:حور حورحــــــــــــــور
:نعم راشد بغيت شي
راشد ايه انتي:لا بس ليه تاركه سوسو لوحدها
حور هه ماهه الا بنته ولا انا في قريح:كنت اسوي الغدا
راشد اخذ نفس:حور اسف
حور ببرود:لاتتاسف معاك حق خلاص راشد لاعاد تفتح جروح قديمه ارحمني وارحم نفسك واذا شفتني جيتك اطردني
ومشيت بدون ماتدي لراشد فرصه ان يبرر
راشد عصب في قريح انا الحمار الي مسوي لك سالفه وجاي اتاسف

المغرب في بيت ابوزياد

زياد والبنات في الصاله رماح حاضنه ذراعه اليسار ولينا حاضنه ذراعه اليمين
ابوزياد
:اعتقو الولد خلاص
زياد:لا يبه خليهم مشتاق لهم حيل
ماجد:سبحان الله وانا لما اشوفكم ماشوف هالدلع معليش يبه انا بسافر 3 سنين يمكن يشتاقون لي ويعاملوني مثله
لينا:اف من الغيره ولا يهمك روح للجين تحضنك اما زيودي حبيبي ماعنده احد
زياد ابتسم :لا كيف انتي ورماح عندي
ماجد ماحب فكره انه بس رماح ولينا طيب وحور وش موقعها من الاعراب
ااااه وش الي احس فيه ومسك صدره بقوه وصرخ:اااااااااااه
ركضو كلهم ناحيته :ماجد وش فيك
ماجد:الم في صدري ااااااااااااه مو قادر
زياد بسرعه بداء يفحصه وبعد ماهداء ماجد :ماجد مافيك شي بس يمكن ارهاق
دقات قلبك طبيعيه بس يمكن مجهد او مضغوط اليومين هذي
ماجد بمزح عشان يخفف جو الرعب الي سيطر عليهم:ههههههههههه هو الي يشتغل مع راشد يعرف راحه
زياد باهتمام:على العموم لازم تروح تكشف الموضوع هذا ماينسكت عليه واذا مو فاضي بلغني وانا اكلم حسام يرتب لك موعد
ماجدماجد انبسط على اهتمام اخوه :طيب
ودعهم زياد وراح لبيت حسام واخذ عياله وطلع على المطار
ورجع للندن

في بيت محمد
وتحديدا في غرفه المعيشه
راما وريمان جالسين يتفرجو على سبيس تون والي في امه خير يغير
محمد جالس يراجع اوراق لمرضاه عشان دوامه العصر
ومندمج
سلام قاعده تصب له شاي وتقطع له الكيك وبعد ماخلصت راحت سحبت كل الاوراق من يد محمد وحطتها على جمب
محمد بعصبيه :لييييييييييه
سلام بابتسامه :لاني ابيك تقعد تسولف معي وبهمس :مشتاق لسوالفك
محمد ابتسم :انتي عارفه شغلي والمجهود الي يتطلبه بس ولا تزعلي طز في الشغل
"محمد من النوع الي مايعبر دايما عن مشاعره لانه دايما عنده خوف من الفقد عشان كذا عمره مابين مشاعره لاحد بس الي سار لسلام في ولادتها والغيبوبه الي مرت فيها خلته فعلا ينهار من جوا ويتعب خاف يفقدها والى الان مانعها من الحمل لانه لسه عنده خوف من انه يفقدها وبعد الي صار محمد اتبدل سار طول الوقت يبين مشاعره وحبه لسلام لانه عرف انه كتم المشاعر مارح يحافظ عليها "
سلام قربت جمبه واعطته الشاي
محمد شرب الشاي وكيّف
وفجاءه:افتح فمك
محمد التفت لها لقاها ماده عليه شوكه فيها كيك:ابغى اأكلك بنفسي

محمد ابتسم "عليها رومنسيه في الاوقات الصح"فتح فمه وصارت تاكله
:ياثلام بابا تحتيه الاتل في فمه وانا لا "ياسلام بابا تحطيله الاكل في فمه وانا لا "
التفت محمد على بنته بصدمه وسلام ماتت ضحك على ملامح وجهه
: ههههههه حبيبتي بابا تعبان من الشغل عشان كذا انا احط الاكل في فمه
راما لسه مو عاجبها الحال غيرانه من ابوها راحت قعدت بينهم :ابأد لوح عن ماما يله لوح الثعل"ابعد روح عن ماما يله روح الشغل"
محمد: هذي وش تخربط
واشر لسلام الي فهمته :حبيبتي انتي تحبي بابا صح
رامابعد تفكير:ثح"صح"
محمد بقهر:وتفكر بعد
سلام : هههههههه طيب ليش تبغيه يروح الشغل اليوم ماتبغي تقعدي تلعبي معاه
راما بزعل طفولي:انا ذعلانه هوا قال يودينا انا وليمان باي باي امث ليث يكدب وبأدين يذي وينام" انا زعلانه هوا قال يودينا انا وريمان باي باي امس ليش يكذب وبعدين يجي وينام" والتفتت على محمد:دبه ومدت له لسانها وراحت جمب اختها تكمل الكرتون الي كانو يشوفوه"هوا الي خلاها تجي لهم انها ماكانت شايفه ابوها بس لما انتبهت وقت الدعايه انه موجود جات وطلعت الي بقلبها عليه"

محمد التفت لسلام بصدمه :هالبنت ماتترك حقها عكس اختها الي قاعده ولا همها شي
سلام بأذيه :ايه ريمان طالعه علي وراما طالعه عليك وقامت وراحت غرفه النوم تطلع لمحمد ملابس الشغل عشان تكويهم
محمد لما استوعب الي قالته راح وراها وناظرها بنص عين:اجل راما طالعه علي ها
سلام خافت:محمد روق هدي اعصابك
محمد وهو يمسكها مع خصرها:الحين اوريكي الروقان على اصوله
ودخل الحمام وهو شايلها وحطها في البانيوه وسط صراخها وترجيها انه يتركها بس صدر لها الطرشه وفتح المويه عليها

:ليمان بابا وماما يلأبو بالمويه تعالي نلأب معاهم
"ريمان بابا وماما يلعبو بالمويه تعالي نلعب معاهم"
وراح طبو مع امهم في البانيو ومحمد مات عليم ضحك وتركهم ورجع لشغله
سلام حقدت عليه وقررت تنتقم
طلعت البنات ونشفتهم ولبستهم ولبست
وخرجو الثلاث لمحمد الي مندمج في اوراقه حس انه في احد يناظره رفع راسه
وانصدم بالمنظر البنات وامهم عليهم ابتسامه هادئه تخوف"الله يستر وش ناوين عليه بس اااااااه شكلهم يجنن الله يخلهم لي "
جات سلام وجلست جمبه والبنات يناظروه بهدوء زي الي يستنو امهم تتكلم :حبيبي
محمد:عيون حبيبك
سلام:قوم وخرجنا احسن مايجو الاثنين الي واقفين على الباب ويعلموك ان الله حق
وابتسمت :ها ايش قلت
محمد والله مو هينه انا لوقلت أي بورط ماعندي وقت وان قلت لا الثنائي المرح الي على الباب راح يمحوني من على وجهه الارض ولما ناظرهم وناظر سلام لا انتو اولى ظز في الشغل والي جابه :طيب عشر دقايق وتكونو جاهزين
وراحو البنات وهم متحمسين
وسلام وقفت لكن محمد سحبها وطيحها في حضنه :تعالي هنا مسويه مؤامره انتي وهالدبب ذول
سلام ابتسمت وحاوطه رقبته بيدينها وهمست:حبيبي بناتك عصاقل ياليت يصيرو دبب وايش اسوي لك البنات يحبو يخرجو معاك وينبسطو لما تكون معاهم وانت لك يمكن اكثر من شهر ماخرجتّهم حرام انا عارفه انك مشغول وشغلك صعب
بس حبيبي بناتك محتاجين شويه اهتمام منك
محمد بخبث:بس البنات الي محتاجين اهتمام
سلام انحرجت:طبعا لا امهم ماتمانع بشويه اهتمام وكملت بصدق:بس صدقني شوفتك عندي بالدنيا كلها لما اشوفك نايم ومرتاح البال احس الدنيا مو سايعتني من الفرحه وحضتنته :حبيبي انا عايشه عشانك وعشان بناتنا
محمد ذاب منها بس كشر:وانتي هذول في كل شي حاشرتهم معاي
سلام بحب:وي تغار من بناتك حبيبي ترى غلاهم من غلاك
محمد حضنها بقوه وباس راسها:قومي قومي لا انهبل واسحب ام الروحه
سلام قامت بسرعه تعرفه من نظراته مارح يجيبها لبر
لبست عبايتها ولبست البنات جزمهم وطلعت وبناتها قدامها ويدها في يد حبيب عمرها

في بيت ابو زياد
ابوزياد ولينا جالسين يتغدو

لينا بتردد:بابا
ابوزياد:هلا
لينا :بابا ابغى انادي البنات يعني نسهر وكذا
ابوزياد عارف يابنتي انك محتاجه اخواتك بس مو بيدي:ايه يبه مايخالف اعزميهم وتونسو
لينا بخوف:بابا وححححور
ابوزياد اتنهد"ااااااه ياحور عارف اني ظلمتك يابنتي بس مااقدر اسامحك لازم انتي الي تجيني وشكله ماعندك نيه حتى بنتك حارمتني شوفتها الله يسامحك":لا
لينا عارفه مافي امل:اجل ماله داعي العزومه
ابوها تنهد:براحتك
وكملوا كلهم


في بيت ابو راشد
في جناح خالد
لمى قبلها ناغزها على خالد من بعد ماوصلهم
للبيت بعد الفرح ماعاد شافته طلبوه بالشغل وقلبها يعورها حاسه انه فيه شي
بعد ربع ساعه خالد فتح باب الجناح لمى بس لمحته طارت تحضنه
:حبيبي ليه اتاخرت وليه ماتطني والله قلبي واجعني عليك
خالد وهو متالم :حبيبتي بعدي شوي عورتيني
وبعده عنه لمى وراح للكنبه واسترخى عليها
لمى خافت والدموع اتجمعت في عينها:حبيبي ايش فيك
خالد ابتسم على خوفها كل مره يروح مداهمه تسوي فيه كذا ولا تنام الا لماتشوفه:حبيبتي اتعورت في المداهمه
لمى خافت:كيف اتعورت
عارف ماحيعرف يكذب عليها :طعن سكين بس خفيفه في كتفي
لمى طاحت على الارض من الخوف ماقدرت وجلست تبكي
خالد يوم شافها تطيح على الارض خاف عليها :لمى حبيبتي وش فيك لاتخافي والله خفيفه حتى شوفي وفصخ التيشيرت الي كان عليه
واشر على مكان الجرح
لمى مسحت دموعها وجلست على الكنبه جمبه وببرائه:متاكد خفيف مايعور
خالد ابتسم:لا حبيبتي مايعور بس عدت سلميه ليه كل هالخوف
لمى:ياسلام ماتبيني اخاف عليك خالد انت روحي شلون ماتبيني اخاف على روحي حرام عليك وقربت من كتفه السليمه وباستها
خالد حضنها بقوه :اكيد مانمتي اعرفك الله يهديكي بس
لمى:ولا ابغى انام وانت مو جمبي
:بـــــــــــــــابــــــــــــــــا
وركضت له وطبت بحضنه

خالد مسكها وطاح فيها تبويس:عيون بابا انتي
اسيل :لا اتت تدول لمى عننون بابا انا اممممممممم مااعلف انا هبيبي بابا
"لا انت تقول لمى عيون بابا انا امممممم مااعرف انا حبيبه بابا"
خالد باس خدودها:ايوه انتي حبيبه بابا اسوله فين نوافي
اسيل بغيره:نايم اند ماما "نايم عند ماما"
خالد نزلها من حضنه :طيب حبيبتي انا تعبان وابغى انام لما اصحى العب معاكي طيب
اسيل عجبتها الفكره:تيب
وراحت
خالد سحب لمى معاه للغرفه وراح لولده الي نايم في مهاده وباسه :والله هالولد حليوه ياربي متى يكبر من ثلاث شهور وهذا حجمه
لمى وهي تطلع لخالد بيجامه:هههههههه بالعكس كبر وصار ثقيل ومااقدر اشيله
خالد جا عندها وحضنها من ورى :هذا لانك بتموتي من قله الاكل
وصايره عصا ماتنشافي
لمى:حبيبي اتركك من جسمي الحين وادخل خذ دش على ما اجهز لك الاكل
خالد باس راسها:اااااه قديش احبك والله اني اموت فيكي
لمى بحب:وانا اكثر

في لندن
عند زياد
الي اتخذ قراره بانه يرجع جده بس خايف على عياله من ابوه واهله خايف اخواته مايحبو عياله "بس رماح ولينا اكيد راح يحبوهم ويعاملوهم كويس يالله هم مارح يحتكو فيهم كثير بس يادوب من اسبوع لاسبوع لاني راح اعيش لوحدي بس عيالي اخليهم عند مييييييين لاجيت اروح الشغل اممممم لقيتها ادخلهم روضه هم الحين 4 سنوات يعني يمديهم يخشو تمام كذا المهم ارجع جده الغربه هلكتني"

بعدها باسبوعين

فيصل دق على عبدالله ونواف والعمان والعيال كلهم وبلغهم انه ابوه تعب ودخله للمستشفى والكل راح له ومانعين عنه الزياره
لانه في العنايه المركزه
ابو راشد وابو زياد وعبد الله وفيصل ونواف ومحمد كانو عند الدكتور المسؤل عن حاله ابو عبدالله
ابو زياد بخوف على اخوه الصغير:ها يادكتور طمنا
الدكتور بقلق:والله الحاله حرجه وهو الله يهديه كان مهمل نفسه ومايخذ دواه بانتظام وهذا الي سبب له جلطه في القلب
ولازم نعمله عمليه باسرع وقت
نواف:خلاص نسفره بره
عبدالله:ايه نسفره بره
الدكتور قاطعهم:ماله داعي لان هذي العمليات تتعمل عندنا
وفيه دكتور شاطر راح يجينا من لندن ومشاء الله ماعمره عمل عمليه قلب وفشل فيها ممتاز جدا واحنا لنا سنه نعرض عليه انه يشتغل عندنا ومن حسن حظكم امس الي قرر انه يجي خلاص بس فيه مشكله
فيصل بقلق :وش هي
الدكتور:مارح يجي الا بعد اسبوعين وابوكم حالته ماتسمح انه ينتظر اسبوعين
عبدالله بقله حيله:والعمل
الدكتور:ممكن تطلبو منه يجي على حسابكم الشخصي هو هذا الشي مكلف نوعا ما بس هذا الحل الوحيد
ابوراشد:مو مشكله اعطينا رقمه واحنا بنتفاهم معها
محمد:اعطيني الرقم يادكتور فؤاد"هذي هي نفس المستشفى الي يشتغل فيها محمد وحسام لكنهم مايعرفو بعض"
الدكتور :حاضر يا دكتورمحمد وقدمه العافيه انشاء الله

واعطا الاسم والرقم لمحمد
وخرجو
عبدالله:محمد كلمه الحين
محمد:وش الحين الله يهداك الساعه الحين عندنا 7 الصباح يعني لسه يادوبها 5 الفجر هناك خل عندك ذرابه
نواف سحب الرقم من محمد بعصبيه :انا ماعندي ذرابه ابوي بيروح مني ودق الرقم وانصدم لما طلع له في جواله اسم زياد<ابو بدر>"صح انا شلون راح عن بالي زياد والله اني مخرف"وغصب ابتسم والكل مو فاهم سر هالابتسامه
:الو
زياد بفرح:هلا وغلا بالي من تزوج سحب علينا
نواف بهدوء:هلابك زود
زياد خاف نبره صوته ماتطمن:خير نواف وش فيك احد صار له شي
نواف بتوتر:ابوي
زياد خاف بجد لانه وبالرغم من الي سواه فيه عمه ابو عبدالله الانه يعزه:وش فيه عسى ماشر
نواف:ابوي محتاج عمليه قلب ولازم تجي والله محتاجك ياخوي
الدكتور عطانا رقم الدكتور الي بيجي عندهم بعد اسبوعين وقال انه نقدر نجيبه قبل وبسرعه بس على نفقتنا الخاصه وطلع انت هذا الدكتور
والله مادري كيف نسيتك ياخوي بس شكله من زود الخوف
زياد توه استوعب:مسموح ياخوي وماعليه شر انشاء الله و باذن الله اول ماالاقي حجز انزل جده

نواف:انت متى تبي تجي
زياد:لما الاقي حجز
نواف بهبال:انت ثور
زياد:نعم خييير يالهيس
نواف:انت ناسي اني كابتن في الخطوط واقدر ادبر لك حجز
زياد:ايييييييه صح راح عن بالي المهم احجز لي ولبدور ومجود على بعد بكره على مااجهز اموري واظبط وضعي بس ياويلك لو احد يدري عنهم انا ابيهم يستقرو ونفسيتهم تستقر وبعدها يصير خير
نواف ابتسم :اوكي بس وين بتسكن
زياد:يانك غبي احجز لي في الهليتون هو صح بعيد عن المستشفى بس امان اقدر اترك العيال فيه
نواف:لا والله المهم يصير خير لاجيت يالله ماعطلك وابلغك بموعد الحجز على المغرب
زياد:على خير انشاء الله ولاتشيل هم انا الحين بكلم مدير المستشفى واخذ منه تفاصيل حاله عمي
نواف:تسلم
وقفل والكل يبي يعرف ايش صار
التفت نواف لهم:الحمد لله خلاص بعد بكره جاي
محمد:مشاء الله مطيح الميانه معه
نواف:ايه يوم كنت اتعالج كان دكتور في المستشفى الي انا فيها ولاني قعدت هناك ثلاث سنوات فاكيد اعرفه لانه عربي
محد حط باله معاه او حس انه يكذب لانهم شايلين هم ابو عبد الله
"نواف حب يشوف رده فعلهم لما يشوفوه "