السلااام عليكم ورحمة الله وبركااته

شخباركم حبايب قلبي؟؟؟؟
أكيــد بخير دام نودي معااكم^_^
*
*
*
بصرااحه اتوقع إني أسعد وحدهـ..
فـ وجودكم وتداخلااتكم في هـ الموضوع
يسعدني ويثلج صدري
ويحسسني بحمااس مو طبيعي لو بيدي
بنقل لكم الحدث مبااشر لكن للأسف ماباليد حيله
^_^
*
*
*
أهم شي تكونوا مستمتعين بإذن الله
*
*
*
اليوم ان شاء الله رح اكمل مابدأت به
في مراسيم اول ليله من الزواج
*
*
*
لاتروحون بعيد انتظروني
*
*
*
بالتوفيق الدائم

السلاااام عليكم روحمة الله وبركاااته

صباحكم/مساائكم..نور وسرور

شخبااركم حبايب قلبي؟؟؟
أكيد بخير داام نودي معااكم ^_^
*
*
*
رح اتكلم ان شاء الله
عن مراسيم مابعد الزواج][الصباحيه][
في حضرموت
لأننا في السعوديه مانسوي صباحيه
بس الأم المغرب تجي تطمن على بنتها وتتيسر
*
*
*
اتمنى لكم أوقات ممتعه بإذن الله
*
*
*
في المرهـ السابقه تكلمت عن/
طريقه توصيل الدبش(جهازر العروس) لبيت العريس
الأجواء الصباحيه ليوم الزواج في بيت العروس
القيام بالذبح والإفطار وتجهيز الغدا
تزيين العروس
تزيين العريس
طريقه زفة العريس للعروس
طريقه زفة العرساان لبيت الزوجيه
*
*
*
قبل الدخول لمراسيم اليوم رح اقولكم
ليه الذهب ينزف مع البنت
انا ماقلته المرهـ اللي راحت عشان حبيت
أثير التساؤل عندكم
*
*
*
طبعا الذهب ينزف مع البنت كما ذكرت سابقا
وقبل دخول العريس تدخل ام العروس وبنتها الكبيرهـ
لو عندها او اخت الأم في حال عدم وجود الأخت الكبيرهـ
يفتحون صناديق الذهب ويلبسونها إيااهـ
طبعا يلبسوها طقم كامل بلإضافه إلى
12 بنجرهـ..معضدهـ
حزام ذهب
ورش رش((السلسال الكبير والتعليقه على شكل داائره كبيره))
والسبب في تلبيسها الذهب
قبل دخول العريس
كـ رمز ان البنت غااليه عند اهلها
ومن زود الغلاا كاسيينها ذهب

وتجلس الأم توصيها على نفسها وزوجها وام زوجها و
تعرفون عاد وصايا الأم وتختم كلاامهابـ
((بيتك مثل قبرك محد يدري وش يصير فيه))
وتفسير هـ الكلاام
أن الناس ماتدري عن الأسرار اللي تصير للميت في القبر
ونفس الشي محد يدري عن الأسرار اللي تصير في البيت

وتطلع من عندها
وتكمل الجزء الثاني من الوصايا عند العريس
وبعدها تتوكل على بيتها هي واللي معها
*
*
*
نروح للصباحيه
*
*
*
][العادات في حضرمـوت][

بعد الإنتهاء من مراسيم الزواج ويرجع كل شخص لبيته
يصحون ثاني يوم من صلاة الفجر
ويتجمعوا الرجال بعد الصلاة في نفس البرحه
اللي ذبحوا فيها يوم الزواج ويذبحون ذبايح ثانيه لكن هذي على
حسااب أهل العريس يعني مذبوحه بإسمهم
للغدا وبعدها كل واحد يتوجه لبيته يغتسل ويتوجه لبيت اهل العريس
طبعا الرجال يجلسون في حوش جنب بيت اهل العريس
يسلموا على العريس ويباركوا له
وبعدها يبدا الطرب والشرح((مسمى الرقص الحضرمي))

اما عند الحريم
طبعا الحريم يحضرون من بعد صلاة الفجر

بالنسبه لأم العروس ماتجي إلا على الساعه 9ونص بعد الفطور
وتدخل على العروس بدون لاتمر على الحريم وتسلم عليهم

طبعا مثل ماذكرت يكون معاها بنتها الكبيره لو موجوده
او اخت الأم في حال عدم وجود البنت الكبيره

تطمن على بنتها وتساعدها في لبس الصباحيه
طبعا هو عبارهـ عن جلاابيه مطرزة تطريز فخم
غالبا يكون لون الجلاابيه عودي وسكري
والبعض جلاابياتهم لونها أحمر واسود
وطبعا تلبس الذهب حقها وتحط روج وكحل
وكتدليل انها صارت في عصمه رجّال يحطون لها
يرسمون بالكحل تحت ذقنها





وبعدها تنطلق الزغاريط من غرفه العروس وهذا
تدليل انها رح تنزف ألحين
يتجمعون الحريم عند الباب ومعاهم الطيراان
واول ماينفتح الباب تنطلق الزغاريط وتطلع اصوات
الدفوف..
وطبعا يتغنون
((بألف الصلاة والسلاام عليك ياحبيب الله محمد))

تمشي ام العروس جنب بنتها
ويتقدموا الحريم والكل ورااهم لين يوصلوا
للغرفه اللي يجلسوا فيها
تجلس العروس على الكرسي الموجود في وسط الغرفه

طبعا تكون طول الوقت متمسكه بأمها
لأنها لأول مررهـ تقابل الناس بدون غطا على وجهها مثل الغمره
او طرحه على راسها وغطا خفيف مثل الزواج
وطبعا حياااة جديدهـ عليها

يرقصوا الحريم قدامها ويقوموها ترقص معاهم
وبعدها الكل يتغدا وعلى صلااة العصر الكل يتوجه لبيته

اما بالنسبه لأهل العروس ينتظروا لين يرجع العريس
يسلموا عليه ويعطوهـ الهديه ويتوكلوا على الله
وغاالب هداياهم((إحراام للعمرهـ ))
لأنه بعد مرور شهر لازم يطلع للسعوديه
ويعتمر مع عروسته

طبعا الهديه نشوفها جدا عاديه او بسيطه لكن بالنسبه لهم
تعتبر ثمينه وخااصه ان مبلغها كبير ومو كل واحد يقدر
يجيبه و لباس لأداء فريضه العمرهـ اللي مو كل شخص
يقدر يعتمر

طبعا تيسر الكل لبيته وخلا البيت ومابقى فيه
غير اهل العريس اللي هم سكان البيت والعرسان
يجلسون مع بعض لين العشا

وبعد العشاء
العريس يشيل عروسته ويتوكلوا لغرفتهم
استعداد للسفر ثاني يوم لقريه كبيرهـ متوفرهـ فيها
كل الخدمات وهي تعتبر الرابط بين قريتنا والمدن بشكل عاام
طبعا مايطولون فيها من الفجر لين العصر ويرجعون
للقريه مررهـ ثانيه

وثالث يوم
تكون عزيمه عند بيت عم العريس
وبعدها عزيمه عند بيت عم العروس
وهكذا ليـــن ينتهي الشهر ويكونوا أهل القريه
كلهم قد عزموا العرسااان

وبعد الشهر
يسافروا للسعوديه وبالتحديد لمكه
لأداء العمرهـ يجلسوا فيها 15يوم
وبعدها يروحوا المدينه ويجلسوا 15 يوم ثانيه
وأخيرا وليس آخرا يرجعون لحضرموت
وتحديدا للقريه اللي انطلقوا منها
*
*
*
بكذا انتهيت من جميع مراسيم
الخطبه
عقد القران
الغمره
الدبش
الزواج
الصباحيه
شهر العسل
*
*
*
ان شاء الله اكون ارضيتكم في المراسيم الأخيرهـ
بعد الصدمات اللي كانت في مراسيم السابقه^_^
*
*
*
بإذن الله رح يصير لنا نقاش عن/:
&موضوع الطلاق بالنسبه لقبيلتنا في حضرموت والسعوديه
&موضوع الزوجه الثانيه
&ضرب الأزواج لزوجاتهم

لكن كل هذا انا تاركته لقموورهـ
هي اللي تختار وين ابدأ وتحط المقدمه اللي تعجبها له
وطبعا رح نتناقش فيه برحاابه صدر
*
*
*
*
ان شاء الله تكونوا استمتعتم اليوم
ومايكون فيه شي كدر خااطركم
^_^
*
*
*
وأي سؤال او استفسار عن مراسيم
اليوم انا حااضرة للإجابه
ولاتستحون تراني اختكم في الله^_^
*
*
*
بالتوفيق الداائم للجميع