لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 05-06-10, 01:21 PM   المشاركة رقم: 96
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

.
.
.
بسم الله الرحمن الرحيم....
.
.
.
نظرة حقد..6..
.
.
.
مدخل...
.
.
.
ياشينها لاطاح دمـع : الاكـابـر
ياهي كبيره في - عيون. . . . ( العصافير ) !
هذا " الزمن " بعيون/ .. الايتام غابر
وفي عين من عاش : الترف . . . هالزمن غ ـير !




ياللي "طعونك" تقتلك لاتكابـر
لاتعتذر مليت . . . . كذب المـ ع ـاذير!
شفني / .. وتعرف كيف لاقيل صابـر
شفني وتعرف. . . وش تعني [ مقاديـر] !



أضحك وفيني للمواجع : مقـابـر
ابكي وضحكي - ذنب. . . . والدمع ( تكفيـر ) !
اكتب و" دمعي " صار/ .. حبر المحابر
ويخون : في صدري . . للاوجاع تـ ع ـبير !



"أنـا / أنـا" على مثل منت خابـر
بس/ .. الزمن . . . له باكثر الخلق تاثـير!
عابر شمالي شح بي وقت ع ـابـر
واشح بدموعي. . . عن الناس [ ياميـر] !



أهمس و "صوتي" تشتهـيه المنابـر
ويضج صدري . .. . طعنتين ومساميـر!
الحب لابو / .. الحب مقطوع دابـر
ماهي قضيه. . . خنجرين [ ومخاسـير] !



شي إنكسر . .
ماله مع الوقت : جابـر
وخل الجروح اللي - بصدري . . . . ( مسايير ) !
ماقلت/ .. لك " هالحزن " فيني مثابر
وصدري قفص حزني : وقلبي . . . به الطير !



بالله قل لي كيف ودكـ أكابـر
كيف أعتذر . . . . و أحكي عن الدمع تبرير!
ماقلت لك لاطاح دمع الاكابـر
ياهي/ .. كبيره. . . في عيون [العصافير] !
.
.
.
بدايه..
مساء ,,,,الآشواق...
جزئية اليوم.,,,آعتبرها حماسيه..,,,ومشوقه..,,,آستمتعت انا بمراجعتها....,,,قبل انزالها...
فيها كشف لبعض..الغموض..بطبع...لا يمد لطفل بصله....^_^
آعتبر ها البارت..آنحصر لكذا شخصيه..تكشف تواجدها اكثر..واكثر..
هناك مواقف لآبطال..تتضح...وتترك عنها ...البرود الذي غلفها قليلاً...
من ناحية حديثكم واسترسالكم الدائم عن الطفل المفقود.....آنا قلت لكم...قبل....اتركو ..الحديث عن الطفل..
موضوع تقفيل الراويه...
تصدقون..والله احس ضعت منكم...على صفحات الروايه و..على الخاص ....
شفت ردودكم كلها ...وشفت ارئاكم...وأقتراحاتكم الجميله مع اني ماطلبت اقتراحات.. عليكم اقتراحات خاصة
الي تجيني على الخاص...يبون 3 بارتات با الاسبوع...
...آنا رديت على آختي طيف الاحباب برد...وربطة اسم
بتال بملوك...وهذا خطا مطبعي من مخي لاآكثر..._^مفروض انكم تنبهوني...مو تئيدوني..^_^=فيس يغمز
لعذرا ياقلب الي على طول وافقت...=عذير..مفروض تقولين سلامات ضمضم فيك شي..:$

.
.
.
آرحب با المنظمات ...امار...غرامي.. ماصدقت الا قيك .. عزتي في كبريائي ..حياكم يا الغالين

.
.
.
لآتلهيكم الروايه عن الصلاة في وقتها
.
.
.
....آسطول الحريه...حرية الأرواح..المتعلقه..بمركبك...مابين المحيطات..والبحار..والانهار
والجسور...ومعابر الحدود...ترفرف..على رؤوس اليهود..لتذكرهم ان لفسطين..
آهل...من جميع الأصقاع..والأديان..والأجناس..
.فلسطين ليست لقيطه..يامعشر اللقطاء....
..ولايتيمه...ولامنبوذه...
تسكن دموعنا التي علقت بمحآجرنا...وفرشت لها بداخل
قلوبنا..حصير من دم...معطر بآكليل الفل...
فلسطين لستِ وحدكِ...ولم تكوني في يوم وحدك...كل له وطن...كل له ارض يعود
اليها...ولابد في يوم من ان تفتحي احضانك ,,لتسقبلينا..شهداء..او..فاتحين...
فلسطين آرفلي...بثوب الشهداء...مآجمله عليك ياملاك...وماجملك ياعروس..
ومأجمله..من ثوب..صنع... آثمن من اي بريق...و.. اندر من اي جواهر....
صنع من دمائنا جميعاً...خليج..وعرب..و..آتراك... او.. اجناس اخرى...من كل من عشق الحريه..
وفك الأغلال...
يوماً ما...كلنا..سنعود...لأرض الميعاد....يوما...مآ....آنتظرو يا ظالمون...وانً
منتظرون..آساطيل الحريات....
بقلم\جســــــــــــــار الـــــــراســــــــــــي.....
طوى الجريده ورماها بقرف على السكرتير....\يعني يا يستلم اليهود..يآ
يستلمنا.....!
.........

آقسى { آآلم } .. لآ صـرت بآلحـيل " مجـروح ...

مـن شخـص حآلـف { مـآتجي منـه زلــهـ ..!!
....

آمام شقه مشبوها...
عناد بصوت آمر\ناد لي قائد الفرقه ...
ماهي الا لحظات ووقف قائد الفرقه يلقي التحيه العسكريه لعناد \آمرك سيدي...
عناد \المكان خطير جداً ..قريب من ها الشقه مدرسه اهليه لبنات...
مافي مجال نخلي الكوره بملعبهم اكثر من كذا..
الاشخاص الموجودين بشقه..عددهم اربعه...
والمكان الي مقابلهم عماره سكنيه...تارك اثنين من القناصه يتمركزون
فيها...
القناصه راح يتكفلون فيهم..مكانهم مكشوف...وسهل لنا..لكن اذا كان العدد اكثر من اربعه هنا المشكله...
الضابط وهو يرفع عيونه لجهت الشقه الي كانت بدور الثاني\حنى بنقوم بهجوم مشترك...انتم تغطونا...
ونحنى بنكون الأرضيه..
عناد بنظره متفحصه...\مافي مجال للغلط...لاتترك ثغره..نبيهم آحياء..او..جثث...مانبي جثتك...
مشى عناد تارك الضابط...وتوجه لنفس المبنى الي تمركز فيه يوسف وشخص ثاني من الفرقه..
اعطى الضابط توجيهاته بعد لحظات ...وبدى الهجوم...
في ها الوقت كان عناد ياخذ مكانه عند شباك احد الشقق بعد ان اخلو العماره من عمال البناء...
يوسف بمكان قريب من عناد والعلك بفمه..\اربعه..! ليش طالبينا..؟معطين الوضع اكبر من حجمه..
عناد بهدوء\ركز على شغلك وانت ساكت وارمى ها العلكه...توترني...
يوسف بضحكه\تصدق ها الي لابسه على وجهي كتمني...ارميه وماحد بداري..مايشوفنا احد اساساً..
عناد بعصبيه\يوسف..حنى مو قاعدين نلعب.. الحين بعملية بطل حركاتك ..مانبي اي ثغره من جهتنا...
يوسف بدى يغني بصوت واطي وهذا وصل آعصاب عناد لحافة الأنفجار...
عناد مايبي يشتت انتباه...نزل عيونه بحذر لجهت المنظار..المثبته با البندقيه تبعه من نوع دارغونوف...
وجها لشباك مفتوح..
مقابله لجهت الآشخاص الموجودين با الشقه...
يوسف بستخفاف\خلنا نطير راسه وننهي العمليه...شكل ها الضابط نام...
عناد بصوت شبه حاد\يوسف بكلامك وهذرتك ...شكلنا حنى الي بطير روسنا..اسكت.؟
يوسف بضحكه\تطير روسنا...ضحكتني...والله مايطلع مكانا الجن الآزرق...
آبتسم عناد ورفع عينه عن المنظار والتفت لجهت يوسف\لابو من حطك معي بنفس العمليه..
هو والدجه اخوان...! يامسطول..
ماراح نتدخل الا اذا تطلب ها الشي منا والوضع الى الان مايتطلب.... يوسف
وش فيك اليوم..؟
ماكمل عناد..جملته...حتى...آنقلبت الأيه...وبد الهجوم عكسي....على الشقه ...وعلى فرقة القناصه...
يوسف يتراجع بسرعه لورى الشباك وهو يسمع انين وبصراخ\ سامي شكله انصاب...!!!
كيف آنتبهو للمكان الهجوم ماهو من الشقه...؟
عناد ينبطح على بطنه وبحده...\لازم نغير المكان.... فيه كمين....؟
يوسف بتوتر\كيف نغيره...صرنا مكشوفين....هم اكيد با الشقه الي فوق شقة الأرهابين...
عناد بذكاء حاد وسرعة بديها حاضره..\لا....جايهم دعم....يعني راح يكونون با السطح...
مستحيل يدخلون اي من الشقق الي با العماره...علشان يسهل عليهم الانسحاب...
ومكانا واضح لهم...ومن طريقته في اصابة سامي...هو...!
يوسف \الحل..لازم نتخلص منهم بسرعه...والا مصيبه راح يتئذى كل الي دخلو الشقه...
وخاصة لسا ماجاهم دعم كافي..
عناد يرفع عيونه لفوق...انتبه لشباك الجديد الي توه مركب...وواضح من زجاج عاكس...
عناد بهدوء\يوسف حرك الشباك الي جنبك خلني اشوفهم زين واتئكد من مكانهم....
حرك يوسف الشباك بهدوء حتى اتضحت الصوره لعناد ومن بعدها..\خلاص شفته...واحد....مثل ماتوقعت قناص..
مانتهى عناد من كلامه حتى انكسر الشباك ...
يوسف\وجع ماخبثه....
عناد بحده\راح اطلع من ها المكان...بطلع لسطح...مارح يتوقع اني اطلع...وهي فرصه ...صابته..او صابني...
المهم اذا انا...انقتلت....لايطلع من يدك...يوسف ...لايطلع من يدك....هذا قناص..
انت خلك ملهيه با الشباك ارجع افتحه وسكره..خله يعتقد..ان حنى لسا ماحددنا مكانه....
يوسف بتوتر\الله معنا.....
زحف عناد على بطنه حتى قدر يطلع من الشقه.. وقف بسرعه ..
وطلع الدرج وهو يطلع الدرجه درجتين من السرعه...
ماهي الا ثواني وتوسط السطح....
ابتسم اكثر وهو يشوف طراز السطح الي ساعده على خطته...طراز قديم مليئ با الفتحات...
جهز نفسه وثبت مكانه اتضح له مكان القناص....توكل على الله...لكن انصدم من الرجفه الي اجتاحت كفه
من جديد....
عناد بقهر\ماهو وقتك...ماهو وقتك...
ضرب بكفه واجة الجدار..بعنف.....حتى حس العروق راح تتفجر من الدم الي احتقن فيها....
رجع ثبت يده على الزناد...وماهي الا لحظات....ليعلو صراخ يوسف با الشقه الي تحت....\سلمت يمينك...
آعتلت ابتسامته اكثر وهو يشوف...الفرقه الي دخلت الشقه طلعت با الأرهابين..
لكن عقد حواجبه بستفهام عن القناص...!وعن معرفته لمكانه ومكان سامي ويوسف..!
....

..
....

آقسى { آآلم } .. لآ صـرت بآلحـيل " مجـروح ...

مـن شخـص حآلـف { مـآتجي منـه زلــهـ ..!!
....
قصر العاجي....
نزلة المبخره...العاجيه...بئلوانها الغامقه..وحبات الكرستال المزينه قاعدتها....وتراقص رائحة
العود (كلمنتان)..المميزه والنادره ..بجوائها....
نزل فنجان القهوه وآبتسم على همسها....صوتها كله همس..لكن آذا تغير..مزاجها...فهو...ينقلب
تردادته...ولايصبح يمت للهمس بصله....
الظبي من جديد\ياحلوك يابتال وها المبسم الي عليك...ويقولون الظبي جايبه زينها من جدتها...مآيشوفون
شيخ الزين وساسه...
وضحت ابتسامة بتال اكثر حتى سمع صوت ضحكها\انتي اذا بغيتي تخشين في مواضيع..تبدين تحورينها..
وتعطرينها...من ثم تلف مثل الهدايا ..عجيب آسلوبك...
الظبي تقوم من كرسيها البعيد...بخطواتها الخفيفه جلست على نفس الاريكه الجالس عليها بتال...\آنت بس
جرب ها الدهن...
فتحت التوله ومن غير حتى ان تعطيه مجال ..لمناقشه...حطت التوله بين كفوفها لتغرق بدهن العود من ثم مسحت
فيها بخفيف على خدين بتال....من ثم قربت كفها خفيف عند انفه\ها شرايك..بذمه مايستاهل الي دفعته فيه...
بتال مبتسم \ياظبي في كل شي ماحد يسبقك...ماشميت بمثل ريحته عند احد....ماشاء الله عليك...
غرقت الظبي بضحكه..\عارفه...بس ماهو بموضوعنا...
ناظرها بتال \انا قايلك من الاول ادخلي في الموضوع..
الظبي تمسح بقايا دهن العود الي بكفوفها شعرها...\ثالثه..!
بتال بعقدة حواجب\ثالثه..!ثالثة ايش.؟
الظبي \يعني زوجه ثالثه...حالك ماهو عاجبني...الاولى وبنات والثانيه ماالله عطاها...يعني وشلون..نقعد بياسر بس..
لازم لبوي احفاد....ولازم لبناتك اخ...يكون سندهم..وعضيدهم..وعزوتهم...مثلك لي...
آبتسم بتال وبسخريه سكت ولف لجه الثانيه..من ثم التفت لها..\آنتي..وطارق بينكم شي...
الظبي بستغراب\لا..ليه...
بتال\شغاله فيني انا وياسر...ماعندك شي تلهين فيه...غيرنا...
الظبي بمكر\الله يهديك يا بتال..هذا وانا صافطه لك الخير...
بتال\لا مكفيني الخير الي صفطه ابوك لي...لها الحين وانااتقلب فيه...
لحظات صمت ...دقائق قليله..كسرها..صوت الظبي..
الظبي\انا وابوي نبي لك ولد...انت مثل ماتشوف..ماهو من كثرنا...ها العايله كلها مافيها الا ثلاث رياجيل
ابوي وانت وياسر...
بصمت مطبق....حركه...لمست يده لكفوفها...\شوفي لك موضوع ثاني...انا بلي معي ماني خالص...جايه
بعد تزيدنها....واذا...فكرت اغير..ها الحياه الي رسمها لي ابوي...صدقيني تغيري لها ماراح يعجبكم..
رجعت ظبي ظهرها لكرسي..\لايكون بعد ماشاب الشعر بترجع تكرر اخطائك...آنتبه...ترى ابوي ماهو
قوي مثل اول..لاتجيب اخرته...وساعتها انا الي ماراح اسامحك..وصدقني مهما كنت غالي ..ويرخص لك
كل غالي..ماراح احد يتهنى في حياته بعده مني...
صد عنها بتال بنرفزه....
....

آقسى { آآلم } .. لآ صـرت بآلحـيل " مجـروح ...

مـن شخـص حآلـف { مـآتجي منـه زلــهـ ..!!
....
مكان ...ثاني...حديقة الراسي..
وبساعه متئخره نوعاً ما.....
بخطواته التي كسرت الصمت المطبق على المكان..
بهدوئه الجميل المميز اقترب من الكراسي الخوص الموجوده بحديقة الفله..,,
وبتعب يفك الواقي..الي اثقل روحه قبل صدره...وملابسه اكتست با الغبار....
نزله على طرف الطاوله ..لكن الواقي اخطئ الطاوله وطاح على الارض ..
جلس عناد بتعب وترك الواقي مافيه حيل حتى يرفعه...
قطع عليه سرحانه كلماتها الساخره\الله لاكان جاب الغلا ..ولاسنينه..!
ابتسم قلبه ..بعكس تعابير وجه..التي ابدعت في التمثيل..
..,,وبا الصدفه كان مقابلها..,,
عناد ببحه وهو يضغط على كفه بصابعه \نفسي في يوم تاكلين تبن وتسكتين اذا شفتيني ..
مو لازم موشح الترحيب حقك ترى اعفيك عنه..!
تشرب عصير المانجو ونظرات مسروقه يجهل من لايعرف شهد سببها..
فاجئها عناد بلفتته السريعه... ونظراته المركزه على عيونها بصرار على آنكسارها...
شهد بتوتر\عناد مخبي شي وبتسوي اجوائك المرعبه يعني..؟
ترى اجواء الأكشن حقتك ماحبها..وللعلم..ماتغثني..يعني ماراح توصل مرادك!!
ارتسمت على فم عناد ابتسامه \ماني بمخبي شي..!ليه معودك!!
شهد تنزل الكاس بتعب\ارتاح ..ماعودتنا الا على كذا...الغثه بجميع انواعها والوانها..!
سكت عناد والتزم الهدوء..,,ماهي الا لحظات ورفع راسه ..\شهد...انتي ليه دايم موقفك حاد معي...؟
اهتزت في ها اللحظه آصابع شهد... وهي تنكمش على ياقة بلوزتها...
بلعت ريقها بخوف..عناد بحضوره المرعب..وكيف وهو ناوي على جلست
مصارحه غريبه ..؟
ماهي منتظرتها منه.. وماهي مستعده لتباعات هذي الجلسه الصادره من شخص
ماهو مرغوب فيه بعالمها...
عناد يكرر السؤال... لكن بشكل أخر وبصيغة آخرى تماماً\شهد..ترى انا بعد اخوك..!
اذا تعبتي بتلقيني اول صدر يحضنك..اذا آحتجتي
كتف انا كتفك الي تسندين عليه..
مهما قلت وكثرة..ترى انتي اختي الوحيده..,,ماعرف أصفصف حكي مثل جسار ..؟
وماعرف انمقه مثل ريان..؟
لكن صدقيني هذا من جوى قلبي..
مابي اشوفك تتئلمين ...و..لا..تزعلين ..و..لا...حتى تحسين انك وحيده يا..
قاطعته شهد بشراسه تركته يتراجع بجسمه لورى لخلفية الكرسي\يعني تبي تقنعني ياعناد بئنك تحب احد غير
نفسك..؟
ماراح يئثر كلامك في
احد..؟ ولاتصرفاتك الغريبه...انت عناد وعناد مايتغير..الا.. اذا تغير شي بها الكون ثابت..!
يمكن جسار يتقبلك ...؟
لئنه يتقبل جميع التصرفات... وأرض خصبه لمتصاص اي شي يسقط عليه من الغمام..
لكن انا وريان لاتتفائل ابدا..ان نتقبلك..
انت.. و..انا ....وريان مانتفق..مانتفق...مانتفق...
ارتشفت العصير با الامباله... مانتبهت لثوره العارمه الي اجتاحته...
مانتبهت لئنها كسرت شي جاهد سنين يقوله ...مانتبهت انها غرست سكين
الوحده الي تقتله...
سنه ..
وسنه..
وسنه ..
ومن ثم سنين..
كانت عيونها تسترق بخوف اقترابه منها...كئنه آعصار ينتظر ان يثار وافلح من اثاره في زحفه له...
ارتجفت شفايفها بخوف ..قاومت بشده مايظهر عليها... لكنها خانها وعيونها تستقر على قطعات الزجاج
المتناثر من كاس المانقا في الأرضيه...
كانت حركة عناد الغاضبه ..رد فعل اقل من طبيعي توقعته شهد منه..
عناد بحفيف صوته الغاضب\عمرك ماتقبلتيني... لا...انتي ولا ريان ..لكن خلي في بالك أنا
راس السبحه الي بيد الملك...!
وحقدك الي من سنين يبان بنظراتك قبل كلامك ..
عساها يزيد ..وان كان حقدك بدايته
رواف يوم خطبك..؟ وانا رفضت..فلعلمك اجل...لو يجي كل يوم يخطبك..
لو يجيب كل من كان صدر مجلس عند
قبيلته..
لو يجيب كل من قال انا شيخ ولي حق ..
لو يجيب..كل غالي..وكل كايد...
ماني بموافق ..!ودامني حي ماراح تاخذينه...صايع ضايع
لاوظيفه ضفته ولاشهاده ترفعه...
آشار بيده عناد لسماء ورفع دقن شهد بعنف\شفتي هاذيك النجوم الي جنب بعض...هذي ينقال
لها الثريا...اذا جابها وحطها لي في يميني ماهو ماخذك...!
تراجع بخطوات ثابته بعد ترك دقن شهد بقرف...وسحب الواقي بعصبيه....تركها تنفث عصبيتها..وهجومها....
شهد بصراخ\آساساً..اذا هو صايع وضايع...انت ماتعاشر..تفهم وشلون ماتعاشر...ماحد لام عبير يوم هجت
وتركتك...
انسان حاقد..وماتحب احد...آساساً انت مهزوز من داخل...
ماتحب احد...ومافي احد يحبك غير جدتك...
اكرهك ...اكرهك...ياعنيد...
ياآناني...
لحسن حظ شهد...ان عناد دخل الفله وماسمع اي شي من كلامها..!
... ....

آقسى { آآلم } .. لآ صـرت بآلحـيل " مجـروح ...

مـن شخـص حآلـف { مـآتجي منـه زلــهـ ..!!
....
...
يوم جديد...
...
الظبي وهي ترمي الجريده القريبه منها على الطاوله....وتوقف\شف ها الكاتب وش مهبب...شوي ويصرح
بسم ابوك..واسمك طال عمرك...!
هذا غير الي عرفتهم من التجار ..واغلبهم شركاء ابوي القدماء...
نزل عيونه بتال لجريده ....طاحت نظراته على صورة صاحب المقال..\جسار الراسي...؟
الظبي تتجه لصينية وتحط لها بيالة شاي...وتزيد السكر بكم مكعب...\زين شكلك تعرفه...
دور له اي مصيبه
تحذفه ماعاد نسمع له صوت...
وش قاعد يقول..وش قاعد يهبب هزلت والله...هذا الناقص..ماعاد يبقى غير..
مقرن العاجي هو سبب فيضانات جده..وهو سبب غلاء الأسعار..وهو سبب طيران أسعار الحديد...وهو سبب
انلفونزا الخنازير وكل بلوى تطيح على السعوديه خاصه والخليج عامه...يصير مقرن له يد فيها..؟
الكلاب اذا نبحت تبي لها عظام....أغرها بلحم مسموم يجيب موتهآ...
مآبي اقرا له مقالات بعد كذا ...
بتال بنبره محايده...\ظبي انتي ماتعرفين جسار الراسي...شكلك..؟
ترى جسار ماهو من الصحفين او اصحاب
الاقلام المأجوره الي نقدر نسكتهم بكم قرش...له مبادئه الي يدافع عنها بشراسه...
هذا اولاً....ثانياً...انتي تحسبين السعوديه كلها مافيها عايله واصله الا العاجي...ياظبي....آذا فيه ند قوي..
لبوك..فهو عناد الراسي الله يرحمه...كان داخل مجال الحديد كمجال ثاني..لمجاله الأساسي وكزياده في مجال
ارباحه...وكان ند قوي جداً لبوك...لكن توفى الله يرحمه..بمعنى ثاني..ومبسط...الراسي مانبي ندخل في
اي مواجه..معهم...وهم آساساً ماهم بمجالنا..ليش نحتك فيهم ونولد صراعات...حنى وهم في غنى عنها..
آذا عنده حكي..خليه يحكي...ويطلع لعلى جبل...ماراح يضرنا ..اذا ماعرقل مصالحنا...
لكن اذا عرقلها هذاك الوقت..فيه حلول كثيره راح تنطرح...وماظن انها تكون بصالحه..
آرتشفت الظبي بعدها بصمت بيالةالشاي الي بيدها وبابعقدة حواجب...\اسمع كلام اختك..وسكته قبل نوصل ليوم
يصير هو العظم الي في البلعوم...
بتال من غير مباله \عظم ببلعوم من..؟اذا قصدك التجار الي يحوس فيهم صبح ومساء...فعليه با العافيه..
آما ..آنا...آنتظره بس يعدي الحدود الي راسمها انا له...وساعتها....بعلمه ..العب على اصوله...
الظبي \تصدق انك خوفتني تو..قلت انقلب لشريف مكه...!
ناظرها بتال بصدمه\وش تقصدين..؟
الظبي\الله واكبر وش اقصد..يعني مافيه نظافه تامه في شغلنا..الا تجي خلطات سريه...هههه
بتال وقف بعصبيه\انا على قد ماقدر...مابي اخش في مكان كله الغام..وللمعلوميه يا ظبي...انا لو اني
ماني مع ابوك...كان شفتي كلنا نمشي بحقل كله الغام....ماراح نسلم منها...وامثال جسار..راح يدخلونا بمتاهات
مانطلع منها....
الظبي تمت ساكته والتفتت لجه ثانيه..بتفكير...

....
آقسى { آآلم } .. لآ صـرت بآلحـيل " مجـروح ...

مـن شخـص حآلـف { مـآتجي منـه زلــهـ ..!!
....
...
فلة الراسي...
شهد على طاولة الاكل ..تغمس قطعة الخبز با القشطه..وريان كان مخلص فطوره بس جالس يشرب قهوته..
عناد نازل من الدور الثاني من الدرج..بسرعه لفت انتباه الخادمه وهي تنزل اطباق الفطور
عند ريان و شهد الي مستغرقه با الاكل..
ريان بصوت مرتفع نبرته تهكميه\قايمين طيور الظلام اليوم..يالله صباح خير...
شهد تضحك...وهي تعطي ريان نظره ..برسالتها زد الجرعه..وبتئكيد ريان مافاتته...
عناد بسخريه\انتم متى تطلعون من ها البيت ..؟هو مافيه مجال تحسون بدمكم انكم مضايقينا هنا..؟
شهد ماطالعته تمت تاكل بهدوء ..وتشرب علبة البيبسي الي جنبها...وفمها مرسوم عليه ضحكه ..أقرب لسخريه
من ان تكون ضحكه بريئه...
توجه لطاولة وبقرف ويضرب راسها بطرف آصبعه\حد يفطر على بيبسي..!مقرفه بزياده..!
يعيد ويزيد بسخريته الدائمه\من سنتين وانا مارتحت هنا..؟الله من الغثى الزايد...
شهد بحده\انقلع لفلتك حد حايشك..نحنى هنا مثلك ..ما ..لك تمام ...لا..زياده ولا..نقصان!!
آنصدمت شهد بقبضته على معصمها... من ثم سحب يدها بقوه حتى وقفت...تعابير وجها الخايفه
من التعابير المرسومه على وجه عناد...ماتنبئ بشي...وهو مايفلح اي تنبئ معه..
عناد \اوووو ماخبرتك اني بعت الفله انا استقريت هنا ..
ماتشوفين السواقين يشيلون لهم عفش لجناحي..للأسف بنشب لكم...!
شهد ميلة فمها با الأمباله\اساساً انت مسنتر اربعه وعشرين على اربعا وعشرين مافي فرق..
عناد ميل فمه\لا في فرق الغثاثه لكم بزيدها جرعتين لحد ماتطلعون..
شهد ببحه\فك يدي...طيب..
عناد وهو يلف يدها بقسوه\ان عدتي قلة آدبك ثاني مره..صدقيني...الصرع الي فيك آهون ..من الي بجيك مني..
آنكمش وجه شهد بخوف وهي تشوف ريان ماسك يد عناد الثانيه..
ريان بجديه\فك شهد...واذا فيه شي بيصيب احد فينا فصدقني مو مخطيك...
فك عناد شهد ...ولف بطريقه سريعه..لريان...
ومسك ياقته وبحركة سهله من عناد...نزل ريان بقوه على
طاولة الفطور....وتناثرة الصحون...
آوقف المشهد قبل ان يبدئ...حركه سريعه من شخص رابع توسط المكان..
سحب عناد بقوه من ريان..وبصوت حاد\اذا انتم أطفال مستعد آرجع اعلمهم الأدب من جديد....؟
تراجع عناد للخلف..وبآبتسامه ساخره\الله يهديك يابو درر كنت بس بسوي لهم عقاب بسيط...
مايحتاج يعني تدخل..بس فركة اذن..!
ريان..بعصبيه \جسار لاتدخل بينا ثاني مره..!
عناد بتهكم \جسار لاتدخل بينا ثاني مره...احمد ربك بس..وكل تبن واجلس ورى اختك...جسار لاتدخل بينا ثاني مره...!
جسار بحده \الحين وقفتي بينكم ولاشي...!ماتعني لكم شوية أحترام وتقدير....اذا ماتعني لكم...خبروني
عشان يكون تصرفي غير الي انتم متعودين عليه..
ريان يطبع قبله على راس جسار وينسحب بهدوء....
عناد يمشي لجهت كرسي مترئس الطاوله وبهدوء\محشوم يابو درر ..قدرك على الراس..بس ها الكلاب
لازم بعصى على روسهم عشان يمشون صح...
شهد ترمي المنديل على السفره وبصوت خفيف\استغفر الله بس...
مشت بسرعه حتى لحقت ريان وطلعو الاثنين لدور الثاني.
تنهد جسار وببحه\الحين انت وش فيك عليهم..ياعناد يرضيك يعني امي تشوف ها الحاله والآ ابوي...يرضيك..
عناد باابتسامه\احب امزح معهم..!بس شهيدان قلة ادبها تستاهل ماجاها..مع انها بس مسكة يد بسيطه
المره الثانيه بكسر عظامها لين تفهم الأحترام..
جسار جلس على الكرسي القريب من عناد وبصوت عالي نادى على الخدم يغيرون السفره...
ويحطون اطباق جديده..
من ثم التفت لعناد..\لا والله الي اعتمدت على رياجيل...تطاقيتو عندي...وشلون لو غبت عنكم...؟
عناد سحب الجريده وهو يشوف هجوم جسار على التجار \يآخي انت مبدع..من وين تصفصف ها الحكي ..
وترصه في مقال...مايلامون يوم ارسلو لك
تهديد ..اتلفت اعصابهم المساكين..مابقى الا تقول فلان وفلان..تصدق اني عرفتهم من تلميحاتك..
..بجديه ناقضت النبره الساخره الي تكلم فيها قبل \دام انا حي اتنفس ......آنس ان احد يقدر يئذيك وانا باقي فيني
عرق ينبض..!
آبتسم جسار لكلام عناد..وكيف حركاته مكشوفه لجسار اذا كان قلقان ويفكر..يبدى يتسلى بريان وشهد...
شي مضحك لجسار...عناد شخصيه مركبه كشف تركيبتها جسار..يبني لنفسه آسوار عاليه..ويتمركز في قلاعها..
يجبر نفسه على الانطواء...بجلباب الجده...الشخص الوحيد بنسبه له نبع حنان متدفق..ولاينضب..
آقترابي منه في مراهقتنا..ماكان سهل..كانت شخصيته اكثر عدوانيه وانطوائيه من الان...
كان صدره يحمل الكثير والكثير من علامات الاستفهام...يطرحها من بين نظراته..
مرة سنوات دراستي ..ببطئ من ثم سريعه.....جعل الروتين يجبر عناد من التقرب ..من ثم آلفه..من ثم المحبه..
لكن الشي الوحيد..والى الأن...يكره تقرب اي شخص من الجده..
لاحظتها او تجاهلتها..بنظراته..
يكره اي تقرب...كان بقصد او غير قصد...آناني جداً في حبه لجده..
من بعد سنوات دراستي وتخرجي...
زواجي....وزواجه الفاشل..
قبل كم سنه..اجتمع شمل العائله وتئسيس الوالد لمستشفى لرياض..واستقرارهم ....
من ثم زاد الامر تعقيد بنسبه لعناد..
قطع سرحان جسار ...درر ووسن يطبعون قبلتين على خديه...
عناد بضحكه وهو يسحبهم لحضنه\ايا الدجاج..وانا مالي نصيب..آفا والله...
.......

آقسى { آآلم } .. لآ صـرت بآلحـيل " مجـروح ...

مـن شخـص حآلـف { مـآتجي منـه زلــهـ ..!!
....
بيت ابو مناف..
ملوك تلبس صندلها...وتسمع طق الباب الخفيف..\تفضل...
مارفعت راسها وتمت تلبس الصندل ومانتبهت لشخص الي توسط الغرفه..
استوت ملوك واقفه...وذبلة عيونها لما شافته قريب منها...
ملوك بشموخ\نعم...وش تبي بعد...تكمل الي بديته...مانت ماشاء الله عليك...مافلحت الأ في ها الشي...
مناف بتوتر...\ملوك...آنا...
جلست ملوك على السرير وفتحت الكومدينه تطلع جوالها...آنصدمت من ركوع مناف عند ركبها بضبط
من ثم نوبة بكاء اجتاحته..لتسري بئلم في عروقها....
مناف ببحه\تكفين ملوك سامحيني..تكفين ملوك..والله ماكنت اقصد..والله مابي ائذيك ...ملوك والله انتي
كل شي بحياتي...
ملوك حاولت ترفع جسمه النحيل ليرتفع من وضعية الركوع\مناف لاتسوي فيني كذا...لاتقعد تبكي...
مناف انت رجال..قوم..لاتركع لحد...انت كم مره تبي تذبحني...
ارتفع مناف بمساعدة ملوك حتى جلس مقابلها على السرير من ثم رمى راسه بصدرها\والله ياملوك
مابي اطقك بس الشيطان الله يلعنه...
حست بئلم يسري بعروقها ...ضعف مناف يهدها...شخصية مناف ماهي قويه وسريع التئثر...
وهذا الي تركه بها الوضع..لاناجح دراسياً ولا..في حياته العمليه...
التمامه على شلة سوء..بدايتها دخان..نهايتها ادمان...
حاولت معه مراراً وتكراراً...هو ماوصل لمرحلة الهروين..مازال في البدايات..والبدايات دائماً تقود لنهايات
المؤلمه...
فقر....كبر في سن الاب...وغياب لوجود الام....
ماتقدر تسوي شي..لازم له وقفه صارمه من رجل....
يرجعه لطريق السليم..قبل الهاويه...
يآسر...يكفيه الهموم الي على راسه..والمساعده الماليه منه..الي يقدمها لعمته..وهي عارفه ان المبالغ
الي قدمها..مو لعمته وبس...وحركات اشتهيت لكم كذا ..وكذا.. وفي النهايه امتلاء تام لثلاجه..وخاصة برمضان..
شي يكسرها دائماً....اكثر من انه يقربها له...
مسحت على شعره بحنان\تكفى يامناف..اصح لحالك...تراني تعبت والله..
مناف بطفوله نسى انها كبرت واصبح في مقتبل الرجوله..مازال يبحث عن الحنان المفقود..
على اكتاف ملوك وبصدرها..
انفتح الباب في ها الوقت...وابتسمت فلك لحتضان مناف لملوك...\ياهههها ذكرتوني بخوي..بروح احضنه
يالله ياسر جايب فطور..وعلى فكره تراه مقدم لك اجازه اليوم...يعني الغدى عليك هههههههاي...
ابتسمت ملوك من بين دموع مناف...\يالله شويات ونازلين...
سكرت فلك الباب بابتسامه وتركتهم...
مناف يشوف الكدمات بذراع ملوك...وبنظره مكسوره \والله اسف عساني الموت الي ياخذني...وتفتكون مني
ملوك اوقفته بصابعها على شفايفه\تكفى لاتدعي...يالله انزل اسبقني وانا جايه لكم...
وقف مناف وطبع قبله على جبين ملوك..اخفى فيها ضعفه ..من ثم طلع...
تنهدت ملوك...\يارب..يارب..افرغ علي صبر...يارب ساعدني..ماغيرك يشوف حالتي ويعلم ...الحمدلله على كل
حال...ماهو اعتراض..لكن رجاء...
وقفت ملوك....وخذت جوالها بتنزل تحت..
في ها الوقت كان ياسر وفلك ومعركه حاميه...
ياسر\وش موضوع يم موضوع...اقول اهجدي كل يوم تسلخين علي با الخطاب جاني فلان بن فلان وجاني
علان...وفي الاخير..ماحولك احد ياسعيد...!
فلك تكتم ضحكتها \لعنبو بليسك وارث مني كل شي حتى خفت الدم..انثبر بس..والله ان عندي موضوع يمكن
يكدر خاطرك..
ياسر يرمي الخداديه عليها\خليه في بطنك لين تنزل حوريتي ..وبعدين قوليه..ماعرف اكمل صباحي غير
بشوفتها..احس الروئيه عندي ضبابيه اذا ماشفتها هههههاي..!
فلك تبعد وجها عن الخداديه لاتصيبها\وجع يوجعك لين تعرف قدر الخاله..ترى الخاله مثل الام..ياعساك الصلاح
والله انه بعيد عن ها العيون الي تسبل للي رايح وجاي...ياوريث رشدي اباظه في القز..
والآ اقول استغفرالله الرجال مات..ماحنا بلاحقينه
الا بخير...الله يرحمه..ويبشبش الطوبا الي تحت راسه...
تبدلت ابتسامة ياسر الساخره..لوجه آخر...امتلى با العصبيه...وتغير فجئه..بوقفته السريعه...
وهو يشوف مناف يتوسط المكان...
ارتفعت وتيرة صوت ياسر ..وهو يمسك مناف... بياقته من ثم يرميه بدفعه واحده بيده لكنبه الخلفيه \مدمن
وترفع ايدك على البنات...
نزل ياسر من جديد لمناف...من ثم مسك مناف وبنيته العضليه..سمحت له بسهولة الحركه...ليرتفع
مناف معه كاورقه...ثارت عاصفه لتخفيها تماماً...
مسك فكه وبعصبيه........ولهيب انفاسه تسبقه\قلت لك آخر مره ان ضربت ملوك ماراح تشوفني ساكت ..؟والظاهر
انك ماتسمع الكلام الا بكم كف...؟
آوقفت يده الممتده على مناف..يد ناعمه احاطت بمعصمه لتسحبه بقوه...!
ترك..مناف..على نظرات العيون القاتله الموجه من ملوك...
وبوتيره حاده آنهت الموقف...\مو مسموح لك تدخل بشي مايعنيك...!ومو مسموح لك تمد يدك على رجال
طولك وساكت بس احترام لك...ومو مسموح لك تقلل من احترام الي تشرب من دلته...ومو مسموح لك آشياء كثيره
تجاوزتها....!
تراجع لورى بخطوتين خفيفه ..من تغير موقف الهجوم الي كان متخذه لموقف دفاع..وهو ينتبه ليدينها الرقيقه
تدفع صدره للخلف..ليتراجع ...فقط...من تئثير الصدمه....؟
آلجمته..نظرات عيونها...قبل كلماتها...
من يدافع عنه..غيرها....؟
وين يروح...الا لها...؟
.ليه ها العيون
الحين تنفيه.....؟
وكل الي سواه..ان يجمع آشتاتها....
ليه ها الرموش..كما سيوف..تتفنن..في قتله..
وهي مسلطه له وبوتيره ماقدر يترجمها...
ياسر برتباك وهو يخفي صدمته \خلي ها الكلب يحترمك..ويترك آدمانه..انا جالس آدبه..هو على باله
اذا خالي كبير بسن ان البيت هذا مافيه رجال...؟
ملوك بشموخ آنثى..آبسط حقوقها...آثبات...آشياء ينكر وجودها....!
وجهت اصبعها لتحت كتفه قريبه من صدره وبحده\والأكيد ان مناف هو رجاله...ماهو واحد من العاجي...!
دارت عيون ياسر با الغرفه..وهو يعد آنفاسه قبل لايسوي شي يندم عليه...
تعلي صوتها...وتجاوز خطوط حمرا كثيره.....
منى متى ابعدتني ...عن ها العايله..
آرتاح لنسحاب ..فلك ومناف من الغرفه....
حاول يعيد توازن الأمور من جديد..مآيبي يجرحها..\آنتي اكيد بعد طق مناف جايك شي في راسك...!
آنتبه ..لرتخاى عيونها...من ثم نزول..وكئنه يشبه الركوع..
آو..بوصف آخر...مغازلة الرموش لخدود...لصف طال صبره
لمعانقته...
من ثم آرتفاعها في أقل من ثانيه ليسبيه من جديد ويقيده...باغلال من حديد...\آخر مره
أنبهك...مناف....ماترفع ايدك عليه...آذآ تحب تفرد ها العضلات...آفردها...على آمثالها....؟
ماقدر يتحكم بعصبيته...\ترى ادفنك بمكانك...من قاعد اصارخ عليه من الصبح...قاعد افهم ها المناف مايجرم
فيك..والظاهر انك جاز لك طقه...عشان تشوفين غلاك عندي...اذا بيطقك ثاني مره....لا احد..يخبرني....
ملوك بحده\مافيه غير عمتك يادكتور..هي الي وصلت لك الخبر طازه...
كان ياسر مستعد لرد...لما دخلت فلك وبطريقه ساخره\آنا ماني بسوسه...بس خفت انك تموتين من الطق
عساك ماتقومين...ذبحني الجوع...جايه آخذ..الفطور وانتم كملو خناقكم....ترى ماحد بيمكم...مناف طلع..
واخوي ياقلبي عليه نايم وانتم كملو كملو...لايردكم الا الجدران اذا تصدعت..عاد بتدخل...عشان بس
السقف لايطيح على روسنا...
..........

آقسى { آآلم } .. لآ صـرت بآلحـيل " مجـروح ...

مـن شخـص حآلـف { مـآتجي منـه زلــهـ ..!!
....
الجريدة ..
فتح باب المكتب...\الحين الله يهديك مشغلني رايح جاي..اودي بناتك..وتكلمني اجيك لجريده...ترى لي
حياه ثانيه ...
وقف عناد بمكانه والبسمه ترتسم ببطئ على شفايفه....
جسار ينزل رعد من حضنه وبآبتسامه...\شهر ماشفنها..دقيت على آمه آستئذنها...ووافقت..,وارسلت السكرتير..
وهذا هو الشيخ..ولأول مره ينور مكتب عمه...
نزل عناد على ركبتيه يفتح آذرعه لرعد...ليحضنه بحب...من ثم يعبث بخديه بقبلات كثيره...
جسار يمشي لجهتهم وجلس على الجلسه القريبه من عناد وآبنه...\آنا ماني قادر استوعب..الولد..كيف يتذكرك
الحين لك منه شهر يا الظالم ماتشوفه...المشكله من شافك عند درر قال هذا لو يصير اب...مشكله..
وقف عناد ورعد بين ايديه من ثم جلس با الكرسي الي مقابل جسار..نزل رعد بحضنه وبدى يلعب باصابعه
في اماكن متفرقه من جسم رعد ليدخل رعد في نوبة ضحك...\الحين انت فاتح جريده او حضانه...لاتسوي
كذا مره ثانيه...انا لو ابيه رحت اجيبه...
جسار بعصبيه\كلنا نبيه..جدتي وامي وابوي..وحتى شهد لو تشوفه طارت من الفرحه...تدري اخر مره
زارت هي امه قبل اسبوعين تسلم عليه...ياخي ادمجه بينا..خله يعرفنا..تدري انه خاف مني اول ماشافني..
واندمج مع السكرتير اكثر مني....آتقى الله فيه..هذا ولدك....
صد عناد بعصبيه وحرك شعر رعد\عند آمه احسن...هذي هي عندها بنت...وحامل..يعني اكيد انه راح ينبسط مع
اخته واخوه او اخته الي بيشرفون...وزوج امه رجال طيب ..وامه بعد..ماهي مقصره عنه لافي حنان ولاحب..
عندها افضل بكثير
جسار\طيب وش المانع انه مايجي يعيش عندنا...يتربى بينا...يآخي اذا قصدك فترة غيابك لايهمك..سيوف
بتنتبه عليه مثل بناتها..
توتر عناد ووقف..ومسك يد رعد حتى ينزل\لا...عند امه افضل..مابي احرمهم من بعض....
آنتبه جسار لنوبة العصبيه الواضحه من اي تحريك ثاني انها راح تثار...فاماحب يزيدها\تعال رعودي
تعال ودعني...الله يهدي لك ها الابو...وماتطلع عليه بكرا..

.......

آقسى { آآلم } .. لآ صـرت بآلحـيل " مجـروح ...

مـن شخـص حآلـف { مـآتجي منـه زلــهـ ..!!
....
ببيت ابو مناف..
فتح الباب بقسوه ارعبتها..حتى اوقفتها بخوف..
ياسر وانفاسه تلهث..\كان خبرتيني ..ان عمتي جات عندكم امس...عشان على الاقل اعرف تفسير تصرفك الي
قبل شوي...
ملوك بثقه عارمه وصوت هادئ\وش تبيني اقول..جايه تتبجح بئنها بنت آطيب الفروع...وحنى...ماحنا بقد المقام..
والا اقول..
جايه تبي تضيف لي في رصيدي الي ماينتصف الشهر الا هو فيه مئات بس..وتوعدني بئنها تتزايد فيه الاصفار
ومن ثم الرقم الفلكي الي احددها انا...وفي حالة رفضي تهديدها لي بخوي..
وتقول لي رهاني فيك خسران...
هز كتوفها يدينه العريضه\ايه رهانك هو الي كسبان..
ابعدت كتوفها عن يديه وادرات وجها عنه\رهان مهزوز....مالقيت معه اي بر امان...!
مسك فكها وادراه وبعصبيه...ونظراته موجها لعيونها يستفزها من جديد...لبث كل شي بداخلها...مل
الوجع الغير مفهوم...مل البرود الغير مبرر..مل الانتظار لقرار معلق..مل الالغاز ..
ياسر بصوت غاضب\قولي لي ليش رهانك مهزوز...وش الي هزه....طلعي الي انتي مخبيته عني...قولي
يمكن تحصلين عندي اجابات لاسئلتك المبتوره..تكلمي..آنطقي..اصرخي..بس ابي اعرف...الي جواتك..لي ايش...
نظراتك همساتك كلماتك بسماتك وحتي دماعتك...كلها تقول انا مخبيه عنك شي...وشو ها الشي...ليه
ماتبين تقولينه...ليه ماتبين تحكين...
بعدت فكها من جديد..فتحت باب الغرفه وبصوت آمر\ثاني مره لاتدخل غرفتي وتسكر الباب...حتى لو انت
بمثابة زوجي...هذا الشي مايشفع لك...وماهو بمقبول لاعندي ولاعند احد من اهلي....لو سمحة انا تعبانه وابي
ارتاح...
نظرات ياسر المتعلقه فيها....ترجمتها خروجه الغاضب وصوت الباب الذي اعلن عن بعض غضبه...
.....
نقف هنا
همسة حب....
دعاء لحفظ القرآن1
قال رسول الله (صلى الله عليه وآله وسلم) لحد اصحابه...رضوان الله عليهم اجمعين
: "أعلمك دعاء لا تنسى القرآن: ’اللهم ارحمني بترك معاصيك أبداً ما أبقيتني،
وارحمني من تكلف ما لا يعنني، وارزقني حسن المنظر فيما يرضيك عني،
وألزم قلبي حفظ كتابك كما علمتني،
وارزقني أن أتلوه على النحو الذي يرضيك عني.
اللهم نور بكتابك بصري، واشرح به صدري، وفرح به قلبي،
وأطلق به لساني، واستعمل به بدني، وقوني على ذلك،
وأعني عليه إنه لا معين عليه إلا أنت، لا إله إلا أنت‘"
..
نلتقي السبت القادم بذن الله..
دمتم بحب ضمني بين الاهداب
..[/SIZE][/COLOR]

 
 

 

عرض البوم صور ضمني بين الاهداب   رد مع اقتباس
قديم 05-06-10, 03:03 PM   المشاركة رقم: 97
المعلومات
الكاتب:
اللقب:
ليلاس متالق


البيانات
التسجيل: Nov 2009
العضوية: 152110
المشاركات: 2,010
الجنس أنثى
معدل التقييم: اموره المزيونه عضو بحاجه الى تحسين وضعه
نقاط التقييم: 19

االدولة
البلدKuwait
 
مدونتي

 

الإتصالات
الحالة:
اموره المزيونه غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

وااااو بارت حلو بس ليش البارت الجاي يوم السبت الجاي ودنا نعرف شنو راح يسوي ياسر مع عمته وشنو رد فعلها وليش عناد مايبي ولده يتربي عنده وهل عارف عن سيوف شي ومايبي يتكلم عشان اخوه .......بليز نزلي بارتين بالأسبوع

 
 

 

عرض البوم صور اموره المزيونه   رد مع اقتباس
قديم 05-06-10, 07:53 PM   المشاركة رقم: 98
المعلومات
الكاتب:
اللقب:
ليلاس متالق


البيانات
التسجيل: Jan 2009
العضوية: 118492
المشاركات: 4,894
الجنس أنثى
معدل التقييم: ام الشهد عضو على طريق الابداعام الشهد عضو على طريق الابداعام الشهد عضو على طريق الابداعام الشهد عضو على طريق الابداع
نقاط التقييم: 302

االدولة
البلدSaudiArabia
 
مدونتي

 

الإتصالات
الحالة:
ام الشهد غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

تسلمين ضمضم على البارت الحاررررررررررررر اسمه بارت الطقاق زين اني مافزعت معهم

بداية بعناد والمداهمة حقتهم وكيف هالقناص قدر يشوفهم وذكاء عناد وحيلته وصعوده للسطح وتصويبه للهدف بدقه والرجال راجع للبيت تعبان وتجي هالعله شهد ياخساره اسمها عليها بس وتغثه بهالكلام المسموم لكن وضحتي لنا ليش هي ماتحبه اثرها تحب هالي مايتسمى وهو رافض تتزوجه مقدي فيها تستاهل وريان وش قصته مع اخوه فيه بينهم شي كايد ولا ليش كذا بس رحمت عناد وهويحاول يصارح شهد ويفتح قلبه لها
جسار ومواضيعه بتوديه لستين داهية على قولة المصريين وجيبته لرعد في محلها رحمته هالولد ولا يبغى سيوف تربيه ماربت بناتها فتربي عيال الناس
ملوك وياسراكس في اكس مو مناسبين لبعض ابد وملوك لعناد للمرة الالف ياضمضم ماعندك الاقراء عنيدين الراس مثل عناد مافيه توافق وخاصه احس ان ملوك ماتهضمه ابد واحساسها انه يتصدق عليها بالعطايا شي مؤلم للنفس وغير كذا مد يده على اخوها وهالشي ماترضه لاخوها مهما كانت معاملته معها فهالشي بينهم وماتبي احد يتدخل
الظبي والله اسمك المفروض القطوة تخربشين كل من قرب ولا تخلينه بحاله ويوم انك تبين بتال يعرس ويجيب الولد علمي نفسك وخلي بعد طارق يعرس كلكم في الهوى سوى ولكن بتال وقفك عند حدك يالعله المستطله
ضمضم مشكوره يالغلا وترى احنا مالنا ذنب في الي يختبرون خليكي على نظامك يالغلا وهم يقرونها بعدين بلا دلع بنات
شاكره لك يالغلا ابداعك المستمر
ودمتي لمحبيكي

 
 

 

عرض البوم صور ام الشهد   رد مع اقتباس
قديم 05-06-10, 09:14 PM   المشاركة رقم: 99
المعلومات
الكاتب:
اللقب:
ليلاس متالق


البيانات
التسجيل: Feb 2010
العضوية: 156486
المشاركات: 1,639
الجنس أنثى
معدل التقييم: *الغنج* عضو بحاجه الى تحسين وضعه
نقاط التقييم: 12

االدولة
البلدSaudiArabia
 
مدونتي

 

الإتصالات
الحالة:
*الغنج* غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

اهلا ياضمضم
شخبارك

امممم صراحه جسار
حبيته في هالبارت
احسن شي انه فاهم عناد
لان عناد من جد يضيق صدري
لما احس انه وحيد
وتصرفات شهد وريان تقهرني
وشهد ردة فعلها مره طبيعيه
دايم اذا كنت منت قاوي لشي
او تحس ماكنت مفكر في يوم
انه بيصير يهزك هالشي
او ماتصور عناد بانه يعتذر

ومناف من جد موقفه يكسر
يعني بكي الرجال يقهر و
انه بكذا راح يحسسها بضعفها
لازم يكون قوي عشان تحس
ان ظهرها قوي


وتصرفها مع ياسر انا اشوفه
صحيح لو مهماكان اخوها
صايع ضايع ماترضين عليه
بشي

وبث ،،،،هذرتي واجده بس
بكتفي بهالشي

 
 

 

عرض البوم صور *الغنج*   رد مع اقتباس
قديم 06-06-10, 07:09 AM   المشاركة رقم: 100
المعلومات
الكاتب:
اللقب:
ليلاس متالق



البيانات
التسجيل: Nov 2009
العضوية: 152163
المشاركات: 6,760
الجنس أنثى
معدل التقييم: طيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسي
نقاط التقييم: 3748

االدولة
البلدSaudiArabia
 
مدونتي

 

الإتصالات
الحالة:
طيف الأحباب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

تسلمين ضمضم على البارت الرائع

شهد وسبب نفورها من عناد ما جا في بالي ان ست الحسن والدلال ناشب له عنادعلى خطبه رواف بمنظور عناد انه اختيار فاشل احتمال كبير انه صادق لأن كل المؤشرا ت تقول ما ينفع صايع ضايع ولا وظيفه او شهاده

انا مستغربه من شهد كيف توقفين ضد اخوك وتبين فراقه علشان خطبه وزواج يعني بينك وبين رواف شي والا خطبه والسلام

وخايفه ان ما يحصل لك غيره بسبب مرضك

حتى ولو عناد ماهو طايش او انسان تغيبه بعض الامور بالعكس

وازن الامور صح مثل ماهو وازن سلاحه الي يصوب فيه المفروض تمشين وراه مغمضه

ريان حامي الحمى بسم الله عليه يعني معجبك الوضع وتدافع علشان اذا انكشف المستور الي انت مخبيه يكون في مصيبه اكبر من مصيبتك

عناد والحمل الي شايله وظيفه وتخصص كل عمليه تطلع لها ماتدري ترجع او لا واتوقع هذا من اسباب بعدك عن ولدك تخاف يتعلق فيك وبعدين يفقدك
وفقدانك لحظن امك وانت صغير ماتبي ولدك يجربه رضيت ان ولدك يتربى بعيدعنك انت تعاني بعده لكن هو ما يتعود عليك ويجي بعده حرمان

جسار مثالي في كل شي لكن ياخوفي قربت الضربه الي بتكسر روحك قبل قلمك

واثق ابو سطام من سيوف يبي رعد يتربى مع بناته ما شاء الله عند الصدر الحنون سيوف
حنان سيوف بس على الارصده الي تنزل بحسابها

التحدي القديم الي بين مقرن العاجي وعناد الراسي الجد هل التحدي

بيمتد وبيطلع صراع جديد بين الاحفاد ننتظر ونشوف

الظبي قصدي انثى الشيطان الحين يومك تبين تزوجين بتال علشان يجي له ولد ليتك دورتي عذر ثاني

قلتي يا اخوي انا شايفه انك منت بمرتاح مع حريمك وصمتك ونظرت الحزن الي فيك
يعني تنبلع السالفه اما انك تبين تجيبين له دجاجه بياضه يعني بس تفريخ هذي البلوى

انا ابي افهم وش سوى لكم بتال وانتم من جرف لدحديره حرمتوه من الي يبيها وزوجتوه حبيبات قلبي مناهل ومناير ومخلينه في بيته خيال انسان فاضي من جوى بس لسان يعطي اوامر تدري بتال اكتشفت شي بحريمك الثلاث كلهن خفيفات دم
من فلك الي بعدين ان شاء تتزوج جسار وتصير ام سطام الراسي

الين الثنتين الي عندك المشكله انهن كلهن يملكن روح الدعابه وانت الوحيد الي غرقان بالحزن

عايلة العاجي وان افرادها قليل واسمهم معرض للهجوم من جسار بيطلع فيهم محارب جديد غير بتال الي تفاجأت اليوم من اسلوبه بصراحه خوفني

والهجوم حاصل حاصل يعني المواجهه قادمه من بتال لجسار

يعني الظبي بتبحث ورى سيوف وتكشفها معقوله

زوج الظبي الي الي الآن ما مطلع لنا مين الي شخصيته مسيطره بنت العاجي والا ولد الفهد وتجارة الحديد الي يتاجر فيه طارق يعني الظبي الخوف من كل الجهات
انتبهي الظبي ترى لا يجي يوم وحده من خوات طارق تبي له ولد يشيل اسم العايله كما تدين تدان

انتظري ياسر والعاصفه الي بتصير بعد معرفته بزيارتك لملوك

مناف وملوك تؤم وطبيعي احساسهم في بعض وندم مناف على الي سواه مناف انسان طيب لكن مشكلة الصاحب ساحب ولا في حسيب او رقيب يعني الاصدقاء هم الي يشكلون حياتك >>نسأل الله الصلاح لأولادناواولاد المسلمين

ياسر وخوفه على ملوك صار يخنقها من كل الجهات كسر عمتها قدامها واحساسها انها اقل من عايلة العاجي والي زاد الصرف الي يصرفه ياسر على عايلة ملوك يعني الظبي بستهزائها منها نثرت على الجرح ملح

ابدعتي ضمني بين الاهداب في وصف عناد والا قتحام الي صار للقناصه في مشهد رائع لايقراءسطور بل نراه مشاهد حيه امام اعيننا

هذا ما عندي تعرفيني اطلع من موضوع وادخل في موضوع ولا اراجع الي كتبته

بس اشتقت لثنائي المرح مناهل ومناير

ننتظر القادم بشوق

ونسأل الله العظيم رب العرش الكريم انه ينصر اخواننا المسلمين في غزه

ويشفي جرحاهم ويرحم شهدائهم

مبــــــــــــــــــــــــدعــــــــــــة

 
 

 

عرض البوم صور طيف الأحباب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملوكـ وعناد وبدايات الحب.., مبدعة أستمرررري, آبـــــــــــــــــــــــــــــــــــــــــــــداع...., لو أجيب كل عبارات المدح ماراح اوفي قصتك حقها من الأبدااع, اويييها واعرس البارون اوييييها والحلوان على شوشو, بتال&فلك آحلى ثنائي, بعض العيون حقدها في نظرها, يا الغوالي الاجزاء سبت واثنين..ضمضم, يا ناس وه فديت مقرن و ساري بديت احبهم, جسار للظبي<<مااتنازل, حصريا ولأول مرة العقيد عنااد آل راسي من ممتلكاات النوري ..فاهمين ..فيس يهدد هههه, روابط جميع الاجزاء با الصفحه الاولى..., عنااااااااد أسطوووره لن تتكرر ..وهـ بس فديت ابو رعووودي .., فديت أحسن وأحلى كاتبه ضمضمــ, نظره حقد 20 في صفحه 75--نظره حقد21في صفحه 83, نظره حقد 22 في صفحه 88--نظره حقد 23 في صفحه 96, نظره حقد 24 في صفحه 107, نظره حقد 26 في صفحه 127, نظره حقد 26 في صفحه 128, ضمني بين الاهداب, قصص من وحي الاعضاء
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t140889.html
أرسلت بواسطة For Type التاريخ
ذ¯ذ½ذ´ذµذ؛رپ This thread Refback 03-07-15 12:28 PM


الساعة الآن 09:20 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية