كاتب الموضوع :
ضمني بين الاهداب
المنتدى :
القصص المكتمله من وحي قلم الاعضاء
مساء الخيرات على الجميع .......... ان شاء الله الكل بألف عافية ......... فقدت كثير من المتابعات ماادري هل الغيبة بسبب الدراسة والامتحانات والله لاسباب ثانية .......... وفقدنا روعة تعليقهم اخاف اذكر اسم وانسى الثاني بس فعلا في كذا وحدة غايبة الله يردهم بالسلامة ويوفق الي عندهم امتحانات
تسلم ايدك ضمضم على البارت الرائع مثل ماعودتينا دايم .............مو معلقة على البارتات ثلاثتهم لاني رديت على البارتين الي قبل عند الجيران ..............بدخل على طول بالبارت الجديد ومايحتويه من احداث
بنبتدي بعناد الي الصدمة خلته غير مستوعب للشي الي عرفه وسمعه وموقادر يتقبل وجود الغيوض ابد لذلك هو مصر على روحته لجدته هيا ومنتظر منها الحقيقة لانها اقرب انسانة له هي الوحيدة الي كانت مصبرته على عيشته بعيد عن اهله غير انها اكثر انسانة يثق فيها ............. بس للاسف بينصدم وبيتوجع اكثر واكثر من الي بيسمعه لانو ام سطام ماراح تكذب كلام الغيوض وكل شي انعرف وهو الوحيد الي بيقرر الي ناويه لحياته المستقبلية خلاص سنين وهم يتلاعبون بحياته ومشاعره كل واحد تصرف بالشي الي ريحه هو واسعده بدون مايحسبون حساب لهذا اليوم ولهذي اللحظة ولردة فعل الانسان الي صار لعبة بأيدهم وكل ساعة مطلعين له اسم
والي يقهر ويحر القلب خلاص كل واحد جالس يبغي يكمل تحكمه فيه حتى بعد ماصار بهذا العمر وكأنه ماله راي او ماله حق يختار مصيره .............وحتى اسمه الي بسهوله وبكل اريحية جالسين كل واحد يتعامل فيه بدون حتى مايعرفون هو ايش يبغي الحين الكل جالس يسميه عساف على اساس يوم هو طفل ماوراه شي لو تغير اسمه بالاوراق بدل المرة عشر بس الحين الوضع يختلف لانو كل حياته ومستقبله والاشخاص الي حملو اسمه وارتبطو فيه كانو مرتبطين بعناد مو عساف كيف بيقدر يقابل زملائه واسمه الي صار مفخرة للي ينتمي لهم صار موهو وورقة زواجه من ملوك وشهادة ميلاد رعد وغيرها وغيرها ................والاهم من هذا كله الانسان الي مو متقبل هالشي على اي اساس جايين يكلموه على انو عساف وكأنو عناد صفحته انطوت بكل بساطة
والي يقهر خناقة الكل على وين يروح عناد ومع مين خير وين قاعدين ناسيين انو الي جالسين يتحكمو بمصيره رجال وابو بعد ................لاوالله مفكرين انهم بيكملو تحكمهم بحياته مرة ثانية وياسر وريان الي بس كل واحد يبغي يفرض رايه ويمشي كلمته وناسيين انهم يتكلمون عن واحد عمره في الثلاثين
والله عبد المجيد الي يبغي ياخذه قبل يجي سطام مفكر انو عناد ماله راي وشخصيته ضعيفة اجل يصبرو وبيعرفون من هو عناد وكيف بياخذ حقه وبيعيش حياته بالطريقة الي يختارها هو وبالاسم الي يبغيه هو ..............
وعاد ياسر داخل له من الباب للطاق يعني هو عناد يطيقه والله يمون عليه اجل بيلاقي من عناد الي بيكرهه فيه اكثر وعناد بيجن جنونه من تواجده بغرفته وتدخله بموضوعه واذا عرف صفته ومين يكون بيجن جنون عناد اكثر مثل ماياسر سوى واعظم وبتقوم الحرب بينهم والله يستر من الضحايا
اما المدلعة رهيف وقتها ووقت جنونها الله يخلف عليها هي وين تعقل والله تفكر برزانة وعيونها مطيرة بياسر وماغير تتحضن وتتلصق فيه عاد ياسر ماله عذر يقول ماشبعته من احضانها لما تحضن عناد هذا هي وين ماربي حطها تلصقت فيه ..........
واذا على شوفة ملوك لك ياياسر علشان تشيل باقي الوهم الي معشش بقلبك لها خلاص الى متى بعد هالشي ماراح يهز ملوك ولايزعلها بالعكس فرحها وحست انو لقى الي تعوضه وتنسيه حبه لها ولا وزوجته اخت زوجها واكيد مثل ماهي جربت الحب وعرفته وعرفت الفراق وخسران الحبيب ايش ممكن يسوي عرفت شعور ياسر لما فقدها
وياليت بعد يوصله خبر حملها بعد ماتهدى الاوضاع لانو ماحد عرف غير عناد وساعتها بيشيلها مرة وحدة وبيفكر هو بالي عقلها طار من حبها له
اما فلوكة رهيبة حيل بالي سوته مع الغجر والله مابتقدر تعيش مع هالحيزبونتين وهي بزعلها وضيقها وغيرتها لانها بتكون موضع ضعف بس كذا تعرف كل وحدة حدودها ................باقي تولد وتقوم بالسلامة هي والولد ياخوفي انو ولادتها تتعسر ويروح الولد ويموت ويكون هذا تفسير حلم بتال حرام كافي موت الظبي الصغيرة
اما موزة ولوزة والله لو يجيبون مين مايجيبون يقرأ عليهم حظهم اعوج اعوج وياليت يحمدون ربهم بالي عندهم على الاقل بتال لحد الحين صابر عليهم ومتحمل غثاهم على قلبه ربي يعجل عليهم ويريحه منهم ويكون هذا تفسير حلمه خخخخخخخخ عاد ضمضم بردي قلبي وقولي صح التوقع
اما جسار والظبي حالتهم تقول مو اثنين توهم متزوجين دام الظبي مازالت عاى نفس اسلوبها القديم مع طارق ولا تعلمت الدرس تتحمل الطعنات وبعدين مثل ماهي تطعن رجال طول بعرض وتهين فيه بلسانها السليط تسمع الي يضايقها غصب عنها لو هي صانت لسانها ماجاها الي سمعته تستاهله واكثر خليه يطلع حق طارق وحق غيره من الي ضاقوا خناجر لسانها وتعجرفها جاء اليوم الي ربي يرد لها شوي من فعايلها
وبعدين ايش الزواج الي حاطته ببالها هي مااتفقت ولاشرطت على جسار يكون زوج بالاسم خيال مأته الزواج هو الزواج مهما كان الهدف وهو رجال بكامل رجولته شي طبيعي يفكر فيها كزوجة ومافي شي يمنعه والي سوته مو من حقها ابد والله توها تستوعب يعني انو ماعندها استعداد كان جلست بحضن ابوها ............. والله الي تبغي رجال فيه كل المواصفات الي تتمناها كل بنت وكل زوجة تتنازل عن غرورها الي ضيعها بالاول واذا مابطلت سلاطة لسانها بتخسرها للمرة الثانية وهي الخسرانة مو جسار لانو جسار مليون اب يتمناه لبنته هو يأشر وماحد بيرده الدور عليها الي خطابها لهم اغراضهم ومايجون بربع مواصفات جسار
وخير يعني لما جاب لها طاري طليقها طارق هذا هي كل شوي تنثر على جروحه ملح وموهامها هي ولامقدرة مشاعر الرجال ولاحجم الصدمة الي مر فيها الخيانة مو سهلة ولا شي ينسى بسهولة ......... يمكن يتحرك عندها الاحساس شوي اشك انها تحس وتنجرح انثى بالشكل بس من داخل حجر ابد مافيها ذرة مشاعر يمكن هالطعنات ترجعها انثى وتدخل البياض بقلبها الاسود من سواد شعرها ............. تمثال منحوت يادافع البلا .............مع اني اشك انها مابيتحرك احساسها الا بموت مقرن الي مقويها على الخلايق والله غير هالشي مااظن
اما عاد الي سوته الخبيثة ماراح يعدي بالساهل ولو عناد كان بوضع غير وضعه كان رجعهم بنفس اليوم ويمكن هو الي يقدر يرجعهم لانو هالشي ماراح يرضيه ابد انو وحدة نجسة مثل سيوفوه تاخذ بنات اخوه وتختفي فيهم والله لايكون الغبية تبغي تبتز جسار وتجبره يرجعها علشن ترجع البنات والله خيالها واسع والظاهر سكوت جسار عنها خلاها تتجبر اكثر وانيابها يبغي لها كسر ...........
وجسار هذا درس له على اهماله لبناته وبعده عنهم بدل مايحتويهم وخلاهم يفضلون امهم عليه ...........بدل مايراعيهم ويحميهم مسافر عنهم مع زوجته وخير لو اخذهم معاه يعني مابتطير الدنيا او جلس ماسافر وشغله يخلي غيره يروح خلي الفلوس والاسم ينفعوه الحين هذا هو منهار ماغير المهدأت شغالة عنده
وسطام هذا الي ربه قدره عليه بدل مايخلي ولده يدمن المهدأت يروح يبلغ الشرطة خايف على اسمه ومركزه خليهم ينفعونه الحين وهو مايدري عن بناته وين ............... الحين حس هو وامه وزوجته انو هذي حوبت عناد وامه خليهم يطلعون خططهم الحين ويرجعون بناتهم
يمكن هالشي هو الي يخلي النفوس تصفى بين عناد وجسار لانه عناد يمكن يستخدم سلطته ونفوذه بشكل سري مع معارفه ويرجع البنات لجسار وساعتها بيعرف جسار قدر عناد الي رغم الوجع والصدمة الي فيه ورغم الي جاه منه ومن اهله هذا هو ماتخلى عنه في شدته
تدري عاد ضمضم متشوقة اعرف لقاء شهد ورهف بعد الخناقة الي صارت بزواج جسار وبعد ماعرفو انو بينهم اخ مشترك كيف بيكون وايش الكلام الي ممكن ينقال بينهم
في انتظارك يالغلا بكل شوق
|
28-05-11, 10:59 PM
جديد مواضيع قسم القصص المكتمله من وحي قلم الاعضاء
العرض العادي
