المنتدى :
الارشيف
رحلة حب ، للكاتبة : رومنسية غير ..
حبيت انقل لكم قصة صديقتي رومانسيه غير
واتمنى انكم تتفاعلو معاي
وطبعا لعيونكم اليوم راح انزل لكم البارت الاول والثاني
وهالله هالله في التفاعل دمتم بكل ووود وورد
وهذا البارت الاول
رحلة حب
بدأت في تاريخ 28/3/1430هـ
نظــــرة بطـــــرف العـــيــــن نظــــــرنـاهــــــــــــا ..
وجلســــة وسط السحاب جلـــسنــاهــــــــــــا
وحــكايـــة بنبض الـــــــروح حكيـنــــــاهــــــــــــا ..
ودمعــــــة بيــن الجفـــــــون دمــعنــــاهــــــــــــا ..
ولمســـة بكـــف الإيـــــــــد لمســنـــاهــــــــــــا ..
وقبـلــــــة بهمـس الشـفــاه ســـــرقنـاهـــــــــــا ...
وليـــلــة بنــــــور القمـــــــر قضيـــــنــاهـــــــــــا ..
وأحــــلام فـى عــز النـــــوم حـلمـنــــاهـــــــــــا ..
ومرت أيام وشهور فى وسط الجنة عشناهــــــــا...
وجـــــــانـــــــــا يــــــــــــوم وافتقدنـــــــاهــــــــا ...
وزارنــــــــــــــا الفــــــــــراق وبكيــنـــــــاهــــــــا ..
وصــــــــــــارت ذكــــــــــرى وتبــكيـــنــــــــــــــا...
وبنـــــفــــــس الـــــوقـــــت تـــــرويـــنــــــــــــــا ...
بـــمـــــــــــــاء الــحــــــــب تسقــيـــنـــــــــــــــا ..
وترجــــــــــع تـــــــانــــــى أمـــانــــيـنـــــــــــــــا ..
ونعيــــــــــد القصـــة مــــن تــــانــــــــــــــــــــى ...
وننــظـــــــر نظــــــرة مــــن تــــانــــــــــــــــــــــى..
ونجلــــــس جلســـة مـــن تــــانــــــــــــــــــــى...
لكــــــن للأســـــــــف... !! .. للأســــــــــف ... !!
ويــــــــــــا حبيــــــــب تــــانــــــــــــــــــــى...
حرمــــــت احـــب من تــــانــــــــــــــــــــى...
لأنى فى الحب ... دايما.. غلبان ووحدانى!!
على المتوجهين إلى مدينة دبي التوجه إلى بوابة رقم () وشكرا..
سمعت صوته وزادت دقات قلبها اعلن بداية مشواري لا يعلم انه نقطة البداية لحياتي لحلمي آه رغم ذلك ابتسمت طربا وخيالها يرسم الجديد من نوره الأبيض ومزيج الألوان المختلفة
رأته مختبئ هناك خلف هذا الجمع يسرق لي النظرات ليودعني لا اعلم ماشعوري ولكن هل ازدادت ثقتي بنفسي ؟ام اندب حظه لان قلبي لم يميل له !!عندما التقطته بنظرات هربا بها لم اقصد ان أجرحك أرسلت له نظراتها خلف نقابها الضيق الذي لم يخفي جمال عينيها العسليتين ورموشها الكثيفة التي تحيط بها رغم عنها تجمعت وازدادت جمالا من بكائها لتوديع أمها في المنزل بأمي انك تعلمي إن هذا رغم عني من اجل ان امسك زمام الأمور مع أخي الذي يحمل على كاهله كل شئ آه مابني نسيت نفسي مع خيالي ..
رأيت حذائه (يكرمكما الله ) يقترب مني اثناء نظري للأسفل وثوبه الأبيض الذي يزيده هيبة على جسمه المعضل الوسيم
ياسر
:يله تأخرنا فاطمة
ارتسمت الابتسامة على وجها واكتفت بالصمت ردا له
ولكن لمح الدموع تتصارع في أطراف عينيها
: ليش هالدموع مو أنتي اللي تبغي كذا
الحين لو ترفضي نرجع البيت ولا كأن صار شئ ها وش رايك؟
مع انه يعرف رايها واصرارها بس قال يجرب
: لا ياخوي بس تذكرت الوالدة الله يحفظها ماوصيك دير بالك عليها وشدد عليها من شان تاخذ دواها اعرفها اغلب الشيء تنساه والغالب تتناساه سمعت
ومسكت اذنه كانه طفل صغير تهزئه
نزل يدها
: يووو فطيم فضحتيني رجال وش كبري وش عرضي وش زيني لو تشوفك جمانة وش تقول أخاف أطيح من عينها
ثاني شي ولو هذا امي مثل امك
ياربي عليك فاطمة سوالفك ماتخلص بطير الطيارة وانتي ماخلصتي ..
مسك يدها ومشوا
: امشي امشي بس
وقال بمزح : روحي فكيني منك خل اخذ حريتي مع جمونتي وياها وناسة
وحرك حواجه وغمز بعيونه دلاله الخبث
: استح على وجهك خلص اموري بلا هالتفكير هالوسخ .
وصلوا لاخر نقطة يقدر خالد يدخل معها
وهنا ماقدرت تمنع نفسها من تحضنه رغم اللي حولها وهو مامانع مسكها وحضنها اكثر حتى صارت رجولها مو على الارض
:آه ياقلبي انت اللي اخترت
نزلها خالد وابتسموا
:شفت الحين كل منك خربت كحلي مين بغازلني الحين وي فديتني
: انتي حلوه حتى لو حوله .
: مع السلامة وهله هله في نفسك وأي شي تبينه تعرفي الارقام بس دقي ولا تترددي وأن شاء أي وقت اقدر أجي بجي لك
لاتنسين اول ماتوصلين دقي علينا وطمني الحبيبة
:انشاء الله مع السلامة
مشت ونظرت خلفها لا تعلم هل ستعود للحضن الحنون ام تكتب الاقدار شيئا آخر
حركت يديها تودعه للمرة الاخيرة
ونظرت للامام لتبدا مشوارها
اخذت معها شهيق طويل ليهدي أعصابها
وابتسمت ابتسامة أمل
تخفي خلفها قناع الخوف من المستقبل المجهول
صعدت سلم الطائرة وجاءت لها فكرة متهورة بان تترك كل شيء وتعود للمنزل ولكن خطت الدرجة الأخيرة وسمت بالله
وتلفت يمينا يسارا وبيدها تذكرة رقم مقعدها
وهي تكلم نفسها:وينه هذا بعد
:في قلبي ياقلبي
تفاجأت انا وين والناس وين ودها ترد عليه تهزئها بس ماحبت تعكر مزاجها بواحد تافه
جات لها المضيفة وأرشدتها لمكان الكرسي الحمد الله كانت يم النافذة مكانها المفضل الكرسي اللي بجانيها إلى الآن فاضي
دعت بسرها إنشاء الله ماحد يجلس فيه
بس ليس كل الاحلام بالتمني
شافت ظل واحد يمها من طرف عينها عرفت إن احتمال يكون كرسيه اجل ليه واقف ماحبت تلتفت له بس فضولها كان اقوى منها التفت وياليتها مالتفت شافت عيون ساحرة نعسانه تسحر استحت تطالعه أزيد من كذا التفت للنافذة ولاكأنه يمها
:ياربي وش هالوهقة
كأن حس باللي فيه وراح
:إنشاء الله مايرجع يارب
بس للاسف جى ولكن هالمره غير كان معه مره كبيرة جلسها يمها
:السلام عليكم
بصوف خافت :وعليكم السلام
:لو سمحتي أختي
..ياربي ليكون هذا يكلمني من صجه من فاكر نفسه مالت عليه
:نعم
:ماعليك أمر آسف للإزعاج بس ديري بالك على الحبيبة
ذكرني بامي غصب عني دمعت عيوني وانا اناظره وهو جلس يناظرني استغرب ليه هالعيون الجميلة تدمع انا ماقلت شئ غلط
:أختي في شيء
انتبهت لنفسها لا انشاء الله هي في عيوني
وابتسمت ولفت نظرها للي جالسة يمها
:يابنتي ماعليك منه بس هو وسواسي أنا مافيني شئ ولا بحتاج شئ روح ياولدي لاتنسى قول دعاء السفر
:مع السلامة
:الله يسلمك مع السلامة
:شخبارك يمه عساك بخير
:بخير ياقلبي مانشتكي باس
اعلن الكابتن الاستعداد للانطلاق
معكم الكابتن خالد...استعدوا واربطوا احزمكم تمنياتي برحلة موفقة معنا ..
ناظرت الحزام وكأن خلاص و بتدخل السجن ومافي وقت للتراجع اهتزت يدها وماعرفت تضبط الحزام كويس وفي الاخير سمعت صوت
:تبغي مساعدة أختي
التفت لمصدر الصوت شافت نفسه صاحب العيون النعسانه تساءلت في نفسها متى جى هذا ياربي وش هالفشله
: لا اخوي ماتقصر وبثبات ركبت حزامها وتجاهلت قربه وناظرت للنافدة تشوف العمال والطيارات الرايحة والجاية
حست انه يكلم امه ويعطيها دواها وسكر حزامها ماشاء الله بار بأمه يارب يخليها له
جات له المضيفة وقالت له يروح مكانه راح وكل ثانية يلتفت لامه صار كرسيه في البداية ونحن تقريبا في الاخير
بدت الطائرة تمشي تتحرك انا ماكنت خايفة من الطيارة خوفي من الجاي
وين كانت ثقتي واصراري وعزيمتي طارت مع الطيارة
ضحكت في نفسها
وصارت تردد بصوت خافت وحزين وبكل خشوع:.
اللهم إني أريد سفرا فخر لي فيه ، وأوضح لي فيه ، سبيل الرأي وفهمنيه وافتح لي عزمي بالأستقامة ، واشملني بالسلامة ، وأفدني جزيل الحظ والكرامة، واكلأني بحسن الحفظ والحراسة ، وجنبني اللهم وعثاء الأسفار، وسهل لي حزونة الاوعار، واطو لي بساط المراحل وقرب مني بعد نأي المناهل ، وباعد في المسير بين خطى الرواحل، حتى تقرب نياط البعيد وتسهل وعور الشديد ، ولقني اللهم في سفري نجح طائر الواقية ، وهبني فيه غنم العافية ، وخفير الاستقلال ، ودليل مجاوزة الاهوال ، وباعث وفور الكفاية ، وسانح خفير الولاية ، واجعله اللهم سبب عظيم السلم ، حاصل الغنم ، واجعل الليل علي سترا من الافات ، والنهار مانعا من الهلكات ، وأقطع عني قطع لصوصه بقدرتك واحرسني من وحوشه بقوتك ، حتى تكون السلامة فيه مصاحبتي ، والعافية فيه مقارنتي ، واليمن سائقي واليسر معانقي ،والعسر مفارقي، والفوز موافقي ، والامن مرافقي ،إنك ذو الطول والمن والقوة والحول، وأنت على كل شيء قدير وبعبادك بصير خبير.
الجزء الثاني :.
:بارك الله فيك يابنتي
:التفت تسلمي يأمي
:أمي وين بناتي كل وحدة لاهية بزوجها وعيالها بهالدنيا ماتخلي احد وهالولد مو مقصر منيتي اشوف عياله بعد ماغير موديني شمال ويمين معاه
:الله يخليه لك
:بس هو كل دنيتي يمكن أكون اعز الناس في نظره بس هالولد هو كل الناس في عيوني إنشاء الله ابلغ فيه وأنتي يابنتي وش اسمك وين زوجك عنك الله يغربلهم فرقوكم .
:فاطمة هههه لا يمه انا مو متزوجة.
: اجل جايه مع اخوك ولا أبوك .
: لا يمه انا جايه ادرس بالحالي
: وي ياحسرتي عليك يابنتي كيف تركوك بالحالك فديتك.
خذت في خاطرها بس تدري قالتها من طيب قلب ماقصدها شئ
:عن إذنك ياخالتي بروح دورة المياه
قالت هالكلام وهربت
ياربي وش فيني اليوم مشغلة هالدموع مو راضيه توقف
قامت ومشت بين الكراسي رغم عبايتها المسترة إلا يبين منها كيف جسمها متناسق وماتحب تكون في هالموقف وتصير العيون عليها كانت دورة المياه في البداية يعني لازم تمر بهالكراسي ارجع ياربي مااعرف أتصرف انا في هالمواقف كملت طريقها ولمحت وجه من جانب كان سرحان في ذاك الوقت حبت تدخل راسه وتعرف وش يفكر فيه أكيد في الشغل ولا امه ولا
يمكن وحده في قلبه ماتدري في ذاك الوقت ليه تبغي تعرف شنو شكلها بس أكيد حلوة لأنه حلو
استغفر الله استغفر الله صج انا فاضيه
:ياربي ارزقني الحلال من فضلك
ههههههههه
تذكرت كلامها مع البنات
عن كلام شيخ قال للبنت ولا الولد انه يغض أو تغص البصر ويقول اللهم ارزقني الحلال من فضلك
وهذا كلامهم من ذاك اليوم كل ماشافوا رجال حلو في السوق قالوا هالجمله وضحكوا ياربي صحيح إني بشتاق لهم موت
يأرب صبرني على بعادهم
دخلت وغسلت وجهها يارررب وفقني قالتها من قلب
عدلت غطايتها ولبست نقابها من جديد وهي تفكر إنشاء الله بحاول إني أتحجب بس في دبي مع إني استحي كثير حتى من عمامي وخوالي كيف رجال كثار
حمر وجهها من تفكيرها وحطت يدها على خدها سمعت دق على الباب يؤؤؤؤ تأخرت خليني اطلع وأكمل سرحاني في الكرسي أحسن لي
فتحت الباب وهي منزله وجهها
: أختي فيك شئ
ياربي نفس الصوت وش يبغى مني أنا ماابغى أفكر فيه وهو لاحقني مالت من زينك عاد ياواثقة
:نعم أخوي
:الوالدة شافتك تاخرتي فنادتني من شان اطمن عليك
:تسلم ماتقصر بس مافيني شئ
ومشت وتركت واقف يناظرها رغم العباية بس مشيتها تبان أنها واثقة قوية مصرة عندها طموح وأحلام كبيرة
ابتسم على تفكيره ورجع مكانه
: هلا يمه
:هلا بيك يمه
:وينك تاخرتي قلت مسكينة البنت وحيدة وبالحالها خفت صار فيك شئ وأنتي شكلك تعبانه
:ماتقصرين ياقلبي
وقامت حبت راسها وجلست مكانها .
طلعت من من شنطتها الصغيرة قرآن كان هدية من ابوها الله يرحمه
بابتسامة فتحته وبدأت تقرى بصوت خافت والمره اللي يمها تسمعها والى الان ماتعرف اسمها ..
بعد ربع ساعة ..
سكرته لمن خلصت جزئها ووعدت نفسها إنشاء الله تخلص الختمة هذا الأسبوع
التفت شافتها نايمة ورجعت تناظر النافذة وتشوف السحاب كيف كثير وحلو في نفس الوقت ومتلاصقة مع بعض كأنهم أصدقاء وهي بالحالها ..
آه ياسحب الشوق
ياروح المطر
رسلي لأحبتي سلامي
كثر الورد والشجر
:يابنتي نمتي أخذي هالبطانية تدفي عن هالبرد كسروا عظامتي الله يغربلهم .
:مشكورة يايمه مو بردانه .
وقطعت حديثهم المضيفة تسألهم وش يبغوا للغدا
: يمه تقول لك تبغي معكرونة ولا رز .
: لا يمه لا معطرونة وخرابيطكم لكم ماابغى إلا رز .
كلمت فاطمة المضيفة وجابت لهم اللي يبغوا .
جلسوا يتغدوا بهدوء مع تحلطم العجوز على طباخهم هههه حريم مايتركوا طبعهم .
هلا يمه عجبك الغدا تبين شئ ثاني:
وقفت المعلقة في نص الطريق ياربي قلنا أمه كل دقيقة ناط لي في وجهي نزلت المعلقة تنتظره يروح بس الأخ شكله مطول وبردت المعكرونة الله يغربلك خربت علي غداي
والتفت تشوف وش ناوي الأخ
وطلعت عيونها مستغربة حضرته متكي على كرسي أمه يسولف وعيونه علي جعل عيونك البط قلنا عاد مزيون بس مالت أكيد مثل باقي الشباب
ولمن شافها انتبهت له شغل نفسه مع أمه اسم مؤدب الأخ
مالت بس
أخيرا حس على نفسه وقام
تامرين على شئ يمه :
لا يمه فديتك نام ارتاح أعرفك زين انا :
إنشاء الله مع السلامة
:مع السلامة.
كل يوم يمر من دونك حزين
كل لحظه تفوت من دونك قهر
في غيابي لك يمه دمعتين
دمعة اشواقي ودمعة تنتظر
آه يايمه
اشتقت لك
الرجاء من جميع المسافرين ربط أحزمتكم استعدادا للهبوط على ارض مطار دبي أتمنى لكم طيب الإقامة ورحلة مريحة والحمد الله على سلامتكم
دن دن
مدري افرح أخاف ولا ...مدري غريب شعوري صابر كوكتيل
يم يم كوكتيل..يبقى لي بس استقر اكل عشر وجبات صار لي يومين من التفكير هملت نفسي ..أخاف استمرض ولا شئ وانا بغربة بالحالي..اي والله ..
رحلت الهبوط تخوف أكثر من الصعود أحس قلبي نزل معي صار تحت الكرسي يمه
:نعم يمه بغيتي شئ
:لا الله يعافيك .
:يابنتي الحين أنتي وين بتروحين ؟
:في ناس ينتظروني لاتخافين علي .
:ياليت أشوفك مره ثانيه دخلتي قلبي
:وأنا أكثر.
رفعت العجوز راسها..
:جيت يمه جاسر
:أي يمه يله قومي وصلنا
:مع السلامة
:مع السلامة
اسمه جاسر اسمه كبير على هيبته فخم حسيت لحظة بالخوف
ابتعدوا وبدأت الطائرة تفضى قامت طلعت شنطة الاب توب من الرف اللي فوق ومسكت في يدها شنطتها الصغيرة ومشت ..
الحين بدأت حياتي أنا اعتمد فيها على نفسي أنا
أنا وبس
ابتسمت للمضيفة
ونزلت سلم الطائرة ومع كل خطوة هدف وتصميم بتحقيقه..
جيت انا وكلي شموخ وكبرياء ومهابه جيت شوق ومشاعر في زمان بخيل انا كلي امل انك ترحبين فيني يادبي ..
|
20-01-10, 07:25 PM
جديد مواضيع قسم الارشيف
العرض الشجري
