كاتب الموضوع :
dali2000
المنتدى :
القصص المكتمله
في جده ..
تحس بصداع وحمدت الله انتهى العشاء استأذنت تبغى ترتاح كانت تبغى بس تنام قبل يوصل أو تتظاهر بالنوم لأن اليوم لما تجهز للعشاء قال لها اليوم بنحط النقاط على الحروف انتظريني خافت من كلماته ونظراته لان تعرف سلطان إنسان هادئ بس لما يثور ينسى المكان والزمان ما تبغى تبين لأهله أن بينهم مشكله وخير حل أن تنام وتتركه لين يهدأ بكره بس انصدمت وهي تناظره جالس بالظلمة على كنبه بوسط الغرفة ومغير لبسه ببجامته ويتابع تلفزيون بلعت ريقها لما ناظر لها مو واضحة ملامحه لان الغرفة مظلمة إلا من نور التلفزيون العاكس بأرجاء الغرفة
تَدري وَشْشْ معّنَى [ أَ فِ قّ دَ كْ ]
وآتحَلى بِـ / السَكُوووتْ
أَختِنق مَا أَتنفّس " أتأَلمْ " دوُنْ صّوتَ
مَا أتكلم وآسوي الوضع عآآآآآآآآآآآدي
بَسْ مِن دَآخَلِ
أَ مُ وَ وَ وَ تّ !
بتول : مساء الخير
سلطان : مساء النور
بتول اتجهت لغرفة الملابس وأخذت بجامه وغيرت لبسها لما طلعت ناظرته على وضعه يتابع تلفزيون ما تدري وش تسوي تجلس معاه ولا تهرب لنوم خطت خطوه بس وقفت لما قال لها
سلطان : بتنامين
بتول : أي
سلطان : تصبحين على خير
بتول( أرمشت بعيونها مستغربه) : ايش
سلطان : تصبحين على خير
بتول : أنام
سلطان ( باستهزاء ) : تبغين انيمك ( شافها نزلت رأسها وابتسم بخبث) ولا تبغين تنامين بحضني شكلك فقدتيه الأيام اللي فاتت
بتول ( صدت عنه) : وأنت من أهل الخير
سلطان( ابتسم وكمل متابعه التلفزيون ) : .....................
بتول( تغطت وطفت الأبجوره اللي جنبها وهي مستغربه سكوته) : .......................
سلطان( سمع طق الباب قام وفتح اخذ الصينية ) : شكرا سيرا
بتول( تتسند بكوعها وتجلس) : من
سلطان : الخدامة جايبه لي عصير وتوست بالجبن
بتول : ما تعشيت
سلطان ( يجلس ويحط الصينية) : لا ما حبيت أكل شيء ثقيل مثل الرز واللحم ومحاشي ما حبيت ارجعي نامي
بتول ( ارتاحت لما حست أن هادئ ويتكلم طبيعي معها دليل عدم عصبيته ) : ما فيني نوم اممم ممكن اسهر معاك
سلطان : تعالي جنبي
بتول ( قامت وجلست جنبه هزت رأسها بلا ) : مشكور أكلت تحت ايش تتابع
سلطان ( يأكل توست ) : أتابع اكشن مسلسل اسمه hawaii five -0 يحققون في قضيه مقتل رجال كانوا الشرطة يطاردون واحد و هرب منهم وسوى حادث ولقوا في سيارته رأس مقطوع
بتول( تناظر التلفزيون) : حلقه قديمه
سلطان ( يناظر لها) : شفتيها
بتول : أي تبغى أقول لك من القاتل
سلطان : لا لي نص ساعة أتابع من اليوم احلل شخصيه
بتول : اختصر عليك
سلطان : توته لا تقولين بنقهر
بتول( تبتسم ) : القاتل هو
سلطان( عض على التوسته بين أسنانه وحط يده على فمها وهز رأسه لا) : ..................
بتول( تحاول تبعد يده بس اهو شاد وعاقد حواجبها) : امممممممممم
سلطان( التوسته بين أسنانه ويبتسم) : اممممممممممم
بتول مدت يدها وتعرف نقطه ضعفه دغدغته واهو يتحرك يمين ويسار يبغى يفك نفسه ما تحمل ابعد يده عن فمها وطاحت التوسته بحضنها ووقف وابتعد واهو يضحك
سلطان : مجنونه هههههههههههههههه
بتول( تشيل التوسته) : ووووووووع سعابيل سلطاااااااااااااااااان
سلطان ( جلس على ركبته يضحك من شكلها متقرفه من سعابيل) : ههههههههههههههههههههه
بتول( تحطها في الصينية وتاخذ مناديل تمسح) : وووووع كنت قاصدها صح ( تناظره يضحك ويهز رأسه لا وقفت واتجهت لسرير) داااااايم تعصبني كل ما جلسنا لازم تسوي شيء يعصب لمتى لمتى جلسه مثل الناس ما نجلس لازم نضحك ( جلست على سرير وهي تتغطى بعصبيه) أول وبعدها نتهاوش تعبت كل ما حاولت أني اعدل يومي تقلبه لي ( ناظرت له يوم وقف عن الضحك ودمعة عيونها) إذا ما كنت حاب نسهر مع بعض كان قلت لي ما قلت حياك وأخرها تزعلني بحركة تعرف ما أحبها
سلطان ( قرب وجلس جنبها) : أسف ما قصدت
بتول : ابتعد بنام
سلطان( قرب و طوق خصرها بيده وهي منسدحه جنبه) : اهدي ايش فيك صايره نار ترى تعذرت وبعدين ما قدرت امسك نفسي لأنك تدغدغين
بتول( تأشر على بجامتها بطريقه طفوليه) : شوف أحس بقرف يخ يخ
سلطان ( ابتسم ومسك أصبعها وباسه) : فديت طفلتي
بتول( رفعت عيونها لعيونه وما تحملت بكت ) : ...................
سلطان ( ضمها وخاف عليها) : بتولتي أيش فيك والله ما قصدتها يا حوبي لا تبكين ( حس فيها تمسكه وتخبي رأسها بصدره وتزيد البكاء) والله أسف لا تبكين حبيبتي أنتي تبغين اطلع إذا مضايقك قولي لي واطلع من الغرفة لا من البيت كله لو تحبي
بتول ( بهمس وهي تشاهق بخفه) : لا تطلع ولا تبتعد عني اشتقت لك والله احبك
سلطان( ابتسم وباس رأسها) : أنا احبك
بتول( رفعت رأسها له) : سامحني سافرت بدون علمك وزعلتك مني
سلطان : اللي لازم يطلب السماح أنا عارف والله تعبتي من سماع كلمه أسف وسامحيني وما أكررها بس أقولها ثاني أسف
بتول : مدري ايش أقول أبغى افتح قلبي وأقول لك عن هموم متراكمة أبغى أعاتبك وأقول ايش مزعلني منك والعتب عليك كبير ( ابتعدت شوي وحطت وساده خلف ظهرها وهي تمدد رجولها على السرير) كل مره ازعل أقول يتغير وكل مره اسكت وأكون هبله لأني أتنازل عن حقي فيك لمشاغلك ومشاريعك وصفقاتك وعملائك لهم اكبر حصه من وقتك وأنا لي فتافيت أن شفتك ساعة أحس بسوي حفله من الفرح بس ما تلحق فرحتي تتم تطلع وتروح ناسي مقابله ولا في ورقه لازم توقعها
سلطان( انسدح جنبها وحط رأسه بحضنها وهم نايم بعرض السرير) : وأنا تعبت من الشغل وتعبت أني مهملك الوقت اللي قضيته في جده بعيد عنك فتح عيوني على أشياء كثيرة خلاني أفكر وأفكر بكلامي وتصرفاتي كنت أشوف عيال عمامي كيف يتعاملون مع زوجاته وعيالهم حولهم حسيت بغيره من الوضع ولما رجعت لرياض رفضتي الرجعة معي رحت لأهلي في المزرعة وشفت كل واحد كيف يعامل زوجته ولما قارنت بوضعنا كله زعل وتعصيب و فراق قارنت بينهم وبيني هم عندهم أشغال وأنا بعد لكن كيف مقسمين وقتهم بين العمل والراحة الاسريه عرفت أني حملت نفسي وحملتك فوق طاقتنا
بتول( مسحت على خده بخفه) : ما قدرت أروح معاهم ما هو لأني مريضه أو رافضه جمعتهم أنا رافضه مشاعر الغيرة اللي تتكون داخلي لما أشوف كل وحده مع زوجها وأنا لوحدي كنت أتمنى اجتمع معاهم لأني أحبهم بس حطيتهم قدامي ببرواز كل وحده جنبها زوجها وأنا بروازي ما فيه غير صورتي لوحدي كرهت شعور الوحدة لو هم حولي ما أبغى غيرك
سلطان( ضم يدها بين أيديه وقربها لقلبه) : وأنا ما أبغى غيرك وعشانك سويت شيء أنا كنت رافضه بس مجبور عليه
بتول : ايش
سلطان : كنت رافض أي احد يشاركني بالشركة أو يدخل شريك معاي بس أنا دخلت شخص يدير معاي الشركة ويكون الحمل بيني وبينه والشغل نديره مع بعض حمل علي وحمل عليه بنسبه 15% من أسهم الشركة ويكون نائب لمدير الشركة ومسئول بغيابي ولأني أثق فيه مرتاح للي اخترته
بتول : من هذا
سلطان ( يقلب على بطنه وينسدح وحط أيديه تحت وجهه يسندهم) : ناصر ولد عمي سعد كلمته لما كنا في المزرعة وقلت له ابغاك تترك شغلك في البنك وتشتغل معي نائب لي رفض أول لان اهو أساسا رافض فكرة الشركات العم سعد قال له من تخرج تعال اشتغل معاي ومع أخوانك بس رفض ما يحب احتكاره بشركه العائلة جلست يوم كامل اشرح له حاجتي وقال ما هو محتاج فلوس لما رفعت راتبه أضعاف ففكرت أن ناصر أصلا طموح كثير عرضت عليه 15% نسبه من أسهم الشركة وعقدت معاه عقد 5 سنوات إذا حب بعد 5 سنوات يستمر معاي اهلا وسهلا وإذا لا يقدر يأسس شركه له وأنا أكون خلال هذي الفترة تعلمت السوق واعرف كيف أدير وقتي بين الشغل والبيت
بتول : وافق
سلطان ( ابتسم) : أي
بتول : يعني ما راح يكون وقتك كله لشركه وسفر وصفقات
سلطان : لا راح يكون مقسم بيني وبينه حتى السفر يقدر يسافر نيابة عني
بتول( غمضت عيونها ورجعت رأسها على السرير تسنده وهي تبتسم) : بعرف الراحة وبحس بقربك أخيرا بحس أني زوجه مثل كل البنات لي عليك حقوق ناسيها بسبب شغلك وانت متناسي قول الرسول صلى الله عليه وسلم عن عَبْد اللَّهِ بْن عَمْرِو بْنِ الْعَاصِ رَضِيَ اللَّهُ عَنْهُمَا قال : قَالَ لِي رَسُولُ اللَّهِ صَلَّى اللَّهُ عَلَيْهِ وَسَلَّمَ : ( إِنَّ لِجَسَدِكَ عَلَيْكَ حَقًّا وَإِنَّ لِعَيْنِكَ عَلَيْكَ حَقًّا وَإِنَّ لِزَوْجِكَ عَلَيْكَ حَقًّا وَإِنَّ لِزَوْرِكَ عَلَيْكَ حَقًّا )
سلطان( ابتسم) : راح أكون قدامك أكثر الوقت وراح تملين مني وتقولين روح لشركتك مزعج
بتول( حطت يدها على فمه وابتسمت) : عسل على قلبي لو تظل 24 ساعة قدامي هالوجه ما أمله لأني اعشق صاحبه وأحبه
سلطان ( تزيد ابتسامته وجلس ) : صدق
بتول( هزت رأسها نعم) : ........................
سلطان( يقرب لها) : امممم توته
بتول( ابتعدت شوي وهي تبتسم) : مسلسل ما تبغى تعرف قصته
سلطان : ولا همني
بتول( أشرت لتلفزيون وتشوفه يقرب) : بينتهي ناظر التلفزيون
سلطان : ولا همني بناظرك أنتي وبس ما صدقت ترضين تبغين اللي يشغلني عن حبيبة قلبي مستحيل
بتول( حست بأيديه تمسك أيديها ) : سلطـ..
سلطان( يقرب ويطفي الأبجوره خلفها) : عيون سلطان أنتي
بتول ( استحت ونزلت عيونها بهمس وبدلع) : تسلم عيونه حبيبي
سلطان( يضمها) : ياااااااااااااااويل قلبي على الدلع
’’
دامني , بأحظانك الدنيآ امان !
قلبي الي ماعرف طعم . . الحنان ~
يسالك باسم رحمان | احد . .
لو تباعدنا حبيبي بالمكان ,
نبقى...
{ روحين يجمعهم جسد . .~~
’’
تصالح بتول وسلطان بعد جفاء وفراق وعتاب لحاله من الشوق والوله والحب وفتح القلوب ولكن هل يصدق وعد سلطان هذي المرة بكلامه ولا ممكن يعود لحاله الأولى انشغال وبعد وجفاء الوقت راح يكشف لنا سلطان تغير فعلا ولا لا
-----------------------
يوم جديد ...........
يوم جديد على أبطالي بتتغير أمور كثيرة من أفعال وأفكار وتصرفات وبتتغير حياة البعض وبيتعرض البعض لصدمات
في بيت مشاري ...
صحت الساعة 7 الصبح وهي متلهفة لملاك لأنها نامت أمس تبكي وهي تنتظر منى ترجع من عند أهلها وتأخرت منى لان مشاري قال لها بتأخر بالأستراحه بكره ما عنده دوام في المستشفى فحب يسهر مع الشباب شوي وطول الوقت أم مشاري تكذب على بنتها وتدعي أنها تتصل على منى وتقول لازم ترجعين وهي ترد طيب ورغد مصدقه لين نامت ولا حست من تأثير الدواء اللي تأخذه وأول ما طلع النهار راحت لجناح منى ومشاري اللي نايمين واتجهت لغرفة ملاك وهي تعرف أن ما يقفلون الجناح عشان الخدامة لما تصحى تروح تعتني بملاك بدون الحاجة لإزعاجهم ولأجل طلال في حال أحتاج شيء من أمه منى بدون صوت شالت ملاك بخفه وهي نايمه وضمتها واتجهت فيها لغرفتها دخلت وقفلت الباب
أنآدي في غربتك وينك ..
أنآدي رد لي طيفك ..
وتبقى يَ الضنآ غآلي ..
ومآلي بدنيتي غيرك ..
رغد ( دمعة عيونها وهي تبوس ملاك) : وحشتتتتتتتني كثيررررررر يا قلبي
( ملاك بدأ نومها يتعكر من بوس رغد وضمها وواضح من ملامحها راح تبكي ) لا لا ماما اشششش لا تبكي وينك أمس اخذووووك مني وأنا انتظرتك وانتظرتك ولا شفتك
( بوزت وهي عيونها تدمع) ما أحبهم أخذوك بدوري ولا جابوك لي
( تشوفها تفتح عيونها بشويش ابتسم رغد ) ياااااااااا قلبي صحيت ( بدت رغد تفتح المهاد بشويش عنها ) وااااااااع ملابس ورديه ما أحبهم
( ضربت على يد ملاك بشويش ) كخ كخ ماما ملابس بنات عيب أنت ولد بدوري اعرف انك جوعان من أمس مو راضع ( عقدت حواجبها بعصبيه) اعرف كله حليب صناعي يعطونك
( ابتسمت وهي تتجه لدولاب) بغير ملابسك وألبسك لبس حلو واحممك وأرضعك وبعدها نطلع أنا وأنت نتمشى أكيد موافق حبيب أمه ما يقول لا ( شافتها ترضع أصابعها ) فديت قلبي جوعان هههههههههههههههههه
رغد لان كل لوازم ولدها بدر ما رمتهم ولا رضت احد يشيلهم كان كل شيء عندها متوفر ولان الوقت كان بدري الساعة 7 أخذت ملاك محد حس فيها والخادمة متعودة الساعة 8 الصبح تصعد لجناح منى عشان ملاك وفعلا لما صعدت دخلت غرفة ملاك ما شافتها ضنت أن ملاك صحت بالليل وأمها أو أبوها أخذها لغرفتهم واهي عارفه ممنوع تدخل غرفتهم إذا نايمين لان هذي خصوصية لهم على هذا الأساس الخدامة قررت تنزل لتحت وتنتظر لين تصحى منى وتتصل على المطبخ تطلب حضورها لما تصحى ملاك
أبدا ما فكرت أن رغد أخذها لان ولا مره رغد سوتها فالفكرة كانت أنها مع منى بالغرفة
رغد خلال نص ساعة خلصت كل شيء ملاك حممتها ولبستها ملابس ولاديه شورت جينز وبلوزه وحطت عليها كاب جينز بعد ما مشطت شعرها
رغد : شعرك صاير طويل ما أحبه كذا شرايك ( رفعت ملاك فوق وهي تناظر لها) نقص شعرك كذا تسريحه حلوه تليق عليك ولاديه
( ملاك بدت تغير ملامح وجها استعداد للبكاء) لا لا لا تبكي دموعك غالية اووووه نسيت وقت رضعتك هذي بس نخلص رضعتك حبيبي نأخذ عربيتك ولوازمك ونطلع نتمشى لوحدنا أبغى اشتري لك ملابس كل ملابسك صغيره عليك اوكي مامي
حطتها في حضنها وبدت ترضعها وهي تبتسم وتمسح على شعر ملاك اللي متخيلتها ولدها بدر وبعد نص ساعة تقريبا كان كل شيء جاهز ملاك بعد الرضعه حطتها رغد على السرير وجهزت شنطه صغيره بغيارات وكم صدريه لطفل وأخذت رضعه بس تذكرت أنها ما شرت حليب لطفلها فقررت ما تأخذها وان جاعت هي بتحطها تحت عبايتها وترضعها
رغد طلعت بشويش لصالة تتأكد في احد ولا لا نزلت عربيه الطفل للباب الرئيسي وبعدها أصعدت بشويش لغرفتها لبست عبايتها وطرحتها أخذت شنطت لوازم ملاك وشنطه صغيره يد ولفت ملاك بمهاد ولادي ونزلت بشويش عشان محد يحس فيها
كان مساعدها أن بهذا الوقت يكون أبوها بالشغل وأخوها مشاري كذلك وان منى تنام لوقت متأخر وأمها كل يوم تفطر زوجها ولما يروح لشغله ترجع تنام والخدم بهذا الوقت حركتهم خفيفة بالبيت فتحت باب البيت بشويش وطلعت ابتسمت وهي تناظر السايق عمر واقف يمسح السيارة
رغد : هييه عمر جهز سيارة
السايق ( شاف ملاك اعتقد أن هذي منى ) : اوكي مدام
رغد ( تأشر على العربية) : شيل هذي يحطها في سيارة
السايق : حازر
رغد ( تصعد السيارة وهي تضم ملاك لا تطيح منها) : ااخ حر ماما ( أبعدت شوي غطاء المهاد عن وجه ملاك وهي تتخيله بدر) حر ماما صح ( لمست خدها )وييه صرت احمر زي الطماطم ههههههههه
السايق (يصعد السيارة) : وين كدامه ما يجي
رغد ( عقدت حواجبها) : من
السايق : هزا سونيا وتاني كدامه
رغد : لا لا ما ابغاهم يالله حرك
السايق : اوكي
رغد ( تسند ظهرها للكرسي بفرح وهي تهمس لطفلها) : ووااي من زمان ما طلعت ( بوزت وهي تتذكر كلام أمها) كل ما أقول بطلع تقول أنتي بعدك نفاس طيب ايش يمنع اطلع وإذا نفاس يعني ادفن نفسي ولا بموت إذا طلعت بس تعب بسيط ومعاك بدوري راح أنسى التعب لو أطيح من طولي أنت معاي محد يهمني ( عقدت حواجبها ) هيييييييه عمر وين يروح أنت
السايق ( يطالعها من المرايه) : ما يروح أنتي بيت ماما كبيره
رغد ( تكش عليه) : مالت عليك ( بعصبيه) بروح السوق ايش أبغى ماما كبير يخلي بيت يالله روووووووح السوق من كيفك ماما كبير ولا صغير
السايق( خاف من عصبيتها) : حازر أنا يروح ( غير وجهته لشارع العام ) أي سوق هزا
رغد : أي سوق المهم بطلع
السايق : اوكي
بعد ربع ساعة وصلت مجمع ........... ونزلت بعد ما قالت له ينزل عربيه الطفل ويفتحها عشان تحط ملاك فيها
السايق : طيب أنا في يروح بيت ولا انتزار سوق
رغد : لا تروح خلك هنا لين اخلص
السايق : اوكي
رغد( تدخل المجمع وهي تدفع عربيه ملاك الهادية) : وين نروح اممممم أول لازم نشتري ملابس لك ( اتجهت لمحل أطفال ودخلت) السلام عليكم
صاحب المحل : وعليكم السلام
رغد : لو سمحت أبغى ملابس ولاديه لشهر
صاحب المحل ( يأشر على رف) : هنا كل شيء يخص مواليد
رغد ( اتجهت له ووقفت) : صغار أبغى اكبر
صاحب المحل : ما هو تقولين مواليد هذا قسم المواليد من صفر لين 3 شهور
رغد( تناظر ملاك النايمه) : لا أبغى كبر ولدي
صاحب المحل( عقد حواجبه) : أي ولد
رغد( تأشر على العربية) : هذا
صاحب المحل( استغرب واهو يناظر أذاني مخرمه بحلق ذهب) : هذي بنت
رغد ( بعصبيه) : لا هذا ولد لا تقول بنت
صاحب المحل : بس أذانيها مخرومة بحلق ذهب
رغد( عصبت أكثر) : أنت ايش دخلك أن عليك تبيع لي ملابس ولاديه ولا ما تبغى قول أشوف محل ثاني
صاحب المحل : لا لا تفضلي أي قطعه مطلوبة
رغد : أبغى على كبر حبيبي الصغير
صاحب المحل( يناظر ملاك) : شكل مقاسه من 3 شهور لين 6 شهور عندي أنواع كثيرة وموديلات جديدة
رغد : اوكي ( ابتسمت لملاك ) حبيب أمه نايم طيب بختار لك وادفع خلك هنا لا تتحرك
بدأ اختيار اللبس وقطع داخليه صغار تخص الأطفال وقبعات واحذيه وأشياء كثيرة هي فرحانه فيها وكل قطعه تقرب لملاك وتكلمها على أساس أنها ولدها بدر وتسال الرأي كأنه يفهم الوقت يمر ولا حست بساعه اللي قضتها بين المحلات تشتري لها ولبدر كل همها ولدها ولا همها لو اكتشفوا غيابها وغياب ملاك ....
---------------
في بيت فهد ...
كفايه ببْتِعد عنِّك عسى في بُعْدِنا خيره
...........رضيت أو لأ ما تِفْرِق كِفاية بس أنا راضي .."
فرح( تنزل وهي تشوفهم جالسين يتقهوون) : السلام عليكم
الكل : وعليكم السلام
خالد( ما شافها لما وصلت وقف وسلم عليها) : فروحتي هلا وغلا
فرح( تسلم عليه) : هلا فيك
خالد : متى وصلتي
فرح : البارحة نايمه عندكم
خالد ( يرجع يجلس و يشرب الشاي) : ماشاء الله كيف خلاك محمد ( السكون عم المكان والكل يصد بنظراته ألتفت لهم) علامكم
فرح( تجلس جنب أبوها اللي اشر لها تقرب) : سلامتك بس أنا ومحمد افترقنا وبنتطلق اليوم
خالد ( حس أن الشاي بيطيح من يده من الصدمة) : طلاق
فرح : أي
أم خالد : الله يعوضك ويعوضه قال سبحانه {وإن يتفرقا يغنِ الله كلاً من سعته}
الكل : امين
فهد : كان لازم يصير من زمان بس ما سمعتوا لي
أبو خالد : سمعنا بس هي محاوله نصلح بينهم ( أبغض الحلال إلى الله الطلاق )
فهد : ( فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ ) وزين أن رضى يطلق من نفسه قبل لا اغصبه وبنفسي اسحبه للمحكمة
وضحه ( همست له ) : فهد لا تفتح الجروح
فهد ( همس لها) : لا تلوميني مقهور شوفي كيف ذبلانه شوفي كيف يديها عروقها واضحه وعيونها هالات سود شوفي رمشها مبلول واضحه الدمعة بطرف الرمش تحاول تخفيها
وضحه : حبيبي إحنا نبغى ننسيها ما هو نذكرها
فهد : وضوحه لا تقولين حبيبي أضيع وأصير أنا اللي أنسى الناس وأتهور والله يا كلام يا فعل وتحملي
وضحه( نزلت عيونها بخجل ) : ................................
خالد : طيب يعني قراركم الطلاق
فرح ( تأخذ كوب حليب من أمها) : مشكورة يمه خالد القرار قراري والكل موافق إلا شخص واحد أنت عارفه
خالد : محمد
فرح( تشرب الحليب وتحرك رأسها نعم) : ................
خالد : والقصد من الرفض
فرح : أعفيني من الأجابه
فهد : أنا أقول لك يا أبو وليد ما هو حب ولد عمي ما يعرف الحب تملك أي أنانيه أي عناد أي محمد لا احد يقول لي عنه اعرفه
أبو خالد : فهد انتبه للسانك هذا ولد عمك ورجل أختك
فهد : ولد عمي صح بس اليوم بيكون كان رجل أختي طليقها
ميثه ( ما حبت تتدخل هم عيال خوالها و المسألة تخص أختهم) : .......................
فرح : اليوم عمي بياخذه للمحكمة ويطلق رسمي وكل واحد يروح بحال سبيله وعلى فكره أنا ما أرضى احد يتكلم بالغلط عنه مهما كان هو ولد عمي وله قدر واحترام
أبو خالد( ابتسم بفخر) : والنعم فيك هذي بنتي مهما صار ما تنسى الأصول
فرح ( تبتسم لأبوها) : تربيتك يا أبو خالد
خالد : فرح بقول لك شيء أنا ما علي من كلامك وتبريراتك أنا علي من قلبك لا تطالعين لي كذا أي قلبك اللي تركتيه عند محمد قبل تجينا هنا
فرح( نزلت نظرها للأرض وضمت أيديها لبعض تخفي رعشتهم ) : ..................
فهد : خالد اتركها
خالد : لو سمحت يا فهد أنت مو فاهم شيء
فهد : اللي فاهمه أن محمد ما قدر النعمة اللي ربي عطاها هي فرح بنت إبراهيم زينت بنات العالم ما صانها
خالد : خل عنا الصون والقدر لان قدر فرح محفوظ بس بسألك أنت مع أن صار زعل بينك وبين وضحه لكن ما استسلمت
فهد( عقد حواجبه) : ايش دخل هذا بهذا
خالد : اللي أبغى أقوله أن اللي اعرفه ويعرفه الكل وضحه رافضتك من أول وحالفه ما تبغيك ولا تبغي قربك رافضه كأنسان وزوج وحبيب ( انتبه لوضحه نزلت عيونها حياء منه) اسمحي لي يا أم فيصل بس مجبور أعطيه أمثال
فهد : أحرجتها ممكن تدخل بالموضوع بدون مقدمات
خالد ( ابتسم) : طيب اللي ابغاك تفهمه أن اللي يحب صعب ينسى واللي يدخل القلب ويسكنه صعب يطلع منه واللي يشغل التفكير صعب ننساه هذا حال محمد بقلب فرح مهما كذبت على نفسها لا يمكن تنساه لو طيف يمر عليها يذكرها بوجوده
فهد : عرفنا ونعرف بس ما يكفي حبها واهو يصد
فرح : ليه تتكلمون عني بصيغه الغائب أنا ما أبغى احد يحلل شخصيتي أو يتكلم عن مشاعري أو يحاول يكتشف مكنونات قلبي أنا قلت كلمه طلاق وبس لو أحبه أكثر من العالم ما صار يعني لي شيء لو كان حلمي وحياتي لأمس انتهى كل شيء يمكن يكون لكم الظاهر بس أنا من عاشرته وأنا من عرفت معدنه صدقني يا خالد أحس بفتور وبرود مشاعري له
فهد : سمعت ألحين ممكن ترضى بواقع أن طلاقها بيتم
خالد : على راحتكم بس أنا اعرف فرح أكثر منك ( ناظر لها واشر على عيونها وابتسم) عيونك تفضحك يا فرح
فرح : فرح القديمة ماتت يا خوي أنا نفسي ما عدت اعرف فرح القديمة
أم خالد : فرح
فرح ( تناظرها وتبتسم رغم الألم) : يمه لا تفكرين أنا بخير بس اشرح لخالد شيء غافل عنه
خالد ( يوقف) : أنا بروح لشغل بس بقول لك شيء مهما قلتي عيونك ما تكذب يفهمها من جرب الحب ( ناظر لميثه وغمز بخبث) زي حبي لميوثه
فهد : نذل كل مره يحط على وحده استلم حبيبتك واترك حبيبتي
الكل ( من غير ميثه ووضحه اللي انحرجوا ) : ههههههههههههههههههههههههه
أم خالد : الله يصلحكم روحوا
فهد ( يوقف ) : اجل خذني معاك يالله مع السلامة
خالد : مع السلامة
أبو خالد( بعد ما طلعوا عياله) : أخوانك طلعوا وعمك شفته بالمسجد وكلمني الساعة 10 راح نروح المحكمة عشان الطلاق لان محمد عنده مراجعه لطبيب يشوفه ويقرر يقدر يمشي عليها ولا لا بس قبل لا أروح ونتمم الإجراءات أبغى تفكرين
فرح : فكرت يبه من أمس أفكر وقراري ما تغير الطلاق
أبو خالد : ما اقصد تفكيرك بالطلاق
فرح : ايش
أبو خالد : تقدرين على بعده
فرح : ..................
أبو خالد : تقدرين تشوفينه مع غيرك وملك لها
فرح : ...................
أبو خالد : تقدرين تشوفين عياله من وحده غيرك
فرح : ...................
أبو خالد : أكمل ولا لا
فرح ( بهمس مؤلم ) : لا
أم خالد ( حزنت لحال بنتها) : لا تزيد عليها
أبو خالد : أبغى مصلحتها تضنين الطلاق سهل
فرح : عارفه تبغى مصلحتي وعارفه انك كاشفني تبغى أقول أحبه أي أحبه وأكابر أي يبه أحب محمد بس ارخصي الحب ونزل كرامتي للأرض داس علي وعلى قلبي وصد ولا اهتم
أبو خالد : عمك أمس طلبني أكلمك واليوم طلبني أكلمك محمد من طلعتي ما طلع من غرفته ولا كلم احد ساكت ومعتكف
فرح ( تبتسم باستهزاء) : لا تقول حس بتأنيب الضمير ولا تقول أن طلعتي من البيت ضايقته لا بس فقد خادمته ومن يقدر يتكل عليها واللي يأمر عليها ولازم تنفذ أوامر بالحرف الواحد
وضحه : اسمحي لي أتدخل بس يجوز أن حس بالضياع ببعدك وتركتي فراغ كبير عنده
ميثه : وأنا أفكر كذا بعد
فرح : لما سقطت الجنين جلست تقريبا شهر أو أقل عند أهلي اتصال ما اتصل سؤال بالغلط ما سأل لان ما كان بحاجتي بس لما طاح واحتاج لأحد أول من فكروا فيه أنا على فكره رجوعي لمحمد كان فرصه أخيره كذبه اكذب بها على نفسي وأقول يمكن يصير شيء يشفع له عندي إهماله كلامه تصرفاه معاي بتسقيطي للجنين بس ولا ردت فعل وحده شفعت له زادت المسافة بينا والبعد كبر علمني حجمي عنده وعلمني كيف حجمه بيكون عندي
أم خالد : خالتك ما نامت طول الليل تفكر بحالكم
فرح : طلبتكم لا تقولون عمك خالتك محمد محد له دخل بحياتي يمكن ارجع له بس كل واحد راح يلهي بحياته وينساني حتى محمد قرر يتزوج وينساني مع زوجته الجديدة ومثل ما كنت خادمه له الفترة اللي فاتت بكون خادمه له ولزوجته ترضونها لي
أبو خالد : لا والله ما أرضاها
فرح : اجل تمم إجراءات الطلاق
أبو خالد ( يطلع جواله) : بتصل بعمك وأشوف متى يروح نتقابل هناك
فرح : لو نسرع بالأجراء أحسن
أبو خالد ( رفع الجوال لأذنه) : طيب اكلمه ألو السلام عليكم .... كيفك يا أبو وليد ( عقد حواجبه) عسى خير علامك ( وقف بصدمه ) ايييييييش ( ناظر لفرح) خلاص مسافة الطريق ........... لا لا تحاتي ...... مع السلامة
فرح ( توقف بخوف) : يبه خير
أم خالد : علامك
أبو خالد : محمد اختفى
فرح ( بصدمه) : ايييييييش
أبو خالد : هذا اللي حصل محمد صحوا الصبح ما هو موجود بغرفته
فرح( رافضه تصدق) : مستحيل
أبو خالد : المستحيل أن شنطته ما هي موجودة وأكثر أغراضه مختفية
فرح( تجلس بصدمه) : يعني هرب حلف يخليني معلقه ولا يطلقني سواها
ميثه( تجلس قريب منها تواسيها) : فرح اهدي يمكن في بيت أخوه ولا واحد من أصحابه
فرح( تبتعد وتمسك يد أبوها و هي تبوس يده وتبكي) : طلعه من تحت الأرض تكفه يا يبه أنا ما ابغاه ابغاه يطلقني بعدين يروح وين ما يكون
أبو خالد : اهدي يا فرح بروح أشوف ايش صاير في بيت عمك
أم خالد( بخوف) : انتظرني بروح أجيب عباتي وأروح معاك أكيد أم وليد قلبها متولع على ولدها
أبو خالد : بنتظرك يالسياره لا تتأخرين
أم خالد : وضحه ميثه انتبهوا لفرح
وضحه : حاضر يا عمه وطمنونا عليهم
أم خالد ( تتجه لسلم) : أن شاء الله يالله سترك يالله سترك
فرح( تهمس وهي مستنكره فعله وتبكي ) : نذل سواها ليه ليه أنا ايش سويت له
وضحه ( تقوم وتجلس جنبها وتمسك يدها ) : فرح اهدي
ميثه : فروحتي كل اللي تبغين بيصير بس اهدي
فرح( تنزل دموعها وهي تناظر لهم) : محد يفهم محمد كثير قال كلمته ولا صدقته بخليك معلقه
وضحه ( خافت عليها) : فرح عمي قال بيتصرف وفهد وخالد ما راح يتركونك تنزلين دموعك كذا
فرح ( اشرت لنفسها وهي تصرخ) : معلقه ليييييييييه طيب ااااااااايش سويت راااااااااااعيته وحبيته يهدم حياتي ليه صعب يقوووووووووووول طلقتك صعب
ميثه : يا فرح يمكن ما قدر يجلس بالبيت وفضل يروح لاخوه ولا احد أصحابه خلينا ننتظر
وضحه : أي خلينا ننتظر يمكن لما تجي الساعة 10 موعدكم بالمحكمة يكون هناك
فرح ( رفعت رأسها لفوق ودموعها على خدها) : ياااااااارب ارحمني مااااااااااا عدت أتحمل تعبت أفكرررررر تعبت من الخوف تعبت من حبه تعبت من حبه ياااااااااااارب شيل حبه من قلبيييييي
وضحه ( دمعة عيونها وضمت فرح لها) : حرام عليك اهدي والله ما يستاهل دموعك
ميثه ( توقف) : بجيب لك مويه
فرح ( تبكي وهي تهمس ) : ليه حرام عليك تعذبني وتتركني مع جروحي اللي تنزف ليه يا محمد حرام آآآآآآآآه يا قسوتك آآآه يا يمه حرام الطعن بالميت حرااااااام
وضحه ( بكت وهي تتألم من انينها وبكاها) : ......................
فرح تحس بالقهر تحس بالألم والضياع خوف بقلبها ما تعرف ليه هل هو خوف أن ما يطلقها ولا خوف على محمد وينه البنات رفضوا يخلونها لوحدها وهي تطلبهم تبغى تروح غرفتها تختلي بنفسها خافوا عليها والخوف تملكهم فرح منهارة واقرب للجنون من التفكير في محمد تكابر بس واضح بعيونها على قول خالد عيونك تفضحك يا فرح
يـوم دربـك عن " حضـن دربـي " .. يشـوح
مـا - وقـف نبــض الخطــاوي ! و رجـعـِّك
ويــن أودِّي خــاطري ، عــن هـ الجـروح
لو يضيــق الكـون و |.. آشتـــاق أسمـعك
{ من عطـآك الحــق .. تنســانـي و تروح ؟! }
وتــآخذ الدنيـَّا بــ مجملهـــــا .. / معــك
---------------
|
07-07-12, 05:24 PM
جديد مواضيع قسم القصص المكتمله
العرض العادي
