صبــــــــــــــــــــــــــاح الأوركيد
أول شي ,,,الف الف الف مبروووك القاص المميز
والله العظيم ماشفته قبل امس ,,لان ماقريت الموضوع
أختك في الله تدخل تقرا وتكتب ردها وتطلع
مع ان المفروض ابارك لـ اللقب انه انربط بأسمك 
==================================
مشكووووره على البارت ,,,بارت اليوم هو بارت كشف مافي الصدور.
ممم
انفاس سويتي حركه جريئه بهذي الروايه ,,,برافو عليك
الشخصيات اظهرتي جانب فيها وعريتيه من الايجابيه ,,,وخليتينى نحكم بشكل محايــــــــــــــــد جدآ
لدرجة ان التصرف ينشاف من زاويتين وشتان بين نظرة كل زاويه
بـــــــــــــــــــــــــــرافو بــــــــــــــرافو أنفاس
=================================
زايد عمره تقريبآ 50 سنه ,لان عمره كان قبل 31سنه هو 19
وبما ان منصور اصغر منه بـ7سنوات فاعمر منصور 43 سنه
واذا كان عمر مزنه قبل 31 سنه هو 14 فاللحين عمرها 45 سنه
مممم
اذا عمر منصور 43 وهو اخر طلاق كان قبل عشر سنوات معناه ان من عمره 33سنه وهو عزوبي!!!
يعني تصرفاته ناضجه وواعي لكلمة طلاق ,,,مااتوقع سبب طلاقه غيره نسائيه كان
بأمكانه يتغلب عليها بتصرف حكيم ,,,وكمان موشرط يكون سبب الطلاق بالزوجات الثلاثه واحد.
والأهم مااتوقع زايد يحاول يزوج اخوه من عفراء وهي امانه الا وهو عارف ان اخوه
ماطلق الا لسبب مقنع ولا ماكان حاول يقنعه بعفراء وهو متأكد انه بيطلقها عقب
أنفاس ماوضحتي اذا منصور كان له علم بسالفة زايد ومزنه او لا؟؟
=================================
مــــــــــــــــــــــزون
وصلت لمرحله جدآ جدآ متقدمه من الاحباط والهم والحزن
مافي شي بحياتها الحاليه حلو,,,الهموم والمشاكل من كل جانب
بجانب معاملة كساب المهينه والمهمشه لها ,,,زاد عليها اللي صار لعلي وزاد عليها
مرض بنت خالتها ووضعها الصحي السيئ وبالأخير بعد خالتها عفراء عنها ,,,,,يعني
مزون حاليآ تنتظر القشه !!!
عشان تطلع حزن وضيم وهموم الاربع سنين كلها بس لازم يكون شخص يستحق من وجهة نظرها
وطبعآ هذا الشخص هي قالت لخالتها عفراء انها لو شافته بالمقابله اوبمكان العمل وتطاول
عليها بتطلع عليه حق الأول والتالي ,,,,,,,,,,يعني (اتوقع) في حرب من نوع خاص
بين مزون وبين امهاب
============================
كاسره
من اول الروايه وانا حبيتها واذا بكون دقيقه بقولك حزنت عليها ,,,,,,,
مشكلتها الأساسيه ماتبي تكون ضعيفه لان اللي ربتها مزنه زرعت فيها القوه ورضعتها
مع الحليب ,من جد ياأنفاس حزنت عليها بكذا موقف ,,,,تخيلي ان هي ووضحى انضربو
ومع ذلك بلعت حزنها ونزلت لجدها والاهم تغدت مع امها عشان ماتتركها لحالها وبعد ذا كله
مزنه تقولها شوفي اختك ولاتزعلينها وياويلك لو قلتي لها شي!!!! مع ذلك تبتسم لأمها
الكل بالبيت يدور وضحى ورضاها ويعاملها برقه شديده .
مين الهلامي فيهم بالبيت؟؟ مين المهمش فيهم بالبيت؟؟
وضحى بس لو حاولت تنظر لتصرفات اختها من زاويه ثانيه كانت شكرت ربها على هالاخت .
ماتبيها تكون ضعيفه وماتبيها تصيح ,,,مو هذي تربية مزنه؟؟ مو هذي صفات مزنه؟؟
ليش تعلمها شي وعقب تهاوشها عليه؟؟
مع ذلك كل هالقوه تتخلى عنه وتكون كائن ضعيف قدام جدها ,,,,وكون انها تفقده
هذا رعب (وممكن تسوي اي شي عشانه )
وعشان هذي النقطه يأنفاس انتي بتسوين خطوه كبيره بالروايه
====================================
كساب
عندي ملاحظه فضوليه جدآ جدآ ,,,,ليش عنده جوالين؟؟ ليش مو جوال واحد بس؟
مممم
كساب عشان موضوع مزون قاعد يقهر ابوه بكل جهده مع وجود الاحترام الكبيرررررر له
يدخن عشان ينرفزه ,,,يأخرزواجه عشان عارف ابوه يبيه يتزوج وان كان السبب اللي قاله
لمنصور مقنع من وجهة نظره ,,,,تأخره ووجوده الباهت بالمنزل .حتى كلمة العم يستكثرها
تطلع من سكرتيره لأبوه !مع ان العم منصور له كلمة العم وله حق الدخول !!
وطبعآ بعد موضوع علي,,,,زاد كساب كثير عن قبل ,,,,,اتوقع حتى عروسته
بيكون اساس اختياره لها ان ابوه يرفضها من داخله عشان يكمل استفزازه لابوه
==================================
جميله
تدرين انفاس شفت موضوعها بزوايه مختلفه ,,,مدري ليش ربطت بين مرضها ونحف علي
يمكن لان كساب دايم ركز انه يوبخها بجسمها وأكلها ,,,,وهي تشوف ان علي نحيف
عشان كذا حاولت تصير نحيفه ومهما نحفت تشوف علي انحف ,,,ردة فعلها يوم خطبها علي
يمكن لانها هي تحبه بس ماتصورت انه يكون يكن لها مشاعر او توقعت انه حب من طرف واحد
عشان كذا خافت ان علي يتوهق فيها ,,,,وغير كذا هي حاليآ تشوف ان الموت ينتظرها
فاماحبت ان علي هو كبش الفدا لكآابة أخر ايامها ,خصوصآ انها دايم ماتبي تكون ثقيله عليهم
كلهم فمابالك عليه هو اللي تحبه<----مجرد توقع متووووواضع
===========================
جوزا
فعلآ فعلآ برافو ياأنفاس ,,,تفكير عقيم وللأسف موجود عند ناس كثير
وهو انك تتطيري بشخص ,,,مع انه لو فكرو كان عرفو ان هذا نصيبه وقدره اللي ربي
كتبه علينا باللوح المحفوظ من قبل لاتنخلق الدنيا .
واللي دفع الثمن بنت بريئه اول وحده تأذت هي وانحكم عليها وانقلبت حياتها
وصارت مسؤوله عن طفل بلا اب وألسنة الناس تنهش فيها .
================================
حبيت سميره كثيرررر
(ذكرتني شخصيتها بفراشه هنا بالمنتدى )
=========================
أعتذر للأطاله مع اني ماقلت الا شوي من اللي في بالي
طبعآ طبعآ طبعآ انتظــــــــــــــــــــــــرك
اشكرك على انضباطك بالمواعيد وتعاملك الراقي وبالك الطويل
همسه في أذن زارا,,,,ياحياتي حضورك الرائع يكفي ,,,مشكوره كلك ذووق
همسة في اذن الفراشه,,,رغم خوفك من زعلي لكن رسالتك لها تأثير ايجابيه ماتتصورينه ياقلبي
23-03-10, 06:26 AM
جديد مواضيع قسم القصص المكتمله من وحي قلم الاعضاء
العرض العادي
