تنقل للقسم المناسب

الجزء السابع
من صفحات الذاكره ((( من ذكريات الماضي
قبل وفاة عبدالله بعدة ايام
عبدالله في بيت العنود قبل اجتماعهم بالبيت الكبير (لاحظو بيت زوجها حيث انها لازالت متزوجه من بو حمد )
عبدالله \وش اسوي يا اختي قولي لي وش اسوي ؟؟؟
العنود بحيره مماثله \ما ادري ....ما ادري طيب هو ليه يسوي كذا
عبدالله \اخوك وتعرفينه واللي قاهرني اكثر محمد ماتدخل ابد كأن الوضع عاجبه
العنود\ هدي يا اخوي انشاءالله بتنحل
لحظات ودخل عبد الرحمن (زوج العنود وكان فاصل )ويخربط بالحكي
العنود اختبصت اخوها هنا وبيعرف قامت بسرعه ودخلته داخل ورجعت وهي تتحاشى تطالع عبدالله
عبدالله بشك \وش فيه بوحمد
العنود وجهها اصفر \هااا ...يقول ...تعبان ..اي تعبان
عبدالله وهو يناضرها بنظره \العنود ...زوجك يشرب؟؟؟؟
العنود ارتعبت \منو قال ...يكذبون عليك
عبدالله بغضب\انا اللي اقول زوجك يشرب
العنودبخوف \ما ادري
عبدالله \عنود ...لاتكذبين
العنود\اي ..يشرب
عبدالله\وليه ما قلتي من قبل
العنود\وش اقول وبعدعا وين ارو حانا وعيالي
عبدالله بحميه\بيوتنا مفتوح هلك قولي له يعدل وضعه والا لايلوم الا نفسه
العنود\انشاالله ..حبت تغير الموضوع ...أقول وش اخبار حصه من زمان عنها
عبدالله على طاري حصه تغير مزاجه \بخير ...لا وابشرك حامل
العنود بفرحه حقيقيه\مبروك الله يتمم لها على خير
عبدالله \امين ....اقول قومي نادي بسمه خل نمشبي
العنود\حاضر اللحين ....راحت نادتها ومشى عبدالله لبيته حيث هناك مصيبه اخرى تنتظره
******************
الوقت الحاضر
بيت العنود (لاحظو بيت ابوها اللي عاشت فيه بعد وفاة زوجها )حيث الموقف متأزم

خالد بعصبيه رفع يده وبأقوى قوته ضربها كف على وجهها طيحها بالأرض بعدها رجفها ببطنها بكل قوته \مره ثانيه لا عاد تطولين لسانك ...فاهمه
خواته مصدومين ومو قادرين يتكلمون ....آمال قامت ورغم الألم اللي فيها تفلت عند رجله \صدق انك حقير وراحت داخل وقبل ما تدخل لفت عليه ودموعها تنزل ...الرجال اللي يمد يده على مره ماهو رجال ...ولفت بتدخل رغم كل الألم ما رضت تنهار قدامه دخات وركض على غرفتها وهي تصيح
سعود كان شاهد على الموقف جا لخالد بكل عصبية\انت وش سويت ؟؟؟؟؟
خالد ببرود\هي اللي غلطت
سعود\وتحط عقلك بعقلها استخفيت انت
خالد بملل\سعود رجاءً لاتطول السالفه وهي قصيره ...وامش خل نروح لأبوي
سعود بقلة صبر\طيب بشوف اخرتها معك بس لازم تعرف ان اللي قاعد تسويه غلط
خالد مشى ولا كأنه يسمعه ولحقه سعود للمجلس والبنات دخلو داخل
***************
من صفحات الذاكره (((من ذكريات الماضي
الساعه الرابعه والنصف عصراً
بيت عبدالله بن حمد
عبدالله دخل البيت ومالقى حصه دورها بكل مكان ومالقاها ....حصه .......حصه .....أم بندر ...وينك
بندر كان يلعب مع ياسمين
عبدالله \بندر وين الماما
بندر\راحت مع خالتي ربى
عبدالله\وين راحت؟؟؟
بندر\تقول اذا جات بتعلمني
جلس عبدالله <غريبه اول مره تطلع وما تقول >>مرت ساعه....ساعتين ....تأخرت هنا عبدالله قام يغلي شوي وينفجر ....لكن الباب انفتح ...قام بسرعه ,,,,,,,,,,,,أفجعه المنظر .....حصه متكيه على ربى
ربى تكلم حصه \بشويش يا قلبي وين ودك تجلسين
حصه بتعب \بالصاله احين عبدالله جاي
اما عبدالله الخوف عليها ذبحه جاب سرعه ومسكه\وش فيك ,,,وش صار لك ......ربى وش صار لها؟؟؟؟
ربى انا جيت لقيت الباب مفتوح وشفتها مغمي عليها اخذتها للمستشفى وما ادري عنها ما رضت تقول وش صار
عبدالله سند حصه للكنب \مشكوره ربى ما قصرتي
ربى\العفو وش دعوه يلا انا ماشيه ...ميلت على حصه ....اذا احتجتي شي قولي لي ...وراحت
عبدالله بخوف\وش فيك حصه وش صار لك
حصه بكت ورمت نفسها بحضن عبدالله وتعلقت فيه
عبدالله ارتعب \علميني وش فيك
حصه\جابر اخوك ارسل لك امانه
عبدالله\وش امانته ؟؟وانتي وش دخلك
حصه بقهر\اخوك ارسل واحد يعتدي علي ,,,ويقول لك سوي اللي يبيه منك وبيتركنا ......انا مالي دخل هو اللي تهجم علي
عبدالله ما احتمل اكثر قام وطلع ....اما هي بكت لين قالت بس
دخل عبدالله بيت ابوه واخوانه مجتمعين قرب وصار قدام جابر وضربه بقوه
العنود ارتعبت اول مره عبدالله يعصب كذا
الكل حاول يفكه منه لكن بدون فايده بعدها فكوهم بالقوه
جابر بحقد\ليه كذا يالمجنون هذي اخرتها
عبدالله بقهر\تستاهل اللي يجيك ياعديم الوجدان والضمير ...هذا اللي طلع معاك يالنذل ...زوجتي بنت عمك ...هذي اخرتها
جابر فهم وش فيه وما كان متوقع ان حصه تقول شي \روح وشف وش مسويه هي ولا تقول انا
عبدالله\احترم نفسك زوجتي اشرف من اللي انت قاعد تقول ....واسمع احين تقول لي من هي والا ما يردك الا السجن
جابر خاف بس ما بين \بس انا مالي دخل أصلاً انا ما ادري وش صاير
عبدالله\بتقنعني انا مالك دخل باللي تهجم على بيتي وبغيابي
جابر\لا مالي دخل ولا ادري عن شي
عبدالله \تكلم يا جابر احسن لك
جابر بعناد \ما ادري
عبدالله\طيب .........وطلع معصب

عوده للأحداث
بيت عبدالله بن حمد
بسمه \ليه وافقتي حرام عليك وش تبين فيه
وريف\اصلاً كيف يتجرأ ويخطبك .... هو أحقر من انك توافقين عليه ,,,لأيه
ياسمين بقهر\وافقت وخلاص
بسمه تحاول تقنعها\حبيبتي انت تستاهلين اللي احسن منه ليش تظلمين نفسك وتاخذينه
ياسمين\خلاص ارحموني ....وقامت وهي تصيح
بسمه\وش فيها ما يستدعي الموضوع كل هذا
وريف \والله ما ادري عنها
بسمه\الله يعين ..وين بندر
ورف\ما ادري عنه المفروض اليوم نروح بيت عمتي وهو ما بعد جا
***************
بالمقهى
سعد بأستغراب\ وافقت؟؟؟؟
بندر\اي وافقت
سعد بلوم \انت اكثر واحد تعرف حمد ليه وافقت
بندر\مظطر صدقني
سعد\وش اللي جابرك نوافق عليه
بندر لأول مره يكذكب \أختي وافقت وانا وافقت
سعد\اذا هي ارخصت بنفسها المفروض انت ما ترخص فيهابهالطريقه
بندر \سعد خلاص طلبتك اسكت
سعد\حاضر بسكت
*************
قبلها
السبت لقاء سالم وجابر
سالم \انت عارف انا هنا ليه
جابر \ايه وش بغيت
سالم \ابي حقي
جابر\اي حق اللي تتكلم عنه
سالم\ابي ثمن السنين اللي قضيتها بالسجن
جابر\وانا وش دخلني
سالم\وش دخلك ؟؟؟؟ترى عندي ادله تدينك فاهم
جابر خاف\اي ادله اللي تتكلم عنها
سالم\هذي (وعطاه شريط وصور للقائاتهم ....كشف مكالمات قديمه
هنا جابر انفجع وقام يرتجف من الخوف \و وش تبي مقابل
سالم بنصر وابتسامه خبيثه \اول شي تزوجني وحده من بناتك
جابر\شنو ؟؟؟هذا اللي بقى
سالم\اذا مو راضي انت حر انشر الأدله وانت الخسران
جابر\اي شي الا بناتي الله يخليك
سالم\ لا وابي نص الشركه
جابر \انت تطلب ككثير
سالم\مو كثير والا ناسي وتبيني اذكرك بشي صغير اسمه ..
قاطعه \لا تكمل افكر يومين وارد لك خبر
قام سالم\سلم لي على عبدالله وقوله الحساب بينا لازال قائم
جابر\عبدالله مات
سالم لف عليه بصدمه \شنو متى واللي عندي
جابر وش اللي عندك
سالم \ولا شي انا ماشي
راح سالم وجابر يفكر بهالمصيبه من وين طلع اللحين
******************
الأحد بيت محمد بن حمد الأميري
البنات مع سلطان
ثواني ودق جواله \هلا وغلا بالصوت وراعيه
\هلا بك كيفك وش علومك
\انا تمام وانت
\تمام الحمدالله ...تردد..واختك كيفها اللحين
طالعها\انت ادرى
\طيب انت متأكد انك سامحتني
\سلمان وش هالكلام سامحتك خلاص فكنا من هالكلام يابن الحلال
غزلان وقف قلبها من سمعت اسمه تدري من هو هو السبب ...بكل شي هو مافي غيره ...قطع تفكيرها صراخ سلطان أحلف عاد ...والله حتى لو ذابحني حلال عليك على هالخبر ...احين جايك سلام ...وسكر منه والفرحه مو سايعته
ريم\خير وش عندك
سلطان\سلمان ...سلمان يقول لقى دكتور يسوي عمليه لغزلان
غزلان بفرح \صدق ..صدق
سلطان وهو يحضنها\صدق حتى حدد لك موعد
غزلان من الفرحه ودها تقوم ترقص بس دلال سبقتها وقامت ترقص وهي تضمها \مبروك مبروك
غزلان\بس اخاف ما تنجح العمليه
شلطان\لا بتنجح انشاالله سلمان يقول هالدكتور شاطر ومسوي هالعمليه اكثر من مره
حست غزلان ان سلمان بطل لمنقذ انقذها من مصير مشؤم تذكرت اول ما طلعت من المستشفى كل الصعوبات اللي واجهتها ....لحظات العجز اللي عاشتها ...لحظات الألم ....\الحمدالله ..الحمدالله
*********************
قبلها في خطبة الورده المجروحه ياسمين
قبل وصول حمد وامه واعمامه لبيتعبدالله حيث هناك بندر ينتظر وطليمن خواته يتجهزون
بسمه\وش عندهم عمامي جايين غريبه
وريف بحقد\وحمد العله وشو له جاي؟؟؟
بندر بعصبيه شديده\وريف اسكتي احسن لك ...وشوفي عاد لااسمعك تغلطين على احد مره ثانيه
وريف سكتت اول مره يعصب عليها بهالطريقه
بسمه قربت منه \هدي اخوي بليز
بندر\استغفر الله ...روحي شوفي ياسمين اذا جهزت
بسمه بتردد\اقول بندر وش له تبي ياسمين تجهز
بندر\مالك دخل روحي وانتي ساكته
بسمه قامت \حاضر ..حاضر ....دخلت غرفتها لقتها تبكي راحت لها بسرعه \وش فيك ..ياسمين
ياسمين \ما فيني شي بس...ورجعت تصيح
بسمه بخوف\ياسمين وش فيك خوفتيني
ابتسمت غصب\مافيني شي بس اليوم حمد جاي لأجل يخطبني
صدمه ...صمت ...غضب\وشو وشلون حمد الحقير جاي يخطبك كيف يتجرأ
ياسمين\انا وافقت وهو جا
بسمه\وليه توافقين
ياسمين \بس لأن ..ما ادري وافقت وخلاص ..ورجعت تصيح
جات بتتكلم قطعها بندر وهو واقف عند الباب \بسمه اتركينا لحالنا
بسمه طلعت وبندر جلس عندها ياسمين بس قطعتي قلبي
ياسمين \اكرهه اكرهه ياليته يموت ياليته يموت
حضنها بندر \والله لأخليه يدفع ثمن دموعك والله
بالأسفل
وريف \كيف متى وكيف صار اصلاًمن متى وهي تحبه او حتى متقبلته
\ما ادري ما دري وهذا اللي ذابحني
\اختك هاذي بتذبحني ..اروح اخنقها ما ادري ...تدري ان حمد كريه ولا يطاق ليه توافق
\ما ادري قلت لك ...تتوقعين ان ...بندر غصبها
وريف بغضب\مستحيل يسويها بندر غير عن الناس والمفروض ما تقولين هالكلام
بسمه\انا اقول يمكن
بندر عند الدرج يسمعهم \عيب عليك يا بسمه عمري كله ما غصبتكم على شي اجي اللحين في الوقت اللي تقررون مصيركم اغصبكم
بسمه استحت من الكلام اللي قالته \ما كان قصدي اسفه ..بس استغربت
بندر\خلاص سكرو الموضوع الناس على وصول
******************
على الجبهه الثانيه
بسيارة حمد
العنود\اسمع يا حمد اياك تغلط فاهم
حمد\ترى صجيتونا من الصبح على وحده ماتسوى نعالي
العنود\حمد احترك نفسك بنات خالك عبدالله تحطهم على راسك
حمد\اموت واعرف ليش تدافعين عنهم
العنود\الأحسن انك ماتعرف
سكت وتابع الطريق
*********************

الجزء الثامن
وصل الكل بيت عبد الله بن حمد
جابر \وش عندك يا حمد جامعنا هنا
حمد من غير نفس\احين تعرف ما يحتا تتليقف
جابر بغضب\حمد الزم حدودك
بندر بحقد ونظرات حارقه لحمد\اذكرو الله يا جماعه
جابر \واللي يعرفكم يعرف يذكر الله
محمد\خلاص يا جابر خل نشوف وش عنده حمد
حمد\انا اليوم جاي اطلب القرب من بندر بأخته ياسمين
بندر\وانا موافق
صدمه من كل الموجودين بعدها فاجعه من رد بندر
جابر يطالع بندر وحمد\انت متأكد انكم موافقين
بندر\ليش ياعم ما انت متأكد من كلامي واني قده
جابر\متأكد بس ما ني متأكد انك صاحي
حمد\لهدرجه هامتكم
بندر بغضب\حــــــــمــــد
حمد سكت
بندر وهو يخزه \بعد اسبوعين الملكه
محمد\وليه مستعجلين
بندر\خير البر عاجله ياعم
محمد\براحتكم
اما عند البنات والعمه ياسمين سمعت من الرجال ودموعها شوبي وتطيح
العنود لاحظت عليها \بسمه خذي وريف وروحو داخل
البنات قامو بدون كلام هنا ياسمين قامت تصيح
العنود\خلاص يا قلبي اهدي الله يخليك
ياسمين وهي بحضن عمتها\ليه ياعمه ليه انا ليه ؟؟؟؟؟؟
العنود\هذا شي مكتوب اهدي اذكري الله
ياسمين\استغفر اله ياربي ..بس ياعمه ولدك ييـــ....
العنود\ادري وما يحتاج تقولين بس هذا لمصلحتك واذا حمد ازعجك ولو بكلمه تقولين لي خلاص
هزت راسها بأي
بعدها مشى اللكل وانتشر الخبر بالعائله
****************
من صحات الذاكره (((من ذكريات الماضي
اليوم الأخير من حياة عبدالله
العنود تتصل بعبدالله لينقذها من زوجها
عبدالله يصل ويلقى عبد الرحمن يضرب العنود وحمد يطالعه
مسكه ومسح بخشته الأرض بعدها اخذ العنود لبيته
بعدها بساعات
اتصال مفاجئ لعبدالله يطلبونه بمهمه
راح للموقع لقاه فاضي استغرب وبدى الشك يدخل قلبه
\وصلت حضرت النقيب
عبدالله التفت \أنــــــــــــــــــــــت؟؟؟؟
\اي انا وجاي اخذ باقي حقي
عبدالله \انت اللي بديت وعيب عليك تمد يدك على حرمه
\انت مالك دخل كيفي وبعدين خلك في نفسك اللحين
عبدالله\وش تقدر تسوي يعني
هجم عليه وخنقه عبدالله حس انه بيموت كل اللي يحبهم مرو بذاكرته حاول يقاوم لكن ذاك ضربه بالحجر على راسه ...لحظات واختفى كل شي ظلام وسواد
اما هو مسح كل اشر للجريمه حتى المكالمات والجوال اللي دق منه رماه ومسح بصماته ودفع لواحد لأجل ياخذ السياره حقت عبدالله دون ما احد يدري واتفق مع الطبيب الشرعي انه متو ما وصل له جثة عبدالله يسجلها بحالة موت طبيعي
*********************
اليوم الأربعاء
موعد سفر غزلان
راح معها دلال وتركي اللي اصر يروح لدرجة انه تخانق مع سلطان وبالنهايه راح
وداع مؤلم لشلة غزلان ودعوها وراحوا ول ما استقرت الطائره بالجو اظهرت غزلان كل الخوف اللذي كبتته لأيام في داخلها بكت بحرقه وكان الشاهد.....تــــــــــركي مع انها لاتريد البكاء امامه لكن القدر ابى ذلك فبكت وانهارت امام هذا الشخص الذي تعتقد انها تكرهه .....لحظات صمت ...ثـــــــــــــــــم\نركي انا اسفه لأني ما سمعت كلامك وطلعت برى البيت
تركي بصدمه فهي لم تكلمه منذ اسابيع والأعتذار عن شئ لم تفعله كان أكثر إيلاماً له\ غزلان انا اللي اسف على اللي صار لك ...اناالسبب فيه لو تحكمت بأعصابي ما كان صار اللي صار
\اهم شي انت مسامحني
\لا مو هذا المهم ...المهم انك انتي مسامحتني ؟؟؟؟؟
\اكيد ....وابتسمت ....*_^
******************
لنذهب لبيت اول مره نزوره
بيت سالم بن فهد المتهالك
دخل البيت وانسدح دخل بعده ولده الوحيد ...سامي ..وانسدح جنبه
سالم\ياغبيه انتي حنا وصلنا هاتي الغدى
جات بثوب رث اقل ما يقال عنه خرق باليه وشعر متقصف وجهها ذو العظام البارزه وجسمها الهزيل هو اللي يميزها حطت الصينيه وراحت
سامي بلعانه\رفيف تعالي ابيك
رفيف بدون ماتطالعه \أمر
سامي \رجليني يوجعوني تعالي شوفي شغلك
رفيف\انشاالله ...وجات لعنده وانحنت له وبدت شغلها وابوه يطالعه كيف يذل اخته ....لما خلصو شالت الصينيه وهي متألمه من الحال السيئ اللي عايشته
****************
يوم الأثنين من الأسبوع الماضي
حيث لم نرى ما حدث في لقاء خالد ووالده
*

*

*
الكل كان جالس ويسولف مع الثاني...... لحظات دخل سعود وجلس بعدها بدقائق دخل خالد
خالد\الـــــــــــــسلام عليكم
الكل \وعليكم السلام
اما جابر كان مصدوم ولده عرف كيف يضغط عليه
خالد لاحظ صدمة ابوه جا له وحب راسه \سامحني يبه طلبتك سامحني
الكل التفت لأجل يشوفون رد جابر
جابر ما كان عنده حل الا انه يسامحه \مسموح يا ولدي بس لاتعيدها
الكل ابتسم ابتسامة رضا أما خالد بسمة خبث وجها لسعود
اما سعود ما عرف وش معناها
لما جلس
سعود\وش عندك مع هالأبتسامه
\ابوي ورضى عني ليه ما ابتسم
\مو كذا عاد
\وانت وش دخلك
\خالد
خلاص سكتنا ...أوف
********************
الخميس هذا الأسبوع
منزل جابر بن حمد الأميري
بالمجلس الخارجي
سالم\ها وش قلت
جابر\انا عندي لك راي ثاني ......وسكت شوي
\انا اسمعك قول
\أزوجك بنت العنود
\ههههه ضحكتني وليه مو بنتك
\بنت العنود او انت حر
\طيب والشركه
\اعطيك نص مليون واعتقد انها كافيه
\والنص مليون وش تسوي بهالزمن
\مليون وما عندي غيره
\موافق بس بشرط تسكن معي بالبيت اللي انا فيه
\وذاك تسميه بيت خرابه
\لا تغلط انا وانت عارفين ليه انا ساكن بخرابه
سكت جابر يفكر باللي سواه مع سالم قبل 15 سنه
****************
أميركا
وقت العمليه
دلال عند غزلان وماسكه بيدها \لا تموتين بنتظرك
\لاتخافين بطلع لكب سرعه
تركي يحس انه قرب من خواته اكثر بهالسفره \غزالتنا الحلوه شدي حيلك
غزلان بأستغراب اول مره وش عنده \تأ/ر
دلال\بس هي جالس تدلع فيها وانا لي الله
تركي بمزح\وانتي ليه ترزين زجهك
ثواني دخلوها العمليات والأثنين يدعون لها
****************
منزل جابر
سلطان مع زياد
سلطان\ اقول زياد مادق عليك ميثم اليوم
\لا هو متعود يدق اصلاً
\ما ادري عنه من اسبوع ما شفت وجهه قلت يمكن تدري إلا وش اخبار المدرسه
\تمام واخوك ما شاء الله عليه شايل المدرسه على راسه
\كيف يعني
\اسأله
\هو مسوي شي غلط
\ابد بس كل يوم في سالفه وكل يوم هرب من المدرسه وما تلقاه بالمدرسه إلا بالحصص الأولى بس
\وشو ؟؟؟
\الظاهر اني سويت فتنه
\لا بس زين علمتني
\اقول سلطان
\سم
\ما دقو عليك اذا اختك طلعت من العمليات
\ما بعد وخايف عليها ربك يستر
\الله يقومها بالسلامه
\آمين
*********************
السبت
ياسمين والعنود وريم بالسوق وكل شله مع بعض
ريم \ها ياسمين وش رايك بهذا
ياسمين\ما ادري خذي اللي تبين وفكيني
العنود\حلو خذيه ....ميلت على ياسمين وبصوت واطي حبيبتي لاتفضحينا ..الله يخليك لاتخلين احد يحس بشي
ياسمين\مو بيدي والله احس اني بموت كل ما قرب الموعد
ريم\وش عندكم اعترفو
العنود\ياشين اللقافه بس
ريم\هههههههههه لازم
ياسمين\يلا خل نخلص بدل هالكلام
*****************
قبلها بالمشفى الأميركي
الدكتور طلع بعد 4 ساعات ((طبعاً الكلام بالأنجليزي )))
تركي\ها دكتور كيفها اللحين
د\تمام وحالتها مستقره
تركي \طيب ومتى تقدر تمشي مثل قبل
\اسبوعين ثلاثه بالكثير وبعدها العلاج الطبيعي وتصير احسن من قبل
فرحهكبيره شعر بها الأثنان لحظات من النظرات المملؤه بالأمتنان لله عز وجل ....اتصلو بأهلهم وخبروهم
*****************
بعدها بأسبوعين
الخميس بعد ملكة ياسمين بيومين
لحظات وصول تركي والتوأم حيث غزلان ستمشي حتى لو على عكازات
الكل بالمطار ينتظرها من اخوانها واولاد عمها وعمامها عدى العمه فحمد النذل لم يوافق وخرج وقفل الباب
لحظات واعلنو عن نزول الركاب من الطائره وصل تركي وهو يسوق عربة الشنط وبنت تسوق كرسي غزلان
الكل فرح وراح........عند المواقف ........ سلمو على غزلان امها واختها لكنها كانت تبكي
محمد\وش فيك يا بنت ليه تبكين ؟؟؟
هي لاجواب
محمد لف على تركي وشافه حزين \وش فيكم وش صاير ...لحظات صمت واستوعب ..دلال وينها
هنا تركي قام يصيح
ناديه بخوف \دلال صار لها شي
ريم\تكلمو
تركي يجاهد دموعه \يبه اسمعني ...لما جينا نركب الطياره دلال قالت انها نست شنطتها مكان جلستنا قلت لها روحي وانا اجيبها قالت لا انت روح مع غزلان واناالحقكم قلت لها تدلين البوابه قالت أي رحت مع غزلان وركبنا توقعت انها ركبت لأن مقاعدنا مو قريبه من بعض لما نزلنا مالقيناها دورنا بكل مكان ومالقيناها
محمد صرخ بكل عصبيه\كيف يعني وين راحت البنت تكلم قل لي كيف تخليها لحالها انت ما تفهم غبي والا كيف ما عندك عقل تفكر فيه
ناديه اغمى عليها ريم يمه يمه ردي علي
سلطان عقله واقف وميثم كالعاده ما تحمل الموقف وهرب كالعاده
سلطان شال امه وحطها بالسياره ورش وجهها بماي لأجل تصحى ولما صحت راح لأبوه وتركي
سلطان \طيب بلغت
تركي بأسى\لا
محمد\قايل هالولد غبي ....غبي ...ألله يلعن الساعه اللي ارسلتك فيها معهم
تركي\يبه خلاص والله اللي فيني يكفيني
سلطان\هدو وخل نروح نبلغ الأداره
راحو للأداره وقالو لهم القصه كلها هم ما قصرو طلعو قائمة الركاب لكن اتضح اناه ما ركبت الطياره ارسل مدير المطار لمدير مطار اميركا وللسفير السعودي لأجل يدورونها لكن بدون فائده مالقو لها اثر لابديرتهم ولا بأميركا اللكل استسلم عدى غزلان اللي تحس بنصفها الثاني
******************

الجزء التاسع
قبل ما حدث بساعات
منزل سالم حيث الظلم يتجدد
سامي دخل البيت ولقى اخته نايمه
سامي\يا حماره !!!انتي قومي ورجفها ببطنها بقوه
هي اخترعت وقامت بسرعه وهي تصيح من الوجع \نعم وش بغيت
\جهزي لي شاي وقهوه ربعي جايين
\مما عندنا قهوه
\روحي وطري من الجيران ...
بخوف\أأبووي مما يرضى اطلع
بتأكيد\انتي روحي وانا اقول له
\انشاءالله ..........راحت ولبست عباتها ((قصيره وقديمه ومتمزعه وما تعتبر عباه بس وش تقول للناس الظالمين )) دقت الباب وفتح ولدهم الكبير ....مساعد
لما شافها عرفها تسند على الباب\جمانه تعالي بنت جيرانا الطراره عندنا.......ضحك بسخريه وراح ....هي خنقتها العبره
جمانه جات ومن غير نفس\نعم ....وش تبين هالمره؟؟؟
بخوف\ابي شوي قهوه اذا ما عندكم مانع ضروري صدقيني
\طراره وتتشرط تبي قهوه.......أقول طيري ما عندنا
\ولا حتى شوي
\لا ....وحتى لوعندنا ما عطيتك .....يا بنت ما بقى شي ما جيتي تطرينه ....أنقلعي .......سكرت الباب في وجهها..........هي انقهرت بس وش تسوي اذا ما تقدر تعصي اهلها وش تسوي اذا مكتوب عليها تعاني راحت لجيران غيرهم وعطوها مع كل انواع الشتم والأهانه تحملت مظطره تتحمل لأن عقاب سامي اكبر من كلامهم كله لكن لو سلمت منه ما راح تسلم من ابوها
وفعلاً ابوها جا وشافها قبل ما تدخل البيت
بغضب\ رفيف وش عندك بره كم مره اقول لاتطلعين ....مسكها من عباتها ودخلها البيت ........وظربها لحد ما نزفت وتركها تعاني بدون ما يسمع حتى دفاعها قامت بتعب وراحت ا لمطبخ مكانها تنام ..تجلس ...تاكل ...تشرب ...تعودت من سنين على هالحال وعلى هالعيشه ((على فكره رفيف عمرها 15 سنه ))
***********************
قبلها بيومين وقت ملكة ياسمين
اللكل كان لابس وكاشخ والبنات كل وحده تقول الزود عندي .........جمعت الأهل والأقارب كلهم ببيت العنود
عند ياسمين كانت لابسه هذا الثوب ..



(((طبعاً انا ما راح اقول كل وحده وش لابسه بس ياسمين للضرورة (((لغاية في نفس يعقوب )))
العنود عندها ومعها خواتها وهي خلاص اصلاً بتصيح بس تمنع نفسها بالقوه وطبعاً ما احد تجرأ وقال لها ليه لأنها سكرت الموضوع قبل يفتحونه تدري انها ما راح تقدر تواجههم
ثواني ودق عليها بندر
بندر\هلا يا قلبي .... انزلي الشيخ يبي يسمع موافقتك
\ أللحين ؟؟؟؟؟؟
\ايه انا انتظرك
\ طيب ....لفت على عمتها ... عمه يبوني انزل
العنود \ طيب قومي وانا انزل معك
\ مو قادرة رجولي ما تشيلني
العنود مسكتها \قومي ياقلبي ... لبست عبايتها ونزلت معها
سألها الشيخ \ موافقة يا بنتي ؟
ما قدرت تتكلم
الشيخ \ موافقة على حمد ولد عبد الرحمن ؟
هي شوي وتطيح بس عمتها ساندتها
الشيخ مرة ثانية اعاد عليها السؤال
\موافقة ... موافقة وبدت تصيح
استغرب الشيخ \ يا بنتي فيه احد غاصبك
هي خافت على نفسها وعلى اخوها \ لالا لا ما ني مغصوبة
\ اجل ليه تصيحين ؟
بكذب \ من الفرحة لأن حمد ... حب حياتي
\ طيب ....... راح الشيخ وبندر طالعها بنظرة فهمت مغزاها وبعدها راح
العنود \ مبروك
\ على ايش تباركين لي يا عمه ؟
العنود تصرف \ شوفي كيف خربتي مكياجك
\ خليه يخرب انا اصلا ما ابي اشوفه ولا ابيه يشوفني
\اهدي يا قلبي وخلي رنيم تعدل مكياجك هي شاطرة ما شاء الله
بستسلام \ طيب
بعدها بساعة
كانت جالسة تسمع التبريكات وهي بعالم ثاني
جت امال \ اقول زوجة اخوي
ياسمين انتفضت تكرهه وتكره سيرته \ نعم
\حمد اخوي بالمقلط يبيك
بصدمه\\وشو
\اي يبي يشوفك....قومي
هي تدور من ينقذها .....لكن الكل لاهي عنها .....قامت مع عمتها و دخلت .... كان هناك بندر و عمامها .تلوم بندر بالحيل
محمد \مبروك يا بنتي
من غير نفس \الله يبارك فيك
جابر\مبروك يا ياسمين بس ما ادري وش لاقيه بها الحمد
حمد \يا خال وبعدين
جابر\وانا عند ربي صادق
هي دموعها بتطيح الليله للمره الألف \الله يبارك فيك ياعم ....وبعدين حمد اللحين زوجي وما يحتاج تغلط عليه
بندر استغرب منها لكن حمد عجبه دفاعها عنه
طلع الكل واتركوهم ...هي جلست بعيد عنه وبدون ما تطالعه تحس ان كل هذا كثير عليها وما تقدر تتحمله لحالها
هو جلس بالجانب الثاني ولا كأن احد جنبه بس الللي لفته جمالها اللي طالع بسبب الفستان ومطلعها بطريقه ولا اروع قرب منها شوي
هي حست فيه لفت عليه بحقد وكره \لاتقرب وخلك مكانك فاهم
حمد عصب\وش قلتي عيدي ..ما سمعت ...وبسرعه قرب منها ولصق فيها
هي انلسعت ووقفت بسرعه\قلت لاتقرب مني
\وليه انشا الله
\انت تدري ....وما راح انسى اللي سويته فيني طول عمري ....وحط ببالك اني اكرهك وبظل اكرهك لحد ما اموت
\توك قبل شوي تدافعين عني ليه قلبتي
\ مو حباً لك ولا لأني اموت فيك ..لا فوق لنفسك ...لأني ما ابي احد يتكلم عني فاهم
حمد ما قدر يمسك اعصابه اكثر قام ومسكها من يدها بقوه هي تألمت \اسمعي يا بنت عبدالله ما بعد خلقها ربي اللي تطول لسانها علي واضح
سحبت يدها منه بقوه \ لا مو واضح وانت الللي اسمعني عدل انك تمد يدك علي مره ثانيه احلم زين ....ومسألة انك تلمسني ..نجوم السما اقرب لك هه وراحت بتطع بس حمد مسكها من فستانها وشده بقوه وانفتح الفستان ........ هي انصدمت و سحبت طرف الفستان منه \صدق انك حقير...... وقفت شوي تفكر بعدها.....راحت عند الكنبه و اخذت جوالها و دقت على عمتها و طلبت عبايتها منها على اساس بتطلع معاه ..لما جات عمتها لقت حمد شوي و ينفجر منها عطت ياسمين العبايه وهي تشوف الفستان ممزوع خافت يكون مسوي لها شيْ بس ارتاحت يوم ابتسمت لها ....وطلعت ......ياسمين ..لبست عبايتها \يلا قوم
حمد\ وين على الله
\بنطلع....... ما ابي اكون كذابه عند عمتي
بسخريه\هه والعمه عاد ...كفوك انتي وهي
انفجعت منه كيف يتكلم عن امه كذا
حمد دق لبندر وقال له بيطلع معاها بندر استغرب اخته مو متحملته اساساً عطاه ساعه وحده بس