لمشاكل التسجيل ودخول المنتدى يرجى مراسلتنا على الايميل [email protected]





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


[ دنيا غريبة ]

(دنـــــيـــــــــــــا غــــــــريـــــبــــــــــــه) تركي(وهو يبتسم):سعد أبسألك سوال أدري إن سوالي بايخ ومعروف عني بالبياخه بس دامنا فاضيين تعرف أمي كم كان عمرها يوم تزوجت أبوي الله يرحمه وودي تعلمني

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 22-02-10, 02:43 AM   المشاركة رقم: 1
المعلومات
الكاتب:
اللقب:

البيانات
التسجيل: Oct 2008
العضوية: 99390
المشاركات: 6
الجنس أنثى
معدل التقييم: نيار عضو بحاجه الى تحسين وضعه
نقاط التقييم: 10

االدولة
البلدMorocco
 
مدونتي

 

الإتصالات
الحالة:
نيار غير متواجد حالياً
وسائل الإتصال:

المنتدى : القصص المكتمله من وحي قلم الاعضاء
افتراضي [ دنيا غريبة ]

 







(دنـــــيـــــــــــــا غــــــــريـــــبــــــــــــه)


تركي(وهو يبتسم):سعد أبسألك سوال أدري إن سوالي بايخ ومعروف عني بالبياخه بس دامنا فاضيين تعرف أمي كم كان عمرها يوم تزوجت أبوي الله يرحمه وودي تعلمني بعد دامك عشت مع أمي وأبوي أكثر منا تذكر كيف كان شكل امي قبل يعني ابوي ماخذها لجمالها ولا.
سعد:الله لاتبلانا بس.
عايشه:هههههه صادق أخوي العقل نعمة ولا وش جاب طاري هالسالفه تركي.
تركي:مدري جت فبالي وقلت أستفسر بس فيها شي.
سعد:تركي بيني وبينك (وهو يتلفت)
تركي:أيه أيه ماعليك محد يسمعنا.
سعد:والله ع ما أذكر أن أمي كانت شيفه قبل.
تركي:هههههههههههه
عايشه:أحم أحم
سعد:أيه تقول تركي لاالحين
مالقيت وظيفه.
تركي:والله ياخوي لا الحين
عايشه:أروح أساعد أمي أحسن من الجلسه معكم.
تركي؛سعد:هههههههه
وتدخل أم سعد جايه من المطبخ:ها ها بدينا بالحش كأني سمعت أسمي وتتضاحكون وش السالفه.
عايشه:هههههه تعالي شوفي أول مره أشوف أثنين يحشون
بأمهم.
وينقز تركي كالعاده ويحب راس أمه:أفا بس يمه وأحد يتجرأ يتكم عليك وأنا موجود.
أم سعد:عفيه وليدي هذا تركي اللي أنا أعرفه بس يالله ترا العشا ع الطاوله .
تركي:أشوى بغينا نروح فيها.
سعد+عايشه:هههههه
عايشه:أمش أمش قدامي ولا علمت عليك.
وراحت عايشه تجهز باقي أغراض العشا مع أمها.
وبعد عشر دقايق قامو سعد؛تركي


وبالطاوله../
أم سعد(وهي رافعه حواجبها):تركي سعد منهي الشيفه؟
تركي(غص):ماي ماي
+عايشه+سعد:هههههه
عايشه(ترفع إيدها): مالي شغل
سعد: ههههههه وأحد غيرك يالنسره
تركي:سعد ليه تقول ع أمي
إنها شيفه.
سعد(يناظر تركي وهو مطير عيونه و مستغرب)
تركي:أيه أيه سو نفسك ماسويت شي يذبح القتيل ويمشي بجنازته.
(عايشه ميته من الضحك)
سعد:هي أنت اي قتيل وأي جنازه وش قاعد تقول أنت
تسوي عملتك وتحطها براسي
(ويلتفت لأمه)يمه والله العضيم
والله إن هو الي فتح الموضوع
سعدوماسك الملعقه والشوكه
وقاعد يطبل فيها ع الصحن)
يحيا العدل يحيا العدل شفتي
يمه وش قال وشهد شاهدن من أهله يقول فتح الموضوع يعني هو الي قاله.
أم سعد:هههههه الله يخليكم لبعض بس.
الجميع:آمين
تركي:وانا الله يعطيني ع قد نيتي ويزوجني بنت الحلال
آآآآمين.
أم سعد:آمين يارب العالمين.
سعد:هههه منهي ذي تعيسة
الحظ الي تبي تاخذك.
تركين(مستحي):قصدك سعيدة الحظ
عايشه:أبشر ياخوي أنت أشر
بس والله ألف وحده تتمناك بالمدرسه هذي المزيونه و هذي الشقرا وهذي السمرا وهذي وهذي يقولون متى يجي تركي ويخطبنا.
تركي:صدق.... أجل بكره أرسليلي صورهم.
عايشه:هههههههه أبشر.
سعد وهو قايم :أنعم الله عليهم.
تركي:لاعادي تعال بكره.
سعد:هههه بايخ
تركي:أدري
أم سعد:بدري ياوليدي ماكلت شي.
سعد:شوفتك يمه تسوى الدنيا
كلها(ويقوم ويحب راس أمه)تصبحون ع خير.
أم سعد :الله يرضى عليك ياوليدي.
عايشه:يالله أجل عندي أختبار
مايمديني أذاكر.
تركي:أجلسي بلا كلام زايد لاحقه ع المذاكره وحتى لابغيتي شي أنا اجي اذاكرك.
عايشه:هههه أنت انفع نفسك بالأول يالله أجل.
أم سعد:الله يوفقك يابنيتي وأشوفك دكتوره إنشالله.
عايشه:آآآمين.
تركي:أشوفك واثقه يوم تقولي آمين.
عايشه:وش فيها أصلا أنا حلمي أن أصير دكتوره.
تركي:أقول لاتتعبي نفسك دكتوره مافيه مو مثل السسترات الايام ذي الي يسوى والي مايسوى يكلمهم ويستفسر منهم.
عايشه:يعني كل ذا الي هامك ؟
سعد(معصب):أيه ولايرضيك تكلمين اليسوا واللي مايسوا.
وتقوم عايشه فوق لغرفتها ركض.
ام سعد:وش فيك معصب يرضيك الحين ياوليدي زعلت عيوش أختك الوحيده ليش ع أختك كذا يالله ياوليدي قوم تسامح منها.
تركي: بس يايمه.....
أم سعد:لاتبسبس خلاص روح
راض أختك وبعدين ياوليدي ذي أمنية أبوك الله يرحمه أن
يشوف بنته دكتوره ولاماتبي أمنية أبوك تحقق ماتبيه يرتاح
بقبره يالله ياوليدي قوم تسامح من أختك وهذا وانا قدامك تسوي بأختك كذا اجل بكره لامت وش تسوي فيها يالله قوم وطيب بخاطرها بكلمتين الله يرضى عليك.
تركي(يقوم ويحب راس أمه) بعيد الشر عنك عسى يومي قبل يومك أبشري يالغاليه ولا أشوف هالدموع أموت ولاأشوفها يمه خلاص أبشري(ويمسح دموع أمه)
ام سعد:الله يرضى عليك ياوليدي ويخليكم لبعض.
(كان تصرف تركي غصب عنه
هو معروف عنه بالغيره ع أهله وهو مو من طبعه انه عصبي بس بعض الاشياء تنرفزه)




تركي



طق طق طق/عايشه:.....
طق طق طق ويدخل تركي:عيوش.
عايشه:/.....
ويجلس بجنب عايشه بالسرير
ويرفع راسها:عيوش تبكين!
عايشه تنزل راسها
تركي يرفع راس عايشه :خلاص عيوش تكفين والله مو قصدي.
عايشه(تبكي): ماأبكي من عصبيتك يا تركي انت تدري وش معنى كلامك انت تبي تحرمني من أمنيتي وأمنية الغالي قبل
مايموت وانا صغيره كان يقولي ودي أشوفك دكتوره ودي يقول ودي وهو الحين بقبره ماتبي احقق امنيته.
تركي(يمسح دموع عايشه):طيب لاقلت أنا أبيك تصيرين دكتوره وش تقولين.
عايشه(ترفع راسه وتمسح دموعها وتبتسم):صدق
تركي(يبتسم):ايه صدق ولاجيت المستشفى وانا تعبان أقول وخرو وخرو ابي الدكتوره عايشه وخرو.
عايشه(تزيد إبتسامتها):بعيد الشر عنك يأخوي ويالله لاتحرمنا منك(وترتمي بحضنه)
تركي:خلاص فكيني ذبحتيني(وتوخر عايشه) عساها دوم هالضحكه ويالله ماطول عليك .
عايشه:عسى يخليك لنا ذخر قول أمين.
تركي:آمين يالله عاد ابروح انام ماني فاضيلك انا.
عايشه:نوم العوافي
تركي:الله يعافيك
عايشه:بامان الله
تركي(مستحي):بس
عايشه:هههههه وش فيك.
تركي:أبي بوسه.
عايشه:هههههه بس ماطلبت شي وذي أحلى بوسه لأحلى اخو بالعالم.
تركي:ههههه حشى مهي بوسه ذي يالله سلام.





هذه عايلة أم سعد وهذي أم سعد عاشت وضحت وكافحت لأجل عيالها بعد وفات زوجها اللي هو أبوهم ومنى عينها إنها تشوف عيالها مستانسين ومرتاحين وهذا كل اللي تتمناه وكانو مقطوعين من شجره لاعم لاخال لاسند وهذا سعد ألإخو الاكبر ويشتغل بآحدى الشركات الكبرى وعمره23 وهذا تركي عمره 20
ومعروف بخفة دمه وضحكه ومثل مايقولون ملح البيت وهذي عايشه آخر العنقود عمرها 18 تدرس بثالث ثانوي



وقام تركي ع رنت جواله{الغالي يتصل}:هلا زياد
زياد:هههههه ياحلوك وانت تو صاحي.
تركي:انت داق علي بآخر الليل تضحك.
زياد:فديت اللي معصب.
تركي(يبتسم):فديتك انا ويلموني فيك مشكلتي اني ماقدر اعصب عليك سم امر.
زياد:هههه اقول لايكثر بس يالله قوم صحصح وغسل.
تركي:تكفى خلني انام
زياد:يالله عاد بسك دلع يالله نص ساعه والقاك بالاستراحه لاتنسا تراك امس واعدني تجي لاتقول نسيت بعد.
تركي:لالامانسيت حتى الواحد مايعرف ينام طيب طيب يالله هذاي قمت.
زياد:عفيه ع الشاطر.
ويصك الجوال بوجه زياد
زياد:هههه ياحليلك ياتروك.



وهذا زياد شخصيه جديده بالقصه هذا زياد ماعرف صديق
ولارفيق إلاتركي عشرت عمر
بينهم وتبي تعرفون معلومات اكثر عن زياد اثناء القصه<<حلوه كلمة اثناء



وقام تركي يغسل وقابله سعد
طالع من الحمام:سلامات تركي
وش اللي مقومك الحين.
تركي:الله يسلمك اخوي بس ذا
زياد يقول عازمني بالاستراحه
وانا مواعده بس راحت علي نومه.
سعد:انتبه وانا واخوك مارتحت لهم ذولي اصدقاء زياد .
تركي:الله يهداك سعد بس ماعليك مهو صاير إلا كل خير انشالله.
سعد:والله مدري بس المهم لاتطول مثل كالعاده ترى أمي دايم تحاتيك.
تركي:لاانشالله كلها كم ساعه وانا بالبيت المهم تامر ع شي اجيبه معي لاجيت.
سعد:سلامتك انتبه ع نفسك.



/بالاستراحه
تركي:السلام عليكم.
الجميع:وعليكم السلام والرحمه
يالله انك تحي تركي وينك ياخوك تأخرت زياد معصب يدورك له ساعه.



تركي:إلا ع طاري زياد وينه.
-جاي بس راح يجيب عشا وهذا هو بالطريق.


/ويدخل زياد:السلام عليكم.
الجميع:وعليكم السلام.
زياد:الله الله اشوف الاستراحه منوره اثر الغالي موجود.
تركي:الله مير يسلمك تعال اجلس ابيك شوي.
زياد(ينزل الاكياس الي معه):ابشر...يالله سوو السفره لين اجيكم.





/كانت الاستراحه مراقبه من قبل
المباحث ومشكوك فيها وكانت مراقبه لمدة شهرين.


الضابط:كم واحد داخل.
-خمس
الضابط:يالله توزعو نبي نهاجمهم بعد شوي.



/ويطبون عليهم /



-الشرطه الشرطه
زياد+سعد:وشووو...



وظلو زياد وتركي جالسين ماتحركو ع نياتهم.



وحدث إطلاق نار بين الثلاث الي كانو بالاستراحه والشرطه


تركي(قلبه شوي ويطلع):زياد وش السالفه هذولي من جابو هالاسلحه ووش فيهم يطلقون ع بعض وش السالفه زياد تكلم.
زياد:اسكت اسكت انا مثلك مدري وش السالفه اقول خلنا نطلع احسن لهم.
تركي:خبل انت تسمع صوت إطلاق نار و تطلع .
زياد:أمش أمش خلنا نشوف وش صاير.


/يطلعون زياد؛تركي رافعين ايدهم وتجي رصاصه طايشه ع تركي/


زياد(يصرخ):تركييييييييييييي





الصبح
/الجميع ع الطاوله
سعد:صبحهم بالخير.
ام سعد؛عايشه:صباح النور
أم سعد:والسرور تعال افطر ذبحك النوم.
سعد:وش اسوي عيى يجيني النوم امس ويالله نمت ساعتين.
عايشه(تضحك):يمه والله شكل الاخ يحب .
سعد:لافكرة احب اول مايدري انتي لاتخافي.
ام سعد:ألا وين تركي.
سعد(ارتبك):لايمه مو امس ماجاني نوم صح قلت اروح عند
تركي اسهر معه وسهرته معي
وشكله لاالحين نايم(وين حطيتني بهالموقف ياتركي الله يهديك ماقلت لك لاتتاخر).
ام سعد:طيب ابروح اصحيه.
سعد:لالايمه انا ابروح.
عايشه:يالله بسرعه علشان تدويني المدرسه.
سعد:طيب دقيقه وجاي.



/ودخل غرفة تركي:الله يهداك
ياتركي بس خلني ادق عليه اشوفه وينه.


{جاري الاتصال}
سعد:رد رد ياتركي.
{لايوجد رد}
سعد:وش فيه ذا لايكون نام بالاستراحه بس خلني ادق ع زياد اشوف وين راح تركي ذا.



سعد:وش فيهم ذولي والله بديت اخاف.
عايشه(تنادي):يالله ياسعد بسرعه تأخرت.
سعد:يالله جاي جاي
ام سعد:والله ناغزني قلبي احس تركي فيه شي.
عايشه:لامافيه الاكل خير الحين
ينزل مع سعد لاتخافي.


/وينزل سعد


ام سعد:ها وينه اخوك.
سعد:لاهذا هو جاي بس قام بدري وقال اروح افطر برا مع زياد وهذا هو دقيت عليه ويقول جاي بالطريق.
ام سعد:غريبه اول مره يفطر برا مهي من عوايده.
عايشه:يالله سعد تأخرت.
سعد(يضحك):يمه اصلا تركي ذا غريب هو براسه.
عايشه(معصبه):وبعدين بسرعه وراي اختبار.
سعد:يالله يالله.


ويوم وصلو الباب وإلا التلفون يدق.
ام سعد(نغزها قلبها):يمه وليدي.
سعد:يمه وش أقول انا من الصبح اصبري خمس دقايق وتلقين تركي عندك يطامر.
ام سعد:والله مدري قلبي ناغزني ابي تركي الحين ابيه.
سعد:ايه......ليه......طيب طيب خمس دقايق وجاي.
ام سعد:ها منهو ذا ها تركي فيه شي.
سعد:لايمه الله يهداك بس هذي
الشركه يسألون ليه تأخرت ها شفتي أخرتيني كله علشان
تركي ذا وش شايفه فيه مدري
هههه.
ام سعد:مالك شغل ابي تركي الحين.
سعد:يمه يايمه والله تركي مافيه شي(ويناظر دموع امه)يمه تكفين لاتبكين طيب ابشري ابدق عليه يستعجل(وكانت عايشه تظرب بوري)
يوه يمه نسيت عيوش دقيقه ابوصلها وجايك.
ام سعد:لاتسرع وانا وامك ولاتخلي اختك لين تدخل المدرسه ودق ع تركي وخله يجي بسرعه الله يرضى عليك.
سعد:هههه الله كل ذي اسويها بخمس دقايق(ويحب راس امه)ابشري يالغاليه مايصير إلا اللي يرضيك بس لااشوف هالدموع مره ثانيه خلاص يالله عاد اضحكي ياالله.
ام سعد(تبتسم)
{عايشه تتصل}
(تضرب بوُري)
سعد:يوه نسيت عايشه ياويلي الحين تبي تاكلني يالله سلام.
ام سعد:بحفض الرحمن(ترفع ايدها)يالله انك توفقهم وتحفضهم وتكتب لهم بكل خطوه سلامه.




"
يتبـْع

 
 

 


التعديل الأخير تم بواسطة بياض الصبح ; 26-05-11 الساعة 09:33 AM سبب آخر: تعديل العنوان " المدات مخالفة
عرض البوم صور نيار   رد مع اقتباس

قديم 22-02-10, 02:45 AM   المشاركة رقم: 2
المعلومات
الكاتب:
اللقب:

البيانات
التسجيل: Oct 2008
العضوية: 99390
المشاركات: 6
الجنس أنثى
معدل التقييم: نيار عضو بحاجه الى تحسين وضعه
نقاط التقييم: 10

االدولة
البلدMorocco
 
مدونتي

 

الإتصالات
الحالة:
نيار غير متواجد حالياً
وسائل الإتصال:

كاتب الموضوع : نيار المنتدى : القصص المكتمله من وحي قلم الاعضاء
افتراضي

 



"





بالسياره
/سعد(اللي انا سويته صح ولا
غلط ليه ماعلمت امي وش في
انا وبعدين وش يبون مني المستشفى ووش فيه تركي وليه كذبت ع امي وقلت انهم
الشركه يبوني والله مدري اللي سويته صح ولاغلط)
عايشه:سعد
سعد(اعلم عايشه ولا لا لاالبنت وراها اختبار ماودي ازود عليها
خلني اروح المستشفى واتطمن
ع تركي وبعدين اعلمهم الله يستر بس والله يبعد عنك الشر ياتركي)
عايشه:سعد
سعد:هلا
عايشه:هههه لاوالله لي ساعه اسولف معك وآخرتها تقول هلا والله الظاهر الرجال من صدق بدا يحب من الي ماخذ عقلك.
سعد:لامعك معك بس مثل ماتعرفي النوم سلطان(الله يستر بس والله ماتدرين ياعايشه وش الي افكر فيه)









المستشفى/
سعد(مسك اول دكتور قابله)ويسأله.
الدكتور(يشر ع الغرفه)
سعد(يركض فتح باب الغرفه ويطلعونه السسترات:بليز بليز.
سعد:وخرو ابشوف تركي(وينادي تركي)
ويجيه دكتور سعودي:تقرب للمريض.؟
سعد:ايه اخوه بس تكفى الله يخليك خلهم يوخرون ابشوف تركي.
الدكتور:الحين المريض بحالة غيبوبه تعال ابيك.






وداخل غرفة الدكتور
/الدكتور: (يعلمه بالسالفه كلها)
سعد(منصدم ويقوم من مكانه):مصاب بطلقه؟!
الدكتور:ايه وانت خل املك بالله
كبير وانت مؤمن ترضى بقدرة
الله.
سعد(لاالحين منصدم):وش معنى كلامك تراك خوفتني يادكتور وش فيه تركي بالضبط.
الدكتور:والله مدري وش اقولك بس انت خل ايمانك بالله
قوي.
سعد(عصب):وش فيه تركي يادكتور تكلم.
الدكتور:والله اخوك بين الحيا والموت.
سعد(قام من كرسيه):وشوووو؟!








بالبيت
/ام سعد(تنظف الصحون ويطيح منها صحن وينكسر):بسم الله بسم الله كسر الشر انشالله.......وينك ياتركي مدري ليه قلبي يعورني(ترفع ايدها)الله يبعدكم عن كل شر ياعيالي.








بالسياره
/سعد(وش اقول لأمي الحين
والله خايف عليها وهي حاسه من الصبح ان تركي فيه شي
والله محتار وش اسوي)







بالبيت
/سعد:السلام عليكم.
ام سعد:وعليكم السلام وش فيك مارحت دوامك مو تقول انك متاخر.
سعد:يمه اجلسي ابيك شوي.
ام سعد(مرتبكه):وش فيك ياوليدي وجهك مايبشر بالخير.
سعد:لامافيه الاكل خير بس انتي اجلسي.



سعد(يجيب السالفه بالتدريج)





ام سعد(تقوم):وليدي تركي شفت ماقلت لك ان تركي فيه
شي ودني لتركي ودني له.
سعد(يقوم ويجلس امه ويهديها):يمه تركي الحين يبي دعواتك أذكري الله.
ام سعد(تبكي):ودني تركي تكفى ودي اشوفه تكفى الله يخليك.
سعد:لاحول ولاقوة الابالله اذكري الله يايمه وخلي املك بالله كبير وانشالله العصر يفتحون الزياره.
ام سعد(دموعها اربع اربع):الله
يشفيك ياتركي وانا وش يصبرني للعصر.






سعد:السلام عليكم.
مدير الشركه(ابوصالح):وعليكم السلام والرحمه.
سعد:شلونك يابو صالح.
ابو صالح:والله الحمد بخير ونعمة.
سعد:بس بغيت استاذنك اني ماراح اجي هاليومين.
ابوصالح:سلامات وش فيك.
سعد:لابس تعبان شوي.
ابوصالح:ماتشوف شر ولايهمك
لاتجي الالين تشوف نفسك انك تقدر تداوم.
سعد:الله يسلمك يالله سلام.
ابوصالح:الله معك




/وقت طلوع الطلاب من المدرسه


سعد:يمه .....يمه.....يمه
وين راحت هذي......ويدخل غرفة أمه ويلقاها تصلي ورافعه إيدها ويشوف دموعها...الله يصبرك يايمه والله مالومك هذا تركي بس وش نسوي قدرة الله فوق كل شي.





/وراح وجاب عايشه من المدرسه/
عايشه(تبتسم):السلام عليكم....وش فيه البيت هادي وين أمي وين تركي بالعادة ألقاهم بالصاله أصواتهم وضحكهم اسمعه وانا برى.
سعد:أمي بغرفتها تصلي...يالله سلام.
عايشه:تعال وين رايح، وش فيه ذا ،خلني أروح امي أحسن.







بالمخفر/
الضابط:زياد
زياد(منزل راسه).....
الضابط:زياد
زياد:سم
الضابط:وش فيك
زياد:قول وشو الي مو فيني لو بيدي أقول اشنقوني الحين
بس لاأشوف تركي بالسرير لايتحرك ولايسمع ياحضرةالظابط ذا تركي تعرف كيف تركي وش ذنبه يصيرله كذا.
الظابط:انت الي ورط خويك وتبكي علشانه.
زياد:صدقني ياحضرة الضابط والله انا مدري عن شي وتركي بعد مايدري عن شي وحتى اسال الي قبضتو عليهم علشان تعرف اني انا بريئ وتركي بريئ بعد.
الظابط:وشو الي قبضنا عليهم انتم كنتوخمسة ثنين ماتو وواحد هرب وانت وخويك الي بالمستشفى بين الحيا والموت كيف تبينا نصدقك مافيه اي اثبتات رسميه والحل الوحيد ننتظر خويك يقوم من المستشفى ويثبت برائتك.
زياد:بس ياحضرة الظابط تركي مايدري عن شي مثلي
الظابط:طيب لاصار اي شي جديد اخبرك....ياعسكري.....رجع هالمتهم لزنزانه.










سعد(وهو نازل ويسمع التليفون):هلا......نعم.....طيب
(الله يستر الله يستر يالله تجيب العواقب سليمه ماتصلو المستشفى الاوصاير شي الله يقومك بالسلامه ياخوي)





"

يتبـْع

--------------------------------------------------------------------------------

 
 

 

عرض البوم صور نيار   رد مع اقتباس
قديم 22-02-10, 02:46 AM   المشاركة رقم: 3
المعلومات
الكاتب:
اللقب:

البيانات
التسجيل: Oct 2008
العضوية: 99390
المشاركات: 6
الجنس أنثى
معدل التقييم: نيار عضو بحاجه الى تحسين وضعه
نقاط التقييم: 10

االدولة
البلدMorocco
 
مدونتي

 

الإتصالات
الحالة:
نيار غير متواجد حالياً
وسائل الإتصال:

كاتب الموضوع : نيار المنتدى : القصص المكتمله من وحي قلم الاعضاء
افتراضي

 


"



/بالمستشفى
سعد:خير دكتور تركي فيه شي تطمني يادكتور قلبي مو متطمن.
الدكتور:أذكر الله
سعد:لاإله الاالله
الدكتور:انت مؤمن بقضاء الله وقدره وتعرف ان حكمة ربك فوق كل شي وعسى ان تكرهو شيئا وهو خير لكم.
سعد:وش معنى كلامك يادكتور خوفتني وش فيه تركي صاير شي.
الدكتور:تركي الحين يطلبك الرحمه وهو الحين محتاجك اكثر من قبل محتاج دعواتك.
سعد:وشو....لالالايادكتور تمزح صح قول اني امزح تكفى لاتركي مافيه شي وان شالله نبي نزوره بعد شوي ونبي نتطمن عليه قول غير هالكلام يادكتور الله يخليك.
الدكتور:لاحول ولاقوة الا بالله انت مؤمن بقضاء الله وقدره وهذي مشيئة الله قول قدر الله وماشاء فعل.












عايشه:خلاص يايمه شوي ويجي سعد ونزور تركي وتشوفينه وتتطمنين عليه.



/يدخل سعد
عايشه:يالله يايمه هذا سعد جا.
(ويقومون عايشه وام سعد)
ام سعد:جيت ياوليدي يالله الله يخليك تكفى ابي اشوف تركي يالله نبي نزور تركي قومي ياعايشه جيبي العبايه بسرعه.
عايشه:طيب
(لازال سعد واقف عند الباب ومنزل راسه مو قادر يقول ولاحرف)
ام سعد:وش فيك ياوليدي اجلس ارتاح من الصبح من الصبح وانت مارتحت وش فيك ياسعد شكلك مايطمن بالخير.
سعد(وهو منزل راسه):تركي مات.
ام سعد:وشو ماسمعك عل صوتك.
سعد(يرفع راسه ويصرخ):تركي مااااااااات.
ام سعد:......
سعد:يمااااااااه
عايشه(وهي تركض):وش وش السالفه وش فيك تصرخ سعد...(وناظرت امها)يماااااه يمااه وش فيك ردي يمه علي








/بالمستشفى/
عايشه(تبكي مثل الطفل)
سعد(ضام عايشه):خلاص عيوش اللي صار صار وهذي قدرة ربك ادعي لأخوك بالجنه
<ولأن أصابتهم مصيبه قالو أن لله وإن إليه راجعون> وأنتي إيمانك بالله قوي مايصير تسوين بحالك كذا خلاص عاد يالله الحين الوالده تقوم وتشوفك كذا وتزدين عليها وهي مهي ناقصه مصايب بعد
عايشه(يزيد بكائها)ياسعد انا القاها منك ولامن تركي رحمة الله عليه ولامن امي ماندري وش يبي يصير فيها اسكت اسكت ياخوي ع قولتك لاتزيد الهم همين
سعد:لاحول ولاقوة إلابالله خلي املك بالله كبير عيوش خلاص عاد تكفين لاتبكين
عايشه(تضم سعد بقوه ويزيد بكائها)هذا تركي ياسعد تعرف كيف تركي
سعد(تنزل دموعه):لاحول ولاقوة إلابالله.

(وبكت عايشه وبكت وبكت وهي بحضن سعد لين غلبها النوم من التعب والارهاق والهم والتفكير والنوم ووو)

سعد(غطى اخته بشرشف من شراشف المستشفى):الله يعينك ياعايشه صادقه والله من وين تلقينها انتي وين وهالمشاكل وين (يترك عايشه نايمه وراح للدكتور ليتطمن ع امه)
سعد:ها دكتور بشر الوالده فيها شي
الدكتور:والله مدري وش اقولك الوالده الحين بحالة غيبوبه والظاهر ان الصدمه قويه عليها وان شالله مو صاير الا كل خير
سعد:زين دكتور تبي تطول ع الحالة ذي
الدكتور:خل املك بالله قوي
سعد:والنعم بالله...زين دكتور يعطيك العافيه (ويروح ويجلس عند باب غرفة امه وهو منزل راسه وحاط ايديه ع راسه)ليه كذا ياتركي ليه ماقلت لك انتبه من أصدقاء زياد قلت لك مايجيبون الاالمصايب الله يرحمك ياتركي الا ع طاري زياد وينه الحين وش تسوي الحين يازياد والله ماتستاهل اللي يصير فيك لازم ازوره ولاأمي
اللي كانت الصدمه قويه عليها وانتي ناقصه يالغاليه الله يقومك بالسلامه يالغاليه ولاعيوش ااه ياعيوش والله حرام المصايب الي تحاذف عليك وانتي الحين بدراستك ولابهالمصايب ولابهالاختبارات الي ع الابواب ولاانا الي مشتت بين ذا وذا ماأقول إلا اروح اشوف عايشه قامت ولالا أزين لي من هالتفكير الي ماوراه الا عوار الراس


\بالمخفـر
الظـابط:يـاعسكري....... خـل زيـاد يجـي



زيـاد:السلام عليكم
الظـابط:وعليكم السلام

زيـاد(منـزل راسـه)

الظـابط:أجلس....زيـاد لإسف قلنـا ننتظـر تـركي يقـوم بالسلامـه بس مشيئة ربك فـوق كـل شي وهذآ هـو يطلبك الرحمـه يعني أمـلك الـوحيـد راح

زيـاد(دمـوعه تنـزل): يـاحضرة الضـابط من بعد وفـاة الغـالي وش إبي بالحيـاه أذبحوني أشنقـوني خلاص أنا السبب بموته خلني ألقى مصيرهـ خلاص يـاحضرة الضـابط مـالي حيـاه بعد وفـاة تـركي.

الظـابط:أستغفر الله لاتقـول هالكـلام تعـوذ من الشيـطـان.

زيـاد:.......

الظـابط:شـوف يـازيـاد أنـا مـانديتـك إلا بس حبيت أذكرك إن جلستك بكره بالمحكمـه والمكتـوب عليـك يبي يصـير.

زيـاد......

الظـابط: لاحـول ولاقـوة إلا بالله



\بالمستشفى


سعـد:خـلاص عيـوش خـلاص بسك صيـاح أن شـاء الله مو جـايهـا إلا كـل خيـر وأنتي مـاعليك إلاوتدعين لهـا بالسلامـه وهي الحين محتـاجة دعواتـك.

عـايشه(تضم سعد بقـوه)أمي يـاسعـد أمـي
سعد(يبكي):عـايشه خـلاص تكفين لاتبكين لاتعـوري قلبـي أنـا مونـاقص اللي فيني يكفيني خـلاص عاد.
عـايشه:سعـد تكفى خـل الدكتـور يجي خله يـاخذ قلبـي ولاأشـوف أمي بهالـحـاله تكفى قـول لهم تكفـى.
سعـد\(يبكي معهـا)عـابشه أذكري الله.


(ويجـون السسترات ويـاخذون أم سعـد)

عـايشه (تمسك السرير): وين مـاخذين أمي وين خلـوهـا تكفـون.
سعـد:\عـايشه حـرام عليك اللي تسوينه بنفسك كذا والله حرام أذكري الله.. وأدعي لهـا بالسلامه.
عـايشه:يالله تقومهـا بالسلامه(تـرتمـي ع سـعـد).








\غــرفـة العمـلـيــات
(جـالسه عـايشه تصيـح وسـعـد يهديهـا)

الدكتـور:لـوتـروحـون لبيتكـم أحسـن من جلستـكم هنـا مـالهـا داعـي وأنـا إبي أطمنكم وأتصل عليـكم لاصـار شي جديـد.

عـايشة:لالامـاني رايحه أنـا أبجلس عند أمي مـاني متحـركه من هنـا.
سعـد: أبشـر يـادكتـور....خـلاص عـايشه يقـولك الدكتـور تبي تطـول حـالة أمي وهو يبي يطمنـا عليهـا ويتصل علينـا لاصـار شي جديد يعني مـالهـا داعي جلستنـا هنـا روحي للبيت وأرتـاحي ونـامي وهدي أعـصـابك.
عـايشه:كيف تبيني يجيني نـوم ولاإرتـاح وأمي مـوعنـدي كيف قـولي كيف.
سعـد(يشر للدكتـور يعني خـلاص روح)يـالله عـايشه مشينـا وأستهدي بالله.







\بالبيت

سعـد:يالله يـاعـايشه تكفين تكفين روحي أرتـاحي وأنـا لاصـار شي جـديد إعلمك.
عـايشه(تنـاظر بالبيت)يـاشين البيت بـدونك يـايمه شـوف كـيف مظلم.
سعـد:أنشـاءالله كلهـا كم سـاعه وأمي تكـون جنبك..المهم تبين أجيب لك شي تـاكلينه
عـايشه:لايـاخوي مـاني مشتهيه شي بس وصلني للغرفه تعبـانه.
سـعـد(يبتسم)وإنتي لاالحين حـاطه نفسك صغيرهـ تبين أشيلك بعد للغرفه والله طـالت وشمخت.
عـايشه(تبتسم)تبي تـوديني ولاشلـون.
سعـد:طيب أوصلك بس بشـرط.
عـايشه:وشو الشـرط.
سعـد:تـاكلين معي.
عـايشه:والله مو مشتهيه يـاخوي مـالي نفس.
سعـد:لامـايصلح عيـوش ع فطـورك حتى الغداء مأتغديتي مـايصلح يـوم كـامل ومـاكليتي شي.
عـايشه:قلت لك مـاني مشتهيه شي.
سعـد:طيب طيب خـلاص لاتعصبين(ويقـول ويودي عايشه لغرفتهـا وينومهـا ويشغل قـران وطلع)
الله يكون بعـونك يـاعيوش..... إيـه صح نسيت زيـاد وش سوى والله مسكين يـازيـاد مـاتستـاهل خلني أروح أزورهـ مـاشفته وش سوى بعد مـاسمع عن وفـات المرحوم...تـوكلت ع الله.






\بالمخفـر


سعد: يعني من كلامك يـاحضرة الضـابط مـايبي يشـوف أحد.
الظـابط:والله هذا كلامـه بس تكفى روحله والله كـاسر خـاطري أول مـرهـ أشوف واحد يـائس من الحيـاهـ لهالدرجه من بعد مـاسمع عن وفـات تـركي وهو مـايكلم أحد ولايـاكل روحح دامك اخوى صديق عمره تركي يمكن يسمع منك سعـد:طيب يـاحضرة الظـابط.. بس أنت وش عـرفـك أن تـركي صـديق عمـرهـ وليه متعـاطف معه لهالدرجه.
الظـابط:والله يـاسعـد أني أكثر من مـرهـ جلست معه ودايم يسولف معي عن تـركي وأنـه ولاشي بدونه والله أحسد تـركي ع صـديق وفي مثل زيـاد واضح أنه مـاله شغل بهالقضيه بس أنـا أمشي مع القـانون وبكـرهـ جلسته لازم تحضر ع الاقل تـوقف معه.
سعـد:طيب يـاحضرة الظـابط إبي إشـوفه الحين.
الظـابط:طيب.... يــاعسكري نـاد لي زيـاد




زيـاد:السلام عليـكم
سعـد+الظـابط:وعليكم السلام
سعـد: معليش يـاحضة الظـابط خلنـا شوي لحالنا.
الظـابط: طيب.. أخليكم تـاخذون راحتكم.


سعـد:زيـاد
زيـاد(كالعاده منـزل راسه)......
سعـد: زيـاد(ويـرفع راس زيـاد)
زيـاد:سـم
سعـد:سـم؟...من اليوم أنـاديك وتـوك تقـول سم وش فيك يـازيـاد ليه مسوي بنفسك كذا انت مؤمن وترضى بقضـاء الله وقـدرهـ وأنت منت صغير أعلمك.
زيـاد:يـاسعد لـو أني مـانـاديت تركي وقلت له تعال اللاستراحه كان ماصار اللي صار انا اللي ذبحت تركي انا اللي قلت له تعال للاستراحه وتركي الحين مات لازم الحقه خلهم يذبحوني خلاص ماإبي أعيش خلاص قلبي بموت تركي مات معه.
سعـد:لاحول ولاقوة الا بالله لاالله .. ذي حكمة ربك لاانت السبب ولاانا السبب بموته هذآ يـومه.
زيـاد:الله يرحمك ياتركي ... طيب شلون امه الحين الله يكون بعونها.
سعد:أييييه..أمـي... الله يقومك بالسلامه يالغاليه... هذي هي بغرفة العمليات يسوون لها عمليه بالقلب ادع لها بس.
زيـاد:لااله الا الله..والله ماتستـاهل.. بس والله مـالومها هي اللي كانت اقرب وحدة تركي وكان تركي دايمن يسولف لي عليها الله يقومك بالسلامه يا أم الغالي .
سعـد:اللهم امين.... بس أنت داري أن الجلسه بكره.؟
زياد:أيه داري واللي يسوونه يسوونه ماعلي منهم يبون يشنقوني .يشنقوني عادي مافرقت ..خلاص أنا مصيري للموت أصلا من بعد تركي ماآطن فيه حياهـ.
سعد:استغفر الله لاتقول كذا خل املك بالله كبير.
زياد:سبحانه.
سعـد:طيب أنـا خليـت عايشه لحالها بالبيت .. بالله انتبه ع نفسك .. وان كان ناقصك شي لاتستحي.
زياد:لاوالله مابي الا سلامتك ويعطيك العافيه ع الزياره.
سعد:لاوش دعوى مـاسوينـا شي.. اجل يالله(ويحب راس زياد) خل أملك بالله قوي.






\بالبيت

سعـد(دخل غرفة عايشه ولقى نص البطانيه طايحه ويقوم ويغطي عايشه ويبوس جبينها .. وراح لغرفته يرتاح)




(الله يكون بعـونك يـاسعـد)> بـرى القصه





"

يتبـــْع

 
 

 

عرض البوم صور نيار   رد مع اقتباس
قديم 22-02-10, 02:48 AM   المشاركة رقم: 4
المعلومات
الكاتب:
اللقب:

البيانات
التسجيل: Oct 2008
العضوية: 99390
المشاركات: 6
الجنس أنثى
معدل التقييم: نيار عضو بحاجه الى تحسين وضعه
نقاط التقييم: 10

االدولة
البلدMorocco
 
مدونتي

 

الإتصالات
الحالة:
نيار غير متواجد حالياً
وسائل الإتصال:

كاتب الموضوع : نيار المنتدى : القصص المكتمله من وحي قلم الاعضاء
افتراضي

 



"



(ويروح سعد ويتوضى وثمن صلى له ركعتين وبنهاية التشهد.يرفع ايدهـ،يالله ياكريم ياقدير ياواحد ياأحد ياسميع يابصير ياودود أنك تقـوم أمي بالسلامه وتعافيها وتطوول بعمرها وتقدر عايشه ع تحمل هالمصايب وان بهاليوم تفرج عن زياد اللهم ياسميع .وأن تقدرني ع سعة البال وتحمل هالحمل الثقيل،وبعد الحاح وبكاء مسح وجهه,وثمن اخذ له مصحف وقرى له شوي لين ارتاح باله وخف همه وثمن نـام)


#الصبح السـاعه خمس

جوال سعد يرن
سعد:اللهم اجعله خير..... وعليـكم السلام... نعم يـادكتـور معك سعد...عسى مـاشر....طيب طيب
(ويقـوم ويغسل وجهه ووطيـران للمستشفى)





\بالمستشفى

سعـد:خـير يـادكتـور وش اللي صـار بشر عسى ما العملية نجحت .
الدكتـور:أنشاءالله مافيه الا كل خير بس تعال شوي المكتب نتفاهم.
سعـد(هب بقلبه الخوف) ابشر.


الدكتـور:شوف ياسعد سوينا اللي علينا ولكن حكمة ربك فوق كل شي وانت مثل ماعرفتك ايمانك بالله قوي ومؤمن بقضاء الله وقدره بس للاسف امك عطتك عمرها.



سعد(هالكلمة تكررت بمسامعه وكـانها صدى.عطتك عمرها ,عطتك عمرها,عطتك عمرها)

الدكتـور:سعـد.
سعـد:......
الدكتـور:سعد وش فيك سعـد..؟
سعـد:لايـادكتور لاتقول كذا امي مافيها الا كل خير بس انت تمزح صح قول كذا يادكتور قول تكفى الله يخليك بعد وفاة تركي تتوفى امي لا مايصير لا.

الدكتور:لاحول ولاقوة الا بالله.. أذكر الله ياسعد.. وأنا مقدر موقفك . بس هالامور مافيه مزح وماعليك الا تدعي لها بالرحمه والمغفره وان يسكنها بفسيح جناته.
سعـد:لااله الا الله... استغفر الله ..إنـا لله وأنا له راجعون.. بس يـادكتور الخوف مو علي الخوف ع عايشه وش تبي تسوي لادرت الله يكون بعونها وبعدين اللي تتكلم عنها ذي ام تعرف لافقدت ام وش تسوي(وقـام يبكي من قلب)

الدكتـور(الله يعينك ياسعد والله مدري كيف تبي تتحملون هالمصايب)










\بالبيت

(دخل سعد وراح لغرفة عايشه ولقاها نايمه).. كيف الحين ابي اعلمها يارب ساعدني وش اقول لها الحين...
خلني أنتظر متى تقـوم أحسن.. ويوم جا سعد يبي يسكر الباب

عايشه:سعد أنت هنا.
سعد:بسم الله انتي صاحيه
عايشه: ايه وش فيك.؟
سعد(تغيرت ملامح وجهه)لاوالله بس جيت اشوفك قمتي ولا لا.
عايشه:سعـد .
سعد:عيون سعد.
عايشه:لاتخبي علي سعد انا اعرفك لاصار عندك شي.
سعد:المشكله انك الوحيدة اللي تعرفيني زين(وجلس جنب عايشه بالسرير)شوفي ياعيوش انتي مو صغيره اجيبك بالف والدوران وانتي تعرفي أن الله حق وان قدرته فوق كل شي وابغى اقولك اني توجيت......
عـايشه(قلبها شوي ويطلع) وبعدين وش فيك سكت أمي صار فيها شي تكلم..؟
سعد:أستغفر الله...وقــالو أن أمي مـاتت.
عايـشه:لااااااااااااااااااا
عايشه(تبكي مثل الطفل):لالاتقول كذا قول غير هالكلام لاتكفى سعد امي ماماتت جايبها معك صح.. صح سعد لاتقول انها ماتت انا ما اقدر اعيش يوم واحد بدون امي وكيف تبيني اعيش طول عمري بدون ام ..يـاسعد اماانه
لاتقول كذا سعد وش فيك ساكت قول شي.
سعـد(وده انه ماعلمها)ياعايشه الله يخليك خلاص امي ماتت بحكمة ربي هذا مصيرها وهذا اللي مكتوب لها قولي
قدر الله وماشاء فعل. وأرضي بقسمته( وحس سعد انه يبي واحد يسمعه ويبي واحد يهديه بدل ماهو يهدي عايشه.. ولاشوي ما أمدى الا وهو خام عايشه بكل قوته وقعد يبكي معها )





\بالمحكمه
(اليـوم جلست زيـاد)
(بعـد شهـود والمحامي الل جابه سعد وبعد الاقـاويل وبعد كل شي حكم القاضي)
زيـاد(كـان يـائس ولاعنده ذرة امل وينتظر الموت)
القـاضي:بعد الاقـاويل والمحاماه ثبت أن.,






أن المتهم في هذه الحاله بما ان لم يوجد لديه أثبـات بـرائته وأن كـل الادله موجهه ضده .. ولايحتـاج للجلسه تـؤجل للنظر فيهـا. وفي كتاب العدل بـان مروج المخدرات يحكم عليه بالاعدام وحكم ع زياد بالاعدام حتى الموت.

الظـابط..\ كان حاضر الجلسه ولاشعوريـا نزلت دموعه وحس أن النـاس أنتبهت له وتدارك الامر ومسح دموعه ورا ح يواسي زياد):زيـاد خل املك بالله كبير ولاكنت مظلوم بمشيئة الله وبقدرته يثبت برائتك بس انت فوض امرك لله(وشاف زياد يائس من حياته وكـانه متوقع هالحكم وراضي فيه) أشفق لحاله ووده لو بيدهـ يطلعه برائه بس ما باليد حيله




\ باالبيت

سعـد(لازال يواسي عايشه)عايشه خلاص الله كاتب انه يبي ياخذ تـركي وامي بيوم واحد وانتي المفروض ترضين بقدرته وخلاص اللي صار صار خلاص وبعدين ترى مابقى الا شوي للإختبـارات وأنتي تعرفي أنك بـاخر سنه خلاص لاتفكرين الا بمستقبلك ... ولانسيتي وش كـان أمل المرحوم ابوي الله يرحمه قبل لايتوفى وانتي صغيره أن وده يشوفك دكتوره وكانت امنية أمي بعد وتـركي مـاودك تحققين امانيهم هم بقبورهم ريحيهم وحققي أمنياتهم ولااكذب عليك لاقلت اني ابيك تصيرين دكتوره بس يالله دامها امنيـات امي وابوي وتركي لازم تحققينها بس كان ودي تصيرين مدرسه احسن.
عايشه.:\(لازالت تبكي)
سعد( بعد محاولات مواساة اخته بهالمحنه ومع انه كان قلب سعد يعوره اكثر من عايشه بس ماوده يوضح لاخته ضعفه وهو اللي حاطته قدوه لها بس ضغط ع نفسه وبعد جهد جهيد أستطاع أن يواسيها وان يخفف همها)
عايشه(تتكلم بدون نفس) ليه مو عاجبك اصير مدرسه..؟
سعد:امزح امزح صيري دكتوره
عايشه: هههههه (بدون نفس)
سعد(يناظر عايشه ويبتسم)دوم هالضحكه ايه اضحكي انسي الدنيا وانسي اللي صار.
عايشه:الله يخليك لي ياخوي وبطول بعمرك.
سعد:أجل يالله تجهزي من بكره تدرسين.
عايشه:خير.. اداوم من بكره.. وش قـالولك ماعندي احساس امي واخوي متوفين وتبيني اداوم من بكره وش تبي يقولون عني ماعندها دم ولاتحس..؟
سعد: خلاص عايشه وانتي لاجلستي هنا محد يبي يفيدك وبعدين وش فايدة جلوسك هنا بالعكس تبي تتعبين وانتي جالسه هنا خلاص روحي ادرسي واحاولي تستعدين لاختبارات وخلي هدفك الحين الدراسه لاغير.
عايشه:طيب سعد مايصلح ادرس من بكره ياليت تخليه بعد بكره.
سعد:طيب هالمره سماح(وتذكر أن جلسة زياد اليوم وان الظابط يقول لازم تحضر)
سعد:طيب عايشه انا ابروح للشرطه وابشوف وش سوى زياد اليوم جلسته ونسيت اروح.
عايشه:أيه صح وش سوى زياد حرام مايستاهل.
سعد:والله حالته تكسر الخاطر خليها ع ربك بس يالله سلام.
عايشه:بحفض الرحمن.





\ بالمخفر

سعد: ها ياحضرة الطابط بشر.
الظابط: وينك أنت وين رحت..؟
سعد(ينزل راسه) خلها ع ربك .
الظابط:ليه عسى ماشر.؟!
سعد: الشر مايجيك بس اليوم عطتك عمرها الوالده ( وقـام يبكي)
الظـابط:لااله الا الله كيف ماتت..؟
سعد:والله من بعد ماسمعت عن وفاة تركي ماأستحملت وجتها جلطه بالقلب وكانت امي تعاني من قلبها وبعد العمليه مالله كتب لها عمر.
الظابط: الله يرحمها ويرحم جميع المسلمين .. معليش سامحني مو قصدي .
سعد(يمسح دموعه) لاعادي بس وين زياد الحين.؟
الظابط:والله اليوم حكمو عليه بالاعدام.
سعد:اعدااااااااام؟!؟!؟!؟!؟!
الظابط:ايه .. بس بالله روح واسه شوي ....واليوم الحكم بعد.
سعد:لاحول ولاقوة الا بالله طيب وينه الحين
الظابط:يـاعسكـري......نـاد لي زيـاد






زيـاد: .......

الظابط: أخليكم لحالكم... (وقبل لايطلع دخل العسكري)
العسكري(يطق تحيه)
الظابط(يطق تحيه)
العسكري: ياحضرة الظابط فيه مداهمه مهربين مخدرات الحين.
الظابط: وين.؟
العسكري(يعلمه كل التفاصيل)
الظابط: يالله جمع العسكر
العسكري: جاهزين ياحضرة الظابط بس ننتظر اوامرك.


سعد:زياد خلاص المكتوب عليك يبي يصير خلاص ارض بقسمته وعسى ان تكرهو شيئا وهو خيرا لكم (وقـام يهدي شوي ع زياد وعطاهـ مصحف يخليه يقراه يرتاح شوي)


(بعد مرور ساعه قرب حكم زياد)



العسكري: يالله انتهت الزياره..يالله زياد قرب الحكم.
سعد:أذكر الله يازياد ولاكنت مظلوم تذكر ان الله فوقك مو ناسيك.
العسكري: يالله يازياد.
زياد:.....
سعد أذكر الله يـازياد

زياد(خلاص ينتظر الموت )


"
يتبــْع

 
 

 

عرض البوم صور نيار   رد مع اقتباس
قديم 22-02-10, 02:49 AM   المشاركة رقم: 5
المعلومات
الكاتب:
اللقب:

البيانات
التسجيل: Oct 2008
العضوية: 99390
المشاركات: 6
الجنس أنثى
معدل التقييم: نيار عضو بحاجه الى تحسين وضعه
نقاط التقييم: 10

االدولة
البلدMorocco
 
مدونتي

 

الإتصالات
الحالة:
نيار غير متواجد حالياً
وسائل الإتصال:

كاتب الموضوع : نيار المنتدى : القصص المكتمله من وحي قلم الاعضاء
افتراضي

 



"






(ركبـوهـ السيـارهـ وراحو ساحة القصاص)
سعـد( كان طالع يبي يلحقهم عارضه الظابط)
الظـابط: ها وين زياد..؟!
سعد../(منزل راسه ودوه ساحة القصاص)
الظابط:لامايصير.
سعـد: ليه.؟
الظابط:لان تو مسكنا مجموعة من مهربين المخدرات وكاان واحد من المجموعه هارب من استراحة زياد وتركي اللي داهمناهم وبعد التحقيق اعترف ان زياد ماله شغل بقضيه المخدرات .
سعد(طــاير من الفـرحه) وش قاعد تنتظر .. يالله مشينا قبل ينفذون الحكم.
الظـابط(مو أقل مو سعد بالفرحه) يالله مشينا.






\بالساحة
(كان زياد مغطى راسه يبي يقصونه ويتشهد)
الظابط(دخل بوسط الحشد ويصرخ) وقف.!!
(الناس تلتفت لظـابط)
الظـابط(يـاخذ سيف اللي يبي يقص ويحذفه ويقـول بـاعلى صـوته) زيـاد طلـع بـراااااااائه.!!!!
الجميع: يكبرون .
الظابط(يوخر القناع عن زياد).
زيـاد(يناظر فيه بنظرة برائه )
الظابط:زياد طلعت برائه طلعت برائه(ويضم زياد)
زيـاد(بعد فقد الامل وكان ماله امل بالحياه وفجأه يجي الظابط يقول طلعت برائه ويسجد ) لااله الا الله (ويضم الظابط ويبكي)
سعـد... يبتسم( مو أقل منهم فـرحة بس قعد يناظر الظابط وتـاثر وكيف انه يضم زياد وكـأنه أخوهـ ويضحك معه ويبي يسوي المستحيل لاجل زياد)



















[بعد مرور فترة عن هذه الاحداث ]



[بعد مرور شهـر]


عايشه(كانت تنتظر سعد بالمدرسه ومابقى الا هي برى المدرسه)

(وكـان فيه واحد من الشباب الطايش يدور حولين المدرسه ولقى عايشه لحالها وراح يضايقها)

(وبالصدفه كان زياد يتمشى بهالشـارع)
زيـاد(نزل من السياره معصب ويمسك الولد) ماتستحي أنت.
الشـاب:وش تبي أنت.؟
زيـاد: وش ابي ها تتحرش ببنـات خلق الله وتقول وش تبي(ويعطيه من الضرب)
الشاب(شغل سلف وهج)

عايشه(مستحيه)مشكور اخوي.

زياد العفو.. بس محد جا لا الحين ياخذك..؟
عايشه: هذا هو أخوي

زيـاد(يناظر السياره)وتفاجئ انه سعد): يعني اللي تو كانت عايشه اخته.؟!؟!؟

سعد: زياد.. هلا والله عاش من شافك يالقاطع..
عايشه(تفاجئة): ذا زياد صديق تركي الله يرحمه.؟!؟!
زياد: هلا والله .. عاشت ايامك.
(ويدور حوار طويل بين زياد وسعد, وعايشه لاالحين بالسيارة شغلها تناظر بزياد)
سعد: طيب يالله الحقني تغد عندنا .
زياد: لامشكور تغدى معكم العافيه بس والله الوالده تنتظرني ولو ماجيت قومت القيامه.
سعد: هههه لاالحين انت تخاف من امك.
زياد:ههههه
سعد: أجل يالله خلنا نشوفك تلقى الحين عايشه ودها وتجي وتموتني.
زياد: طيب يالله مع السلامه.


\بالسـيارة
سعد: وش عنـده زياد عايشه بصراحه لاتلفين ولاتدورين.
عايشه: لاوالله ياخوي لاتظن بزياد كذا حرام عليك(وتعلمه كل السالفه)
سعـد(يضحك): كفـو والله يازياد أجل تقولي عطاهـ من الضرب.
عايشه..،(تضحك) ايه ولو تشوف كيف يضربه ... وبعدين تعال وينك تاخرت زين حطيتني بهالموقف.
سعد: وش اسوي والله ياعيوش جاني شغل وطوالي خلصته جيتك طيران.
عايشه:وش هالشغل اللي يـأخرك عن أختك تخليها لحالها بالشارع.. خلاص ترى من بكره ابيك تشتري لي سياره.
سعد: ههههههههههه ابشري والله بس اطلع لك ليسون(رخصه قيادة).




زيـاد..،(بالسـياره يفكر بعايشه وكيف انها كبرت ماشالله ياعايشه والله كبرتي وطول الطريق وهو يفكر)









\في بيت زيـاد

(كان زياد يسولف ع امه عن عايشه ويسأل عنها وبوسط الحوار)


(يطق الباب)

زبـاد: نعم.؟
الشرطي: الاخ زياد.
زياد. وصلت. خير وش فيه.؟
الشرطي: السياره ذي لك.؟
زياد:أيه نعم بس وش فيه.؟
الشرطي:السياره ذي مقدم عليها قضيه اعتداء وضرب ع شخص والشخص اللي مقدم عليك التهمه ينتظرك بالمخفر)
زيـاد:بس....
الشرطي:لاتقول شي الحين تبي تعرف كل شي بالمخفر.




"

يتبــْع

 
 

 

عرض البوم صور نيار   رد مع اقتباس
إضافة رد

مواقع النشر (المفضلة)

الكلمات الدلالية (Tags)
دنيا غريبه, نيار, قصص من وحي الاعضاء
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:36 AM.


مجلة الاميرات  | اية الكرسي mp3  | القران الكريم mp3  | الرقية الشرعية mp3  | شات جوال  | شات قلب 

 



Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية