المنتدى :
الشعر والشعراء
تكفى ترى تكفى تهز الرجاجيل
كثيرا ما نسمع
@ تكفى ترى تكفى تهز الرجاجيل @
فإليكم القصيدة كامله امل ان تنال اعجابكم .
اما لطمنا العيل والا ألطم العيـل
مادام شب النار منـدوب الاطفـا
من ذاق حر القايله يعشق الليـل
ومن شب ضوه ليلة البـرد يدفـا
امسيت في جيلٍ ولاهوب ذا الجيل
واصبحت والا ديرتي شبه منفـا
واللي حما بيته بطيـرن ابابيـل
ماجيت ادور كل من صـد واقفـا
ولاجيت ابشحذ يانما دلّـه وهيـل
جيتك وجرح الظلم غاديـه يشفـا
جيتك بكلمه كنها صعقـة الويـل
ان قلـت تكفـا لاتهـاون بتكفـا
تكفا تراها كلمـةٍ تقطـم الحيـل
لابالله الا تنسـف الحيـل نسفـا
تكفا ترا تكفا لهـا هـدرة السيـل
في صدر حرٍ ينتف الطيـب نتفـا
تكفا ترى تكفا لها تسّـرج الخيـل
ان كان لك في مجمع الخيل عسفا
تكفا تراني مـن قـرومٍ مشاكيـل
حمايـة الساقـه بسيـفٍ وشلفـا
تكفـا وتكفـا ماتسـاق لمهابيـل
تكفا تخلّـي القـرم لاشٍ وهطفـا
تكفا ترى تكفـا تهـزّ الرجاجيـل
لولا صروف الوقت ماقلت تكفـا
مـــ تحيات ـــع المجنـــون
|
30-06-10, 02:54 PM
جديد مواضيع قسم الشعر والشعراء
العرض الشجري
