لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 13-05-11, 01:44 AM   المشاركة رقم: 2101
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,237
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

صباح الخيرات ...........الف الحمد الله على السلامة ياقلبي ........... يسلمو على البارت الحلو بس فيه الكثير من المواجع الي تعور القلب بصراحة مااكذب عليك دمعت عيني على عناد وعورني قلبي عليه


هموسة حرام عليك تزيدينها على عناد الله يخليه لامه وتقر عينها فيه ويشوف ولده رعد وولده او بنته من ملوك .........وبعدين ضمضم مابتعيد مأساة منصور خلاص مو حلى هو مافي موت ابطال مو ناقصين خلي المناديل عندك بنحتاجها ليوم لقاء الغيوض بولدها


قبل مااعلق على البارت دعواتي القلبية لام المزايين ربي ييسر لها كل عسير ويقضي لها كل حاجة يارب ياكريم ياسميع يامجيب الدعوات يالله .........

واحلى شي منك ياضمضم انك راح تاخذي مجال طويل لنهاية بعض العيون يعني في احداث كثيرة وغير متوقعة بتصير بس ياخوفي انو غياب عناد يطول اكثر من هالثلاثين سنه عن الغيوض بسنوات قدام وينحرق قلبها بعد ماقربت له الله يستر عليها


اكثر شي تعبني ووجع قلبي عناد ومعاناته الله لايذوقها لاحد كل ذنبه هو حماية الوطن والمستهدفين من الفئات الحاقدة ........... يدفعون ثمن هالامان ارواحهم

بآغتته في تلك الحظه الـيآئسه...,
رآئحتها هي....!
رآئحة مازالت تعبق به سنين طويله...
رآئحه تشبـه عطراً اثـيراً قديماً عتيق جداً..
بعتق سنين طويله مآضـيه...
رآئحه مزيج من كل شـي..
يـجهله تماماً مصـدره ومازال ...!

ياقلبي عليه لما قرب يعرف مصدر هالرائحة الي فقدها او اختفت عنه بعد زواجه من ملوك رجعت له بشكل قوي وهو في هالمحنة وكأنها تعطيه الحافز على الصبر والتحمل من اجل البقاء ........... لانو بعد نجاته من هالمحنة بيشمها بس بتكون من صاحبة الريحة الحقيقية عندي احساس يقول انو عناد من كثر الجروح والنزف بيدخل بغيبوبة قصيرة او بيكون فاقد الوعي وهالريحة هي الي بتصحيه مع الحضن الي سنين يحلم فيه


زفـر اليأس وهو يضع رأسه على الـحائط وبفقدان امل\عنصر مهم من عناصرهم يتركونه كذا...؟

لاان شاءالله ماراح يتركونك ان شاء الله بيوصلون لمكانك في الوقت المناسب مستحيل البلد الي وظفتك تتخلى عن حماتها وتيأس من وجودهم بسهولة بس الصبر جميل


طيب وآهلي...؟
آبيهم على الاقل يدرون ان انا مت وانا رافع راسهم فوق..ماهو مفقود...!
يرفعون الرجاء فيني سنه ورى سنه..وانا ميت وشابع موت...

لا ان شاء الله ماراح تموت بس ياخوفي انو تغيب عن الوعي وهالمجرمين مايقدرون ينفذو خطتهم ويرموك بمكان مقطوع وتنفقد عن جد بمكان مجهول ساعتها موبس ملوك الي بتفقد عقلها الغيوض ياقلبي يمكن تروح فيها الله يساعدها بس

اما ملوك في كلا الحالتين بتدهور نفسيتها وبتتعب والله يستر على حملها الله العالم يضل او يروح من كثر الخوف والهموم الله يصبر الزوجاتوالاهل الي عيالهم في هالوظايف الحساسة

ملوكـ...!
آه...!
يآحب صآدق ب الخفوق...
ماقدرت اسقيه بس هو كبـر من غير مايذوق طعم عذوبة الماء..!

ياليت يحصل لي...
آضمك لـصدر سآعه بس سآعه وآقول لـضلوعي بعدها ذوبي..!
يتيمه ويتمتك ب قربي من الحب وانا صدري بقربك ينوح ...
وش الحيله..و..اليوم ماينفع الحيله..؟
وش عذري..غير اني والله في قربك عآشق خآنه لسانه وقـيدهـ خجله وتسرعه وجهله ان يقول لك آنا عاشق ...!


ياقلبي وربي هذا المقطع نزل دموعي ماادري ايش اقول بس موجع هالفراق وموجع هالاحساس لحد النخاع والله ماقدر اقول الا الله يردك لملوك سالم وتعبر لها عن كل الي داخل جوفك من عشق بدون خجل الله يجيب هاليوم قريب

حسبي الله على يوسفوه الخاين والي على شاكلته جعل ربي يحرقه بالدنيا قبل نار الاخرة ......... تطمن ياخاين عناد وراه الي يهتم بحياته وسلامته وطول مافي اسود في هالبلد ماراح تنالو الي براسكم وان شاء الله يصيدوك حي وبكامل صحتك علشان تعرف وين كنت وكيف صرت كيف كانت نظرة الكل لك وانت رجل مهم حامي للوطن وكيف صرت صعلوك مجرم مسلوب الارادة والحرية مجرم مطارد نهايته جدا حقيرة ......... من يضحك كثيرا يبكي كثيرا


اما ياسر بصراحة قهرني لابعد درجة تدعي على الرجال بالموت علشان وحدة ماراح تكون لك بيوم يعني اذا اندفن تحت التراب ملوك بتفتح دراعاتها لك للاسف حبك مرض ولد داخلك حقد عميق على عناد وماراح ينحرق غيرك ملوك عاشق لتراب عناد ومستحيل ترضى ببديل عنه لاوبعد الي ماتدري عنه انو ثمرت هالعشق تكبر بداخلها

المصيبة انت الي بتدفع ثمن هالحقد لما تنكشف الاسرار الي صارت واضحة للغيوض ........... تتمنى موت ولد الغيوض وهي الي عزتك وحبتك وفضلت رضاك على بنتها الوحيدة شهالقلب وهالتفكير تمشي ورى سراب مهما سعيت له ماراح تطوله وهذا هي قالتها لك انت الحين اخ لاتحلم ترجع زوج مثل ماكنت وخصوصا انك متزوج اخت الحبيب .................

ياسر يراكض ورى سراب بيضيع منه حتى الواقع اللذيذ الي عايش معاه وهي رهف اذا ماانتبه لزلاته بيخسر رهف وهالمرة خسارته بتدمره اكثر من ملوك وبيندم قد شعر راسه

رهف وعرفت مكانه ومراكضه ورى حبه القديم ونسى او تناسى زوجته الي هالموضوع ترك بينهم شرخ كبير بس هالمرة رهف راح تستخدم طريقة ثانية وبتحارب بكل اسلحتها من اجل الاستيلاء على قلب ياسر بالكامل وانا اقول اذا استخدمت العقل وبعدت قلبها فترة هي الي بتربح وبتقدر تجيب راس ياسر وماراح يكون لها شريك بقلب ياسر بس محتاجة صبر وقناع الرضا والسعادة وبالحيلة ممكن يتحقق المستحيل
هي عرفت مكان ياسر وسمعت كذبته عن مكان وجوده وماراح تخبره انها عارفة وماراح تزعل لانو هالشي صار شي معروف عند ياسر بنشوف ايش طريقتها الجديدة


بس ساري حيرني ايش سره ومن وين له هالنفوذ هل هو رجل صاحب خبرة في هالمجال واسلوبه الي ظاهر للناس تمويه عن اهميته ومدى نفوذه والله كيف ؟؟؟؟؟؟؟؟؟؟ اكيد الخبر ببطن مقرن


عبد المجيد هل لانو لقاء الغيوض بسطام قريب عبد المجيد خاف انو ترجع للغيوض مشاعرها القديمة من سطام ماادري يمكن ؟؟؟؟؟ لانو سؤاله وتوتره يدل على الغيرة والتوجس من هالشي ؟؟؟؟؟؟؟؟؟؟ مادرى بأنو الي سواه سطام بحق الغيوض وولدها كفيلة بقتل اي ذرة حب عند اكبر عاشق ............ بس ياخوفي انو الغيوض تعرف الحقيقة في الفترة الي عناد مفقود فيها ومصيره مجهول وهي صاحبة مرض ياخوفي تطيح من طولها مااتمنى تعرف هالشي الا لما ينقدو عناد لانو الغيوض اذا عرفت انو ولدها حي بس مجول مصيره واحتمال تشوفه جثة راح تذبحها



شهد جدا متعب وصفك لحالتها الله يشفي كل مريض بهذا المرض مسكينة فرحتها اغتيلة اسرع مما توقعنا الله يعوضها بالي راح يسعدها ويقدرها .............رواف كان لها مثل الخنجر الي طعنها بأعماق قلبها ......... واكيد بتدخل بدوامة حزن طويلة ويبغي لها دافع كبير يطلعها من الي هي فيه واكيد موضوع عناد بيزيد عليها مواجعها ويمكن يكون اثره عليها اكبر ..... وعناد بعد مايصحى من الصدمة ماراح يتركها ولاينساها وبيكون لها اقرب حتى من ريان


نجي عاد الي الوحيدين ببعض العيون الي على هالمصايب ماتغير جدول زواجهم وسفرهم ابد تصدقي ضمضم شوشو قالتها من قبل تبغي تعرف مين من ابطال بعض العيون الي بعد يوم زواجهم بيكونو بعيد عن المصايب قلتلها واكدت عليها انهم الظبي وجسار لاني ملاحظة من البداية التميز للظبي هي اقل الابطال في المواجع اما جسار بصراحة طعنته كانت قوية حيل مامرت على احد من الابطال

هذا جسار وسافر مع بنت العاجي ومادرى عن المصايب الي بيت اهله عايشين فيها ............موضوع شهد الي اكيد بيدمر صحتها ومصيبة عناد الكبيرة والاهم السر المخفي الي بينكشف وهو غايب

واتوقع انو ماراح يدري عن شي الا اذا خلص اسبوعه لانو ماراح يكون عنده وقت يسأل عن احد بيكون مشغول بالعمل الي عنده بالدرجة الاولى ووقت فراغه بيقضيه مع بنت العاجي بس بصراحة تغير الاثنين بيوم واحد ابد مو داخل راسي مو جسار كان ناقد على نظرة الظبي له وانها ماتملك درة حياء اشوف الرجال نسي كل المواويل الي قالها قبل الزواج الظاهر الظبي كسبت بجمالها الي كانت متأكدة انو يفتن اي رجال ويغير افكاره ............توقعت انو جسار بيكون جدي وجاف مع اي انثى بعد سيوفوه وخصوصا انو ماخذ فكر ة مو حلوة ابد عن عنجهية الظبي

وحتى هي وين الي تكرهه وليه هو حلو وين المتجسر الحين بتقنعني انها عرفت خطائها بيوم واحد بس من خلال مقالين متعود يكتب مثلهم واقوى منهم طول سنوات مهنته بصراحة ابد مومقنع هالتغير موبسهولة غرور الظبي يخليها تقتنع انها كانت غلطانة برايها في عدوهم طول هالفترة

مع انو اكيد هذا هدوء ماقبل العاصفة لانو اكيد في اشياء ماظهرت للاثنين وخصوصا انهم نقيضين قويين مافي واحد منهم يلين بسهولة ............ بس اذا كان فعلا جسار تغيرت نظرته فعتبي عليه شديد لانو عند عناد كان متمسك برايه وعدوانيته لاخوه الي من لحمه ودمه تمنى موته على انو يغفر زلته الي هو يتحمل اغلبها على راسه بسبب اهماله الشديد عن بيته ......... والحرمة الي بديلها مليون هذا هو تغير وضعف من اول يوم له مع بنت العاجي ونسى عداوة سنين مع عايلتها وابوها ............

وبصراحة جسار يبغي له قرصة قوية علشان يلتفت لبناته الي موضامن انوممكن يكون عنده غيرهم اهماله لهم غير طبيعي الحين ماحب بناته يشوفوه ليلة زواجه مع الظبي وماخاف انو يكرهوه ويربطو سفره عنهم وابتعاده بزوجته

ترى اعمار بناته اي حدث تتركز براسهم هالشي الين يكبرون وماراح ينسو انو تخلى عنهم لاي سبب وهم في اشد حاجته وخصوصا انو اهله هالفترة ماراح يكون لهم اي قدرة على مراعاتهم ............ وبعدين هم عايشين مثل اليتامى وامهم وابوهم للاسف موجودين الى متى اهماله هذا والى متى بيكون هم عنده بالدرجة الاولى مااعتقد عمله هذا بيغفر له لو صار لبنت من بناته اي شي كبير .........بأيش بينفعه اصلا وحال بناته بالحضيض ..........

بصراحة في اباء مايعرفون قيمة الضنى الا اذا انحرمو منه ...........جسار من زمان مهمل بناته والدليل الجوع العاطفي الي كانت تعاني منه درر وتعلقها الكبير بعناد ............ هذا عناد انحرم من امه وعمره اصغر من بنات اخوه وهو الى اليوم حاس بشي كبير مفقود منه غير الحرمان الي عاشه ...........كيف ببنات بعمر بنات جسار ماراح ينسون له هالشي ابد ايش فايدة الفلوس الي يراكض وراها او الشهرة وبناته كل وحدة تعاني حالة نفسية مختلفة

وهو عرف معاناة وسن لما راح معاها المستشفى قبل بس ماكان حريص على العلاج واذا بيعتمد على الظبي فهو موحل ايجابي لانو الظبي مجرد زوجة اب لاتملك اي خبرة مع الامومة مهما حاولت ولاهي مسؤلة عنهم نفسه هو الاب الحقيقي ..........وبعدين هو مخطط لسفرة اطول مع بنت العاجي متى بيحل هالمشكلة في اسبوع ؟؟؟؟؟؟؟؟؟؟؟؟

حرمان سنوات بيحله في الاسبوع الي بيرجع فيه او بيتفرغ لهم بعد سفرته الطويلة ...........ليه مايدري انو كل يوم يمر محسوب من عمر طفولتهم واليوم الي يروح ماله اي عوض ..........للاسف جسار قبل مايعاقب الحية امهم عاقبهم هم اما هو لقى البديلة بسهولة وبتنسيه الخبيثة الي كانت عنده بس ماراح تعوض بناته بعده واهماله لهم

واذا كان منتظر من الظبي هي الي تنبهه لهذي النقطة فخسارة فيه الابوة ...........

تعرفي ضمضم انا عندي بنتاخت زوجي عمرها تقريبا 9 سنوات بس عقلها ولسانها اعظم من درر ......... بسبب بعد ابوها عنها بعمله الي يضطره للسفر خارج الشرقية وبعض الاحيان خارج المملكة صارت البنت لاتطاق بالعدوانية والاستفزاز للي اكبر منها البنت كان الكل يموت بفصاحتها وذكائها الحين صار الكل يتجنبها الكل يطردها من الجلوس مع عياله لانو الام بعض الاحيان تفضل السفر مع زوجها وتترك البنت واخوانها عند اهل زوجها او تنشغل عنهم بنشاطات خارج البيت ............ والكل ينتقد الام والاب على تربيتهم مع انو الاب والام شهاداتهم عالية فوق الجامعية غير انو البنت كان شكلها ماشاء الله الحين تقولين انها مجوعة من كثر ماوزنها جدا جدا قليل ....... غير انها صايرة تتصرف تصرفات اطفال بعمر السنة ..........تبكي وتعصف لاتفه الاسباب .......... تدري انو مرة اخذتها عندي مع انها عدوانية بس حبيت اترب منها تعرفي انو البنت محتاجة لاهتمام من اهلها والي فيها بسبب انو عيال عمامها وعماتها دايم مع اهاليهم البنت تنقلب 180 درجة لما تعامليها بنفس عمرها للاسف اهلها معوضين غيابهم بالهداية الي اكبر من عمرها تخيلي طفلة بعمرها عندها لاب توب ونت لحالها .........اي باد ........وايفون .... وبلاك بيري ......... بدل الالعاب للي بعمرها .......... وبصراحة صايرة مضرب مثل للاهالي يعني لما واحدة من بناتهم تحاول تسوي شي قالو لهم اكيد جالسين مع فلانة وهي الي علمتكم هالتصرف ولاتفكرون اننا بنخليكم تصيرو سايبين مثلها هذا خالاتها وعماتها نظرتهم لها كذا فمابالك بالغريب


اطفالنا امانتنا لانتتركهم يدورون الحنان والاحتياج الاسري عند غيرنا وتكون مهمتنا بالحياة بس التعويض المادي لازم نكون عارفين اصغر احتياجاتهم ونكون اصدقاء لهم قبل مانكون اهل .......... هذي نقطة خطيرة جدا لانو زماننا زمن انعدام الضمائر للاسف الشر مايعرف الطفل من الكبير ........عيالنا صارو لقمة سهلة لكل متربص وحاقد العيال صارو هدف الفئات الضالة المجرمة الي يحرفون الدين والجهاد بمنظورهم وعلى وجهتهم

والبنات لقمة طرية للذئاب البشرية ........... اذكر اني مرة شاهدت برنامج عن التغذية العاطفية للبنت بالذات من ضمن النقاط نقطة جدا عجبتني وهي انو كل ام عندها بنت لازم تثني عليها وتبدي اعجابها فيها وتمدح اي شي فيها وحتى الاب لايقصر على بنته في الكلام الحلو والبسيط وبكذا بتكون البنت متعودة على غزل امها وابوها ومايأثر فيها الكلام الخارجي ............. تصدقي طبقت هالنقطة وفعلا لقيت انو لها مفعول قوي غير انو البنت معنوياتها ونفسيتها وثقتها تكبر بنفسها ............



مع انو نفسي اكتب تجربتي عن هالنقطة بالتفصيل وكيف كانت البنت وكيف صارت الحين من الاشياء الايجابية بس ماابغي اطول اكثر من كذا وازيد السطور مع انو التجربة كانت لذيذة وممتعة جدا


ضمضم متعطشين جدا لما هو مخفي عنا وماهو في جعبتك من احداث لبعض العيون وماتحمله

الاحداث القادمة من مفاجأت وصدمات لاتمل ولاتغيب عن الذاكرة مهما طالت

المدة في الانتظار بكل حماس وتشويق

 
 

 

عرض البوم صور وردة الزيزفون   رد مع اقتباس
قديم 13-05-11, 03:24 AM   المشاركة رقم: 2102
المعلومات
الكاتب:

البيانات
التسجيل: Jul 2009
العضوية: 147377
المشاركات: 1,451
الجنس أنثى
معدل التقييم: كاشخه بطرحة وثوب أمي عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
كاشخه بطرحة وثوب أمي غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

صباح الخير ضمضم

توقع ضرب في راسي مدري اذا احد سبق وقاله >> فيس يتعب من قرقرة وتعليق البنات

الشخص الي قرى اسمه عناد في الورقه الي اعطاها اياه من قبل يوسف وتفاجأ منه

هو

ساري >> ليت تسري في سنيناته سوس ماتخليه يرقد الليل من الونين >> فيس حاقد عليه

 
 

 

عرض البوم صور كاشخه بطرحة وثوب أمي   رد مع اقتباس
قديم 14-05-11, 04:41 PM   المشاركة رقم: 2103
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

^
^
ثواني يا اخوات اراجع لي نقطه ب البارت وينزل لكم ان شاء الله..,
.
.
ومسائكم سكر
.
.

 
 

 

عرض البوم صور ضمني بين الاهداب   رد مع اقتباس
قديم 14-05-11, 05:02 PM   المشاركة رقم: 2104
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

بسم الله الرحمن الرحيم
.
.
.
نظرة حقد73
.
.
.
مدخل
.
.
.
يا عزاه .. من فرقى من تحب .. يـا عـزاه
إلى مـن خـذاه البعـد وآقفـى ولا جابـه !

اليا مات ذكره .. ( طاري الشوق ) جاء واحياه
وإلى طّروااا اسمه .. فَـز قلبـي وحيـا بـه




آسج بغرامه وإن دعوني ؟ نطقت ب/ هـاه !
وآشـوف الخمـل فعيـون ربعـي ولا اهابـه



جعله الوهم .. لا أمـوت وانـا علـى لامـاه
وأنا إن مت منه .. فآيني فوجـه مـن جابـه



يا حيه قبل يجفـى .. وحـي الوصـل حيـاه
ويا حي الطريق .. اللي حصل وآلتقينـا بـه !



أمره .. و أوقف وقفـة اللـي تحيـر خطـاه
وتصيـر النسايـم كلهـا .. ريحـة ثيـابـه



انا ما أدري غيابـه يهيـض علـى ذكـراه ؟
او أنه هـوى ذكـراه .. ويطّـري غيابـه !



احاول آسج انـي احبـه .. عسـاي أسـلاه
وعيت غلاتـن وسـط جوفـي تعـزوى بـه



غلاتـه مثـل طلبـة رفيـقٍ قبـالـة جــاه
وعيـبٍ علـي آخـون عـهـدي وطـلابـه



على رمـل قلبـي جرتـه يـوم جـر خطـاه
وعلـى كـل ضلـع لـه شخابيـط وكتـابـه



اليا جيت منطقته .. ومريـت صـوب حمـاه
لا جودت عقلي شفت روحـي علـى بابـه !



يا ليته جرحني جرح .. وآعرف ويش دواه ؟
ولا راح منـي دون مـا يـشـرح اسبـابـه



احبه .. كثـر مـا هّـل دمعـي علـى فرقـاه
واحبه .. كثر ما جابنـي الشـوق لأبوابـه !



يغيب الفـرح وازهـم علـى غيبتـه وانخـاه
لو ان الفرح .. من يوم مـا غـاب قفـا بـه



يحز فالخاطر سوى اني علـى لامـاه ؟
جروحـه خزايـن هـم .. والقلـب سردابـه



( احسـب ان قلبـي كـل مـا يبعـد بينسـاه
وأثرني احبـه .. كـل مـا زاد بغيابـه !!


من ذائقة المتابعه\آثرني احبه...,
.
.
.
بدايه
صبآحكم\مسائكمـ تألق دائمـ...
بآرت اليوم بآرت مفـصلي...
و
آستثنائي جداً جداً جداً..
بآرت...!
.
.
.
[آلـحقيقه....].....!
.
.
.
ومضه\


أذأ قررتْ أنْ تتركْ حبيبآإ أوْ صديقآإ
فلاإ تتركْ لهْ جرحآإ ،
فمنْ أعطآإنآإ قلبآإ لاإ يستحقْ منآإ
أنْ نغرسْ فيهْ سهمآإ أوْ نتركْ لهْ لحظهْ تشقيهْ


..... شكسبيرْ ~

.
.
.
لآتلهيكمـ الروايه عن الـصلاة في وقتها..,
.
.
.
سآعات الـفجر الاولى...!
.
.
.
{لآ
يسمع صوت آذان حتـى...!
آذن المنطقه الموجود هو فيها قد تكون شبه مهجورهـ...
قد
تكـون ب الرياض..؟
آو
بعيده عن الرياض ب احدى الهجر...؟
.
.
.
سـعل...!
و
دوار شديد يصيبه من فقدانه لـ الدم الكثير..
دخل بعد دقائق المراهق الـصـغير وبيده قاروة ماء من النوع الكبير نسبياً..
مبتسم بخبث\تبي مويه يا مضـحي لـ السراب...!
عناد ب منازعة روح\شـفت السراب يجي وراه ماء...آن آسـقيتني ف من ربـي وان بخلت فـمن نفسك..!
تقدم بخطوات مرتبكه...
لـيسكب القاروره فوق رأس عناد ولآيطال عناد منها سـوى الغرق...!
المراهق\تدري ان موتكـ الليله...لـيش نعطيك ماء....يوسـف بيموت اليومـ وانت الجثه الـي بـتطلعه لحياهـ ثآنيه ولـجهاد جديد...!
سعل عناد وبـصوت آنفاس تختنق بصدرهـ.
.
.
.
اصير لَك مثل )السحابه(..وابلّلْك
مع ان جوفي من)مطر ضيقتك(..جف..!!
.
.
.

الـسآعه العآشـره صبآحاً...
.
.
.
لـم يدخل سطامـ الا بـ هذا الوقت بـقى منتظر طوال الليل وب ساعات الفجر الاولى وصدره يختنق على شكوك كثيره وظنون تأخذه لـ موت قد يخطف عناد من احضانه..
ريآن بـهمس\يبه...أدخل...الضآبط الي ب الطرف الثاني يناديك...!
.
.
.
وقف سطام و بخطوات ثقيله تقدمـ ليستمع لـ آستفهام الضابط..
الضابط\انت والد الضابط عناد الـراسي..؟
سطامـ\ايه طال عمرك...,
همس\فـي مكتبي شـخص ينتظركـ...

.
.
.
دخل سطام لـ يدور انظارهـ ب المكتب الفخمـ
و
شخص ب ثياب بيضاء...و...شماغ ابيض..آنيق جداً..ومرتب للغايه...
و
تفوح من رائحته عتيق العود الاصيل...
آبتسم الشخص\حياك الله دكتور سطام...تفضل...؟
آبتسم سطام ليجلس بهدوء ب الكرسـي البعيد\طآل عمرك انا...
الـشخص\آنت اب رآئع...ربـى آولآدهـ على حب تراب الوطن وقبل هذا على حس ديني رفيع...
خرجت لنا من تربيتك نخبه من الشباب الي يفخر فيهمـ أي وطن..ويرفع راسه فيهمـ أي شخص
تنبه سطام بحسه الـدقيق ب ان الشخص صآحب رتبه رفيعه لكنه مرتدي لـ زي مدني بحت...
سطام ب هدوء\وش الانسان بلآ دين او وطن...ولآشـي..,
الشخص\صحيح كلآمك..ويآبو جسآر...
آردف بهدوء\معجب انا كثـير ب توجهات ولدك جسار..وبصدقه وبوضوحه مع انا عاتب جداً عليه بتوقف قلمه في الفتره الحاليه..أتمنى انه توقف لـفتره يرتاح فيها..ويرجع بمقالاته الي تمس الجرح...
من ثم اردف\وعناد مايخفيك عمله الدقيق والحساس جداً آن بـقى ف هو رافع راسك وان راح فـ هو فـداء لدحر أي فكر ظال...!
سطام ب استغراب\طال عمرك الي اعرفه ان ولدي عناد بفرقة القناصين عندكمـ ماله أي دخل ب أي افكار ضاله...
هو بس يوجه وماعليه الا يطلق للهدف رصاصته...
آبتسم بهدوء\صحيح..لكن هذا مايعني انه مو مواطن بدرجه الاولى مهما اختلف مجالات الوظيفه لكن اذا دقت ساعة الصـفر يشيل روحه ويهديها للوطن..
آردف بعمق\تستاهل الـسعوديه نعطر ثراها ب دمنا..
.
.
آنخرط في آرتجافة اب..
وصله لتـو تأكيد تامـ ب أن آبنه حال بينهم الفراق..
ولو كان الفراق برائحة المسك..
لكنه يظل الفراق...
طعمـ المر وطعم العلق وآشد...
.
.
آبتلع الشوك ب حنجرته \يـعني رآح...!
آبتسم\بـكون صريح معك...مهمة عناد الحاليه..صـعبه جداً..وانت انسان مثقف ..و.. واعي...رآح نوافيك ان جد جديد..بس اتمنى ان كل شي سري بينا...
آشآر برأسه من ثم وقف وخرج...
.
.
بعد خروجه
آنفتح الباب الجانبي من الطرف الاخر من المكتب شخص توسط الـمكتب الفخم وبيده عود آسنان...\مرتبك وشوي بينهار...الضنى غآلي...!
جلـس ب اريحيه ب الكرسي المقابل..!
راكان\اذا بقى رافع راسه واذا راح شهيد ...في كلا الحالتين عناد ربحان..
وهذي المواقف الي ندربهم ونقسى عليهمـ عشانها...
وهذي الموته تنشرى بغالي الاثمان..
سآري\آلآتصالات منقطعه عنه...؟
راكان\آلتقطنا احديثيات ان راعي غنمـ مشتبه في سيآرات تروح وتجي على مكان شبه مهجور اقرب لـ مستودع قديمـ..
وهذا الشي بـرى الرياض...آعتقد انه هو....؟
زد عليها انه شاف شخص مغمى عليه ومقيد يدخلونه آثنين لـ داخل المستودع وهذا المؤكد عندنا ان الاحتمال الاول انه عناد ...,
سآري\يعني ان شاء الله حي..؟
راكان\آحتمال وراد....لكنه ضعيف..
آردف\تناقشنا انا وبآقي الاخوان ان نستعدي شخصيه لها باع طويل وخبره في هذي الامور ..
وطرحنا الخيارات في الرتب العاليه الي متقاعدهـ نستفيد منهمـ ومن خبرتهم الطويله ..
كنت انت و شخص ثاني ارجح الخيارات..
فـ تفاجئني ب اتصالك واستفسارك عن عناد هل هو بمهمه سريه استعدت غيابه عن اهله...ف رجحة كفتك ب الخيارات..
رمى سآري عود الاسنان من بين اصابعه ليستقر ب الارضيه\اذا الاحداثيه صحيحه فـ حنا قدام مشكله كبيره...!
.
.
.
اصير لَك مثل )السحابه(..وابلّلْك
مع ان جوفي من)مطر ضيقتك
.
.
.
جلـست رهف ب الاريكه لـتشد كوب وتسكب لها من الـشآي...\صبآحكم يآسمين ياحلوات...
منآير ب ثوره\صبآحتس ياحبيبتي حلبه ورشآد....!
غرقت مناهل بضحكه خفيفه...لـتعقد حاجبيها رهف...
وبهدوء\شـكلها من ضحكة منورهـ شـي ما ينتمي لـ انواع الورود.. !
يمكن انتي معصبه منـي لـ شي ماعرفه...؟
مناير وهي تشـد الاسواره الذهبيه الموجوده ب معصمها لـتضغط عليها للخلف قليلاً ف تغوص ب معصمها\معصبه...لآ ياعميري من يقوله...؟
آسمعيني زين يابنت عبد المجيد...
جناحي ما راح اطلع منه....
لو جاء عليكم عشرة عيال ماهو بس توكم متزوجين..!
آردفت\توتس...توتس..من البارح العصر ب القصر..و..تتحكيمن..لآ ياعميري لآ...غيرتس اشطر...والا شفتي فليك جات هنا قلتي هذولي ضعيفات ينوكل عشاهمـ....
لآ
ياعميري من قرب من عشاي غصت اللقمه في حلقه.....آنتبهي ولآتحسبين رجلتس انه القوي في هذا البيت والامر الناهي..
آذا هو ناسي نذكرهـ...من الي له والي عليه...
انا منايربنت طلآل...و الله..والله مايطلعني من جناحي احد وانا بنت ابوي...!
آنكمش وجه رهف لـتبتسم بعفويه مرتبكه\يآسر بيطلعك من جناحك لآ يا قلبي ..تطمني...جناحي واسع ...وش يطلعني من الاساس..روقـي..
مناهل\ايه والله صآدقه رهوف روقي يامنور وترى عمي بس كان يستشيرك ويعلمك ب الي في خاطر ياسـر...يعني ماجبرك ولآفكر...الله يهديك كليتي البنت بقشورها..
مناير\انا ماعلي من علومكم وبربستكمـ ياسر ولد عبدالعزيز مثل الذيب والذيب مايهروي العبث مثل مايقولون بس والله مايلقى خير لو يقرب مني...والا عشاني يتيمه ومكسورة جناح من الرجال قال بسوي وبحط وبحذفها ب اقصى البيت ولآ احد داري...لآ...يآعميري لآ...ان مد يده احد على جناحي قطعتها له....يآملا الماحي ضاق القصر عليه وماحلى في عينه الا جناحي...!
رهف ب استغراب\انت ليش متصوره ان ياسر
ذيب وعابث ومدري ايش..مافي احن من قلبه...روقـي
مناير\مافي احن من قلبه ايه هين بلاتس ماتعرفين رجلتس زين..خليه يعلمتك ب علومه الطيبه..
خليه يعلمتس ب الي يتنافضون منه معطرين الاشناب...
ترى حتى لو اني حرمه ومكسورة جناح لاكني بنت رجال وماحد ياخذ شي هو لي...!
آنكمشت ملآمح رهف لتـتسور الصمت..

.
.
.
صوت يآسـر القادم من قرب الباب جعل كلاً من مناهل ومناير يرتدون آغطيتهمـ...
لـيأتي صوته الهازئ\بأخذ جناحك يامنير يعني ب اخذه طلعتي لـثريا ولا نزلتي لــ القاع...واذا ماخذيته ماكون ولد عبد العزيز...!
مناير ب صوت يستجدي الثقه\انت الي نجوم الثريا اقرب لك من جناحي...
الله اكبر بس الله اكبر تبي توسع على عمرك ليه وانت في قبر انت في جناح تطارد فيه الخيل...
بس انك حسود وقلبك اسود والحسود ماربك يعطيه راحة القلب ولآ يملي عينه بشي...
ياحسود..!
ترى ربي ماهو موفقك..!
يآسـر\الا ان شاء الله بيوفقني وب القى خير...آنتي الي قلبك اسود وماتبين توسعين لي بجناحك..
أنزلي تحت ولك علي اثث لك جناحك على حسابي وب المكان الي تبينه...
مناير ب حسره\وانا ضعيفه لك والا لـغيرك خل فلوسك لك ومانت مطلعني من جناحي ياولد عبد العزيز...
يآسر بتهكمـ\الا بطلعك يابنت طلال...وعيونك تلآقط بعد ..!
رهف تدارك الوضع لـتخرج له وتشده من قرب الباب وبصوت هامس \ليش انت كذا على المخلوقه اتركها..وبعدين ليش نفتح جناحها على جناحنا ..اساسا جناحنا كبير حيل علينا..
آبتسم بخبث واصبعه يضعه على رأسه\مزآج...آبـي استقعد لـ مناير...آذا مالتهت بنفسها ..ماراح تتركنا ب حالنا...
آذا مالهيتها بهذي السالفه على ما ادبر لها سالفه ثانيه..
بـتشتغل هي علي وعليك وعلى خالتي فلك...!
رهف بعقلانيه\مايصير ياقلبي مايصير..الحرمه كبيره وزوجة عمك عطها احترام وتقدير ..ضيقة خلقها الضعيفه...
ياسر\اضيق صدرها ولآيضيق ب النهايه صدري..لسانها طويل ومأذيها...
آردف\آمك اليوم دقت علي وخذت مني عنوان بيت الـراسي...بتسوي زياره لهمـ...
آرتفع حاجبيها\وش بيفيدها الزياره غير تقليب جروحه..أذا عساف هو عناد ف من سابع المستحيلات تعرف انه هو حتى لو ب العلامه...
يآسر ب اربتاك\علآمه..علآمة آيش...؟
آبتسمت\حاولت فيها وماعلمتني بشي...لآزم اتصل عليها وآتطمن..ياليتني رحت معها...
يآسر\وين تروحين الا اجلسي وافرضي ماطلع اخوك ...لآاشوفك تكررين ها الحكي..!
.
.
.
اصير لَك مثل )السحابه(..وابلّلْك
مع ان جوفي من)مطر ضيقتك
.
.
.

فلك ب ابتسامه\وصبآحك ي روحي..
بتال يقبل جبينها \تصدقين وش كان حلمي البارح...
آردف \كان انا وانتي ب حديقه كلها ورد وفي يدك تؤم...سألتك عن اسمائهم قلتي لـي هذا بتال وهذا عبد العزيز..!
صـحيت بعدها مفزوع من الحلمـ..
ضآقت ملآمح فلك حتى كادت تختنق..\بسم الله عليك...الله لآيعوده من حلم..وش ها الحلم..
آبتسم بتال ب ارتباك\بس ياهم كانو حلوين ها التؤمـ...
آبتسمت ب ضيق ويدها تحتضن يدهـ..
لـيقف\يالله قومي..أكيد الكل سبقنا وصحى...خلينا ننزل...وبعدين وراي الف شغله وشغله..وياسر حرق جوالي ب الاتصالات..
آبتسمت\خلآص يا الغالي بس اتحمم وانزل وراك..
آبتسم بعد رفع اناملها وقبلها..لينزل لطابق الارضي,
.
.
.
اصير لَك مثل )السحابه(..وابلّلْك
مع ان جوفي من)مطر ضيقتك
.
.
.

الـجده هيآ بـ مفاجئه كبـيره\انت وش قاعده تقولين..وش تخبصين وش تتخيلين...لآ..آنتـي اكيد مريضه وفي راسك شي...!
الغيوض بثقه وهي تجـلس ب الـكرسـي القريب \قولي مريضه قولـي أي شي ممكن يخطر في بالك..لكن ماراح اتحرك من هذا المكان الا لما اشوف بعيوني ولـد سطام عنآد...!
آردفت بغيض تفجر\آطلعي برا ها البيت تضيعين ضنانا وتجين بعد فوق هذي السنين تبلينا انا اشهد ان علتك مافيها طب مافيها طب...
الغيوض\ايه والله صدقتي يا هيا...علتي مافيها طب..و..فقد الضنى شفتي لـ لوعته طب...!
آذا حصـلتو هذا الطب الي صبركمـ وخلآكم باردين طول هذا السنين لا تدورن عليه ولآتسألون عنه ولآ كأن لكم ولد مخطوف...
عطوني من دواكمـ كود يتداوى الجرح وآقوم مافيني عله...,
هيا ب زمجره\يا عبد المجيد...بيتي يتعذرك انت وحرمتكـ اطلعو منه وآقـصرو الـشر....آقصروه...لآتبلون المسلمين...؟
من الي دسكم علينا..من الي كذب عليكم وقال لكم دورو ولدكم عند اهله...مهبل انتم مهبل...!
الـغيوض\ايه مهبوله وان بغيتي مجنونه وان بغيتي بلآ عقل ولآ قلب...لكن انا ماراح اتحرك شبر من هذا المكان الا اشوف عناد...
ليش خايفه ان اشوف عناد...ليش ماتبيني اشوفه...معناتها فيه شـي..؟
في سر مخبينه....فيه شـي....وانا احس ان انتي تكذببين على اخرعمرك..تكذبين...!
الجده بـحده\آعقـبي يا قليلة الحياء..تكذبين لك حرمة كبيره مصليه وصايمه...
آغمضت عينيها الغيوض بقهر لـ تتوجه ب انظارها للجه الاخرى..
لـتنصدم بتوسط صورته ب الحائط الـقريب منها...!
.
.
.
هو...
من أوجعها فراق ..
و
آضناها الحنين..
لـه..
.
.
.
توجهت ب عثرات لـ القابع صورته ب الـحائط لتخطفه لـ آحضانها وتمتلئ موآقيها من الدمع..
فـ
تصبح تلك العيون..
كـ
المؤانئ نتظر لها سفينة لن تأتي..!
.
.
.
صـرخت ب وجع\من هو هذا....من هو هذا.....الصوره هذي كيف هي عندكمـ ومعلقه بـصدر المكان...من هو هذا ..من هو هذا...؟
سآرع عبد المجيد ب الخطوات لها لـيتألم من وقع الحروف\هذا عناد..شبيه آحمد ولـدي...هذا عناد الي تبين تشوفينه..هذا عناد...!
آنتحرت الاوجاع وبضجيج الاحزان\هذا ولدي يا هيا هذا عساف..هذا عساف...لآ...تـكذبين علي...أسألك بالله ماتكذبين...!
.
.
.
آسألك ب الله ي جرح..
لآ
تشق صدر الانين..!
آسألك ب الله ي جرح
لآ
تهتك ستر الحنين..!
آسألك ب الله ي جرح..
خآف ربك في السنين...!
.
.
.
وقعت على ركبتيها وهي تنتحب بقرب من ركبتي هيا..
و
الصوره البارده يحتضنها صدراً يغـلي..\قولي هو عساف...آلآ..هو..هذا الـجرح الي بحاجبه..هذا حاجبه مقطوع لـنصفين...
هذا هو الجرح الي صار فيه لما طاح قدام عيني وعينيك...تذكرين لما حطيتي [ المسمار..] على الجرح وقلت لك ياخالتي يعوره اكثر وقلتي لي يوقف الدم ويسكن الوجع....
واذا كذبتي الحاجب....
هذي عيوني في ملآمحه وهذي شفاتي وهذا هو خشمي وهذا هو جبيني...
وهذا هو صوره ونسخه من اخوه الي كان بحشاي واصبح اليوم تحت الثرى ...
قولـي لي....عساف ضناي هذا...؟
.
.
.
صمتٍ مرتجف من الجدهـ..
.
.
.
لـتضع الغيوض يديها البارده على كتفي الجده وب وجع\سنين وانا ادور ولدي
سنين و سنين ذقت انا فيها طعم الدمع وهو يحرق الـخد والناس ساليه ب النومـ وعينها قريرهـ...وانا اشكي للي عينه ماتنامـ...
عبد المجيد يحاول آبعاد الغيوض عن الجده لـتصرخ بوجه\آتـركني...ولدي هنا...ريحته هنا..آشمه...
انا امه...وانا الي اعرف بقلبي اذا هو في هذا المكان او لا....
ولدي هنا....
و
آبيه تقول لـي هو بس وينه....بأي غرفه في هذا البيت...وينه...؟
الجده بضجيج انفاس اخيره\لآ...ولدك ماهو الي بصوره..هذا ولدي...هذا ولدي..
شـدة ايطار الصورهـ...ب احضانها لـتنفث اوجاعها\هذا ولدي انا كل شبر فيه ب وجع كل سنه فيه ب عمر مني..ولدي انا....سمي عناد...سمي جده...ولدي ماهو بولدك...أنتي ولدك مات مات مات...
الغيوض \لآ ما مات...عساف مامات...أنتم الي ذبحتو النور وابدلتو بداله الظلام وقلتو لـ الظلام امش في وضح النهار...
كيف يمشي وهو ظلآم..أنتم كذابين...
ماراح اسكت لكم....ب اشتكيكم عند اكبر قضاء هنا ب السعوديه ب افضحكم ب جرايدكمـ ب اطلع ولدي ب اضافري منكمـ ...
الحين بس تأكدت ان عناد هو عساف...
.
.
.
بـقى واقف معلق انظاره بين الايطار الذي يتنزاعه لبوتين شرستين احداهما حب فطري هي امه
و
آلآخرى حبٍ [كان..ولم..يعد..]
عرفها من ذبذبات الصوت التي تشبه وقع المطر..,
.
.
.
الموجع حقاً
ان المسرحيه بدت ب الانكشاف ولم يعد الا تصفيق الجمهور وتفرغ تلك الكراسي التي كانت ممتلئه...,
.
.
.
لكن لا...
ف
عناد ابني وحدي..
و
لا
آسمح لتلك بأن تأخذه من قفصي الصدري قدر انمله..,
.
.
.
الغيوض وهي تنتبه لـتوسطه المكان ف تصرخ بوجع وهي تشد ايطار الصوره من احضان الجده
و
ألم سنين\وين صآحب هذي الصوره...؟
وين آخفيته...؟
ماشاء الله عليك...آبدعت والله ب الوجيعه...؟
لو كانت وظيفتك كاتب قصصي..مو احسن من طبيب يداوي الوجع...!
آردفت وهي تختنق ب الدمع\وين وديت الطفل الي بوسط الظلآم خاطفه شخص مثل الظلام...؟؟
وين راح بطل قـصتك....؟
آبي ولدي ياظالم...!
ابي ولدي يا سارق..!
آبي ولدي يا ياظلآم..!
.
.
.
آغتص ب الحروف
وهي تكيل له الوجع اطنان...
آبعد تلك السنين...
تأتي الي بثياب الـقآتله..
و
بيدها حد السكين الذي سوف ينحر الروح من وريدها..,
.
.
.
آحتدت..\عناد هو عساف...لآتنكر وجه الشمس...ماعاد يفيد شـي....كل شي واضح...
عيشتوني ب وجيعة ام سنين وسنين..كذبتو علي بدال المره عشره...
شطرتو روحي بدال الـ ألف الالاف....
كل ماطقيت الباب قلتو لي ما جد جديد...
عساف راح والي راح مايرجع يوم...!
وين عساف يآ ابوه...؟
.
.
.
آخترق صمت الاسوار العاليه صوتٍ باكي قادمـ من الباب...
.
.
.
آم جسار\ولـدك هو عناد يا الغيوض...ولدك عايش بينا من سنين طويله...ولدك مانخطف ولآ ضاع...
ولدكـ آنخطف منك ايه....لكن ب احضان ابوه صار.....
ماعاد ينفع رقع الثوب والشقوق كثرة....
ماعاد فيني صبر على ظلم ها المره...
اذا ضمايركمـ من عدم فـ آنا ضميري من ألم...!
.
.
.
اصير لَك مثل )السحابه(..وابلّلْك
مع ان جوفي من)مطر ضيقتك
.
.
.

آعتـصر عنقها العاجي بين انامله وهو يكيل لها مئات الشتائم\مآراح ترجعين ب صدري مثل ماكنتي...تحت نعالي انتي اليوم تحت نعالـي..!
الظبي وهي تستجدي الانفاس\جسآر..جســـــآر...جســــآر بموت بموت...هدني...!
عينيه المحمرتين تقدح شرار متطاير\بـذبحك...أنتي الي مثلك يموت...يموت...خساره فيه الحياه خساره...
الظـبي وآنفاسها بدت ب الفعل تتراجع\جسآر.....خلآص مافيني ب اختنق...
جسار\بناتي لـي ..ماراح تربينهمـ يحرم عليهم يشفونك او تشوفينهم يا الخاينه يا الخاينه...تخونيني في اخوي ...يآ الرديه...!
صرخت ب آقصى جهدها\جسآر انا الظبي مو زوجتك الاوليه انا الظبي....أصحى..فوووووق...!
.
.
آرتخت انامله فجئه...!
لـيتراجع مذعوراً...
والـعرق يبلل جبينه...
وينتقل تلك القطرات لـ اانامله...
وقفصه الصدري يرتفع بحده وينخفض..!
.
.
.
الظبي التي بدأت ب السعال الحاد من ثم تنفست بشكل سريع..
.
.
.
لـتعود به الذاكره قليلاً وهو يحاول استيعاب الأمر..,
.
.
.
دخلا الاوتيل الفخمـ...
من ثمـ آتضح على الظبي الارهاق...
لـتستئذن منه في الراحه فـ يتبعها ويستلقي بجوارها...
لـيفاجئ الان ب اطباق يديه على عنقها...!
.
.
.
جسآر ب ارتباك\آعذريني ...ماقصدت...آنا اااا نا مادري كيف سويت كذا...!
تراجع ب ارتباك ليدخل دورة المياهـ...
.
.
.
مسـحت عنقها ب اناملها بألم...
لآ
تنكر ان الخوف دب في اوصالها..
ما ان رئت تلك الوسامه التي تتفجر منه..
تتحول الى ملآمح شيطانيه قاتله..
وهو يحاول ان يبعد رمق الحياه منها...
ويدفنها ب تراب الظلام...
لـ
وهله واحدهـ..
لمحت طيف ابتسامة والدها في الطيف البعيد...
واعتقدت بل جزمت بأنها لحظات الموت الاولى..,
.
.
.
تلك السيوف...
اوغلت ب جراحها في بقايا رجل بجوارها الان...
كاد ان يتقلها لولا رحمة من ربها...
.
.
.
خرج من دورة المياه...
و
خصلات شعره تقطر من الماء....
شد معطفه المعلق...
لـيحاول الهرب من مواجهتها..
لـيأتيه صوتها الجاد و الواثق ..\آنتـظر لحظه...!
آستدار ب خجل حقيقي....
الظبـي\كنت بتقتلني ب ثواني..؟
جسآر تقدم بخطوات مرتبكه لها...
ليقف بقربها مباشرة\اول مره..صدقيني اول مره ها الكابوس...مدري...مدري كيف هذي الحاله...انا مستغرب من نفسي...سآمحيني ارجوك سامحيني؟
الظبـي\انت كنت بتذبحني ب اقل من دقايق..اذا فيك شي وتحتاج لمساعده قول لي انا زوجتكـ...؟
آردفت ب مواجه\كيف رضيت تتزوج وحده مايثبت الحمل معها...؟
وضع انامله على شفتيها\آقسم لك ب الله ان هذا الكابوس اول مره معي...وانا تزوجتكـ لأني ب الفعل محتاج لـ وجود أنسانه بحياتي...تربي بناتي ..
الـظبي ابعدت انامله من شفتيها \اذا تعرضت بخيانه بحياتك أي كانت...لآتعتقد ان اصابعك مثل بعض...في هذي الحياه الردئ والصالح..مثل الزرع اذا زرعته فيه يطلع لك زرع له ثمر وزرع ماله ثمر وفوق هذا زرع ميت وضآر..,
وضع انامله على جبينه..\انا وش حكيت وش قلت لك ب ثورة كابوسي...حكيت لك شي...؟
الـظبي ب صرامه\ايه تكلمت...لكن ماهو وقت الكلام الحين...وقت انك تهدئ وتستعيذ ب الله من الشيطان الرجيم..وتاخذ ركعتين وترجع تنامـ..
آشار برأسه ب النفـي\مافيني نومـ...
شدها لـيقبل جبينها بعذوبه \سآمحيني...
ويـخرج ب وجع كلل خطواته...
.
.
.
اصير لَك مثل )السحابه(..وابلّلْك
مع ان جوفي من)مطر ضيقتك
.
.
.

ب مكتب الداخلـي لـ قصر العاجي..
بتال بصـدمه\كيف خسـرنا هذا المبلغ...هذي ثروه بحد ذاتها نزلت لـ التراب...راس مال الشركه الام بكبره ب ينهز....
يآسـر ب جديه\طاحت شركات كبيره في هذي الازمه ونزل اسمها ب الارض واعلنت افلاسها ....
الحمدلله ان شركتنا الى الان واقفه على رجليها..,
بتال\هذي هزه قوي لـ العاجي....تفهم شلون هزه قويه...العاجي طول عمرهم ماحصلهم ضربه مثل هذي من قبل....
هذي الضربه قسمت ظهرنا فاهم قسمة ظهرنا....
كيف ماانتبهت ان الوضع تأزم بهذي السرعه..بين ليله ويوم...وكأننا ببورصه...!
يآسـر\بنعدي من هذي الازمه...عندنا اموال وعقارات غير مجال الحديد نقدر نضخ هذا الشي عشان ننعش الشركه ونسترجع الخساره...
.
.
.
آلآحاديث والـجدل بين بتال وياسـر تمر بين اذني مقرن وعكازه العاجي لـيعلن ب صوت الهادئه\انا ربان هذي الازمه...يقولون عط الخباز خبزه ولو اكل نصه.....وشـغلـي انا الي برجع امسكه..وانتم يا اثنين اعتبرو انفسكم ب اجازه مفتوحه من اليوم...!
.
.
.
نقف هنا
.
.
.
همسة محبه\"الثقة بالله " ـ سبحانه وتعالى ـ فعندما يرفع الإنسان يده ويدعو الله فهو يثق بمن يدعو قال تعالى: {قَالَتْ رُسُلُهُمْ أَفِي اللَّهِ شَكٌّ فَاطِرِ السَّمَوَاتِ وَالأَرْضِ } .
وذكرت الداعية ان الثقة بالله هي خلاصة التوكل على الله ـ سبحانه وتعالى ـ وهي قمة تفويض الأمر إلى الله ـ عز وجل ـقال تعالى { وأفوض أمر إلى الله إن الله بصير بالعباد} إنها ثقة بالله تعالى. الثقة التي لقنها الله لأم موسى لقوله لها فإذا خفتِ عليه فألقيه في اليم ولا تخافي ولا تحزني. خوف من أن يقتله فرعون أمرها الله ـ سبحانه وتعالى ـ أن تجعله في اليم، وتضعه في النهر. يقول الله سبحانه وتعالى ـ { ولا تخافي ولا تحزني} ولولا ثقتها بالله ـ سبحانه وتعالى ـ لما ألقت بولدها.

.
.
.
لقاءٍ اذا كتب الله لي عمر الاثنين =)
.
.
.

 
 

 

عرض البوم صور ضمني بين الاهداب   رد مع اقتباس
قديم 14-05-11, 11:55 PM   المشاركة رقم: 2105
المعلومات
الكاتب:
اللقب:
ليلاس متالق



البيانات
التسجيل: Nov 2009
العضوية: 152163
المشاركات: 6,760
الجنس أنثى
معدل التقييم: طيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسي
نقاط التقييم: 3748

االدولة
البلدSaudiArabia
 
مدونتي

 

الإتصالات
الحالة:
طيف الأحباب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

صباح الورد

لضمضم ولكل من يدخل ها المتصفح

بارت والحدث الرئيسي فيه يعتمد على الوقت خروج عناد من المأزق الي هو فيه

لقاء عساف بأمه
بدت الاحداث تتسارع نحو النهايه كشف اليوم عن مهنة ساري وهو ضابط سابق با الاستخبارات

المواجهه بين الغيوض واهل عناد كانت جدآ مؤثره والكل يبي حقه في عناد وكل واحد منهم تعامل بأنانيه مع طفولة عناد سطام تزوج يأدب ساره والنتيجه ولدبعد ما تعلق با الغيوض رجعت ساره

واستمر سطام با الغلط ما قدر يوقف وقفه حازمه ويمسك العصى من النص
والجده هيا ما عليها اهم شي الي يريح ولدها سطام ما يشكي من شي والي بعده بكيفهم يداوون جروحهم بعيد عن نواظرها


الغيوض تعاملت بأنانيه تبي تحتفظ بولدها وتبي تتزوج اهم شي تشوف حياتها وترد الصفعه لسطام

حتى با العقاب الي شافته كان من تحت يدها
وسطام اي خطوه يتخذها عناد ضده وضد هيا معذور فيه

الضحيه با الموضوع كله كان اثنين عناد الي كان ما بين انانية ثلاث

الغيوض وسطام والجده هيا

الغيوض اقدمت على الزواج من رجل سبق له الزواج ولما طاحت الفاس با الراس حاولت تسترد كرامتها مهما كانت العواقب

والجده هيا موقف المتفرج من زواج ولدها الثاني اهم شي ولدها ما كان لها موقف ضد زواج سطام او توضيح الصوره قدام الغيوض

وبعد انكشاف الحقيقه صار الكل يبي حقه في عساف

والكل يشوف نفسه مظلوم

ونسو ا حق عناد وحق ساره المهم كلن ينفذ الي يبيه

وساره حسمت الامر وقالت الحقيقه لأن ما عندها شي تخاف منه ...



راكان\آلتقطنا احديثيات ان راعي غنمـ مشتبه في سيآرات تروح وتجي على مكان شبه مهجور اقرب لـ مستودع قديمـ..
وهذا الشي بـرى الرياض...آعتقد انه هو....؟

وهذا ان شاء الله بداية خيط السلامه الي بيوصلهم لعناد

يعني وين بيختفي يوسف بعناد وخصوص ان عناد مصاب ماراح يبعد فيه كثير

لأن عناد مازال ورقه رابحه با النسبه ليوسف...


منآير ب ثوره\صبآحتس ياحبيبتي حلبه ورشآد....!

حي الله مناير ما شاء الله متسلحه لسانها

والله رهف ان بالها طويل عليك لكن انتي دايم هجوم جماعي مافيه عذر لأحد عندك الحين رهف وش ذنبها

خلي الملامه على راس يا سر والا بتال وش فايدته اذا ما وقف جنبك



لـيأتي صوته الهازئ\بأخذ جناحك يامنير يعني ب اخذه طلعتي لـثريا ولا نزلتي لــ القاع...واذا ماخذيته ماكون ولد عبد العزيز...!


ياسر معه حق وما معه

مناير خالة ياسر اخذت زوجهاوهو جا كملها بياخذ جناحها بصراحه ما تنلام في الي تسويه

ومعه حق ان مناير لسانها يلوط اذانها اذا ما وقف في وجهها راح تخرب بيته

فيشغلها قبل تشغله




آبتسمت\حاولت فيها وماعلمتني بشي...لآزم اتصل عليها وآتطمن..ياليتني رحت معها...
يآسر\وين تروحين الا اجلسي وافرضي ماطلع اخوك ...لآاشوفك تكررين ها الحكي..!

للحين تكابر يا ياسر يا قو باسك طارت الطيور برزاقها ولا عاد فيه مجال للأنكار خلاص الغيوض عرفت الحقيقه وانت للحين تتمنى انه حلم

مالك عن الي انت كار هه...



بتال يقبل جبينها \تصدقين وش كان حلمي البارح...
آردف \كان انا وانتي ب حديقه كلها ورد وفي يدك تؤم...سألتك عن اسمائهم قلتي لـي هذا بتال وهذا عبد العزيز..!
صـحيت بعدها مفزوع من الحلمـ..

حلم خير ان شاء الله

انا بفسره لك الورود البنات الي بيخلفونهن لك مناهل ومناير

وتؤم العيال فلك بتجيبهم واحد يشبهك واحد يشبه ياسر وتسميه عبد العزيز

وفزعتك با الحلم اكيد مناير قامت تلالي بلسانها وفزعتك

والله يستر من ضمضم لا يكون عندها تفسير ثاني ....


جسار والموقف الي صار بينه وبين الظبي

اتوقع ان جسار طول الفتره الي مضت وهو كابت مشاعره من ناحية سيوف

وبعد زواجه من الظبي هو نفسيآ يبي يقهر سيوف

وتحول شعوره لكابوس ما خلاه يميز بين الظبي وسيوف

والحين الظبي بدت تتضح له الصوره الكامله عن جسار الي من خلالها راح تبني حياه جديده



وشـغلـي انا الي برجع امسكه..وانتم يا اثنين اعتبرو انفسكم ب اجازه مفتوحه من اليوم...!

صفعه قويه لبتال وياسر لكن وش الي وصلهم للخساير الباهضه ننتظر ونشوف

مبدعه ضمضم

وننتظر القادم بشوق

 
 

 

عرض البوم صور طيف الأحباب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملوكـ وعناد وبدايات الحب.., مبدعة أستمرررري, آبـــــــــــــــــــــــــــــــــــــــــــــداع...., لو أجيب كل عبارات المدح ماراح اوفي قصتك حقها من الأبدااع, اويييها واعرس البارون اوييييها والحلوان على شوشو, بتال&فلك آحلى ثنائي, بعض العيون حقدها في نظرها, يا الغوالي الاجزاء سبت واثنين..ضمضم, يا ناس وه فديت مقرن و ساري بديت احبهم, جسار للظبي<<مااتنازل, حصريا ولأول مرة العقيد عنااد آل راسي من ممتلكاات النوري ..فاهمين ..فيس يهدد هههه, روابط جميع الاجزاء با الصفحه الاولى..., عنااااااااد أسطوووره لن تتكرر ..وهـ بس فديت ابو رعووودي .., فديت أحسن وأحلى كاتبه ضمضمــ, نظره حقد 20 في صفحه 75--نظره حقد21في صفحه 83, نظره حقد 22 في صفحه 88--نظره حقد 23 في صفحه 96, نظره حقد 24 في صفحه 107, نظره حقد 26 في صفحه 127, نظره حقد 26 في صفحه 128, ضمني بين الاهداب, قصص من وحي الاعضاء
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t140889.html
أرسلت بواسطة For Type التاريخ
ذ¯ذ½ذ´ذµذ؛رپ This thread Refback 03-07-15 12:28 PM


الساعة الآن 03:44 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية