صباح الخيرات والامطار ضمضم .............. كيفك ياقلبي وكيف رجلك الله يعينك ويشفيك يارب ............ وحشتينا يالغلا

تسلم ايدك على البارت والقفلة الي تحبس الانفاس بس حاسة انك بتحرقين قلوبنا وبتتفرغين للخايسة الظبي جعلها الماحي وبتخلين موضوع عناد معلق الين نمل من العلة حسبي الله عليها ماصار زواجها الا يوم بدى موضوع عناد ياخذ مجرى قوي ......... مااقول الا الله ياخذ مقرن وبنته بيوم واحد ويريحنا منه وجه النكد



ملوكوه من البداية مو نازلة لي من زور وربي عناد كثير عليها وماتستاهلة تحب النكد بزيادة تكذب على زوجها عيني عينك يعني اخفائها هالموضوع شلي بيغير بحياتها يعني كذبها هو الي بيحقق الاستقرار بس اتمنى من قلبي انو رد عناد على كذبتها ومايسامحها الين تحفى وراه كأنه ناقصها هو .............. مستكثرة عليه الفرحة وهو من داخله مليان جروح وصدمات ........... على الاقل هالموضوع بينسيه شوي من احزانه لو فترة بس ملوك بتدفع ثمن كذبها من راحتها وهي الي بتندم في الاخير


ملوكـ\لآ...لآزم تاكل لو سلطه وعصير فـرش...ثواني بس وارجع لك...

لا والله فيك الخير مسوية فيها الزوجة الحريصة واخرتها مكذبة عليه في موضوع مهم ويخصه من الدرجة الاولى

عناد وهو يضع الليمون على السلطه..\ كنتي صـغير على كذا ماتتذكرينها..,
ملوكـ ب حزن شفاف\لآ ماتذكرها الله يرحمها وينور قبرها...بس اتذكر ريحتها تصدق..!
آرتفعت حاجبي عناد ب استغراب\تتذكرين ريحتها..غريب والله...!
ارتفعت كتفـي ملوك \صح غريبه..انا مافسرت هذا الـشي...!


عناد مستغرب انو ملوك تذكر ريحة امها بس هو كان يشم ريحة امه وهو مو داري ومازال يذكرها وبيذكر الريحة لما يرتمي بحضنها وبيعرف انو ريحتها كانت مرافقته طول الثلاثين سنة ويمكن يجي على باله هالكلام الي دار بينه وبين ملوك لما يجلس مع امه وبيخبرها هالشي


ملوكـ\مافيه بعدين ربانا ابوي وعماتي والحمدلله على كل حال..
آنزل ملعقته ب الصحن لـيردف بخبث\عماتك الي هم فلك و...
آبتسمت\و آم ياسـر....
آردفت\بس عمتي ام ياسـر ماطولت...ماتت الله يرحمها ويرحم موتى المسلمين يارب...
وضع يده على فكه\وممكن اعرف كيف التقـو العاجي فيكمـ..؟
وضعت قطعت البيتزا على صحنها وهي تهمـ بعصر الليمون عليها..لتلتقط سؤاله الدقيق\عآدي..!
آردف بخبث متأصل\وكيف عادي..آشرحي لـي...قآعدين نسولف..؟

عناد كل همه من هالسوالف يوصل لسبب انفصال ملوك عن ياسر وهل مازالت تحمل له شي بقلبها او لا كان حاب يعرف طبيعة علاقتها مع ياسر الى اي مدى وصلت

آبتسم وعينيه تراقب اناملها التي تعتصر الليمون\ما اقـصد شي..وبعدين وش قصتك مع الليمون...مو زين كثرته...وعلى بيتزا..!
آرتبكت..لـتضع البيتزا ب فمها متجاهلته...


والله ياملوك صارت عندك اكثر من فرصة انك تخبري عناد عن هالحمل بس عنادك وغبائك بيضيعك وساعتها بتندمي

آردف\ملوك...آنتـي ليش مو صريحه معي...!
آبتلعت ملوك قطعة البيتزا لـتعقبها ب قليل من الماء...\لـيش تقول ها الكلام..؟
عناد بوجع\لـيش انفصلتي عن يآسـر..؟
ملوك بألم\وش لزومه ها الشي...مثلاً بيفيدك ب شي...؟
رفع كتفيه و ب ابتسامه بارده\تقدرين تقولين لو اعرف السبب برتاح...لـقآفه الله يكفيك شـرها..!

تصدقي ياضمضم ماتمنيت انو موضوع خيانة ياسر ينكشف لعناد لانو بيأثر بالمستقبل على حياة ياسر مع رهف لانو عناد اذا كشف الحقيقة بعدين مابيرحم ياسر وهو زوج اخته ويمكن تصير بينهم مشاكل كبيرة وملوك بتندم لانها بتحس بالذنب لانها خربت بيت ياسر وبتخلي حياته جحيم مرتين مرة لما تركته ومرة لما فرقته عن رهف حتى لو فترة معينة

اذا رواف بسبب تصرفاته ماتقبله ولا حضر ملكة اخته كيف بياسر عدوه وزوج اخته وهو ماسك عليه شي كبير الله يسامحك ياملوك بس

آبتسم ببرود مصتنع والغيره تنهشه..\وآنتي حبتيه ...!
آبتسمت بمغايضة بروده المتغطرس\ماكان حب قد ماكان احترامـ..!

هنا مربط الفرس عند عناد هل في يوم هي حبت ياسر مثل ماهو كان مجنون بحبها وبكل فخر قالتها ......... وجوابها ماشفى غليل عناد ولما جاه الدور تسأله نفس السؤال ماعجبها الجواب الي هي اختارته بنفسها ............. وربي تعل القلب وهذا رد دين لياسر مثل ماكان بيوم بيتشفق على كلمة منها تشفي قلبه وحبه لها هذا الله عطاها واحد مو مبرد قلبها ومايتغزل فيها مثل ياسر ومثل ماهي تبغي تاخذ لازم تعطي هذا عناد مو ياسر وحب عناد لها من يوم ارتبط فيها بس حب ياسر لها من سنين وسنين كثيرة يعني فرق


بس الي لفتني بكلام عناد انو عبير شافت حركات سيوف وفهمتها زين كيف ماتكلمت وكشفتها كيف ضحت ببيتها وخرابه وعندها ولد على انها توقفها عند حدها وتهددها يعني دامها تحب عناد مثل ماقال هو المفروض تمسكت فيه مو اقل موقف تتركه لسيوف


اما جسار الي يقول انو مستعد يطلق بنت العاجي علشان طارق لو كان بيزعل منه او بيشيل في خاطره من هالموضوع احسه بس يجس نبضه لانه لو فعلا همه طارق كان خبره بالموضوع قبل الملكة مو بعدها لانو عارف طارق رجال يخاف ربه مهما كان هذي بيوم كانت زوجته ولو الله كتب كانت ام عياله بس من حب ربه له فكه منها وتدبس فيها جسار ..............

يعني بالعقل بعد ماتملكت وحددت الزواج جيت خبرته قبل مايسمع من الناس ايش نسمي هالحركة يعني ........ جسار القديم خلاص ماله رجعه ماعاد فيه الاجسار الي يناسب بنت العاجي ونفس طبايعهم للاسف ماعاد نرتجي منه خير مثل قبل دام على الي سمعه عن بنت العاجي ويبغيها تربي بناته ............ يعني لو قالتها بوجهك ماهي ملزومة تصير ام لبناتك مو من حقك تحاسبها لانهك اخذتها وعارف شوفة النفس اعوذ بالله هذا غير حقدها الاعمى


عناد يطبع قبله اخرى على الجلد المتضرس ب تعب السنين..
لـيصله صوتها المتعب\عنيد...يمك وينك عني..؟
عناد بألم\آقـرب من هدب العين لك فديتك سـمي عسى عمرك يآخذ من عمري..
الجده بفزع وصوتها المتعب يخترق روحه\آسكت آسكت وش ها الحكي..
عناد\يمه وش فيك..وش الي يوجعك..وين الوجع فيه..؟
الجده بألم\مافيني شي الحين بس تعال ارقد جنبي الليله..
عناد ب استغراب\يمه ملوك وراي ب البيت..
الجده تبعد الغطاء\تعال يمك جنبي بحضني..
آردفت بعبرات حنين \
تذكر ياعنيد يومك تجي بحضني وتشم ريحة صدري...
تذكر ياعنيد يوم مالك الا انا..!
تذكر ياحشاشة الجوف يومـ ماتبي الا انا..!
آبتسم عناد وهو يقبل كلتا يديها\الا يمه اذكر وليه ماذكر..لكن يمه انا الحين كبير لو يدخل احد من اخواني ويلقاني بحضنك وش بيقول..
بيقول عناد مابعد انفطمـ لـها الحين....وبيمسكونها علي سالفه..
وش فيك يمه وش تشكين منه...؟
الجده بألم\عناد ي قطعة القلب..أوعدني يمك مايجي يوم وماكأنك عرفتني ساعه...!
عناد بفزع حقيقي\عسى رعد يتيتم يمه اذا انا تنكرت لك ثآنيه من العمر...!
بعدها
آنخرطت الجده ب بكاء مكتومـ..
جعل قلب عناد ينتفض...
لـيردف بهدوء وهو يبعد الغطاء ويقترب منها\يمه وش رايك انتي اليومـ تكون لك يديني وسآدهـ...!


والله ام سطام قاعدة تتحيل وتدور لحالها عذر يوم حست انو عقابها من ربها قرب هذي هي عاشت معاه كل مراحل حياتها وشافت الين كبر وزفته بدل المرة مرتين بتموت من كشف الحقيقة لانها عارفة ومتأكدة مليون بالمية انو مابيسامحها ابد على الي سوته فيه وفي امه للاسف ام سطام خافت من المخلوق وماخافت من عقاب الخالق خافت تموت وعناد غضبان منها وماخافت تموت ورب العباد غضبان عليها بس عقابها بتتجرعه هي وولدها مثل ماجرعت الغيوض المسكينة كاس الفراق وولها نفسه قريب منها

بيجي اليوم الي ام سطام تتمنى النوم ودموعها ناشفة ومابتقدر مثلها مثل الغيوض الي ثلاثين سنه لانوم ولا دمعتها نشف حرقة قلب وحسرة واهات ودعوات لربها انو تقر عينها بالمفقود قبل ماتتوسد التراب حتى هالشي استكثرته ام سطام على الغيوض وكررت جرمها معاها وهي عرفت حالتها من جسار واتهمتها بالجنون والمرض النفسي اي قلب والله ماحد مريض نفسي الا هي بس جزاها من ربها على قد نيتها واعمالها وفي اقرب من ماتتصور ورب العالمين مد بعمرها بس علشان تعيش لحظة عذاب الغيوض الي عيشتها فيها .........هي نايمة قريرة العين وعناد الي كان متعطش لريحة امه مهما كان نايم بحضنها والغيوض ليلها كله سهر ونوح وكوابيس ........

ريآن بضيق شديد\آبوي ماعبرني لو بكلمه وحدهـ..ماكأني موجود كلش...
عناد بضيق اكبر\آصـبر..ترى الي سويته ماهو شوي..أحمد ربك انه يسلم عليك ..شوف جسار وانا...!
ريان ب ألمـ\لآتشل هم يابو رعد ترى مسألة وقت وان شاء الله تنحل الامور بينكمـ...جرح جسار كبير بس ان شاء الله يطيب..
زفر بضيق\ولآ كحلها ب مناسبة ها العاجي..!

احس انو المشاكل الي صارت في عايلة الراسي قربت بين عناد وريان وهذي البداية مع اني اتوقع انو عناد في البداية حتى اخوانه واولهم جسار الي له بنفسه وعرسه بعد كلامه مع جدته عن موضوع اخوه المفقود وهذا الي كنت متوقعته اصلا وغاسلة ايدي منه من ساعة ماارتبط بهاالعلة

بتسم ريان\يازين نسبهمـ..شوف ملآمح الزين في رياجيلهمـ كيف عاد حريمهمـ..أبشرك عيال جسآر منهمـ بيجون فلته... اي ماعليه شفايدة زين الملامح والقلوب سودة والكلام واللسان اعوذ بالله .......... بالذات بنات العاجي لسانهم ماشاء الله سموم من اخطر الانواع بس جسار يستاهل جعله مايشوف الراحة مع ام قلب اسود

واما على العيال الي امهم الظبي لابارك الله فيهم ........... نسب اقشر واغبر كله من الشايب جعله مايصبح الصبح الا هو بقبره ............ حار قلبي هالمنافق جعل ساري الاغبر ينتقم منك لانك زوجت بنتك لعدوك على انك تزوجها له
بشي يجيب اجلك قادر ياكريم ويطلع فيك كل الي سويته بالبراق السنين الي راحت


آي حبٍ سـرمدي المحه بتلك الأضلع تحمله لـ
تلك القابعه بين خلآيا جسدي..؟
هل مازلت تحتفظ ببقايا عطرها بين كفـيك...؟
ام اصبحت ماضـي يحتفظ بها غـيرك لـيكتويك كلما تصادفت الايام بترتيب مواعيداً مسبقه بينا...؟

عناد ذابحته الغيرة من ياسر بسبب ملوك وانو بيوم كانت ملكه بس على الاقل هو اخذها قبل مايتمم زواجه منها ويملكها مثل ماملكها هو رغم سنين ارتباطه فيها بس مع ذلك مو قادر يخفف عنه شعور الغيرة المجنونة لذلك كره هالنسب والقرب


اما ياسر كره لعناد مضاعف بسبب الشيفة ملوك وغيرته عليها .......... لدرجة انو متأمل انو عناد لو تركها بيقدر ياخذها او هي بتوافق تاخذه ............ بصراحة عال قلبي يعني يبغي رهف ومو قادر يتحمل فكرة انو عناد اخوها من امها بس علشان لاتصير قريبة منه وهي له وملكه قمة التناقض يعني حب لرهف ومجنون غيرة انها بيوم بتصير قريبة من عناد وفي نفس الوقت محروق قلبه على ملوك يعني قمة الجنون الي صار له بعد فراق ملوك وخسارته لها .............. احسه بيتضاعف لو حس نفسه بيخسر رهف الي ناسيها لما فكر برجوع ملوك له لانو اكيد هالعداوة بتتضاعف بين الاثنين لما تنعرف الحقيقة وخصوصا انو عناد مابينسى كلام ملوك عن خياناته


اما تفكير ياسر الاناني في سكوته عن حقيقة انو عناد هو عساف بسبب حقده اعماه انو في احد غيره ممكن بسهوله يتوصل لنفس الي وصل له بمجرد ربط الاشباه الي هو وصل لها المعلومة بسببها وتناسى انو اي لقاء ممكن يصير بين عبد المجيد او الغيوض لعناد من باب انها ام اخوه المفقود بيكشف الاوراق حتى لو هو تعمد يخفيها ممكن بلمح البصر تنكشف ................ لكن لو هو الي كشفها كان الامور بتتصلح بينهم بالمستقبل وخصوصا انو الاثنين طفولتهم كانت متعبه لهم وحتى مراهقتهم الاثنين عاشو حياة غير طبيعيه وانحرمو من الاسرة السعيدة والمترابطة

بس للاسف شكل الموضوع بيقلب عليه لو عرفت رهف او امها انو كان عنده خبر وتعمد يسكت وخصوصا رهف الي بتعرف انو سبب هالحقد هي ملوك وبتحقد عليه


اللحظة الحاسمة قربت وعبد المجيد بيدخل مجلس الرجال وبيشوف عناد وبيعرفه لانو نسخة ولده احمد غير انو عمره مقارب لعمر عساف وهو ولد سطام الي ممكن ينصدم من شوفة عبد المجيد في هذي اللحظة


وهذي ام سطام وكذبتها انكشفت واول صدمة لها شوفت رهف شبيهة عناد وامها الي شهد الخبلة المطيورة مالاحظته بس فالحة تربط صورة احمد انو عناد وهذي خويته والشبه عميت عنه
ابغي اعرف ردة فعل هالمفهيتين شهيد ورهيف الي نفس المخ وهم اول من مسك الخيط بس العقول بالبايباي لما يعرفون انو اخوهم واحد ...............ز

وهل ممكن بعد في هالليلة الغبرة ليلة زواج بنت العاجي الي كل زواجاتهم تنتهي بمأسي هل رهف بتعرف هوية الصور وانها هي نفسها ملوك عاد مناير الحزنانة كاهي مسنترة في الصالة وماسكة مهمة التعريف وشكلها بتجيب العيد على راس ياسر خخخخخخخخخخخ


وهذي الغيوض داخلة لمواجهة ام سطام بس ماشكل بيصير شي حلو بس حرقة قلب على الفاضي لانو يمكن يدخلون للمسعدة مع ولدهم ويخربون علينا اللحظة المنتظرة ........... عاد ساعتها ياضمضم استعدي للي جاي لك فيش عيونه تطلع رصاص ........


عناد عمره ماطالع حرمه بس الريحة والحواس الداخليه الي كل مرة يكون لها رد فعل مختلف وغير ارادي هي الي حركته جهت امه وهالمرة ردة الفعل ريحته بقوة مو مثل لما شاف اخوانه بس من كثر الراحة الي دخلت قلبه ماركز بالريحة الي اكيد شمها وهو بعيد عنها بس هل الليلة بتنتهي بهالراحة عليه والله بتنكشف الاوراق بخرابة العاجي لما يدلف جويسر مع المقرودة جعل ليلتهم كلها سواد في سواد خخخخخخخخخخخخ تراني ماخذة مكان مناير


تصدقي ضمضم احسك متعمدة تحسنين لنا اخلاق الظبي الي ابد مو لايق عليها بين يوم وليلة وبدون سبب قوي هي وابوها مرة وحدة بعد الظلم الي سووه مسويتهم اطيب شخصيات بالرواية بصراحة مو متقبلة هالانقلاب بس يوم يخطب مقرن جسار للظبي ويخبر بنته عنها كانت متفرعنة وحتى يوم وافقت وراحت غرفتها كانت تذم بجسار اشمعنى هالتغير المفاجئ بس علشان شافت وسامة جسار طخت اجل وين الحب المزعوم لطارق حتى لو كابرت هذا هو جسار الي الحين حب سيوفوه متعبه ..............

وبعدين مسوية فيها متدينة وتخاف ربها بين يوم وليلة وهي تنتهي عن شي وتسوي شي قمة التناقض والله والله الدين على كيفها تاخذ منه الي يمشي مع نفاقها وتترك الي مو على كيفها

يعني لما تظام ناس وتجرحهم بوسط بيتهم او بأي مكان بس لانو نسبهم مو على مزاجها وناسيه الي اهم منه اسمهم واخلاقهم ودينهم واعمالهم الي ربي بيحاسبهم معاهم مو نسبهم ولا فلوسهم يعني رب العالمين بيحسب عليها لو ذنب تعطرت لزوجها وماحد داخل عليها من الرجال غير محارمها ........... واخوان زوجها على ايش بيدخلون عندها ان شاء الله والله ماخذة مقلب بحالها واذا على قولها اذا طلعت مالها حجة تقدر تغير ملابسها بدون ماتتعطر والله تبغي توري جسار انها عكس سيوفوه وتلفت انتباهه مادرت انها بتحفى وراه الين تقدر توصل لقلبه واتمنى هاليوم مايجي لو شتسوي ................

يعني مثل ماالعطر عند الرجال مايجوز حتى احتقار الناس وتدمير حياتهم علشان انسابهم حرااااااااااام ومايجوز ورب العالمين نهى عنها وعن المفاخرة المعتوهه ......... واعتقد انها متعلمة وفاهمة زين مو مثل ابوها الي يدعي الفهم والذنب يصير ذنبين اذا تعمدت ترتكب هاذنب يعني ربها لما يحاسبها على اعمالها السودة بتقول والله ابوي رباني على هالشي هذا مو عذر ........... والي تخاف ربها صدق مو في شي وشي ......... بس شكل ابوها علمها النفاق علشان توصل لغرضها بس لاتفتكر انو جسار بيدلعها وبينبهر بجمالها الي مغترة فيه لانو العلة الي كان ماخذها ماكان ناقصها جمال وفتنه ................يعني تستريح واتوقع لما يشوفها جسار بيكون بارد جدا معاها وخصوصا انو بيعطيها اول درس لها يكسر غرورها الي ماله داعي اصلا


ضمضم من الحين اقول لك اذا بتخلي البارتات الجاية بس عن هالعلة تراني احتج بصراحة في شخصيات لما زوجتيهم ماسلطي الضوء كثير عليهم مثل فلك وبتال وياسر ورهف مااخذو حقهم ومشيتي الاحداث ماكأنهم معاريس بصراحة حتى عناد وملوك ........... والظبي مواهم من غيرها من ابطال الرواية يعني ماتستحق الصدارة وانو بتسلط عليها الضوء كثير لانها ماقصرت بالاحداث الي راحت .......... يعني مثلها مثلهم وبعد لو تكون انقص تسوين فينا خير خخخخخخخخخخخخخخخ لاتلوميني مااطيقها الين اخر سطر لها بالرواية ومقهورة انو جسار اخذها بدل ماتطلع لنا شخصيات تبرد القلب ونقية القلب من الداخل ومن الخارج اووووووووووف احس حماسي بدى ينام
لانو عارفة الحين بدل ماننتظر عناد والي جاينه بتعلي قلبنا بحبيبة القلب الظبي عاد مابي شوفي لك صرفة فيها


نفتك من سيوفوه تطلع لنا هالمعقدة تصدقي احساسي يقول انو البارت الجاي في طله للحيه وهي تنذب حظها على زواج جويسر بعد فترة قصير من طلاقه لها وانها خسرت كل شي خلاص من الاول عناد ماكان لها وحتى جسار الي يمكن فكرت انو حبه لها بيشفع لخيانتها له وبيجيها قبل ماتنتهي عدتها طار خلاص صار لغيرها


في انتظار البارت القادم بحماس للقاء عبد المجيد وعناد والغيوض واهل جسار

صباح الخيرات على الكل ............ اممممممممم في كذا مرة ينفتح موضوع للنقاش حول مو ضوع او نقطة من خلال اشياء انذكرت بالرواية بس طبعا ماتكون في الرواية بذاك التعمق يعني لما نعلق على هالنقطة ماتكون بتركيز في نقطة لفتتني مع انو ضمضم طرحتها في الرواية بأكثر من مرة وبطرق واسباب مختلفة ومع انو هالنقطة صارت لثلاث بطلات من بطلات بعض العيون وهي الطلاق ............

لو لاحظنا انو فلك وملوك والظبي الثلاث قبل يرتبطون بنصفهم الثاني ارتبط فيهم لقب مطلقة بمختلف الاسباب في بعضهم مالهم يد فيه مثل فلك والبعض لظروف اجبرت هذي الشخصية اتخاد هذا الطريق


والحلو جدا انو ضمضم اخذت هذي النقطة بشكل ايجابي جدا ............ وماخلت هذي النقطة تكون حاجز لتكمل اي وحدة منهم طريقها .............. والاجمل من هالشي الشخص الي ارتبطت فيه كل وحدة منهم بغض النظر عن بعض عيوبهم بس هالعيوب ماتكون عيوب بذاك المعنى الكبير .......... والحلو انو مافي وحدة منهم هذي النقطة اثرت او كانت نقطة اعتراض لاللزوج ولا اهله ........... يعني ماشفنا ذاك الاعتراض من ام جسار او ابوه على ملوك والظبي كونهم مطلقات ويمكن ملوك حالتها اهون كون انها بس كانت متملكة


الي ابغي اتوصل له او نتناقش فيه ............. ليه الانثى لما تحمل لقب مطلقة تعامل على انها عار على اهلها والي حولها ليه تتغير معاملة اقرب الناس لها وخصوصا في حالة انو اسباب الطلاق جدا منطقية وهالشي واضح للكل

ليه الانثى تنظلم وتسلب حقوقها بالعيش بسبب هاللقب ............ واذا صار لها مجال ترتبط برجل ثاني يداوي جراح الاول يكون هالزوج اما شايب حيل وهي لساتها بزهرة شبابها ............ او يكون في عيوب موممكن يلقى وحدة تاخذه عليها ............... ولما يفكر فيها رجال محترم وله قيمة الكل يرفض ارتباطه بها لانثى بس لكونها مطلقة


ترى حتى الي كانت متملكة بعد تلاقي بعض الرجال يرفضون الارتباط بوحدة تملكت على غيره مع انو العيب مو فيها وهو بيكون اول رجل في حياتها بس بعد يقولك دامه شافها وجلس معاها مااخذها طيب هذا انتو تطلبون الشوفة الشرعية وفي منهم الي يرفض البنت لما ماتدخل مزاجه .............


بينما الرجل المطلق لو عنده درزن عيال يلقى الي يبغيها على كيفه مهما كانت اخلاقه ............ طيب في حريم تطلقو مجبورين وشافو الضيم مع ازواجهم من الخيانات والشرب والبلاوي والسفرات وريحة هالرجال فايحة عند العالم

ومن ناحية ثانية نلاقي نفس العايلة الي رفضت انو ولدها يتزوج مطلقة بالرغم من انو عنده عيال ومسؤليه او كان ارمل ينتقدون الناس الي رفضت انو ولدهم ياخذ بنتهم المطلقة


في حريم وبنات من الي حملو لقب مطلقات يستحقون انهم يتزوجون رجال اسمهم يهز المجالس بذكراهم .........

بس مجتمعنا للاسف مصور المطلقة كأنها شيء وسخ ومالها حق تعيش حياة احسن من الي عاشتها

صحيح في حريم مايستاهلون لانو اسباب الطلاق عندهم جدا سطحية وغير مبررة بس انا اتكلم عن الي انظلمت وتعذبت ويمكن وصلت للموت وماقدرت تتحمل الانسان الي انربطت فيه علشان ماتحمل هاللقب


سؤالي لو احد من اهلنا او اخواننا الشباب الي ماسبق له الزواج وطلب انو يتزوج وحدة هل نرشح له انسانة كانت متملكة من قبل لانها تحمل مميزات من حيث الاخلاق والشكل نادرة هالايام في اي بنت او نستبعدها لانها حملت لقب مطلقة وهي بكر مش ثيب ؟؟؟؟؟؟؟؟؟؟؟ واذا رفض هل ممكن نحاول نقنعه فيها ؟؟؟؟؟؟؟؟؟؟


واذا الشخص كان ارمل او متزوج او مطلق هل لما نرشح له وحدة ممكن نرشح له وحدة مطلقة على الاقل ماعندها عيال وهو يكون عنده عيال ويحتاج ام لهم وتكون مميزات هالحرمة مطابقة جدا لهذا الشخص ؟؟؟؟؟؟؟؟؟؟


والله نقول مثل غيرنا ولدنا رجال ومايعيبه شي انو يخطب اصغر واجمل البنات وماسبق تزوجت حتى لو هو تزوج عشر وطلقهم ؟؟؟؟؟؟؟؟؟؟


ترى الي خلاني اكتب هذي النقطة انو هالموضوع صار او انفتح موضوع مشابه من الي حولي وكانت وجهات النظر مختلفة والاراء متضاربة بس التناقض انو لما كانت هالبنت بنتهم تغيرت النظرة

ليه حلال على بنتهم وحرام على بنت الناس ؟؟؟؟؟؟؟؟؟؟؟؟؟؟؟ ياليت الاقي اراء ونشوف الاغلبية كيف ينظرون لهذا الموضوع بكل جدية ومن خلال ناس عرفناهم من الي حولنا وتعرضو لنفس الموقف

صباح الورد و دهن العود على احلى ناس
هلا بعودة الغائبه الحاضرة مهرة الاسلام وعقبال رجعت الباقيين

هههههههه احلى صباح اصبحه للشيف عناد الي شكله من كثر مو جالس
لحاله قام يتابع الشيف اسامه ويقلده على اساس يحنن قلب ملوكه عليه
تبي دروس تعال عندي بعلمك وبخليك اقدعها شيف بالدنيا

( لآ ماتذكرها الله يرحمها وينور قبرها...بس اتذكر ريحتها تصدق..! )
احيانا موقف يبقى بالذاكرة زي المشهد بالفيلم هو الي يتكرر لما ينذكر شخص بعينه
وانا فعلا فيه موقف دائما يخطر ببالي لشخص متوفى عند ذكره فهنا ابدعتي بجد ضمضم
لما وقفتي عند هالنقطه لان ممكن اي شخص ثاني يقول يعني شنو تشم ريحتها بعد عشرين
او ثلاثين سنه وعناد اشترك معها بهالنقطه لكن هو بالحلم يشم ريحتها ولما تكون قريب منه
يحس بشعور غريب وطبيعي مايعرف سببه لانه اساسا ماعنده فكره عن ماضيه وهالشي يزيد
من ربط عناد بملوكه نفسيا وعاطفيا واهم شي قلبيا فاثنينهم قلوبهم بحاجه ماسه للحب وللعطاء
قبل الاخذ حتى يشعرو بانهم ذوي فائده للطرف الاخر

( ملوك...آنتـي ليش مو صريحه معي...! )
شوفي ضمضم انا ابدا مو متخيله ان عناد فاتته ملاحظة تصرفات ملوك وانها حامل لان سبق له
الزواج وان عبير كانت حامل بس افترض ان الي مسهيه هو انشغال باله بتسحيبها بالكلام حتى
يعرف حكايتها مع ياسر ولما بعدين بالصدفه يعرف بيكتشف انها مخبيه عنه هالموضوع
وبيكون حسابه معها عسير >> هههههه الفيس الشرير يبي يتشمت

( صآر ماضي لي... وانا صرت مع ماضيه حاضر له....بس ماعاد يفيد الندمـ اذا فات وقته...! )
تهديد لعناد مبطن بس ياحلوة انت قلتيه بكل ثقه وانك تركتيه لانه خانك وصار ماضي بس اسمحي
لي ياملوك مع شخصك الكريم ومع قلبك الي ينبض بحب عناد لو حصل لك واكتشفتي له خيانه
بتترددي تتركيه نهائي بدل المرة الف اولا لان قلبك ما حيطاوعك حتقولي بتركه وبعد مايتتردد عليك
طالب العفو والسماح بتقولي بخليه شوي كعقاب وبعدها برجع له غير ثانيا انك بتخافي من لقب
المطلقه للمرة الثانيه وهنا بيكون العيب منك مو منه طبعا بوجهة نظر المجتمع هذا غير ان ابوك متوفي
واخوك مصيره يتزوج فاللي صار سابقا صعب يصير حاليا للاختلافات السابقه

بس احسن شي رد عناد عليها هو صحيح شلخ عليها شوي لاني اذكر انه ذكر سبب طلاقه من عبير
ان سيوف كانت مزعجتهم بالتلفونات وبانه راعي حريم ومغازل يعني رمت البلا عليه وهو طبعا ماحيذكر
لها هالشي حتى مايزرع الشك براسها ويصير زي الي زن على خراب عشه

( .لكن فيها شوفة نفس وعاجيه بتتعبك كثير.. )
اجمل صداقه الي تكون لشخص الانسان نفسه بلا فوائد ولامصالح شخصيه وهالعلاقه الي تجمع بين
طارق وجسار علاقه اخويه قبل تكون صداقه حتى باعترافه لطارق بملكته كان باسلوب يختلف عن
طريقة ابلاغه لاهله بهالخبر احيانا يكون الصديق اقرب لك نفسيا من اخوك او ابوك حسب تقارب
الافكار والخواطر

بالنسبه لتعليق طارق عنها نلاقي فيه اختلاف بينه وبين جسار هو الي بيرسم العلاقه الجديدة بين
الزوجين اولا تساويهم ماديا وطبعا هذي نقطه تحسب لجسار لان طارق كان عليه ماخذ انهم ساعدوه
حتى ارتفع ماديا لمستواهم غير انه نسبه مشرف ووضعه الاجتماعي مرموق ومن صنع نفسه وبدون
مساعده من اهله هذا غير انه موافق على نقطة ضعفها الوحيده الي هي الحمل وبالمقابل تعويض فقدها
بالتؤم الي عنده بصراحه مع شخصية الظبي اتوقع بيصير اكشن كبير بينها وبين درر لقوة شخصية
الثنتين مع اختلاف الاعمار الي بيكون لصالح الظبي ومنها بتتعلق فيها بعد مقاومه وزي مايقولو مامحبه
الا بعد عداوة ههههههه طبعا باختلاف الاشخاص المعنيين

الليله بتكون خطيرة بجميع المقاييس لان بهالليله المفترض يتم العرس ويتعرف عناد على امه وبنفس
الوقت يتمم العمليه حتى يتعرف على اسم الشخص المطلوب اغتياله وطبعا عناد بعد المواجهه مع
اهله وخروجه لاداء الواجب بيتعرض لقصف مدفعي عشوائي بيقطعه اشلاء ووقتها بتندم الست
ملوك اشد الندم انها مااعترفت له بحبها ولا بحملها وعاد بترجع لها كلمتها مايفيد الندم لافات الوقت

( من ثم تبعها سطامـ لمحاسبتها على صوتها المرتفع... )
والله ياسطام ماااش ماتعجبني تربيتك لهالبنيه لسانها طويل ودلع على غير سنع عطني اياها يومين
بس الله يعني اصبر على مقابلها لكني برجع لك اياها خرساء وبالعه العافيه وتقول التوبه ماارفع
صوتي بوجود الكبار فديت يسوري ليتها تتعلم منه بس

( آقـرب من هدب العين لك فديتك سـمي عسى عمرك يآخذ من عمري.. )
ياحليلك ياعناد وانت ماتدري انها فعلا ماخذه من عمرك وراحتك الكثير طبعا بشراكه
فعليه وخطيه مع الشريكين الاخرين سطام وساره وبالنسبه لقربها من هدب العين اظن
انها بعد شوي بتكون ابعد من مدى رؤية العين

( هل مازلت تحتفظ ببقايا عطرها بين كفـيك...؟ )
الا وانت الصادق محتفظ بصورتها وهي صغيرة غير الي بالذاكرة


الله ياجده هيا الحين خفتي من المواجهه بس وماخفتي من الي فوقنا جميع ماخفتي من
الحساب وانت رجل بالدنيا ورجل بالقبر
بس الي مستغربة له ليه الغلا كله لعناد من بين الاحفاد كلهم يعني من انولد حتى قبل الخطف
هي تحبه حتى اكثر من جسار ولو رجعنا لابو جسار بقول يمكن لانه يحبه من حب امه لكن الجده
شمعنى هو بالذات عن الاخرين مع ان الغالب اكثر حفيد محبوب هو الاول >> فيس ينقب ورا عناد

نجي الحين للعرس وكاني بصالة الرجال انقلبت لصالة حريم بكل زاويه حش ونظرات مسترقه
وتعابير مختلطه هههههههههههه لا والاخ ريان يقزقز بعيال العاجي يعني مو كافيته ضيه
عشان يجيب خبر حريم العاجي


بتيل وعلتين يعني ماتقدر على مرتك جاي تستعرض عضلاتك على ياسري اقول روح مناك
جزاه محترمك وحاط لك خاطر تجي تقلل من قدره

اهئ اهئ اهئ حرام عليم ياضمضم تعبتي لي قلبي مع ياسر ومع حبه السرمدي وقسم بالله لو
تستاهل ببلعها بس هي ماتستاهل حتى اظفاره الي مو معبرته ولا معطيته وجه ويش ذا الحب
الي معذبه ومهبل فيه تدرين شكلي يبي لي افتتح مصحه نفسيه لعيالك كلهم حتى اسوي لهم
غسيل مخ طبعا وفق رؤيتي الشخصيه وبكذا الروايه بتروح وطي هههههههههه

تدرين جاتني فكرة والله يستر من افكاري السوداء مع انكشاف الحقيقه ومواجهة الغيوض
وجدة هيا بيكون عناد طلع بالعرسان للاوتيل او خرج بمهمته الرسميه وبيكون هو الوحيد الي
مااعرف وبتتعب الغيوض وبتدخل المستشفى او بيغمى عليها وبيجي ياسر يساعدها ولما يشوف
حالتها وانينها بيندم انه مابلغها فبيطلع ورا عناد وبتجيه ياويل حالي الرصاصه الطايشه المقصود
فيها العله عناد بس لابد عناد يجيه شي حتى تعقل ملوك وتترك هبالها

( تعالي ياعميري يارهف عشان اعرفك عليهمـ...ماعرفوك... )
وعينا من الله خير قامت الست مناير من غيبوبتها المختارة وبتبدا باستلام رهف بتعريفها بملوك عدل

ماراح ازيد على تعقيب الاخوات بالنسبه لحسن تصرف الظبي بالنسبه للعطر والبخور فهو موقف تشكر
عليه وبالطبع لراعيته لما فيه من لفت نظر للي غايب عنهم هالموضوع

( الـعرس هادي وشكلنا بنخلص بدري تقول عشى..! )
ههههههه هدوء ماقبل العاصفه

الحين عناد وريان بيدخلون للمسرح الاول الي فيه سطام وعبدالمجيد
والغيوض بتدخل للمسرح الثاني الي فيه الجده هيا وساره مع وجود الكومبارس
بالمسرحين والي مايشتري يتفرج
صراحه اتوقع مسرح الحريم بيكون حامي ومولع حتى مااتوقع ان عناد بيلحق على شي يااما
بيطلع بجسار وهالشي صعب لان جسار مابيرضى فيه يااما بيجيه تلفون يطلبه

بانتظارك ضمضم بكل الحماس والمتعه

رابطـــ ياســـــــــــــر ــــــــة

اتوقع ان رعد هو الي بيكشفهم لانه نسخه ابوه وهوصغير
الظبي بيعجبها عناد ويمكن يصير يجاكرون واعتقد ان الظبي بتعجبها ملوك لما تتزوج جسار وتعايشها
ومادري احس سالفه الي تحرشو بملوك وهي متملكه علي ياسر يمكن انه ياسر ويمكن انه العاجي

هل احمد وموته له علاقه بعناد وشغله يعني انقتل لانه يشبه عناد او احد من اصدقائه قتله متوقعه عناد وتالرك مكانه او ان العصابه قتلته لوجوده قد يكشفهم لو كان عناد لصار شاهد او قتلوه بسيارتة لانه خيل لهم انه عناد والا ان احمد حي ومامات وان فيه احد اخفاه لحمايه العمليات السريه

السلام عليكم..,
.
.
قدمت بارت السبت الليله...
وهو جدا طويل ومشوق وحماسي=)
.
.
الساعه 9 ان شاء الله..,
.
.
.