تسلمين حبيبتي عالبارت

سيف

ابي اعرف اشحقه الحلوين دوم يكونون خقاقين.. بسم الله ابي اعرف شقايل عرفتها.. اكيد شفتهم يوم ظهروا من البيت وخلاف لحقتهم..

هند

صدق انج فنتك يا هند.. الحينه شاله الشباب ورايحة تلعبين وياهم كورة.. احلفي بس.. يعني ما عندج طريقة اتظهرين حرتج فيها الا هاي.. بعدين متخبله عالريال واونه هب حلو.. احلفي بس

وليد
شكله ما يحب هند.. ولا حتى يبي ياخذها.. بس مجبور عليها.. والحينه مستحي يرفضها.. البرود اللي رمس فيه ايدل على هالشي


نترياج

اسفه ما اعرف وين اكمل البارتات سوري عموما انا راح انزله كذا وانتوا الله لايهينكم (ادمجوها) شكرا وانا فرحانه على الردرد شكرا مره ثانيه وثالثه ............................................................ ........
هند تثبتت في مكانها من الصدمه ..كيف عرف ..
سيف _انتي متى بتعقلين اتظنين انك بملابسك هاذي الناس ما راح تعرف
هند نزلت راسها _ كنت متضايقه
سيف استغرب منها تكلمت معه بادب _تعالي يله
هند لفت ومشت وراه وقف عند السور وقال يله قدامي هند ناظرته وتسلقت السور وهي نازله من الطرف الثاني انجرحت في ساقها وانزفت بس ما همها
سيف _تعالي هاتي اشوف رجولك
هند_عادي بلا جرح صغير
سيف راح لسيارته ورجع بمناديل وعطر وركع عند رجولها وقعد ينظف الجرح هند قعد قلبها يدق حست بفرحه وشعور خلى كل شي ينبض في قلبها
سيف _بحط شوية عطر لا تصارخين
هند_لا انا مابي ما احب الالم
سيف _بلا دلع اجلسي
هند اجلست وقالها سيف _اذا تالمتي امسكي يدي
هند امسكت يده من الاول لانها عارفه انها راح تتالم سيف بدا يحط العطر هند زمت شفايفها ومسكت يده بقوه سيف خلص وقعد يناظر هند_خلاص قومي
هند وريحة عطر سيف لافتها _طيب ..قامت للسياره الي كان فيها ياسر وطلال الي راقبوا الموقف كله
سيف _شوفوا مع ان الي سويتوه مفروض تعاقبون عليه لانه تصرف خالي من المسؤليه (هند عرفت انها المقصوده بالمحاضره)بس انا راح امشيكم وين تبون اخذكم
ياسر _نبي بيتزا من بيتزا هت
طلال _ونروح للبحر
ياسر ناظر طلال _اول مره اعرف انك غبي حن في الرياض
طلال _يعني مافيه بحر في الرياض ..الكل ضحك الا هند الي كانت متفشله
سيف _ طيب ايش رايكم نروح للخبر
ياسر _صدق تقدر تروح للشرقيه
طلال _انت مجنون اصلا سيف كل يوم يروح الشرقيه من يوم جينا الرياض(هند قالت لنفسها الحين عرفت وين كان يروح )
سيف اخذ طريق الهاي واي الي بين الرياض والشرقيه
هند كانت راكبه مع طلال ورا
طلال قرب لهند وشاورها _وناسه بنروح للشرقيه تعرفين تسبحين
هند _انت مجنون انا عمري ما رحت للشرقيه اصلا انا عمري ما رحت برا الرياض
سيف كان يناظر طلال وهند وهم يتشاورون وتمنى انه يوقف السياره ويضرب طلال لين يعرف الادب
بعد ساعتين وصلوا الشرقيه وسيف وهند كانوا ساكتين وياسر وطلال ما قصروا ما خلوا موضوع الا وناقشوه
سيف خذاهم للبحر اما هند فعلقت بالدريشه عشان تشوف كل شي بالشرقيه وقعدت تفكر بريم تمنتها معها هند فرحانه رايحه الشرقيه ومن غير عبايه بعد
سيف _ياله انزلوا
هند انزلت ومدت يدها كانت فرحانه لدرجة انها ممكن تسوي اي شي مجنون
طلال كان لاصق في هند وياسر راح يمشي بعيد مسوي نفسه رومنسي اما سيف راح مو عارفين وين
طلال _هند انا احسد ياسر عليك
هند_اكيد انا هند ما حد قدي
طلال _ايش رايك تجون لنا في بريطانيا
هند_اكيد انت الحين تعرف بريطانيا شبر شبر
طلال قال بحزن _ لا هاذي اول مره بروح فيها لبريطانيا
هند_انت تركت اصدقائك الي في امريكا
طلال _لا خلاص تعودت
هند_انت الحين كبير وتقدر تخلي سيف يكون اكثر من اخ
طلال _سيف مو عايش معناالحين هو عايش في روما
هند_طيب كيف جا معكم
طلال _سيف دايمن يجي السعوديه عشان خواله تعرفينهم هم عايله معروفه في السعوديه
هند_من هم
طلال _الخيامي
هند_انت تقصد الخيامي الي منهم ذاك العجوز الي يطلع دايمن في التلفزيون غني ومثقف اسمه صالح الخيامي
طلال _ايه وصالح الخيامي هو جد سيف ..وسيف يعتبر ولد بنته الوحيده لان جد سيف ما عنده اولاد
هند_ايه كويس ابيك تقولي اخوك ايش يشتغل
طلال _هو مهندس معماري ابداعي له شركاته الخاصه
هند_تقصد عمي موكله ببعض الشركات
طلال _لا سيف معه شركاته الخاصه الي وارثهم من امه على فكره سيف اغنى من ابوي
هند_اصلا ما في فرق بين الولد وابيه
طلال ناظرها يعني انتي منتي فاهمه شي _صدقيني لا يغرك الي يصير قدامك
هند_فهمني يا ....
سيف قاطعهم _انتوا يله تعالوا افطروا
طلال _انا بروح انادي ياسر
سيف_ بسرعه..وبعد ما راح طلال سيف ناظر هند ....انتي ما تستحين على وجهك تلعبين على اخوي تري احسنلك تبعدين عنه (سيف كان يناظرهم قبل ما يناديهم وكانوا يتكلمون ولا حاسين بلي حولهم )
هند_انت ايش تقول وعلى فكره لا عاد تنافخ في وجهي تراني ماني بخدامه عندك اللعنه تلعنك وتاخذك ما تردك (هند لما تعصب تطلع دعاوي مخيفه )
سيف _شوفي تبين تلعبين العبي على احد من عمرك لكن اخوي بعدي عنه ولا عاد تسوين نفسك غبيه
هند _شوف يا غبي انت شكلك ما تفهم لا عاد تنافخ في وجهي هذا اولا.. ثانيا انا ما ني محتاجه العب على احد لا اخوك ولا غيره لاني خلاص مخطوبه واحب خطيبي ولاني ناويه احب غيره
سيف قعد يناظرها وهي تمشي رايحه للسياره كان يبغى يروحلها ويهزها لين يرتاح الحين معقوله هذاك تحبه وش فيه ينحب
هند ادخلت السياره وجلست ساكته كانت تشعر ان فيه نار في جوفها مو معقوله الي يصيرلها تحس انها داخله فيلم رعب
طلال وياسر وصلوا ولقوا هند داخله السياره
ياسر _سيف ليه هند داخله السياره
سيف _ليه تسائلني اسئلها
ياسر راح لهند وفتح بابها
ياسر _هند يله
هند_مابي اكل شبعانه ابي انام الحين
ياسر استغرب هند لو تاكل من هنا لبكره تبقى جوعانه
ياسر قفل الباب ورجع لهم _ما راح تاكل
طلال _انا الي بروحلها اكيد راح تاكل عشان خاطري
سيف _طلال اجلس مكانك
طلال خاف من نظرات سيف وجلس وقعد ياكل هو ويا ياسر اما سيف راح يمشي على الشاطئ
............................................................ ..
بعد خمس دقايق كان الكل في السياره
سيف طلع كيسه ورماها على هند وطلال وياسر استغربوا ليه العنف
سيف _البسيها
هند افتحت الكيسه لقتها عبايه خذتها والبستها بكل هدوء لانها قررت خلاص ما عاد تساوي مشاكل معه
سيف _اذا رجعنا البيت تقدرون تقولون اني انا الي خرجتكم وخذيتكم الشرقيه مفاجئه
............................................................ ....
وصلوا للبيت وادخلوا هند خلاص كانت مضبطه العذر لكن الله ستر وكان الكل نايم بس ابوها وعمها الي كانوا جالسين في المجلس الي برا ..هند طلعت فوق فصخت عبايتها وغيرت ملابسها من غير ما احد يحس البنات كانوا نايمين نومه عميقه
هند بس حطت راسها على السرير ريم فتحت عينها
ريم _وين كنت
هند_تحت سهرانه
ريم ناظرت هند وبعدين رجعت تنام ..هند تنفست بقوه بغى قلبها يطيح
............................................................ ....
الكل كان صاحي ما عدى هند وياسر وطلال وسيف الي كانوا نايمين
اسيل _ايش في طلال نايم للحين
ريم _يمكن كان سهران مع هند
اسيل _ايه اكيد ..انا بروح اصحي سيف ابيه ياخذني للسوق ابي اغراض من هنا
ريم _اوكيه
سيف كان صاحي يفكر كان يناظر الدريشه ويفكر في اخيه بدر كان يقول في نفسه بدر اكيد مرتاح الحين ما وراك هموم ما وراك ناس لازم تتصنع لهم انك بخير وما وراك مشاكل وهم نفسهم مشكلتك انا لازم ابعد لازم انفذ قراري بس مو حرام اني انتحر بس لو عشت في ذا العالم يوم ثاني هذا هو الحرام اني اعيش جسد والروح هايمه ومالها وجود بس في ذي اللحظه ادخلت في تفكيره صوره انسانه كانت وظيفتها طول الايام الي فاتت انها تنرفزه كانت تضحك في خياله ومن غير ما يحس ابتسم ..دق باب غرفته
سيف خرج من عالمه_نعم ادخل
انفتح الباب وكان الي على الباب هو ابوسيف _سيف ممكن ادخل
سيف تكلم بكل هدوء وجديه _لا مو ممكن
لكن ابو سيف بعد فتره من التردد دخل الغرفه وقفل الباب وراه اما سيف ناظره وابتسم ابتسامه استهزاء
ابو سيف _انا مو جاي ازعجك انا عارف اني وعدتك انك ما راح تشوف وجهي مقابل انك تجي معي لعمك بس ان بغيتك بموضوع مهم
وانتظر ان سيف يرد لكن سيف كان يناظر الدريشه ولا همه الي يقوله ابوه
ابو سيف _سيف انا جاي اطلبك اخرخدمه واوعدك انك ما راح تسمع صوتي بعد هالمره..سكت ورجع يتكلم ..انا اعيش اسعد ايام حياتي انا فرحان لان عندي عزوه وسند وابي اصير اقرب لهلي سيف انا عارف الي راح اطلبك ياه طلب كبير سيف تكرم علي ونفذه
سيف في هاذي اللحظه ناظره وتكلم بصوت واطي لكن مليان غضب وقهر _انت مو فاهم انك عندي ما تسوى شي واني ابي الغيك من حياتي فبأي حق جاي تطلبني حتى لو كان هذا الطلب صغير وتافه ما راح اسويه والحين اخرج من غرفتي قبل لا اطلع حرتي وارفع صوتي ويسمعون عزوتك ويهينونك
ابو سيف قام من مكانه كان يقول في نفسه استاهل انا استاهل
ابو سيف _اسف اني تماديت بس بغيت اخليك تشوف حل لللي فيك سيف الي مات ما يرجع لازم تنساهم بدر وليال كانوا
سيف يوم سمعه يقول ليال مسك راسه وحط يده على اذنه _لا عاد تقول اسمائهم بلسانك اخرج ما تفهم اخرج من الغرفه الحين
ابو سيف بعناد _لا يا سيف ما راح اخرج شوف حولك الدنيا تدور ما وقفت على خيانة ليال
سيف في ذي اللحظه نزل يده من على راسه وقعد يناظر ابوه زي المصدوم _انت اخر واحد تتكلم على الخيانه وبعدين ليال ما خانتني لكن انت الي خنتهم خليتهم يمثلون علي انت الوحيد الي الومه على موتهم وما راح اسامحك تفهم ما راح يطفي ناري غير لما اشوفك تحت التراب مثلهم
ابو سيف انصدم كان يعرف ان سيف يكرهه لكن توصل انه يتمنى موته هاذي خلته يجلس على السرير..اما سيف خذا التي شيرت حقه وطلع من الغرفه ....................................
هند كانت خارجه من غرفتها كان فيها نوم بس لازم تقوم عشان صلاه المغرب وهي تمشي اسمعت زي الهوشه في غرفتها (غرفه سيف )استغربت وقربت للغرفه عشان تسمع سمعت عمها يقول خيانة ليال وسمعت كلام سيف الي قاله الي خلاها تفتح عينها على الاخير وسمعت كأن فيه احد يبي يخرج وكانت تبي تركض عشان لا احد يشوفها تتصنت لكن تأخرت وخرج سيف وهي بعيده عن الغرفه بشوي الي يشوفها بيعرف انها ما كانت جايها من غرفة ريم وهند من غير ما تحس تجمدت مكانها سيف عرف انها سمعت الكلام بس كان معصب ومشى من جنبها بسرعه وهو يلبس التي شيرت ..هند كانت تبي تصارخ من الي سمعته من هي ليالي يا سيف من هي الي تتمنى موت ابوك عشانها من هي الي خلتك تحب ..........................................................
سيف دخل سيارته وقعد يدورفي الشوراع كان راسه فاضي وقف السياره وقعد يناظر المكان الي هو فيه لقى نفسه على كورنيش الخبر وجلس في السياره يبي يهدي نفسه وغمض عينه وطلعت صورة البنت الي كانت تتجسس عليه فتح عينه كان مستغرب ليه هي الي يفكر بها بس قال في تفسه اكيد عشان انها قهرتني تتجسس علينا بس انا ليه ما خاصمتها ..لا ما كان خاصمتها البنت ما تستاهل لا والله تستاهل اني اخاصمها واشد شعرها بعد بس انا لو مسكت شعرها ما راح افكه سيف فتح عينه على الاخير من افكاره ومن غير سبب ولا داعي قعد يضحك .....................
اما هند فرجعت لغرفتها ودخلت الحمام ومن غير مقدمات بكت بصوت واطي كانت دموعها غزيره وكانت جالسه زي الطفله كانت تبكيه وتبكي الشي الي انولد داخلها ذاك الشي الي من يومها صغيره تبيه لكنها الحين ماتبيه تبي ترجع هند الاولى الي كانت اكبر امالها وليد وقعدت تصارخ بسكوتها اكرهك واكره ليال وكره الي تسويه فيني........................................
اكرهك يالي خليتني احبك
يالي تايه في دنيا غيري ومسلم لغيري قلبك
اكره دقات قلبي لك واكره بعد قلبي
واكره حزني عليك وحبك الي لعبي؟.............................
اسيل دقت على سيف لانها ما لقته في غرفته
اسيل _الو سيف حبيبي وينك
سيف _انا برا بس الحين جاي
اسيل _انا ولورا يغيناك تودينا للسوق نشتري هدايا
سيف _شوفي راح اكون في البيت على الساعه 11 انتظريني
اسيل _اوكيه ...شكرا سيف (سيف سكت عرف انها تشكره على شي ثاني )
welcome سيف _
اسيل قفلت الموبايل وناظرت ريم وقالتلها _ابي اسئلك سؤال مهم
ريم _اسئلي
اسيل _هند من متى تحب وليد
ريم _ومن قال ان هند تحب وليد
اسيل ناظرت ريم نظرات وحده مستغربه _بس انتوا تقولون انها تحبه
ريم _احنا نضحك معاها لكن الصدق احنا ما نعرف ليه تبيه السر موجود مع الاخت هاله
اسيل _شي غريب صدق هند تستاهل احد افضل
ريم حركت راسها بحركه موافقه وفي هذا الوقت دق التلفون
ريم _الو
شروق _الو ..اهلين ريم
ريم _شروق ..ايش اخبارك
شروق _الحمد لله ..ريم حبيبتي هند عندك ابي اكلمها
ريم _استني اشوي راح اناديها .....وراحت ريم تنادي هند لقت هند على السرير تناظر السما داخله عالمها
ريم _هند شروق تبيك على التلفون
هند ناظرت ريم ولا كأنها في العالم وقامت وطلعت برا الغرفه ..ريم استغربت من هند وحركاتها
هند مسكت السماعه _الو
شروق _الو اهلين هند
هند_اهلين شروق
شروق _هند فاضيه اليوم انا ابيك تجين عشان ناديه حالتها النفسيه تعبانه وانتي الوحيده الي تعرفين تخرجينها من حالتها
هند كانت تفكر وانا من الي يخرجني من حالتي الي انا فيها _طيب راح استأذن ابوي واجيلكم
شروق _مشكوره حبيتي ..باي
هند_باي
ريم سئلت هند وش يبون.قالتلها هند انهم عازمينها
ريم _وليه ما عزموني معك
هند_اصلا انا عازميني عشان ادرس دعد الانجليزي يعني مصلحه ريم _الحمد لله والشكر
هند راحت لبوها وسمحلها وقالها خلي خالد يأخذك معه ............................................................ .......
خالد وصلها لبيت عمها
خالد_هند يله انزلي ابي اروح
هند_ليه ما تنزل تسلم على عمي
خالد _ماله داعي
هند_ليه ماتبي تشوف شروق خلاص الحب مات
خالد ناظر هند _اذا تبين الصدق انا وشروق ما ننفع لبعض
هند_لا يمكن صدق تبي وحده من بنات عمي محمد عشان الفلوس خالد_مو عيب اذا فكرت كذا
هند انصدمت من خالد _اكيد تمزح
خالد_هند الحب مرحله مقرفه عديتها بكل سهوله من غير اضرار واتمنى انك بعد تعدينها وتتركين وليد لانه ما ينفعك
هند انزلت من السياره من غير ما ترد ودخلت بيت عمها ولقت شروق وناديه ينتظرنها
هند_اهلين وقفوا قبل ما تسلمون علي ابي اروح اسلم على عمي وعمتي
شروق _ ابوي مو هنا ولا امي راحوا السوق
هند_يعني ما في الا انتوا في البيت وعععععع مو من زينكم
ناديه _يا شين الدلع عليك ما ينفع
هند _جوعانه فبل ما تتكلمون جيبولي الاكل
ناديه _عيب عليك تطلبين الاكل قبل ما تدخلين البيت عدل يا المجنونه (هند في ذي اللحظه فكرت ان ناديه بخير وبالف عافيه )
هند_شروق ابي افهم وين التعبانه نفسيا لا تقولين انها هاذي
شروق وناديه ناظروا بعض بانزعاج
شروق _تعالوا ندخل المجلس
البنات ادخلوا المجلس وقعدوا يسولفون وبعد ساعه .. شروق راحت وناظرت اختها ناديه عشان تلحقها هند طبعا لاحظت هذا كله بس سكتت ما علقت ..اجلست في المجلس لحالها وقعدت تفكر في الاخ سيف وش يسوي الحين بس انا وش خصني فيه وحست بحركه في الغرفه والتفتت وطاحت عينها في عيون وليد الي كان داخل الغرفه
هند خافت وقامت تبي تطلع لكن وليد وقفها
وليد _هند لو سمحت ثواني ابيك بموضوع
هند تجمدت مكانها اما وليد فتح يده يبي يفسر لها شي
وليد _انا مو عارف كيف اقول الي ابيه .....هند ابيك تفهمين انك تستاهلين احد افضل مني
هندفتحت عينها بغت تصارخ وتقوله لا يا وليد لا تقولها لكن وليد قالها وهدم امال هند
وليد_انا يا هند ما انفعلك ..هند جلست على الكنبه من الصدمه ...هند انا لما اناظرك احس اني اناظر اختي ناديه هند بغيت احس اني احبك لكن كل الي اشوفه صوره هند الطفله شوفي انا مابي اتفلسف كل الي ابي افهمك ياه اني ما اقدر اكون لك زوج ما اقدر اعيش حياتي مع وحده الكل يقول انها مو مفروض تتزوج واحد مثلي ..اسف هند بس انا متأكد اني ريحتك من هم كبير الحين ومن تهزا اهلك علي بس اطلبي الاخير اهو اني ابيك بكره لما نجي نخطبك ترفضين ,,وطلع من الغرفه ..هند كانت حاطه راسها بين يدينها مو قادره تصدق ان الي صار صار صدق
شروق قربت لهند _هند سامحيني انا ما بغيت يصير الي صار
هند ناظرت شروق وقالت بصوت اخفت فيه المها وقهرها _المهم لا تظنون الي صار بيخليني انسى العشا يله جيبوه
شروق ابتسمت _ابشري افخم عشى بعد دقايق يكون بين ايديك
وطلعت ..هند يقت مره ثانيه لحالها ومن غير ما تحس مسكت التلفون ودقت على رقم البيت وردت عليها ريم
هند_الو ريم انا هند
ريم _ها وش تبين
هند_تكفين قولي لخالد يجيني او اي احد من العيال
ريم _ما صارلك ساعه من يوم رحتي لهم
هند_خلاص عشوني ودرست دعد ابي انام الحين
ريم _اوكيه راح اقولهم وقفلت التلفون في وجهه هند ..شروق وناديه دخلوا على هند هند اول ما شافتهم ابتسمت
ناديه كانت تحب هند كثير _هند انا اسفه
هند _خلاص ما صارت سالفه ترا عادي هو اصلا صدق انا و(وما قدرت تنطق اسمه )ما ننفع لبعض
ناديه _صح انت ما تستاهلين وليد انت تستاهلين واحد احسن وعلى فكره انا ما عادني اكلمه انت عندي عزيزه وما ارضى على زعلك
هند_لا يا ناديه مو عشاني ما تكلمين اخوك وبعدين هو سوالي جماله خلص هذا الموضوع قبل ما يتعقد ....ودق التلفون ردت شروق وقعدت تتكلم وقفلت وجهها متغير _هند ريم تقول ان خالد عند الباب ينتظرك (هند عرفت ليه شروق زعلانه )
هند البست عبايته وخرجت ,,اما شروق كانت حاسه ان في خالد شي متغير والحين صارت متأكده ليه ما كلمهم كالعاده ليه خلا ريم هي الي تدق ....هند كانت حاسه بشروق وتناظرها تبي تقولها لا تخافين انا الي بحل المشكله لكن شروق دخلت عالمها
هند خرجت للسياره ودخلت لقت خالد يناظر باب عمه
هند_تراها زعلانه
خالد ناظر قدامه وكمل الطريق ..اما هند كانت تناظر يدها وتفكر بالي قاعد يصير ليه كل شي انهدم بلحظه وش لازم تسوي الحين بكره اكيد بتصير مشاكل عشان رفضها ليه يا وليد انا كنت راضيه ما بغيت غيرك ,,سمعت صوت خالد يخرجها من عالمها التفتت له خالد_ ايش فيك
هند_ما فيني شي
خالد_يعني خلاص قررت تصيرين مؤدبه وهاديه كذا فجأه
هند_خالد ابي انام
خالد ما اقنعه العذر _طيب ايش رايك انروح نشتري همبرقر من مكدونالز
هند_لا مشكور ما ابي شي
خالد تأكد ان في هند شي بس سكت هند ما تشتكي كيفها
وصلوا للبيت وهند على طول اطلعت لغرفة ريم وقعدت تبكي وتبكي وهي تبكي سمعت صوت الباب ينفتح فقامت عشان لا احد يشوفها بحالتها لكن ما ان شافت من الي فتح الباب تجمدت والدموع ما زالت تنزل من عينها كان سيف في يده كيسات كثير قعدوا الثنين يناظرون بعض
سيف اشر بيده على الباب وقال _اسيل وراي
هند فهمت وركضت للحمام وقفلت وراها وسمعت صوت اسيل وريم ..هند من بين دموعها ابتسمت من حركة سيف كأنه يقولها اذا ما تبين احد يشوفك ا تخبي لان اسيل وراي هند اسمعت ريم تدق باب الحمام
ريم _هند انت في الحمام
هند_ايه ايش تبين
ريم _اخرجي بسرعه
هند غسلت وجهها وخرجت كانت الغرفه مليانه بأكياس كثيره كلها ماركات ما كانت تقدر تمشي من كثرها
ريم_هند تري هاذي هدايا من اسيل ولورا
اسيل _ لا والله معنا طلال
لورا_شوفي يا هند طلال هو الي شرالك ملابس على كيفه
هند راحت للملابس الي اشتراها طلال كانت على ذوقها كلها عليها رسومات مصاصين دماء ورسوم متحركه
هند كانت ابتسمت عشان لايشكون صدق الملابس على ذوقها ...اسيل عطت اغلب الاغراض لريم لانها كانت راح تتزوج وبعد لان ذوقها كان سهل مو مثل هند
اسيل _ تعالو شوفوا العطور سيف الي اختارها
ريم _شوفوا يا بنات صح ان هداياكم غاليه على قلبي لكن هديه سيف راح تكون الاغلى ..البنات قعدوا يضحكون اما هند في نفسها قالت وش الي يضحك صدق قلبهم خالي ...
اسيل_ريم تري الهدايا مو من سيف لكن احنا انشغلنا فخلينا سيف يشتري العطور لكن الصراحه الهدايا على حسابه
ريم _خلاص تعتبر الهدايا كلها منه
اسيل ضحكت وعطت هند عطرها كان من جيفنشي هند اخذته وابتسمت ..عطت اسيل ريم عطرها كان عطر اسمه سينما كان كبير وشكله حلو وفخم هند حست انها تبي تبكي وحطت العطر في الكوميدينه وقامت عشان تطلع وهي طالعه كانت الساعه 12 بالليل اليوم كان اسوأ يوم في حياتها وهي نازله التقت في الدرج عمها محمد
ابو سيف _هند ايش اخبارك ما شفتك اليوم
هند كانت حزينه ولا هي ناويه تخبي حزنها _ مشاغل
محمد_انت بخير
هند_ايه بخير بس احس بصداع ..لكن لاحظت ان عمها ما كان يسمعها كان يناظر وراها والتفتت معه وتلاقت عيونها بعيون سيف كان نازل من الدرج هند التفتت لعمها وقالت تصبح على خير ونزلت الدرج وعمها طلع فوق اما سيف نزل من الدرج ولا عطى ابوه وجه ..هند راحت للطبخ وحست ان سيف بعده وراها وفتحت الثلاجه وخذت توست وطماطه وجبنه وعرفت ان سيف فتح الثلاجه وهي تقطع الطماط شافت طماطه ثانيه وباقه التوست والجبن ينحط على الطاوله ناظرت للي حطهم لقته سيف
سيف _ابيك تسويلي معك
هند ناظرنه وهي ما هي مصدقه كان شكله يأخذ العقل لابس بيجامه بنطلونها ازرق غامق مخطط بابيض وبلوزه كحليه هند بعد كانت متضايقه منه ومن كل شي وماده البوز وخذت الاغراض وقعدت تسويلها هي وياه اما سيف كان جالس على كرسي الطاوله ويناظرها هند ما قدرت تناظره ليه يسوي كذا وش هاذي الجراءه هند من التعصيبه وهي تقطع الطماط اجرحت اصبعها
هند_احـــــــ
سيف قام بسرعه ومسك اصبعها وحطه في فمه
سيف _انت مجنونه ليه تقطعين به القوه
هند كانت تبي تبكي او في الحقيقه بدت تدمع _انت الي مسوي نفسك حكم في مسابقه طبخ جالس تراقبني
سيف ناظرها هند خافت لان سيف كان ناظرها بنظرات اول مره تشوف احد يناظرها بها سيف نزل نظراته واخذ هند لمغسله المطبخ وفتح المويه هند كانت حاسه ان دمها يفور فوران وان قلبها يرقص وان جسمها متكهرب ليه سيف الوحيد الي يخليها اتحس كذا كان سيف ماسك يد هند بيد واليد الثانيه كان حاطها ورا ظهرها
سيف نظف يد هند(كان ينظفها بحنان )وقام يبي يخرج من المطبخ وهو عند باب المطبخ لقى ابوه بس ما عطاه وجه وخرج وهند كانت تبي بعد تخرج
ابو سيف _ هند ابي مويه
هند افتحت الثلاجه وعطت عمها المويه
ابو سيف خذا المويه _هند ايش كان سيف يسوي هنا
هند_اظن انه كان يبي مويه
ابو سيف ناظرها وخرج هند ارجعت للمطبخ ولفت الاغراض وطلعت للصاله وقعدت تناظر التلفزيون بس ما هي مركزه فكرت انها لازم تتدق على هاله وتخبرها
دقت رقم هاله
هند_الو ثريا ايش اخبارك
ثريا _هنوده ايش اخبارك ايش في صوتك عسى ما شر
هند_ما فيني شي ثريا هاله جنبك
ثريا _استني اشوي راح اناديها
هاله _الو هند
هند_هاله روحي لمكان ما فيه احد ابي اقولك شي
هاله _اوكيه
هاله _يله قولي ايش فيه
هند تبي تمسك نفسها مو قادره _هاله وليد
هاله _وش فيه بعد
هند_اليوم دعوني شروق وناديه واكتشفت ان وليد هو الي خلاهم يدعوني
هاله اشهقت _هند ايش سوى لا تقولين انها سوى شي وان البنات ما ساعدوك
هند_هاله لا يروح فكرك بعيد
هاله _ها تكلمي قولي
هند_طيب انتي اسكتي عشان اتكلم ..قال انه ما يبيني
هاله _ايش قال انها ما يبيك يعني خلاص هند كويس الحين مو مفروض انك تتزوجينه
هند_هاله كيف تقولين هالكلام انت تعرفين ان عمري ما تخيلت نفسي مع غيره
هاله _هند لا تخلين تانيب الضمير يعذبك اكثر انت اصلا وافقتي عليه عشان لا ينهان
هند_ بس هو ساعدني وانا صغيره كثير
هاله _واذا يعني مو عشانك سمعتيه مره يقول انه يبيك وان عيال عمنا الثانين ضحكوا عليه اعتقدتي انه جا الوقت لتردين جمايله وبعدين الحين افهمي هذا زواج مو لعب احسن شي انه قالك كل شي وانتي على بر الامان
هند_هاله بس انا حاسه اني غلطانه بحقه
هاله _هند لا تجنيني ايش غلطانه بحقه هاذي انتي اسمعتي انهم يقولون ان وليد يباك سكتي وان بعد سكت لدرجه ان كل العايله استغربت بس انه بعد كل هاذي التضحيات يدعيك لبيتهم وبكل بجاحه يقول انك ما تناسبينه
هند_هو ما قال اني ما اناسبه قال انه مو مستحمل كلام هلي وعمامي عنه
هاله _هند هند خلاص لازم عقدة تانيب الضمير الي تحسينها كل ما احد ساعدك تنفك مو كل شخص يساعدك مره تصيريله خدامه
هند_هاله ما زلت زعلانه
هاله _هند روحي انتي تستاهلين واحد احسن تصدقين تستاهلين واحد مثل ولد عمنا من يوم شفته حسيته يناسبك
هند رجعت لطبعه شوي _ايه انتي هبل انا ما اطيقه وهو بعد وبعدين كيف يناسبني وهو بلا هادي
هاله _ يمه ايش فيك بغيتي تاكليني عموما انسي الي قلته خلاص ثريا راح تاخذه لو تشوفينه تسوي خطط عشان تطيحه في حبالها
هند ما اعجبها هالكلام _قوليلها تسويلها خطه اسرئيليه ولا ما راح تنجح ولا خطه
هاله _طيب راح اقولها اسمعي انتي وش تسوين الحين
هند_جالسه على التلفزيون
هاله _افتحي ام بي سي فور فيه فيلم ياخذ العقل
هند_مرعب
هاله _وش مرعبه لا رومانسي اسمه سويت هوم الباما
هند_الي وذر سبون
هاله_ايوه احبها احس فيها من حركاتك
هند_ليه تحبينها هي حبيني انا وبس
هاله _مالت على وجهك اقول قفلي لبي اشوف الفيلم
هند_مع السلامه ...وقفلت التلفون ..وجلست اتفكر بكلام هاله شافت ان فيه شي من الحقيقه بس مازالت زعلانه ..... . حست بعد اشويه انها تنشال من على الارض والتفتت لقت ياسر وطلال يرفعونها
ياسر _فين كنت سرحانه
هند_ياسر بلا حركات المراهقه انت وطلال نزلوني
طلال _خلاص بشرط نبي مغامره
هند_انا تعبانه مالي خلق
طلال وياسر نزلوها
طلال _هند اليوم اخر يوم لي في السعوديه نبي مغامره
ياسر _انا وعدت الولد
هند_انا تعبانه والله مالي خلق وبعدين يمكن ننكشف اليوم
ياسر _لا ما راح ننكشف انا حاس ان حن ما راح ننكشف
هند_الي يشوفك الحين يقول احساسك قوي ترا احساسك خرطي
وبعدين تعالوا ايش تبون انسوي
طلال _انروح مره ثانيه للملعب
هند_اليوم خميس يعني اجازه الشباب ما راح ينامون بدري تلقاهم جالسين في الشوراع
ياسر _انا راقبت الشارع ما لقيت احد
هند كانت تبي تخرج الي في خاطرها _خلاص يله بنطلع
العيال اطلعوا ولعبوا من غير ما ينكشفون وارجعوا على الساعه 3 افتحوا الباب وهم يمشون في الحوش سمعوا صوت واحد يقول _شكلكم ما انتم ناوين تتوبون
طلال وياسر التفتوا للصوت اما هند ما كانت محتاجه تعرف من هو عرفت من دقات قلبها
طلال _سيف انا الغلطان انا الي غصبتهم
ياسر _كانت هاذي اخر مره لا تعلم علينا
سيف _كم كانت النتيجه
العيال ناظروه مو مصدقين
ياسر _انا فزت على هند وطلال
طلال _كذاب ما حسبت هدف هند ولا كان فزنا
هند التفتت لورا لقت سيف يناظرها استغربت ايش بلاه اليوم نظراته غريبه ورمت الكوره ودخلت البيت اما طلال وياسر ما زالوا يتناقشون......
الصباح كان خبصه كان الكل زعلان عشان عايله العم محمد راح تسافر هند كانت نايمه وسمعت ريم تقومها بقوه
ريم _هند الحقي قومي بسرعه اسمعي الي صاير
هند قامت وهي مضججه _ايش فيه ايش صاير
ريم _انخطبتي
............................................................ ...............
هند استغربت ليه ريم فرحانه ان وليد خطبني على بالي انها تكرهه
وتذكرت هند ان المصايب راح تبدا الحين
هند_عمي خالد هنا من متى
ريم ناظرت هند نظره قلقانه _قبل اشوي
هند _ من الي جاي معاه
ريم_وليد
هند قامت من السرير _طيب
ريم _عمي محمد اجل سفره عشانك
هند_عمي محمدايش تقولين ليه
ريم _عمي محمد اجل سفره ما قلت شي غريب مو ينفهم
هند_اهله كلهم هنا؟ (تقصد سيف )
دخل ابو محمد الغرفه ووقفوا عن الكلام اما ريم اطلعت من الغرفه
ابو محمد _هند تعالي جنبي
هند راحت لبوها
ابو محمد_هند جاك خطابه اليوم ..عمك خالد خطبك لولده وليد
هند _وش تبيني اقول يبه
ابو محمد_ شوفي يا بنتي ابيك تفهمين ماأحد يقدر يفرض رايه عليك لكن انا ماني مرتاح
هند_لكن يبه انا مابي عمي خالد يزعل مني
ابو محمد_لا تخافين راح يفهمون ولي بينا ما ينهدم بذي السهوله
هند كانت تفكر في وليد ..ليه يا وليد انا ما كنت ابي غيرك
هند_الي تبيه يبه يصير.
وطلع ابوها وخلى هند المصدومه مكانها .. في قلبها خوف ماهي عارفه سببه..............................
............................................................
سيف كان يمشي في ممر كبير في مكان فخم ودخل غرفه كبيره
سيف _اهلي بجدتي وين كنت مسافره يهون عليك حفيدك يتشرد (وسوا نفسه زعلان مد بوزه )
السيده خالده قعدت تضحك من حركات حفيدها _تعال يا شقي انت الي ما سئلت عني تجي دايم الشرقيه وتزور جدك وبس
سيف _خلاص سامحيني انا خلاص خلصت مهمتي في الرياض وجيت
خالده _ليه وش عندك في الرياض
سيف _السيد محمد كان يبيني اروح معه لاخوه واظن انهم الحين في المطار مسافرين انا تركت الرياض بعد صلاة الفجر
خالده _عيب يا سيف تقول لابوك كذا وبعدين مفروض انك جلست لين سافر وبعدين جيت
سيف _يعرف يدل الطريق وبعدين انا ما قدرت اجلس في الرياض اكثر
خالده _عموما منت ناوي تتزوج ابي ازوجك
سيف _ انا واحد ما ابي اتزوج نهائيا مرتاح كذا ما ابي وحد تخليني افكر فيها ولا اخاف وش ممكن اتسوي في تفسها في غيابي (سيف حس انه كان يتكلم عن هند)
خالده_ومن قال ان النسوان كذا ليه انا راح ازوجك بنت الدلع ما يليق الا عليها وجمالها يتكلمون الناس عليه تفتخر لما تمشي معها واهم شي يكون شعرها طويل عارفتك تحب الطويل
سيف من غير ما يحس ضحك وقال _بس يا جده هند مو كذا
خالده _ومن هي هند
سيف _من الي طرا هند
خالده _انت قلت ان هند مو كذا منهي هند يله اعترف صرنا نخبي
سيف استغرب معقوله قال هند _يمكن يتهيئلك عموما انا لازم اروح لجدي ابي اسلم عليه قبل ما اسافر ..وسلم على جدته وطلع سيف دخل على جده في المكتب وسلم على جده
صالح الخيامي _اهلين انت اكيد جاي عشان اتسلم
سيف _ايه يا جد.. تعرف الحمد لله اني خرجت من عند جدتي
صالح الخيامي _اكيد عن موضوع الزواج صح
سيف _ايه ..ودق جواله في هذا الوقت لقاها اسيل
سيف _عن اذنك يا جد هاذي اختي وطلع يكلمها برا
سيف _الو
اسيل _الو سيف انت وين
سيف _انا في الشرقيه مو مفروض انكم الحين في الطياره
اسيل _ايه مفروض بس هند انخطبت فأخرنا السفره
سيف تجمد مكانه وقال في نفسه هند انخطبت ليه _هند انخطبت
اسيل _ايه من وليد والحين عمي عندها ياي الطقوس حقتهم جنان
سيف _ومتى راح تسافرون
اسيل _في العصر..انا كلمتك عشان ابي اشوفك قبل ما تسافر
سيف وصوته مو قادر يخرج كان يحس ان الجو ما فيه هوا _ما اقدر انا طيارتي بعد ساعه
اسيل _طيب اوعدني انك تجي في بريطانيا
سيف _احاول اسيل حبيبتي انا لازم اقفل باي
اسيل _باي
سيف حس ان فيه شي كان معه وافقده ..ورجع لجده
............................................................ .......هند كانت في غرفتها وشافت الباب يفتح وريم تدخل بسرعه
ريم _هند ليه وش الي صار
هند انفجرت تبكي _ما يباني امس قال انه مايباني
ريم مافهمت وش هند تقول_من الي قال انه ما يبيك
هند ناظرت ريم _وليد امس قال انه ما يقدر يتزوج وحده الناس يقولون اني افضل منه
ريم _خلاص حبيبتي انسيه ما ينفعك البيت تحت مخبوص الغريبه ان عمي خالد كان عادي عنده لكن وليد يقولون زعل وخرج من البيت شكله يمثل جعله الوجع
هند ابتسمت _ريم تعرفين في مشكله كبيره
ريم _ايش فيه
هند_الحين انا عانس مثل ثريا
ريم اضحكت حتى وهند معصبه كانت تنكت _لا تخافين تقدرين تدخلين معها في المنافسه على سيف
هند من يوم سمعت اسمه تلخبطت ..ريم لاحظت وابتسمت بخبث
ريم _هند لا يكونك اتحبينه
هند_يخسى هو كل ما يشوفني يسويلي مشكله
ريم _انا على بالي انك ما تشوفينه اصلا
هند_ايه صح لكن بعض الاحيان نتصادف وتصير مشاكل
ريم _يمكنه حبك
هند_قولي يمكنه كرهني
............................................................ .
كلنا نشكي فراغ العاطفه.....هاينين قلوبنا ضميه حنان
ساكنتنا احلام عذرا خايفه ....ما نحققها يعاندنا الزمان
كلنا مهموم روحه عايفه....واقعه ضاقت بها حدود المكان
نرتجي بعد السكون العاصفه ..... تخلف المعتاد ما ان الاوان
لي حبيبن اعرفه ما اعرفه ...حيث ربي ما كتب وصله وحان
التقيبه يا خيال او سالفه ..ما ان طريته كل شين الوقت زان

يسلمووووووووووو رووووووووووووووووعه يعطيك العااافيه
حلو البااااارت بس قصير ليت تطولين البااارتات الجايه وتعطينا موعد محدد ننتظرك فيه
متابعتكي:ســــــــوزي: