المبدعه ضمني بين الاهداب
رائع ما تخطه اناملك
ماشاء الله تبارك الله
نأتي للجزء الاخيرر
ابدعتي بحق في هذا الجزء
وصف ياسر وحذفه للحجر وردة فعل رهف اعجبني جدا كنت اشاهد لا اقرأ
اما مقرن وبنته المتعجرفه الظبي لا اعتقد ان جسااار سيطيقها او يتحمل عجرفتها
وان كان في بوصفك ستكون مغامره وتستحق الانتظار
عناد وملوك لن يعتذر فهو رجل افعال لا اقوال والهلال اعتذار دون اعتراف فا قبلي به يا ملوك
سطام شخصيه لا استلطفها ابدا قرارته خاطئه بدء ا بعناد واخذه من امه ومرورا بريان وطرده وانتهاءا بسؤاله عن عناد في عمله

سلاااااام
كيفك ضمضم ان شاء الله تمااام
واااااااااااو من جد انتي راااااااااااااااائعه

مااقدر اقول غير هالشي لان سبق وقلت لك الكلمه هذي قليله بحقك
استنى البارت الجاااي على احر من الجمر بس ياليت جسار يوقف على رجوله من جديد

ي ناس أنا وين كنت عن هالاسطوره
ي ربي وش اقول وش اخلى
والله ثم والله ان لساني بعد ما قضيت من قرأيت الاجزاء
وهو بس يردد ماشاء الله تبارك الله
ماشاء الله تبارك الله
ماشاء الله تبارك الله
ومن خوفت انحتس وتصيبتس عين من هالابداع اللي شفته
عدته وكررته واجد وأنا بس اسمي واذكر الله
ابداع يا ضمومه ابداع بسم الله عليتس
الله يحرم يدينتس عن النار ويرزق من دلن على اسطورتك راحة البال
وش اقول وش اخلي حيل مستحيه من زين وجهي جايتن متأخره واعلق
بس ابي اقول
احلى ما بروايتس هالحلوتين ملوك ومناير
وه ياحوبي لهم بعد مشتركين بنفس الحرف وحتى الثالثه مناهل اشتركت بنفس الحرف
امممم هل في هذا سرررر
شخصيتين عجيبتين صح علي
مناير ملح وقبلة العيون من الالف لنون
يختي ظالمه يتال هالمعدد معطاه ريق حلو
اخس عليه ثلاث مره وحده
لا يسمعون عنه رجاجيلنا ثم يحذون حذوه
ثم نغدي مناير ثانيه
اما منال يختي ما عجبتن احسه ضعبقة شخصيه
يا ضمضومه زحلقيه زحلقيه
وخلي الاكشنات والمعارك بين الضرتين مناير وذ الملك اللي لاعبتن الغيره بحسبته
يختي وش ذا الخبال يحبتس يا مال الصلاح وتغارين عليه لا وتفكرين برمنسياته مع هالضعوف
وهو قلبه معتس وعقله وكل حواسه
اقول احمدي ربتس وخليتس من هالخبال قال غيره قال

اما ياسر هالمتعجرف وش حصاه ما حصاه احد يسوي سواته والله انك تخوف
مره وحده ترمي حجر على درايش خلق الله وين عايشين بوه يا ولد
الله يعين بنت الدايس باينه لياليه سوداء مثل سواد غشوه امي الكبيره
مسكينه طاحت وما احد سمى عليه

يا قلبي على وسن ودرر والله انهم قطعو لبابيب قلبي من جوه
لا من ام ولا من ابو
بالله هذولا وش دخلهم بمعمعتك مع سيوف ي جسار
اتقى الله فيهم ولا تحملهم بذنب امهم
امهم نبته فاسده وقطعته وانتهت
ترفق على البتلات ترا ذنبهم الوحيد انهم نتاج هالنبته
حسن سقيه ورعايته راح تشوف الخير مقبل فيهم يمسح تاريخ امهم

خلووووود الوجه الجديد المرأه العصاميه تعجبن هالنماذج
راح تدخل الساحه بقوه وعندي احساس
ضمومه ما جبته ولا رزت اسمه من عبث الا اكيييد له دور ودور في رعاية
هالايتام درر ووسن
يختي اعجبون هالبنتين لبى روحهم وسوالفهم احسهم مثل بناتي التؤام
نفس سوالفهم ستذا نقار ونقير وهذي تعرف وهذي ماتفهم
لبى قلبي سوالف الاطفااال

عناد سر سر سر
بئر غويط اطباعه حركاته تصرفاته وعناده حتى رومنسيته
تحسين بوه رجل الصحراء تمثل فيه
لو تموتين ما يعتذر هذولا سحالي الصحاري مايعتذرون
معصصصصصصصصصصصصصصصصصصصصصي
ماهكذا جدي ولا عمي ولا خالي ولا ابوي ولا حتى سبع المبرومبه ابو سنقور
اصعب ما عليهم كلمة أنا اسف
يمكن اعتذاره افعال بهمسه ولا لمسه ولا عمزه واذا تطور يقبصتس من جنبتس اليمين يقال انه صار رومنسي
هع هع هع هع
ولا يجي يخرعتس ويقول لتس بــــــــــــــــــــــــم وانتي تخرعين وتحطين يدتس على قلبتس من الخرعه
وترا بم هذي معناته بقواميسهم أنا اسف اعرفيه
طقم ذهب احد يحصل له هديه الايام هذي احمدي ربتس هالهديه تسوى مليون اعتذار
يا حظي علينا نزعل ولا ننطق ما هنا هدايا يقول كل يوم وانتي طابه السوق وشهوله الهدايا
ولا اذا تكرم وجاب لتس هديه ي تنكة كليجا ولا حزمة جرجير
كعككعكعكععكككعكعكككععكعككعكععككعكع

الموهم بالاخير يا ضمومه لاتحرمينا الاكشنات مع الضراير هذا اهم شي
حتى يتوبون اللي يبون يعددون خل يبتلشون
تسلمين واجد على هالاسطوره التحفه
والله يجعل كل ماكتبتي وقفاتس وتنبيهاتس
انه تكون اضعاف مضاعفه لتس بالاخره

صباحكم باقات ورد جوري
لكل عضوة باقة

السلام عليكم ورحمة الله وبركاته
اولا انا عضوة جديدة عليكم وقديمة على بعض العيون
لاني من المنتدى المجاور لكم
وياليت تتقبلوني كعضوة واخت لكم
ثانيا جاني حبيب قلبي يسوري يشتكيكم ولبيت النداء
فتاكدو ان الهجوم الي كان زمان عليه ماحيستمر وانا فيه >> فيس واثق من نفسه

طبعا حبيت اخليها مفاجاه لضمضم اني جيتكم وكنت ابي اول مشاركه لي هنا
لبعض وعلى بالي يبي لي وقت على ماتتفعل مشاركاتي زي عندنا هناك والي حصل
اني تفعلت على طول فجيتكم طايرة ببورشي بسرعة 280 وبغيت اصدم بكاميرة ساهر
لكن الحمدلله جات سليمه ووصلت

يالله الناس تبدا بالسلام وانا ببدا بالدفاع عن يسوري فديت قلبه ثم بالبارت
اول عدوة لياسر شبيهة القمر وانا لها وطبعا توابعها معها
الحين تو تقولين هدنه ومادري شنو ولما امنا لك على طول غدرتي فينا
اكيد زي عنادكم مالكم امان خان اخوه وان كان بسوء تصرف لكن المواضيع
هذي ماتتحمل سوء التصرف الحين شيسوي المسكين جسار ببناته الي
كل مايشوفهن يشوف الغبراء سيوفوه فيهن والبنات الي راحو فيها ايتام واهاليهم احياء

الثانيه الي تقول ان ياسر والحجر مترادفان
ماشي بنمشي معك وان كان كلامك غلط
اذن عناد والقايش مترادفان فهما متلازمان طول العمر
فايهما اهون الحجر ام القايش ؟؟؟!!!

والي تقول ان ياسر مبصبصاتي لا والله والاخو الي باول مرة شاف ملوك بالمستشفى
وطيرت قلبه رموشها بطولها وسوادها هذا مو مبصبصاتي
وبعدين فديته هو نبيه ولماح عشان كذا لمحها من كذا نظرة لانها مكررة حركتها كذا مرة
بصراحه مالومها خاقه فيه وذايبه في غرامه منين تلاقي زيه

والي تقول انه بغى يشوه وجهها ويفقع عينها الحين هالحصاة بتشوها وتفقع وجهها
حشا فليم هندي جالسين نشوفه
هالحصاة تنبيه لها لمجرد تلامس النافذه وتنبها ماجاب حجرة او بلوكه تكسر النافذه

ومسويين لي حنونين وزعلانين على جسار لقسوة مع بناته راجعو نفسكم ليش هو
تصرف كذا ؟؟كله بسبت عنادكم وصمته وعقله المصدي ولا هالموضوع ينسكت عنه
فيه الف طريقه يقدر ينبهه عليها مو يسكت ويخلي الوضع يطور ويتفاقم >>> فيس
يهز راسه مو عاجبه الوضع


تنبيه لاخر مرة اي تعدي على البارون تلاقون قدامكم ام السعف والليف ام كرشه
حامله ار بي جي وموجهته على عناد ورابطته جميعا بدون استثناء
(طبعا سرقته من يوسف وعناد يوم يدربون المجموعه اياها )

(دافع البلا ملوك وش رداة ها الحظ من الدفش ياسر للجلف عناد >> شوشو لا تشوفين ها السطر )
هالمرة سماح عشاني ضيفتكم واذا ماتبيني اشوفها حطيها بالابيض رغم ان
فضولي بيدفعني اظللها واشوفها لكن وقتها تظليلها هو عذرك

الحين نجي للبارت ونبدا بالرد عليه :

(سطام بحزمـ\آيه بزر..! )
صح لسانك .... وشهد شاهد من اهله

( .جسـآر يمه ماعاد بيطيق يشوف وجهي.. )
عناد يقولها للجده وبتمر الايام والجده بتقولها لولدها سطام وولدها يرجعها لها :
عناد يمه ماعاد بيطيق يشوف وجهي

( والله ان نفسي عايفه البيت .. )
لسى ماشفت شي الا بتكرهه وماعاد تدخله

( آبتسم وعينه تنتقل )
لاه لاه ماصدق الاخو يعرف يبتسم >>> فيس يحك عيونه مو مصدق

( سمي..؟ )
شوفو الرومانسي حقكم شلون يجاوب بدل مايقول نعم عمري ..حياتي آمري..قلبي شتيبن

( \هذي غرفة عبير..! عناد بهدوء\لا )
ترى الكلام بلاش الاخو يتكلم بالقطاره كانه بالتجنيد ومحاسب على الحرف

( آبتسم بـعد ان طوقها ذاك الهلال...بهدوء\آعجـبني..و..قلت ...آشتريه لك..! )
ياعيني عالذوق بعد لطشه الحزام رضوتها تعليقة صغيرة ذهب ومن غير كلمة اعتذار
ياحبي لك يسوري وانت مذوق ماتتعامل الا بالماس

الحين مو تقولون عناد شرقي والشرقي حنون ورومانسي بالبيت ومايطلع مشاعره الا
فيه بالله عليكم متى شفتوا حنيته ورومانسيته فكروني !!!؟؟
ايه قصدكم لما ضربها بالحزام خوش حنيه ورومانسيه والله

طبعا عناد يظهر للجميع انه متاثر باصابته وعشان كذا ترك وظيفته واكد
هالشي العميد ابو فيصل حتى يظهر الخبر للمجموعه اياها وبالتاكيد بتصير خلافات
بين عناد وابوه وتركه للبيت بالتوقيت هذا حتى يظهر مدى شدة الخلاف بينهم ويتاكدو
انه فعلا ترك العمل ويثقو فيه ويدخل معهم بالعمليات الجايه

( آخترق يا وجع...براءة القلوب اخترق...!صرير بابك القديمـ...يشرع ب الوجوه الـصغيره )
ياويلي على هالتؤم يعورون القلب ومامر فيه عناد من يتم واهله عايشين
بيمرون فيه واهلهم برضه عايشين

( .الابتعاد بنظراته لـطفلتيها.. )
لطفلتيها وليس لطفلتيه اي عذاب واي يتم واي شتات ينتظر الطفلتين في ظل
غياب الام وجفاء الاب
الجفاء و العتاب والصمت هم وسيلة عقاب جسار لعناد وحيستمر الوضع لفترة طويله
وماحيرجعو لبعض الا اذا تعرض عناد للضرب بالرصاص او اصيب وقتها الدم بيحن وبيرجع
لاخوه مسامح و قلبه صافي عليه زي
لما زعل عناد وقاطع جسار لما عرف انه متفق مع امه على رواف كخطيب لشهيد
وحاول فيه جسار انه يصالحه ومارضي مو زي اخونا مافكر حتى يحاول يكلمه لا بيطلع
من البيت بكبره واتم القطيعه على طول وماحصل الصلح الا للظروف الي نعرفها جميع


عندي اعتقاد ان عناد بينضرب من القوات الخاصه بالقصد حتى يثبت للمجموعه الارهابيه
انه معهم وبكذا يتمكن منهم ومن اسرارهم

نجي الحين للبارون ياسر لبى قلبه :
( همجي..ودفش... ) كل من قالت عنه هالكلام تحط نفسها وكانها رايحه مع اخوها
لبيت خطيبة اخوها والعامل موجود والاخت مرتزة عند النافذة بالله شبتكون ردة فعلها
اشوى انها بتقول له اكسر راسها ولا طلقها انت لسى بالبر هذي الي كاشفه عند
كل من هب ودب ماتصلح لك زوجه وجايين تقولون لي همجي ودفش بصراحه غلطان
ياياسر كان قلتلها انتظري بروح اجيب ورده وارميها على النافذة بشكل رومانسي وقولها
حبيبتي فديتك لاتعودينها مرة ثانيه ترى بعدين ازعل منك طيب قلبي ....
وبعدين هو معديها لها قبل وماتصرف هالتصرف الا بعد ماتاكد من خلو المكان يعني الرجال
يفكر قبل وبعدين يتصرف مو زي الثور الاهوج حقكم يتصرف بعدين يفكر


( بس كنت أتاكد من وقت رجوعه و وقت مايطلع من البيت )
شرايك بس يوقع لك حظور وغياب
ماسواها بالعمل عشان يسويها لك
اقول اهجدي بس واتركي الهبال الي انت عايشه فيه واثقلي ترى الثقل زين ويمدحونه بعد

( قولي مو آنا اذا سئلك...آنكري...قولي الـخادمه الـفلبينيه )
على هامان يافرعون ... هو عارف وخالص واذا بيعديها بيعديها بمزاجه مو غباء منه

( .والله لآخلـيه يـتشفق شوفتي )
ياشين الثقه الزايده لا صارت مو بمحلها يبه مردك له وانت الي بتلاحقينه

( قـلبي منفتح له ومنشرح بشكل ما تتصورينه... )
ليك الله يسعد لي اياك شو زوء وبتفهمي بالناس
ليك تؤبريني شو حنونه والبك طيب

مناير كاني فيها مدمغه بنتها فلك بصفاتها انتقام لاسمها حتى تحس انها
بنتها بالصفات وضرتها بالاسم والمسكينه من الحين شكلها بتخمر ببيت ابوها
ولا بتعمر لها بزواج اذا من صغرها ولسانها هذا طوله اذا كبرت الله العالم من بيسلم
من شرها والله يقرفها امها تخيلت شكل شعرها وريحته جاني الصداع
بصراحه مسكين بتال الام زيوت وحنه والبنات زيت يقطر من الشعر وتبيه مايفارقها ابد
الي زيه الهجه والنحشه على طول
لاااا وماعرفت تغار من رهف الا بسالفة كريم الوجه يالله عرفنا مفتاحها اذا بغت تكسبها
رهف لصفها وتسكت لسانها الطويل تهديها كرتون دابر املا وكرتون كريم ترطيب بشرة

( وش صار على مشروع مصنع الحديد الجديد..؟ )
هات من الاخر يامقرن شتبي
الواضح ان مقرن يبي يكسب جسار بصفه عن طريق الشراكه
بالعمل او كشريك مستثمر وبحكم ان جسار ترك الصحافه ككاتب فهو شبه متفرغ
والعمل معهم بالشكل الي يرضيه مكسب له ونصر للمواطنين ومكسب بعيد المدى
لمقرن كونه بالشراكه معهم بيختلط فيهم كثير وبيشوف الصفات الحسنه الي بالعاجي
والي ماكان شايفها قبل وبتتفتح عيونه على الظبي وباعتقادي بيتم هالشي بعزيمة من
مقرن لجسار وبناته وكون الظبي تفتقد للاطفال فبتعاملهم كويس وبيحبونها وطول الطريق
للبيت بيصكون راس ابوهم بالظبي شسوت وشقالت ..... كاني استرسلت بافكاري كثير
بس هذا الي اتوقعه يصير


( وزميلات كانو لها والي تعرفت عليهمـ جديد )
كاني بهالصديقات من طرف مقرن ودخوله بعد الرساله بهالتوقيت مقصود وان فاعلة الخير هي
الظبي وان كانت لاتعلم فالمقرن مخطط و عارف بكل شي

جسار كونه مهزوز الحين من الجنس الناعم عامة فبرايي انه ماحيناسبه الا وحده عاجيه
من برى ومن جوه فالظبي بثقتها اللامحدودة بنفسها بتفرض نفسها عليه و بترد له الثقه
المفقودة وبداوي له كبرياءة المجروح بحبها المتفاني باسعاد تؤمه قبل اسعاده

ام جسار مستعجله على زواج شهيد شكلها خايفه اطيح بكبدها بعد مصيبه سيوف
والفضيحه المحتمله اذا انتشر الخبر

( دعوات الام مستجابه. )
مو الي فيكم بركة دعاء ام عساف فدعواتها مستجابه خاصة انها مظلومه فالدعاء مستجاب
من ناحيتين


ضمضم اتعب وانا اقول دائما مبدعه ودائما تبهرينا بجديدك
سلمت اناملك من النار وجعلك الله ذخرا لمن تحبين

رابطــــ البــــ ياســــــــــر ــــــارون ــــــــة

يعطيك العاافيه ضمضم باارت رووعه

يوو يااااااااااسر ماايتفااهم اجل يكفخ ديريشتها بصخره
رووووووع البنت من صقعااته اتوقع مايجي عرسهاا إلا هي مستويه عدل



بانتظااااار لقااء العملااااقه جسااااار ابو الظبي

تحيااتي لج