المنتدى :
الشعر والشعراء
شعر روووعه اتمنى يعجبكم
كل شبر بها الوسيعه ملك ربي تعلمين
واعلم ان اللي خلقني هو خلق لك هالعيون
لكن انتي من جلستي وانتي فيني تحدقين
كن مابه ناس غيري بهالكراسي يجلسون
لوسمحتي عاد اسمعي وحتى لو ما تسمحين
المهم اللي بقوله تسمعينه ويسمعون
عالاقل اليا نظرتك سوي روحك تستحين
غضي طرفك مثل غيرك خوف ربعي يلمحون
الركاده عاد زينه والحيا في البنت زين
وفيك جازم لا ركاده ولاحيا يذكرون
تعرفيني؟؟؟؟اعرفك؟؟؟مااذكر انا ملتقين
لا اعرفك من تكوني ولا تعرفي من اكون
اطمئني ان كان قصدك بس فيني تشبهين
ماهو انا اللي تعرفيه والبشر يتشابهون
مادريتي من التشابه يخلق الله اربعين
واعرف اربع يشبهنك بس والله يستحون
وان كان قصدك شي ثاني عاد ولي وش تبين
خايف انا نصير فرجه واللي ما اشتروا يتفرجون
واذاببالك عاجبتني لا يحوشك تحلمين
صح ربعي من جمالك فيك صارو يمدحون
بس وش لي في حلاتك دام فيها ترخصين
حشمت البنت وحياها والكرامه يلفتون
ولو توفر فيك هذا مع حلاتك تبشرين
ماهو انا الف غيري باب بيتك يطرقون
وش علامك رغم كل للي اقوله تسكتين
مو طبيعي هالسكوت وهالبرود وهالسكون
انتي خرسا اسألك ولا منتي تسمعين
قالو ربعي ذي كفيفه قلت:لالا تمزحون
لين شفتك يوم رحتي يمسكونك باليدين
ما دريت الا عيوني اربع اربع يذرفون
آآآه ياني منه مشهد يوم شفتك ترحلين
جيت اشوف عيون ربعي لقيت الكل يدمعون
يا الكفيفه يالعفيفه ان قلت آسف تقبلين
يغفر الله ذنوب عبده ليا خطا وهل تغفرون
|
18-02-10, 04:33 PM
جديد مواضيع قسم الشعر والشعراء
العرض الشجري
