المنتدى :
المنتدى الطبي - Medical Forum
غيبوبه السكر الفجائيه (استشاره)
اول شىء انا حاسه أنى بدخل فقط اضع استشارات لى ولاصدقائى واهلى هههههههه لكن بجد شكرا ليكم على هذا العمل واكيد ربنا يجعله فى ميزان حسناتكم وماشاء الله كل استشاراتنا اللى وضعناها الاجابه عليها بتكون هى الحل التمام لكل مشكله
لى صديقه عندها مشكله قولت ناخذ رأى الدكتور فيها هنا ...
هى عندها السكر والضغط وبتاخد لعلاج السكر حقن الانسولين بس كانت مهمله الضغط هى فى الاول كان عندها الضغط وراحت للدكتور كتب لها حبوب اسمها (اتينوبلوك ) نصف قرص كل يوم ولما حملت بعدها جالها السكر بعد الحمل واستمر معاها وبتتعالج حتى الان بحقن الانسولين
لكن لما بدا يجيلها صداع راحت قاست الضغط وطلع عندها الضغط مرتفع وسألت الدكتور الاول طلب منها تمشى على العلاج القديم (أتينوبلوك ) والان هى ماشيه على العلاج واتحسنت جدا وكمان علاج الضغط خفف الرعشه والعرق اللى كانوا بيجوا لها بسبب السكر ...لكن الشكوى الان ان اوقات بيجى ليها دوخه مفجاه ...غيبوبه سكر ...مع ان السكر اتحسن عندها جدا واعراضه خفت لكن ساعات الغيبوبه بتيجى فجاه ودون سابق انذار ..ياترى السبب ايه ؟ وايه الحل ؟ وشكرا ليكم ...
|