ღ ياغــــلاتك بقلبي يـــا نصيـــب الغيـــــــر ღ لــ...•°أم الـظـفـايـــــــر•°.•.°.• - الصفحة 8

21-01-10, 01:47 AM

المشاركة رقم: 36

المعلومات
الكاتب:	yasmine
اللقب:	ليلاس متالق

البيانات
التسجيل:	Jun 2009
العضوية:	146369
المشاركات:	1,645
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : yasmine المنتدى : القصص المكتمله

تجهـَزت وتين عشـان تروح لـ عزيمة بنـات جيرانهم .. وطلعت من الغرفـه وراحت تجلس مع فـارس تسولف معاه لـما تتجهـز أحلام لأنها مـا بعد بدَلـت ملابسها..

فارس: أوووخص يالأنيـقه وش هالحركــات..

"وتين وهي توقـف و تحط إيدها على خصرها بـدلع": مـره ستايل صـح؟

فارس: ستـايـل ونص بعـد ..

وتين: ليه مـا طلعت مع سعـد و عيـال جيرانا عبدالمحسـن وعبدالألـه لأحتفالات قصـر الحكم؟

فـارس: مـالي خلق ..

"تفـاجأت وتين": وش فيك إنت صـاير مـا تحب تطلـع لـمكان؟

فـارس: مـا أستـانس وأطفـش بسرعه يعني ماله داعي أتعنـَى وأضرب مشوار على الفـاضي ..

"وتين بـقهر": ودي أذبحـك لأنك ترفـع ضغطي بحركاتـك..

"أبتسـم فارس": فـدوه لك أنـا كلـَي..

"سمعت وتين صـوت أحلام تناديها راحت وهي تقول لـه": لنا تفـاهم ثاني بس أرجع من الحفلـه..

"دخلـت الغرفه وتفـاجأت لـما لقت أحلام ما بعد بدَلت ملابسها": للحين بـ بجـامتك؟

"أحلام بـإحباط": أحترت وش ألبـس أحس كل ملابسي مـو حلوه ومـا تصلح لـعزيمه..

"وتين وتحـاول مـا ترفع صوتها وتزعـَلها": تـوك تتكلمين؟ طيب وش الحـل؟

"أحلام بـتردد": عندك ملابس مـاحد شافها عليك من البنـات..؟

"أتجهت وتين للكبـت بـدون مـا تتكلم وطلعت بدلـه جديده أشترتها من زارا ومـا لبستها أبدآ": خذي هـذي أتوقع بتطلع حلـوه عليك.. جربيها و ثواني و أرجع لـك..

"أستانست أحلام": أكيـد تطلع حلوه دامها منـك..

أبتسمـت لها وتين وطلعـت..

»»»»»»»»»»»»»»»»»»»»»»

بعد ربـع ساعه طلعـوا من البيت و رآحوا لـجيرانهم.. وكانت رينـاد واقفه عند المـدخل تنتظـرهم..

دخل عمــر وهو شايل أكيـاس بـإيدينه الثنتين .. دخـلوا وراه بنفس اللحظـه وتين وأحلام ..

ريناد طـارت من الفرحه لأن وتـين وعمـر ألتقـوا .. كانت فـرصه تجمـع بينهم لـو بكلمــــه صغيــــره..

"صآحت بحمـــــاس وهي تـأشـر لـ عمــر يوقـــف بمكـانه": يـا هـلا والله زارتنـا البركـه..

"ألتفـت عمــر لا شعوريـا لـمح أحلام تنـاظره من ورآء البرقـــع ,, أرتبـك وأنتقـل بـنظره لـ وتيــن اللي كانت مغطيـه وجهها بالطرحـه وتصـافح رينـاد..

صـــــد وتـــم وآقف بـمكانه مـا تحرك .. كأنه يتحـدَى نفسـه ويراهن قلبـــه إذا هـو قـدَ الجـرآه وإلا لأ؟ خلآص مـــلَ من الخجـل يبي يكسر مبـــدأ بحياته "..

"أحلام بـخاطرها": وآآآو وأخيـرآ ألتفت وشـآفني .. مـو مصدقــه عيوني عمـر بنفسه واقـف قدامــي..!!

ريناد: حياكم تفضلـوا.. أأأأ عمـوووري .. سلــَم على وتيـن و عـآيدها شـدعوه تراها أختنــا مننا وفينا..

"أبتسـم عمــر لا شعوريآ وألتفـت على وتيـن وهو ينـاظرها بنظرات متقـطعه": كيف حـــالك وتيـن .. عيـدك مبـارك وكل سنـــه وإنتي طيبـــه..

"وتيـن وهي ذآيبـــه من الخجـل و تحس وجهها حـــآر وخدودهــــا بتفجـر": هـلا عمـر .. وأنت بخيـر .. الحمدلله على السلامــــه ..

عمر: الله يسلمـك..
"وبخـــــاطره" ليـه تتحمـَدلي بالسـلامه ,, أكيد صـارت تحس بـغيآبي أكيييييد ..

"تمنـَت وتين تـآخذها سوالف معـاه عجبتها كلمة (أخـــــوه) بنظـر غيرهم وحبـَت تستغلها بـس خـآفت من أحـلام"..

"ريناد وهي تآخذ الأكياس من عمـر": آسفه عمـوري تعبتـك معـآي..

عمر: تعبك رآحـــه.. تبين شي قبـل مـا أطلع؟

ريناد: سـلامتـك..

"طلع عمـر و دخلـوا البنات عشان يعدلـون أشكالهم قبل يجلسون بغرفة الأستقبال"..

ريناد: ثوانـي و أرجع خـذوا راحتكـم تيب..

"رمـت وتين عباتها و علـَقتها والأبتسامـــــه مـاليه وجهها .. نـاظرتها أحلام بـطرف عين وهي تـرمي عباتها وتسأل وتين بشــك": إنتي عـادي تسولفيـن مع عمـر؟

"وتين بخاطرهــــا": توقعتها تسألنــي .. مـا تطـوَف شي شكـَاكه!!
"ردت بـصوت مسموع" عآتـي ولـد جيرانا ومتربيـن سواء من و إحنا صغـار.. أخوآن يـا أحـلام أخوآآآآن و أكثر مـا شاء الله علينـا..

"أحلام بإرتيـــاح": إيوه صـح أنا لاحظـت إن علاقتكم بجيرانكم مـره قويه.. الله يدومهـا إن شاءالله..

وتين: آميـــــن..

¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥

كآنت عزيمه صغيــره والحضور قليل وهم/ أثنين من أعز صديقات رينـــاد في المدرسه وصديقة داليــــا في الكليه ..

و الأجـواء عفويــــه مـا فيها أي تحفـَظـات أو حدود لأن وتيـن تعرف صديقـات داليا و ريناد من قبل و تحب تمـزح وتضحك معهم لأنهـم طيبـات مره ..

والجلسه حلوه على الكل مـاعدا (أحلام) اللي مــــا أرتاحت أبـد..!!!

"ريناد وهي تجلس بـجنب وتين وتهمس": وش فيها أحلام زعلانــــه .. آخـاف تضايقت من قعـدة البنـات .. ترى هذي طبيعتهم ومتعـودات إن......

"تقـاطعها وتين": لأ وش دخـَل القعدة والسوالف هذي شخصياتهم وطبيعتهم مـالنا علاقه .. بس عشانها أول مـره تحضر مناسبـات زي كذا..

ريناد: أهـا .. اجل تتعود مع الوقت.. تيب أنـا أبي أوريك شغلـه حلوه بـس إذا جبتهـا سوَي نفسـك إن الوضع طبيعي وتفاعلي معاي أتفـقـنـــا..

"وتيـن بأقتنـاع": ok..

"راحـت ريناد بسرعه وجـابت (جريـــدة) مشخبـط فيها عمـــــر.. ودخلـت وهي تقـول بـحماس": وتين جبـت لـك صـورة جهاز نوكيا الجديد اللي ودَك فيه..

"صـاحت وتين وهي توقـف وتآخذ الجريـده من ريناد": وآو أخيرآ حصـَلت صورته عشـان أشتريه..

"جلسـوا بجنب بعض وهم يغطــَون وجيههم بـالجريـده ويضحكـون.. وقــَفت وتين ضحـك وهي تقـرأ ":

لـو ان خلـَي لا زهمتـه (يسيّـر)
ما همّني هالبـرد ..لـو ترجـف عظــام.! ©

"ألتفتـت على رينـاد بـخجل و عجزت تعبـَر.. فتحـت رينـاد الصفحه اللي بعدهـا وهي تقـول": شوفـي هذا الجهاز من سامسونغ يجنـَن..

© أنــــا أحــبــك جيت شفق و وارد..
أنــــا أحــبــك جيت شوقي دعانــــي..
جيتك وأنــــا أحـلـــم للهــوى بيت وأولاد..
جيتك بشرع اللــــه أدوَر مكانــــي..
كان الخطــــا في الحـــب.. أخطيت وش عاد..
أنــــا أحــبــك حــــب زلزل كيانــــي.. ©

"تنهـدت وتين بـحرآره وهي تهـز راسها بــ -نعـــم- ... صـرخت ريناد وهي تنطــَط ": وآآآآو ونـــــآآآآســــه يــا بختــــه لاصار لك ويــا بختـــــك فيه..!!

"داليـا وهي متفـاجأه": رينـاد وش فيـك؟ ..

"قـامت ريناد وهي تسـحب يـد وتين وتآخـذ الجريده.. طلعـوا للغرفه الثـانيه وهم يضحكـون لـ سبـب مجهول للي موجوديـن قدامهم"..

: أكتبــــــــي!!

وتين: وش أكتـب..؟

ريناد: شعـورك و بكل صـراحه..

"وتين بـتردد": بــس....!!

ريناد: بـس كآفــــي سكوت .. حرآم أجبـري خاطـره لـو بـ كلـمه..

وتين: .........

ريناد: ترى إحساسه بالعشـق مفضـوح وإنتي بعد واضحـه مع شويـة غمـوض ..
شوفي .. إذا تبيـن كتابتك (سـر) بينك وبينه لـك مـا بغيتي .. و ربي راح أدبـَسها و أسلـَمها بـإيده وهو اللي يفتحهـا..

"عجـزت وتين تبـرَر أو ترفـض.. صح اللي راح تكتبه على جريـده بـس يعني لـه شي كثيــر"..

© تغيَّـر وجْهَــي !!
مِنْ أوَّل غيابــــكْ و / إبْتِدَى التأثير
حبيبــــي . .
مِنْ التَّعَبْ كافي !
خذيتْ اللِّي " يكفينــــي "

يا أغلـــى مِنْ رَحَل عنِّي
, / يا كِلْ الحُبْ والتقديـر
تعَــــالْ : إنْ كان لِي عِندِكْ مَعَزَّه
~ وكان تغلينـي !

تعَــــــالْ : إنْ كِنتْ تعشقـنـــي
~ وإذا فِعلاً تبي لي خيـر !
تعَــــــالْ : ومِدْ لِي كَفْ الوَصِلْ
~ وآمِدْ كَفينـي !

إذا كانْ الجِفـــا واجِبْ
. . ( بدى ) مِنْ قلبي التقصيـر ,
أبيكْ الحِينْ / تِرجَعْ لِي
ولا تِرجَعْ . . . تخلينـــي !

أنا ما أقولْ اللِّي صَار فِيني
. . , مــا هقيتـــه يصير
لأنِّي كِنتْ , ( مِتأكِــــدْ ) : بأنْ البُعـــد ينهينــــي..! ©

~~~~~~~~~~~~~~~~~~~~~

الساعــــــه 12 ونص..

رجعـوا وتين وأحـلام من العـزيمه .. دخلوا الغرفه و بسرعه بدَلـت أحلام ملابسها وحطـَت رأسها و نـامت بدون أي تعليق و مـا نطقـــت بحرف واحــــد..

توقـعت وتين إنها تتكلـَم عن شعـورها بـ جمعة البنـات مع السوالـف والضحك والرقـص ..
بــس هذا كـلـه ما بيـَن بعين أحلام و واضـح من تصرفهـا إن عندها أعتــــراض لـ شي بخـاطرها.. إيش هـــو..؟ مــا تـــدري !!

٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪

×× نهايــــــــــــــــــــة البارت الســـــــــــــــــــــابع ××

21-01-10, 01:52 AM

المشاركة رقم: 37

المعلومات
الكاتب:	yasmine
اللقب:	ليلاس متالق

البيانات
التسجيل:	Jun 2009
العضوية:	146369
المشاركات:	1,645
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : yasmine المنتدى : القصص المكتمله

روايــــــة...№[ياغــلاتـــك بقلـبـي يانصيب الغـيـــر]№

الكــاتبــــــه:
....¸•°أم الـظـفـايــــــر¸•°....

©الـــجـــــــ الثامن ـــــــــزء©

بنفس يـــوم السبت الساعه 3 ونص الفجر..
رجع عمــر من البـر و دخل غرفتـه وهو تعبـآن من مشـوار الطريـق .. أنسدح على السرير وغمـَض عيـونه يبي يرتـاح ثواني قبل ما يآخذ لـه شـور سريع و ينـام..

"رينـاد وهي تمشي لـجهة سريره و مخبيـه الجريده وراء ظهرهـا": عمـَوري إنت نـايم..

"رد عمـر بدون مـا يناظرها": لأ صـآحي .. وش عندك مـا نمتي للحين؟

ريناد: عندي شـي حلو طيـَر النـوم مني ..

عمر: بسـم الله عليك .. وش جـاك؟

ريناد: وتيــــــن ..

"فتـح عيونه عمـر وفـــزَ بسرعه وسـألها بـإهتمام": وش فيهــا؟

"ضحكـت ريناد وهي تجلس على طـرف السرير و تعطيـه الجريـده": على طـول صحصحت هههههههه ..

"تسـارعت دقــَات قلبـــه وهو يـآخذ الجريده": مـا جاوبتي على سـؤالي..

ريناد: هنـا الجـواب تلاقيه بـوسطها ..

"أبتسـم عمــر وهو يفتح الصفحـات بأرتبـاك .. وصل للوسـط ولقى وتيـن كاتبـــه":

حـنـييييـتْ لك آآآهـ منْ شوقيّ لضحكـــة شفـــاك..
والشـــوُق .. مآ ينســأل منْ وُيــش واِلا متــى..! ©
"أتـَسعت أبتســــامة عمـر وهو يغطـَي وجهه بـالجريـده و بخـاطره": يـالبـَى قـلبـك يالغاليــه ..

"طيـَرت عيونها رينـاد بتعجـَب وأستغربت من سكـوته": وش فيـك.. هـالـمفـاجأه مـا حركـَت فيك سـاكـن..؟؟؟؟؟؟

"حـط عمـر الجريده على السرير و تـم سرحـآن ومبتسـم يناظـر بخطــَها و كأنه يشوفهـا.. ودَه يعـبـَر عن شعـوره بس أستحـى من أخته لأنـه متعـوَد يفضفـض لـصديقه رمـــزي دايـم و غيره مستحيـل"..

"سـألته ريناد بتـردد": عمـر.. أنـت تحبهـا صـح؟

"رفـع عمـر راسه والأبتسـامه مـا تفارق شفـاه": وش رأيـك يعني..؟

"ريناد وهي تحـكَ راسها بـإحراج": طيـب ليـه مـا تخطبها؟

عمر: أنتظـرها لـما تتخرَج من الكليه إن شـاءالله و أخلـَي أمـي تروح تخطبهـا لـي.. أخـاف يرفضون أهلها بحجـَة الـدراسه..

ريناد: يعني مـا خفـْت إنها تـرفضـك؟

عمر: كنـت خايف .. بـس ألحين تـأكدت أن قلبهـا لـي مـو لـغيري ..

"ريناد وهي تقوم": الله يتمم على خير ويصبـَر قلبـك إلـى يوم تخرَجها..

عمر: أصبر العمـر كلــَه لـو تبـي بس أهـم شي تكـون مـن نصيبـي ..!

ريناد: الله يصـون قلوبكـم و يحفظها.. المهم لا تنسـى تكافـأني على المـفاجـأه الحلـوه..

"أخـذ عمـر الجريده وهو كـاتم الضحكه": أقـول بس ضفـَي وجهـك..

"عصـَبت ريناد و تحـاول تآخذ الجريده": يـا شرَير مـا ينفع معـك الطيـب.. عطني الـ .......

"قـاطعها عمـر وهو يضحك": ههههههههه أمـزح معك آمـري وش تبيـن أجيب لـك هديه..؟

ــــــــــــــــــــــــــــــــــــــــــــــــ

يـــــوم السبـــــت

20 ذو الحجـــــه

في الكليـــــة ...

وتين: والله مـــا أدري..

"هديل بتعجـب": كيف يعني مـا تدريـن.. صارلها أسبـوع كامل مـا تتكلـَم معك و مـادَه البوز شبرين بـدون سبـب؟

"وتين بضيق": والله أحترت معها لأني مـا أذيتها أبدآ .. والمشكلـه أننا بغرفه واحـده ولا نتـلاقى .. و فـوق هذا مـا أقدر أطلـع لسوق أو مطعـم إلا آخـذها معاي وبما إنها زعلانه يعني أنسـى أطلـع عشان مـا أتركها لحالها وأسبوع كـامل وأنا جالسه لا ونـاسه ولا هـُم يحزنـون ..

صفاء: أوب أوب حـاكرتك على الفـاضي.. شكلها داهيـه هـالبنت وصعبـه بـالتعـامل..

هديل: أحس إن أحلام مزاجيـــــه؟

"وتين بتـأكيد": مزاجيــــه وأحيآنا تصير شرســـه وأحيانآ هاديـــه أنـا بصراحه أخـاف منها ..

"صفـاء بإستهبال وهي تحكي سوري": شـو بنا وتيـن عيـب ع النسـوان يخـآفوا..!

هديل: أنـا مـا أعرف شخصيتها بالضبـط ولا أفهمهـا .. بس أتوقــع أنها مـاتحـسَ بالأستقـرار و الأمــــان تظـل متوتره و خايفــه .. و تحتـاج لـشيء وتبي توصلــه بـس مـو عـارفه طريقه ويـن..؟

"رفعـت وتيـن حاجبها وسألت بشـك": تفسيـرك غـريب .. توصـل لـمين و بـأي طريق؟

هديل: تبي تصير (مـثـلـك) وإنتي طريقهـا .. لأن اللي يبي يـوصل لآزم يقسـى و يدوس على غيـره عشان يمهـَد لـنفسه طريـق نظيـف و هـآدئ يقـدر يمشي عليه..

"وتين بتعجب": معقـولــــــه هي تفكـَر كذا..؟؟؟؟؟

"هديل وهي تحكي بـهدوء": أحـلام شافـــت الهوايـل من بنات الجامعـه ومـا فيه بنت بـالدنيا مـا تغـآر و تتمنـَى تصيـر أحسن من غيرهـا .. وهي تعيش صــــرآع بـداخلها و ظهـر هالشي بمزاجيتـهــا..
يعني بـإختصار هي عنـدها (إعـتـــراض على حيـاتـها) ..

"صفـاء وهي كاتمه الضحكه": عفـــــوآ دكتـوره هـديل مـا تلاحظيـن إنك كاشفـــه احلام حيل و تعرفينها أكثـر من وتيـن..؟

"ضحكت وتين بقوه": هههههههههههههههههههههه إي صـح وأنا مندمجه أسمـع وأناقـــش بعد..

صفاء: هههههههههههه الظـاهر قرأت كتاب أخوانك حق تفسيـر الشخصيات ولـطـشـت منه..

"هديل بـإستيـاء": سخيفــــآت .. أصلآ كتاب أخوانها مـا فيه ولا شي من اللي قلتـه ..
ونمـاذج كثير مثل شخصية أحـلام و واضحين و مكشوفيـن حولنـا بس إحنا مـا نقرَب لهم ولا نعرفهم ..

"وتين وهي تتنهــــد": صادقـه يا هديل .. كثيـر بنات يتصـرَفون غلـط وهالشـي يبيـَن لنـا إنه (إعتــراض) على شـيء بـحياتها وإلا مـا كـان فكـَرت تضـرَ نفسها و تضـرَ غيرها ..

هديل: حلـو إنك أقتنعتـــي عشـان تصبريــن عليها و تلبـَين لها طلبـاتها تراك مـأجوره لأنها تظل ضعيفـه ومسكينـه ..

"صفـاء وبعد لحظـــات تفكير ردَت بخوف": يعني تصرَفـي لـما رفضت الرجـَال اللي تقـدم لي هو إعتــــــراض على حيـاتي؟

"تفاجـــأوا وتين وهديل وصاحـــوآ بصوت واحد": رفضتـيــــــــــــــــــــه.....؟

¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦ ¦¦

أم صفـاء: إيه رفضتـــه .. أنهبـْـلـت بنتـي مـاهي صاحيه..!

"متعب وهو جـالس قبال عمته و يسمعها بـأبتسـامه": خـِـيره يـا عمـَه ربـي يبي لـعباده الخير.. يمكن الرجـَال مـو كويس عشان كذا مـا صـار لها نصيب فيه..

أم صفاء: لا والله مـا عليه والكـل يمـدح فيه .. بـس هي بـها بـلاء وبراسها شـي حسبي الله عليها فشـَلتني قـدام الناس..

"متعب أتـَسعت أبتسامته .. حـس إن صفاء رفضـت بـسببه بس مـا تأكـد من هالأحسـاس إلا بكلام عمته (براسها شي) وأكيد هـو اللي تفكـَر فيه": لا تدعيـن عليها و بعدين لا هـي أوَل بنت ولا آخر بنت ترفـض لها خواطيـب .. تذكرين أختي رنـا وش كثر رفضت و بدون سبب!! وألحين متزوجه ومـا فيه أسعـد منها..

"أم صفاء وبعد لحظـة صمت": صـارلي أسبوع مـا أتكلـَم معها و زعلانه عليها .. ترفـض بدون سبب؟ لا أنـا ولا جدَتها ولا أبـوها قـدرنا عليها.. حتى أخوانها بـأمريكا أتصلـوا و أقنعوها بس مـافيه فايده معها عنيـده..

متعب: نصيبـها يـا عمـَه .. خلـَوها على راحتها وربـَي يرزقهـا باللي أحسن منه بـس إنتظــري لـما تتخـرَج و تهدأ أعصـابها من ضغـط الدراسه و صدقيني مـاراح تلاقين منها إلا اللي يريحـك..

أم صفاء: مـابي منها إلا إنها تحـطَ عقـلها براسها وتتـرك العنـاد.. أبي لها الستـر و الراحه هـي وأختها ..

متعب: إن شاء الله يرتـآحون و ترتاحين إنتـي بعـد..

أم صفاء: الله يسمـع منـك..

"قـام متعب وهو يعدَل شماغه": جلستك مـا تنمـلَ يـا عمـَه بس أسمحي لـي عندي شويـة شغـل .. بصراحه أحلى قهوة ضحى مـرت علي والأحلى إنها معـك..

أم صفاء:يعـافيك ربـَي .. وحيـَاك الله بأي وقـت ..

متعب: الله يسـلمك .. فمان الله..

ــــــــــــــــــــــــــــــــــــــــــــــــــ ــــ

21-01-10, 01:54 AM

المشاركة رقم: 38

المعلومات
الكاتب:	yasmine
اللقب:	ليلاس متالق

البيانات
التسجيل:	Jun 2009
العضوية:	146369
المشاركات:	1,645
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : yasmine المنتدى : القصص المكتمله

وفي جـامعة الـملـك سعــود..

كـانت جالسه أحـلام مع صديقاتها و سارحه تفكـَر و نهـله تتكلـَم بحمـاس عن مواقفـها بالأجـازه اللي قضتها بالشرقيـــــه..

نهله: و لـما كنا واقفيـن قريب من البحر أنـا وبنات خالتي كان فيه شبـاب يلعبـون بـالـ(جيتيسكي) و جـو عندنا و صـاروا يفحطـون و إحنا نصرررررخ لأننا تعبـَينا مـويه هههههههههه أشكالنا كانت تووووحفــــه ..

"ضحكـوا البنـات و أحلآم أنتبـهت لـكلامها و فتحـت عيونها عـالآخر": الشبـاب يقربـــون لـك؟

نهله: لا وييين مـا أعرفهم أصلآ.. بـس عادي هـُم كذا يمزحــــون معنـا ..

أحلآم: أخوانـك يـدرون إنهم يمـزحون كذا؟

"تفـاجأت نهله": وش جـاب سيرة أخواني و بعدين إحنـا بالشاليه بنـات مع أمهاتنا بـس مـا عندنا شبـاب..

أحلام: عـادي عندكـم؟

نهله: إيـوه عـادي لأن مـا عندنا شباب بالعائله .. أنـا أخواني و عيال خالاتي كلهم مبزره مـا تعدَوا الأبتدائي..

أحلام: طيـَب أبـوك و....

"تقـاطعها نهله": أستجــــواب؟ أحلام وش فيـك أنا حاسـَه إنك مـو على بعضك كأنك متضايقه و محتاره تفكـَرين بـشيء؟

أحلام: ولا شـي..

"قـامت أحلام وهي متضـايقه و تمشي بسرعه و لحقتها نهلـــه وهي تعتـذر منها"..

"أحلام وصوتها يرتعد": أنـا مو زعلانه منك .. أنا متضآيقه من نفسي ..

" أحلام دمعـت عيونها وجلسـت على الارض وهي تصيـح ونهله تهدَي منها وتسـألها وش مضـايقها..
حكـت أحلام لـنهله كل اللي بخـآطرها و أرتـاحت لـما لقـت اللي يسمعها و ينصحـها بدون مـا تحط حواجـز و حدود بينها و بينـه"..

* أنـــا موجــــوده

لإبدي أعتراضي وأمتعاضي
على نفســــي
على أسرتــــي
على مجتمعــــي ...

أنــــا موجــــوده

لأعبر عن رغبتي وأمنيتي في تغييــر
نفســــي
و أسرتــــي
و مجتمعــــي ...

أنــــا موجــــوده

لأقــدم أعتــذاري وأسفــــي لما بـدر مني من....
و قاحــــه
و قـلــَـة أدب
و عدم أحتــرام
لمـبــادئ غيـري وقيمهــم

لأني وبكل صراحــــه!!
لا أملك الشـيء لأعطيه حقـه
وكما يقولون: فـاقـد الشـيء لا يعطيـــه

ليتهم يتلمسـون لـي العــــذر الذيـن أسـأت التصـرَف معهم..

فـ كل همـَي هـو أن :
(أثـبـــت وجــــودي) لا غيـر

لأن أسرتـي و مجتمعـي دائمـآ مـا تلغينــــي

لكــــن أنـا آلآن .. أرغـب بـ كسـْر القيـود من حولــــــي ..
و أطلـق العنان لـ تفكيـري وعقلــــي ..
و أعبـَر عن رأيي بحريـَه تآمـــه دون محاسبــه..

أرغـب بالتعـرف على أشخـاص خـارج نطـاق مجتمعــــي_

و أكسـب ثقافـــات متعـدَده و متنوعـه من أشخـاص يقطنون خارج "القريــــات" و يتوزعـــون بـأرجـاء مملكتـي .. *

.¸¸.•°°.¸¸.•°°.¸¸.•°°.¸¸.•°°.¸¸.•°°.¸¸.•°°.¸¸.•°°

طلعـت وتيـن من الكليـه متـأخر لأن كـان عندها محاضـره شبكـة .. راحت لـمواقف السيـارات و دوَرت بـاصها مـا لقتــــه..!!!
أتصلـت على السايق و ردَ وهـو معصب: في إيــــه؟

وتيـن: محـرًم .. أنـت موجـود بالكليـه؟

محرًم: جيت و رجعـت و خلاص.. بتتـأخري ليـه؟

وتيـن: عنـدي محـاضره..

محًرم: مـا فيش محـاضرات للوقـت ده .. كـُل البنات طلعوا مـن بدري وقـالوا إن مـا فيش تأخير أبـدآ في المحاضرات..

وتين: ويـن راح أكون يعني و بعديـن البنات يكذبون فيه تـأخير عندي السبـت و هـُم يعـرفون..

محًرم: طـب إيه المطلـوب دلـوأتي؟

وتين: أرجـع خذني وإلا تـرى مـا يصير لك طيـب..

محًرم: مـش عـاوز ..

"قفـل الخـط بوجهها و أنقهرت وجلسـت على الرصيـف وهي تتصـل على صـالـح"..

"رد صالـح بـحماس": يالله حيـَها الشمـاليـه..

"وتيـن و صوتهـا كلـَه صياح": أنـت وينـك تعـال خذنـي من الكلــَيه..

"تفـاجـأ صالح": وش فيـك تصيـحيـن؟

وتين: سايـق بـاصي راح و تركني و الكليه فـااااااضيه..

"عصـَب صالـح": ليــه يخليـك هـذا حيـوآن مـا يفهـم!!

وتين: تعـال خذني ألحيـن و تفاهـم معه بعديـن..

صالح: خـلاص ألحين أجـي بـس ويـن موقـع الكليه بالضبـط؟

"أنقهـرت وتيـن وهي تقـفـل بوجهه و تصيــح بقـوه"..

ــــــــــــــــــــــــــــــــــــــــــــــــــ ــ

أنتظـرته و أتصـالاتها مستمـره مع أمهـا و أبـوها و كلهم يهـدَون منها و يطمنونها بـإن صالـح جـايها بالطـريق..

و بعـدها بنص سـاعه جـاء صالح بسيارته مسـرع و نزل وهو يتلفـت يـدوَرها ..

قـامت وتيـن و راحت لـه وهي تمشي ببـطء وتسحـب شنطتها سحـب من الطفـش و الـدموع مـاليه عيونهـا ومـا تشوف اللي قدامهـا..

قـرَب لها صالـح و مسك يـدها و أخذ شنطتها وهـو يهدَي منها..

فتـح لها الباب الخلفـي وجلست و ودَها تنسـدح من التعـب و الخـوف و البـرد اللي جمــَد عضـامها..

"جلـس صالح وسكـَر البـاب": الله لا يوفقـه ولا يعطيـه عـافيه هالمصـري .. عطيني رقمـه خليني أربيـه و أأدبـه لك ..

"وتيـن وهي ترتخي بـجلستها": خلـَك منه وقول لـي ليه مـا تـدل الكليه؟ أنـا نسيت البـاص و شايله همـَك شلـون توصلني .. والله مسخره أخـو ومـا يعرف ويـن كلية أختـه! أخـاف بس مضيـَع و جبت فـارس يعلمـك..؟
أنـا أدري إنكم مـا راح تتوبون عقـب هالـموقف.. بكـره تسجلوني ببـاص جديد و تصيـر لي نفـس المشـاكل و عـآدي عندكم بس أهـم شي مـا تتعبون .. إنتـم تبون الـراحه لكم أمـا أنـا لأ _ مـا تهتمـون فيني ..

"خنقتهـا العبره و صـارت تصيـح بصوت عـالي ..
و صالـح يسكـَت فيها بـ مـلل": يـاااحول.. يـا بنت الحـلال أنتي معصـَبه على سـايق باصك و حطـَيتي الحرَه فيني والله مـا بيدي شـي..
و بعدين متعـوده على البـاصات من دخلتي الكلـَيه وإنتي بالسنه مع باصيـن..

وتين: مـابي هالعـاده .. خلاص أبي إنتم تـآخذوني كل يـوم..

صالح: وقـت دوامنا غير عـن دوامـك وش نسـوي..؟

وتين: مـابي .. دوَر لـي حل ..

"صالح بـإستهبال": طيـَب عندك خيـارين.. حذف اجابه أو الاتصال بـصديق هههههههههههههههه..

"وتين بـ زعـل": لا تنكـَت ترى مـو رآيقـة لك..

"رن جـوال صالح و كانت المتصله أمـه": هـلا يمـَه..

أم سطام: لقيـت أختك؟

صالح: إيه هي معـي ألحين..

أم سطام: خلـَها تلبس جاكيتها تتدفى الجـو بـارد عليها..

"صالح بـمزح": أبشـري وش رأيك أشـبَ لها نـار بالسياره عشـان تتدفى ههههههههههه..

أم سطام: المهـم أنتبه لأختـك طيب..

صالح: تـرى كلها دقـايق و نوصل للبيـت ليه توصيني عليهـا؟

"قـرَبت وتين لـفارس وهي تتحلطـم": فـروووس شفـت وش صـار لي؟ بذمتك مو شـي يقهـر؟ أحس إني مظلـومه..

-: ..........

وتين: يالـدب وش فيك مـا ترد علي؟

-: ........

"قفـل صالح من أمه و ألتفت عليها و قـال بلا مبـالاه": هـذا عمــر مو فارس .. جبته معي يدلني على الكليه لأنه يعـرف الريـاض شبر شبر..

"تفشـلت وتين و سكتـت وهي ترجع وراء و تنزَل راسها عجـزت ترفعه مـن الأحراج.. حتى دمـوعها تجمـَدت بمكانها من الصدمـه!!
كـان عمـر صـاد يناظر بالشباك ومـا يبان لها إلا جنبه و طرف شمـآغه عشان كذا مـا أنتبهت له عـدل .. ومـا توقــَعت أبـد إنه يجي مـع صالح عشـانها"..

صالح: يـوووه زحمـه شوارع الريـاض.. والله مـا ألـومك يابو عمير لأنـك سحبت على دوامـك .. اول يوم بعـد الأجـازه مـا ودَك تطلـع من البيت..

"عمـر بـ تمتمه": إيـه صـادق ..

صالح: لـو يغيـرون وقـت خروج الموظفين عـن وقت خروج الطلاب والطالبات نرتاح مـن الزحمه هذي..

"عمـر و بعد لحظـة صمت تكلـَم بصوت واطـي": وقف عنـد أقرب قهـوه ..

صالح: أبشـر.. بس خلني أكلـَم المصري هـذا أتفـاهم معه .. أنا اسـوق و أفكـَر فيه قـآهرني على الحركـه اللي سوَاهـا..

عمر: تعـوذ من الشيطـان ولا تسوي مشـاكل..

صالح: هالنتفـه هذا يستقـوي علينا .. يمشي و يتركها و تقول لـي لا تسوي مشـاكل؟

عمر: أتـرك الموضـوع على سطـام .. إنت مـا تتفاهم إلا بـ عصى و عجـرات..

"صالح بصوت عالي": يستـاهل اللي يكسـَر راسه صـح يا وتيـن..؟

وتين: ..............

صالح: وتيـن .. لا يكون البنـات اللي يتهاوشون ذاك اليـوم لـما أتصـلت عليك هـُم اللي سـووا فيك هالـمقلـب؟

وتين: ..........

صالح: الظـاهر إنهم سبب هالمـشكله مع المصري الدلـخ .. والله لو إنهم رجـال كان وريتهم نجوم الظهـر بس آخ يالقهر حريــــم!!!

وتين: ...........

صالح: عطيني رقمـه أبي أكلمـه ألحين..

وتين: ...........

"صـرخ صالح": وتيــــــــــــن .. ردَي علي ليـه سـاكته؟

"أنقهـــر منه عمــر وناظره بـ طـرف عين": ياخـــي وش تبـي فيهـا خلـَها على راحتهـــــا..

صالح: ابي رقـم الزفـت المصري!

عمر: خلـَه عنك تـرى والله لـو تدخـَلت بـ زعـل تسمعني..!!

صالح: أهـا.. مسكتني من يـدي اللي تعـورني.. خلآص كلـَه ولا زعلك و لـ خدودك ترخص مدينـه..

"نـاظـره عمـر وأبتسـم بعدين صـد للشباك و كتوفه تهـز لأنه كاتم الضحكه": بـس خدودي يا بخيل .. ليــه مـو لي كلـَي ..

"أستـانست وتيـن لـما سمعت كلام عمـر.. ودَها تصررررخ من فرحتها بـ عفويتـــه .. بهاللـحظه رفعت راسها و ناظرته كلـَه ..
تحس نفسها مشتـــــاقه لـه ذاك الشـوق اللي يخليك تبتسـم لـحبيبك إذا مـرَت طيوفه .. أجل كيف لـو كان قدَامـك ((تشتـاق لـه أكثر و أكثر))"..

عمر: وقف عند د/ كيــــــف اللي على يمينك..

"وقـف صالح وفتح عمر الباب وهو يسأله": وش تحب تشرب؟

صالح: أبي قهـوه تدفيني ببرودة الجـو .. و جيب لأختـي بعـد ..

"أبتسـم عمـر": مـا يحتاج توصيني .. مـا نسيتهــــا ..!!

صالح: تسلـم..

لا غــاب طيـفـك انا يـا مـُنـيتي مـن لـي؟؟
يجـرحنـي ((الــبــرد)) و تدفيـنـي عيــونـك ©

»»»»»»»»»»»»»»»»»»»»»»

دخـلت وتيـن البيت وهي شايله كـوب القهـوه ومستـانسه .. تعتبـره أحلى يـوم بحيـاتها .. و مثل مـا يقولون ((رُبَ ضــارة نـافعــه))..
بـالضرر اللي صـارلها تـأكدت من حـُـب عمــر لها و أهتمـامه و حرصه عليها .. وهـو تأكـَد بعد مـا قرأ القصـايد اللي كتبتها بـالجريده .. كان أعتـذار ممـزوج بكل أنـواع الحــُب .. كان عـاذرها بس يتغلـَى عليها ..
بعد اليوم مـا عاد فيه زعـل و إعتذار و تغلـَي .. صـارت مشاعرهم واضحه بـس ناقصها الـزواج ....

أم سطام: الحمدلله على السلامه..

"وتين وهي مبتسمـه": الله يسلمـك..

أبو سطام: هـلا بنيتي .. مـا بك خلاف وصلتي بخير..

صالح: بـس تراها مـا رضت تعطيني رقـم السايق أبي أهـزأه ..

أبو سطـام: أتـركه عنك.. سطام قـال بيروح للشـركه اليوم و يدفع اللي علينا و نسجلها بباص ثـاني أحسـن منه..

"وتين بإحبـــاط": بعـد بـاص جديـد؟

أبو سطام: وش نسـوي بعد لأن محد فـاضي يـآخذك كل يوم وأنـا تعبان ومـا فيني قوة أسوق بعيد..

"وتين وهي تحـك رأسها بأستسلام": عـادي يبه تعـودت على الباصـات مـا يحتاج تتعذر..

"راحت لـغرفتها وهي تمشي بهـدوء و تقـرَب كوب القهـوه لـخشمها و تـآخذ أنفـــــــآس .. تحـس ريحة قهـوه مـع ريحـة عطـر (عمـر) مع طيوفــه ...
فتحت البـاب لقـت أحلام منسدحه على السرير و سرحانه..

نزَلـت الكوب على التسريحه وهي مبتسمـه و بدون مـا تناظر لأحلام .. رن جوالها و كانت المتـَصلـه مفاجــــــــــأه لها..

"فتـحت الخــط وتيـن وهي مستـانسه": هـلا و غـلا بهالصوت الحلـو قبل اسمعـه ..

ناديا: ينعـن شتلت يـا الدوبا قسـم أشتقـتــــلك..

"وتيـن بحماس وهي تطلـع من الغرفه": آآه يـا ندوش ألحقـي علي قلبــــي مسـخـَـن ..

ناديا: يـا ساتر أرتفعـت حـرارتـــــه ..؟ تيب كلـي مضـاد حيوي هههههههههه..

وتين: آآآه أكلت ومـا شبعـت .. يمـــآآآه يـا قلبي مـا تصدقين إذا قلـت لك إني أنـا وعمـــــوري كنـَا بسياره واحـده..!!!

"صـرخت نـاديا": لآآآآآآ ينعن شتل شتل شتلت ألحيـن تقوليـن السالفـه كلها ..

وتين: تيب .. أسمعـي..

ــــــــــــــــــــــــــــــــــــــــــــــــــ ــــ

: مـآبي أسمع منـك شي و أطلـع من بيتـي..

"صايل بـقهر": تسمعيـن و غصب عنـك .. هالحـلال كله لـي فاهمـه!! و من بكره تكتبيـن كل شـي بـإسمي عشـان إذا توفيتي أورثـك أنا ..

أم الذيب: تبطي مـا خذيت مني شـي والله لـو أوزعه على الفقـراء و المسـاكين ولا أعطيك شي .. أنـت أصلآ مـا تستاهل ريال واحد..

"مسكهـا صايل من يـدها بقوه": لا تجيبيـن لي الجنـون من عنـادك كافي علي أبوي تجيـن إنتي تكملينها..

"أم الذيب وهي تبعـده عنها": الله لا يوفقـك ولا يفتح لك بـاب رزق ياالفاسـق .. إنت متخلـَف و مريض..

"دزها صايل بـعصبيه و طلع وهو معصــَب و يتحلطم..
ركب سيارتـه و سحب فرامل بقوه و مشى مسـرع مـا يشوف اللي قدَامه من القهر"

"صالـح وهو يناظـــره من بعيد": وش فيه هـذا مسرع خير إن شاءالله..

"عمـر وهو جالس على سيارتــه و صالـح واقف قبالـــه": هـذا صايل ولد أم الذيـب ..
غريبه جـاي يزور أمـه مـو عوايده..؟

"صالح بشــك": أخـاف إنه يأذيها بشيء تراه عصبـي حيل و أخلاقـه شينه..

عمـر: مـا أظن .. مو لهالدرجه عـاد يأذيها الدنيا مـو فوضى .. لو ضـرَها بشي أكيد هي مـا راح تسكت له راح تخبـَرنا ..

صالـح: والله لـو ضرها أنهي حياتـه و أمحيه مـن هالوجود ..

عمر: ياليـل مـا أطولك أنـت ما بقى أحد مـا تحلـَفت فيه وهددته..
المهم يالغالــي وين مشوارنا اليـوم؟

"بسـرعه جاوبه صالـح": الســـــوق..

"عمـر بتعجب": نعـم؟ وش عندك بالســوق؟

صالح: أبي أشتـري لي مـلابس جديده و نعال كشخـه و ثيـاب و شمـاغ و عطـور و........

"سكـت لـما شاف عمر منفجـر ضحك عليه و بأعلى صوته": هههههههههههههههههههههههههههههههههههههههههههههههههه ههههه..

"صالح وهو مستغـرب": وش فيك تضحـك..

"أنسدح عمـر على السياره وما زال يضحـك بشكل مـو طبيعي": ههههههههههههههههههههههههههههههههههههههههههههههههه. .

صالح: شوي شوي لا يغمـى عليك.. قلـت نكته وأنـا مـا أدري..!

"تعدَل عمـر وهو يمسح دمـــوعه من الضحك": مـا تبي جلَ لـشعرك بعد؟

صالح: أمممم أوكي أبي شعـري يصير مثل شعـرك .. ياخي أحسـَك مـا شاءالله حلـو و كشخه وواجهه لي قدام الناس والله أفتخـر فيك أنـك صديقي..

"عمـر بمزح": عـاد أنا ما أحـس بأي شعور تجـاهك على أي أسـاس تفتخر فينـي..؟

صالح: آفـــــآ..!!

"ضـربه عمر على يده بـجديه": أقـول بس أترك عنك هالسوالـف و لا تقـول كذا والله إني مـا أزود عنك بشي ..

صالح: يـا عيني على التواضع قسـم مـا يمديني..

"تنرفـز عمر": ياليل مـا أطولك وش جـايك علي اليوم..؟

"صالح بإستهبال": ياخي أحبـــــك..

"عمر وهو يخـزَه": أبو صلوح لا تلف و تدور.. قـول لي وش طرى عليك السـوق خـآبرك مـا تروح إلا بـالمناسبات الكبيره..!

صالح: وجع حسستـني إني واحد وسخ ومـا يهتم .. على العمـوم أنا مـن اليوم خلاص أبي أصـــادق السـوق و أصير زمالــه مع النظـافه و الترتيب..

"نـزل عمر من السيـاره وهو ينفـض بنطلونه": والله إنك مخبـَي عني سـر و تراني سـاكت من فتـره عنك قلـت أخليك براحتـك لـما تتكلـَم من نفسك .. بس ألحين لا مـا راح أسكـت و طلع كل اللي عندك بسرعـــــه..

"رفع صالح يدينه بأستهبال": مـا عندي شي صدقني يـا حضرة الضـابط..

"مسكه عمـر من كتفه ودخلـه السياره": نتفـاهم بطريقنا للسـوق..

€€€€€€€€€€€€€€€€€€€€

21-01-10, 01:56 AM

المشاركة رقم: 39

المعلومات
الكاتب:	yasmine
اللقب:	ليلاس متالق

البيانات
التسجيل:	Jun 2009
العضوية:	146369
المشاركات:	1,645
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : yasmine المنتدى : القصص المكتمله

" صحـت وتين من النـوم الساعه 8 ونص .. آخـذت أنفاس طويله وهي مـا زالت بفراشها و مبتسمه ..
أنفـاس قهـوه و عطـر وسوالـف وضحكـآت ..
تمتمت بهمس ": يـــــارب تدوم بحيآتي يـا عمـر ولا أنحرم منك يـــــارب ..

أعتدلت بجلستها وهي تشغـَل ضـوء الأبجوره و تسمع صـوت شهقـآت صياح..
فـزَت بسرعه و شغـَلت الضـوء و جلست بجنب أحلام و رفعت اللحـاف عنها بتعجب": أحـلام.. وش فيـك؟

أحلام: ..........

وتين: ليـه تصيحيـن؟

"أنفجـــرت أحلام بالكــــلام بشكل متواصل و كأنها تنتظر هاللحظــه من وتيـن": ملـَيت يـا وتين ملـَيت.. أحس إني جـايه غلـط على هالحياة .. أحـس حياتي بـارده مالها معنى ولا هـدف..
وجودي هنا غلـط بـ غلـط لأني جـايه عشان أدرس بـس .. وممنوع أسوي أي شي غير الـدراسه..
الله يسامحهم أهلي حتى وأنا بعيـده عنهم حاكريني.. مـا يثقون فيني .. ولا أحد منهـم يتصل عشـان يتطمن علي إذا مرتـاحه أو مبسوطه ..
بس يسألوني/ وين رحتي و متى رجعتي .. أصحي بـدري ولا تنـامين الظهر ولا تطلعين بالشـارع!!!! بذمتك هـذي وصاة؟ والله اللي يسمعهم يقول ناقصـة عقـل وتربية!
مـا يعطوني فرصه أفقـدهم و أحـنَ لهم .. مـا فيه سجين يشتاق لـزنزانته .. ومـا فيه بنت مـا تتمنـَى الحريه ولـو بأبسط الأشياء..
مـا أحس إني بنت حالي حال هالبنات .. كأني بنت بشخصية عجـوز..!!
مـا أعـرف ألبس مثل غيري ولا أحـط مكياج مـا غير روج و بس حتى الكحـل مـا أعرف أستخدمـه ..
البنات بالجـامعه يسوون تسريحات بشعورهم وأنا يوم الله قدرني وكشخت مثلهن أستشورته وتركته مفتوح على طوله.. ولونه أسود يجيب الهم..
وإلا جوالي (الساهر) أبو كمرتين على غفله .. من بقى يستخدم هالأجهزه القديمه غيري؟
آآآه متى يفهمون أهلي .. راح ينهون حياتي بأسلوبهم هذا؟

"تفاجـــأت وتين بكلامها و أحتـارت إذا توقـف بصفها وإلا بصف أهلهـا..
هي تعـاطفت معها حيـل و ودَها تسـاعدها بس خـآيفه من عمـامها..
ردَت بهـدوء و هي تمسـح على يـد أحلام": لا تقـولين عن نفسـك كذا .. إنتي شخصيتـك حلـوه و ربـي عطـاك من الصحه والجمال اللي يكفيك و يميزك عن غيـرك قولـي الحمـدلله..
وترى أهتمـام الأهـل نعمه أشكري ربك عليها .. فيه بنات يتمنـَون ربـع اللي إنتي تشتكَين منه ولا هـو عاجبك.. والله بعضهم يصيحون يقولـون/ تعبنا من أهمـال أهلنـا فينا ..
ملـَينا و زهقنـا من اللـبس و الكشخه و الحرية الـزايده نحتاج حرص و خوف و أهتمـام يغنينا عـن هذا كلـه..!!
ترى إحنا مشكلتنا إن محد راضـي عن نفسه و نتمنى اللي عنـد غيرنا و نصد عـن اللي عندنا.. و نعلـَق سعادتنـا و راحتنا بـأشياء ثانويـه و نهمل الأسـاسيه..
أنتي تعوذي من الشيطـان تراه يوسـوس لك عشان تعترضين على نعـم ربـي عليك .. قولي الحمـدلله و راح تتحقـق لك باقـي طلباتك ترى أشياء بسيطه..

"أرتاحت أحلام من كـلام وتين و ردَت وهي تمسح دموعها": معك حـق الحمدلله على كـل حال..

وتين: طيب قولي لـي وش اللي ودَك فيه؟

"تعدلـت أحلام بجلستها وهي محتـاره": بس .. بس أنـا مـا عندي إلا مصـروف الجـامعه و آخاف أكلـَف عليك ..

"أبتسمـت وتين": لأ عآدي أنـا عندي بالصرافـه مكـآفأتين لسه مـا صرفتهم ولا أحتـاجهم .. أبشـري فيهم والله وكل اللي ودَك فيه أشتريه..

"أستـانست أحلام": يعني أشتري مـلابس حلـوه و نظـاره كشخه مثل نظـارة نهله و جوال أبو كامرتين و بلوتـوث ..

وتين: أبشــري.. بكـرا إن شاءالله نروح للسـوق مع صـالح ..

+++++++++++++++++++++++++++++++++

يـــــوم الأثنيـــــن

23 ذو الحجـــــه

في مستشفى الـــ...... الحكومي بالملـــــز..

دخـل عمـر قسم (الأنف والأذن والحنجره) وهـو لابس السكرب و البالطـو _ يتبعه فـارس اللي يمشـي براحه و ثقـه لأنه مقـرر يكون آخـر موعد لـه بالمستشفـى هـذا و مبسـوط من واسطته عمـر اللي متحمـَس يسـاعده بخبرته بالتعـامل مع الأطبـــــاء..

كل شي صعـب يتسهـَل مع (الواسطـــــه) و هـذي تجربه أولـى لـ فـارس يروح لـموعد بدون جـدَه و بدون مـا يخاف و يتوتـَر من الصـدمات اللي يسمعها من الأستشـاري و الأخصـائي..
"عمـر وهو يعطي المـوظف ورقـة الموعـد و يسـأل فـارس": وش أسمـه الأستشاري اللي يعـالجك؟

فارس: د/ أسماعيـــــل..

"ألتفـت عمر للموظـف": عفـوآ أخوي أبسألـك عن الدكتـور أسماعيل مـوجود؟

-: موجـود بس مـوعد المريـض (تخطيـط للسمـع) مالـه موعـد مع د/أسماعيل..

"همـس فـارس": عمر مـابي أسوي تخطيـط..

عمر: مـا تبي؟ طيـب براحتـك..

"ألتفـت للموظـف" لـو سمحت أبي أقـابل الأستشـاري..

: مـايصير بـدون موعـد..

"عمـر بلا مبـالاه": طيب يعطيـك العـافيه..

"مسـك عمـر يد فـارس وراح لـجهة غرفـة الأستشـاري.. طلب من النيرس تفتـح له البـاب لأنه مـا يفتح إلا بـ(رمـز سـرَي) و خبرها إنه موظـف هنا.. و صـار له مـا بغـى ..

مشـى بالسيـب الطويـل وهـو يقرأ اللـوحات اللي على أبـواب الغرف.. لـما وصل لـغرفة الأستشـاري"..

فـارس: هـذي غرفتـه..

"ضرب عمـر الباب ضربـات خفيفه و فتحه": السـلام عليكـم....

د/أسماعيل: و عليكـم السلام..

"عمـر وهو يعـرَف بنفسه": معـاك عمـر الـ .... من قسـم الأشعـــــه ..

د/أسماعيل: أهلين أخ عمـر تفضـَل ..

"جلـس عمـر": بغيت أتكلـَم بخصوص حـالة المريـض فـارس اللي يعاني من ضعـف السمـع بالإذن الداخليه..

"د/ اسماعيل و يحاول يتذكـره": فارس .. فارس ..

"قـام عمر و نادى فـارس اللي كان واقف بـرا.. دخـل فارس وهو يعدَل شمـاغه و يجلـس قبال الأستشـاري"..

د/ أسماعيل: أيـوه عرفتك يـا فـارس .. كيف صحتك إن شاء الله تمـام .. هاه طمنـَي عنك ..

"فـارس بخاطره": يـا نصااااااب .. من متى تسـأل عني إنت و نظـارتك..
"رد بصوت مسمـوع" تمـام..

"أبتسـم د/ اسماعيل": إنت عنـدك موعـد للتخطيـط صح .. لأن أسمـك مـو موجـود عندي من ضمـن الـمرضى اليـوم..

فارس: أيـوه بس مـابي تخطيـط أبي منك تقـريـر عـن حالتي..

د/ أسماعيل: بـس أنا مـا أعطـي تقـارير..

"تقـدَم عمـر و ناظر الأستشاري بـ حدَه": عفـوآ بس فـارس ما يدري إنك مـا تعطي تقـارير .. جاوبه على طلبه و فهمه من ويـن يآخـذ التقرير..

د/أسماعيل: روح لشـوؤن المرضى و جيب لي ورقـة تقرير من هنـاك و أنا راح أكتب عن حالتك مثـل مـا هو موجـود بملفـك..

عمر: كـم تحتاج لـ وقـت..؟

د/أسماعيل: والله مـا عندي خلفيـه عن هالشـي ..

"قـام عمـر": على خير.. أستـأذنك الحين ..

د/أسماعيل: تـآمرني بشيء .. أي خـدمه أنا جـاهز..

"عمـر وهو يصـافحه": مـا تقصـَر يعطيك العـافيه.. شـاكر لك مجهـودك و تعبك لـراحة المرضى..

د/أسماعيل: هـذا واجبنا ..

عمر: فمان الله..

"طلعـوا من الغرفه و راحوا للـمبنى اللي فيه مكتـب شؤون المرضى "..

فـارس: شفـت أسلوب الدكتـور معي؟ تـراه مو كـذا والله دايم أجـي مع جـدَي نفسـه بطرف خشـمه ..

عمر: أعـرف حركـآت الأطبـاء مـا يحتاج تعلـَمني..

فارس: تمنيت لـو تهزأ فيه شـوي تبرَد قلبي بـس أنت مـو راعي مشاكل ..

"ضحـك عمر و هو يعـدَل شعره اللي تطـاير من الهواء لأنه يمشي بالشـارع": هههههههه مـا يطلع معاي يـا فروووس.. بس لـو أحد ضـرَك قدامي صدقني مـا راح أسكـت......

"مـا كمـَل كلامه إلا و مروا ثلاث ممرضات سعوديات من جنبهم و صدم فـارس وحده فيهم بـدون قصد لأن الرصيـف ضيـَق"..

"عصـَـبـت البنت": عمـــى بعينك مـا تشووووف..؟

"أرتبـــك فـارس و ألتفـت عليها وهو يعتـذر": آســــف والله آســــف..

-: أفـرض إني طحـــت وش يفيدني أسفـك..؟

"عمـر بإستهـــزاء": مـا يحتاج تحطيـن فـــروض .. هذا إنتي لا طحتي ولا تكسـرتي..

"البنت بقهـــر": أنت محد كلـَمك .. أنا كلامي للغبـي هذا اللي جنبـك..

عمر: غبــي بعينــك .. عـدلي أسلوبـك بالكلام و تأدبــي معنا..

"ضربتها صديقتها بكوعها وهي ترقــَع لها": مـاعليه أخوي هي مـا تقصـدك انت..

"رفـع عمر حاجبه": لا تقصدني ولا تقصـد اللي معاي .. و ترى هذا مـو أسلـوب ..!!

"حطـَت البنت إيدها على خصرهـا وهي منقهره منه": علمني الأساليـب إذا مـاعندك مانع ..

"ناظرهـــا عمـر من فـوق لـ تحت وصــــد وهو يسمـع فارس يعتذر منها": آسفه يا أختي والله مـــا قصـدت..

"توترت صديقتهـا وهي تسحبها بقـوه و تصر على أسنانهـا": خلآص خلينا نرجع للعيـاده عندنا مـريض..

"مسـك عمـر يـــد فـارس و مشى قبلهم بـدون مـا يهتم": خلـَها تولي فروووس .. هـذي حركـات بنات يبون يلفتـون النظـر..
لـو تستحي على دمها مـا قامت تتكلـَم بالطريقه هـذي و تخلـَي نفسها فــُرجه للنـاس..

"فـارس وهو يلتفت ينـاظرها": راحت وهي معصبـه .. أهب أكلتني بقشـوري .. والله عجبتني وإنت تكسر كلامها أنقهرت منك..

عمر: اللي مثل شخصيتها المفروض مـا تطلع من بيت أهلهـا تجلس ولا تحـرج نفسها مع الناس دام مـا عندها طريقـه بالتعـامل..

فارس: أنت شكلـك متعوَد على الموظفـات اللي عندك بالمستشـفـى..

عمر: أيـوه .. بس ترى بعضهم محترمـات مـا شاءالله و تفرض أحترامها على غيرهـا..

فارس: يعني مثل الطعسـه اللي صدمتها من شـوي مـا مـروا عليك..؟

عمر: خلهم عنك و تعال ندخل المبنى نطـلب تقـرير من شؤون المرضى ..

ــــــــــــــــــــــــــــــــــــــــــــــــــ ــــ

"كانت تمشي بالجـامعه بـإرتباك تحس نفسهـا تبي تدعم البنات من النظـاره اللي على عيونهـــا ..
توهقت فيها بس تطنـَش أهـم شي إنها تكشخ مثل البنـات"..

-: أحــــــــلآم .. أحــــــــلآم .. وقفــي يا أحــــــــلآم..

"نهله راح صوتها وهي تنـادي أحلام و تركض تبي تلحـق عليها وأحلام مـا تشوفها ولا تسمعها لأنها حـاطه سماعـات جوالها N95 بـإذنها"..

"نهله وهي تمسك أحلام بقوه من جاكيتها": وقفـي يـا بنت تعبت و أنا أنـاديك..

"شهقـت أحلام من الخـوف وهي تلتفت .. لكن هـدأت بسرعه لـما شافت نهله": الله يقطـع إبليسك خوفتيـني..

نهله: وش هالحركات مـا يمدينــــا عليها..

"أستانست أحلام": صـدق؟ طيب شلـون عرفتـيـني؟

"ضحكـت نهله": ههههههههه إنتي شلـون عرفتيني الظـاهر نظارتك معدمــه الرؤيــا من حولـك.. بعدين وش تغيـَر فيك عشـان مـا أعرفك..

"رفعت أحلام الجـوال وحطته بـ وجـه نهله": شـوفي وش شريـت أمس..

"نهله وهي تـآخذه منها": يـا سلآم على الأنـاقه و الـذوق يا بنت .. مبروك عليك تكسـرينه بالعـافيه..

"أنخرعـت أحلام": لأ حـرآم ليش أكسـره؟

نهله: هههههه يا بنت هذي دعـوه تنقـال للي يشتري شـي جديد.. غريبه إنتوا مـا تقولونها؟

أحلام: هذي مـو دعوه .. لا عـاد أسمعها منك لأنها تخـوَف ..

نهله: المهم .. البنات ينتظـرونك بالكافاتيريا ..

"أحلام وهي تمشي": طيب .. بـس تكفين علميني كيف أستخدم الكاميرا إذا بغيت أصـور..

ــــــــــــــــــــــــــــــــــــــــــــــــــ ــــــــــ

: بــــــاص منتصــــــر..

"ألتفت الهندي عليها": إيوه منتصر ..

وتين: أنـا الطـالبه الجديده اللي أمس سجـَلت عندكم بشركة الــ.....

السايق: إنتي بيت وراء السـوق ..؟

وتين: أيـوه..

السايق: كلاس أركـب..

"ركـبت وتيـن و كان البـاص مليان لأن البنـات موجودات من بـدري و هالشي لفـت نظرها و عجبها فيهم..
تكلـَمت وحده منهم و كانت جالسه قـدام": منتصــــر..

السايق: نعم أم راشـــــــد..

أم راشد: كم عـدد البنات اليوم؟

السايق: ثمانيـــه..

أم راشد: خلاص حـرَك..

"جلست وتيـن بجنب ام راشـد وهي حاضنه شنطتها و خايفـه منها ..
حسـَت إنها مـا تفرق عن بنـات باصها الأول من النـوع اللي يـآمر و يتحكـَم بالسايق و تمشيه على كيفهـا"..

إيمان: أم راشد أبي منتصر يوصلني أول وحـده .. أحس إني نعسانه و ودَي أنـام بدري لأن وراي مشـوار مهم العصر..

أم راشد: لأ مـافيه .. كل وحده بـدورها..

إيمان: أم راشد تكفيـن أنا صديقتـك..

أم راشد: لأ..
"ألتفتت على وتين" إنتي جديـده معنا؟

وتين: إيـــوه..

أم راشد: وش أسمـك و بأي قسـم تدرسين وأي فرقـه..؟

"وتيـن بخاطرها": بدأ الأستجواب الله يصبـَرني!
"ردت بصوت مسمـوع" أسمي وتيـن قسمي تاريخ / الفرقـه الرابعه..

أم راشد: مـا شاء الله السنه هـذي تتخرجين..!! أنا قسـم جغرافيـا الفرقه الثالثه.. المفـروض إني أتخرَج معـاك بس رسبت بـأولى ..

"وتين وهي تناظـرها فوق تحت بأرتباك لأن أم راشد طويله وسمينه مره": الله يكون بعونـــك .. مـا تنلامين مسؤولية الـزوج والعيـال و البيت هي تشغـل البنت عن دراستها..

"أنفجرت أم راشد بالضحك": ههههههههههههههههه أي زوج وأي عيـــــال..

"تفشـلت وتين و تفكـَر بخاطـرها": بسم الله وش فيها تضحـك؟

أم راشد: أنا مـو متزوجه..

وتين: أجل ليه يقـولـون لك أم راشـد؟؟

أم راشد: كـذا مزاج.. أنا أحـب هاللـقـب على أسـم أمي الله يحفظها..

وتين: أجل وش أسمـك إنتي؟

أم راشد: أسمي جواهر..

وتين: عـاشت الأسامي..

أم راشد: عاش غـاليك..

"تكلـَمت وحده من البنات اللي جالسـات وراء": أم راشـد خلي منتصر يوقـف عند البقـاله..

"ألتفت عليها أم راشد": خليها يوم ثـاني مـا نبي نتأخر عـن بيوتنا..

-: دقـايق بس لأني ميته جوع ..

جواهر: ولا ثواني .. أقطعي الهرج و إنتظري لـما توصلين بيتك..

"توقعت وتين إن البنت تصر على طلبها و تعاند لكن تفاجـأت بسكوتها.. معناها أم راشـد فارضه أحترامها عليهم بـطيبة قلبهـا وحنانها ..

قطـع تفكيرها نغمـة جوالها و كان المتصل صـالح..
ردَت وهي تقصـر مستوى الصوت لأنها عـارفه راح يجيب العيـد بسوالفـه": هـلا..

صالح: يالله حيها الشماليــه .. هـاه ركبتي بـاصك الجديـد..؟

وتين: إيـوه أنـا فيه ألحين..

صالح: مرتـاحه و مبسـوطه..

وتين: امممم مـاعليه ..

صالح: عـاد بكره قولـي أبي أغيـَر باصـي .. والله لأعـاقبك و آخـذك للكليه بدتسـن أبوي عشـان تتفشليـــن عند صديقـاتك.. وإلا أقـول .. ليموزين أبو عطـــــا بعشريـن ريال روحه و رجعه كل يوم..

"ضحكت وتيـن": هههههههههه والله لـو مـا أدرس مستحيل أروح بدتسن أو ليمـوزين ..

صالح: إنتي لحالك بالبـاص؟ ليه البنات ساكتـات ليه مـا يتهـاوشون؟

وتين: هـواش مره وحده! قـول سوالف_ قول حـش..

صالح: لأ هوشـات أحلى يصير فيه شوية أكشـن..

وتين: الله يرزقـــك بوحده تصبحك وتمسيك بهوشه لأنك واحد تحب الشقـــا..

صالح: وجـع بعين العدو.. وش فيـك تفاولين علي ..!
أمـس أنا كاشـخ قدامك بالبدله الجديـده و العطر و الجـل اللي ميبس شوشتي فيـه.. وش زيني .. تدعيـن لي أتزوج شريـره؟

وتين: أنت تطري الشر؟

صالح: لأ زوجتي أسميها (الراقِيـه) والرقُـــي مـا يعرف شـًــر يالفهيمــــه..!

"ضحكت وتين وهي تضرب على شنطتها بقوه": هههههههههههههههه أجل إنت الراقـــي؟ الله يرحم حالك بس إسكـت لا يسمعك أحـد و يمسكها عليـك ههههههههههههه..

"سكـت صالح ثواني ولـما إنتهت ضحك سألها بـجديه": مـا عندك مشـاوير يوم الأربعاء و الخميـس؟

"تفـاجأت وتين": لأ مـا عندي .. ليه تبي تعزمني لـمكـان..؟

صالح: أمـس مآخذك للسـوق أنتي وأحلام خلاص حلت لـك الطلعـآت؟

وتين: أجل ليه تســــأل؟

~~~~~~~~~~~~~~~~~~~~~~~~~~~~~~~~

صالح: كنت أبي أعرف إذا ناديـا تسيـَر عليها أو هـي تروح لها عشـان آخذها لبيتها بـالخـرج..

"عمـر وهو حـاط المركا بحضنه ومتفـاجأ من صـالح": إنت من جـدَك تتكلـَم؟

صالح: أجل امـزح..

عمر: طيب جـاوبـْت وتيـن على سؤالها بصـراحه؟

صالح: لأ طبعـآ قمت أصـرَف و ألـفَ و أدور مـا حسـَت بشي..

عمر: ليـه مـا تبيها تعـرف؟

صالح: أستحـي أقول لـها .. بعدين آخاف إني مـا أعجب نـاديا .. مع إنها بالبـر تسولـف و تمـزح معي عـادي بس يمكن تعتبـرني مثل أخـوها و غير كـذا لأ..

"عمر وهو يفكـَر بصوت مسموع": إنت مـن علمتني بسـالفتك هذي وأنـا للحين مـو مصـدَق و مـو مستوعب أنـك تـُعجب بـأحد و تحـبَ لأنك تعودت على الفـوضى بحيـاتك و أتوقـع حتى بالـمسأله هـذي تظـل فـوضـوي يعني مـا تفكـَر بـ جـدَيه..

صالح: مـن زينك عـاد يالـمرتــَـب .. بعـدين أنـا عندي قلـب حالي حالك وش نـاقصني بالله عليـك؟
يعني أنـت مـا قد حبـَيت بعمرك كلـَه أو حطـَيت عينك على بنـت؟

"أنصـــــدم عمـر و تغيـَرت ملامح وجهه و حـاول يرد و يرقــَع بـــس إنعقـد لسـانه": ........

صالح: ولـو صار و لقيـت بنت الحلال شـي أكيد أنـك راح تفكـَر تخطبها و تتزوجها .. أنـت صديقي و أعـرفك و واثـق إنك مـو راعي مغـازل و لعب لأنـك إنسـان عـاقل..
و أنا مـا أفرق عنك بشي.. مـا راح ألعب عليها و أنسـاها بالعكس راح أتقـدَم لها ..
إذا مـا صـار نصيب فيها الله يوفقـها و يسعدها و ربي يرزقنـي باللي أحسـن منها..
إنت تشـوفني فـوضوي ألحيـن بس أكيد بعد الـزواج راح أتغيـَر مع الـمسؤوليه ,, مـا فيه شـيء يظـل على حـاله ..

"سكـت ثواني وقـال بـزعل" غريبــــه منك يا عمـر.. أنا أعـرفـك ولا تعرفنـي..؟
على كـل هالسنيـن اللي بيننا و عشـرة العمــر باقـي تجهلني؟

"تضـــــايق عمـر و لـعن نفسـه ميـَة مـره على أسلوبـه الغريب مع صـالح.. مـا يدري وش جـــاه و ليه أحرجه بالكـلام و كأن اللي قدامـه واحد من زمـلاءه مـو صديق عمـــره و أخـــوه و أغلـــى أنســان بحياته..
صـــد بـإحراج وهو يحـرَك شعـره بأطـراف أصابعه و باين عليه التوتـَر": أنـا آســــف صالح صدقني مـا أقصد ,, بس هذا مـن حرصي و خوفـــي عليـك أبي مصلحتك يـالغالـــي مـا أبيك تتسـرَع..

صالح: وش فيك تعتـذر داري يـاخـوي إنك تخـاف علي والله مـا ألـومك .. لأن المقــروده اللي راح أتـزوجها بـتخترع من الكـدمات و آثـار الخيـاط اللي بجبهتي مـن بقـايا هوشـاتي قبل ..
و بالتـالي تهرب لأهلها وتطلـب الطـلاق..!!!
بـس والله لـو تمووووت مـا أطلقهـــا .. العصمــه بيدي تضـف وجهها هـي .. أصلآ عجرتـي بيدي لـو أسمـع كلمه وحده أضربهــــا على راسها أسـوَي من دمها (فيمتو) ..

"أنســـدح عمـر بالأرض وهو يضـحـك و يصرخ بنفس الوقـت": ههههههههههههههه يـا ويلي عليك يـابو صلـووووح .. تكفـى لاااااااااا تفكـَر بالحـُب ولاااااااااا الــزواج لااااااااااا هههههههههههههههههههههههههههههه..

"صالح وهو كاـتم الضحكه و يأشــر على قـلـبــه": طيـَب هـذا دقَ وش أسـوي فيـه؟

"عمر وهو يمسـح دموع الضحك": حطـَه عالصـامـت وإلا على الهــزَاز المهم سكـَته لا يفضحـك..

"هــــز صالح جسمه بقـوه وهو يطيح على الأرض بأستهبـــال": حطيتـه هـــزااااااااااااااززززززز..

٪ ٪ ٪ ٪ ٪ ٪ ٪ ٪ ٪ ٪ ٪ ٪٪ ٪ ٪ ٪ ٪ ٪٪ ٪ ٪ ٪ ٪

21-01-10, 01:58 AM

المشاركة رقم: 40

المعلومات
الكاتب:	yasmine
اللقب:	ليلاس متالق

البيانات
التسجيل:	Jun 2009
العضوية:	146369
المشاركات:	1,645
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : yasmine المنتدى : القصص المكتمله

يــــــوم الأربعـــــاء

25 ذو الحجــــــه..

الساعه 8 ونص الصبـــــآح..جهـَز سطـام شنـاطه عشان يسـافر لـ دبـي يحضـر (دوره بـإدارة المشروعات الهندسيـــه) ..
مـا كان موجود بالبيت إلا أمـه وجلس معاها يسولف لـما يوصـل صديقه و يروح معه للمطـار..

أم سطام: وش كثر تجلـس هناك..؟

سطام: أسبوعين بالكثير .. مـا راح أطـوَل..

أم سطام: عـاد أرتـاح هناك و أنبسط لا تشيل هـمَ شي .. تـرى من زمـان مـا طلعت ولا غيـَرت جـو عن البيت و الشغل اللي مـاكل وقتك..

سطام: أبشـري..

"دخـل سعد الصاله وهو يغنـَي و مبسوط لأنه غـايب عن المدرسه .. يبي يجرَب الحريه بعيد عـن ضغـوط سطام اليوميه .. لكــــــن تـفـاجأ لـما لقـاه جالس و باقي مـا سافـــر..

حــط رجلـــه و هـرب بس سطـام أنتبه له و لحقـه وهو ينـاديه بصوت عالــــي"..

"وقـف سعد وهو يسـوَي نفسه طبيعي": نعـم ..

"عصـَب سطام": ليه مـا داومت اليـوم؟

"نـزل راسه سعد للأرض": .........

سطام: جـاوبني!!

"سعـد بتردد": أأأ .. ضـرسي يعـورني..

سطام: هـذا إنت تتكلـَم مـا فيك شي؟ لييييييه ما داومت قول الصـدق ولا تكذب..!!

"سعد بملل": ياخي مالي نفـس أداوم اليـوم أربعاء و ابي أستـانس..

سطـام: تستانس بإيش؟ هـذا أهمـال و.......

"تقـاطعه أمه وهي تقـرب لهم": يـا ولدي يـا سطام أتركه عنك .. أنت تعصـَب على أي حاجه والله إنك مشقي عمـرك مع أخوك .. أتركه عمـره لا درس ولا نجـح ..

سطام: إنتي و أبوي دايم ترحمونـــه .. تبون تعاملونــه مثل صـالح قبل ..
سكتتـوا عنه لـما كبـر و صار فاشـــل بدراستــه و بحياتــه .. الثانوية بالعآفيــه تخرَج منها و الوظيفـه عليها الســــلام..

"أم سطام بحنان": والله صالح مـا بــه بــلاء حبيـَب و خدوم و مـاسك وظيفته .. أمـس يطري العرس يبي أخطـب لـه ..

"طيـَر عيونه سطام": صالح يبي يتـزوج؟ لا إله إلا الله وش جاه هـذا أكيد أنهبـــل .. هـذا مـا يتحمـَل المسؤوليه كيف يفكـَر بالزواج؟

"رد سعد لاشـعـوريآ": خلـَه يتزوج نبي بــزران بالبيـت نحبـَهم و نلعـب معهم و نصطـَرهــم .. ملـَيت و أنـا ألحق عيـال جيرانا الصغار غصب أبوسهم و ألعـب معهم..

"ألتفت سطـام على سعد وهو مــصــدوم من كـلامه .. وتــم سرحآن ينـاظره و يحاول يتكلـَم بس عجـز ولا عـرف يبـرر ..
أنقـــذه صوت جواله بإتصـال من صديقه ..
فتـح الخط بدون مـا يتكلـَم و سمع صديقـه يقول إنه ينتظـره عند بـاب البيت"..

أم سطام: تبي تمشـي ألحين؟

"تمتم سطـام وهو يروح يـآخذ شنطتـه": أيـوه..

أم سطام: توصل بالسلامه .. ولا تنسـى تكلـَمني و تطمنـَي عنك..

"طلـع سطام من الباب وهـو يآخذ أنـفــــاس": ...........

يـــاا رب / اختـنـق عبـدك/ انـفــــاس

ــــــــــــــــــــــــــــــــــــــــــــــــــ ــــــــــ

نـزلت صفـاء الـدرج و جلست بالزوايه اللي دايـم تجلس فيها مع صديقـاتها .. تلفـتـت تدوَر على وتيـن و هديـل ومـا لقتـهم..

أتصلـت على هديـل وهي معصـَبه ": وينكــم؟

هديل: إحنا بالكافتيريا ثواني و نرجع..

صفاء: لا تتأخـرون لأني جالسه لحـالي..

هديل: خلاص تقلـَعي وش راح يصير لـك؟

"قفـلـت الجوال صفاء و أرتخـت بجلستها وهي تقـرأ المسجات..

جـو بنتين و جلسوا بجنبها وهـُم منهـــــآرات من كثر الصيـــــاح .. وحده على يمينـها و وحده على يسـارها .. وهي بالوسـط تتلـفـت عليهم و منخرعـه من حالهــــم ..

أنكســـر قلبها من صــوت الشهقـات و بخاطرهـــــا تسكـَت فيهم و تهدَي من أنفعـالهم بس أحتـارت بالطريقـه ..

رجعـت أتصلت على هديل وهي خايفـه": ويـنـكــــــم؟

هديل: قلت لـك بالكافاتيريا مـا تفهميـن..!

صفاء: خـلاص أنا جـايه لكـم..

"قـامت صفاء وهي تناظرهم بضيـــق و تعطيهم مناديـــل ..
هذا اللي قـدرت تسويــه بهالمـوقف الصعــــب "..

..* صـــــــدمــــه *..

لـما يمـــوت الكلام بشفـــاك و تعجـز حتى عن التفكيـر بصوت مسمــــوع ..

تفكـَر بغيــــرك.. و تتألم لضيقـتـــه .. و بخاطــــرك تكفكـف دموعـــه و ترســم على شفـاهه أبتسامـــه..

لكأـن التعبيـر يخونـــــك..

و تشـك إن قلـبـــك مـيـَــت مـا ينبض بحيـــاة و حـُــب و عطـــاء و أنت تبتعـد عن الموقــــف ولا تحـط إيــدك فيه ..

تبتعـــــد .. و تتخيـــل نفسك بمكانـــه ..
لـو يجي يــوم و تزعـــــل و تصيـــح و تنهــــار و مـافيه أحد حولـك يطبطب عليك ..

تتوقـع لو حد مـــدَ لك منديـــــل و مشى و تركــك بنفس هالـموقف .. راح تشكـره بخاطـــرك و تقـدَر له التصـرَف البسيــط..؟
وإلا راح تكرهــه و تحتقــره ومـا تذكر المعروف الصغير..؟

ـــــــــــــــــــــــــ

هديل: أكثر من كذا وش تسويـن؟ أساسآ إنتي مـا تعرفينهم عشـان تآخذين و تعطيـن معهم..

"صفـاء بضيق": ليتني عـرفت وش مشكلتهم بالضبـط بس القهـر إن مـا عندي أسلـوب بالكلام مع غيري و مـو اجتماعيه بزيـاده عشان أسحـَبهم بالسوالف..

هديل: يمكن أحد متوفـي و يصيحـون عليه..؟

صفاء: لـو أحد متوفي كان مـا داوموا من الأسـاس.. بعدين ترى البنـات قلوبهم مثل (قلب الطفل) حسـَاسه و رهيفه و تتـأثر بأي شي .. أكبـر دليل أنـا بغيت أصيـح معهم و مدري وش السبـب ..

هديل: أمممم تدرين أنـا ملاحظه إن أغلـب البنات بالكليه دايم ضايقــــه فيهم الدنيـا و تشوفين هالشـي بتعـاملـك معهم ..
على أي كلمـه و أدنـى سبـب تتوفـخ و تزعل عليك و تكرهـك ومـا تتكلـَم معك وإذا رجعتي للسبب الرئيسـي تكتشفيـن إن ظـروف أهلهـا صعبه و عندها مشـاكل وإحنا اللي نـآكلها ..

"صفاء بإستياء": إيوه صادقــــه عشـان كذا أنـا علاقتي بالبنات رسميه ومـا أحـب أصـادقهم ..

هديل: تـذكرين أماني وش سوَت فينا قبـل الأجـازه! لما علـَقتي على سـاعتها ..؟

صفاء: أسكتي لا تذكـَريني فيها كرهت أجلـس مع بنات غيرك إنتي و وتين بسببها..
فـاهمه الصداقـــه غلـط مالت عليها..

هديل: على طـاري وتين راحت تشتري popcorn ولسه مـا رجعت..؟

»»»»»»»»»»»»»»»»»»»»

وفــــي المســــاء ..

"رجـع صالح من الحلاق وكان مسوي شعـره (سبايكـــي) و مضبـَط السكسـوكه و مبسـوط من نفسه .. دخـل الـدوانيه وهـو يمسـح على شعره بخفـَه عشـان مـا يخرب"..

"فـارس وهو يرمي الريموت و يعتدل بجلسته": أووووخـص مـا يمدينا على اللـوك الجـديد أبدآ مـا يمـدي .. بس ليه لابـس ثوب نـوم يعني مستحيـل زينك يكمـل..؟

صالح: ألحين أبي أروح أكشـخ و أطلـع للتحليـــه مع عمــر..

"فـارس وهو كـاتم ضحكته": التحليـه اللي وراء بيتنـــا..

صالح: لا اللـي وراك .. أقـول بس لا يكثـــــر..

"سمـع صالح صـوت ضربـات على باب الشـارع و طلع يفتحـه"..

صالح: جـاااااك جـااااااك ..

"فتـح البـاب و لقى حرمـــه واقفـه..
صـــد بسرعه و سحب البـاب كله عشـان تدخـل و تم واقـف ينتظـرها تعـدَي يبي يطلـع برا"..

"البنت بصوتها الناعـــم": كيف حالـك صالح..

"عقـد حواجبه صالح وهو يلتفـت عليها": الحمـدلله .. ميـــن؟

-: أنـا ناديــــا بنت خالتك ..

"أرتبـك صالح و نـزَل راســـه نـاظر بثوبه النـوم و مستحي منها": هـلا ناديـا .. حيـَاك تفـضـلي..

"نـاديا ودَهـا تسولـف معه بس صـارت تستحي منـه عقب مـواقفها المحرجـه معاه بالبر": ويـن وتيـن؟

صالح: تـلاقينها داخـل حياك ..

ناديا: أوكي .. مشكـور ..

"ضـرب صالح يـده على جبته بقـوه من الـقـهـر .. و دخـل من بـاب المطبخ و راح لـغرفتـه بسرعه عشـان يبـدل ملابســــه و يكشـخ للتحليــه"..

٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪

: نـــوَر البيـت بزيـارتك..

"ناديـا وهي ترمي طرحتها": منـور بـأهله .. خذيني لـغرفتك بسـرعه تـرى مشتـاقه للهذره و السوالـف معك..

وتين: بنت عمي نايمـه تعالي نجلـس بغرفة الأستقبـال..

ناديا: لأ يا بنت مـابي رسميات_ أنـا متعوده على غرفتـك نآخذ راحتنـا و عشان أفتـَش بـإغراضك بعد..

وتين: وأنـا ودَي بعد بـس بنت عمي هنا .. ترى قلـت لك تجين بدري عشـان نآخذ راحتنا بالسوالف لأن الساعه 8 ونص تصحـى و توهقنـا..

ناديا: حركـآت 8 ونص مـره وحده؟

وتين: شفتي الـدلـع .. لـو أنها بالقريات تنـام بدري و تصحى بدري..

ناديا: المهم لا تجلـس معنا ترى ودَي أسولف بدون مـآ آخـذ بريك ..

"وتين وهي تدخـل معها لـغرفة الأستقبـال": جيتي مع ميـن؟

ناديا: مع نـاصر .. وصلني و راح لأصدقائـه بالريـاض..

وتين: ليه مـا جلـس عند أخواني..؟

ناديـا: أستحى لأنه مـا عطـاهم خبر قبل يجي ..
"سكتـت ثواني وهي تبتسـم و تجلس" شفـت صـالح عند البـاب ..

وتين: سلمتـي عليـه؟

"ناديـا وهي تقـاوم الضحكه": أيوه .. بس تفـاجأت من شكله أحسـَه حليان مـع شعـره السبايكي ..

"أنفجـرت وتين بالضحـك وهي تعلق عليه": هههههههههههههههههه سبايكي!!! بسم الله عليه أخـوي وش فيه متغيـَر ..

ناديا: و السكسوكه بعد تخقـق أثقـل بنت ,, والله لـو مـا شفته بثوب النوم كـان مـا عرفته..

"وتيـن وهي تضـرب يدهـا بيد ناديـا ومـا زالت تضحك": ههههههههههه عـاد شرى مـلابس جديده غريبـه مـالبسهـا؟

"تفـاجأت ناديا": بعـد؟ عز الله لقى الخيـر ..

وتين: لا و أمـس يطري لأمـي العـرس يبيها تخطـب لـه .. الرجـَال يخطـط لـحياته الجـايه ..

"صـاحت ناديا وهي تصفـَق بحمـاس": وآآآآو ينعن شتله مـره يونـَس .. أحـب المفـاجآت اللي كـذا..
مـاااااالت على اللـي عندي مـدري متى يتحـرَك و يسـوي لنفسه شي حلـو .. تصوري لا وظيفـه ولا أهتمـام بشخصيتـه بس أحبـــَـــه ..

"سكتت ثـواني وقـالت بهـدوء و تردد" بيني وبينك أحـس إني بديـت أ...............

"فضفضـت ناديـا لـ وتين بكل صراحه و تحـس نفسها مخنوقــــه و تنفســــت "..

.¸¸.•°°.¸¸.•°°.¸¸.•°°.¸¸.•°°.¸¸.•°°.¸¸.•°°.¸¸.•°°

×× نهـــــــايــــة البارت الثــــــــــــــامــــــــن ××