لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 07-06-10, 09:35 PM   المشاركة رقم: 106
المعلومات
الكاتب:
اللقب:
عضو مميز

البيانات
التسجيل: Apr 2010
العضوية: 159313
المشاركات: 6,081
الجنس أنثى
معدل التقييم: عذرا ياقلب عضو ماسيعذرا ياقلب عضو ماسيعذرا ياقلب عضو ماسيعذرا ياقلب عضو ماسيعذرا ياقلب عضو ماسيعذرا ياقلب عضو ماسيعذرا ياقلب عضو ماسيعذرا ياقلب عضو ماسيعذرا ياقلب عضو ماسيعذرا ياقلب عضو ماسيعذرا ياقلب عضو ماسي
نقاط التقييم: 7887

االدولة
البلدSaudiArabia
 
مدونتي

 

الإتصالات
الحالة:
عذرا ياقلب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

ههههههههههاي قموره وان اضم صوتي لصوتكم
لي باك بالتعليق على البارت فيس جدوله بزي مشغووول

 
 

 

عرض البوم صور عذرا ياقلب   رد مع اقتباس
قديم 09-06-10, 11:59 AM   المشاركة رقم: 107
المعلومات
الكاتب:
اللقب:
عضو راقي


البيانات
التسجيل: May 2010
العضوية: 162919
المشاركات: 3,196
الجنس أنثى
معدل التقييم: فكري متاهه عضو على طريق التحسين
نقاط التقييم: 69

االدولة
البلدKuwait
 
مدونتي

 

الإتصالات
الحالة:
فكري متاهه غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته

ضمضم زي مايقولون البنات انا قارئه جديده ابهرني اسلوبك وحسيت

اني مغيبه عن الوعي اللي ما قريت شي من ابداعاتك (يقال كان عندك

روايه اخرى)000000000000

برجع للروايه ونظرات الحقد السته000000000:::::--------------




عناد : --اسم لفت انتباهي بشده ,, تقدرين تقولين اكثر شخصيه

حبيتها في الاحقاد اللي نزلتيهم00000اعتقد انه مظلوم من قبل

اخوته وهذا اصعب ظلم000فالجرح من شخص غالي ياتي عميق وكبير

لا تداويه كل ادوية العالم شرقها مع غربها0000وان كان بيد الشخص

الذي جرح الدواء تبقى الندبه واضحه مع السنين00000000000

لم كل هذا التحامل على شخصه هل لموقف سابق كما مع اخته اعتقد

شيء اكبر00000000000واتمنى ان يتغير وضعهم وعلاقتهم للافضل

رغم ان عنوان الروايه لايبشر بصلح0000000000


ياسر : كم ارحمه واحقد عليه ,, ارحمه لانه يعشق ملوك ويعاني من

صدها -----واحقد عليه لخيانته لها ما هذا التناقض استغرب هذا

الحال ----وفراقهما قرييييييييب لا محاله فتعامل ملوك معه دليل

على ذلك00000000000


ملوك : احب هذه الشخصيه عاقله متزنه ستعاني وتعاني لكنها

ستنعم مع عناد باذن الله فبعد فراقها من ياسر ولان مقرن يرى

انها اقل مستوى منهم ستعوض بارتباطها من عناد هذا مااراهواتمناه

ولي عوده مع باقي الشخصيات

 
 

 

عرض البوم صور فكري متاهه   رد مع اقتباس
قديم 10-06-10, 10:30 PM   المشاركة رقم: 108
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

يسعد لي قلوب كل من مر ووضع له بصمه...آو..أكتفى با المشاهده..
...

ام الشهد..
ربي يسلمك...وياهلا فيك...
شهد وعناد لسا بدري عن كشف اوراقهم...
ومن جد قرائي عنيدين..وعليهم ربط في الاحداث مآدري وين بيوصلهم
الظبي قطوه...ههههه..
قولي لبوه...يمكن...آٌقرب...او ..خلونا نعرف مناهل ومناير
وش مسمينها..في البارت الجديد..آلاكيد..انه بيعجبكم...
مع اني آحبها على اسمها..لآيق عليها....
تواجد دائما...عطر...بجمال حضورك..
...آمار...
عزيزتي خاصية الرسائل الخاصه غير مفعله عندي بسبب مشاركتي...
يا الغاليه وضحت متى البارت..موعده كل سبت...
واشكرك على كلامك الحلو ومتابعتك... توقعاتك وحماسك
الجميل راح تشوفينه با البارت الجديد..
وياهلا فيك..

...
الغنج
هلا فيك ...
جسار شخصيه قياديه...تستحق ليس الحب فقط..بل الوقوف عندها...
شهد..وعناد...مركب وخليط...
منوره غنوجه
....
طيف الاحباب..
هلا فيك..
من ناحية كلامك عن شهد..هذا اذا شهد تشوف عناد كامقياس للقناعه...
هي اساساً ماهي مقتنعه فيه كا شخصيه..كيف لو فيها تقاطع خطوط..وقرارة
آعدمت من عناد..واحلام..حكم عليها...با القتل...
آحيانا ياطيف...مانشوف مزايا الانسان الي قدامنا...وما نشوف
فيه غير العيوب...يبيلنا شوية مسح...لئفق..الروئيه..عندنا..
يمكن في يوم تتضح..
وهذا شهد وعناد...
ردة فعل ريان..آقل من عاديه..لاتنسين انها الاخت المقربه له ولشخصيته
وبعتراف من عناد....لايصيبهم التصدع ولاينخلعون من جذورهم..
كلامك عن الظبي وتحليلك...منطقي الى ابعد حد..خالي
من تحيزات الخير والشر....موجودين ها النوعيه...
جميل تعليقك عن ربط..البنات با الابطال..فلك بتال..جسار وفلك
عناد وملوك....من ثم ارجاعك لقضية الاسره المهمشه...البراق
فعلاً بعتقادكم..هلا تلتقي الاقطاب..الراسي والعاجي في البراق..
كل شي جايز لاتستبعدون...
آخير يا الغاليه
متصفحي تحت امرك وتئكدي الابداع...من تميزكم...وهلا فيك
...
فجر الامال...
يقولون الحريم مايتفقون على شي..وانتم ماشاء الله ..آتفقتو
وبا الاجماع على كره الظبي...وحنى با البدايه...
عموماً مسج من الظبي ينتظركم...
فجر..جميله جداً توقعاتك..لكن لاتراهنين على شي ..وخلي كل
شي..عندك..في خانة الاحتمال....,,,
وهلا فيك...دوم..
...
شبيهة القمر..
هلا..فيك يا الغاليه
العفو..انتم تستاهلون آكثر...بس
ياشين الطمع ياشوشو..تبويس ودنيا...وداخله على طمع
آفا بس...يا النوري..
من ناحية تعليقك على يوسف..ههههههاي...حرام عليك اتلف اعصاب
عناد..وتبين تزوجينه شهد يعني هي ناقصه...يافيك شر..
بيهبل فيها...
ولابعد..تبين تمسكين شهودي...هذا وانا من بداية الروايه
اقول لكم كله ولاشهودي...انا بصفها...لا وصيكم عليها ..وينبح صوتي..
واخر شي تبين مسكتها...
آبداً..خلاص..مافيه منتي بصفي بعد اليوم...
الظبي..
تصدقون كلكم مستلمينها انواع الاسماء...
هدو اعصابكم...البارتات...الجديده تواجدهاآجمل...واعمق
..
اخيرا..اشكر لك كلامك الجميل عني....ربي يسلم لي ها التواجد...
ويجزاك خير على ها الدعوه...
..
فكري متاهه..
هلا فيك...
من ناحية توقعاتك عن ياسر وملوك...الانتظار آجمل..
وهلا فيك دوم
...
بوح قلم..
ياهلا فيك..
شهد يابوح..بينها وبين عناد ...حواجز..مايحتاج من يرفعها..
وعناد مايقصر..كل يوم يحط طوب...وآذا نسى هي تذكره..

آما ريان..,,,
احيانا نكون مقربين من اشخاص..نعجز..عن رؤية اي خطأ لهم...
تعليقك على الظبي...ههههههههها والله عجزت ادور لي رد...
بحط لك فيس..=
ياسر ومناف وملوك...
حللتي مواقفهم...بكثير من الابداع
فعلاً الرجل يجي غيره
و
ومن شاركنا الحب ..والحضن...صعب رجوعه..
وهلا فيك دوم..
....
الجماعه الي فاتحين باب لتصويت من ناحية البارت
يبون ثاني...
هدوء..خلو البنات يذاكرون.....أرضيتكم...وباقي
ارضيهم...متعدالين كذا...
=لبى العنون الي دور
بارت الاثنين بس...

...
..
تواجدكم..يسعدني..لاحرمني الله من اطلالتكم العذبه...,,,
دمتم بحب....

 
 

 

عرض البوم صور ضمني بين الاهداب   رد مع اقتباس
قديم 11-06-10, 11:42 AM   المشاركة رقم: 109
المعلومات
الكاتب:
اللقب:

البيانات
التسجيل: Oct 2009
العضوية: 150748
المشاركات: 169
الجنس أنثى
معدل التقييم: عجزت ارضيك عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
عجزت ارضيك غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته

رواية رائعة صاغت احداثها الكاتبة بأسلوب راقي جمعت فيها تناقضات بطريقة مقنعه

جسار الصحفي الذي حاول من خلاله قلمه تجسيد معناة المواطن البسيط ورقي مجتمعه للأفضل والزوج المحب مقابل سيوف المراءه الأنانيه التي لاهم لها سوى ما يوضع لها في الرصيد ولو كان على حساب بنات البلد


عناد وحنانه على بنت اخوه وابتعاده عن طفله


الظبي والولد المنتظر لبتال لكن طارق مسثنى من الموضوع

ملوك ومناف ملوك تحرق نفسها علشان عايلتها نقيضها اخ صار عبئ على اسرته ومجتمعه

ياسر تناقض رهيب مع نفسه حب لملوك ومع هذا هذا الحب ما قدر يخليه مخلص لزوجته علاقات محرمه خارج اطار الزواج

بتال ارى الانسب له فلك من مبدأ الحب الاول

وانه كان الطلاق ماهو بختياره

ابدعتي ضمني بين الاهداب

حفظك الله

 
 

 

عرض البوم صور عجزت ارضيك   رد مع اقتباس
قديم 12-06-10, 03:03 AM   المشاركة رقم: 110
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

بسم الله الرحمن الرحيم....
..
..
..
-نظرة حقد..7..-
..
..
..
مدخل...
على كثر التعب فيني .. أبـ أفتح لـ العتب شبّاك
.......... وأدوّر شخص فـ الدنيا : .. يجي يتحمل .. أتعابك

لـ أنك غبت مدري وين .. لـ أنك رحت وش ودّاك
.......... تركت القلب هايم بك .. يسولف لييين هذرا بك

تعال إسمع صدى صوتي وتعرف وشكثر أهواك
.......... تعال إسمع حكاية حب .... ماتت قبل تحيا بك

تعبت آدوّرك فيني .. رحلت وقول : وين ألقاك ؟
.......... أبي تسمعني شويّه .. بعدها : .. طيّر أسرابك

أخاف أبحر معا حزني وأسافر لـ الجفا وأنساك
.......... وأخاف الجرح يظلمني .... وينساني على بابك

أحاول قد ماأقدر : أعيشك .. حُب .. وأتمناك
.......... وأحاول كثر هـ الدنيا .. أموت ولا يجي عتابك

تمنيتك تجي وياي .. نعيش العمر .. أنا وياك
.......... وتمنيتك تروح شوي ... وترجع تمحي غيابك

غريبه كل لحظاتي .. شلون تغيب .. ماأحياك
.......... غريبه كيف تاخذني ........ وقلبي صار يغتابك

زرعت من الوفا وردة .. حتى إسأل دفا يمناك
.......... زرعت إحساس مايذبل ... جذوره تملي ترابك

ضحكت من الحزن وأدري .. حبيبي وينها دنياك
.......... وبكيت من الفرح وأدري .... يسليني دفا ثيابك

تخيّل .. كثر مااحبك .... مكانك باقي يستناك
.......... تعب من كثر مايبكي .. وكل هذا من أسبابك

جلست شوي كلمني : قول وش بكاك
.......... تقطع قلبي من حزنك .... عيونك تفضح كتابك

همست وقلت : يادربي طويل وكل ابوه أشواك
.......... عجزت أعرف حقيقة شي .. ليه الحزن هلاّ بك

أشوف أفراح هـــ الدنيا .. تسافر .. تبتعد لـــ هناك
.......... كثر ماجيت أبـ ألحقها .. يجيني صوت : وش جابك ؟

ابـ أنهي كل شي عشته .. سنين الحب ولا رضاك
.......... أنا مابي سوى حاجة : ...... دموعك تملي أهدابك

حبيبي ... وإنتهت قصه : فصلها الأول ... أترجاك
.......... حبيبي .. وأبتدت قصة : .. قدرت تغيّب أحبابك ؟

على كثر التعب فيني .. بـ سكّر لـ اللقاء شبّاك
.......... عشان تموت بـــــ غيابي .. مثل مامت بـ غيابك !

..
..
..

بدايه..
صبآحكم ...آبتسامة طفل.. تحملهاطهر غيمه..ويصحيها آنبثاق فجر..ويعطرها...آندلاقة عطر...
آو..
صباحكم...ترتيل شيخاً جليل...يئم المصلين...لصلاة الفجر...فآيبعث في النفس السكينه...
يسعد لي ها القلوب الطاهرهـ...
الظبي...صاحبة الهجوم الأشرس والأعنف بين آبطالي...
لآالومكم...
ولآ احاول التبرير..لكن مازلنا
با البدايه..
ولكل شخص وجهة نظر...تختلف ..تتفق..هي بآ الاخر وجهة نظر...
الظبي..آنسانه عاديه....تريد لعائلتها الأفضل...
ماطآلبت بحرام...وماقالت شي خارج نصوص الدين..
طالبة بتال...بآالزواج..لسبب بسيط فطري...تريد.. له ...
وريث من الذكور...يكون سند..لأخوته..
وهي وضحت ها الشي...بكلامها (سند لخواته..مثلك لي..)
جميعاً يغمض العين عن عيوبه..بل...ويحاول ان يتناسى وجودها وقسوتها على روحه...
وعلى قولة المتميزه طيف الاحباب...من منا الي مو اناني..!
الظبي...راح تاخذ هجوم...ومتوقعه ها الشي...
وهاذي آطلالة بسيطه لها راح تآخذ منحنى آخر تماماً
من بعد البارت العاشر...
والاحداث كاكل ..راح تاخذ منحنى اخر..من بعد كم بارت....
نرجع لعنوان الروايه..عنوان الروايه خاص بجميع الشخصيات من دون استثناء...
كبرت هاالنظره..
او كانت طرفة عين...تبقى نظرة حقد...حتى لو تجاهلنا معناها...
شهد...ياصبايا....لاتنسون ان شهد فيها الصرع..واصحاب هذا المرض..يكونون
حساسين..وعنيدين..واعصابهم على فتيل نار...التمسو لها العذر...فامشواراً طويل...
...
-بآرت اليوم يحمل مفاجئه...ثقيله نوعاً ما.....؟
...
آرحب..بـ
خالديه هلاليه..الحياة كذا...t3bt..
ياهلا فيكم..متابعات جددو متابعتهم الجميله وحملنا لهم اشواقنا لمعناقة قلوبهم
الطيبه...لكل قارئه فيكم مكانها..الدائم
با القلب ..طال غيابها...آو...تئلق من جديد...
..
ايضاً ارحب...بـ...
الشوق بعثرني..فكري متاهه... حبوبه حبيبي ...Michael Scofield girl 20
ೋໃಊ҈¦[ங_‗ـਉمـن فهـمــنـي..
][كتكوتة العميد][...
يكفيني امل..عجزت ارضيك..
المتصفح متصفحكم..وحيآكم..دوم...آسعدني تواجدكم الاول بينا...لآحرمني الله من
تواجدكم الرقيق..

....
آوسمتي...^_
طرحت في ردها...عدة نقاط مهمه...آن دل....دل على متابعه متميزه....
لكن طرحت تساؤل وفي نفس الوقت اجابه....راح تتضح بعد كم بارت...
تنبئة بشي غريب حدث في البارت السابق..وماعلق عليه آحد....
وراح يحدث في البارت الحالي....
شبيهة القمر...=فيس يحضنك ويعلق الوسآم^_^
.
.
.
لآتلهيكم الروايه عن الصلاة في وقتها
.
.
.


بيت الجده...جناح هياآآ..
آتسعت ابتسامته..وهو يشوفها تصلي ركعتين الضحى...
من ثم..تنهي صلاتها..وتبدى..رحلة الاستغفار..محمولة
با التسبيح..بين طرقات سبحتها الطويله...
سرق نظره حانيه...لرعد...وهو بين اذرعه..يغط في نوم ملائكي...كيف يفاجئها برعد..!
يصحيه..ويخليه يحضنها بنفسه...
او...
يخبرها بتواجده....
آو...
تقدم بخطوات خفيفه...ووضعه بخفه بين احضانها...\....رعود يصبح عليك يمه...
شهقات الجده المفعمه با الفرحه وهي تحتضن رعد..بين اذرعها النحيله...وتقبله \ياهلا ومرحبا..يالبى
الريح واهله...يامرحبا با الحامل والمحمول..
تضايق رعد من تقبيل الجده ليفتح عيناه الطفوليه...من ثم ...ارتسمت ملامح الدمع يغزو الوجه...والخوف..
الجده بحنان\بسم الله عليك ...عناد..ولدك الظاهر انه...ماعرفني...
مآاكملت جملتها المصحوبه بتهدج لصوتها ..حتى اعلن رعد عن نوبة بكاء حاده...
عقد حواجبه عناد وبتكشيره شاله من حضن الجده...وحضنه...واتجه لشباك\بس رعودي شوف شوف...
فتح الشباك عناد ليشتت ذهن رعد...من الوجوه الغير معروفه له بشكل دائم....
عناد يرفع يده وينزل حدايد با الشباك من ثم يحركها بطرف ساعته لتظهر لها صوت..يجعل تركيز رعد لها..
بضحكه\والله يايمه ولدي شكله رخمه...يخاف حتى من وجه با المرايه...هههههه
الجده \منك..ماعودته على اهله...آجل ابو اربع سنين..وقلبه كنه قلب ابو سنه...
عناد بضحكه عارمه\اكيد طالع لريان...ماطلع لي....ولا جسار...قلوبنا قويه..آما ريان ..شكله طالع لدكتورنا..
هو الي قلبه ضعيف..ومايحب يدخل نفسه في شي مايعرفه..
آهم شي عنده...نفس الروتين اليومي...المستشفى البيت ..البيت المستشفى...او...مؤتمرات طبيه...
والرخمه رعد شكله بعد نفس الشي بيت امه..خواله ..سيارة ابوه...كم بوسه وحضن وينزل مع شغالته لأمه...
رفع عناد في ها الوقت رعد بيدنه لفوقه...\ياويلك اذا ماطلعت لسميك...لاتطلع لعم ولالخال..لسميك وبس...
الجده ابتسمت بحزن\الله يرحمه..ويصبر اهليته...ويجبر قلوبهم ياكريم..
نزل في ها الوقت عناد رعد...وفسخ ساعته وعطاها رعد يلعب فيها...جلس جنب جدته ..وسحب..
صينة القهوه الي قدامها ...وصب له فنجال...
الجده تراقب رعد الي يمشى لخارج الجناح...\عنيد قم لولدك...لايضيع ويبكي مادرينا عنه..قم يابوي..
عناد يرتشف الفنجال\وش يضيع يمه..حنى بسوق...بياخذ له فره..وبعدها بيقعد يبكي وبعرف مكانه..او بتجيبه
وحده من الخدم..تقهوي...تقهوي...انا نص ساعه وبطلع..
......
...
تعبّت أرسِم على كفّي

.. / وطَن أجهَل عنَآوينه !
...
...
ريان يدخل بخوف..الشقه..نزل المفاتيح على الفازه...
آنصدم من الأنارات مقفله..والشقه ظلام....والنور شاق السماء..وهنا...كئنه في كهف...
نادها بصوت خفيف...\ضــي...ضـــي
ماوصله اي صوت...آنقبض قلبه...من آتصالهآ الباكي...
مشى بخطوات سريعه لجهت..الغرفه...فتحها بخوف....مآشاف شي...غير مفرش السرير...غير مرتب..
عقد حواجبه بخوف...لكن سمع صوت المويه با الحمام....عرف انها...تحمم.....
طق باب الحمام برؤوس اصابعه..\ضيو...آنا..جيت...
جاه صوتها المبحوح\شويــات..وطالعه..
آرتاح شوي من القلق الي صابه من آتصالها...مشى بخطوات خفيفه رمى نفسه على السرير..تقلب في مكانهآ
وشم معه ريحة عطرها...حس في ها العطر..يدخل...لحنايآ روحه..ويشق طريقه الدائم لقلبه...هآ الانسانه كيف
هي بها الجذابيه..الهاديه...حتى مكانها..آعشقه...
آبتسم وهو يشوفها طالعه ورابطه الروب البينك على جسمها وتنشف شعرها برتباك..من ثم آبعدت الفوطه
عنها وتركتها على الاريكه القريب منها...\آهلين جيت...
جلس ريان..ومد يده..لها....ماهي الالحظات..ولامسته يدها الرقيقه برقتها...
سحب كفها الصغير وبآسه\ياكثر ماتخوفيني عليك...ها المره بعد نفس المره الي طافت..خآيفه...
بيده الثانيه يسحب طرف خصله من شعرها المبلول...ويتخلل بصابعه لاخر الخصله..
ضي بتوتر\لآ...بس آنا ..عندي موضوع..مآراح يعجبك..
عقد حواجبه ريان بستغراب..وانشد فكه...\ليه ماراح يعجبني...
سحبها بيده لطرف السرير ....وجلست....توترت ..وماخفى ها الشي على معالمها المتصلبه..
ثواني بس..من جلستها المتوتره مقابل ريان....وحركت أهدابها..دموع...ماقدرت تحكمها ابد....
آنصدم ريان بستغراب...شد على يدها\وش فيــك..؟آحكــي...!آهلك فيهم شي...؟
حركت راسها ضي با النفي...
ريان من دون صبر\لاتبكين...قولي وش فيك...؟
حاولت تستجمع قوتها...لكن بحة صوتها فضحت ضعفها..\البارح...كنت بمستوصف..وقالت لي الطبيبه..
ريان \وش فيك...وش قالت..؟
ضي بدموع\آنآ حامل..!!
تحرك ريان لورى..بصدمه..آرتسمت خطوط عريضه على وجه..من المفاجئه...
آكملت ضي كلامها لكن ها المره بنوبة بكاء..\آنا والله كنت منتظمه على الموانع..بس مدري كيف ...
والله ياريان..انا..مآبيه...آنا عارفه انك ماتقدر تصارح اهلك...وظروفك ماتسمح بآطفال...والله ياريان
انا مابي منك الا وجودك..حتى الاطفال مابيهم عشانك...آنا مو آستغلاليه...ومابي احطك بموقف صعب...
مأبيه...و...الله مآبيه....
وقف ريان بتوتر...حرك شعره بصابعه..وبانت..قطرات العرق على جبينه..\جهزي لي روبي..بتحمم..
دخل بعصبيه للحمام وترك ضي...وراه...تغالب عبراتها..
......
...
تعبّت أرسِم على كفّي

.. / وطَن أجهَل عنَآوينه !
...
...
فلة العاجي...
الظبي والجد..بتال...جالسين..يتقهون...قهوه صباحيه..
آنتبهو لدخول ياسر..ووجه المحتقن بدم مايبشر بخير..
الجد بصوت خافت..\آكيد ان فيه بلا...
الظبي ترتشف القهوه بهدوء\مآبه بلا..بعد اليوم...تطمن..
توسط ياسر المكان...وعلامات الغضب مرسومه بدقه على وجه....مآخفت على اي احد من الحاضرين...
بتال بستغراب\انت ماقلت انك رايح لخالك ومن بعدها لدوامك...عسى ماشر....
ياسر من غير اهتمام متوجه لكرسي الظبي..سحبها من ذراعها\مافيه شر يابو فلك...موضوع ابي اعرفه من عمتي
وطالع...
الظبي حاولت انها تفك نفسها منه لكن قبضت ياسر كانت قويه..
الظبي بعصبيه\يـــاسر..عورة يدي..ها...!!
نظرات ياسر كانت مركزه بعيون الظبي...والشر واضح عليه..وطبول المعركه تعلن بدايتها....حركت
ها النظرات معالم وجه الظبي...لتوتر قليلاً..
الجد مقرن بحده\يآولد..هد ..عمتك..وش بلاك....؟والله لو انك ديان...!
ياسر بعصبيه وعيونه بعيون الظبي\آيه..ديــآن..وابي..حقي حاضر...
الظبي بعصبيه \هد ايدي...ماعندي مواضيع..مايدري عنها آبوي....
وش قلة الاحترام هذي الي فيك..كني اصغر عيالك..
ياسر ترك ذراعها بقرف\تلمين قشك كله..وتذلفين لرجلك...بكرا...حاجز لك رحله...الساعه 10 الصباح..فآهمه..
قام الجد بعصبيه وضرب كتف ياسر بطرف عصاه\آعقب وآخس...تطرد عمتك ومن بيتها..وعلى عيني...
الظبي بفوران دم ورى ابوها\ايه يابوي...مايلام..بلاه من السحور والطبول الي مسوينها له..ماهو بوعيه..
اجل..يطرد الظبي عمته آلي تسوى عنده كل غالي...
آشار بصبعه لظبي\آذا ماراحت لرجلها...وتركت منها هدم بيوت الناس...ماراح يحصل طيب يايبه...
الجد بعصبيه\كف اصبعك هذي...ماحد يشر فيها وهو قدامي..ومافيه احد يهدد بحضوري..آنت ماتعرفني
يايسير..آذا ننسيت آذكرك بكف يهر سنونك..
آنتفض ياسر بعصبيه من كلام جده الموجع له\آجل علم يوصلها ويتعداها..عرسي...ها اليومين..
ماهو آنا الي تجي مره تهدد وتوعد..آدفنها برضها..لو هي آقرب قريب...
الظبي بعصبيه\وش تبي فيها..شفتها ماهنا زين كايد..ومهنا شي غير عن بنات خلق الله...وش مسكك فيها
غير سحورهم...عسى ربي يقلبها عليهم ..
ياسر بعصبيه \بــــــــــس...آسكتـــــــــي...مآبي اسمع لك حس...
الظبي بعصبيه\وش آسكت عليه..والله لو اروح بك لشيخ ان يقول السحر فيه شايخ...آنت منت بوعيك...
آجل تبي تآخذ من ها الناس...ليه..وعشان ايش..ولاهو عناد..وتكسير روس.....تبي بس تعاندي انا وبوي..
تبي ترد الصاع صاعين لجدك...علمني ياسر..آكشف لنا آوراقك...لاتقول لنا آحبها ومهتويها...آذأ
تقول آحبها بقولك كذاب...الي يحب مايعرف على حبيبته عشر وعشرين...كذب كلامي ياولد عبد العزيز...
رجع بخطوتين لورى غاضبه...مسح بقهر جبينه الي ابتل......هذي هي ذكرى ابوه تطفو من جديد على السطح..
وبدال مقرن..هذي الظبي...مايتعبون..من ترديد كلمة لا..وحنى معترضين...على شي مالهم دخل فيه...
آيه آحبها...ومال آحد اي دخل في طريقة حبي لها...
جنون..آو..عقل...بآ الاخر ..آنا آحبها...
مال احد دخل...في طريقة...حبي لها....
تحرك فكه وبعصبيه\قســـــــــم بالله يا الظبي...آذآ تعديتي حدودك ثاني مره...والله العظيم ان آنسى انك عمتي
وان آفرش فيك القاع....
الجد بعصبيه...\بتال...آخذه من وجهي....مابي..آكسر ها العصى عليه...
ناظر ياسر جده بصدمه...\آنا...اليوم عندك كرت محروق...مره بتكسر ضروسي ومره بتكسر العصى علي...
آرتاح..ضم بنتك على صدرك...,وآنا....مالي مكان في ها البيت اذأ ماتربت الظبي من جديد...
اخترقت كلمات ياسر قلب مقرن بقسوه..والصور الغائبه ..تحضر من جديد...بزمن مختلف وواقع مختلف..
وشخصيات تختلف...
صوته المتوتر\وين بتروح...أنثبر..هذا بيتك مثل ماهو بيتها...لاتطلع...مالك مراح...لمكان...
ياسر طالعه ومشى ...لخارج القصر...
صوته المتوتر\بتيل...الحقه..لايروح مراح ابوه...تكفي يابوي...مالي حمل فوق حمولي جديد...
بتال بهدوء\وش تبيني آسوي...رجال طولي..عقله براسه...وانتم الي مخطين بحقه..
التفت على الظبي وبصوت حاد \لاتحسبيني ساكت اني راضي...ورب الي رفع ها السبع فوقك لو مانتي
بحامل..آن..تروحين لرجلك مكسره...مالك دوره في بيوت الناس..ومالك كلمه تزاحمينا فيها...آعقلي ان كان في
راسك عقل..مانتم بحاكمين رجال عرض بطول...ولا ليته بعد واحد غير ياسر..كان يمكن نقبلها..لكن
ياسر ماعنده كبير...سمعت يابوي...ماعنده كبير....يعني لاتقول انا جده...وهذي عمته....
قام بتال بقرف وطلع لدور الثاني.....
مقرن بعصبيه جلس على الكرسي\السكر انخفض جيبي لي شي يرفعه....
آمتدت يد الظبي لتمرات قدامها وناولته له\يبه انتبه لصحتك مالي الا انت مثل ماتشوف...
مقرن بهمس\ماينخاف عليك انتي ندهم..مجمعين...
الظبي جلست بقهر\مسرع شكت له الحال..لكن هين...ماهم والله ماخذين بعض...وياسر اذا هدى جبته
بمسايس....
مقرن يتناول التمر بيده\هدي شوي لعبك ياالظبي...ياسر مايثني كلامه واذا عزم فعل...
الظبي بعصبيه\وآنا بديت أساسأً..!هو مستعجل على رزقه...!توى الطبخه مانطبخت...وتونا نرفع راية الحرب
بميدان...مابعد صار شي....؟
مقرن يحك ذقنه بهدوء...\الظبي كله ولا يطلع من البيت..آنآ آبيه حولي...وابي اورثه الخير الي عندي..
ياسر وبتال..اذا وقفو بشغل واحد...مآفي آحد بناطحهم...بتال دايم يحب الشي السليم ومايحب
يمشي في الغير مضمون ومايحب المغامره..والمغامره هي المكسب...لكن ياسر...لو يترك منه
ها المستشفى وها الشغل الي ماربي حلاه..الي ماهو بثوبه ولا ثوبنا...كان بصير الي انا ودي فيه من زمان..
ياسر قلبه ميت وماعنده في آحد...وهذا الي يصير الكبير بشغلنا..
التفتت الظبي بستفهام\يعني الحين بتال مقصر في شغله ونافش لي ريشه..؟
هز راسه با النفي الجد\لاوالله رايته بيضا...لكن مايداويك..
الظبي\وشلون مايدوايك..؟
الجد\يعني لو قلت له مثلاً شغله وابيه ينفثها..من تحت من فوق..يحط كم ريال بيد واحد يسكته..يقول لي لا..
وينشب بحلقي...بجيبها بسليم ومن غير دس...وهو يجيبها لكن يجيبها ناقصه..يعني مافيها تكسير روس..لها
التجار...آنا ابي هيبتي مثل اول .على الكبير قبل الصغير...وبتال ماقصر..لكن طالعين منافسين كبار
لازم له احد يوقف جنبه ويعاونه..آنا..يالله الخاتمه..وابي اسمي مثل ماهو علم في كل مكان...
الظبي تبعد شعرها لجه الثانيه..\آيه..فهمت..يعني تبي ياسر يدخل الكار...وشلون نسحبه هذا...
التفت مقرن\آذا تركها...خلاص..كل شي بزين حاله...
.......
...
تعبّت أرسِم على كفّي

.. / وطَن أجهَل عنَآوينه !
...
...
...
سيوف بعباتها وطرحتها على كتوفها مستعده للخروج...آرتسمت على وجها...ضحكه..ماقدرت تكتمها...
وهي تشوف...رعد واقف بتئمل...وساعه جلديه بلونها الاسود بين شفتيه..ويلعب بقطع شطرنج موضوعه
كآ..ديكور بصاله..
صوت كعبها العالي...بمشيتها الآنيقه..لفتت انتباه رعد لها...تئملها بخوف...
سيوف تنزل لمستواه\رعودي حبيبي...تذكرني..آنا ماما سيوف..!
ماتركت سيوف المجال لرعد ان يبكي...
طلعت جوالها...بكسسوارته الكثيره,, ولونه الملفت...آشارت بحركات
خفيفه آمام رعد...الي مد يده لجوال..وآخذه...
حضنته سيوف..بحب...وآستنشقت عبير...عطره...طبعت قبل كثيره...عبرت فيها خديه وانفه الصغير..وجبينه..
آنتهاء برقبته....من ثم أبتسمت لعيونه المتعلقه بجوال,,
سيوف\رعــودي...طــالــعــني....
رفع عيونه رعد لجهت سيوف...وآبتسم...
مسكت يده وبخفه مشت لجهت فازه المليئه با الشكولاتات..
على الطاوله الكبيره الموجوده ...
مدتها له...\ها رورو تبيني افتحها..تآكلها...
اشار رعد با الموافقه...
فتحت الحلوى لكن قاطعها رعد بنبره مائله لبكاء\بآبأ..آبيه..
سيوف \وين بآبآ هنا..؟عند تيته ولا وين..! انت جايبك السايق..والا بابا...
رعد يآخذ الشكولاته\لأ...بآبآ....
سيوف\طيب وينه..رورو...
قاطع آسئلتها لرعد...صوته ..يقطع عليها آنسجامها التام..بمتعتها...لتنصدم بتواجده القريب منها...
سحب رعد وبعصبيه..\لآاشوفك ماسكته ثاني مره...فآهمه...وحطي ها الي تسمينه غطى على وجهك
بلاش..فضايح...ماحنا ناقصين....!
سيوف...ببحه\عناد...من متى وانت هنا....؟
رفع رعد وهو صاد بنظره عنها ودمه يغلي \آحشمي..جسار....دام لادين ولاحياء....تغطي او انقلعي عن وجهي...
وقفت سيوف بضبط مقابل وجه عناد..وبحفيف انثى مجروحه\جسار...الي فرقنا..؟!!جسار
ولاشي..هنا...فاهم..ولاشي...لو الف سنه لقدام..جسار ولاشي...انت الي هنا..
آشارة بصبعها لصدرها....
صد بوجه لجه الثانيه\ماكان بينا شي عشان يفرقنا....آنا تزوجت عبير عشان بس تفهمين...آنك ولاشي...
مآفكرت فيك..ومستحيل افكر فيك...ماصار ياسيوف سالفه وفتحتها آمي هيا...لمك...آنا ماكنت ابيك...
أمي هيا ..هي الي من راسها كلمة امك....وجسار لما عرف اني مافي قلبي شي لك وما
لي اي يد في الموضوع..هو الي خطبك
لئنه كان مهتويك ويبيك...لاتخلطين الامور.....؟؟؟؟
سيوف بقهر\آنا خذت جسار مو برضاي....واجبرت نفسي اسكت...عشان على الاقل اكون قريبه منك...
لاتحرمني بعد قربك...آنت مايهدك حب...مايحركك ..ماذقت طعمه...مادق قلبك وهز آهدابك يصحيها...؟
عناد بحده \سيوف...آخر مره آقول لك....آبعدي عني وعن حياتي...ترى ماهو موقفني عنك ..غير اني
ماهد حياة آخوي..الي ظفره يسواك...الله يسود وجهك فوق ماهو مسود....حيآتي ماهي ناقصتك انتي بعد..
أبعدها عناد بقرف....وطلع لجناحه...
جلست سيوف بحسره على الكرسي ودموعها..تبعدها...عن كمية ائلم الذي يسكن جوانب روحها..
عشق محرم....
طآل شوقها لمعناقته...
و
آلم ضمير...يكبس على جروحها دائماً...
وتسكنه...بمهدائات..قآربت على الانتهاء...
ونوبات جنون...تجتاح ..خلاياها....
في كل ...لقآء...
.......
...
تعبّت أرسِم على كفّي

.. / وطَن أجهَل عنَآوينه !
...
...
طلع ريان من الحمام...نشف شعره...ورمى الفوطه...آنتبه لمكانها...مثل ماهي ..لكن منزله راسها..بحضنها
وباين ..مايحتاج...تصيح...
آنتبه انها ماطلعت له شي...دخل غرفة التبديل وسحب له ثوب..وشماغ....
لحظات وطلع..شافها.. غيرة الوضعيه...ببساطه اندست با المفرش...وماصار يوضح منها شي...
آتجه للمرايه...حرك شعره المبلول...تعطر...ناظرها بطرف عين..على وضعيتها...
تقدم لسرير بخطوات هاديه...
رفع المفرش عنها...
وجها المحمر...وعيونها المنتفخها..خشمها الصغير الي تبدل للون الوردي...خدودها...طلعت بلون ناري..
خصلها المتناثره على وجها...
نزل على طرف السرير...جلس....
بعد الخصل بصبعه...وبطرف اصبعه مسح دمعه..نزلت بحراره...
نزل شفايفه على جبينها..وطبع قبله..بهدوء\مبروك...آذا ماتبينه...آنا ابيه...ياويلك ياضيو لو يصير فيه شي...
دخلت ضي بنوبة بكاء صامته ....تحركات صدرها ورعشتها ودموعها تفضحها...
رفعها من كتوفها الصغيره حتى جلسها....\طيب الحين ليش مقطعه نفسك..قلت لك ابيه...خلاص ..آسكتي...ممكن
ضي تمسح دموعها\ريان والله العظيم انا ماكنت ناويه احطك بموقف زي كذا..أنا مابي احطك قدام الامر
الواقع والله ياريان انت عندي ا..
حط اصابعه على شفايفها \هــوس...مآبي اسمع ها الحكي...الله كاتبه..ليش تعترضين...وماحطيتني قدام
اي موقف صعب....آرتاحي..بقضي كم مشوار...وبرجع على الليل...لاتصلحين عشى...
باست ضي اطراف اصابعه وهو يسحبها منها.....مال لها وباسه خدها وطلع...
.......
...
تعبّت أرسِم على كفّي

.. / وطَن أجهَل عنَآوينه !
...
...
بدور الثاني بقصر العاجي...
بتال بثقل\منـــــــــــــاير...منـــــــــــــــــاهل...وينــــــ ـــــكم..
مآجاه اي صوت ..او... اي ردة فعل مثل كل مره..آستغرب..وينهم..؟
با العاده..ماينطق حرفين من اسمائهم
الا هم..قدامي....
رجع من جديد لكن بصوت رفع وتيرته شوي\آم..فللــــــــــــــك.....يا مناهل....
لاصوت...وماكئن في الدور الثاني احد ..الا...آصوات بناته يلعبون قريب من التلفزيون...
آستغرب...
بتال وهو يقرب من البنات جلس على اول كرسي ..\فلوكتي تعالي يبوي...
جاته فلك وبيدها كراسه ترسم عليها...\نعم بابا...تبي ..شي...؟
بتال حرك شعرها بهدوء..طبع قبله على خدها..\بابا وين ماما..وخالتك...؟مآشوف احد..وبعدين انتي
ليش مارحت المدرسه...!
فلك تحرك آنفها الصغير\بابا البارح بطني عورني ..وقالت ماما ماروح المدرسه..وبعدين خالتي وماما بجناح
حق خالتي نهوله...
آبتسم بتال لها...وضمها خفيف لصدره\طيب ليه ماحكيتي لي انك تعبانه يابابا..؟هممم ...وزين الخدود ياناس..
قرص بتال بحب خدود فلك الي تبعدها بدلع بكتفها..\خلاص بابا انا الحين كبيره...لاتسوي كذا...
غرق بتال بضحكه\طيب ياكبيره روحي لمك خليها تجي..
آبتسمت فلك وراحت للجناح الي مقابلها تنادي آمها..
ماهي الا لحظات..
ووقفت فلك من جديد مقابل بتال\بابا تقول ماما الي يبنا يجينا...!!!
آنصدم بتال..وقف بحده\طيب روحي العبي مع خواتك....
بخطوات غاضبه ....توجه للجناح.....
مناهل ومناير..جالسين ..وصينيه قدامهم...عليها آكواب الحليب ..و..
قطع من الخبز..وبقايا فطور...
مناير\اقول منيهل...الذيبه الي عندنا وش رايس بالي بيعل قلبها..؟
مناهل بستغراب وهي تدهن التوست با الجبن\وش في بالك..؟عندك خطه ..ولا بس حكي..!
مناير\البارحه وانا اتقولب في فراشي..من عقب سالفتها الله لايربحها...
طرى لي طاري..
وشرايتس ياختي...آدق عليها...!
مناهل بصدمه\ندق عليها..! مهبل والا مهبل...ندق عليها وهي معنا...وش نبي فيها..؟
مناير\ياجعلس الماحي الي يمحاس ان كان انتي مخلوقه من غير مخ...ندق عليها
ونقول رجلس يا الخبله يلعب بذيله الحقي عليه لايركب له جناحن ويطير..
مناهل بستخفاف\ليه شارب رد بول يعطيك جوانح..!اهجدي بس..يابنت الحلال هي
حاطه رجليها في موية بارده...
مناير بضحكه\وش مويته...يامنهيل مازعاً قلبها حب طويرق..ياعساه يجي ياخذها ويفكنا منها..
والله ثم والله لاتشم خبر ان فيه شي ..او..اسم بنت تبيه ولا شيً منا او منا..ان تنصرع عند عمي..!
ويطيح الي في بطنها من الروعه...؟
مناهل بفرحه\اجل الشريحه علي...وبنغير صوتاً او بنجيب وحده تكلمها...والله انك
بنت رجال...؟
مناير بعصبيه\اجل من انا بنته ياتسلبه..آكيد اني علي رجال....
في ها الوقت..فتح الباب عليهم بعصبيه...
دارت عيونه بعدم تصديق....!
يآكلون..وهو محرق دمه وصوته...! وهم متجاهلين...وصامين الاذاني....
بتال ماقدر يتمالك نفسه اكثر بعصبيه\آنا انادي من ساعه ..وانتي وياها..
تسمعون وقاعدين تزحرون ولا وحده منكم كلفت خاطرها
ترد على الي قاعد ينادي...؟؟!!
مناهل ومناير بخوف اجتاحتهم ..رجفه ...حاولو انها ماتوضح لكن.. فضحتهم...
مناير بتوتر\وش تبي...هذا انت جيت...خير وش بغيت...؟
آنصدم..من نبرة صوتها وطريقة ردها...!
تقدم بتال لجهت مناير الي تراجعت لمناهل...
بتال \نعم..سمي طال عمرك...؟نغمه جديده الي قاعد آسمعها...!
لاطال عمرك مابغيت شي...!!آنتي حضرت جنابك تامرين على شي...؟
مناير بلغ فيها الخوف حد الأرتجاف..ضربة بكوعها جنب مناهل ..الي ماكنت آقوى منها لكن
آظهرت القوه الكذابه\بتآل...فلك بنتك علمتنا بكل شي..آختك ها الذيبه تبي تزوجك...وآنا و مناير ماحنا براضين
..خلها تسنع عمرها..آذا هي تبي لك عيال ...تشوف نفسها..
الي بيته من زجاج لايرمي الناس با الحجاره...يعني جايه من الشرقيه بس تبي تنكد علينا..
والحين...آنا ومناير...آتفقنا...يانحنى ياهي...ومافيه خيار ثاني لك..آختـــآر ...
آقترب بتال وبحده ..و..وجه متغير لونه وبصوت عالي \نعم...وش قلتي عن آختي يا ..منهيل...وش...؟
مناهل بخوف..\وآنا صادقه ماتخلي احد من شرها...؟
مسك ذراعها بعنف...\ولاكلمه..هي الداخله وانتي ومنير الطالعين... الاخت ..مايجي بدالها اخت..
لكن المره بداله ..عشر مو حده.....والباب يوسع
جمل لك ولمناير يوم انكم مسوين حزب.....وآنا بتزوج الي بتريحني..والي
آنا بختارها....طال الزمن او قصر...ماهي بظبي الي
تذكرني با الزواج...وش حسبالك انتي وياها...بخاف منكم...او...بترجاكم تقعدون....
الباب يوسع جمل..لك وياها...
فك ذراعها بقسوه خلاها تطيح على الارض...
والحين نص ساعه آذا ماشفت شماغي سابقني لدرج....ماراح يحصل لكم طيب..مآني بجابر آحد يعيش
معي....الي مايبي بحفظ الله....
طلع بتال وضرب الباب وراه...
مناير بعصبيه\الله لايبارك فيك ولافي شورك ان كانك بترجعيني لهلي تالي ها العمر...
بآرباحي...
مناهل تجلس برجفه على السرير.. وهي تمسح ذراعها\...يده ثقيله...
مناير\آحمدي ربك وصلي تهجدك الليله...والله اني قلت بجينا طق ماعمرنا
حتى سمعنا عنه...يآويلي
منه وعيونه...آعوذ بالله أعوذ بالله..الظاهر اني ختمت كل الادعيه
الي اعرفها بيني وبين نفسي يوم دخل...
مناهل بفوران دم\قليل الخاتمه بعد نفسه خضرا على العرس بيجيب الثالثه
وها الذيبه ماهي جايبتها
لبر ابد...
صوته الحاد من بعيد \قسم بالله اذا ماجاني الحين شمآآآغي ...آنكم ماتجلسون في البيت ربع ساعه...
مناهل برتباك تآخذ الشماغ بسرعه...تلحقها مناير با العقال والطاقيه....وتزاحمو عند الباب...
...
......
تعبّت أرسِم على كفّي

.. / وطَن أجهَل عنَآوينه !
...
...
فلة الجده هيا..
فتح باب جناح آمه..وتركه شبه مردود...نزل رعد ..
عناد بأبتسامه\رعودي ماما داخل نآيمه...روح صحها..آو ..نام بحضنها..طيب...
رعد مافهم كثير على كلمات ابوه..لكن دخل الجناح وهو مبتسم...مآهي الا ثواني ورجع..
عناد كان بينزل مع الدرج لما شافه راجع..وينادي عليه..
تئفف عناد وبقلة صبر\يآربي يا رعيد...والله انك ماتنعطى وجه..ورى قلبك قلب حمامه...
رجع عناد لرعد ونزل وركبه على الارض..\ها..وش فيك...أنت ليه كله تبكي...هممم..
رعد\بابا بروح..مع عناد
ضحك عناد بصوت واطي \آكلك انا...اكلك...انت ليه كذا تشهي احد ياكلك...شكلي بقول لطباخ يحطك الطبق
الرئيسي...هههههاي
رعد مايعرف كلام عناد شي ومافهم حكيه كثير لكن علق ايديه الصغيره برقبة عناد..
كان عناد بيشيله لما آنتبه..لرعشه من جديد تحرك كفه...قبض آصابعه وبصعوبه بدة تختفي الرعشه..
عقد حواجبه..وشال رعد بيده الثانيه...
عناد \الله يعين على درر يارعيد...خلنا اجل ندخل الجناح ان شاء الله يجيك النوم...وآخذك لمك...
لئني لو رحت فيك وانت صاحي..بتصير مئساها في الشارع..
......
...
تعبّت أرسِم على كفّي

.. / وطَن أجهَل عنَآوينه !
...
...
الساعه 3م..
فلك بصوت واطي\مادقيت علي قلت انك بتجي..غريبه..
ياسر يدخل بخطوات ثقيله على قلبه\خالتي تكفين تراني ماقدر افتح عيوني من النوم..روحي
صلحي لي فراش بمجلس..
فلك بستغراب\صاير شي..؟
ياسر صوته ماخلى من البحه\فلك..!
فلك برتباك\آبشر...طيب اصلح لك شي ثاني...آنت جوعان ؟
ياسر بتعب جلس على الارض..
وسحب له مركى قريب وحط راسه عليه\خالتي مابي الا النوم..روحي بس صلحي لي
فراش برقد....
فلك عرفة ان فيه شي لكن ماحبة ان الافكار تروح وتجيب فيها...قررت تروح بسرعه تصلح له
فراش..ويمديها لما يقوم تآخذ السالفه منه با التفصيل...شكله مهدود حيله وتعبان...جد..
آتجهت للمخزن وخذة لها كم بطانيه..وراحت لمجلس ..
خلصت فراشه بسرعه وراحت لصاله ..
شافته منسدح على الارض والمركى تحت راسه..و يده على راسه بوضعية النوم..
فلك بصوت خافت\يسور يالله ياعمري صلحت فراشك...
قام ياسر بتعب ووقف مر من عندها...لما وقفته لمستها الحانيه على كتفه\تبيني اسوي لك مساج لما تنام..
آنت شكلك تعبان..؟
ابتسم ياسر \ياليت والله ياخاله ..خاصة راسي احسه بينفجر...
مشت وراه فلك ..لما دخل المجلس وتمدد على فراشه...نآم على بطنه ..وبدت فلك تسوي له مساج
لظهره ورقبته....
فلك ببحه\اجيب لك اسبرين لراسك...
ياسر\لا خالتي..شوي ويهدى علي..
فلك نقلت وضعية المساج لكتوفه..وانتبهت انه بدى يرتاح...وينزل الشد الي كان شاد جسمه فيه..وآعصابه
لانت...
فلك\يسور..صار شي لما رحت لبيتكم...متهاوش مع جدك...
ياسر وصوته مليان نوم وتعب\لا ..مع الظبي...ناوي اسوي لها آعادة تهيئه...راسها مليان فيروسات بسوي
له فرمته...
فلك بخوف..قاعد يتمسخر ولاهمه....يارب ..
ياربي منك ياياسر..صعب اعرف نوعيتك...
مآحب..خليط ها العائله فيك..مابي دم جدك يجري بعروقك..
راح يفسده..و..يبدله..دم ..آسود...مثل قلبه...
ياليتك..طالع لبوك...حنان..ومافيه ذرة قسوه...يآرب
ماتنعاد القصه..مره ثانيه...سوسه هي وابوها...ماراح
يتركون آحد يرتاح..وماهي بحمل مآسي جديده.....وخاصة اثنين غالين على قلبها...
فلك تمسح رقبة ياسر \تكفى آبوي...لاتعاند مالك الا جدك وأهلك...
مارد عليها ياسر ..لكن عارفه آنه صاحي ومانام لسى...
فلك\مدري بس تكفى ..اذا سالفتي بتنعاد ثاني مره في ملوك...لاتآخذها...تراها يتيمه...وضعيفه...
ياسر ببحه\خالتي بنام...ماهو بوقته..
سكتت فلك عنه قامت بهدوء وطفت الليت..وردة باب المجلس..الداخلي..وطلعت لدور الثاني...
.........
...
تعبّت أرسِم على كفّي

.. / وطَن أجهَل عنَآوينه !
...
...
جواله يهتز...ولمره الثالثه..ماقدر يتجاهله...
آنتبه لئسم ......آبو درر.....يتصل بك...
رفع الجوال وبتعب\جسار..وش عندك..؟
-وينها فيه..! الجامعه..!
-والسايق...
-الحين البيت فيه سايقين...وتقول لي رح جبها...وين ريان....
-مقفل جواله...
-بشوف....!
-طيب خلاص...!
سكر الجوال..بقرف...ألتفت وشاف رعد رامي المفرش عنه وجسمه صاير قطعة ثلج...
عقد حواجبه عناد ...رجع غطاه كويس....ودخل دورة المياه بعدها....
بعد دقايق...طلع...من الجناح...
مر على جناح الجده..
طل براسه
..شافها توها تسلم من صلاة...
عناد ببحه\يمه هيا...رعد في جناحي..بروح اجيب شهد من الجامعه...السايق سنان تعبان..ورضوان مع آمي
خلي وحده من الخدم تغديه...
الجده \خلاص روح..لكن لاتبطي...
عناد بعد كم خطوه رجع\يمه هيا تغديه عندك...لاتغديه في المطبخ....
الجده بآبتسامه\خلاص طيب..روح الله يحفظك جب آم لسانين...
آبتسم عناد وهو ينزل الدرج بخطوات سريعه..على تعليقات الجده..الي ماتخلى من ضربات تحت الحزام..
...
بعد نص ساعه...
عناد\من يعني..؟؟آنا عناد...عشر دقايق اشوفك بسياره ..لاتتئخرين...
سكر جواله ورماه في الحامله...
ماهي الا لحظات وركبة شهد بتئفف...وسكرة الباب بقوه...
آنتبه لها عناد...وسكت....مايبي يزيد الطين بله...يكفي اخر مواجها بينهم...
شهد بنرفزه...\عادي...كان ماجيت تاخذني...أساساً جسار دايم مامنه فايده...انا دقيت على ابوي...وقال
كلها ساعه وجايك...
التفت لها وبحده\جسار مامنه فآيده..؟
شهد بعصبيه\وانت بعد....اساساً انا مادقيت عليك ليش جاي..؟
عناد يحاول يكتم غيضه\شهد...ممكن تسكتين...لئنك لو مآسكتي الحين....صدقيني...بنزلك...وبسياره على لسانك...
آنتي ماتعرفين تسكتين...آذا شفتيني....آسكتي...كلها كم دقيقه وارميك هناك...
شهد صدت بوجها جهت الشباك...وهي متنرفزه من الحر الي قبل شوي كتمها..ووقفتها بشارع...
آساساً كانت معصبه وفاير دمها...من الوقفه...
شهد بنرفزه\آبي الصيدليه.....ضروري....
عناد بحده\وش تبين فيها...ماني بفاضي لك ولكريماتك و خرابيطك...
شهد بعصبيه\من قال اني اروح لصيدليه عشان كريمات...طاحت علبة الدواء حقي با القاعه
..وابي...موعد الدكتور باقي
لي اسبوع..وها الجرعه ماغيرها ..
آرتخت معالم عناد \طيب....فيه شي ثاني تبينه...
شهد تسحب المحفظه تبعها من الشنطه وتطلع له فلوس\لا..كثر خيرك...هذا سعر العلب...حبوب topamax
عناد وصل حده وهو يوقف عند الصيدليه.. وبحده\شهــــــــــــــــــــــــد...
آرتعبت شهد من نبرته الحاده...رجعت لورى....وهو نزل وضرب الباب بقوه...
.........
...
تعبّت أرسِم على كفّي

.. / وطَن أجهَل عنَآوينه !
...
...
ريان...بآبتسامه\جديده رعودي عندك ومادرينا...
الجده تطالعه بنص عين\تبيني يعني...آصوت ياخلق الله ترى رعد عندي....
آبتسم ريان وطبع قبله على راسها..
من ثم جلس قريب من رعد الي كان يلعب بآلعاب درر ووسن.
ريان يقرص خد رعد وبضحكه\عمومي آنت...وش اخبارك...توحشنا يا الدب...
رفع عيونه رعد...لكن ماهتم كثير ورجع للعب ...
الجده\يآ الآشهب...آنت متى تعقل مثل خلق الله وتعرس..العرس يركد المطيور...
ريان بآبتسامه\لاحول ياجديده...وش فيني مو عاجبك..الكل يمدح ركادتي
الجده..\من ها المفلوق على راسه الي يمدحك...عز الله انه ستذوب...
ومقطع آربع...آجل ماشاف شوشتك
هالي مدري وش لونها.. ..وواقفه بعد ..تسنها..واحد ماسكه كهرب..وقعد يهزه
يهزه..ويضرب فيه القاع..ومافكه بعد لين فصلو الكيبل...لآ
ولبسك الي دابلن سبدي..
لآ..هو..لبس ابوك..ولا اخوانك...ولأ جماعتك...
يآمك آركد عشان لارحت اخطب لك مايعيون...آنا آشهد
آنا مابه مقروده بتوافق عليك ...بتعلل قليب امك ها الي ضافتك على كبدها كنك بنت..
عقد حواجبه ريان بتمثيل متقن لزعل\ياجده..تدرين كل ماجيتك
ماغير تكسرين مجاديفي..مايعجبك فيني
شي..أبد...مايعجبك الا عناد..شبيه حبيب القلب..
.الله يبرد عضيماته...ها...ياجده..ماكني كاشفك..
هيا ..\آيه يالبى عناد والي مسمى عليه..يالله انك تبرد عضيماته..وتنزله منزل مبارك في الجنه...
مازعلني ابد..وماكدر خاطري...الله يرحمه ايه....وبعدين آنت يا الاشهب...بتحط نفسك جنب عناد وتبي تزاحمه
قم..قم ..لابارك الله فيك...حتى آخوك ماتعرف قدره..قم..فآرقني...
حركت عكاز الجده على كتف ريان زادة ضحاكته...\طيب يا جديده...آصبري..الله يطولنا بعمرك..
خليني بس آشبع من رعيد...
بآس ريان رعد بسرعه وقام..وماقدر يكتم ضحكاته على عصبية الجده....
...
على طلعت ريان صادف شهد...ووجها المعفوس...وعناد وراها....
ريان بضحكه يطبع بوسه على خدها\آوك يا المعصب روق دخيلك...
شهد بعصبيه تدفه بيدها خفيف\بعد عن وجهي انت وجوالك المقفل..
ضحك ريان وهو يشوفها تمشي بعصبيه لجناحها...وعبايتها المعفوسه عليها..وشنطتها الي رمتها بآول..الممر..
واضح...هوشه مثل كل مره...جمعة الثنين...
مشى بخطوات قصيره وشآل شنطتها..آنتبه لعناد وهو يدخل على الجده....
لحظات وطلع من الجده وشايل رعد...
ريان ببحه...\بتوديه لعبير...؟
عناد \آيه...
ريان..\آمي وأبوي...مآشافوه...آتركه...وأنا بوديه...
عناد ومزاجه محتد\آنت بس خلك على شلة شنطة ها المدلعه....ومسوي خير....
رعد..بوديه ..مابي غيري يوصله لمه..
آبتسم ريان بستهزاء\شكله المدلعه على قولتك غاسله شراعك...آنت اصلن وش ملقفك تروح تجيبها..
يأحبك بس..لطيحات الوجه الدايمه...و..الفشلات..
عناد بهمس\لآ..الفشلات صح...مصدرها آنت..يابو جوال مقفل...
آعتفس وجه ريان...وقلبه ..يقرصه...من آسلوب عناد...
متئكد انه عارف بشي...بس كيف..وشلون...هذا الي
محيره..
..
10م....
يآسر يغسل وجه..وفلك واقفه جنبه...بفوطه ..وكوب نعنان...
لف عليها وخذى الفوطه مسح وجه ...\ليه ماصحيتني...
فلك تاخذ الفوطه من يده وتعطيه كوب النعناع..\والله جيتك كذا مره..بس انت بسم الله عليك كئنك ميت...
خذى له رشفه من الكوب ..وآنتبه لجوال...يهتز..
-هلا بتال....
تغيرة ملامح فلك لحد الارتباك..تراجعت خطوتين...وحاولت تفرغ..شحناتها المتوتره في الفوطه...
-طيب...بنتظرك....بـ...فورسيزونز...آذا..صرت تحت دق علي...مع السلامهـ
سكر جواله دخله جيبه...آلتفت لفلك المتوتره...مد لها الكوب...\خالتي...يالله تبون شي محتاجين شي..
فلك...برتباك\ماله داعي طلعتك...نام هنا...وش الجديد يعني...؟
ابتسم..ياسر\مافي جديد...بس آنا عندي آساساً كم شغله..
ابتسمت فلك....آستئذن ياسر منها..وطلع....من باب المجلس...متوجه للباب الرئيسي با السور الصغير..
حط يده على مقبض الباب...آنتبه لصوتها....الي يناديه...
التفت بهدوء...شافها...قريب....
ملوك بتوتر...\آسر...لحظه...بغيت آقول لك شي...
آبتسم ياسر لتوترها...وقطرات العرق تبلل جبينها...عآرف ..ومتئكد....ماتبي في يوم..توقف..في
صف..ماهو طرف فيه....وهو السبب...يرفع يده على مناف ليش...ندم...بس مارفعها الا عشانها...
اساساً لو غير مناف.. دفنه بمكانه..ولايمس شعره من شعر راسها..كل شي يهون..الا هي...
هي وبس....موجوده بآعماق روحه...بآعماق الماضي...الماضي..الموجع...لروحه وقلبه وذكرياته...
رائحة جبروت..وتسلط و..غطرسة..جده...تتعلق بؤردته..ضعف آمه..وطردة ابوه...يشوفه فيهآ
يتخلى عنها...كيف يتخلى عن قضيته..!
قاطع حركات شفايفها الي مانتبه لها ..
هي همس..؟
آو ..
عتب...؟
ما..كان معها...!!
كان بس..سارح بحضورها..!
رفع يده بتعب..ولآمسة خدها..الي جفل ببدايه..من ثم هدا....\آنا ..الي آسف ياملوك....لآتعتذرين
عن شي..مالك فيه ذنب..
ملوك ..\طيب آسمعني ..ثواني..,.؟
آبتسم ياسر وبشوشه....وهو يشوف قطرات المطر..تنزل بهدوء على الارض..حس ان الارض..
ترسم..آبتسامه..وتستقبل قطرات المطر..بآ الاحضان...ورائحته..تملى صدره...بعبق..الذكريات..
طفلاً صغير...
صغير حيل....ماله يد في شي...ومآختار شي...؟
يمكن تواجد في الزمن الغلط..؟
والوقت الغلط....
شآفها تحاول..تسحب الكلمات..حس ها الكلمات ثقيله عليها..وعلى روحها...تبرير...لشي تشوفه صح..
ومو خطى...ومعا كذا...تشوفه صح...ويجرح آعماقها...وفر عليها ...
بصوته الهادئ...\
وط صوتك حبيبي .. السماء تسمعك !
ليه تفضح زعلنا البارحه للمطر
ماتخاف إن لمحك تصيح ..؟
جاء يتبعك..!
وتغرق هالمدينه ..
من سبايب قهر ؟!
كآنت ملوك بتكلم...لما...سمعت ترديده للابيات...آبتسمت..
قرص خدها...وبتعب\آدخلي من المطر......
....
نقف هنا...
نلتقي السبت بذن الله في بارت مشوق..جداً..يكشف صراع شديد راح يبدئ..
بين جسار....و.....!

..
...
همسة محبه....
للفائده...
قال صلى الله عليه وسلم : (( غطوا الإناء وأوكئوا السقاء ,
فإن في السنة ليلة ينزل فيها وباء , لا يمر بإناء ليس عليه غطاء ,
أو سقاء ليس عليه وكاء , إلا نزل فيه من ذلك الوباء)) رواه مسلم

لقد أثبت الطب الحديث أن النبي صلى الله عليه وسلم هو الواضع
الأول لقواعد حفظ الصحة بالاحتراز من عدوى الأوبئة والأمراض المعدية ,
فقد تبين أن الأمراض المعدية تسري في مواسم معينة من السنة ,
بل إن بعضها يظهر كل عدد معين من السنوات , وحسب نظام دقيق لا يعرف تعليله حتى الآن ..
من أمثلة ذلك : أن الحصبة , وشلل الأطفال , تكثر في سبتمبر وأكتوبر ,
والتيفود يكثر في الصيف أما الكوليرا فإنها تأخذ دورة كل سبع سنوات ..
والجدري كل ثلاث سنين وهذا يفسر لنا الإعجاز العلمي في قول الرسول
صلى الله عليه وسلم : (( إن في السنة ليلة ينزل فيها وباء )) .. أي أوبئة موسمية ولها أوقات معينة.

المصدر : كتاب " الإعجاز العلمي في الإسلام والسنة النبوية " محمد كامل عبد الصمد
...

 
 

 

عرض البوم صور ضمني بين الاهداب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملوكـ وعناد وبدايات الحب.., مبدعة أستمرررري, آبـــــــــــــــــــــــــــــــــــــــــــــداع...., لو أجيب كل عبارات المدح ماراح اوفي قصتك حقها من الأبدااع, اويييها واعرس البارون اوييييها والحلوان على شوشو, بتال&فلك آحلى ثنائي, بعض العيون حقدها في نظرها, يا الغوالي الاجزاء سبت واثنين..ضمضم, يا ناس وه فديت مقرن و ساري بديت احبهم, جسار للظبي<<مااتنازل, حصريا ولأول مرة العقيد عنااد آل راسي من ممتلكاات النوري ..فاهمين ..فيس يهدد هههه, روابط جميع الاجزاء با الصفحه الاولى..., عنااااااااد أسطوووره لن تتكرر ..وهـ بس فديت ابو رعووودي .., فديت أحسن وأحلى كاتبه ضمضمــ, نظره حقد 20 في صفحه 75--نظره حقد21في صفحه 83, نظره حقد 22 في صفحه 88--نظره حقد 23 في صفحه 96, نظره حقد 24 في صفحه 107, نظره حقد 26 في صفحه 127, نظره حقد 26 في صفحه 128, ضمني بين الاهداب, قصص من وحي الاعضاء
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t140889.html
أرسلت بواسطة For Type التاريخ
ذ¯ذ½ذ´ذµذ؛رپ This thread Refback 03-07-15 12:28 PM


الساعة الآن 03:56 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية