لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 20-12-10, 12:57 PM   المشاركة رقم: 936
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

بسم الله الرحمن الرحيمـ..
.
.
.
نظرة حقد 36.,
.
.
.
مدخل..,
|




،


عَرَق صوتي
وحيد وظامي ومكسور
نبت في البرد بروازك

وما ملّيت !
أنادي لك , طفل يبكي .. يبي أمّه
ولكن ضمّك غرورك

ولا ردّيت !!
وغادرتك ..

تلقّفني طريق أعمى .. وباب وسور
بقينا اغراب !
أتنفّس مسافات الحنين , وتلتوي الذّكرى

أماني .. لو يحقّقها الهوى ليلة
أحبّ الشكر والعرفان !

ليالي .. كنتي اقرب من نفَسْ روحي ..
وفي الوجدان ..

ولكن صرتي الفرقا !
تنصّلتي من ادوار الغرام .. وصرتي الغيّاب !

على الهادي من الأصوات ..
أنادي لك فرح ليله .. واتلعثم بصوت الريح !

ويرجع صوتي الذابل كأنّه ليل
وانفاسي صدى تسبيح !

نبت بُعدك على خوفي ..
وصار الوقت لي .. تجريح

أدوّر طعم في صوتي .. ينادي لك
ولكن صرت ع الطّاري ..

ألملم كلّ أخبارك من الأصحاب
ومابه علم عن قلبك ي أمطاري ,,

نسيني أو بقى فيني
على الطاري ..
سؤال ارتاب في صدري !
نسيتيني ؟!


نبت في الباب صوت ايدك مواعيدك أغاني ناي
تهادت دمعتينٍ في / غيابك .. واحرقت : روحي

أنا يا نور عيني ما نسيتك .. لو يطول / بكاي
سكنتي في وريدي في دمي .. في صمتي وبوحي


رحلتي .. يا وطن !
واصبحت انا بعدك غريب ..
إنسان / بارد !
أجرد الكفّين
عاري !!


،


لـِ سرحان الزهراني . .
.
.
.
بدايه...
مساء الاشتياق العذب..
مساء البعد والقرب في آن واحد,
مساء محبتي الصافيه وقربكمـ الآسر..
.
.
.
كيف كان آسبوعكمـ يا الغوالي..آن شاء الله آستمتعتو ب فترة غيابي عن التنزيل..=)
.
.
.
ماشاء الله لآحول ولآقوة الا با الله فوق الثمانيه والسبعين الان ينتظرون البارت ب المشاهده..المشكله مآعرفهمـ=(
وين حبايب قلبي>>حست ب الوحده=)>> رآيقه على الآستهبال فوق تأخيرها ب الوقت ..
.
.
.
بقايا حياهـ&دوى المشتاق...
مناقشاتكمـ عذبه جميله جداً مبنيه على أسس من التفاهمـ والاحترامـ لـشخصيات ولـلاحداث ولـ أروقة الروايه كـ كل..نرفع القبعه لـمتابعات بـهذا الـنضج الفكري..و...فن آدارت الحوار في مابينهمـ مبني على ان اختلاف الاراء لآيفسد لـود قضيه..تابعت سطوركمـ بشغف لـينشرح صدري بمتابعات لهمـ بعد ثقافي وتفكير منفتح يقبل الرأي الاخر بـسعة صدر..,

.
.
.
آقتباس من تعليق الجميله بقايا حياه
" مقرن العــآجي "
أعشقك يآ أبآ عبدالعزيز وأعشق شخصك الكريم ، ولكن . . وأشدد ولكن . .
أكرهـ وأبغض ذلك الجبروت الذي تغطي به حنآنك وعآطفتك وخآصةً مع أبنآءك سوآء في وقتنآ الحآلي أم بالمآضي البعيد !
نعم أنآ أؤيد عصبيتك لـ قبيلتك العآجية ، لكن من غير تجريح ، ظلم ، وتكوين أحزآب وحروب !فـ أنت خير أبٍ ، تحب أن يصل الخير لـ جميع من يرتبط بـ العآجي ، لكن جبروتك أطغى على كذآ هذآ ،
فـ رفقاً بـ هــم يآ أبن العآجــــي !
.
.
.
دوى المشتاق..,
تشوفه يخونها وتقول .. منصب رفيع ، وسآمه شآمخه ، نسب عالي ، طبقه مخمليه ، غنآء بآذخ ، رجوله وآضحه .. خل تولي كرامتي عريس مايتفوت وانا من اكون على قولة العاجي منهوبة الجد المفروض انها ماصدقت انه تكرم عليها وخطبها ..

لا اصصصصحوو ترا جمالها ورقتها تخليها تتنقى وتاشر بس على اللي تبيه
مب تربط روحها في واحد مستواه يخون اللي يقول انه يحبها مع صديقتها
يكفى التوتر اللي كانت تعيشه بسببه وبسبب فيصل اللي كانت توصل معاه انه يمد ايده عليها

البنت تبي تترتاح مب تعيش مع واحد تحس انه متفضل عليها بمساعدته لاهلها
والدليل حتى انه مب محشمها وكل يوم مع وحده ..
.
.
.

لآتلهيكمـ الروايه عن دخول وقت لـصلاهـ..,
.
.
.
آنزلت نقابها وطرحتها على مكتبها ورتبتها بـ الرقه بجانبها..,
آرتشفت العصير والقليل من الكرسون..
جآئعه جداً..
فـ هو البارحه..
جعلها تنامـ جائعه وآيضاً بـ حروقاً طفيفه..,
شعوراً غير مريح يلازمها من تلكـ السيوف..
يشعرها دائماً ب التقزز ..لآتدري لماذا..
فـ لقائتها القليله معها..تشعرها ب الغثيان..
شعوراً داخلي..
لآ تستطيع التحكمـ به ..,
لمـآ ..
وقفت قليلاً وهي متبرجه وبذاك اللباس..
قليلاً..
لآ
ياملوكـ
لآ
هي مآ أن رئت عناد الا وآغلقت الباب بـرعب..
آعوذ بالله من الشيطان وهمساته..,
وضعت رأسها على الطاوله ليـحاصرها النعاس ..
مآهي الا ربع ساعه..
الا وتسمع صوت الباب يعلن آقفاله..
لترفع رأسها بـتعب ونعاس..
ويآتيها صوته الغاضب وخطوات الـمقتربه لها لـتقف بـذعر..
بحفيف وهو يشد ذراعها لـخلف \شآيفتني كرسي با الغرفه لما تطلعين ولآ تستأذنين او حتى تعطيني خبر..!
ملوكـ بألمـ..\آآآه...يدددي..عنآآآد..بتكسرررهـآآآ...آآآي
عناد بثورهـ\آكسر رقبتكـ بعد آذا متهاونه آو متجاهله وجودي ..
ترك يدها ..وبحدهـ\البسي الحين وآمشي معي لـبيت حسابكـ عسير ياملوكـ...
ملوكـ بتبرير\والله العظيمـ مو متجاهلتكـ آنا معطيتك خبر ان انا بداومـ..وآنت مآعطيتني رفض واضح..آذا غلطانه آنا آسفه والله اسفه..
آكيد ماكنت بطلع وانت مو راضي ..آسفه مآراح يتكرر هذاالشي مني..آوعدكـ..
عناد بجديه وآصابعه تضرب رأسها بخفه\لآ آقولكـ آنا آحسن..آنتي قلتي بروح وهي تجربه آذا ماقال شي ومشى لي الوضع..؟
فـهو مثل الخروف من وين ماوديه بـيروح وراي..!
وآذا عصب ورفض..؟
فما راح يـسوي لي شي..!
فـ آنا عروس وآجهل طبعه وبقدر آقنعه بكمـ كلمه..!
صح كلآمي ياحضرت الدكتورهـ او لآ...؟
ملوكـ بصدمه حاولت تتماسك\تكفى عناد الله يخليك قصر حسك..تبيني آطلع من عيوني الحين..
ونكمل كلآمنا ب البيت آذا تحب لكن هنا الكل يعرفني ويعرف آبوكـ..
لآتفضحني في زملآئي بصوتك العالي...
لفت الطرحه على رأسها وهي تكلمـه بـصوت خافت متوسل وهادئ..,
عناد جداً كان ثائر..لـ..آبعد مدى قد تعتقد ذلكـ ..,
ليصرخ بـصرامه\شافيتني طفل تسكتينه...آساساً ماراح آمشى لك هـ السالفه على خير يـمليك..!
لبست النقاب بـهدوء\طيب سوى الي تبيه لـكن هد نفسك مآصار شي..الي خذاني عمي سطام...مآطلعت مع غريب..مآيسوى عليك كل هـ الصراخ..
شد كفها لتـعانق كفه المشتعل\قسمـ بالله ان تشوفين ماتكرهين آنتي وهـ الهدوء ..!
آستسلمت برعب ملوكـ وهي تتبع خطواته لخارج المكتب..
من ثمـ الخروج لـ ممرات المستشفى بخطواتٍ غاضبه آرهقتها...
لـيصادفه والداهـ..بآبتسامه\لآ...كذا مخالف لـ آنظمت المستشفى يآحلوين..!
آرتبك عناد فجئه من ظهور والداهـ الذي التقط علآمات الغضب على وجه عناد..
عناد بخجل\معليش يبه..الله يطولي بعمركـ بآخذها الحين وبجدد آجازتها ..
آبتسم سطامـ\مآيصير..هذا تسيب..وآنا مارضى فيه..
عناد بصدمه\يبه الله يهديكـ..!
ملوكـ \آنا جددت آجازتي عمي..من بعد آذنك ..
لـيلتفت عناد بنظرهـ حارقه التهمت ملوكـ..لـتتراجع خطوه وآحدهـ فـتمنعه يدهـ
وآصابعه الحارقه بـراحة يدها من التراجع اكثر..,
سطام\ههههههه آخذي راحتك دامـ قدمتي الاجازهـ بس لآتطولين مثلك مثل باقي الموظفين..
آبتسمـ عناد على عجاله بـ توديع لـوالدهـ بعد شكرهـ بخجل..
.
.
.
انا البياع والشاري وراس المال والعربون
ولد... انتي محطة شوق في سكة مشاويره
.
.
.
الظبي تجبر آنفاسها العطرهـ على الخروج
لـتزيد الجمرتين ب الاشتعال..
فـ
يخرج رآئحه زكيه فخمه من [المبخره]
فـتمدهـا بآبتسامه لـمقرن..
مقرن بـمحبه\هذا الطيب هو الجديد الي علمتيني فيه..؟
الظبي وهي تعلن الخروج\آيه فديتكـ..شوي وراجعه لكمـ..
مقرن يوجه حديثه ب آبتسامه\وش علومـ رهف بنت عبد المجيد..؟
ياسر بضحكه\وش تبي بعلومـ مثل هذي العلوم.. آنت بس الي ماتبي تجدد شبابكـ بـمرهـ..؟
آبتسمـ مقرن من ثمـ زفر آنفاس الذكريات\آنا في آول شبابي خذيت لـي بنت عمرها خمسة عشر سنه او ستة عشر آسمها[ بدريه ]..
وآنا في وقتها يآقربي من العشرين..مآقعدت معها الاسنتين
وآمتحن ربي صبري فيها وخذاها عندهـ من مرضٍ صابها..
في وقتها يابوك مو في الخير الا انا فيه الحين..والناس اصلن ماكانو في خير مثل يومـٍ هذا...وماكانو يعرفون علآج هذي الامراض الي الحين..
سنه كامله..وآنا مثل الي مصلوباً ومافي يدهـ شي..
تعرف [الصبره]..!
هذي يشربها الحزين ومآيحس بـشين طعمها من كبر الحزن الي فيه..
من حبي لها شربتها فوق الشهر..
آبيها تطلع الحزن الي عليها ...مآفاد..
ومشت الايامـ والشهور والسنين وخذيت جدتكـ ..
و مع الايامـ حبيتها وآكرمتها مثل مآكرمتني ب خدمتها وصفاوة قلبها لي وتقديرهـا وتقديمـ رضاي وحبي حتى على حشاشة جوفها آبوكـ الله يرحمه ويرحمـ الي جابته..
جابت عبد العزيز وجابت بتال ومن ثمـ عقبه وقفت من الحمل.. وماعاد قدرت..
وخذيت آم الظبي..لآزعلت ولآخذت على خاطرهـا الا مكرمتني ومقدرتين لما الله خذاها عندهـ الله يرحمها ويـرفع درجتها عندهـ..
يآبوك...آنا حبيتها فوق محبتي لـ بدريه..
وهذا جاء من العشرهـ ومن محبتها هي لي ومآحط جنبها آحد حيه وميته في غلآها ..
آبتسمـ ياسر لعرض الذكريات \يآبوي آثرك في بحراً يا العاشقين منت بهين..آجل ذقت لوعته وتلومني قبل عليه؟
وكزهـ بفنجاله\الومك على هبالكـ..آنا ماوقفت عمري وقلت خلآص ماتت ماآعيش هذا العمر لآ عشته وحبيت..
مآوقفت حياتي ولآقلت مآعاد في النسوان بعدها خيرها..الا خذيت ام عبدالعزيز ومن عقبها ام الظبي..والحين الحمدلله مآعاد نبي الا حسن الخاتمه..,
آبتسم يآسر بفهمـ وآضح للمقصد مقرن..,
.
.
.
انا البياع والشاري وراس المال والعربون
ولد... انتي محطة شوق في سكة مشاويره
.
.
.
بـ لبنان..
آحدى الفنادق الفخمه..
جسآر بقلق وهو يغلق آزرة قميصه\متأكد..
هآشم\آيه متأكد ..بس انت ماقلت لي وش تبي فيها..ترى آتعبتني لـين حصلت على عنوانها من السفارهـ..
جسار\شغل جديد بيني وبينها..وآبيه طي الكتمان..مآبي آحد يعرف وتخرب الصفقه الجديدهـ..الله يعطيك العافيه ومجهودكـ مقدرهـ...وسمـ..!
شيك مدون به رقمـ كبير..
يظهر كرمـ جسار وبسخاء لمن يخدمه ليفزع هاشمـ..!
بذعر\مآهي بينا ها الاشياء لآتزعلني منك يابو سطامـ..
جسار بصرار يدسه بيدهـ\مآهو بكيفك كل هذا مكلفك شي وشويات عشان خدمتي ومآقصرت معي ب الاوله والتاليه..
هاشمـ آمام اصرار جسار قبل الشيك بـ تسائل\يعني وش شغلته حتى هي سئلتني وقلت لمـا تشوفين رجل الاعمال الي يبيك في هذي الشغله راح تعرفين بس وضحت لها تحت لساني انك تبي تفتح بوتيك ب لبنان وتبيها تديرهـ..
آبتسم جسار \ممتاز..وعطيتها العنوان...
هاشمـ\آوصلها عندكـ وآطلع اذا تبي..
جسار \بتسوي خير آكثر فيني..
هاشمـ\ولو ب الخدمه العصر هي عندكـ..
جسار\كفو..
.
.
.
انا البياع والشاري وراس المال والعربون
ولد... انتي محطة شوق في سكة مشاويره
.
.
.
ب جناح شهد..
آستفاقت منذو عدة ساعات..
لكنها
لمـ تستطع جمع قواها
لـتزحف على اقل تقدير لـمكان السرير..
تشعر بوجعاً وخدر يسري بـجميع اعضائها..
وطعمـ الدمـ بفمها..
ملآبسها كلها رطبه..
دليلاً على كمية العرق وشدة الاعصاب التي صاحبت نوبتها..
دواراً مآزال يسكن رأسها..
ولآجديد..
في نوباتها الا انها آزدادة تكرار..
مع توترها بـسبب حادث ريان وضي..
لـتو حركت جسدها..
لـتزحف قليلاً الى السرير..
لمـ تفلح..
شدة بصعوبه المفرش لـيسقط عليها و تحاول جاهدـ ان يحتويها ويسكن رعشتها..,
.
.
.
انا البياع والشاري وراس المال والعربون
ولد... انتي محطة شوق في سكة مشاويره
.
.
.
قطعة التوست لـقطع صغيرهـ وهي مبتسمه لـعالمها..
وسيمـ..
لكن وآضح عليه انه جريئ..
ياترى هو من شباب هـ اليومين..
مغازلجي ولعاب..!
نظراته واضحه..
واضح سبحان الله الي عينه جريئه..
والجريئ اغلبيتهمـ يحبون الحريمـ..
والي يحبون الحريمـ..آكيد علآقاتهمـ
متشعبه وكثيرهـ..
وهو دكتور....!
و
غني..
و
وسيمـ..!
كلها آجتمعت فيه..؟
يعني...آحتمال كبير يكون له ماضي صغير آو دسمـ..!
وآنا وش يهمني من مآضيه..!
ويكون الي يكون..
آهم شي آنا حاضرهـ..
ولو يصير صدق حدسي...
بـفهمه كيف يختصر كل حريمـ الكون فيني اذا [حضرت]
وآنا ليه خذت الرجال بشراع ومجداف..؟
ممكن يكون من دون علاقات..؟
بس عيونهـ..!
آكبر دليل...!
وآحساسي مايخيب..؟
أختبرهـ..؟
.
.
رفعت رأسها تحت تهكمـ عبد المجيد..\والله وسرحاً ب احلامنا الورديه..؟
آبتسمت ب خجل..
آم عساف ب ضحكه\الله يسعدهمـ آرتحت حيل لـياسر جداً تحسه مهذب ولبق ولسانه ينقط عسل..
رهف بضحكه\آوووه بتقولين فيه شعر عشان كلمتين قالها لكـ..
عبد المجيد\وهي صادقه..حتى مآفيه ربكة وطفاقة الي بمكانه في وقت الملكه..لآعادي جداً حتى يفتح مجالات ومواضيع تناقش فيها ..
رهف بتدقيق\ليه بابا وش كانت مواضيعه..يعني مواضيع تحس انها جديه وهادفه وآلآ حي الله مواضيع..؟
عبد المجيد..\فتح لنا كم موضوع حسيت فيها بعقله ورصانته وانه فعلاً حتى يفهمـ فن التحاور والاخذ والرد من غير تزمت برايه..
وكل استغرابي هو فتحه لمواضيع متشعبه وهو جاي لنا متملك والمفروض انه مرتبك..
رهف صمتت ..
ام عساف\حتى أهله كانو جداً مهذبين لولا دخول الطبيان هههههه..
غرق في ضحكه عبد المجيد\الله يعينك عليهمـ يارهف الكل بيكون يبك في صفه آمك لما خبرتني البارحه ماقدرت آوقف ضحك..,
آبتمست رهف بـحيرهـ لتستأذن.,
.
.
.
انا البياع والشاري وراس المال والعربون
ولد... انتي محطة شوق في سكة مشاويره
.
.
.
تنورهـ سوداء ميد..قميصـ بدمـ الغزال القاني..
بكمامـ طويله وملتفه بذراعيها..
لآشي..
سوى لبسٍ عاديٍ لآيظهر فتنه ..ولآ..يخفيها..!
يراقبها..متظاهر بـ النومـ..
وهو آكبر كآذب..
لمآ هي هنا..
تركت الطابق الثاني بأكمله هربٍ من حضورها..
هي تتظاهر بأنها لآتطيق حضوري..
و
آنا آحترقت ..
.
.
فلكـ بصوت ٍ مغنج..\عآرقه آنكـ صآحي..يآليت تقومـ..مناف ب الطريق..وآبي آحط السفرهـ هنا..
آبتسم بخبث وهو يبعد طرف المفرش\الواحد مآيرتاح ببيته حتى ب النومـ..؟
رفعت كتفيها ب نعومه\قلته بيته..وهذا بيتي..والا نسيت..؟آنت روح لـبيتك هناكـ...وآرتاح..؟
آبتسمـ\آيه بيتكـ..نسيت خبالي..!بس مو مشكله ماتعرفون حق الضيف..أعتبريني ضيف مآحسب لموعد رجوعها ..
آبتسمت فجئه..\طيب قومـ..!

.
.
.
بعثرة شعرهـ وآبتسامته الهادئه..
شعيرات الشيب الـجذابه..
نبرة صوت الاشتياق لي..
بعثرهـ صباحيه تجعلني
آبتسمـ رغمـ ألمـه..!
.
.
لـيسكت آبتسامتها الغريبه بـقبله على جبينها من ثمـ انسحابٍ متهكمـ\ياليت لكـ عدلٍ يافلك وآرضى ب الهوى ذبحك..,
لـتضعه يدها على صدرها بـرتباكـ على صوت خطواته الخارجه..,
.
.
.
آغلق باب جناحهـمـ بـقفلتين...
لـتشد نقابها وطرحتها بيدها الاخرى وتعلن تحرر آنفاسها المرتبكه..
سقطة نظرتها على شد عناد لـحزامـه
لـيخرج قلبها من آضلعه ..
من الخوف..!
عناد\آنتي تتجاهلين حق الزوج..وبعطيك آول دروسه عشان تـبقى في رآسك ومآتنسينه او تجهلينه..
ملوكـ تتراجع للخلف لـتلتصق بـ الستائر الفخمه ..\بـ ـــتـــ ضـــ ر بـــــــــــ ني..!
بـشده\عشان تذكرين كيف تطلعين من غير آذن وشور..!
رفع حزامه وبشدهـ لـيعانق ذراع ملوكـ فـتسقط ملوكـ من طولها على الارض..
وتدخل من شدة ألمـ..
في حالة صراع من آجل من يبقى الاقوى..
وقفة من جديد وببكاء لمـ يخرج لـه
بقى في داخلها يـنوح..
لـتصرخ بـوجع وهي ممسكه ب يدهـ\رفقاً ب القوارير ياعناد..!
تراجع عناد للخلف..
ويستعيذ من الشيطان..
و الغضبـ آنسكب عليه مع خطواته..,
وقوفها الصارمـ..
وعيونها الممتلئه دموعاً لمـ تنسكب..
وصوتها الناعمـ الـشفاف الناهي..!
جزمـ
أنها أستل..
من قلبه سهمـٍ به بقايا من [السمـ]
.
.
لـتردف ببحه\عروس وآنضرب..مآظن بباقي العمر خير معك..ماظن بباقي العمر خير معك..!
انت مافي قلبك ذرة رحمه يومـ ترفع يدك على مرهـ..
وماهي من الرجوله انك تفرض قوتك علي..
وحتى لو انا سويت غلط...!
يآنسان اعتبرني جاهله..?
ماعندي خبره با الحياه الزوجيه..
آعتبرني طفله..
آعتبرني آي شي..عطني عذر...!
عاتبني ..آهجرني...فهمني..
بس مو تضربني..مو تكسرني..مو تهيني بهذا الشكل على شي مايستاهل آنك حتى تسوي نص الي سويته...
عناد بـزمجره\لآترادين..بعد مسويه غلط وتجادلين..؟
آبتلعت ريقها المغمس بطعمـ ذلاً زاده مرار وجع\أبوي مات مارفع يده علي..,
صمت عناد بوجع...
لـيردف\آكسر ضلوعكـ آذا كررتيها بعد..
لـتصرخ بـبحه\ولآ آجلس عندكـ يوم أنت مفكر بنات الناس لعبه بيدكـ يوم تضربني وتبيني اجلس..لآ يابو رعد لآ..آخطيت مآنكر وتعذرت منك مع اني قلت لكـ بروح...ومع كذا ضربتني...
عناد بــتقطيب حاجب..\وش قصدك..؟
ملوكـ بحده وآنفاسها تتعالى\قصدي واضح ودني بيت آهلي..ماجلس عندك بعد اليومـ ليله وحده..!
آبتلع ريقه لـيرمي الحزامـ على السرير ويستدير بـحزمـ\آجمعي آغراضك..!
بحده\بثيابي..خل آغراضك عندك..عمي بتال مو منقص علي شي!
آستدار بصدمه...
ليجدها ترتدي نقابها وطرحتها وتسابقه بـخطواتها للباب...
قوتها آجبرته على فتح عينيه على آتساعها..!
ليصرخ عليها بـحده\بيت بتال تحلمين...؟
لـتستدير بصرامه\مو بضروره توديني ...آقول لأمي هيا وهي توديني...وآجلس انت بمكانك..!
لـيلحقها ويشدها \آسمعيني يابنت الناس..آبوكـ لما مات زوجني أياك ماقال عندها عمها بتال ويكفي ..
أنا اهلك وعمك وابوك وزوجك وكل شي لكـ..
بتزعلين ازعلي هنا..
مافيه لك بيت غير هنا ولآ آقارب غير آهل هـ البيت..
انا زوجك ويحق لي أدبك...وأنتي تستاهلين الي صار لكـ..
دفعته بثقه\أبوي لو يدري بـأنك بتمد يدك علي ماكان زوجني واحد مثلك..آنت شفت ماعندي أهل..
قلت أربيها من جديد على ايدي ولو أضربها واكسر ضلوعها ماوراها رجال..
أنا يتيمه وانا ماعندكـ اساساً رحمه لـليتيمـ..
من آول ليله وانا حاسه انك مغصوب علي..لآتجبر نفسك على شي ماتبيه...!
الجمـ كلماتها المبعثرهـ وآرتجافها وآختناقها..
يدهـ تعانق شفتيها الـمرتجفه\آسكتي خلآص..
شدها لـتعانق صدرهـ لكنها دفعته بـشدهـ عنها ودخلت الحمامـ لتغلقه على نفسها..
.
.
.
.

انا البياع والشاري وراس المال والعربون
ولد... انتي محطة شوق في سكة مشاويره
.
.
.
.
بجناح الفندق..,
هاشمـ\جاكلين آدخلي هنا هذا جناحه الخاص بتحصلينه موجود جو..؟
جاكلين با ابتسامه ماكره\شوف شي خاص سعرو لوحدوه..!
عفس وجه\لآ...ألانسان الي بتدخلين عليه راقي..آنتبهي تغلطين يـعفسك..
جاكلين\يآدلي....
فتح لـها الباب وآنسحب...
دخلت جاكلين بخطوات واثقه لـتجلس على احدى كراسي الاستقبال...
لـتفاجئ بعد لحظات بدخول جسار بآبتسامه
جسار\حي الله جاكلين بديرتها...!
جاكلين وقفت برعب\آستاز..
جسار\أي الاستاذ...الي عرضتي بـشرفه وشرف زوجته وانتي شاربه وماكله ومأكله عيالك من خيره سنين طويله...
جاكلين بارتباك\أستاز والله والله..
جسار\لآتحلفين ما أوئمن الا با الله الي مافي اله غيرهـ..وانتي ماتحلفين فيه..
جلس بآريحيه وبآبتسامه\آجلسي تفضلي ترى جلستنا طويله..
جاكلين\لآ أنا كتير معجوئه...و...بس اا
قاطعها جسار\شوفي ياجاكلين مثل مافيه ناس يكرهوني خدمتيهمـ انتي..
في ناس كثير يحبوني وحابين يخدموني..
جيجي وروني بـمدارس تبعهمـ..أذا تبين اليومـ يمر بسلامـ.
.ومافيه أي دموعٍ وخوف عليهمـ..راح ابلغهمـ يتركونهمـ وفوقها حبة مسك..
واذا حابه تتعبينا ف اسمحي لي...الي يحبوني ويغلوني ناوين عليك بنيه شينه انتي واطفالك..!
ها ..
شقلتي...يامدام...!
دخلت في نوبة بكاء\ ياستاز ماكان بدي يصير هيك..لكن انا كنت بمر بصعوبات ماليه ..ووو
جسار\الحقيقه...انا مابي الا الحقيقه..لآيمين ولآيسار..أنتي أتهمتي زوجتي بأنها تسوي تصوير والخ...وانا ابي منك الان أثبات..
آذا ماعندكـ....؟
مثل ماجربتي خيري هـ السنين بتجربين شي عمرك ماشفتيه..؟
جاكلين ببكاء مرير ....
سقطة عند أقدامـ جسار تقبلها..\ياستاز سامحني أحنا مش أئد الكبار ...
آبعدها بقرف\الحقيقه مهما كانت ولو هي مرهـ بس بآثبات ودليل...
جاكلين بعد فترت بكاء\مدامك مش منيحه..يآستاز مش عم بكزب...
جسار بهدوء\آثبتي....
جاكلين\انا عندي مقطع هي بتكون بتتكلمـ فيه عن الشغل انا خزتو آحتياط وراح تشوف ان حكي مزبوط...المئطع بـ السوللير تبعي...بتئدر تسمعو هلئ..
فتحت جاكلين جوالها ومدته لـجسار بعد آن ثبتت على المقطع لـينصدمـ جسار بـسيوف وصوتها كـ وضح النهار لآيقبل الشك...!...
تتناقش عن تصوير في غرفة المساج...
و
الحمامات الـمغربيه...
و
تصوير خاص للعرائس..!
تناقش وترفع السعر...
أي سعر..
أي عمله نقديه ليست بـجيبك يا سيوف
مغدقٍ انا عليك الى حد الاسراف...!
لآ...
شيٍ آخر
ليس هذا..
.
.
آغلق جسار المقطع لينقله على جهاز وآصابعه خانته لتفضح همسات
آرتجاف..!
لـتهمـ تلك بـ هذيان لآيتوقف..
عن مغامرتهمـ التصويريه..
و
استغفالهمـ...
و
وبيع الصور با ارقاماً فلكيه..!
فتحل كارثة آخرى على رأسه...
جاكلين\الست مش منيحه أخلآئقها مش منيحه...هي عمـ تخونــ....
ليقطع كلآمها بـصرامه\وانتي آخبث منها قومي آنقلعي مني...قومي حسابك انتي عند الله ينصف ها الضحايا منكمـ..
لـتحمل حقيبتها من صرامته
و
وجها الـمتلون بـ الغضب..,
.
.
.
أهـ
أي رجلاً انا..
آستغفلتني كل تلك المدهـ..
أي رجلاً
انا
آعود قبل أيامـ
لـ ألعن الشيطان..
وأتأثر بكذبها علي مراتٍ ومرات..
أي كاذبه
ماكره..
خبيثه انتي يا زوجتي...يآحبيبتي...يأم أبنتي..!
أبنتي ..؟
أي عاراً هو الان يـتسربلون به..
مجتمعاً أن انكشف ستار خبث والداتهمـ..
سـ يلعنهمـ الى مماتهمـ..
كاذبه
مرواغه
وخبيثه..
تأتيني مراراً وتكراراً
لتكذب تلك التي قالت عنها أكاذيب..
ولآ
غيرها آكذوبه..
عدوي أهدى ألي طعنتاً مزقت كل نبضٍ في جدار
ثقتي ..
بنفسي..
بزوجتي..
بـ اكذوبة الحب و الصدق..
بكل شيٍ
هي سيوف كانت القاضيه..
أي صدقٍ سا اتكلمـ عنه...
تلكـ..
كانت تنشر عورات ومحارمـ المسلمات على الذئاب البشريه..
وأنا..
أنا..
أنا..
أقف بـشموخٍ مهترئ الـبنيان أمامـ من آعتقد أنهمـ سبب ٍ لخراب وتتدهور المجتمع..
وتلك الافعى ببيتي..
تنشر سمها وتنفثه بوجهي..
لآ
تستحي..
و
لآتخاف ..
آقسم ان اقتلك ياسيوف آقسمـ..

.
.
.

انا البياع والشاري وراس المال والعربون
ولد... انتي محطة شوق في سكة مشاويره
.
.
.


من خلف شقوق جدار اليأس..
وبعثرة اوراقاً طال اختبائها في غيوماً من الريح..
التسويف..!
دائماً ينخر عظام الهمم..
ويفتح ابواب القصور المليئه بـ كلمات لماذا..وكيف..ومتى..واين..,!
آبو جسار بحزم لتلك الواقفه امامه با ارتجاف وبعثره\العتب عليكم الاثنين انا ماقول الي عملتوه حرام ومايجوز..لآ
انتم دخلتو من ابواب الدين...
وماعملتو الحرام في هذا الشي...لكن
انتم تجاهلت كل شي في حياتك الشخصيه ياريان ورضاء والدينك..
وشريت طيش ولعب الاطفال ..؟
وانتي ياضي..شاب مثل ريان ماتعرفين عنه شي..
واهل مايعرفون عن زواجه شي الي جبرك عليه..؟
شلي جبرك على وضع هو حطك فيه..
ضي برتجاف\كنت وقتها با الجامعه واهلي بيرجعون لـ ايران كنت مضطرهـ..بس بعدين حبيته..
والحمدلله حصلت في ريان الي كل امرأه تبيه..وتحلم فيه..
انا مايهمتي ان الناس يدرون او يعرفون بزواجي
المهم عندي حياتي وسعادتي وتوفيقي في هذا الزواج..
ماقدر اضغط عليه بعد زواجي..
واقول خبر اهلك..
هذا الوضع مايحتمل...لآني با الاساس موافقه على شروطه المبدئيه...,
كنت وقتها مضطره..بس حبيته ومن كل قلبي...
ريان مكمل بعد ابتلاعها لريقها وتوقفها..,
ريان\وانا خذتها بعد ماصرت ما اتحمل كل الاغراءت الي نشوفها بكل مكان يطلعون هـ البنات الي مايخافون الله فينا ..,
ماحبيت اسلك الحرام في نفسي..قلت اعف نفسي با الحلال...
وصاحبي خبرني ان جيرانه ايرانين وانهم ماعندهم مانع...وبناتهمـ جميلات وعفيفات..ومايطلبون الكثير...اهم شي عندهم الستر..
خبرتهم بشروطي و ..وافقو...مانكر ان لما تزوجتها كنت ماخذ المسئله وقت..واتركها..لكن مع الوقت صآر بيني وبينها محبه وألفه..وتعلقت فيها..
خاصته اهتمامها فيني ومواقفها معي...
ماتسويها بنات الحمايل بنظرتنا وبعادتنا وتقاليدنا..صانتني ..وعفتني...وكل شي ابيه في الزوجه..حصلته معها
مستحيل اطلقها واتركها..
او حتى انكر زواجي فيها..,
شدة ضي بكرسيها القريب من سرير ريان لتحتضن يدهـ...ويحضن يدها بـصرار وثقه..
تحت انظار سطامـ..
سطام بتقطيب\سبب تخبيتك لزواجك ..لآتلف وتدور..؟
ريان\مثل ماقلت لك خذتها با البدايه مسئله وقت لكن حبيتها..ورضيتها زوجه لي..و..وقفت بنص..ماقدرت اقولكم هي زوجتي ولآ قدرت ألف لي قصه جديده..
خاصة..بعد حملها..حسيت الطيب زاد بله..
سطام بحزم\الغيت وجودي بحياتك وخذيت زوجتك واسست لك حياه خاصه ولسنوات والحين جايني تبي تحطني قدام الامر الواقع..
انا مانحط ياريان قدام الامر الواقع..
انا ماعترض على اي دوله هي منها..انا آعتراضي كله على طريقة تجاهلك لنا ..ودام انك تجاهلت امس الكل..
الكل اليوم بيتجاهل وجودك بحياته..اول ماتخلص من علآجك
آطلع من المستشفى..لك شقه خاصه..وحساب با البنك..تبدى حياتك فيها..
هذا واجبي ك اب..
بعدها مابي اشوف رقعة وجهك..كون نفسك او أندفس تحت سابع ارض..
ماعاد ابي اشوف وجهك...
ولآ اشوفك في اي مكان انا اكون فيه..
تجاهلتنا با الامس واليوم وبكرا وبعدها لآتلومنا بتجاهلك..
اخواتك امك جدتك..حر تقابلهمـ لكن مو بمكان الي انا فيه..ولآ ببتي..وانس ان لك اب..
.
.
خرج..
وآغلق الباب..
ليفتح..
وجعاً يخرج دماً قاني...
يعبث برائحة الفراق..
ويعبر سككاً حديديه من العتب الموجع لروح..
نتألم..
نكابر..
ونتهاوى تحت اعتاب الجرح..
الاب..
كتلة من المشاعر الملتهبه..ماتنفك الا وتسقينا وتسكب من غمامها نوراً يضي ارواحاً
ويبعث في النفس ..ذبذبات روحيه لانشعر بها الا بين احضان الابوه
الابن..
فلذة كبداً لاتسمع الا قولها..
ولآترء الا طول ظلها..
لاتحسب لخطواتها القادمه دائمة العثرات دائمة السقطات
الاب& الجرح& الابن..
امتزاج مابين الحنو والجموح
ك غصن آينع ساقه وجذره أشتد فـ أورق..آوراقه مالبثت ان تركته لتعلن دخول فصلاً
من فصول السنه..
ليس الصيف ولهيبه..
ولآ الربيع وجماله..
ولآصمود الشتاء..
أنه الخريف..وسقوط اوراقه ورحيلها رغماً عنا..!
.
.
.

انا البياع والشاري وراس المال والعربون
ولد... انتي محطة شوق في سكة مشاويره
.
.
.
بعد ساعه ونصف
شرع بتال الباب مرحبٍ ب دخول ياسر ومناف..,
لـتسكت ترحيبه آحتضان فلكـ لـمناف قبل ان يكمل خطواته لدخول المكان..,
من ثمـ رحلة بكاءٍ لتو أبتدئت..
مناف بـعبره\آنا بخير عمتي..والحمدلله كان آختبار من الله في ان العيش مايطيب في البعد عنه..آنا بخير ..آنا بخير..,
.
.
.
لم يتبقى من آخي..
سواك و الذكريات..
صمتاً لله..
آريد ان آفرغ مافي جعبتي على صدرك..,
.
.
.
شدها ياسر برقه لـيقبل جبينها بـآبتسامه عريضه\خلآص مافيه دموع ..فيه ضحك وفرحة قلب اليومـ..هذولآ الاحباب مجتمعين عندكـ...
آبتسمت وهي تمسح دموعها تحت آنظار بتال المتوجعه\الحمدلله الحمدلله..
مناف\آنا بخير وكل شي طيب الحين فيني راح السمـ الي كان بجسمي ومافيني الحين الا العافيه والحمدلله..,
فلكـ تحتضن يدهـ لتجبره على الدخول \الحمدلله يامناف الحمدلله..
تركها بتال تدخل وآستوقف ياسر بيدهـ..,
.
.
.
نقف هنا..,
.
.
.
همسة محبه\الداعيه الصامت...الحجاب...فـ..هو عنوان العفاف ومظهر عزة وآنفة الاسلامـ..,
.
.
.
اللقاء السبت القادم اذا كتب الله لنا عمر=)
.
.
.

 
 

 


التعديل الأخير تم بواسطة ضمني بين الاهداب ; 20-12-10 الساعة 01:41 PM سبب آخر: تعديل التنسيق=(
عرض البوم صور ضمني بين الاهداب   رد مع اقتباس
قديم 20-12-10, 01:52 PM   المشاركة رقم: 937
المعلومات
الكاتب:
اللقب:

البيانات
التسجيل: May 2010
العضوية: 165963
المشاركات: 19
الجنس أنثى
معدل التقييم: ! سهام الليل ! عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
! سهام الليل ! غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

اقتباس :-  
كيف كان آسبوعكمـ يا الغوالي..آن شاء الله آستمتعتو ب فترة غيابي عن التنزيل..=)

لا والله الاستمتاع بديره وحنا بديره

احسه مو اسبوع كانه شهر مر علي

ضمضم تتدرين اني احبك في الله


نجي لروايه :


عناد يملا الكسر الي يكسر يدك >>والله ياانا حااقده عليه هالخاايس
اكره شيء عندي بالحياة الرجل الي يمد يده على مراة بذات بشيء ملموس (كـ عصى او حزام )
احس بغثياان و صداع >>هذا الاحساس جاني يوم قريت جزء عناد وملوك

بس هذا اخوها جاء أن شاء الله ياخذ حقها >>دخلت جو بقوه



في أنتظارك يالغلا السبت بأذن الله
تحياتي الى احلى ضمضم في هالكون

 
 

 

عرض البوم صور ! سهام الليل !   رد مع اقتباس
قديم 20-12-10, 02:25 PM   المشاركة رقم: 938
المعلومات
الكاتب:
اللقب:
ليلاس متالق


البيانات
التسجيل: Jan 2007
العضوية: 20540
المشاركات: 232
الجنس أنثى
معدل التقييم: wrood عضو بحاجه الى تحسين وضعه
نقاط التقييم: 22

االدولة
البلدSaudiArabia
 
مدونتي

 

الإتصالات
الحالة:
wrood غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

السلام عليكم كيفك ضمضم والله لك وحشة
شوفي انا اليوم ودي اذبح عناد يعني بصراحة شخصية متسرعة ومتسلطة جد ا ابد ماحبيت تصرفه لا وببالحزام كمان شوفي لو ملوك رجعت له انا ماأدري اش اسوي اجل من حركة عادية زي كذا يسوي هالشيء اجل لو اخذ سيوف واش كان سوى
يعني البنت تعبت ودرست واتزوجتها وهي تشتغل ياتقنعها من غير ماتجبرها او مالك خص فيها
لا وبعدين تضربها بعد صدق انك ماتسوى مواطي رجل ياسر الكريه
الله يعينك ملوكتي من حفرة لدحديرة ومن خاين لمرأة والله مو رجال الي يضرب المرأة بدون سبب
يعني حتى لو موجود في القرآن لازم التدرج لا وكذا مرة تجرب الحلول الاخرى واخر حل الضرب الغير المبرح يالخبل كرهتتتتتتتتتتتتتتتتتتتتك والله يوقف مناف لها وترميك بالجزمة
سوري ضمضم على الفاظ بس والله ماقدرت اتحكم حتى وانا اكتب احس الحروف تبغى تطير

 
 

 

عرض البوم صور wrood   رد مع اقتباس
قديم 20-12-10, 02:34 PM   المشاركة رقم: 939
المعلومات
الكاتب:
اللقب:
ليلاس متالق


البيانات
التسجيل: Jan 2009
العضوية: 118492
المشاركات: 4,894
الجنس أنثى
معدل التقييم: ام الشهد عضو على طريق الابداعام الشهد عضو على طريق الابداعام الشهد عضو على طريق الابداعام الشهد عضو على طريق الابداع
نقاط التقييم: 302

االدولة
البلدSaudiArabia
 
مدونتي

 

الإتصالات
الحالة:
ام الشهد غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

مسا الورد ضمضم

كيف حالك غاليتي وادري مقصرين بالحيل معك لكن السموحة منك يالغلا

بارت اليوم فيه قهر وفرح

انصدمت جدا بعناد وحركته يوم سحب الحزام ماتخيلت ابدا انه بيضربها وين حنا عايشين فيه ياعنادوه وبأي عصر والله انك فيك تخلف شوي رغم اعجابي الشديد بشخصيتك لكن عندك حب تملك واحس انك تعمم الخطا وتبي تربيها من جديد تحسب الحريم كلهم زي سيوف واخلاقها وكيف ان اخوك مايدري عنها وانت مخلي نفسك الفطين الي مايفوته شي وكل خطاء لازم تحاسب عليه لا ياعمري اصحا ترى وراها سند واخوها جا بيوريكي الشغل انت ووجهك

ملوك ياعمري والله ماعاش من يمد يده عليكي انتي صحيح اخطيتي بطلعتك حتى لو كانت مع عمك وانه لازم يكون عنده خبر بس مايشفع له يضربك واتمنى ماتسكتين على هالشي لان الي يبدا يضرب مرته يستملس جلده ويعجبه هالشي للاسف

مناف حمدلله على سلامتك والله يقبل توبتك يارب وتكون سند لاختك وتفتح بيت ابوك وتسنع عنادوه بس على خفيف تكفى مانرضى عليه هالماصل


جسار وهذا المفرح بالبارت وانجلاء الغمة عن عيونك وشفت وجه الحرباء على حقيقتها الله يشلها واخيرا بتادبها وتقلعها من هالبيت الزفته يالله ورينا شطارتك جسور بس والله رحمتك للصدمة الي جتك منها وخاصه انك تحبها ومدللها بس النفس الخبيثة تبقى خبيثة

ريان وضي وبصراحه كلام ابوه ماعجبني يعني تنحرم من ولدك عشانه اعرس خلاص ياخي ارضى وادعى له والي جاه من هالحادث يكفي الضعيف اتمنى تتراجع عن قرارك

فلك وبتال احس علاقتكم صايرة مره تنرفز ومافيها وضوح خلاص يافلك لاتضيقين على الرجال وعيشي يومك

مشكورة ضمضم على البارت الحلو زيك وننتظر الجديد

 
 

 

عرض البوم صور ام الشهد   رد مع اقتباس
قديم 20-12-10, 03:05 PM   المشاركة رقم: 940
المعلومات
الكاتب:
اللقب:

البيانات
التسجيل: Aug 2010
العضوية: 185688
المشاركات: 30
الجنس أنثى
معدل التقييم: moloak عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
moloak غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

ضمضم يسلمووو على البارت الموجع
اول ماشوفت عصبيت عناد جاء على بالى انه راح يمد يده على ملووكه
بس توقعت كف مو يطلع الحزام ويضربها
جعل يده للكسر مالقيت غير ملوكه تضربها <<< سميتى
جد انقهرت اتمنى ماتجلس له فى البيت وتروح بيتهم خاصه انه مناف رجع لهم
تدرىن ضمضم وش خاطرى فيه
انه ياسر يدرى عن ضرب عناد لملوك
وااااو واااو راح يصير اكشن هذيك الساعه

جســــــــــار
ياحبى لشخصيتك
لا تزعل نفسك ياابو درر
والله ماتستاهل سيوف كل هذا الشي
وحده خاينــــــــه
اتمنى انك تطلقها
ولك عندى عروس ماتخطر فى بال احد
وتوها متطلقه <<< اكيد تعرفها ضمضم

الظبــــــــــــــى
هى اللى تناسبك وتناسب شخصيتك

ودمتى بحفظ الله ضمضم ونتتظرك السبت على خير

 
 

 

عرض البوم صور moloak   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملوكـ وعناد وبدايات الحب.., مبدعة أستمرررري, آبـــــــــــــــــــــــــــــــــــــــــــــداع...., لو أجيب كل عبارات المدح ماراح اوفي قصتك حقها من الأبدااع, اويييها واعرس البارون اوييييها والحلوان على شوشو, بتال&فلك آحلى ثنائي, بعض العيون حقدها في نظرها, يا الغوالي الاجزاء سبت واثنين..ضمضم, يا ناس وه فديت مقرن و ساري بديت احبهم, جسار للظبي<<مااتنازل, حصريا ولأول مرة العقيد عنااد آل راسي من ممتلكاات النوري ..فاهمين ..فيس يهدد هههه, روابط جميع الاجزاء با الصفحه الاولى..., عنااااااااد أسطوووره لن تتكرر ..وهـ بس فديت ابو رعووودي .., فديت أحسن وأحلى كاتبه ضمضمــ, نظره حقد 20 في صفحه 75--نظره حقد21في صفحه 83, نظره حقد 22 في صفحه 88--نظره حقد 23 في صفحه 96, نظره حقد 24 في صفحه 107, نظره حقد 26 في صفحه 127, نظره حقد 26 في صفحه 128, ضمني بين الاهداب, قصص من وحي الاعضاء
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t140889.html
أرسلت بواسطة For Type التاريخ
ذ¯ذ½ذ´ذµذ؛رپ This thread Refback 03-07-15 12:28 PM


الساعة الآن 08:51 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية