لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 06-11-10, 03:12 AM   المشاركة رقم: 701
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

بسم الله الرحمن الرحيم

.
.
نظرة حقد28..
الجزء الاول..!
.
.
مدخل..,
.
.
.
تبي ترحل
روووووح و أرحــــل! ! !
بس لحظـــــــه ,,
رد لي قلب خذيته ..
يوم بـ الصدفـه لقيتـــك ،،
ردنـي طفلن غرير ..
مايعـرف للـ ـآلحب سيـره ، ،
ردنـي ضحكه بريئـه ..
ماتعـرف للـ ـآلحزن ديــره
رد لـي الرجفه الغبيه..,
لاعتراه الحزن صوتـك ، ،
يومي اسأل.!!
بأهتمام وش علامك فديتـك
رد لـي كلمة فديتك . .
عطنـي كل أللي عطيتـــك ؟ !
ثم آرحل..
ثم آرحل..
ثم آرحل..
.
.
بدايه
صباحتكمـ شوقاً عذب..,
وصباحتي تواجدكمـ المحبب الى القلب..,
.
.
أرحب با النقاش كـ نقاش ..,
واعي بعيد عن السطحيه والقشور..
ولآ ارحب بتصيد الأخطاء من مبدا معترف به أنهُ با الاول والاخير عمل [بشري] قابل لتواجد الأخطاء والعثرات ..,
وبعض علامات الأستفهامـ و التعجب تنطرح كـ تضيق خناق[ لآ] خدمه للقارئ ولا للروايه ولآحتى لطارح السؤال..؟
بعالم الروايات ما آنا الا عابر سبيل ..فـ..آكرمو عابر السبيل ..,
,
.
.
.
بارت اليومـ نقله نوعيه لجميع الشخصيات..,
مشبع من جميع النواحي ..يتخلله احداث كثيرهـ..
أيضاً ليلة زواج عناد وملوكـ...ليله طويله جداً تمتد لبارت القادمـ...
ليس لعناد وملوك فقط...بل لجميع الشخصياتـ على جميع الأصعدهـ..
الأحداث في هذا البارت في تصاعد الى البارت القادمـ في نقطه معينه...
وعلى صعيد المشاعر..جداً دسمـ...
كان متعب جداً لي...
آرجو بصدق ان يلامس القليل من ذائقتكمـ..
ويكون بنصف عذوبتكمـ الدائمه..,
.
.
.
آيضاً..
آحتمال صغير ان آسافر في نهاية الاسبوع لوالدتي الله يشفيها ويخليها لي..فــ راح يكون دخولي لنت قليل ..فـ آطالب بآجازتي منكمـ =)
وحركات التدليع والتغنيج مني لكم .. أجلوها لبعد العيد وان شاء الله تحصلون مني الي يرضيكمـ جميعاً..
ويرجع يتثبت بارت الاثنين من بعد العيد..,
.
.
.
الي يسألون عن مواعيد البارتات..ترى والله انا دومـ اكتبها بنهاية البارت..والي يسألون عن متى النهايه..الروايه طويله وماحددتها بفصول متى ماشعرت انها استوفت جميع الابطال وتفاصيلهمـ وضعت النهايه لها..؟
.
.
.
لآتلهيكمـ الروايه عن دخول وقت من اوقات الصلاهـ...
.
.
.
بجناحي التؤمـ..
جسار برقه \يالله بابا آصحي..؟
وسن بخوف\بابا آبي آنامـ..مابي آصحى الحين انت روح وانا بصحى ؟
درر بـآبتسامه وهي تشد يد جسار\باباتي انا اقولك ليه هي ماتبي تصحى..؟
جسار آبتسمـ لآقتراب درر الغريب منه\وليه ياروح بابا اكيد دلوعه مثلك..تبي بابا يشيلها..؟
حمل جسار درر على يدهـ وآجلسها على حجرهـ..
درر بخبث\لآأأأأأ..
وسن ببكاء\درر انتي مايحبك الله عشانك تكذبين..؟
درر بصراخ\لآ أأأ انا ماكذب..!مااااكذب..!انتي ماتبين بابا يعرف..؟
جسار بمقاطعه \بس ..لآتحكون كذا لبعض..
درر بآشارهـ بصبعها الطفولي لوسن\هي بابا عملتها مثل النونو بس انا كبيره ماعملها زيها انا احسن منها شوف سريرها...>>آعزكمـ الله
بكاء وسن الطفولي الان زاد الامر على قلب جسار وجعاً..
صرخ جسار بصرامه على المربيه..,\شيلي وسن للحمام وبدلي لها..ونزليها تحت لي بـالسيارهـ..,.
.
.
.
متى ها الليل يعتقني لوجه الصبح يايمه..؟
.
.
.
آنزل الكيس الانيق الفخمـ...
وهو يرى ردها البارد..
ليطبع على قمة رأسها قبله..,
ويشتمـ عبقها ويحتبس زفيرها بصدرهـ..
كي يبقى يسكنه..,\جايب هديه..؟
رفعت عينيها ببرود..والشوق يقتلها..\ماتهمني الهدايا..!
تراجع بخطوهـ..وآلابتسامه تملئه\مو لك آساساً..!!
حركت عينيها بهتمامـ بعد وقع كلمته الهازئه..للكيس..الانيق ..
ببرود\دامها مو لي...ليش جايبها ..؟والا ناسيها معك بسيارهـ..لغيري وخايف يصير فيها شي..؟
تجاهل كلماتها وهو يقبع برجوله على الكرسي الذي يقابل جميلته..وبفخامة ,\شسوي آحب صاحبة الهديه من حب الي يحبونها..؟
.
.
حب..!
الله يبلاك فيه يابتال...
وتذوق طعمه..
ويجرحك ..!
مثلي الحين..
وش تعرف من الحب غير حروفه..,
مقسم قلبكـ..
و
تقول حب..!
.
.
.
آيا الغيرهـ..!
ياحلو
مبسمها على وجهك اليومـ..!
.
.
بثقل\جهزي لي شي آكله جوعان حيل...؟
فلك بـآبتسامه خبيثه\ ثنتين هناك ومافطروك..؟
بتال\شفتي كيف..؟
وقفت بستهزاء\آيه..آجل نفطرك..؟نخاف يصير فيك شي..؟وانت زوج ثلاث..!
بتال بخبث\الا تعالي..كيف نمتي البارح من الخوف..؟
بغيض\مثل مانمت انت قرير العين..!
صوت ضحكته الرجوليه ملئة اركان المكان\تعالي تعالي خلآص ..مابي فطور..بس تعالي..
وجهت آنظارها له بغيض\وليه ماتبي فطور..؟
بتال\خلآص شبعت..!
فلك\آها..يعني بس تبي آوقف وآرجع..وشبعت من ايش؟
بتال بضحكه\عادي..بشوفك...بملي عيوني بطولك..ترى مافيها شي..!
آردف وعينيه تنتقل للفراش\هذا فراش ياسر..؟
دلف الباب ياسر قبل ان تجيب فلك..
يمسح وجه بـفوطه صغيرهـ..تخصه..آبتسمـ..\عميمي..!
بتال بـتهكمـ\آيه عميمك..!
ياسر\يالله انك تصبحه بآ الخير...مادريت ان الكهرب طفى علينا البارحه يقولون والعهده على القائل .. ان سببه التماس في كهرب جيرانا الي جنبنا..!!!
غرق بتال بضحكه وهو يلتقط ماتبطنه كلمات ياسر ..
وفلك المغتاضه لمـ يفتها المعنى لتكز ياسر بقوهـ من كتفه..
ياسر ببراءه\خالتي..كسرتي كتفي ماهي بيد الي عليك..!
وجه فلك اصتبغ بلون الاحمر..
وهي تنسحب بـغيض لمطبخ..,
طبع ياسر على رأس بتال قبله من ثم\يووووه حرايق حراااايق..! ياويلك من الثلاث...!
آبتسم وهو يقف\عقبال ماشوف عندك الاربع...؟
آشار بكلتا يديه\الله لايقوله..وحده...وخلآص..مجنون انا آبتلش بمراضة هذي اذا زعلت هاذيك..!
بتال\هو المشكله لآصار القلب مع وحدهـ وهي عارفه هـ الشي وتتغلى...
ياسر بتهكمـ\رح لخالتي رح لها..الله يرفع عنك..ويجبر خاطرك ماتكسرهـ..والا الحب ماهو بـ لنا...!
آبتسم بتال وهو يخرج بخطوات متوجه لـمطبخ..
جلس ياسر على الاريكه ورمى الفوطه الصغيرهـ على الطاوله ليلفته..
الكيس الفخمـ وحجمه الكبير ..
آبتسمـ..
بثقل ونظراته تتفحص بستغراب الكيس ..
الواضح من آرقى دور الازياء..,
وقف بـفضول ليقف بقرب الكيس وتسقط نظراته متفحصه..؟
.
.
.
متى ها الليل يعتقني لوجه الصبح يايمه..؟
.
.
.
بمشغل راقي..
مناير بـعصبيه\عساتس الماحي ماصدقتي على الله تمسكين ها المقص..عسى ايدتس الكسر من المفصل..
آيه..ماتعبك العنايه بـ هـ الشوشه...لآ الزيوت ولآ الخلطات..
العامله\يامدام يامدامـ أنتي أئلتي بدي هـ الئصه..وهيدي موديل الائصه..شو بدك ياني اعمل..,؟
مناير بحده\ياجعل المقص يقص لسانك لين تعرفين تحكي زين انا لي عيون اشوف اشوف
ماهي بنفس القصه..
مناهل متدخله\يآمناير بس فضحتنيا وش فيك هـذا الموديل..انا ماصدق اساساً انك قصيتي شعرك بين يوم وليله وش جاء على بالك الله يهديك..,
آشارت مناير للعامله تبتعد\وش جاء على بالي..ياحبيبتي بتغير عند بتال..لو تشوفينه البارحه يتعذر لين قال الفجر الله اكبر..
وماغير يبوس هـ الايد وهـ الراس وانا اسف وحقتس علي يابنت عمي.. والله انها ماتسوى مواطي رجليتس..
وانا يالله يالله بـغصب رضيت عليه..وقلت يابنت غيري( ننننننولوتكس)
مناهل بصدق\الله يصلح الحال والله هذا الوضع المضبوط لبناتك ولك والشيطان لآيدخل بينكمـ ويخرب حياتك وحياة هـ البنات والا ترى بتال مايطق خبر في احد..
مناير\ههههه ياحبيبتي مايقدر يتركني هو بس يعافر واخر شي يطيح الي براسه ويجيني ويتعذر ويراضيني يالله ماعليه كلها كم شهر ويطلق بنت البراق..يالله بس اجهزي بنروح للحرمه ..
مناهل آرتبكت وفضلت الصمت بعدها..,
.
.
.
متى ها الليل يعتقني لوجه الصبح يايمه..؟
.
.
.
مقرن بسعادهـ\يعني موافقين..؟
الظبي\لآ ماقالو كذا بصريح العبارهـ بس لما قلت لأمها قالت حياكمـ الله...,لو مو موافقين كان آعتذرو بلباقه ..
مقرن ضرب عكازه بخفه على الرخامـ\لو يصير هـ العرس والله لآخلي الرياض كلها تتكلمـ عنه السنه كلها...
الظبي بآبتسامه\وهذي يبي لها اثنين يحكون فيها..هذا حفيد مقرن العاجي..وخذا وحده ابوها نسبه مثل الالماس..
مقرن\الله يسمع منك وتمشى امور ياسر..نشف ريقي في هـ السنين..والله لآعوض عبدالعزيز بفرحتي فيه..
والله لـخليه على راحته من بعد ماياخذها..
يآمر وينهي وماراح اقول له لآ..
الا بقول له سمـ.. ولبيه..
آهم شي آنه صحح الي آخطى فيه آبوهـ...
الحين يتعدل كل شي وارتاح..,
الظبي بفرحه\آجل الليله يابوي روح وآخطبها أنت وياسر ...؟
مقرن بـآبتسامه عريضه\الليله..!!.. الا .. الحين..بدق عليه يجيني ونروح...
.
.
.
متى ها الليل يعتقني لوجه الصبح يايمه..؟
.
.
.
بتال بستغراب\الحين انتي زعلآنه والا تغلين والا كيف..؟
فلك تحضر آفطار ياسر\من قال زعلانه..أو ..آتغلى..؟
بتال يحضن كفها ويطبع القبل\ترى من تغلى تخلى..؟
فلك تسحب يدها برقه..\ماقلت شي طيب..؟
بتال بجديه\لآااا..قالت تصرفاتك ماهو لآزمـ آفعالك..فلك..انا مراعي شعورك وانتي عارفه ومتأكده انك مالكه القلب..
لكن مع كذا تروحين وتسوين تصرفات ماهي لك..؟
مكالمتك البارح انا مو غبي عشان تمشي علي..؟
آنتي عارفه ان انا عند مناير ..
كان ارسلتي لي مسج..
اوكلمتيني اذا كان الامر ضروري..
لكن خايفه وتعال..؟!!
فلك..انا مابي يصير شقي مايل يوم القيامه عند ربي..؟
ماراح ينفعني حب..
ولآ..آحد..غير رحمة ربي ..,
فلك والدموع تجتمع بـمحاجرها\آنا ماقصد هـ الشي الي انت فسرته..بتال انا ماقدر اكثر من كذا اضغط على نفسي..
آنا ماقدر انسى الي سويته فيني وان انت آخترتهمـ وعشت معهمـ كل هـ السنين وتركتني..
انا ضاغطه على نفسي..
ضاغطه وساااااكته؟
بتال بستغراب\تضغطين على نفسك..؟في آيش..؟
آبتلعت ريقها وآستدارت لتسكب شاي بكوب...وتنسكب معه دموعها..
وضع كلتا يديه على كتفيها العاريه وآدراها بصرامه\تضغطين على نفسك بآيش..؟
.
.
.
آغار
ويقتلني بعدك عني..
آشتاق..
لدفئك هنا..
بين حنايا الروح
والنفس..
وآنت
مشتت القلب والجسد..
بين ثلاث نساء..,
وثلآث اطفال..
آي ركن آريده..
واي مساحة ضيقه تحتويني بقلبكـ..؟
.
.
.
تضغطين على نفسك بماذا يـآحنين السنين..؟
بقربي وتقبل حبي من جديد..؟
تضغطين على نفسكـ بـوجع..!
بتأكيد من آجل ياسر..
فآنتي لمـ تعودي لـ آحضاني الا من بعد رجائه..؟
وانا اعلق قلبي بين حباً ماضي ..
وصقيع مستقبل..,
آي
رجلاً
عاشقاً انا..؟
لآ
آرضى على نفسي ان اكون مفروضاً على آمرأهـ..
وأن تأكدة يافلك بـذلك..؟
فما آكرمهمـ الا كريمـ..
ومآهانهمـ الا لئيمـ..
.
.
.
بتال ببرود\لآتضغطين على نفسك آكثر..!
ترك كتفيها وآستدار للخروج وبثقل\نادي لي ملوكـ بجناح الثاني..؟
مسحت دموعها بـوجع حباً وغيرهـ..
وعينيه تتبع خطواته
الخارجه..,

.
.
.
دخل بتال الصاله الموجود بها ياسر..,
المستفهمـ..عن ماهية الكيس ومصدرهـ..
و
الافكار تدرو برأسه بتوجس غريب..؟
بتال بهدوء\وش عندكـ مرتز عند الكيس..بتصور معه مثلاً..؟
ياسر ببحه\وش ها الكيس يا عمي..؟
بتال شد خيوط الكيس ليحمله\الاكيد ماهو بــ لك..؟
آمسك معصمه وشد خيوط الكيس\وش هـ الكيس..؟
بعد صمت دقائق..
بتال بهدوء\فستان زواج ملوك هديه مني لها..؟
.
.
.
لآآآآآآ
فوق آستطاعتي هذا الشيئ..
لما
لآتترفق الايام بقلبي قليلاً...
آي
خطئ أدفعه اضعافاً مضاعفه..
من
حرقة الروح..
وذوبان الى حد الاحتراق..
فستانها..؟
من شخصاً آخر غيري..؟
يالله..!
يالله..!
يالله..!
لآ آريد العتق من حبها ..
ولآ اريد المكوث بأسوار حبها..؟
فستان زواجها..؟
بيدي..؟
ومن يشتريه..؟
عمي..؟
لرجلاً غيري..؟
ليحتضن تلك الروح الذي طال ليلي في أحتضان طيفها..؟
ومع سنين وآيامـي آشتياقي..
لـتصبح لي بين آربعة قوائمـ
لمـ آطل
اليومـ
الا
فتات خبز الاشتياق..و ..آيدامـاً من الفراق..!
مآصعب
هذا الشقاء..,
.
.
.
آفلت الكيس لآ آرادياً..
لتتلقفه يد بتال بصمت ويرحل ..
قبل ان يرحل..
آستدركه
صوتاً
خارجاً
من قاع المجهول والجنون..
ببحه وتلعثمـ وأختناق\ومتى زواجها..؟
بتال بوجع \بعد يومين..,
.
.
.
متى ها الليل يعتقني لوجه الصبح يايمه..؟
.
.
.
بـحي شعبي..
مناهل بخوف..\والله خايفه خايفه يامناير وماستئذنا من بتال...آنا خايفه..؟
مناير بثقه\وش تخافين منه..ماسوينا غلط..ماعليتس بس..هونيها وتهون..ذبحك المعافر ورى هـ المستشفيات من غير فود..
خلينا بس ندخل على الحرمه تعطيك علاجها..
وبتحملين ان شاء الله..ببنت..!
عشان الولد انا الي بجيبه ان شاء الله..!
مناهل بجزع\بنت ولد..مايهمني اهم شي آحمل والله مشتاقه آحمل وأضم بحضني طفل..
مناهل مممسكه بيدها ومقتربه من باب المعالجه الشعبيه\ماعليتس ان شاء الله بتجيبين تؤم بنات..بس خلينا ندخل ونمسك الارقامـ مع الحريم!
.
.
.
متى ها الليل يعتقني لوجه الصبح يايمه..؟
.
.
.
مستشفى خاص..
الدكتور بهدوء\حاله نفسيه مثل ماسمعت..؟
جسار بـصدمه\حاله نفسيه..!
الدكتور\نقدر نعالجها بذن الله اذا حاولنا معالجة المسبب الرئيسي لها الشي..
[التفكك الأسرى مثل الطلاق والانفصال ..او..تعدد الزوجات ..او..ازدحام البيت وكثرة الشجار أمام الطفل. او..مرض الطفل ودخوله إلى المستشفى للعلاج..او.. بداية دخول الطفل للمدرسة وانفصاله عن الأم. او
الغيرة بسبب ولادة طفل جديد في العائله..نقص الحب والحرمان العاطفي من جانب الأم.
نقدر نتغلب على هـ الشي لكن لآزم نعرف حالة الطفل الحين في هـ الشي.. فـ معاناة الطفل من هذه المشكلة راح تنعكس على حالته النفسية،
فيصاب بالاكتئاب وينحرج بين زملاؤه ،وراح يشعر بالنقص والدونية ،
ويتوجه إلى الانزواء والابتعاد عن الأنشطة الاجتماعية ، ومن الممكن ياخ جسار ان يكون عرضة لسخرية
أخوتها ان كان لها اخوه او صديقاتهافـ يثور بعصبية و يلجأ للعنف ،
ويزيد حالته توبيخ الأم له وتوجيه العقاب البدني مما يزيد ذلك من استمراره في التبول. ]
جسار بقهر\والعلاج...دكتور..؟
الدكتور \أنا راح اقولك هـ الشي...اولاً
[برنامج إرشادي ونصائح للأم لمساعدة الطفل في التخلص من المشكلة :

توفير الأجواء الهادئة فى المنزل لإبعاد التوتر عن الطفل.

توجيه الأخوة بعدم السخرية والاستهزاء من مشكلة الطفل.

ضرورة مراجعة الطبيب للتأكد من سلامة الجهاز البولي عند الطفل.

ضرورة الالتزام بالهدوء والتحلي بالصبر على مواجهة هذه المشكلة، وإشعار الطفل بالثقة في النفس وترديد عبارات الثناء والتشجيع بأنه قادر على التغلب على هذه المشكلة.

مساعدة الطفل على النوم ساعات كافية بالليل ، وأن ينام بالنهار ساعة واحدة فقط ، لأن ذلك يساعد في التغلب على مشكلة عمق النوم.

من الضروري أن يكون غذاء الطفل صحياً وخالي من التوابل الحارة أو من الموالح والسكريات.

تشجيع الطفل على الذهاب لدورة المياه قبل النوم.

تشجيعه على عدم تناول المشروبات الغازية والسوائل قبل النوم بثلاث ساعات على الأقل.

توفير أغطية وملابس داخلية بقرب الطفل وتشجيعه على القيام بتبديلها بمفرده في حالة التبول حتى يشعر بمسئوليته تجاه هذه المشكلة.

إيقاظ الطفل بعد ساعة ونصف تقريبا من نومه لقضاء حاجته ، وتكرار ذلك بعد ثلاث ساعات من نومه.

استخدام أساليب التشجيع اللفظي مثل " أنت اليوم ممتاز لأنك لم تبلل فراشك".

نطلب من الطفل ونساعده في إعداد جدول أسبوعي يسجل فيه الأيام الجافة ، وذلك بمكافأة رمزية ( ملصق نجمة أو وجه باسم/ أو .. ) وكتابة ملاحظات أمام الأيام المبللة. ]
.
.
.
ومضه \المعلومات مابين الاقواس دقيقه ومستقاهـ من عدة مواقع طبيه معروفه في هـذا المجال ..
.
.
.
جسار تعانق عينيه لعب وسن بقدميها بقرب من الشباك القريب..آبتسمـ\ان شاء الله تشفى دكتور..
الدكتور بآبتسامه\آكيد..المرض ماهو بخطورهـ كبيره..ومثل ماقلت لك نفسي اكثر من انه عضوي..الله يشفيها لك..,
وقف جسار وهو ينادي وسن\امين..
.
.
.
متى ها الليل يعتقني لوجه الصبح يايمه..؟
.
.
.
بآحدى آجنحة فلة بتال..
كان بتال قابعاً على آحد الكراسي ينتظرها..
دخلت بهدوء والقت سلاماً خفيفاً جداً...
بتال بآبتسامه\كيفك يابنت مناف..ان شاء الله بخير ياالغاليه..,
ملوكـ\الحمدلله عمي..بخير..
بتال\ ملوك يا الغاليه انتي تعرفين انك حسبت بنتي وان غلآك من غلآ بناتي
ملوكـ\الله يخليك لنا..,مافي شك الله يطول بعمرك..,
بتال \ودامـ انك بحسبة بنتي ..فـ من حق البنت على ابوها انها تقبل اي هديه منه وماتفشله وتعتبره تفضل او منه ..صحيح كلامي او ..لا..
ملوك بحراج صمتت..,
من بعدها بثواني\خيرك سابق يابو فلك..,
بتال بجديه\انا جبت لك هديه ..وان رفضيتها وخبرتني فلك انك ماقبلتيها والله والله ياملوك ان ازعل عليك وزعل كايد بعد..,
ولآ آقبل بعدها اعتذار ولآوسيط..
ملوك برتباك\ياعمي الله يهديك...اا
بتال قاطعها\مهرك ماتصرفين منه ريال واحد..تحطينه برصيدك وبحسابك لزمن وتقلباته..,وتكاليف تجهيزك كلها انا اتكفل فيها من الفستان الى السوارهـ الي بيدك..؟
ملوكـ بحراج\لآآآآآآ..ياعمي لآلآلآلآلآماقبل هـ الشي ..لآلآااا الله يخليك لآتحرجني كذا ..الله يخلي لك بناتك والله ماقدر اقبل هدايك جمايلك مغطيتني ..لآتزيدها علي اكثر..,
بتال بجديه اكثر\وش جمايله..!لآأسمع منك هـ الحكي..؟وماهو بكيفك ..فستان وهذا هو..والعصر بيجونك ثنتن العصر يجهزونك تجهيز عروس..
وعاد حركات الحريم من كوافيرات ومشاغل تقوم فيها فلك مالي اي خبره فيها..,
والحساب لكمـ مفتوح..,
ملوك بحزن\والله ياعمي مالي اي نفس في ها الاشياء كلها لاتضغط علي مقدرهـ محبتك وحرصك لكن آبوي..أأ
قاطعها\آبوك ماراح يكون مبسوط وانتي لآبسه لبس حزن في ليلة عمرك..ومقابله فيه عريسك..؟
وفرحي آبوك اللي حي الحين..!
نفسي وحده من بناتي اشوفها متزوجه..ومبسوطه..
آردفها بأبتسامه صادقه ..,
جعلت الحروف تتحشرج بصدر ملوك الى حد الاختناق..,
على دخول فلك كان وقوف بتال وتجاهله لفلك من ثم خروجه..
فلك بـرتباك\ملوكـ مناف على الخط ..,
وقفت ملوك برتباك وتوتر..
لتلقف الجوال بشوقاً ووجع..,فهي منذو ان اخبرتها فلك بـعلاج مناف قبل عدة اسابيع في مصح في حديث ودي بينهمـ كانت الدموع هي المسامرهـ...آصبحت تلجم الشوق الجاماً
.
.
.
صوت آنين..
وعبرات..
صوت بكاء..
طفل..!
وكئنه لمـ يبلغ عامه العاشر بعد..
صوت بكاء رجل..,!!
ماصعب بكاء الرجل..,
زفرات حزن..
وذبذابات روحاً متعبه..
.
.
.
يحمل آثير الصوت..,
.
.
مناف بوجع\ملوكــــ...
ملوك بتحشرج\روحها..وقلبها...كيف صحتك الحين مـــنـــوف ان شاء الله بخير طمني..
مناف بوجع\ياعسى مافيه صحه..دامـ ماحضرت عزا ابوي..؟
.
.
ليغيب صوته مرةٍ اخرى..,
ببكاء..
وحشرشة روح..,
.
.
ملوك ببكاء ايضاً\الله يرحمه ..,لآتسوي كذا..,
مناف \بعد اسبوعين راح يخلص كورس علآجي..,وبنزل لسعوديه..,
ملوكـ تمسح وجه الحزن ليشرق بفرحه\الحمدلله زين والله خبر زين..آهم شي بترجع لنا مناف تكفي يامناف شد حيلك يا الغالي با العلاج..لآتخيب الرجاء فيك..
مناف عدل صوته وحبس حزنه وبارتباك\ماراح يسمحون لي اكثر من كذا..سلمي لي على عمتي
آختنقت بوجع\ماشبعت منك..لآتسكر...
مناف بصوت غائب\ مبروك زواجك..,مع اني مو راضي..ولآادري وش صار فجئه بينك وبين ياسر وكيف طلقك والحين خذتي غيره...
لكن الي فهمته ان ابوي الله يرحمه كان راضي عن الرجال الله يوفقك..معه..
آكيد ماراح اقدر احضر زواجك..
عمتي لما كلمتها خبرتني انه الخميس ..
ملوك..لآوصيك على نفسك يالله مع السلامه..
ملوك ببكاء\منـــاف تكفى بسرعه خلص علاجك..,
آنقطع الاتصال بينهمـ..
وآحتضنت جوال فلك لتشبعه من الدموع الساقطه..
فلك بدموع\اهمـ شي انه كلمك قبل زواجك وبارك لك..الحمدلله راح يرجع لنا سليمـ من السم الي كان ياخذه..,
و..واضح انه متفهمـ كل شي...
لآيضيق صدرك كذا..
واذا جاء بتشبعين منه ويشبع منك..
لآتسوين بنفسك كذا
ملوكـ تمسح دموعها بـتوتر\قال مو راضي ..,وزواجي حتى اخوي مو معي...تكفين ياعمتي وش فيه زود ينتظرني..!

.
.
.
متى ها الليل يعتقني لوجه الصبح يايمه..؟
.
.
.
عناد مستلقي على سريرهـ..وباب جناحه شبه مردود..,
مابين الغفوهـ والحلمـ..
يشعر بنفسه ..
بجسدهـ
يريد ان يتحركـ..
مكبل تماماً..
وكأن آحداً جاثماً على صدرهـ..
ومحكماً توثيقه..,
وذاك الوجه القبيح..
يلآحقه..
يتعثر..
يقومـ
من ثمـ لآيلبث الا ان يسقط..
وكائنه طفلاً صغير
مابين السنتين..
لآ
يستطيع
ان
يقاومه ..
او
ان
يهرب..
آستقيض عناد بفزع...
وآحتباس انفاسه بحث عنها بشهقه\آعوذ بالله آعوذ بالله..!
تسارع انفاسه لمـ يجعله ينتبه لشخص الشبه قريب منه..
و
المتأمله منذو مايقارب النصف ساعه..,
آبو جسار برقه\سم با الرحمن ..حلمـ.. حلم!
آنفاسه المتسارعه ورقة قطرات من العرق تبلل جبينه وصدرهـ..ورقبته..
حتى لون وجه ورقبته قد امتلئ بحتقان الدمـ..
تدارك نفسه ..
لتواجد والداهـ با القرب منه..
آستدار بجلسته للجه الاخرى لـيصبح ظهر عناد مواجه لوالدهـ..
فـيلتقط كأس ماء ويشرب نصف الكأس ..,
آبو جسار بلومـ\انت ليه ماتحصن نفسك قبل ماتنامـ..وهـا التكييف زايد برودته وانت لآبس خفيف طبيعي جداً ماترتاح بنومتك هذا غير توتر زواجك الي بعد بكرا..
عناد بتعب..يمسح رقبته\مو متوتر..ماهو..آول مره اتزوج..؟
آستدار سطامـ لتلتقط عينيه اكياس مغلفه ثمـ يجلس على الاريكه\خلصت اغراضك..؟
عناد من دون اهتمام\آغراضي مو ذاك الزود..آشتريت بس كم غرض ناقصني..وبس..
آردف بعد صمت\يبه..آنا يتكرر علي حلم غريب ودي افسرهـ..و..ماعرف لي مفسرين موثوقين..عندك خلفيه يبه..,
ابو جسار بتسفهام وهو يقف\وش الحلم...؟
صمت لثواني و ببحه\خاص فيني..
آبتسم ابو جسار\لآ..تفسير الاحلام مافيها الا وجع راس..آنت آرتاح..هـ اليومين..
آبتسم عناد برقه وهو يودع خطوات والداه الخارجه..
.
.
.
بعد ساعه ونصف..
ياسر بـقصر العاجي..,
آوقف سيارته في مساحة السور الواسعه..
فتح الباب من ثمـ نزل ..,
سحب السيجار ليحرق روحه كما دأبه
وينفث
بدخانها
ضبابة من ألم..
آكتست عاشقاً متسربلاً بـ الحب من طرفاً واحد..
.
.
.
اقل من 48 ساعه يآملوكـ..
وبتكونين
لواحد غيري..
صدق..
ماهو حبر وورق..!
زوجه..,
و
زوج..
وأنا
عـلى رصيف الهجر..
.
.
.
تدرين وين المشكله يـاتمثال..
ان انا عاشق لي تمثال..
ماله مشاعر..
الا الهجر..
بآتقان...
لآ
المشكله صدق
فيني..,
ماقدرت اكسر هـا التمثال..
.
.
.
القى السيجارهـ وعينيه تلتقط لتوى القرب الشديد لمقرن منه..,
مقرن بـآبتسامه\ياسر ..الدايس ردو لنا خبر مع عمتك يالله يابوك نروح نخطب بنتهمـ رسمي..,
متفاجئ\وشو يبه..؟نخطب الحين..؟
مقرن بصرار \الحين الناس رادين لنا..وموافقين يالله يابوك يالله..!
ياسر يتراجع بألم..
لتعانق يد مقرن يدهـ بصرار\يابوك لآتفشلني فرح قلبي فيك..وخذها..,طلبتك..,
آرتبك من رجائه\يبه..!
مقرن\انت مواعدني...ماهو حكي رجال اذا رجعت في حكيك ..؟
ياسر بتعب\مو ها اليومين يايبه تكفى انا الي أترجاك الحين..
مقرن بعصبيه يشد يدهـ\ماهو ها اليومين..!جدك يطلبك وانت ترده..؟الا الحين..آمش معي..؟
يآسر آنشد مع يد مقرن وأصرارهـ...
بوجع..
تبع الخطوات..,
ليرسمـ..
شيٍ آخر..
يجهل
تفاصيله اليوم..,
.
.
متى ها الليل يعتقني لوجه الصبح يايمه..؟
.
.
.
.
.
.
.
ليلة الخميس..,
.
.
فلة بتال..,
.
.
الراسي&البراق& العاجي..
.
.
.
بجناح مخصص للعروس بـالفله..
مرتبكه..
وآصابعها تعتصر بآقتها..
خجل..
خجل..
خجل..
يجعلها ترتعش من النظرات القليله التي حولها..,
لآتسمع همس آحد..
سوى صوت ضجيج ذاك القلب...
وآنفاسها الحارهـ..
الخارجه من صدرها..
كيف لتلك الليله ان تمر..؟
ويقولون انها ليلة العمر..
نعمـ..
ليلة العمر..؟
بـ الخوف..
والارتباكـ..
ودقات القلب القياسيه...,
.
.
.
متى ها الليل يعتقني لوجه الصبح يايمه..؟
.
.
.
بعد خروج شهد ووالداتها من الجناح بعد سلامهمـ..
السريع والمرتبك عليها..
همسة شهد لوالدتها\يمه تهبل تهبل تهبل..وش ها الزين الي طاح فيه عناد..أبداً ماتوقعتها كذا..؟
آم جسار بآبتسامه رقيقه\الله يهنيهمـ في بعض..يستاهل عناد..دنياهـ ماعطته الا كل همـ وكل حزن الله يهنيه..حلوهـ ماشاء الله..
شهد بضحكه مكبوته\ماصدق ..عناد يرتبط بهـا البنت..مآصدق..حظها أقشر وحظه بسما..؟
آم جسار بهدوء\عناد رجال عاقل وملتزمـ وواعي ومكتفي مادياً بـا العكس هذا هو الحظ الزين..,
شهد تعدل فستانها بـ القرب من مرئها قريبه\آهمـ شي يعقل ومايلحقها بعبير من غير سبب واضح..البنت يتيمة اب و ام..
وبلشها ربي بـشخص لايفهم ولآيسمع ولآ يقدر..
يمه قولي الصدق ماهو عشانه ولدك بتخبين عيوبه ترى عناد دفش وأقشر اذا رجعنا للحق..,
آبتسمت\ليت الله يرزقك بـمثل عناد..ماعليك خوف وقتها..
شهد بضحكه\آآآآآيه حركات الامهات مايشوفون عيوب عيالهمـ..
من ثمـ آردفت\هههههههه شفتي جديتي وش جاهاااا..طاقت الزين وحاطتن الديرم الاحمر ..!
والثوب الاحمر ..ايه آكشخ..!
والله ياعنيد كل شي زين الليله لك حصري..!
ام جسار بضحكه\والله ماتذكر خالتي حطت هـ الديرمـ ولبست هـ الثوب الاحمر الا من عصر عمي الله يرحمه ههههه..
فجئه غرق جوال شهد بنغمه صاخبه مجنونه
لتبتسمـ\هلآ..وينك..كويس..يالله طالعه استقبلك..؟
ام جسار\صديقتك..؟
شهد بخطوات سريعه\آيه يمه ايه..
.
.
.
متى ها الليل يعتقني لوجه الصبح يايمه..؟
.
.
.
بجناج العروس
ـ الجدهـ بفرحه\ياماشاء الله ياماشاء الله ياعقايل الله...جعل عين ماتسمي عليك تصبح ضريرهـ..لآاله الا الله..
آستقبلتها فلك بـمبخرة العود وهي ترحب بحب\هلآ والله خالتي يامرحبا ..
طبعت فلك على رأس الجدهـ قبله من ثمـ آنحنت فلك لتقبل يدها..
لكن الجدهـ شدتها..
.
.
.

وقفت بـهدوء ظاهري..
آعتقد..!
لكن آعتقادي ليس جازماً..
آشعر ان آرتباكي واضح جداً..
وآرتعاشي مرئي بشكلاً ..
لآ..يوصف..
لآ..آدري كيف آقف..؟
وكأني طفلاً يجهل الوقوف ..؟
لكن سـيفرغ علي الله
من الثبات كي آقف..!
فـ تلك الجدهـ..
آخجل من ان تنحي وتقبلني..؟
.
.
.
تنحني ملوك لتقبل رأس الجده..
الجده هيا بفرحه\يابنتي بسم الله عليك ماترفقتي ..؟زدتي هـ الزين بعد مايتحمل قليب وليدي هـ الزين..
.
.
.
آكتساني
خجلاً..
يصعب
حجبه.....!
.
.
.
فلك بآبتسامه\الا انتي ترفقي فيها ياخاله ..لآتحرجينها بزود..ترى مليك حياويه..؟
آبتسمت الجده\حياويه وخذت لها حياوي..الله يهني القلوب في بعضها...لبى من هي بنته..زين من زين..؟
خطوات الجدهـ آتجهت لـاريكه مجاورهـ تبعد قليلاً.
.
.
.
متى ها الليل يعتقني لوجه الصبح يايمه..؟
.
.
.
بـقسمـ الرجال..
الفخامه تحيط المكان...,
وذوق بتال في آنتقاء كل شي واضح..
برغمـ من عدمـ مظهر الاحتفال..
وكأنه عزيمة بسيطه..لكنها فخمه..,
تعبق رائحة الكمبودي بـ الاجواء
لتزيد طعمـ ونكهة الاحتفال..
هدوء يعمـ المكان بعد حضور الراسي منذو مايقارب الساعه والنصف..
والاحاديث اقتصرة فقط على التبريك والسلامـ..
من ثمـ آقفلت...؟
وقت مضى ليس بطويل..
لـيعلن دخوله المفاجئ و الغير متوقع على المكان..
وعناد قد وقف في تلك اللحظه..
..هو.. و.. والدهـ..وآخوته كي يتمـ دخوله.ـ لعروسته..
ليعلن صوته الصارمـ والواثق تواجدهـ وحضورهـ..\يالله انك تحييهمـ...العذر والسموحه..مآخرني لهذا الوقت الا طلعتي من اجتماع مهمـ ما قدرت الغيه..,
.
.
عناد تنبه لتواجدهـ..
وآكتست ملآمحه الاستغراب..
بينما جسار متفاجئ من تواجده ..
وحانقاً جداً من دخوله المستفز ....!
.
.
.
ياسر آردف وهو يقبل على عناد..بثقه..\العذر منك يابو سطامـ..
ليُسلمـ عليه ياسر بتمثيلاً موجع لروحه..
وعناد مازال غارق بمفاجئه..
ولمـ يستوعب بعد صفة القرابه الأساسيه لتواجدهـ..
.
.
.
قد التقطة قبل ذلك حديثٍ بين والدي وجسار تعانق فيه اسم ملوك وياسر..
لكنهـ كـ زملآء بـ المستشفى قد يلتقون مصادفه..,
لكن الان ماذا يفعل..
و..
في العزاء..؟
كيف فاتني انهمـ قد تربطهمـ قرابه..؟
تلك القرابه قد تكون من النساء..؟
كيف لم تخبرني ملوك قبل ذلك بقرابتهم ..؟
قد لآتكون قرابه..؟
قد يكون أتى بناء على دعوة من بتال..!
.
.
.

جسار آحجمـ عن مصافحة ياسر..
بتراجعه بخطوات واثقه .. لآ ..تليق الا بجسار..,
ليبتسمـ ياسر وبخبث\العهد قريب يابو درر..!
من ثمـ يسلم بحرارهـ على سطامـ..المبتسمـ..من ثم ريان..,
.
.
.
تملك المجلس فجئه منذو دخوله الذي لمـ يمضي عليه الا ثواني..
.
.
.
بصرامه يوجه حديثه لـعناد الهادئ ونظرات مستغربه تتفحصه \ يابو سطامـ انا ياسر بن عبدالعزيز العاجي و الي خذيتها يابو سطامـ..هي بنت خالي ..غاليه وعزيزهـ علي وهي دانه..ومايفرط فيها ..لآوصيك عليها..ترى مالها من القرابه الان حاضرين الا انا..
وآنا غمامها اذا جاتني تشتكتي جفاف الايامـ..!
.
.
.
آبتلع وجعه
مع كل كلمة ينطقها..
آبتلع آشواكاً..
مع تلك الاكاذيب التي يرميها..
ليتها تأتيتي تشكتي..
وتنعت ذاك الواقف بـثقه آمامي..
بـالخيانه..
كما
نعتتني
ليتها
تأتيني مستنجدهـ..
متذرعه بأي شي..
آي شي..
لآيهمـ..
ليتها
تأتيني
آقسمـ..
لآتعود له
آبداً..
.
.
.
ماذا..؟
آبنت خاله..!
ملوكـ آبنت خال ذاك العاجي..!
كيف لم تخبرني قبل ذلك..؟
كيف لـوالد ملوكـ المتواضع الفقير..
يرتبط بـنسب..
مع تلك الطبقه..!
وهو..
كيف يجرئ على التبجح آمامي بآنه غمامها..!
وهي فقط أبنة خال له..
حتى وان كان..!
لآ يـقول غالية وعزيزهـ على قلبه..؟
وان كان مقصدهـ بريئ
لكني لآ آحبذ في تلك الامور المقاصد البريئه..؟
.
.
.
سطامـ بآبتسامه صافيه\كفو يابو عبدالعزيز الله يخليك لها سند وان شاء الله انها من بيت اهلها لبيت اهلها..وآبو مناف الله يرحمه عزيزاً علينا ..وبنته بنتاً
آبتسم ياسر بوجع\ماعليك زود..!
آردف سطام بستغراب\وين مناف ماشوفه..؟
ياسر بجديه\مناف فيه فقر دمـ حاد..ومسفرينه لبرى المملكه..
.
.
.
كيف للارض..
آن تحتمل وقفتكـ عليها..!
آيه
العاجي..؟
بصفاقه..!
تمتلك الان صدر المجلس والمكان..
وتصبح انت المضيف..
ونحن الضيوف..
الايامـ
آضافة لنا الان نسباً وصهراً..
لآينقصنا الا هو ..
يالله
جسار وياسر..!
آنا شقيق عناد
وهو
ابن عمة زوجة عناد..؟
آي مصادفه
سمجه تلك..؟
جمعتني بك ايه العاجي..؟
.
.
آمال فمه جسار بتقرف ونظراته ترتكز على الشاي الذي أمامه..
ريان بهدوء\وش فيك..؟لونك متغير...؟
بهدوء\مافيني شي..,
جسار بهدوء\يالله ياعناد ندخل..,
حسمت خطوات عناد الواثقه الوضع وهو يعلن خروجه هو وأخوته ووالدهـ..
.
.
.
آبتسمـ وهو يرى رحيلهمـ من المكان
ليتوجه لـبتال\الحين ماودك تضحك..!
بتال بهدوء وتهكم\وليه..؟ماشوف فيه سبب الحين عشان اضحك..؟قايل نكته انت مثلاً وانا مانتبهت..؟
ياسر بوجع\ههههههههه لآآآآآ بس بقولك شي ولآتضحك..؟
آردف \ضلوع صدري الحين صايره حطب وقلبي النار..؟
بتال بهمس وصرامه\خلآص..من اليومـ هي اختك وانت غمامها..مثل ماقلت خلك قول وفعل..؟
ياسر بوجع\وانت مصدق..!انا بس مابيه يدوس لها على طرف ويحسب ماوراها احد!
بتال\ماهي محتاجه لك..؟الله لآيحوجها لحد ..!
ياسر بابتسامه\ صادق..ماهي محتاجه لي..الاسبوع الي بعد هذا بتحصل آخوها عندها...وش له تحتاجني بوقتها..؟
بتال بهمس\خلص علآجه..؟
ياسر بـآبتسامه\آبشرك.. بآخذه معي بعدها عساه يتعدل..ومايرجع لسواد الوجه..
.
.
.
متى ها الليل يعتقني لوجه الصبح يايمه..؟
.
.
.
ريان بهمس لعناد وهو بقترب من مدخل \عناد هـ الشخص الي دخل قبل شوي..ولد العاجي..,
عناد بعصبيه\وش فيه..!
ريان بهمس خفيف\هو نفسه الي كان متملك زوجتك..آنا سمعت ابوي وجدتي قبل كذا يتكلمون عنه..أنت ماكنت تدري..؟
آستدار عناد بصدمه وكأن ماء حار انسكب على رأسه وهو يتذكر حديث قصير دار بينه وبين جدته \وشوووووو..!
جسار بـتدخل\يالله ياعناد مامعك وقت آدخل وش تسولفون فيه الحين..؟
آبو جسار يمسك يد عناد ليشده بدخول..
وعينيه عالقه بصدمه بريان..

.
.
.
الاستقبال..,
رهف برتباك تنزل عباتها\متأكده هذا زواج..!!مافيه احد ابداً..!!
شهد تشير للخادمه بحمل عبائة رهف\ايه ..ليه ماجت آمك..؟
رهف بـضحكه\يوووه زين انو جيتك يـا شهودي..ماما ماتحب الزواجات..,وماتركتني اجي الا لما بابا
آصر عليها..تتركني احضر الزواج..,
شهد\خساره كان ودي اتعرف عليها..,
رهف بستغراب\الا وين البنات..؟شكلي حاضره بدري..؟
شهد بخجل..\ماراح يحضر غيرك..البنات ماقدرت أعزمهمـ..
بستفهامـ\ليه..؟
شهد \ممممم عناد يقول لآزمـ نقدر وضع العروس بسبب وفاة والداها قريب..وو..
رهف بمقاطعه\لآتقولين لي ماهو بمرحب بجيتي ..؟
شهد بصدمه\لآلآلآلآأأأأ..أفا عليك بس..قهرتني ماجت امك ..والله متحمسه اشوفها..!
رهف بخبث\مو مشكله..لما اخذ واحد من اخوانك تتعرفين عليها..,
شهد بضحكه\والله مالك الا ريان نفس ستايلك وبيتركك على راحتك..لآبيقول ليه..ولآكيف...متفتح ومتفهمـ..بس هو الان عازف للاسف...وماعندنا احد..,
رهف بضحكه\مو مشكه بنغصبه ههههههه..
هزت رأسه شهد\ بعدين بعدين..ماراح نخلص تعالي بس..تراك حاضره عرس آخوي..العروس بجناح مستقل لحالها الحين عندها امي وجدتي وعمتها تعالي تشوفينها قبل مايدخل عناد..
رهف بضحكه\وناااااسه يالله...؟
سيوف تنزل طرحتها\شهد..!
آنصدمت شهد من دخول سيوف المفاجئ للمكان\يووو ام درر والله مانتبهت اعذريني...ليه تأخرتي...؟
سيوف تنزل عبائتها\السيارهـ مدري وش صار فيها والسايق غبي يالله يفهمـ..مو ..مشكله..آهم شي وصلت..
شهد\هههه وبوقت المناسب يالله بدلي بسرعه عشان تشوفين العروس شويات ويدخل عناد ويروحن للاوتيل...
سيوف بحقد\لآ...طيب..آنتظروني..
شهد\آعرفك رهف..صديقتي بـجامعه..
سيوف بـابتسامه\تشرفنا..!
من ثمـ ذبلت ابتسامتها بصدمه..
.
.
.
لحظه..!
هـذا الوجه..!
يحمل شبهٍ غريب..!
كآني آعرف وآحفظ ذاك الوجه..؟
تلك الملامح..؟
تسرق ملامحاً اعرفها..!
لكنها غريبه..!
.
.
.
رهف تنسحب مع شهد\فيك آكثر..,
.
.
آبتلعت سيوف كميه كبيرهـ من ريقها..؟
تلك الفتاة..؟
تشبه ..!
نعمـ..!
سبحان الله..!
الليله..!
لست بخيراً أبداً..
يخيل لي وجه
بـين ..
الاوجه..
والملامح..
والخيالات..!
.
.
.
.
شهد تلتقط قرب والداتها لتعرفها على رهف\وهذي صديقتي رهف بنت عبد المجيد
آبتسامة أم جسار اوقفت فجئه..
لتعقبها موت تلك الآبتسامة !
رهف بـآبتسامة قبلة آم جسار ..
رهف بحب\الف مبروك ..الله يسعده ويهنيه..؟
آم جسار برتباك وعينيه تتفحص ملآمح رهف الهادئه\اااالله يبارك فيك..
.
.
.
فلك تلتقط الاسمـ وهي تهمـ بدخول الجناح المجاور..
لتعود..
..وهي مصدومه..!
.
.
.
نلعب لعبة المفاجئات الليله..!
مالذي أتى بخطيبة ياسر هنا..!
متأكده..
هو آخبرني بأسمها واسمـ والداها في محادثه هاتفيه..,وانا اعرف من الجرائد اسمه ايضاً..
اذا كانت هي..!
فـ
آه..!
ياسر..
ليتك تأتي الان وتعلمـ من الذي حضر زواج ملوكـ..!
خطيبتك..!
جميله..
رقيقه..
عذبه ملآمحها..!
مستغربة جداً معرفتها بـ الراسي..!
الرياض صغيرهـ..!
.
.
.
آبتسمت رهف وهي تتقدمـ لها فلك..\انا فلك..عمة العروس..ياهلا فيك
آبتسمت\الف مبروك..الله يهنيهمـ..
فلك بنسحاب\تسلمين..
دخلت سيوف لتلتقي بـها فلك..
وتفتح عينيها فلك على اتساعها..
.
.
.

من هذهـ..؟
جميله..؟
لكن فستانها عارياً جداً..
لآ
يليق..
آبداً..
الا تستحي..؟
.
.
شهد بعد سلامـ سيوف وفلك\هذي سيوف زوجة اخوي..وهذي فلك عمة عروس عناد..,
آبتسمت سيوف وبخبث متجاهله ببرودها فلك\آبي اشوفها ممكن..!!!
آم جسار مقاطعه \فلك...عناد بيدخل الحين على عروسه..!
شهد بفرحه\معليش سيوف..خليك مع رهف بروح نزف عناد..
كتمة غيضها الجامح بـابتسامه باردهـ..\مو مشكله..
شدتها رهف بـصرار\مو بكيفكمـ بشوف العريس..وش ها الجو عندكمـ ..؟
شهد برتباك\عادي مثل اي عريس..وش فيه زود..؟
رهف بخبث\يعني بخطفه من عروسه..بشوفه مو بكيفك..بليزززززز بشوف آخوانك...متعه هذي ترى ههههه
شهد بـآبتسامه \يمكن ما يكون متعه يـارهف اجلسي بس مع سيوف لما ارجع لك..,
رهف\لآلآلآلآأأأأأ مصره انا..
شهد \طيب تعالي معي..بتركك بركن تقدرين تشوفين فيه عناد لكن هـ بشرط ماشوفك طابه علينا تراه خجول وبيعفس كل شي...,
رهف\آموت انا على الخجل...يالله..!
آرتبكت شهد..,
وعينيها آنتقلت الي الارتباك الواضح على والداتها..,
فسرته بدخول عناد وفرحتها..!
.
.
.
بعد عدة دقائق..
.
.
.
بجناح العروس..
دخوله..
آضفى على المكان حرارة لآتطاق..
رغمـ عدمـ رفع عيني..
الا ان صوته يزلزلني..
وهو يرد التبريكات
على آمه وآخته وجدته..!
قدمي لآتحتمل الوقوف اكثر..
رأسي..
يالله آشعر بثقل..!
يدي يسري بها شعوراً بـ الخدر ..
هي بتأكيد ليست يدي..!
لآيجري بعروقي أي دمـ..
جف..
دمي عن الجريان وتوقف...!
صوته..
يقترب..
يقترب..
يقترب..!!
.
.
ليطبع قبله على جبينها..
.
.
.
لمـ آراها..!
لمـ آراها..!
لمـ آراها..!
عيني لمـ تلتقط منها سوى الفستان الابيض..
وشفتي هي التي عانقة جبينها..
ولآ آعرف كيف أهتدت..,
غضباً يسكني..
لآ
آستطيع
التحكمـ به..
.
.
.
الجدهـ\مبارك ياعناد مبارك ياغالي...الله يسعدكمـ ويهنيكمـ...
.
.
.
مرة عدة دقائق..
وهو لمـ ينطق بشي آبداً...
فل يقل شي..
آي شي..
المهم ان يزيل ذاك التوتر بحضورهـ..
ماذا اصنع..
آنفاسي تهرب مني..
.
.
.
غاضب انا..
غاضب جداً.
لآأستطيع حتى ان آنظر اليها..
آشعر بماء حار ينسكب على قمة رأسي..
لآ
آستطيع..
آريد تمزيقه بعد تلك الكلمات الغير بريئه..!
تشتكي له..!
وانا بغبائي لمـ آسئلها عن آسمـ زوجها السابق..؟
كيف آسئلها.؟...
آآآنزل من رجولتي واقومـ بسؤالها عن رجل اخر كان بحياتها..!
كيف تقبلها رجولتي ذاك السؤال السمج..؟
وهو بصفاقه..
يقول لي إنه غمامها..!
آقسمـ ان أجعل تلك الغمامه كـ سحابة صيف..
لم يطل مكوثها الا وهي راحله.؟

.
.
.
تنفساً سريعاً آصابها..!
وهي تراه..
من مكان بعيد..
تمسح من على أعينها
لعل غشاوة آصابتها..
هو نفسه..
الذي قابلته قبل شهور..
شبيه آحمد...
بل تؤمـ وآستنساخ..!
يالله..!
.
.
.
نقف هنا..
.
.
.
همسة محبه|خصائص أم المؤمنين عائشة رضي الله عنها وقد ذكرت هي عن نفسها عشر خصال فضلت فيها عن باقي أمهات المؤمنين .. قالت :
1-لم ينكح امرأة أبوها مهاجران غيري .
2-لم ينكح بكراً قط غيري .
3-وجاء جبريل بصورتي من السماء في حريرة وقال : تزوجها فإنها امرأتك .
4-وكنت أغتسل أنا وهو في إناء واحد , ولم يكن يفعل ذلك بأحد من نسائه غيري .
5-وكان يصلى وأنا معترضة بين يديه , ولم يكن يفعل ذلك بأحد من نسائه غيري .
6-وكان ينزل عليه الوحي وهو معي , ولم يكن يفعل ذلك بأحد من نسائه غيري
7-وقبض الله تعالي نفسه وهو بين سحري ونحري .
8-ومات في الليلة التي كان يدور على فيها .
9-ودفن في بيتي .
10- وأنزل الله عزوجل براءتي من السماء ..
.
.
.

نلتقي يومـ الاثنين ..,
بـ الجزء الثاني من البارت 28..,آذا الله كتب لنا حياة..


.
.

 
 

 

عرض البوم صور ضمني بين الاهداب   رد مع اقتباس
قديم 06-11-10, 04:08 AM   المشاركة رقم: 702
المعلومات
الكاتب:
اللقب:

البيانات
التسجيل: Jul 2009
العضوية: 147971
المشاركات: 52
الجنس أنثى
معدل التقييم: اغليك وعيوني تداويك عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
اغليك وعيوني تداويك غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

ياسلاااااااام اول من يرد

ابدااااااع فديتك يالغالية

وترجعين بالسلامة وحفظ الرحمن

بارت المفاجئات

دمعت عيني في هالبارت

اول مرة احزن على ياسر ووجع الحب والفراق

وعلى موقف ملوك مع بتال

وفلك ونار غيرتها

واستفدت من معلوماتك حول علاج التبول اللا ارادي للاطفال كثيرررر

والاروع همسة اللي عن السيدة عائشة

تسلمين ابدعتي كثييييير ومن اروع مااقريت بارت اليوم

 
 

 

عرض البوم صور اغليك وعيوني تداويك   رد مع اقتباس
قديم 06-11-10, 04:54 AM   المشاركة رقم: 703
المعلومات
الكاتب:
dlo
اللقب:

البيانات
التسجيل: Feb 2008
العضوية: 64261
المشاركات: 316
الجنس أنثى
معدل التقييم: dlo عضو له عدد لاباس به من النقاطdlo عضو له عدد لاباس به من النقاط
نقاط التقييم: 131

االدولة
البلدSaudiArabia
 
مدونتي

 

الإتصالات
الحالة:
dlo غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

السلام عليكم ورحمه الله وبركاته
ايه الجمال ده يابنت ضمضم البارت روووووووووووووعه بصراحه يجنن قلبي وقف مع القفله
اول شي الاحظ ان صار في نضج اكثر بالكتابه وضح اكثر بهالبارت غير كذا اكثر جزئيه عجبتني بالبارت علاج حاله التبول اللا ارادي
ضمضم يعطيك العافيه جامعه المعلومات بدقه وبحرص اصفقلك
سيوف
اتوقع سيوف بتساعد بعلاج بنتها لانها ام تخاف على طفلتها هذا نقطه
اما لزواج عناد ماتوقع انها بتسوي شي في الزواج لخوفها من الفضيحه بس ماراح تخلي الليله تعدي على خير
رهف
اتوقع ربكه ام جسار لها علاقه بام عساف والشبه الكبير الي بين الأم وبنتها
اما موقف رهف وهي تشوف عناد اتوقع تكتفى بالمراقبه من بعيد او الصدمه تجمدها
ياسر
بالأول كنت اصر على اني مشاعر ياسر لملوك هي مجرد وهم بس غيرت راي اتضح لي العكس ياسر شخصيه كتومه لها قدره عجيبه بضبط انفعالتها مايظهر ضعفه الا عند عمه بتال او فلك غير كذا اتوقع فلك بتسوى لقاء بين ياسر ورهف يكون مقصد فلك التخفف على ياسر فراق ملوك
بتال وفلك
الفجوه بين الأثنين كبرت بتال مارح يضغط على فلك وبيصير بارد بتعامله معها هذا بيزيد نار الغيرة في صدر فلك وبيخلي البادرة تكون منها
مممممممممممم عجبني وصفك للمشاعر النبيله الي اظهرها بتال لملوك زي البلسم لملوك يخفف وجعها للفقد ابوها
عناد وملوك
اي نار نقلها ياسر لصدر عناد وبشخصيه عناد صاحب الدم الحار بتصير حريقه بيوجها جمال ملوك وييظفيها بس اتوقع ليله ملوك ماتكون زي اي ليله عروسين بيصير نار تكون المتسبب فيها سيوف<<< عجبني وصف ياسر للحريقه الي بصدره قلت اقتبسها في التحليل
ام جسار ابو جسار
شوفت رهف سببت توتر لام جسار وبتنقل هالتوتر لابو جسار
جسار
اتوقع البارت الجاي يكون نقله لحياه جسار واتوقع ان جسار بيكتشف حب سيوف لعناد
باخر كلامي احب اشكرك واتمنى لك دائما التوفيق والتميز
مع ودي دلو

 
 

 

عرض البوم صور dlo   رد مع اقتباس
قديم 06-11-10, 06:44 AM   المشاركة رقم: 704
المعلومات
الكاتب:
اللقب:
عضو راقي


البيانات
التسجيل: May 2010
العضوية: 162919
المشاركات: 3,196
الجنس أنثى
معدل التقييم: فكري متاهه عضو على طريق التحسين
نقاط التقييم: 69

االدولة
البلدKuwait
 
مدونتي

 

الإتصالات
الحالة:
فكري متاهه غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

ضمضم ناويه علي انتي؟؟
يعني بالله هذييييييييييييييي وقفففففففففففففه؟؟
مت وربي مت
على العموم بعد ماحييت
ارجع بالتعليق000اولا سامحيني على التقصير لكن جتني حاله تبلد بعقلي ماعاد قدرت ارد على ولا قصه
بالرغم من ان قصتك لها الصداره بحكم اني احب لو رديت القى الكاتبه تناقشني بكلامي وناخذ ونعطي مثل ماتتكرمين
على قارئاتك عزيزتي00
بالنسبه للبارت كنت متوقعته يحتل تفاصيل العرس كلها لكن اللي اعجبني انك تسقينا العسل بشويييييش عشان مانحس بحارق من حلاة هالعسل بديتي بدايه قويه
بجسار وبنته000معقوله عقده بنته بتخليه يتمسك بالشيطان اللي ببيته00؟؟
يعني احنا نعرف ان تفكك الاسره له دور كبير على نفسية الاطفال 0لكن وسن ماكانت تفكك اسره السبه لانهم موجودين خصوصا ان ابوها يغدقها بالحب والاهتمام الكبير00لكن غيرتها من اختها لها دور00وبعد ماعرف بتبولها وباسبابه بيعدل عن قراره باالانفصال على ماقالوا 00من اجل عين تكرم مدينه00هل بتكرم سيوف الشر عشان عيون هالوسن؟؟؟

ياسر وياكبر الوجع والالم
على قولة محمدبن فطيس--
يا قو قلبك على الصده و يا صبرك 000
000و يا وسع صدري على صدك و يا صبري.
و يا طول عمرك بذاكرتي و يا كبرك000
000 و يا شيب عيني بشيب و عاد ذا كبري ...

فعلا هالابيات تتناسب مع ياسر بجد لاقريت ياسر وقريت مشاعره اكذب عليك ياضمضم اذا قالت ماهمني بالعكس احس اني اميل له بشكل كبيييييييير معقوله رجال بقوة ياسر ويذله الحب اللي اكتسى قلبه يمسك كيسة فستانها الابيض اللي بتتجمل فيه لغيره بايده؟؟
موجع مووووجع--والالم اللي يهد الحيل اذا الواحد يحاول ينسى ويحاول ولايقدر يغلبه قليبه المتيم بهوا منهو مهوب حلاله
ويهده عقله بذكرا من هي ملك غيره00
ماالوم بكلامي ملوك انا ايدت طلاقها من قبل000لكني ارحم حال ياسر ومتعاطفه معه ومع روحه من فعلته وخيانته لها
احس ياسر مثل جملتك بالضبط--متى ها الليل يعتقني لوجه الصبح يايمه..؟--احس حال قلبه مع روحه مثل اللي يبي النوم والارق ماهوب عاينه على الراحه00
واللي يحزن اكثر ان بقرب عرسها يحثه جده انه يرتبط ويبدى حياه جديده وهو للحين ماصحى من صدمة حياته الماضيه
ياترى ياسر بيظلم رهف؟؟--والا بيقدر يتلبس ثوب جديد معها؟؟--والا بيعيد امجاد بتال اللي يغني على الاطلال بعد فرقى فلك قلبه000؟؟؟؟
عجبني موقفه يوم دخل بعرسها وداس على قلبه عشان يبين ان لها سند-عزوه-وهو غمامها --يالله معقوله الحب يخلي الانسان بهالعطاء ؟؟؟---وآنا غمامها اذا جاتني تشتكتي جفاف الايامـ..!---جمله قريتها مره وثنتين وثلاث--وقشط علي جسمي ياضمضم00معقوله هالحب؟؟؟
يحوله لشي شفاف كذا؟؟-->يصير هو حاميها وسندها من دورات الايام؟؟؟
ومستعد لقرارها لو حبت ترجع له؟؟؟---ياسر انا بعد هالبارت اشوفك فووووووووووووووووووووووووق فووووووووووووووق
معليش اليوم شغاله اقتباسات من بارتك--
ياسر بوجع\ههههههههه لآآآآآ بس بقولك شي ولآتضحك..؟
آردف \ضلوع صدري الحين صايره حطب وقلبي النار..؟
تشبيه مؤلم ياضمضم وينضاف لك كمبدعه مبددددددددددددددددددددددددددددددددعه
الله لايحرمنا هالابداع
فلك وبتال
وش هالغباء يافلك ؟؟--اي نعم ماالومك على الغيره لكن موب تقولين اضغط على نفسي وتسكتين00يعني هو معذور وحاول يبررلك جفاالبعد طول هالسنين ولاقصر بالتبرير ولاقصر بالتعويض00صارحيه قولي اغار بتلقين شوقك يقول--الحب لك وحدك--
والقلب ماتملكه الا ايدك--
وانتي يامناير وآخرتها معك؟؟؟تكاذبين على منيهل انك طول ليله يعتذر ويبوس الايادي ياعمي طيرييييييي
وليش يامناهل يالاعاقله تطاوعين منير على خبالها وتروحين من ورا بتال ؟؟
يعني ناوين على طلاقكن ياخبل ؟؟

عنا عين السيح--واحلالاااااااه
ياناس هيبه ملوك ومهابه--هيييييييييييييبه
وبعدين وراك غاضب غاضب ؟؟خير وش تحس فيه؟؟تشوف القمر لك حلالك انت وتغضب على حد قولك من كلمممممه
لابتودي ولاتجيب؟؟--وخير لاقال انا غمامها ؟؟ يااخي ولد عمتها بصره هو واياها وخيييييييير لو كان رجلها السابق خلاص هي لك انت الحين000
ملوك ياناااسو على اللي يستحون المزايين اللي يطيحون الطير من السما--الله يهنيكم يااااااارب
القفله نجيييييييييي للقفله
معقوله هنا عليك ضمضومه تقفلين هالقفله علينا واحنا نطق الباب شوي ونكسره من قفلتك؟؟؟@@
يعني بتسكت رهف وتعدي الليله على خير والا بتروح له مثل ماسوت بالمجمع؟؟؟
نستناك ياقلبو ولاعاد تقفلين علينا الباب^-^

 
 

 

عرض البوم صور فكري متاهه   رد مع اقتباس
قديم 06-11-10, 07:54 AM   المشاركة رقم: 705
المعلومات
الكاتب:
اللقب:
عضو قمة


البيانات
التسجيل: Feb 2010
العضوية: 155719
المشاركات: 6,305
الجنس أنثى
معدل التقييم: فجر الامال عضو على طريق التحسين
نقاط التقييم: 61

االدولة
البلدSaudiArabia
 
مدونتي

 

الإتصالات
الحالة:
فجر الامال غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

ضمضم مبدعه كاعادتك مافي شي ينقال لك غير كذا

ياسر
ووجيعته الكبيره ان يحضر زفاف محبوته ويكون غمامها وجده دواها بخطوبته لرهف
لكن هل ينسى وجعه

وصدمه عناد بان طليق زوجته حضر الزفاف صدمه واكتشف انه اخر شخص يعلم ذلك

اما فلك انحرقت من الغيره تريد بتال لوحدها
وهي تعلم انه اخذها وهو معه كذا زوجه غيرها


رهف رؤيتها لعناد وتذكرها لاحمد

ورؤيته ام جسار وسيوف لها ملاحظه مدى تشابه رهف لعناد صدمه كبيره

بدايه للانكشاف للحقايق قريب

اما كشخه الجده لزواج عناد رهيبه الجده من فرحتها فيه
جسار
الله يعينه على علاج وسن وراح يبحث عن علاجها وراح يزيل المسبب لحالتها السيئه

اما منير ياعيني تبي قصه وزعلانه على شعرها اجل كان ماقصيتي
اما انها ماخذخ مناهل للطبيبه شعبيه ياخوفي تكون دجاله وكذابه ها الطبيبه



دمت بخير

 
 

 

عرض البوم صور فجر الامال   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملوكـ وعناد وبدايات الحب.., مبدعة أستمرررري, آبـــــــــــــــــــــــــــــــــــــــــــــداع...., لو أجيب كل عبارات المدح ماراح اوفي قصتك حقها من الأبدااع, اويييها واعرس البارون اوييييها والحلوان على شوشو, بتال&فلك آحلى ثنائي, بعض العيون حقدها في نظرها, يا الغوالي الاجزاء سبت واثنين..ضمضم, يا ناس وه فديت مقرن و ساري بديت احبهم, جسار للظبي<<مااتنازل, حصريا ولأول مرة العقيد عنااد آل راسي من ممتلكاات النوري ..فاهمين ..فيس يهدد هههه, روابط جميع الاجزاء با الصفحه الاولى..., عنااااااااد أسطوووره لن تتكرر ..وهـ بس فديت ابو رعووودي .., فديت أحسن وأحلى كاتبه ضمضمــ, نظره حقد 20 في صفحه 75--نظره حقد21في صفحه 83, نظره حقد 22 في صفحه 88--نظره حقد 23 في صفحه 96, نظره حقد 24 في صفحه 107, نظره حقد 26 في صفحه 127, نظره حقد 26 في صفحه 128, ضمني بين الاهداب, قصص من وحي الاعضاء
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t140889.html
أرسلت بواسطة For Type التاريخ
ذ¯ذ½ذ´ذµذ؛رپ This thread Refback 03-07-15 12:28 PM


الساعة الآن 09:41 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية