بتال / القابض على قلبه ولسانه لخوفه من ياتي وشقه مايل يوم القيامه جسد شخصية الرجل بحق ليت الرجال يطرقون باب الروايه ليعلموا ماذا به حتى يكون عظه لهم فالقلب ليس ملك سوى خالقه لا احد يستطيع التحكم بميلانه الم يجعلوا نصب اعينهم وان خفتم الا تعدلوا فواحده



لا تكفين ساعه بلاعقارب والله ما ابي رجال يوطوط هنا اخاف يعجبهم فعل بتال وبعدين تعالي حليني اذا رسخت فكرت التعدد ترى كل الرجال او الاغلبيه يحسب نفسه عادل والبلا من الحريم


لي عوده لكن شدني رد اختي ساعه بلا عقارب

صباح الورد ضمضم ولكل من دخل هالمتصفح


قبل ما ارد على البارت حبيت ادخل في النقاش الي طرحتيه

[هل القلب يعشق لـ مرتين]..!>>الحب الصادق يا الـ بعض العيون =)
الـسؤال حساس يا اخوات..
والنقاش يجب ان يكون له جانب مصداقيه كما عودتموني..
بمعنى تجربه خاصه او من حولكم...=)

بصرااااااااحه
انا بنظري يعشق القلب مرتين ولا يلتفت الرجل للحب الأول


وهذا يعتمد على الزوجه اللي خذاها
اذا اقدرت تنسيه
اما اذا كانت فاشله في اداره حياتها الزوجه ماعطته قدر من الحب يشبع رغبته
اكيييييييييييييييد بيظل يفكرفي اللي يحبها

ويوقف حياته على الحبيبه الي ما حصل عليها

اما اذا رجع للحب الأول فتأكدي ان فيه عوامل ومؤثرا لرجوع ها العلاقات ولا تنسين كثر الدق يفك الحديد


والمصيبه اذا كان متزوج وفيه محاميات وملمعات لصورة المحبوبه الاولى آآآآآآآه بس على الي راح يصير !!!!

ما اقول الا الله يعين المسكينه زوجته ما تدرى متى تطيح على راسهاالبلوى >>نستثني حالة بتال



با العكس ضمضم الي يطالبونك انك تخفين على ياسر لو غيرتي من وضعه ما صورتي ابد حالة ياسر وش الفايده من بحث ها النقطه بروايتك

لأن الانسان مشاعر واحاسيس وعواطف ولا هو معقوله انك تلغين من حياة ياسر الحب الاول وإلا يكون الطرح كاذب

خصوص ان يا سر حاله خاصه

حب طفوله بعدها توج بعقد قران بينه وبين ملوك اكيد بيكون له ذكريات و اثار وتبعات ومنها تأثر يا سر بكل مايتعلق بملوك


والذكريات ليس من السهل نسيانها لانها قابعه بالقلب والذاكره


وعمومآ ترى الرجل انا في رأيي انه اناني والله ينسى الحب الاول والثاني والعاشر بعد اذا لقى من ينسيه

والا مانقرا ونسمع الزوجات الي يصيحون من خيانات ازواجهم ولا يمنع ان عنده زوجه او ثنتين >>ماهو كل الرجال

في حالة ياسر رهف جدآ محظوظه ياسر يحب ملوك ولو تطلق من عناد ماراح يتراجع انه يتزوجهالويحصل له

لكن ملوك با المقابل ياسر اصلن اقحم في حياته طلعت لدنيا لقت ياسر قدامها وتم عقد القران بينهم بدون ما يكون لها رأي

رفض الحب الاول لياسر كان من جهة ملوك
ومهما كانت الحلول بيظل ياسر محتفظ بصورة الحياه المثاليه مع ملوك لأن شخصية ياسر هي كذا تركيبتها

بقولك حكايتين لرجلين

الأول واحد من اقاربي حب بنت خاله حب جنوني البنت اصغر منه بسنوات وهي كانت وحيدة امها وابوها ماعندهم بنات غيرها وكل ما خطبها يطلع له خاله وزوجته بعذر مره صغيره ومره ما نبيها تبعد
وهو ما خلى ولا بقى احد ما جابه واسطه
تزوجت البنت رجل آخر وتحطم نفسيآ بعد زواجها

توفقت هي بحياتها
وهو فقد الأمل وتزوج بنت ماهي من العائله

الطريف با الموضوع ان قريبي هذا صار يكره حتى انا احنا نجيب طاري محبوبته قدام زوجته ويحاول انه يتفه قصته معاها وهي قصه كان الكل يعرفها

وقويت علاقته بزوج محبوبته الاولى


وصار من اعز اصدقائه

والاطرف اني كل ما شفت ام البنت تعض اصابع الندم انها ما زوجت قريبي بنتها

والحكايه الثانيه لصديقتي تزوجت رجل مطلق زوجته الاولى بعد 6شهور زواج

لكن كان يحبها حتى قبل يتزوجها والبنت هي الي طلبت الطلاق منه ما تبيه لكن الي الآن وهو يفكر فيها رغم مرور سنوات طويله على

طلاقه منها وبا الاصح ما كان طلاق كان طلب خلع منها

وتزوجت وكانت عقيم لاتنجب وتوفى زوجها الثاني ولا زالت بذاكرة زوج صديقتي

يقول والله لو اضمن انها توافق علي لأرجع اخطبها

ومستعد اعالج فيها بأي مكان في العالم المهم بس ترجع لي


الرجل مخلوق ما تقدرين تعممين عليه قاعده ثا بته ...

وبا المقابل المرأه الحب الأول اما تكون ذكريات سودا تخنق

او الحلم بحياه ورديه ما عاشتها مع زوجها

والمرأه اعتقدعندها اولويات تقدمها على حياتها

مثل وجود اطفالها او الخوف من انكشاف انها عاشت حب اول

فيكون في الغالب ذكريات



وتستمر الحياه لطرفين الرجل والمرأه وبيعيشون حياه جدآ طبيعيه



لكــن بتجيــــــهم حـالات شــوق و ولــه للحـــــــب الأول ولا يمــكن يلغونه من الذاكره

يعنــي بيمر الحب الاول على البال


ويبــقى ذكــــــرى ومستحيــل تنمــحي مهمــا صااار ..

لــكن أرجـــع وأقــــول ان بتستمــر الحيـــــــاه


وانا عندي قاعده ثابته لاحب قبل الزواج

ومن مشجعين الزواج المبكر للبنت والولد



ردي ماهو مرتب لكن هذا الي طلع معايا

مبدعه ضمضم في طرحك وغيابك تارك اثر عميق وموجع في ردود الروايه

يعطييييك العاافيه ضمضم

الحمدالله لحقت علييكم قبل ماتخلص الروااايه

رواايه جدا جميله والاجمل ملامستها للقضاايا اللي نعاني منها

ولم يجد لها حل للآن


قلمي يعجز عن وصف ابدااااعك

دمتي متبدعه ومتألقه

تحيتي لك ..

هلا وغلا ضمضم يعطيك الف عافيه


اتوقع ان الصوره الى اخذتها ملوك بتدخل الشك بقلب عناد وبيرجع بذاكرته لحلمه القديم او افكاره الاوله


والله يامقرن جابت راسك فلك بولد العاجى الجاى بس اهم شى مايكون بنت والا بينكسر مقرن



يوسف احسه كاشف عناد او شاك فيه انه جاسوس


ياسر وحبه القديم والجديد

الحب الاول مهما صار ما يتزحزح وما ينسى وخاصه انه له ذكريات معها ومستحيل ينساها بسهوله


ملوك نست لانها اساسا ما كانت تحبه بس من وعت على الدنيا وهى مقابلته


اكيد بيحب رهف ولكل وحده حبها الخاص فيها بس ماراح ينسى الحب الاول وكل ما شاف ملوك بيوجعه قلبه عليها وهذا غصب عليه


بنتظار جسار والظبى وهل بيصير بين ابطالنا حب جديد


بنتظارك يالغاليه على خير

السلام عليكم


مرحبا ضمني بين الأهداب


بالبداية أحب أشيد بروايتك وبسلاسة طرحك وروعة تصويرك للأحداث ....

فكثير ماا كنت ألمح اسم الرواية واتغاظى عنها لأني حاسة إنها راح تشدني وعلى ما قالوا المكتوب ينقرى من عنوانه....


بصراحة ماكنت ناويه أقرأها حتى تكتمل لكن ما وعيت إلا وأنا فاتحة عليها....


اعذريني لو ماشفتي مني تعليق لأني يصعب علي مجاراة إبداعك ..


عندي كم نقطة راح أكتب عنها ...


سالفة عناد وجسار وزوجته .....أنا مع عناد يوم ما خبر جسار بسوايا اللي ما تسمى ...لأنه ما يؤمن جانبها وممكن تقلب السالفة ضده ....وكيد النساء استعظمه خالقنا....


ومع الوقت جسار راح يتفهم موقف عناد ويسامحه ....والظبي راح يكون لها دور فعال بهالموضوع بطريق أو بآخر....



نجي لتساؤلك عن إمكانية حب الرجل لأكثر من إمرأة....لو ما كان عند الرجل قدرة على هذا الشيء لما شرع الله له التعدد...


قد تتفاوت درجات الحب ...وعمقه ....وأيضا ليسوا جميع الرجال قادرين على ذلك فلكل طاقة استيعابية لذا شرط للتعدد العدل لكي لا يظلم كل الآخر....


تدرين ضمضم كنت دايم أسمع من أمي وجدتي وخالتي تشبيه لحب الرجل وحب المرأة ...فحب الرجل كلحم لوح الكتف ينسلخ بسهولة إذا ما وجد إللي تعوضه .....أما حب المرأة فلحم رقبة يلزم له عوامل تعرية حتى ينسلخ من عظمها بالتمام...



وأتوقع حب ياسر لملوك هو حب متأصل بجذور خواله اللي يكونون عنده نقطة تحدي أمام جده مقرن هذا من ناحية....ومن ناحية إخرى كل ممنوع مرغوب ...


اعذريني على الاطالة


وبانتظارك بشوق