اللهما عافي امي وامتس وامهات بنات ليلاس يارب ويمتعهم الله بالصحه والعافيه ويخليهم لنا يارب



بارت قوي ضمضم مثل العاده
رحمت حال جسار بصراحه قويه عليه خيانة زوجته وماهيب اي خيانه تلاعب باعراض الناس هذي جريمه اذا سامحها عليها جسار سوء اثبتت برائه مزيفه او هو تغاضا عنها عشان بناته القانون يعاقب عليها يعني سيوف يقام عليها حكم الشرع في تلاعبها بعراض البنات هذي جريمه لازم تاخذ جزاها عليها بغض النظر عن زوجها هو سامحها او طلقها
اجل لو تعرف ياجسار انها تبي تخونك مع اخوك وتراوده عن نفسها في غياب الدين هذي حيه بصورة مره
تدرين ضمضومه اتوقع ان جسار بيتوقع ان سيوف فعلن بريئه وبيحاول يصدق الموضوع عشان بناته خاصه انه شاف اللي صار البنته بس من موقف وشلون لو حرمها منهم لكن متى بيكشف خبثها بعد مايعرف عن محاولتها المستميته في ايقاع عناد في شباكها وهذي القشه اللي بتقصم ظهر البعير وراح يكون عقاب سيوف عليها اكبر مما نتصور كلش ولا تنقيصها من حقه كارجل وتبديله باخوه خاصه انه الزوج اللي حب وعطا



هل اخطائت ضي من زواجها من ريان هل ذهبت السكره وحضرت الفكره <<<فيس يقول وشعندها النوفي تكلم فصحا مالق عليتس
تدرين ضمضم مادري خايفه ان ريان يتنكر الضي واذا الزمه الامر يتركها يسويها خاصه انه شخصيته مهيب الشخصيه اللي تعتمد عليها لو كان مثل جسار او عناد قلت بياقف في وجه الكل وماراح يتنازل عنها لكن ريان احس خايف من اهله ولا المفروض الان خلاص يعترف بزواجه المسائله مهيب بسيطه فيه طفل في الطريق لازم يعرفون فيه اهله الطفل ينتمي للعائله



تغارين يافلك على بتال زين ليش ذليتي ابو ابوه لين رجعتي له تبين بتال مايروح الحريمه خفي عنتس منذا الحيا اللي ذابحتس وعطيه وجه خليه يلقى عندتس السعاده اللي ماشافها عند حريمه خليه يروح عند مناير وهو يفكر فيتس ويروح عند مناهل وهو ينتظر متى يرجعلتس
لاتجيبين سيرت حريمه عنده خليه يعيش عندتس كان ماعنده حرمه غيرتس في حياته انسيهم ونسي بتال وجودهم لكن اذا جبتي سيرتهم ماراح ترتاحين ولا تريحينه
فلك ريحي بتال ترا بعدتس عنه اتعبه حيل عوضيه تعب السنين اللي غبتي فيها عنه احملي وجيبي الولد اللي يتمناه بتال وابوه واخته خلي كفتس ترجح عند مقرن العاجي بمقرن الصغير
ولله اني راحمه حال بتال يكفي عليه السنين اللي راحت مقابل خشة مناير اللي ماتنطاق اكبر عذاب له (ولله اني اكره مثل اللي على شاكلتس يامناير اللي مايحاسبون بكلامهم يدبشون بالحكي ولا يثمنون للكلمه حتى لو قلوبهم طيبه الملافض سعد وحسن الخلق واجب )



معقوله يياسر كل الحب هذا اللي بقلبك الملوك زين اللي يحب مايخون حبيبه وشلون اجل تحب سبحان الله
اتعجب استغرب من النقطه هذي تحب وتخونها مع غيرها
تدرين ضمضم قريبه لي يموت زوجها في الارض اللي تمشي عليها ومع ذلك يخونها بالشات والجوال تلقى صور له مع بنات ومعاكسات وله كم جهاز وخيانات مع البنات بسهرات في استراحات مع انه محصن ومتزوج بس سبحان الله ربي يدلها عليها وكل مره تطيح عليه يجلس يبكي و يتآسف ويحلف مايعيده ومجرد ماتقعد فتره بسيطه الا وتكتشف خيانات جديده البنت طبعن تركته وحصلت على الطلاق وتقول احسن اتطلق منه وانا ماعندي اطفال ابتلش فيهم بكره حاول يرجعها ووسط ناس وجلس معاند كم شهر لكن في النهايه حصلت على الطلاق لان الكل بصفها حتى اهله ولان البنت كم مره تطيح عليه وشهدتهم اذا كررها معاد لها رجعه حتى انها حاولت اصلاحه وقالت يمكن العيب فيني واني مقصره باشياء يبيها وماحققتها له لكن هو قال بالعكس انتي ابد مو مقصره بشي
تتوقعين ضمضم ان الخيانه مرض مايقدر الرجال يتخلص منه ولا رفاق السوء اللي يزينون له المنكر يمكن بصراحه في حالة قريبتي هذي اقول مرض الدرجه ان البنت تزوجت وجابت بنت وهو الى الان يبكي على الاطلال حتى انه ترحمينه بس يتتبع اخبارها ويسئل عن بنتها ومين تشبه البنت الدرجة انه يوم جابو بنتها يشوفها قال تشبها ويكره زوجها ولا يحب يواجهه بنفس المكان لانه هو قريب لها وزوجها من برا العائله يضرب الحب شو بيزل بس يستاهل خان اكثر من مره وعلى باله البنت مثل كل مره بتسامح
حتى ياسر يوم قال اذا تزوجت ملوك بترك خرابيطي بالعكس ماراح يتركها لانه تعود عليها يمكن يتركها فتره لكن بيرجع لها وحتى لو هو تركهم هم ماراح يتركونه بنات الحرام خربات البيوت <<<فيس منقهر من هول مايسمع عن الخيانه الزوجيه



يازين العزوه والسند اذا صابك مكروه
حبيت حنيت مقرن العاجي صدق مهما راحت ومهما جت الحرمه سندها وعزوتها ابوها واخوانها
زوجتس لو حبتس وحن عليتس وعاملتس بمايرضي الله لابد ماينكر عليتس عند اول مشكله تكون بينكم
وحتى انه معاد يشوف حسناتس ماقدام عيونه الا مساوئتس
مالتس سند الا ابوتس واخونتس الله لايخلينا منهم ياعزتي للي مالها سند وطاحت بيد اللي مايخاف ربه
انا الى الان بصف الظبي مهما قالت الطارق ليش التسرع والطلاق ماعليه ادبها بضرب او كلام موجع لكن طلاق ماضنتي اللي سوته يستاهل الطلاق انت رخصتها ياطارق ومن اول مشكله طلقت انا لو مكان الطبي مارجع له لو جاني يزحف ليه الزواج لعبه من اول هوشه طلقت
لاتقول اهانتني ومدري ايش انت اللي خليتها تتمادى ولو كنت موقف الموضوع من اوله ماصار اللي صار


ضمضم جعل ربي يخليلي اميمتي ويمتعها بالصحه والعافيه ويخليلتس امتس يارب ويعافيه وامهات خواتي بنات ليلاس كلهم يارب
ضمضم منتظرينتس على نار لاطولين علينا الله يجازيتس عنا كل خير يارب

مرحبا ضمني الله يشفي الوالده ويخليها لكم
وفديتك انا يابعد حيي والله روايتك خقق
لبى اللي يستحون باعناد الله يسعد قلبه ياحبني له
وياسر ماش طاح من عيني بس والله حنون مررررره
والظبي تكسر الخاطر طيب من حقها تحبه وتغار عليه بس اسلوبها شين
اما ملوك هذي عشقي ياني متحمسه لزواجها تكفين نزلي اكثر من بارت والله اني
انام واصحى وانا افكر بالرواية