السلام عليكم ورحمه الله وبركاته
يامساءت العذوبه والفرح ضمضم
عدت كالعاده بعد ماسمح لي وقتي اللي مدري كيف قايل مع بوادر نهايه العام الدراسي
بارت اليوم حليووو وعميق بجزء ورفع ضغطي بجزء ياضمضومتي
صراحه صورتي وتعمقتي بالصوره في عناد ويوسف ونهايه شاب تائب نتمنى ان امثاله اللي يتوبون ومايحالفهم الحض
بتصحيح اغلاطهم يحسبون عند الله شهداء وانما الاعمال بالنيات والعبره بالخواتيم
والله يصبر الاهل اللي ربي ابتلاهم واختبرهم بابناء كانو لقمه سائغه في فم ذوي الافكار التكفيريه اللي كانو ببساطه
بيادق تحركهم صهيونيه مغطاه بلباس مجاهدين والله اعلم بالخفايا
*****
ياسر ورهف
اه يارهوف اليوم بس دخلتي مزاجي وتربعتي على الكيف
ياسر ما ينفع له الا لبوه مشاكسه تروض قلبه اللي ماتروض بعد
وحبيت ياسر وهدوءه العاصف اليوم وحبيت اكثر انه فصل بين عمله (اللي انطرد منه بذوق فديت جدي مقرن
اللي بيرجع الامور لنصابها ان شاء الله
******
ام عساف ووجع سنين ربي بعونه وقوته بيخليه فرح
وكلام ابو جسار حطنا بين نارين هل فعلا لو ماتغدى بالغيوض كانت تعشت فيه
لا والله ابرك اللي الولد تربى بين اهله ولا ربته يد عبد المجيد بحياة ابوه
***
ساره كانت كل الوقت انسانه طبيعيه ماكرهت عناد بس ماقدرت تكون امه وامه عايشه ومغبونه
واليوم انصفت الغيوض باحساسها بمشاعرها
والجد هيا انانيه انبنت ياخوفي عناد يحطم قلبها الضعيف
بس مدري بعد كل اللي شافه ابو رعد ماضنتي بيخلي للالم طريق لاحبابه
واول رد بيقوله لملوك وبيعترف باللي على طرف لسانه من زمان
******
الظبي وجسار
بدايه مشوقه والم بتجتثه بنت مقرن وبداوي جرح مفتوح بصبر وتحمل
لاكن رد جسار كان قاسي بعد اللي قاله واللي سواه
وكبرياء الظبي بيتعب حتى لو كمل اللي بداه
والايام كفيله بالعلاج للي ماقدر الطب يداويه
وعودتهم للوطن وتفاصيل درر ووسن هي الفاصل
*****
نجي للي ماعجبني ولا بلعته
كيف فلك ترضى وهي تشوف حب عمرها متربع بين ضرايرها
الفكره تذبح والله وشلون الشوف
ابدا ماحسيت بواقعيت المشهد ضمضومتي
واستفزني وزين اللي كنت اقراه وانا مسكره الجهاز والا كنت برتكب فيك جريمه
اقصاها تهداء وهي بعيده ببيت بروحها وماتشوفهم
اما يكون قبالها وزوجته الاخرى حاضنه كفه وهي مرتاحه
لاااااااااااااالاااااااااااااااااااالاااااااااااااااااااااا
وينك يام الوليد تعالي نقوم حمله ضد ضمضم
والناس شغاله رابطات وانا اتحرقص من مشهد فليك الخبله لو بتسلم وخلاص
**********************
انتظر عودت عناد لصدر امه وزوجته بفارغ الصبر ضمضم

مساء الورد على ضمضم
وكل من يدخل المتصفح

سبحان الله اذا الكل مثلي تجي ردودي على حسب النفسيه

بجد الله يعين الكاتبات علينا الي نطلب منهم يكون على خط واحد من المشاعروالقوه في رواياتهم

شهد بغض النظر عن كل شي خلاص انكشف رواف لك وللمجتمع الي انتي فيه الطلاق في ها الحاله بيكون لصالحك ولا احد راح يلومك لأنك ما زلتي على البروالحق بيكون معك
لكن لو استمريتي وتم زواجك من رواف وتطلقتي بيكون الحق عليك

واول مره ريان يقول راي صائب

وكل تجربه با الحياه لابد ما يكون لها اثر احيان ظاهري واحيان باطني والاثر الظاهري افضل بكثير من الباطني

ملامة الناس ظاهريآ ما تجي شي قدام العذاب داخليآ ما بين اطفال مشتتين بين انفصال اب وام

واتوقع شهدبتتجاوز الازمه لأن عايلتها مرت بتجارب انفصال

وحالات الطلاق بعايلتها تكررت

وهي مصيبتها تعتبر اهون من غيرهاوالانسان اذا سمع عن مصيبة غيره تهون عليه مصيبته كيف وهو عايش بين ها الاشخاص ويشوفها فعليآ...

ومن تلميحاتهم انه بخطر....و...يبشروني انه بيرفع راسـي ب انه يكون شهيد...!
عناد راح يمه...عناد راح...!

والله العظيم ان ها الجمله بكتني يمكن صادفت حدث صار لولدي

قبل يومين يسبح بالمسبح وهو الله يصلحه لعاب طاح من فوق

السبرنج على حافة المسبح ولا خبرني ما دريت الا بعد يومين خايف من ردت فعلي

ولدي كان بيروح مني بغمضة عين ومالي شغل من امس الا هو ما عاد اشوف من عيالي الاهو

المشكله اني ما دريت الا في الليل وابوه مسافر

ما صدقت طلع الفجر وانا ما ادري وين اروح فيه

يجن جنوني اذا شفته يمشي ويغمض عيونه من الوجع تمنيت انا بداله ولا اشوفه يعض شفايفه ما يبني احس بشي قلبي عليه حبيبي

كل دعوه جات في بالي صبيتها على راس الي اخذه معاه وبغى يصير سبب انه يغرق ولدي والا يجيه شي

وهواش انا وولدي با خذه مستوصف خاص رافض

ما يبي الا مستشفى خاله والله يعين ها الخال علي

كلمته من صياحي ما يدري وش يقول ولا فهم وش ابي

ولا رد الا بكلمة ارسلي عبادي وانا اتصرف

وان شاء الله بسيطه
صرت ادور الي يطمني على ولدي وهو قدامي وشلون ام ما شافت من ولدها عقب 30سنه الا صوره

ما لمت الغيوض يوم تقول ابيه قدامي ما ابيه شهيد



الي يتفرج على النار ماهو مثل الي داخلها ويذوق حرارتها

الغيوض والله ما تنلام يوم اتحسب وتدعي على الراسي يوم قطعوها من ولدها والي زاد الحرق حرق انها جات وعساف ماهو معروف مصيره

حتى جرح تعرض وهو صغير محفوربروحها ما تدري هو راح اثر الجرح والا باقي براسه

ما اقول الا عسى جزا والدينا الجنه والا احنا ما ورانا غير العذاب لهم

الجده بوجع وهي تقف وتقع وعكازها يفقد السيطره مراراً وتكراراً\لآ...ولـدي....وش تقول....عناد راح...!

سبحان فرق بين ردت فعل الغيوض والجده هيا

صحيح الثنتين قلوبهن تقطع على عناد لكن انا وصلي الاحساس غير الغيوض لو مارجع عناد ماعاد فيه قدامها

الا انها تزهد بالحياه وتموت

غير الجده هيا الي بتجلد با الصبر وفقدت عناد بتهد حيلها لكن ما تنهي حياتها مثل الغيوض لو فقدته

اتمنى ان الغيوض تصبر ما بقى شي ساعات وتشوف عساف

ودايم ساعات الانتظار اطول من سنينه

ضمضم ترفقي با الغيوض ماعاد بقى با العيون دموع ....


دخل المراهق خلفه بذعر و وجه مصفر\بنسلم نفسنا...بنسلم...انا مابي اموت موته شنيعه...مابي...,

يوم وصلت لنهايه تبي ترجع للبدايه وتترك ها الطريق
الطريق هذا اسمه طريق الي يروح ما يرجع <<قصه لتائب با الوقت المناسب قريتها قبل فتره كانت على لسان اخوه

كان يبحث عن الجهاد وترك بيته وظيفه مرموقه وقدر يطلع خارج المملكه يقول ان التدريبات الي تلقيتها

كلها كانت تجنيد وتدريب ضد بلادي وعن ضرب الاماكن الحيويه ما شفت شي من الجهاد ضد اعداء مثل ما كنت اسمع وبعدها عرفت ان الجهاد كان الطعم الي يستدرجونا فيه

وقدر يهرب منهم على السفاره السعوديه في البلد الي كان يتدرب فيه لأن البلد الي فيه تدريبه يجهر لنا العداء

وشرح وضعه وقال اموت في بلدي وانا تائب والا اموت مخدوع من غير العار الي بيلحقني

والشخص الآن على وشك الافراج عنه ليمارس حياته الطبيعيه ..


عناد ويوسف والمراهق ثلاث على خطوط متوازيه يوسف ضيع نفسه وجنى على كثير من امثال المراهق بحجة اعلاء كلمة الدين لكن كان با الظلام والظلام على اسمه ما يخليك تميز الصح من الغلط

والمراهق استغل صغر سنه واندفاعه وجندوه واخرتها فقد حياته

عناد كان بخط موازي ليوسف لكن با النور والي يشتغل با النور بيحقق هدفه وضميره مرتاح

كان لابد من موت يوسف لأنه ماعاد فيه مجال اما ان عناد يذبحه او هو بيذبحه نفسه با الحزام الناسف

ان شاء الله عناد بيتجاوز الاصابه لأنه شباب وخضع لتدريبات زادت المناعه في جسمه مسألة وقت بأذن الله

ينتظرك معركه يا عناد من نوع ثاني الاولى جسديه والثانيه نفسيه لكن اتوقع ان الاحداث الي صارت لك بتخلي ردت فعلك اخف حده..


يا سر ورهف ومعارك من نوع ثاني

هذا ماضيك وانا ماحاسبك على الماضي لنه ماضي وانتهى لكن الحاضر الحين انت زوجي وملكي انا ومارضى ابداً ان قلبك يسكنه وحده غيري حتى لو كانت طيف....,

ضحكتيني والله يا رهف ماهو مسألة انك ما تبين تحاسبين ياسر على ماضي لا انتي خايفه من ها الطيف يصير حقيقه

فا عطيتي يا سر الزبده انا بترك الماضي ما انبش فيه وانت اترك الطيف لايتجسد حقيقه

لكن ابشرك الطيف تلاشي عناد ماعاد خلى شي احتل ملوك احتلال كامل وضرب حصونه حولها ياسر ماعاد له مداخل على ملوك

آقترب يحاول تهدئتها ب ابتسامه ساخره منه..
لتفاجئه هي
ب قذفه ب التحفه الـصغيره الموجوده على الكومدينه كانت تريد ان تصتدم بصدره لـ تصتدم ب شفتي ياسر وذقنه...


ربك ستر وجا جرح بشفته لو كسرتي سنونه وش كان سوى فيك يعني بتحطين وسم في وجه مقابل وسم ملوك


ب الفعل متألم
ويريد ان يضحك ب قوه...!

ردت فعل غير متوقعه من ياسر لكن كانت ردت فعل يعاقب نفسه فيها

كان يطرد ورى طيف ملوك ومهمش رهف

يوم عرف ان ملوك ماعادله مكان عندها وحتى بحلوم الليل

تقبل حركة رهف واستمتع بغيرتها عليه وقال اشتري الي شاريتني والي راح راح


يا الله ساحة الدكتور ياسر فضت لك العبي على كيفك يارهف لاتقصرين يا بنت عبد المجيد ......


.
ان تتأقلم
افضل ب كثير من ان تقاوم وانت ب النهايه تقع منهزم..!
.

لا يا فلك المسأله ماهو بس تأقلم لا

الموضوع اكبر من كذا انتي النفسيه ارتاحت عارفه ان بتال معك في كل الاحوال وش يفيد انك تناحرين ضرايرك انتي الكسبانه

اللعبه الي الواحد يكون ضامن نفسه فايز فيها ما يكون لها طعم لما يكرر ها ما يحس بفرحة الفوز

ما عاد فيه الا انك تبنين لك مكان عند بنات بتال وابوه >>انا ابوي الله يحفظه كان يتذكر وحده من زوجات ابوه ويحبها ويترحم عليها وحتى اخوانه منها لهم معزه خاصه الله يغفر لها واموات المسلمين

والا مناهل ومناير من الحين اقولك ما فيهن رجا

لو بيدهن ذبحوك

فلك الكبيره\شوفي احتمال كبير نسميه عبد العزيز...وش رايك حلو الاسم..,

كشرت فلك الصغيره\لآ ماهو بحلو سميه مدحت على اسم ولد الي يضبط ورود حديقتنا...ها خالتي وش رايك...؟

حلو مسايسة فلك لبنت بتال واخذها على قد عقلها

اما مدحت يا بنت مناير بصراحه صاعقه >>الوليد كان يبيني اسمي رنو لوليتا على صديقة زورو


آعجبه هدوئها واتزانها الذي كان يفتقده
ب
حضور مناير ومناهل...
آصبحت قليلاً هادئه...
و
هذا ماكان يريده
ف
بطبع تأكدة ب أنها حبيبته الابديه..,


والله يا بتال هي حبيتك مهما سوت لا حبتك عيني ما ضامك الدهر

ومعجبتك بكل حالاتها


مبدعه ضمضم

لي عوده مع جسار والظبي

انتظريني وانتظرك

..

تصدقين ضمضم ..ما اذكر اني حبيت بطل روايه ..لدرجه اني تمنيته صدق ..كثر عنادك ..مع انه جلف حبتين بس ..شيء ثاني


:


غيوض: مؤلم جدا وضعها تو ما انرسمت السمه على شفايفها لو ثواني لتصدم بـ امكانيه الفقد مره اخرى
سطام :..لعبت لعبه تغدى فيها فبل لا تتعشى فيك ...بس كـ انسانه عشت معها ..ما توقعت حدود ثوراتها ..في الماضي
كنت بتجيب ولدك يعيش معك بطريق قانونيه سلميه او اجباريه ..خصوصا ان زوجها شخصيه معروفه ..او لها مكانها التجاري
فلك :..عين العقل سويتي ..انك نزلت وقعدتي معهم ..في النهايه انتي الربحانه تعبتي من موفع الهجوم في حرب طاحنه وانتي تخسرين ....الحروب البارده يمدحونها طويله اجل وفوائدها عميقه
جسار :تبي تكسرها فـ الجمتك ...حبيبي انت مع الظبي مو اي وتذكر كلامك عن ابوها اللي عرض.. ما منه فايده بس حزازيات ع الفاضي
مقرن :.. طرده لياسر وبتال .. كسره قويه لهم ..أعجبتني ! ..مع اني ما احقد عليهم
عناد : حتى وصديقك خاين حزنت عليه وعلى الثاني مع انه ذوقك الويل ..ياعالم انسان راقي


افتقدت ملوك ها الفصلين وين مخبيتها :)



وكـ العاده عزيزتي ...فصل رائع ..