صباح الورد

والسموحه على التأخير وانتي سيد العارفين

لكن يالله شكر بسيط لقلمك الرائع ومثل ما انتي تستقطعين من وقتك الكثير لنا من الذوق قولت جزاك الله الف خير من العيب اني ادق بابك ولا اسلم

ابدعتي في ها البارت

تصدقين اني كل بارت اقراه اقول هذا البارت الي بتبنى عليه البارتات القادمه وهذا البارت المصيري القى نفسي غلطانه ويكون البارت الحالي هو المصيري

اليوم اشوف انه هو البارت الي بتبنى عليه الاحداث القادمه

اليوم ببدى تعليق من اخر الروايه واطلع فوق يعني تعليق عكسي

ضرب الجد للحديد وهو حامي اتوقع انه بيلينه اقصد عرض مقرن بنت الدايس وبا الوقت هذا ما جا من فراغ الجد عارف من هي ملوك با النسبه لياسر واحساسه بخسارتها والبنت راحت في نصيبها الله يوفقنا ويوفقها وما يخفى على الجد الي في خاطر ياسر لأنه فوق انه تربية يديه يشوف فيه مقرن العاجي وعارف كل ردود افعاله

يعني الزواج بيريح مقرن قبل ياسر ومقرن مالي يده من بنت الدايس والا ما عرضها على ياسر اكيد ان مقرن له قريبات بنات اخوان وخوات لكن بحكمة مقرن عارف الجرح ودواه

سبقتني ابلا اراده الله يسعدها بطريقة عرض مقرن الزواج على ياسر

جبتيهابطريقه تنصدق وارتحنا من المصادفات المضحكه

لكن هل ياسر المجروح بيوافق عليها تحدى لملوك او ارضاء للجد واذا تمت الموافقه رهف بتقدر تبني لها مكان في قلب ياسر ننتظر ونشوف

الظبي والي خفت منه صار هذا طارق التفت للبزر هنادي بأفضلك قعدتي وراه تلفلفين برقبته لين التفت لها والله يستر من الي جاي المصيبه ماهو بس هنادي راسمه الا حضرت الام يعني من بتقدرين عليه يا بنت العاجي الله يعينك من جهه الغيره وزوجك ما تنلامين ومن جهه الكبر الي فيك يخليك ما تتراجعين حتى لو انتي غلطانه

يعني وش فيها لو انثبرتي وحطيتي حيلك على هنادي وامها عند شخص ثاني غير طارق

كان بردتي الي في خاطرك وطارق ما درى عنهن واذا شفتيهن عطيهن الي يستاهلنه انتي بنت العاجي على سن ورمح بتكسرين عيونهن بأسم ابوك


جسار يعني موت موت وخراب ديار الحرمه كم يوم ويخلف الله والجريده انسحب منها الدعم

وش ينتظرك يا جسار من العاجي والسياف الي يبي يكسر اصابعك ما تكتب

والي بيذبحك بسكين بارد

كسرت الا صابع بتنجبر مع الايام لكن الذبح الموت الي ما منه رجعه وهي ذبحت سيوف لك

جسار اتوقع با البارتات القادمه هو الي بيكون له نصيب الاسد من الاحزان


حقيقة سيوف ضررها ماهو عليها او اهلها بس لا بيمتد حتى لبناتها والمجتمع ما يرحم

شهد ام التقاليع وش ها الهبال انتي وها القصه الي فوق ثقالة دمك شين افعالك

الحين دريت انه ما يناسبك الا المطيور رواف لا بعد والمرجوج الثاني ريان يرفع لك على ها الخبال

لكن ما ينلام الضعيف يبي بس الي يرضيك انتي بير الاسرار وش يسوي ماله غير يمشي بوجهك


والا فضيحته بتصير بجلاجل انت عارف لو ما شجعتها وصرت معها بتفضحك وانت خابر وش سوت لعناد



الجده ياربي تخلي الجدات وتعافيهن والله ضحكت وانا تخيل عناد يوم يفتش معها وعلى قولته يفتش على عماها حتى غرفة الجد تخيلت شكلها يغلب عليها اللون العنابي المحبب لجداتنا ياربي لاتحرمنا منهن

الخاتم الثمين الي كان من نصيب بنت البراق ماهو غيرها وش معنى ؟؟؟؟؟؟؟



مناهل الله يكفينا شر كسرت الجناح مضطره تبلع الي تشوفه وش يعني بتسوي

مناير ياصبر بتال وياصبر قبله الارض الي تمشين عليها وشبلاتس بس تحارثين النيران ماهو نا فعتس مقرن الي شاده الظهر فيه والله ما يكسر الحرمه غير رجالها عيني من الله خير يعني وش استفدت جيتي بتغثين بتال رمى عليك كلمتين ها وش رايك الحين احسن والا قبل اعقلي فلك مستوطنه الروح مخالطه العظم واللحم ماهي تلزيق مثلك بسهوله يشيلك وير ميك

والا بتشوفين الوجه القبيح لبتال ثم عاد يا ليت الي جرا ما كان <<ماني فاضيه ضمضم والا ودي امسكها مسكه شينه


عناد وملوك الموقف الي صار بين لي القبول الكبير الطرفين منها ومنه يعني هو ابهرت تفاصيل وجها رغم ان الحزن يغطي على الملامح ويغير الوجه لكن البنت دخلت مزاجه وتقبلها

وحتى ملوك ما عارضت ولا طلعت اسباب تهربت من شوفت عناد لها وحتى المبلغ الي حطه في يدها ما رفضتخ منه كلها دلائل تشير ان سفينتهم بتتحرك بسلام والله يكفيهم شر اعاصير سيوف


فلك موقف لا تحسد عليه من ياسر ولداختها وبنت اخوها وهي الي با الوسط استحملي مزاج ياسر ها الفتره والايام علاج للي ماله علاج


بتال وفلك قمه وبداية تقارب وطوي الماضي


الابداع ماهو جديد والتميز عن استحقاق وانضباط


ننتظر القادم بشوق

ضمضم جزء خفيف

الجد يعرض على ياسر رهف وانه وحديته والثروة كلها مغريات ليقتنع ياسر بالزواج لكن هل يسر سيوافق او لا
اعتقد سيوافق لكن ماراح تعوضه عن ملوك
اما مشغل سيوف اعتقد انه جابها كما كان يفعل بالمغازله والكلام الحلو

مناهل تعرف وضعها وانها سيكرمها بتال
لكن مناير سيطلقها وستندم على ذلك

استغراب عناد من خجل ملوك رغم ان مجالها تخالط كثير من الرجال
انت اظهرت عكس ماكان ينظر للطبيبه انها لا يوجد لديها حياء

كما قالت طيف الظبي هي من لفتت انباه طارق لهنادي ولغيرها بغيرتها الشديده
لكن راح تاتي على راسها

تغير شهد لمظهر وقصتها الغريبه لمجرد لفت نظر لشي غير مرضها وباعتقادها انه حلو وذلك لتقيدها لبنات الجامعه

لا اجد مكلمات لتعليق ماخطته اناملك لروعته
وطيف كفت ووفت

دمت بخير

ضموومه يالبى اصابعك بس

يرحم والديك توصي بياااسر

وربي صعب اللي يعيشه :(

اتوقع انو بيوافق علشان جده وعلشان يبين لملوك ان الحياه ماتوقف عندهاا .. بس هل من الممكن تكون الضحيه رهف الله يستر حبيتها هالبنت

بتال وفلك

الله يخليكم لبعض وضمضم نبي شوية عنهم ...،

عناد

احب شخصيته اذا صار عند جدته وان شاء الله بيتغير اذا جته ملوك بس الله يستر من سيوف

جسار ياعيني عليه .... شكله بتسكر الدنيا بوجهه وبيكسرونه التجار على اللي يسويه فيهم .. وربي احب هالشخصيه زياده على انه قوي بالحق بعد حنوون :)


بانتظارك يااعسسسسسسل ...