لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 12-07-10, 02:13 PM   المشاركة رقم: 221
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

بسم الله الرحمن الرحيم..
..
..
..
نظرة حقد 13..
..
..
..
مدخل..
صوّت حبيبي وقبـل أقـول ياعونـك
............شكى جروحه ورحت أشكي له طعوني
يقول مقدر أعيش اليـوم مـن دونـك
.............وأقول حتى ولو ماعشت مـن دونـي
يمكن أنا اكون أعز إنسـان فـعيونـك
...............بس انت والله كـل النـاس فـعيونـي
لا صرت ربعي وداري فيّـة جفونـك
.............وش دخّل الناس خل النـاس يجفونـي
يكفيني إن انت لا من قلـت وشلونـك
................تطيب كل الجـروح ويختلـف لونـي
وإن كان منتب مصدقني علـى هونـك
................تعال وطالـع دروبـي ويـن ودونـي
أصبحت أجامل عداي اللـي يحبونـك
..............وأكره مشاهد عـداك اللـي يحبونـي
ومن كثر ما احب واكره عنك واصونك
...........أصبحت دفتر مشاعر وأنت مضمونـي
إن غبت عني شعـرت بلـذة طعونـك
...........وإن شفت زولك شعرت بقيمه عيونـي
..
..
..
بدايه
بارت اليوم..قصير وخفيف...وان..تخللته مفاجئه..!
..
..
..
..

بارت اليوم..أهداء خاص...لطيف الاحباب...
..
..
..
آرحب...بـ
حطموك ياقلبي...فيولا روز..احساس الانوثه..مو مو..وقار الصمت..
..
..
..
{لآتلهيكم الروايه عن دخول وقت الصلاه}
..
..
..
جلس با القرب من خاله...
ياسر\تو ماتعدل السكر عندك..صحتك ياخال غاليهـ علي..الله يحيك..لآتحسب انك رخيص...
ابو مناف \الا رخيص..وارخصتني..وعطيتك بنتي سنين وسنين...وهذا انت مثل ماسوى عمك سويت..؟
ماسويت فيني خير يا ياسر ماسويت فيني..خير...انت عارف ما امنت على ملوك الامعك..وما..خليتها
على كيفها الا عشانها تحت جناحك..
وهذا انت..رجعتها لي..وكئنه ماصار شي..وما..آمنتك عليها..
تطلعون وتدخلون وبلحالكم..اذا ماحكيت شي..الناس ماتسكت..وحتى لو هي حلالك ولك..عند الناس
ماهي بحلالك وعيب حتى تلمس ايدها...قولي ياسر..وجهي وين اوديه..وانت ترد بنتي بعد سنتين متملكها
وسنين وسنين وهي لك وانت لها..علمني وش اقول وش ابرر..علمني وش اقولهم يوم يقولون وش في ولد عمتها
ردها لك...شايف عليها شي..والا ..
آنتفض قلب ياسر قبل جسمه...بصوت ظهر من عروق جسمه قبل ان يصل الى اوتاره الصوتيه..
بجزع\اقطع لسان الي يحكي عن بنت خالي..واعلق راسه عند بابها...من الي ببيع عمره ومهديه ..من الي
مال من حياته ويتكلم عنكم با الشينه..؟
والله..والله..ماتبسط عليه الشمس ليوم ثاني...
يشهد علي ربي..اني ما ..لمستها..وماخنت امانتك لي...
ويشهد علي ربي..انها تربيه رجال..ماتخون ثقة ابوها..
ويشهد علي ربي..لو ابيها من وراك وطعت نفسي ان اقطع يدي الي خانتك فيها..
ياخال..بنتك بنت شيخاً على سجادته ساجد..
كيف تبي تغلط..و الي رباها..على الصلاه ..وخوف الله تخونه ولو هو حلالها..
لكن يابو مناف..يعلم الله اني ماتركتها راغب..وماطلقتها وانا بايع..
والله العظيم ان ملوك تنوزن عندي با الذهب والماس..وكفته هي الي ترجح على كل غالي ونفيس..
لكن القدر والمكتوب..من الي يهرب منه ومن الي يحاربه..ويوقف بوجه..
اثناء كلمات ياسر المتغلغله في قلب ابو مناف..كانت عينيه الصغيره المرسومة حولها التجاعيد..تخفي
دمعاً..اعلن..نزوله...
فجع ياسر...واهتز جسمه ..وقف بصدمه...وابو مناف يمسح بطرف شماغه...عيناه المملؤه دمع..
ياسر..يقبل راس خاله وبصوت خافت\ياخال لاتصعبها علي فوق ماهي صعبه..
ابو مناف بحشرجه\وش الشي الي مصعبها..؟تكذب..يا..ياسر تكذب..تكذب..ماهو انت الي
تنغصب على شي..وش هي مسويه ملوك..وش هو خطاها..؟
وش الي شفته منها..وخلاك تعيفها...؟
علمني قبل ادري من الناس..؟
انت الي تكسر راسها دام مالي حيله اذا اخطت...!
.
.
اذا اخطت..!
اذا اخطت..!
اذا اخطت..!
وش خطاها غير العفاف..والبياض ..والطهر...كساها وزهى فيها...وش اخطت..؟
وش خطاها...غير تبي صدر..ترمي عليه ..دموعها..ويكون منديلها...؟
وش خطاها...غير ..حظها العاثر...الي حطني ..بدربها..!
.
.
ملوك وتخطي..!وبطهر تنطعن..!واول انسان شكك فيها...الي رباها...
ياليته يدري...ماحد غيري يستاهل انه ينطعن...
ماصان نفسهـ...وفوقها دور له اعذار..
ياليت العذر يا ملوك تقبلينه...وياليت الزمن يتعثر بخطاه ويرجع عقاربه ...
.
.
ماقدر يمسك نفسه اكثر..
والاتهمات والشكوك تحيط با البياض..
تقدم له..ملئ صدره من الهواء...
سـ..تبداء رحلة الاعتراف..بخطئ...جر..لهـ..الالاف الاخطاء..
ياسر بصوت خافت\السالفهـ..ياخال...
.
.
قاطعه دخولها..الهادئ ..
وصوتها يمتلئ به المكان...وآجبره فعلاً..على الصمت
والاستماع...
الاستماع فقط..
ولآشئ..صوته فرحته..لمعانقة اذانه لصوتها المحبب...
ببحة صوتها المميزه\ليه يابوي تكلم عني كذا..وانت الي ربيتني...كيف تشكك في بنتك...كل هذا عشان
ياسر...؟
يبه ياسر هو الي ارخصني وباعني...عشان ايش..؟
عشان جدهـ.....جده..مقرن العاجي....يابوي شفت الزمن...رجع لبتال في ياسر..!
الجمته كلماتها الموجعه لصدره..
والمدافعه بنفس الوقت عنه..كيف يجتمع الضد...
كيف يجتمع الوجع...و...محبة ذاك الوجع..!
لآتريده ان يصغر بعين الجميع...
كاأختفائه من عينيها...
و
ان حاكت الاكاذيب..من آجل..ان يخرج بأقل الخسائر...
التف ابو مناف بصمت موجع هز رأسه..وبطراق لكلمات ملوك..صمت..!
.
.
آبتلعت ريقها المغموس بشيٍ يشبه العلقم...هل ذقتم ذاك المرار...!
.
.
طحت من عيني يا ياسر...لكن ماراح تطيح من عيونهم...انت ..ياسر ولد عبد العزيز..الغالي
الشامخ..الكبير بعيونا...
كل شي آقوله واصدم ابوي فيه..آهون بكثير...من انه..يعرف انك ماقضبت تمليكه لبنته مثل الرجال..
وانك تركتها مثل الانتقام لجدك وعمتك..
ومابيه يعرف ابد...انك ذبحتني مرات ومرات ومرات...مع زميلاتي وصديقة العمر...
خلك كذا...
طيح من عينه...لكن طيح وانت واقف...
طاع جده...
افضل بكثير..من..صغر خالهـ..و..حب بنته مثل مايحب بنت من بنات..الشوارعـ...
ماحط فرق..وماكلف نفسهـ...يرفعني عنهم..و..لو..شوي...
.
.
ياسر ..سحب خطواته بثقل...
مع كل خطوه..يسحب روحه...
وتلك الروح ..تراءت له..
كاطفلاً..مدلل يرفض الأنصياع لأوامره..
يتشبث بكل شيٍ حوله...ولايريد الخروج..
يرفض الأنهزام..ويرفض الرحيل...
ويرفض ايضاً..وايضاً..و..ايضاً..انهُ اخطئ وعليه فقط تحمل ذاك الخطئ
مهما كلف على روحه..
ورماها من آعلى قمه..
فسقطة صريعه...على أرضها...
.
.
فتح الباب ويديه ترتعش من تلك التيرات اللعينه...
تيرات..تتناول ..كل خلية بجسده على حده..
لتوغل في وجعه..
ماعادت ..تلك الطفلهـ..المبتسم لها بذكريات
اصبحت محرمه عليه..
اللمس ..
الهمس..
الذكريات..
وحتى السماح لذاكرته بسترجاع صورتها..
او
لقلبه با العوده لنبضه الجنوني حين..يسكره قربها...
بخطوات واسعه قاربت لتعثر...
طلع لباب السور....
وسحب الهواء لصدره...من ثم زفره...
كرر العمليه عدة مرات...
لحظات وانتبه..
لدخول فلك من الباب الخارجي...وتحمل أكياس...
مشى بخطوات سريعه..ولقف الاكياس...من يدها...
وبعصبيه وجسده يهتز وكئنه يريد فقط الافراغ\ليه تطلعين بدون تستئذنين...؟شايفتني جدار قدامك...والا ماحسبتي لي حساب..!!
فلك برتباك\لا الله لايخلاني...محشوم.. محشوم ..لكن مادريت انك جاي...وماودي اعنيك...؟
