لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 13-03-10, 07:08 AM   المشاركة رقم: 51
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

من آحــــدآث آللحــــظهـ آلســـــآبعه



فاطمه وهي اتصيح : ليش يا حمود اتسوى فيني جذا انا ما قصرت معاك عطيتك وقتي حياتي مستقبلي حتى دراستي رفضت اني اكملها بس عسب ما احس فلحظة اني مقصره معاك عطيتك روحي قبل ما اعطيك قلبي وعقب كل
هـ العشره تجازيني بهالطريقه ع الآقل احترم وجودي .. تتصل فيك جدامي .. وانته بمجرد انه تلفونك يرن روحت سيده اتكلمها ولا اهتميت بمشاعري حسافه بس لهالدرجة انا رخيصه عندك حتى اسمي خبرتها عنه ما توقعت فيوم اني برخص فعينك .. معقوله يا حمود اتسوى فيني كل هذا بس لآنه محد عندي يدافع عني

~~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

:


:


:

خوله وهي متخيسه من الصياح : ما فيني شي ؟؟ وحضنت مها وكملت كلامها .. كيف بعيش من دون خالد وهو حول حياتي من كابوس لاحلام ورديه ليش رسملي احلام واماني وعقبها خلاني .. ساعديني مها انا حدي تعبانه .. احس همومي يوم عن يوم تزيد .. ما ادري متى برتاح .. حتى لما حسيت ا ني حبيت وفي حد حبني طلع هذا كله وهم ..
تعبت والله تعبت .. محد بقالي غيرج مها لا تخليني الله يخليج ..

 
 

 

عرض البوم صور راعية الفزعة   رد مع اقتباس
قديم 13-03-10, 07:10 AM   المشاركة رقم: 52
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

آللحـــــــــظة آلســـآبعه


بو خالد : يالله يا بنيتي اهم شي تفرحينا بنسبة كبيرة تخليج تعتمدين على نفسج
احمد قاطعهم : بابا اصلا روضه وايد شاطره لا تخاف عليها
روضه وهي تبوس احمد : فديت روحك حمود انا من غيرك ما اسواء شي وشافت محمد منزل راسه وشوي بيصيح وسارت صوبه .... حمود اشو بلاك حبيبي ترى حتى انت تسوى عندي الدنيا وما فيها
محمد وهو يحضنها : انا بعد اموت عليج رورو
ام محمد بعصبيه : محمد منو رورو من وين تجيب هـ الالفاظ
روضه بابتسامه : انا رورو تعرفين اسمي وايد كبير عليهم فخبرتهم يزقروني رورو اسهل ولا اشرايك باباتي
ابو خالد : فديت منطوقج الغاليه عيالي دام انهم معاج ما عليهم خوف
ام محمد : اشو تقصد يعني انا ما عرفت اربيهم
روضه حاولت اتغير الموضوع : باباتي وين خالد معقوله للحين راقد
بو خالد طنش ام محمد وما رد عليها : خبر ت سوزي تسير ازقره بس الظاهر نومة اخوج ثجيله
روضه : ما ينلام باباتي امس رد البيت متأخر
بو خالد بعصبيه : اشو الساعه جم راد
روضه بتوتر : هاه ما ادري بس اعتقد الساعه 3
خالد يقاطعهم : صبحكم الله بالخير كأني سمعت حد يطريني .. واذني صارت تعورني يـ الله قولوا شو حشيتوا فيني
بو خالد : ما طريناك الا بكل خير
خالد وهو يبوس راس ابوه : صبحك الله بالخير يالغالي
بو خالد : الله يصبحك بنور يالله جلس اتريق وراك دوام
خالد : لا ابويه حاس نفسي تعبان وخذيت اجازه مرضيه
ام محمد تقاطعهم وبدون نفس : اشو الطاري ماخذين اجازه فنفس اليوم اكيد ناووين على شي
روضه : انا عن نفسي ما خذه اجازه عسب اذاكر
خالد وهو مستانس : رورو صج ما بداومين اليوم
روضه باستغراب : ليش خالد اشو عندك
خالد : لا فديتج بس كنت اباج تسيري عندي مشوار
ام محمد تقاطعهم : انا داريه انه وراء هـ السالفه شي
بو خالد : خالد وين تبا تاخذ اختك
خالد : ابويه الله يهداك انا اخوها يعني وين باخذها بس اباها تساعدني فشغله تعرف رورو ماشاء الله عليها
...عاقله ...........وفاهمه وانا ابا استشيرها فشي مهم
بو خالد بابتسامه : خلاص عيل انا بسير الشركه ولا خلصتوا مشاويركم مروا علي
خالد : ان شاء الله ابويه على امرك
ام محمد : هاه خبروني اشو تحت راسكم هذا وابوكم طلع فما يحتاج تخبون علي شي
خالد بابتسامه : خالتي هـ الموضوع بيني وبين اختي فلا تشغلين بالج .. يعني موضوع خاص
ام محمد بقهر : خلاص اللي يريحك خالد
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
فــــــــــي آلمستشفــــــــــــــــــــــــــــى
مها : هاه دكتور طمني شخبارها احينه
الدكتور : الحمد لله صارت زينه وصد على خوله : هاه خوله تبي اتمي معنا ولا تردين البيت
خوله بابتسامه : لا دكتور ابا ارد بيتنا
الدكتور : افا لا يكون حد قصر معاج بشي
خوله : لا دكتور ما قصرتوا الصراحه فيكم الخير ... بس اشتقت حق بيتنا
الدكتور : المهم اخت مها تقدرون اتخلصوا اوراقها واطلعوها .. انا الحين بكتبلها على رخصه ..
مها : الله يبشرك بالخير دكتور مشكور
الدكتور :لا شكر على واجب يالله اترخص احينه
مها : اذنك معاك ....
خوله وهي طايره من الفرح : اوف اخيرا برد البيت
مها : اللي يسمعج يقول من شهر بالمستشفى كلها جمن ساعه
خوله : ولو اشتقت لا ابويه وامايه يوم ما ابوس راسهم احس فيه شي ناقصني
وسمع بو حمود رمست خوله واشر على مها انها تسكت
بو حمود وهو يبوس راس خوله وعقب يات امها وباسته
خوله بابتسامة عريضة : مهاوي كأني شميت ريحه اميه و ابويه
مها : لا خوالي الله يهداج سرتي بعيد .. أمي وأبوي اصلا ما يدروا عن هواء دارج اكيد الحين راقدين
خوله بابتسامه عريضه وهي تطنش مها : ابويه اميه شحالكم
بو حمود وهو يبوسها : فديت روحج خوالي نحن بخير بشوفتج انتي شحالج طمنينا عليج
خوله : شفتي مهاوي الا ريحة اميه وابويه اميزها بين مليون ريحه .. فلا تفكري تلعبي معاي مره ثانية
ام حمود : خوالي ابنيتي اشو استوى عليج خوفتينا
خوله : امايه ما فيني الا كل خير بس حسيت بضيجه وخبرت فهد ايوديني الدختر وانا قتله ما يخبركم عسب ما تتضايجون ع الفاضي واخوفكم علي بانصاف الليالي .. وهذا انا صرت بخير بعد ما عطوني شوية فيتامينات

 
 

 

عرض البوم صور راعية الفزعة   رد مع اقتباس
قديم 13-03-10, 07:10 AM   المشاركة رقم: 53
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

بو حمود : ولو خوالي جان لازم اتخبرينا
مها وهي اونها تصيح : باباتي ماماتي وانا محد بيبوس راسي
بو حمود وهو يطالعها بنص عين : انتي يبالج ضرب .. ولا هذي سواه تسووها ..
مها بخوف : ليش ابويه انا شسويت
بو حمود : انتي وفهد وحمود هـ السالفه ما بطوفها حقكم .. وخلوني اوصل البيت وانا براويكم شغلكم
مها وهي تركض ورا امها وتحضنها : اميه انا شو سويت .. عسب يعصب علي بهالشكل
ام حمود بابتسامه : لا تحاتين شي يا بنيتي هو الحين بس مضايج وعقب بيهدا ولا ها اسواه تسووها يا مها اطلعون خوله بانصاف الليالي ولا فكرتوا حتى تخبرونا نشينا الصبح ونحن ميتين خوف عليكم .. تحريت صار فيكم شي
مها بضيج : امايه خوله ما فيها الا كل خير فليش نزعجكم على الفاضي وبعدين لو تميتوا معها يمكن تتعب اكثر
ام حمود بعصبيه : اشو يعني لا شافتنا يالسين عندها بتتضايج وبتتعب .. ودري عنج هالرمسه اللي ما وراها فايده
مها انتبهت انها زلت بكلامها : ها لا امايه ما قصدت شي بس هي قالت لو خبرناكم بالسالفه كانت بتتضايج
والدكتور قال اهم شي راحتها عسب جذا نحن قررنا ما نخبركم ..وركزي على قررنا لانه خوله مشتركة معنا بالجريمة
ابو حمود يقاطعها : افا خوالي وجودنا صاير يضايقج
خوله بابتسامه : ابويه ليش اخوفكم بانصاف الليالي الدكتور خبرنا انه بس شويه ارق ابويه الله يخليك امسحها فويهي هالمره واوعدك المره الثانيه اذا تعبت بدق بابك قبل ما ادق بيبانهم كم بابا انا عندي .. اهم شي لا تكدر خاطرك
بو حمود وهو يبوس جبهتها : عشان بس خاطر هـ الضحكه بطوفها هالمره بــــ ْ..........ـــس
مها اتقاطعه : لا بس ولا شياته المهم انك رضيت علينا ........ الله لا حرمنا طيبة قلبك قالتها وهي تبتسم
بو حمود : المهم طمنوني اشو قال الدكتور
مها : ابويه قال خلصوا اوراقها وعقب نقدر نطلعها .. هو كتبلها رخصه .. انته سير راجعهم
بو حمود : خلاص عيل انا بسير اشوفهم و اخلص الإجراءات
مها : تمام ابويه ونحن بنتزهب لحد ما اتخلص
وعقبها رن التلفون
مها بتوتر وهي سايره صوب خوله وبصوت خفيف : خوالي ها خالد
خوله بخوف : مها هب وقت مصخرتج احينه
مها : والله ما يالسه اقص عليج شوفي انتي كلميه وخبريه انج بتترخصين وانا باخذ اميه وبطلع برع
ام حمود : مها اشو بلاج يالسه تساسرينها اشو عندكم .. لا يكون ناويين على شي من ورانا
مها بتوتر : الله يهداج امايه بس خوالي فديتها من الصبح ع لحم بطنها خلينا نسير ناخذلها ريوق
ام حمود بعصبيه : وانتي اشحقه ما خذيتيلها اكل هاه
مها : اميه الله يهداج انا وين فضيت يا الله خلينا انسير
ورفعت صوتها وصدت صوب خوله .. خوالي نحن طلعنا الحين وراح نشتريلج كل اللي تتمنيه
ام حمود وهي تشوفها بنص عين ومستغربة من تصرفاتها : يا الله طوفي جدامي
خوله بتوتر: الو
خالد : هلا بهـ الصوت هلا بغناتي هلا والله بعمري كله
خوله بخجل : اشحالك خالد
خالد : تصدقين والله تعبان
خوله بخوف : اسم الله عليك امس كنت بخير اشو استوى عليك
خالد : اآآآآآآآآآآآآآآآآآآآآآآآآه خوالي تصدقين وانا بعيد عنج كل امراض الدنيا فيني
خوله : الله يهداك خالد لا تيلس تفاول على عمرك
خالد : تخافين علي غناتي
خوله : اذا ما خفت عليك على منو ا خاف
خالد :انزين تحبيني
خوله وهي مستحيه وصار فيها ستة وستين لون : هيه احبك
خالد : عساني ما انحرم منج غناتي المهم طمنيني عليج كيف صحتج احينه
خوله : الحمدلله صرت بخير والدكتور جان من اشوي عندي وقالي ما يحتاي اتم فالمستشفى واحينه بياخذوني البيت
خالد بضيج : ياربي على كثر ما فرحتيني انج استويتي بخير على كثر ما ضايجتيني احينه كيف بقدر اشوفج
خوله : خلاص خالد اذا وجودي فالمستشفى يريحك بسوي نفسي مريضه وبتم هنيه
خالد : لا غناتي الله يخليج لا تقولين جذا... انا كلها كمن يوم وبفاتح ابويه فموضوعنا
خوله : انزين خالد بخليك احينه اخاف احد يدخل ويشوفني يالسه اكلمك
خالد : اوكي حبيتبي الحمدلله ع سلامتج وخطاج السوء
خوله : الله يسلمك ان شاء الله دير بالك ع روحك خالد
خالد وهو اونه معصب : خوالي تراج طفرتيبي
خوله بخوف : ليش خالد انا اشو سويت
خالد : طول الوقت وانتي تزقريني خالد لعنبوه دلعيني اشوي قولي حبيبي ومره عمري وآختميها حياتي
خوله وهي ميته ضحك : اتحسب عندك شي
خالد وهو يسوي روحه زعلان : افا خوالي ما كنت متوقع اني صغير فعينج لهالدرجه
خوله : لا خالد لا تقول جذا انته فنظري كبير وبتم كبير
خالد : فديت روحج يا عمري يالله احينه بخليج وهـ الله هـ الله فنفسج

 
 

 

عرض البوم صور راعية الفزعة   رد مع اقتباس
قديم 13-03-10, 07:11 AM   المشاركة رقم: 54
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

خوله : خالد بشتاقلك وايد
خالد : عمري لا تحاتين شي كل يوم بجي عند فهد وبتحسين بخطواتي وبتشمي ريحتي يعني ما بفارقج ولا ثانيه
خوله : خلاص عيل عمري كل يوم بترياك بس بشرط
خالد : طلباتج اوامر حبيبتي امري اشو فخاطرج
خوله بابتسامه : يوم تيا ترمس عند فهد انا بكون في المريحانه وياليت لو اسمع صوتك اغنية او شلة او اي شي المهم تسمعني صوتك
خالد : فديتج غناتي ما طلبتي شي واعتبري اللي طلبتيه صار .. بس صعب اغنيلج اخاف فهد يشك بشوفج من بعيد
خوله باقتناع : انزين ابا اطلبك طلب ثاني بعد
خالد : هاه غناتي اشو خاطرج
خوله : اباك توعدني انك اليوم بالليل بس اليوم تمر صوب بيتنا وتشلي شلة
خالد : ان شاء الله عمري وهالطلب بعد اعتبريه صار .. لو اني خايف شوي بس مب مشكلة لأجل عين تكرم مدينة
خوله : وعــــــــــــــد
خالد بابتسامه : وعد غناتي قتلج ما طلبتي شي يالغاليه
خوله : خلاص عيل بخليك احينه اخاف اميه تدخل ونتورط
خالد : اوكي غناتي ربي يحفظج وهـ الله هـ الله فنفسج ..
روضه بابتسامه : ياويلي على الغراميات والله وصرت تحب خلود وين كلامك اول انا ما اؤمن بالحب وهذا كله خرابيط وفي النهايه طحت طيحه ومحد سما عليك سبحان مغير الاحوال .. صراحة طلعت ما قد كلمتك
خالد : بسم الله الرحمن الرحيم اللهم اسكنهم في مساكنهم .. أنتي من وين طلعتي
روضه بعصبيه : اشو فيك شايف جدامك جني ولا شيطان
خالد وهو ميت ضحك على كلامها : لا صدق رواضي انتي كيف وصلتي هنية
روضه تقاطعه:من وين بعد بطلعلك طلعت من باب الصاله شفتك في الحديقة وقلت اجي اسلم عليك واعرف اخر اخبارك
خالد : انزين عطيني خبر عسب اخذ احتياطاتي والله وقفتي قلبي
روضه : فديت قلبك خلودي اسم الله عليك يومي قبل يومك
خالد : روضه بسج من كثر ما تتغزلين فيني لو تسمعج خوله جان قطعتج قطعه قطعه
روضه بعصبيه : افا واشو دراك انها بتغار عليك تو الناس ع الغيره ..
خالد وهو ميت ضحك : اشو ما تغار تدرين يوم دقيتي علي وخبرتج اني عندها عصبت علي وقالتلي سير عندي اللي يالس ترمسها وماخذ راحتك معها ع الاخر .. وكانت بتطردني من الغرفة بس ربج ستر
روضه : حشا لهـ الدرجه تموت عليك انزين خلود خبرني اشو استوى امبينكم ملهوفه اعرف اشو صار

ضل خالد يروي قصة عشقة وكيف خفق قلبه وتسارعت انفاسه عندما تلاقت عينه في عينها ولامست ذراعه كفيها وختم شفتيه على جبهتا وفي راحة يديها فالحب في قلب المرأة كاللؤلؤة في المحيط لا ينالها الا الغواص الماهر فاستطاع خالد ان يسلب قلبها كما استطاعت هي ان تسرق قلبه فالإنسان لا يحب حبا صادقا الا مرة واحدة في حياته ويبذل كل جهده ليحافظ على هذا الحب وذلك الكيان المتربع في كل جسد
~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ ~ ~ ~ ~
في بيـــــــــت بو حمـــــــــــــــود
فاطمه بخوف : حمود تتوقع عمي بيعدي هـ السالفه ع خير
حمود : لا والله ما اعتقد تعرفين ابويه كله ولا خوله احينه بيرد من المستشفى واكيد بيبهدلنا بهدله محترمه
فاطمه : لا ما اعتقد دام انها خوالي بخير اعتقد بيطوف السالفه وبينساها
حمود : الله يسمع منج الا وين فهد
فاطمه : ضنتي انه نزل تحت ياكله لقمه من امس ع لحم بطنه
حمود : تصدقين حتى انا يوعان خلينا ننزل تحت
فاطمه : سير انته بسبح العيال وعقب بلحقك
فاطمه : ميره اميره يالله حبايبي قومن بسكن رقاد
حمود نزل الصاله وحصل فهد يالس ياكل
حمود : حشا فهود ما خليتلنا شي كليت الخضر واليابس
فهد وهو ميت ضحك : شسوي عاد حدي يوعان محد قالكم ما تنزلون سناتا من الصبح يالسه تزاقر وانتوا مطنشين
حمود : كل احينه كلهن جمن ساعه وبيرجع ابوك وبيغسل شراعك
فهد جان ياكل وغص : وليه نسيت سالفته خير شر
حمود : يود هذا قلاص ماي اشرب لا تموت علينا الحين .. ترى مب ناقصين مصايب
ودخل بوحمود واول ما شاف حمود وفهد عصب
بو حموود : ما شاء الله يالسين تاكلون هاه ناس رجولها في الماي وناس رجولها في النار
حمود وهو يهدي ابوه : الله يهداك ابويه شوف خوله صارت بخير ما جان لازم نخبركم ونزعجكم تالي الليل
فهد وهو يقاطعه : حمود صادق ابويه نحن الصراحه ما يرضينا نخرب عليك رقادك
بو حمود : هذي الغاليه اذا صار فيها شي مالي عيشه من غيرها
خوله وهي تحضن ابوها : اسم الله عليك ابويه لا تيلس تفاول على روحك انا ما فيني الا كل خير
بو حمود ودمعه نازله من عينه : كافي اللي ياج مني ياخوله ماباج تتعذبين اكثر بسبتي
خوله وهي تقاطعه:هذي قدرة الله وانت مالك ذنب واللي كاتبه الله بيصير لا تيلس تعذب روحك بالتفكير انا من لي غيرك
مها : اميه الله يخليج ودي ابويه غرفته اخاف خوله تتعب
ام حمود بضيج : بو حمود تعال اباك بكلمة راس ..

 
 

 

عرض البوم صور راعية الفزعة   رد مع اقتباس
قديم 13-03-10, 07:11 AM   المشاركة رقم: 55
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

خوله وادموعها اربع اربع : اه ابويه متى بريحك عارفه انك شايل همي يالله يارب تفرجها عليه وتهونها على ابويه
فهد وهو يبوس راسها : خوله الله يخليج لا تضايجين روحج اخاف تتعبين مره ثانيه
خوله بحزن : لا تخافون علي انا عاهدت نفسي انا بواجه قدري حتى لو جان قاسي ولا برجع للحاله اللي كنت فيها
فـــــــــــــي آلشركه عند بو خـالد
السكرتيره : بوخالد فيه مكالمه من الخارج ويقولون انها مهمه
بو خالد : خلاص عبير حوليلي الخط
السكرتيره : على امرك بو خالد
بو خالد : السلام عليكم
..: هلا بو خالد وعليك السلام ورحمة الله اشحالك
بو خالد : الحمدلله انا بخير امر اخويه بعدني ما عرفتك
...: انا بو فيصل شريكك في مشروع المنتجعات اللي باستراليا
بو خالد : حيالله بو فيصل هاه بشر كيف المشروع
بو فيصل : والله الحمدلله كل شي تمام بس محتاجين شوية اوراق ولازم توصلنا اليوم او باجر
بو خالد : خلاص انا احجز اليوم وباجر ان شاء الله اكون عندك بس ياليت لو تخبرني شو نوعية الاوراق اللي تباها
بو فيصل : لا بو خالد انته ما ينفع تسافر لانه في مندوب استرالي بيجي عندك خلال هاليومين عسب تتفقون ع كل شي
بو خالد بضيجه : عيل اشو الحل احينه
بو فيصل : انته طرش ولدك خالد كلها اسبوع وهالمشروع ارباحه وايد وما نبا هالفرصه اتروح من بين ايدينا
بو خالد : خلاص بو فيصل الحينه ادقله انته خبرني بس اشو الاوراق اللي تباها وخالد من باجر بيكون عندك
بو فيصل : برسلك الاوراق عن طريق الفاكس ومحتاجين النسخه الاصليه من كل ورقه
بو خالد: صار يا بو فيصل على خير ان شاء الله
بو فيصل : الله يقدم اللي فيه الخير بخليك احينه
ورفع بو خالد سماعة التلفون واتصل بخالد
خالد : تصدقين رواضي متلهف لحزة ا لليل ابا اسير عند فهد واشوفها حدي مشتاقلها
روضه : حشا خلود الظاهر خوله عرفت كيف تخليك تحبها
خالد : اه بس احس قلبي وروحي خاطرهم يرفرفون حولها
روضه :: لا تشغل بالك كلها كمن ساعه وبتغيب الشمس وبيظهر القمر وبتشوفها
خالد : بس الساعات احسهن سنين
روضه : انزين يا الرومانسي تلفونك يرن
خالد : هذا ابويه اتصدقين ما نتبهت .. خليني اشوفه شو يبا
روضه : الظاهر خوله بتنسيك حتى نفسك الله يكون فعونك
خالد : بسج من كثر ما تطنزين خليني اشوف ابويه اشو يبا .اسكتي شوي وحط ايده على شفايفها عشان يسكتها
بو خالد بعصبيه : اشو بلاه هذا ما يرد متى يا خالد بتحس فيني وبتشيل شوي من الحمل اللي صارله سنين على راسي
خالد : هلا والله بالغالي
بو خالد بعصبيه : انته وينك من الصبح يالس ادقلك وحضرتك ما ترد
خالد : ابويه الله يهداك هدي شوي كنت اسولف عند روضه وما انتبهت
بو خالد : انزين اسمعني مدد اجازتك اسبوع
خالد بضيج : ليش ابويه عسى ما شر
بو خالد : تعال عندي الشركه وعقب بتفهم كل شي
خالد : على امرك ابويه نص ساعه واكون عندك
روضه اول ما شافت علامات الحيره والتوتر فويه خالد انتابها الخوف : خالد اشو مستوي بلاك مدوده
خالد : هاه لا ما فيني شي بس ابويه يباني امدد اجازتي اسبوع واسير صوبه الشركه
روضه بخوف : واشو يالس تتريا اكيد ابويه محتاجلك فشغلة ضرورية سير وقف معاه
خالد : خلاص فديتج انتي سيري داخل وانا الحين بسير واشوف اشو عنده
روضه : انزين اول ما توصل دقلي عسب اطمن انه ما مستوي شي كايد
خالد وهو يأشرلها من بعيد : اوكي اكيد بطمنج انتي لا تشغلي بالج
~ ~ ~ ~ ~ ~ ~ ~ ~ ~~~ ~ ~~ ~ ~ ~

فــــــــــي غرفة مريم
مريم وهي يالسه تلعب بتلفونها : ياربي شسوي احينه ادق ولا ما ادق اخاف فاطمه تكون عنده واتورط
ساره وهي تقطعلها حبل افكارها : بلاه ارسطو مودر كتبه ويالس يفكر
مريم : .................................................. ........
ساره وهي تبوس يدها من ورا وجدام : الحمدلله والشكر العقل نعمه يا ناس مريييييييووووم اصحي ماماتي نشي
مريم وهي اطالع ساره : حووه انتي بلاج اتصارخين حد قالج اني صمخاء صج انه ما عندج اسلوب
ساره : انزين شوي شوي علينا ما قلنا شي كل هذا بس لاني قطعت حبل افكارج
مريم بعصبيه : لعنبوج انتي محد علمج قبل ما ادشين حيرتي ادقين الباب استأذني يمكن انا مابا اشوفج
ساره باستغراب : حشا مب رازيه علينا دخلتنا هنيه والله لو ادري انج بتبهدليني بهالطريقه جان ما ييت صوبج

 
 

 

عرض البوم صور راعية الفزعة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
آخر لحظات العمر, آخر لحظات العمر بقلم kesat 3thab, kesat 3thab, رواية آخر لحظات العمر بقلم kesat 3thab, قصة آخر لحظات العمر بقلم kesat 3thab
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:20 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية