كاتب الموضوع :
dali2000
المنتدى :
القصص المكتمله
76
-------------------
مي ( بلعت ريقها وهي تسمعها تقول ادخلوا دخلت بتوتر قربت وسلمت) : السلام عليكم
الجدة ( تبتسم وهي تشوفها مدت يدها ومي مدت لها يدها ) : وعليكم السلام بسم الله ما شاء الله حلوه يا مي محد قالي أن القمر بيطلع بدري
مي ( ناظرت لعذاري وابتسمت بحياء) : عيونك الحلوة
عذاري : لا تتغزلين فيها ترى في ناس تغار
الجدة : هههههه أي والله يغارون حتى من النسمة لو لامست خدها أغار منها على قولت عبدالله
مي (نزلت نظرها للأرض وودها لو تختفي من قدامهم ) : .........
الجدة ( تشوف جوالها يرن ابتسمت) : تقدرين تروحين وخلي مي
مي ( تناظر لعذاري اللي تلبس جلالها وتغمز لها) : خذيني معاك
الجدة ( تطبطب على يد مي بحب) : اجلسي
عذاري ( تقرب وتبوس خد مي) : سوري
مي ( ما هو فاهمه شيء تتلفت ) : عذاري
الجدة ( تسمع ضرب الباب وزادت ابتسامتها) : ادخل
مي ( ألتفتت للباب وهو ينفتح في قلبها) : لا ياربي عبدالله لا لااااااااا
رمشت بعيونها وهي تشوف اللي يدخل بلعت ريقها ووقفت ......
عذاري ( تقرب وتبوس رأسه) : حياك عمي محد غريب غير
الجدة : حي الله أبو عبدالله
مي ( فهمت أن هذا عمها أبو زوجها) : ...............
أبو عبدالله ( يشوف مي ويبتسم) : يحييك يمه ما تبغين تسلمين علي يا مي
مي ( استحت أول مره تشوفه قربت وباست رأسه) : السموحه منك
الجدة : عذاري خليهم يجيبون لنا شيء نشربه
عذاري : حاضر
أبو عبدالله ( يجلس على كرسي) : اجلسي وأنا أبوك
مي ( ناظرت للجدة اللي تأشر على طرف السرير وجلست) : ...........
الجدة : مثل ما وعدتك أنت تشوفها أول إنسان
أبو عبدالله ( يناظر لمي بإعجاب) : والله يا زين ما ناسبنا ويا حلو ما اخترنا لولدنا مي كيفك
مي : بخير وأنت كيفك
أبو عبدالله : بخير بسم الله ماشاء الله ( ناظر أمه) ما شافها
الجدة : ههههههههه لا
أبو عبدالله : تراه ما يعرف أني دخلت ههههههههههههه
الجدة : لو يعرف حطك عذر
مي ( نزلت رأسها مستحيه من نظراتهم وكلامهم ) : ..................
أبو عبدالله : تصدقين يا مي ( شافها رفعت النظر له) انك تدخلين القلب مع أني ما أعرفك ولا عمري شفتك يا بنتي بس ما ألوم ولدي فيك
الجدة : مي زينت البنات
أبو عبدالله : والله يمه لو تشوفينه
الجده : اليوم يقول لي اقدر اشوفها قلت هذا عشاء مو ملكه وش يدخلك لداخل
ابو عبدالله ( ناظر لمي بحب ابوي) : هذا يسمع فيها صار حالته حاله اجل لو يشوفها وش يسوي انا شفتها وخطفت قلبي كيف بولدي الصلب بس قلبه قلب طفل
مي ( نزلت نظرها وهي تكتم ضيقه بقلبها في نفسها ) : أحس بكره لنفسي هم طايرين فيني وفرحانين بشوفتي وانا كارهه وجودي هنا احس بضيقه وانا اعرف ان ما يفصلني عنه شيء خايفه أي خايفه يسوي حركه ويجبروني اجلس معاه او اشوفه وانا احس بضيقه من تفكيري تكفون لا تقولون كذا عني انا ما استاهل مدحكم وكلامكم
ﺳھل ﺂﻟﭠﻣﻧي . . [ ﺑسَ ]
. . . ﺻﻋ̃بٍ ۆﺻۆﻟہَ .
يَ ڕبّ . .
ﺳخر ﻟنإﺂ / ﻣ̵ن حظۆظ
اﻟ̲دُنيآ - مَ تعلم
آنھ خيہڕُ ﻟنإﺂ ♡
مي تحس بإحراج منهم وكلامهم ومدحهم وتحس بالحب الموجه لها وكلمه تتردد نحبك من حب عبدالله وكلمه كل ما عبدالله يحب شيء كلنا نحبه دمعتها بطرف رمشها لا تنزل كيف يتكلمون كذا معها بمودة واحترام وحب ومدح وهي متاكده أن يعرفون رفضها لولدهم شيء واضح وأكيد عارفين ليه يتعاملون معها كذا ويراعونها تتمنى يقولون لها ليه ترفضين ولدنا أنتي يحصل لك مثل عبدالله أنتي ما هو من مستواه أنتي ما توصلين لجماله وثراءه أنتي ولا شيء عنده حمدي ربك اختارك من بين كل البنات
حست بالراحة للجدة وحست براحه أكثر لعمها تتأمل وجهه ما يشبه صورة عبدالله اللي معلقه بالصالة ما تتمنى تطلع من الغرفة ولا تشوف احد بس تتمنى تجلس معهم قلوبهم كبيره وكلها حب تحس بحنان أبو عبدالله وتحس بحبه وطيبته وجهه بشوش
--------------------
في بيت اهل عبدالرحمن ..
غاب يمكن …..
بس ترك روحه وغاب ..
عطره إللّي ساكنٍ أقصى الوريد
صوته إللّي عن سَمَايا مايحيد
غاب لكن ظَلّ حُلمي في لِقَاه ..
ينولد كل ليلة من جديد
سحر جالسه في غرفتها الخاصه في بيت اهلها بعد ما كانت جالسه معهم رن جوالها وكان المتصل عيسى وفضلت تكلمه لوحدهم لان عيسى معصب طلعت غرفتها وهي تتكلم
سحر : اهدى يا عيسى
عيسى : كيف ما تقولين لي
سحر : يا امك وش تبغى تسوي
عيسى : أخذها
سحر ( شهقت) : وووووش
عيسى : أي اخذها اتزوجها واسافر فيها ابعدها عن خوالي وعن حياتهم وان ما تهدم حياتهم وتخربها
سحر : تهدم حياتك على حساب الناس
عيسى : يمه ليه اهدم حياتي قال رسول الله صلى الله عليه وسلم :" يامعشر الشباب من استطاع الباءة فليتزوج فانه اغض للبصر واحصن للفرج ومن لم يستطع فعليه بالصوم فانه له وجاء".
سحر : انت عارف مشاعل صح اكبر منك تقريبا بسنتين بس ما يخفى عليك طبعها صفاتها ما يخفى عليك كرهي لها تبغى ازوجها ولدي عن ابن ماجه عن رسول الله (ص)انه قال "تخيروا لنطفكم فان العرق دساس " وانا اعرف فيك بمشاعل وعمتي لا يا عيسى مستحيل
عيسى : اجل عاجبك اللي جالس يصير حياة خوالي اللي انقلبت فوق تحت وجدتي اللي كل شوي تعبانه من التفكير وجدي اللي كل شوي معصب
سحر : انا بفهم من قال لك انا محذره محد يقول لك
عيسى : ليه ما تبغين اعرف ماني ولدك اشاركم بكل اموركم
سحر : إلا ولدي بس انا ما ابغى شيء يأثر على دراستك وعلى نفسيتك
عيسى : ما يأثر علي
سحر : من قال لك اكيد ود صح
عيسى : أي اتصلت تبكي علي ما تبغين تقول لاخوها وتشكي له
سحر : تبكي ليه ابوها اللي يبغى يعرس
عيسى : لا عشان خالها سيف
سحر : عيسى قول لي الصدق ولا ترى بنادي ود واسألها وش سر تعصيبك وطقك الصدر تبغى تخطبها
عيسى : .................
سحر ( بهمس له) : فجر
عيسى ( تنهد بحزن) : أي فجر كانت تكلم ود وتبكي ما تتخيل ان ابوها يتزوج على امها وود جلست تبكي وبنفس الوقت اتصلت وسألتها رفضت تقول بس انا اصريت عليها وقالت لي
سحر : يعني عشان دموع فجر ترمي نفسك بالنار
عيسى : أي
سحر ( صرت على ضروسها) : عيسى اعتقد موضوع فجر خلص وهي بنت متزوجه يعني انسى
عيسى : ادري متزوجه بس ما اتمنى اشوفها متضايقه
سحر : عيسى عيب والله عيب انت وش لك فيها تتضايق ولا تفرح يا امك حرام عليك اللي تسويه في نفسك تظن ما ادري انك تسأل ود عنها وعن اخبارها
عيسى : اطمئن عليها
سحر : بصفتك ايش ( انتظرت دقايق يجاوبها واهو ساكت) انت ما تطمنت على هاجر او حتى على خالتك خلود
عيسى : كلهم مهمين لي
سحر : بس فجر غير صح
عيسى : صح صح لا تلوميني ما اقدر يا يمه ادري متزوجه والله ادري بس ما اقدر انسىىىىىىى حسي فيني
سحر : وانت حس على عمرك حرام تفكر فيها وهي على ذمت رجال
عيسى ( بألم ) : مو موضوعنا هذا موضوعنا مشاعل ابغى تقولين لجدي ينتظرني يومين بجي وانا بملك عليها
سحر ( بعصبيه) : انت تبغى تجلطني
عيسى : ليه اجلطك مو بعد ما اعرست فجر تقولين لي اعرس وانساها مع زوجتك الجديده ابدأ حياتك بعيد عنها مثل ما هي بدت حياتها بعيد
سحر : بس مو مشاعل مو هي وبعدين ابوك كلمك عن بنات عمك رفضت بنات عماتك وحتى اصدقاءه رفضت قلت لا ما ابغى اعرس ألحين حلى بعينك العرس
عيسى : يمه ألحين شيء وقبل شيء
سحر : عشان فجر بكت عشان فجر تضايقت عشان فجر صح ولا لا لو تبغى العرس تبشر من بكره اخطب لك لك مشاعل لا قال رسول الله صلى الله عليه وسلم :"لا تزوجوا النساء لحسنهن فعسي حسنهن ان يرديهن , ولا تزوجوهن لاموالهن فعسي اموالهن ان تطغيهن ولكن تزوجوهن علي الدين ولأمة خرماء ذات دين افضل ." مشاعل ما تستحي ولا تخاف الله كل شيء عادي عندها لا تعرف تتغطى وتقول حرام ولا تعرف تستحي وتقول عيب لا
عيسى : ليييييييييييه
سحر : بسبب فجرررررر لا يا عيسى انت ولدي اعرفك يا امك مو كذا لا يا عيسى
عيسى : انا اتصل على ابوي واقول له
سحر ( بعصبيه وقفت وهي تصر على ضروسها) : سوها وهذاني احلف لك ان خطبت مشاعل ولا تكلمت بالموضوع انك منت ولدي حتى عزاء لو مت ما توقف فيه
عيسى : يمه افهميني
سحر : افهم انت فجر تحرم عليك حرمت اختك ود فجر تزوجت وحامل وفرحانه بحياتها انت ليه تحب الشقى والهم رضيت ببعدك وسفرك واحسها نار بقلبي عشان تقدر تنساها تقول لي ما اقدر ليه اجل تغربة وقلبي تغرب معاك خالك سيف راح يملك المغرب عليها وسوالف اللي هنا مالك دخل وانا اعرف كيف اتصرف مع اللي تنقل لك السوالف
عيسى : يمه ود مالها دخل
سحر : وووود هي السبب انا غفلت عنكم وود تظن ان صح تسولف لك عن فجر وهذا اكبر غلط لان كل ما تكلمت اكثر عنها حلت بعيونك وصرت تفكر ان الحلال حرام وانت عارف ان ما يجوز تتكلم عنها قدامك لا ما قلت لاختك عيب وهذا اكبر غلط شجعت اختك تنقل اخبارها
عيسى : تكفين يمه لا تحرميني من اخبارها مثل ما هي حرمتني منها
سحر : اصحىىىىى ولا اقول لك انا بقول لابوك يحجز لي اقرب طياره بسافر انا وهو
عيسى : ليه وين بتسافرين
سحر : لك عشان اعلمك الصح من الغلط ولكن والله لاربيك انت واختك واعلمكم الطريق الصح وان فجر طلعت من حياتك ولازم ترضى باللي جاي
عيسى : وش قصدك
سحر : ممنوع تتواصل مع ود إلا بحضوري ممنوع النت ممنوع الجوال عليها
عيسى : تحرميني من اختي
سحر : احرمك من الوسيله الوحيده لنقل اخبار ود اخطت ولازم تتعلم الصح مهي طفله بنت عمرها صار 16 سنه تعرف ان غلط وتعمله وانت جنيت على اختك سكت ولا قلت لها عيب
عيسى : انا الغلطان هي لا
سحر : كلكم غلطانين وانا اولكم لاني ما انتبهت لها تقريبا شهور متزوجه ولا قدرت تنساها لكن لك عهد مني لتنساها يا ولد بطني لانك مو فاهم ان حرام وان ينكتب عند الله ذنب ياولدي ليه ما ترضى بنصيبك فجر راحت في نصيبها قال ابن عباس رضي الله عنهما: "يكتب من أم الكتاب في ليلة القدر ما يكون في السنة من موت وحياة ورزق ومطر حتى الحجاج يحج فلان ويحج فلان "
عيسى : بفهممممم ليه ترجعين لموضوع فجر
سحر ( زادت عصبيتها) : لانك ما تنسى لانك منغمس بتفكيرك فيها وهو حرررررررام هذا الموضوع زاد عن حده وألحين ما ابغى اتكلم معك دام تفكيرك كذا
عيسى : يمـ.
سحر ( ما عطته مجال وسكرت الجوال وهي معصبه بوجهه ) : استغفر الله يارب لا تغضب علينا
زفرت بعصبيه فتحت باب غرفتها وطلعت لسلم تناظر لهم تحت امها والكل موجودين
سحر : ووووود
ود ( رفعت نظرها لامها ) : هلا ماما
سحر : تعالي
ود ( ناظرت الكل وهي مستغربه عصبيه امها اتجهت للسلم وصعدت دخلت غرفة امها ) : هلـ..
سحر ( ما عطتها مجال وهي تسحبها من زندها وتسكر الباب وبعصبيه) : انا ما قلت لك مالك دخل بعيسى وفجر
ود ( بلعت ريقها بخوف) : وش فيه
سحر ( هزتها بعصبيه ) : تقولين لاخوك عن اخبار فجر ليه وش صفته بحياتها
ود ( دمعة عيونها بخوف) : هو يسألني
سحر : وانتي طفله ما تفهمين ان غلط قووووولي لي
ود : هو يعصب علي يقول كيفها وتغيرت ولا لا ( نزلت دموعها) حرام يكسر الخاطر
سحر : عساك لكسر الراس انتي واخوك ما تستحين ما تخااااااااافون الله
ود : ماما اوجعتيني
سحر : مسكتي اوجعتك اجل عقاب الله عليك شديد توصفين بنت محرمه لاخوك تنقلين اخبارها هي وزوجها له مو حرام ( دفتها بعصبيه عنها ) هذا مو الله يعاقب عليه ما يجووووووووز
ود ( ابتعدت وهي تبكي ) : والله ما اقصد
سحر : وين جوالك
ود : ليه
سحر ( بعصبيه اشرت لها) : جييييييبي الجوال
ود ( تطلع جوالها من جيب البنطلون ) : ماما ايش فيك
سحر ( تغلق الجوال بعصبيه تخزها ) : بعد اليوم لا جوال ولا انترنت ولا تواصل مع عيسى ولما ارجع للبيت تجيبين اللابتوب لعندي
ود : ليه طيب
سحر : لين تعرفين ان فعلتك غلط وبشرع الله حرام من اليوم بعلمك الدين من جديد واخوك انا بتصرف معاه ( رفعت اصبعها بتهديد لود ) وحسك عينك اشوفك تنقلين له خبر عن فجر فاهمه مهما سألك حياة فجر وزوجها خط أحمر فاااااااااااااااااهمه
ود ( ترتجف بخوف وهي تبكي ) : حاضر
سحر : اللي صار بينا ما ابغى احد يعرفه عشان ما تطيحين من عين اللي يحبونك وألحين انقلعييييييي من قدامي
ود : بس ماما
سحر : براااااااااااااااااااا
طلعت ود تبكي لغرفتها وسحر تحس جسمها نار وترجف من العصبيه كيف ما انتبهت لهذا الامر حتى وهو بعيد يفكر فيها ولا قادر ينساها لازم تتصرف حال ولدها مو عاجبها ما قدرت تنزل أكيد بيحسون قررت تبقى لين تهدأ
---------------------
في بيت سالم ..
في غرفة سالم اللي نايم من التعب ولا حاس بالوقت وان دخلوا على المغرب وللحين نايم ومتحضن الوسادة يحس بيد على شعره تلعب فيها وريحة عطر قويه حلوه يظن أن حلم بس أنامل ناعمة تمسح على خده بعذوبة ورقه وتلمس رموشه الطويلة
سالم ( يفتح عيونه بشويش) : حلم ( سمع ضحكه يحبها فتح عيونها أكثر) حوبي أنتي
ليالي : هههههههه كسول
سالم ( مسك يدها اللي تمسح خده وباسها وابتسم) : أنتي حقيقة
ليالي : لا حلم بعدك نايم ههههههه
سالم ( يفتح فمه ) : بعضك عشان اتاكد
ليالي ( تحاول تسحب يدها بخوف يسويها) : لا لا لااا أنا حقيقة
سالم : فديت الحقيقة إذا كل حقيقة حلوه كذا
ليالي : متوحش تبغى تأكلني
سالم ( يتعدل ويحط المخدة خلف ظهره ويتأمل يدها) : قشطه ما شاء الله
ليالي : ههههههههه ( مدت يدها فوق يده ) قشطه وشوكولاته
سالم : متى وصلتي
ليالي : من ساعة تقريبا
سالم : مع من
ليالي : أمي وأمي حمده تحت يتحمدون لسمر على السلامة قلت أسوي لك مفاجئه وأروح معاهم شفت جدي وعمي فهد جلست معهم تقريبا نص ساعة وطلبوني اصحيك
سالم : وأنتي ما صدقتي
ليالي : طبعا هههههههههههه
سالم : تأخرت عليك
ليالي : بصراحة أي وخفت عليك ما ترد على جوالك
سالم ( يناظر جواله ) : الظاهر سايلنت حطيته
ليالي : اتصلت وكلمت سمر قالت انك نايم وأنا عارفه انك ما هو نايم البارحة
سالم ( يمسح وجهه واهو يحس بالتعب) : أي
ليالي : أسفه تعبتك تدور ناصر
سالم ( ابتسم) : تعبتك راحة ( وقف واخذ منشفه) بغسل واصلي لا تروحين اوكي
ليالي : طيب بس ترى بتعبث بغرفتك
سالم : الغرفة وراعيها تحت أمرك
ليالي ( تبتسم بحب له) : يسلم لي الراعي والله
ليالي شافت الغرفة فوضويه حبت ترتبها وتعزل الملابس النظيفة عن الوسخة فكت الشبابيك عشان تتهوى الغرفة وهي ترتب غطاء السرير شافت الجوال يضوي واهو سايلنت قربت وشافت الاسم
ليالي ( مسكت الجوال وهي تعقد حواجبها من الاسم وبهمس) : ساره
سالم ( طلع من الحمام واهو ينشف شعره وشافها سرحانه قرب بخبث وعند أذنها صرخ) : لوووووولووووو
ليالي ( فزت من الخوف وطاح الجوال منها) : بسم الله
سالم : هههههههههههههههههههههههههه روعه
ليالي ( تضربه بعصبيه على كتفه) : كنت بموت من الخرعه
سالم : بسم الله عليك هههههههههههههههههههههههه
ليالي : حسبي الله على عدوك ( أخذت نفس) بسم الله
سالم : شفتك سرحانه هههههههه
ليالي ( تنزل تأخذ الجوال وتمده له) : ساره
سالم ( حس بنظراتها ويعرفها غيوره) : وإذا
ليالي : كلمها بعدين لي كلام معاك
سالم ( رفع حاجبه واخذ الجوال ورماه على السرير) : ما هو مهم اكلمها بعدين
ليالي ( كتفت أيديها وصدت عنه) : لا والله بصدق
سالم : علامك
ليالي : أنت عارف
سالم ( يقرب لها وهي صاده عنه) : اعرف انك غيورة وشكاكة أصلا كل نسل سالم من البنات غيورات مسكين جدي لا بنات ولا حفيدات مريحات أزواجهم والسبب غيره
ليالي ( تطالعه وهي تخزه بطرف عينها) : يعني لو تركنا لكم الخيط والمخيط ما كفانا شر عيونك اللي تناظر هنا وهنا
سالم : إحنا
ليالي : لا بسم الله عليكم يا أحفاد وعيال الجد سالم
سالم : عيونا حلوه وتعشق كل حلو
ليالي : كثر الحلو يجيب السكر
سالم : ههههههههههههههه
ليالي ( شافت الجوال يضوي مره ثانيه): أقول كلمها لا تموت بنزل تحت أنا
سالم ( مسك يدها قبل تروح ) : تعالي
ليالي : خير
سالم : الخير بوجهك ألحين نضحك ونتغزل ببعض بس شفتي اسمها قلبتي علي 180 درجه
ليالي : أنت عارف أني أغير عليك وساره للحين ما نسيت هي كانت تتمناك
سالم : تتماني هي بس أنا أتمناك أنتي بعدين ساره بنت مخطوبه وقريب زواجها
ليالي : وليه تتصل فيك للحين يعني خلاص تنقلع ما هو تبغى تتزوج ليه لزقه فيك
سالم : فديت الحب هههههههههههههه
ليالي ( تصر على ضروسها) : سلووووووووم
سالم( يجلسها جنبه غصب عنها) : اجلسي بس
ليالي : ما ابغى
سالم : لا تخليني أجلسك غصب وأنتي فاهمتني يا تجلسين جنبي يا تجلسين
ليالي ( قاطعته وهي فاهمته ) : اجلس هنا أنا ما هو بزر
سالم ( يحاوط خصرها بيديه) : أحلى بزر بعدين ساره ما عمرها أشغلتني عنك بس أنتي تعرفين أني ماسك شركة أبوها هنا بعد ما وكلني بكل شيء وهي استلمت شركة بريطانيا ولازم تتصل لان في كثير صفقات وعقود بينا
ليالي : تتصل دايم
سالم : لا
ليالي : كذاب
سالم : طالعي عيوني وهي تقولك
ليالي ( صدت عنه بنظراتها) : عيونك مالها أمان
سالم : افاااااا
ليالي : والله
سالم : ليه
ليالي( تبتسم وهي صاده عنه) : من أطالع لها أضيع ومن اتاملها اغرق في بحرها
سالم ( مسك وجها بحنيه ولفه له) : لا تصدين بعيونك بعدين عيوني ما قالت أني احبك ما شفتي اسمك فيها
ليالي : أنت تأخذني بالكلام الحلو وتنسيني ساره
سالم : ههههههههه أنا أقول لك وابصم لك أنتي بس لي وأنا لك ولا 10 من ساره تأخذني
ليالي : طيب سؤال
سالم : لولو
ليالي ( تأشر بأصبعها ): صغنن سؤال
سالم( قرب بيعض أصبعها) : باكله
ليالي ( سحبت أصبعها) : وحش
سالم :هههههههه طيب قولي
ليالي : كم مره تتصل هي عليك هاه وأحلفك تقول الصدق
سالم : يعني لو بحلف لك بتصدقين
ليالي : أي قول وما عليك
سالم : ولا مره
ليالي ( عقدت حواجبها) : ايش يعني
سالم : من ملكة عليك اتصلت مره وباركت لي وبس
ليالي ( أشرت للجوال) : هذا ما هو اسمها
سالم : أي بس هذي ساره غيره
ليالي ( بصدمه وقفت وهي تشهق) : سااااااااااره ثاااااااااااانيه
سالم ( مسكها قبل تطلع بقوه) : هيييييييه علامك
ليالي ( دمعتها نزلت وهي تضرب يده بعصبيه) : اتررررررركني تخوني وبكل وقاحة مسجل اسمها ساره يعني ساره الأولى غير الثانية
سالم : هبله أنتي
ليالي ( بعصبيه) : هبال يصيبك وبكل برود تقول هذي ساره غير ايش سويت فيك تجرحني وتعرف غيري أنا زوووووووجتك ما هو لعبه عندك
سالم : افهمي هذي ساره أي غير
ليالي : اتررررررررركني
سالم ( رمها على السرير وثبت أيديها بأيديه يمنع حركتها صر على ضروسه) : اهدي ولا تفضحينا واسمعي لنهاية
ليالي ( تحاول تبعده وبعناد ) : مااااااااا ابغى أنا كنت شاكه من تغيبك عني وبرودك من ناحيتي وقلت اهتمامك فيني الواضحه وانشغالك حتى وأنت معاي بالتفكير شاغله بالك الحقيرررره أي دايم مالك أمان واعرف انك تحن للماضي ساكتة عن سفراتك لبريطانيا تظن أني مصدقه انك تروح لشغل وأنت ميت عليها كذاب دايم تكذب دامك تبغاها ليه حفيت لين وصلت لي ليه خطبتني وتزوجتني كان ممكن ارجع لزوجي الأول ولا اقبل فيك لو عرفت نواياك كذا تضمن أني لك وتلعب من وراي بالحب القديم
سالم ( حط يده فوق فمها بعصبيه طالع لها) : اشششششش واستحي على وجهك تقولين ألقاب زي كذا وتضنين السوء بالناس
ليالي ( نزلت دموعها على خدها وهي تناظر له ويده على فمها للحين) : ......................
سالم ( مد يده للجوال اللي للحين يضوي وفتح السبيكر) : ألو
............ ( بعصبيه) : ووووووووووووجع زين لي ساعة اتصل
ليالي( انصدمت وهي تسمع الصوت) : .....................
سالم ( بعصبيه) : كل تبن وسكر
ليالي ( أبعدت يده لما ارتخت عنها وبلعت ريقها بهمس) : ناصر
ناصر : علامك شنو هالأسلوب
سالم ( يجلس واهو معصب) : خلصنا مالي خلق شيء
ناصر : لا يكون سويت شيء بأختي ولا يمكن أختي ذبحتك أو صار لك عاهه اعرف أختي راضعه مع تايسون
سالم( يناظر ليالي بطرف عينه وهو معصب) : أختك كرهتني بكل شيء
ليالي ( تعدلت بالجلسة وهي تناظر له ودموعها على خدها) : سالم
ناصر( تعجب من صوتها) : علامها شكلها تبكي ما ضبط المقلب
سالم ( يوقف ويلبس ثوبه) : لا قايل لك من الأول بس أنت ما تفهم قفل الجوال بعدين أكلمك
ناصر : طيب كلمني لا تقفل
سالم ( يأخذ شماغه ويرمي نظره على ليالي عتاب وألم من كلامها ) : بشوفك بالأستراحه بعد نص ساعة باي
ناصر : سالـ.
سالم ( ما عطاه فرصه وسكر الجوال) : ................
ليالي ( تشوفه يتجه للباب وقفت قدامه) : ما تروح
سالم : ليالي ابعدي عني
ليالي ( زادت دموعها وبنظرات ترجي) : أسفه بس ما تطلع كذا زعلان مني
سالم ( يمسكها من كتفها ويبعدها) : خليني اطلع قبل أنتي تزعلين من كلامي
ليالي ( تعاند وترجع توقف على الباب) : زعلني بس لا تزعل أنت كل الناس تزعل بس أنت لا
سالم : ما هو زعلان بس ممكن اطلع
ليالي : لا
سالم : ليالي
ليالي : ما فيه عاتبني اصرخ قول أي شيء بس لا تسكت وتطلع كذا
سالم : أنتي كفاية اللي قلتي ما يحتاج أقول شيء طلعت كذاب وعيوني زايغه وخوان وايش كمان لو عرفتي أن نواياي كذا كان رجعتي لرجلك الأول مشكورة انك ذكرتيني
ليالي : والله ما اقصد وليت لساني انقطع ولا قلت كذا بس أنا أغار عليك ويمكن غيرتي تنسيني أشياء وتخليني أتهور بالكلام
سالم : غاري محد قال لا تغارين بس ما هو تجرحين كذا ولازم الماضي يرجع واوصي عبد الله بن جعفر بن ابي طالب ابنته فقال : "اياك والغيرة فانها مفتاح الطلاق , واياك وكثرة العتب فانه يورث البغضاء "
ليالي : ما أكررها بس لا تطلع زعلان
سالم ( يصد عنها) : ليالي
ليالي : بليز سالم والله أسفه ( وقفت قدامه ورفعت نفسها وباست رأسه) أسفه
سالم ( استغرب حركتها) : ايش تسوين
ليالي : اعتذر منك
سالم : أبوك تبوسين راسي
ليالي : عادي
سالم : أنا زوجك ما هو أبوك تبوسين راسي باقي تبوسين يدي بعد
ليالي : احترام لك وقدرك كبير أنت زوجي وعن أبي هريرة عن النبي صلى الله عليه وسلم قال : { لو كنت آمرا لأحد أن يسجد لأحد لأمرت المرأة أن تسجد لزوجها }
سالم : يعني معترفه انك غلطانه
ليالي : من راسي لساسي
سالم : ولازم تراضيني
ليالي : باللي تطلبه بس المهم ما تطلع زعلان علي
سالم : اللي اطلبه
ليالي : اللي تطلب
سالم : أول شيء أنا زوجك ما هو أبوك صح
ليالي : صح
سالم : اجل لا تبوسين راسي ( أشر على خده وابتسم بخبث) هنا
ليالي ( استحت) : بس
سالم : بطلع زعلان بعدين قلت خدي شوفي خدي ما أشرت على امممم
ليالي ( قربت وباست خده بسرعه وابعدت) : رضيت
سالم : ما أرضى من بوسه
ليالي : لا تقول بعد تبغى
سالم : ما ينعاف منك بس لا هههههههههه
ليالي : اجل
سالم ( مسك يدها وباسها ) : وعدتيني مره تطبخين لي كبسه ومن ملكنا ولا مره أكلت من أيديك
ليالي : للحين فاكر
سالم : لبكره هاه موافقه
ليالي : يعني الكبسه ترضيك
سالم : يرضيني انك تحاولي على رضاي
ليالي : موافقه
سالم : اليوم
ليالي : بس
سالم : اليوم
ليالي : واهلك
سالم : علامهم
ليالي : ما هو على أساس نتعشى عندهم اليوم
سالم ( يضرب جبينه) : يؤؤؤؤ نسيت
ليالي : نأجلها
سالم : لا ايش نؤجل إحنا فيها تطبخين هنا
ليالي : تمزح صح
سالم : لا ليه
ليالي : اطبخ هنا عيب
سالم : أول بيت عمك وبيت زوجك ايش العيب
ليالي ( تناظر لنفسها بحسره) : كل هالكشخه واطبخ حركه ما اقدر أتحرك واخذ راحتي
سالم : أعطيك بجامه من عندي
ليالي : لا والله ههههههههههههههههه
سالم : ابغى كبسه تصرفي
ليالي : لا تصير عنيد بكره لك وعد
سالم : اليوم ولا ترى بطلع الأستراحه هندي الأستراحه يسويها
ليالي : وأنا
سالم : ايش فيك تبغين أجيب لك من كبسته
ليالي : ليه مفجوعه اقصد اجلس مع من والكل يعرف أني اليوم بكون معاك
سالم : أنتي معاي
ليالي : ألحين بتطلع لأستراحه شنو بيقولون أصلا ببرر بشنو لو شافوك تطلع وتاركني
سالم : قولي لهم عن طولت لسانك وايش قلتي ويعذروني ما هو اطلع بس اهرب
ليالي : ما راح تسامح يعني
سالم : كبسه
ليالي : ببيتنا ولك أحلى سلطه تحبها بسويها لك بس ما هو هنا
سالم : هنا واليوم
ليالي ( تقرب له وتلف أيديها حول رقبته بدلع) : سوسو حبيبي أنت بكره
سالم ( حاوط خصرها وابتسم) : لا تلعبين بعقلي قرري الشباب ينتظروني تسوين بجلس تقولين بكره بقول بطلع اليوم وبكره أزورك بالبيت
ليالي : بليز شوف لبسي والله صعب واخوانك هنا عيب
سالم : لولو ما فيه وإذا على لبس في بجامتي ولا إذا رافضه اللي لبست عندي جديدة وأخواني ما هو هنا إبراهيم أصلا في بيته نادر يجي عشان عياله وفيصل أكثر وقته عند أهل زوجته
ليالي : سلومي
سالم ( يبعد أيديها عن رقبته) : اجل باي
ليالي ( تمسك يده) : لحظه خلاص
سالم : ايش
ليالي : موافقه
سالم : بجامتي
ليالي : فشله اخذ من سمر
سالم : لا أنتي زوجتي ولا تتقززين من ملابسي
ليالي : لا بس كيف انزل ببجامتك ايش بيقولون
سالم : ايش بيقولون لو عرفوا ايش قلتي لي
ليالي : اعوذ بالله ما تنسى
سالم : أبدا
ليالي : موافقه والله يعيني على سمر وتعليقاتها
سالم ( ابتسم) : احلفي
ليالي : والله
سالم : بجامتي وتطبخين وتنزلين فيها
ليالي : أي عشان رضاك
سالم : والله
ليالي : والله عشانك أسوي أي شيء
سالم ( يضمها بحب) : فديتهااااااااااااااااااااااااا حبيبتي أنتي
ليالي : ههههههههه علامك
سالم : كسبت
ليالي : ايش
سالم ( يبعدها ويرفع الجوال) : ألو كسبت ولا لا
ليالي ( عقدت حواجبها) : سالم
سالم ( يفتح السبيكر ) : هههههههههههههههههه أنت راهنت على أنها توافق ما هو تسويها
ناصر : عز الله انك طايح على كنز ترى أختي ذهبه هههههههههههههه
ليالي ( غمضت عيونها واستحت كثير من سمعت ناصر) : اوووووبس
سالم : جهز الرهان 5 آلاف ريال
ليالي ( فتحت عيونها بصدمه وهي تطالعه) : رهااااااااااااان
ناصر : والله يا ليالي انك كفو بس حلوه لما قلتي سوسو حبيبي أنت بكره الرومنسيه 100% عندك بجامته ووووووع
سالم وناصر : هههههههههههههههههههههههههههه
ليالي ( ناظرت لسالم وبعيونها قهر منه ماسكه نفسها لا تبكي وبهمس) : مشكور كل مره تحطني بمواقف محرجه مع أخواني
سالم ( سكر الجوال بوجه ناصر وقرب لها) : حوبي والله مزح
ليالي ( نزلت دموعها ) : هذا ما هو مزح لما يصير شيء بيني وبينك ما يطلع برا عيب بحقك وحقي يمكن أنت عادي بس شنو يكون موقفي قدام اخوي وزوجي يتغزل فيني وأنا اتدلع واضحك ما اقدر أحط عيني بعينه خجل والله
سالم : بس هذا ناصر عادي يعني
ليالي : عندك عادي بس لا تنسى أني أخته اللي يصير بيني وبينك من ضحك وسوالف صعب أسويها قدامه حتى أني بست خدك والله عيب كيف اقدر أقابله اليوم بيقول أختي ولا تستحي تروح لزوجها وتدلع وتبوس وكلام حلو ما تعرف أنت علاقتي فيك زوج وزوجه وناصر اخوي وولد عمك بس مولازم يعرف كل شيء يصير بينا سواء صغير ولا كبير ( أبعدته عنها وفتحت الباب) من اليوم بتكون بينا خطوط وحدود وعشان تعرف أن المزح بيني وبينك ما يطلع لأحد لا سوالفنا ولا كلامنا ولا أي شيء لأني اشك انك تخبي شيء عن ناصر وأكيد إذا طلعت من عندنا تروح تعطيه تقرير عن شنو قلنا وشنو سوينا ااخ يا كبرها
هذا أنـت دآآآآآآيـــ’ــم ٌ ..
. . . . . . . . . . . . تقلب الصحبــہ / خِـنآقْ ..
دايم تغلِى ولا انـا مـا تغليـت !
تركته ونزلت وهي مقهورة دايم متهور يظن كل شيء عادي ولا يعرف الحدود أن علاقته فيها كزوجه ما يعطيه الحق يتكلم مع ناصر عنها حتى لو أخوها وصديق طفولتهم هذا شيء عيب ويحطها في مواقف جدا محرجه سالم وناصر يضنون أن ليالي لازالت طفله وصديقه الطفولة وان الحدود بينهم ما لها معنى هي محو الحديث الدائم وأساس المقالب بينهم ولكن لازم يراعون أن مقالبهم تكون بحدود لما يكونون مع بعض ثلاثتهم يختلف لما تكون هي وسالم سواء الكلام أو التعامل
سالم عض شفته واهو يشوف جواله يضوي باتصال من ناصر ما يعرف ايش يرد عليه صحيح كسب الرهان بس غلط بحقها حطها في موقف محرج كثير نسى أن اللي كانت معاه زوجته وان اللي يصير بينهم محد يطلع عليه سواء قريب ولا غريب هذي أسرار تخصهم اهو عارف حدوده معها ما هو مثل ما هي تظن بس مشكله أن نسى لما كان معها أن في شخص ثالث وبدلعها وقربها وطريقة كلامها اللي تحمله بعالم ثاني عمره ما سولف لناصر عن شيء ولا تكلم لا شنو يقول لها ولا هي شنو تقول عارف أن ما يجوز له
الصبح لما كان مع ناصر تحداه ناصر بعد ما عرف أن ليالي بتروح لهم البيت تتعشى أن تطبخ هي وسالم راهنه أن ما ترفض طلبه أبدا وعشان يؤكد له قال أن بتلبس من ملابسي ما حب تخرب كشختها ولبسها بالزيت والطبخ ناصر كان يضحك ما هو مصدق سالم وسالم كان واثق أن ليالي لا يمكن ترد طلبه ولا كان متوقع أن ممكن ليالي تدلع عليه وتبوسه دايم تستحي وترفض
أغلق جواله ولبس شماغ وعقال وتعطر ونزل
|
07-07-12, 05:22 PM
جديد مواضيع قسم القصص المكتمله
العرض العادي
