لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 19-09-10, 06:20 AM   المشاركة رقم: 341
المعلومات
الكاتب:
اللقب:

البيانات
التسجيل: Sep 2010
العضوية: 191599
المشاركات: 3
الجنس أنثى
معدل التقييم: راحتي فيك عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راحتي فيك غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

انا اليووم بديت اقراء روايتك
وسسجلت با المنتدى عششان ارد عليك واعلق
ع روايتك الاكثر من رائعه
حبيت شخصيت عناااد لقيت فيه عنفوان الرجل
و جسسار في المواطن الي شرفه وتمسسكه با انو مايخلي الكبير يدعسس الناس الي اصغر منه
وتحكمه مبادئه
وبتال العاششق الي رقم السسنين ماغيرته ولا محت حبه
انا لو اتكلم عن مدى روعة الروايه مراح اخلص
بسس اهنيك بجد اسستمر ويليت تسجليني من ضمن
المتابعين لك وللروايتك ومن اشد المعجبين كمان
لاهنتي يا الغلا

 
 

 

عرض البوم صور راحتي فيك   رد مع اقتباس
قديم 24-09-10, 03:33 AM   المشاركة رقم: 342
المعلومات
الكاتب:
اللقب:
ليلاس متالق


البيانات
التسجيل: May 2010
العضوية: 166033
المشاركات: 343
الجنس أنثى
معدل التقييم: ورده منسيه عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
ورده منسيه غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته . اختي ضمضم كيف حالك عسى المانع خير . وحشتينا يالغاليه وينك عنا. ترى مشتاقين لاابطال روايتك. ارجوا من الله ان تكوني باتم الصحه والعافيه. اختك ورده منسيه

 
 

 

عرض البوم صور ورده منسيه   رد مع اقتباس
قديم 24-09-10, 09:22 PM   المشاركة رقم: 343
المعلومات
الكاتب:
اللقب:

البيانات
التسجيل: Mar 2010
العضوية: 158101
المشاركات: 5
الجنس أنثى
معدل التقييم: عيون دانه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
عيون دانه غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

السلام عليكم
ضمني بين الاهداب
اتمنى ان تكوني بخير
ويـــــــــــــــيــــــــــــــنك

 
 

 

عرض البوم صور عيون دانه   رد مع اقتباس
قديم 25-09-10, 10:29 AM   المشاركة رقم: 344
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
Flowers

 

بسم الله الرحمن الرحيم.
.
.
.
نظرة حقد 19..
.
.
.
مدخل..
.
.
.
قطفتك من تجاعيد الثياب وسكر الحلوى


................ زرعتك في تفاصيلي من اقدامي الى اكتافي


نسبتك للمطر لكن لقيتك للمطر مأوى


................ نثرتك في المسا الواقف على الباقي من اوصافي


أخذتك كاس من كف الجنون وقمت اتقهوى


................ حرقت البرد بانفاسك برعشة لونك الدافــي


تعلمت اكتبك واقرا عليك الهمس والنجوى


................ تعلمت استر اشواقي واذا بك صرت عــرافي


تصدق خفت لااطير مناديل الهوى واهوى


................ أخاف العشق يذبحني واقول العشق موكافي


تصدق في صدى عطرك غرقت وغبت في النشوى


................ تكسر مركب انفاسي ولا حصلت مجــدافي

.
.
.
بدايه..,,
كل عام وآحبتي بخير..وكل لحظة آو سكون صمت..وآنتم بثوب العافيه ترفلون آنتم ومن تحبون..
صباحتكم فرحة أطفال بحلول ضحكات عيدهمـ حلآوهم..والعابهمـ..
مسائتكم قلوب محبه آجتمعت لتبارك للهفة الأعين لقاء الأرواح المشتاقه...
.
.
عيدك مبارك ياوطن الأمان..عامـ ..و..عام..و..عام..وآعوام مديدهـ..
وآنت آطهر البقاع..
و..
قبلة القلوب..
ومرفئ للسلامـ...
نرفع التبريكات بقلوب محبه..
لخادم الحرمين الشريفين..ملك الانسانيهـ...عبدالله،,بحلول العيد الوطني..
.
.
زهة بنا آثواب العيد وطعمـ عيد الفطر..و..عيدنا الوطني...آصبح له مذاق آخر..تكلل بكتمال الفرحه..بسلآمتك يا آمير الرياض..البسك الله ثياب العافيهـ وآتممها عليك..
.
.
.
متابعاتي
آشتقت لكمـ..
.
.
توقفنا ببعض العيون عند نهاية البارت الثامن عشر ...
لنتذكر سوياً..الاحداث..
سيوف كانت خائفه مضطربه من نظرات جسار..
قرب ارتباط عناد وملوك...
بدايات المد والجزر بـ حياة فلك وبتال..
ردة فعل مناير ومناهل من زواج بتال...
الظبي ولحظات العاصفه..؟
وتوقفنا بـ وقفه حماسيه في ردة فعل شهد من صورة شقيق رهف..!
نشهد في هذا البارت..
عناد ونقله نوعيه بـ حياته..؟
شهد وحاله من الصدمه تمتلكها..؟
كشف سر آحد الابطال من قبل بطل آخر..؟
آرتباط جميل ..؟
حلم غريب يراود والدة آحد آبطالنا ..ماهو تفسيرهـ..!
الكثير والكثير ينتظركم..
يكفي آفسادي عليكم عنصر المفاجئه بـ الاحداث=)
لكن الاحداث من هذا البارت في تصاعد ونهايات البارتات تكون حماسيهـ..=)..
.
.
.
.
ومضه قبل البارت..
وصلني رسائل خاصه من بعض متابعاتي الغاليات في أستفسار عن تواجد عضوهـ بنفس لقبي..وبميزة كاتب في آحد المنتديات..
غالياتي ..
انا لآ اكتب الا بمنتدين معروفين على ساحة الروايات..ولآتواجد لي في غيرهـا...=)
.
.
.
لآتلهيكم الروايه عن دخول وقت الصلآهـ..
.
.
.
شهد وعيونها تدور بمفاجئه على الصوره ودقة التفاصيل تلتهمها بمفاجئه
كيف لهول المفاجئه ان تستوعبها شهد..
كيف لتلك الملامح الشديدة القرب من ذاك العناد ان لاتكون هو..ولا..يمتلكها.....!
أي كلام سخيف تنطق به تلك الغبيه..!
اخ..متوفى..!
هو حيً يرزق...
ودائم الشجار..والعناد...والشراسه..!
وتلك تثرثر على رأسي...
بأن صاحب الصوره أخاها وشقيقها المتوفى..!
لمـ تشعر شهد الا وتلك المحفظه الصغيره..
تحتضنها
شهد بيدها المرتجفه...
وتبحث عن ملامح لاتشبه عناد ..
شامة..او..شي من هذا القبيل
يختلف مع شقيقها..!
لآشي...!
صورة كربونيه..
لشخصاً متوفى.!
متوفى..!
متوفى..!
متوفى..!
ايعقل ذاك التشابه ان لايكون لشخصاً واحد..!
ايعقل ان لآآكون آعرفه...
وشخصاً اخر ليس عناد..!
يستوطن تلك الصورهـ...
الجمت المفاجئه فم شهد...
لمـ..تحتمل...
آكثر...
شهد بحدهـ\آنتي وش قاعدهـ تقولين..!هذا يصير آخوك...!
رهف تمسح دموعها بطرف آبهامها\آيه..آخوي آحمد..ليه آول مرهـ تشوفينه...؟
شهد بهذيان\فيه شي خطى..فيه خطى...ماهو بصحيح..!
برتباك ..
آخذت شنطتها وخرجت تسابق الريح خارج المكان..
.
.
قد تغسل الدموع سوء الظن..
والتراجع عن الخطئ والأعتراف به..
قمة النجاح والطريق الصحيح..
ربما..
يكون سوء الظن ذاك..
وقفص الشك الذي أدخلنا به الابرياء..
يكون بوابة من النور لهمـ..
,
,

أبدّ مَاهِوّ خَطاهُ إنّه : دِفَنّ ضِيمَه ! , ... وَ قالّ : بِخيـرّ !
........................خَطَاهُ إنّه / .. رِضَى يَسقِيكّ حِبّه , .. وَ العِروُق : إيباسّ !
,
,
بجناح الظبي...
آنزلة التعليقه الماسيه بقرف..
ورمتها على طرف التسريحه..
أخطائة المكان ووقعت التعليقه على الأرض الرخاميه بقوهـ...
القت نفسها على الأريكه..
وآنتزعة الساعه المزينه بأحجار كريمه..
ونبذتها بقوهـ لمكان تجهله...
من ثم انتزعت دبلتها الماسيه والحقتها بتعليقه..!
تنفيس غضب..
ببذخ عاجي..!
هارب من اسكاته..
كادت تدخل بنوبة بكاء ..
تندب به الشموخ الذي هوى..
و..
الاسم الذي يمرغ مراراً بوحل..
وطعنات الاخ..
لذاك الاسمـ...
ونظرات أب عاجز تماماً..
عن تدارك مأصاب الاسم العاجي من وهن...!
مأمر الضعف..!
وماقسى شعوره..!
وماأجبن ان نواجه نقاط الضعف..
كلما ترنحة دمعه..
تهرب من شموخ القوهـ..
تمسحها بعجالهـ..
بأحدى أصابعها...
يكفيها الأنهزاميه ..
والدموع المذروفه قبل قليل..
ما أصعب انشقاق العائله وأنقاسمها..
أنتبهت لصوته يملئ المكان\وش قلة الأدب الي تكلمين فيها ولد عبد العزيز لما دخلت..
من أي مصطلحات وقواميس الذوق سارقتها..؟
آحمد ربك ان ابوي خذاك تحت جناحه..؟
لآوالله..!
بيضيع والا بيموت جوع لو أبوك ماحن عليه وخذاهـ..!
الا بيأخذ ميراث ابوهـ ثالث ومثلث من ورى خشمك انتي وابوك..
آجل محتاج لك يا بنت العاجي..؟
ماتركتي شي آعذرك فيه
لآحشيمه لأخو متوفي ..!
ولآحشيمه لشايب قاعد..!
ولآحشيمه لرجال طولك واقف ..!
ولآحشيمه انك تحت رجال له اسمه ومكانته..؟
كذا..تتكلمين بشخط ونطر..!
وماحد مالي ها العين..؟
أرتفعت عيون الظبي لوجه طارق..
الممتلئ من الغضب والمحمر من العصبيه المتملكته تماماًً\ردي علي..!
الظبي بعصبيه \طارق..لو سمحت..لآتتدخل بشي داخلي بيني وبين أهلي..
طارق بحدهـ\خوش والله..!!
عشان يقولون والله حتى رجلها ماحط كنترول على لسانها المتبري منها..؟
آردف بصوت عالي ..وعالي جداً بقدر غضبه الحاد من تصرفها\
آسمعني زين يا الظبي دام طارق الفهد رجلك..
لأسمعك مطوله صوتك على رجال..
ولآسمعك متدخله في حياة آحد...
حياتك فيها من المشاكل ماتغنيك عن أي احد ثاني ..؟
الظبي بعصبيه\أخوي ...بتال ..متزوج..بنت منهوبين الجد..!
بكرا اذا سئلوني خالاتي..وحريم خوالي..وآهلك..عن زواج بتال وش تبيني ارد على همساتهم وكلماتهم..؟
على رميات الكلام الي مثل السم علينا....!
على الحكي الي بمعني ومن دون معنى..!
أرد عليهم وش أقول..؟
وش أقول...؟
سواد وجه الي سواه بتال..!
سواد وجه.....!
طارق بستغراب\سواد الوجه والرجعيه هي الي انتي فيها...
وش منهوبين الجد..!
أنا ما سمعت فيها الا عندكم يا العاجي...
ألي اعرفه أن البراق أصل وفصل..
ممكن صحيح يدخل في قبيلتهم أفخاذ ماهي أصل ولافصل..
ومالهم أي مرجع او جد اصيل..
لكن هذا مو معناته انهم مشكوكين النسب..نسبهم معروف..
قاطعته الظبي\حنى نبي نسب معروف ومصفى... مثل دهن العود ريحته تنعرف بين أي طيب مصبوب..!
طارق بتهكم\آها..يعني تبون معربين الاجداد..!
الظبي بتجاهل لتهكمه\آيه...معربين الاجداد..!
انت اول مايخطبون وحدهـ من خواتك رياجيل ماتسئلمهم من أي فخذ واي قبيله,,؟
.وحتى لو هي قبيله معروفه ماتروح تسئل هل ها الفخذ معروف فيهم وهل هو صحيح من ها القبيله..؟
قبل حتى تسئل عن الدين والاخلاق..؟
طارق بيأس\ولو يتزوج اخوك من أي دوله ثانيه...ياترى راح يكون ها التدقيق فيه...!
الظبي\لآ...ماراح يكون..ماراح يقولون بنت منهوبين الجد لكن راح تنتسب لدولتها ...
وماعندي مشكله كبيره مثل منهوبين النسب
طارق بنظرة آستغراب ..\لآاله الا الله..يا ظبي...كلنا من آدمـ..وآدم من تراب..

,
,

أبدّ مَاهِوّ خَطاهُ إنّه : دِفَنّ ضِيمَه ! , ... وَ قالّ : بِخيـرّ !
........................خَطَاهُ إنّه / .. رِضَى يَسقِيكّ حِبّه , .. وَ العِروُق : إيباسّ !
,
,
.
.
.

إذا ما قال لي ربي .. أما استحييت تعصيني
وتخفي الذنب عن خلقي .. وبالعصيان تأتيني

فكيف أجيب يا ويحي .. ومن ذا سوف يحميني
أسلي النفس بالآمال .. من حين إلى حين
وأنسى ما وراء الموت .. ماذا بعد تكفيني
كاني قد ضمنت العيش .. ليس الموت يأتيني

وجاءت سكرة الموت الشديدة من سيحميني
نظرت إلى الوجوه أليس منهم من سيفديني
سأسأل ما الذي قدمت في دنياي ينجيني
فكيف إجابتي من بعد ما فرطت في ديني
ويا ويحي ألم أسمع كلام الله يدعوني
ألم أسمع لما قد جاء في ق و يس
ألم أسمع بيوم الحشر يوم الجمع والدين
ألم أسمع منادي الموت يدعوني يناديني
&مشغل سيوف&..
بأناقتها المعروفه..
ورائحة عطرها الفخمه..
تحرك بهدوء كوب الشاي..
لتذيب قطعة السكر..
والعيون لها ملتهمه...
تدور بأحدايث صغيرهـ...
ساعة سؤال عن سر بياضها ..؟
والاخرى هامسه عن سر أمتلاء وجنتيها الجميل..
والممتلئه هناك... تخفض صوتها عن تلك السلاسل الحريريه المسترسله بنعومه خلف أذانها..
لكن صوت أخر بدى أكثرهم وضوح\..بس لو تستر في ها اللبس شوي..!
كانو عدة زبائن..
يتعرفون على المشغل وعلى الموظفات وعن الخدمات المقدمه....
أحداهما عروس..!
والاخرى على وشك الولادهـ...
فتريد برنامج لها..
ومن ضمنهم عدة متطفلات..
فقط القاء نظره..
وزياره خاطفه..
لذاك المشغل المالئ الدنياء سمعة جميله..!
والشاغل الناس ببراعة أنامل موظفاته,,؟
كانت تجري جرد حسابة عبر محمولها الأنيق..
وتدقق بأدق التفاصيل..
من ثم تعود فتدونها بنوتا صغيره فخمه بجانبها...
آرتشفت عدة رشفات..
وكانت نيكول اليومـ بقرب منها...\وين جاكلين..؟
نيكول\مأجت اليومـ أعتزرت..بتئول..ان عندآآآ أبنا..مريض..
سيوف من غير أهتمام يذكر\لآ..سلامته أجل..مين الي مو حاضر اليومـ غير جاكلين..؟
ترى أشوف المشغل اليومـ جداً زحمه..
هذا غير حجوزات العرايس الي بيبدا بعد كم ساعه..؟
نيكول\لآ..ولآيهمك مدام الكل موجودين وعمـ يشتغلو..أنتي ريحي لنا بالك..
وقفت سيوف بأناقه\آوكي...آنا بشيك على المشغل..وعلى الشغل ..
.
.
.
آلقت نظرهـ خاطفه على الموظفات..
من ثم دخلت غرفه صغيرهـ...
وبداءت حفلة تصويرها..!
للموجودات..!
.
.
.
تدار الكاميرات بحرفنة خبير بين الغرف...
لآيكشف أماكن وجودها..
أدق متفحص للمكان...!
لكن سبحانك ربي..
ننسى..
انك سميعاً بصير..!
,
,

أبدّ مَاهِوّ خَطاهُ إنّه : دِفَنّ ضِيمَه ! , ... وَ قالّ : بِخيـرّ !
........................خَطَاهُ إنّه / .. رِضَى يَسقِيكّ حِبّه , .. وَ العِروُق : إيباسّ !
,
,
الراسي..,,

أغلقت شهد باب الفله بقوهـ
ليعمـ الضجيج المكان...,,
عناد الجالس مع جدته بـ صالة الاستقبال ..
آنتبه لدخولها العاصف..
وآستنادها على الكراسي القريبه من الاستقبال...
قفز وسارع الخطئ لرؤيتها مترنحه..
من ثم سقوطها على آرضية
الرخامـ..
ودخولها بنوبة الصرع...
.
.
.
خطواته السريعه لم تفلح لمساكها عن السقوط...
على الجه الأخرى...
كانت خطوات جسارالسريعه أيضاً لم تفلح..في الوصول لها من الجه الاخرى...
عناد وهو يبعد الأثاث الحاد...
والتحف من القرب من جسدها...
وجسار يحتضن رأسها من الرخام...
ويضع في فمها شماغه..
جسار بخوف\شهد..شهد ..
عناد بصوت هامس مقاطعه\جسار آنتبه تعلي صوتك..رأسها مايتحمل آصوات عاليه...
جسار بحدهـ\آطلب الاسعاف...نوبتها ها المرهـ شكلها شديدهـ....
عناد\كم دقيقه وتهدى...آنت بس آنتبه تجرح لسانها او..فمها...
آحكم عناد آمساك آقدامها...
وجسار كان ممسك يديها من آن تجرحها بشحناتها الكهربائيه العاليه...عندما..تضرب بها بشدهـ الأرضيه..
الجدهـ متقدمه بعكازهـا\آنالله وانا اليه راجعون..ياحظ ها البنيه الاقشر..يالله انك ترفع عنها وتشفيها لآحول ولآقوة الا باللـه..
ختمت كلامها الجدهـ وهي تجلس على الكرسي القريب..
عناد بصوت هادئ\يمه دخلي جناحك الله يرضى عليك..لآينخفض عندك السكر...
الجدهـ\لآيمك..بشوف ها البنيه..ماني بمرتاحه..أقر عليها يابوي أقر..الله يشفيها ويرفع عنها ياكريم..
.
.
.
الآصوات مجموعه من المعمعه....
أكاد أميز منهمـ صوت عناد..
لكن لآآستطيع النداء...
وان ظهر الصوت...
وجال في الاصقاع...
لن ..يرتد لي سوا تلك المعمعه...
آختناق..
آختناق...
آرواحاً..
داخلي وليست روحاً واحدهـ...
جميعها..
تٌنازع الان السكرات...
قواي خائرهـ..
مستسلمه..
مسلوبة القدرهـ...
فقط مشدودهـ...
وكأن آطرافي معلقه في آفواهـ سرب طيور...
وبطرفة عين طارو في السماء..
فتنازع ذاك الجسد في آفواهـ تلك الطيور..
وفرق الى آجزاء مجزئه...
لآ..بل هي..
مجموعة آشواك...نثرت لي..
وسارت عليها آقدامي وهي عاريه..
ومالبثت ان آنسكب فوق رأسي ماء..بارد..
وصل درجته الى الصقيع..
فتيبست منه آطرافي..
وتجمد الدم..عن الجريان فيه..

.
.
لحظات مرة..نصف ساعه آو آكثر...
.
.
بهدوء\بسم الله عليك..شهد..
.
.
آنتبهت الان...
آصبح صوتي مسموع...
من..
ذاك النهر المتدفق..
حباً وحنان..
جسار...
لساني ثقل..
لآأستطيع النطق..
والصراخ من الوجع..
جسدي مبتل من العرق..
آو..
قد يصاحبه شي آخر..
خجلي يمنعني من التصديق..!
آويكون ..عدت طفلاً..لآيتحكم بنفسه..!
يالهي ارحمني..!
.
.
شهد بتعب عانقة أطراف آيديها..
صدر جسار...
ليشدها جسار لحضنه برفق\لآاله الا الله..أنتي بخير الحين...نوبه بسيطه..وش مزعلك...وش مضيق خلقك ياشهود؟
لمحه تشبه الحلمـ..
آطياف آناس فوق رأسها...
آحداهم..
يمسح فمها بمنديل..
ليس جسار..
شخص آخر...
يشبه تلك الصورهـ...!
جسار \تقدرين توقفين والا نشيلك...
قاطعه صوت آخر بحدهـ\آبو درر...توها صاحيه من النوبه..ماتقدر حتى توقف آتركه بشيلها انا..
.
.
.
الم شديد..يهاجم بطني..
وساحة حرب قامة الان بين الامعاء...
آنتقلت مصادفة الى المعدهـ...
وحالة استفراغ...حاضرهـ...ولن تستطيع ردها آكثر..
.
.
بصعوبه\بستفرغ...بستفرغ..
آبتعدة قليلاً عن صدر جسار..
لتفرغ آستفراغها على الآرضيه...
.
.
نظرات عناد المشفقه على حاله..,,,
جعله يبعد عينيه..
ليس تقرفاً..
و
لا..شي يشابه..
لكنه حزن بلغ فيه عنان السماء لحالها...
,
,

أبدّ مَاهِوّ خَطاهُ إنّه : دِفَنّ ضِيمَه ! , ... وَ قالّ : بِخيـرّ !
........................خَطَاهُ إنّه / .. رِضَى يَسقِيكّ حِبّه , .. وَ العِروُق : إيباسّ !
,
,

8 م..
حديقة العاجي...
رذاذ ماء يعطر حوض الورد القريب
من كرسي الخوص الجالس عليه ياسر...
كان..مقرب الكرسي من الحوض..
وماد كلتى قدميه على أرضية الحوض الرخاميه...
وبيدهـ..عدة أحجار صغيره..
يرميه بسرحان..
تصيب الحوض..
او
الورد...!
أنتبه على صوت جده القريب..\جالس لحالك..؟
أبتسم وهو يعتدل بجلسته\آريح..
جلس الجد على طرف حوض الورد\الظبي زعلناها حيل ها المرهـ..
آبتسمـ\لآيهمك..ماتقوى على زعلنا...
بعد عدة لحظات..,,
الجد بصوت رخيم\ترى الظبي تحبك انت وبتال آكثر من روحها لآتجرحونها يابوك..ولآتوجعونها بـ الحكي الي ماله طعمه..آنا معودهـا على تشيخ نفسها..وعلى توسطها المجالس..لآتجي انت بعد عيني تكسرهـا..
قاطعه \الله يطولنا بعمرك يـبوي...
آكمل مقرن \الظبي ربت بحضني وتحت عيني.. آبوك وعمك كسرو كلآمي وهي ولآفي يومـ كسرته او حتى فكرت..
رافعه راسها بأسمي وعارفه من هي بنته ..
كلامها وفعلها كله محسوب بدفتر وقلم..
ماهي تروح وتجمع البحر المالح والحلو..وتقول آشرب ياعابر السبيل..!
آبتسم\الله اكبر يـآبوي..كل هذا عشان كلمتين قلتها لها وهي صفحات كتاب قالتها لي..تحمد ربها وتشكرهـ ان رجلها دخل في ها الوقت والآ كان عرفت كيف تراد الرياجيل وماتحسب لهم حساب..
قطب حواجبه وبتهكمـ\ها الكلام لعمتك..!!
آردف\آسمعني يا ياسر ..قبل تزيد وتعيد..الظبي هي خطي..وهي حدودي..والي يهينها يهيني والي يجرحها يجرحني..والي تبيعه الظبي وترخصه ويطيح من عينها و..الله..و..الله ..بعالي سماهـ ماترفعه عيني..
غرق بضحكه صافيه قصد بها فقط آمتصاص غضب الجد..\آفآآآآ..وان كان الطايح من عينها ياسر..عساه مايقومـ آجل..!!
الجد بجديه\ماهي بمرخصتك الا اذا أرخصتها أنت...؟
ياسر بآبتسامه\لآ..ماترخص بعيني ظبينا..كله والآ بنت مقرن حدود العاجي الحمراء..!!
الجد يشد عصاته ..ويقف..\وصل ها العلمـ..لمزين الافعال...
وقف ياسر آحترام وبممازحه\مرسوم ملكي طال عمرك..مالنا الا قولة سمعاً وطاعه..
آردف الجد\وأنت متى تمسك الحلآل..
ياسر\انا مسافر ها اليومين..وأن شاء الله تشوفني بعدها بشركات قاضب الحلال..
آبتسم مقرن ويدهـ المجعدهـ على كتف ياسر \وهذا الي آبيه ..
آبتسم ياسر بمسايرهـ للجد..الممتلئ وجه فرحه لذاك الحفيد..,,!

,
,

أبدّ مَاهِوّ خَطاهُ إنّه : دِفَنّ ضِيمَه ! , ... وَ قالّ : بِخيـرّ !
........................خَطَاهُ إنّه / .. رِضَى يَسقِيكّ حِبّه , .. وَ العِروُق : إيباسّ !
,
,
يومـ جديد..
8ص..
وعلى طاولة الافطار...
الجدهـ تغلق جوالها وبصوتها الرخيم\ياعناد..ترى غزالك..مايبي غيرك صياد..!
عناد صد بحراج..بعد فهمه للمقصد...!
ابو جسار أبتسم \اجل وافقو يمه...
الجدهـ تدخل جوالها في جيبها الواسع\ايه ابشرك...
آم جسار\الف مبروك اجل..الله يجعل قدومها عليك ياعناد قدومـ خير وبركه..ويسعدكم ربي ويوفقكمـ...
عناد ببحه ,,\الله يبارك فيكمـ...
الجدهـ\بكرا..روحو لهمـ,,,وأخطبو رسمي وتملكو..لآتقعدون تطولون السالفه ..
ابتسم جسار\الف مبروك يا عناد..
عناد تجاهل جسار تماماً...
وظهر الحرج على وجه جسار..
المختنق من بعد عناد..
عناد \يمه بكرا مشغول خليها في نهاية الاسبوع..خميس او جمعه...
الجدهـ بصرامه\الا بكرا..وش نهاية الاسبوع...بكر با الخير ولاتئجل يمك..
ترى والله من يوم شفت ها البنت اني قلت هي لك وانت لها..
جمال يمك ماينحكى ولاينوصف و..
قاطعها عناد بضيق\يمه...طيب..خلاص..مايحتاج ترجعين تقولين حكيك مرتين..
أبتسم ابو جسار من مقاطعة عناد الغيورهـ\طيب يمه خبرتي ابو مناف بأن عناد عندهـ ولد ومطلق..
الجدهـ\هم يقولون مانبي الا رجال...
ابو جسار\الله يبارك فيهمـ ...
جسار بحب\أجل جناح ابو رعد يبي له تعديل..
ابو جسار\يمه هم في بيتهمـ القديم..والا في مكان ثاني...
الجده\لآيابوي..في بيتهمـ..القديمـ..
عناد متشاغل عن الجلسه..بـ شاشة التي في..
وعيون جسار تسرق ملامح عناد لجس نبض الخبر..
من ثم ينصدمـ ببرود شديد يحتل ملامحه ...بوقوفه وصعوده لطابق الاخر..
,
,

أبدّ مَاهِوّ خَطاهُ إنّه : دِفَنّ ضِيمَه ! , ... وَ قالّ : بِخيـرّ !
........................خَطَاهُ إنّه / .. رِضَى يَسقِيكّ حِبّه , .. وَ العِروُق : إيباسّ !
,
,
بمكان آخر..
آبتسامته تعانق شفتيه الجافه وهو ـ...
يلمح ذاك الطيف المحبب لقلبه..
وآقف عند الباب الرئيسي..
لآتفصله عن الرصيف..
سوى نصف خطوهـ..
تتحداهـ..
بذاك التصرف..؟
آم تعبث بـأوامرهـ..لها ..
بعدمـ الخروج بآكراً..
{لا}..بل تتجاهله بـ الكليهـ..!
.
.
.

القى نظرهـ سريعه على ساعته وهو يقترب منها ويقف السياره..؟
آغلق باب السيارهـ بشدهـ...
وملوك تتراجع بخطوات مرتبكه لشجرة تظل نصف السور الداخلي..
ونصفها الأخر في الشارع..
ياسر ينزل النظارهـ ..
وبهدوء صاحبه نبرة غضب عارمه\وش موقفك في الشارع..؟
ملوك برتباك \الأوادم يسلمون..أول..؟
فتح باب البيت المردود\قلت لك وش منطرك برى أدخلي أشوف..؟
ملوك بتجاهل\أنتظر أبو عبدالله..ومالك حق تكلمني بها الشكل..شايفني آرقص بنص الشارع؟
ياسر بهمس أشبه بضجيج\أخلصي علي أدخلي..
بنرفزه سارعت الخطى لداخل السور وبنبره شبه عاليه ويدها تشار بهواء بغضب\آنت وش جابك ها الصبح..الاكيد مو جاي الا تنكد صباحي..
ياسر بهمس متهكم\يآآآصباحات الروقان..وش تبين طال عمرك..آحط لك برى كرسي وطاوله وعصير فرش صباحي..؟
ملوك تتحكم بأعصابها وتتسلح بـ البرود فجئه \قلت لك انتظر ابو عبدالله.. وبعدين لآتنسى نفسك تجي تصارخ علي مع ها الصبح ومأكاني الا ..؟
بحده وعصبيه وخطواته تزداد حتى تفصل بينهم كم خطوه فقط ويقاطعها\آنسى نفسي..؟بأيش..؟
ملوك\لآحول ولأقوة الا بالله..على ها الصبح..والله مصطبحه بوجه سمح..ورى ها الصبح قالب من آوله..!
ياسر بتهكم\يعني لآانسى اني صرت خطيبك السابق هاااا..!
صح ياحضرت الدكتوره..؟
آردف بعصبيه\لكن لاتنسين يادكتوره انا ولد عمتك..وانتي بنت خالي...
أقص راسك أذا شفتك ثاني مره تنتظرين السايق عند الباب حطي ها الكلمه حلقه بوذنك..يا.. حضرت الدكتورهـ..!!! ؟
قطع الحوار المحتد بين الطرفين صوت ابو مناف..
الذي لم ينتبه لوجودهـ ياسر من شدة عصبيته..
آنتبه لفرشه صغيره مفترشها بضلال السور..
وقهوة وشاي وأفطار خفيف أمامه..
.
.
.
ياسر بحرج\ العذر والسموحه ياخال والله مانتبهت لك...
قال هذا الكلام وهو يقطع بخطوات واسعه المكان ويطبع قبله على رأس ابومناف..
والحرج البالغ يلتهمه.
ابو مناف بأبتسامه\معذور يابو عبد العزيز ايه قص راسها اذا شفتها مره ثانيه برى..لكن قبل العجله ياخالك تآكد ان الباب مردود وهي تحت عيني!
زاد احراج ياسر ..
وهو يجلس على طرف المركا..
ابو مناف \اجلس يابوك..هذي جلست مستعجل...
ياسر\ايه والله ياخال..أنا قلت امر عليكم اسلم..ماشفتك الآ بزواج خالتي قبل يومين قلت اسلم وامشي..وراي كم شغله بقضيها..
آنتبه ياسر على صوت سيارة ابو عبدالله ينبئ ملوك بألاستعجال...
صوت ياسر الصارم يوقفها\أصبري ..!
وقف ياسر وقبل رأس خاله\عن أذنك ياخال..تامر شي توصي شي...
الخال\سلامتك..لآتقاطعنا...
ابتسم ياسر مودع...
وانصدم بعدم تواجد ملوك بسور...
سارع الخطى..لباب المشرع..
من ثم آنتبه لركوبها السريع لسيارة ابو عبدالله..
سارع الخطى لباب المساعد..
من ثم طرق الشباك بطراقات خفيفه..
فتحها ابوعبدالله...
آبتسم ياسر\صبحك الله بخير ابو عبدالله..كيفك ..؟كيفها امورك...؟
ابو عبد الله بأبتسامه\بخير ياجعلك بزود...
ياسر\يا الغالي..اذا دقيت على الاهل مره ثانيه..
دق عليهم وانت عند الباب..
لآتدق عليهم قبل...
مابيهم ينتظرونك بشارع..
تعرف ها الوقت خطر وماينوقف فيه...
ابتسم ابو عبد الله..\أبشر طال عمرك..
ضرب ياسر طرف الباب بيده
بخفه\آمش الله يستر عليكم.!
.
.
نظرات ملوك لياسر من خلف زجاج المظلل الشبه قاتم..
عكسة شعوراً با الاحتقار تملكها له..
لآتستطيع..نسيان تلك الصوره الخائنه له..
ولآتستطتيع محوهـا عن ذاكرتها...
فكل شي يذكرها بـخيانته..
وهو مازال يظهر حباً كاذباً لها...
مغموساً بشوكاً لآيجعل حتى آيديها تمسكه..
زهدة بذاك الحب..
زهدة به..
ومن لآتزهد بذاك الحب الخائن..
فهي بتأكيد..تشكو من شي ماء آصاب رأسها وقلبها..في توقيت واحد...
فـ ..أن قدم..لها آموال الدنيا..
وحنان مصفى..
وحباً قابعاً في قلبه ومتحكمه هي في شريان ذاك القلب...
كانت تلك الخيانه ذاك الدم الجاري بين شريان القلب
و ..
وريدهـ...آي..آمان آنتظر...
وآي كلمات يقولها..لي ..و..أومن بها..
ولم تسبق أذان غيري على تلك الكلمات وسمعتها...
كيف آعيش بين شك ويقين..يكفي تلك السنين..
مابين آرهاف السمع..وبين..التكذيب..
اليومـ عينها الشاهد وقلبها اليقين..
لم اتقلب في جمر حبك يا ياسر..كي آدمنه..
ويروادني ذاك الحب على هلاكي بزواجي المحطم مقدماً منك..
تحررة من قيودهـ..
وهاهو الان يقول{ آهله..}
لم تعد تربطاً سوى صلة الدم فقط...
فـ الخيانه من قبلك..
قضت حتى على المحبه الاخويه المتبقيه لك بصدري..
وتركة بدلاً عنها...
صحراء قاحله...
متعطشه لآ أرتواء من نبعاً..
صافي..
وصافياً..جداً..
يشبه المرئاهـ.؟
,
,

أبدّ مَاهِوّ خَطاهُ إنّه : دِفَنّ ضِيمَه ! , ... وَ قالّ : بِخيـرّ !
........................خَطَاهُ إنّه / .. رِضَى يَسقِيكّ حِبّه , .. وَ العِروُق : إيباسّ !
,
,
جناح شهد..,,,,
ريان يبعد طرف البطانيه \مانمتي لآتقعدين تستهبلين..وش ها المسج الي جاني..؟
آرتفعت قليلاً..لتقلي بنفسها على قاعدة السرير بتعب..\آيه ياريان والله صحيح..؟
ريان يجلس على طرف السرير\يعني بتقنعيني ان الي شفت صورته بأ اميل بنت الدايس.. لما هكرته ماهو بعناد..
فتحت عيونها شهد بصدمه\لآتقول انت الي هكرته...؟
آبتسم وهو ينفخ نفسه \وهل يخفى الهكر ..تيتيان..!
رمت شهد بتعب خداديتها الملونه لتنصدم مباشرتنا بوجه ريان\بالله ماتفشل من ها اللقب..!وشو تيتيان..!
آمتعض وجه ريان\ماتعرفينهـ...!!
شهد\ماحصلي الشرف..
آبتسم وبمسخرهـ..\مو ضروري آجل تعرفينه..خليلك في موضوعك
شهد قاطعته\هو مغني ولآ وش سالفته..
ريان\ههههههههاي طيب طيب..مغني..!
آلتزمت الصمت شهد..
وحركت يديها بـ صمت لدرج الصغير وآخذت علبة ادويه..
تناولتها وأعقبتها بنصف كأس ماء...
ريان يفتح نصف الشباك\تعبتي البارحه وماحد خبرني الا الخدامه اليومـ...؟
تجاهلته شهد ومزاجها ينقلب الى الدرجه السوداء فجئه\ترى ماهو بعناد الي في الصورهـ...لآتأذي البنت...
ريان بمقاطعه وتهكم\تمزحين..
شهد تبعد البطانيه للتوجه لدورة المياهـ\ماهو بعناد..صدقت او بكيفك..أساساً...كل شي غريب..عناد كلنا نعرف عن تدينه وخجله الكبير..
كيف يروح يغازل وهو أساساً..مايعرف يصفصف حكي ولآينمقه ..
كيف يطيح بنت الدايس بكبرها في يدهـ..
قاطعها ريان بتهكم\ترى عناد ماهو بخجول الي مايعرف يحكي..لآياحلوهـ..حنى رجال ونعرف بعض...
آنزلت الفرشاهـ..وتمضمضت على السريع بعدها\لآعناد..ماهو نسونجي..يا النسونجي..
غرق بضحكه \والله ماعرف الا ضي..لآتقعدين تكثرين حكي...
آختنق الكلام فجئه..
والتزم الصمت بعد بتر جملته..
بتواجد شخص مائلاً على طرف الباب..
ومستمع للحديث...!!
آطلت شهد بذات الوقت برأسها لريان وآكملت حديثها\آيه وضي الضحيه الي حتى ماخبرت آحد عنها..!
.
.
.
وقعت الفرشاهـ من يدها..
وحالة ذهول تلبستها ..
وآرتباك سكنها..
وهي تراهـ..
مبتسم..!
.
.
.
عناد يجلس على الكرسي..وبتهكم\آنا نسونجي..الله يسامحك ياريان..الله يسامحك..!
آرتبكت شهد وبخوف\عنـــاد..آيش جابك لجناحي..
بهدوء \آتطمن..عليك..في السالفه غلط..؟والا خايفه أخذ رقم وحدهـ من صحابتك في غفلتك..!
قاطعه ريان وبخبث\لآ..يكفيك رهف...!
تغيرت ملامحه..لكن آبتسمـ..\..آنت ماتستحي على وجهك حتى أسمها ماتحفظه زين..؟
ريان وشهد...وعلامات آستفهام تحلق بجوائهمـ...؟
وعيونهمـ..تسئل عناد ..الأسترسال في كلامه..
لكن عناد قلب الطاوله على ريان فجئه\آيه..وش سالفة ضي..؟
.
.
آبتلعت شهد ريقها..وهي
تنقل النظرات لجهت ريان..
الواقف بهدوء..
وطيف أبتسامه يحلق على شفتيه..
.
.
ريان بتهكم\آنت قول لي اول..عن رهف...سالفتك آبدآ..وآهمـ..
عناد يحرك بطرف آصابعه دميه صغيرهـ على كومدينة شهد\وش تبي بسالفتي..؟مافيها مهمـ..؟
تقدمـ ريان بخطوات صغيره...
من ثم آمال نفسه على الطاوله وضع يدهـ عليها\كيف مافيها مهم..؟عناد بجلالة قدرهـ مع رهف..؟حدث سبشل..وموسمي..؟
عناد قاطعه \ومتى ياآخ ريان تخبر آهلك بزواجك الميمون..من الايرانيه..
.
.
شهقت شهد ..
لم تحرك في عناد ولو لقدر بسيط...
وهو يقلب الدميه الصغيره بين آيديه..
والابتسامه تغزو
شفتيه بخبث عنادي يتحكم بزمامه..
ريان برتباك قليل قاطعه\وكيف حضرتك عرفت...؟
عناد ببرود\قريب..من وقت بسيط..قلت يمكن اليومـ.. بكره..يتلحلح ها اللوح ويعلم بزواجه لكن مافيه آمل..الوح ..لوح طول عمرهـ..
شهد بخوف\والله ياعناد..زواجه شرعي مافيه حرام او شي مثل كذا وهي والله بنت ناس وأوادم وطيبه
حيل وهم اساساً ناوين ها اليومين يخبرون اهلي...
رفع عينيه ببرود في شهد ..
المسترسله بخوف بدفاع عن شقيقها الذي تحب..
والخوف يملى عيونها له..
وتدافع بشراسه...عنه..!
آبتسمـ\بعد من زين العلومـ..ورفعة الروس..آختك هذي تعرف سوالفك..؟يازينك من قدوهـ...؟
قاطعه ريان\وش بتسوي يعني..بتعلم آبوي وأمي..هذا هم تحت..لآيردك الا لسانك..ماسويت شي حرامـ..
متزوج وبـ الحلال...الدور والباقي عليك ياقدوتنا..
تغيرت ملامح عناد لستغراب\وش تقصد..!
آنتبه لرنين نغمة رساله بجواله..
آخرجه..من ثم آعاده بسرعه بعد قراءة المسج..
وقف بسرعه\آسمعني ياريان ..عقلك براسك تعرف الصح من الخطى مو بزر ونعلمك ولآجاهل ونفطنك..
انت رجال طولي..وطول آبوك..ماهو قاصرك شي..يوم تخفي زواجك...ولآهو بحرام..لما تكون ماهي سعوديه ولآعربيه...
الشي الي مو زين وعيب..هو تحقيرك لها بها الشكل..وزواجك بسر...!
رمى الدميه على شهد..لتصدم صدرها وتقع بيدها..\العرايس والدباديب الي بغرفتك تطرد عنك الملائكه..وشو له تجميعها..!
.
.
خرج..كما دخل...!
.
.
وعلامات الاستغراب تملى شفتيهمـ..
بعد لحظات...
جلس على الاريكه\كيف عرف..؟
شهد\مادري عنك...آكيد طايح عليك يا الذكي...
ريان بستغراب\شفتي مانكر رهف...؟
شهد ترمي نفسها على السرير\لآ فطين بسم الله عليك..هو في البدايه على باله ملخبط انت في اسم
الي بيخطبها...ولما قلت له الدور والباقي عليك..آستغرب كلامك لأنه بيخطبها اليومـ..يعني هذا اكبر
تأكيد ودليل لنا..أن رهف وعناد..مايعرفون بعض..؟
آستدار بستغراب ريان...ونظراته مشككه..ومستغربه...
شهد\الحين ياحلو داره مدارهـ..لآيعصب في يومـ ويكت علومك الزينه..ويجيب العيد على راسك..هو
لو آنك سامع كلامي..ومخلص سالفتك كان آحسن لك ولي...
ريان وقف وبحيره\شلون يعني..ها الرهف ماتعرف عناد..؟
شهد ترفع شعرها القصير بربطه وتجبر الخصل المتناثرهـ لتجمعها\عقلي وقف..ماعاد قدر يجمع..بنرجع
لنقطة الصفر من جديد..
كيف ها النسخه الكربونيه..وآخر شي مو عناد فيه شي ماهو واضح..مبهم..؟
ريان ببرود\يخلق من الشبه آربعين..ممكن هذي تنطبق على ها الآ أحمد وعناد..؟وفعلاً ظلمناهم..؟
رمت نفسها من جديد على المخدهـ\بس ها الاثنين ماهم من الاربعين..الاثنين شبهم ماهو بطبيعي..
آطلقت بعدها شهد ضحكه مجلجله\يمكن آبوي وآمي ملخبطين في عناد وكان له تؤم في نفس المستشفى..ويطلع ماهو آخونا ..يطلع آخو ها الاحمد هههههههههاي والله قلبي كان يصارخ ويزاعق ماهو آخوك..ماهو آخوك..ياشهـــــــد
ريان قاطعها\ياخف دمك وآنتي تعبانه و تنكتين ..كأنك نكت واحد محشش بعز الظهر..وها البجامه الي فقعت عيوني فسفوريه..آحد يشتري ها اللون..بعدين آرتاحي عناد آخوك..آب عن جد وآم عن جدهـ..حمدلله والشكر من كثر ها المسلسلات الماسخه صرتي مانتي بصاحيه..
تمتمت ريان وهو خارج من الغرفه لم يمنع شهد من الدخول في نوبة ضحكه مفاجئه..

,
,

أبدّ مَاهِوّ خَطاهُ إنّه : دِفَنّ ضِيمَه ! , ... وَ قالّ : بِخيـرّ !
........................خَطَاهُ إنّه / .. رِضَى يَسقِيكّ حِبّه , .. وَ العِروُق : إيباسّ !
,
,
بتال&فلك
بتال بأبتسامه\آبشري ماطلبتي..!
فلك حركت خصلات من شعرها ودستها بتوتر خلف آذنها...\آشتقت له..معليش آعذرني..
آبتسم وهو ينزل كوب الشاي بنعناع\غريبه..؟
جلست بحترام آمامه على كرسي المقابل له\وليه..؟غريبه..؟
بتال وهو شبه طاير بتجذاب اطراف الاحاديث القصيره بينهم\ماطلبتي تشوفين فهد او ملوك او مناف..؟
فلك\مو قصور في حبهمـ الله يعلم كل واحد قدره عندي ماينوصف..لكن ياسر بكفه غيرهمـ...؟
حرك شفايفه بهمس\وليش..؟
فلك\هو قريب مني حيل
آبتسمت بنعومه \و ..لأنه يتيمـ...؟
غرق في ضحكه بتال ويده لآمسة صدره \ياسر..!اليتم في جهه وهو في جه ثانيه...الكل مغرقه بـ الحنان..!
والحين كأنه ثور وش يتيم فيه..!
فلك انتي حساسه مثل ماتركتك..!
ماتغير ها الطبع فيك..!
.
.
خجلت وتساقطت في نهراً من ورد الخدود رغم آحساس لآذع شاركهـا...
.
.
تداركت \ملوكـ بتنخطب العصر..
ماتت الابتسامه فجئه على فم بتال الباسم،ـ\ملوكـ..بنت فهد..
فلك\آيهـ...خاطبها عناد ولد سطام عناد الراسي..
.
.
حالة صدمه آخرى تلقاهـا...
وهو يتوقف عند آسم الخاطب..
عنــاد..سطـــامـ ..الراسي..!
يستحيل ان تكون صدف..او تشابه اسماء..
يبدو من الاسمـ...انٌه شقيق ذاك الجسار..!
يالله..؟
سـيقتل نفسه آبي حزن لآمحالهـ..
فـ جسار آصبح قريب لي من جهة النسب..
وملوك حلقت بعيداً جداً عن ياسر...
و سربها حلق بتجاهـ تلك العائله..
سيصاب في عقله ياسر بتأكيد...
فـ زواجها فقط..بنسبه لهـ كارثه..
فماذا لوكان آسمها يقترن بشقيق ذاك الصحفي...
ماذا يخبئ لنا...القدر؟
آنتبه فجئه لكلمات فلك الرقيقه..\بتال..فيك شي..؟
آبتسم\لآ...بس محضر لك مفاجئه بعصر ..وبمرهـ خذي كل آغراضك بنطلع من الاوتيل...
,
,

أبدّ مَاهِوّ خَطاهُ إنّه : دِفَنّ ضِيمَه ! , ... وَ قالّ : بِخيـرّ !
........................خَطَاهُ إنّه / .. رِضَى يَسقِيكّ حِبّه , .. وَ العِروُق : إيباسّ !
,
,
4م...
ملوك تحضر القهوه والشاي...
واثناء تحضيرهـا..مسترسله با الكلامـ..مع فلك..
فلك بضحكه\قليلة ادب..! التهي بس بقوهتك وشاهيك مالك دخل بشي ثاني..
ملوكـ ترص الفناجيل والكاسات بنتظامـ...\قسم بالله انا متوتره بشكل ماتوقعينه.مع انه مو صاير شي..خطبه وبس..بس هم صربعونا ماتوقعنا ابد يجونا ها اليومين..
فلك ببحه\الله يوفقك معه..آنا ماعرفه ولآعمري شفته..بس دوم اسمع جدته تحكي عنه..بس كان وقتها صغير..
ملوك ببحه\كم عمرهـ..؟
فلك\مادري بس اكيد بثلاثينات...!
ملوك \ابوي الله يهديه مدري وش فيه مصر عليه و يبي يزوجني ويرتاح مدري يحسني حمل ثقيل عليه او يبي يبعدني والسلام...
فلك\لآملوك..وش ها الحكي..ابوك لو ماهو عارف انه رجال واهله طيبين مازوجه...
آبتسمت ملوك\وانتي يا الدب القطبي متى يفك الحصار عنك ويخليك تجينا...
فلك بحياء\وربي ودي...يالله ملوك خلصي قهوتهمـ تراك فاضيه بجد..تكلميني وانتي تخطبينا..
ملوك \وقسم بالله من الارتباك اجل تبيني افضي التوتر وانا اكلم نفسي..
يالله مع السلامه..
حملت صينية القهوه والشاي..
ومشت بها لباب المجلس...
وطرقته عدة طرقات...
وكئنها تطرق معه باب القدر..!
.
.
.
بمجلس...
ابو مناف \هذي والله الساعة المبروكه يابو جسار...والبنت بنتكم..من بيت ابوها لبيت ابوها الثاني..
ابو جسار بفخامة صوته وجهورية الحضور وجذابيته\يعلم الله ان ملوك مثل بنتي شهد..أدب واخلاق..وهذا الي مطمعنا فيها...
والله انها تحت عيني وهي ماتدري..
اشوفها واحرص عليها..
صحيح مابي افرق بينها وبين الطاقم الي معها..لكن هي حيائها وحضورها تجبرك تنجذب لها..وتحبها ..
كان مطمني عليها اكثر هو ولد عمتها معها دوم...ولد عبد العزيز..؟
آبتسم ابو مناف\مايلحقك قصور يا ولد عناد..ولآ يجيك لومـ..مكمل الطيب ومضيفه..
ابو جسار\ماعليك زود...والحين موصيتني بنت راكان..على ولدها...!
قالها و الابتسامه تعلو شفايفه..\وتقول لآيجيني الا متملك..على بنت فهد..علمناً يوصلك ويوصل فهد...واذا دكتورتنا راضيه..
فما نبي نزعل بنت الشايب..
آبتسم فهد وبفرحه\بنت راكان تامر علينا وتنهى...
آبتسم جسار والتفت لـ جهت عناد وبصوت واطي\آها..آجل..يابو رعد بتطلق العزوبيه الليله وبثلاث..
آبتسم عناد ابتسامه غريبه شبيه بـ شخصاً ابتسم فجئه لكلآم لم يكن يحضرهـ..
والفنجال يحار في يدهـ من ثم برد..
والتزام الصمت من قبله سيد الموقف...
.
.
.
الدايس..
حديقة الفلهـ...
ام عساف متشاغله بتقطيع البرتقال..وتمدهـ ليد ابو آحمد..
من ثم آخذت تقطع قطعه آخرى لرهف..لكن جرحة آصبعها فجئه..
رهف بخوف\ماما بسم الله عليك..آشوف..
ام عساف بـرتباك\جرح مره بسيط...لآتخافين..
ليتلقف آصبعها آبو آحمد بـ منديل السفرهـ القريب منه..\بسم الله عليك..وش فيك موضي..من يوم قعدتي وفكرك ماهو بمعك...
رهف \ماما تعورك آجيب لك من داخل شاش ومعقم،.
ام عساف\ياربي منكم كله قطع بسيط مره..كبرتوها...الله يهديكم...
رهف بصوت هادى\ماما مشغلك شي..قوليه ..
آبتسمت وهي تضم آصبعها المجروح بـمنديل..\ولآحاجه...
رهف بمقاطعه\آكيد حلم اللولو والحيه..رجع لك من جديد..!
آبو آحمد \لآحول ولآقوة الا بالله..انتي فسرتيه واشغلتي نفسك بنفسك..يا موضي الله العالم انه اضغاث احلام...وماكل مفسر يفسر الحلم تفسيره الصحيح...
موضي\عساف حي..قاله لي الشيخ بعظمة لسانه...وقال انه مثل الي بيدهـ جمر ماتذكر..!كل هذا يعني آضغاث آحلام..
آغمضت عينيها من جديد ..لتسرق عينينها الذابله تفاصيل الحلم الدائم لها...
طفل صغير..مابين السنتين..ومجموعة من اللؤلؤ المنثور مابين يديه..
يلعب بها.. من ثم آقتراب تلك الافعى
ودخولها مابين اللؤللؤ..
ولعب الطفل بـ اللؤللؤ..ولمـ يفلح في آبعاد الحيه بنكثه التراب عليها..
لكنها..آصبحت مابين اللؤللؤ..
لم يفلح صراخي بأسم عساف لذاك الطفل..ان آجلب آنتباهـ ويهرب الي من تلك الافعى..
لينتهي الحلم دائماً ببكاء ذاك الطفل وانا ..وتلك الافعى تريد ان تبث سمها في جسدهـ...
فتحت عينيها ام عساف..وترقرق الدموع ينهمر من جديد..
آبو آحمد بعصبيه يقف\عساف عساف...يموضيـ...لو فيه خيط يدل انه حي لحقته..وجبته لك..لكن كل شي يقول انه ماهو موجود..ياموضي ذبحتي عمرك بها الدموع...وها الاحلام...
موضي وقفت وبصوت حاد\يعقوب عليه السلام..مايئس من رجوع يوسف..والله امتحن ها النبي في صبره..
حتى عيونه آبيضت من حزنه على يوسف عليه السلام..وانت جاي الحين تلومني على دموع تنزل..؟ يارجال
خلها تنزل وتجرح ها الخد ..
مانزلت الا على ضنى وحشاشة جوف...والله قبل يومين مدري من الي يبكي بعد على ضناهـ...؟
آنتبه ابو آحمد على تلميح ام عساف والتزم الصمت..
آم عساف بحزن\أثنين يا ابو آحمد آثنين..وش ها القلب الي داخل ها الضلوع يشيل من حزن ويكيل...والله والله ثم والله..كلما دخلت سوق او وقفت سيارتنا عند آشارهـ..آتلفت يمين وشمال..وآشوف الي بعمار عساف..يمكن..يمكن آلمح زوله وحتى لو مادري..تكون ها العين لمحت زوله..كود ترتاح لها ليل..
ثم آردفت\
آنت يا آبو آحمد آرتحت ودفنت قطعت حشاك تحت التراب..آنا لو ها القلب شاب بداخله نار ومايطفي لكنه موت وحق علينا آبصبر..آبصبر..آبصبر..
راح قبله آلابو والاخو..والام..لكن الي على ها الارض عايش وينه..؟
وين ديارهـ..كيف شكله..كيف حياته..متزوج...والا ماهو متزوج...عايش حياه سعيدهـ..والا
متكدر وضايقه فيه الوسيعه...وش السواة ..وش السواة...؟
مالي الا الي يسمع خفي الصوت يجمعني فيه ولآيحرمني آشم ريحته..ولو بعدها اموت..
آسترجع آبو آحمد...\ياموضيـ..الله بسماه ماقصدة آفتح عليك جروحك وآجرحك..لكن آنتي ترجين لك
سراب ماء..حتى آبوهـ..ترك الرياض بكبرها وراح ...ومارجع الا قبل كم سنه فتح له مستشفى و بنى حياته برياض من جديد ..آكيد انه ماترك شي الا سواه لكن آختفى ها الولد اختفى ياموضي لو لك كتبه بتشوفين عساف ولو مالك..والله لو يجتمعون هاالناس يدورونه لك والله ماهو كاتب مانتي بشايفته..
تمتمت بصمت وصمتت..
فعاطفة الامومه..لآيمكن لرجال ان يفهمون..ذاك السر اللهي..
عاطفة الامومه تختص بنا فقط جنس حواء...
ولآبد ليومـ..ان تنير تلك الشموع..

,
,

أبدّ مَاهِوّ خَطاهُ إنّه : دِفَنّ ضِيمَه ! , ... وَ قالّ : بِخيـرّ !
........................خَطَاهُ إنّه / .. رِضَى يَسقِيكّ حِبّه , .. وَ العِروُق : إيباسّ !
,
,
بتال&فلك
بتال يدخل فلك الفله الصغيرهـ..
وبأبتسامه\آدخلي..!
آصابع فلك معانقه لأطراف عبائتها بخجل...
وعيونها ترتفع بحياء لآأركان المكان ..
وفخامة العاجي بأركانه تتضح بصمتهم...
بتال بهمس..
وكفه الدافئ يعانق كتفيها..
ويجبرها على السير معه..\وش رايك..؟
فلك ببحه\ماشاء الله ..حلوهـ...
بتال بهمس...\انتي الي بتحلينها اكثر..
قالها وهو يجبرها تجلس على اول آريكه تصادفهمـ..
من ثم تعانق اصابع الدافئه عيون فلك لتغطيها..
فلك تحاول تبعد يده عن عيونها برقه\بتال..!
بتال بهمس بقرب من أذنها\عيونه..بس لحظهـ..!
قالها وهو يودع حضنها بأقة ورد بلون الاحمر...
وعلبه متوسطه بلون الاسود المخملي...
آبعد يديه عن عيونها....
فلك وآصابعها تحتضن الورد بصمت..
لتمر لحظات صامته بينهمـ..
بتال برقه\ماتبين تفتحتين العلبه..!
يمكن الي فيها مايعجبك مثلاً...!
يدهـ تمتد برجوله تمتلك بتال لنخاع..
ويفتح العلبه بهدوء ويرفع أصابعه بتعليقه ماسيه..
قلب ماسي..مفرغ..وآسم بتال وفلك يزين ذاك القلب برسم كتابي مبدع..
فلك وتحتضن عيونها الدموع..
آنصدم منها بتال وجلس با القرب منها ويده تحتضن آيديها\فلكـ..!
قاطعته بهمس خالجته الدموع وهي توقف...\حلو البيت..و..يعطيك العافيه على الهديه..؟؟!!
.
.
.
برود..
صقيع..
لفح وجه بتال بقوهـ..
وأعتصر قلبه..
آرتعشت آجراس الجروح في قلبه..
بصدها الموجع...
حرارة البعد آذابته..
صهرته..!
وينك يا فلك..لآتقسين..
لصبر مافيني..!
.
.
.
بتال ببحه وهو يبتعد\طيب ..بطلع كمـ ساعه وبرد..على العشاء..وبجيب عشاء معي وكم غرض للبيت..ماراح اتـأخر...
فلك هزت راسها بصمت وخطواتها تضع معها باقة الورد والعلبه على الطاوله الجانبيه...
آنسحب بتال من المكان بصمت مطبق...موجع لروحه..
.
.
.
بعد ساعه الا ربع...
.
.
.
بيت العاجي...
بتال يحتضن فلك ويطبع قبلات على خديها..وخدي سنا المتعلقه به..
فلك\بابا وحشتني كثير...
بتال بأبتسامه\وانا اكثر...كيفكم كلكم طيبين..
فلك هزات رأسها بأبتسامه وهي تحتضن الالعاب..
وتجلس بأرضية الاستقبال مع سنا...
أبتسم بتال على ابتسامة الظبي الصغيره وهي بعربتها....
آقترب منها بشوق جارف وحملها بحب بين ذراعيه ليطبع مئات القبل على وجنتيها ..
بتال يجلس على الاريكه القريبه..\بابا حبي انا ظباااي..
لعب بطراف اصابعها الصغيره..وأحتضنها بحب..
بهمس\افلاكي..روحي خبري ماما وخالتك آني جيت...
آبتسمت فلك وركضت لدور الثاني..
بمقابل....
ومن دربزين الدور الثاني..عيون الظبي المنزله لصاله المفتوحه...
اتجهت بعدها بعصبيه لجناحها وصوت الباب اعلن عن آعصار سأينفجر..
بجلسة الدور الثاني..\قطع ام ها الخلاقين..وش بلاهاااا..؟
مناهل\مصيبه ..ها المرهـ وش ها الكيد الي ساكن ضلوعها وباني له قصور..
مناير \تحمد ربها وتشكرهـ ماهو بطويرق الي آعرس..ماعرس الا بتال..ياحظي المنكس وش منكس..الا آعور واعرج..الي هو يحوفها حوف..ويدهينه لآتنكتين..وآنا..مالت على وجهي الا مالت..من طبينه لطبينه...من حفرهـ لحفرهـ..
مناهل بمقاطعه\مناير قسم بالله انفجر راسي بريحة خلطة ها الحنا ..متى بتخلص من روسنا..
مناير تنظر لساعته \باقي ساعه ونص..أصبري يامنهيل..
مناهل\الا وش حاطه فيها ريحتها مره قويه...
مناير\حنا..و..شوي ثوم..وشوي كركديه..وشوي قشر برتقال مبشور تنقعينه مع الكركديه قبل..عشان كذا..بيطلع اللون..و
مناير مستغرقه بحديثها لما توسطة فلك المكان وبصوت عالي\ماااااااما بابا تحت يبيك انتي وخااااااالتي..!!
شهقت مناير بصدمه\ابوتس تحت..!!
مناهل\أأأأأأأبوك تحت..!
فلك بصدمه\ايه..وقسم هو تحت ومره مبسوط يلعب الظبي..
مناهل توقف وبعصبيه\ايه مبسوط وش الي مايبسطه...جاي ومستانس وفرحان وطاقته الوناسه معرس يابنيتي معرس..خليه يتونس وينبسط..!
لآحد يكدر خاطره لآحد يقول له شي...
مناير بحديثها الصارخ وكلامها تنزل من الدرج بخطوات سريعه
مناهل برتباك\شوفي فلك انا بروح اتحمم قولي لبابا ينتظر انا بحمام..خلاص خالتي..
فلك آشارة براسها بأبتسامه
.
.
.
مناير وهي تتوسط الصاله الارضيه وبصوتها العالي..\يامرحبا ياااامرحبا نور البيت ..يامرحبا بشمسنا..وظلالنا ..َ
يامرحبا طيب البيت وعمودهـ وساسه..!.!!
.
.
عيون بتال المراقبه لجنون ترحيب مناير المتهكمـ..
جلسته لم يغيرها..
قابع برجوله فخمه على الكرسي الأنيق..
وآبنته الظبي بجانبه تلعب بأطراف سبحته..
ويده تعانق آطراف دقنه المنحوت ومرتكئ على طرف الكرسي بهدوء..
وعيونه تتحرك على ثورة مناير القادمهـ...
بهدوئه الدائم\هلآ..فيك..
مناير بعصبيه\كان ماقطعت عسلك يا رجال..كان جلست بعد كم يوم معها..ماله لزوم كان ماجيت ..ليه كدرت خاطرك بشوفتي..وشوفة بناتك..
بتال بهمس هادئ\آم فلك ..آستهدي بالله وآجلسي..وحصلي من الله خير
مناير بعصبيه\لآ..ياولد مقرن..لآ..مالي بنت آسمها فلك..من اليوم وطالع غيرة اسمها...بسميها على مزاجي..ومزاجي آختار سحاب..!
آبتسم بتال يمتص ثورتها\مو مشكله..كلها بسماء..!!
تعالي يأم سحاب..وآطلبي رضاك..من الف لرقم الي تحددينه...
آبتسمت بتهكم\مايحلقك قصور..مكفي وموفي با الجروح والعطايب..!
تجاهل كلماتها المستفزهـ له..
سحب كيس آنيق ...
وضع على الطاوله القريبه..علبتين بلون الاخضر المخملي...وفتح العلبه الاولى..
ليظهر طقم ماسي آنيق بلون الخمري..يضيئ..بفخامة الماس..,,,
بصوت حيادي الوتيره\مناير..هذي رضوتك انتي ومناهل...تبون آكثر..قلت لك آطلبي من الف للي بخاطرك..
مناير بصراخ عالي\جااااي تراضيني بلمعة الماس وكم الف ...لآ...انا رضوتي كايدهـ يابو ..والا نقول..ابو مقرن آحسن..بنخلي لك بنت البراق تجيب مقرن العاجي الصغير..!
آنت بأي وجه رايح تزوجها من جديد..؟
أذا مافكرت في ابوك وحريمك.؟
.فكر على الاقل في بناتك..؟
في ها المنهوبة الجد الي بتصير خاله لهمـ..!
اذا انا هنت عليك ..؟
خذيت علي مناهل وسكت وقلت يمكن ويمكن ويمكن..؟
مناهل بنت ناس وبنت حموله معروفه...
لكن تروح وتساوي روسنا بها المنوهبة الجد...!
وتهينا بين أهلنا وجماعتنا..؟
وش تبينا نقول بعد ها السنين..؟
نقول والله بتال الله يطولنا في عمره..الله يسلمكم حرمته الجديدهـ تعرفونها ..هي نفسها عجوزه الاوله..بنت الاصول والحسب والنسب..
آنت يابتال حتى لنا ماطقيت الراي والخبر...
.
.
.
نقف هنا..
همسة محبه ..آعراضنا دون عرضك يا امنا...
.
.

 
 

 

عرض البوم صور ضمني بين الاهداب   رد مع اقتباس
قديم 25-09-10, 10:56 AM   المشاركة رقم: 345
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

راحتي فيك...الله يسلمك يا الغاليه.وياهلا وغلآ بين متابعتي...ولي الشرف يا الغاليه بمتابعتك
.
.
ورده منسيه...فديتك بخير..ومتواجده وعلى الوعد يا الغاليهـ..كان البارت...لآحرمني الله من محبتك..
.
.
عيون الدانه...هلآ وغلآ...والبارت بين ايديك..لآتحرمينا التواجد
.
.
وياهلا وغلآ..با المتواجدين والمارين با المتصفح..والي خلف الكواليس..والمشاركين..جميعكمـ..ياهلا ومرحبا فيكم ببعض العيون...

 
 

 

عرض البوم صور ضمني بين الاهداب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملوكـ وعناد وبدايات الحب.., مبدعة أستمرررري, آبـــــــــــــــــــــــــــــــــــــــــــــداع...., لو أجيب كل عبارات المدح ماراح اوفي قصتك حقها من الأبدااع, اويييها واعرس البارون اوييييها والحلوان على شوشو, بتال&فلك آحلى ثنائي, بعض العيون حقدها في نظرها, يا الغوالي الاجزاء سبت واثنين..ضمضم, يا ناس وه فديت مقرن و ساري بديت احبهم, جسار للظبي<<مااتنازل, حصريا ولأول مرة العقيد عنااد آل راسي من ممتلكاات النوري ..فاهمين ..فيس يهدد هههه, روابط جميع الاجزاء با الصفحه الاولى..., عنااااااااد أسطوووره لن تتكرر ..وهـ بس فديت ابو رعووودي .., فديت أحسن وأحلى كاتبه ضمضمــ, نظره حقد 20 في صفحه 75--نظره حقد21في صفحه 83, نظره حقد 22 في صفحه 88--نظره حقد 23 في صفحه 96, نظره حقد 24 في صفحه 107, نظره حقد 26 في صفحه 127, نظره حقد 26 في صفحه 128, ضمني بين الاهداب, قصص من وحي الاعضاء
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t140889.html
أرسلت بواسطة For Type التاريخ
ذ¯ذ½ذ´ذµذ؛رپ This thread Refback 03-07-15 12:28 PM


الساعة الآن 04:32 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية