لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 13-03-10, 07:32 AM   المشاركة رقم: 76
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

اللــــــــــحظة العاشرة

:

:

ام حمود وهي يايه تركض صوبهم وخايفه : وا حسرتي بلاها فاطمه طايحه ع الارض
خوله تصيح : امايه صار سوء فهم بينها وبين حمود انتي لا تشغلين بالج
مها تقاطعها : اميه المسأله بسيطه وحمود عقب ما يرجع اكيد بيحلها ..بس انتي هدي نفسج اخاف الضغط يرتفع عليج
ام حمود : فاطمه نشي حبيبتي نشي
ميره واميره تمن يصارخن لما شافن امهن اتصيح : ماما .. ماما .. قومي لا تموتي وتخلينا
خوله وهي ادور عليهن وعقب حضنتهن : حبايبي ماما بس تعبانه شوي .. ما بتموت قومن اوديكن الغرفه
ميره : مابا ابا ايلس عند ماما
اميره : حتى انا بيلس عند ماما ما بخليها بروحها
خوله : ماعليه حبايبي هيه الحين بتصحصح وبتي صوبكن يالله خلنا انروح
فاطمه وهي تتنبه : خوالي خليهم .. ميره اميره تعالن فحضني محد بقالي فهالدنيا غيركن
ام حمود وهي اطالع مها : توج اتقولين مشكله بسيطه وبتنحل .. والكلام اللي يالسه تقوله فاطمه اشو معناته
مها بتوتر : اميه فاطمه تعبانه عسب جذا يالسه تهذي .. عقب بتهداء بتفكر واكيد بيوصلون لحل
فاطمه وهي اطالع عمتها : عمووه لا تشغلي بالج نفس ما خبرتج مها مشكله وبسيطه وبتنحل ..
مها وهي اطالع امها : شفتي امايه .. يالله سيري المطبخ وكملي طبختج لانه حبيب القلب احينه بيوصل
ام حمود : جبي يالله .. ما ادري هاللسان الطويل من وين يايبتنه .. اخذي فاطمه ووديها صوب حيرتها وبسج هذره
مها : ا ن شاء الله امايه بس عشان خاطري لا تعصبين .. اذا عصبتي استويتي شينه خلج ريلاكس ماما
ام حمود : وشو بعد هذا ريلاس اسم ثاني للملاس ..
مها : هيه امايه مي هميه انتي صح .. فطامي حياتي نشي بوديج حيرتج اخاف ابويه يشوفج بهالشكل نشي
فاطمه وهي اتصيح وتردد فخاطرها : معقوله الكرت جان فاضي .. وانا قمت اتوهم .. ولو حتى جان الكرت فاضي .. سناتا ليش انكرت انه ما فيه كرت من الاساس .. منو يلعب معايه هاللعبه الوصخه ..
مها : فطامي حياتي بلاج ما تسمعيني .. يالله نشي بوديج حيرتج .. قومي
فاطمه : اروحي بسير ما يحتاي اتعبين نفسج .. بعدني ما اتخبلت ميره .. اميره يالله حبايبي بنسير فوق
مها : انزين وانا اشو يخصني سألتها الصبح اذا فيه كرت وقالت ما فيه .. ليش احينه تنكر .. معقوله حمود يلعب عندها لعبة القطو والفار عسب يكرها فيه ويخليها تطلب الطلاق وعقب يتزوج مريم .. لا لا مستحيل انا شو يالسه اقول
بو حمود جان توه داخل : ام حموووود وينج الغاليه
ام حمود بخجل : هلا والله هلا تو ما نور البيت
بو حمود : فديت هاللسان اللي ينقط عسل المهم خبريني الغداء زاهب
ام حمود : هيه زاهب بدل ملابسك لحد ما اجهزلك كل شي
بو حمو د: انزين يالغاليه اباج تتزهبين اليوم سلطان بيزورنا وناوووين يخطبون خوله حق خالد
ام حمود باستغراب : ومنو هذا سلطان ما اذكره .. بعدين من صدقك خوله بتنخطب
بو حمود : سلطان ربيع عمري زوج المرحومه عايشه اذا تذكرينها
ام حمو د : هيه تذكرته ومن صدقك احينه ناوووين يخطبون خوله لخالد ..
بو حمود : انا بروحي اول ما سمعت السالفه ما صدقت .. بس الحمدلله الله فرجها علينا وخوله بتتزوج وبنشوف عيالها بأذن واحد احد ويمكن مها بعد تنخطب اليوم ..
ام حمود وهي فرحانه ومب مصدقه : مها ومنو خطبها مره انا اللي اذكره سلطان عنده ولد وبنت منو بيزوجها
لا يكون يبا يزوجها واحد من قرايبه |..
بو حمود : ههههااي لا الغاليه اللي بياخذ مها ولد عمها هلال ..
ام حمود : من صدقك هلال ما غيره .. الحمدلله الظاهر الايام بدت تبتسملنا وبينخطبون بناتنا في ليله وحده
بو حمود : المهم انتي جهزي كل شي وموعدنا بعد صلاة المغرب ان شاء الله وخبري البنات عسب يتجهزن ..
ام حمود :ان شاءالله فحزة الغداء ببلغهن الخبر .. يالله سير بدل عشان تاكلك لقمه ..
~ ~ ~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~ ~
فــــي بيت بو هلااااااااااااااااااااال
مريم وهي منسدحه ع الكرفايه وتفكر : امممممم اكيد حمود زعلان احينه .. يحليلج فطامي اذا ما خليتج مينونه ما اكون مريم .. بخليج تفقدين الثقه فاقرب الناس لج .. وساعتها يفضالي الطريج وهذي بدايه الخطه .. وعسب آتأكد انها نجحت ادق لحمود واشوف نفسيته اذا تعباان او مستانس
حمود يلس يلفلف في الشوارع بسيارته ويفكر : معقوله فاطمه اتسوي كل هذا .. وانا اللي كنت اتحسبها عاقله .. لكن عسب تعرف اللي صار في الماضي مثلت هالتمثيليه .. لا والقهر انها تقول اللي باعث البوكيت مريم .. يمكن مريم تحبني بس ما ظنتي اخلاقها تسمح لها تلعب هاللعبه الوصخه .. اه يا فاطمه ليش نزلتي نفسج لهالمستوى ولمح تلفونه يرن .. وليه هذي مريم .. ياربي على هالبنت تحس فيني لما اكووون مضااايج او متكدر احسن شي ارد عليها هلا مريم
مريم بدلع : هلا حياااااااتي اشحالك تصدق عاد حدي مشتاقتلك
حمود بضيج :انا بخير الحمدلله انتي شحالج ليش داقه بغيتي شي
مريم : اولا انا بخير وثانيا داقه لاني اشتقت لصوتك وقلت اتصل فيك عشان اسمعه
حمو بعصبيه : مريم اللي فيني كافيني خليني في حالي الله يخليج
مريم فخاطرها : امممممممم يعني اول خطه ونجحت هذا اللي كنت ابا اعرفه وتأكد منه والحين نبداء في الخطه الثانيه
حمود : بلاج ساكته ليش ما تردي علي يالس اكلمج
مريم وهي تتنهد : حبيبي خلني اسمع صوتك وهذا يكفيني .. وصدقني هذا كل اللي اباه منك
حمود بضيج : اه يا مريم خاطري اعرف اشو اللي ناويه عليه
مريم بدلع : اسم الله عليك من الاه حياتي .. وصدقني ما ناويه على شي .. حمود حبيبي كل اللي اباه منك بس تخلاني اسمع صوتك .. كافي انحرمت منك ما اقدر انحرم من صوتك بعد .. يعني اذا ما ينفع نصير حبايب خلنا نصير ربع .. لو كنت انت مضايج تتصل فيني واسمعك .. واذا كنت انا مضايجه افض فض لك .. وتعرف انا احينه وايد مضغوطه قربنا على نهاية الكورس وبيكون عندي ضغط امتحانات ومحتاجه لوقفتك معايه
حمود : خلاص مريم بس ياريت قبل ما ادقين تخبريني بمسج .. العلاقه بيني وبين فاطمه متوتره
مريم وهي تمثل اونها اتصيح : حمووود الله يخليك لا تقول انه المشاكل اللي مبينكم انا السبب فيها
حمود بضيج : لا مريم مش انتي السبب ليش تقولين جذا .. لا يكون ............؟؟؟!!!!!!!!!!
مريم تقاطعه وهي تصيح : شوف الكلام اللي بيصير يتم بيني وبينك ومابا فاطمه تعرف عنه اي شي اوك
حمود : قولي مريم اشو السالفه بس لا تيلسي اتصيحي
مريم : حمود بصراحه فاطمه دقتلي اليوم .. وقالت ابعد عنكم .. واني انا يالسه اطرشلك بوكيهات ورد .. واذا تبا تتأكد امسك تلفونها وشوف المكالمات الصادره وبتحصل رقمي.وقالت عني بعد انه اهلي ما عرفوا يربوني جرحتني الصراحه
حمود بضيج : شوفي مريم انا بتأكد واذا طلع كلامج صح .. بوقف فاطمه عند حدها ولازم تتصرف بعقلانيه اشوي
مريم بابتسامة خبث : اوكي حمود بخليك الحين ورايه مذاكره يالله باااي
حمود : اوكي بااااااي
مريم وهي تصرخ بقو : يــــــــــــــــــــــــــــــس خطتي ماشيه تمام التمام

 
 

 

عرض البوم صور راعية الفزعة   رد مع اقتباس
قديم 13-03-10, 07:33 AM   المشاركة رقم: 77
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

فــــــــي آلمستشفى
عادل جان تعبان ويبا يحرك جسمه بس ما جان قادر وهو يحاول يتحرك طاح ع الارض غاده كانت تتمشى في الممر وعقب ما سمعت الطيحه يات تركض وكانت ميتة من الخوف وقلبها صار يدق بسرعه خافت عادل صار عليه شي
غاده بخوف : عدوول حبيبي بلاك ليش انته في الارض .. جان زقرتني وانا بجيك ركض
عادل وهو يصيح : غاده مهما حاولت اخبي بس انا تعبان .. مب قادر اتحمل الحاله اللي انا عايش فيها .. ابا امشي
غاده وهي تحضنه : عدووول حيااااتي جريب ان شاء الله بترجع تمشى شرات اول واحسن .. هدي نفسك
عادل بضيج : وافرضي العمليه ما نجحت .. وصد صوب الكرسي .. وبتم اسير هالشي وبيصير رفيق عمري
غاده تقاطعه : عادل حبيبي الله يخليك اذا تحبني وتعزني مابا اسمع هالرمسه .. انته بتسافر وبتتعالج وان شاء الله بتقدر تمشى لا تم اتفاول على نفسك وخلا ثقتك بالله كبيره
عادل : غاده ليش انا يصير فيني كل هذا .. ليش كل مصايب الدنيا على راسنا .. حتى علاجي صدقه .. مع انه لو عمي ما خذ حقنا جان انا مسافر من زماان .. وما خليت احد يتفضل علينا ..وانتي بعد ما تعذبتي وذليتي نفسج للي ما يسوى
غاده :: عدوول ما تدري اشدراك انه عمي مرتاح ؟؟!! يمكن عمي مش متهني في الفلووس اللي خذاها منا .. ولا تنسى الله فوق وهو اللي بيحاسبه واللي ياكل مال يتيم النار اتشب في كل جسمه.انت فكر بنفسك بس ما عليك من عمي
عادل بضيج : آه كل الهموم اللي نحن فيها سببها عمي .. شوفي كرهي له وين وصلني .. خلاني عاجز ياغاده عاجز.. ما قادر العب واتسلى شرات اليهال اللي غيري .. عمري ما راح اسامحة وراح ادعي عليه كل يوم
غاده وهي تمسح على راسه : اخيرا عرفت انك ياهل والحياه جدامك .. عادل حبيبي اسمعني لازم اطهر قلبك من كل هالكره اللي شالنه لعمك .. شوف كرهك لحد وين وصلك اليوم خسرت ريولك وباجر اشو بتخسر ..
عادل وهو يصيح : غاده الله يخليج انا محتاج لج .. لاتخليني في هـ الضيم بروحي ..
غاده وهي تبوسه على راسه : عدوول الله ما عطاني فهالدنيا اخو غيرك .. واذا تخليت عنك انت منو بقاالي .. صدقني انا محد لي غيركم فهالدنيا وكل دمعه نزلت من عيونكم وسببها عمي صدقني بيدفع ثمنها غالي .. المهم انته لا تفكر في هالموضوع .. عمي خله عليه انا باخذ حقكم منه ..
عادل : تصدقين غاده يمكن انا ما اعترفتلج قبل بس احينه بخبرج شي فخاطري من زمان اقوله لج بس كبريائي هو اللي جان يمنعني اني اتكلم واصارحج باللي بداخلي
غاده بابتسامه : اممم يعني تباني افهم انه الحين بتتنازل شوي عن كرامتك وبتصارحني بكل شي
عادل بابستامه ممزوجه بحزن : هيه ابا افضفضلج عسب ارتااح واريحج انتي بعد
غاده بابتسامه : اممم انزين قول اشوو عندك .. وبعدين اذا على الراحه تاكد اني مرتاحه ..
عادل : انا دايم كنت احاول افرض شخصيتي في البيت .. بس عسب اثبت لكم اني ريال غصب عليكم تعرفين ليش
غاده : ليش
عادل : لانه كل ما اروح المدرسه ربعي يتمون يعايروني ويقولون اني ولد امي ولا جان ما خليت بنت اتوصلني ع المدرسه وتتحكم فتصرفاتي وفطلعاتي ..فانا انقهرت من كلامهم وسكت لكن عقبها .. تموا يقولون عنج كلام شين بس انا ما قدرت اسكت وتضاربت معاهم ..بس همه ردوا وقالولي اسأل اختك اشو تسوي في العماير تالي الليل وعقبها حسيت انج نزلتي راسي الارض ويوم سألتج وخبرتيني انج تشتغلين كرهت نفسي بس ما حبيت ابين لج وتمت طول الليل اصيح .. ويوم استوى عليه الحادث عرفت انه ما جان لازم اسبج فاغلى شي تملك البنت شرفها .. غاده سامحيني
غاده وهي تحضنه : عادل حبيبي صدقني اللي خبروك هالرمسه هذيلا اكيد فاقدين لاحساس الحب في بيتهم ومهيتين وكل هالرمسه قالوها بس لانهم غيرانين منك وعارفين انك عايش في جو اسري مستقر .. عادل انا ما اخبي عليك فعلا انقهرت من الكلمه اللي انت فريتها بس عقبها نسيت .. لاني اعتبرتك صغير وبعدك ما فاهم الحياه عدل ولو انت اكبرنا
كنت بتقدر تحس بالحمل اللي انحط فوق راسي .. اه يا عادل لو تعرف اشكثر انذليت واتعذبت لحد ما حصلت وضيفه عدله .. الناس في هالايام تخوف يا عادل تصدق قدمت اوراقي في اكثر من مكتب والاغلبيه كان غرضهم وصخ .. الناس الحين كل همهم بس مصالحهم يشوفون انفسهم فوق ونحن يطالعونا شرات الحشره متى ما يبوها حسسوها بالامان واللي شبعوا منه فروها ع الارض ودعسوا عليها بنعولهم .. عادل صدقني انا ما كنت خايفه على نفسي كثر ما كنت خايفه عليك وعلى نوف .. خفت احد يقدر يستغل لحظة ضعفكم خفتك انت تنحرف وخفت نوف بنات الحرام يقصن عليها .. الناس تغيرت والزمن هم بعد تغير وصار كل واحد يدور على مصلحته ..
عادل وهو منزل راسه : بعد فيه سر ما خبرتج عليه ,, يمكن تعصبين علي بس لازم اقولج عليه
غاده بخوف : عدوول عسى ما مسوي شي كايد
عادل وهو يهز راسه بالايجاب
غاده بتوتر: عدوول قولي اشو سويت لا تخوفني الله يخليك
عادل بضيج : انا كنت ادخن
غاده وعلامات الصدمه تارسه وجها : اشو تدخن .. ليش ياعادل ليش ..
عادل : غاده بس خذيت سجاره وحده ربيعي محمد قالي اجرب .. وشافني ريال اسمه مطر وهو اللي نصحني ومنعني اني ادخن وقالي براقبك واذا شفت عليك شي شين بخبر اختك غاده .. وعاد انا خفت وقتله ما بعيدها بس لا تخبر غاده
غاده بحيره : مطر منو هذا بعد .. ومن وين يعرفنا
عادل : تصدقين زارني في المستشفى مرتين بس بدون ما انتي تشوفيه
غاده .: انزين ليش ما يباني اشوفه .. بيني وبينه شي لا سمح الله
عادل وهو منزل راسه : ما ادري الصراحه .. انا بعد استغربت تصرفاااته .. بس هو وايد طيب ووقف عندي وايد .. حسسني بالامان وانه الدنيا للحين بخير ..
غاده وهي تتنهد : ما عليه عادل نحن خلنا انسافر وانعالجك وعقبها انا بدورعليه وبعرف منو مطر واشو اللي يباه منا
~ ~ ~ ~~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
فـــــــــــــــي بيت سعيد خطيب ساااااااره ..
بو خليفه : يعني نويت تخطب يا سعيد
سعيد : هيه ابويه الصراحه تعبت وانا اتريا خليفه الظاهر الاخ ما ناوي
خليفه : وانته شو يخصك فيني يا اخي انت تزوجت عن حب وانا بعدني للحين ما حصلت اللي تسرقلي قلبي
عفراء : ههههاااي خلوووف اخاف تتعب وانت تتريا تعيسة الحظ اللي بتاخذك
شما تقاطعها : لا حبيبتي اللي بتاخذ خليفه تبوس يدها من وراء وجدام وين بتحصل واحد حليو ورزه شراته لا وازيدج من الشعر بيت طيااااار يعني كل مواصفات الرجل المثالي فيه .. اللي بتاخذه بتكون امها داعيتلها
خليفه وهو يبوس شما : يسلملي الحلو .. فديت روحه والله .. انا ليش اتزوج وعندي وحده شرات شموه ادلعني ..
عفراء وهي تطنز : دوووكم طالع هذيلا صدقوا ارواحهم
ام خليفه : عفرووووه وانتي ما ناوييه تتزوجين ترى ام عبيد راسمه عليج .. وشكلهم قريب بيوا يخطبوج حق عبيد
خليفه : احلى امايه زوجيها وفكينا منها .. تكفي شموه نورها مغطي البيت كله
عفراء : مالت عليك انته وشموتك .. بعدين انا بعدني توني صغيره .. وعبيد هذا انا ما ابلعه يدورله وحده ثانيه غيري
بو خليفه : واشو فيه الريال عسب ما تبلعينه شفتي عليه شي .. اذا ناوي توكلي على الله
عفراء : ابوي اشو هالرمسه الله يهداك يعني مليت مني
ام خليفه : ودري عنج هالتميلح .. الحرمه مالها الا بيتها وزوجها .. وبطلي دلع اليهال تراج كبرتي
شما : امايه هيه زوجيها عبيد صراحه ثنائي ولا احلى .لايقين ع بعض.............. عفراء وعبيد اسماء ساطعه
سعيد وهو ميت ضحك : لا عاد كله ولا عفااااري ترى ما اسمح لكم .. محد يغلط عليها
بو خليفه : ترى محد مكبر راس عفاااري غيرك .. الله يصبرنا على عيال هالزمن
ام خليفه : هيه والله فزمنا الحرمه تتزوج وما تشوف ريلها الا وهي في بيته .. تزوجنا ومحد شاورنا
عفارري : من صدقج امايه تتزوجي مني والدرب افرضي اللي تزوجتيه تتحرينه حليو وعقب انصدمتي
ام خليفه : هيه هيه .. نحن فزمنا ما فيه دلع ولا نتشرط ونتخيل فارس احلامنا على حماااار
وكلهم نقعوا من الضحك
خليفه وهو يضحك من خاطر : اميه من صدقج حمااار عاد اكيد هذا فزمنكم نحن تطورنا نركب خيول احينه
عفااري : اميه انتي زفوج على حماار صح عسب جذا متاثره وايد
بو خليفه : ام خليفه الربع اقلبوا عليج اشو رايج انروح نتمشى ونخليهم فحرتهم
ام خليفه : هيه والله خاطري اطلع من زمان ما طلعت قوم خلنا اندور وجيه احسن من هذي
خليفه : افا امايه عاد نحن ويوهنا صارت اتلووووووع لا لا مب جنها قويه شباب
شما بدلع : ماماتي انا بسير وياكم انا ما تكلمت
سعيد : انتي تمي مكانج .. خليهم يتذكرون ايام اول .. يمكن يحصلون حمار في الدرب
عفراء : سعووود اووووووش ترى ابويه لي عصب بيكفخك
بو خليفه : ام خليفه نشي نشي وخلي الحساد يموتون
ام خليفه : يالله سرينا شمووه انتي تمي هنيه ترا محد احسن من حد .. وبطلي هالتمليح
شما : خلوووف انزين نش انته وخلنا انحوم بالسياره انغير جوو
خليفه : شمووه حياتي انا ماخذ اجازه عسب ارتاح كلها يومين وعقبها عندي سفريه صوب لندن ..

 
 

 

عرض البوم صور راعية الفزعة   رد مع اقتباس
قديم 13-03-10, 07:33 AM   المشاركة رقم: 78
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

شما : يعني اليوم ما شي طلعه .. خلاص امرنا لله بسير اتابعلي فلم كرتون
عفراء : يحليلها هالبنت وايد قنوعه
خليفه يقاطعها : طالعه على اخوها اللي هو انا فديتني .. يالله توصوني علي شي
سعيد : على وين ان شاء الله
خليفه : بسير ارقد
سعيد : لا مدام انك ترقد راونا عرض مقفااااك
عفراء : سعوود خبرني اشو شعورك وانته بتاخذ حبيبة القلب سارووه
سعيد : اه طالعي قلبي كيف ايدق .. للحين مب مصدق اني بشوفها ليل ونهار
عفراء : الله يوفق امبينكم ويسهلها عليكم ان شاء الله
~ ~ ~ ~ ~ ~ ~ ~ ~ ~ ~ ~ ~~~~~~~~~~~~~~
في بيت بو حمـــــــود
ام حمود بابتسامه : بنات بغيت اخبركن انه اليوم في عرب بيزورونا وطالبين القرب
مها بابتسامه : امايه انا سمعت فهوود يكلم واحد من ربعه وحسيت ا نهم بياخذون خوالي
خوله بعصبيه : مهاااوي قتلج هالموضوع ما باج تفتحينه الله يخليج احترمي قراري
ام حمود : ليش خوله اشو السالفه
خوله بتوتر : هاه ما شي امايه انتي لا تحاتين فديتج .. السالفه وما فيها مهووي تباني اعر س وانا مابا الصراحه
ام حمود : واشحقه ما تبين .. مب على كيفج بتتزوجين وغصبا عليج .. نبا نفرح فيج ونشوف عيالج
خوله : امايه الله يهداج تبين اللي ياخذني يتم يعايرني ..
ام حمود بعصبيه : سمعيني خوالي هالرمسه كثر ما سمعتها مابا اسمعها .. يمكن فاقده وحده من حواسج بس لا تنسين الله عوضج باشياء وايد .. يكفي اللي يشوفج ينبهر بطبايعج وطيبة قلبج ..
خوله بضيج : ان شاء الله امايه بس انتي لا تعصبين
مها بابتسامه عريضه: اميه انزين ما خبرتينا على منو ناووين انا ولا خوواالي ..
ام حمود : ما ادري على منو ناوويين انتن اتزهبن ..والله يقدم اللي فيه الخير وصدت على فاطمه : فاطمه بلاج ساكته
فاطمه بتعب : لا مافيني الا كل خير بس تعبانه اشوي وبسير ارتاااااح ..
حمود بضيج : انا بعد بسير اشوفها .. واهديها هالايام صايره تتوتر بسرعه .. عن اذنكم
مها : حمود الله يخليك حاوول تراضيها .. ترى فطامي طيبه وقلبها ابيض
خوله تقاطعها : حمود الماضي مات .. والحين انت عندك عايله .. لا تخلي الناس الثانيه تفرض سيطرتها عليك
حمود وهو يحاول يخفي عصبيته : خلاص احينه بشوفها ..وبفهم منها ليش تعبانه ..
خوله وهي اتصاصخ مها: مهوووي تتوقعين عصبية فاطمه كلها عشان عرفت اللي صار بين حمود ومريم
مها بضيج : لا خوالي ما ضنتي جذا .. كل اللي اعرفه انه في مصيبه يايه في الطريج
خوله بخوف : حرااام عليج لا تمي اتفاوولين .. بعدين منو هذيلا اللي بيشرفونا اليوم ناقصين نحن ..
مها بابتسامه : حبيبتي انا متأكده انه خالد هو اللي بيتقدملج .. وبتقولي مها قالت وبذكرج
خوله بضيج : الله يخليج لا تطرين اسمه جدامي اللي فيني كافيني
ام حمود : بلاكن يالسات تتساسرن .. اذا عندكن علوم سمعنا
خوله : لا امايه ما فيه شي سوالف عاديه .. مهوي انا شبعت وبسير اريح شوي
مها : خذيني معاج انا بعد شبعت الحمدلله الله يديمها علينا من نعمه
ام حمود : حشا قلت شي يزعل .. احسن شي اسير اقابل ريلي .. سناااااتا تعالي شيلي الغداء خلصنا
في غـــــــــــــــــــــرفة حمــــــــــــــــود
حمود اول ما دخل الغرفه حصل فاطمه راقده مسك تلفونها وانصعق : حشا معقوله يا فاطمه وصلت فيج لدرجة انج ادقين على مريم ووتتهميها انه بيني وبينها علاقه .. لا انتي مش فاطمه العاقله اللي انا اعرفها .. فطوووووم
فاطمه بضيج : هلا حمووود بغيت شي
حمود : نشي ابا اسولف معاج شوووووي
فاطمه ودمعه نازله على خدها وبسخرية: لا حمووود ليش تبا تسولف مع وحده تالف لك قصص..وتتبلى ع الناس
حمود بضيج : حياتي لا ادمرين كل شي حلو صار امبينا .. ترى الشك اذا زرعتيه فقلبج صعب انه يطلع منه بسهوله
فااطمه : خلااص حمود انا مابا اسوي مشاكل .. بس الله يخليك ابا ارتااح واذا تحب مريم هالكثر تزوجها .. اذبحني مره وحده ولا اتم تجتلني كل يووم .. انا خلاص ما اقدر استحمل هالعذاب
حمود بعصبيه : فاطمه لا اكيد انتي تخبلتي وصلت السالفه للزوااج .. انا ولا مره فكرت اخذ وحده غيرج .. انا صح كنت احب مريم قبل .. بس بشو تبيني احلف لج اول ما دخلتي حياتي نهيت كل شي امبينا
فااطمه : حمود ما يحتاي اتبررلي شي هذي حيااتك والشرع حللك اربع
حمود بضيح والدمعه في عينة: ترخصين فيني فاطمه .. وتبيني اروح عند غيرج
فاطمه بضيج : ع الاقل لي تزوجتها بحس انه ما في لعبه وصخه تنلعب من ورايه .. حمود مريم داهيه والايام بتثبتلك
حمود : اوهوووو فاطمه تراج مصختيها ولا تظلمين البنت.. ما بيني وبينها اي شي ..واذا تحبيني صكري ع الموضوع
فااطمه وهي تتأمله بحزن: حمود انا احبك ومسعتده انسى كل اللي صار ..بس الله يخليك لا تجرحني وتخووني
حمود وهو يحضنها : فطاامي يا روحي انتي .. صدقيني انا مستحيل اخونج عند وحده ثانيه ..اوثقي فيني شوي
فااطمه : ان شاء الله حموود .. وسرحت فبحر افكارها .. لا يا مريم اذا تبين تلعبين معايه انا هاللعبه الوصخه انا بعد
بلعب معااااج وبنشوووف من الرابح في النهاايه .. ومستحيل اخليج تنفذي كل اللي تخططية .. حمود صار ملكي وبس
خوووله كانت سرحانه وتفكر .. ياربي شو اللي ياس يصير من حوالي منوه ذيلا الناس اللي ناوين يخطبوني معقوله خالد .. لا لا خالد ما يحبني بس جان يتلاعب فمشاعر وحده عاااجزه .. لكن ليش اكابر قلبي متعلق فيه ويباه ومشتاقه لريحته ولرنة صوته .. اه خلوودي مهما كابرت حبك انغرس فصدري وصعب انساك بكل سهوله .. الله يصبرني
لم تكن خوله هي الوحيد الغارقة في بحر افكارها مها ايضا كانت غارقه في حب هلال الى الجنون وظل اسمه يداعب فكرها وقلبها فقد كانت جد متاكده بان هلال جاء الليله ليختطفها وتكون زوجته وحبيبته وعشيقته في ان واحد ..
مها : الحمدلله يا هلال ما خنت ثقتي فيك .. وعرفت اني احبك ومستعده افديك بروحي .. اه متى بشوفك واكون قربك صدقني ياهلال راح اعيشك في سعااده لانه الحب بيكون اساس علاقتنا .. وما بنخلي حد يفرقنا
مر النهار بما حمله من مفأجأت افرحت البعض واحزنت البعض الاخر ولكنه كان يحمل بين طياته نفحات من الامل
غابت الشمس واختفت بين امواج البحر وسعته فظهر القمر ليبداء مشوار طويل مع ليل ملطخ بالسواد مع ضوء بسيط
فهد جان يالس على الشاطئ ويصيح : معقوله يا ساره لما حبيتج هذا جزاتي .. تغدرين فيني وتاخذين واحد غيري .. انا شو اللي ناقصني دايما كنت احسسج بنظراتي اني احبج .. خذيتي قلبي من لما كنا صغار .. ويوم كبرنا خذيتي روحي وخليتني مجرد جسد بلا روح .. صار يشوف الحياه بلون اسود رحتي وخذيتي كل الالوان اللي كنت الون فيها حياتي ما خليتي الا لون واحد وما اخترتيلي الا اللون الاسود ليش يا ساره ليش .. هذا جزاة حبي لج ويالسه تعاقبيني
سبحان الله لما كنتي صغيره كنتي تقولين لي محد بياخذك مني يافهد واحينه انتي اللي خليتيني .. محد خذاني منج انتي اللي بعتيني برخص وانا اللي كنت مشتريج وانتظرج لين تخلصي كليه واتقدم لج .. بس سبحان الله سقيتيني المر قبل ما اقدر اخذ اي خطوه تثبتلج اني احبج وللحين مشتريج حسافه كل دمعه ذرفتها وانا قريب منج واحينه بتخليني اصيح بدال دموعي دم ما قادر اتخيل انج تكونين فاحضان غيري لا ياساره دخيلج لا تسوين فيني جذا الله يخليج ..
صرخ فهد صرخة هزت كل ركن واستراحه ترفرف حول الشاطئ فلم يكن هناك احد ليسمع صرخاته سوى موج بحر يداعب حزنه بصوت امواجه المتتابعه والرمال المتناثره تحت قدميه ..

 
 

 

عرض البوم صور راعية الفزعة   رد مع اقتباس
قديم 13-03-10, 07:34 AM   المشاركة رقم: 79
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

فـــــــــــي بيت بو مشعل ..
ام مشعل : هاه مشعل فكرت في الموضوع اللي خبرتك عليه
مشعل : امايه اي موضوع ذكريني
ام مشعل : افا مشعل معقوله نسيت .. اقصدلك موضوع روضه وافقت نخطبها حقك
مشعل : وليه امايه اي زواج اول خليني اتعرف عليها وعقب نفكر بالزواج اميه انا مستحيل اتزوج زواج تقليدي
بو مشعل : قتلج انه ما بيوافق ويهه ويه فقر مالت عليك
مشعل بعصبيه : ابويه هذا قراري ,, ولازم تحترمه هذا انت سلمناك خيرنا وفي النهايه اشو صار فلسنا ..
\بو مشعل بعصبيه :. اتعايرني يا جليل الحيا صدق اني ما عرفت اربيك
مشعل : ابويه انا ما اقصد اجرحك .. بس حبيت ا وصلك معلومه حلاة الطبخه اذا انطبخت على نار هاديه
ام مشعل : وليه خلوني من هذرتكم احينه .. مشعلوه خلنا نخطبها ونمسك الخيط من بدايته اخاف وانته تحاول تخليها تحبك تخسرها ونضيع كل شي رسمناه .. مشعل هالمسائل ما يبالها تأجيل لازم ندق الحديد وهو حامي
مشعل : امايه ومنو قاالج اخليها .. الصبح ماره علي وخبرتني انها تحبني انتي لا تشغلين بالج
ام مشعل وهي فرحانه : صدق روضه تحبك
مشعل : هيه امايه تحبني بس ياريت ما تبلغين ام محمد مابا اتسويلها مشااكل .. وكل شي فوقته حلو
بو مشعل : بنشوف لوين بتوصل يا ابو الخطط المطبوخه على نار هاديه عن اذنكم البيت هذا صار يلووع
مشعل : احينه بلاه هذا عصب .. ليش كلمة الصدق ما يدانيها
ام مشعل : ما عليك مني خله يولي .. اللي يهمنا احينه روضه وبس
مشعل : امايه قتلج لا تشغلين بالج .. كلها كمن شهر والخير بيهل علي وانا اكيد ما بنسى امي الغاليه
ام مشعل : فديتك يالغالي .. عسى عيني ما تبكيك
ميثا قاطعتهم : هاه بلاكم اكيد يالسين تخططوون وترسمون على روضه
ام مشعل : وانتي اشدراج
ميثا بابتسامه : ماشي بس سمعة رمستكم كلها .. مشعلوه روضه تحبك هاه قالتها وهي تشوفه بنص عين
مشعل وهي ياخذها فصوب : الله يخليج ميثا سكتي لا تفضحينا .. ابا ارتاح من حنة امج على راسي
ميثا : انزين انا سايره صوب رواضي احينه تباني ابلغها بشي
مشعل : لا احينه ما وقته خلي الكميه توصل وعقب بلعب لعبتي
ميثا بااستغراب : حوووه انت اي كميه تقصد .. لا يكون التاجر في المخدرات
مشعل بتوتر : هاه اي مخدرات الله يهداج .. يالله سيري عند روضه اخاف تتأخرين عليها
ميثا : انزين بلاك مدوده ما قلنا شي يالله انا بسير اماااااااااااااايه
ام مشعل : الله يوفقج ولا تنسين تدلعين على خالد حاولي تشبكي معاه شرات ما مشعل سوا سواته مع روضه
ميثا بطنازه : هيه .. انزين ..ان شاء الله امايه ولا يهمج انتي .. كل اللي تبينه بيصير ان شاء الله ..
مشعل : هيه هيه يا روضه صبرج علي .. والله لا اخليج شرات الخاتم في اصباعي .. بقولج سيري يمين تسيرين يمين انتي سلاحي الوحيد عسب انتقم من هالخايس خلوووووود وسامحيني رواضي ما قصدي اضيعج بس ما حصلت احد احسن منج يوصلني للي انا اباه .. يمكن بتكرهيني يوم يومين بس عقبها اكيد بتحبيني وبتتمني اتعيشي دوم قربي وساعتها انا اللي بشوتج بس عقب ما اخلي سمعت اهلج في الارض ..
ولمح تلفونه يدق : الو هلا والله بهالصوت تصدقي عاد مشتاقلج حدي ..
: لا مشعل لا تحرجني ترى بعدين اصدق واتكبر عليك
مشعل : عادي حياتي انتي تتكبرين على راحتج .. لو تطلبين عيوني ترى حاظرين
: فديتك والله المهم يا روحي حبيت ابلغك انه البضاعه وصلت ما عليك الا اطرش حد يجي ويستلمها
مشعل : حاظرين يالغاليه انتي تامرين امر باجر ان شاء الله بكون قدام باب بيتكم
: لا حبيبي خلني اشوفك في الكوفي اضمن اخاف ابويه يشك في الموضوع
مشعل : انا اموت واعرف شو ورا السر اللي مخلي ابوج مب عارف انه بنته اكبر مروجة مخدرات
: ههههههههااي الله يخليك لا اتضحكني .. اصلا انا ابويه ما يهمني عندي اللي اكبر منه واقدر ابيعه واشتريه فالسوق
مشعل : ياويلي على الثقه .. بس حرام عليج هذا ابوج مهما كان لازم تحترميه
: اسكت الله يخليك .. لا تلوع جبدي ابا ارقد وانا مرتاحه .. اصلا كل البلاوي اللي انا فيها سببها ابويه
مشعل : تصدقين انا نفسج لو كنت بلا ابو كنت بعيش مرتاح .. الله رزقني بابو غبي ما يدري مصلحته وين
: هههههااي شرايك نتبراء منهم ونفتك مره وحده .. ما وراهم غير صدعة الراس
مشعل : والله لو بيدي كنت متخلي ومتبري من زمان بس شو نسوي ملزومين نتحمل مغثتهم
: ما علينا .. المهم حبيبي مشعل باجر اشوفك وياليت لو تدفع بشيك
مشعل : اوكي منولتي ما طلبتي شي الله يديمج فوق راسنا
منال بدلع : مشكووور ميشووو يالله احينه ببند ..بطلع عندي شغله مهمه ولازم اخلصها ..
مشعل : سيري فديتج موفقه عسى الله يسهل لج كل خطوه تخطيها بااي يا حلووو
منال تقاطعه : اوووه صح ميشو نسيت اخبرك دورك جريب وبتاخذ حقك
مشعل وهو فرحان : من صدقج انتي .. والله يا منولتي انا منتظر هاللحظة صارلي سنين .. وخاطري اتم عندج بس كمن ساعه مش ليله تعرفيني انا مش طماااااع
منال وهي تضحك بصوت عالي : ضحكتني ميشووتي المهم لا تستعيل على رزقتك وكل شي فوقته حلو باااي الحين
مشعل وهو متخدر من صوتها : بااااااااااااااااااااااااااااااااااااااااي يا روح ميشو ..
~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~ ~ ~ ~~~~~~~~~~~~~~~
منال هذي وحده ابوها تاجر اعمال كبير عمرها 20 سنه بس عمايلها وافعالها تخلي الواحد يعطيها 50 سنه قويه ولا تخاف من شي .. تسوي سواتها ولا ترمش لها عين ومع الاحداث بتعرفون قصتها وشو اللي خلاها توصل لهالمستوى

فـــــــــــــــــــي بيـــــــت بو حمود
عنـــــــــــــــــــــــــــــــــد الرياييل
ابو حمود : خشمك بو خالد عاش من شافك
بو خالد : عاشت ايامك الغالي .. شحالك طمني عليك
ابوحمود : تصدق يا سلطان لو ما الصغاريه هنيه جان سبيتك سب لعنبوك 10 سنين وانته ما تدري عني
بو خالد : شو انسوي يا اخوك التجاره اتنسي الواحد حتى امه .. طالع حتى لحيتي صايره طويله مب فاضي اسنعها
بو حمود : بس العمر يخلص والاشغال ما تخلص يا بو خالد .. ارحم حالك يا ريال
بو خالد : ههههااي ما عليه يصير خير لذاك اليووم وانته كيف امورك عسى مرتااح
بو حمود : الحمدلله كل شي بخير ونعمه واشغالي يالله ماشي حالها ولله الحمد ..
بس آلاجواء عند الحريم مختلفه وكانت متوتره بعض الشي
ام حمود : حيالله بام محمد .. تو ما نور البيت
ام محمد بدون نفس : منور باهله مشكوووره
ام حمود : اشحالج وشحال عيالج عساهم مرتاحين
ام محمد : الحمدلله يسرج حالهم يا ام ...
ام حمود تقاطعها : ام حممووود
ام محمد بدون نفس : اها عذريني بو خالد خبرني بس نسيت اسمج
مها عصبت من حركاتها وردت عليها : ما عليه خالتيه معذوره مقيوله الكبر شين
خوله وهي تضربها على ريلها : عيب .. ما وقته احينه
مها : ما تشوفينها كيف ترمس اميه على شو شايفه حاله .. عيوز ومتصيببيه وووعع مالت ع شكلها
خوله : انزين بس خلاص فضحتينا جبي لا تسمعج احينه
ام محمد وهي اطالع مها من فوق لتحت : اقول ام حمود احينه منوا لعروسه اللي بياخذها ولدي خالد
خوله وهي منصعقه : مهوووي سمعتي تقول خالد
مها : خوالي تراني قتلج خالد يحبج ويوم حظرتج ما عبرتيه ولا خليتيه يبررلج موقفه قال من الاخر املك عليها احسن
خوله : مهووووي مب وقت فلسفتج احينه قولي انه اللي متقدملي هو خالد نفسه قوليلي اني مب يالسه احلم
مها : ورب الكعبه ما يالسه تحلمين حتى سألي فطامي
فاطمه : مهوووي اشعندج لا اتحشين من ورايه تراني اسمع
مها : هههههههااي لا فديتج مب يالسه احش فيج بس اباج تخبرين خوالي انه الي متقدم لها هو خالد بشحمه ولحمه
فاطمه : خوالي كلام مهوي صدق بسج من كثر ما تكبارين ترى خالد يحبج ووجوده فبيتنا اكبر دليل
خوله : لا انا مش مستوعبه الي قاعد يصير حوالي .. شوفي انا بسير البلاكونه اكيد خالد بيطلع وبشم ريحته وبتأكد

 
 

 

عرض البوم صور راعية الفزعة   رد مع اقتباس
قديم 13-03-10, 07:35 AM   المشاركة رقم: 80
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

الفصل الثـــــــآنيـ


::

"

::

خوله : لا انا مش مستوعبه الي قاعد يصير حوالي .. شوفي انا بسير البلاكونه اكيد خالد بيطلع وبشم ريحته وبتأكد
ام محمد : هاه ام حمود بعدج ما قلتيلي اي وحده فيهم العروس اقصد خوله..
مها : خالتيه انا بقولج انا اسمي مها وهذي هي اختي خوله وهاي حرمة اخويه حمود ..
ام محمد وهي منصدمه: اشو بس بو خالد ما خبرني انه اللي بياخذها خالد عميا .. لا اكيد هذا تخبل
خوله : ليش خالوه بس لاني عميا ما من حقي انخطب وابني ا سره شرات غيري ترى هالشي مب عيب
ام محمد : لا خوله ما قصدي احرجج بس خالد يدري انج عميا اخاف ينصدم
مها بعصبيه : سمعيني خالتي صح انج في بيتنا ولج الحشيمه بس يمكن خوله عميا وهالشي صار غصب عنها بس هالشي ما يمنع انها تعيش وتفرح شرات البنات اللي من عمرها
خوله تضايجت من هالرمسه وحاولت تقوم وتهرب من الموقف وعن انظار ام محمد وضربت ريلها في الكرسي
ام حمود بخوف : خوالي صار عليج شي
خوله بضيج : لا امايه ما فيني شي بسير غرفتي ابا ارتاح مضايجه شوي
فاطمه : خوالي انطريني بسير ويااج ابا اشوف ميود اخافه يكون نش
خوله وهي تكتم دموعها : اللي يريحج
ام محمد : خوله لا يكون زعلتي من كلامي انا ما قصدي اقلل من قيمتج بس انتي عارفه انه الزواج مسؤوليه واللي قاعده اشوفه انج مب قادرتعتمدين على نفسج فكيف بتخلي خالد يقدر يعتمد عليج
خوله وهي ادموعها اربع اربع : سمعيني خالوه يمكن انا عمياء بس هالشي ما بيدي ومنو قالج اني مب قادره اعتمد على نفسي يمكن انا خسرت شي بس الله عوضني باشياء وايد وااباج تتطمنين ترى خالد يعرف اني عمياء واذا هو راضي فيني كلام العذال ما يهمني ولا يهز شعره من راسي عن اذنج
مها وهي مب مصدقه انه هذي خوله : معقوله هذي خوله طلعت قويه والله .. عيني عليج بارده يا اختيه حرقتي قلبها تستاهل عيوز النار الله يعين اختي عليها .. ما ادري كيف بتستحمل ثقل دمها مالت عليج ..
نــــــــــرجع عند الريــــــأييل
بو خالد : هاه بو حمود اشو رايك
بو حمود : والله هالشي يشرفنا بس تعرف لازم انشاور البنت والله يقدم اللي فيه الخير
خالد : انا بخليكم شوي بدق حق فهد بشوفه وين
بوو خالد :انزين خالد بس لا تتاخر وصد على بو حمود طمني كيف الشغل ماشي معاك ..
بو حمود : الحمدلله زين وكلها جم شهر وبصير انافسك في السوووق
بو خالد وهو ميت ضحك : خلاص وانا موافق بس لما تخسر الصفقات لا تردها على راسي
بو حمود : انزين صبرك عليه وبنشوف من الرابح في الاخير وعلى منو بترسي الصفقات
خالد اول ما طلع يلس ايطالع غرفة خوله بس محد طلع وجان فيه كوره وخذها وفرها صوب البالكونه
خوله وهي تحضن فاطمه : فطامي معقوله كوني عمياء بيأثر فسعادتي .. صدق اللي قالته حرمة ابوه من شوي انه خالد ما بيقدر يعتمد علي .. اخاف كلامها يكون صح
فاطمه وهي تمسح على راسها : خوالي حياتي اذا تحبون بعض صدقيني بتقدرون تواجهون اصعب المشاكل اهم شي ما تخلي اشياء بسيطه وناس تاففه اتفرق امبينكم
خوله بضيج : بس
فاطمه : شو خوالي اشو اللي ناويه عليه
خوله بضيج : ابا اكلم خالد قولي حق امايه انه خوله ما بتوافق الا لي خبرت خالد بالسر هو من حقه يعرف هالشي
فاطمه : اي سر خوالي اشو ناويه عليه بالضبط
خوله بضيج : فاطمه قولي حق امايه جذا وهي بتفهم بروحها
فاطمه : خلاص احينه بسير وبخبرها بس يا خوفي ناويه تخبريه عن سالفة ...
خوله تقاطعها بنظرة حزن: فطوووم الله يخليج ياليت لو تحترمون قراري يعرف احينه احسن من انه ينصدم عقب
فاطمه : اوكي على راحتج بسير اخبرها
خوله سمعت جنه حد فر عليها بشي وخطواتها جرتها صوب الصوت وشمت ريحت خالد وعرفت انه هو وراء هالضجه كلها: هذي ريحته معقوله واقف جدامي وما بيني وبينه الا جم خطوه اه يا خالد خاطري افر نفسي من فوق وارتمي فحضنك واقولك اشكثر انا احبك واموت عليك ومشتاااقه لك يا روحي
خالد اول ما شاف خوله راح فيها لانه مها جانت مسويتلها حركات خفيفه فويها وطالعه كشخه وخالد ما قدر يصدق انه اللي واقفه جدامه خووووله وصرخ بس بصوت يضمن انه يوصل لخوله : خووووووالي احبــــــــــــج
خوله بتوتر : ياربي اخاف حد يسمعه لا اكيد هذا تخبل اذا ابويه سمع هالكلمه والله يذبحني احسن شي ادش داخل
خالد : وليه بلاها هذي دخلت معقوله بترفضني .. شكلها مضايجه مني وللحين مش واثقه فيني الله يستر بس
ام حمود بتوتر : فاطمه انتي اشو يالسه تقولين متاكده انه خوله قالت جذا
فاطمه : هيه عموه وقالت هي موافقه بس لازم تشوف خالد بلاول
ام حمود انزين دقي من تلفون المطبخ ع الميلس وكلمي بوحمود وخبريه بموافقه خوله وشروطها
فاطمه : ان شاء الله عموه احينه بدقله ..
بو حمود : هلا فاطمه اشو بغيتي
فاطمه : عمي خوله تقولك بلغ اللي عندك انها موافقه بس لازم تشوف خالد وتشرحله كل اللي صار
بو حمود بصوت واطئ : اشو ناويه عليه هالبنت اخاف خالد لا عرف يرفض
فاطمه : عمي انا اقول تحترمون قرارها لانه خوله بتم رافضه الا اذا صار اللي براسها
بو حمود : خلاص انا بخبر خالد خليها تطلع الحوووش بس قوليلها تختصر احينه بو هلال بيي مع عياله واخاف يفهمون السالفه بالغلط
فاطمه : خلاص عمي احينه بخبرها وبخليها تطلع وبقولها بس عشر دقايق ما اطول
بو حمود : على خير واول ما تعطيج الموافقه خبريني عسب ابشرهم
فاطمه : ان شاء الله عمي بخليك احينه
ام حمود اول ما شافت فاطمه سارت صوبها : هاه طمنيني عسى اتفهم الموضوع
فاطمه : لا تحاتين عموه قال عندها بس عشر دقايق لانه خايف عمي بوهلال يوصل ويشوفها عنده
ام حمود : انزين سيري بلغي خوله وخليها تنزل .. ما ادري ليش طرت هالسالفه على بالها
فاطمه : ان شاء الله عموه انتي لا تشغلين بالج وكل اللي الله كاتبه بيصير ويعرف احينه احسن من بعدين
خوله او ما سمعت الباب يتبطل : هاه فطامي اشو قالولج
مها بضيج : انا مش فطوم انا مهاا خوله من صدقج تبين تخبرين خالد باللي صار في الماضي الريال في مجتمعنا مستحيل يتقبل وحده لمسها ريال من قبله
خوله بضيج : اذا يحبني بيتقبل هالشي .. وبعدين انا مالي ذنب في كل اللي صار كله من هالخايس حنيفه
مها :"خوله انا اخاف تنهارين اذا خالد رفض يعني كونج عميا هالشي ما اثر في علاقتكم بس هالسالفه ....
قاطعتها خوله على طول:مهوي قتلج اذا يحبني بيتقبل اي شي لا تيلسي تسوديها في ويهي ها قراري ومستحيل اتراجع
فاطمه بابتسامه : خوالي عمي يقولج نزلي عسب تتكلمين مع خالد ..
خوله بابتسامه ممزوجه بخوف : ان شاء الله احينه بنزل
فاطمه : ويقولج بعد لا تتاخرين عمج بوهلال وعياله على وصول وعمي ما يباهم يفهمون السالفه غلط
خوله : لا تشغلين بالج ما راح اتاخر .. بشرحله موقفي بس وعلى طول بخليه
مها : الله يوفقج اختيه ويفتحها في ويهج
خوله بابتسامه : مشكووووره مهووووي يالله بنزل
فاطمه : خوالي انا بعد بنزل معاااااج تعالي فديتج ..
مها : بلاهم هذيلا خلوني اروحي احسن شي الحقهم ..

 
 

 

عرض البوم صور راعية الفزعة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
آخر لحظات العمر, آخر لحظات العمر بقلم kesat 3thab, kesat 3thab, رواية آخر لحظات العمر بقلم kesat 3thab, قصة آخر لحظات العمر بقلم kesat 3thab
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:01 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية