لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 21-01-10, 01:35 AM   المشاركة رقم: 31
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 



يـــوم السبـــــــت

6 ذي الحجـــــه..




: صباح الخيـر

"ألتفتت هنـاء على متعـب وعطتـه نظـره وصـدت": أهليـن..

متعب: الناس تقـول صباح النـــور .. صباح الــورد .. مو أهليــن..

"هناء وهي واقفـه عند الدباب": تعرف تشـغلـه..؟

"أبتسم متعب ": أشغلـه بس مـو قبل مـا تجاوبيني على سؤالـي..

"هنـاء وهي تجلس على الدبـاب وتعدَل خصلات شعرهـا": أسـأل..

متعب: أنتي ليـش تكـرهيني؟

"ضحكت هناء بـقوَه وهي تنزل رأسهـا وشعرها يغطي وجهها..
ومتعب يناظـرها مـا بين معجب ومحتار.. معجب بأنوثتها وغـرورها بنفسها بالرغم من صغـر سنـَها .. ومحتار بسبب ضحكها": ممكـن تجـاوبيـن..؟

"هنـاء وهي مبتسمه": لأن عقلـي يحكم قلبـي..

"متعب وهو عاقد حواجبه": يعني إيش؟

"هناء وهي تقوم من الدباب": يعني ما أكـرهك بس.. مـا تهمنــي!! وهذا أسلوبي مع الكـل ليش تتضـايق..؟

"متعب وهو يعـضَ شفايفه بقـوه و يرد بهمس": (Arrogant‏)‏ >مـغـروره!

"سمعته هناء و ردت وهي ماشيه ": يحـق لـي..


"صفـاء كانت طـالعة من خيمتهم وتكلـَم وتين بالجـوال ..
شـافت متعـب واقف يناظر هناء وهي تمشي بـدلع .. أنــــصــــــــدمــــــت وأنحبســـــت أنفاسهـــــا.. نظراتــــه لها مو طبيعيـــه واضح أن صـار بينهم موقف بس مـا تدري وش تفسـَره!!
يــارب يكون سؤال .. يــارب يكون نقاش . يــارب خلاف.. بس ما يكون شي (يكسر قلبي ويحطمني)..


"صفاء وهي تهمس لـوتين وصوتها يرتعد": ميتو كـان واقف مع هناء..

وتين: أوب أوب_ كيف تلاقوا وهي مـا تطيق تشوف وجهه..

"صفاء وهي مـازالت تناظر هناء اللي قرَبـت توصل لها": يناظـرها يا وتين بنظرات غريبه!

وتين: شلون يعني مـا فهمت!!

صفاء: شـوي و أكلمـك.. بـاي..


هناء: مرحبا .. مـن كنتي تكلميـن؟

صفاء: وتيــــــن.. وش عنـدك واقفـه مع ميتو؟

هناء: يعني عشانه يدلعك صوفـي تدلعينه ميتـو..

"صفاء بخاطرها": الحمد لله جـاء فهمك على كذا..
"ردت بلا مبالاه" أيوه كلـَه أسم عـاد لا تركزين ..
المهم إنتي وش عندك واقفـه معه؟

"كشـَرت هناء": يا شينه بس يتميلح.. يصبـَح بالخير ويسأل عن أحوالي بس..!

"صفاء بخاطرها تتحلطم": قهـر لو أنـا ما يهتـم..

هناء: تراى أتفقـت مع البنات نروح نتمشى عند الغديــــــر بعد شوي تروحين معنـا؟

صفاء: أيه أكيد.. بس ثواني أكلـَم وتين وأجي معكم..


"أتصلت صفاء على وتين وهي تبعد عن الخيمه": ألو وتييييين ألحقــي علي..!!!!!

وتين: خير وش صـــايـر..





¤¤¤¤¤¤¤¤¤¤¤¤¤¤¤¤¤¤¤¤¤¤¤¤





"كان فـارس واقف مع سعـد ويناظرون السيـاره اللي تدخل من بوابة مخيمهم"..

فارس: مـن هذولا..؟

سعد: خالتي هنـوف جايه مع ولـدها .. يا حبها للكشتـات ما تطوفها..!

فارس: من البنت اللي نزلـت مع خالتك هنوف..؟

سعد: هذي أكيد ناديـــا أكبر بناتها طعسـه هالبنت تحـب البـرَ مثل أمها..

فارس: بدل مـا تعطيني سيـره ذاتيـه عنهم روح سلــَم على خالـتك و ولـدها يا الأهبل..

سعد: أيه صـح كأن أحد حالف علي ما أتحـرَك من هـنا..


"مع إن فـارس يعتبر واحد من عيـال أبو سطـام بس يظل عنده حيـاء وخجل من العمام والخوال والقرايب .. يحـس نفسه غريـب ما يمون على أحد إلاَ خواله وجيرانهم (أهل عمــر) بـس "...


: وش فيـك سرحـآن..

"ألتفت فـارس على وتيـن وهو يقول": أناظـر قدامي.. إلا إنتي ما شبعتي سوالف مع صوفـي..؟

وتين: إلا شبعـت.. أبسألك ميـن سيارته ذيـك؟

فارس: خالتك هنـوف وبنتها ناديـا..

"أستانست وتين": يــــــآي فـلـــه أخيرآ لقيـت أحد أستانس معـاه..

فارس: وأنا مـو مالي عينـك..

وتين: أنت عيوني كلها بـس جلسة البنات غيــــر وسوالفهـم غيـــــر وضحكهم غيــــر خصوصآ إن ندَوش بـعمري يعني أنواع الفلــَه ..

"فارس وهو يدفــَها من جسمها بـمزح": أقول لا يكثــــر بس روحـي سلمي عليها ..




¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥





ناديـــا: ينعن شتلت (يلعن شكلك) وحشتيني يادبـآ.. قسم مالـك أوووم الداعي على هـالقطاعـه؟

"وتين وهي تجلس": والله أنشغلـت بالدراسـه وبعدين بنت عمي جـات من القريـات.....

"قاطعتها ناديا بصوت عآلي": بنت عمك ماسكه شوشتـك وحـالفه عليك مـآ تعطيني آلو؟

الخاله هنوف (أم ناديا) : ناديا وش فيك على البنت خلــَيها براحتها ..

ناديا: بليييز مامي بقلبي شرهـه تقرقــــــع من شهـووور ولازم اطـلــَعها..

وتين: حقـك علي وأنا آسفــه..

ناديا: خلاص قبلـت أعتذارك .. شوفيني أحسـن منك جاية من الخـــــرج عشـان سـواد عنونك قلت أونــَس توتـه بالمخيـم أعرفـك مـا حولك بنات ..

وتين: حطــَي عينك بعيني إنتي أصـلآ جايه لخاطـر الدبـاب وسواقة السيـاره صح..

"ضحكت ناديا": أستـــري علي يا مـال العافيه هههههههههه..

وتين: طيب تمونيـن لخـاطر هالزيـاره المفاجـأه والحلـوه ما راح أكشفــــك زيـاده..

"أم سطام وهي تلتفت على أختها هنوف": ياختي بناتنــــا صايرات ما يعرفن يسولفـن سوالف حريم سنعات وعاقلات.. يجيبين كلمـات يالله المستعان..

الخاله هنـوف: انا إذا زاروني حريم يتقهوون عندي العصـر أحرَص على ناديا لا تشوفها عيني.. أخاف الحريـم يتنقـدن عليها وأقولها بوجهها "لا تطلعـيـن" ولا أستحـي منها..

وتين: الله عليك يا خاله بايعتهــــا ههههههههههههههه..

"ناديـا وهي تهمس لـ وتيـن": ما تعطيني فرصـه أتــــرزز قدامهـن..

الخاله هنوف: والله إني خايفـه على بناتنا مدري وش مخبيـة لهن هالدنيـا؟

ناديا: خايفـات إننا مـا نعرس؟ تطمنوا حظوظنـا بتمشي وراح نطسَ عنكم.. وأمــه داعيــــة له بـ ليلة القدر اللي بيتزوجنــــــا..!!!


"ضحكوا أم سطام وهنوف على جرأتها بالرد وكملوا سوالف ونقاش عن بنات هالأيام وبنات أول وأنواع المقارنات "..





¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥





: صــادق يابو سطام.. والله البنات هـن زينـة الدنيا ويشفعـن لنا بـ يوم القيـامه..

"أبو سطام بـ ضيـق": ليت ربـي رزقني بنات كثـار .. ليت وجـــــدان الله يرحمها كانت عايشه كان عوضتنا بـ بنات خوات لـفارس.. اللهم لا أعتـراض على قدرك لكن يحـز بخاطري هاليتيم متعلـَق بـخالته وتين .. يبي لـه خوات..

أبو مشعل: إن شاء الله يعوضونك بـاقي عيـالك (سطام وصالح و وتين) وفـارس أنتظر عليه كم سنه وإلا هـو متزوج ومستقـر بحياته .. الله يطــــوَل بعمرك ويدوم طيبـك وخيرك لهم .. ويحفظهــــم لك إن شاء الله..

أبو سطام: آميـــــن..

أبو مشعل: دامنا بـ طـاري البنــــات يا أخـوي .. أبيك بـموضـوع من زمـان ودي اكلــَمك فيه بس مـا لقيت الوقـت الزين..

أبو سطام: آمـر ياخـوي..

أبو مشعل: مـا يآمر عليك عـدو.. خذ العلم وأنـا أخـوك..............................



~~~~~~~~~~~~~~~~~~~~




"صالـح بحيـره": لا والله مـا صـار شي على أساس فهمتها كذا..؟

"أنفجر عمــر بالضحك": هههههههههههههههه طيب ليــــه أنخرعت هـدَي شـوي.. أنـا أقول يمكـن تبي تضبط أحــــلام وتخطبها أجل ليـه جالس بالقريـات للحين؟

"صالح بـتأكيد": أصلآ بكـــره الصبح ماشي للريـاض تحسبني مستانـس بالجلسه هنـا..

"عمــر بتنهيده": آآآه .. حتى أنا طفشــان و مـو مستانس زيـاده وشكلي أبلحقـك..

صالح: ليـه يالغالــــي والله إن هوى الأسكندريـه يردَ الـروح مع إني ما جربتـــه هههههههههههه..

"أغتصب عمــر الإبتسامـــه.. كل ضيقـته بسبب (وتيــــن) وتطنيشهـا لـسؤاله..
ياربي ليـــه العنـاد ليـــه المكابـره.. كل هذا عشان تعـرف غلاهــــا عندي؟ أشـق َ صـدري وأعطيها قـلـبـي عشان تصدقني؟

مـلَ من كثر ما يسـأل نفسه هالسـؤال.. ودَه يرجع للريـاض بس عشان يعـاتبها ويطلــَع كل اللي بـراسه ودَه (ينهـي صبـره ويرمي خجلـه وراء ظهـره)..
هو بالنهايـة راح يخطبها إن شـاءالله.. وواثــق إن أهلها ما راح يرفضونـه..!!!
ليش يحـرق أعصابـــه ويضيــَع أيامـــه؟

عمر: الخميـس راح أرجع للريـاض..

"تفاجأه صالح": وش فيـك يابن الحلال تتكلــَم من جـد؟

عمر: أجل أمـزح؟ فيصل وماجد بيروحون الخميس لـ شرم الشيـخ وأنا بصراحه مـا ودي أروح.. أصلآ هم حسـَوا فيني إني متضـايق وزهقـان وأعذروني..

صالح: يـــآه .. كل هـذا لأني مـو معـك.. الظاهر أخـوتنـا وصـداقتـنا صارت ما تتحمل الفــراق..

"أبتسم عمــر": الله لا يحرمنـي منـك..

صالح: خـلاص لا تقلبهـا مشهد من فيلم رومانسي تـرى مـا يطلـع معي كلام حلـو.. ما أعـرف!!!

عمر: هههههههه مصيـرك تتعلــَم وعلى إيـدي بعـد..



++++++++++++++++



وبالمخيـــــم ..
الساعـــــه 8 ونص بالليل..

"ناديـــا وهي تتمشـَى مع وتيـن": وهـذي كل أخبـاري .. يالله عطيني أخبـارك..!

وتيــن: لا جديـد.. أيـامي روتينيه دراسه.. أمتحانـات .. طلعات خفيفه لأسواق ومطاعـم ..

ناديـا: بـس..!! مالـت عليك .. هـذا وإنتي بالريـاض عند الفلــَه وسعة الصـدر أجل وش أقـول عن نفسي أنا منحذفـه بالخرج لا أروح ولا أجي متنفسي الوحيـد هو خوالي وخالاتي اللي بالريـاض..

وتين: طيب أنتفسي وأستانسي إنتي ألحيـن بالرياـض..

"ناديا وهي تتلفـت": أبي أسـوق سياره أو دبـَاب ألحيييييين_ أخوانـك وينهم؟

وتين: أبشـري .. أبتصـل على فـارس يطلب سيـارة سطـام يآخذنا فيها ونتمشى بعيـد..

"ناديا بـإصـرار": بـس شـرط! أنا أســـــوق السيـــــاره؟



ــــــــــــــــــــــــــــــــــــــــــــــــــ ــــــــــ



فارس: أمحــــق شــــرط! والله لو يـدري خالي سطـام يعصـَب أنـا بالعافيه قـدرت آخذ السيـاره..

"وتين وهي تلتفـت على ناديا اللي واقفـه بعيد عنهم بمسافه وترجع تناظر فـارس": أقصـر صوتك لا تسمعـك.. حرآم هي تبي تنــــام عندي اليـوم عشان تنبسط معي وتغيـَر جـو من زمان ما طلعـت..

فارس: ما قلنـا شـي بس الدنيا ظـلام لو بالنهار عادي..


"قرَبت لهم ناديـا وهي تعدَل طرحتها بدون مـا تتغطــَى": كيف حالك فـارس..؟

"نزَل فـارس راسه بـحياء": هـلا ناديـا .. تمـام ..

ناديا: حلـت لكم السوالـف يالله خلونـا نطلـع من المخيم..

"وتين بترجـَي": فـرووووس تكفى أنـا أتكفل بكل شي يصيـر'..


"راحوا لـ سيارة سطـام وفتح فـارس الباب بيركب ووقفته ناديـا وهي تقول": أنـا اللي أسـوق أنت أركـب وراء..

"وتين وهي تقـاوم الضحكـه": يا دبـا عيب عليك رجـَال ويجلـس وراء؟

ناديا: عآتي عآتي (عـادي) بعدين مو مـحرم يجلس جنبي ههههههههههههههههه..

وتين: فاهمـه الحـرمه غلـط إنتي وشكلك ,, أجل تكشفيـن عنه ومـا تجلسين جنبه كيـف تجتمع؟

ناديا: تعرفيـن سيـاستي بالغطـاء .. أصغـر مني بالعمـر مـا أتغطى عنه.. أكبـر مني أستحـي على وجهي وأتغطــَى..

"فـارس وهو يعقد حواجبه ويجلس وراء وبـخاطره": عشان خاطـرك يا وتيـن أبتحمــَل ثقـالة دمهـا!!

"ناديا وهي تشغـَل السيـاره": وش فيه أشرطـة أغاني عند سطـام؟

وتين: تبينها طــرب؟

ناديا: أكيييييد .. مـا فيه غيـر الجسمي .. تيب راح أشغل (عآلـــــي مستـــــواه)..



»»»»»»»»»»»»»»»»»»»»»»»




يــــــوم الأحــــــد

7 ذي الحجــــــه..


(أصبحنــــــا وأصبح الملـك للــــه)..

"تمتم سطـام بهالجمله وهو يطلـع من الخيمه اللي ينام فيها.. دخل المطبـخ لقى أمه صاحيه من بدري هي والخدامه"..

سطام: السـلام عليكـم..

أم سطام: وعليك السـلام هلابك يا ولـدي تعـال أفطـر..

"جلس سطـام على السفره وهو ينـزَل الكـاب من راسـه": متـى ناموا سعـد وفـارس؟

أم سطام: نمت الساعه 11 ونص وهم لسه مـا ناموا .. شابـَين لهم نار قريب من الماطـور وسهرانين مع وتيـن وناديـا..

"أبتسم سطام": سوَت خير ناديـا لما نامـت عندنا عشان تونـَس وتيـن.. والله كنت شايل هـمَ إنها مـا تستانس..

"أم سطام وهي تصب شاي لسطـام": إيه الحمدلله .. ما تسمع إلا الضحـك والسوالـف .. ومن شـوي كلمني صالـح يقول إنه مشى من القريـات راجع للريـاض ..

سطام: لحالـه وإلا معه أحـد؟

أم سطام: معه ولد جيـران عمامك بالقريات جاي للرياض يـزور قرايبه..

سطام: يوصلون بالسـلامه إن شاء الله.. راح أكلـَم صالح وأتطمـن عليه..
من قـدَك يـا أم سطام مـا يجي الليـل إلا وعيالك حولـك..

أم سطام: الله يحفظـكـم ..

سطام: آمين.. يمـه ترى أبفطر و أرجع للمدينـه أبي أزور أصدقائي وأرجـع بعد العصـر ..



.¸¸.•°°.¸¸.•°°.¸¸.•°°.¸¸.•°°.¸¸.•°°.¸¸.•°°.¸¸.•°°



كانت أم الذيب جالسه بـ بيت الشعر لحالها تشرب قهـوه.. وكالعاده لا ونيس لها ولا ولــد.. خصوصآ بإن جيرانها سافـروا يقضون الأجـازه خارج الرياض والبعض طالعين لـمخيماتهم ..

نزَلت فنجان القهوه على صوت ضربـات قويه من بـاب الشـارع..

فـزَت وهي تسمـَي بالله وتروح لـ جهة الباب..

أم الذيب: مــن..؟

"صايـل بصوت ثقيـل وخشن": أفتحـي يـا ام صايل أنـا ولـدك..

"أم الذيب بـقهر تمتمـت": الله لا يفتـح لك بـاب رزق ..!

صايـل: أفتحي بسـرعه تراك لطعـتيني عند الباب..

"أم الذيب وهي تفتح البـاب بـعصبيه": خير.. وش عنـدك!

"صايل بـ إستهزاء وهو يدخل": الخير بـوجهك.. بـس حبيت أتطمـَن عايشـه وإلا ميتـه..

"أم الذيب وهي تمشي وراه": لا تفرح ما بعد مـت .. تبطي مـا تسمع هالخبـر..

"صايل وهو يجلـس": أبطي لـمتى؟ سنـه .. سنتيـن .. ثـلاث .. مـو مشكله بالأخيـر نسمعـه..

"أم الذيـب رجـولها مـا عاد تشيلها من الخـوف..
تخاف من ولـدها لأنها يعرف نقطة ضعفهـا .. أو بالأصـح نقطـة نهايتهــا ..

ما بـقلبه ذرَة رحمـه وإنسانيـه .. ولا يخاف ربـَه فيها.. هي أمـه بس بالأسـم ما يحـس بأي مشـاعر تجاهها لأنه يعـاني من ترسـَبات المـاضي .. صدمـات مرَت عليه عجـز ينسـاها .. آخرها وفـاة أبوه وهو غضبـان عليه لـدرجه إنه مـا كتب أي شي من الحلال بـأسمـه .. وهـذا اللي زاد حقـده على أمـه صاحبة الحـلال كله "..

صايل: مـا ودَك تقهوينـي؟

"أم صايـل وهي ما زالت واقفـه": ما عندي شي.. أطلع بـرا..

"صايل وهو يرفع حاجبه": مستقويـه علي؟
تعرفين إني أقـدر أنهيـك بلحظـه!! بس مـاني رايـق ألحين أخذ وأعطي معـك أعوَضها بـزياره ثانيـه..

"أم الذيـب وصوتها يرتعد": لا تشوفـك عيني مـره ثـانيه..

"قـام صايـل وهو يبتـسم بـإستخفـاف": إيييييييه إن شـاء الله بس بعد ما أطيـَح اللي براسـك علـي..


"طلـع صايـل وجلست أم الذيـب بمكانها ودقــَات قلبها طبـول من الخـوف..
هي ما همـَها الحلال اللي يبيه ولـدها .. بس المشكله إنها وصيـة المرحوم أبو الذيب إنها مـا تعطي صايل ولا شـي من الحلال لأنه عــآق "....



^^^^^^^^^^^^^^^^^^^^^^^^^^^^






الساعــــه 12 الظهر ..

"صحـوا وتيـن وناديـا بعد ما سهـروا لين الفجـر وشبعوا سـوالف..
وتين حكـت لناديا كـل اللي صار بينهـا وبين عمــر من الألـف إلى اليـاء ..
وناديا تعـرف بـ مشـاعـر عمـر تجاه وتيـن من قبل ,, بس تفاجـأت بمشاعـرها اللي تغيــَرت 180 درجه بس أنصدمـت لأنها مـا ردَت عليه بـ (الموافـقـــه) ..
أنقهـرت لـدرجة أنها عجـزت تنـام وكل تفكيرها بـ خطــَه ترد فيها وتيـن على سؤال عمــر"...


"وتيـن وهي ترمي جلال الصـلاة": من جـدَك إنتي؟ نمنا وصحينا ولسـَه مـا نسيتي؟

"ناديـا وهي تآخذ منها الجـلال": كصــم قلبــي (كسر قلبي) والله حبـَوب وطيـَوب مـا يستاهل التطنيـش..
لـو إنه مـن أشبـــاه الرجـال اللي مـا فيهم أخـلاق نقـول بالطقــَاق بس والله حنـون وقلبه رهيـَف..

"ضربتها وتيـن من كتفهـا وتسوَي نفسها معصـبه": لا تمدحينه ترى أغــــار عليه .. عندك اللي يمـلا عينك أبعـدي عن عمـَـوري!!

"دفتهـا ناديـا وهي كاتمـه الضحكه": أقـول أبعدي عني بس قســم مـا تليـق عليك الغيـره.. لـو صدق تغـارين روحي أعتـذري منه قبل مـا يطفش و يـدوَر غيـرك..

"وتين بـتهديد": لا تحدَيني على الغلــط ..!!

ناديا: لا أغلطـــي لو مـرَه و سـوي شي لصـالح سعـادتك.. روحي لـ فـارس وخذي جوالــه وأنا أدبــَرها لـك ..

"أبتسمت وتيـن": على طاري صالـح اليوم بالليل يجي للمخيـم .. تهقيـن عمـر يرجع من مصـر عشـانه؟

ناديـا: (عشانــــه) مـو عشانـك.. و يمكن مـا يجي للمخيم نهـائي لأنـك موجـوده فيه..

وتيـن: ليـش الأحبــــاط ؟؟ تييييب أنـا رايحه أجيـب الجـوال ولـعيـووون غالــــي ترخـص مدينــــه!!



\\\\\\\\\\\\\\\\\\\\\\\\\\\\\\\\\\\\\\\\\\




 
 

 

عرض البوم صور yasmine   رد مع اقتباس
قديم 21-01-10, 01:37 AM   المشاركة رقم: 32
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

طلعت وتيـن من الخيمـه وراحت تـدوَر على فـارس .. لقـته راكب دبـَابه يستعـد يبي يحـرَك ..

وتين: فـروووس أبي جوالـك..

"فارس مـا سمعها عدل من صـوت الدبـَاب": هاااااه وش تقـوليـن...؟

"وتين بـصوت عـالي": جواااااااااالـك أبيــــــه!!!

فارس: مـافيه رصيـد ..

وتين: مـو مشكله راح أكلـَم سطام يشتري لـي بطاقه..

فارس: ليه جوالـك صـار أستقبـال؟


ــــــــــــــــــــــــــــــــــــ




"توهـقـت وتين بـ سؤالـه": لأ..

سطام: أجل كلمي وأرسلـي من جوالـك ..

"ناديـا وهي تأشـر لـوتين": قولي له البطاقه لـي أنا مـو لـ فـارس..

"هزَت رأسها وتين وهي تـرد على سطـام": بصراحه أنا أستحيـت أقولـك إن البطـاقه لـناديا من لـفارس!

سطام: ناديـا..؟ طيب أبشـري ألحين أشتري لهـا بطاقه وأرسل لـك رقمها.. ليش تستحين تقولين ترى عـادي ناديـا مثل أختي..

وتين: إيه صـح .. طيب مشكور وما تقصـَر..

سطام: العفـو.. فمـان الله..


"سكـَرت وتيـن الجـوال ورمته على الأرض وهي مبسوطــــــه وناديا تصفـق لها على الكذبه البيضـاء"..

وتين: خفـت من أسألتـه الدقيقـه..

ناديا: كـل الأخـوان كذا.. يالله بهالمنـاسبه هـذي قومي دبـَري لي دبـَاب أفحـَط فيه و أرجـع لـما توصلنا البطاقـه ..





££££££££££££££££



© الوفــــا في غير قلبك .. مالقيت
وان مدحتك بالقصايد .. ماوفيت..
اعتـــــذر ان كان في يوم قسيــت
والعــــذر ان كان صديــت او جفيت..
فأنت حــد السيف لامني اعتزيــت
وانت (اغلــــى شخــص) في عمري لقيــت .. ©


"قرأ عمـر المسـج اللي وصله من جـوال فـارس وأنبسـط لأنه توقعها وتيـن بس بـ نفـس الوقـت تظـل فيه ضيقـه مـا يـدري وش سببهـا.. !!
لـدرجه إن مـاله خاطـر يرد على المسـج ولا يهتـم خاف إنه يتحمـَس وينتظـر مسج منها و تختفي ولا تــرد "..

"ماجـد وهو يوقف بجنب عمـر": وش تتأمـَل بـجوالك؟

"عمر وهو يحـط الجوال بـجيب الجاكيت": مسـج وصلنـي..

ماجـد: طيب ليـه تبتسـم بعدين تكشـَر وش فيـك..؟ وش تفكـَر فيـه..

"عمـر وهو منزل رأسه": ولا شـي بس أشتقـت للريـاض..

ماجد: كل هذا مشتــاق للرياض؟ مـو أول مـرَه تسافر.. وبعدين غـيرك يتمنى يطلع من الريـاض يغيـَر جـو من الضغوط والمسؤوليات و أنـت تقول أشتـقـت؟

"أبتسـم عمـر وهو يقول": (في القلـب جمـر يالريـــــــــاض ذكرك يشبــَه
و محد عرف عشـق الريـــــــــاض إلا نشبـه) .. لا تلومنـي أعشقهـــــا!!!!!

"فيصـل وهو ينفـث دخـان الشيشه": تعشقهـا وإلا تعشق شـخـص سكن فيها؟

عمـر: الأثنيـن.. و بعدين خلــَص شيشتـك يالله بنروح للسينمـــــا..




ــــــــــــــــــــــــــــــــــــــــــــــــــ ــــــــــــــــ




: مـــــااااااااااااااااا رد ...!!!! صارت الساعه 7 وللحين مـا رد وأنا من الظهـر أنتظـر..

"ناديا وهي منسدحه على فراشهـا بالخيمه اللي تنـام فيها": الظـاهر زعلـه قوي ومـا ينفع معه أعتـذار..

وتين: طيب وش أسـوي؟ أرسل لـه مسج ثاني..؟

"ناديا وهي تتألـم": آآآه مـدري خليها بالليل .. أحس جسمي متكسـَر من كثر ما لعبت بالدباب..

وتين: حرآم مـن الظهـر وجوال فـارس معي .. بعد أنتظر ليـن الليل..

ناديا: الله وأ كبـر هالأتصـالات اللي أحـرقت جواله.. محد أتصل ولا درى عنـه..

" وتين خنقتها العبره": يـا عمري عليـه فـارس يتمنى لـو إنه يصير اجتماعي ويآخذ ويعطي مع الشباب .. بـس يستحي من (سمعـــــه) لأن دايم ينحرج لـو قالوا سالفه ومـا سمعها زين وإلا حد يناديه وما ينتبـه له.. يكره نفسه ويفضـَل العزلـه ولا إنه يختلط بأحـد..

ناديا: مالـه أصدقــاء أبد؟

وتين: يحـب عيال جـارنا أبو عبدالعزيز وخصوصآ عمــر بس .. و لـه زمـلاء بالدراسه..

ناديا: الله يشفيـــــه..




ــــــــــــــــــــــــــــــــــــــــــــــــــ




"نـزل من سيـارة أبـوه الددســــن وهو لابـس ثوب أسـود و مسـوَي شماغـه على الطريقه الأمـاراتيه ومستانـس لأنه بـ وقت قيـاسي قـدر يوصل للريـاض و يروح لـمخيم الشباب و يآخذ السلـــــق و يجيبهم لـمخيم أهــلــــه"..


: صـــــاآآآآآلــــــــــح..

"ركضـوا فـارس وسعـد له بـحركه طفـوليه ضحـَـكت صالـح وهو يحضنهم ويسـأل عن أحوالهـم"..

فارس: أخـوووص يالخطيـر بسرعه رجعـت مـا عندك وقـت..

صالح: طفشـت من العزايم والأعراس وزحمـة الضيوف والله راسي صـــــدَع..

سعد: جبت السلـــــق؟

صالح: إيه شفهـن وراء بـالسيـاره..

سعد: تكفى نزَلهن وخـوَف أمـي جالسه بالمطبخ و وتيـن بعد جالسـه بـخيمتها..

صالح: أمـا عـاد ذي أخوفهـم! لأ أبي أسلــَم عليهم..

سعد: قلـت تكفـى..!

صالح: طيـب راح أنزلهـن بس مـا أخوَف أمي .. يمكـن وتين بـس..

فارس: لا مـا تخوَف وتيـن يا سلام عليك إنت ويـاه..

"مـا ردَوا عليه صالح وسعد و راحوا للسيـاره .. نزَل صالـح السلق وسعد فاتـح عيونه على الآخـر من الخـوف و مبعد عنهن بـمسافه"..

"صالح وهـو ماسك كل سلـقـه بـ حبل": وش فيـك خفـت..؟

"سعد وهو يأشـَر بـحماس وخوف بنفـس الوقـت": تكفى روح لـ خيمـة وتين تكفى تكفى..


"صالح لا شعوريـآ أتجه للـخيمه ورفـع الشراع حقها ودخـَل السلـق بعدين دخـل هو و مبتسـم ينتـظـر ردَة فعل وتيـن"..



ــ: لااااااااااااااااااااااااااااااااااااااااااااااااا ااا لااااااااااااااااااااااااااااااااااااااااااااااااا ااااااااا ..





"صرخــــــوا وتيـن و ناديـا صرخــــــه وحـده وفزَوا من فرشهـم و هـم ينطـَطون و يبكـون من الخــوف..
مـا تخيـَلوا أبـدآ بـ قمـَة الهدوء والروقـآن تدخل عليهم حيوانــــــآت كذا بـارده مبرَده..

صالح طيـَر عيونـه أنهبل من الموقف مـا كان يدري إن ناديـــا بنت خالته هـنا ولا توقــَع إن وتيـن بتخـاف كذا..

أستحى وطلع بسرعـه وهـو منحـرج و فـارس يقول لـه: ناديــــا هنا ليـش تدخل؟

"صالح وهو معصــَب": سلامـــــــــااااااااات توك تقولـي ..؟ كله من سعد هيـَن إذا ما خـليت السلق تنهش عظامه!

سعد: نسيـت إنها هنا والله نسيـت..

"صالح بـتهديد": أسلـَم على أمـي و أرجع لك..


ـــــــــــــــــــــــــــــــــــــــ



"ناديـا مسحـت دموعها وأنفجـرت بالضحك على الموقـف": هههههههههههههههههههههههه راعــــــــي غـنــــــم اللي دخـل علينـــــــــا وإلا إيـش..!!!

"وتيـن وهي تحـط إيدها على قلبها وتلتقـط أنفاسها": أي راعـي إنتي هذا أخوي صالـح.. الله يهديه مـا يمديه رجـع من السفر على طـول سوى لـي مقـلب..

"ناديـا أستانست وتحمـَست تأكشــن وتغامــر وتضحــك على صالـح والسلق..
تحب العفويــــه والبساطـــه والتغييـر وتكره الروتيـن اللي بحياتها..
قامـت بسرعه وهي تلبس عباتها وطرحتها": بالله عليـك قومي خلينا نـروح لـه..

"وتيـن وهي زعلانـه": والله مـا أروح له خلـَيه يجي يعتذر بالأول ويسلـَم علي بس بـدون السلـق..

"ناديا وهي تحـط اللثـام على وجهها": ياخوآفــــــه قسم مالـك داعي.. إنتـي تحسبيني خفـت منهم لأ ولا طرآلـي أخـاف.. بس إنتي خرعتيني بـصراخك وصياحك..!!

"وتين وهي تخـزَها": مـدري ليه تلبسين عبـاية إذا إنتي مستقويــه ومسترجلــه إلاَ شـوي..

"ناديا وهي كاتمه الضحكه": عطيني شمــاغ وأبشـري بالعـز..

وتين: بـآآيخــه..

ناديا: أقول بس قـومي ترى كلـَها يوميـن وأرجع للـخرج لا تحرميني مـن الونـاسه..

"قـامت وتيـن وطلعت معها برا الخيمـه.. حسـَت إن الوقـت ضيـَق وحرآم تضيعه بـزعل من صالـح أو حتى عمـر اللي حـزَ بخـاطرها تطنيـشـه "..


-: ياللـــه حيـــهــا الشماليــــــه..!!


"رحـَب صالح بـ وتيـن وهو مبتسـم و يناظرهـا وهي مقبلـه عليه .. كـان واقف عند الددسـن ومعه أمـه و فـارس وسعـد..

وتين: أنا شرقيـــه ماني شماليــــه .. يالله روح زعلانـه عليك..

"قـرَب صالـح وحضنها و باسها على رأسها": والله ما قصـدت أخوفـك بس الشياطني سعـد وسوس لـي.. المهم إنتي شخبـارك وكيف الريـاض بـدوني..

وتين: فقـدنــاك حيل حتى الـمخيم ماله طعـم بدونـك..

صالح: ألحيـن يصير أحلى بـوجودي أنـا والسلـق..

"كانت ناديـــا مبعده عن وتيـن بـ مسافه وتتأمل بـ صالـح وهي مبتسمـه و بـخاطرهـا": الله يسامحــه من قـال عنـك (شيــن) يا صالـح.. و ربي إنـك مزيــــون ومملـوح بس مشكلتك مـا تهتم بنفسك..
يا بخـت اللي مـن نصيبـك أمها داعية لها بالرجال الشهـم و الصبـور و القوي اللي مـا يهاب شي و فـوق هذا كلـَه حنـون ..!!!

أم سطام: يا ولدي يا صالـح روح حـط راسك ونـام من جيت من السفـر ما أرتحـت..

صالح: شبعان نـوم يمه.. الرجـَال اللي معي سـاق عني وأخذتهـا نومه طـول الطريق..

أم سطام: تعشـَيت وإلا أروح أسـوي لك عشـاء؟

صالح: تدريـن إني على لحـم بطني مـن الصبـح ما أكلـت شـي..

أم سطام: بسم الله عليك إنت مـا تجوع.. أبروح أسـوي لك عشـاء يشبعك..

صالح: آيه والله تسـوين خير يمـه..

فارس: وتيـن تعالي شوفي خالي صالـح شلون يتعامـل معهن يفطــَس من الضحـك..

"صالح وهو يقـرَب للسلق": سلامتك من الفطـس.. أهـا بس تقلـَع خل وتيـن تسولـف معهن..

"وتيـن بصوتها الناعم تنـادي": صدفــــه .. إنزلــــي!!

صالح: قولي لها (حـًولـــي) هي مـا تفهم إلا كــذا ..


"ضحكت ناديـا بقـوَه على الكلمـه وهي تصـدَ.. ألتفـت صالـح على صـوت ضحكتها .. حسـَت بنظراته و وقــَفـت ضحك وكتوفها تهـز َ "..

وتين: بدويـه مـا تفهم حضري.. طيب قـول لها تنزل ..

فارس: لأ خالي خلــَها بالسياره نبي نروح نجربـع شرايك وتيـن؟

"ناديـا ضربت وتيـن بكوعها وتهمـس": قولي إيـه تكفـيـن تحمـَست ..

"وتيـن وحبـَت تحرجها و ردَت بصوت عالـي": خلاص نـدَوش لا تحنـَين فـوق راسي.. شباب نـدَوش تبي تجربع معكم وأنـا بعد..

"ناديـا وهي تصـر على أسنانها": هيييييين نتفـاهم بعديـن..


صالـح: بـس لازم واحـد منكم يركب بـ حوض الددسـن عشان إذا لقينـا جرابيع يفتـح الباب للسلـق تنزل..

"ناظـروا ببعض فـارس وسعـد بتردد و حـسَ صالح إنهم خايفين.. كتـَـف يدينـه وهو عاقد حواجبه .. حركته ضحـَكت وتين وناديـا و صـاروا يأشرون بـ يدينهم لـفارس وسعـد يقولـون إيـوه"..

صالح: عيـب عليكم أستحوا على دمكم .. رجـــــــال وتخافـون..؟

"ناديا وهي كاتمه الضحكه": صالـح أنا أجلس بـالحوض بدالهم..

"ألتفـت عليها صالح وناظرها وصـدَ بسرعه": لا مشكـوره ناديـا.. بس شكلي راح أحـط السلق بالمرتبه الثانيه وهالحميـر بالحـوض..!

"أنفجـرت ناديـا بـ ضحكه قويـَه طيـَحت صالـح من طولـه .. أنبسط منها حيـل..!!
مـا كانت جريئه بـس خفـَة دم صالـح تجبرها لـ شـي مـا تقدر تمنعه..

"وتين تضحـك معها وتعلـَق على السلـق": تخيلي أنـا وإنتـي جالسـات بجنبهم..

"صالح بـمزح": لا تضحكين.. ترى لـك الشـرف ..

"عصـَبت وتين": أقلـب وجهك.. والله قرَفتـني منهم...

صالح: خـلاص أركبوا مـا نبي أحـد بالحوض بس الشرهـه على الطعـوس هذولا.. والله مـا أنساهـا لكم..


"حـركوا السياره بعد مـا جلس فـارس قدام وناديـا وراء صالح و وتيـن وسعد جنبها.. بعد دقايق صـاروا بعيد عن المخيـم بأمتـــــــار"..


فارس: جربـوع جربـوع خالي هذاك على اليمين..

"هـدَأ صالـح من السرعه وهو يضرب على بـاب السياره بقـوووووه ويقول": صدفـــــــه .... حولـــــــي!!!





ــــــــــــــــــــــــــــــــــــ






×× نهايــــــــــــــــة البارت الســـــــــــــــــــــادس ××









 
 

 

عرض البوم صور yasmine   رد مع اقتباس
قديم 21-01-10, 01:40 AM   المشاركة رقم: 33
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 



روايــــــة...№[ياغــلاتـــك بقلـبـي يانصيب الغـيـــر]№



للكــاتبـــه: ....¸•°أم الـظـفـايــر°¸•....



©الـــجـــــــ السابع ـــــــــزء©



وبنفس اليوم الأحـــــد ..

وتحديدآ فــــــي القريــــــات ..


"دخل أبو سطـام المجلس بعـد ما أنتهى من العشــاء .. وجلس مع أبو مشعل وخواته (رفعـه وقمـراء) و مشعـل.."


"أخذ مشعل القهـوه و وقف عند عمـَه أبو سطـام يقهويه": عسـاك مرتاح يا عمي..

"أبو سطـام وهو يآخذ الفنجـان": إيه الحمدلله دام هالوجيه الطيبـه قدامي والجلسه الحلـوه أنا مرتاح..

أبو مشعل: عسـاها دوم هالراحه ياخوي..

رفعه: ياليت جلستنا هذي كل يـوم أو على الأقل كل أسبوع مـو بالشهور..

قمراء: تعوَدنا مالنا حيله أنا بتبـوك وإنتي بالجـوف وفهد بالريـاض وسعد بالقريـات.. الله يستر مـا يصير بعيالنا كذا..

مشعل: ألحين صارت الوظـايف هي اللي تسيـَـرنا ما تخيـَـرنا .. هذا زمـان المـادَه يا عمتي ..

قمراء: الحمد لله إن أكبر عيالي يـدرس ثانويه يعني مـا بعد دخل جامعه ولا توظــَف أخـاف يتغـرَب عني..

"ضحك مشعل": هههههههههه طيب يا عمـَه مصيره يتخـرَج ويتوظف أجل بيقابلـك بدون وظيفه!!

قمراء: بـس يتوظف بتبوك ما يطلع عنها.. هذا إنـت عند أبوك وسطـام عند أبوه..

أبو سطام:لازم نتعود على هالغربه لأن الحيـاة يوم عن يوم تصعب وكل شي نبيه يمكن ما يصيـر لنا..

مشعـل: صـادق يا عمي.. وبعدين الحـرص والخوف مـا ينفع الولد إذا كبـر .. لازم نعوده يعتمـد على حاله وإلا كـان صار إتـَكالي وفـاشل ..

"رفعه بمـزح": فاشـل هاه .. أشوف عيـالك بكره شوف عيني تخـاف عليهم من الهـواء الطاير..

"أبتسـم مشعل": من الروضـه أدخلهم العسكريـه على طول مـا عندي وقـت ..

"ضحكت رفعه وهي تضربه على كتفه": ههههههه أعوذ بالله وش هالأبـو القاسي.. أجل هـوَنت ماني مزوجتك بنتي مهـــــا..!!!


"كشــَـر مشعل لا شعوريآ وصــــد.. أزعجتــــه بهالسيره ..
كانت مزحـــــه منها وقلبتها لـجـــدَ..
مهـا أكبر بنات رفعه عمرها 16 سنه.. مـو داخله مزاجه البنت أبدآ لأنها بنظـره صغيره وقلبها طفل ..

أكثر ما يزعجه بوجود عمته رفعه في بيتهم هو تصرفـات بنتها المراهقه اللي تحاول تبين نفسها قـدام مشعل بأي طريقـه ومشعل منتبـه لها وكآره حركاتهـا لأنه مـا يحب البنت الجريئه اللي حياها ضايع.. لكن ما عليها لـوم دامها تلاقي تشجيع من أمهـــــا...!!!"

"دخلت أحـلام المجلس وهي شايله صينية الحــلا"..

أبو مشعل: عـاشت بنيتي السنعه الله يعافيك و يقويـك..

"جلست أحـلام وهي تحط صحن الحـلا قدام أبو سطـام": عمي ذوق الحـلا شغل إيـدي إن شاء الله يعجبك..

أبو سطام: أكيد يعجبني دامها هاليدين الحلـوه مسويته..

أحلام: تسلـم عمي..

رفعه: بنتي مهــا وينها؟

أحلام: جالسه بالغرفـه..

رفعه: خليها تجي تجلـس مع عمها فهـد..

"أحلام ناظـرت مشعل وهو يلتفت على عمته بإستيـاء.. مـا تحترم وجوده وهذا الشي يضـايقه"..

"أحلام بـجرأه": عمتي مشعـل موجود و مهــا تستحي منه..

رفعه: مشعـل مثل أخـوها..


"أحلام بخاطرها": قـامت تحوس بالحكي.. يا زين جلسة الرياض بس ولا مقـابل عمـَـاتي هنا .. فوق الحكـره والكبـْت بعد جـُرأه وثقــالة دم!!

أبو سطام: بنتك مهـا وش تـدرس..

رفعه: بـثالث متوسط..

أبو سطام: أجل ماهي بالثانوي..

رفعه: المفـروض بـس هي رسبـت العـام..

أبو سطام: وش بلاهـا ما تبي المدرسـه؟

أبو مشعل: البلا بـأختك يا فهد.. مدلعتها على قلــَة سنـع .. البنت مـن هالحين تطـري الجلسه بالبيت وتتـرك دراستها..

"تضـايقت رفعه وأحلام تناظرهـا وكاتمه الضحكه": شـوَهوا سمعتهـا عند مشعل خخخخخخخ..

رفعه: هي تمـزح والله ما أخليها تترك المـدرسه..

قمراء: أقول فهد شخبـار بنتك وتيـن .. أشوف مـا تتصل على عمــَاتها ولا تسأل عنهن..

رفعه: والله يا فهـد بنتك من عرفتها وهي لا حس ولا خبر .. قطـوع ولا تسـأل عن أحد ..

أبو سطام: والله أدري إنها مقصـَره بس تخبرين بنـات هالأيام و مشاغلهن (دراسـه ومذاكـره) .. أنـا ما أشوفها وأجلس معها إلا سـاعه بالكثير ..

رفعه: ألحين أجـازه وش مشغلهـا بعد؟

أبو سطام: حقكـن علي أمسحنـَها بوجهي وأنـا أكلمها ألحين و أقول لها تتصـل عليكن..

"أبو سطام وهو يعطي مشعـل جواله": هاك يا ولـدي أتصل على وتيـن أنا مـا أعرف أقرأ..

"أخـذ مشعـل الجوال و دوَر أسمها و مالقى إلا (دلوعـــة أبوهـــا) توقـع إنها هـي وضغط أتصـال وهو حـاط السماعه بـإذنه ينتظـرها تـرد"..


"وتيـن بحماس و دلـع": هلا والله بحبيبـــي ودنيتـــي هلا بالغالـــي اللي وحشنـــــا مـــــووووت.........


"أستحـى مشعـل و أرتبـك وهو يعطي عمـَه الجوال": خـذ عمي ردَت..

أبو سطام: هـلا بنيتي وشلونك عسـاك طيبه..

وتين: بخير بـس ناقصنـا إنت بابا والله أشتقنـالـك..

"قـام مشعل وهو يحـط مفـاتيحه بجيب ثوبه ويمسك جواله بـإيده": أنـا أستاذنكم عندي مشـوار ضروري..

أبو سطام: الله معــاك..

وتين: تبي تقـفـل؟

أبو سطام: لأ مـا أقصدك إنتي .. أسمعـي عمـَاتك عندي خـذي كلميهن...........




§§§§§§§§§§§§§§§§§§§§§§§§§§§







© لا تحسب قلبي إذا أقفيـت قاســــي..
حنان هذا الدنيــــا سكن في خفوقــي
ولا تحسبني لا تأخرت ناســــي..
أنت الوحيــــد اللي له يزيد شوقـي
طيبك جبرني أجعلك فوق رأســــي..
وأبقى على مثــــلك حريص وشفوقي .. ©





"قـرأت وتين المسج وهي مستغربــه": وش الطـــاري.. ما خلصت من عمـَاتي اللي أكلووووني بالتشـرَه طلعت لـي هذي جاها الشـوق بعـد ..

"ناديـا وهي تآخذ منها الجوال": ميـن اللي طريتي على بالهـا؟

وتين: أحلام بنت عمي .. الظاهـر قـايم حظـي عندهم اليوم..

"فـارس وهو ماسك خشبه ويحـرَك الجمـر اللي قدامه وجالس مع سعـد و وتيـن وناديـا": من سافـرت مـا سألـت عنك صح؟

ناديا: أنت سكرتيرها الخـاص وإلا إيش.. وش درَاك إن البنـت مـا تسأل؟

"فارس بمـزح": أسـرار عائليه مالـك دخل..

ناديا: ههههههههههه تنكـَت إنت وهالفيس.. الظـاهر سلـق صالـح أثــَرت فيكم..

"سعد بحمـاس": يالله خلـونا نعيد سالفتنـا لمـا جربعنا وضاعـوا سلـق صالح ورجعنا للمخيـم بدونهن..

"أنفجـروا وتيـن وناديـا ضحـك.. للحين مـا شبعـوا تعليقات و ضحـك على صالـح وحركـاته"..

فـارس: سعـد.. أنتظر ألحين يجي خالي سطـام من مخيـم جيرانا ونقـول له السالفـه من أولهـا نضحـكه شـوي علينا ..


-: هـذا أنـا جيت ضحكوني..

" ألتفـتـوا على سطـام اللي كان لابـس ثوب بني ومتلثـم بشماغـه من البرد..
صـدَت ناديا وتغطــَت بسرعه .. وأستـأذنهم سطـام يجلس لأنه توقـع ناديا تستحـي منه و ناديـا تعتبره شي عـادي وبحسبة أخـوها"..

ناديا: حيـاك سطام خـذ راحتـك..

"جلس سطام بـدون ما ينـاظرها": الله يحيـيـك..

سعد: أقـول لـك وش سالفـة الجرابيع..
طلعنا بددسن أبـوي و لقينا جربوع ولحقنــــاه.. نادى صالح (صدفــــه) ونزلـت تركـض وراء الجربوع وفجــــأه أختفت صدفه هـي والجربوع ..
مشينــا ولقينا جربـوع ثاني ونـزل (ردَاد) يركـض وراه وفجــــأه أختفى هـو والجربوع ..

عـاد صالح ترك الجرابيـع وصار يدوَر على السلـق لأنهم ضاعــــوا .. وحنـا ذبحنـا الضحك ونعلـَق عليه ونقـول / عــطـوا ســــدَاح فرصـــه هههههههههههههههههه..

"أبتسـم سطـام وهو يناظـر بالأرض وكتوفـه تهتز _ ضحكته هـادئه مثل شخصيتــــه.. ألتفـت على سعد وهو مـازال مبتسـم": عـاد رجعوا وإلا للحين ضـايعات..؟

سعد: تصـدَق رجعنا للمخيم لقيناهـم قدَامنـا موجودات.. عاد كنا نكذَب صالـح لما قـال إنهم يرجعـون من أنفسهم ..

سطام: صالـح وينـه؟

سعد: تعشـَى و نـام..

فارس: مـا شاء الله على خالي صالح حياته حلـوه ودسمـه ما يحسَ بالمـلل أبدآ ودَي إذا كبـرت أصيـر مثله ..

سطام: هذا بـدل ما تتمنـَى تكون أحسـن من كذا ..؟

فارس: يعني أصيـر مهنـدس مثلك!

"سطام بتواضـع": مـو مثلي.. أفضـل مني بعد ..
وبعدين إنت بعد ما تتخرج إن شاء الله أختـار مجال طبـَي لأنه يناسـب شخصيتك أكثـر ..

"فـارس بإستياء": لأ مستحيل أكــره الطـب والمستشفيات والله طفشـت منها ..

سطام: صيدلاني أو فني تخدير أو أشعـه وفيه مجالات كثيره مـو شرط دكتور أو ممـرض ..

فارس: لأ أبي وظيفه أتعـب عليها وتضيـف لي شـي حلـو بشخصيتي وحياتي مـا أبي أتوظف لمجـرَد وظيفـه وبس..!

"أُعجب سطام بتفكيـره": مثل ايـش؟

فارس: أبي وظيفه أكتسـب منها قـوَة بالشخصيه و هيبـه.. ومنها تكبر مكـانتي بالمجتمع يصير الكـل يحسب لـي حساب .. يعني لـو أخذت شخصيـة خالي صالـح وأخذت طموحـك وأبداعـك بشغلك أنجـح بحيـاتي .. شفت إن التنـاقض يـُنتـِج أبــــداع؟

"أبتسم لـه سطام": مـا شاء الله فـارس تفكيرك منطقي و رآقي ..أنـت إنسان طمـوح_

"وتيـن وهي متفاجأه": يالــدُب مـن وين لـك هالتفكير.. تخطــَط من ورآي.. بـس تعجبني والله إنـك ذكــي..

"أستحى فـارس": وش جآني؟ أول مره أتجـرأ كـذا..

سطام: الحمدلله طمنتـني عليك .. تربيتنـا فيك مـا ضاعت.. خلـَك على ما أنـت عليه وكل أحلامك بتحقـَق بإذن الله دام عندك أصـرار و عزيمـه..

"ناديا وهي تهمس لـوتين بمـلل": إنتم كـذا جلساتكم دايم كلها فلسفه؟ أحس نفسي بـ دوره لطـارق السويدان!

"أنفجـرت وتين بالضحك وهي تضرب يدهـا بيد ناديا اللي تضحك معها و نست اللي قدامهـا..
ناظرهم سطـام بطرف عين وقـام وهو يستأذنهم"..

"وتين بـإحراج": آسفه سطام بس نـدَوش قالت شغله تضحك..

"سطام وهو يناظـر ساعته": ولا يهمـَك .. الساعه 10ونص الحين .. بعد سـاعه راح أطفـي الـماطور .. تصبحون على خير..

"راح سطـام والتفت سعـد وهو يتحلطـم": يطفـيه بدري مثل أمـس عشان ننـام.. بس والله مـا أنام لييين الفجـر..

فـارس: أتحداك تقـول هالكلام قدامـه .. مستقوي مـن وراه بس ..؟

ناديا: عآتي نسهر على ضـوء النـار مثل أمس..

سعد: طيب يالله خلونـا نعيد سالفتنا لمـا جربعنا وضاعوا سلـق صالح ورجعنا للمخيـم بدونهن..

الكـل: هههههههههههههههههههههههههههههههههههه...



££££££££££££££££££







يــــــوم الأثـنـيــــن

8 ذي الحجــــــه..



-: يالله حيـها..

"أبتسمت أم سطـام لـصالح اللي كان توَه صاحي من النـوم ودخل الخيمـه يفطر معها": هـلا بك يا ولدي ..

"صالح وهو يجلس بـ نشاط وحيويـه": شلـون صحتها الغاليه..

أم سطام: بخير الله يسلـمك..

"صالـح وهو يرمي الزيتونه بـفمه": متى صحيتي؟

أم سطام: صحيت بـدري.. أنت شبعت نـوم؟

صالح: إيه والله 12سـاعه من العشره للعشره نـوم..
يمه.. أبسألك .. ولـد جيرانا للحين يـأذن للصلاة..؟

أم سطام: قصدك محمد؟ أيه ما شاءالله عليه دايـم يأذن للصلاة هنا بالبـر ويصلـَون الشباب والشيـَاب جماعـه بين المخيمات..

صالح: الله يجزاه خير.. سمعتـه الفجر وصحيـت وصلـَيت بالخيمه نسيـت إنها جماعه ..

أم سطام: لا يـا ولدي لا تنسى تصلـَي جماعه ترى لك أجـر فيها..

صالح: إن شاء الله .. أصلآ مقصـَر بحق الجيران هـنا ولازم أزورهـم وأسأل عنهم هـذا واجب..

"قـام صالح وهو يستأذنها": طيب أنـا بآخذ السلق لـمخيم الشباب مـا أطوَل نص ساعه و أرجع.. تـآمرين على شي..

أم سطام: مـا أفطرت أجلس شوي..

صالح: مـا أشتهي.. فمان الله..

أم سطـام: الله يحفظـك..




======================







بعد ماصحوا وتين وناديا.. صلوا الظهر وراحوا بسرعه لفارس يطلبونه (جواله ودبابه)!!


فارس: دبـَابي إيـه .. بـس جوالي ليـه؟

"أحتـارت وتين وش ترد عليه": أأ.. أنا جوالي مـا يدق مدري وش فيه بـس يرسل!!

ناديا: فـرووس عاد لا تكثر أسألتـك..

"عطـى وتين الجوال و ناديا الدبـَاب وقال بـمزح": وإنتم لا تكثـر طلباتكم ترى للصبر حـدود..

"ضحكت ناديا": هههههههههه أوووخص يا أنـت والله إنك مـو سهل..

"وتين كانت ماسكه الجوال و تناظر بالأرض بـ حيره وتفكـَر بخاطرها": ليـه مصـرَه أعتذر منه وأنا مـا غلطت؟ لو أرسلـت راح يفهم إني أركـض وراه وهو أصلآ حـب فيني خجلـي ليه أضيعـه وأغيـَر قناعـاته فيني؟

"فارس وهو ماشي": أنتبهي للدبـَاب سوقي بركاده..

ناديا: أبشـر من عيـوني..

"صـاحت وتين": لحظــــه فـارس!!

"ألتفت عليها فـارس بتعجب": سمـَي..

"وتين وهي تعطيه الجـوال": خذه مـا عاد أبيه لأني ابي ألعب بالدباب..

"أخذه فارس ومشى لـجهة المخيم": براحتـك..


"ناديا بـقهر": ليــه رجعتيه؟ قسم غبيـَه..

وتين: لأ ندوش مستحيل أرسل لـه.. أخاف يفهمني غلـط و مابي أكسـر الصوره الحلـوه اللي مآخذهـا عني ..

"تنهدت ناديا وهي تجلس على الدباب": آآآه بس.. أنـا اللي كسرت صورتي أمـس بدون قصـد و ربـي مـا كنت حاسه بنفسي!

"تفـاجأت وتين": وش قصــدك؟

"ناديا بحيره": أمس لـما طلعنا مع صالـح ولقينا جربـوع من الحمـاس اللي فيني ومع الصـراخ والضحك بالسياره ضربـت كتـف صالـح بقوَه وأنا أطلبه يلحـق الجربوع من جهة اليسـار .. قسم طــاح وجهي لما ألتفـت ونـاظر بكتفه تشوفيني بعدها مـالي لا حس ولا وجود..

"أبتسمت وتين وقطعت الأبتسامه بضحكه عاليه": هههههههههههههههههههه هههههههههههههههههههه..

"ناديا وهي تعقد حواجبها": ليـه الضحـك؟ أنا متفشـله وإنتي تضحكيـن؟..

وتين: من اللي يتفشــَل ويخـاف ناديـا؟ لااااااا مـا أصـدَق..

ناديا: لأ صدقي.. لا تحسبيني قويـه.. ترى أنـا بس لســــان وإلا بمواقـف مثل كـذا أبلع العـافيه..

وتين: والله حسـَيت فيك أمـس بالسياره إنك هـديتي فجـأه ونسيت أسألـك..
بس تطمنـي صالح ما يركـَز!!

ناديا: شلـون يعني؟

وتين: يعني مـا راح يحكم على شخصيتك خطـأ ولا يفكـَر كثير بالعكس هو مطنـَش على طـول..

ناديا: بس هـو ألتفت و ناظـر بكتفـه؟

وتين: ردة فعل طبيعيه .. إنتي لـو تضربيني على كتفي راح ألتفـت و أناظـرك عآدي..

"ناديا بـإرتياح": طمنتيني .. خبـرك عاد أنا مـو ناقصه.. عندي غـوالي يغارون علي من الهواء الطـاير..

وتين: الله يدوم هالغيره بس مـا ندري وش نهايتها..

"أبتسمت ناديا بـفرح": يارب يارب خيــــر ..




~~~~~~~~~~~~~~~~~~~~~~~~



 
 

 

عرض البوم صور yasmine   رد مع اقتباس
قديم 21-01-10, 01:43 AM   المشاركة رقم: 34
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 


© مــا ضنـَها تدري عن اللي بـ /قلبـي
أنـا بـ قلبـي شي وبـ قلـبها شـي

رعشـة خفـوقي ترجمـت فيـض/ حبـي
قلبي يبيهـا ..البـلا قلـبها هـي...؟؟ ©

"سكـَر عمــر القلم و رماه على الطاولـه .. وأخذ الجريـده و رمـاها بعد وهـو يآخذ نفـس طويـــل": آآآه..

"ماجـد وهو منسدح يناظر الــTV‏"‏: سلامتـك مـن الآه..

عمر: أحـس إني مختنق ودَي أشـم هواء..

ماجد: رح أجلـس على البلكونه مع فيصـل خرَب عليه جـوَه..
تلآقيه حـاط الجوال بأذنه وهـآت يا هياط.. مـا سلموا بنات مصر من سوالفـه..

عمر: هذا من جـدَه مضيـَع فـاتورته على خرابيـط..

ماجد: ولـد شيـوخ وشبعآآآن .. إلا إنـت وش فيك طفشـان؟

عمر: أحس ملـَيت من مصــر .. يا ولد صغيره وضيقـه ومـا تشرح الصـدر..

ماجد: شكلي أنـا راح أتـوب أسافر معـك إنت و فيصل..

"أبتسـم عمر": ليـه يـالغـالي..

ماجد: أنت ثاني مره تجي لـ مصـر وزهقـان و ودَك تغيـَر عنها وفيصل عـآشر مره يجي ولا يزهـق من الهيـاط على البنات.. وأنـا أوَل مره و تووووبه اجيها والله كرهتها لأنها تذكـَرني فيكم..

"ضحـك عمـر وهو يقوم و يوقف قبال مـاجد": ههههههههه سلامتـك من الكـُره.. ولا يهمـَك نطلع نتمشى الحيـن المهم إنـك تستـانس..

"ماجد وهو يمثـَل عليه": لأ خلاص مـابي أطلع خلـَني جالس هـِنا منحكر ومنثبر لـما ربنا يفرجها و نسـافر..

"ضـربه عمـر على رأسه": أقـول بس قـم بدَل ملابسك خلنا نتمشى على البحـر..





^^^^^^^^^^^^^^^^^^^^^^^^^^^^^^^^







الساعـــــه 10 ونص بالليل..


كـانوا وتين وناديا يتمشـون حـول المخيـم..

ناديا: أوووب وش ذي السيـارات اللي عند خيمـة الرجـال..

وتين: هذولا أصدقـاء صالـح من خمس دقايق وصلـوا و ناويين على سهرة ليـن الفجر ..يااااابختهم .. ليت تصيـر فيه جمعة بنـات مثلهم بالـمخيم..

"ناديا وهي تضحك": شوفي سيـارة الليموزين ههههههههه.. مـا يجربع فينا حـول المخيم بخمسه ريال ..

وتين: ههههههههههه هذي أكيد سيـارة أبو عطـا..

ناديا: أخووووص يا إنتي تعرفينهـم؟

وتين: البركه بـصالـح سوالفه عنهم مـا تخلص..

"ناديا وهي تسحب يـد وتيـن": تكفين تعـالي معي نشوف أشكالهـم..

وتين: أخـاف يشوفونـا؟

ناديا: شـراع الخيمه مفتـوح وإحنا راح نوقـف بعيد بمسافه بالظـلام.. بس إذا أحـد صادنـا نقول إننا نتمشـى..

"وتين بضيق": لـو عمـَوري معهم كان رحـت طيرآن بدون وعي عشـان أشوفـه..

"ناديا وهي كاتمه الضحكه": مسكينه مطنـَشها وتفكـَر فيه بعد..

"دزَتها وتين بـقهر": لا تقوليـن كذا ترى أزعـل..

ناديا: أمــزح .. أمــزح ..


"مشـوا وتيـن و ناديـا و وقفـوا قبـال الخيمه بس بعيـد شوي و يناظـرون بالشبـاب"..

"ناديـا بـهمس": ينعـن أوم القـراوه يا نـاثوووو ..

وتين: يـآه مو لهالدرجه أهمـال المظهر أحسـَهم طعووووس..

ناديا: مـن جـد .. غريبيـن..

وتين: نفسي آخذهم (بصراحه أحلى مع جويل) تنفـض أشكالهم شـوي..

ناديا: إيه هيـَن عشان تهرب جويل و يتوقــَف البرنامج ويمكن تقفـل قناة الـــ MBC‏ بعد..




"قــَربت ناديا تبي تشـوف اللي جالس بالزاويـه..


فجــــــــأه تسمـع أصـوات السلـق وهي تنبـح بقـوووه..



صـرخوا هي و وتيـن صرخــــه وحــــده و هربوا لـ داخل المـخيم و صار يتهيأ لهـم إن السلـق تلحقهـم..

فـــز صالـح وطلع من الخيمه وهو يأشـر للشباب يجلسـون لأنهم يبـون يطلعون معـاه على بـالهم بـيفزعـون له وصالح متفشـَل لأن أصوات البنـات عااااااااليه...

فتـح حبل (صدفـــــــه) اللي كانت مربوطـه وأخذها معاه داخل المخيم ونــــاوي شــــر بالبنــــات!!!!



وصلـوا وتين وناديا لـوسط المخيم وهم يلتقطـون أنفـاسهم من الخوف والركـض بنفس الوقت.. طـاحوا على الأرض وكل وحده تحـاول تهدَي من الثانيه..

دخـل صالح وهو يتلفـَت يدوَرهم وشافهـم جالسات بالأرض.. نـادى بصوت عــــــــالي وبنبرة غضـب: وتييييييــــن وتييييييــــن...!!!!


"خـافت وتيـن": ياويلــــي يا ندَوش جـانا..

"عـدَلت ناديا الطرحه وغطـَت وجهها بسرعه و إيدينها ترجـف من الخوف": ولا يهمـَك خلـَيه علي..

"وقفـت وهي تمسـك يـد وتين توقـف معها"..

وتيـن: يوووووه جايب السلقـه معه الله يستـر..


"صالـح وهو يقرَب لهم ويتكلـَم بعصبيـه": ليييييه تصرخيـن من شوي هاااااه .. صـوتك عـالي فشلتيني عند الشبااااااب.. أسـاسآ وش جـايبك عند الخيمه مـا تتركين حركـات اللقافه..؟

"ناديا حبـَت تحرجه": تقصـدني أنـا؟

"صالح بدون نفس": ما كلمتك أنـا أكلـَم الزفت هذي..

ناديا: بـس أنـا اللي صرخت مـو وتين ولك حق تقـول عني زفـت وملقوفـه وقليلة أدب بس صدقنـي م........

"عصــَب صالح و قـاطعها": أكلـَم وتين ما أكلمك إنتــي..

ناديا: وش ذنـب وتيـن طيب أقولـك أنا اللي صرخت ويحق لك تهزأني بعد .. مـا ألومـك بصراحه لأني غلطـت ..

"صـد صالح وهو يآخذ نفـس و منحرج منها": لاحول ولا قـوة إلا بالله.. يا بنت الحلال إنتي برى السـالفه خليني أنـا و وتين نتفـاااااااهم..

"ناديا وهي توقـف قدَام وتين اللي مـاسكه نفسها لا تنفجـر بالضحك": لا تظلـم وتين وإن كان جبـت السلقـه معك تعاقبني! عآآآتي مـا عندي مانع بس لا تدخـَل وتين بـسالفه مالها شغل فيها حرآآآم..

"صــــد صالح وبخاطره يشوتهـــا بــرا الـمخيم ويطلـَع القهـر اللي فيه بـ وتين..
بـس ناديا كانت ذكيـه وقدرت تمتـص غضبه بـإسلوبها معه..

ظـل واقف ومحتـار وقطع حيرته صدفـه وهي تنبـح.. ألتفت عليها وضربها على رأسها": أنكتمـي إنتي ..

"ناديا بصوت شبه ضاحك": خلـَها تفضفـض أكيد معصـَبه مثل راعيها..

"صالح بـخاطره": يــاربي من ويـن طلعت لـي هالبنت ..!

"وتين كانت تراقـب ردَة فعله تنتظـره يهدأ عشـان تتكلـَم .. تعرف أن قلبـه أبيض ولـو قسى ماهـو لايـق عليه .. وبسرعه ينسى": آسـفــه صالـح..

"صالح وهو يخزَها": سلامـات تـوَك تنطـقين..!

"ناديا بـحماس": شفـت مع إنها ما سوَت شي بس تعتـذر منك..

صالح: طيب طيب أتمنى هالغلطـه مـا تتكرَر..

ناديا: لا ولا يهمـَك .. أصلآ أنـا بكره راجعه للخرج أريحكـم مني ومن أزعاجــــــي ..




"عطـاها ظهره ومشى لـجهة خيمة الشبـاب بدون ما يرد.. أنخطف وجهه وجاءه شعـور غريـب عجز يفسـره"..!!!


"ضـحكت وتيـن وهي تضرب يدها بـيد ناديا": يآ عمـري عليك والله رهيبه كـذبتي الكذبه وصدقتيهـا هههههههههههههههه..

ناديا: ألحـين بدل مـا يعاقبنا راح يعاقب السلـق ويحط الحـرَه فيهم ههههههههههههه..

وتين: أحس إنها هذي حـُوبة الشبـاب وربي عـاقبنا لأننا نستهزأ فيهم.. تـرى الرجال مخابر مـو مناظر والدليل صالـح وطيبة قلبه وحنـَيته والله أحرجني بـإخلاقـه..

ناديا: صـادقه.. وأنا ما قصـَرت أحرجته زيـاده بس ما بغيته ينكـَد عليك مزاجـك لأن بكره الصباح راح ارجع للخرج و ودَي أستانس معـك لآخـر لحظه ..

وتين: يا حيآتي والله أنبسطـت بـوجودك معاي بالبـر .. كان هـمَ و إنزاح لما أفكـَر أقضي وقتي لحـالي.. بـس جابك الله يآآآلبى هالجيـَه..

ناديا: و أنـا بعد أحس إني بطيـر من الونـاسه.. طيـَحت كل اللي براسي و روَقـت عالآخر..

وتين: بكره عاد نرجـع للبيت عشان نصوم عاشوراء .. وبعد بكـره العييييد..

ناديا: يـارب يكون آخـر عيـد تقضينه مع أهلـك والعيـد الجاي عند زوجـك..

"وتيـن وهي تضحك": ههههههههههههههههه آميـن..



===================================






يـــوم الخمـيـــس..

11 ذي الحـجـــــه



© راجع بـ شـوقـي و لهفتــي .. من غربتـــي ..
راجع لـ ربعي وديرتــي .. و محبوبتــي ..

إيــه يالريــــاض أنا راجـــع ©...



"وقف عمـر بالمطـار وهو يسحب شنطته و يتلفـَت يدوَر على صالـح.. و شـافه مقبل عليه من بعيـد بـحماس.. أبتسـم عمـر أبتسـامه عريضه وهو يتـرك شنطتـه ويلمـَه بقـوه"..

"صالـح وهو يضرب على ظهره بـخفَه": نــوَرت الريــــاض يالغـالي..

عمـر: منوره فيك يـالذيـب..

"صالـح وهو يمسك عمـر من كتوفه": أحـس معك ريحـة مصـر..

"أنفجـر عمـر بالضحك وهو يضربه على راسه": هههههههه إنت مـا تترك هبالـك.. اللي يسمعك يقـول إنك مطيـَح بـمصر..

"سحـب صالح شنطة عمـر ومشى معه للبوابـه": أسـألـك بالله مـاني حليـان..؟

عمر: هههههههههه لأ.. بـس ..الله يعطيك من الحـلا ..

صالح: ضف وجهـك ..

"نـاظره عمـر بـشك": أبو صلـوح شكل وراك سـالفه يعني أنـت من متى يهمـَـك الحـلا..؟

صالح: شـايفني حرمه أهتـم! بس كـذا سألت من بـاب الإستهبال .. أشطـب..!!

عمر: أشطـب بس بعد مـا أعرف وش سوَيـت بـغيابي..

"أبتسـم صالح": كـل خير ..

عمر: أبسألك .. عمي فهد مـا وصل من القريـات..

صالح: بعد المغـرب يوصل إن شاء الله..
والله أحترت أجي للمطـار آخذك وإلا آخذ أبـوي..
عقـب قرَرت أختارك وأخلي أبوي وأحلام على سطـام..

"عمـر غمـز له يبي يستفـزَه": أحــــلآم هـاه..
قـول الحقيقه كنت تبي تآخذ أحلآآآم وأبـوك وإلا توهـََـقـت فيني؟

"وقـف صالح وهو يدز عمـر لوراء بـعفويه والنـاس واقفيـن يناظـرون فيهم": روووح أرجع لـمصر خلآآآص فـااااارق الريـاض .. مـا نبيــك..!!!

"ضحـك عمـر وهو يركـض بـخفه يهرب منه": هههههههه أعتـرف أنـا وإلا أأأأ ههههههه..

صالح: مـالك دخـل ..



.¸¸.•°°.¸¸.•°°.¸¸.•°°.¸¸.•°°.¸¸.•°°.¸¸.•°°

 
 

 

عرض البوم صور yasmine   رد مع اقتباس
قديم 21-01-10, 01:44 AM   المشاركة رقم: 35
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 


وبعد ســـــاعـــــآت..

وبنفس المكـــــان....



"أبو سطـام وهو يمشي و معصـَب": أعـوذ بالله من هالطيـاره أدوخت راسي الله يدوخهـا..

"أحـلام وهي تمشي وراه و مبهـوره من فخـامة المطـار .. تتلفـَت وتناظـر بكل تفاصيله": بالعكـس حلـوه..

أبو سطام: منيـن لها الحلا.. يازين السيـاره بـس..


"وقف أبو سطـام وهو يتلفـَت يدوَر سطام .. لقى موظـف واقـف قدامه معطيه ظهره.. نـاداه بصوت عـالي": أنـت يا ولـد ..

"ألتفـت الـموظف على صـوته وهو سـاكت ويأشـَر على نفسه"..

"شهقـت أحـلام لمـا شافته وهي تتـأمل فيه و بخـاطرها": يـاويلي يـازينه.. أحلـى أستقبـال مـر علي بحياتي.. يشبه الشـاعر (الشلـفـان) اللي بـمجلة فواصل؟

أبو سطام: إيـه أنت فيه غيـرك..

"أبتسـم الموظف": المطـار مليان حولـك يا عمـي ..

أبو سطام: مـا شفت غيرك .. المهم أبي أروح لـولدي سطـام منين أمشي يمين وإلا يسـار..

الموظف: هـو ينتظرك هنـا..؟

أبو سطام: الظـاهر أنه هنا .. أنا قبل مـا أمشي من القريـات كلـَمته وقلت له يجي..

الموظف: طيب تعـال معاي يمكـن تلاقيه ينتـظرك ..


"مشـوا أبو سطام و أحلام وراه و فعلآ لقـوا سطـام ينتظرهم .. سلـَموا على بعض و شكـروا الموظف ورجعـوا للبيت"..



ــــــــــــــــــــــــــــــــــــــــــــــــــ ــــ




"دخـل فـارس البيت مع وتيـن و هـُم شايلين أكياس من بـنـده..
أشترت وتيـن أكل وحلويات لـثلاَجة غرفتهـا لها ولأحلام وكانت من الصبـاح مرتـبه الغرفه و مبخرتها وعـازله أغراضها الخاصه و حاسبه حسـاب لـتصرفات احلام لأنها خايفه منها عقـب آخـر موقف بينهم"..

أم سطـام: الظـاهر ثلاجتك مـا تكفي كل هالأغـراض اللي جبتيها .. مـا خليتي شي بـ بنده ..

"وتيـن وهي ترمي الأكيـاس بالأرض وتعلـَق عباتها وطرحتها": عشـان أحلام إذا تبي شـيء تلاقيه بـدون مـا تطلب..

"فـارس وهو يعطيها الأكيـاس اللي معاه": مهتمه فيها بـزياده .. عاد أحسـَها مـا تستاهل لأنها من سـافرت ما سألت عنك ..

وتين: براحتها .. أنا كل اللي أسويـه عشان خـاطر أبوي لأنه وصـَاني عليها و بعدين كـافي القريـه اللي عايشه فيها أبيها تشـوف الدنيا هنا ..

فارس: يا طيـب قلبك يا وتين تذكـَرني بــــ....... وإلا بـلاش أقـول..

"طيـَرت عيونها وتيـن ومسكـت يـده وهي تسألـه": مــيــن؟

"أبتسـم فـارس": ليه تبيـن تعرفيـن..

"وتين صـارت تنطـَط وتـلح عليه بـقهر": مين مين والله مـا أتركك لمـا تقول لـي ميييييين..

"ألتفت فـارس على جدته": الحمدلله والشكر أنهبلـت يا جـدَه..

أم سطام: أقـول روحي جهزي صحون الحلا بـدل الهـذره الزايده ترى سطـام من شوي كلمني يقـول إنهم قريـب..

"طلعـت أم سطام وجـاء فارس بـيطلع و مسكته وتيـن": يـالـدب والله مـالك داعي .. أنـا وتين غـاليتك أسألك بالله تقولـي..

"ضحـك فارس": ههههههه بـقول بس أنتي أحرجتيني قـدام جدتي_ تبين أقول طيبتـك مثل طيبة عمـر؟

"شهقـت وتين وهي متشقـَقه من الوناسه": أنـا..؟ ليـه..؟

فـارس: عمـر قبل فتره وعدني إنه يروح معي للمستشفى و يسـوَي لي تقرير و تحويـل.. أنـا تفاجأت منه .. مـا توقعت إنه مهتم فيني قـد كذا .. والله أحرجني بـطيبه..

وتين: تـوَك تقولي؟

فارس: كنت أبيهـا مفاجـأه بس خربت..

"تحجـَرت الدمـوع بـعيون وتين .. مـو معقوله اللي يسويـه عمـر .. خافت إنه يكـون عشانها و تطلع مـا تستـاهل .. و خافت إنه عشـان أهلها و يعجزون يرجعـون لـه ربع معروفه.. بـس الأكيد عشان عـرق قلبـه"..

فارس: وش فيـك بـتصيحين؟

"وتيـن وهي تطلع من الغرفه وتمسح الدمـوع": لأ ولا شـي .. بس أبروح أنتظـر أبوي و أحلام..


"وصلـت أحلام وهي شايله شناطها و تمشي لـجهة الصالـه..
وقفـت وتين بـوسط الصاله وهي تعـدَل شعرها وتأشـر لـفارس يطلع عشان تـآخذ أحلام راحتها ..

رمـت أحلام برقعها بعد مـا طلع فارس و سلمت على وتين وأم سطـام"..


وتين: هـلا فيك منوره الريـاض والله..

أحلام: النـور نوركـم..

وتين: بعد أذنك احلام أبروح أسلـَم على أبـوي.. حياك تقهوي وتحلــَي ثواني وأرجعلـك ..

أم سطام: أجلـسي مع بنت عمك لاحقه على أبـوك..

وتين: لا بليز مشتـاقه لـك..

أم سطام: تفضلـي أحـلام..

أحلام: دام فضلـك .. بس أنا فعـلآ تعبانه و ودَي أنام من تعـب السفر..

أم سطام: براحتـك..


"دخلـت أحلام الغرفه و أول مـا طاحت عينها على التسريحـه تدوَر على (الصـوره) ولا حصـَلتها..
أنصدمـت وجلست على السرير تتـأمل بالأكيـاس المرميه بالأرض بـجنب الثلاجه وتفكـَر"...

: لـمتى راح أظل على هالحـال والله تعبت.. لا لبـس ولا شعـر ولا أدنى أهتمـام!! سافـرت و رجعت وأنـا مثل أول و أردى..

وتين كـاشخه بـتنوره قصيره مع تيشيرت و بـوت.. صابغه شعرهـا ثلجي مع بندقي والله صبغه غريبه بـس طالعه تجنـَن عليها .. والبشـره صافيه حتى حواجبها تـآخذ العقل من غير النفسيـه والشخصيـه عال العال .. يـاربي متى أوصـل لـمستواها....؟




«««««««««««««««««««««




: بكـره إن شـاء الله..

أبو سطام: والله يا ولـدي ماله داعي العشـاء..

سطام: عشانك وصلت بالسلامه ورآح أعـزم القرايب والجيران ..

أبو سطام: مـا تقصـَر يا ولدي الله يعطيـك العافيه..

وتين: يبـه راح تكشت للبـر الأسبوع الجـاي..؟

أبو سطام: لأ يـا بنتي مالي نفس للبـر تعبـآن .. إن شاء الله نعوضهـا بالأجـازه الجايه..

وتين: أحسـن أصلآ باقي أسبـوع على بداية الدراسه و ودَي أستـانس بالأجـازه طلعات و زيـارات..

أبو سطام: صالـح وينه من وصلت مـا شفته..

سعد: عند عمــر ولد جيـرانا..

"ألتفـت فارس على سعد": إذا قلت عمـر مـا يحتاج تقول ولـد جيرانا لأن صالـح ماله إلا عمـر واحد..

"قـام سعد وهو يمـد يده و يصافـح فارس بأستهبـال": شكرآ على التوضيـح.. لو مـا قلت لي مـا دريت..

وتين: هههههههههههههههه..


"دخل صالح وهو يهلــَي ويرحب بـأبوه بحماس وصوتـه عـالي.. حب على رأسـه وهو يسـأل عن صحته"..

أبو سطام: بخيـر الله يسلمك .. أجلـس علامك واقـف..

صالح: دقيقـه يبه بس أخـذ طريق لـ عمـر جاء يسلـَم عليك و يتحمـَد لك بالسـلامه..

أبو سطام: حيـَاه الله..

"ألتفت صالح على وتيـن وهو يأشـر لها بيده": قومـي يالله الرجـَال يبي يدخـل بسرعه بسرعه بسرعه ..

"أبتسمـت وتين و طلعـت من الدوانيه ودخلت من بـاب المطبخ الثـاني اللي يطـل على الحـوش ..
وقفـــت وراء الباب وهي تنـاظره من بعيد ..
فـــز قلبها لـما شافتـــه وحسـَت إنها مشتـــاقـه له مـــوووووت ..

حسـدت فارس و سعـد لـما طلعوا يسلمـون عليه و حضنوه من شوقهـم له ..
مـا صبروا ثواني لـما يجيهم .. لأ.. هـُم سبقـوه لبـاب الشارع ..لأنهم يحبونــــه ويعزونــــه ويحترمونــــه "..




© من قلبـــــــي أدعــــي لك ..

يخلي لك أحبابــــــــك..

ياللي حضنــت الكل/ (بعيونــــــــك وقلبــــــك)

ونسيت ذآك ..

اللي واقـــف على بابـــك!! ©





٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪





يـــــوم السبـــت

13 ذي الحجــــه


كان صباح معكـَر على صفـــــاء..

الكل حولها يهدَي من عصبيتـها ويقنعهـا بـ (العريس اللـُقـطــه) اللي جاهـا أمس وهي رآفضـــــه..!!!

: أرحموني يـا نـآس .. توني صاحيه من النـوم على طول فتحتوا سيـرة الخطبه؟ خلــَوني أروَق شوي..

أم صفاء: شيلي مسـألة الرفض من رأسـك وأستخيري ترى الرجـَال لقـطه وألـف بنت تتمنـَاه وإنتي تبين تضيعينه منـك..؟

صفاء: إذا راح يجي غيـره .. السعودية مليـانه شباب مقبليـن على الزواج..

"هنـاء وهي تقنعها بهدوء": هـذا (دكتـور) .. والله من حظـَـك الحلو إذا وافقـتي..

"ألتفتـت صفاء على هناء بـعصبيه": إنتي يـالبزر وش دخلـك جايه تقنعيني ترى مـاني ناقصتـــك..

"هناء وهي تقـوم": بزر بعينـك .. قولي الحمدلله إن جـاء واحد يخطبك .. بنات عمامي وخوالي كلهم مخطوبـــات ومتزوجـــات إلا إنتي .. لأ و مطيحــه حظـَي معـــــاك..

"طلعـت من الغرفه ودخلت جدَتها تمشي وعصاتهـا بيدها .. جلست على سريـر صفاء وهي مبتسمـه بـوسط تجاعيد وجهها": صفـوفه وشلونك يـا بنيتي؟

"توهقـت صفـاء لأنها عرفت وش قصد جدَتها من جلستها معها.. وسـرحت وهي تفكـَر بكلام هناء الجــريء..!!! لأنها صـادقه بكل حرف قالتـه و واقـع تتحاشى صفـاء الأعتـراف فيه بس عشـان خاطر (متعـــب)"..


أم صفاء: عمتـي أنا أبخليها لـك تفـاهمي معها..
"ألتفتـت على صفاء" بـس والله إن رفضتي مـا تلومين إلا نفسـك فاهمـــه!! ..

"طلعـت أم صفـاء.. وتكلـَمت الجدَه بـحنان": يـا بنيتي .. الـزواج نص الدين وكـل بنت بهالـدنيا تتمنـى تكمـَل هالنص مع رجـَال صالح و مرضي ربـَه.. رجـَال يستر عليها و يعيـَشها معززه مكرَمـه.......

"تقاطعها صفـاء": ليه أنا منذلـَه بـ بيت أبوي؟ و بعدين أنـا مو فلتـانه عشان تقوليـن يستر علي..!!

الجـدَه: لا يا بنتي والله مـا قصدت .. تعوذي من الشيطـان وأسمعي اللي أقولـه لـك..

"صفاء وهي تتنوفـخ بزعل": أعـوذ بالله من الشيطـان الرجيـم..

الجـدَه: ترى الحـظ يجي مـره بالعمـر.. إن صدَيتي عنه رآح ومـا يرجع .. يا جعلك مـا تروحين مراحه ..
كل واحد يآخذ نصيبــه !! وش مـا تمنـَيتي وحلمتي فيه مـا يكون لك إلا اللي ربنـا كاتبه لـك..

صفـاء: أها .. هذا إنتي قلتيها (نصيــــب) يعني سواء وافقـت وإلا رفضـت المسأله كلها نصيـب..

"الجده بإستسلام": أنا ابتركك تفكرين باللي قلته لك.. وأستخيري والله يكتب اللي فيه الخير..

"أنسدحت صفاء على السرير والدموع محجره بعيونها": آآآهـ .. متـــى يفهـــــم....؟



>>>>>>>>>>>>>>>>>>>>>>>>>>>>>>>>



وفـي سيـــارة عمــر..



"صالـح وهو مندمج بالسالفه": عـاد أنا حطـَيت راسي و نمت لا عادهـا الله من كشته مع عيـال عمي و عمـاتي وأصدقائهـم..

"ضحك عمـر": ههههههههه مانت صـاحي .. خفـْت من الجنـَي اللي ورا الجبـل..؟

صالح: كذابيـــــن .. بذمتـك هذي سـالفـه؟

عمر: إيـه ممكن تصيـر لأن الصحراء مليـآنه مفاجـآت..

صالح: المشكله لـما يسولفـون عليك يجبرونـك تصدَقهم بحمـاسهم..

عمر: شكلـك معصـَب من نفسك إنك صدَقت بسرعه.. يـا رجـَال المهم إنك تونـَست بالقريـات وغيـَرت جو عن الريـاض ..

صالح: صـادق.. بس الكشته هـِنا أحسن بـمليون مـره من هناك .. اليـوم موعدنا بالليل بـمخيم الشبـاب لا تنسـى..

عمر: ok. بس ترى راح أجي متـأخر لأن خواتـي عندهم حفلـه ويبون أجيب لهم شويـة أغـراض ..

صالح: تبي أروح معـاك؟

عمر: لأ مشـوار العليا سـاعه أو ساعتيـن تتعب معي خـآبرك تكـره الأحيـاء الراقيه..

صالح: بالعكـس تغيـَرت ألحين صرت أحب الرُقـي والكشخـه مـو مثلي أول..

"عمر نـاظره بطرف عيـن": مـن ورآي؟

صالح: لأ مـن قدامك ههههههه..

عمر: لا تصـرَف قل لي وش سـالفتك اصـلآ أنا من رجعـت من مصـر ملاحـظ عليك إنك متغيـَر بس مـا تعلمني وش فيـك؟

"صالح وهو يقـاوم الضحكه": مـا فيني إلا العافيه بس حسـَيت إني ملـَيت من نفسي..

عمر: بعد صـاير تحس زي النـاس..

"ضربه صالـح على راسه": ليه شـايفني حمـار؟

"عمر وهو يعـدَل شعره و يستفـزه": الظـاهر أهل القريـات حرَكوا أحـاسيسك..

"صـرخ صالح": الله يرجـَك يا أبو خـدود أنا أقـول لك (رُقـي) تقـول (القريـات)..!

عمر: أجـل مين أعتـرف..

"صالح بـعناد": عـاد والله مـآني قايل..

"ضحـك عمر": ههههههه وش فيـك اليوم كل سوالفـك عاد وعاد وعاد.. مرتبـك مو عـادتك والله ..

صالح: يـا شينك مسوَي فيها كـاشفني..

عمر: إنتظـر علي شوي بـس والله لأكشفـك صـدق..

صالح: عـاد أنا خفـْت منك..

"عمـر وهو يوقــَف سيارته عند بيت صالـح": عــاد تقلـَع ألحين ونلتقي بالـمخيم..



££££££££££££££££££££££




 
 

 

عرض البوم صور yasmine   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ياغلاتك بقلبي يانصيب الغير قصة مكتملة, قصة للكاتبة ام الظفاير مكتملة, قصص سعودية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:03 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية