الله يعطيك العافية على البارت
وبكل شوق لمتابعة الاحداث بين فلك وبتال - عناد وملوك

مشششششششششششششكورة ضمضم على الجزء الرائع
سامحينيي مالي في التعليقات ولا في التوقعات احب انتظر بشغف ما خطته الكاتبةواستمتع به
ودمتي ميمي لوف

والله ما العذبه غيرتس يااقلبي >>>فيس سهام الخجلان ونادر ما يطلع هههههههه



بارت رووعه
الله يعين ملوك على غيرت عناد


متى بس تعجلين بنهاية سيوف >>كل بارت اقول يمكن هالبارت
خايفه تاثر على ملوك في فترة جلوسها في بيت العائلة

كاسره خاطري هالايرانيه (ضي) بس عسى اهل ريان يتقبلونها (:

ضمضم يالغالية في انتظارك يوم الخميس ..وش رايك تنزلينه عقب الظهر >>تحس انها راح تتكفخ ههههههههه

موفقه يالغلا

صباح الورد ضمضم

كل عام وانتي بخير اسأل الله انه عام خير وبركه عليك وعلى اولادك ومن تحبين ويحقق كل امنياتك

بارت رائع امتعتينا فيه امتعك الله بلباس الصحه والعافيه انتي ومن تحبين

وانا اضم صوتي للغاليات سهام الليل وام الشهد ان البارتات تكون صباحيه علشان نقرا با استمتاع من غير ازعاج ولا تنغيص الله لايحرمنا من ها الازعاج


بتال والخطوه الرجوليه الي قام فيها ولا هو كل رجل يقدر عليها الا اذا كان مثل بتال

متزوج ثلاث

وحده غلاها متلبس روحه

وحده عنده شفقه ورحمه فيها

وحده قرابه من جهه وام بناته ويتيمه
من اصعب ما يكون العدل بينهن وبتال رجال يخاف الله مع أن كل وحده فيهن عطته سبب انه يتخلص منها على طبق من ذهب

مناهل سقطت الحمل الي ينتظرونه ما عاد عندها شي يربطه فيها ومناير سواياها تمرس الكبد وفوق هذا كله تسببت بفقدان مناهل جنينها من يلومه لو طلقهن


ولا يبقى الا الحبيبه تسرح وتمرح وتدلع على كيف كيفها

لكن هذا بتال ماهو غيره

رجل بمعنى الكلمه حتى شرطه على فلك انها اذا تبي الطلاق تسقط الجنين هو عارف بغيرة فلك ومقدرها واعرف بعد بحبها له

وداري انها بتحافظ على الجنين اكثر منه الا اذا ربي ما اراد

ولا كان قال انتي طالق بمجرد تسقيط حملك ؟؟؟!!

بتال يسوي شي فوق طاقته الي يده با النار ماهو مثل الي ينفخ عليها ها الكلام هذالكل الي يلومون بتال

با الرغم من ان بتال شخصيه بروايه يعجبني فيك ضمضم انك تحاولين تقربين فيها للواقع

والا با الامكان انك تستحدثين موقف يتخلص بتال من مناهل ومناير ولا تبقى الا فلك

لكن روعة الروايه بواقعيتها حتى لو اوجعتنا الاحداث

ما عليك بتال كل شي با الحياه له ضريبه من جهه اذا رحت لبيت ابوك كلن يجلدك ويجرحك بلسانه وبا المقابل

تروح لفلك تعالج الجروح شفت انك انت الرابح في الصفقه فلك تستاهل الضرايب الي انت تدفعها

وانت وش رايك يوم شفتها كاشخه بتحضر ملكة ياسر

.
بـخبث\مآترحمين القلوب آنتي..!

اذا انت ضاعت علومك وشلون حال مناير ومناهل اذا شافوها والله ان تجي علوم
وتجي المواجهه عاد بين فلك العجوز

وكاثرين هيجل
والله يا فلك ان بترجعين وانتي مستانسه والفرحه فرحتين ملكة ياسر

وشوفة مناير وتدرين انتس مالتس مثيل
وتحنين على ها الضعيف الي مسكره عنه الباب اسبوع ما غير يكافخ ذ البيبان ترى بتال يقدر يفتح الباب بسهوله لكن

علشان يوريتس غلاتس وان البيت بيت فلوكه وتسوي الي تبيه
لكن الله يعينك على همز ولمز الظبي

التزمت فلكـ الصمت القاتل لروحها لأجل ياسر فقط..
كي ينعمـ بليله هادئه..وجميله..
لآ
من آجل ذاك الجارح لروحها ولـسكينتها..!



يا كذبتس يا فلك الا سكتي تبين تروحين تشوفين العاجي وانك صرتي منهم غصب عنهم وتشوفين الي يقهرتس فيهن بتال وياسر

والجارح ما عليه بتشفقين على حاله ننتظر ونشوف مع ضمضم لقاء هوانم بتال


ريان وضي المشكله للي ما يحسب لصغيره قبل الكبيره هذي ضي طايحه محد عبرها وانت بين الحياه والموت والله الملامه من هي عليه

هو على ريان الي ما حسب حساب احد ودور راحته وادوخ غيره والا اهل ضي الي رضو في ها الزواج بدون ما يحفظون حقوق بنتهم

مهما كان المستوى الاجتماعي للي متقدم لها !!

لكن صار الي صار واتوقع بيتقبلون ال الراسي ضي بينهم تحت ضغط خوفهم على ريان وضي احتمال تقدر تدمج نفسها مع ال الراسي

وانتي وحظك يا ضي ؟؟؟؟؟؟

الجده يا ربي تخلي الجدات متى ياربي بس اصير جده

من بداية الروايه وانا انتظر بس تعليقاتك واليوم بردتي قلبي بسيوف مزحه برزحه معتبره

تستاهل الحيه صدق من العافيه الي فيتس تدورين ورى البلاوي وتبلين عباد الله الغافله

انتي الي جعل يسمع ونينتس من ورى المغذي


ياسر مبروك الملكه مقدمآ

انتي ماسمعتي المثل الي يقول اذا سرقت اسرق جمل واذا حبيت حب قمر..!
لا ابشرك انها قمر لكن دلوعه وبتتعبها با اخلاقك الشينه لكن عاد تذكر تراك مطلق قبل يعني هذا بيرفع اسهم رهوفه زين الرياض

هذا اللقب الي ابيك تحطه في جوالك زين الرياض ماهو الاهل والا البيت زين الرياض

وانت شفت بعينك محد قالك ملوكه خلاص بح

لا عاد اشوفك تمنى للقناص شي

انت بالش عمرك وقاهرك ان عنده ولد وهي جن جنونها من الخوف عليه

آقسم اني أتمنى ان يكون بين الاموات..!
كي تعود الحياهـ
لقلباً يحتضر..!
ههههههاي اصبر يا ابن الحلال ما بقى شي ويجي من ينور حياتك عقب ما اظلمت عقب ملوك

اتمنى عقبها ان الله يطول بعمر عناد


ملوك وعناد

ما اشوف يناسبكم

الا الله يسامح غلاك ويلعن الحاجه

ملوك وخوفها على عناد وفقدانه حب وحاجه للأمان وكلهن فاقدتهن مع الخوف الطبيعي لكل زوجه على زوجها افقدها السيطره
على اعصابها
حتى عصبية عناد ما لحظتها

ملوك ماهي غبيه او تفكيرها محدود والدليل انها ما حاولت اي محاوله تحتك بسيوف كل الايام الي كانت موجوده

واثقه من ابو رعد واحساس المراءه الي نادر ما يخطئ ولا حتى حاولت تتأكد من سيوف عن مدى صحة كلامها

اما انها ماتبي مأساه جديده مثل الي حصل مع ياسر

او انه اسلوب الدكتور الناجح لعلاج المرض يشوف بعينه ويوقف على الحاله بنفسه


وبعدين يقرر العلاج

عناد يا دافع البلا على طول تحرم دخولها بيت عمتها يعني وين بتلقى مناف با الشارع والا في بيتهم القديم

وش خايف منه يا عناد

سيوف تكرر

عناد بحده\تراك ازعجتيني..بس آسكتي..!
يعني هذي جزاتها والا عندك عقده من الدموع



ابدعتي ضمضم

كان ودي اعلق اكثر لكن صاك راسي صداع غير طبيعي

ننتظر القادم بشوق