كاتب الموضوع :
البنت العنقليزية
المنتدى :
القصص المكتمله
عندسلطان
قاموا على صوت التيلفون خافوا من بيدق بهالوقت الساعه ثلاث
اماني بخوف:سلطان منو
سلطان وهو يفتح لابجوره وياخذ تليفونه :حمد الله يستر ان شالله ورد
سلطان بخوف:هلا حمد
حمد بخوف وهو متفشل لان ازعج اخوه:هلا سلطان اسمح لي ياخوي ازعجتك بس
قاطعه:حمد قول اشفيك صاير شي خوفتني
حمد: سعود مو في بيته وصار لنا ساعتين اندق عليه جهازه مغلق ونور تحاتيه قلت ادق اسألك اتعرف احد من ربعه يمكن يعرف هو وين
سلطان بعصبيه:هو متزاعل مع نور قبل يطلع
حمد:مادري ماقالت حور
سلطان بغضب: انا بدق اسأل ربعه ودق عليك بس ان طلع انه متزاعل مع ام لسان والله ماتقولون لها عنه وتخلونها تموت قهر
حمدبضيق:خلاص الي تشوفه بس طمنا على اخوك الحين
سلطان:ان شالله وسكر من حمد وراح يدق على ربع سعود
اماني سمعت كلام سلطان وخافت على سعود لايصيرفيه شي بسبة اختها رمت نفسها بالفراش تصيح
بعد ربع ساعه
بعد ماكلمه فيصل رفيق سعود وطمنه ان سعود بخير بس هو سوا حادث بسيط ومافيه ألا رضوض بسيطه قام وراح ركض للمستشفى بعدمادق على حمد وقاله
في المستشفى
دخل على اخوه بلهفه وخوف قال وهويسلم عليه:سلامات ياخوي ماتشوف شر
سعودبتعب:الشر مايجيك بعد فتره دخل فيصل عليهم قال ببتسامه:هلاسلطان اشلونك ياخوي
سلطان الي ارتاح من تطمن على اخوه قال:هلا فيك اشلونك انت
فيصل:بخيرالله يسلمك بس ازعجني اخوك غصب يطلع
الحين اقوله خل لين تطلع الشمس علاقل موراضي يفهم
الاخو يحاتي له ناس ويبي يطمنهم انه بخير
سلطان شاف ابتسامة سعود قال :ماعليك منه اذا حالة ماتسمح له يطلع لاتطلعه
سعودبخوف:لاحرام عليك اهلي تلقاهم الحين ميتين خوف علي انا حتى تلفوني مدري وينه
فيصل:يوه نسيت اجيبه لك لقيتهم حاطين اغراضك بمكتبي
رايح اجيبهم وطلع
سلطان بأهتمام:سعود انت شطلعك من البيت بهالوقت المتاخر
سعودببتسامه:طلعت اجيب لنا عشا وصارالي صار تنهد وقال:ياقلبي يانورالحين ميته خوف
سلطان بشك:سعود انت متاكد انك قبل تطلع ماتهاوشت مع نور
سعود انصدم من كلامه وجا بيرد بس قطع عليه دخول نور
نور الي حالتها ماتسرمن خوفها على سعود من قالهاحمد وهي
مقومه الارض ومقعدتها ألا تروح له تشوفه ادخلت
وماهتمت لوجود سلطان وراحت ركض لسعودقالت بشهاق:سعود حبيبي
سعود نسى سلطان وجوده وقال يهديها:نور حياتي مافيني ألا العافيه شوفي
نوروهي ماسكه ذراعه وقاعده جنبه قالت بخوف:اكيدماتعورت
سعودبحب:والله بس رضوض بسيطه لاتخافين ك
قطع عليه سلطان قال:مافيه ألا العافيه والحين بيطلع بعد
نور توتنتبه لوجوده تفشلت وفكت يدسعود قالت بخجل: سلطان اسفه مانتبهت لك اشلونك
سلطان رحم حال نور وتاكد من حبهالاخوه قال بضحكه:بخير ومعذوره يانور وحمدالله على سلامة سعود
نور:الله يسلمك
عند حور
الساعه سبع الصبح
كانت جالسه بالصاله تنطر
حمديجي عشان يطمنهاعلى
سعود هو قالها عن الحادث
وانه بياخذ نور له
كانت منسدحه على الكنبه وتقاوم النوم
بعدفتره دخل حمد
كان تعبان حده جا بعدماوصل سعود ونور لبيتهم شاف حور
نايمه بالصاله ابتسم كان شكلها روعه برمودتها الورديه كانها طفله تقدم منها
قرب عندهاوجلس على ركبته قبال الكنبه قال بهمس وهو يمسح على راسها:حور
حورقامت قالت بخوف:حمد جيت طمني اشلون سعود
عدلت جلستهاورفعت شعرها الي حتاس وكانت تسحر حمد
بحركاتها قال ببتسامه:طيب الحمدالله وتوني موصله لبيته
ماقدريمسك نفسه ماحس ألا وهويمسح خدودهابخفه قال:ليش مانمتي لهدرجه خايفه على سعود
حور بتوترمنه:اكيد بخاف مو زوج اختي واخوزوجي بعد
حمدوهويقرب منها:ياقلبي على الحنون كان بيبوسها بس دزته
بسرعه ووقفت قالت تتصنع الغضب: ليش شاك بحنيتي ياحمد
حمد وقف وقال ببتسامه:لا من قال انك مو حنون انتي ام الحنيه ياعمري وراح
حورتأففت ياربي اموت وعرف شنوالي غيره ازفه يغازلني
عمره ماكان جذي بروح اشوفه مراح اسكت
هالمره
عند سعود
بعد ماكلم امه وابوه وطمنهم
انه بخير اوعدوه انهم يزورونه اليوم ويكنسلون العزيمه لباجر
ادخلت عليه نور بعد ماخذت لها شاور تبعد عنهاالتعب والأرهاق
ابتسم لها وقال:اهلي يمكن يجون اليوم يتحمدون لي بالسلامه
نوروهي تحط لوشن معطربعد الحمام قالت ببتسامه:حياهم
الله باي وقت نور ماصار يهمها ألاسعود فهوابوهاواخوها وكل اهلها مثل ماقال
بعدماخلصت ارفعت راسها وانتبهت ان سعودطول هالفتره يطالع فيها
قالت بضحكه:بس ترا بتنبط عيونك
قال بفرح:كيفي حلالي
نورفاهمه قصده:ادري حلالك وقامت وجت
انسدحت على السريرجنبه
وكملت :خلني انام ترا من امس مونايمه
سحبهالحضنه وحط راسها على ذراعه وقال:نامي بس هنيه بحضني
نوربحب الله لايحرمني من حضنك ياقلبي قالت وهي تحط يدهاعلى صدره:الله يحفظ لي هالحضن ياحبيبي
عند حور
هي مصممه ألا تعرف سبب تغيره ادخلت غرفته ومالقته اجلست
تنطره وهي منبهره بجمال الغرفه وفخامتها اول مره تشوفها
بعدفتره طلع من الحمام وهو بالروب تفاجأ من وجودها
حمدابتسم وجهها قام يتلون حيا قال:هاه بغيتي شي ياحور
حوربخجل كانت عيونها على الارض وتفرك يدها من شدة التوتر:هاه ايه انا ك
حمدياقلبي يحور ليش موراضيه
تسامحيني قرب منها ومسك يدها قال بهمس:انتي شنو
قولي كان يضغط على يدها يبعد التوتر بس مايدري ان هالشي
يزيدمن توتر حور ورجفتها لان مشاعرها متضاربه شوق وحنين لهالحضن
قالت بتوتر:كنت بسأل عن نور كانت منهاره من حادث سعود وهي حامل موزين لهالانفعال
قالت له هالكلام مع انه مو هذا السوال الي جايه عشانه
بس لانها ماتبي تزيدمن توترها بقربه
حمدخاف من شكلها وحس بخوفها قال: نور بخير
كمل وهويرفع راسها عشان تطالعه:شفيك ياحور لهدرجه
خايفه مني حمد توقع انه خوف وكراهيه له مادرا انه شوق وحنين لقربه
حور ضاعت اعيونها بشكل حمد كان شعره مبلل وزايدمن جاذبيته
قالت بضيق وهي تبعد عيونهاعنه:لا مو خايفه ليش اخاف
حمد حضنها بين يدينه فجأه وقال بخوف:اجل شفيج
حور انصدمت من حركة حمد ونزلت دموعها بغزاره قالت وهي
تحاول تبعد:مافيني شي وفكت نفسها غصب وراحت ركض
حمد ياربي اشفيها حسبي الله على من كان السبب البنت تعقدت
وماصارت تثق باحد تنهد:استغفرالله قاعد اتحسب على اهلي راح يلبس
عند حور
من دخلت وهي حاذفه نفسها على السرير تصيح بقوه تحس
انهاماعادت تتحمل بعدها عن حمد تمنت لوانه مافكها من بين يدينه وتم حاضنها غصب
الساعه خمس العصر
بيت سعود
في المجلس
كانوا امه وابوه جايين له يتحمدون له بالسلامه
سعود جالس جنب امه الي تفقده بخوف قالت:اكيد يمه ماتحس بعوار
سعودبضحكه:والله يمه مافيني شي انتبه لدخول نور بالقهوه
ابتسم لها لانها تسعى لرضاه واستقبلت اهله بأحترام
نور احس بضيقه من وجودهم بالاخص امه كل ماتذكر سواتها بحور
تقدمت وجلست بكنبه منفرده وتجاهلت نظرات سعود الي يبيني اجلس عنده
كنت اشوف امه اشلون حاضنته وحسيت بالغيره منها قطع علي
صوتهاام سعدبأهتمام: اشلونج نور اشلونج مع الحمال عسى مايتعبج
نوربصدمه استغربت سوالها:هاه بخير الحمد الله كنت ارد وانا اشوف ابتسامة سعود الي
شكله فرحان بكلامي مع امه
ياعمري ياسعود والله عشانك كل شي يهون ابتسمت له
ابوسعد:دريت ياسعود ان العزيمه تأجلت لبكره
سعود:ايه دريت وان شالله بجي
ام سعدالتفتت لنور قالت :ونور لازم تجين عشان بيجون ناس واجد
من معارفناودهم يشوفون زوجات اعيالي ام سعد ودها تقولها تقول لحور
بس مالها وجه مع انها ندمانه على كل شي سوته لحور
نوربرود:ان شالله
عندحمد
من شدة التعب والارهاق ناموا
حتى الغدا ماقامو عليه
حمد قام مسرع وراح للحمام يتوضئ عشان يصلي الصلوات الي طافته
بعدماخلص صلاته طلع يشوف حور اذا قامت او لا طق الباب ماسمع
رد فتح الباب ودخل شافها نايمه على عرض السرير بهدوء قرب منها قال:حور
حورحست بيدتمسح على راسها
فزت بسرعه
قالت :حمد اشفيك
حمدبأهتمام وهو يمسح راسها:مافيني شي بس جاي اقومك اخذنا النوم وطافت علينا الصلوات
حور عدلت جلستها قالت:هاه زين وقامت
بعدمده طلعت من الحمام انصدمت من وجوده بغرفتها
حور هذا شمقعده هنيه ياربي سكتت وقعدت
اطالع فيه بغرور قهرني بحركة جالس على سريري ويبتسم لي
ياويلي ابتسامته تذوبني
حمد اشوف نظرات الغرور فيها ودي امسكهاواخذ حقي منها
بالغصب قلت بخبث وانااشوفها مطوله بوقفتها:صلي صلواتك ولااخاف عندك عذر
حوربغصه صح انهامتعوده على جرائته بس تفشلت من
اسلوبه
:لا بصلي بس ممكن اعرف شتبي
حمدوقف ومشى صوبها قال وهو يمسح خدها:ابيك تصلين
وتجهزين عشان ابنطلع نتعشا برا
حور:زين
عند سعود
الساعه عشر
سعود جالس مع سعاد يسولفون
سعودبضيق:يعني مصممه على رايك انك ماتروحين
سعاد بأصرار :ايه ياولدي انت روح انت ومرتك محد مانعك بس انالا يمكن اروح قدر موقفي ياسعود
سعود:على راحتك
قطع عليهم دخول نور قالت:لا تحاول ياسعود امي اذا اصرت لايمكن ترد بكلمتها
جت وجلست يم سعود الي قال بهمس:انا اقول ياعمري من طالعه عليه بالعناد
ماحس ألا نور تقرصه بذراعه قال:اإاي حرام عليك ترا توني مسوي حادث وجسمي يعورني
نورفكته وقالت:بسامحك عشان تعبك بس
سعود بهمس:فديت الحنون كمل بخبث :قومي خل نروح غرفتنا جسمي يعورني وابيك
تهمزيني
نور تفشلت من كلامه ومن نظرات امها الي عاجبهاالوضع
في المطعم
عند حور
الله ياحمد من زمان ماطلعنا مع بعض ياكثرحبي لطلعاتك ولو انهاقليله لكثر انشغالك
حمد فرحان لانها رضت تطلع وماعاندت قال:حور ترا سفرنا تحدد بعد بكره بنمشي
حوراي سفر يووه نسيت هو قالي انه بيسافر وبياخذني معاه
بس انا نسيته هذاك اليوم ابتسمت الله ياحلو ذاك اليوم كل ماتذكر اشلون باسني غصب حتى بوسته اخذت مده اتحسسها
قلت:انت مصمم اروح معاك
حمدبأصرار:اي مصمم
قلت:يعني شايف انها حلوه نسافر لغربه وحنا على هالحال
حمدبحب:اشفيه حالنا ماني شايف فيه شي كل شي تطلبينه انفذه بدون نقاش
حور موهذا الي قاهرني ليش راضي انا ابيه يترجاني ينذل
قبالي بس شكله عاجبه هالوضع قلت:وكم بنقعد
حمد:مادري قرب يده ومسك يدها قال بحب:ان شالله ياحور
هالسفره تكون خير لنا وتقربنا من بعض ابتسم
حورايدها رجفت ونزلت راسها
حمد حس برجفتها ياربي سببت لها عقده من طقي صارت
تكره لمسي قلت وانا اوقف :حور خل نمشي تاخرنا
دخلوا البيت وهم بحالة صمت تام جت بتروح لغرفتها قال :حور ممكن اطلب منك طلب
حوربغصه:تفضل
حمد:ابيك تجهزين شنطتي
ماحب الخدم يمسكون اغراضي
حور ياغالي والطلب رخيص:ان شالله بس ابدل اجي اجهزها
وطلعت ادخلت غرفتها وهي فرحانه ودها انها تنسى وتعيش بحضن حمد
خذت لها شاور وطلعت قررت تلبس شي مغري حتى لو
بيسمعها كلام جارح مثل قبل هي من حقها تبرز انوثتها عنده
لانه زوجها حلالها ألبست لها شورت شاريته لها نور كان
قصير فوق الركبه ضيق ومعاه قميص لي نص الفخذ كان كات
كان لونه تفاحي بنقش وردي
حطت ميكب خفيف وسرحت شعرهاوخلته مفتوح
سمت بالرحمن وطلعت انتبهت للخدامه معاها شاي لحمد قالت:عطيني انا بوديه
الخدامه عطتهاو كانت تبتسم كأنهافاهمه القصه حور بعصبيه:ليش واقفه روحي شوفي شغلج بسرعه
تنهدت حتى الخدم يضحكون عليج ياحور انتي وعنادج متى بتسامحينه بس
طقت الباب وفتح لها حمد استغربت انه مقفل الباب
حمد انصدم توقعه الخدامه
هو وصى بشاي واخاف لاتدخل
عليه بدون استأذان قال وهو ذايب من لبسها:حور وتم مده يطالعها
حور ياحظي شكله نسى انه يبيني ارتب شنطته قلت وانا انزل
الشاي على الكمودينه:
وين شنطتك عشان اجهزها ولا
شكلك نسيت انك قايل لي
ارتبها
حمد انامن اشوفك تضيع اعلومي قلت :لا مانسيت
نزل لها الشنطه وجلست ترتب ملابسه بسكات
حمد جلس على سريره قال وهو يشرب من الشاي: ماقالت لك نور انها بتروح لعزيمه ابوي
الي بالمزرعه
حور بقهر:لا ماقالت وش عندك تسأل لايكون ناوي تغصبني
اروح مثل ماغصبتني لروحة الشاليه كانت ترتب بعصبيه
وهي خايفه انه يجبرهاتروح لانها ماتبي تشوف امه وخالته بالذات
حمدشاف تكدرهامن هالسيره
نزل كوبه ومشى صوبها وقف
قبالها قال بأهتمام:حور حبيبتي انا لايمكن اضغط عليك مره ثانيه بشي انتي
ماتبينه كان ماسك اكتوفها العاريه ولافها صوبه
حور برتباك من مسكته قالت بغضب:اجل ليش تقولي
هالكلام يكون بعلمك اكيد ان نور مغصوبه على الروحه
حمد برجا:خلاص اهدي انا بس حبيت اسولف معاك مالقيت ألا هالموضوع
كمل وهويضغط على كتوفها:سشوي حاس بالوحده وابي احد اناقشه واسولف معاه
حوربخجل من اسلوبها نزلت عيونها وقالت:اسفه انفعلت شوي
حمد :عادي ماصار شي حس فيها تبعد يدينه عنها قال بخبث:
مادري ياحور ماشتاقتي لحضني مثل ماانا ذابحني الشوق لحضنك
حور وخرت عنه وهي ذايبه من كلامه تحب تغزله فيها قالت تغيرالموضوع
برود:خلني اكمل شغلي وترك عنك الكلام الفاضي لفت بطلع
ملابسه ماحست ألا وحمد حاضنها بقوه من ورا قال : حرام
عليك لمتى بنتم كذا متزوجين ولا كأنا متزوجين
حورتخدرت من لمساته وبوساته الي بخدهاورقبتها
قالت بشهاق:حمد اتركني ارجوك
حمدبخوف:حبيبتي ماراح اغصبك على قربي بس مابي
اشوف نظرة الخوف الي بعيونك كل مالمستك
لف وجهها قباله قال بضيق: حور ادري اني اخطيت بحقك
وانامستعد اصبر عليك طول مانا حي بس ارجوك ابعدي هالخوف
يوترني ويضيق صدري كل ماشوفه بعيونك
حوروهي تمسح دموعها قالت: مو خايفه ليش ماتفهم ان
سكتها حمد حط اصبعه عند شفايفها قال بأهتمام: خلاص مو خايفه بس انتي اهدي
سحبهامعاه وجلس على السرير وجلسها جنبه قال عشان يبعدعنهاالتوتر:حور
ماشوفك سألتيني وين بنسافر لهدرجه مو متحمسه لمعرفة المكان الي بروح له
حور :مو مهم اهم شي اني بكون معاك قالت هالكلام وهي ماحست بالي قالته
حمد من فرحته سحبها لحضنه وسدحها معاه قال بسعاده:
ياقلبي تسمع حور شقالت تقول اهم شي انهامعي يابختك والله
حور غصت بزلتها وماقدرت ألا انها تسحب من حضنه قالت
برود:ماقصدت الي قلته لاتفرح
وكملت وهي تعدل جلستها:ألا صج وين بروح
حمد تنهد :اهم شي قلتيه سوا قصدتيه او لا كمل وهو يفصخ فانيلته يتجهز لنوم:بروح باريس
حوربغصه قالت وهي تقوم عن السرير:حلو يالاه خل اكمل شغلي
حمدانسدح وقال :اخذي راحتك بس تخلصي قوميني اذا كنت نايم عشان اسكر الباب
حوربستغراب:خذ راحتك انت انا بس اخلص اسكر الباب
حمد غطا عيونه بذرعه قال بهدوء:قصدي اقفله ماأثق بالخدم لو يدخلون
حوربصدمه:وين يدخلون
حمد:يدخلون علي يسرقون او ياخذون شي خاص لي ويسحروني
حور بغيره:انت شايف عليهن شي جاك منهن شي
حمدبأصرار:لا بس الاحتياط واجب وبعد ماشفت الي صار بصاحبي زاد حرصي
حوربخوف:شصار له
حمد :تخيلي خدامته طلعت حامل من واحدمتعرفه عليه
وجايه تتهم رفيقي انها حامل
منه وراحت تشتكي عليه الرجال انهبل جن جنونه
طلب انهم يسوون تحاليل عشان يتاكدون من برأته سوو
التحاليل وبينت برائته وعالطول سفرها
حوربصدمه:حقيره وناكره لنعمه اشلون تظلمه
حمد:اكيد عبالها بيصدقونها ويعطونها الي تبي
بعدفتره
حور اخير خلصت بروح جت بتطلع قالت:حمد خلصت ماردعليها
قربت شافته نايم معقوله بهالسرعه عاد هو نومه عميق بالموت يحس
جت بتطلع تذكرت كلام حمد وابتسامة الخدامه لها قالت
لاوالله لايكون الحقيرات ناويات على زوجي يمه الله يحفظه
انالازم اقومه غصب يقفل الباب عقب الي قاله زاد خوفي
حورتهزحمد بخفه:حمد قوم سكر الباب بطلع
حمد:هاه شفيك
حور:الباب قوم سكره بطلع
حمد بخبث:حدي نعسان ماقدر اقوم سوي معروف وتمي نايمه جنبي تحميني منهن
حورارحمت حاله اي والله ليش ماحميه هذولا يسوون بلاوي قالت :خلاص بنام هنيه اشرت على الكنبه
حمد شافهاوين تأشر وسحب يدهاقال:السرير كبير نامي هنيه
كمل بتنهد:ولاتخافين مراح المسك نامي بس
حور طاعت كلامه ونامت
اليوم الثاني بالمزرعه
عند الحريم
مابقى احد من معارفهم ماجا
كانت اعيونهم تراقب نور انبهروا بجمالها
نور كانت لابسه تنوره بيج كلوش طويله بنقش بني وبدي
بني بكم حاير وفتحة الصدر واسعه كان هاللبس مطلعها اكبر من عمرها
وزايدها رزه واناقه شعرها رابطته ذيل
نور حست بالضيق لانها اول مره تقعد مع ناس ماتعرفهم
انتبهت لها اماني وجت يمها اماني ببتسامه:اشفيه الحلو متضايق
نوربتوتر:هاه لا مو متضايقه بس تعرفين ماني متعوده على
مثل هالعزايم فحاسه برهبه
اماني:اشرايج نطلع نتمشى شوي
بوريج مزرعة العايله
نوربسعاده لانها فعلا طفشت من القعده:ياليت والله
اماني:خلاص بس خل انادي امينه تروح معانا
نورياقلبي يااماني عسل هالبنت انا ماصدق ان هذي بنت
شريفوه حتى امينه احسهاطيبه اول مره تشوفني وستقبلتني بحراره كأنهاتعرفني من زمان
والله ان اخواني من ابوي طيبين صدقت امي يوم قالت لاتكرهونهم هم مالهم ذنب
عندام سعد
كانت مندمجه مع ضيوفها وحاسه بسعاده لان نورجت وماخيبت املها
قالت لاختها شريفه:اقول ام عادل
ام عادل ماسكه بنت امينه قالت:نعم
ام سعدبسعاده:تدرين اني بطير من الفرحه لاني لزمت على نور تجي وجت
شريفه بقهر:واذا
ام سعد:لاني ياختي بحاول اكسب رضاها هي وحور
عشان خاطرعيالي اناكل ماشوف نظرة الانكساربحمد
يوقف قلبي ماكان جذي اول زواجه كان يبين عليه السعاده
والحين احس بضيقته والسبب انا
شريفه برود:خلاص هاذي ردت له ليش محمله نفسج كل هالذنب
شريفه اهم ماعليها سعاد اضمنت انها لايمكن ترضى ترجع لخالد وتأكدت من كرهها له
ام سعد: حتى وهي عنده اولدي حاسه ان فيه شي بس ماقدر اناقشه لا انا ولا ابوه
كملت بحزن:انا مستعده اسوي المستحيل بس تسامحه حور
عندالبنات
كانت فرحانه بالقعده معاهم
تحس انهم صج يحبونها
امينه بضحكه:اقول شيما شكنا نسمي سعود اول
شيمابضحكه:ههه مانسيتي
امينه:لا بس مستغربه من كلام اماني تقول يحب هو سعود يعرف يحب ههههه
نوربنرفزه:لا مخلين الحب لكم كملت بدلع:
وبعدين ترا ماارضى احد يتطنز على سعودي
البنات:ههههه
امينه:لا قويه من عديم احساس لسعودي تدرين قبل وحنا صغار كنادوم مناقر معه لانه شاطر وحنا لا
شيمابضحكه:عن الفضايح ياامونه
الكل:ههههههه
عند حمد
الساعه حدعش
قام وهو حاس بنعاس ماقدرو ينامون ألابعد الصلاه وده يتم نايم بس هو واعد ابوه يجيهم ألتفت
شاف حورغاطه بالنوم وهي حاضنه المخده تنهد الاخت
مستغنيه عن حضني وحاضنه هالمخده والله قهر
راح للحمام يتروش بعدماخلص طلع وهو لاف الفوطه عليه
حور حست بصوت الباب افتحت عيونها بسرعه بس عضت شفايفها من شوفة حمد
وحست برجفه بكل جسمها
حمد انتبه لحركتها ابتسم قال بخبث:الي يشوفك يقول اول مره اتشوفيني
حورطنشت كلامه وقامت من الفراش وجت بتروح بس حمد ا
اعترض طريقها وقال بنرفزه:ردي علي ليش احس انك منقرفه مني
حور بتوتر: حمد شتبي خلني اطلع
حمدبعصبيه: شبي ياحور ابيك انتي ابي حور الي عشت معاها احلى ثلاث شهور
حوربغضب:حور هذيك ذبحتها ياحمد ناسي شسويت
حمد حس بصداع بيفجر راسه مسك راسه وراح جلس على
السرير وقال بضيق:صاجه حور هذيك ماتت ولا اتوقع انهابترد لي بيوم كمل برود:ممكن تطلعين بالبس
حور عيونهاغرقت دموع وطلعت
ادخلت غرفتها وتسندت على الباب
تحس بسعاده لان حمد حاول يقترب منهاوماتجاهلها امسحت دموعها
قالت حمد يحبج ياحورومارجع عشان احساسه بالذنب او
عشان ابوه خلاص ياحور ردي له حور الاوليه عشان ترتاحين وهو يرتاح بعد
في المزرعه
عند الرجال
سلطان بضحكه وهويطالع بحمد:اقول سعود
تدري ان بعض الناس ناوين
يجددون شهرالعسل وانهم مسافرين بكره
سعودبحسره:اي داري جان زين عندي إجازه جان بعد انا
سافرت لاني انا الي ماسافرت شهر عسل مو انتم
حمد بقهر شهرعسل هذا اذا مو كله هوشات :اذكر الله لا تحسدنا
هو مايبي يدخل اهله بحياته واتضح له ان حور نفس الشي
مخبيه على أهلها بنوع العلاقه بينهم
الساعه حدعش
بالليل بالمزرعه
عند سعود ونور
كانوا يتمشون ويوريها حضيرة الحيوانات
نور كانت فرحانه وقاعده تشوف بعجاب تذكرت شوفتها لبيت عمها يوم عرس حور
قالت وهي ماسكه ذرع سعود:تدري شتذكرت
سعود:شنو تذكرتي
نوربدلع:تذكرت يوم كنت اسوي رحله استكشافيه بيتكم يوم عرس حور
سعود بضحكه:انتي خلصتي رحلتك منيه وانا بدت رحلة عذابي من ذاك اليوم
نوربقهر:اي عذاب شتقصد
ماحست ألا
سعود حضنهاوقال : عذاب حبك
بعد شنو
عند حور
بعد ماخصلت ترتيب شناطها لان حمد قالها ان طيارتهم
ثمان الصبح
حورشافت الساعه حدعش ابتسمت مابقى على رجعت
حمد شي خل اتجهز قبل يجي
واستقبله بغرفته ياحبيبي شبتكون
ردة فعله اذا شافني ناطرته بغرفته
بعد ساعه
تجهزت وألبست لها قميص
فوشي ربط ولي نص الفخذ
والبطن كان شفاف مو مبطن
حطت ميكب خفيف وسرحت شعرها
وخلته مفتوح تعطرت وطلعت
راحت لغرفة حمد كانت
مبخرتها ومعطرتها ومغيره الفراش والمفارش
شغلت الشموع الفواحه وطفت اليت اجلست على الكنبه
حست انه تأخر حيل هالمره
لانها متعوده عليه يجي قبل الوحده غلبها النعاس ونسدحت
ونامت
حمد حس براحه عقب سهر مع اهله كان فعلا محتاج لتغير
جو لانه ان ضل بالبيت مقابل حور بينفجر من شدة القهر
دخل بيته وطلع سيده لغرفته من غير لايمر المجلس لانه متوقع حور
سهرانه على التلفزيون مثل العاده
وهو مايبي يواجهها عقب الي صار اليوم
دخل غرفته وتفاجأ بريحة العطور الي استغبلته شغل الليت
وانصدم من وجودها حمد بستغراب شنو هذا الي قاعد
اشوفه معقوله ياحور سامحتيني وجايه تراضيني
ولابس بتنامين اهنيه عقب سالفة الخدم الي قلتها لج امس
ألا اكيد جايه تقهرني بس اذا كانت ناويه على استفزازي صج مهي
مضبطه كل هالاشياء اه اه ياحور ذكرتيني باحلى الليالي
الي قضيتها معاك
راح صوبها وقرب منها قال بهمس: حور
كان دايخ من قميصها العاري ويحس بضيق من صدها له
ونفورها منه بعد ماكانت ماتفارق حضنه مسح على شعرها
عشان تحس وتقوم بس حور
غايصه باحلامها الورديه شالها
بخفه وحست فيه وفتحت عيونها
حور اول ماحسيت فيه صحيت قلت بخجل من شكلي:حمد
حمد ايه ياروح حمد قلت برود: اسف ازعجتك بس قلت بتعورك نومة الكنبه
وحور ياقلبي طول عمرك حنون سكتت ماعرفت شرد عليه
حمد نزلها على السرير وقال بضيق وهورايح يبدل: مشكوره على التغير عن جد عجيب
بعد مابدل لبس له بجامه وكان فاتح قميصه متعود على انه ينام بدون قميص بس خاف
ان حور تنزعج مافصخه
حور كنت حاسه بتوتر فظيع كاني باول لليله بزواجي شفت
حمد نام بالجهه الثانيه حسيت
بخيبة امل حمد ماألتفت علي
ولاكلمني مثل العاده وانا ماقدرت ابدأ معاه بالصلح تنهدت
وانسدحت وعيوني عليه
@@@@@
اليوم الثاني
بيت سعود
الساعه سبع الصبح
سعود صار له ساعه يلح نور تصحى عشان تسلم على اختها
قبل تسافرلان حمد بيمرهم قبل يروح المطار
سعود انقهر منها صاير نومها
ثقيل مع الحمل مالقى ألا
طريقه عشان تقوم اخذ قلاص الماي ورش عليها بخفه
نور بصراخ فزت بسرعه:يمااآااااا
سعود مات ضحك عليها
قال :هههه صباحوا ياحلو تعيش
وتاكل غيرها هههه
نور عصبت وقامت بتضربه بس سعود كان لابس وخالص
وطلع ركض وهو يقول بضحكه بصوت عالي:اختك جت وتنطرك تحت ياحبي
نوربغضب هين ماراح اسكت لك عبالك بنسى بس الحين خل
اتجهزونزل اسلم على حور وحسابك بعدين ياسعود
عند حور
كانوا بالطريق رايحين لبيت اهلها كان صمت تام بين الطرفين حور تضايقت
حست ان حمد خلاص لاعت جبده منها ومعاد هو طايق قربي
بسبة عنادي تنهدت يارب ساعدني وسخر لي حمد والله
اني لحذف نفسي بحضنه اذا
طلب مني هالشي بس خل يحاول هالمره ياربي شكله من كثر ماحاول طفش وطنش
حمد منتبه لسرحانها من قامت
حاس ان عندها شي ودها تقول شي بس ساكته
مافتح معاها الموضوع لانه خايف لاتكون بتقوله انهارافضه السفر وهو كل الي يسويه
عشانها اتفق مع طبيبه نفسيه وسكنها بنفس العماره عشان
تعرف على حور كجاره لها
حمد للحين مو فاهم شتقصد بكل الي سوته امس هو ماحب يتودد لها عقب صدها الجافي له
عند اماني
في المزرعه
قررت هي وسلطان ينامون بالمزرعه مع امه وابوه
قامت مبجر ولبست بنطلون جنز ابيض وبدي تركواز جبنيز
كان واعدها سلطان يركبها الحصان
خلصت لمساتها الاخيره على طلعة سلطان من الحمام
ابتسم لها قال:مصره تركبين الفرس
اماني بدلع:ايه مصره وانا مارضيت انام ألا عشان هالشي
سلطان:اخاف اطيحين ابتلش فيك
اماني :ان شالله ماطيح دامك معاي بس بسرعه
لا نتاخر
الساعه حدعش بالليل
باريس
اول ماوصلوا الشقه ودخل حمد الشناط ألتفت يمها قال ببتسامه:شرايك بشقتنا
حور بإعجاب:حلوه ماشالله
حمد بأهتمام:ايه ترا بكره الصبح بتوصل الخدامه ال
قاطعته بغضب:شحقه خدامه انا بقوم بشغل البيت
حمد بستغراب:كله الطبخ والغسيل ترا انا مابي اتعبك والخدم واجد
حوربأصرار:كل الشغل بقوم فيه وعشان بعد بضيع وقتي
انت بتكون مشغول وانها ماعندي شي اتلهى فيه
حمد:على راحتك
اخذ شنطته بيروح قالت :تعال ممكن تشيل شنطتي معاك
حمد كنت متوقع انها بتستغل بغرفه بروحها قلت:وين احطها
حور مراح اسكت بحاول اكسبه من جديدقلت:مكان ماتبي عندك او باي مكان تحب
حمد ببتسامه:والله احب انها تكون عندي بس اخاف تنزعجين مني
حور بتنهد: ليش انزعج
حمد بضيق: مادري من شاف رجفتك ونفورك وقت ماألمسك عرف انك منزعجه ألا منقرفه بعد
حور بهدوء: حمد حط الشنطه عندك وكملت بضيق:مشكلتك
ماتحس بالي انا احس فيه
كان ودها تقول انها رجفة شوق وحنين لك
حمد بتعيد نفس الاسطوانه تنهد وراح حط الشناط بغرفة النوم
بعد فتره
خلصت شاور ولبست قميص
لحمي علاق تحت الركبه خلت شعرها مفتوح عشان ينشف
كانت بترتب ملابسهم بالكبت وقفها صوت حمد من الصاله يناديها على العشا
خلت شغلها وعدلت شعرها ورشت عطر وطلعت
جت وجلست عشان تاكل
حمد ياقلبي هالبنت تسحر عليها جمال طاغي خلصت اكلي
قلت برود: خلي الاغراض لاتعبين نفسك فيهن اليوم بكره
ترتبينهن انتي تعبانه من السفر
ويبي لك راحه
حور ببتسامه:خلاص بكره بكره اوقفت بتغسل
حمد:مااكلتي شي كملي أكلك
حور:بس شبعت وراحت
بعد يومين
عند نور
كانت بالعياده تراجع عشان الحمل خلصت وطلعت وابتسامتها مافارقت وجهها
سعود وهو طالع معاها قال:هاه شنو تحسين فيه بعد ماخلصتي السونار
نورببتسامه:ياي ياسعود ياكبر فرحتي وانا اسمع نبضه احس
قلبي بيوقف
سعود: من خوف صح
نور:لامن الفرحه لان الجنين قام يتحرك
عند حمد
كان جاي من برا اضطرانه يطلع عشان الطبيبه بتزور
حور اليوم
هو حاس بتحسن حالة حور هاليومين والدليل انها ماتمد ألسانها معاه وانها تشاركه نفس
الغرفه كان وده بقربهابعد بس خاف لاتعقد الأمور ثاني
حور حاسه بطفش ماخلت شي ماسوته ألبست وجهزت كل شي
بس قاهرها صده او عدم اهتمامه فيها خافت لايكون متزوج وعنده وحده ثانيه تسد مكانها
حور والله مابقى ألا احذف نفسي عليه ليش ماسويها
جارتنا امل تقول حلو ان الزوجه تسعى لقرب زوجها
موكله هو الي يبدأ بالسعي اي بس اشلون والله فشله واستحي
شكلي اذا شفتها بسألها اشلون يمكن عندها طرق تفيدني
انتبهت لدخول حمد سلم وجلس
جنبها حور :تبي احط لك عشا
حمد :لا متعشي برا بس ابي حمام دافي عقب البرد
حور وقفت:خلاص دقايق ويجهز الحمام
حمد:مشكوره وشافها راحت ابتسم لما كلمته الدكتوره قالت له ماصدق ان كل هالجمال والدلال يطلع منه الي قلته
قال ألا صدقي الجمال الي تشوفينه قدر يجيب راسي سمعها تنادي وراح
حور انتهزت انشغاله بالحمام وسويت له شاي عشان يدفيه
كنت لابسه قميص سكري علاق ولي نص الفخذ تعدلت
وجلست على الكرسي وحاطه رجل فوق رجل
بعد فتره طلع وهو لاف الفوطه عليه حسيت ان نظراته تحرقني
ودي يتكلم يقول شي لايطنش خلاص تاكدت من حبه لي
قلت بهدوء:سويت لك شاي يدفيك
حمد قرب وجلس بالكرسي الثاني ومدت عليه الشاي عشان
ياخذه لامست يدها يده وحست برجفه وهتز القلاص ونكت على بطن حمد
حمد ثبت القلاص ونزله على الطاوله وقام كان يقاوم العوار
حور بخوف:حمد احرقك اشوف
حمد راح واخذ بخاخ الحريق
وحط عليه قال :طلعي لي بنطلون البجامه بسرعه
حورجابت البنطلون قالت وهي تقرب يمه:اشوف الحرق كبير كانت اشوي وتصيح قالت:انا السبب يدي فلتت
حمد لبس بنطلونه قط الفوطه قال بعطف:ماصار ألا الخير حتى انا المفروض امسكه عدل
انسدح على ظهره وهو حاس بالعوار بس عوار قلبه اعظم
حور بدون اي اهتمام لصقت نفسها جنبه بالسرير وقالت بشهاق خافت لايتوقع انها قاصده تحرقه:حمد والله موقصدي ان
قاطعهاوهو يحوطها بذراعه بعطف:ومن الي قال انك قاصده ياقلبي
حور دفنت نفسها بصدره وتمت تشاهق
حمد رحمها انا ادري ان رجفتك خوف بس مسكينه تحسب اني بتوقع انه انتقام
مسح راسها وباسه وشافها تبسط يدها فوق صدره ابتسم
اخيرا استكانت ومانفرت شفت الحرق اصلا هو كان بسيط يدوب بس حراره وحمرار خفيف
لفيت صوبها وانامازال حاضنها ورفعت وجهها لي قلت واناامسح دموعها:مابي اشوف دموعك سامعه لانها هي الي تحرقني
حوربشهاق:بس انا ماقدر اتحكم فيهم لانهم ينزلون من
غيراذن وباي وقت
حمد بضيق: حور ممكن طلب
حور بغصه:اتفضل
حمد باس جبينها وخدها بقوه وقال بسعاده:هذا طلبي
حور خجلت وسكتت ودفنت راسها بصدرهوهي تحس بسعادة لسترجاع حضنها الدافي
|
28-07-10, 07:21 PM
جديد مواضيع قسم القصص المكتمله
العرض العادي
