي اخر فندق اربع نجوم تنزلين فيه .. انا مااخترته الا لاني حسيت انه فيه عزله ويليق بهالجو الصيفي.. .. ولا انا زوجتي ماتنزل فنادق اربع نجوم !
ابتسمت له العنود ــ مايهم المكان .. المهم الرفقة والنظافه ..
مسك يدها وقاموا يتمشون على البحر اللي كان لونه الازرق ساحر بشكل لايوصف.. تم يسولف لها عن ذكريات مراهقته ..عن زيارته لهالجزيرة مع اصدقاءه ..وساره كيف كانت كله زعلانه لانها تكره البحر وكله تامه في الغرفه تطالع الملك الأسد! وبوكاهانتس..!!
العنود ــ اووه ايام لول .. بوكاهانتس..
احمد ــ كانت سويره تخاف من البحر..واقولج الصج ..انا كنت مخوفها كنت اقولها قصص عن السعلوة ..
طالعت له العنود ــ هاااا..؟؟؟
سألها احمد ــ مب سامعه بالسعلوة ؟؟تريتره؟؟؟...الغوله ؟؟
ــ سمعت بالغول لكن الباقي .. نوو...
ــ جدتي الله يرحمها كانت تقول لي قصص عن السعلوة ..كانت قصص انها تطلع من البحر وانها تاكل اليهال...وانها تمسخ عمرها وتتنكر وتصير احلى الحريم واحيانا تكون ام القمل والعفن ..سوالف لول ماسمعتي فيها من قبل؟؟
ــ لا ولا مره ..جدتي ماكانت تقول لي قصص رعب ..كانت تقول لي قصة الشاطر حسن ..وان ابدعت يعني ان بدعت ..تقول لي قصص حب حزينه بس اكتشفت بعدين انها مقتبسه من افلام عبدالحليم!!...تعال انت يالظالم بينك وبين سويروا ربع سنوات يعني قلتهم لسويرة وهي عمرها ثمان!!!...
ضحك احمد ـ ايه بس شدراني ان البنت بتتعقد وبتخرب على عمرها عطلة الصيف بكبرها !!...هي بعدين قالت لي انها كانت خايفه من السعلوة وحنا في الطيارة لما ردينا ..اوف كسرت خاطري بقوة وبعدين قلت لها السعلوة مثل الديناصورات انقرضوا من ايام جدتي هههههههه...
طالعت له العنود ــ يعني تبرر جذبك لها.؟.
احمد ـ انا ماجذبت انا قلت لها قصص!! .. بس كان ضميري مأنبني..بس قلت لها ان في سعلاة وحده ظلت في القطب الجنوبي.. وليتني ماقلت لها قعدت طول الرحلة تٍسألني وين القطب الجنوبي!!..
ضحكت العنود من الخاطر عليه ــ واعليه سويره ..ليش تسوي فيها جي؟؟
احمد ــ كانت تلزق فيني وايد ..وكنت احب اروح البحر والعب بالسكي .. وهي تلزق وامي توصيني اختك واختك ..من قلت لها عن السعلاه كل مااروح البحر مع جيراننا صارت تروح وتنخش في غرفتها..وتقعد تصيح ..
ــ ليش؟
ــ تخاف السعلوة تأكلني!!..
ــ ياحلووها سويره وانت قلبك حجر!!...
ضحك احمد ــ لا والله كسرت خاطري فــ .... قلت لها السعلوة ماتاكل الاالبنات !!!!...
ضحكت العنود من خاطرها على هالمجنون ومسلسل الكذب على سويرة ..
ضحك أحمد معاها وهو يأرجح يدها وهم يمشوون ..
ــ وانتي؟؟.. شذكرياتج عن طفولتج؟؟..
سكتت العنود شوي ..وبعدين قالت ــ احلى ذكرياتي مع بنات خوالي .. سالم كان دايما معتزلنا .. تمنيته اني ألعب معاه .. لكن عقله دايما أكبر منا .. بنات خوالي لما كنا نجتمع في بيت جدي كنا ندخل المطبخ ..وكالعاده هم يتفننون وانا اتذوق .. كانت مهمتي التذوق كانوا يخلوني الحكم لان في الأكل انا الوحيده اللي كان ذوقي سليم احب الاكل بيرفكت !!..المها تحبه حامض ..ديمه تحب الملح زياده ..خديجه تحب الزيوت والزبده يكونون زياده عن اللزوم ..ونوف تحب الاكل الحار والفلفل..كنا نسميها رااجو..اووه ايام ..وهيا ..كانت تحب الأكل مطبوخ زياده عن اللزوم علشان الجراثيم !!.. بس اذكر مرة سافرنا جماعه للعمره انا وعمي يوسف الله يرحمه وزوجته الله يرحمها ووالبنات ..كلنا ..ومحد جا من شباب العايلة .يعني بس شلة بنات .. ..وحطوني حكم اختار لهم على ذوقي طبعا كان عمري 10 سنوات والمطعم كان شعبي.. و البنات يبوني اطلب لهم اكل على ذوقي .. طلبت صحن مربين ..برياني ربيان ..لان الكل يحب الربيان ..والكل اكل وعمي استخف على الوجبه ..الله يرحمه ..
ــ الله يرحمه ..
ابتسمت العنود ــ وعالعصاري وحنا على الخط..ههههههههه.....فجأة الكل لاعت جبودهم وقفنا على الطريق وهات ياترجيع ههههههههه تسممنا ..وقف لنا واحد سعودي الله يجزاه بالخير وساق لنا السياره لين المستشفى هههههه طبعا كلنا فينا مغص وفاجين الدرايش على كبر والريال متلطم ههههههههههه ..لايعه جبده ..ترقدنا كلنا حتى عمي .. والكل يتحسب علي ..ههههه تسمم .. بس اكثر وحده تعبت هي هيا ..بغت تروح فيها لانها متعوده على الأكل البيرفكت !!فمابالك بربيان فاسد!! ومن مطعم شعبي ..هذي كانت آخر مرة يخلوني اختار لهم فيها حتى وظيفه الحكم شالوها عني وسلموها لخالي صالح هههه وخلوني المضيفه ..
كان أحمد يضحك عليها لأنها استرسلت بالذكريات بدون ماتحس بعمرها ..حس انه كان معاهم في الرحله ..
ــ مساكين ,,ضحايا اختيارج!!,,
العنود ــ محد قال لهم يختاروني اختار لهم .,,,
ابتسم احمد ــ عاد تحبين الاكلات البحرية؟.
ــ اعشقها ..
ــ عيل تعودي اكلنا هنا بيكون اغلبه اكلات بحرية .,.المطاعم هنا تقدم وايد اشياء لذيذه ..بس بما ان الجزيرة فيها ميناء فالاسماك والربيان كله طازج ..بتذوقين شي خيالي..
استانست العنود ــ كلما سافرنا اوربا ..ماكنت اكل غير الكرواسان ...امي تاكل سلطات وسالم واخواني الصغار دايما يروحون المطاعم العربية .
ــ في اثينا مطاعم عربية وفيه سوبرماكت عربي .. وفي اسواق حلوة وماركات عالمية....
العنود ــ لا ..مابي شي من السوق العالمي..لانه موجود في كل مكان...احب الاسواق المحلية..والبضائع المحلية..احب اخذ ذكرى من كل مكان ...

ــ شنو آخر شي شريتيه من سفره لج؟؟
قعدت العنود تفكر شوي ــ ممممم....مممم..اخر مرة الصيف اللي طاف كنا في باريس .. طبعا كنا في تور في اوربا رحنا وايد مناطق فينسا برلين جنيف لندن .سكوتلند...واخر محطة كانت باريس.كنا نتغذى في مطعم عالنهر..وبعدين تمشينا انا وسالم وعامر وعبير و امي ماجت معانا.. كانت تودع صديقاتها وتمت تتغدى معاهم ...كان في بسطه عالطريق وحده عيوز تبيع مشغولات فضية ..خذيت منها خلخاال فيه احجار زمرد ...كان آخر شي شريته...لان كنا بنروح الفندق ناخذ اغراضنا عسب نروح المطار..الخلخال كان خيالي.ان شاء الله .باراويك اياه لي ردينا الدوحه..
ــ ان شاء الله ..وأحلى شي شريتيه؟؟؟..
ابتسمت العنود ــ وايد اشياء..بس صج احلى شي..كانت لوحه..لفنان مغمور اسباني..شريتها من المعرض يوم عمري 15.. ..عندي اياها في غرفتي في البيت .. ان شاء الله لي ردينا براويك اياها ..
ابتسم ــ تحبين اللوحات..؟
ــ وايد ..احب الفن ..احب المعارض الفنية .
ــ متى حضرت معرض اول مرة.؟؟..
ـــ اول مرة حضرت معرض يوم كان عمري 13سنة.. كنت مع بنت صديقة امي اسمها جيهان وكان عندها تذكرتين لجاليري لفنان مغمور في باريس...وامي وامها يبون يروحون عرض ازياء في الفاشن ويك في باريس..ومايبون يجالسونا ..واخواني كانوا في الدوحه مع البيبي ستر ..وسالم ماجا باريس كان مسافرلندن مع صالح علشان يزورن راشد..فقالت لنا روحوا بس البسوا ملابس انيقة ..لبست يومها بدلة من فيرساتشي. ورحت مع جيهان ..وكان المعض تحربه يديده ..ماكانت اللوحات تجذبني مثل الالوان اللي اختارها ..عجبني الشعور اني اتفرج على كل لوحه ادقق في خطوطها وألوانها...فصارت عادة لي...
ابتسم لها احمد وتموا يتمشون ويستعرضون هواياتهم و الاشياء اللي يحبونها والمواقف اللي صارت لهم ...
___________
عند راشد والمها...كان راشد يقرأ الجريده والمها مستهمه لان صالح مايرد عليها ...
ــ شفيه صلوووح ...
طالع لها راشد ــ شفيه؟؟
ــ مايرد...
استغرب راشد ــ شتبين منه؟؟؟
المها ــ ابي اعرف ردوا عليه في سالفه خطبة فاطمة!..
ــ لا قال لي ماردوا البنت تفكر..وبعدين ماصار له يوم خاطبها..
عصبت المها ــ شتفكر فيه ..ولله لو اني مكانها مافكرت على طول اقبل ..حاصل لي ريل مثل صالح!!!
طالع لها راشد بخيبه ــ و الله تفشلين .. انتي صاحية؟؟باجر لاخطبج واحد بتردين عليه في نفس اليوم؟؟ اثقلي بس...
المها ــ بس صالح اخلاق وزين ودين...ليش مترددة...
ــ هي مب مترددة ه تفكر وبعدين لكل انسان معاييره ..يمكن هي مب حاطة في بالها تتزوج واحد اصغر منها!!
انحبطت المها ــ يعني تتوقع ترده ؟؟ ياويلي لو ردته بتروح فيها ديــ...
طالع لها راشد بنص عين ــ ديمه؟؟شدخل الديمه؟؟
المها بارتباك ــ ولاشي..
وقامت تبي تروح عنه لكنه مسك يدها ــ تقولين السالفه و لا شلون ؟..
ــ مافي سالفه ياخوي...
كان صوت راشد جامد ونبرته حاده
ــ المهـــا
ــ ياخوي والله ماصار شي...لي صار بتعرف الحين ماقدر اقول لانه امر مايعنيني..
طالع لها راشد ــ شوراج انتي وديمه؟؟
ــ الخير وببسسسسس...عن اذنك بروووذر تراك عورت يديني ..
ترك يدها راشد مب عاجبه طالع لها بعصبية ــ مهوي..لايطلع منج الغلط..مابي عمامج يقولون مايعرف يضبط خواته!!..
انصدمت المها وبدون وعي دموعها جرت على خدها ــ انت ياخوي تقول جي؟؟.. وهذي ثاني مرة ياراشد..ان ماكنت توثق فيني فهذي مشكلتك ..انا انسانه تعرف الصح من الغلط ولايمكن ارضى في يوم حد يتهمني بأخلاقي..
تركته وطلعت فوق وهي مقهورة حدها .. شفيه راشد.. بعدين طرى في بالها جاسم ..وانصدمت .. تذكرت نظرات صالح .لايكون!!!...في نفس اللحظة رن جوالها مسج .. فتحت المسج وانفخت بقوة من نفس الرقم
((ياللي صار رمشك حلم مستحيل..
ارحم قلب يحبك وصرت له ذكرى جنونه....
يخاف صورة عيونك من جفونه تطير..
وأمسي مثل الأعمى اللي فقد ضيا عيونه..)))..
عصبت المها .. في نفس اللحظة اتصلت نورة ..
ــ هلا ..
ــ شفيج؟؟ معصبة.؟
المها ــ اووه ..هاللي مايستحي على وجهه طرش لي مسج..
نورةــ ياويلي عالعاشق..
ــ نوووروه لاتمصخينها..
نورة ــ مهوي مافيها شي لو عطيتيه وجه حرام تلاقينه ذايب حده ..
المها ـ انتي قد هالكلام ؟؟. ..
نورة ــ المها شفيج؟؟
ــ انتي قد هالكلام اللي قلتيه؟؟
نورة ـ اي انا قد كلامي ششايفتني ياهل!..
المها ـ عيل انا انا اللي ماعرفت اختار..انسي ان لج في يوم رفيجه اسمها المها!..
نورة ــ المها انتي شتخربطين انا شسويت؟؟..
المها ــ الصاحب الي يحد صاحبه عالغلط ماهو بـصاحب!...
وصكرت التلفون ورنت كلمات راشد في راسها .. طلعت ورقة وكتبت فيها ارقام تحتاجها من التلفون وبعدين طلعت الشريحه وكسرتها .. مسكت الجوال وحذفته من الطابق الثاني وراقبته وو يتفتت لأجزاء .. ابتسمت ..ورجعت الغرفه وقعدت تقرأ روايه وهي مندمجه ..
__________
مر أسبوع .. يوم الجمعه .. كان منصور جالس في الفندق مهموم ..مايبي يطلع .. يقلب في الصور ودموعه تزوره بين فتره والثانية .. من وصل الدوحه وهو معتزل في هالغرفة ...لكنه قرر اخيرا يروح بيت جده ...

وفي بيت الجد.. ..عبدالرحيم كان منصدم .. من درى بخطبة صالح لفاطمة ..وهو ساكت مايقول شي..اخر شي توقعه ان صالح يتقدم لخطبة فاطمه لكنه ماحقد على اخوه لان اخوه مايدري بنواياه..
فاطمه وافقت بعد تفكير واستخاره و قالت لام عبدالرحيم رايها ..والكل في البيت استانس لموافقتها .وبدون مقدمات اعلن بوعبدالرحيم ان المهر هديه منه لفاطمه وانه بيصلح الطابق الثاني ويعيد تأثيثه .. .
صالح ماكان راضي بالتقديمات اللي قدمها ابوه ..كان طول عمره مفكر انه يعتزل ببيته بروحه ويتزوج من حر ماله .. ماحب ابدا فكره سكنه في بيت زوجة ابوه .. لكنه ماحب يخرب فرحه ابوه فوافق مبدئيا..

اللي كانوا صج فرحانين بهالخبر ..هم ديمه والمها اللي كانوا يتنططون مثل اليهال جدام الكل ..
خديجه ــ اموت وأعرف هالثنتين على شنو محتشرين ؟؟..
نوف ــ خليهم يفرحون ..
خديجه ــ بس صج هالثنتين شبلاهم شوفي شلون ينططون ؟؟..
ابتسمت نوف ــ خليهم ..انا ودي انطط وياهم ..ونااسه ...صالح وبيعرس ..يامحلاه من خبر ..
ابتسمت خديجه بعدين اكتأبت ..بتجي وحده تاخذ وقت صالح وسوالفه وضحكه ..وبتخسر صديقها .. بعدين حست انها سخييفه انها تفكر جي ..طالعت ديمه والمها اللي قعدوا يلهثون ..
نوف ــ خديجه قومي شوفي الغدا ؟؟
خديجه ــ لا ماابي ... قومي انتي ..
كانت خديجه تتفادى شوفه مبارك ..هي متأكده انه مترصد لها فالمطبخ كالعاده ..
نوف ــ بقوم انا وامري لله..
مرت جدتها في الصاله الصغيرة لقتها تصلي .ورجعت المطبخ وهي تبتسم وتفكر اكيد خديجه ماتبي تشوف مبارك الخبله ماتدري انه في صلاة اليمعه مع جدها وعمامها واخوانه وراشد؟؟..
دخلت لقت ماتلدا الفلبينيه تقص اليح ..
ــ ماتي ..الغدا خلاص؟؟
ــ يس ماما ماما كبير وفاطمه يخلص عيش طفي ..
طالعت الساعه كانت 12 واربعين ..في اي لحظة يدخلون الشله ..
ــ ماتي جهزي غدا للديوانية واللبن والعصير اللي جبته ..
ماتيلدا ــ ماما عصير مال انتي واجد حلوو ..
اضحكت نوف ــ شكلج صكيتي عليه يا ماتوو..
ماتيلدا ــ لا ماما بس انا يسوف لون اخضر انا يعرف في طعم واجد حلوو..انا يذوق افاكادو انا ياخذ قلاص كااامل ..
كانت نوف مسويه عصير افاكادوا بالعسل وبعصير جوز الهند .. وحاطه فيه مكسرات ومبدعه ..
ـ انا مسويه واجد .. حضري طقم الكاسات اللي فيه ليتل فلاور..تعرفينه؟؟
ــ يس ماما...انا بعرف يضبط عصير ..لايخاف..انا الحين يحط لبن ويجهز سماط مجلس..
نوف ــ عطيني السماط وانا اوديه الميلس مع اللبن .. ..
البست نوف شيلتها حطت ماتليدا السماط على يدها وعطتها الصينيه اللي فيها اللبن والقلاصات ..

و دخلت الميلس و...ماكانت متوقعه تشوف احد في المجلس..
وفجأة تجمدت أوصالها ..ماكانت متوقعه ابدا تشوفه !...لااراديا اخدرت يدينها وطاحت الصينية من يدها ..
شوفته بعد هالأسابيع كانت صدمة عنيف لها ..ماتوقعت تشوفه بهالسرعه!!!...طالعت اللبن اللي انسكب على السجاد ..وماقدرت تبقى مكانها على طول طلعت تركض بعيد عن هالمكان ..
تم منصور واقف مستغرب..كانه يشوف نوف اول مرة..اول مادخلت وقف على حيله من الصدمه شلون تدخل ميلس الرجاجيل؟؟..
دخلت ماتيلدا وتمت تنظف اللبن ..جلس منصور في مكانه ناطرهم يردون ..
اديري بيطردونه ولا بيستقبلونه ..تم جالس يفكر وطرت في باله روز ..وتنهد ...
ـ

برا المجلس في نفس الوقت كان راشد ميت ضحك وحمد وجه احمر وجدهم يقطع فيه ــ ماعرفت تصكر جوالك ؟؟ في نص الصلاه تطلع هالاغاني ماتستحي انت ماتستحي؟.؟؟
عبدالرحيم ـ مرة ثانية تخلي جوالك فالبيت انت ووجهك فضحتنا بين العرب!!,,,
دخل الشياب المجلس وبقى الشباب واقفين بره
مبارك وصالح يضحكون عليه لان الشياب مستلمينه ن طلعوا من المسجد لين وصلوا البيت قال مبارك يكلم صالح ــ والله اني عرفت انه جواله من سمعت بو نورة ..آيووووووه ..قلبي عليك التاع ... كل مره اقول الحين بيصكره الحين بيصكره...وماصكره ليش يالخبل ؟؟
حمد ــ ماكنت ابي اثبت التهمه علي كل اللي كنت ابيه انهم يركعون وانا امد يدي واصك الجوال !!...بس ماتوقعت ان الكل عارفين انه انا !!...
راشد ـ بذمتك عاد فكرت جي؟؟..اصلا الصوت جاي من الصف الاول على الطرف وجبنك جدي الشيبه !!,,, الناس اكيد تعرف انه انت!!....تعرف ان جدي ماعنده جوال!...الا تعال من داق عليك حزة الصلاة !!
ــ رفيجي فهد مسافر لندن يدرس وكل جمعه يتصل علي ...بس اليوم اتصل بدري..مارديت عليه انت شفت من طلعنا من المسجد وكل شايب في المسجد سمعني محاضرة ماتستحي على وجههك!!.....
صالح ــ تستاهل صكر جوالك مرة ثانية!
واول مادخلوا المجلس انصدموا...كان عبدالرحيم مستلم منصور بالسب اول مادخل مبارك وحمد فصلوا بينهم وصالح حاول يهدي اخوه قال عبدالرحيم معصب ــ يستاهل الجلب يسوي في بنت عمه هاللون !!...
منصور معصب ــ قالت لكم اني طقيتها!!,,تستاهل!! تستاهل كل ضربه !!
راشد اللي كان متصنم عند الباب انصدم من اعتراف منصور ..عبدالرحيم تم يطالع ولده مب مستوعب واخوان منصور يطالعونه باشمئزاز ..
ــ انت مديت يدك على نوف.؟؟...
كان صوت صالح قوي ونبره جهوره ..وبدون وعي قرب من منصور وصكه كف على وجهه وقبل لايستوعب منصور صكه صالح كف ثاني ..
ــ مب عشانها يتيمه تستغلها يالجلب..!!!....
كان راشد مصدوم ..ليش ماقالت له نوف!!...شلون كانت متحمله هالهمجي!!..
عبدالرحيم ــ انقلع برااا روح جابل الهنديه اللي خذيتها وانسى ان لك اهل !!..
ــ لحظه ...!!..
وقف بو عبدالرحيم بعد ماكان جالس معصب وساكت ..
ــ راشد ناد اختك..
طالع له راشد مستغرب ــ نعم ؟؟
ــ ناد اختك!!..
ــ ليش؟؟
ــ خل منصور يرجعها !! ماعندنا بنات تتطلق !!..
انصدم راشد ــ جدي..مستحيل اختي ترجع له !!..
عصب جسوم ــ راشد .. انت سمعتني ولا لا ؟؟؟. قلت لك ماعندي بنات تتطلق !!..
راشد ــ بس ياجدي هو اهانها وطقها وتزوج عليها !!
منصور ــ انا ماتزوجت عليها انا كنت متزوج قبلها!!..
راشد ــ انت جااااااااب!!!..
سكت منصور ونزل راسه وهو متلوم شرجعه.؟؟..
ــ مارضى على اختي يا جدي.!!.. مارضى عليها بس تخلص عدتها ازوجها لواحد احسن منه ..!!
فجأ انصدم منصور تذكر انه ماقرب من نوف .. وش بيقول عنه الناس؟؟..
ــ لا زوجتي وابيها !!
طالع له صالح منقرف ــ انت طلقتها!ماعادت زوجتك!
بو عبدالرحيم ــ صالح لاتزيدها!... راشد ناد اختك ترجع لزوجها ..
مارضى راشد وتم واقف معصب قام بو عبدالرحيم بنفسه لكن صالح قال
ــ اقعد يبه ..انا بناديها..مع انه انا ضد انها ترجع له!..
قام صالح وناد نوف اللي لقاها تبجي في زاوية البيت ...
مسك يدها ووقفها ــ عمي مابيه!
صالح ــ جدج ملزم ..يقول ماعندنا بنات تتطلق..
ــ وراشد ؟
ــ نفسج مايبيج ترجعين له يقول انه بيزوجج بس تخلص العده..
انهارت نوف بالبجي مرة ثانية ــ ياربي وانا شذنبي؟؟ هو ليش رجع؟
ــ يقول زوجتي وابيها!!..
ــ خل يروح للهنديه انا مابيه ..
ــ تعالي ..
دخلت نوف والدموع في عيونها ..
راشد معصب ــ ليش ماقلتي ان هالواطي مد يده عليج!!..
انصدمت نوف وانصدم منصور يعني ماكانوا يدرون؟؟..
تجمدت نوف بمكانها ..بو عبدالرحيم ــ لازم ترجعين لزوجج..
قال راشد ــ بشرط يطلق الهندية.
قال منصور ــ طلقتها...
انصدمت نوف..تمت واقفه هناك بس تهز براسها كل ماسألوها شي ..بس عقلها ماكان معاها..شلون ترجع له؟؟بعد هالذل؟؟..
اما منصور ..ماكان يبي يخسر اهله ..شعوره كان التمسك باي شي..يبي يرجع وسطهم ..مايبيهم ينبذونه..صج اهل روز اعرضوا عليه عياده ومنصب في مدينتهم..لكن بعد روز مايقدر يبقى هناك..ماعنده شي في الهند ..وهني اهله وابوه وامه .. واخوانه ..وعيال عمه!.. رفع راسه لما قال ابوه
ــ مابيك في بيتي..
انصدم الكل!!.. قال منصور ــ بستأجر لي بيت ...
بو عبدالرحيم ــ بعطيك فيلا في المجمع السكني حقي.. انتقل انت وزوجتك بكره لهناك ..والحين ..نوف روحي انجبي الغدا..
طلعت نوف وهي تسحب عمرها غصب وشافت المها وديمه يتساسرون ويبتسمون ولما شافوها استغربوا ــ نوف شفيج؟؟
طلعت خديجه وام عبدالرحيم وفاطمه من الصاله للمطبخ ــ رجعوا؟؟
هزت نوف راسها ــ يبون الغدا..
طالعت لها خديجه ـ نوف ..انتي تصيحين ؟؟. شفيج؟..
ــ منصور رجع..وتوهم رجعوني له!!..
انصدموا ..وتموا يطالعونها منصدمين !!!
ديمه ــ ورضيتي تردين له ؟؟.. من صجج؟؟..
نوف ودموعها همايل ــ شسوي جدي عصب ..يقول ماعندنا بنات تتطلق!!..
حضنتها خديجه بقوة وخذتها لداخل تريح شوي..
ديمه للمها ــ صج انه اخوي..بس ياني اكرهه كره عاللي سواه في نوف!..
المها ــ الله يعين وان شاء الله تتحسن الامور بينهم...

__

في المجلس خيم الصمت عليهم ومحد قاعد يتكلم عبدالرحيم معصب وبيي يطرد ولده لكن ابوه قعد منصور جنبه وعطاه شاي وقهوة ..لين دخلت الخدامه وقاموا الشباب يجيبون الغدا ..
دخل مبارك المطبخ ــ وين السمك؟؟ ليش لحم؟؟
ام عبدالرحيم ــ جدك اليوم جاب هالخروف وقال اطبخوه عالغدا..
حمد ــ جدتي.. من مسوي هالعصير؟؟..
وخذ له قلاص وتم يتلذذ فيه ..
ماتيلدا ــ ماما نوف يسوي عصير واجد حلو ..
ــ اي والله احلى من مندرين ..
مبارك ــ شرايك باخوك؟؟
حمد ــ لو اني مكان راشد اتوطى في بطنه لين تطلع معدته من خشمه!!..
ضحك مبارك ــ اي والله يستاهل..
ام عبدالرحيم ــ عيب .هذا اخوكم ..
دخلت ديمه المطبخ ــ شصار في المجلس؟
حمد ــ عادي ماصار شي..
مبارك ــ انا وحمد بلمنا ماقدرنا ننطق اخوج فشلنا من قلب!..
ديمه ــ شالجديد يعني .هذا وهو الدكتور الفاهم ..شخلى للبطاليه !!..
طالعت ديمه لحمد بنص عين ..
عصب حمد ـ لو سمحتي انا طالب مب بطالي!!...
ديمه ــ نفس الحروف طالب بطال..بس الباء سبقت الكل ههههههههه..
ــ سخييفه ..مبارك شيل معي الصينيه جدتي طابخه للفريج كله ..
مبارك ــ بشيلها بروحي يالضعيف ..انت شيل لعصير ولا ثقيل بعد ؟؟
شال مبارك الاكل وراح وتمت ديمه تضحك على حمد الي قال ــ احب اقولج يا مدام ديمه انج للتو خسرتي مصادرج التموينيه من الفاست والجنك فود..
ديمه ــ اول شي انا مدموووزايل مهب مدام ..وثاني شي اعرف قلبك طيب يموت علي مابتخون فيني انا اختك ؟؟..وتتخلى عني في اعز ازماتي الباطنيه ..
حمد ــ قومي بس قومي قولي لنوف تسلم يدها على هالعصير ..وقولي لها ترا بشبه كله مابخلي للزطي منصور شي ..
ديمه ـ انزين ..
ام عبدالرحيم ــ لاتطفشونه..دام جانا برجلينه مانبي نخسره ...
ديمه ــ نسيت اتصل في امي اخبرها ..هي من اختفى وهي تحاتيه ..
حمد ــ ليش وين امج ؟؟
ــ في بيت خالتيه عندهم جمعه هي وبنات عمهم ..
ــ مارجعت هيا؟؟
ــ نوو..ولا عمتي طيبه ولا العنود...جده..تهقين العنود ترجع تزورنا مثل اول؟
ام عبدالرحيم ــ ايه قالت لي انه شرطت على احمد انه يجيبها كل جمعتين لبيت جدها ..كانت بتقول له كل جمعه بس ماهان عليها اهله..خصوصا ان احمد هو اللي ماسك شركه ابوه مايفضى لهم الا يوم الجمعه..
ديمه ــ فديتها عنودي...
____________

كان راشد في صدمه قام مبجر وقال لهم انه بيرجع ياخذ البنات العصر..
ــ وين رايح في هالقايله ؟؟..
راشد ـ مشوار..
طلع راشد ركب سيارته وهو متضايق حده حتى صالح قلق عليه كان بيروح معاه لكن راشد ماعطاه فرصه ..
بوعبدالرحيم ــ صالح اتركه ..مب سهل عليه ...
ــ يبه ليش سويت جي؟؟
كان منصور في الحمام وعبدالرحيم مقيل ونايم ..
ــ صالح .اذا منصور طلع من هالباب مايرده شي..بيضيع منا..هذا ولدنا..وبعدين ليش الفضايح؟..مب كافي طيبه اللي تطلقت بعد هالعمر؟؟؟.

ــ بس نوف بتدفع الثمن!!..
ــ لا .. لاتخاف .. انا ماحطيتهم بهالمجمع الا عشان عيني تكون عليهم..لاتخاف ..منصور ذكي مابيكرر خطاه..
دخل منصور في هاللحظة وقال جده ــ تعال اجلس قربي..
جلس منصور وهو منزل راسه ــ لبيه ..
ــ شوف للحظه كنت بحذفك برا هالمجلس واقول الله يخلف عليك مانرجا من وراك شي..لكن ..من دريت ان نوف سترت عليك وما قالت لحد انك مديت يدك عليها..وهالشي اللي لو سمعت انك سويته مره ثاني اجتلك بيدي..ماعندنا رجال يمدون يدينهم على الحريم ..سمعت؟؟..
ــ ايه ..
ــ من دريت ان نوف استرت ..قلت بعطيك فرصه وحده ..وحده بس علشان هالفقيره .. تعزها وترزها وتتذكر انها يتيمه وبنت عمك اللي عزك واللي توسط لك واسطات كثيره علشان تسافر وتدرس طب..البنت ماخطت وانا اعرف ان الخطا جا منك .. اسمع يامنصور مابيك تفشلني جدام راشد وعبدالرحمن ..انا رديت نوف لعصمتك على ضمانتي..وانا مب عايش طول العمر..بس ابيك تبيض وجههي لي الممات وتصلح اللي كسرته ..لك فرصه وحده عقبها اطلق نوف منك وفي ميه الف واحد احسن منك يستاهلها..لاتضيع فرصتك.. وتخسرها وتخسرنا كلنا ...نوف متربيه واخلاقها طيبه ..يلا قوم الحين روح الفيلا وخذ مفتاح من اسماعيل البواب .. انا بتصل فيه ..في فيلا أثثتها وكنت بعطيها صالح هديه زواجه ..بس قلت ان صالح يبقى قربي هنا..احسن ...ماقدر استغني عنه ..بعطيه الطابق اللي فوق...
هز منصور راسه وقام بعد ماخذ العنوان من جده .. عنده فرصه وحده..لازم مايخسرها..
________
اما راشد لقى نفسه بين المقابر في ابو هامور ... دخل وسلم .... راح عند قبر ابوه اللي كان مكانه مميز..جلس عنده وهو ضايق الصدر.. وماحس بعمره الا و العبره خنقته ..
ـ يا يبه ماقدر...ماقدر اشوف هالظلم واسكت..يا يبه شكلي مب قد الحمل..
مسح دموعه تم ضام رجوله ودموعه مب راضيه تخليه .بعد دقايق . قام وراح عند قبر امه ..الي كان قريب من قبر ابوه ..
ـــ يمه .. ودي احط راسي على رجولج مثل ايام قبل .. واشكي لج عن الوجع اللي في داخلي ..اشتقت لج يمه .. اشتقت لج انتي وابوي...اشتقت لبيتنا اللي كان رمز الدفا .. رمز الحنان .. بيتنا الحين هيكل فاضي . ..فيه قلوب مهمومه..

بعد مافرغ اللي في خاطره من دموع .. قام وركب سيارته وتم فيها..جالس متضايق..واقف عند المقابر..هو يشوف الاطفال اللي يستجدون الناس..
_____

دخل حمد ومبارك المطبخ وكانت ديمه تبي تاخذ الجاي الجديد ..عند الباب تبي تدخل وسمعتهم
حمد ــ راشد متضايق حده والله اني خايف عليه شفت شلون طلع من هنا ..وجهه مخنوق..
ــ وش تسوي لو كنت مكانه ؟ جدي فرض رجعه نوف لمنصور عليه .وراشد مايرضى على خواته ادنى شي شلون برجعة اخته لواحد كان يطقها!!..الله يعين وين طلع بهالقايله..شاللي بيخليه يروق؟؟..
دخلت ديمه وشالت الجاي بدون ماتعلق وطلعت ..
كانت المها في الصالة .. نادتها لغرف الضيوف ..
المها ـ شفيج؟
صكرت ديمه الباب ــ راشد ..طلع من هنا مهموم ..ابيج تكلمينه وتتطمنين عليه ..
المها ــ على سالفه نوف اكيد ..
هزت ديمه راسها ــ كلميه امانه .. والله قلبي مب مرتاح..
المها ــ بس ماعندي جوال جوالي انسرق..
ديمه ـ متى ؟؟.
المها ــ مادري..بس صار لي اسبوع اكلمج من تلفون البيت ..الظاهر الفاتوره بتطلع عووده.. خصوصا ان حضرتج ثرثاره و..
قاطعتها ديمه بعصبية ــ وقتج الحين..اقولج قلبي يحرقني على راشد وانتي تهذرين عن الفاتورة؟..قومي جيبي تلفون خديجه ..
ضحكت المها ــ اه ياويلي على هالقلب بس..تلفونج عندج؟؟
هزت ديمه اسها وطلعت تلفونها من مخباها...
اتصلت المها براشد..

كان راشد سرحان لما رن تلفونه ..ولما شاف الاسم استغرب..
DEE CALLING YOU
استغرب ــ دي؟؟.. ديمه؟؟.. رد بعد مانفخ ..
ــ الو ..
ــ هلا راشد . انا المها..
ــ هلا مهوي..
ــ شلونك ياخوي؟؟
ابتسم ـ الحمدالله على كل حال..
ــ زين لان بعض الناس قلوبهم تحرقهم عليك آآآي ديموه ووجع!!..
ابتسم راشد يعني ديمه مستهمه عليه..
ــ قولي لهم فديت قلوبهم لايحاتون...
ــ ليش انا اقول لهم هااك ..
حذفت المها التلفون على ديمه وطلعت ..ارتبكت ديمه ..
ــ الو ..
ـ هلا ..
ــ شلونك راشد؟؟
ــ الحمدالله .. طيب دامني سمعت هالصوت ..
ــ ........................
ــ كنت اقول لديمه تقول لج فديت قلبج لاتحاتين ..
ــ .................................
كان وجهه ديمه قلب أحمر وماقدرت ترد من الحيا ..وحمدت الله ان مبارك مايشوفها هالحين .
ــ تحمل بعمرك ..ولاتتضايق ..ان شاء الله الله يهدي منصور ويتغير ان شاء الله ..
ــ تهقينه يتغير؟؟
ــ بيتغير لا تخاف .. جدتي تقول دامه جا برجلينه لازم مانطفشه ..
ــ ديمه ..قلبي يعورني على نوف ..تحملت وماشكت...ليش؟؟ لا ام ولا ابو ..بس عندها انا اخوها ..
ــ سلامه قلبك يا راشد.. نوف عاقل ..ماتبي تسوي مشاكل..وان اكتمت امس اليوم بان كل شي..لاتخاف ..انا متفاءله من منصور..احسه بيتغير..
ـ ديمه ..تدرين انج خففتي علي شوي؟..ديمه..
ــ لبيه..
همس ..ـ احبج..
سكتت ديمه ..حسته يقولها من قلب..انزلت دموعها واكتفت بالصمت..
ــ مع السلامـة..
ــ مع السلامـة ..
صكرت ديمه الجوال و وحذفت عمرها على السرير..وقعدت تغني..
ــ قالها ..قالها ..قال احبك قالها..مايهم انه همسها..المهم قالها..

بعد دقايق طلعت للصاله وجلست جنب المها وقرصتها بقوة وتمت المها تصاارخ..

همست ديمه ــ والعنا تستاهلين ..
ام عبدالرحيم ــ شفيكم ؟؟
ديمه ــ ابد جده المها قرصتها نمله ..
المها ــ نمله ماتستحي على وجهها والله ياجده مطيحه سوالف مع..
وقبل لاتكمل قرصتها ديمه بقوة فنطت من مكاانها
ـ وعلللله ..
وقامت قعدت عند جدتها ..
ــ المها شالنمله اللي قرصتج ..وريني..
ــ لا عادي جده..الا جده خطيبه خالي وين ؟؟
ــ فاطمه؟؟.. داخل مع نوف وخديجه ..
المها ــ ايه .. انزين جده شرايج نطلع..
طالعت لها جدتها ــ وين بتروحين في هالقايله؟؟
ــ بتمشى يا جده ..طلعينا..
ــ انزين ..ديمه اتصلي بمبارك..
ــ ليش مبارك؟؟
ــ لانه اعقل من حمد !!..
ضحكت ديمه ــ ليش يا جده والله ان حمد عسل..
ــ يا ديمه حمد يسوق كنه مجنون ..يخبط عظامي بسقف السياره .. نادي مبارك..
اتصلت ديمه بمبارك اللي دخل بعد ما البست المها شيلتها
ــ ها ياجده.
ـ يله بنلبس وطلعنا ..
ـ على وين ياجده؟؟
ــ ماادري طلعنا وخلنا نغير جو..بنات وين تبون؟
قالت المها ـ سيلين !!
طالعها مبارك معصب ــ سيلين؟؟؟ من صجج انتي؟ اليوم جمعه كل الشباب هناك!
ديمه ــ انزين اي مكان..
ــ دحل الحمام..
ديمه ـ بروك الجو حار نبي مكان يفتح الخاطر ..نبي بحر ولا موول..
عصب مبارك ــ وانتم تبون تشحططون جدتكم في هالمولات ؟؟
ام عبدالرحيم ــ انا خاطري فالبحر..خل نسير البحر..
ــ انزين بنروح دخاان..
شهقت ديمه ــ ياويلي مشحططنا لدخان حرام عليك!..
ــ ماعندي غير دخان تبون تقبلون العرض ولا ؟؟..
ام عبدالرحيم ــ خووش راي ... بالمره نمر اهل الشحانية ...
ديمه ــ جده تعرفين حد فالشحانية؟؟..
ام عبدالرحيم ــ ايه ام محمد هناك..ودي امرها والله ..
مبارك ــ جده .بنروح دخان ونقعد ساعه ونرجع .ماقدر اخذج مشاوير ثانية..مافي وقت ..
ديمه ــ حرام عليك قاطع كل هالطريق بس عشان ساعه!!...
مبارك ــ ديمه لي شفتي الطريق يتفهمين ليش بنيلس ساعه ..ساعتين حدكم ..مابي نرجع تالي الليل ابي نرجع المغرب..
ديمه ــ اي سياره ناخذ ؟؟ سيارتك؟
ـ لا طبعا..سياره صلووح ..
رن جوال ديمه نغمة افريل
When you're gone
The pieces of my heart are missing you
When you're gone
The face I came to know is missing too
When you're gone
The words I need to hear to always get me through the day and make it ok
I miss you
عصب مبارك ــ ازعجتينا ماتردين ؟؟
ديمه ـــ احب اسمع الأغنية
طلعت ديمه جوالها من مخباها بعدين قامت تصيح ــ عنوودي..
وطلعت برا وردت عليها والحقتها المها
ــ هلا عنودي..
ــ ديوووم اشتقت كم وااااااااااااااااااااااااااااااااااااايد...
ــ شخبار شهر العسل يا عسل!..
ــ واو .. صراحه .. شي خيالي الجزير البحر لون البحر صورته لج ازرق سماااوي...نفس اللون اللي تعشقينه .. ياويلي ديوم المكان فلللله ..
ديمه ــ واحمد؟؟
ــ احمد ؟؟ خنت حيلي والله .. مافي مثله فديته
ضحكت ديمه ــ بديتي تفدينه !!...
ــ اي والله ديوم.. سكن قلبي ..
ــ اوه اوه شعليها الي بدت تحب!
العنود ــ يوزي عاد والله اني ارتحت له وايد ..للحين علاقتنا فيها بطء بس هالاسبوع كان رهيب عرف كل شي عني وعرفت كل شي عنه ..وبدينا نرتاح لبعض..كل يوم نتمشى وكل ليله جلسه شاعريه خصوصا على ضو الشموع وصوت البحر..واو ياديمه ..
ــ الله يهنيكم آآميــن..هو الحين وين ؟
ــ راح يحجز لنا طيارة لأثينا .. بنروح نتمشى شوي..بيني وبينج ..انا عاجبتني هالجزير وايد..
ــ الله يحفظه لج .. خذي هذي المها..
بوا الاثنين يصارخون فالتلفون وهم ينادون أسامي بعض مثل المجانين
ــ عنووووووودي
ـــ مهوووووووووووووووووووي ..
ــ فديتج والله اشتقت لج شلونج شخبارج اخبار ريلج ان شاء الله مرتاحه!!
ــ شوي شوي علي مهوي والله اني بخير ..
ــ انتي وين؟؟
ـ انا في اليونان ..قلت لج؟
ــ لا توقعتج رحتي افريقيا ولا الصومال مامليتي من اوربا كل اجازه مطيح فيها؟؟
العنود ـ بنت عز يحق لي..
المها ـ اي والله يحق لج .. تعالي شخبار زوجج؟عسى مرتاحه؟
العنود ــ الحمدالله توني اقول لديمه اني الحمدالله بديت ارتاح له ..
المها ــ الله يوفقكم آميييين ..
العنود ــ تعالي اسألي ديمه عرفت شي عن امي؟
المها ــ بعطيج اياها واورح اتفاوض مع مبارك واشوف كم شخص ياخذ للرحله
العنود ـ اي رحله؟
ـ دخااان ..بنروح مع جده ..خذي هذي ديوم..
وعطتها المها الجوال ودخلت داخل..
ــ هلا عنودي..
ــ هلا ديوم ..سألتي امي وين الحين؟؟لان اتصل بها ماترد علي ..
ــ شوفي سألت عمي صالح قال انه حاجز لها هالاسبوع في برلين ..
انحبطت العنودــ مافيني اروح برلين الحين .. بنروح اثينا وبعدين نمر فرنسا اسبوع..امانه ديوم خبري عمي صالح اني بروح فرنسا بعد اسبوع..
ــ اوكيك ..
ــ الحين عطيني جده ابي اكلمها..
ــ لحظة ..
ودخلت داخل وعطت التفلون لجدتها وطالعت المها وهي تناقش مبارك
ــ ياولد العم لين هالراس!!..
مبارك ــ نو . دخان وبس..
المها ــ انزين .. محاوله فاشله مانجحت ..
ديمه ــ شمحاولته ؟
المهاا ــ كنت ابي سيلين . وهو معيي ..
ديمه ــ شوف . تودينا سيلينا بنروح اربعه ..ماتودينا نروح ثلاثه !
طالع لها مبارك رافع حواجبه ــ تهددين؟؟
هزت ديمه راسها مبتسمه
ــ دريمه اسمعيني زين .. بتروحون اربعه لدخان ..وقومي نادي الرابعه والبسوا عباياتكم.,..
استغربت المها لكن ديمه ضحكت ــ قومي خل نتجهز الساعه صارت ثنتين ونص متى نوصل؟؟
المها ــ انزين من الرابعه؟؟..
ديمه ــ من بعد كدوووج ..
طالعت المها لمبارك ــ والله انك مب هين ..
راحت لغرفة فاطمه كانوا البنات يتكلمون ...
المها ــ بنات من تروح دخان؟؟ بنروح انا وديوم وجدتي ..
خديجه ــ انا بروح احب اخاوي جدتي ....
فاطمه ــ شنو دخان؟؟
نوف ــ مجينه عندنا بس هم بيروح البحر..انا مابي اروح مافيني عالطريج ....
فاطمه ــ ولا انا..
المها ــ خلاص خديجه قومي البسي وبنجهز خلال خمس نلتقي عند سياره صالح ..

نزلوا تحت لسياره صالح كان خديجه مستانسه اركبت السياره اول وحده واربتت على كتف مبارك
ــ فديتك والله .. طلعه في وقتها .
ــ احم ..
انصدمت خديجه لما شافته مبارك كانت بتنزل لكنه سبقها ووقفل الباب اوتوماتيك..
ـ وين رايحه؟؟
ــ خلاص مابي اروح ؟؟
ــ يعني لو صالح كان رحتي انا لاء؟؟
خديجه ــ مبارك الله يخليك ..فج الباب ...
مبارك ــ الشي الوحيد اللي فجيته هو قلبي..ومالج غيره..
ــ مبارك ارجوك ..
ــ لا .. ارجوج انتي.. خلج مكانج ..
قربت ديمه من السياره وفتح مبارك الابواب وكانت مبتسمه ..
مبارك ــ ليش مكشفه ضروسج؟؟ مسويه دعايه معجون ؟؟
ديمه ــ مافيها شي اضحك تضحك لك الدنيا .
.ودخلت وجلست في النص وجت المها شايله نظارتها الشمسية في يد وفي اليد الثانية نقابها ..
مبارك ــ مهوي عاد قرري يا نقاب يا نظاره الاثنين مع بعض مايصير..
المها ــ لي صرنا على خط دخان بحذف النقاب انت تعرف انه مافي حد عليه وانه فاضي اغلب الوقت ..
جت جدتهما و الخدامه تلحقها بشنطه قهوة وجاي ونزل مبارك يحطها ورى ..
قالت خديجه بخنقه ــ ليش ماقلتو لي انه مبارك؟
المها ـ مادري ماطرى على بالي .. انا قلت لراشد وقال اوك مافي اشكال دام جدتي معانا..
ديمه ــ عشان جي كان مقفل الابواب عشان ماتنزلين؟
مبارك ــ انتي يالحيه مايطوفج شي ؟؟
ضحكت المها وانحرجت خديجه كان فاتح الباب اللي ورا ويسمع سوالفهم ..
سكتت خديجه وحست قلبها يدق بقوة وانحرجت
وردت ديمه عليه ــ افا عليك شلون يطوفني .. انا ام السعف والليف!!..
ردت جدتها ــ وحده منكم تستحي على وجهها وتساعدني اركب السياره ..
مبارك ــ جده انا بساعدج .. خلي هالمتينات عنج يلا دخلناهم السيارة ..
المها ــ الحمدالله رشاااقه .محد غير اختك هالمتينه مضيقه علينا ..
ديمه ــ وعللله اضعف منج يالزطيه..
المها ــ ايه بس مع وجبات ماك وكنتاكي ماراح تظلي ضعيفه!!
ديمه ــ اي زين ذكرتيني بروووك امانه اليوم عشينا من ماكدونالد ..اكيد في دخان ماكدونالد صح!!1
ضحكت المها وخديجه وابتسم مبارك عليها ..

وقرب منها وساعدها وركب السياره وتوكل على الله وحرك ..


____________________

 
 

 

عرض البوم صور retaj   رد مع اقتباس
قديم 09-07-10, 09:33 AM   المشاركة رقم: 25
المعلومات
الكاتب:
اللقب:

البيانات
التسجيل: Aug 2007
العضوية: 36407
المشاركات: 56
الجنس أنثى
معدل التقييم: retaj عضو بحاجه الى تحسين وضعه
نقاط التقييم: 25

االدولة
البلدQatar
 
مدونتي

 

الإتصالات
الحالة:
retaj غير متواجد حالياً
وسائل الإتصال:

كاتب الموضوع : retaj المنتدى : القصص المكتمله
افتراضي

 

الفصـل الثاني عشر





رجع منصور للفندق بعد مااخذ مفتاح الفيلا من جده .. طالع الظرفاللي كان حاطه على المنضده وفتحه وهو يتنهد ..ويقرأه للمره الألف ..

My Love Mansoor..
I Know That You Promise Me To B FAITHFUL TO MY MEMORY ..BUT IF YOU EVER LOVE ME YOU WILL DO WHAT I WILL ASK YOU TO DO ..RE-MARRY NOOF AND RETURN TO YOUR JOB..START TO FORGET ME ..YOU HAVE TO ..YOU SHOULD BACK TO YOUR FAMILY ..YOU SHOULD FORGET ROSE IF YOU EVER LOVE HER …BACK TO YOUR NORMAL LIFE NORMAL FRIENDS..BACK TO YOUR FAMILY …DON’T THINK OF ME IAM NOT ALONE SO YOU SHOLD’NOT BECAME ALONE,YOU HAVE TO LIVE NORMAL …BETWEEN PEOPLE WHO LOVE YOU ..BECAUSE YOU DESERVE TO BE LOVED ..
LOVE ROSE .


تنهد وحذف الظرف على الطاوله .. بيرجع لنوف بيرجع لشغله بيرجع لأهله ..لكنه مابيرجع منصور نفسه .. بيرجع اسم منصور وجسم منصور لكن روح منصور ماتت مع روز ...
_____

على خط دخان كان الربشه واصله حدها .. خديجه جالسه جدام جنب مبارك اللي مستانس والجده ورى تسولف مع البنات عن جاراتها ..
المها ــ ياجده جاراتج ماعندهم ماعند جدتي ..مايخلون عيالهم يطلقون الكنات ان كانوا مسووييين لهم مشاكل !..
ديمه ــ اي والله شيرجون من حريم قليلات أدب!!؟؟
مبارك ــ يعني هذا الحل في نظركم طلاق؟؟؟...
المها ــ وش الحل يا حكيم زمانك؟؟
مبارك ــ سهل دام المشاكل بين الكنات .. تخلي عيالها كل واحد يطلع في بيته وتتم هي وبنتها في البيت ..
ام عبد الرحيم ــ الكلام سهل يا مبارك لكن التنفيذ صعب ..شلون بتم بيت بروحها مع بنت معوقة ؟؟ وعيالها من وين يجيبون الفلوس اذا الاجار يقص الظهر البيت صك العشر والخمس طعش الف..
مبارك ــ مب لازم يسكننون فلل شفيها البيوت الشعبيه ؟؟شفيها الشقق؟؟؟ بيت يسترهم وخلاص ليش المفوشر ؟؟
ام عبدالرحيم ــ ياوليدي الحريم هي اللي تزن وتون .. الا فيلا دورين والا حوش وسييع والا اثاث من الراهي فلانه مب احسن مني وعيالي الا مدرسه خاصه ..والله مسكينه ام عبيد ماتقدر تنام من الهم ! فوق ان بنتها المسكينه اللي محتاجه رعاية خاصه ...
مبارك ــ ياجده منتي بملزومه فيها .. يبون يفوشرون من حلالهم وهم ابخص باللي عندهم .. الحرمه المسكينه المفروض تطردهم وكلن يقوم بعمره ..ثلاث رجاجييل كل واحد طول الحيطه ومنغصين على امهم حياتها والله مايستحون ..
ــ مبارك ليش داخل الشحانية ؟؟
ــ بودي جده تسلم على رفيجتها عاد جده تدلين بيت ام محمد ؟
ــ ايه ادله ..
تمت تراويه الطريق وكل مره يوقفون عند بيت غلط ..
ــ جده شسم زوج ام محمد ؟
ديمه ــ اسمه بومحمد خخخخ؟؟؟
مبارك ــ سخييفه ...
قالت له الجده اسم الرجال وسأل اول واحد شافه وعلى طول دله على البيت

وتموا واقفين با بعد مانزلوا الجده طلع لهم ابن ام محمد الصغير وحن عليهم ينزلون لكن مبارك اضطر يتعذر انه مستعجل ووراه مشوار لدخان ..
طلعت جدته بعد دقايق ــ ياجده روحوا انتم وارجعوا لي لي رديتوا ام محمد ملزمه علي وانا حبيت القعده ...
مبارك ــ انزين ياجده ...
وتم يطالع مكان البيت عن لاينسى وبعدين اعطى جدته ورقة فيها جواله وجوال صالح للاحتياط...
ام عبدالرحيم ــ ياوليدي حق شنو هاي؟
مبارك ــ جده محد ضامن عمره ..
ــ اسم الله عليك ياوليدي ليش تفاول ..امش موفق بطريقك ومحفوظ باذن الرحمن ...
ــ أشوفج على خيـر يا جده ..
وركب السياره وانصدم .. كانت ديمه جنبه مبتسمه بخبث !!
ــ من سمح لكم تغيرون أماكنكم وتنزلون من السياره!
ديمه ــ والله محد نزل خدوج انقزت ورى وانا قلت حرام هالمكان يظل فاضي ..فنقزت جداام خخخخ...
طالع لخديجه اللي كانت لافه ويهها وتطالع من الدريشه
ــ ايه ... زين .. مب مشكله احسن بعد ..
انتبهت خديجه انها جالسه وراه فانقهرت الحين بيتم يطالعها بالمنظره على كيف كيفه ..
وتوكل وساق السياره وعيونه مره فالططريق ومره فالمنظره لين قامت تتذمر ديمه ــ والله تقهرني يا اخي شرايك اعلقها لك في مقدمه السياره علشان ماندعم فينا ؟؟
مبارك ــ هي عاد بس تطنز !
طالعت ديمه لمها ــ شوفي يا بنت العم .. اخوي وقع ومحد سمى عليه ..
المها ــ صج ؟. وين اقرب مطوع ؟؟
ديمه ــ جالس حذااج !!!! خخخخخخخخخ ...
عصب مبارك ومسك علبه الفاين وحذفها على ديمه !!!

ــ دمكم ثقيل ..صح خديجه ؟؟
ماردت عليه خديجه مب مستوعبه الفكره ..فكره ان مبارك يتقرب لها ..بعد كل هالسنوات من التصريحات العلنية بعدم اهتمامه فيها !!!..قاعد يلعب عليها ؟؟ولا من شاف خصلات شعرها قرر انه متيم بغرامها ؟؟
ــ خديجه أنا أكلمج ..
ــ نعم ؟
ــ لا سلامتج ولا شيء ..
انحبط فجأة ..توقعها متحمسه له ..توقعها في الجو معاهم لكن اخر شي توقعه هو سرحانها وغيابها عن الواقع وهي وياه !...
ــ عاد مبارك ركز عالطريق بشنو سرحان ؟؟..
سكت مبارك ومارد عليها ..تمت تقلب في قنوات الراديو ومالقت شي ..تمت تقلب في سيديات صالح ...
لقت محمد عبده اغلبها ..
ـ مافي الا محمد عبده ..
المها ــ الله على احساس بو نورة ..
مبارك ــ في جلسه عود ..فيها اسمحي لي يالغرام ..حطيها..
المها ــ اموت فهالاغنية..
ديمه ــ ماقد مرة سمعتها ..
دورت السي دي وحطته .. ا

اسمحيلي يالغـرام العف يالوجـه السموح

ان لزمت الصمـت او حتى لبست الاقنعـه

اعترف لك ما بقى من عالي الهمـه سفوح

انحـدر كلي كمـا طفلـن تحـدر مدمعـه

آه ياجود الحزن وياي وفي الفرحه شحوح

ضايعـن بهمـومي الغبرا بوسط المعمعه

اشتكي لوسادتي دنيـاي واسمعها تنـوح

كنها بعضي و بعضي ويـن هو منهو معه

مختلط في عبرتي حبر الشقا ودم الجروح

ومستوي في نظرتي غرب الوجود ومطلعه

عودي المبري بقابه من بقايا الوقت روح

وفصل خامس حايرن بين الفصول الاربعه

راس مالي ذكريات وحلم وآمـال وطموح

لا صديـق ولا رفيـق ولا طريقـن اتبعه

سامحيني دام عذري واضحن كل الوضوح

واسمحيـلي بالرحيـل بلا تذاكر وامتعـه
ان ديمه ــ ررووووعه .. من كاتبها .؟
خديجه ـ أسير الشوق ..بس هذي مب النص الأصلي..
المها ــ حافظة النص الأصلي.؟
هزت خديجه راسها باي ..
ديمه ــ امانه قوليه ..عاد طريقة القاءج رهيبه ...
استحت خديجه ـ يوم ثاني ..
طالعت ديمه لقت راشد على وجهه خيبه امل ..
ــ اذا تغليني بيوم ..قوليه الحين .. أمانه ..
ترددت خديجه شويه بعدين هزت راسها موافقه ..
وتنحنحت شويه بعدين ألقت : بلا تذاكر وامتعـه

اسمحي لي يالغرام العذب يالوجه السمــــوح
ان لزمت الصمت أو حتى لبست iiالاقنـــــــــعه
اعترف لك ما بقى من عالي الهمه iiسفــــــوح
انحدر كلي مثل طفل تحدر مدمـــعــــه
من يبي بالله يفتح لي غلق صدره و iiابــــــوح
ضاقت الدنيا بشاعر طيب قلبه ضيـــــــــــــعه
ما قبلنا الحظ قولي وين ابارحل ويــــن اروح
الصبر ياهو يعذب و الاماني iiموجــــــــــــــعه
اه يا جود الحزن وياي و الفرحه شحـــــــوح
ضايع بهمومي الغبرا بوسط المعمـــــــــــــعه
اشتكي لوسادتي دنياي واسمعها تنـــــــــوح
كنها بعضي وبعضي وين هو من هو iiمـــــعه
ايه انا و العالم المغرور و الياس اللحــــــوح
خايض حرب الرياح اللي تسوق iiالاشــــــرعه
مختلط في عبرتي حبر الشقى ودم الجـــروح
ومستوي في نظرتي غرب الوجود و مطــلـعه
عودي المبري بقى به من عطايا الوقت iiروح
وفصل خامس حاير بين الفصول iiالاربــــــــعه
وراس مالي ذكريات حلم وأمال و iiطمــــــوح
لا صديق ولا رفيق ولا طريق iiواتبــــــــــــــعه
نوب اسافر في سديد الراي ونوب في iiجنــــوح
مختفي صوت الحقيقه كيف ويش لون اسمعه
سامحيني دام هجري واضح كل الوضــــــوح
واسمحي لي بالرحيل بلا تذاكر وامتــــــــــــعه

ــواوووو...
صفقت لها ديمه والمها متحمسه ..لكنمباك غارق في عالم ثاني ..حسها تقصد كل حف وواوجعه هالشي من داخل ..
ــ بس عاد محسسيني اني انا اللي ألفتها .
المها ــ بس انجاز انج تحفظين النص الاصلي..
خديجه ــ الله يخلي صلوح كله يجيب لي الكلمات الاصليه ..واحبها اكثر من الاغاني .. صج استمتع فيها ...
ماعلق مبارك فجأ التزم الصمت ..استغربت خديجه ..بس هل سهل اللي سببه لها؟؟صج انه ساكن قلبها . صج انه يطلب غلاها..صج انه بعد كل هالسنوات بدى يطالع لها ..لكن ..هل من السهل تتخطى كل هالجروح بسهوله ؟؟ ايه ..تحققت لها امنياتها ..لكن لازم يعرف انه مب سهله ..وانها مهما كانت تغليه ..لها احترام خسره في يوم من الايام ..
بدت ديمه تقلب في قنوات الراديو بملل ..وبعدين تمت تسولف مع المها اللي عقت النقاب والبست النظاره الشمسية ..
بعد وقت طويل اخيرا دخلوا مدينه دخان اللي كانت مميزه بانعزالها عن المدن الثانية ..
وخذهم للبحر على طول ..ووقف بعيد عن الشاطيء ..نزلت المها وديمه وخديجه وتموا يتمشون على اطراف البحر ..
ــ شف ياولد عمي ..لو انا في سيلين ارحم الشاطيء هنا كله صخر يعور الرجلين ..
ــ انتي بتسبحين ؟؟
ــ لاء طبعا!
ــ عيل جب!.
اضحك ديمه وضربتها المها بكوعها ــ جب!
اركض المها وتمت ديمه تلحقها على طول الشاطيء...
تم مبارك واقف عند السياره يطالعهم ... و طالع صوب خديجه اللي تمت واقفه عند البحر وقفه غريبه .. رجع وركب سيارته وشغل الراديو وتم يسمع اغاني شعبية قديمه .. وتمت خديجه واقفه في مكانها ..والبنات يلعبون بعيد ..وبعدين ارجعوا واقعدوا وقامت ديمه جت جنبه ــ ليش قاعد في السياره .؟؟
ابتسم ــ هذي طلعتكم ليش اخربها ..انا بتم هنا ..
ديمه ــ لاتخربها ولاشي ..تعال اقرب تقهوا ولا اشرب كرك ..
راشد ــ لا سلامتج مب مشتهي شي ..نسيت اجيب لكم عسكريم ..
ديمه ــ سلامتك مانبي شي ..
تم في مكانه لابس نظارته الشمسيه يراقب الثلاثي ..كانت المها وديمه يلعبون يتمشون وهي جالسه مكانها ماغيرته .. نزل من السياره مستغل فرص ابتعاد ديمه والمها ..
ــ ليش تصديني ؟؟...
رفعت يدينها ومسحت دموعها من تحت النظاره ..
ــ تبجين ؟؟.. ليش يا بنت عمي ؟؟؟.
ــ مافي شي .. بس انا تعودت اشكي البحر همومي..
جلس بقربها بينهما متر ...وده يقرب يمسح دموعها لكنه ماقدر ..حس بحاجز كبير بينهم ..
ــ اشكي لي ..
سكتت خديجه منصدمه .. ــ صدقني ماتبي تسمع ..
ــ ليش متأكده جي ؟..
نزلت راسها وحاست الرمل شوي ــ ماتجيك لحظات من سخافه اللي في خاطرك ودك تضحك على نفسك ؟؟؟..
ــ بلى ..
ــ تخيل اني انا اضحك على نفسي .. شلون تبيني اضحكك علي ؟؟..
طالع مبارك البحر مب بالع عذرها ــ انتي قلتي هموم ؟؟..
ــ صحيح ..بس احيانا أسوأ همومنا ..سخيفه في نظر الغير ..لهالسبب تهم قلوبنا .. لان من سخافتها مانبي الناس تضحك علينا فيها ..
ــ ماأقنعتيني .. اللي اعرفه انا نكتم همومنا عن لا نثقل على العالم .. كلن بهمه مستهم .. ليش نثقل عليهم ؟... ماندري انا بسكوتنا قاعدين نغرق ..
استغربت خديجه ــ نغرق ؟؟..
هز راسه ــ نغرق بافكارنا وهلوستنا وشكوكنا .. نضاعف همومنا بالتفكير انا عبء على الناس ..لكن بعد فتره ننسى ..ننسى انا حنا من ابتعد ..ونلومهم ليش ابتعدوا ..ويبتدي هم جديد ..
ابتسمت خديجه ــ لا همي بعييييد ....بعييد ..تعودت أرميه للبحر ..
ــ ممم ..عطيني فكره عن همج..خوف ..ألم .. تعاسه ؟؟..
حست خديجه بتردد..لكنها قالت بعد صمت ـــ شوق..
ضحك مستغرب بعدين سكت فجأة..
ــ مب قلت لك بتضحك ؟؟.. شفت شلون ؟..
طالع اخته وبنت عمه وهم مشغولين بهمهم بعيد
ــ صج ضحكت بس ..من متى صار الشوق هم ؟؟..
طالعت خديجه للبحر ــ لاصار نار بداخلك ماتقدر تطفيها ... ماتقدر تنفثها ..تحرق بصمت .. تستعر داخلك ..تصير من ابشع الهموم .. تخاف تنطق تحرق...
طالع لها مبارك مستغرب ..شوق لمن ؟؟.. وفجأة كأنه فهم كل شي ...قال بانكسار
ــ مشتاقه لهم ؟؟..
ــ ايه ..
ــ مرت سنيين...مانسيتي
ــ ولا بقدر انسى ... ريحه عطرهم للحين في بالي .. ضحكتهم .. سوالفهم .. ابيهم جنبي..ابيهم يرجعون ..
نزل راسه ـ قوي ايمانج بالله ياخديجه ..
ــ ايماني قوي والحمدالله .. لكن ...بموتهم انشلع نص قلبي من مكانه ..حاسه بفراغ و بيتم .. كل ليله ...كل ليله .. صعب انسى ..وصعب اشكي .. افتح جروح اخواني واخواتي ...
وتمت تمسح دموعها بدون وعي ..ماتدري شلون فضفضت لمبارك من بد كل هالناس...
ــ فديت دموعج لاتبجين ... لو ادري ماجبتج البحر ..
ــ تسلم يا ابن عمي ..لكن البحر هو من يطيبني ويشيل عني اشواقي ...السموحه كدرت خاطرك ..
ابتسم ووقف ــ ابد .. ماكدرتيني .. كثر ماكدرتج .. السموحه منج ..
وابتعد وتركها وهو يتوجه ناحيه المهابيل المها وديمه اللي كانوا يلعبون بجنون ــ انتم ماتعقلون ؟؟
المها ــ مبارك عاد ترانا عاقلات .بس نفرغ شحنات الطفوله ههههه..
ووقفت وامسكتها ديمه ـــ مسكتج .. اف هالرمل مايخليني اركض ..
المها ــ الرمل ولا وزنج الطن ..مالومج من الجنك فود اللي طايحه فيه ..
ديمه ــ ياربي .. مااقدر اصبر على الوجبات ..مووتي ..بروووك ..متى نتعشا ..؟
طالع مبارك الساعه كانت خمس وشي..
ــ يلا بنطلع الحين ..بناخذ وجباتنا من الريان ..
ديمه ــ بل .. بعيد الريان ..
المها ــ هيه يالمجنونه تبين تتعشين الحين ؟؟
ديمه ـ مافيها شي !!
مبارك ــ باخذ لكم شغلات خفيفه من السوبرماكت .. وبعدين من الريان ناخذ وجبتنا .مابي اتأخر على جدتي..والطريق طويل مافيني على النطره..
المها ـ ـماودي ارجع ..
مبارك ــ ولا انا بس مابي اتأخر على الجده ..
المها ــ كدووج يلا سرييينا..
قامت خديجه وانفضت التراب عن عباتها واركبت السياره بسكوت وتم مبارك ساكت لين همست له ديمه ــ شفتكم تتساسرون عن شنو ؟
طالع لها مبارك نص عين ــ ياشين اللقافه !!!... اركبي بس مع هالزول صايره دبه @,,
طالعت له ديمه ــ والله اني رشيقه بس عنلاتكم على جبدكم ميتين حره شلونا اكل هالكثر وماازيد وانتم ماتذوقون الاكل وووو صايرين بعارين !
طالعت لها المها معصبه وطالع لها مبارك معصب وفجأ ه بدت تركض وهم يلحقونها وللاسف كانت بطيئه طاحوا فيها طق وبعدين اتركوها معصبين ..
ــ ماتستحي تسب عمامها !!..
طالع مبارك للمها ــ هيه لاتشيخين على اختي !!...انا عمها ايه انتي...بنت عم عمها!ّ
طالعت له المها بنص عين ـ لا والله .. لو سمحت ..انا عمتها وتاج راسها!!..ديموووه لي قلتي اسمي مره ثانية حطي يدج على رااسج!!..
طالعت لها ديمه متوجعه ــ هين على تبن !!..
فجأة انطلقت المها تلحق ديمه اللي ركضت ولفت حول السياره وارجعت اختبت ورى مبارك ــ ياخوي دخلت على الله ثم عليك ..كسرتني هالناااقه!!!...جسمي غدا اخضر!!..
المها ــ انا ناقه!!..انا المها على سن ورمح يا دريمه ..
ديمه ــ كوني اللي تبين بس ارحمي ذراعي !!..
في الطريق خذذ لهم مبارك اشياء بسيطه تسد جوعهم لين يوصلون الريان وياخذون وجباتهم ..ومر جدته وبعد محاولات اقناع صعبه قدر يتعذر من هل البيت ومايقعد للعشا ..
________________

حاول صالح انه يختلي بفاطمة لو دقيقه بس ماقدر البنت ماتنشاف ..لرجه انه سكن وسط بيتهم طول اليوم مستغل فرصه ان الشله كلها في دخان لكن مانزلت وعجبته اكثر لانها حشيم م برازه عمرها بين الرياييل ...
طلع من الصاله مكتئب وراح لغرفته .. لقى مسجات في تلفونه من ربعه في الدوام لكن الشخص الوحيد اللي خيب ظنه هو جاسم ..لا اتصال ولا مسج ؟
تم في غرفته لمده ساعتين لين سمع حشره ناس برا طلع ولقى مبارك رد مع مره ابوه وبنات اخوانه ..قرب من سيارته وقال له مبارك على طول
ــ لاتخاف صااغ سليم !!.
ابتسم صالح ــ ماهمتني السياره كثر اللي راكبينها ..ها يا بنات ..سليمات ؟
ديمه ــ ياعمي شوف بنت اخوك هذي البقره ..اللي مسمينها المها وهي ام البقر..
صالح ــ شفيها؟؟
ــ كسرتني اليوم ...والله مايسوى علي!!..
صالح ــ خخخخ انا ادري فيها ماتطق عبث اكيد سندرتيها ..تعالي مهوي ..ادق عليج مغلق جهازه ليش؟
ارتبكت المها ــ عمي...ماعندي جهاز ..جهازي ضاع ..
طالع لها عمها معصب ــ ضاع ولا انسرق؟؟
المها ــ مادري .. ادوره مالقيته ..من رحنا المجمع الاسبوع اللي طاف وانا مضيعته !,,
صالح بارتباك ــ اهم شي انتي مصوره فيه ؟؟
المها ــ لا عمي انا ماصور فيه ..بس صور لليهال ..
ديمه ــ انا اصور بجوالي ,,, ليش ؟؟
طالع لها ــ ايه لييش ينسرق وتتوزع صورج موديل للي يسوى وللي ماييسوى ..
ديمه ـ ـلا عمي تتطمن ..أنا حافظه الصور فالمموري .. والمموري اشلها من التلفون دايما واخليها في البيت لي طلعت ..او اخليها في بوكي حتى لو انسرق جهازي انا متطمنه! وحاطه للمموري باسووورد ..
صالح ــ ولو .. لازم تاخذين حذرج ..

ديمه ــ ان شاء الله ...
المها ــ المهم عمي .. شكنت تبغي ؟؟ ..
صالح ـ ...مااذكر ..المهم ادخلو وعن الهياته فالحوش ..
ديمه ــ انا بروح بيتنا مع بروك ..
طالع لها مبارك معصب ــ بروك في عينج !.. اسمي مبارك !.
المها ــ خخخخ ..تستاهلين ..المهم .مي حذفنا انا واختي بيتنا!..
صالح ــ روحي مع بروك ..مالي طلعه من البيت ..ترى نوف راحت مع اخوج ..
المها ــ يالله عيل ..بروك وين سيارتك؟؟
طالع لها مبارك ماسك نفسه غصب ــ نعم ؟؟
ــ وين سيارتك خل نندعس فيها ..صج ديموه مابتخلي لنا مكان بس..يالله حشر مع الناس عيد !.
ابتسم مبارك ــ تفضلو ا ...
كانت ديمه معصبه بس ماتبي تعلق عشان ماتنطق للمره المليون ..,في قلبها وينك ياراشد تفزع لي ضد هالمفترسين ..

_______________

في سويسرا في فندق واوريك .. كانت هيا واقفه فالبلكون مع عبدالرحمن اللي كان معصب
ــ انتي شايفه الفندق كله عرب ..ليش تتمشين برا؟
ــ فديتك عرب ولا انجليز مايهمني حنا جايين نغير جو ..ولا ليش حذفنا اليهال عند خدامات امي؟؟..
عصب عبدالرحمن ــ لو مخلينهم عند خواتي ارحم!.
ــ فكني من خواتك بس .. انا قايله لامي ماتقول لحد ان اليهال عندها ..وموصيه ديموه ماتتكلم ...وامي مراعيه اليهال !..وعينها عالخدامه!
ــ بس ولو ...امج ..كله معزومه وروحه وجيه شدراها باليهال المحذوفين بالملحق؟؟
هيا ــ اووووووه .. عاد عبدالرحمن لا تمصخها من دريت ان اليهال بالملحق مع المربيه وانتح اشرني تبي ترد رد ماعندي اشكال!!,,, انا بتم مع عمتي طيبه بتجي سويسرا الاسبوع اللي جاي..
مسك عبدالرحمن تلفونه واتصل بخديجه . .
ــ ألو ..
ـ هلا اخوي ..شخبارك ؟؟..
ــ هلا خديجه ..اقولج .. روحي بيت عمي بو منصور وخذي عيالي وخليهم في بيتكم ! ..
خديجه ــ لي شانت ماسافرت معاهم ؟؟
ــ لا .. قالت لي هيا انهم عند امها والحين عرفت انهم محذوفين بالملحق مال نوف مع المربيه ..
ــ لاحول ولاقوة الا باالله .. ان شاء الله اخوي ..
صكرت خديجه التلفون .. وطالعت لمبارك ــ مبارك طلبتك .
ــ آمري ..
ــ مايامر عليك عدو ..قبل لا توصلنا بيتتنا ممكن نمر بيتكم أول ؟
ديمه ــ ليش ؟
ــ باخذ عيال عبدالرحمن ..
استغرب مبارك وارتبكت ديمه .
ــ ليش من قال لج انهم عندنا ؟
ديمه ـ امبلى .. عند امي بس امي حاطتهم بملحق نوف عن لايزعجون ابوي ..
مسك مبارك بريك قوي ــ ـنااااااااااااااااااااااااعم ؟؟...مخليتهم بروحهم ؟؟.. من صجها ؟؟
ديمه ـ انا اطل عليهم كل يوم وامي مومقصره...
عصب مبارك وعجل لين بيت اهله وراح الملحق مع خديجه وديمه واجمعوا اغراض اليهال ووصلهم ببيت راشد .
دخلت المها معصبة ــ يعني تكنسلت روحه جده ..
ــ ها ؟
نزلت نوف من فوق مع شنطتها وهي مستغربه ..قالت لها خديجه عن الموضوع فعصبت من تصرف هيا ...
ــ صج هالحرمه مصختها!
المها ــ باي باي جده!!!....
خديجه ــ خلاص انتوا روحوا وانا اتم مع الصغار ..
نوف ــ انا برد بيت زوجي ومالي طلعه الا باذنه ..وأشك انه بيآذن لي اسافر ,,,شكله ناوي على شر..
المها ــ اسافر بروحي ؟؟..لا خلي صالح يروح ..مابيه يشيل همي لي تميت بروحي ..
_____________________


كانت العنود متضايقه طول اليوم لكن من تشوف احمد تبتسم وتحاول تمثل انها طبيعيه .

ــ عنودي..مب عاجبتني!!..
طالعت له بغصه ـ عيل ليه تزوجتني؟؟..
ضحك ببساطه وابتسم ــ قصدي اليوم حاسج مو على بعضج ..
اسكتت العنود وهي تقول في خاطرها (( فدييييييييييييييت غمازاتك بس ..حاس فيني ..فديتك والله )) ..
ــ مليــون !,,,
طالعت له مستغربه ــ ها ؟..
ــ مليون مقابل اعرف بشنو تفكرين !!...
انصدمت العنود وصار وجهها احمر وقالت ــ لا ..
طالع لها بخبث ــ 2 مليون !..
طالعت له بصدمه ـ لا طبعا ..اسمح لي افكاري مو للبيع ..
ضحك باستهزاء ــ ارحميني يا بيل غيتس... يالله اعترفي 2 مليون مبلغ مغري..
ابتسمت العنود باحراج وهي تفكر (( صج مغري..بس ..لااااااااا)))) ..
هزت راسها بلا!...
ــ اعترفي عنودوووه !!..
ضحكت العنود بقو ة ــ شنو غصب هو ؟؟..
قرب منها وايد وهي استحت حدها ــ اذا مااعترفتي مافي باريس..
تنهدت العنود بدون وعي ــ عادي..
جا عـالجرح .. كانت متحمسه لباريس تبي تشوف امها وعبير وعامر..وشغاله اتصالات مع الكل تبي لها رقم لكن اليوم .. الصبح انصدمت ..
تذكرت كلام أمها ـ(( وين تبين تشوفيني؟؟.. انا بروح سويسرا مواعده هيونه ..بعدين ارتزعي مع يلج مالج غيره )) ..
ــ يمه ..ماشفتج من شهور ..ابشوف اخواني..
ــ عنودوه لاتخربين علي مزاجي.. انطمي عند ريلج ..ولي رديتي الديره مريني ..مافيني اغير مخطط رحلتي علشان شوفه خمس دقايق ..وبعدين اخوانج الحين في مخيم كمبيوتر في لندن خليتهم ..
ــ ليش يما !! ماجبتيهم معاج ..انا ايام واكون بباريس..
ــ وانا بروح سويسرا مب فاضية لج خلصت مدتي في باريس..خلج مع ريلج استر لج .. ولاتقولين لبوج ان اخوانج فالمخيم ..تراه مايرضى بهالمخيمات..
وتصك التلفون في وجه العنود وتصكرت الدنيا في وجهها ..
ــ عنودي؟؟؟..
طالعت لأحمد اللي كان قريب منها واايد ..
ــ شفيج حبي ؟؟..
هزت راسها لا اراديا غرقت بأفكارها وهو بهالقرب منها ..لايكون ..شالغباء ؟؟شلون يقرا أفكارها ؟؟...
ابتسمت غصب ــ سلامتكـ...
مسك خصلة شعرها بين أصابعه ــ من مزعلج ؟؟..
حست بقلبها يدق بقوة ..قالت بدلع ــ أنت !!...
تغيرت نظر عيونه للصدمه ـ أنا ؟؟...بقط عمري من الدريشه ..
ويبي يروح عنها لكنها امسكت قميصه ــ لا ..
بعدين استحت من شافت نظرته المتفاجئة ..اتركت القميص منحرجه..وهو قرب منها أكثر ــ لا شنو ...
ـــ ولاشي ...
وطالعت بعيد عنه منحرجه وخدودها صارت حمرا بقوة
ــ خلاص بقط عمري..
ــ لا ...
طالع لها ــ لا شنو؟؟
ــ مايسوى زعلي .. صدقني..
ــ انزين ليش زعلانه ؟؟
ـــ ابي عسكريم ..وانت ماجبت لي عسكريم !
ابتسم وفي قلبه متأكد مية بالمية انها افتعلت هالسالفه في هاللحظة وان زعلها لشي خاص فيها .. ولا ليش ماتبي باريس بعد ماكانت متحمسه لها ؟طالع لها بحب
ــ أبيج تتذكرين دايما ..أني أحبج !.
نزلت راسها مستحية ..وتركها وطلع وانهارت على الكرسي وبدون وعي تمت تبجي بقوة .. هذا احمد اللي ماكانت تبيه ؟؟ . ..هذا الوحيد اللي في هالدنيا يعشقها ...
وهي .. تحبه ..اي تحبه !!!..

مسحت دموعها .امسكت التلفون وطلبت عشا خاص حق شخصين مع باقة ورد بنفسجية .. .قامت للحمام ..غسلت وجهها وحطت ميكب خفيف على عيونها وروج احمر دم الغزال ....طلعت لها فستان ابيض قصير والبسته مع حلق فضية دائرية وفلات فضي ..ورشت من عطر شوبارد .. كان في شعرها رولات خفيفة ضبطته .. اذا ماتقدر توفر له مزاجها الزين على الاقل تكون جميلة في نظره ....
جهزت الطاوله حق العشا .. وحطت شموع بنفسجية كانت مشتريتهم اثناء تجهيزها واستغربت وين راح احمد ..جا طلب العشا ..ورتبته على الطاوله ..وتمت تطالع في الساعه ..تأخر الشيخ صار له ساعتين مختفي !
فجأ طل راسه بيده كيس ..انصدم من المنظر ..وطالع ملابسه كان لابس برمودا وشيرت بدون اكمام ..
ـــ واااو ...ماقلتي لي على الاقل البس ملابس رسميه !..
انحرجت ــ تأخرت ..والعشا برد ..
طالع العشا ــ حركات ..شسوي اضطريت اشتري ثلاجه ..
طالعت له مستغربـه ــ ثلاجه!
ــ لا يروح بالج بعيد .. انتي مب طلبتي عسكريم؟
هزت راسها بعبط ..
ــ انزين فالله يسلمج رحت لمحل البوظه وهو يبعد عن هنا نص ساعه مشي..وقبل لا اوصل لقيت العسكريم ذايب ..رجعت واخذت تاكسي وخذت عسكريم مره ثانية ..وعلقت في الزحمه مع ان المشوار بالسياره ماخذ وقت طويل..وذاب العسكريم ..فرحت السوبر ماركت شريت ثلاجه الحفظ هذي الصغيره وبعدين رحت المحل مشي ..وجبت لج عسكريم ..
وعطاها صندوق صغير فتحته لقت علبيتين عسكريم .ــ علبيتين !
قال لها مبتسم ــ لا والله الشيخه تبي تاكل بروحها !!وانا مالي رب؟؟..
ضحكت وقالت منحرجه ــ مشكور ..ماقصرت ..
وحطت العسكريم في الثلاجه ..وشغلت الموسيقى كان سيدي لفيروز أغني ((أنا لحبيبي وحبيبي الي ))..حستها اوفر .. بس خلتها ..
لفت مالقت احمد استغربت وين اختفى ..
راحت عند طاوله العشا ..كانت مطله على منظر المدينه أثينا فالليل وكان الجو رومانسي .. جلست وتمت تنطر احمد ..
دقايق وطلع ..كان لابس قميص ابيض وبنطلون رمادي وجلس جدامها ..
ــ يلا ناكل ؟؟..
هزت راسها مستانسه وعجبتها لازانيا الخضار وايد .. كان اختيار موفق ..

أحيانا قمة الرومانسية تكون في ابسط الأشياء !
_ _ _ ___ _ _ _ _____________

جرت شنطتها بتثقل ..ودخلت الفيلا .. كان شايل الشنطه الكبيره ..
ــ نورتي بيتج ..
طالعت له مب مصدقه ترحيبه ..
لفت ويهها بعيد عنه
ــ بتتبعين معاي سياسه الصمت .؟
ماردت عليه ..
ــ نوف ..
قامت ودخلت داخل ولما جا يلحقها صكرت الباب بوجهه ..
كان بيطق الباب ..لكنه قرر يعطيها وقت .. لين تعوض اللي راح ..

جلست نوف على السرير وهي متضايقه ..طشت مسج لمريم انها مابتداوم هالاسبوع ..علشان تاخذ لها اجازه عرضي
بتنكتم داخل هالغرفه لان آخر شي تبي تشوفه هو منصور!
________________



انصدم بو عبدالرحيم من الوجاهه اللي دخلت مجلسه .. كلهم يعرفهم وكلهم كانوا على عداوه بمعظم قبيلتهم ..
ــ تفضلوا اقلطوا ..
دخلوا المجلس واشر بو عبدالرحيم لصالح انه يكلم خوه وعيال اخوانه ..
ودخل صالح وهو يدري شالسالفه واتصل بعبدالرحيم وعياله وراشد ..
ورجع و ضيف ضيوفه القهوة والشاي والحلو ..
كان في البدايه الكلام بسيط وسؤال عن الحال ..دخل عبدالرحيم ..وسلم على الجماعه ودخل بعدها الشباب مبارك وحمد وراشد .. واستلم حمد مهم الضيافه بدل عمه صالح ..
بو عبدالرحيم ــ يا مرحبا تو مانور المجلس ...
بوخليفه ــ والله اليوم جاايينك يا بوعبدالرحيم وكلنا عشم انك ترضى
طالع بو عبدالرحيم مستغرب ــ جاسم ولدنا والنعم فيه ورفيج ولدي صالح من كانوا صغار ......
بو خليفه ــ وهذا العشم والله .. انا جيت اليوم وجبت كل اخواني وعيالي وعيال اخواني .. جايين نخطب بنت يوسف الله يرحمه لولدي جاسم ..
ابتسم بو عبدالرحيم ـ والنعم فيكم والله وان شاء الله اللي الله كاتبه يصير ..
قال مبارك بدون وعي ــ بس البنت محيره لي وانا ابن عمها واولى فيها !
انصدم الكل بمن فيهم راشد اللي كان ساكت ومفوض الامر لجده ..
ارتبك بو خليفه وطالع جاسم بعتب ليش يخطب بنت ولد عمها حاجرها ..وجاسم اللي كانت يده ترجف منصدم ..
لما لاحظ صالح رده فعل جاسم قال يصحح الوضع ..
ــ بس جاسم يبي يخطب بنت يوسف الصغيره ..

 
 

 

عرض البوم صور retaj   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة غجريه, ليلاس, القسم العام للقصص و الروايات, روايات و قصص, روايه خليجيه, روايه على رمال سيلين كاملة, روايه قطريه مميزة, سيلين, على رمال, غجريه, قصه مكتملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:21 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية