لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 25-06-10, 02:38 PM   المشاركة رقم: 26
المعلومات
الكاتب:
اللقب:

البيانات
التسجيل: Jun 2010
العضوية: 171129
المشاركات: 29
الجنس أنثى
معدل التقييم: ملاك بصورة انسان عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
ملاك بصورة انسان غير متواجد حالياً
وسائل الإتصال:

كاتب الموضوع : ملاك بصورة انسان المنتدى : القصص المكتمله
افتراضي

 

البارت السادس والعشرون
ــــــــــــــــــــــــــــــــــــــــــــــــــ ــ

امسح بمنديل الصبر دمعة اليأس
واسخر من احداث الزمن بابتسامه

صباح اليوم الثاني بالمزرعه
عائله ابو ماجد الكل جالسين حولين السفره على الفطور
تركي :يبه لو نشتري حصان وفرس ونحطهم هنا بالمزرعه موحلوو
عبدالله هنوف ونوف اللي اعجبتهم الفكره : اييييه الله حلووووه
ام ماجد : الا ياشين الفكره من بيقعد يهتم فيهن ماعندنا عماال كفايه يهتمون بالخيل
الا اذا بتجيبون نااايف ال .. (وتناظر في العنود)يشتغل عندكم وتعطونه المقسوووووم
العنود تمثل البرود وهي في داخلها بركان:نايف تاج راستس ومهوب بحاجت دراهمتس خليها تنفعتس في الفشخره الكذابه ...<قطع عليها صوت الجوال
خذته وراحت ترد عليه
ابو ماجد :احسسسسسسسسن خله فيك ماينفع معك الا كذا .. انتي وش سالفتك متى بتخلين حركات الخبال ذي ؟ لعنبو بليسك النسوان يكبر ويهجدن وانتي تكبرين ويزود شرك ؟
ام ماجد تسفه ابو ماجد و تطالع في ما بغيض :ياحضي بولدي الرجااااااااااال يعرف يشكم مرته ويدافع عن امه !!!
ماجد :انتي اللي تغلطين عليها وش ادافع عنك فيه تهينين ابوها قدامها وتبين ادافع عنك !!!!
ابو ماجد : لعنبو بليسك من مره الحين تغلطين عليها وتبين من يدافع عنتس انتي لسانك يلوط اذانك مايحتاج محامي لك انتي مره مافيك رجاء ولاينفع فيك التوعد ..
ساره : يبه الله يهديك لاتعصب عشان صحتك
ابو ماجد : هذي بتذبحني كم مره قلت لها لاتعرض العنود ومافيها فايده والله لو جدار
ماجد قام ولحق العنود يشوفها ..سمع نوف وهنوف : وين العنود ؟
نوف : ماجت
ماجد (وين راحت ذي )سمع صوتها قرب من الباب
اما ام ماااجد (تغلي بداخلها راح يراضيها ويدور رضاها وانا القا التهزئ من ابوه ما اهتم ولا دافع عني وهي يدافع عنها ويلحقهاااا اخخخخخخخخ يالقهر انا اللي ربيت ولغيري صفيت !!

العنود : تكفى لاااا شوف اي صرفه حرام عليك عشان خاطر عبدالله واهله
..
العنود : انت اذا تقدر لاتهاون عرف هذا شىء يمس موب سهل
...
العنود :اناعارفه بس حتى ولو فيه ناس بيطولهم الاذى وانا ما ابيه يطولهم
..
ماجد (يفكر من اللي بيطولهم الاذى وش الشىء اللي يمس !!ومن تترجى ؟ وش السالفه ؟ انا لازم اعرف)
العنود : لا موبجده هنا
...
العنود : والله هنا كلهم يظنون انه بجده بس انا شفته مع حرمه بالسوق اظنها زوجته وانا مدري
..
العنود : لااااحرام لاتعم ياخالد لاتعم
خالد :....
العنود : انا كنت بالسوق ورحت لصرافه صدمة بحرمه وانا مو منتبهه زوج الحرمه صوته ماكان غريب علي رفعت راسي طلع سلطان ومن كلامه معها (استحت العنود تقوله انه يقولها حبيبتي قدام اخوها ) يدل على انه زوجها
خالد :....
العنود : اهلي ماقلت لهم وش اقول رجل بنتكم معرس عليها ويكذب عليكم بالرياض !! ومرته توقع لو قلته لها بترضى بخيانته لها !!بتطلب الطلاق صحيح ساره مايسوى اظفرها بس ما ابي عيالها يتشردون والا ياخذهم منها مهما يكون هذي ام ..
ماجد (اللي يسمع السالفه ومذهول سلطان متزوج ! وموبجده .!يكذب علينا !..فتح الباب ودخل عليها جلس على السرير والعنود اللي فتحت عيونها خايفه يكون سمع الكلام اللي دار بينها وبين اخوها ..
خالد: ...
العنود : هلا خالد انا الحين مشغوله اكلمك بعدين
خالد : ..
العنود : مع السلامه
ماجد : اللي تكلمينه اخوك خالد
العنود وهي تعدل برقعها :هاااه .. ايه
ماجد :ليه لبستي برقعك ؟
العنود :بطلع للحديقه الجو حلووو
ماجد : يالله بنطلع سوى فيه موضوع مهم ابغاك فيه
نزلو وهي تفكر يارب عساه ماسمع كلامي ...يووووه الحين بسبب هوشه بينهم
انا مقروووووده اوووووووووف والا وش ملقفني اعلم خالد باللي شفت بطقاق اللي يطق سليطين واخته
جلسو في الحديقه
ماجد :وش كان خالد يبي فيك ؟
العنود :موضوع بيبني وبينه
ماجد :العنود انا سمعت الكلام (العنود طالعت فيه )كمل ماكنت اتجسس بس صوتك ارتفع وتقولين عبدالله واهله
العنود : يومك سمعت ليش اعيد لك نفس الكلام ؟!
ماجد : مو وقته يالعنود تكفين ريحيني انتي تتكلمين من وسع
العنود :................
ماجد : العنود وش سالفتك الحين انتظرك تحكين السالفه وسافهتني شكلك مرتاحه بالشىء اللي ينرفزني
العنود : تظن اني كذا !!!
ماجد :شوفي من متى وانا اسئلك عن السالفه والى الان مارديتي علي !!
العنود : اها ...(تنهدت وبتردد ) بقولك السالفه بس رجااء لاتدري امك بالسالفه بالذاااات
ماجد : شمعنى امي ؟؟
العنود : لان امك بتشطح بخيالها بعيييد وتألف سالفه علي وانا مو ناقصه تأليف سوالف جديده
ماجد : طيب بس خلصيني قولي السالفه
العنود(خييير وش سالفته ذا اشتغل عند ابوه حتى ينفخ علي ) :..............<<علمته بالسالفه
ماجد محط راسه بين كفيه : يعني هي الحين بالسجن !؟
العنود : ايه ..بس لحد يعرف عشان عيال ساره ونوف.
ماجد مستغرب:بعد كل اللي سوته فيك تسترين عليها
العنود : وضعها الحين مافيه نصر لي عليها لكن يهز هنوف ونوف وعبدالله لانهم واعين الحين للي يصير حوليهم ويمكن يأثر على نفسيتهم بين زملائهم في المدرسه وهذا انا ما ابيه
ماجد : خالد وش سوى ؟
العنود : طلبت منه ان القضيه ما يستلمها احد غيره حتى ما تنفضح وتنشهر
ماجد : وسلطان انااتفاهم معه
العنود : لاتستعجل بقرارتك كالعاااااده تأكد
...............
............................
...............


بعد صمت
ماجد رفع نظره لها: وانتي ماغيرتي قرارك ؟
العنود وقفت : الموضوع شكله بيروح لسالفه ثانيه خلصنا منها
ماجد مسك يدها يبيها تجلس بالغصب
ـــــــــــــــــ
في عصر
في بيت ام محمد
ام خالد : وين بناتكم ؟
ام نواف : وراتس من اليوم تبينهن ؟
ام خالد : لاجن عرفتن
<<على دخلت البنات
سلااااااام ...هاااااااي ..مساء الخير
ام نواف : جعلكن تنقطعن ورا سلامكن هاللون ماتسلمن مثل خلق الله
ساره: يووووه ياخاله انتي ليش كذا معقده
نجلا بفرحه : دريتو بنت جيران طفله اللي اعرست من 5شهور تطلقت ؟
ام نواف : صدز وش السبب؟
نجلا : يقولون ان ولد جيرانهم اللي هي عاشقته رجع من امريكا
ام نواف : ايه انا داااريه هالبنت دايم توايق عن البيبان (تطل )
ام محمد : ايه عساها بس ماحملت والا بتخرب السالفه
هههههههههههههههههههه
ام خالد: خلصتن من تطنزكن
ام نواف (يالعنبات ذا الخشه جت الفلفسه مدري وش تحس به ذا العجوز الرشما):ايه يام خالد وش تبين بالبنات
ام خالد : وين جوالاتكن ؟؟
نجود : انا بالبيت
نجلا: وانا بعد
ساره تبلع ريقها : فوو ق
ام خالد : ايه ..التفتت جهة ام نواف وام محمد الجوالات تسحب من بناتكم
نجود : خييييييييير !!
ام خالد بعصبيه من قلة ادبها: اكلي تبن فاهمه لتس وجه بعد
نجود : خييير ليه تسكتيني وش شايفتني ؟؟
ام خالد :اقسم بالله ان ماسكتي لا الطتس بها البياله ياشينة العلوووم بعد من زين علومتس تلوسنين اللي مثلتس وتسوي سواياتس المفروض ماتطلع من حجرتها !!
ام نواف بخوف: ليه يام خالد ؟
ام خالد : يأم نواف البنات معطاتهن الحريه اللي المفروض ماتعطى الا لصاحيات والا بناتكن المفروض مايعطن
ام محمد : ليه يأم خالد وش فيتس قمتي تخورين بالحتسي ؟
ام خالد: انا ما اخور بنتس هي واللي معها اسئليهن وش الارقام اللي بجوالاتهن ؟؟
ام محمد : ارقاااااااام !!؟؟
ام خالد : ايه بناتكم لهم علاقات مع شباب واتصالات بينهم
ام نواف :وشوووو انتي من صدزتس تحتسين ومن قالتس ؟؟
ساره : يمه ذي تبي تشوهنا
ام خالد : اقطعي واخسي بعد مع شينتس قواية عينتس
ام محمدببلاهه : يام خالد انتي تحتسين وانتي صادزه ؟
ام خالد : هذي مافيها لعب هذي سمعه وعار ..واللي قالي كان ناوي يعلم عيالي
يقول بقولهم حتى يذبحونهن
ام نواف وهي تغلي : منهووو؟
ام خالد : ماراح اعلمكم لاني ما ابي كلام بينكم وتصير هوشه وتكبر السالفه اكثر <<ام خالد عارفه ان ام نواف عوباء وممكن تلاسن مع الرجال عادي
ام نواف اللي تحس ان الصدمه كبيره ماتحملت قامت على بنتها وكفختها بعد ما تأكد منها عن حقيقة الموضوع وكسرت الشريحه بضروسها
اما ام محمد : قامت وصفقت بنتها كف وسحبت الجهاز منها واعطته اخوها ورمت الشريحه <<واتفقوا ما يعلمون الرجال
ــــــــــــ
واللي بينا بكل سهوله تتركينه
العنود : تركته انت قبل ما اتركه
ماجد : ماتركته
العنود : بس شككت فيه
ماجد : غيرتي اعمتني
العنود : انت جرحتني
ماجد :مستعد اداوي جرحك
العنود : انت علته ..
بعد فتره طويــــــــــــــــــــــــله صمت
ماجد حط يده على كف العنود وقبض كفها : من هنا لين يوم زواج مها فكري وانا مستعد اسوي اللي تطلبينه
ان كان الوصل ......او الانفصال قام منها ابتعد عنها

روح عسى ربى يسهل خطاويك
وتصفى لك الدنيا وتمشى على رضاك
بالهون ياعمرى على عيون مغليك
لاتجرح عيون بـــكت يوم فرقاك
ــــــــــــــــ
وش رايكم اليوم جلسه شوووووي على كيف كيفكم؟
عهود : بشرط حضرت اللي تشوي ؟
خالد : وانتي معين
عهود: لااا انا ما يصير المس الطبخ او اجي قريب من النار
خالد بسخريه : يااااي عشان بشرتك !!
عهود تجاريه : يس تعرف انا حساسه وبشرتي حساسه وما ابغى اعدمها بقربي من النار !
خالد : صدق ان البنات مايعاااااات
عهود: والرجال جلفين
تركي : خالد اجل منتب معرس !!
ام ماجد: من بتقبل فيه ؟
خالد : وهو يحصل لها تاخذني !
هنوف : احللللللللى يالواثق
خالد: افا عليك اعجبك
ام ماجد : مالت عليك
ماجد : يمه الله يخديك ماصارت
ام ماجد : انت تنفخ علي ؟؟
ماجد : انا ما انفخ عليك محشومه لكن ماتلاحظين انك صرتي ماتحسبين لنااامدري وش شايفتنا بزران الى الان عندك !!
ام ماجد : يعني وش تبغاني اسوي ؟؟هذا اخر تربيتي
خالد :رجعنا على طيري ياللي
ام ماجد : وجعوووووووه ان شالله متى بتحشمني انت ؟
خالد التفت لعهود روحي نزلي ملابسي بسررررعه
ماجد : خاااااااالد اقعد
خالد : مانيب قااعد انا جاااي بوسع صدري لكن جاني ضيقه
ماجد قام ومسك يد اخوه وسحبه : تعال
اتجهو للحديقه مسطحها اخضررر في اخر الحديقه غرفه زجاجيه داخلها مسبح
ساقتهم اقدامهم للمسبح وهم في حديث وجدال عن حركات امهم ..بعد شد اعصاب قدر ماجد انه يقنع خالد مايجادل امه في اي كلام ويتجنب اي حديث معها
رجعو بعد مابلغوهم بالعشاء
وين العنود ؟
ام ماجد : لو اني الغايبه عن الاكل ماسئلت عني !
ماجد : وين العنود؟
عهود : داخل هي ونوف مايبون العشاء
خالد : اها عشان كذا حطيتونا سوى
هنوف : سوا والا موبايلي هه هه هه
تركي : عارفه انها بايخه ليه تقولينها ؟؟
هنوف : اجرب طريقتك بالتنكيت
خالد: هههههه حجري له
تركي : طيب اوريك ياهنوووف ان ماخليتك تحسفين
هنوف : الحلو هناا مو بحاجتكم
تركي : من هالحلو اللي امه داعيه عليه ؟؟
هنوف :ابوي محمد
ابوماجد : ابشري
هنوف : يااااحبي لك والله
تركي : ايه هذا اللي خلا الشايب مايرفض طلباتك
ابو ماجد : انا شايب !!
تركي : من قال ؟
خالد: جبت العيد خخخخخخخخـ
ــــــــــــــــــــــ
اليوم الثاني
ام سعدون دخلي علي جواهر عبدالله
ام سعدون : ابشر طال عمرك
<بعد مرور 10 دقايق دخلت
ياكلبه ياحقيره يـ.......
بسسسسسسسسسسسسسسسسسسسسسس
انت وش شايفني هنا؟؟ماني مالي عينك يومك تسب وتشتم ؟
جواهر وهي تداري نفسها خلف ام سعدون : تكفى يا حضرت الضابط لا يمد يده علي لاتخليني معه بيذبحني
خالد : انطمي ..سالم انت جيت حتى تتعهد وتستلمهااا لكن ياويلك ان لمستها او تعرضت لهااا انت عااارف اني اقدر اوصلك زييين
سالم : بس هذي نزلت وجهنا بالارض
خالد : محد يعرف بالسالفه انا تكتمت على الوضع وكنت حريص انه ماحد يعرف فيه
سالم : الله يجزاك خير والله مدري وين اودي وجهي منك مستحي من فعل الوصخه
خالد بعصبيه : خلاااااص كل شوي تهاوش ترى بخليها ترجع مكانها اللي كانت فيه حتى اضمن انك ماتعرض لها وعاد هنا مقدر امسك السنت الناس
جواهر تفكر هالوجه قد مر علي من ؟؟ ياربي والله قد شفت احد يشبهه ..والله شكله رزه طول وجسم رياضي هيبه ملامحه جميله رغم ان حااده مملوح وجذاب رغم انه برونزي اللون <قطع عليها حبل افكارها هيييي امشي الله لايبارك فيك وبأخت مثلك قطعتي وجهي (دفها لين السياره )والله لاعلم سلطان عليك واخليه يدفنك ياكلبه يالواطيه
ركبت السياره
جواهر بتوسل : تكفى سالم لايدري سلطان ولا امي تكفى انا طلبتك انت لاني عارفتك قلبك طيب مو مثل سلطان خبيث ونجس
سالم : اقطعي ماانجس من سواتك سواه
جواهر: سالم تكفى واللي يرحم والديك تكفى
سالم : وش انتي مهبوله اسكت على فضيحه
جواهر: انت سمعت الضابط وش يقول
سالم : واللي معك بالحفله من بيسكتهم
جواهر : ماراح يقولون شىء تكفى واعطيك اللي تبي
سالم : ما ابي منك شىء وسلطان ببلغه




جواهر : ماتبي فلوسي من نصيبي من عمارت ابوي ؟
سالم : بس اللي اعرفه انك شريتي فيه
جواهر : لااا عندي 33الف جامعتهن تبيهن بس تسكت ولا احد يعرف بالسالفه
سالم : لاااا بعلم
جواهر :خلاص علم ماراح تستفيد شىء لو علمت الا هوشه وطق من سلطان واكيد بيسبك انت وعبدالرحمن وامي يمكن تروح فيها لكن لو سكت الفلوس بالبنك تشتري اللي تحبببه ومحد يدري وبدون مشاكل فكر زين
سالم (وش بستفيد صح لا علمت سلطان الا بيكفخني معها !! واحط 33 الف بالبنك هاه لا ان عرف سلطان بيذبحني وش بيدريه ؟ اصلن محد يعرف وذاك الوقت اكون خذيت الفلوس وبطاقاق
التفت على جواهر : وامي ؟؟
جواهر : امي مانقولها بقولها اني نمت عند صديقتي وابوها مسافر وخفت ارجع بوقت متأخر ويشكون الناس فيني
سالم يطالعها بحقد : وانتي كل شىء عندك له حل شكلك دايم تسوينها ؟؟
جواهر فزعت : لالالالالالا والله اول مره اسويها بس امس من التفكير مالقيت الا هالحل
سالم : اليوم تنزل الحساب فلوسك والا والله لا اعلم عليك واولهم عمتي
جواهر : ان شالله (ياخبثك اشوى اني ماقلت ان لي بالبنك ضعف اللي عطيتك وزود كان لهطتهم وذليتني بس اعرفك مثل امي ماتهتمون الا بالفلوس والمظاهر )
ـــــــــــــــــــــــــــــــــــــ
بعد مارجعوا الى الرياض من مرزعتهم
خالد تعال لي في غرفتي ؟
خالد: وش فيك ؟
ماجد: تعال واقولك
<<بعد 10 دقايق
خالد :خير وش عندك مقلقني تعال تعال ؟
ماجد: سلطان متزوج
خالد :حمدلله والشكر ماجبت شىء جديد
ماجد: ياغبي انا اقصد غير اختك
خالد: هااااااااه
ماجد :وش رايك؟
خالد: من جدك تكلم ووشدراك؟
ماجد: ..............<<قال له السالفه
خالد: ايا الخايب الحين مسافر شغل وهو مبلط في الرياض مع مره !!
ماجد : وش الدبره ؟
خالد : مدري وش رايك ؟
ماجد : بواجهه بس ما ابي اجيب سيرت العنود وابغاك معي
خالد : ابد انا معك بس متى ؟
ماجد :الحين
خالد : انت الحين وشلون بتفاهم معه ؟انت كذا بتكافخ معه
ماجد : منقهر منه ليه يكذب الرجال لابغى يعرس عادي الشرع محلل له اربع ما اقول شىء وليه مايبلغ ساره !! ها القهر والا العرس بالطقاق ماهمني بس فعلته كأنه مسوي جريمه وماا اهتم لمشاعر ساره لو احد صدمها بالخبر
خالد : طيب روق الحين ..انا بكلمه وبخليه يقابلنا بعد المغرب
ماجد : خلاص
ــــــــــــــــــــــ
اهلن يا ابوعاابد كيف الحال ؟
عبدالله : هلا مشعل بخير الله يسلمك
مشعل : ابو عاابد ابغاك بسالفه ؟
عبدالله : امر حايك اقلط الحين
مشعل : لاااا ما ابغى اقلط بروح بسرعه عندي شغله
عبدالله : على هواك
مشعل : ابو عابد شف هالرقم تعرفه ؟؟
عبدالله : لا ليه ؟
مشعل : تأكد شف الرقم زيين
عبدالله : لا والله ياخوك ..ليه ؟
مشعل : هذولا بنات يكلمن الشباب عطوني رقمهن
عبدالله يقاااطع : بسس ما ادااني هالسوالف انا مالي فيها بنات واتصالات
مشعل : ليه بعد ماتملكت كرهت هالحركات!!
عبدالله : مشعل انا من قبل وانا ما احب هالحركات ..
مشعل : اجل لوتعرف من هالبنات وش تسوي
عبدالله وقف : مايهمني من يكونن بصرحه احسب عندك سالفه جاي مسافه وبالاخير طلع ارقام بنات !!
مشعل : اذا نجود وساره ونجلا مايهمنك من بيهمك
عبدالله اللي حس برعشه : وش قلت ؟؟
مشعل :اقوووووووووول اذا نجود وساره ونجلا مايهمنك من بيهمك
عبدالله واعصاب جسمه تكهربت : وشفيهن ذيلن ؟
مشعل وابتسامة نصر :هذا رقم وحده فيهن
عبدالله شد على قبضة يده وصار يضرب مشعل عددة لكمات حس مشعل ان اسنانه طاحت من قو اللكمات وبصراخ صار يتلفظ الفاظ من القهر(تخسي يالكلــ .. الله يلعــ..ورفعه وخلاه مقابله وهو شااد بقووه على قبضة ثوبه من الياقه اقسم باللي رفع سبع سماوات ان سمعت بس انك موزع ارقامهن والا اساميهن والا جايب لهن سيره بالباااطل والله مايحول بيني وبينك الا المووووووووت فاهم الموووووووووووووووووووووت يا كلــ ..)
مشعل وهو يأن خلاااااااااااااااااااااااااص الله يلعـــــ انت واياهن لكن تراهن يكلمن غيري امسكهن قبل تمد يدك علي اسئلهن مسعود (ركله عبدالله ببطنه :قلت لك لاتجيب سيرتهن فااهم؟
ـــــــــــــــــــــــــــ
وش عرفكم اني في الرياض ؟
ماجد : مالك دخل
سلطان:وشلون مالي دخل
ماجد: ايه مالك دخل
سلطان : طيب وش عندك
ماجد : ساره ماتعرف انك هنا بالرياض ؟
سلطان :لا ماتعرف وانا ما ابيها تعرف
ماجد: ليه ؟
سلطان : بس
ماجد: انت هنا وين ساكن ؟
سلطان : بشقه مع واحد من الربع
ماجد يحرك الملعقه بالكوفي : واحد من الربع والا وحده
سلطان بغضب : ماجد انت وش تخربط
ماجد: حبيبتك اللي كنت معها في مجمع ال ......لاتقول كذب وخراط كل شىء كاشفينه فلا تكذب لانك بتكذب على نفسك
سلطان بنظرات مشتته وارتباك : هذي زوجتي
ماجد : من متى متزوجها
سلطان : من 5شهور وزواجنا سري
ماجد : سري !...
سلطان : ايه سري ..ساره ماراح تقبل يكون لها شريكه وبتطلب الطلاق
ماجد: من حقها تطلبه مثل ماهو من حقها انها تعرف ان عندك زوجه غيرها
سلطان : وعيالي
ماجد : هذا تتفقون عليه انت واياها
سلطان : يعني افهم انك بتبلغها
ماجد : انت اللي بتبلغها
سلطان : وانا ماراح ابلغها لانها بتطلب الطلاق
ماجد: بتبلغها ولو طلبت بتطلقها بطييييييب
سلطان : وش تقصد ؟
ماجد : انت بين خيارين انك تعلمها بزواجك او تطلق زوجتك السريه
سلطان : اطلق زوجتي انت صاحي ؟؟
ماجد : وش رايك ؟؟واحد لو انه صااحي ماتزوج زواج سررررري وش خايف منه ؟؟ وفوقها حرام عشان ايش؟
سلطان : اختك ماتجيب نماء (اطفال)
ماجد : وهنوف وعبدالله وماجد من وين ؟؟
سلطان :انا ابغى اطفال
ماجد : كذاااب القصد منه المتعه والا لو انك تدور على النما على قولك تزوجت علني مهوب خشاشه كنك مسوي جريمه ...وش قلت ؟؟
سلطان زفر بضيق :بفكر وارد عليك
ماجد : انتظر اتصالك بكره تبلغني قرارك اما تبلغها او ابلغها انا وتطلق
سلطان : ماعمري شفت واحد مستعجل على طلاق اخته كثرك
ماجد: وش الحل ربي بلاني بواحد طايح بالنسوان وزواج المسيار !! تعتقد ذا كفوا يفتحون بيوت !؟ فكر بهنوف واخوانها لا اكتشفو ان ابوهم يتزوج مسيار حتى يرضي نفسه !! بيتفخرون فيه؟؟
<<<تحركو ماجد وخالد اللي كان مستمع للكلام فقط
ــــــــــــــــــــــ
مرت الايام سريعه ..ام عبدالرحمن حصلت صاله وتاريخها كان مقارب لتاريخهم الاول بس زياده 4 ايام ..
سلطان راح لماجد وطلب منه يكتم الامر عن ساره وزوجته اللي كانت طلقها حفاظآ على بيته وعياله وشراكته مع ابو ماجد !!
عبدالله تملك وحدد الزواج بالصيفيه يعني بعد 5شهور ..
نوف صارت قريبه حيل من العنود خاصه بعد حادثة هديل و صارو ينامون سوى بنفس الغرفه والسرير هذا خلاهم يتقربون اكثر واكثر

******اليوم زواج مها *******

 
 

 

عرض البوم صور ملاك بصورة انسان   رد مع اقتباس
قديم 25-06-10, 02:40 PM   المشاركة رقم: 27
المعلومات
الكاتب:
اللقب:

البيانات
التسجيل: Jun 2010
العضوية: 171129
المشاركات: 29
الجنس أنثى
معدل التقييم: ملاك بصورة انسان عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
ملاك بصورة انسان غير متواجد حالياً
وسائل الإتصال:

كاتب الموضوع : ملاك بصورة انسان المنتدى : القصص المكتمله
افتراضي

 

البارت السابع والعشرون
ـــــــــــــــــــــــــــــــــــ
******اليوم زواج مها *******
ساره :الزفه بيشغلونها الحين يالله تعالي حتى تنزفين
مها اللي حاسه انها تنزف لقبرها تمشي معهم مسيره مو مخيره
سكرو الاضاءه
وجهو النور جهت الممر

أقبلت تمشي ومشيتها كنه الخيل ...
ترفل وابوها بالمعزه حماها

مثل المطر شفافة كنها سهيل ...
أو وَجْنَةْ القمرا بعالي سماها

مزيونةٍ فيها النواعس مظاليل ...
كن الليالي ماخذه من مساها

شفَّافةْ الخدّين في غنجها تميل ...
كن النسايم ميّلتها معاها

وجناتها تشبه ورود الأكاليل ...
ورده نديَّه والبنفسج شذاها

دانه ثمينه ما لها من مواصيل ...
تسبي العقول ونايفٍ مستواها

وصلت للكوشه وهي تحس نفسها مخنوقه ماعاد فيه امل صارت لعبدالرحمن
ناظرت جهت امها اللي راسمه الابتسامه العريضه بفرح ..لفت نظرها لطاوله
قريبه من الكوشه شافت خواتها متغطيات معهم نوف والهنوف .. تمنت تقوم من مكانها وتروح لهن تقول ما ابي اتركم امي اجبرتني عليها قطع عليها اعلانهم دخلت العريس ..دخل هو وابو ماجد وخالد وتركي وقفت ضمت ابوها ماتحملت كاابرت بمافيه الكفايه جتها ساره : مها وش فيك ؟ اكيد هذا التوتر ياقلبي ..خلاص امسكي نفسك الحين نخليكم تطلعون
مها حركت راسها بالموافقه
اعلنو خروج العروس والعريس
خواتها ماقدرو يتحملون طلعو بعد ما بكو وداعها ومن ضمنه العنود
رجعو للبيت عهود رفضت تنام ببيبت ابوها ونامت مع نوف والعنود في الغرفه
ــــــــــــــــــــــ

انا واضح معاك من البدايه
أحسب ان الزمن على الكيف جاني
جروحك للأسف جت من ورايه
وحظي اللي رفعني لك رمانــي

اليوم الثاني اليوم الموعود
نزل من فوق شافها بالصاله هي واخته ونوف يضحكون ويعلقون على اشكال بعض
يوم الزواج
ماجد: السلام عليكم
الكل : وعليكم السلام
ماجد : وشلون العرس البارح
نوف : لو تشوف خالي شوي ويركض من السرعه ههههههههههه
عهود : يفششل بصراحه
*كنت اناظرها انتظرها تتكلم لكن التزمت السكوت كأنها تعاندني حاولت اعلق و ادخل في حوارت مختلفه لكن هي كأنها ماتسمع ..كنت ابي اعرف او اجس نبضها
وش قرارها بدون ماتصرح خفت التصريح يذبحني ان كان الرفض ..شهر وانا احاول اتقرب منها مالقيت منها الا الصد والهجران ..رجعت لواقعي يوم قالت عهود من بيوديهم المطار حتى يسافرون لجده (عبدالرحمن ماعنده ماده حتى يسافرللخارج )قلت انا وياليتني ماقلته آآآآآآآآآآه
العنود : متى رحلتهم؟
عهود : 6المغرب
العنود : بيمديك تجي وتوديهم؟
ماجد : اجي !!
العنود : ايه تجي والا نسيت !؟
ماجد :مانسيت بس ظنيت انك غيرتي رايك .
العنود : ماغيرته ولا راح اغيره
ماجد حرك راسه بالموافقه وقام
*قمت منها بعد ما اعلنت موتي ايه موتي بعدها عني بالنسبه لي موت مافيه احد يعيش بدون روحه وانا روحي بتروح مني ...مدري وين قادتني رجولي ماحسيت الا وانا واقف عند بابه دقيت بابه ودخلني حسيت نفسي بحاجه لحضنه يحتويني يخفف عني هو الوحيد اللي الجأله في ضيقي حطيت راسي بحضنه بكيت ايه بكيت صحيح ان الرجال عيب تنزل دمعته لكن انا اللي احس فيه اكبر من اني اقدر امنع دموعي حسيت نفسي محتاج لها الشىء قلت له وانا تغلبني العبره انا خسرت حياتي يبه خسرتها ..طالعني بنظرات متفاجىء وهو كأنه يبيني اكمل قلت له يبه العنود تبي الطلاق ومصره عليه حاولت امنعها لكن ماقدرت انا السبب يبه انا غلطت في حقها وغلطه موسهله واعتذرت لكن ماقبلت عذري ..يبه حياتي بدونها يعني موتي انا ما اقدر اعيش بدونها طلبتك يبه سو اي شىء يمنع طلاقنا رجعت ادفن وجهي بحضنه وملامح وجه ابوي كان باين عليها اثار الدهشه ..ما الومه وعدته احافظ عليها بس خنت وعدي
آآآآآآآه ليت الايام ترجع والله لاصلح غلطتي ..
ـــــــــــ
دخل وهو ثاااير ويسب ويشتم ويصفق بالباب
ام خالد : بسم الله علي وش فيك انت صااحي ؟
عبدالله : الكلــــــــــــ معهن جوالات ؟؟
ام خالد مرتاعه : يويلي منهن ؟؟
عبدالله : نجوودوه ونجيلا وسويره
ام خالد : لا ماعندهن
عبدالله : الا عندهن ويكلمن شباااااب الله يلعــــــــــ...
ام خالد : ياولدي اذكر الله البنات سحبت جوالاتهن من مبطي
عبدالله :وانتي وش دراتس ؟؟
ام خالد : انا عرفت ومن درن امهاتهن بالسوالف سحبنها والبنات خلاااااص قدهن تافلات العافيه
عبدالله وهو يضرب قبضة يده في كف يده الثانيه : ااااااااااه ليت لي سلطه عليهن والله لاكفخهن لين الوحده منهن تقرط في الارض بس اااااخ ماباليد حيله
ام خالد : الله يهديك يارب
عبدالله :من متى سالفتهن الخسيسات الله يجعلهن ال...
ام خالد : انت وراك تدعي تقول عجوز وخذ شونها (مصروفها من الشؤن الاجتماعيه)
عبدالله : بلاي القهر الشباب يحكون فيهن ويتغامزون ويتهامزون وين اودي وجهي
ام خالد : هذولي ورعات طايشات
عبدالله : جعلهن الصرع يومهن ورعات وراهم يعطونهن الجوالات
ـــــــــ
ابو ماجد : انت وعدت انك تنفذ رغبتها
ماجد :ايه
ابوماجد : خلاص نفذ
ماجد يطالع ابوه بنظرات رجاء
ابو ماجد : ما اقدر اتدخل انت وعدتها والا بتخلف بعد وعدك
ماجد غمض عيونه بالم وندم مسح وجهه وقام بثقل : بروح انفذ وعدي
ابو ماجد اللي يراقب ولده وقلبه يعتصر حزن على شكل ولده وهمه بس مابيده حيله
*طلعت من ابوي وانا جيت له ابي منه عون لي بس طلعت وانا زايده همومي دخلت عليهم قلت لها تجهز راحت وطلعت شنطها واغراضها وحطتهم بالسياره وانا صعدت لغرفتي غرفتي اللي فقدت الحياه من تركتها فتحت الدرج لقيتها ناسيه البوم صور زواجنا وشريط الفيديو خليته على الاقل فيه شىء عندي منها ..نزلت لقيتها مع عهود ونوف يبكون قلت لها يالله انتظرك بالسياره طلعت لحقتني بعد ماسلمت على ابوي ووادعته
ركبت جنبي تحركنا من بيتنا لين وصلنا قرية اهلها كنا ملتزمين الصمت طول الطريق السياره مافيها صوت غير صوت النفس قربت من بيت اهلها احس نفسي خلاص موقادر امثل القوه اكثر انفجرت مسكت يدها طلبتها تسامحني وتصفح زلتي نزلت دموعي غصب عني ماقدرت امنعها حاولت وحاولت لكن ردها لي اخرسني عن الكلام .

قلب ذبحته بالغدر صار ينساك
والنفس عافت من عذابك وعدها
أنا الذي تلعب بقلبه وخلاك
وأنا الذي عنك المواجع حشدها
باحرق بقايا مابقا من خطاياك
واطوي صروح بالحشا تعتقدها
نزلت ونزلت انا بعدها بشوي سلمت على ابوها وامها وطلعت من عندهم وتارك روحي عندهم ..كنت افكر في كلامها اللي قالته النفس عافتني !!تعتقد اني العب بقلبها !!ذبحتها غدر بس انا ماغدرت فيهااا والله ماغدرت !

ياخــذك ..يا دمعــةٍ طاحــت على خد المواجــه
ما عرفتي تصبــرين اليــن ما عينــه تروح ؟
و الله اني ما قصدت بدمعــتي يا قلــب حاجه
بس فاجأني بغلاهْ ..و صممت عيني تبوح.!

*دخلت بيت اهلي وانافيني الضيقه احبه بس هو جرحني ماقدرت اتحمل قسوته وظلمه لي شفت دموعه و حزنه وضعفه ولهفه على رجعتي له كنت بهون عن قراري بس تذكرت نظرته لي وهو يقول ساحره تذكرت يده يوم رفعها في وجهي ويقول راعيت اطباب ..سلمت على اهلي وقعدت معهم شوي وقمت منهم تعذرت لهم بالتعب وانا تعبي نفسي دااخلي مو جسدي
آآآآه ياماجد شف اخر الشك وش سوى فينا كل منا في طريق..
ــــــــ
ام ماجد : كلوووووووووووووليش هذا يوم السعد هذا اول الخير من عقب عرس مهاوي كلوووووووووووووووووليش
عهود ونوف نزلو من الدرج يركضون
عهود : يمه وش السالفه ؟
ام ماجد وابتساامه واااسعه :اخيرآ ذلفت مرت اخوك النسره ذلفت
نوف : وكل هذا عشان العنود راحت !
ام ماجد: ليه مو هذا اللي تبينه ؟
نوف : كنت ما ابيها اول لكن الحين ابيها ترجع
ام ماجد: ام الاطباب سحرتك
عهود : يمه اذكرك ؟؟
ام ماجد : انتي تنطمين تراني مقهووووووره منك والا جايك سالم ورفضتيه؟؟من بيخطبك ياحظي وانتي محد يشوفك من مرضاك للبيت ؟
عهود : آسفه ماعرف انه سالم
ام ماجد: تطنزين انتي مع وجهك
عهود : ابغى اعرف انتي امي والا ام سالم ؟ !! سالم راعي كاس تبين تزوجيني لراعي مخدرات !
ام ماجد : تزوجيه وعقليه
عهود : اعقله !!!! اقول بروح غرفتي قبل انجلط
ام ماجد: تقلعي ماشفت منك يالعوباء خير.......هييييييييييييييه بقولك ان ماخذيتيه لا انتي بنتي ولا انا امتك لين يوم الدين !!
عهود:اذا تبين كذا على راحتك اهم شىء راحتك لكن اذبح عمري وارضي غيري في شىء لايقبله لا عقل ولادين ولا منطق انا ما ابيه
ام ماجد : انتي وش تهذرين على راسي
عهود: انا وسويلم الرخمه مانصلح لبعض
ام ماجد وطت وفصخت جزمتها تكرمون ورمتها على عهود اللي هربت لغرفتها
ـــــــــــــ




*دخلت علينا وجهها كان باين عليه الحزن حاولت تخفيها بتعليقاتها اللي تحاول ترسم البسمه على وجيهنا كان جنبها يناظر سوالفها ونظرته فيها الم وضعف اعتذرت منا وهي تعذر بالطرق والتعب عليها لكن مو هذا السبب الحقيقي هي تبي تبتعد عنا حتى تخلا بنفسها اعرفها هذي طبيعتها من زمان قامت منا وحركتها ثقيله ..اما ماجد ما انتظر بعدها سلم وطلع بسرعه كانه خايف من شىء او هروب مدري بس اسغربت حركته هو بالعاده ثقيل بتعامله وحركاته راكد ..
اللي حولي كل واحد يظن بشىء اللي يقول زعلانانين واللي يقول لا العنود يمكن هذا شهرها واللي يقول يمكن عند ماجد انتداب في مكان كلن يعطي تبرير من عقله ازعجوني قلت بنبرتي المعتاده حتى اسكتهم :العنود هذا بيتها جت زعلانه والاغيره انتم مالكم كلمه عليها وانا حي واياني واياكم احد يروح يحشر مناخره في اللي ماله فيه ان حكت عليكم زين وان ماحكت احترمو رغبتها ولاتجبرونها سكتوا وشفت على ملامحهم الرضى بكلامي الا عبدالله اللي مايطيق ماجد لانه الى الان مازال متسمم بأفكار شيبانا الاولين وان زوجنا اخته من خارج القبيله !!
ــــــــــــــــ
* دخلت غرفتي وانا اتذكر ايامي فيها تذكرت سهراتي ان وريم تذكرت اخر مره جيت هنااا من تقريبآمن ثلاث شهور كنت ممنوعه اصعد لغرفتي ..التفت جهت طاولتي هذا لاب توبي في مكانه شكل محد استخدمه !فتحت نافذه على الجهه الغربيه اتابع غروب الشمس يحسسني بالكئابه والهروب مدري لكن مو مثل الليل خاصه لرفعت بصري لسماء وشفت على صفحتها نجوم تزينها ببريقها والقمر في تمامه يالله هذا منظره رووووعه بالنسبه لي رجعت لواقعي بعد ماحسيت بلفحات هواء بارده على وجهي سكرت النافذه وتمددت على سريري آه ظهري عورني من طول الوقفه لفيت الجهه الثانيه ..اطلقت زفرات تنهيد مديت يدي اتحسس المكان اللي جنبي
كان ينام جنبي ويحكي عن مرضاه خاصه كبار السن اللي يكونون وصلو لسن التخريف والهذيان لانهم يكسرون خاطره مايقدرون يشكون بمرضهم في احد الايام جاء ومره متضايق قال لي عن عجوز مسنه يدفونها بعربيه اللي يدفها حفيدها ومعه امه اما العجوز فكانت تصدر صوت من فمهاا بشكل شبه متواصل من الانين كانها بتقول شىء سئلت زوجة ولدها عن هالحاله الغريبه ردت علي ان الاطباء يقولون هذا طريقتها بالعبير ولما كنت احط السماعه عليها او المسها توقف عن اصدار الصوت !..و بعد شوي ترجع لنفس الصوت ..غمضت عيوني ورجعت اتذكروش قال لي اليوم قال انه يحبني ويبيني ماحسيت بنفسي الاو انا اضم يدي اللي مسكها لصدري قطع على الجوال افكاري رفعت شفت اسمه ترددت ..:الووووو
ماجد:.........
العنود :ماجد
ماجد بصوت ضعيف : لبيه
العنود بضيقه : فيك شىء
ماجد : اشتقت لك ..
العنود.....
ماجد : متى بتحنين علي وترجعين
العنود : ماجد خلصنا من هالموال
ماجد بعد صمت : اكلمك بعدين انا تعبان الحين ..(سكرت الخط ما انتظرت منها اي رد خفت تقول لي لاعاد تدق )
سكر الجوال وهو حاس نفسه تايه راح لبيت ابوه ودخل غرفته القديمه (دخلت غرفتي وارتميت على سريري حسيت نفسي غريب وانا في غرفتي رفعت نظري لسقف وانا اتذكر ايامي معها غمضت عيوني وانا مافي نوم بس ابغى اهرب بخيالي من واقعي المر ماحسيت بنفسي الا وانا غاط في النوم ..


ماجاء على بالــــي خطاك انت بالذات
لاتعتذر كافي يجي منك اكثر
مات الغــــرام اللي لك بداخلي مات
معاد ينفعك العذر لو تعذر
مقـدر خلاص اتحمـــــل اليوم غلطات
مكذب عليك انا بديت اتغير
بسكات انا جيتك وابروح بسكات
ببعـــد وقول هذا مقــــدر
قصرت وسواتك معي ماهي سوات
هذامع اني فيك ماكنـــــت أقصر
طوفــــت لك مره ومره ومرات
صبرت بس اليـوم ماظنـــــي اصبر
واليوم انا نـــــادم على كل مافات
لاتعتـذر مدام عذرك تأخر
هذا جزاي اعطـــــي و لااقول لك هات
انا اللي استاهل يجـــــي منك اكثر

ــــــــــــــ
بعد كم يوم
في جده بأحدى الشقق
عطيني فلوووووووس ؟
:مامعي من اليو اقولك مامعي
:مهيووووووو عطيني فلوس قبل اكفختس الشقه يبي راعيها الاجاار
مها : انت الرجال مو انا وانا من وين لي فلوس
عبدالرحمن:لا والله جبتي شىء جديد انا عاااااارف اني الرجال والمره السنعه هي اللي تساعد رجلها في المصاريف
مها :وانا من وين اساعدك ؟؟
عبدالرحمن : اسحبي من الصرافه انتي مدرسه ويجيك راتب وش كثره
مها : بس الصرافه مو معي
عبدالرحمن بصراخ : وشووووووووووانتي وش تقولين
مها تغطي وجها : الصرافه مع خالد خذاها مني
عبدالرحمن وهو يصك على اسنانه : وش يبي منها خوووويلد ؟
مها : يقول بيجددها لانها قربت تنتهي
عبدالرحمن : ها قربت تنتهي وعلى حظي خذاها خويلد هييين اوريك
مها : وش بتسوي ؟؟
عبدالرحمن : اكلي تبن لك وجه تحكين
<<قطع عليهم صوت جوالها
مها : الوووو
:هلاا كيفك؟
مها : من ؟
:انا واحد ضايقه في دنياه وابغى استشيرك
مها اللي فتحت عيونها وردت برتبااك : غــ لــ ط اان
:تكفيييييييين اسمعي سالفتي
مها سكر الخط وهي تنتفض
عبدالرحمن : من هاللي يتصل ؟
مها بخوف تبلع ريقها : غلـ طان
عبدالرحمن والشرار يطاير من عيونه : غلطان والا ولهاان ؟
مها : وشووو
عببدالرحمن : وجعوووو هااتي الجوال انتي اصلن منتي ثقه يكون معتس جوال
سحب الجوال منها
مها : انت وش تسوي ؟
عبدالرحمن : ببيع جوالك واسدد الشقه عساه يجيب قيمتها
مها : حرام عليك جهازي جديد وابغاه
عبدالرحمن : عشان تكلمين الولهان ياكلـــــــ والا غيره
مها : وش ولهانه انا ما اكلم الا خواتي
عبدالرحمن : كذااااااااااااااابه واللي من شوي
مها : واحد غلطاااااااااان
<<دق جوالها مره ثانيه
عبدالرحمن : اظنه العاشق الولها من جديد يكلم !؟
مها : انت الحين تكذب الكذبه وتصدقها
عبدالرحمن : اقطعي ولا اسمع لك صوت بعد تقولين تكذب (رفع يده ومسكها مع شعرها جوالك هذا انسيه فاهمه انسيه با ابيعه وان عرفت انك قايله لاحد بنسفك عن وجه الارض فاهمه
مها وهي ماسكه قبضة يده اللي على شعرها وهي تبكي بصمت :آآآي خلااص ماراح اقول بس اتركني
دفها بقوه وصقع وجها بالكنبه اللي قدامها وتركها وطلع ..تركها تنثر الدمع ..(الله يسامحك يمه الله يسامحك )
ـــــــــــــــــــ
ام ماجد : انت صاير تنام هنا؟
ماجد : ايه
ام ماجد : خلااص وانا امك العوض في البيوت
ماجد بنرفزه : ما ابي عوض فيها وياليت تشيليني من بالك
ام ماجد: راعية الاطباب قدرت عليك
ماجد رفع حاجبه بأستغرب : انتي الحين مصدقه كلامك ...ماله داعي ننبش اللي فات يكفي اللي حصل بأسبابه
ام ماجد : ايه ما الومك تبكبكت عندك وقالت مظلوووومه اتهمتني وصدقتها واكيد جابت كات(الخااادمه) لكم بعد ما ارشتها فلوووس ونسفتها بنت بليس على امك ياواحسافه تربيتي وشيلي لك آآآخ انا اربي وغيري له الغلا والحشيمه
ماجد اللي فاتح عيونه : كااااات وش هالكلام اللي تخربطينه !!...اصلن انتي اللي علمتي على نفسك واعترفتي بلسانك وانتي تحكين مع شينة الحلايا جويهر وكل شىء دار بينكم انسمع ..فماله داعي تتهمين غيرك لاكات والعنوووود
ام ماجد: من اللي سمعني ؟
ماجد :ليه وش بتسوين فيه ؟
ام ماجد : ابيه يواجهني ويقول هالكلام قدامي
<<<<انا اللي سمعتك
ام ماجد : انت !!!!
خالد : ايه اناااا سمعت كل الكلام ولا تجحدين لاني سامعه من طقطق الى السلام عليكم واعترااااااافك صريح
ام ماجد :تجسس على ياخالد انا امك
خالد : امي الحين تقولين امك !!!وينك يوم تتهمين مرت ولـــــــــدك ياأم ماجد بالسحر والاطباب بالبااااطل ؟؟وينك يوم تجبرين مها على الزواج من عبدالرحمن وتهددينها انك تبرين منها !!؟
وين عن ساره اللي جتك تشكي من ام عبدالرحمن ظلمها وقفتي مع ام عبدالرحمن ضد بنتك كلللله عشان تعرفك على شلت الانس زوجة الملياردير عساف وؤجل الاعمال التاجر صالح وغيرهم من الطبقه الاستقراطيه او المخمليه اللي تشوفين نفسك اقل منهن !!
ماجد منصدم : مجبره مها على عبدالرحمن ؟؟؟؟؟؟؟؟
ام ماجد بعصبيه : انت تلااااااايط من جيت وانت تقول رادو مشتغل على راسي ..ايه ابيغى اكون معهن خلني اشوف وشلون عايشين هالناس بشوف نفسي اول حياتي وانا مقابلتكم لارحت ولاجيت واخر حياتي بتحرموني ؟؟
خالد : الله واكبر اللي يسمعك يقول ماتطلع يمه انتي من جدك تكلمين وين هالكلام يوم تركي تشنج علينا من الحراره وانتي وين كنتي فيه ؟؟؟ هاه ؟؟ اذكرك كنتي في عرس بنت رفيقتك فطوم !!
ووين كنتي يوم يوم انكسرت يد عهود بنتك انكسرت يدها بالصباح ومنومه بالمستشفى وانتي بالليل رايحه لجمعت شلتك ومحذرتنا لحد يعرف بكسر عهود اليوم حتى محد ينقد عليك يعني عارفه انه عيب وغلط بس ماتقدرين تتركينهن !!
ماجد : خلاااص ياخالد
خالد : وش اسوي شىء مايطاق كل ماشافتنا عادت هالكلام لنا اناربيت وانا حملت وانا سهرت وانا حرمت نفسي لذيذ النوم وانتم مصاخين كل الحريم يسون كذا لكن هي بصيغه مبااااااااالغه وفوق هذا ماتعترف حنا غلط وهي صح هدمت بيتك ومها الحين مثلك وبتكمل علينا يالباقين
ام ماجد تصفق بقهر : وانت يومك تعرف هالعلوم ما تعلمت احترام امك !؟
خالد : امي على عيني وعلى راسي لكن اذا امي غلطانه ما اطيعها في غلطها صح !!
ام ماجد : انا ماغلطت انا ادور مصلحتكم
خالد : مصلحتناااااااا!! اي مصلحه تزوجين بنتك واحد مايدري عن هوى داره !!واحد من اول اسبوع باع جوالها حتى يسدد ايجار شقته !!مصلحه تحرمين ولدك من زوجته وولده !!...تدرين وش اللي استفدته من نصايحك انا ننجح بدراستنا رغم انها حوافزك لاتخلو على قولتهم من كلمات ويقلد صوتهاحركتها اللي كانت تسويها (ها ياعيالي انجحو ارفعو راسي قداااام ام سند وخلوني لاقالو نجحو اقول ايه ممتازين ولا رحت عند ام صقر قلت وانا مفتخره انكم تنجحون وتجيبون دراجات زينه حتى اعلمها ان عيالها فاشلين وعيالي ناجحين !! واخليها تحسف انها ماعزمتني على حفلة خطوبة بنتها لاسويت حفلة نجاحكم وماعزمتها !!!
ام ماجد : ايه اجل عااازمه كل الجيران ومخليتني ابي اقهرها مثل ماتقهرني
خالد بقل حيله يلتفت على ماجد : استلم مااااااافيه امل امك راسها يااااااابس(وصار يضرب كف بكف )
<<تركهم وطلع منقهر من تصرف امه
ماجد : انتي اجبرتي مها على العرس بعد الرحمن !!!!!!!؟
ام ماجد : ايه هي وصيه لاتنسى!!
ماجد : وصيه يمه انتي تكلمين من صدقك الحين انتو يالكبار تقولون فلان لفلانه تعتبرونها وصيه ؟؟ انتي ليــــه سويتي كذا ؟؟
ام ماجد بنرفزه : لاااااااا تعال طقني انت واخوك ؟؟
ماجد قام وباس اسها : محشومه .<تركها وطلع
ــــــــــــــــــ
ـــــــــ
العنود : ماشالله الله يهدي ام نواف وام محمد وبناتهن
ريم : ذيل الكلب عمره مايعتدل
العنود : ليه ؟
ريم : لاتغرك المظاهر والله كنت مثلك توقعتهن يعقلن بعد اللي صار
العنود : هذا هن وش حليلهن
ريم : ديكور
العنود : اعوذ بالله
ريم : اعوذ بالله هذا اللي شوه المسلمين حسبي الله عليهم
العنود : الله يهديهم ..
ريم : آمين
ام خالد:قومن البسن بنروح نشتري دفع عبدالله
العنود : الحيييين !!
ام خالد : الحين بنروح ونمرح بالرياض
العنود : اذا رحت الرياض بمرح في بيتي <<تحرك حواجبها
ريم : معصيييي تبين ذا والله مايحصل
العنود : لاتحلفين
ريم : والله مايحصل
ـــــــــــ

بعد مرور ثلاث اسابيع **
ــــــــــــــ

 
 

 

عرض البوم صور ملاك بصورة انسان   رد مع اقتباس
قديم 25-06-10, 02:44 PM   المشاركة رقم: 28
المعلومات
الكاتب:
اللقب:

البيانات
التسجيل: Jun 2010
العضوية: 171129
المشاركات: 29
الجنس أنثى
معدل التقييم: ملاك بصورة انسان عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
ملاك بصورة انسان غير متواجد حالياً
وسائل الإتصال:

كاتب الموضوع : ملاك بصورة انسان المنتدى : القصص المكتمله
افتراضي

 

البارت الثامن والعشرون
ـــــــــــــــــــــــــــــــــــــــــــــــ
لبست عباتها وطلعت ركبت سيارتها وقالت لسايق عن المكان الي تروح له وهي تتوعد وتتعهد اناااا تقولون لي كذااا وصلت للبيت نزلت بخطى ثقيله دخلت البيت بدون ماتطق لانها مسويه مفاجئه حلووووه اليوم انا جااايه اعلن عن خطبتي لماجد اخيرآ بحقق حلمي واجمع شمل جواهر بماجد تنفست بعمق وشقت ابتسامه واسعه راضيه بقرارها اللي تخطط له من زماااان الحين بكسر خشمك يالقرويه يالمعفنه اجل اناااا صيته تقولين عني بلونه !!!؟انا بلووونه ؟؟ هيييييييين الحين اعلمك من الفارغه من جوى ...صعدت درجات المدخل الخارجي فتحت الباب ..شد انتبهها صوت الصرخاااااات
المتتاليه والانييييييين
تحركت بسرعه بعرجتها بغت تطيح اكثر من مره بسم الله سلمها شافت منظر يهز النفس من داخل مها في الزاويه وتنضرب من عبدالرحمن ووجها مو واضح من الدم وجواهر بصوتها المرتفع : طقهااااا الكلبه تكلمه انا سامعتها تغزل فيه ماتشوفها رفضتك بالبدايه ماتبيك عشان حبيب القلب
مها بصوتها الباكي :حرام عليك انا ما سويت اللي قلتي عليه جتها ضربه على بطنها من عبدالرحمن صرخت بصوت مرتفع من شدة الالم آآآآآآآآآآآي ..ماتحملت امها تشوفها بها المنظر بسسسسسسسسسسس انت واياها حرام عليكم ذبحتو بنتي حسبي الله عليكم
جواهر والتحريض المستمر: عمتي بنتك بتفضحنا تكلم
عبدالرحمن وهو يصك على اسنانه : الواطيه وتحب و..
ام ماجد : اكل تبن انت وايا اختك مها ماتسويها بنتي واعرفها مالك شغل طلعت جوالها واتصلت بخالد وقالت له يجي بسرررعه لبيت خاله
جواهر : انتي الحين مكلمه خالد عشان يعرف بفضيحة بنتك ؟؟ بيذبحها لو عرف
ام ماجد : مها يمه يعورك شىء
مها بصوت متقطع ودموع تنزل :يمـــ ـــــه لا تتــــ ـــركيـــ ـني
ام ماجد :ماراح اتركك رجلي على رجلك
عبدالرحمن :تكتف مرتي ماتطلع من بيتي بدون شوري وانا ماني موافق تطلع وان عتبت باب البيت احش رجولها
مر وقت عليهم ومها تتلوى من الالم وتأن وام ماجد تحاول تهدي فيهاااا وهي تبكي من منظر بنتها المزري حس ان خالد تأخر عليها والوقت يضيع عليها خاص بعد هدؤ مها

دق جوال ام ماجد :هلا يمه تعال لي في المقلط انا فيه تعااااال بسرعه
خالد: امي تقول تعال بسررعه شكل فيه بلوى
دخلووو وشافو مها والدم ينزل من فمها ومغطي جزء كبير من وجها ركضو جهتها رفعوها ماجد حاول يوقف الدم بتسكير الجرح مسك شماغه وصار يقطعه اجزاء
خالد : من سوى كذا فيها يمه ؟
عبدالرحمن : انااااااااا
خالدانقهر من عجرفت وغرور ووقاحت عبدالرحمن : ماحس الا لكمه سددها على عبدالرحمن وابتدت بينهم مناوشات من الطق
جواهر اللي طلعت تلبس عباتها بعد ما قالت ام ماجد لولدها انها بالمقلط ولازم يدخلون لهم انها بالمقلط رجعت شافت خالد فوق
عبدالرحمن ويطقه دفته جواهر حتى يطيح قام عبدالرحمن وصارفوق خالد وصار يوجه له ضربات متتاليه حاول خالد يبعده مس ماقدر بثقله جالس عليه اما ام ماجد اللي شافت حركة جواهر جت بتسوي نفسها لكن جواهر دفتها على ظهرها وطاحت ماجد اللي كان معطي الهوشه ظهر ويقطع شماغه لاكتر من قطعه يربط فيها راس اختها ويدها اللي تقول انها ماتحس فيها كانها مخدره من قو الضرب ولانه خايف على اخته من كثرت النزيف صار يسكر الجروح بشماغه خايف من كثرالنزيف يأثر على اخته لكن صرخت امه وخالد خلته يلتفت عليهم قومها وانهال على عبدالرحمن بالضربات متتاليه باليد ين شافته جواهر حاولت تهرب لكن خالد كان اسرع منهامسكه ونزل عليها ضرب مثل ماضربو اخته ودفت امه ..بعد ماصار جواهر تأن من الالم هي وعبدالرحمن قام ماجد وبصوت جهوري :اسمع بكره تكون في المحكمه تطلق اختي فاهم ؟؟
عبدالرحمن : لااااا انا ابيها
ماجد : الساعه تسع تكون هناك ان ماشفتك فيه تأكد اني اقدر اخذ ورقتها غصب بس بعد ما تكون سيرتك على كل لسان
عبدالرحمن : واختك بعد بتكون سيرتها على كل لسان
مها بخوف: ماجد لاتصدقه كذاب اخته مو انااا
جواهر وهي تبكي وتأن من الالم :يالكذااااابه انا اصلن ماانزل لها المستوى
ماجد : صح انتي مستواك استراحات وشباب وافلام خلاعه
جواهر الجمتها الصدمه وماكانت صدمت خالد وامه اقل منها
عبدالرحمن : انكتم في بيتي وتسب اختي واتتهمها بعرضها
ماجد: انا ما اتهمها اسئلها عن وليدبن فهد واستراحته اللي داهمتهم فيها الشرطه واللي طلعها اخوك سالم
نزل وشال اخته بين يديه وامها قال لخالد يسندها نادا الشعاله وغطها بالعبايه ونومها بالسياره بالمرتبه الخلفيه وركب وراح للمستشفى
اما خالد خذا امها وراح بها للبيت
في المستشفى
بعد التحاليل والاشاعه اثبتت النتايج ان عندها كسر باليد ..وكدمات ورضوض متفرقه بالجسم
ـــــــــ
اما في قريه قريبه من الرياض
في غرفتها تحس بالالم يضربها يشتد في بطنها ويخف ثواني ويعاود الشده
طلعت من غرفتها وهي خاايفه تكون اعراضها
ام خالد : وين بتروحين ؟
العنود: بروح امشي بالحوش
ام خالد : تونسين شىء ؟
العنود : لا مافيني الا العافيه
ام خالد : الحمدلله
نزلت بخطوات ثقيله مشت مسافه لابأس بها زاد الالم ماعاد فيها تحمل اكثر
قالت للخادمه تنادي امها
العنود: يمه انا بروح المستشفى
ام خالد ببلاهه : ليه
العنود :يمه انا تعبانه بكت
ام خالد خذت جوالها دقت على وبلغته
ابو خالد : البسو عبيكن انا بوديكم لرياض
لبسن العبي خذو شنطة العنود اللي مجهزينها
واتجهو لاحد مستشفيات الرياض
ــــــــــــ
تعااااااااالي ياكلـ.. وش اللي سمعته ؟؟
جواهر : انت تصدقهم وتكذبني انا اختك هم يردووون عليك بنفس طريقتك حتى يشككونك في
عبدالرحمن : جواهر بلاااا كذب انا اعرفك واعرف ماجد
جواهر تبكي : لا ماتعرفه زيين عشانك كشفت اخته يبغى يقلب السالفه علي

عبدالرحمن :هين اوريك يالملعـــ.. تتهم اختي بعرضها ان خليتك تندم ما اكون ولد عبدالله ..
ــــــــــــــــ
السلام عليكم
ام ماجد : هلا وعليكم السلام
ابو ماجد : ماجد وشلون اختك الحين ؟
ماجد: بخير
ابو ماجد مسك شماغه وصعد فوق يالله تصبحون على خير
الكل : وانت من اهله
ام ماجد: متى بطلع اختك
ماجد : بعد كم يوم ...الا انتي وش موديك لبيتهم ؟
ام ماجد بتلعثم : هاه ..اشوف اختك
ماجد بحزم : وش موديك لهم ؟؟
ام ماجد : تبي الصراحه رايحه اخطب لك جواهر
ماجد : حلووووووو تخطبين لي اقصد تدبسيني بالعرس
ام ماجد : كنت احسبها انسب وحده لك بدال هالقرويه
ماجد : اسمعي انا سكوتي كل هالمده كان احترام لك ما ابي ارفع صوتي عليك وكنت ابغاك تفهمين لكن شكلي بصرح انا غير العنود ماراح اخذ وابشرك العنود رافضتني يمه رفضتني والبركه في تخطيطاتك ..عمري ما تخيلت ان فيه ام تكره سعادت ولدها كثرك
ام ماجد : انااا اكره سعادتك !!
ماجد : اجل وش تسمين حركاتك !؟ حب !
ام ماجد : عشاني ادور مصلحتك قلت اكره سعادتك
ماجد : سعادتي مع الانسانه اللي انا ارتاح معها
ام ماجد : الحين القرويه اللي مو من مستوانا تقول سعادتك معها
ماجد :وش قياسك على المستوى ؟؟قبيله ؟؟تراهم مثلنامن قبيله معروفه ...واذا على الماده عندهم خير
ام ماجد بقرف:الحين تساوينا بذولا
ماجد :ذولا اللي تكلمين عنهم عندهم على كثر خيرهم ماتكبرووو مثل غيرهم طفران ومتكبر !!
ام ماجد بقهر: عرفو من يناسبون محامي عنهم وعن بنتهم
ماجد : الحين يوم قلت الحقيقه صرت محااامي ؟!!!!!! بعدين ليه تسوين فيها كذاا
ام ماجد : مااطيقهااااااااا اكرهها ماتليق لنااااا
ماجد :وش فينا زوووود !!!!!!!!!!!...انا شكلي مطول وماراح تقتنعين الا اللي براسك!
ـــــــــــــــــــ
بعد 13ساعه
هذا اني حيه ما متي ؟؟
مها مفزوعه : انت وش جابك
:جاي اتطمن عليك
مها : تطمن علي والا ..(سكتت خافت من نظراته)
:والا وشو
مها :.....
:اسمعي الشيخ يقول بعد اسبوع تعالووو يبغاني افكراذا اطلقك او لا وانا ما ابغااااه وانتي بعد ماتبغينه فاااهمه وش اقصد
مها ببلاهه : لا
عبدالرحمن يصك على اسنانه :اسمعي يالغبيـــه اقنعي اهلك وبالذات مجيدوخويلد انك ماتبغين الطلااااق و(رفع اصبعه بوجها)الا ياويلك مني انتي واخوانك
مها بخوف : وش بتسوي ؟
عبدالرحمن :اقدر ادبس فيهم تهم تدخلهم السجن كم سنه (ورفع ظهر كفه وصار يحركه عند خشمه )
مها فتحت عيونها بقوه : بتتهمهم بالمخدرات
عبدالرحمن : هذا اقل شىء اسويه
<<تركها وهي في حالة ذهول ممزوجه بخوف عبدالرحمن بيدخلهم السجن يمكن يسويها ويفقدون وظايفهم خاصه خالد اللي وظيفته حساسه ..عبدالرحمن ما استبد عليه شىء وقح وحرامي ومدمن كلها فيه ....
وشلونك الحين مهاوي ؟
مها :هاااا .. الحمدلله
ماجد :وش فيك ؟
مها : لا ولا شىء
ماجد : قالك الدكتور انك بتجلسين هنا كم يوم
مها: الله يعيني
ماجد : خلاص انا بروح اقول لهم يحطونك بغرفه خاصه حتى مايخلون معك احد بالغرفه يضايقك
مها : لاا ماجد..خلني هنا لو احد جااء يسليني لا ازهق لحالي اللي طلعت من شوي والله حسيت بعدها بالملل وانا ماقعدت معها الا ساعه ونص
ماجد : على راحتك
ــــــــــــــــ
في احد غرف المستشفى اعلنت صرخات قدوم مولود جديد وقفت ام خالد تنتظر احد يطلع عليها من الغرفه طلعت ممرضه الف مبروووك ولد
ام خالد: طيب العنود وشلونها
الممرض : العنود طيبه شوي ويطلعونها..الحمدلله على سلامتها
ام خالد بفرحه :الله يسلمك ..رفعت جوالها ودقت على ابو خالد
ابو خالد : هلاا
ام خالد : ابشرك جابت ولد وهي طيبه
ابو خالد : الحمدلله الله يصلحه..سكر منها ورفع الجوال على ماجد
ماجد :هلااااا
ابو خالد :السلام عليكم
ماجد : وعليكم السلام هلاا عمي شلونك
ابو خالد : بخير شلونك انت ؟
ماجد : الحمدلله
ابو خالد : انت وينك فيه ؟
ماجد : في المستشفى ليه فيه شىء
ابو خالد : مبروك ماجالك
ماجد :......
ابو خالد : الوووو
ماجد :العنود ولدت ؟
ابو خالد: ايه جابت ولد
ماجد بفرحه : وينها فيه
ابو خالد : والده يعني وين بتكون في المستشفى
ماجد يضحك : ايه اقصد اي مستشفى
ابو خالد : في مستشفاك اللي تشتغل فيها
ماجد : انا الحين فيها بجي لكم
ابو خالد :مع السلامه
ماجد : مع السلامه
ماجد اتصل في ابوه وبشره وفي امه وساره ..راح بسرررعه لغرفة مها حتى يبلغها بالخبر
فرحت له وباركت له كانت عهود عندها اللي قامت تنطنط من الفرح
طلع من عندهن وهو بداخله شوووق للقياها راح لرسبشن سئل عن غرفتهااللي بلغوه ان رقم الغرفه 434 راح لها طق الباب محد رد عليه فتحه شافها نايمه قرب منها باس راسها فتحت عيونها بخفه بصوت مبحوح
العنود : ماجد!
ماجد : لبيه
سكرت عيونها وصدت للجهه الثانيه ..طلع و كلم خالد وبلغه بالخبر فرح وبارك له استغرب من برود مااجد
خالد : ليه ما احس انك فرحان
ماجد : خالد البنت خلاص رافضتني رافضتني ..(سكت وبعد فتره تنهد وكمل كلام) خلاص الزواج مو غصيبه وسكر الخط
*من بلغني ابوها بالخبر مدري حسيت بشعور غريب ما اقدر اوصفه بس حلووو وجديد علي ..قلت يمكن الحين تحن وترجعلي رحت ابشر ابوي وخالدوخواتي وامي اللي ماتوقعتها تفرح لي كانت تدعي لي !!رحت وسئلت عن غرفتها رحت لها وانا ولهاااااااااان عليها دقيت الباب محد رد دخلت بهدؤ عليها كانت عليها معالم التعب واضحه وطيت نفسي وبست راسها فتحت عيونها ببطء نادت علي قلت لبيه من قلتها سكرت عيونها كانها ماتبي تصدق وجودي جنبها كارهتني كارهتني وانا احبهااا الا اموت فيها ساقتني اقدامي لغرفة مدير المستشفى وطلبت اذن بالخروج وماعارض ركبت سيارتي مدري وين اروح ..خالد اللي بلغته بالخبر استغرب برودي قلته فرحتي بولدي ما اكتملت امه كارهتني وتبي فرقاي ياخالد فرااااق ماتبيني وانا ماراح اجبرها تعيش معي وماحسيت الا بدموي تنزل مدري هو شعور الضعف والا الوحده او الخساره ومدري بس اللي اعرفه اني صرت مهزوز تحطمت احلامي وامالي كان عندي امل لكن الحين خلاص يأست ...
ــــــــــــــــــ

ــــــــــــــــــ
اليوم الثاني
من يشبه ؟؟
ام خالد : توووه نتفه مابانت ملامحه
ريم :يجننن بسم الله عليه
راكان : يشبه ابوه صح
ابو خالد: توه طراس وانتم تشبهونه
العنود ترفع حاجبها: طرااس !؟ لاتكون سبه ذي انا مدري !!
ابو خالد :طراس سبه هههههههههههه
انطق الباب عليهم
ابو خالد : من ؟
ابو ماجد : انا محمد
ابو خالد : تفضل ادخل حياك
دخل ابو ماجد ومعه باقة ورد
ابو ماجد: السلام عليكم
الكل : وعليكم السلام
ابو ماجد: وشلونكم ؟
ابو خالد: بخير جعلك به ..على البركه الرجال
ابوماجد: الله يبارك في عمركم
تقدم جهت العنود اللي نزلت من سريرها وتحركة شوي عشان تسلم عليه
ابو ماجد : وشلونك ؟
العنود : الحمدلله بخير ..وشلونك انت ؟
ابو ماجد : بخير ..التفت جهت المولود ..:الولد ما استخول (ماطلع على خواله من ناحية الشبه )
ابو خالد : لااا ماغدا لنا انتو تاكد و لايكونون مضيعين في الورع بس
ابو ماجد : تهقى والله مدري لاغدا لخواله اظنه بيطلع لعمه خالد
خالد اخو العنود : ياوالله النشبه ان طلع لخالد
ابو ماجد : نشبه وبس الا قل اللهم سكنهم مساكنهم
ههههههههه
وبدأ ابو ماجد وابو خالد وخالد باحاديث جانبيه
ــــــــــــ
ماشفت ولدك ؟
ماجد يحرك براسه لا
ساره : ليه ؟
ماجد : ما ابي اتعلق فيه
ساره : تعلق فيه!!
ماجد: امس جيت امه وصدت عني ماتبيني ...زفر ياساره ماتنجبر نفسآ على نفس
مها : بتطلقها؟؟
ماجد : ايه خلاص دام هي راغبه
خالد: احسن شىء قررته
عهود: انه يطلق ؟!
خالد : ايه له فتره وهو يتردد عليها يبها تلين لكن مالانت لمتى تبونه ينزل نفسه اكثر من كذا ؟
عهود : انه يجمع شمل عايلته يصير تنزيل لنفسه !! انه يرجع حرمته لبيتها تنزيل لنفس !!انتو وشلون تفكرون ؟
خالد: انتي اللي وشلون تفكرين احسبي كم له من زعلو ومن متى وهو يراضيها ؟ ماتعتقدين المده كافيه !
عهود : ولو لاتنسى اللي سواه فيها مو شوي !
خالد: هو غلط واعتذر وش تبين اكثر من كذا ؟
عهود: لاتنسى انه غلط نفس الغلط قبل واعتذر وواعدها مايعيدها وعادها !
خالد : ابي اعرف انتي معها والا معه ؟؟
عهود: انا لاقلت الحق صرت معها يعني برايك؟
خالد : يوووووه انتي الحكي معك ضايع
عهود:الامالك حجه علي
كان يسمعهم وهو شايل هموم على قلبه (هي قريبه مني بس مقدر اشوفها رغم جفاها والله مشتاق لها حتى ولدي ابغى اشوفه ..)
عهود: ماجد مشيناااا
ماجد : وين ؟
عهود : بروح اشوف ولد اخوي
ماجد : روحي
عهود : وانت ؟
ماجد : لا انا مانيب رايح
عهود تمسك من يده : ماراح اروح الا معك وبنروح لعنود ونهنيها ونشوف ولدك وحطت يدها على فمه ماراح اسمع منك اي اعتراض وبتروح معي بالطيب
ــــــــــــ
السلام عليكم
مها وساره : وعليكم السلام
نوف : حمدلله على السلامه
مها: الله يسلمك
تركي : كيفك الحين ؟
مها : الحمدلله بخير
هنوف : متى بتطلعين يعني
مها : خلال هاليومين
نوف : الحمدلله ..وين عمتي عهود؟
ساره: راحت تشوف الصغير
تركي:يالنذاله فيهااا قلت لاتروحين الا وانا معك (ويقلدها كلامها) ابشر ولا يهمك
ساره :ولا يهمك اروح انا وانت
هنوف : وانا بروح تكفين بشوفه
التفتت ساره جهة نوف : وانتي نوف ماتبين تشوفينه؟
نوف :لا
طالعت ساره في مها اللي شكو انها غيره
هنوف : مزعجتني مشتاقه لعنود ويوم جت هنا ماتبين تروحين لها ؟
نوف :عنود مو ولدها
ساره :بنروح للعنود وبنشوف ولدها
نوف :خلاص بروح معكم
ــــــــــــــ

خلني داخل حدودك واجبر بخاطر زمانــــــــي ...
اكذب في باقي وعودك واصدق بلحظه سعيــــــــده
انتشلني من برودك لو تولع بالمحانــــــــي ...
عطني احساس بوجودك وخذ كل اللي تريــــــــده
تكفا وإلى من قلت تكفا بيع خلق الله عشانــــــــي ...
لاتضيع من يديني فرصه العمر الوحيــــــــده
جيت مابيك تحقرني جيت ابيك تعز شانــــــــي ...
جيت ابي فزعه ضلوعك من مشاعرك البليــــــــده
يعلم الله شفت منك ومن غيابك ماكفانــــــــي ...
كان ماتقدر تخفف هم قلبي تكفا لاتزيــــــــده

شافهم طالعين من عنده سلم عليهم :وين بتروحون ؟
ابو خالد: عرفنا انك جيت قلنانفضي لك الجوووو
ماجد يبتسم وبداخله (ماتدري وش فينا والا لو تدري وش بينا ماخليتني ادخل)
عهود اللي دخلت وسلمت عليها قاعده تناظر بالبيبي :عنود الحين كرشك وش كبره وماطلع منه الاها الصغون !!
العنود:هالصغنون شفت الموت بسبته
السلام عليكم
عهود والعنود :وعليكم السلام
عهود :تعال شف باكورة انتاجك من يشبه ؟ لاتقول لي حرام بتحطم !!
ماجد اللي قرب من العنود وصار جنبها بالسرير :وهو يحصل لك انك تشبهينه
عهود: يوووه وش هالثقه وعععععععع اشبه ولدك من زينه انا احلى شف (رفعت البيبي وحطت وجها بجنب وجه البيبي ؟
العنود :نزليه لاينفهق تكفين
عهود : خوذيه اصلن تحمدي ربك اني شلته من زينه(قامت وحطته بحضن العنود وغمزت لماجد وطلعت)
العنود : هيييييي انتي وين رايحه
عهود : بروح عندي شغله وبجي اشوف المفعوص ..طلعت
ماجد قام من مكانه وجلس قبالها : العنود... ولدنا بحجتنا وانا بحاجتك جنبي
العنود : لا ياماجد انت بحاجة غيري مو بحاجتي ... ماجداكتفيت خلاص انا عودت نفسي اعيش بدونك (رفعت ولدها وحطتها بحضانته)
ماجد :وانا مقدر حاولت اضغط على نفسي حتى اريحك مني لاني عارف ان وجودي بحياتك سبب لتعاستك ..(زفر بضيق)حاولت ابتعد عن هنا كل شىء فكرت فيه حتى ترتاحين لكن خانتني قوتي انااحببببك لدرجة اني اكره اي مكان يذكرني بفقدانك غرفتي بيتي كل شىء تركته كل شىء العنود حسي فيني اناتعبت مافيني حيل اكثر من كذا والله تعبت انا بحاجة وقفتك معي ...عنود اذا عندك شروط اوطلبات حتى ترجعين انا مستعد انفذها كلها ولا اعارضك بأي شرط مد يده ومسك يدها اقبلي عذري
العنود وهي تحاول تصيطر على نبرة صوتها :انت اناني فكرت بنفسك والحين رجعت لي ..توقع اني بقولك موافقه ؟
ماجد يضغط عليها : مقدر على بعدك
العنود صدت للجهه الثانيه وزفرت بضيق: ماااايهمني اللي تقوله لانك قد سمعتني اياه قبل وقبلت عذرك وش سويت هاااااااااه قلي وش سويت هه ببساطه شكيت فيني اسحرك
ماجد :مايهمك !! ..(وبنبره حاده )..انتي تفرحين بتعذيبي صح ؟ ..انتي تلذذين بصدك لي ؟!!..هذا جزاي اني اعترف لك بحبي !!....طالعها مقهور منها حاس انها تستلذ بصده ... (وبحزن)للاسف ماتوقعتك كذا
العنود تطالع فيه (ذا وش سالفته بعد يشك اني استانس بتعذيبه ياناااااااس ذا وين عقله ابي اعرف وشلون دخل طب ذا !!!!!!!!! هذا بيطري ويخب عليه بعد !!!)
اندق الباب عليهم ..السلام عليكم
العنود وماجد :وعليكم السلام
ساره :وشلونك عنوده والصغير كيفه ؟
العنود : بخير الحمدلله
هنوف بسرعه راحت للسرير الطفل :ياناس صغنون
ساره : الناس يسلمون ويتحمدون بالسلامه وانتي مختصره من الرجه الدرب
هنوف : اوووووبس <<راحت تسلم على العنود وتحمدلها بالسلامه
العنود سوت نفسها ماشافت نوف: وين نوف ومها ماشفتهم ؟
ساره :نوف معنا وينها ؟
نوف اللي كانت تراقب هنوف ومعها الطفل بيدها : السلام عليكم
العنود : هلاا وعليكم السلام ..كيفك نوفه ؟
نوف : بخير ....(وبتردد)مبروك
العنود : الله يبارك فيك ..هنوف جيبي حبيبتي الولد ..هنوف جابته وحطته بيدين العنود ..العنود مدته لنوف
نوف : وش اسوي فيه ؟
العنود : وش تسوين فيه شيليه ؟
نوف : ما اعرف اشيل !
العنود :بسيطه (وعلمتها كيف تشيل البيبي )شفتي كيف سهل
نوف وعلى وجهها ابتسامه : وش بتسمونه ؟
العنود ناظرت بماجد اللي تكلم : ابوي يقول امه تسميه
العنود : عمي قال كذا !!!!!!!!!
ماجد : ايه
العنود :ليه ؟
ماجد : مدري بس هو قال محد يسميه غيرامه
العنود: اها
هنوف : احللللللللللللى دوري لك اسم حلوووو ومطور مثل وائل والا باسل
العنود: هذا اسمه معروف
ساره : معروف !!
العنود: ايه معروف ( محمد ) على عمي
*ياناس هالمره وشلون تفكر!!!!!؟؟...خافت على عيال ساره وتكتمت على عمتهم رغم انها ذاقت منها الويل واي وحده في مكانها كان نشرت وفرحت بخبر مثل كذا حتى تشفي غليلها فيها ..وتكتمت على خلافي معها وسببه عن اهلها حتى ما يصير خلاف بيني وبين اهلها ويضيع ولدي بينا حافظت على كلامنا بتسميت اول مولود لى اسم ابوي ان كان ولد اما ان كان بنت بتسميها جنى رغم انها كانت تقدر تستغل الموقف وتحط اي اسم حتى تغيضني ..ماعرفت وشلون تفكر !!
مطول اخينا في سرحانك ؟؟
ماجد : من متى وانت هنا ؟
تركي : من زماااان سلمت باركت وسولفت وقدني بروح وانت سرحان كل هذا عشان صرت ابو مايسوى!!!
ماجد: يازينك ساكت
تركي : افااا الاخلاق وراها قافله ؟
ماجد قام وتركهم
تركي : وش فيه ذا ؟؟
ــــــــــــــــ
عهود بتردد : مها بسئلك
مها : وشو
عهود :امي اللي اجبرتك تزوجين عبدالرحمن صح
مها : من قال لك
عهود : محد قالي بس شكيت من حركتها
مها : حركتها !!
عهود : ايه تستغل طاعتك لها
مها : وشلون يعني
عهود : بتبراء منك لو ماصار الللي ببالها
مها بأبتسامه يأسه : ايه الله يهديها
عهود : لانهاقالت لي هالكلام وفكرت معناها انتي ما اجبرك عليه الا كذا لانك تكرهينه وكنت اشوفك تبكين وبنظرتك اشوف الحزن والهم حتى خالد قلت له
مها بدهشه : قلتي لخالد ؟؟
عهود :ايه قلت له شكل امي اجبرت مها بها الطريقه عشان كذا عادت نفس الاسلوب لي
مها : اها ... الحمدلله انك ماطعتيها والا كان انتي جنبي هنا مكفخه مثلي
ـــــــــــــــ
مرامووووه ووجع انا متنقع في الحر وحضرتك مادخلتي بوابة المستشفى !!
مرام : يوووووووه محسن انت وش فيك دايم معصب انا عند البوابه بس مدري وش بلااهم واحد طااااااااير بين السماء والارض من سرعته شفته داخل عليك خليته يدخل قبلنا لايصدمنا ...الووووووووووو محسن وينك محسن ؟؟ وش سالفته ذا انقطع الخط من اليوم ابربر على عمري قسم بالله هالرجال عليهم سفه يخلي الوحده تلقط خشتها
السواق : مااما في سوي حادث هنااا
مرام : بسم الله علينا ياربيه الله يلطف ياااارب
السواق : شوفي في باب هنااا
مرام : الله يعينه كل يوم حوادث السيارات ذبحت الناس شف السرعه وش سوت طاير جعلها تطير عيونه وصدم
السواق : ماما انتي شنو كلام
مرام : بعد هذا الناقص اسولف عليك يانقرش
السواق : نعم
مرام : وشو نعم
السواق : انتي يقول نقرش !!
مرام : ايه ..نقرش روح للبيت
السواق : ان شالله
ـــــــــــــ

البارت التاسع والعشرون
ـــــــــــــــــــــــــــــــــــــــــــ

يالله خلونا نطلع حتى ترتاح العنود
العنود : ساره والله مرتاحه بالعكس لارحتو طفشت
ساره : جتى ولو بنروح بعد نشوف مها
العنود : مها وش فيهااا ؟
ساره : ليه ماقال لك ماجد ؟
العنود : لا خير وش فيها مها
ساره : زوجها ضربها
العنود : لاحول ولاقوة الا بالله وشلونها الحين ؟
ساره : منومه هنا وهي الحمدلله طيبه رضوض وكسر باليد
العنود: اهبببب ياوجهه مهاااا عاد ماتغثي ولا تغلط حتى يطقها جعلها تطقق حنوتسه
ساره : الشكوى لله راح ماجد يبي طلاقها قال الشيخ خذ اسبوع مهله ورفض اي نقاش
العنود : ايه الله يعين وعوضها ربي بابرك منه
ساره : آآآآمين يارب
ــــــــ
خزوووون وينك ماعاد اشوفك ولاتتصلين يالقاطعه
خزنه : والله انشغلت مع جدتي عندنا من جتها الجلطه وحنا نتناوب ليها انا وخواتي وخالتي سعاد
جواهر : ابي اعرف جدتك كل هذا وهي عارفه ان جدتك تعبان ويوم مات جتها الجلطه هي
خزنه : استغفري ربي لايعاقبك
جواهر : بنتحر لو جتني جلطه بخليهم يذبحوني ولا اعيش معذبه
خزنه : انتي مهبوله ..يالله جواهر جدتي جاء وقت احممها واغير لها مع امي
جواهر : تحممينها وتغيرين لها !!!
خزنه : ايه
جواهر : وععععععععع قرف اغسل لها واغير لها وعععع
خزنه انقهرت من كلمات جواهر وسكرت الخط بوجها
ـــــــــــــــــــ
بسررررررعه جهزو غرفة العملياااااااااات
:ماننتظر الدكتور طلعت يجي من بيته ؟
2 : اذا انتظرنا بيروح من بين يدينا لااازم نوقف نزيفه
3: انا كلمت وقال بيتحمم ويجي
2: يتحمم !!!!!!!!
3 : هو قال كذا
: عاد دكتور طلعت هذا باااااااااااااااارد
2: دكتور ايااااااااااااااااد بسرعه جهز غرفة العمليات وجهز الطاقم الطبي
الحاله مستعجله ماتتحمل انتظاااااااااااااا ر
اياد : اوكي بكلم لك هلاّ دكتور عصام ودكتوره داليا وبنكون بعد 10 دقايق في غرفة العمليات الكبرى
2: بسرررررررعه ...بسرعه ساعدوني بتجهيزه ..
ــــــــــــــــ
السلام عليكم
العنود : هلااااااوغلاااااااا
مرام : مبرووووووك اخيرآ مابغيتي ههههه
العنود: الله يبارك فيك
مرام : وشلونك ؟
العنود : الحمدلله بخير
مرام : جربتي الامومه خخخخخخخخ
العنود : يؤؤؤؤ مووووووووووت
مرام : ايه على قولت اختي تهاني ياكذبكن يالنسوان تصايحن وبعد سنه تعيدن نفس السالفه ماتتوبن خخخخخخخخخخخخ
العنود : الحمدلله واحد وما ابي غيره
مرام : ماغيرتي رايك ؟
العنود : ولا راح اغيره
مرام : وولدك
العنود:ماعليه ماراح يحس بالنقص بحاول اعوضه عن ابوه
مرام : هذ ا ولد لاصار شاب وش بتسوين بتلبسينه برقع وتقولين اقعد معي ؟
العنود :ياحبتس لنكد
مرام : وانتي ياحبتس لتهرب
العنود : وشلون عيالتس ؟
مرام : ابد ماعليهم طيبووون يوم جيت بطلع نشب لي فارس يمه بروح معك قلت وين قال لخالتي عنود قلت ليه تبي المستشفى تسكر ويطرد ابوك من وظيفته ؟
العنود : يووه حسبي الله على بليستس ليه تقولين كذا
مرام : وانا صادقه والله ان يدخل في كل الغرفه ويجنن المرضى ويزيد صخونتهم بحركاته
العنود : ياويلتس من الله
مرام : ليه ياويلي !! تدرين مكلم جده يقوله يبه ابي منك هديه قال وش ؟ قال عيال الحاره متوعدين فيني بيطقوني وانا لحالي مالي احد يفزع معي ابغاا كلب يكون معي حتى يعض اللي يقرب جهتي !!!!!!
العنود: ههههههههههههههه والله فله ولدتس
مرام : اي فله اليوم الثاني جده ارسل لنا كلب !!قسم بالله بغيت انحااش يوم دخله علي
العنود: ههههههههههههه حلوه تنحاشين
مرام :اي ولله انحاش مدخله علينا في المجلس شايبنا يحسب نفسه جايب ضيف !!
العنود: وربي شايبكم فلللللله ذا
ــــــــــــــــــــــــــــــ
:انت دخلته العمليات بدون حضور اهله ؟؟وتوقيعهم هذا فيه مسؤوليه
2:ماعليه انا اتحملهاا
:انت متوتر وش فيك كذا بيروح المريض بدال ماتعالجه
2:وين ياقي الطاقم وش فيهم تأخروووووووووو
:دكتور انت وش فيك ماصار لنا ربع ساعه ترى
2: لا راح المريض من بين ايدينااا وش بستفيد
:هذا راح يكون يومه
2:انت ماعندك احساس هذا تووه ماله يوم من فرح بمولوده ولدلده بحاجته وانت عاادي عندك
:غيره ايتام ام واب وش الفرق
2: اسككككككت
دخل عليهم الطاقم الطبي اسفين على التاخير يالله ندخل
ــــــــــــــــــ
بعد مرور الوقت
مرام ترفع يدها : تأخر محسن
العنود : ليه زهقتي مني ؟
مرام : عنود من الساعه 5وانا مقابلتك والحين تسع ونص ومحسن قايل لي شوي وبنطلع ومناوبته تنتهي 7 والحين شوفي كم ؟
العنود : يمكن انشغل
مرام :يمكن يوم جيت هنا واحد طاااااير بين السماء والارض مدري وش سالفته وادخل حتى ينزلني نقرش عند بوابة الزياره الا الناس مكتضه الظاهر انه صدم له احد
العنود : الله يهديه يارب ويعافي المصدوم
مرام : آآآآآآآآمين يارب الله يعين اهله
العنود : امين يارب هذا السرعه والعجله الشباب الحين كل شىء يبونه بسرعه
مرام : يوووووه ذا وش سالفته مايرد علي ..الا صحيح متى بتطلعين
العنود : بكره بطلع
مرام :غريبه يقعدونك يومين !!
العنود:حتى انا مستغربه العاده اليوم الثاني
مرام : يمكن من احم احم تغمز لها
العنود: ما اتوقع ..وبعدين وش بيستفيد
مرام تسلهم بيعونها :يكون قريب منك
العنود:تفكيرك بعيييد
مرام :مخليه لك القريب لك ..اقول بدق على نقرش يجي ارحم من انتظار محسن
ــــــــــــ
طلع من غرفة العمليات وهو اعصابه تاااالفه راح لمكتبه ورفع جواله 41مكالمه يووه نسيت انها هنااااا اووووووووف الحين وش اقولها و7مكالمات بين خالد وتركي ؟
هم اكيد مشغول بالهم على اخوهم وش بقول لهم !!
الووو هلاااا خالد
خالد: هلا محسن وشلونك ؟
محسن : بخير
خالد : ماجد عندك
محسن : هاه .. ايه عندي
خالد : اووف ليه مسكر جواله ذبحنا نصل يا اخي قلبه ذا بارد وندق على المسشفى يقولون طلع وماجاء لنا يكلمنا طيب يطمنااا هـ
محسن يقاطعه : خالد ماجد تعباااان
خالد بخوف : وشووو
محسن : ماجد صار له حادث اليوم العصر وتوني طلعت من غرفت العمليات كان معه نزيف داخلي بالبطن وكسر بالكتف والحمدلله قدرنا على النزيف والكسر وهو الحمدلله بخير
خالد بعصبيه : لييييييه ماقلت لي
محسن : اصلن من شفت الحادث قدامي ماعرفت وش اسوي الشىء اللي اسعفني عقلي اجمع القروب الطبي وادخله غرفت العمليات بعد ما اثبتت الفحوصات انه يعاني من نزيف وكسر
خالد : وهو وينه الحين ؟
محسن : في غرفة العنايه
خالد : العناايه انت مو تقول انه طيب ؟؟
محسن : الا بس العنايه حتى نتطمن اكثر
خالد : انا جاااي بشوفه ...سكر بدون ما ينتظر رده ونزل يركض مع الدرج
ابو ماجد: خالد هاااه عرفت وينه فيه ؟
ام ماجد : اكيد مبلط عند حبيبة القلب
خالد وهو يطالع في امه : صحيح ولدك بالمستشفى لكن هو بالعنااااااايه صار له حادث حرمتيه من زوجته والحين الحادث ماتدرين يمكن يحرمه من زوجته وولده
ابو ماجد : انت وش تقول ؟؟
خالد : انا بروح له تروح معي ؟
ابو ماجد ما قال شىء مشى بخطوات سريعه كأنه رافض الكلام اللي سمعه او مو مصدق طلع وصقع الباب وراه
ام ماجد الجمتها الصدمه عن الكلام ..(ماجد في العنايه..حادث ..انا حرمته !! انا احرمه !! خالد يكذب اصلن يبغى يسوي هالحركه حتى اصدقه ..ايه ايه هذي تمثيييل حتى اصدق الكذبه )
ــــــــــــــ
بكره متى بتطلع العنود ؟
ام خالد : الصباح على الساعه 10 بعد ماتشوفها الدكتوره وتشوف الولد
يطلعونها
ابو خالد : الله يطلعهم من كل شر
ام خالد : آمين
ابو خالد : بتروحن من هنا على الديره والا بتقعدن هنا كم يوم
ام خالد: لا وش يقعدنا يكفي جوجو اللي غابته من الايام بسبة قعدتنا هنا
ابو خالد: على راحتكم .. ام علي كلمتني البارح تبارك بولد العنود
وتقول ش بتسمونه ؟ قلت لها انشدي امه واهله ولدهم ..قالت : وانت ؟ قالت مالي دخل ولدي وهو ولدي ماسميت عياله ماتدخلت فيه اسمي ورع العرب !!!قالت الحين ولد العنود صار ولد العرب والله لاحرشها عليك ههههههههه
ام خالد : يووووووووووه اجل العنود بتزعل وتطنقر علينا من بيرضيهااااا !!
ابو خالد: هذا عاد العنود لاسيرت عنزها عليها خلااص محد يحتسي عليها
ام خالد : لا عاد هذي مقارنه بين عيالها وعيال خالد ياوالله الورطه ههههههههه
ابو خالد : افزعي معي
ام خالد: ايه وتنكبني وتطلع منها مثل كل مره
ــــــــــــــ
دخلو بسرعه لداخل المستشفى
وقفهم سيكيورتي : وين يا اخ انت واياه ؟
خالد : انا اخو الدكتور ماجد وهذا وابوي بلغونا بحالته وجينا نشوفه
السيكيورتي : عذرآ ما اعرفكم تفضلو من هنا لين تحصلون اللفت على اليد اليمين اصعددو لدور الرابع وهم يبلغونكم اي غرفه
*بعد ما قلت لامي ان ماجد بالعنايه ارتحت شوي مدري يمكن اكون قسيت عليها يمكن اكون ضايقتهايمكن اكون فرغت جزء من الغضب اللي فيني عليها بس لاني حاس انها السبب في اللي يصير لماجد رغم ان له شخصيه ومستقل بذاته وقوي في اتخاذ قرارته الا انه عند امي وابوي ينسى او يتناسى هالشخصيه يخاف يحز او يضايق احد منهم لو قال له كلمه وغلط عليهم فعود نفسه ان امي وابوي مايقول لهم شىء بصراحه احسده على هالشخصيه انا مقدر عليها مقدر حاولت لكن ماقدرت امي تقهرني بحركاتها احسها مراهقه في اخرالستين تسوي حركات اصغر من سنها جواهر تلعب في عقلها آآآآآآخ ياليت امي ما سوت في ماجد اللي سوته بسببها هو الحين طايح بالمستشفى بعد ماوصف لنا السيكيورتي عن مكان ماجد صعدت لدور الرابع وسئلت عن غرفته قالو غرفه رقم 3 خليت ابوي يدخل قبلي وقعدت اطالعه من خلف الزجاج بعد 5دقايق طلعو ابوي ودخلتها شفت شكله وهو ممدد مدري وش اقول حسيت اني لحالي مالي عضيد ..ماجد قدامي بلا حول ولاقوه جهاز النبض واسلاك مركبه من كل جهه الضغط والاكسجين والقلب الشاش مغطي راسه وملتف على كتفه آه تمنيت اكون مكانه بس هو يقوم تمنيت يرجع لزوجته وولده ويفرح بلمتهم حوله ..حطيت يدي على جبهته وصرت اردد الدعاء على راسه حاس العبره خانقتني كان يتمنى ترجع له زوجته بعد ماتولد كان اغلب كلامه عنهم كان عنده امل ترجع بعد ماتولد حتى من كثر ماهو متيم فيها صاريتعهد لي اذا صار هالشىء ماراح يصدق اي شىء يسمعه او يشكك في العنود واخلاقها يقول :انا سمعت في العنود وخسرتها لكن لو رجعت لي عهد علي ما اسمع وش يقولون بس ترجع لي ياخالد ادع لي ادع لي
ماحسيت الا بدمع حار ينزل حزن على حاله اللي وصل له ..دخلت علي ممرضه وطلبت مني الخروج شافت دموعي اللي حاولت اداريها قالت انه محتاج الدعاء منكم خاصه وان اصابة راسه شديده التفت عليها بقوه قلت وانا ماني مصدق اصابة راسه ؟؟الممرضه ارتعبت شكلها من نظرتي او مدري وشو منه بس الممرضه صارت تخبط بالكلام بعدين قلت وانا صاك على اسناني وش فيه اخوي ؟؟قالت وبتردد : ان الضربه اللي بالراس كانت قويه لانه ارتفاعه بعد الصدمه وارتطامه بالرصيف كان قوي وهذا سبب له غيبوبه ..مدري حسيت الدينا تدورررر فيني ولا حسيت بنفسي بعدها ..بعد ماصحيت لقيت نفسي ممدد وحاطين فيني جلكوز وشفت محسن عند راسي خانتني دموعي تذكرت ماجد كان يقول محسن اخوي ماجابته امي وتؤم روحي كان يحكي لي عن مواقفهم سوى تذكرته ماقدر اقاوم دموعي حسيت نفسي اشوف ماجد قدامي ..
ـــــــــــــــــ
.

يأم محمد اقولتس البارح سمعتها وانا في الحوش تقول لعيالها عمانكم مافيهم خير ماخذين حلال جدكم ونسوانهم محرشينهم !!
ام محمد : يويلي ام خالد صاحيه وراكده ماتجيب هالعلوم
ام نوا ف : اقول الله يرحم ابوتس وامتس انتي لارحتي لديردتكم وجلست معها ماعلى لسانها الا صلفه شايفه ابوهااا تسنه امير وابو ها رخمه وصلفه نقالت حتسي ماتسمى علم (ماتكتم خبر)
ام محمد شهقت ابوي رخمه تعقب وتخسى
ام نواف : انتي ماسمعتي شىء تخيلي تقول ان نايف لولاه ما كان اخوانه رياجيل !!
ام محمد: ياويلي مهيب صاحيه راسها فيه فري
ام نواف : انا اظنه كذا والا فيه وحده تسب حماها؟؟ والا تسب ابو حماتها صلن مافيها خير تحتسي في حماتها اللي وجهن مبارك ماتغثي
ام محمد : هذيلن النسوان اللي مافيهن غبطه والله لاوريتس فيهااا يام نواف
ام نواف :لا يالخبله تحبطين اعمالتس بالهواش والدعااء عليها اسفهيهاا
ــــــــــــــــــ
يمه وش فيك لي ساعه فوق راسك وسافهتني ؟
ام ماجد : هاه وشووو؟
عهود : خالد وينه مالقو ماجد تأخر غريبه مو عوايده ولا قال انه اليوم عنده مناوبه !
ام ماجد : ماجد في المستشفى
عهود : الحمدلله توقعت مستلم المناوبه عن احد الله يعينه
ام ماجد تطالعها وعهود تقلب بالقنوات متردده تقول لها او لاا..لو قلت لها ماراح تصبر بتروح المستشفى وان سكت بيعلمونها بكره التفتت عهود : يمه الى الان زعلانه مني
ام ماجد : زعلانه !!
عهود :عشان رفضت سويلم
ام ماجد وكأن احد ذكرها : لك وجه بعد فرحانه انك مزعلتني قومي فارقي عن وجهي
عهود : يمه تك وش حليلك ليتني ماذكرتك
سمعو ا الباب ينفتح دخل ابو ماجد وعلاملامحه اثار الحزن ركضت له عهود : يبه وش فيك
طالع ف ام ماجد اللي تنتظر منه اي خبر عن ولدها ..عهود : يبه ليه تطلع في امي كذا فيكم شىء وش فيكم قولولي ..
دخل خالد بخطوات ثقيله وهو حااس بتعب قوي حاس رجوله رخوه وجسمه ثقيل حاس انه قايم بمجهود كبير تعب هاد حيله سلم عليهم بصوت هامس وصار يصعد الدرج بثقل ويشد قبضة على الدربزين لا يطيح او تخونه قوته
عهود: خالد انتم وش فيكم ؟
خالد كمل طريقه وابو ماجد لحقه
كانت تراقبهم بنظراتها تنتظر خبر يبرد كبدها لكن نظرات ابو ماجد كانت تحرقها نظراته لها الف معنى ومعنى صرخت بصوتها : ولدي وش فيه حسووووووووو فيني علموني عن ولدي وش صار عليه انا هنا انتظر منكم خبر علموني عنه محد فيكم رفع السماعه وقال صيته تحاتيه بالبيت وقلقانه عليه رحتو تطمنتوا عليه وانا هنا بين الجدران افكر فيه انتم ماعندكم احساااااس ماعنــ..
خالد: ماعندنا احساس !! ليه وش سوينا !؟ رحنا نشوفه وانتي هنا ماتحركتي معنا ..ولدك بين الحياه والموت اصابته خطيره الضربه اللي في راسه قويه وياعالم يصحى منها او لااااا..وياليت ماتكلمين عن الاحاسيس والمشاعر لانها اشك انك تحسين فينااااا احساسك ومشاعرك لغيرنا والا حنااا ولا شىء في حياتك ..
ابو ماجد : تفاهمي معك مو هذا وقته لاقام ماجد ان شالله بالسلامه راح انفذ اللي ماسويته من 38سنه خلاص يكفيني قعدتي لين كبرو عيالك وماعندي صغار حتى اخاف عليهم ويكفيني اللي صار ولدي بسبتك بالعنايه (صوته خانقته العبره )
ماعندي استعداد افقد عيالي واحد ورا الثاني بسبتك ..صوت ارتطام على الارض قوي ركضوا جهت الصوت ...

كل مالعين إذرفت دمع يسيل
قلت هاتي دمع ثاني يغسله
مابكى يوم الفراق إلا الأصيل
دمعت المخلص تجي مستعجله
لاطراله صاحبه يوم الرحيل
شق جيبه عبرته ماتمهله
إن شكى من هم قالوله ذليل
وإن كتم همه بجوفه يقتله

ـــــــــــ
اليوم الثاني
هاه خلصت نمشي ترا تسبدي طقت من المستشفى.
ريم :قولي قسم بعد مستعجله تبي الديره عشان تفتكين منااا صح اعترفي؟
العنود تضحك :لا بس المستشفى تجيب لي التكه الله يعين اللي لهم سنين هنا
ريم : آمين ..ماقلت لتس (تحرك حواجبها )
العنود: وشووووو
ريم : احم احم اخوي بيعرس ابو غاده
العنود : صدز الف الف مبرووووك
ريم : الله يبارك فيتس
العنود : ريم صدز اخوتس تعالج من اللي يتعطاه ؟؟
ريم : ايه امي تقوله
العنود : ريم امانه لاتبلون بنت النااس بولدكم كانه ماتعالج حرااام يكفي فيه ضحيه وحده مشتته بين امها وابوهااا
ريم : امها الغلطانه والا تحمد ربها هي اللي مثلها تحب يدها وجه وقفى من جت عندنا وهي زاااينه سمنت كلن يقوله وقبل لاتعرس كانت تقول بعيرصي (ضاطور ) من الدق
العنود :لاحول ولاقوة الا بالله ..ريم صحيح هو اخوك بس خليك واقعيه واحد امه تحرشه على مرته ! واختس سعدى تحرش امك شوفيها سوت وشوفيها فعلت حتى في لبس بنتها تقلدها وتقول تقلدني ..ريم انا ام غاده تشكي لي منكم وكلامها يطلع صح ..وفوقها اخوك راعي حشيش
ريم : كذب يالعنود كذب ..هي تقول كذا حتى مايتزوج غيرها
العنود : هي كانت تجي بس ماعمرها قالت انه يتعاااطى نهااائي لانه ابو غااده زوجها وابو بنتها وماكانت تبي اي شىء يجرح غااده حتى وهي عارفه ان كل النااس عارفين ..وعلى فكره
اللي قاله عبدالله يقول جاني وهو فاقد وكان يصارخ طعني طعني بصرااخ وكنت اشوف دم ورحت معه واسئله منهووو اشار لبيت وصدقته من العجله يقول ورحت مستعجل بكفخ والتفت على رفيقي يقصد اخوك اللي مطقوق شفته يترنح وما كان في وضعه يقول كأن احد مصحيني من الغفله يقول طقيت اللطمه وانحشت قبل لا احد يشوفني ويقول عبدالله يسكر ويحشش لانه مع اخوك
ريم : العنود تبيني اقول ان اخوي يسوي هالحركات
العنود : انا ما اقول قوليها لكن اكبر غلط انكم تزوجون ولدكم قبل ماتعالجونه حتى ترضونه وتبلون بنت الناس يكفي غاده ..
ريم : العنود والله قلته لهم بس امي وسعدى يسكتني
العنود : اكيد بيسكتونتس لانتس تعلمين بالحقيقه اللي هن رافضاتها ومو مقتنعات فيها
ريم :وش اسوي طيب
العنود : مدري بس تذكري ان لتس بنت وترى الايام دواره ..اتعضي من ام نواف وام محمد اللي كانو يتهمن بنات الناس وهن في بيوتهن ربي رده لهن في بناتهم
يالله اخلصن لو اعطيكن وقت ماسكتن !!
العنود :بسم الله علي انت من وين طلعت ؟؟
عبدالله : من وين بطلع من الباب اخلصن يالله عقب الشين خلوتس تطلعين معي
العنود : ليه ؟
عبدالله : يقولون ابو الطفل لازم هو اللي يسجل ويبربس لتس اوراقتس
العنود : ايه الحمدلله انك خلصت
ـــــــــــــــ
عهود انتي من جيتي وانتي هنا واقفه روحي افطري
عهود : مالي نفس
ساره : ماجد بحاجه لدعاك مو بكاك
عهود: ساره ابي ادخل عليه
ساره : انتي مهبوله يكفي اللي صار
عهود (بعبرتها امخنوق ): الدكتور يقول بيقعد كذا طول عمره
ساره اللي نزلت دموعها : بيعيش في غيبوبه
عهود اطلقت العنان لدمعها : ليتني مكانه وهو يقوم بالسلامه
ساره : استغفري الله
قطع عليهم اصوات ركض ممرضات دخلو غرفته اصوت كلمات وتعليقات كانت تصل الى مسامعهن طلعت ممرضه بسرعه كبيره تركض الى احدى الغرف سمعو صوت جهاز القلب اعلن صوت توقف النبض اطلقت عهود صرخه افقدتها الوعي ساره تراقب الوضع بخوف رافضه تقبل الحقيقه امام عينها انزو ت بين احد الكراسي الموجوده امام الغرفه ..
احس كني فاقده كل ذاتـــي ....مدري وش الي بعدها يحتريـني

من غاب الي حضوره غناتـــي...وانا ادري ان اقصى المواجع تبيني
حاولت الملم بالقصايد شتاتــي..اثر القصايد همها محتوينـــي
وشلون ابهرب من بعض ذكرياتي...دامه جميع الذكريات وحنيــني
من قبل ما البس برقعي او عباتي ...وغلاه لابس نبضة القلب فيـني
كنت افتخر قدام كل البناتـي ...واقول هذا الي ابيه ويبـــيني
وكان الغرور بداخلي من صفاتي...وكان الجنون بدنيته يعترينــي
واليوم والله راس مال سكاتـي...نظرة وداع ساكنه وسط عينـي
اعيش فيها مابقى من حياتــي...ماهمني من ذنبها وش يجينــي
لابد ما يوم يجي به وياتـــي ..ويشوف بعيونه سوايا سنيــني
ــــــــــــــــــــــــ



 
 

 

عرض البوم صور ملاك بصورة انسان   رد مع اقتباس
قديم 25-06-10, 02:47 PM   المشاركة رقم: 29
المعلومات
الكاتب:
اللقب:

البيانات
التسجيل: Jun 2010
العضوية: 171129
المشاركات: 29
الجنس أنثى
معدل التقييم: ملاك بصورة انسان عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
ملاك بصورة انسان غير متواجد حالياً
وسائل الإتصال:

كاتب الموضوع : ملاك بصورة انسان المنتدى : القصص المكتمله
افتراضي

 

البارت الثلاثون والاخير ..
ــــــــــــــــــــــــــــــــــــ
هلااااااا والله بأم محمد
العنود : هلا فيك
سعود : ولدتس ذا نتفه مدري وشلون تقضبونه
العنود : يجيك وتمصلح عندي تبيني ازوجه من بناتك معصي من الحين اقولها
سعود : ليه قالو لتس ابي بناتي هاللي مابعد لقيت امهن تجيهن حاله نفسيه
العنود : حاله نفسيه من ابوهن ما الومهن
راكان اللي دخل عرض: احلى سكتيه هههههههههه..حمدلله على السلامه يأم محمد
العنود : الله يسلمك
سعود : يثقل لساني مقدر اقول لها ام محمد عنيد ويخب عليها
العنود تنفص عيونها : خير سعودوه وش يخب
سعود: هههههه عنيد اتشت معها
العنود : اقول بدخل قبل لايرتفع ضغطي ..دخلت للبيت وهي تفكر غريبه امي وينها هي وجوجو مو بالعاده ...
جوجو: هلاااااااا والله بالحامل والمحمول
العنود : بسم الله علي من وين طلعتي
جوجو : من الدرج من وين طلعت
العنود : وين امي ؟
جوجو: امي فوق تسوي لتس اكل
العنود : يووووه ما ابي خليها تنزل والا رقيت عليها
جوجو : خير ترقين الحين امي وابوي من ولدتي وهم كل يوم وهم بالسوقه يجهزون سرير ورعتس ومفرشتس وانتي تقولين بطس فوق !!
العنود مطيره عيونها : تعالي سطريني احسن !!
ـــــــــــ
فتحت عيونها ببطء تناظر حولها تشوف وجيه كساها الحزن تبغى تسئلهم عن اللي صار هو حقيقه او حلم خافت تسمع شىء هي ماتبيه ترددت حركت فمها بصوت هامس يكاد ينسمع وفك يرتجف ودموعها تنزل بغزاره : مـ مـ اجد و شلـ وونه ؟
ابوماجد يمسح على راسها : يبوي انتي وشلونك ؟
حركة راسها بالايجاب : ماجد
ابو ماجد : الحمدلله طيب الحين
عهود : هوو حي
ابو ماجد : ايه الحمدلله
عهود صارت تبكي : احمد ك يارب بشوفه وابعدت عنها الشرشف مسكها ابوها :يابوي ماتحركين من هنا انتي تعباانه
عهود تحرك راسها بالنفي : لا لا انا طيبه بروح اشوف ماجد مشتاقه له
ابو ماجد :بتروحين له ان شالله بس ارتااحي
عهود : ارتاح لاشفته فكت الجلكوز من يدها ولبست عباتها وطلعت بسرعه وهي فرحانه بالخبر ..
*اول ماسمعت جهاز توقف القلب حسيت قلبي توقف انا شعور صعب ان اخوي واقرب اخواني واغلاهم افقده كأني فقدت روحي ..ماعرفت وش صار بعد ماصرخت بصوتي رافضه اني اصدق ان جهاز القلب توقف نبضه ..يعني اخوي مات مات على انها صغيره حيل هالكلمه الا انها قاااسيه في معناها خاصه لما يكون الشخص غااالي على قلبك مره ..فتحت عيوني ناظرت في وجيه اللي حولي كلهم كانت ملامحهم حزينه ترددت اسئل عنه لكن بعد ماسئلت قال ابوي انه طيب مدري اضحك او ابكي تخالطت علي المشاعر كنت بين مصدقه ومكذبه قمت ورحت له بسرعه قرب من غرفته شفت ممرضه معه بالغرفه وحوليه الاجهزه دعيت من كل قلبي يكون يومي قبل يومه ويشفيه ربي لنا التفت على اللي جنبي شفت مهاا سئلتها وش صار بعد مافقدت الوعي قالت لي ان الطبيب دخل عليه وحط عليه جهاز الصدمات الكهربائيه حتى يرجع النبض والحمدلله رجع بعد ثاني محاوله وسئلتها عن ساره قالت انها طيبه بعد ما اعطوها مهدئات رجعت اتمعن في ماجد شفت ملامحه كاسيها الجمود صرت ادعي بداخلي ربي يشفيه لنا ولا يحرمنا وقفته وسطنا ..
ــــــــــــــ
*بعد ماسمعت اللي صار لماجد خفت ايه خفت افقده خفت انحرم منه تذكرت شعوره وهو محروم من زوجته وانحرم الحين من زوجته وولده كنت اقول صح اللي يسويه وانا عارف ان لها مكانه غير بقلبه لكن ماكنت احس بشعوره ايه مكنت احس بشعوره هو يمكن حب زوج لزوجت لكن انا اخو لاخوه عضيده عرفت الحين ليه كان متردد ورافض انه يترك روحه عرفت حسيت باللي كان يحس فيه رغم ان احساسي له هو سندي واخوي واقرب شخص لي لكن هو تؤم روحه زوجته ام ولده كأن يردد لي هالكلمات بس كنت غبي ما اعرف ما افهم ما استوعبتها ما عرفتها الا بعد ماصار اللي صار قادتني رجولي لبيتنا كنت رايح لها بقولها اللي صار لقيتها جالسه على سجدتها تدعيله بالشفاء انحنيت لها وحبيت راسها سئلتها سؤال غبي قلت تحبينه ؟ردت على ودمعها ينزل بغزاره هذا ولدي قطعه مني وشلون ما احبه قلت لها حققي امنيته بالحياااه حققيها طالعة في وهي عارفه وش بقول وقالت لو اعرف ان هذا بيشفيه ماتردد لحظه عشان اسويه مسكت يدها ورفعتها قلت بنحاول وان شالله ربي يقومها بالسلامه حوطتني امي بيديها وصارت تبكي بصوت وتردد كلمات انا السبب اناحرمته من فرحته ..انا ما اصلح اكون ام ..انا قسيت عليه ومن هالكلام حسيت ان امي ضعيفه بس استغلو ضعف شخصيتها ..مسكتها وقلت يالله نروح ونجيبها الحين ناظرت فيني وقالت بيأس بترضى بع اللي سويته فيها ؟قلت لها وانا شاك بكلامي بس احاول قد ما اقدر ارفع من معنويات امي ايه بترضى ..طلعنا من بيتنا بسرعه وكانت امي طول الطريق تدعي ان العنود ماتردنا ..
ـــــــــــــــــــ
بس خلاااص من اليوم وانا اشرب قهو احترقت تسبدي
ام نواف :سلامة تسبدتس
العنود : الله يسلمتس
ام نواف : الا العنود وش جاب لتس رجلتس هديه يوم ولدتي ؟
العنود: عندي احلى واكبر هديه محمد
ام محمد : تعرفين تهربين من النشده بطريقه زينه
العنود : ما اتهرب اقول الصدز
ام محمد : تلتفت على ام خالد اقو ام خالد من اللي خلى ابو محمد رجال ؟
ام خالد مستغربه : وشووو
ام محمد : سمعت انتس تنافخين وتقولين ان ابو محمد ماخلاه رجال الا ناايف رجلتس ؟
ام خالد :ام محمد انتي تعرفيني وتعرفين اللي وصل لتس الحتسي ؟
ام محمد : وحده قالته لي
ام نواف تبلع ريقها : استهدو بالله وراكن تحبطن اعمالكن بها الخرابيط كل وحده تعرف رجلها
ام خالد : لا لحظه انا عارفه من اللي نقلت لتس الخبر بس ماراح اقول منهي بس بقولتس كلمه مبطيه من زمااااااان نقولها (من حتسالك حتسا فيك ) انتي ذكيه يأم محمد وتعرفين
ام نواف : نطت وقالت وش تقصدين
العنود هههههههههههههههههههه : اللي في بطنه ريح مايستريح
ام نواف : انتي تلايطي
ام خالد :انا ماقلت انتي بس انتي علمتي على عمرتس ..
ام نواف : انا ماقلت شىء
ام محمد : تسذبين انتي اللي قلتي لي كل هالكلام
ام خالد: ام نواف انا قلته ؟؟
ام نواف بتردد : ايه قلتيه
ام خالد : متى يأم نواف ؟ ادخلتس على الله متى قلته ؟؟ والله لو ماعلمتي بالصدق ان اعلم انا واقلب عاليها واطيها وانتي تعرفيني
ام نواف تكتف : يعني وش بتسوين ؟
ام خالد : بعلم نايف وبخليه يجمع اخوانه وانا بقول الكلام اللي انتي قلتيه وام محمد معي تقول اللي قلتيه لها .. وبنشوف وش رد الرياجيل ؟؟
ام نواف : تدخلون الرياجيل بحتسي الحريم ؟؟
ام خالد: الحين صارحتسي؟؟توشين حماتي علي وتقوليني كلام ماقلته ؟ وفوقها تدعين الدين ؟ انتي ماتخاافين من ربتس ؟ استحي على وجتس مره وش كبرتس تنقلين الحتسي من وحده لثانيه وتزودين وتألفين والله ماحصل لبناتس الا من سبة لسانتس الله ..اتقي الله
ام نواف تنفض ثوبها :انا متقيه الله من قبل لا اشوفتس
العنود : اللي يعرف الله مايوشين بين الناس ولا يفرق الاخوان عن بعضهم كلهم حسد وغل وحقد انتي تجين لنا بحتسي ماشلناه ولا قلنا قالت وقالت لكن تقومين منا وتنسبين الكلام اللي انتي قلتيه علينااا ..
العنووووود العنووود
العنود : هلا سعود
سعود : تعاااااالي والبسي جلالتس وبرقعتس
العنود : ليه ؟
سعود : خالد حماتس يبيتس برا
العنود اللي قلبها يرقع من الخوف
* كنت اهاوش من القهر من حركات ام نواف تحكي عندنا في ام محمد وتسبها ولا جت صارت مثل اختها واغلى بعد تقهرني هالحركه احس انها خبيثه ليه تسوي كذا وقطع علي سعود وفاجئني يوم قال خالد يبيس لبست برقعي وجلالي وطلعت له وانا اقول انه ماجاب ورقتي يبي فرقااي بسرعه طردتها من بالي قلت مو هذا اللي انا ابغاااه كم مره جاني بس انا رفضت ويوم صار الصدق تضايقت شفته واقف عند باب المجلس وعبدالله واقف جنبه وشفت حرمه عند الباب متكيه بعصاها استغرب ام ماجد هنااا !! وش عندهااا !!ضحكت بداخلي من السخريه هه ايه ترمي ورقت الطلاق بوجهي فرحانه بالنصر اللي صار لها تقدمت وانا حاسه رجولي رخوه سلمت عليهم وانا انتظر القرار فاجئني خالد بطلبه اني اروح معهم ناظرت فيه وانا مستغربه يعني مو جايين يعطوني ورقتي !؟قلت له وانا اتقطع في داخلي خالد انت عارف قراري قبل ماتجي صح
خالد: بس هالمره غير
العنود : لا مو غير انا مصره على رائيي
خالد : عشان ماجد
العنود من سمعت اسمه ونبرت صوت خالد حسيت قلبي يرقع بقوووه مدري ليه : ولا عشان ولد ماجد
رجعت بدخل حتى ماتخوني دموعي ونبرة صوتي صعدت الدرج بدخل البيت واناسابحه بخيالي وافكاري بماجد رجعت على واقعي ابغى اتاكد من اللي سمعته التفت بسرعه قلت : وشوووو
ام ماجد : ماجد تعباااااان وفي العنااايه
حسيت الدنيا تدور فيني غمضت عيوني وجلست على ركبي بسرعه قلت لها: انتي وش تقولين
جاء لي عبدالله يركض بسرعه مسكني : العنود انتي طيبه
رفعت نظري له وانا حاسه نفسي في دوامه ماكن مصدقه اللي اسمعه ولا ابغى اصدقه:ماجد وينه ؟
ضمني عبدالله لصدره وقال لي بنبره هاديه بنروح نشوفه حركة راسي بالموافقه وانا موحاسه بنفسي لبست عباتي بسرعه وطلعت مع عبدالله بسيارته حسيت ان المسافه طووووووووويله مره
دخلت عليه شفت الاجهزه حوليه موصله حطيت يدي على فمي امنع شهقتي مسكت يده البارده وصرت احرك اصابع يدي في كفه حاولت اناديه بصوتي العادي لكن عبرتي غلبتني بسته من فوق اللفه اللي على راسه همست بصوت مبحوح اشتقت لك حيل كنت انتظر منه حركه او شىء يثبت لي انه حس فيني بوجودي لكن للاسف دخلت علي الممرضه وطلعت منه وانا تعبانه اكثر شفت خواته كلهن عند الباب ينتظرون مني بشاره انه تحرك وحس فيني لكن ماكان مني الا اني ارتمي في حضن اخوي اللي مسكني وصار يمسح على ظهري يهديني ..آه كنت احسب الفرقا هينه لكن الحين يصعب فراق الغالي مستعده ارجع له ومن هالحظه بس يعيش ارتفع صوتي وانا ابكي ابي عبدالله يطمني بس عبدالله ماكان احسن مني صار يضمني بقوه ويقول بهمس ادعي له اادعي له
..
توني حسبت حســاب بعدك وفرقاك
توني دريت إنــي بـــدونك ولاشـــيء

خليـتـنـي مابيــن طيــفــك وذكرااااك
عذبـت حـــالي ليـش ماتــرفق شوي

إرجــع ولو تــآمـر على الـــروح تفداك
إرجــع تراني شفت موتي وأنــا حي !!
ــــــــــــــــ


* شفت الحزن والضيقه بعيون اخوه اء لنا في بيتنا صحيح انا ما احب ماجد لكن ما اكرهه انا كره زواجه من العنود ..يمكن اكون غلطان بتفكير ويمكن اكون متخلف لاني اتبع العادات والتقاليد لكن هذا اللي تعودنا عليه من حنا صغار وهم يقولون البنت بس لعيال عمها حتى القبيله ما ياخذن منها الا اللي يكونون نفس الفخذ تربيت على هالشىء وكبرت عليه تشبعت من هالكلام فجأه اختي تضرب هي وابوي بالعادات والتقاليد عرض الحايط قهرني هالشىء نفرني من ماجد لكن عمري ماكرهته لكن اليوم بعد اللي شفته تمنيته يعيش لزوجته وولده شفت اخوه وهو يحاول يداري نفسه حتى ماتنزل دموعه ولهفة ابوه على سماع خبر يسره من العنود شفت العنود تقبل بخطوا ثقيله ارتمت بين يديني في حضن كانت تبي مني كلمات تهديها بس انا ماقدرت ماقدرت دموعها وصوتها الباكي ونظراتهم ولهفتهم على اي خبر منها عنه اضعفني قوتي اللي متعود تبخرت مع هالمشاعر والوضع اللي انا فيه صوتها وهي تبكي وتبي مني عزم لها ماقدرت لساني ثقل وصوتي ما اسعفني مع نظرات اللي حولي ودمع المتجمع في محاجرها وشهقات البعض منهن اللي اطلق العبره وانين البكاء حسيت صوتي مايساعد ولساني ثقل حركت شفايفي قلت بصوت خافت ادعي له ادعي له ..
ــــــــــــــ
* طلبو مني اروح للبيت وارجع لجاء وقت الزياره الثانيه رفضت وقعدت في وحده من الغرف القريبه منه كانت فاضيه ودخلتنا فيها عهود انا وساره ومها ونوف والهنوف نوف كان متشبثه فيني بقوه وتقول لا تخلينا عمي بحاجتك كن اطالع فيها وانا ما اشوفها زين من الدموع كنت بفتح فمي بقولها انا بعد بحاجته بس حسيت بعبره تحنقني خفت اطلع صوت وازيد عليهم اللي هم فيه بلعت عبرتي وضميت البنت لصدري وحاولت اهديها ..مر علينا الوقت ببطء الساعه كأنها ماصدقت جاء وقت الزياره رحت بسرعه لغرفته فتح الباب بهدوء كأني خفت اصحيه قربت منه وشفت صدره مكشوف والغرفه بارده رفعت الشرشف عليه وغطيته حتى احاول ادفيه قربت من راسه وقلت له كلام كان يقوله لي لاصحى قبلي رحت اعيد نفس الكلام له قلت له انا ومحمد ولدك ننتظرك تقوم لنا بالسلامه حطيت يدي على خده وجلست اتحسسه همست له ولهت عليك مشتاقه اسمع صوتك ..تدري وش جابني هنا امك ..ايه امك هي اللي طلبت مني ارجع لك تقول لي ماراح تتدخل بحياتنا وعدتني انها ماعاد تتدخل فينا بس انت اصحى ..ماقدرت اكمل عبرتي غلبتني وصوتي تهدج من البكاء لست شوي وبعدها كملت كلامي ..ماجد انا بحاجتك فتح عيونك شفني جنبك مو كنت تقول انك بحاجتي جنبك شفني جنبك ماجد اصحى شوفني هنااا
طلعت منه بسرعه ماقدرت اقعد خفت تفلت اعصابي واحركه ويصير فيه شىء لاقدر الله طلعت منه وانا تعباااانه حاسه نفسي قايمه بمجهود كبير جاء عبدالله لي وقال كلام مدري وشو بس جلسني وشفته دخل غرفة ماجد شوي وطلع نزل لي اشوف شفايفه تحرك بس مدري وش يقول ما اسمعه احس فيه اصوات بس ما اشوف احد حتى عبدالله اختفى ماصرت اشوف حسيت بظلااام ..ليت الوجع بعروق قلبي
ولافيك
وليت التعب غلطان
ساهي ولاجاك
لو الشفا بضلوع صدري
لاداويك
الله من شرالمقادير
يحميك
والله يحفظك ياحبي
ويرعاك
ــــــ
اليوم الثاني
حمدلله على السلامه
العنود تناظر حولينها رفعت راسها :آخ راسي ..الله يسلمك ..ريم الساعه كم ؟
ريم : الساعه تسع ونص
العنود :وشلون ماجد اليوم ؟
ريم : في رجاء الله
العنود بضيقه : من رجاء الله ماخيب رجاه ..تحركت بتقوم من السرير
ريم : هييي انتي وين قايمه مهبوله ناظري بيدتس
العنود : ليه حاطين فيني مغذي وش صار لي امس ؟؟
* كسرت خاطري العنود ماتدري باللي يحصل حولها حتى اللي صار لها امس ماتذكر وش صار!البارح طول ليلها وهي تناديه وتهمس بأسمه آه يالعنود الله يصبر قلبتس بعد صمت قلت لها امس تعبت ودختي عليهم ماتذكرين قالت اذكر قلت من دختي شالتس عبدالله وحطتس في غرفة الكشف وقالت الدكتور انتس تعرضتي لانفعال وجسمك منهك وتعبان لانتس ماتغذيتي زين وانتي نفاس هذا خلاتس تفقدين الوعي حطولتس مغذي وكلم عبدالله على خالد وعلمه وجيت عندتس سئلت عن عيالي قلت ابوهم عندهم والخادمه وقلت لها ان امي وابوي ومحمد بيجون عندنا..
ــــــــــــــــ
انت من جدك تكلم ؟؟
: ليه هذا فيه مزح ؟
/من متى صار هالكلااام
: امس الساعه 12 في الليل
/لاحول ولاقوة الا بالله ..وش بتسوون ؟
:بروح لهم اخته من دخل المستشفى وهي عندهم هي والعيال
/ الله يعينهم
:آمين ..بتروحين معي يأم عبدالرحمن
ام عبدالرحمن : لااامو الحين بعدين..
: على راحك بس الحين بحاجه لوقفتك معهم
ام عبدالرحمن : ماعاد باقي الا انت ياسلطان تعلمني الواجب !!
سلطان : انا اذكرك ياام عبدالرحمن
السلام
سلطان وام عبدالرحمن : عليكم السلام
عبدالرحمن : يمه برقد ساعه وبعدها قوميني عنده شغله مهمه
ام عبدالرحمن : ان شالله
صعد بسرعه لغرفته ورفع جواله يتصل :اوووووف هالزفت وينه من امس وانا ادور لابغيت مالقيته وان مابغيت نط بخلقتي ..سمع صوت ضحك ..هذي جواهر خبله تضحك لحالها !!ههههه يمكن خزنه عندها بروح اشوفها ..تسحب بهدوء لغرفة جواهر
جواهر وهي تضحك : لا ياعمري
....
جواهر : اممممم صعبه
...........
جواهر : حبيبي الحين ما اقدر
...
جواهر : انا عارفه انهم مشغولين عني مع عمتي بس حتى ولو انا ما احب احد يلقى علي غلطه
.........
جواهر : حبيبي وليد تشك في غلاتك عندي ؟
...
جواهر وهي تضحك :يابعد عمري انت خلاص اليوم ارد لك متى اقابلك .آآآآآآآآآآآآآآآآه
هاتيه يالحقيره يالووواطيه الووووووووووووووووووياكلــ ياابن الكلـ.. رد علي رمى الجوال على الجدار بأقوى ما عنده
تقولين ماجد يكذب هاااااااااه يكذب انا اوريك الحين مسكه من شعرها يركلها من جنبها وهي تتلوى وتطلق صرخات دخل سلطان وامه عليهم ابعده خلني عليها ابذبحهاااااااااا ياسلطان السااااااااافله الواطيه الحقيييييره تكلم من ورانا تكلم
سلطان ارخى يديه يسمع كلام عبدالرحمن اللي نزل عليه مثل الصدمه : انت وش تقول ؟
عبدالرحمن والشرار يتطاير من عيونه : الملعــــ.. تكلم تعرف وش معنى تكلم يعني تخونااااااااااا لاقينها في استراحه مع شباااااااااب والحين تكلمه تواااااعده
التفت سلطان بقوه وصار يضربها ويركلها ويطلق اسوء الكلمات
شهقات متتابعه اعلنتهاام عبدالرحمن سقطت على اثارها
ــــــــــــــــ
ضغط الجرس
ريم انتي : وش فيتس تطقين الجرس ؟
العنود : بروووح زهقت الحين الظهر وانا مازرت ماجد
ريم : بس الزياره ممنوعه عليه
العنود فزت : انتي وش تقولين
ريم : الزياره ممنوعه عليه
العنود ودموعها تنزل: ليه تعبااان ؟
ريم ....
العنود وهي تبكي : ليه ماقلتي لي انه تعباااان لييييه
دخلت الممرضه : ايوه يالعنود
العنود : تعالي فكي المغذي
الممرضه :لسى ماخلص
العنود : تفكينه والا نتقته ؟؟
الممرضه : وشوووو
ريم : فكيه لها والا بطلعه بالقوووه
الممرضه : خلااااص هدي
العنود بعصبيه : اذا فكيتيه يالبااااااااارده بهدىء
الممرضه بسرعه راحت وشالت المغذي من يدها ..قلت بصوت الله يعين ماجد عليك
طالعتها العنود وقامت لبست عباتها بسرعه وراح لغرفة العنايه وريم تلحقها يارب هذي وحده توها والد بتذبح نفسها بها الطريقه
* من قالت لي ريم ان ماجد تعبان عجزت امسك نفسي حاسه انه بحاجتي تذكرت كلامه لي وهو يقول انا بحاجتك لاتتركين بس ماطعته كابرت عشان كرامتي ما ابي اخسرها لكن الحين قاعده اخسر زوجي وابو لدي اخسر الغالي مشيت له شفت اهله عند الباب اللي واقف وساند ظهره على الجدار واللي جالسه على الكرسي و محاوطه يدينها براسها واللي جالس بزاويه ومقرب ركبه لصدره ومحاوطها بيدينه ومرخي راسه على ركبه شفت عمي يطلع من غرفته اسرعت له بسئله عن حالته لكن سبقتني دمعته حسيت قلبي بطلع من مكانه من قوو الرجف فيه طلبت منهم ادخل عليه قبلهم ماعارضو كانو مستسلمين لرغبتي دخلت عليه كان وجهه اصفر ذابل
قربت منه وسلمت عليه دخلت يدي ببكفه وصرت احركها مثل كل مره اجيه فيها همست له ماجد حنا في حاجتك انا وولدك ..كنت اعبر له عن حبي وشوق له ..قلت له اني بدونك اضيع لاتتركني وحيده محمد ولدنا بحاجتك محد راح يربيه غيرك ..سمت صوت الجهاااز حق القلب نطت الممرضه اللي كانت معي بالغرفه وانا ماشفتها وطلعت تركض اربكتني تعلق في يده خفت انه يتركني جاء الدكتور وطلب مني الخروج ماقدرت رجولي ماشالتني اصلن ما احس فيها بس احس نفسي بردااااانه جرتي ممرضه وطلعتني برى وجلست مثل البلهاء كانو كلهم يطلون مع النافذه الزجاجيه واسمع همهمتهم وبكاهم وانا ماقدرت رافض اقبل فكرت اني اعيش بدونه مستحيل اصلن اعيش بدونه اطلقت صرخات متتابعه لااااا لاااااااا ..
ــــــــــــــــــ
انت وش تصير لك المريضه ؟
عبدالرحمن : امي وش فيها
الدكتور : المريضه مصابه بجلطه
عبدالرحمن انربط لسانه من الصدمه
سلطان : وشلون حالتها الحين
الدكتور : الحمدلله الحين وضعها مستقر مضطرين نحطها بالملاحظه كم يوم حتى تستقر حالتها اكثر ..لكن الجلطه اثرت على النطق والحركه ..
سلطان : لاحل ولاقوة الابالله
عبدالرحمن : يعني بتموت امي ؟
الدكتور : لا ان شالله بس في غرفة الملاحظه لمتابعة حالتها وللاطمئنان اكثر عليها
ـــــــــــــــ
ماحسيت الا بطبطبه على خدي العنود وكان صوت عهود تصحيني تبغاني اقوم قمت مفزوعه واردد اسم ماجد قالت لي انه صحى ماتكلم انا مدري وش حسيت فيه حسيت اطرافي بارده و حسيت نفسي مدري اضحك من الفرحه والا ابكي منها بس اللي عرفته اني حمدت ربي وشكرته قمت بروح له حاولت تمنعني عهود بس ما قدرت ابغى اشوفه وهو متعاافي دخلت عليه سلمت عليه وقلت له حمدلله على السلامه حسيت او تهيألي انه ابتسم مدري من الفرحه اظن صرت موسوسه آه يارب تمم لي شفاه وعافه لي الظاهر اني طلعت صوت وانا ادعي لان يده جت على يدي اللي كنت متكيه عليها وانا اكلمه بأذنه فرحت بها الحركه حسيت روحي رجعت لي
..طلعت من عنده وانا فرحاااانه حيل باللي صار بعد ما انتكست حسيت روحي بموت لو فقدته بس الحمدلله اللي رد الغالي لي الحمدلله ماحسيت الابشخص ارتمى في حضني طالعت فيه لقيتها نوف تبكي وتتكلم مافهمت وش تقول كلامها كان ملخبط
حطيت يدي على فمها وقلت لها خلاااص لا تبكين هو الحين بخير ..رفعت راسها وقالت هو حس بوجودك جنبه لاتتركينه مره ثانيه كفايه اللي صارله من قال لي هالكلمه حسيت نفسي انانيه فكرت في نفسي ونسيته فكرت بكرامتي وجرحته خليته رفعت راسها خلاص ماراح اتركه وعد ماراح اتركه رجعت ضمتني وهي تبكي ..ياربي ارحم حالي
ــــــــ



اليوم الثاني
اسمعي يالكلـــ ابغا منك رقم الكلـــــــ وليدوه الحين
جواهر : ما اعرفه ؟
عبدالرحمن : لا ماتعرفينه شكل اللي جاك امس ما اكفاك
جواهر بخوووف : لالالالالالالالا اعرفه اعرفه وبعطيك رقمه بس لاتطقني
عبدالرحمن : بسرعه قوليه قبل ما اذبحك يالوسخه
جواهر :**********
عبدالرحمن : وش اسمه
جواهر : وليد فهد ال ..
عبدالرحمن : حافظته وحافظه اسمه تفل عليه وطلع (تكرمون)
<<دق على وليد
السلام عليكم
وليد: وعليكم السلام
عبدالرحمن : الاخ وليد؟
وليد: نعم
عبدالرحمن : اخوي فيه موضوع مهم ابغاك فيه
وليد: من انت
عبدالرحمن : انا اخو جواهر
وليد : من جواهر
عبدالرحمن : ماتعرف جواهر !!
وليد تقصد : جوجو ؟
عبدالرحمن يصك على اسنانه بعد يدلعها : ايه جوجو
وليد : وخير يا اخو جوجو
عبدالرحمن :الخير بوجهك انت عارف و ابي
وليد : كم تبي ؟؟
عبدالرحمن : كم ابي ؟؟
وليد : ايه كم تبي وتفكوني انت واختك
عبدالرحمن : تزوجها
وليد : تخسسسي
عبدالرحمن بغضب : تخسي انت
وليد :هييييييي انت مهبووول ماتعرف من انا وبعدين تبين اتزوج اختك اانت
عبدالرحمن : وش فيها اختي عشان حبتك حب شريف
وليد يضحك : حب شريف !! لا ياحبيبي هي حابه غيري اقصد على علاقه مع غيري تبغاني اخذ وحده مستعمله !! وحده قد شبعو منها غيري !!وحده تكون ام عيالي !!لاااااا
عبدالرحمن بعصبيه : انطم اختي اشرف منك يالنذل
وليد بسخريه : هه رح اسئلها من شافها بالاستلراحه ووش كانت لابسه ؟ امي عيالي مايشوفها احد غيري ولا يلمسها غيري امي عيالي ماتخون اهلها هذي خانتكم بأظمن ماتخوني لا تزوجتها !! .......اقول انت ضيعتي وقتي في شىء فاضي <وسكر الخط
عبدالرحمن صفق بالجوال على الجدار ومسكها من شعرها هذا جزاك يالخاااينه الواطي يقول من خانت اهلها ما امنها على بيتي ما الوووومه الومك انتي يالسافله وركلها برجله وطلع رجع وقال بصوت حاد : اسمعي يا السافله امي بيطلعونها بعد اسبوع ان استمر وضعها كذا لكن محد راح يقوم فيها غيرك فاهمه !!
ـــــــــــــ
قمت اليوم وانا حاسه بنشاط مو طبيعي بعد زيارتي الاخيره امس الساعه 8 كنت بقعد لين يمر الطبيب الساعه تسع بس رفضو لاني نفاس وتعبانه رجعت وانا كان نفسي اجلس اكثر .. تحممت بسرعه وحممت حبيبي وبدلت له ملابسه واعطيته الرضعه ولفيته بالمهاد ونومته بسريره
شفت امي جايه مشتطه ضحكت على شكلها وهي تأفف من الرياض تقول يجيب التكه مو مثل الديره الباب فاتح وهذا داخل وذا طالع مو هنا الجار ما يجي جاره الا برسميه والوحده مرتكزه وتحطي من طرف خشمها من التطور ..سئلتها وش فيتس يمه ؟ قالت انتي وشلون اصبرتي هنا الحين ريم لها فوق الشهر وجارتها ماجتها الامرتين !! يوه امحق ..قلت يمه كلن يدور راحته ..وكملت يمه انا بروح للمستشفى اشوف ماجد ماعارضت افطرت ورحت حتى امي زارته معي مدري وش خلاها تروح معي هالمره رغم انها ماتروح الا مع ابوي ومن وصلت غرفة العنايه فتحت الباب شفت ممرضه تلف الاسلاك حقت القلب قالت الممرضه متى وقت الوفاه قالت من نصف ساعه حركت نظري له شفته ممدد ومغطى بالشرشف تجمدت من المصيبه اللي سمعتها مااات خلاااص وقفت في مكاني وانا مو حاسه بنفسي نظري بس في اتجاهه هو كان نفسي ارتمي في حضنه وابكي واقوله يرجع لي بس رجولي ما اسعفتي ما احس فيهاا نهائي ..
* تأخرت العنود داخل موبالعاده طليت مع النافذه شفتها موقفها جاامده طالعت في ماجد وشفت اللي ماكنت اتمناااااه قعدت ابكي ماعرفت وش اسوي رفعت الجوال وانا متردده دقيت على خالد بلغته بالخبر ابغاه يكون معي خفت ابلغ نايف ويرتفع السكر معه والا الضغط شوي وشفت السرير العنود شايلينها الممرضات وحطوها على سرير ماتحملت منظرها بكيت حال بنتي ترملت صغيره حتى حسيت ان حنجرتي تجرحت دق علي خالد وعلمته بالغرفه جالنا شافها متمدده حسيت من ملامحه الضيقه اللي تحتويه ..
*بلغتني امي بالخبر صدمتني فيه امس كنت عنده مافيه الا العااافيه والدكتور يقول حالته متحسنه كثير وانهم بيطلعونه اليوم من العنايه لكن ماتوقعت انهم يطلعونه ميت !اسرعت من مكتبي للمستشفى صرت اركض في ممراتها مثل التايه كلمتها وبلغتني وين مكانهم جيتها شفت العنود متمدده تذكرت ولدها اللي مافرح فيه ابوه ..تذكرت ضحكها امس وتعليقها على عيالي وولدها كانت تحكي امس اغلب الوقت فيه وماعلى لسانه الا هو ليت في يديني حل مابخلت به عليتس .
ــــــــ
هذولا وينهم ادق على الثابت مايردون والجوال مسكره جوالها
عهود : ايه تسكره لادخلت المستشفى عشان العنايه
خالد: طيب معناها انها هنااا
عهود : بس ماجت لي فتره ادق ومسكر !
تركي : يمكن فضى شحنه ؟
ماجد : دقي طيب على ريم او عمتي
عهود : عمتك ما اعرف رقمها
ماجد :طيب ريم
عهود : لحظه اظن ريم عندي ...اووف ما لقيته شكله طار من جهازي بعد ماغيرته
خالد : انا معي رقم رجلها
ماجد : وساكت الى الان؟! ياخي دق عليه
خالد : طيب هد اعصابك الحين ادق عليه ..رفع جواله يدور رقم ابونايف من بين الارقاام
في الجهه الثانيه خالد اخو العنود يطالع بالجوال رفعه وهو يتحرك بيطلع من غرفة العنود لاتسمعه : هلاا
خالد :السلام عليكم
ابو نايف : وعليكم السلام
خالد : ابونايف فيك شىء ؟
ابونايف (ذا شكله مايدري عن اخوه ياوالله الورطه ):هاه لا مافيني شىء
خالد : صوتك مهوب طبيعي
ابونايف : لا مافيني شىء بس يتهيأ لك
ماجد اللي من سمع ان فيهم شىء مد يده : عطنيه بكلمه
خالد : ابونايف خذ ماجد يبي يكلمك
ابو نايف : هااه
ماجد:الووو خاااالد
ابونايف : مااجد ؟
ماجد : وش فيك ؟
ابونايف : انت وينك فيه ؟
ماجد : في المستشفى ويني فيه يعني
ابونايف :بس اليوم جتك العنود و...
ماجد : ايه طلعوني اليوم الصباح الساعه 8 من العنايه
ابو نايف : الحمدلله كم رقم غرفتك ؟
ماجد : انا بالدور الرابع غرفه 411
ابو نايف : ان شالله شوي ونكون عندك
ماجد : حياكم الله
ــــــــ
*دخلت من الفرحه عشان ابلغ العنود بالخبر شفت امي تبكي على حال بنتها نزلت وحبيت راسها وبلغت بالخبر حسيتها ماصدقتني بس حلفت لها اني مكلمه وبقوم العنود نروح له قربت من سرير العنود وصرت انادي عليها العنود .. العنود ..ماكنت اسمع اي رد منها صرت اطبطب على خدها بخفها وانا اناديها ابغاا تصحى وابشرها بالخبر فتحت عيونها بخفه ..
* سمعت صوت كأنه انتشلني من بير عميق كان ينادي بأسمي فتحت عيوني وانا اتمعن بالوجه اللي قدامي قالي العنود ماجد كلم يبيس فتحت عيوني بقوه ابغى اصدقه ناظرت في امي شفتها تبكي وتحرك راسها كأنها تثبت لي ان كلامه صحيح رجعت اناظر في وجهه وكان راسم على وجهه احلى ابتسامه قال انا بروح لماجد بتروحين معي ؟ فتحت فمي بقوله يعني ماجد حي ما مــا.. وسكت ماقدرت اكملها خفت يكون حلم حرك راسه وقال ماجد ينتظرك هم طلعوه من العنايه واللي شفتيه مريض ثاني جاء مكانه وتوفى قمت بسرعه وخليتهم يفكون المغذي ولبست عباتي وانا متلهفه على شوفته رحنا بسرعه لغرفته دق خالد الباب ورد علينا تركي شفتهم طلعو ا كلهم حتى البنات كانو فيه اللي ماشفتهم معهم عمي وعمتي !..دخلت عليه بعد ماسلمت عليهم وطالعت فيه وانا حاسه بطير من الوناسه ماجد قدام وحي رحت له
و....
ــــــــــــ
اليوم مريت على ام عبدالرحمن بصراحه تكسر الخاطر
ساره : ضعيفه المسكينه
مها : الله يعينها
عهود: بنتها ماشفتها من يوم دخلت المفروض تكون مرافقه معها
ساره: ماتدرين عن الظروف
هنوف : خاله بترجعين لعمي عبدالرحمن بعد مرض جدتي ؟
مها : لاماراح ارجع له
ـــــــــــــــ
*بعد ثلاث اشهر من الاحداث *
*رجوع العنود لماجد كان له اثر كبير في حيات نوف اللي طلبت منها العنود انها تسكن معها في نفس البيت
* مها خلعت عبدالرحمن حتى ترتاح رغم محاولاته بأرجاعها
* عهود لاجديد ف حياتها
* سلطان &ساره .لاجديد ف حياتهم
* ام ماجد بعد قرار ابوماجد طلب منه ماجد انه يتراجع عن قراره وبعد محاولات اقتنع بس بشرط ماتعرض للعنود ووافقت
* ام نواف وام محمد (ادعو لهم من قلوبكم ان ربي يهديهن لانهن سببن مشاكل بين الاخوان لكن الحمدلله الى الان مافرقوهم وجعلهم مايتفرقون .. نعاني من تحريض ام نواف المستمر وتأليفها الكاذب ومن امثالها فعلآ فئه الله يعينا عليها ..)
* جواهر ونها يتها تمقتت او تمسخرت بحال جدت خزنه رفيقتها .واتهمت عرض العنود ..ونهايتها هي تشيل وتغسل امها في البيت بعد ماسحب الجوال منها ومنعت من الطلعه الا مع امها للمستشفى !
*خالد اجل زواجه بعد مرض اخوه ..
تــــــــمت
* الروايه من الواقع .. اظطررت للاستجال في اخر البارتات بناء على طلبكم حتى انهي الروايه قبل الامتحانات ..
ملاذ الرووح *

 
 

 

عرض البوم صور ملاك بصورة انسان   رد مع اقتباس
إضافة رد

مواقع النشر (المفضلة)
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:25 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية