لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 13-03-10, 06:54 AM   المشاركة رقم: 36
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

هنيه خوله انتبهت انه الشخص اللي جدامها مب فهد
خوله بخوف وبدت ترجع خطوات للوراء والعصا خانتها وطاحت : انته منو
خالد وهو يحاول يهديها وخذ العصا وحطها في ايدها : خوله الله يخليج لا تخافي انا ربيع فهد
خوله : انزين من وين عرفت اسمي .. وشو تبا مني
خالد : خوله انا مب مصدق اني يالس اشوفج جدامي سامحيني يا خوله سامحيني
خوله بخوف: اسامحك على شو انته منو .. شوف لو ما رحت من هنية بصرخ وبلم عليك كل اللي في البيت
خالد بضيج : انا خالد اللي كان اليوم في المكتبة وسبج وغلط عليج واهانج قدام خلق الله ..
خوله يسلت تتذكر الموقف ونزلت دمعه من عينها بدون ماتحس وعقب طنشته وتمت ادور ع الطريج اللي يوديها داخل
بس خالد مسكها من ايدها وحست خوله برعشة غريبه ما قدرت تترجمها خوف او انها مرتاحه وما ودها هاللحظة اللي يالسة تعيشها تنتهي وحاولت تبطل ايدها بس ما قدرت وصار لونها وجها احمر وعيونها بدت ادمع
خالد وهو يضغط على يدها بقو : خوله من يوم ما شفتج وانتي مب راضيه تخوزي من بالي ولما شفتج الحين حسيت اني ملكت الدنيا وما فيها خوله انا كنت رافض شي اسمه حب بس لما شفتج كل هذا تغير .. الحين بس تأكدت اني احبج
خوله ودموعها اربع اربع وهي تحاول تبطل ايدها : .............................
خالد بتوتر: ادري انج مب واثقه فيني كيف بتوثقي بانسان سبج واهانج .. وهزئج قدام الكل
خوله قدر تبعد يد خالد عن يدها بصعوبة واول ما بطلتها كانت سايره صوب داخل بس من سمعت خالد يزقرها وقفت
خالد وهو يزاقر عليها بصوت واطئ: الله يخليج ريحي قلبي وسامحيني .. سامحيني
خوله حست انه متلوم وصدت صوبه : مسامحتنك يا .....
خالد : انا خالد يا خوله اسمي خالد
خوله : سير يا خالد اللي صار صار والملامه ما تنفع
خالد بتوتر : بس يــــ ...
خوله تقاطعه وهي تمسح دمعتها : احدر الميلس مابا اسبب لك مشاكل ويا فهد
خالد : مشكووره يا خوله وتاكدي اي تصرف صدر مني جان فلحظة غضب
خوله سارت صوب داخل

كان خالد يملك صوتا رقيقا ناعما ففي طفولته صوته كان يسحر كل من يستمع اليه وبدت هذه الموهبه تكبر معه
فقرر استغلالها واخذ يشدو في طابور المدرسة الصباحي حتى وصل الى المرحلة الثانويه فقرر ان يتناسى موهبة صوته وصار مهووسا بالرسم كانت فرشاته ولوحاته الرفيقه الدائمه له في اي مكان يرنوا اليه
سحر صوت خالد خوله وتغلغل الى اعماق قلبها فشعرت بان دقات قلبها بدأت تتسارع فايقنت بانها اصبحت اسيرة له
فكما اخبرتكم سلفا الرجل يغرق في الحب عن طريق عينيه والمرأه عن طريق اذنيها فاصطاد خالد بسهامه قلب خوله
عند فهد اللي كان معصب من حركات هلال اللي من يوم ما درى انه خالد بيرمس عند فهد حب ينحس عليه واتصل فيه
فهد : هلول الله يخليك من نص ساعه وانا مخلنه يتريا .. خلني اروح صوبه اخاف يزعل ويروح
هلال : وانا شو يخصني انته ولد عمي وانا اولى فيك .. انته من يوم ما عرفت هالخالد صرت ما تعبرنا
فهد : وليش اعبرك .. انت من الصبح قاعد تلعي وياليت السالفه اللي يالس تخبرني عنها تسوى
هلال : هيه تسوى يالس اخبرك عن سوالف نصور .. ونصور ربيعنا يعني يهمة امرك
فهد : يا هلال ناصر بيتم طول عمره طايش ادعيله بالهدايه بس
هلال : فهد اقولك شي
فهد : قول شعندك بعد
هلال : احبك
فهد وهو معصب : والله لو حذالي جان كفختك
هلال وهو ميت ضحك : خلاص خلاص ببند بسير اطالعلي فلم
فهد : تبا الصج احسن لي ولك يالله بند
هلال : جي ما تهون علي ابند في ويهك
فهد : خلاص انا ببند
هلال يقاطعه : لا لا خلاص انا ببند حشا مب خالد هذا اللي شال فيه همه هالكثر
فهد : فحفظ الله هلال
هلال بابتسامه : باااااي فهووودي
وصكر فهد التفلون وشاف خوله يايه من الحوش و ع طول زقر عليها : خوالي
خوله اول ما سمعت صوت فهد ارتبكت اتحسبته شاف شي
خوله وهي منزله راسها : هاه فهد شو فخاطرك
فهد : لا فديتج ما شي فخاطريه بس ليش للحين ناشه
خوله : كنت ابا اشم هواء بس عقب شفت انه الجو ما يساعد وايد برد برع
فهد : زين انج ما طلعتي عندي ريال في الميلس
خوله بتوتر : خلاص بسير ارقد تصبح ع خير
فهد وهو يبوسها ع راسها : وانتي من اهله الغاليه
وسار فهد صوب خالد ..

 
 

 

عرض البوم صور راعية الفزعة   رد مع اقتباس
قديم 13-03-10, 06:56 AM   المشاركة رقم: 37
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

في غـــــرفة حمـــــــــــمود
فاطمه وهي تتنهد : اخيرا رقد ما بغى انهد حيلي وانا احاول اخلية يرقد
حمود بابتسامه : ما عليه فديتج عيالج ولازم تتحملين
فاطمه وهي تيلس حذاله : جان زين لو تشاركونا فجزء بسيط من هالمسؤليه ليش كله طايح ع راس هالحريم
حمود : ما يبالها كلام لانكن حريم وعندكن خبره في هالمجال
فاطمه بضيج : تصدق حمود هالمريم وايد شايفه نفسها .. ما ارتاحلها ابد
حمود : وعلى اي اساس حكمتي عليها
فاطمه : بصرحه موقفها اليوم جان وايد بايخ
حمود باستغراب : ليش مريم شو سوت
فاطمه انا بقولك السالفه وما فيها
حمود بضيج : لا تلوميها يا فاطمه يمكن في ظروف خلتها اتسوي جذا
فاطمه : اي ظروف هذي اللي تخليها تكفخ بنت عمرها 3 سنين تبا الصدق هذي ما فيها ذرة انسانيه
حمود بعصبيه : فاطمه خلاص خلي البنت في حالها اللي صار صار .. خلينا نرقد
فاطمه : حمود انته ليش ادافع عنها اقولك ..
قاطعها حمود : ادري انها صكت ميره بكف خلاص فهمت بس هم بعد ما زين تحشين في خلق الله
فاطمه بضيج : ليش يا حمود من متى استويت فنظرك نمامه
حمود بعصبيه : فاطمه باجر ورايه دوام الله يخليج اللي فيني مكفيني
فاطمه ودمعه نازله ع خدها : حمود انته شو بلاك عليه اليوم
انا شسويت كل هذا بس لاني حبيت اطلع اللي بخاطري وارتاح
حمود : وما لقيتي حد غيري سيري عند مها خوله ليش انا بالذات
فاطمه وادموعها اربع اربع : لأنك ريلي ياحمود لأنك ريلي بس الظاهر انك بديت تتناسى هالشي والله العالم ليش
عن اذنك احس نفسي بختنق وخلته وسارت صوب الصاله
حمود وهو يتنهد : آه يا مريم ليش رجعتي الحين ليش ياربي اخاف فاطمه تكون شكت في شي
بدأت تصرفات حمود تزرع الشك في عقل زوجته فقرر حمود ان يتصرف قبل ان ييهدم كل شي جميل كان يجمعه مع فاطمه

~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~
فــــــــــــــي الميلس
فهد بابتسامه : خشمك بو الوليد خشمك
خالد : هلا فهد اشحالك الغالي
فهد : يسرك الحال فديتك اسمحلي عاد تأخرت عليك
خالد : افا عليك الغالي مسموح بالحل ..
فهد : الا يا خالد ما خبرتني شو اللي يابك صوبنا اليوم مب من عوايدك
خالد بابتسامه : شو تباني اسوي جيتوا على بالي وقلت امر صوبكم
فهد : فيك الخير بو الوليد ما عليك قصور لا تاخذ على كلامي اسولف معاك
خالد : لا تحط فبالك انا اعرفك اكثر من نفسك
فهد وهو يضحك : مشكلتي انه ويهي فاضحني حتى انته بعد ويهك فاضحنك خبرني اشعندك شو اللي شاغل بالك
خالد بضيج : اه لو تقدر تخلصني من هالنار اللي شابة فصدري
فهد: لهالدرجه بو الوليد انزينه فض فض يمكن اقدر اساعك
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في بيـــــــــت غاده
نوف بضيج : غاده خافي الله بسج صياح كسرتي خاطري
غاده وهي متخيسه من الصياح : الكلمه ثجيله يا نوف ثجيله وعقلي مب قادر يستوعبها
نوف : يعني انتي ما تعرفين حركات عدول دومة جذا ومقيوله بو طبيع ما ايوز عن طبعه
غاده : بس هالمره زودها وايد
نوف بحيره : غاده انتي رمسة عدولج ضايقتج ولا الضيقة اللي فيج سببها خوفج عليه
غاده : لو المساله واقفه على عدول كنت طنشت بس اميه يا نوف ما تشوفينها بين اللحظة والثانيه تلوم نفسها انا خايفه يصير فيها شي ساعتها صدق بنتشتت وبنضيع
نوف بضيج : الله يسامحك يا عمي كل هالبلاوي من تحت راسك الله يخليني اشوف فيك يوم
غاده تقاطعها : لا يا نوف خافي الله يمكن هالدعوه ترد ع راسج انتي فكري بدراستج هذي اخر سنه واباج تشدي حيلج
نوف وهي تبوس خد غاده : على امرج الغاليه طلباتج اوامر
غاده شافت تلفونها يرن كانت مخليتنه ع السايلنت
مريم بعصبيه : وليه هذي وينها يوم احتاجلها ما احلصها
غاده : الو هلا ريماني شحالج
مريم تقاطعها وهي تصارخ : غادوه انتي شعنه مسويه تلفون لو تفريه في الزباله يكون احسن
غاده وهي اداري دمعتها : عدال على روحج اشو فيج بلاج معصبه

 
 

 

عرض البوم صور راعية الفزعة   رد مع اقتباس
قديم 13-03-10, 06:57 AM   المشاركة رقم: 38
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

مريم وهي تتنهد : عذريني يا غاده حدي مضايجه
غاده بابتسامه : ما عليه الغاليه مسموحه بس ممكن احينه اتخبريني اشو مستوي
~ ~ ~ ~ ~ ~ ~ ~ ~ ~ ~ ~ ~ ~ ~
فهد وهو منصدم : افا يا خالد ما توقعت هالشي يطلع منك انت بالذات
خالد وهو حاط ايده على وجهه : غصب عني يا فهد من العصبيه فريت الرمسه بدون ما انتبه
فهد وهو يهديه : ما عليه بو الوليد هانت بس ممكن اعرف شو اسم هالبنت
خالد بتوتر : هاه ما ادري بس اعتقد اسمها ميثا
فهد : ريحتني الله يريحك خفت تكون اختيه اللي تقصدها من رمستك
خالد وهو يحاول يغطي ع الموضوع : اشو تقصد يا فهد ما فهمت عليك
فهد : لما خبرتني الموقف تضايجت لاني انا عايش هالحاله ويالس اشوف اختيه يوم عن يوم تذبل جدامي صايره تخاف من كل شي بسبة انها عميا ولا هي عارفه اللي يالس حذالها حرمه ولا ريال شيبه ولا عيوز
خالد : اعذرني لو ضايجتك
فهد بابتسامه : لا تحط في بالك ليش اتضايج انا شايف في عيونها كل شي حلو رغم انها عمياء بس بطريقتها واسلوبها مخليه الحياه حلوه وتخاف على اللي حواليها كل الحنيه فيها الله ياخذ شي يا خالد بس يعوضه بشي اكبر
خالد وهو حاس نفسه بيختنق وتأكد انه فعلا حب خوله وقدرت تسرق قلبه بنظره وحده منها صح كانت هذيك النظرة كلها خوف وتوتر بس بطريقتها سرقت قلب خالد بدون ما يحس
خالد: ونعم بالله اترخص عيل انا تاخرت ع البيت قربت ع الساعه 12
فهد : وين تو الناس ترانا يالسين ونسولف
خالد : ما عليه الايام امبينا

وجهه فهد دون ان يدرك طعنة الى قلب خالد فنزلت دمعة على خده فتداركها قبل ان ينتبه فهد
فقرر ان يستمع الى قلبه وتناسى عقله وما سيواجهه عندما يعلم كل من حوله بانه غرق في حب امرأءه عميا
لانه ايقن ان السعاده ليست بأن تكون فاقد احد حواسك بل بقلبك الطاهر النظيف الذي يسحر كل من حولك
~ ~ ~ ~ ~ ~ ~ ~ ~ ~ ~ ~ ~ ~ ~ ~
غاده بضيج : ليش سويتي جذا يا مريم ليش تبين ادمريله حياته وخبرتية بكل اللي صار
مريم ودموعها ع خدها : شسوي يا غاده حبي له فوق ما تتخيلي
غاده : ما ادري شقولج يا مريم هذي حياتج وانتي حره فيها
مريم : بس انا الحين ابا منج شي
غاده بتوتر : امري الغاليه اشو فخاطرج
مريم بابتسامة مكر : السالفه وما فيها .................. الخ
~ ~ ~ ~ ~ ~ ~ ~ ~ ~ ~ ~ ~ ~ ~ ~
خوله كانت منسدحه على الكرفايه وتتذكر صوت خالد
خوله بضيج : اه يا ربي ليش ما راضي صوته يخوز من بالي وليش انا ارتحتله هالكثر وليش لما مسك ايدي حسيت براحه فضيعه انا دايما كنت اخلي قلبي دليلي معقوله قلبي هالمره كان على صح بس عقلي يقولي شي ثاني وتمت تفكر قرابة الساعتين وعقب تمتمت بهالكلمات احسن شي سير اشوف مها واخبرها بكل اللي صار يمكن تقدر تفيدني بشي
خوله وهي اطق الباب : مهاوي راقده
مها بخوف ركضت تبطل الباب : خوالي حياتي فيج شي
خوله بابتسامه : مهاوي تراج انتي الاصغر مب انا لا تحاتين مافيني طالعي شرات لحصان
مها وهي تضحك : فديت روحج الغاليه الله يبعد الشر عنج وبعدين اذا ما خفت عليج انتي على منو اخاف هاه
خوله بتوتر : مها فاضيه احينه ابا اتكلم معااج شوي
مها وهي تبوس خدها : انتي حدري احينه وانا أفضي نفسي عشانج
خوله : الله لا حرمني من طيبة قلبج الموضوع الي ابا اكلمج فيه .....
مها : خوله كملي بلاج سكتي
خوله بتوتر : تعرفين خالد اللي صارلي الموقف معاه في المكتبه
مها بضيج : وليه خوالي لا تقوليلي انج يالسه تفكري في اللي صار انسي خلاص
خوله بضيج : السالفه اكبر عن جذا
مها وهي تعدل يلستها : خوله اشو مستوي تراج خرعتيني خبريني وريحي قلبي
خوله : اليوم كنت في الحوش ويالسه اشل شله وفجأه في شخص رد علي بشله انا من سمعت الصوت تحريته فهد بس عقب شل شله ثانيه وهي خلتني اعرف انه اللي جدامي مب فهد
مها : بعدني ما فهمت تقصدين انه اللي شل هو نفسه خالد واذا فرضنا شو اللي عرفه بيتنا وين تتوقعين راقبنا
خوله : لا المسأله ممب جذا طلع ربيع فهد وياي يشوفه وطلب مني اني اسامحه
مها : سبحان الله شو هالصدفه الغريبه اهانج ويا لين بيتنا عسب يعتذر صج الدنيا صغيره
خوله بتوتر : بس انا من يوم ما سمعت صوته حاسه بداخلي شي غريب حتى لما كنت قريبه منه ما خفت يا مها كنت واقفه واكلمه وكأني واثقه فيه حتى طريقة اعتذاره اثرت فيني .. حسيت اني اعرفة من زمان
مها : من اي نا حيه حسيتي انه مش غريب وكل اللي قالة كلمتين انا اسف
خوله تقاطعها : لا يا مها ما اعتذر جذا قالي
اسف حبيبي والعذر منك
جيت ورجايه انك تصافيني
مقوى الزعل ما يوز انا عنك
تكفى حياتي لا تجافيني
من يوم ما سمعته يالس يشل حرك شي بداخلي بس شو للحين مب عارفه

 
 

 

عرض البوم صور راعية الفزعة   رد مع اقتباس
قديم 13-03-10, 06:57 AM   المشاركة رقم: 39
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

من يوم ما سمعته يالس يشل حرك شي بداخلي بس شو للحين مب عارفه
مها بضيج : خوله يمكن كسر خاطرج لا تروح افكارج لبعيد اصلا هو مستحيل يكون يفكر فيج
انصدمت مها من الرمسه اللي فرتها وعرفت انها ضربت خوله في الصميم
خوله : مها صدقيني اي خطوه باخذها بكون حاسبتلها الف حساب وعمري ما يلست ابني حياتي على احلام واوهام يمكن اكون حبيت خالد بس اباج تعرفي شي واحد هالحب راح يندفن بداخلي قبل لا ينولد لاني عارفه انه مستحيل ياخذ وحده عميا شراتي فما يحتاج اذكريني بهالواقع المر في كل مره .. كافي العذاب اللي فيني فالله يخليج لا تزيديني
وتفتحين علي جروح نسيتها من زمان .. انا عارفة مصيري خلاص!!!! بظل ادفع ثمن غلطة حنيفة طول عمري
مها بتوتر : خوله الله يخليج افهميني انا ما قصدت جذا ..
خوله ودمعه نازله ع خدها : ما يحتاج تبررين شي!! انتي ما جبتي شي من عندج ونفس ما قتلج هذا العالم اللي عشت فيه من يوم وانا صغيره وتقدري تقولي اني تعودت عليه وبندفن فيه طول عمري رقدي مها شكلي كدرت عليج يومج
مها وهي تحضن خوله : لا خوالي لا تقولين جذا اللي صارلج انتي مالج ذنب فيه ومش مجبورة تدفعين ثمن هـ الشي واذا تحبين خالد وهو يحبج صدقيني مشكلة انج عميا ما راح تأثر عليكم !! وبعدين هو قالج انه يحبج ولا شو بالضبط
خوله وادموعها اربع اربع : هو قال انه من يوم شافني حركت شي بداخلة وعقب قال انه اليوم تأكد انه يحبني
مها وهي تمسح لها دمعتها : خوالي لا تعذبين روحج بهالطريقه انتي مالج ذنب بكل اللي يالس يستويلج احين
خوله : ما عليه مهوي خليني اسير حجرتي .. واعتبريني ما قلت شي .. تصبحين ع خير
مها : خوالي خلينا نتفاهم الله يخليج .. لا تخلين أحس إني جرحتج

 
 

 

عرض البوم صور راعية الفزعة   رد مع اقتباس
قديم 13-03-10, 06:58 AM   المشاركة رقم: 40
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

من احداث اللحظـــــهـ الســـآدســـه


:
:

فهد بخوف : هيه دكتور هـ الحالة جاتها من لما كان عمرها 12 سنة تعرضت للحادث اغتصاب وتمت سنة ما تتكلم ولا راضية تبطل عيونها وراجعنا اكثر من طبيب نفسي وتحسنت حالتها بس كل ما تتضايق تجيها هـ الحالة اخر مره كانت السنة الماضية .. وتمت شهر مب راضية تفتح عيونها او حتى تتكلم لحد ما هدت بروحها وعقب تكلمت
الدكتور : اها يعني هذي مش اول مره .. انا شكيت في هالشي
حمود يقاطع الدكتور : افهم من كلامك انه خوله يمكن هـ الحالة ترجعلها مرة ثانية

:

:

:

ميثا وهي متخيسه صياح : ليش يا خالد ما تباني ليش .. ليش كل ما شفتني اطالعني بنظرات اتحسسني اني اقل مستوى عنك .. بس انا احبك يا خالد .. وما اقدر اعيش من دونك .. ولا تتخيل فيوم اني اتنازل عنك بهالسهوله ..
حتى لو اضطريت ادفع عمري ثمن هالشي انته لي يا خالد واوعدك اذا ما كنت لي ما راح تكون لغيري

:
:

:

.........................: : الو
خالد : الو هلا فهد شحالك
... ما كانت ترد وتمت ساكتة :..............
خالد بتوتر : فهد شو بلاك ما ترد صاير شي
... وهي تقول فخاطرها : خلاص انا لازم اكون قويه وارمسه واللي فيها فيها\

:

:

:


...: هلا ميثاني شحالج
ميثا وهي تعدل يلستها : عفوا منو وياي
......: افا ميثاني توقعت الكل ينساني الا انتي
ميثا بعصبيه : وليش ان شاء الله بيني وبينج شي
....: معقوله ما صرتي تذكرين حتى صوتي
ميثا واعصابها تلفت خلا ص : شوفي الظاهر عطيتج وايد ويه تصبحين ع خير
....: ميثا انا مهره اختج
ميثا وهي مبطله اعيونها : معقوله انتي مهره احلفي
مهره : هيه انا مهره بس ما توقعتج تنسيني بهالسرعه


:
:


خالد وهو حاس نفسه انه يطير : خوالي تصدقين انا اليوم اسعد انسان في هالكون وما اعتقد حد فرحان كثري انتي فيوم خليتي حياتي تتغير 180 درجه احبج يا روحي احبج احبج وخذيها وعد يا خوله عطيني مهله وعقبها تحصليني قدام باب بيتكم اطلب ايدج لاني ما قادرر اعيش لحظة وانتي بعيده عني
خوله بخوف ودمعه نازله : خالد انته مقتنع فيني ومتاكد انك تباني

 
 

 

عرض البوم صور راعية الفزعة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
آخر لحظات العمر, آخر لحظات العمر بقلم kesat 3thab, kesat 3thab, رواية آخر لحظات العمر بقلم kesat 3thab, قصة آخر لحظات العمر بقلم kesat 3thab
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:48 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية