لااااااااااااااااااا هههههههههه كان ودي اقرا رساله خلود لجسار الله يصبرني ههههههههه

صباحكم جميل كجمال اجواء المملكه
صباحكم نقي كنقاء ارواحكم المحبه
صباحكم طيب كطيبة يسوري فديته

ايه طيب ولا وحده تعلق جزاه المسكين يبي يتطمن على بنت خاله اليتيمه
انها بخير وبسعاده مع الاغبر عناد وياقلبي عليه كانه قلبه حاس
انها منطقه ومنضربه بالحزام يبي يروح بنفسه شخصيا حتى يطمئن
ويرتاح باله لكن ياقلبي ماتسوى عليك هالطيبه شوف كيف افهموك غلط
وقامو هبوا عليك وانواع الهجوم
ادري ياقلبي اعمل خير وقطه بالبحر
تدري الطيبه بهالزمن ماتوكل عيش وينظلم فيه الطيب اسمع كلامي وانا شوشو
وخلك منها عندها اخو مادري شوظيفته بهالحياة خله هو المسئول عنها واش
ماصار لها مالك دخل ومابتجيك اي ملامه لانها مسئولة من اخوها وقبله من زوج
الندامه الي اختارته بكل رضاها
وبعدين هالعناد الي لجيتو راسنا بمرجلته وغيرته شلون يرضى ان رجال غريب يدخل
بيته بغيابه حتى ولو كان زوج عمتها ماله دخول وان كان اخوها فيه مالها تعزمه دام
رجال البيت مو موجود ولا بتغطي وجهها وبترز عمرها قدامه خوش غيرة والله

اظن ان بتال بيتجاهل ياسر وان تجاهل ياسر اظن ان ياسر
بيعسكر عند بتال اليوم حتى مايخون فيه ويروح من دونه
وعلى مااظن ان قدوم رعد بهالوقت بيجيب مصيبه لملوك لانه طفل وينقل الكلام
بالطريقه الي يفهمها وبالشكل الي يعجبه
ياحبي لك ضمضم الا تحطين ملح وبهار لياسر تحبينه كثيييييير


طريقة اللقاء والمواجهة بين العاجي والراسي كانت رائعه ومتوقعه ردة الفعل بين الاثنين
ولو كانت غير كذا ماحتكون واقعيه كون جسار عري فكريا ونفسيا ومازال بحالة الصدمه
ولسى ماطلع من تبعاتها :
انا الصويب اللي وريده نزف دم ..... من طعنة مكانها بالظهر خلف
فالاكيد انه مابيرضى يحط يده بيد عدوه عدوه الي يغش المواطنين
بنظرته الشخصيه عدوه الي شن عليه حمله صحفيه مغرضه لاطاحته وحجب مصداقيته
عدوه الي فضح مرته عدوه الي عرى قلمه من مصداقيته وعفوا على التعقيب على رد وحده
من المتابعات بصراحه ناسيه اسمها تقول جسار ارتكب غلطه مومتوقعه منه كيف مايرد
السلام ورد السلام واجب عفوا اختي مقرن مد يده للمصافحه ماقال السلام عليكم وفيه فرق
كبير بين الاثنين ومااظن لو انحط نفس الكلام ان جسار مابيرد السلام لانه اعقل من كذا
واكبر من تصرفات المراهقين بانه مايرد السلام
نرجع للمواجهه طبعا بحكم خبرة السنين مقرن متوقع اي ردة فعل من جسار ومتجهز لها
باي شكل من الاشكال وهو حاط في باله انه مايخرج من عنده الا وهو ماثر فيه وتاركه
يفكر في كلامه وفي مشروعه ومازلت عند ظني بان رسالة بنت ابو فرج من تحت تخطيط
مقرن وان كان حتى بدون علم ابو فرج نفسه وهو مادخل بهالوقت المبكر الا عشان تكون
الرساله عنده وبعد خروجه يقراها جسار ويكون لها التاثير المطلوب خصوصا بعد
لقاءه ومواجهته مع مقرن واقناعه له بفايدة المشاركه معاه بالمشروع الجديد

( آصحى...آصحى...آصحى... )
كلمة قالها جسار لمقرن وهو في عز ثورته وانا ارجع اقولها له اصحى ولاتخلي
اثار الي ماتتسمى تسمم حياتك وتقتلها اصحى موعشان شي لكن عشان انت جسار
وحرام تنتهي عشان شي مايسوى شي ملوث مثل الوحل لازم الكل يتجنبه ومايقرب
منه ولا يخليه ياثر عليه باي شكل من الاشكال
اصحى لبناتك لاهلك لناسك لموظفينك للكل من انت قدوة له وقبل كل شي لوطنك
اذا كل واحد اثرت فيه مشكله وكسرت قلمه الله المستعان مابقى احد يكتب بذمة
وضمير حتى اذا مابتكتب حقق طموحك واشتغل مع العاجي بطلبك وشرطك وسو الي
ماقدرت عليه بقلمك حققه بالمشاركه وبكذا بتكسب من عدة نواحي حلمك بتامين متطلبات
السوق للمواطنين بالسعر الي يناسبهم ، وقفت على رجلينك من جديد واقوى من الاول ،
ماخليت وحدة زي الحشرة سيوفوه تاثر فيك وتمسحك من القائمه ، ترجع لك الثقة بنفسك
وباراءك وبالاخرين ، وبالتاكيد ترجع تكون عائله من جديد وباختيار موفق


عنـــــــــــــــــاد : اتعب وانا اوصف رومانسيته واعدد في محاسنه يارجال انا بعمر وبحياتي
كلها ماسمعت ولا قريت بشهر عسل زي شهر عسلك انت والست ملوك مثلكم ماشفت ولا اظن
بشوف .... جايب لي ولدك بشهر عسلها الملغي بشهر عسلها المتكفخه فيه بشهر عسلها
المحبوسه فيه بين اربع جدران لا وتروح وتغيب بالايام بدون ماتعطيها خبر ثم تب تتركها
بالبيت مع ولدك الصغير كم يوم صراحه هالولد اكبر حمايه لها من اي ظرف طارئ

اظن ان عناد جاب ولده للبيت عندها عشان تبقى فيه وماتطلب تروح عند عمتها فلك وزوجها بتال
او عند اخوها مناف ويتصادف وجود ياسر هناك وكمان لانه قالها من اول ان فيه سفرة بعد فترة
وبياخذها معاه فيشغلها بولده على مايجي وقت السفرة وبكذا ماتقدر ترد للدوام لملازمتها لرعد

عناد يبيها تتعلم السلاح لان اكيد فيه خطر بيهددها وكضمان لحمايتها بغيابه استعمالها
له في راحة بال لعناد
ان شاء الله يارب وهي تتعلم تغلط وتجي عليها الطلقه ونفتك منها

( آرتفع تنفسها قليلاً\عناد والله العظيم مو جالسه اتصنع انا صدق اخااااف..فـ ..لآتلعب ب اعصابي.., )
يااااربي جتنا السخيفه الثانيه ماافتكينا من شهيد ودلعها الماصخ جتنا الي امصخ منها
يعني بالله لو تزوجت بمدينه ثانيه غير الرياض وجاته ماموريه يومين برى شبتسوي
كل يوم والثاني يوديها عند اهلها

( لـعبتها ب كلمة تـجهلها...[قول تمـ].. )
شمعنى هالكلام ؟؟... هل الكلمه لها قيمه او اثر بنفسه من شخص معين ؟؟

( عناد بـآبتسامه مـغتصبه\رعد يبي له تأديب..؟ )
تؤتؤتؤ واخيرا بدات تزيح الستار عن مشاعرك وتظهر القليل منها
الف حمد وشكر لك يارب يعني فيه امل ... اذا مرت عشر سنين بيقولها أأأأأأأأ.....أحبك

(هي الي تدور الحكي الي مآيحشمها..هي...وراهـا يآ سبدي ماتقدرنا ولآ تعرف الحشمه ...ورى لـسانها مايسلمون المسلمين منه..؟ )
ياسبحان الله صحيح الجمل مايشوف سنامه
قولي لنفسك مين سلم من لسانك ياحظي شكلك حتى تتضاربين مع ذباب وجهك
لاااااااااا وبعد تتابع كلام نواعم انت حدك المصارعه .. وتخب عليك بعد

( يصلح مع مناير وبناتك...بيشكلون لهم ثنائي...مآيستاهن فيه. )
هههههههههههه يسلم فمك ياشيخ ويلوموني فيك والله درر تطلع من فمك هههههه

( ماسمح لك تقول في آم فلك هـ الخرابيط وتقليل الاحترام...آقص لسانك اذا قللت احترامها قدامي... )
يارجال روح قص لسانها اول وعلمها الاحترام الي مااحشمت لا كبير ولا صغير
لاقريب ولا بعيد لااااااا ويقولون مو متعلمه عذرها معها والله ان حريم اول عندهم الادب
والاحترام قبل كل شي واكثر من الحين بعد ولا درسوا ولاتعلموا


( قآل سآري...يدعمني وادعمه....يقطع لي..و...آمسك له..! )
هالاسم كاني به انذكر قبل كذا يعني اكيد له تاثير بالاحداث الجايه

(يآسر ب همس\من...؟ )
يسوري ادري يابعد قلبي ان لسان حالك وقلبك يقول :
قـلـبــك جـــــرح قـلــبــي وربـــــي حـسـيـبــه
جـــــــرحٍ كــبــيـــر ولا يــــداويــــه دكــــتــــور
وصـــــآآلـــــك لــقـــلـــبـــي دوآه وطــبـــيـــبـــه
وشحّيت بوصآلك ولاقلت مآآجور
ان اشـــــهـــــدٍ قـــلـــبــــي تــــــــــردا نــصــيـــبـــه
وانـا اشهـدٍ انــي مــن سـوايـاك مقـهـور
يــاحــظ مـــــن هـــــو مـايــفــارق حـبـيـبــه
ولآ مـر طــآريّـه مـهـو يــضــرب آلــــــزور

لكن خلاااااااص انساها هالي ماتسوى قشرة بصل على قولة منايروه
انساااااها وعيش حياتك لاتوقف على اطلال ذكراها ياخي تعبت حالك وتعبتنا معاك


ريان هل هو متاثر لهالدرجه من حكاية جسار او بداية مراجعة النفس
وكيف بتكون حياته بعد خروجه من المستشفى وانقطاعه عن اهله وان
ضي تستاهل هالشي او لا ؟؟؟

تسلم الايادي ضمضم وننتظرك بكرة بكل الشوق
مع خالص ودي

رابطــــ ياســـــــــــــــــر ــــــــة