آنتبه مع فتحت الباب الخارجي لسيارة الأجره\ومع تاكسي..!الف مره قلت لكم ماتركبون مع غرب...تبين تذبحيني..؟
فلك تفرك أصابعها برتباك\يابو عبد العزيز روق..هد اعصابك..والله أغراض ضروريه..وانت الله
يهديك حتى جوالاتك مقفلهـ...
زم شفايفه بقهر...
رمى الأكياس عند عتبات الباب وجلس على العتبه الاولى...
سحب هواء جديد...ويحاول..ان لاتكون عبق انفاسها..مصاحبة لذاك الهواء..
ببحهـ\تعالي ابيك في كلام...
فلك بخطوات هادئه بتجاه\تعال ندخل...
ياسر \لآ..مستعجل....وراي سفر...!
ملامح الأستغراب على وجه فلك وهي تنزل النقاب وتجلس على العتبه وقريب منه..\وين بتسافر...؟ماقلت لي
قبل...؟غريبه ماتحب السفر... دايم هنا برياض...؟
ياسر ببحه\بروح اكمل دراسه بتخصصي برا...كم سنه...
ارتسمت المفاجئه على وجه فلك..!!
وظهرت بشهقه خفيفه...
من ثم انزلة رأسها وعانقة أصابعها جبينها..
ياسر من غير التفاته منه\انا بروحــ ..أدرس....محتاج لهذي السفره..وانتي اكثر وحده تدرين
بها الشي..؟
فلك ببحه\الله يهديك ياياسر ليه استعجلت بطلاق..ليهـ...
ياسر مقاطعها \البارحه ماطلعت منها..وانا بردها..؟
بلع ريقه..وبصعوبه\طلبتني ياخاله..شوي وتنزل على يدي تبوسها..أحسها حتى ماهي
بطبيعيه..ماعاد حست بعمرها..طلعت منها..وانا ماني بخير..خليت الي ينبض بصدري عندها..
اذا هي حست با الاهانه..مره..انا حسيت فيها الف مره..من عيونها وكلامها..ماعاد فيه اكبر اهانه مثل
كلامها عني عند خالي...وهي ماتبيني أطيح من عيونه...
فلك بهمس\متى امداك تقرر وتفكر...الله يهديك بس الله يهديك..
ياسر يتحكم بنبرة صوته \لو بفكر ماطلقتها..زين انها طلعت مني..والله اني قلت ماهي بطالعهـ..
حس بكلمات تتلعثم ..وهي تطلع منه...
ساد الصمت الموجع...وبدى لهم الصمت آخر ..
لحظات قليله..آمتدت لثواني..او قد تصل لعدد معدود من الدقائق...
ياسر \خالتي..فيه طلب ابيه منك.. وابيك ماترجعيني وانا ابيه...؟
فلك التفتت له وبتلقائيه \روحي لك ياياسر وانت تعرف ها الشي..اطلب..آمر..والله حتى الماء البارد على الضمى أبديك..
آحتضن يديها الدافئه..و..بحب...\آبيك ترجعين لعمي بتال..!!قولي تم..!
.
.
.
ماء بارد..آنسكب على جسد فلك...
وأشتعل بذات الوقت..
كيف يريد..ان يرجع الأسم..من جديد...
لحياتها وصاحبه...
نبضات قلبها ودقاته..
شعرت بئنها توقفت تماماً..ولمـ..تعد..تنبض..
او..
ان قلبها خرج من مكانه..
هرب..من قفصها الصدري...
إي جملة القاها..ياسر...!
إي وجع..نثر عليه الملح...
إي..مأساة تجاهل حدوثها..
ويئبى الا..تكرارها...
يهزء..بحبها..من جديد...ويهزء بروحها ..!
إي قاتل انت يابتال..؟
و..
إي...دم بارد تحمل ...يا ياسر...
ياسر برجاء\قبل لاتقولين شي...والله العظيم..محملني رساله...يقول..والله اني مابعتها ومارخصتها..وانا شاريها
وابيها...
ياخالتي...عمي يحبك..والله العظيم عمي يحبك..و..ما...نسى حبك يوم..
ياخالتي..عمي ماباعك وماتركك برضاه..
عمي يا خالهـ..تركك غصب عنه..وفي عمر صغير ومجبر ماهو براضي...وحتى يوم تزوجتي مرزوق...
قبل مايدري بسبوع زواجك..قال لي اكلملك...بيرجعك...لكن لما خبرته انك تزوجتي..حلفني مافتح الموضوع
معك ابد...
ياخالهـ....انا مسافر..ومدري متى ارجع...ومثل ماتشوفين...مناف رايح فيها ..وخالي حمل ثقيل عليكم..
وانتم بنات..
آخذيه..خليني على الاقل اروح وانا متطمن على وحده..وماينشغل بالي على ثنتين...
.
.
.
ملامحها المصدومه...
وعيونها...الجاحضه...
وجها الذي انقلب للون اخر..قريب من الشحوب..
وصورته الضبابيه
ترجع لها من جديد...وفي وضعاً..مهين..
تحت ذاك الشباك..حيث الوجع القابع..بصلابه..
حتى ملامحه..تغيرت كثيراً..
ماعاد ذاك الشاب النحيل ذو الوسامة المبتدئه...أصبح شخص أخر تماماً..تجهله...
شخصاً..وكئن الجمال نبع..غطس فيه ثم خرج..!
اي خجلاً..يعتريها...واي تفكيراً..يأخذها..اليهـ..
بمجرد التفكير فيه...هو...خيانة لجرحها...
بحده\وش قاعد تحكي وش قاعد تخربط...
قالتها وهي توقف وتحاول الهروب من المكان ومن ياسر..ومن بتال..!
..امسك بمعصمها...وشدها للجلوس برفق...\خالتي...وش خايفه منه..يتركك مثل اول..!
بتال اول مات وجاء بداله بتال ثاني...
مايثنيه عن رايه احد..
مايجبره احد...
ومايتجاوزه احد..
بتال الي تركك من سنين...ايه تركك..لكن زرعك بصدره...وماتجاوز حدود حبك..ومادخل لحدود ثانيه..
عمي..ياخالهـ..
قاطعته بشراسه وبتلعثم\محفظك كلمتين تقولها لي..قله يتحشم..!وعيب عليه...!وانت ياياسر مو عيب عليك
تحكي ها الحكي..؟ وانت تعرف كل شي صار...!انا مابيه ولاابي غيره...؟
وقفة من جديد...ومن جديد..آمسك معصمها...
-ماخصلت حكي...
قالها وهو يوقف..مقابلها..وعيونه بنظره أخرى تجهلها فلك...
بصوت أمر..تعرف مغزاه فلك..\اسمعيني خالتي...اذا ردتيني..وصغرتيني قدام عمي..والله بسماه..ماعاد تشوفين وجهي ابد...
عمي طلبك مني..وانا عطيته كلمه..واذا رفضتي ياخالتي...انتي تعرفيني.. ماتراجع عن شي قلته...
ودامني مالي راي او كلمه عندك...لاتدورين لك خاطر عندي...؟
.
.
القى كلماته...كمتفجرات ..بوجه فلك..
يختبرها..في مقدار حبها لياسر...!وآممومتها له...!
او..
يحسدها على صبرها تلك السنوات....
لأنها لم تجن ...ولم يصيبها خلل في عقلها..
يريد ان يطبق ذات الطريقه ..
فاملوك تركته...!
كما تركني بتال..!
يريد ان يعرف..؟
كيف يتخبط بين أمواج ويجهل السباحه..الى الشاطئ..
بتلعثم\انت ليه..تبي تتجاهل سنين عمري الي بعثرها عمك ...وتركني وراه..وماكئنه صار شي..
تجاهل كلامها وبقلبه رنة وتر جرح\عمي الحين مافي احد يوقف بوجه.. له حياته المستقله.. وله اسمه الرنان
بسوق...راح يحط لك بيت مستقل..بعيد عن حريمه وعن ابوي مقرن...
تفتحون صفحه جديده..وترجعون
تعوضون كل شي ضاع من يديكم...
مافي احد راح يتحكم في حياتكم ويفرقكم من جديد الحين انتم كبار
وواعين...ياخاله...
عمي صدق تزوج بعدك مرتين..لكن خذاهم جسد ..والروح تركها عندك 15 سنه..مافي
احد فاهم عمي مثلي..حتى لو ماتكلم اشوف لهفته وشوقه لك..واشوف الحسره والوجع بقلبه...
وانتي ياخالتي..لأتكابرين...انتي بعد بتال الى الان له بصدرك شي.. واي كرامه وجرح توقف الحين في النص
اثنينكم محتاجين لبعض..
.
.
.
ياسر..على اي وتر تعزف..وماتدري على انه وتر مقطوع...ومافي امل يظهر منه اي صوت..
كل ها السنين يذكرني...كل ها السنين ومانساني..!
عند كلامه وعند وعده في اخر ليله واسوء ليله بينا...؟
بيرجع لي....؟
عند كلامه مالنا الابعض...؟
روحين اسكنو في روح...!
لآ...
كيف انسى ظلمه ..وطلاقه وانا اترجاه...
كيف..
آرجع ائتمنه من جديد...
كيف ارجع للجرح من جديد..
كيف..
.
.
مآنبتهت الا على شفايف ياسر تعانق برقه جبينها ..\خالتي لاترديني ...!
آنتفضت فلك وتراجعت خطوتين...
ويدها عانقة عنقها بخوف وغصه....\لآ..ياسر....مافيني على جرحاً جديد..واذا بصدري شي لعمك هو الجرح الي مايطيب...
ياسر بهمس\والله يبيك...ورب ها العيون الي ترجاني.. ماتشوفين وجهي ولاتسمعين صوتي ولاتعرفين انا حي والا ميت...اذا ردتيني...
بكرا الصباح بجيك...وبيدك كل شي...
قال كلماته...وطلع وتركها...
.
.
.
مترنحة بجرحها...متوسله له ان يبتعد عن ذاك الجرح...
فامازال طرياً..ندياً..وكئن السنين لم تمر يوماً عليهـ...
بتال..و..أنا...ومن جديد...
ياللهـ..رحمتك ارجو....
..
..
خطـاي ! .. عطيـت الشنـب حـق يوفيـه
اليـن ! ماشفـت الـمـره ذلــت اشـنـاب
..
..
مكان آخر...
جسار بهدوء\شهد والله ودي اوديك لكن مثل ماتشوفين ماقدر...
شهد بضيقه\والله..ماتقدر...!لو وحده غيري قلت ابشري وسمي..لكن انا...دايم اكون في اخر القائمه..ترى
مو رايحه اتسوق او انبسط...رايحه انغث واتعالج..
صدت للجه الثانيه...و...الحزن..ينرسم ببساطهـ..على وجها..
جسار..تنهد بفراغ صبر...
وجه نظراته لجهة عناد ..
الجالس بئريحه وكئن الامر لآيعنيه ابداً..لامن قريب او بعيد..
شهد ببحه\والله لو اموت من نوبه من نوباتي كان احسن..يمكن ترتاحون مني ..والآ..ابوي بعد اقول له
ودني يقول... خلي واحد من اخوانك...باللهـ..يعني انا ليه ماكون اول اهتماتكم او على الاقل
من ضمنها...
جسار بحنان\طيب ليه ماتروحين مع السايق..؟
شهد بنرفزه\تعرف ماحب اروح معهم...سواقتهم بلحالها تعجل لي النوبه..على اعصابي لين اوصل للمكان الي ابيه..
سكت جسار ..وطالع ساعته \المشكله بعد ساعه الا ربع لآزم اكون با الجريده...عناد بالله ودها ماعندك شي..؟
عناد ببرود\مشغول..!ماقدر...!
جسار بلوم\عناد لامشغول ولاشي..ودها..
هز راسه برفض...وبتهكم\درر و وسن بوديهم لملاهي وعلى طريقي بمر رعد..شفت شلون مشغول..!
شهد في ها الوقت كانت تمسك غصتها..لكن ...لما سمعت تعليق عناد...دخلت في نوبة بكاء..
آنصدم جسار من ردة فعل شهد....
آعصابها فعلاً..مضغوطه..
قآم بسرعه وقرب منها مسح شعرها بحنان\خلاص شهودي..بيعني في السوق..رابح والا خسران...
شهد بين دموعها وبطفوله اثقلها المرض\لآجسار..انت مدري وش صار لك صرت ما تحبني زي اول..كل شي صار من طرفي عليك ثقيل ..
مو لآزم اروح للموعد بطقاق...وش بتفقدون لو آموت..ماراح تفقدون شي...
جسار بحنان..وشفايفه تعانق خدها..\آفا..آفا..يالله قومي البسي عبايتك..عسى عمرك اطول من عمري انا وعناد زين...
شهد مسحت دموعها بصمت وقآمت بتعب...
تحت آنظار عناد المسروقه لجهتها...
لحظات...
و
وجه جسار حديث اخر لعناد..
بعصبيه\انت ماتقولي وش مشغلك..هذا انت قاعد وحاط رجل على رجل ونازل عليك الهام القرايه ..!
نزل الكتاب الي بيده...بهدوء\ايه قاعد بس مشغول...جالس افكر لاتقطع علي حبل افكاري..!
قالها وهو يرسم ابتسامه على ملامحه الراكنه للهدوء..
حرك اصابعه جسار بهواء.. \وين وصلت بفكارك ياحضرت البرف...؟
عناد ميل فمه وبتهكم\وصل لنظرية ياصبر الأرض على الناس الي فوقها..لعنبو بليس اختك وش فيها من الدلع
المالغ الي ماينسلع ولاينبلع...؟
وانت من كلمتين ودمعتين ذبت وسحت من دلعها وحسيت باالذنب..!
كان قلت طسي مع واحد من السواقين والا انثبري...وعمرك مارحتي لموعدك..آجل..ندفع رواتب
ها الهنود كذا...؟
جسار مرر اصابعه على جبينه\يانصاب..!والله انك اردى مني لابكت شهيد..آترك عنك عنادك بس...
عناد يوقف...بتجاهل لتعليق جسار\جدتي بوديها للمستشفى...ابوي مئكد علي قبل شوي اجيبها...يعني اليوم انا وانت..الظاهر
شغلتنا ...مستشفيات..روح روح الله يسهلك ويعينك على ها المدلعه..!
ابتسم جسار على ملامح عناد المعتفسه من دلع شهد المحبب لقلب الاثنين رغم مكابرة الأخر...
.
.
.
بعد ساعه..
.
مستشفى الحبيب....
الدكتوره منيره البنيان..استشارية مخ واعصاب..,,>>الدكتوره غنيه عن التعريف...
.
.
.
الدكتوره منيره\ها ياشهد تحسنتي على الي كتبته لك..وانتظمتي عليه..
قالتها الدكتوره وهي تفحص شهد...
شهد بضيقه\منتظمه..بس والله تعبانه حيل..ماقدر حتى نفسيتي زفت..صار الصرع يجيني كل كم يوم..
اول كان اخف من كذا بكثير..تعبت دكتوره تعبت واللهـ...
ابتسمت \لآ..ماتفقنا على كذا..وبعدين انتي اخر مره قلتي لي..انو مقبله على مرحلة اختبارات..اكيد اعصابك
مشدوده..
ومتوقعين ها النوبات وانا خبرتك..انتي حاولي ترتاحين وتريحين راسك..
حاولي مايكون تفكيرك كله مشغول بدارسه..
وكمان حاولي قد ماتقدرين تبعدين عن التوتر..
انتي وعدتيني انك تبعدين عن الألعاب الالكترونيه او على الاقل تخففين منها...
شهد تمسح جبينها بصمت...
الدكتوره منيره وبيدها مطرقه صغيره تفحص أعصاب شهد من الركبه...
وركبة شهد بسرعه ارتفعة من الضربه
الخفيفه...
وقفت الدكتوره\شهد..ممكن في الجلسات الجايه نسوي جلسات كهربائيه...
شهد ارتسم على وجها الخوف وتوجهة بنظارها لجهت جسار الجالس قريب من مكتب الدكتوره..
جسار بخوف\عفواً..دكتوره..جلسات كهربائيه...!!
الدكتوره ابتسمت وهي تتوجه لمكتبها\ايه..ليش الخوف...ترى انتم ماخذين فكره خطا عنها وهذا يرجع طبعاً
للمسلسلات والافلام..الجلسات اخر احد يحس فيها المريض نفسه...
وبذن الله تتحسن شهد والنوبات معها..بعد الجلسات...
مدت الدكتوره الروشته لجسار..وجهة كلامها لشهد...\نفس الجرعات لكن يوم نوع ويومين نوع ثاني..وبذن الله
الجلسه الثانيه نقرر اذا تحتاجين او لا..
شهد وصمت مطبق ...وقفت ولبست عباتها ...
جسار يوقف\الله يعطيك العافيه..دكتوره..نشوفك على خير...
ابتسمت الدكتوره مودعه جسار..
في ها الوقت جسار احتضن كتف شهد...وطلع ..
..
..
خطـاي ! .. عطيـت الشنـب حـق يوفيـه
اليـن ! ماشفـت الـمـره ذلــت اشـنـاب
..
..
ببيت ابو مناف...
غرفة فلك....
بقايا صورته المكسوره...منتثره على ارضية الغرفه...
وحالة من الصمت يلف فلك بين طياته...
ترجع..له من جديد.....!!
اي مجنون يقبل بأالاذيه مرتين...
واي امتهان لكرامتها..ومساومة ياسر لها ..ووضعها
بين اختيارين احلاهما مر...
السنين والليالي الحارقه..
الدموع والاهات والكرامه الضائعه..
الوجع والذل والوحده ..
مسامرة العشق الهارب..
ومعايشة احتراق الذات..
اي ثمن بخس ..يقدمه لي بتال كا عتذار...
واي عذراً واهي اقنع به ياسر ليقف بصفه ولايقف بصفي..
مالي والصفوف..ستفرق..ولايهمني ماذا بعدها طوفان او نبعاً صافي
فا الذي احترق هو انا...وانا وحدي...
اما..هو...
فاعاش حياته بطول والعرض..
تركني خلفه..
كقماش بالي...
وهو.. التف با الحرير..والديباج...
اي وجع ترقص عليه الان يا ياسر...
واي طلب سخيف سمج...
تريدني ان اعود...!
منذو زمن..
خسف قمرك ..يابتال وماعاد بدراً..في حياتي...
..
..
خطـاي ! .. عطيـت الشنـب حـق يوفيـه
اليـن ! ماشفـت الـمـره ذلــت اشـنـاب
..
..
مستشفى الراسي...
مكتب الدكتور سطامـ..
سطام بمحبه\اهم شي يمه ان حنى تطمنى عليك...
نزل راسه عناد بحترام ليد جدته وطبع عليها قبله\يمه الحين ارتحت انك بخير..
الجده هيا بتئفف\وليه شايفيني طريحة فراش...!
انا صحتي زينه...؟قوم يالله ودني لبيتي..صحتي احسن منك ومن ابوك...
قامت الجده على ضحكات سطام\يمه الله يزيدك صحه....بس هذا من خوفنا عليك...
عناد مسك يدها وساعدها تمشي...
طلعو من مكتب ابو جسار...
ومشى بهدوء عشان يساعد جدته..,,,
الجده هيا\دامني طيبه لاتصير تلجني كل شوي بقياس الضغط و المستشفى..ترى ماني ببزر عندك....
عناد يبوس راسها\ههههههه يامه محشومه من البزران..بس انا لازم اتطمن عليك....
.
.
في ها الوقت كان صوت يجذبها وهي عند الكوانتر ..
صوت معروف بنسبه لها...
رفعة راسها بهدوء..لهذا الصوت..جذبها حيل...
فتحت عيونها بصدمه..
وهي تحاول تتئكد...انها هي....؟؟
مشت بخطوات مرتبكه..
لجهه معينه..,,,,
ببحه مخنوقه....\يمه هيا....!!
ارتفعت عيون الجده..جهةالصوت
الرقيق ...دققت النظر...وماعرفتها.,,
طالعتها أكثر بتفحص لكن ماساعدتها الذاكره تعرفها من صوتها..
بما انها لاترى فيها ...غير عيونها من خلف النقاب...
ملوك بخجل..\يمه هيا......
ابتسمت الجده بحب\ايه يابنيتي..بس العتب على النظر ماعرفتك....,,,
ملوك بهدوء\انا ملوك..بنت فهد بن سعد...ذكرتيني يمه....,,,
.
.
لحظات صمت لفت الجده بهدوء..من ثم اهتز صوت الجده ببحة عبره..
خالجت صوتها حتى تمكنت منه..أفلتت يد عناد وحضنت بحب ملوك....\ايه يمه اذكرك...وليه ماذكرك...
رفعت راسها ملوك وباست راس الجده....\يمه من اربع سنوات ماشفناك..من يوم ماتت جدتي...الله يرحمها...
تنهدت الجده بحزن وهي تحضن يدين ملوك بحزن...\ايهـ..والله يامليك سود الله وجهي فيكمـ...
آحتضنت ملوك بيدها الرقيقه..كتف الجده النحيل..
من ثم طبعت قبلهـ,,على جبينها\الا مبيضته وماقصرتي..ومحشومه من القصور..
كان هاذا الموقف تحت انظار عناد ..
المتفاجئ تماماً من معرفة الجده بملوك....
كيف تعرفها ومن متى..!
وأساسا ً..كيف انا ماعرف
انهم يعرفون بعض...!
من متى امي هيا تعرف احد هنا بمستشفى ابوي...؟
المعرفة واضحه قدامي..وفيها بياض وجه..ومافيها قصور..!
تنحنح...وعيونه بـ..الارض..
خطوتين لورى..
عناد بهدوء\يمه هيا...يالله حنى مستعجلين...
وبعدين مابيك توقفين على رجولك كثير...؟
.
.
رفعة ملوك عيونها فيه ....هذا وش جابه...!!!
مانتبهت له...
كيف مانتبهت لعطره الي امتلى فيه الممر..منبها لحضوره.....!
ياصبر الارض..؟
حتى الاوكسجين بقربه..و..بوجوده..يعلن انتحاره...!
.
.
الجده بعصبيه لعناد\أنت أسكت..روح هناك وانتظرني...
انصدم عناد من رد جدته..هو ماستغرب..جدته بعض الأحيان تعصب عليه..لكن مايبيها تعصب قدام هذي...!
تراجع لورى بخطوات صغيره ..
جلس على اول كرسي ...فرك يدينه بقهر...
تئفف ..معلن ضيقه...
انتبه لجواله الي صار يهتز...
حاول يشتت انتباهـ...ومايرهف السمع..!
الجده بحب\وشلونكم الحين يمه.. اعرف اني قطعتكم...وشلون ابوك واخوك..وشلون عمتك......؟
ابتسمت ملوك \يمه كلنا بخير..بس انتي شعندك هنا..عسى ماشر..ان شاء الله صحتك كويسه..؟
الجده لصوت مائل للحده\والله يابنيتي مافيني شي..غير ولدي هاذا مادري وش فيه علي..لو اكح وداني للمستشفى...
ارتبكت ملوك وبارتباك\يمه..ماتشوفين شر...طمنينا عليك...ولاتقطعينا مثل اول..ترى بيتنا هو القديم ماغيرناه
طبعت ملوك على السريع قبله حانيه على راس الجده.. واستئذنت بهدوء...
لمح عناد طيف ملوك الي مشى على عجاله وبخطوات مرتبكه...
وقف.. ومشى لجهت جدته وهو يدخل جواله بجيبه..
-ها يمه ...خلصتي سلامك...؟
امسكت الجده يده ..
حاول يسترق عناد اي شي عنها...
مازال تحت تئثير الصدمه انهم يعرفون بعض....!
مايدري ليهـ..يكون في مرحلة..تحفز..وهجوم..اذا شاف
الانسانه..الي كانت تسلم على امه قبل لحظات ..
كل مره يقابلها يحصل شي...
و
هي ..او..هو..
في مرحلة هجوم على الثاني..!
حاول يتحكم بنبرة صوته وهو يحكي..\يمه من وين تعرفين ها الدكتوره!!
الجده باابتسامه \من ..؟ مليك..!
بستغراب...و تهكم\مليك..!! يمه الله يهديك البنت اسمها الدكتوره ملوك..
الجده بنظره غاضبه\بتعلمني في بنت بنت مضاوي..!اقول رح فارقني وراك..
عناد بقلة صبر..\يمه..! تعرفينها من قبل يعني..؟شوي شوي علي..وراك صايره
علي نار وجمر...!
الجده من دون اهتمام\ايه اعرفهم..آجل منهبله اسلم لي على ناس ماعرفهم...!
عناد يجاري الجده\ماعمري سمعتك تحكين عنهم...؟
الجده \ عن من..؟مليك...!
زفر من جديد..
وآمه اليوم على غير طبيعتها..ليست بمزاج يسمح له ممازحتها..
حتى عليه غاضبه..
والسبب..الى الان مجهول...!

.
.
آبتسم بخبث..وتغيرة ملامحها لآخرى...
حاول ان يكتم الفضول..الذي تسرب من صدره...
شئ ما..يجذبه نحوها...
فضول..يود..استكشافه يحيط بها..
لكن الفضول هذه المره ان الجمه قتله..
.
.
-لآيمه ماحكيتي لنا عنهم ...؟عن اهلها..؟
الجده \وش تبيني احكي لك..؟عن من..؟مالك صالح فيها..ليه يوم احكي لك..؟
عناد بضيقهـ...وبداخله لعن نفسه..على فضول
غبي وغريب يحركه...
لكن الموقف مستفز..؟
كيف آمه تعرف ها الدكتوره والمعرفه اتضح انها قديمه..
فا الاب والاخ والعمه...تعرفهم الجده..!
آدار الموضوع برأسه قليلاً..
من اقاربنا..!!!!
لآ..
من سابع المستحيلات....
اسمها في بطاقتها الطبيه ينتهي باالبراق....!
والبراق عائله اخرى تماماً..لأصله بينا...؟
افكار كثيره احتشدت برأسه...وتلك الملوك تستوطن
في باطن عقلهـ..
يحب جمع كل شي عنها..ولسبب اخر يجهله..تماما.ًً..
كيف يفسر تصرفه الصبياني...في حضوره الأخير لها...ومطالبته..
بأجراء اشعه وفحوصات على يده...
وهو...
حينها ..قد خرج من مستشفى اخر...ودكتور متخصص في
اصابته..
حينها طمئنه..بئن يده تحتاج فقط لعمليه صغيره...ومن ثم تمارين لتقوية اعصاب
الكف وانسجتها..,,,
وعندما كان في تلك الغرفه..وتصرفه الاحمق والمتهكم ..
في مطالبتها بجراء الفحوصات والاشعه...
لحاجة في نفسه لايعرف ماهي..
من ثم تراجعه في اللحظه الاخيره..وتحججه الغبي في
مكالمه طارئه..
وانسحابه من امام غرفة الاشعه...تحت استغرابها..
لآيعرف..كم شعر بكميه كبيره من الغباء لأ تأتيه الا بحضورها..
وكيمه كبيره من الاخطاء تمطر عليه بتواجدها ...
آقسم..ان..لأيعود لذلك التصرف الصبياني...!
كيف يتجاوز خطوط حمراء رسمها لنفسه..من أجل فقط ..
ان يسمع ذاك الصوت الهادئ...
الذي يرغمه على الركون للهدوء..وكئنه في مرحلة سلام نسبي مع
الذات..
كم يمقت ذاك الصوت الذي يجعل تصرفاته لا اراديه...
آنتبه للجده....
بحده\آنت وراك انصمخت..!
برتباك\سمي...!ماسمعت...!
الجده بهدوء\اقولك ماوظفها هنا الا أنا...جدتها مضاوي..قالت لي لاتخلين ملوك اذا تخرجت...
قلت لها ابشري..اذا تخرجت تروح لمسشفى ابو جسار وتقول له انا من طرف الوالده وتبشر باالخير...
عناد بصدمه\يمه...متوظفه بواسطتك...؟
الجده بعصبيه\الا بشهادتها..!يعني بيوظفها ابوك وهي ماتستاهل..!يمدح فيها
سطام..يقول حتى تخصصها يتمناه اي مستشفى...والله ياعنيد ودي
ها اليومين يمك اروح لهم...سود الله وجهي فيهم ان كان بعد مضاوي مابيضته..
عشرة عمر وصحبة سنين..وماعاد عرفت الدنيا فيهم وش صارت..
التفت لها عناد وبحنان\خلاص يمه الوقت الي تبينه خلي السواق يوديك او اتصلي علي واجيك..لاتضيقين خاطرك يا الغاليه..
من ثم اردف بخبث\وها الدكتوره...موظفتها ..ومتباركه عليها..وماتسئل عنك ولاتدق عليك...!
الجده \يابوي هم عرب يستحون..مايبونا نقول ماسئلو الا عقب الوظيفه.ناس على قد حالهم
لكنهم اجواد...وفيهم حياء وتعفف نفس.
ابتسم عناد لأ ارادياً..وفتح باب السياره للجده...
..
..
خطـاي ! .. عطيـت الشنـب حـق يوفيـه
اليـن ! ماشفـت الـمـره ذلــت اشـنـاب
..
..
بيت الدايس...
غرفة احمد...,,,,
تنظفها..بآبتسامه على ثغرها..وكئنها تنتظر اطلالته بين لحظه..واخرى..
تنتظر دخوله الباسم..
ضحكته الرنانه..وروحه المحبب للجميع..
الصغير قبل الكبير...
الكل..يحبه..وكئنه يعلم علم اليقين..بقرب رحيله..وهو في ربيع العمر..,,
بجزع يدها على صدرها..
رمت بثقلها على طرف السرير...
آغمضت عيونها والدمع يتسلل الى مقلتها...ويسرق كل شي...
صراخه..وتشبثه بصدرها...
عند كل ليلهـ..
يحب ان يستنشق عطرها قبل ان ينام..
وكئنه....ماء..لآبد ان يرتوي منه...
كل ليله..
يدس رأسه الصغير..بصدرها...
ويغمض جفنيه الصغيره..
ملامحه الصغيره..لمـ...تغيب او تختفي من ذاكرتها رغم تلك السنوات ..وذاك الم...
ماقسى التصديق...بئنها قد..لآتلتقيه في يوم..
آو..
قد يكون الان مـــاتـ...بترت الكلمه وحديث النفس بوضع ايديها المجعده على شفتيها...
عساف..!
اي بقعة من الارض..الان...تقف عليها..!
او...تحتضنك بجوفها...!
آطلقت تنهيدة..واسترجعت...
خطواته المحببه الى قلبها من ثم احتوائه لها بين اذرعه..
رغم تلك السنوات..ورغم تجاوزهم لسن الشباب..
مازال ذاك الرجل..العاشق...
آحتضنت يديه العريضه..كتفيها النحيله..وشدها برفق لصدره...
برجولهـ..وصوته المتغلغل في صميم قلبها\آم عساف..وش فيك يا الغاليهـ..
القى كلماته واصابعه تمسح بحنان دموع..لم يكتب لها بعد ان تجف...وينضب نبعها...
ام عساف ببحه\سامحني ابو احمد...انت تبكي ولد عارف انه مات وانا ابكي ولدين واحد تحتها وواحد مادري
هو مع اخوه ببطنها ولا فوقها ويمكن في يوم شفته ولاعرفتهـ...؟
قالتها وصوتها يتحشرج حتى اختفى مع اخر كلماتها...
ابتسم\بتشوفينه يا الغاليهـ..وبتقر عينك فيه...مثل ماقرت عين يعقوب بيوسف..عليهم السلام..
ابتسمت بذبول..\اللهـ..كريم..
ابو احمد باابتسامه\رهف جاي لها خطاب..ولد حسين بن محمد...الي من جماعتنا...عرفتيه..
ابتسمت بفرح\ايهـ..والله رجال وولد حمولتن طيبه...ماشاء الله توه جاي من بريطانيا قبل كم اسبوع مخلص دراسته...
ابو احمد بعبوس\ايه..الرجال مافيه خلاف..لكن بنتك الخلاف كله فيها..رفضت وعصبت بعد..
انتفضت \وليه..وش فيه عيب هذا بعد...بنتك هذي مدري وش تبي..؟
ابو احمد \تقول انا مابي لي واحد خكري..مدري وينها شايفته فيه الله يهديها..تقول ابي رجال..
قد ها الكلمه..واصير من حبي له اذا قالي 1+1=3..اقول له3 ...
ابتسمت ام عساف..\بنتك دلوعه بزياده..ماعليك منها...اذا شفت لك رجال..يستاهل ..زوجها..
ذبحتنا بدلعها..
ابتسم ابو احمد\الله يكتب الي فيه الخير...
..
..
خطـاي ! .. عطيـت الشنـب حـق يوفيـه
اليـن ! ماشفـت الـمـره ذلــت اشـنـاب
..
..
العاجي...
تمددت الظبي..على السرير الفخم...
ووجها...بدء يسترد عافيته...ويتلون با الحمره..,,,
مناير بفرحه\شفتي يا الظبي..طلقها ابشرك طلقها...
الظبي با ابتسامه\هههههههه...ايهـ...من دعواتك ياحاقه...
ابتسمت مناير بفرحه لروح المرحه المتلبسه لـ الظبي اليوم...\عساها ماتعود ولاتعود سيرتها ...
الظبي وكوب البابونج بيدها ارتشفت منه رشفه..من ثم آنزلته بهدوء\وش يرجعها..يامناير بثلاث...
قلت لك..ماراح ياخذها..بس انتم...ماتصدقون اعوذ بالله..
مناير\ايه والله...شوفي وشلون يحبها ويبيها والله كاتب لهم الفراق..صدق المكتوب مامنه مهروب..
الظبي\طيب يام سنا.. من بعد اذنك اطلعي..طارق اكيد متحرج يدخل وانتي هنا..الله لايهينك
مناير \يوووه يا الظبي ماعلمتيني ان الرجال هنا...انا والله على بالي ماجاء...اجل يا وخيتي..اذا بغيتي
شي علميني وانا علمت الشغاله تصلح لك فطور بكرا الساعه 6 فيه حوايج وشي يرم العظم قومي وافطري
ورمي عظمك...خلاص..
الظبي بتقرف\تكفين يامناير..اتركيني من خبالك كل ماسقط..ماحب ها الاشياء جايبه معي فتامين وبرنامج
من الدكتوره..رجاءٍ لاتخلين الخدامه بكرا الصباح تزعجني..
مناير تطلع من الجناح\ماهو بكيفيك...
..
..
..
نقف هنا..
..
..
..
همسة محبه...
قال عليه الصلاة والسلام: {عليكم بقيام الليل فإنه دأب الصالحين قبلكم، وقربة إلى الله تعالى، ومكفرة للسيئات، ومنهاة عن الإثم،ومطردة للداء عن الجسد } [رواه أحمد والترمذي وصححه الألباني].
..
..
..
لقاء يوم السبت اذا كتب الله لنا عمر=)
دمتم بحب ضمني بين الاهداب...
..

 
 

 

عرض البوم صور ضمني بين الاهداب   رد مع اقتباس
قديم 12-07-10, 02:49 PM   المشاركة رقم: 222
المعلومات
الكاتب:
اللقب:

البيانات
التسجيل: Feb 2009
العضوية: 121068
المشاركات: 60
الجنس أنثى
معدل التقييم: جرح الذات عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
جرح الذات غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته

مرحبا اختي ضمني ويسلموووووووو على القصه الرائعه

ومبروك التثبيت من جد هي مميزه وهذا ان دل دل على

تميز كاتبتها

تدرين انا كنت متوقعه ان ملوك راح تطلب الطلاق حتي لو ما خانها

ياسر مجرد درع حمايه لها ولا تبنى الحياة الزوجه على الامان فقط

مدري ليش من اول ماقريت بداية القصه لحت الحين عندي احساس

انو ملوك واخوها عيال بتال ويمكن مخبين لانو اذا عرف بتال

ابوه راح يغصبه انو ياخذهم وعشان كذا فلك قالت انو عيال

اخوهاوترين مجرد احساس مادري ليش

اتمنى ان بتال يرجع فلك يمكن اذا رجعها وعاشت معهم راح تتغير وجهة

نظرابوه

عنادانت وشهد وريان فيكم حب فطري لبعض ولاكن كل واحد ابرع في تخبئته

وانا الوم عناد لانو هو الكبير والمفروض ماييئس من محاولة

التقرب منهم واحتوائهم

شكرا اختي ومنتظرينك على احر من الجمر

 
 

 

عرض البوم صور جرح الذات   رد مع اقتباس
قديم 12-07-10, 05:45 PM   المشاركة رقم: 223
المعلومات
الكاتب:
اللقب:
ليلاس متالق


البيانات
التسجيل: Jan 2007
العضوية: 20540
المشاركات: 232
الجنس أنثى
معدل التقييم: wrood عضو بحاجه الى تحسين وضعه
نقاط التقييم: 22

االدولة
البلدSaudiArabia
 
مدونتي

 

الإتصالات
الحالة:
wrood غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته
كيفك ضمضم بالرغم الحزن الذي تشربت به من اجل ياسر في الجزء الفائت الا انه هنا يعود ياسر الذي عهدته ذاك البغيض الذي لا يحب ان يخالفه احد اعلم انه يريد ان يطمأن على اهله وان يطمئن قلبه الذي سيغادرهم ولكن بهذا الفعل يظلم فلك فلم يترك لها الخيار وان عادت له الآن ستشعر بانها كسيرة وانها مساومة بين رجلين كلاهما ظالم
وأعتقد ياسر اذا كان بجد يحب هذه الاسرة يضغط على نفسه الا ان يرجع نايف بس انه يجبر فلك على شيء ماتبيه
مشكورة ياضمضم و كل جزء اروع من الثاني

 
 

 

عرض البوم صور wrood   رد مع اقتباس
قديم 12-07-10, 07:27 PM   المشاركة رقم: 224
المعلومات
الكاتب:
اللقب:

البيانات
التسجيل: Jun 2010
العضوية: 172723
المشاركات: 65
الجنس أنثى
معدل التقييم: scofield girl عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
scofield girl غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته

مبروك مليون ترليون التثبيت المستحق لك ضمضوم

بوووووووووووووووووووووووووووووم ،،،، بوووووووووووووووووووووووووووووم ،،،، بارت متفجر فيه قنبلتين ..

بوووووووووووووووووووووووووووووم ~~ القنبلة الاولى ~~
الجدة وملوك يعرفون بعض وعلاقتهم قوية << فيس مصدوووووم ع الاخر

بوووووووووووووووووووووووووووووم ~~ القنبلة الثانية ~~
بتال يبي يرجع فلك ( مو هذا القنبلة ) واذا رفضت ترجع له راح يتركهم آسر الي بـ يسافر او اصح يهرب من واقع ان ملوك مستحيل تصير له .. لكن تدرين هو سوا الشيء الصح لانه ما يقدر يتركهم بدون سند لكن ماااااااااااااابي ترجع فلك لـ بتال لانه جرح قلبها وكيف يداويه وهي تحس بـ المذلة والإهانة اذا رجعت له < فيس مولع ... ما اقول الا ان قصة بتال & فلك بـ تبدأ صدق والاكــشـــــن هع هع

يا حوبي لك يا عناد طلعت غرقااااااااان لشوشتك في ملوك القمر المشكلة الرجال ما حس .. والله يعينا ع ما بال يعترف لـ نفسه ثم ثم ثم لـنا ..

ضمضم وانا اقول ليش تحبين شهودي ورابطتك هي ..
طلعتي ماخذة منها الدلع والدموع الجاهزة والا هي ماخذته منك << فيس يحرك حواجبه

يعطيك العافية ع البارت وبـ العكس أنا ما اشوفه صغير أبداً يكفي القنابل الي فيه هع هع
بـ انتظار جديد ابداعكـ


رابــــــطــــــــــ رعــــــــودي ــــــــــــــــة
زعـــــيـــــــمـــــة آل راســـــــــــــــــــــي

 
 

 

عرض البوم صور scofield girl   رد مع اقتباس
قديم 13-07-10, 09:12 AM   المشاركة رقم: 225
المعلومات
الكاتب:
اللقب:
عضو راقي


البيانات
التسجيل: May 2010
العضوية: 162919
المشاركات: 3,196
الجنس أنثى
معدل التقييم: فكري متاهه عضو على طريق التحسين
نقاط التقييم: 69

االدولة
البلدKuwait
 
مدونتي

 

الإتصالات
الحالة:
فكري متاهه غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

مبروك ضوضومه التثبيت تستاهلين الف خير
اليوم تعاطفت مع شهد لسببين الاول مرضها الصعب الله يشفي من اصابهم الله به000000000000
والثاني حساسيتها المفرطه وعدم فهمها لمشاعر عناد وارجع اللوم لعناد اللي مايعرف كيف يتعامل مع اخته ,,الحنيه مطلوبه وشهد رغم حبها لمرادده الا انها تحبه وتحتاج كلمه وحده منه بس تثبت انه يهتم فيها000000000000000


ملوك و ياسر:
ذليتها مره وانذليت مرات هذا اللي تستحقه0000لكن ماانكر ان حبك وعشقك لها نادر وماشفت له مثيل00000000000

فلك وبتال:
احلى خبر صار بهالبارت ان فلك بترجع لبتال--فيس يبوسك ضمضم--

ملوك والجده هيا:
يالبيييييييييه والله وقربوا العايلتين وبكذا بتوصل لعناد الصوره المطلوبه عن شخصية ملوك وعايلتها وان شاالله زواجهم بواسطة الجده--فديتها-- زي ماتوسطت لملوك بالوظيفه00000000000000

ثاااااااااااااانكس على البارت

 
 

 

عرض البوم صور فكري متاهه   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملوكـ وعناد وبدايات الحب.., مبدعة أستمرررري, آبـــــــــــــــــــــــــــــــــــــــــــــداع...., لو أجيب كل عبارات المدح ماراح اوفي قصتك حقها من الأبدااع, اويييها واعرس البارون اوييييها والحلوان على شوشو, بتال&فلك آحلى ثنائي, بعض العيون حقدها في نظرها, يا الغوالي الاجزاء سبت واثنين..ضمضم, يا ناس وه فديت مقرن و ساري بديت احبهم, جسار للظبي<<مااتنازل, حصريا ولأول مرة العقيد عنااد آل راسي من ممتلكاات النوري ..فاهمين ..فيس يهدد هههه, روابط جميع الاجزاء با الصفحه الاولى..., عنااااااااد أسطوووره لن تتكرر ..وهـ بس فديت ابو رعووودي .., فديت أحسن وأحلى كاتبه ضمضمــ, نظره حقد 20 في صفحه 75--نظره حقد21في صفحه 83, نظره حقد 22 في صفحه 88--نظره حقد 23 في صفحه 96, نظره حقد 24 في صفحه 107, نظره حقد 26 في صفحه 127, نظره حقد 26 في صفحه 128, ضمني بين الاهداب, قصص من وحي الاعضاء
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t140889.html
أرسلت بواسطة For Type التاريخ
ذ¯ذ½ذ´ذµذ؛رپ This thread Refback 03-07-15 12:28 PM


الساعة الآن 09:53 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية