الفــــــصل آلثـــــــــآني


:


:


بو حمود : والله اي شي من ايدينج الحلوه باكله
ام حمود : خلاص عيل بطبخلك على ذوقي .. بخليك احينه اتشوف شغلك
بوحمود: حشا توج داقه ما لحقت اسولف معاج
ام حمود : لاحقين بو حمود .. يالله دير بالك ع روحك
بو حمود : اوكي الغاليه وديري بالج ع خوالي هالايام حالتها ما عاجبتني
ام حمود : لا تشغل بالك اليوم احسن من اول .. نزلت وكلت لها لقمه انته لا تشغل بالك
بو حمود : على خير الغاليه .. الرحمن حافظج وشاف عنده خط ثاني
بو حمود وهو مستغرب: حق منوه الرقم احسن شي ارد واعرف من صاحبه.. السلام عليكم
بو خالد : وعليك السلام بو حمود اشحالك
بو حمود : الحمدلله يسرك حالي ما عرفتك الشيخ
بو خالد : افا نسيتني .. لكن ما تنلام اخر مره شفتك فيها يمكن من عشر سنين
بو حمود : بس الصوت مش غريب علي .. انته سلطان صح
بو خالد باستغراب : حشا كيف عرفتني
بو حمود : اذا انته من طبعك تنسى احبابك ., انا هالشي مش من طبعي .. اشحالك طمني عليك
بو خالد : والله يسرك حالي .. لاهي ويا هالشغل .. والسفريات اللي ما تخلص
بو حمود : ايه عاد انته اسمك في العلالي ما شاء الله صكيت علينا .. الله يديم عليك هالنعمه
بو خالد : انته بعد يا سعيد ما شاء الله عليك قدرت توقف على حيلك
بو حمود : الحمدلله كله من فظل الله علينا .. الا قولي ليش داق علي اكيد عسب تيا تشرب قهوه عندي في المكتب
بو خالد : هههههاااي لا مش في المكتب في البيت
بو حمود : والله هذي الساعه المباركه .. انته تشرفنا في اي وقت
بو خالد :: ما تقصر يا سعيد اليوم بنزوركم ناووين نخطب بنتك خوله لولدي خالد
بو حمود وهو منصدم : اشو خوله حق ولدك خالد
بو خالد : هيه خوله يا سعيد .. واتزوجها حق ولدي احسن من الغريب .. انا عارف الظروف اللي مرت فيها خوله .. يعني بنقدر نتعامل مع هالشي احسن من واحد يذلها .ويسمعها كلام يسمها ويتم يعايرها وانا خبرت خالد بحالتها ووافق
بو حمود وهو فرحان : هيه والله وانته صادق ازوجها ولدك .. احسن من الغريب. . اخاف يسمعها كلام يجرحها ويتم يعايرها بانه تفضل عليها يوم تزوجها.. وتنهار البنت عاد هي اللي فيها مكفيها
بو خالد : على خير ان شاء الله .. نحن الليله بنزوركم .. وانته كلم البنت والله يقدم اللي فيه الخير .
بو حمود : خلاص نترياكم .. وانا اللي اتشرف ازوج بنتي حق ولد ربيع عمري سلطان شفت الدنيا كيف صغيره
بو خالد : سبحان الله ناس تبعد وناس تقرب .. المهم بعد صلاة المغرب بنزوركم ...
بو حمود : على خير الرحمن حافظك ..
اه يا خوله توقعت اني ما بشوف عيالج بس سبحان الله يمكن انا وسلطان ما شفنا بعض صار لنا سنين بس الحمدلله الله جمع بينا وولده بياخذ بنتي الغاليه خوله .. عسى ان شاء الله يقدر يعوضج عن كل سنين الحرمان اللي عشتيها
بس ان شاء الله توافق وتفرحني .. خاطري افرح فيها وفي شوفة عيالها.. خوله راسها يابس واخاف ترفض
وقطع حبل افكاره رنة تلفونه .. هلا والله حيالله بابو هلال
بو هلال : الله يحييك بو حمود اشحالك
بو حمود : يسرك الحال انته شحالك طمني عليك واخبار لعيال
بو هلال : كلهم بخير ونعمه المهم يابو حمود اليوم بني صوبكم عقب صلاة المغرب
بو حمود من فرحته بخوله نسى يخبر اخوه بانها انخطبت : والله البيت بيتكم وتزورونا في اي وقت والعشاء بالمره من عندنا وما اعتقد انك بتردلي طلب
بو هلال : لا ما بردلك طلب .. انته اخوي العووود وكلمتك تمشي على الكبير قبل الصغير
بو حمود بابتسامه : خلاص عيل نترياك وهات لعيال عندك
بو هلال : ان شاء الله يالله فحفظ الرحمن
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
فــــــــــــي بيـــت بو حموووود
مها كانت تكلم ساره : قووووولي والله
ساره باستغراب: وانتي بلاج مستغربه جي ..
مها بضيج :لا ماشي بس ما توقعتج انج تخبين علي سر شرات هذا
ساره : مهاوي حياتي انا ما عندي خبر بشي عفاري توها دقت علي وقالت سعيد يبا يتقدملي وللحين ما رديتلها خبر
مها وهي تحاول تخفي ضيجتها : وانتي بتوافقي
ساره : صراحه سعيد ريال والنعم وانا شفته مره وحده وعيبني ودخل قلبي الصراحه وعفاري رفيجتي فاحتمال كبير اوافق والا انتي شو رايج
مها ودمعه نازله على خدها : الشور شورج والراي رايج هذي حياتج وانتي حره فيها
ساره باستغراب : مهووي حياتي شكلج ما استانستي بالخبر .. توقعت فرحتي بتسرج ما بضايجج
مها وهي تصطنع الابتسامه : الله يهداج ساروه اكيد اني فرحانه وعسب تتأكدين اسمعي هالزغلوطه كوووووللللليلللش
ساره وهي ميته ضحك : هيه هذي مهااوي اللي اعرفها .. عقبالج الغاليه .. ونفس ما قتلج هالموضوع سر بيني وبينج
مها بضيج : ان شاء الله ما راح اتكلم الا لما يصير اللي فبالج ومبروووك ساارونه منه المال ومنج لعيال
فهد وهو يصاااارخ : لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااا
مها على طول صكرت الخط وركضت صوبه
ساره بخوف : بسم الله اشو هالصوت الغريب اللي سمعته جنه صوت فهد .. بس بلاه يصارخح بهالشكل احسن شي ادقلها واعرف اشو اللي مستوي عندهم ..
مها وهي تحضن اخوها : فهود حياتي لا تسوى بروحك جذا .. ساره مش من نصيبك
فهد وهو يصيح : ليش يا مها ليش .. انا شو اللي ناقصني .. ليش بتروح للغريب ليش ما فكرت انه في واحد يحبها ومستعد يضحي بروحه عشانها .. انا عايش في هالدنيا بس عشان ساره والحين بتروح مني .. ما اصدق مستحيل
مها : فهد حبيبي الله يخليك هدي روحك شوي .. الحياه جدامك والف وحده تتمناك
خوله يات صوبهم وهي خايفه : فهود حبيبي ليش اصارخ صاير شي طمنوني
مها بضيج : لا تشغلين بالج خوالي فهد يصارخ من الحرقه اللي بقلبه ومحد يلومه.. ساره بتتزوج اخو ربيعتها
فهد :" بس انا اباها ساره ملكي انا .. حتى لو كانت تحب شخص ثاني انا بنسيها لانه حبي لها فوق ما يتصوره عقل
فاطمه اول ماسمعت هالرمسه دمعت عينها واتذكرت خيانة حمود وتمت اتردد في خاطرها : لا يافهد لا تتزوج وحده تحب غيرك لانك بتتعب وانت بتطلع الخسران في النهايه ودي اقولك باللي معور قلبي .. شوف حالتي تزوجت واحد جان يحب بنت عمه ولكنه تزوجني انا عسب ينتقم منها ومن غرورها .. لكن محد دفع الثمن في النهاية غيري ..يخونها جدام عيني واطرشله هدايا وهي ولا عبالها انه يمكن هالهدايا بطيح في ايدين زوجته ... هذا اذا ما كانت من اصله مستقصده تسوي هالحركه. اه يا فهد لو تعرف بالنار اللي تاكل قلبي جان خليت ساره تشوف حياتها مع اللي تحبه .. ولا تبداء حياه انرسمت من البدايه ع الجذب والخداع
خوله : فهد حياتي ساره تحب اخو ربيعتها وموضوع الزواج متفقين عليه من البدايه .. وما ياي منيه والدرب.. بس انا ما قدرت اخبرك بهالسالفه خفتك تتضايج
فهد وهو يطالع خوله وبعصبيه : خوله من متى انتي تعرفين هالشي .. وليش ما خبرتيني عسب اسير اتقدملها وتتزوجني غصب عنها مش برضاها انا ولد عمها واحق فيها من الغريب ..
خوله ما كانت تعرف انه فاطمه يالسه تسمع كل كلمه يالسين يقولوها وخذت راحتها في الكلام : الاسبوع الماضي لما ييوا يتعشوا عندنا سمعتها ترمسه وسمعتهم يخططون لمشروع زواج .. كان ودي اخبرك بس ما قدرت .. ما كنت اباك تغلط غلطة حمود .. تبا تتزوج وحده ما تحبك منو تتوقع بيدفع ثمن هالشي غيرك .. انت اللي بتتعب وبتشقى لانك ما بتقدر تنساها اللي تحبه واكبر مثال لك فاطمه وحمود تتحرى فاطمه مرتاحه انتوا راقدين ولا حاسين بشي بس انا اللي اسمع صياحها في كل ليله وتلومنا ليش ما خبرناها باللي جان صاير بين مريم وحمود ..
مها وهي منصدمه : معقوله فاطمه تعرف ومسويه روحها عادي ولا كأنه في شي
خوله : هيه مهاوي فاطمه تعرف بكل اللي صار ويالس يصير لانها زوجه وتحس متى زوجها يكون قريب منها ومتى يكون بعيد وحركات مريم خلت فاطمه تفهم كل اللي صار في الماضي بينها وبين حمود
فهد وهو يمسح دمعته : خوله انتي شو يالسه تقولين من صدقج هالكلام ....... بعدين كيف عرفتي
خوله : لاني عمياء خطواتي دايما تكون بطيئه وما ينسمع لها صوت عسب جذا الكل ماخذ راحته وحريته لا تضيع ساره يا فهد شرات ما حمود يالس يضيع فاطمه بطيشه .. إذا تحبها بصدق خلها هي بعد تعيش مع اللي اختاره قلبها
فهد وهو يتنهد : بس انا احبها ومستحيل اضيعها .. أنتوا ليش ما راضيين تفهموني لو خسرت سارة انا بنتهي بضيع
خوله بضيج : اذا فعلا تحبها خلها تعيش مع اللي اختاره قلبها .. ولاتجبرها علي شي هي ما تباه .. أعقل يا خوي
ام حمود بخوف : بسم الله الرحمن الرحيم بلاكم متيمعين بهالشكل .. فهود ليش يالس ع الارض .. شي مضايجنك
مها : امايه الله يهداج ما صاير الا كل خير .. بعدين تعالي اباج فسالفه .. خلي خوله وفهد ياخذون راحتهم في الكلام

ام حمود : مها اشو مستوي .. تتحريني ياهل تقصين علي بكلمتين
فاطمه تقاطعها : محشومه يالغاليه .. عموه صدقيني ما صاير الا كل خير .. بعدين انتي شفتي خوالي كانت تعبانه .. وفهد قدر يطلعها من الحاله اللي هي فيها عسب جذا خالوه لا تشغلي بالج .. فنخيلهم ياخذون راحتهم فالكلام اوك..
ام حمود : طمنتيني الله يطمن بالج .. خلاص عيل مدام السالفه جذي نخليهم على راحتهم
مها وهي اتصاصخ فاطمه : اشوا زين ما حست فشي .. سويتي فيني معروف عمري ما راح انساه لج
فاطمه بضيج : المعروف اللي سويتوه حقي ما نسيته والحين رديتلج جزء بسيط منه عن اذنج
مها بضيج : ياربي هاي اشو تقصد .. لا يكون تلمح فموضوع مريم وحمود .احسن شي ادق لساره وافهم منها السالفه
واشو اللي ناويه عليه مريم بالضبط .. الله يستر من خططها هذي سوسه
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
مشعل : اه يا ضاري هالبنت ما راضيه تتخوز من بالي جان زين لو اختطفناها
ضاري وهو ميت ضحك: اي وحده فيهم الغزال والا القرده
مشعل : لا الله يخليك القرده خلها حقك .. هي ما قالتلك انه القرد لازم يطالع قرده شراته ..لا تفهمني غلط هي اللي قالت
ضاري بعصبيه : وليش ما تكون تقصدك انته .. بعدين انا شفت هالغزال قبلك وكل يوم بتم واقف عند المدرسه لين اعرف هي منو وابوها من .. ما بخليها تروح من بين ايديني
مشعل : بيني وبينك حسيتها ساذجه..حتى لما قمنا تغزل فيها كانت ساكته .. وانا متأكد لو ختطفناها صدقني ما بتصارخ
ضاري وهي ميت ضحك : يحليلك مشعلوه دومه خيالك واسع .. اشو رايك احينه تحدر بيتكم لاني تاخرت ع البيت
مشعل : حشا لهالدرجه ما حاب تكون وياي بس ما عليه هالمره بنمشيها .. والمره الثانيه
ضاري يقاطعه : لا ثانيه ولا ثالثه احدر احينه لا اشوتك
مشعل : يا سلام لا يكون شايفني جدامك كوره وانا ما ادري
ضاري : هيه شايفنك كوره .. وطوبه بعد يالله ورينا عرض مقفاك
مشعل : خلاص نزلنا فكنا من لسانك الشري هذا اشوفك على خير
ضاري بابتسامه : بااااااااي يا حلوووووووو .. واول ما نزل مشعل حرك السياره بقو وغبرله المكان
مشعل : لا بارك الله فيك ضرووووي .. خيستني الله يلعن بليسك .. بس انا اراويك يالخايس
روضه كانت نازله من السياره وطول الطريج وهي يالسه تهاوش الدريول : سمعني ها اخر مره تتاخر فيها علي .. السياره اختربت ولا البنزين خلص انا ما يخصني .. هالمره بمشيها بس والله يا محمدوه لو تعيدها لا اعلم عليك ابويه
محمد بخوف : ان شاء الله ماما هذا اخر مره .. الساعه عشره ان يكون قدام مدرسه
روضه : هيه جذا اباك تسمع الكلمه .. يالله احينه تقدر تروح تصلح السياره ..
محمد : اوكي ماما احينه يروح
مشعل وهو يطالع بيت بو خالد : واثاريك عايش في عز يا خلود .. هيه هيه اشعليك ابوك سلطان منو قدك .. بس سبحان الله ما يندرى باجر اشو يصير يمكن تعيش انته فكوخ واعيش انا فقصر ولمح روضه وهي نازله من السياره
وليه اشو ياب هذي هنيه .. لا يكون هذي روضه .. لا ما اصدق .. وبضحكة سخرية .. والله ويات الفرصه لين عندك يا مشعل..اليوم صديتي عني يا روضه بس باجر اوعدج انج بتبوسين التراب اللي امشي عليه وانتي اللي بتركضين ورايه صبرج علي يا بنت بو خالد
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
مريم كانت سرحاانه ف حمود فقررت انها ادقله
حمود اول ما شاف الرقم طنش
مريم : اوف بلاه هذا ما يرد .. معقوله يتغلى علي .. بس مب مشكله احينه بيروح صوب فاطمه واكيد ما بتعطية ويه .. ومصير الطير يرجع لعشه .. وانا عشك يا حمود .. وصدقني قريب بتفهم هالشي
ساره قاطعتها : ريماني اسم الله عليج بلاج يالسه ترمسين بروحج .. لا يكون تخبلتي
مريم بثقه : وليش اتخبل اذا كل الامور تمشي لصالحي
ساره بخوف : اشو تقصدين مريوم .. معقوله بتسوين اللي في راسج وبدمرين عايله عسب سعادتج شو هالانانيه
مريم :" انا ما بدمر شي بس حمود توه داق وقالي انه تزوج من فاطمه .. بس عسب ينساني ولكنه ما قدر .. وانا قتله حرام تم عند عيالك همه اولى فيك مني .. شفتي اني وايد طيبه .. وأنتي دومج ظالمتني
ساره بضحكة سخرية : ها ها ها تبيني اصدقج انه حمود دقلج ولا قالج بعد انه يباج العبي لعبه غيرها يا ماما اصلا انا دومني مطيحه في بيت عمي سعيد وعارفه انه حمود يموت فشي اسمه فاطمه .. وانتي صرتي من الماضي
مريم بعصبيه : اشو قصدج يعني انا جذذابه .. بس ما عليه قولي عني اللي تبيه .. بالاول لما عرض عليه حمود انه يتزوجني على فاطمه رفضت .. بس عقب الرمسه اللي سمعتها منج الحين بوافق وبثتبلج انتي وفاطمه اذا حمود فعلا نساني .. والايام بينا واحينه طلعي من غرفتي حمود بيدق وابا اكلمه براحتي
ساره بعدم اقتناع: هيه عيل بتنتظري وايد لحد ما يدقلج ..يا ماما حطيها فبالج هـ الشي من سابع المستحيلات انه يصير
حمود جان مضايج : ياربي منج يا مريم متى بتخليني اعيش حياتي .. ليش ناويه تهدين كل شي بنيته على راسي بس انا مستحيل اسمح لهالشي يصير حتى لو كنت احبج واموت عليج لكن لازم ادوس على قلبي عشان زوجتي وعيالي .. بدقلج وبفهج انه انا وانتي قصه جديمه وانتهت وكثر ما شفت رقمج فتلفوني مابا اشوفه
مريم او ما شافت رقم حمود فتلفونها طارت من الفرحه ويلست اطالع ساره من فوق لتحت
ساره باستغراب: ليش اطالعيني بهالنظرات الغريبه لايكون ملونه ويهي باسود
مريم : لا بس اترياج تتطلعين برع ابا اكلم حموووود
ساره بسخريه : قتلج العبي غيرها يا ماما
مريم وهي تعطيها التلفون : طالعي يا حلوه هالرقم مش رقم ولد عمج حمود .. والحين ياليت لو اتخليني بروحي ما اعرف اكلمه وانتي عندي .. ابا اخذ راحتي ع الاخر .. تعرفين صارلي زمان وانا محرومه منه
ساره وهي منصدمه : حرام عليج يا مريم قدرتي تقصي عليه بجم كلمه حلو .. ولا فكرتي في زوجته وعياله
توهم صغار ليش تبين تحرمينهم من انهم يعيشوا فوسط اسره مستقره .. خبريني ليش
مريم طنشتها وردت على حمود : هلا حياتي
حمود بعصبيه : مريم سمعيني واباج تفهميني
مريم تقاطعه : فديتك يا روحي اذا انته مشتاقلي مره انا مشتاقتلك الف .. وبموت من شوقي لك يا روحي
ساره وهي مش مصدقه اللي يالس يصير حواليها طالعت اختها وركضت صوب برع وصكرت الباب بقو
حمود : مريم منو اللي جان عندج ..
مريم : واحنا شو علينا من الناس حياتي .. الزم ما علينا نفسنا .. ليش نفكر بالناس الثانيين
حمود : مريم انا عندي حرمه وعيال .. ليش تبين ادمرين زواجي .. فاطمه بدت اتشك اني يالس اخونها
مريم : ونحن شو يخصنا في فاطمه .. حمود انته تحبني وانا احبك . . فخلنا انعيش اللحظة بلحظتها
حمود ": بـــــ ........................ ــــــس
مريم قاطعته : حمود اسمعني انا احبك ومستحيل اتخلى عنك بهالسهوله .. وبتم على طول نفس ظلك فكل مكان اتبعك .. اذا انته تبا تتخلى عني براحتك ..بس انا ما بستسلم ومهما قلت بعتبر نفسي ما سمعت شي
حمود : مريم انتي اشو يالسه تقولين .. انتي اكيد مريضه
مريم : حبيبي قتلك اذا تبا ادقلي ترى انا حاظرة وبسمعك .. لكن تقولي اني انساك فاحسن شي لا ادق يالله باااااااي

حمود |: حشا بلاها هذي صكرت فويهي .. اه يا فاطمه ليتج بس توثقين فيني لو شوي ساعتها لا مريم ولا غيرها تقدر
تهز شعره من راسي انتوا سلاحي الوحيد في هالحياه .. ولو تخيلتوا عني اكيد انا بضعف .. وبستسلم لرغبات مريم
لانه قلبي للحين يباها حاولت انساها بس ما قدرت .. ااااه يارب ساعدني وسهلها علي ..فاطمه دخيلج لا تتخلين عني .. و تقدميني على طبق من ذهب لمريم .. وتخليها ادمر كل شي حلو امبينا ..
~ ~ ~ ~ ~ ~ ~ ~ ~ ~ ~ ~ ~ ~ ~
فــــي بيـــت بو مشعل
ميثا اول ما شافت مشعل نشت ولا عطته ويه
مشعل يزقر عليها : ميثوه بلاج حبيبتي بعدج زعلانه
ميثا ترد عليه وبدون نفس : والله اذا زعلانه هالشي يخصني بروحي وانته مالك شغل .. خلك في حالك احسن لي ولك
مشعل : ميثوه حبيبتي والله كنت معصب ومضااايج .. بعدين انا اغار من خالد
ميثا باستغراب : تغااار من خالد !!! شو هالمنطق يا اخي فهمني
مشعل : بصراحه انا سويت جذيه لاني حسيتج بتحبين خالد اكثر مني .. بس اليوم عقب ما شفت روضه فهمت مشاعرج .. تصدقين حبيتها من اول نظره .. جمال غريب الصراحه
ميثا تقاطعه : لحظة لحظة اشوي اشوي علي .. خلني افهم انته متى شفتها ووين
مشعل بابتسامة مكر : شفتها بالصدفه عند باب بيتهم .. بس تبين الصراحه ما توقعت انها حلوه لهالدرجه
ميثا : تراني خبرتك من قبل .. بس حظرتك ما صدقت واحينه شفت بعينك .. وانته بروحك حكمت
مشعل : ميثاني حياتي عشان خاطري .. اعزميها عندنا البيت .. ابا اكحل عيني بشوفتها
ميثا : شوف حبيبي حاليا ما ظنتي تقدر تزورنا تعرف اختباراتها بدت بس عقب ما تخلص اكيد بتي بروحها
مشعل : انزين سيري صوبهم اليوم وجيسي نبضها حد فحياتها .. ولا مفكره ف احد
ميثا : ههههههااي لا حبيبي لا تشغل بالك .. قلبها فاضي ولو تحب احد جان خبرتني اصلا رواضي بيتوتيه لا تحب تطلع ولا تحب تشوف الناس دومها يا اما فحجرتها ولا فحجرة واحد من خوانها .. انته لا تشغل بالك
مشعل يقاطعها : ولو ميثاني زوريها اليوم .. عشان خاطري وخذي منها كل علومها
ميثا بابتسامه \: يحليلك يا مشعلوه والله وقمت تحب .. المهم انا بسير اريحلي جمن ساعه ولي اذن المغرب بروح صوبهم وبجيبلك اخر اخبارها .. يمكن اذا شبكت انت عند رواضي اشبك انا عند خلودي
مشعل عصب من ميثا بس ما حب يوضحلها شي : خلاص حبيبتي سيري ارقدي ويصير خير لين وقت المغرب
ميثا ..: اوكيك يالله وخبر امايه اني تغديت خلااااااااص يعني لا ينحسوا علي حتى فرقاادي
مشعل جان سرحان وما انتبهلها : والله وبتحلوا ايامك يا مشعل وبتصير هاموور .. انت كل اللي كنت تباه شي تحطه فالسناره عسب تجذب زباينك واطيحهم في مصيدتك .. فما اعتقد فيه شي احلى من روضه فديتها انا
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في بيـــــــت بو خــــــــآلد
بو خالد : عساها نعمة دايمه .. الحمدلله انا شبعت اسير ارقد .. ولا تنسى موعدنا االمغرب خالد
خالد بخجل : ان شاء الله ابويه على امرك .. اكيد ما بنسى
روضه تقاطعهم : لا لا اكيد وراء هالالغاز شي .. اشو ناووووين عليه يالله خبروني
بو خالد وهو يضحك : ههه يحليلج رواضي تفهمينها واهي طايره طالعه على ابوج
روضه : اها زين يوم تعرف .. يالله خبروني على وين ناوووين
بو خالد وهو يطالع ام محمد : ام محمد تزهبي بعد المغرب بنسير نخطب حق خالد
ام محمد : اشوووو تخطب لخاااااااااالد
روضه تقاطعهم : خلووووووودي من صدقه ابويه وطالعت ابوها باباتي انته وافقت..
بو خالد : هيه يابنيتي خوله هذي طلعت بنت صديق عمري .. وسعيد لو يطلب عيوني والله تفداه
روضه : ابويه منو بعد هذا سعيد
خالد : ابو خوله روااااضي .. انتي بعد اكيد بتسيرين ويانا .. ما يصير تخلين ام محمد اتروح بروحها
ام محمد : لا خالد لا تشغل بالك .. عادي بالنسبه لي دام بو خالد معاااايه ما تفرق وياي
روضه قاطعتها : هيه صدقها خالتي .. بعدين انا باجر عندي امتحان عسب جي اعذروني ما بقدر اسير وياكم
محمد : رورو يعني خالد بيتزوج وبيجيب لنا يهاااال وايد عسب نلعب معاهم
روضه وهي تبوسه : هيه حبيبي بيتزوج وبيييب لنا يهااااال وااايد بتلعب معاهم انت واحمدوه صح احمد
احمد بابتسامه : هيه صح بعطيهم العابي وبخليهم يلعبون على راحتهم ولا بعصب عليهم بعد لو كسروا شي
روضه وهي اطالع خالد : اشعليك خلووود اخوانك حبوا عيالك قبل ما يشرفوا .. بالبركه يا خوي
خالد بخجل : الله يبارك فحياتج وعقبال ما تتزوجين وانشوف عيالج بعد
روضه بابتسامه : لاحقين خلووود بعدين انا مستحيل اعر س الا لما اشوف محمد واحمد عرسوا
بو خالد : حشا عيل بتستوين عيوووووز ولا حد بيفكر يصد صوووبج
ام محمد : لا رواضي انتي لا تشغلين بالج عيالي توهم صغار .. انتي عرسي وفرحينا
روضه : لا خالتي وانا اقدر افارقج دقيقه من زود حبي لج ما هاااينه علي اخليج بروحج فهالبيت لكبير
ام محمد : لا حبيبي البيت هذا باجر بيمتلي بعيال خالد وزوجته تراها عندي يعني ما يحتاي تحاتيني وايد
خالد وهو يأشر لروضه انها تسكت : رواااااضي تعالي حياتي اباج فسالفه
ام محمد وهي اطالع روضه : رووووووووحه بلا رده .. فرقاج عيد
روضه وهي اطالعها : خالوتي قلتي شي .. كاني سمعتج ترمسين ويايه
ام محمد بتوتر : هاه لا حبيبتي .. بس كنت اقول الله يديمها من نعمه بوخالد خلنا انسير صوب حجرتنا عن اذنكم
روضه : اذنج معاج خالوووووتي وما اوصيج على باباتي
خالد : رواضي تعالي بسج ليش حارقه اعصابج ع الفاضي
روضه : اوف تقهرني خلووووود .. حاولت اتقرب منها بس هي ما راضيه .. ما ادري على شو شايفه نفسها
خالد : ما عليه المهم اشو رايج فاخوج حليو صح
روضه: وليش يعني تبا تتكشخ .. ترى خوله عمياء يعني ما بتشوووفك بس بتشم ريحتك
خالد بضيج : اذا انتي اختي تقولين عنها جذا . فالناس الثانيه اشو بتقول
روضه بتوتر : خلودي اسفه عمري والله ما قصدت امسحها فويهي .. وانت وخوله اكيد بتواجهوا هالشي وبتتخطوه
خالد : الله كريم .. ان شاء الله طيبة قلبها واخلاقها بتنسيكم كل عيوبها
روضه : اكيد خلوووووودي يالله احينه سير ريحلك جمن ساعه عسب اعصابك تهداء ..
خالد : انتي بعد سيري رقدي امس راقده متأخر
روضه : اذا عليه انا لا تشغل بالك تعودنا واحينه حزة اامتحانات فلازم ارقد متاخر .. يالله عن اذنك
ام محمد : بو خالد ليش ما خبرتني انك ناوي تخطب لخالد يعني زين منك الحين فشلتني جدام عيالك
بو خالد : ام محمد الله يهداج لا تكبرين السالفه .. كل شي استوى بسرعه .. وفي النهاية عرفتي
ام محمد وهي اونها مضايجه : ولو جان لازم تخبرني انا زوجتك ولازم اعرف .. ع الاقل اقدر ازهب نفسي واشوف اذا عندي شي البسه .. تعرف لازم تترك انطباع زين عند الناس
بو خالد : وهالاطباع ما تصير الا بالملابس والكشخه والرزه .. اقول ارقدي وريحي نفسج .. نحن سايرين نخطب
مش حاظرين عرس او حفله .. وبعدين هذيلا الناس على قدهم
ام محمد بعصبيه: اشوووووو على قدهم .. كيف ترضى اتزوج ولدك من ناس فقارى بوخالد نسيت مركزك .. وسمعتك في السوووق .. احينه الناس يوم اتعرف اشو بيقولون عنك
بو خالد : وانا شو يخصني في الناس .. افا يا ام محمد هذا انتي كانت حالتكم الماديه اخس من حالة اللي بياخذها خالد مع ذلك خذيتج ولا فكرت في الناس ولا اهتميت فرمستهم
ام محمد بتوتر : تعايرني يا ابو خالد
بو خالد : يوم ما تبين احد يعايرج اقبضي اللسانج واحكمي على الناس باخلاقهم مش بالفلوس اللي فمخابيهم
ام محمد : خلاص اللي يريحك عن اذنك بسير اشوف محمد واحمد اذا خلصوا
بو خالد بعصبيه : الباب يفوت جمل .. ما ادري متى بتكبرين راسج .. وبتفكرين شرات الناس العاقله
ام محمد وهي اطالعه وتقول فخاطرها : اراويك يا ابوخالد اذا ما خليتك تندم ع الكلمه اللي فريتها واخلي حياة عيالك كلها تعيسه لدرجة اني بكرهم فيك والايام مبينا وبذكرك .. اوف متى بتموت وبتريحنا .. ما خذينا غير وجع الراس

في بيــــــــــــــــــــت بـــو حمووود
خوله كانت سرحانه وتفكر : سبحان الله الشي اللي صار لفهد وفاطمه خلاني انسى همي والجرح اللي سببته فقلبي يا خالد .. بس ليته قدر يمحي حبك.. اه يا خالد ليش سويت فيني كل هذا .. بس الكلام اللي قالته مها اليوم ومشروع الزواج معقوله كل هالشي صدفه .. معقوله خالد ناوي يتقدملي معقوله يحبني وانا ظلمته .. ليش ما خليته يبررلي سبب غيابه .. اه يارب انا شو اسوي بحالي حاسه نفسي تايهه وما عارفه اركز
مها : خواااااااالي اقدر اسولف معاج شوي فطووم قالت كلمه شغلتلي بالي وتبين الصدق ضايجتني بعد
خوله ما كانت منتبهه ولا مركزه : اه بس انا احبك وهالشي الوحيد اللي مخلني اكون قويه وما استسلم مابا ارجع لحالتي النفسيه اللي عشتها قبل .. مابا ارفض الحياه .. حبك يا خالد علمني كيف اواجهه وكيف ادافع عن حقي
وانا عاهدت نفسي اني بوقف حتى فوجه الريح لو استلزم الامر
مها : تصدقين اعتقد فطامي مضايجه منا ليش انه ما خبرناها بسالفة مريوم وحمود بس نحن اشو يخصنا حمود هو اللي قرر هالشي ونحن انجبرنا انطيع شوره ولا انتي شو رايج
خوله : خالد تعال وداوي كل جرح سببته فصدري .. يقولون انه الزمن يعالج الجروح .. بس هالكلام مب صحيح اذا الانسان جان جرحه فقلبه فمحد يداووي هالشي غير الحب نفسه ..
مها تقطعلها حبل افكارها : حوووووووووه انتي بلاج ساكته صارلي ساعه يالسه اسولف معاج وانتي ولا على بالج
خوله بتوتر : هاه مهاوي من متى انتي هنيه اعذريني كنت سرحانه شوي
مها وهي تمسح دمعتها : هيه امبين .. يعني يالسه تفكرين اوك فهمنا .. بس ليش هالدموع غناتي ..
خوله : مضااااايجه حدي مهااوي يعني موضوع فهد .. وفاطمه وحمود .. وووو
مها تقاطعها : وخاااالد صح .. هالدموع مش عشان سالفة فهد وحمود لا يا ماما انتي قلبج ينزف من داخل
خوله وما قدرت تستحمل وتمت اتصيح فحضن مها : مهوووي قوليلي انا شو اسوي من غيره .. والله حاسه نفسي بختنق .. عمري ما حبيت احد كثر ما حبيته .. صرت اشوف كل شي حلو بس وانا حذاله يمكن انا عميا بس هو جان بالنسبه لي النور اللي ينورلي دربي .. خبريني كيف انساه ..انا ما اقدر انساه احبه مهاوي احبه .. عسب جي انا حاسه بفهد وخايفه يصيرله شي وفاطمه المسكينه يالسه تشوف وحده ثانيه تاخذلها زوجها وهي ما عارفه كيف تتصرف معقوله تحارب البنت اللي يحبها ريلها اكيد بتطلع خسرانه في النهايه ومريم قويه واللي براسها بتسويه.. اه ليتج كنتي تحبين ع الاقل قدرتي تحسين بالالم اللي بداخلي آآآآآآآه يا مهاااوي
مها بضيج : انا حبيت وخلصت خوواااالي
خوله باستغراب : مها من صدقج انتي تحبين
مها بتوتر : لا فديتج بس كنت اسولف معاج .. يالله الحين خلينا فمشكلة فطامي نشي خلينا ننزل ونيلس معاها شوي
خوله : اوكي فديتج خلينا انروح عسب ما نحسسها انها غريبه ونوقف معاها فهالظروف الصعبه ..
مها وهي تتنهد : الحمدلله ما انتبهت لشي ..الله ستر وعدا كل شي على خير
~ ~ ~ ~ ~~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في بيـــــت بو هلال
ساره بخوف : سعيد الله يهداك انته ليش خبرته باللي صار امبينا احينه محد بيتورط غيري
سعيد : اشو تبيني اسوي انا يوم حبيتج شوقي لج جان فاضحني عسب جذا ما قدرت اخبي مشاعري
ساره : الله يستر احينه اكيد بيعصب عليه .. ويمكن توصل للطق والتكفيخ ويمكن يذبحني وهالشي مش غريب على هلول يسويها .. هذا مينون والزم ما عليه محد يهين كرامته .. وانا يوم رمستك اكيد هنتها ونزلتها الارض بعد
سعيد : سارونه حياتي بلاج عاطيه الموضوع اكبر من حجمه خلاص فديتج اللي صار صار وهلال اكيد بيتفهم
ساره بخوف : هلااااااااااااااااااااااااااااااااااااال وصكرت الخط
هلال بابتسامه : هيه هلال بلاج شايفه جني قدامج
ساره بتوتر : لا ما قصدي جذا .. بس
هلال : خايفه اكفخج صح .. يعني انتي عارفه انج غلطي يوم كلمتي واحد من وراء اهلج
ساره : هلال والله سعيد غير .. انا اول ما شفته ارتحتله
هلال : لا يا ساره مستحيل تقدرين تحكمين على الشخص من اول نظرة .. انا لو ما عارف سعيد عدل كنت قتلج انه بيقص عليج .. حبيبتي الشباب عندهم الف طريق عسب يوصلون للبنت اللي يبونها
ساره : هلال انا والله ما رمسته الا لما حسيته انه ناوي يتزوجني .. بس انا توني فبداية الطريج فخفت اخطوا خطوه وانا مش متأكده منها .. هذا كان قصدي والله .. وتاكد ما جان غرضي العب ..
هلال : ساره انتي اقرب وحده بالنسبه لي وعارف ومتاكد انج لما غلطي ما كان قصدج اتسوين هالشي واللي صار صار ونحن عيال اليوم وبعدين سعوود طيب وحباب ومرح .. يعني زين ما اخترتي
ساره : هلال يعني انته مش زعلان مني صح
هلال وهو يبوسها على جبتها : مستحيل ازعل منج ساره بعدين انا اليوم حدي مستانس ومابا حد يكدر وناستي
ساره : ترى مبين فويهك .. اكيد ناوي تخطب
هلال باستغراب : حشا كيف عرفتي اكيد تراقبيني بجوجل ايرث .. حراميه
ساره : لا الصراحه سمعت اميه يالسه تكلم ابويه وقالها تزهبي اليوم بنسير بيت اخويه سعيد وبنخطب وحده من البنات
هلال : واميه عرفت انا على منو راسم
ساره : لا ابويه قالها هلال ماخبرني واونه ناوي يخطب بطريقه رومنسيه لانه الظاهر اللي بياخذها رومنسيه وحساسه
هلال بابتسامه : وساره اكيد عرفتها منو .. لانها الوحيده في هالبيت اللي تقدر تقراء ملامح ويهي
ساره تقاطعه : كلامك مي هميه .. واللي بتاخذها اكيد خووووووله صح ولا انا غلطانه
هلال بخجل : هيه خوله فديتها .. اه يا سارونه اخيرا الحلم اللي حلمته سنين طوويله بيتحقق .. وبتصير خوالي قربي
ساره تقاطعه مره ثانيه : وام عيالك بعد شعليك يا بابا كبرت واستويت معرس بس اشو دراك انها بتوافق يمكن ترفضك
هلال بثقه : مستحيل ترفضني انا متاكد من انها تحبني مثل ما انا متاكد اني يالس عندج احينه واشوفج
ساره :/ اوف اوف اوف وواثق بعد .. اقص يميني اذا كنتوا ما مخططيين حق هالسالفه من قبل .. ياشراانيين ونحن ولا حاسين بشي .. نايمين على اوذانا على قولة اخوانا المصرييين
هلال :هههههههااي والله ضحكتيني المهم سارونه مابا حد يعرف انا على منو راسم اوك
ساره بثقه : سرك في بير اخويه .. وانا بعتبر نفسي جني ما سمعت شي ..انته قتلي شي اساسا
هلال : ايوه جذا اباج انا لا قتلج ولا يلست عندج ولا حتى شفتج يالله بخليج احينه
ساره : اوك يالغلا ودير بالك ع روحك .. تنتظرك ايام حلوووه عند حبيبة القلب خوااالي
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
فــــي آلمستشفى
غاده : دكتور يعني متأكد انه في امل انه اخوي يرجع يمشي شرات قبل
الدكتور يقاطعها : واحسن بعد .. اهم شي اللي بيكون عنده لازم يشجعه ويبعث الامل بداخله
غاده : دكتور اميه ما تقدر تسافر اروحها حالتها حاله واختي نوف عليها اختبارات يعني اكيد انا اللي بكون عنده
الدكتور : غاده انا بصراحه معجب بشخصيتج بصراحه اول مره اشوف بنت قويه شراتج عمري ما حسيتج ضعيفه
غاده : دكتور كنت ضعيفه من قبل .. وغمضت عيوني وفتحتها وحصلت نفسي في الشارع .. هالزمن يباله قلب قوي
الدكتور : وهذا اللي كنت انا ابا اوصله .. لازم تحسسين عادل بانه قادر يواجهه كل الصعوبات اللي بتواجهه لازم ما تحسسيه انه ضعيف .. كل ما ضعف قويله عزيمته . . هالعلاج يعتمد على نفسية الشخص بعد
غاده وهي تتنهد : ان شاء الله دكتور .. بسوي كل الي اقدر عليه واكيد ما بقصر .. والله يفرجها علينا
الدكتور : الله كريم .. اهم شي يكون ايمانج يالله قوي وصدقيني كل شي بيتسهل
غاده : ونعم بالله .. الحمدلله على كل حال .. المهم دكتور خبرني متى بنسافر
الدكتور : ان شاء الله بعد كمن يوم انا بضبط اشوية امور وعقبها بخبرج .. وانتوا خليكم جاهزين
غاده : مشكووور دكتور وقفتك هذي عمري ما راح انساها لك .. لو ما انته الله العالم اشو صار فينا
الدكتور : ولو اخت غاده مالها داعي هالرمسه .. وتأكدي ما سوينا غير واجبنا .. وعقبال ما تفرحون بسلامة عادل

غاده : والله يا دكتور اذا الله فرجها علينا وصار عادل بخير لك من عندي هديه .. افضالك وايد علينا ..
فــــــــــي بيــــــــــت بـــو حمود
مها كانت يالسه اتفكر : ياربي اخاف ادق حق سارونه وتفهم غلط .. بس انا اذا ما اتصرفت يمكن الموضوع بين فاطمه وحمود يكبر .. وعقبها رن تلفونه- ياربي هذي ساره-خلاص انا بفاتحها في الموضوع واللي يصير يصير..هلا ساروتي
ساره بابتسامه : هلا مهاوي هلا بالغاليه اشحالج
مها : الحمدلله زينه انتي شحالج وشخبار حبيب القلب
ساره : والله فديتج كانوا اليوم معزمين يزورونا بس ابويه بيسير يخطب حق هلول اليوم
مها وهي منصدمه : هلاااااااااااااااااااااااااااااااااال متى وكيف وليش
ساره باستغراب : مهاوووي حياتي بلاج استغربتي اليوم بيزوركم في البيت
مها وهي تتنهد وسرحت : معقوله حس فيني وفهم نظراتي .. لا اكيد قراء رسالتي عسب جذا قرر انه يتقدملي الحمدلله ياهلال طلعت تحبني شرات ما احبك وبتكلل حبنا بالزواج .. الحين انا مش ندمانه لاني سلمتك عقلي وروحي وقلبي
ساره : مهوووووووووووي وينج حياتي ليش سرحتي
مها حبت تغطي ع الموضوع : بصراحه انا ابا اكلمج بخصوص مريم .. فاطمه بدت اتشك .. ياليت لو تكلميها
ساره : سمعيني مهااوي انا بالاول كنت نفسج اتحسب مريوم هي اللي تركض وراء حمود بس اتصال حمود اليوم صدمني .. وللاسف مريم طلعت اعقل عن حمود تخيلي يبا ياخذ مريم ويطلق فاطمه بس مريوم ما رضت
مها بعصبيه : ساره من صدقج اكيد قصت عليج بجم كلمه وصدقتيها يعني ما تعرفين مريم وحركاتها
ساره بعصبيه : مهووي انزين ليش عصبتي بس لاني غلط على حمود هذي انتي صارلج ساعه اتسبي فاختي وانا ساكته ولا قلت شي .. بس مريم اثبتتلي وكلمته جدامي اشو تبين دليل اكبر من هذا
مها بتوتر : ساره حبيبتي انا اسفه اعذريني .. ما قصدي ارفع صوتي عليج .. بس كلامج فاجأني معقوله حمود !!
ساره تقاطعها : هيه حبيبتي للاسف حمود الي يالس يركض وراء مريم واذا تبين تنهين هالسالفه .. خلي حمود يكبر عقله ويحافظ على زوجته وعياله ويخلي مريم اتشوف حياتها .. عسب لا صار شي عقب لا تقولون هالبلاوي من ورى مريم .. مها انا بروحي حابه هالسالفه تنتهي على خير
مها بضيج : خلاص ساره اكلمج عقب حياااتي
فاطمه كانت تلاعب مايد : ميووودي حبيبي قول ماما فاطمه
حمود يقاطعها : لا حبيبي لا تقول ماما فاطمه قول بابا حموود
فاطمه صدت عنه فصوب ولا عطته سالفه
حمود تقرب منها ومسك ايديها : فطامي حياتي انتي فيه شي مضايجنج .. صارلج اسبوع ما على بعضج
فاطمه وهي تفر عليه الكرت : طالع هالكرت وعقب بتفهم ليش انا معصبه وصلت فيك لدرجة انها اطرشلك هدايا للبيت
حمود بعصبيه : فاطمه انتي اشو يالسه تقولين ومنو هذي اللي اطرشلي هدايا وبطل الكرت وضحك بصوت عالي هههههههااي انا كنت متوقع انه هذي مجرد مزحه عسب اضحكيني صح
فاطمه : مستانس وايد ماشاءالله بالكلام اللي كتبته حقك
حمود وهو يضحك من خاطر : فطاامي حياتي هذا الكرت فاضي طاالعي
فاطمه وهي تاخذ الكرت من ايده : فااااااااااااضي .. وكلام الحب اللي فيه وين اختفى .. بس لحظة الحين بثبتلك
سناتا .. سناتا وينج
سناتا : نعم ماما شو يريد
فاطمه : سناتا لما وصل بوكيت الورد جان فيه كرت ومكتوب عليه كلام انتي شفتيه صح
سناتا وهي تهز راسها : ماما لا ما كان فيه كرت .. كان بس بوكيت
فاطمه وهي تشدها من شعرها : انتي شو يالسه تقولين تتحسبيني مينونه ولا شو
سناتا وهي اتصيح : ماما انته ليش كلام زياده .. ما كان فيه كرت كان بس بوكيت
فاطمه بعصبيه : انا اراويج تكذبيني تتحريني مينونه وصدت صوب حمود والله كان فيه كرت ومكتوب فيه اسيرة هواك mوجان عداله حرف ال
مها يات تركض صوبهم وكانت خوله معهم : بسم الله اشو اللي مستوي فطووم بلاج اتصارخين
خوله : فاطمه انتي مريضه شي يعورج
سناتا : ماما مها بوكيت ورد جان فيه كرت
مها : لا حسب ما شفت وسمعت جان بس بوكيت ورد وبدون اي كرت
فاطمه وهي منهاره:طالعي هالكرت جان عليه كلام غزل ويوم بطلته حصلته فاضي منو يبا يلعب معاي هاللعبه الوصخه
حمود بضيج : فاطمه معقوله اتشكين فيني .. ووصلت فيج لدرجه انج اتألفين قصص على كيفج .. اوف الواحد ما يعرف يرتاح في بيته انا طالع .. وياليت لما ارجع ما احصل تمثيليه يديده واذا تبين تعرفين اشو صار في الماضي جان سألتيني وما له داعي هالمسرحيه كلها .. واللي اباج تعرفينه مريم كانت وبتظل من المااضي فاهمه
فاطمه وهي منهاره ويلست ع الارض وتمت اتصيح وتتوسل سناتا : سناتا الله يخليج قولي الصدق لا اطلعيني جدامهم مينونه واني يالسه اتوهم واطلع كلام من عندي خبريهم انه كان فيه كرت وعليه كلام غزل
خوله وهي تمسح على راسها : فطاااامي حياتي لا اتقطعين قلبي انا مصدقه كل كلمه تقوليها
فاطمه وهي تحضنها واتصيح : خوالي والله اني ما يالسه اطلع رمسه من عندي الكرت ما جان فاضي
في وسط هذه التمتمات فقدت فاطمه وعييها فرمت بثقلها وهموما فسقطت ليلامس رأسها صلابة الارض وسقط من يدها الكرت الذي كان سلاحها الوحيد لاثبات خيانة حمود لها ولكن كل شي صار ضدها
مها بخوف : فطامي حياتي نشي .. اشو صار عليج ردي علي لا تمي ساكته سناتا بسرعه يبي قلاص ماااي
سناتا بخووف :اووكي ماما