لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 24-01-10, 06:42 AM   المشاركة رقم: 61
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 






و فـي بيت أبو سطــــــام ..



كانت أحلآم جالـســـه مع أم عبد العزيـــز و دالـيا و أم سطـام و تتسمــّع لسـوالفهم بـدون ما تسولف معهم .. ولا تشـك بـأي شي غريب بخصـوص زيـارتهم باليـوم و الوقت هـذا بالذات
لأنها تعـوّدت على زيـارات جيرانهم بأي وقـت .. عــكس وتين اللي من عرفـت أنهم راح يجـون اليوم حبسـت نفسها بالغرفــه ولا طـلعت لهم من الخجــل ..

"داليـا بخـاطرها وهي تنـاظر أحلام": يآآآربي متى تروح هالبنت .. صار لنا سآعــه ولا قدرنا ننطق حرف واحد بخصوص وتين ..

أم عبد العزيز: إلا وتـيـن وينها مـا أشوفها ..

أم سطام: الظـاهر أنها بغرفتها تبدّل ملابسها أكيد الحين تجي و تسلـم عليكم ..

أم عبد العزيز: لا خلـيها تآخذ راحتها أحنا جايـين عشـانك أنتي نبيك بموضـوع خـاص ..

أم سطام: خيـر أن شـاء الله ..

"سكتـت أم عبدالعزيز وهي تنـاظر أحلام لا شعـوريآ .. أحلام ارتبكـت و صـارت تتلفت عليهم كلهم و تنـاظرهم و وجهها أحمر من الأحـراج ..
قـامت بسرعــه و طـلعت بدون مـا تستـأذنهم .. و راحت لغرفـــة وتيـن وهي مستانســه و جـاها شعور أن الموضـوع الخـاص هو ( خطــْبـه )..
حسـّت أنها هي المعنيه بالكلام و اللي ناويين يخطبونها لـه هو (عمـــر)
فكــّرت هالتفكير بثواني بـدون مـا تركــّز بالعلاقـه بينها و بين جيرانهم .. و حطــّت أحتمال واحـد بأن وتين تعتبر بـ حسبـــة بنتهـم ومـا يفكرون فيها كــ زوجــه لـعـمــر "..

"أحلام وهي تفتـح باب الغرفــه و تضحـك مبسوطــــه": وتين وينــــــــــــك؟؟

"وتين بـلا مبـالاه وهي منسدحه على سريرهــا و تحط منـاكير على أظـافرها ": هـذا أنا .. وش عنـدك ..؟

"كـانت أحلآم تبي تتكلم و تقـول لـوتين عن أهـل عمــر بأنهم جايين يخطبونها .. بـس سكتت .. في شي بـداخلها منعها"..

"وتين و تحـاول قـد ما تقـدر أنها تكون طبيعيه ولا تحسـّس أحلام أنها تعرف شي عـن زيـارتهم": وش فيك يا بنت .. مبسـوطه و تسـألين عني ؟ وش صـاير ..

" أحلام وهي مبتسمـه": ولا شـي ..

وتين: يعني أكمــّل شغلي بـأظـافري؟

"احلام وهي تآخـذ جوالها عشان ترسل لصديقتها نهله و تبشــّرها": اي خذي راحتـك ..


"رن جوال وتين و كانت المتصلـه صفـــاء .. أخـذت الجوال و طـلعت برا الغرفــه عشـان تكلمها على راحتها"


ــــــــــــــــــــــــــــــــــــــــــــــــــ ـــــــــــــــــــــــــــــــ




وتين: هلا صوفـــــــــي ..

صفاء: لاااااا تقوليـن لي صوفـي كرهت هالأسـم ..

وتين: ولا يهمــّك .. روقي يابت وش فيـك معصـّبه ..

"صفـاء و خانقـتها العبره": وشلـون أروّق و بــكرا هنـاء و متعب راح يسـوون الفحص الطبي عشـان الـملكــــه ..!!!!

وتين: لاحول ولا قـوة إلا بالـلــه .. طيب أهـدي لا تصيحين والله مـا يستاهل دموعــــك ..

"صفاء و هي تـدعي عليه بحرقه": الله لااااااااا يوفـقـه دنيا و آآآخره .. الله ينـتـقـم لي منه هالحقـيـر .. يـــا جعله يتنكــّد بحيـاته ولا يلـقى الراحــه .. يــا جعلـه الخـاتم اللي بيحطه بيـده يضيـّق عليه أنفـاســه ..

"وتين بـضيق": لآ تـدعين عليـــه كذا .. حـرام تراه بـيتزوج أختـك .. أقـل شي تمني السعـاده لأخـتــــك ..

"صفاء وهي تصــــــرخ": حتى انتي معهــم يــا وتـيييييييييييييييـن؟؟؟؟؟

وتين: لااااااااا يــا صفــاء أنا معـك واللــــــــه معك .. بس لا تدعيـن ترى هالشي مـا يجوز ..

صفاء: مــا يجوز هـــاه؟؟
تخيــّـلي لو أن مشـعـل ولـدك عمـّك جاء و خطبـك و أخـذك بالقـووووووه من عمـــر و فـرّق بينكم .. وش يكـون موقـفــــــك بالله عليك..؟
معقـوله راح تسكتـييييييييـن ولا تدعـيـن عليه؟؟
معقوله راح ترضخيـن للأمر الـواقـع و تنسين عمـــــر بسهولــــــه؟؟
معقولــه مــا يحترق قـلبـك على الأيام اللي كـانت بينك و بين عمـــر ومــا ترحمين صبـْره و أنتظـاره لك و بالآخير تصيرين من نصيـب واحد ثــاني..؟؟

" وتين دمعت عيونها و صــارت تصييييييح": بــس يـا صفااااااااااااااااااااء كافـي الله يخليك أسكتي أسكتـييييييييييييييييييي مـا بي أسمع شي ولا أبـي أتخيــّل هالموقـف حرام علييييييييييك..

"صفـاء وهي تنطـق بـ ثـقـل": طيــّب أنـا بالموقـف ألحين؟؟ انا ضـاع نصيبي وش أسـوّي قولي لـي...؟ شلــووووون أنســـــــــــآه ..

"وتين وهي تشـاهق من الصيـاح": خلآآآآص صفـاء .. أدعي براحتك والله يستجيـب الدعـوات دام نيـّـتك (حق لـك ) و ضـــآآآآآع ..

"صفاء بحســره": آآآآآآه يالقـهـرررررررر .. ليتني بـقيت أحبــّـه من بعـيييييييييـد .. ليته مــا عرف بمشـاعري ولا بـادلني هالحــُب .. ليته ظـل جـآآآفـي و مغررررور ولانـي بعينه ..
والله أنه أهـون علي من المسجـات والـمكالـمات اللي ضيــّعت وقتي فيها معـاه ولا شفعـت لي عندهـ ..
المشكلـــه انه كلام نقـوله و ننســاه .. كلام نقـرآه و ننسـاه .. هـو كذا بالضبــط معاي .. كل شي كنت أقـول لـه كان ينسـاه .. و الدليل أني بـأسبوعين تركته ومـا رجعت له أبدآ .. لأنـه نسـاني كلـّي مو بـس نسى كلامي و رسايلي لـه..

وتين: حسبـي الله و نعـم الوكيـل فيــه ..

صفاء: تـدرين أني من يـوم الأربعاء و أنـا حابسه نفسي بالغرفــه ولا أطـلع لأحد .. و الكل يدري أني زعلآنــــه و يحسبوني متضـايقــه لأن هنـــــاء راح تتزوج قبـلي.. ومــا يدرون أن هنـــاء راح تتزوج أغـلى أنسـان عندي بالدنيــا ..
ولا هـي نفسها تدري .. وكل مـا دخل علي أحد يطمـني ويقول/ راح يجيك نصيـبـك و تفرحين!!!
أموووووووت عند هالكلمـــــه مليوووون مــرّه يـا وتين .. مـا يدرون أن نصيبي هـُـم أخذوه مني .. مــا يدروووووون ..

"أنفجــرت صفاء بالصيـاح و وتـين تصيح معها لأنها رحمتها و تخيــّلت نفسها لـو أنها بمكانها .. مع أن حلمها راح يتحقـق من اليـوم بس مشـاعر صفـاء قـلبت جوّهـا لـ حـزن و نست موضـوع الخطبــه كله" ..




:/ بدآخلنــــا أمآنــي تقودنــــا إلى الشعــور بالحب تجآه الطرف الآخـــر ..
لأن بأمكآنه تحقيقها لنــــا ..

ولكن .......
ربـــــــــــما..!! يأتي عائق له لا يستطيع تحقيقها .. بل يتم كبحها في داخلنا و بقائها إلى أن (يزولها الزمن) ..

ولآ تزول على أي حال لأن القـــــدر قال كلمتـــه و حكم علينــــــا بفرآق أبدي لآ يمكن أن نغيــــره أو نتحكم به ..


و لــ طالما رأينا الحيــــــاه بتشاؤم في دنيا الحب بعد حكم القــدر ..
وأصبح في النهايه ( أحــلام و أماني ضائعــه )
و إعصار ذكـــريآتنا يجرح الشعور و إلأحاسيس ..

و لــ لطالما جرحنا الحب وترك فيني جرحآ غائرآ لايمكن إزالته
و علآجـــه ومداوآتـــه ..


سأكتب هنــــــا ما تعلمتــــه من حكم القـــــدر ..

هي مقولـــه بسيطـــــه ولكن معناها كبير في قلبـــــي


:/ ألا ما أررررخــــــص الـحــب إذا كــان كــلامـــــآ
ومــا أغـــــــــــــلآه .. إذا كــان قــدوة و ذمــامــــآ :/ ...




ــــــــــــــــــــــــــــــــــــــــــــــــــ ــــــــــــ



: عمـــر خطب وتــــيـــن...؟؟؟؟؟؟؟؟

أم سطام: أيه .. اليوم جتنا أم عبد العزيز العصــــر و تتمناها لعمـــر ولآ تبي غيرهـــا .. وأنا بصراحه ما ودّي أتـأخر عليها بالرد يعني فشيلــــه لأنهم جيرانا و عشرة عمــر معهم و بيننا سنين طويله ..
ومـا يحتاج نسأل عن الولـد .. هو متربي معكم و تعرفون اخلاقـــه و أطبـاعه مـاشاءالله مـا فيه شي ينرفض ..

سطام: و النعــــم فيه والله مـا أذكره لك إلا بكل خير .. ومـا نلقى أحسن منه لأختي وتين ..

"صـالح ومـا زال متفـاجأ و مبسوط بنفس الوقت": يعني وتين راح تتزوج صـديقي أبو عمير..؟؟ يــآآآه على الدنيـــــا كيـف تجي ..

سطام: قـول ان شاء الله .. بـس بعد موافـقـة الوالـد طبعــــــــآ ..

صالح: أبوي عني أنـا أقولها لك / راح يواااااافـق و بشدهـ .. أبوي يغلي عمــر اكثر مني و منـك .. والله ينبسط لـو عرف بهالموضـوع .. أصلآ هـو دايم إذا هـاوشني قـال لـي / ليه مـا تصير زي عمــر؟؟

أم سطام: بـس ترى وتين مـا تدري للحين..

"أستغرب سطـام": ليـه ؟؟؟

"أم سطام بحيـره": رحت لها بغرفتها لـقيتها تصيح مدري وش فيها ولا رضـت تعلمني .. و بعدين استحيت أقـولها قدام أحلام ..

"صالح وهو عـاقد حواجبه": اطــردي أحلام براااااا و كلميها على راحتك .. مسـوين قيمــه لهالأحلام و مستحين منها على أيش مـدري ..

"خزه سطام": وين تطـردها...؟ أنت مـا عندك أسلوب أحسن من كذا..؟

"قـام صالح وهو يعـدل ثوبــه": أقـوووول خلني أصـرّف نفسي قبل مـا تكثر النصايح .. المهم أنا رايح للمقهــــى مع زوج أختـي فمان الله ..(قـالها وهو كاتم الضحكـــه على نفسه) ..



"ألتفت سطام على أمــــه و تكلم بهدوء": تبيني أنـا أكلمها بكره ...؟ لأني أعـرف طبع وتين حسـّاسه و بسرعــه تتـأثر وما يقدر عليها غيري ..

أم سطام: ياليت والله .. أنـا لـو أكلمها مـا أظن أقـدر أمسك دموعــي.. مـا اتخيل البيت بدونها و تعـوّدت عليها ولو بكيفي تظـل عندي العمـــر كله ولا تتزوج ..
مـا أتحمل افارقها كافي أن وجـدان راحت عني و......... (خنقتها العبره و نزلت دموعها و صارت تمسحها بطرف طرحتها و تنـاظر بالأرض)..

"سطام وهو يقرب لها و يحـاول يهـدّيها": تعوذي من الشيطـان يمــه وش هالحكــي؟؟ اللي يسمعـك يقول أن وتين بتفـارق الدنيــــا .. هي راح تتزوج و بتصيـر قريبه منك أن شاءالله و راح تتعودين على فـراقها عن البيت..
و وجدان الله يرحمها ويغفر لها ..

أم سطام: ............

سطام: الله يهديك يمــه .. مـن شوي أقول وتين حساسه ,, طـلعتي أنتي الحســّاسه ..

أم سطام: أنا مـا ودي أنها تتزوج ألحين يعني توهـا صغيره على الزواج .. و مـا ودي ان أم عبد العزيز تزعل مني لو أجلنا الزواج أو رفضنـــا..

"تنهد سطـام وهو يمسح على يـدها بحنان": أنا فـاهم عليك .. بـس صعبـــه نرفـض .. من حقهم يفرحون وتين و عمــــر .. ومن حقكـم أنتي وأبوي و جيرانا بعد تشـوفون أحفـادكــــم ..

"ام سطام وهي تهز راسهـا بأقتنـاع": أيه يـا ولدي صـادق ..

سطام: خليك قويـــه و انسي سالفـة الفـراق ترى هذا حال الدنيـــــا و هذا قـدرها و نصيبها .. يعني أنتي لـما تزوجتي مـا فارقتي أهلـك ..؟؟؟؟

"ضحكت أم سطام على عفويتـــــه .. و أبتسـم سطام .. قالها كذا عشان يضحـّكها و يغيــّر من طـاري الحـــــزن" ..




^^^^^^^^^^^^^^^^^^^^^^^^^^^^^^^^




و بعد مــرور يوميـــــــــن ..




الكل عرف بـ خطبــــة عمــــــر & وتيــــــن .. والكل يأيـــّــد و يبــارك لهم بالزواج مقـدمـــــــــــآ ..


مــا عدا أثنيـــــــن في العائلـــــه كان طــاري الخطبـــه مثل الصدمــــــه لهــم...........؟؟؟؟







,,




,,



,,






×× نهايـــــــــــــة البــــــــارت الثــــــالث عشـــــــــــــر ××






 
 

 

عرض البوم صور yasmine   رد مع اقتباس
قديم 24-01-10, 06:44 AM   المشاركة رقم: 62
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 






روايــــــة...№[ياغــلاتـــك بقلـبـي يانصيب الغـيـــر]№


....¸•°أم الـظـفـايــر°¸•....





©الـــجــــــــــ الرابع عشر ـــــــــــــزء©









يــــوم الأحــــد

8 جمــــادى الآخـــر





"كانت أحلام تكلم نهله بالغرفه و تصييييح من الصـدمــه": مـا توقعت أن عمر راح يخطبها أبدآ ولا حطــّيت إحتمـال 1% لأنها دايم تسولف لـي عنه و تقول/ أعتبره مثــل أخـوي..

"أستغـربـت نهله": دام أنه مثـل أخوهـا ليه وافـقت عليه؟

"أحلام بحسـره": مـا أدري .. بس اللي أعرفه أن هالوتين هـذي حظــّها يكسـّر صخر.. هالبنت عـايشه حياتها عرض و طول وكل شي تبيه يجيـها..
آآخـر شي عمـر!! يا بختها فيه يا نهله مزيوووون و خـلوووق ومـا تطيحين منه شيء..
تخيلي أجـل لـو تتزوجه؟

"نهله أنتـقـدت تفكير أحلام و حسـّت أنها حسـوده": الله يهنيها فيه و كلن يآخـذ نصيبه .. أنتي الله يعطيـك على قـد نيتك و يرزقك بالمزيـون و الخلوق اللي يرضيك و يعجبـك.. و يعوضـك بأحلى من عمــر..

أحلام: مـن وين يا حسرة .. بالقريـات منحبـْسه ولا أحد يعرفني و هـِنا مسجـونه في الغرفه ولا أطـلع إلا للجامعـه .. محد يعرفني عشـان يخطبني وإلا يصـير حظـّي مثل حـظ وتيـن؟ هي تطـلع للناس دايـم و يشوفونها و يمدحونها أمــا أنـا لأ..

نهله: إذا لـك نصيب بالدنيا تآخذينه بـدون مـا تعرضين نفسـك قدام أحـد ..

"أحلام بـقهر": أصـلآ هي جريئه و دايـم تترزز و تتميلـح عند عـمـر.. مـره يوم رحنا لهم بالعيـد سلــّمت عليه و سولفـت معه عند الباب .. و مرتيـن جابها من الكلـيه و من الملاهـي مع صالح ..
و أكيـد شبعانه من شوفته و هـو مـُعجب فيها لأنها حلـوه و ناعمـه ..

"نهله بـأستياء": لا تحطــّين بذمتـك يا أحلام أستغفري ربـّك .. صـح لبسها و حجابها مـا يعجبك أنتي و دايم تنتقـدينه!! بـس هذا مـا يعني أنك تتكلمين بأخلاقهـا..
وتين ياما وقفـت معك ومـا قصـّرت أبدآ المفـروض تذكرين لها هالمعروف و تتغـاضين عن كل سلبياتها و تدعين لها بالتوفيـق و السعاده مع عمــر ..

"أنعقـد لسـان أحلام و عجزت ترد.. مـا توقعت أن نهله راح تواجهها بتفكيرها السطحي و السلبي و توقـف مع الحق!! و الحق هو أن وتيـن تستاهل كل الخيـر .. بس الحـسـد أعمى قلبها ولا خلاهـا تنتبه لنفسها"..

"نهله و تحاول تغيـّر الموضـوع": متى راح تسـافرين للـقريات..

"أحلام بهدوء": مـا راح أسافر لأن أهلي بيجون للريـاض بكره..

نهله: غريبـه!! مـو على أساس إنتي راح تسـافرين؟

أحلام: فجـأه غيـّروا رأيهم مـا أدري ليه.. بس أحسـن خليني أنبسـط بالرياض شوي..

نهله: على خير .. المهم أنـا مشغوله ألحين و مضطـره أقفل .. طمنيني عنك دايم أوكي.. فمان الله..





ــــــــــــــــــــــــــــــــــــ




"دخلت وتين الغرفه وهي مبسوطـه و رايقه .. فتحت الكبت و سـألت أحلام": تروحين معي للسـوق؟

أحلام: لأ ..

"وتين وهي تطـلع بنطلون وتي شيرت": تعـالي معاي غيري جـوّ .. بنروح أنــا و ناديـــا لحالنا و صدقيني راح تنبسطيـن ..

أحلام: لأ ..

وتين: براحتك ..

"رن جوالها و كانت المتصلـه ناديا.. ردت بسرعه": عطيـت فـارس خبر و راح أجي معـاه.. نتلاقى بـ غرناطـه أن شاءالله .. باي..


"أنسدحت أحلام و غطـت راسها بالبطانيه بـ ملـل و رجعت تفكر بخطبة عمر لـوتين"..





******************************




وفي المجلـس كانت جالسه أم سطام مع أبو سطـام و داخلين بنقـاش عن مستقبل وتيـن..


"أم سطام وهي متفـاجأه": ليه يا أبو سطـام!!

"أبو سطام وهو يصـد عنها يتحاشى ينـاظر فيها": قلت لـك هالموضـوع مـو ضابط و خلاص..

"أم سطام و تحاول تبحث بـأسباب رفـضه": يعني شلون مـو ضابط؟
أنت كنت ترفـض اللي خطبوها قبل بحجة دراستها.. و ألحين البنت تخرجـت الحمدلله و أول واحد خطبها عـمـر ولد جيرانا .. والله بـخاطري أقول أنـه ولـدك لأنك تعرف أخلاقه و تربيته ومـا أظنـّـك ترفضـه..

"أبو سطام بـ توتـّر لأنه أنحـرج من كلامها الواقعـي": يـا مره قلت لـك لأ .. لا تحنــّيـن فـوق راسي ..

"أم سطـام و تحاول تقـنعه": تبيني أقـول لأم عبدالعزيز ( لأ ) بهالسهولـه و بدون سبب؟
هـذولا جيران لأكثر مـن 20سنه و نعتبرهم أهـل و قرايب لنا .. و مـا شفنا منهم إلا كل خير والله يشهد بمعزتهم و غـلاتهم عندي و أني مـأمنه على وتين عندهم ولا أخـاف عليها ..

"أبو سطام بنفـاذ صبر وبصوت عـالي": مهو مـن قبيلتنــــاااااااااااااا.. أفهمــــي يـا مـَره!! هـم من قبيله ثانيه مهو مـن الجماعه شلون أعطيهـم بنتي؟


"سكتت أم سطـام ثواني تفكــّر بكلمته.. كان رأيـه قوي و جرئ و حســّاس مـا جاء على بالها أبدآ و لا هي مقتـنعه فيه..
رجعت تحـاول تقنعه لكــــن بالأخير عجزت و أستسلمت و أقتنعت بمسـألة أنه (رب الأسره و الرأي بيده) بس ظـلت متضـايقه من عنـاده و إصراره ،، و منحرجه من جارتها أم عبدالعزيز كيف راح تواجهها بالرفــــض..!!"..






=============================




"ناديـا وهي تمشي بالسوق و تهمس لـوتين": يـا حليله فارس يمشي ورانا وهـو راااايق و هـادي بدون مـا يتضايق .. لـو ناصر معنا كان حرق أعصابي من كثر مـا يحـنّ فوق راسي(بسرعه / أستعجلي........)

"وتين بمزح": قولـي مـا شاءالله لا تصيبه عين منك ..

ناديا: تبيني ألتفت عليه و أتـفـل بوجهه عشان أبري ذمتي ..

وتين: هههههههه الله يرجك مـا عندك غير هالأسلوب .. متى تعقـلين!

ناديا: مـا أظن أعقل .. أوّل كنت أقـول إذا تزوجت راح أتغيـّر بس شفـت نفسي تزوجت أنسان فـلــّه و دمـه خفيف و رجـّه مثلي كنسلت التغيير..

"رن جوالها و كان المتصل صالـح_ ردت بهمس": هـلا حبيبي..

صالح: هـلا فيك .. وش ذا الأزعـاج اللي عندك؟

ناديا: أممم أنـا بالسـوق مع وتين .. قـلت لك أني بـطلع معها ..

صالح: طيب قفـلي ولا تكلمين بالجوال و أنتي تمشين بالسـوق عشان مـحد يسمع صوتـك ..

"نـاديا لا شعـوريآ": يالبـّى قلب اللي يغـار علي و.........

"قـاطعها صالح بحده": قفـلــــي..!! و بس ترجعين كلميني ..

"قـفـلت ناديا الجوال و هي كاتمه الضحكـه و تهمس لـوتين": هو معصـّب لأني أكلمـه بالسـوق و أنـا راااايقـه..

وتين: ترى صالـح مـا يحب الحركه هـذي.. يغـار بقـووووه ..

ناديا: مـا دريت .. أنا كل يـوم أكتشف شـي من أطبـاعه ومـا بعد فهمتـه ..

"وتين وهي تـأشر": شرايـك ندخل المحـل هذا ..

ناديا: مـابي أحس نفسي جوعـانه ودّي أكل عشـان أعرف أتسوق عـدل..

وتين: براحتك يـا بطه ..



~~~~~~~~~~~~~~~~~~~~~~~~~~





 
 

 

عرض البوم صور yasmine   رد مع اقتباس
قديم 24-01-10, 06:45 AM   المشاركة رقم: 63
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 





" دخل صالـح الدوانيه و جلـس جنب سطـام لأن أبوه طلبهم عشـان يقول لهم رأيـه بموضـوع وتين و عمـر " ..

صالح: سـم يالغـالي ..

أبو سطـام: سم الله عـدوك .. أنا كنت أبي أكلمكم بخصوص (عمـر) ولـد جارنا أبو عبدالعزيز و .........

"سكـت أبو سطـام بحيره ومـا عرف شلون يبـدأ بالموضـوع"..

"سطام ويحاول يشجعه بالحكي": قصدك بخصوص خطبته لوتين..

"أرتـخى صالح بجلسته وهـو مبتسـم": أيه يبه مـا علمتني وش رايـك؟ من قـدّك وتين دلـوعتك و غـاليتك مـا راح تبعد عنك .. تسكن جنبنا أن شاء الله..

أبو سطام: لأ لأ ..

"صالح بتعجب": وش اللي لأ؟

ابو سطام: أنـا ماني موافـق على هالخطبه .. و كلمت أمك تقولهم أن وتين مـاهي مـن نصيب عمر و الله يـرزقه بـبنت الحلال غير وتين ..

" تـسـارعت دقــّات قلـب صالح من الصدمـه .. و ظل مرتخي بجلسته و يتـأمل أبـوه .. عجز يتحرك أو يـرد على الكلام اللي قـاله ..
سطــام تفـاجأ و صار يسأل أبوه عن الأسباب اللي أجبرته يتخذ هالقـرار " ..

سطام: ليــــه رافــض عمــر!!!؟؟.. كنت متوقـع أنك توافق لأن الرجــّال مـا يعيبه شي و أنت تعرفه أكثر مننا.. و غريـب رفضـك لــه يـا يبـه ..

"أبو سطـام وهو عاقـد حواجبه": عمر من قبيلــه غير عـن قبيلتنــا...!!! و أنا مابي بنتي وتيـن تطلع من بـرا الجمـاعه ..
جيــران على عيني وراسي بــس أننا نتناسـب لأ .. هالشي مهو مـن عـاداتنا و تقـاليدنا ..

"رد سطـام بسرعه و يحاول يقنعـه": بـس يـا يبه هذي عوايد قـديمه و ألحين الزمـان تغيـّر .. صاروا الناس يهتمون بأخـلاق الرجال و سمعته هـو و أهله أكثر مـن قبيلته ..
والرسول صلى الله عليه وسلم قال/ ( إذا جائكم مـن ترضون دينه و خـُلقه فـزوجـوه)..

أبو سطام: كلامك هـذا مـا راح يغير من رايي .. أنـا أبوها و أعرف مصلحتها أكثر منكم..

"سطام بـأحبـاط": يبه الله يطـول بعمرك فكـّر بجيرتنا و عشـرة العمـر بيننا أحنا و أبو عبدالعزيز و أهلـه .. والله مـا يصير نرفض عشان سبب صغيـر مثل هـذا!!
جيرانا ثقـه و أن شاء الله انهم بيحترمونها و يقدرونها .. و فرق القبايل مـا راح يأثـر بعوايدنا و تقـاليدنا لأن ........

"قـاطعه أبو سطام بعصبيـه": بـس أسكت أنت صرت مثل أمـك .. خلاص أنا قلت رايي ولا احـد يغيـره ..

"كـل هالنقـاش و صـالح مـا زال ينـاظرهم و مصــــدوم ومـا فيه بين عيونه إلا (أخــوه و صـديـق عمـره) وش حـاله لـو عرف بالرفـض..؟؟
تـم ساكت و مـاسك نفسه لأنه متـأمل بالنهايه أن أبـوه راح يغير رأيه.. و يصير نقـاش عـادي يحصل بأي خطبـه و بعـده يتم الـموضوع على خيـر"..

"سطام بهدوء": أخاف يزعـلون جيرانا من بعدها و يفهمون الرفـض بسبب عيب بـ عـمـر..

أبو سطام: عمـر مـابه بلاء رجــّال شهم و أخلاقه عـاليه بـس كلن يآخذ نصيبه بهالدنيا،،
ومـا يزود عن مشـعـل ولـد أخوي بـشي والله يكتب اللي فيه الخـيـر..

"رفـع سطـام حاجبه بـ تعجـّب": وش دخــّل مشعل بالـموضـوع؟؟

أبو سطام: مشعـل بكره يجي للريـاض مع أهله و يخطــب وتيـن .. أنا كـذا أتفـقـت مع عمــّك .. مـابي بنتي تطلع برا الجمـاعـه ..

"صــرخ صالح بصوت عـااااااااالـي و هـو يفـز من مكانـه": لااااااااااااااااااااااااااااااااااااااااااا .. لااااا مستحيييييييييييييل خـربتـوهـا بـزيـااااده أنت و عمـي ..

أبو سطام: يـا ولد وش بلاك أنـت؟

"قـام صالح و ضرب المركا اللي بجنبه برجله بقهـرررر و صرخ بصوت أعلـى": الله يبلاني و أفتـك من هالتخلــّـف اللي عـايشين فيه!!
ترفض عمـر عشان الـزفـت مشعل !! و عشان وتين مـا تطـلع برا الجمـاعه من زين هالجماعه عشان تحـذف بنتك عليهم..

"أبو سطام بـ عصبيـه": أنـا أبـوك ماني واحد من أخوياك تصارخ قـدامي سمعـت ..

"قـام سطام وهـو يمسـك صالح و يحـاول يهـدّي منه ": صالح تعوذ من الشيطـان ترى هـذا مـو أسلوب ..

"صالح وجهه أحمـر مـن القـهـر": ولا الـلي يسـوّونه أسلـوب! تبـون تقـضـون على صـداقـتي أنا و عمـر عشـان مشعل و أهلـه و عـادات و تقـاليد متخلفه و مريضه ..

أبو سطام: صالح الله لا يصلح أبليسك .. أنـت وش جايك على عمـامك هاه؟

"صالح بتهديد": إن تـزوجت وتين مشعلـوه هـذا والله والله لا أخلي هالـزواج بيني وبينكم ..

"أبعـد سطام عنه بقـوه و طلع من الدوانيه وهو معصــّب ولا أهتـم لـ ردّة فعل أبـوه اللي تضايق ولا عـرف كيف يقنعه"..




___________________________________





"وقـف صالح عند باب الشـارع وهو يتلفت و يآخـذ أنـفـــــــاس .. يحـس نفسه مخنـوق بالرغـم من الهواء اللي يتنفـسـه..

فكـّر يروح لأصدقـاءه يجلس يفضفـض لهم و كل همـّه مـا يواجه عمر.. بـس رجوله خانته و مشى لبيته بـدون مـا يشعر ..
ضرب الجـرس و أسند جسمه على الجـدار ينتظر أحـد يفتح لـه ..

فتـح عمـر الباب ولـما شـاف صالح أبتسـم و صار يرحـّب فيه بحمـاااااس غير عـن كل مـره"..




© جيتـك وفــــآ ، يــا دربنـا اللي جمعنــا
و جلســت بك والعيـن مـا جـفّ مـاها

يـامـا شريـنـــا بــ الأمانــي و بعنــا
و أحلامنــا اللي غيـرنا مـا قرآهــــا

و اليــــوم .. ضعـنــا إيــه يـآ درب / ضعنــا
والنفـس يــا " عمــــر" .. زايـد عنـاهـــا ©



"عمـر وهو يجلـس مع صالح بالـدوانيه": وش فيـك يا أبو صلوووح أحس أنـك مـو رايق ..

"صالح وهو يصـد عنه و ينطـق بـ ثقـل": متضــايـق و طفشــااااان ..


"قـام عمر و راح شغــّل الـــTV‏ و حـط على قنـاة وناسه و كانت فيه أغنية سريعه طربيه ..
رفع الصـوت ع الآخر و وقـف قبال صـالح وهو يرقـص ،، يتمايل و يسـوي حركات و منسجم مـع الأغنيه ..

قصـد هـالحركه عشـان صالح يروق و ينبسـط و ينسى همـّه ..
لكــــن صالح أنحبسـت دمـوعه وهو يتـأمله و بخاطره يقـوم و يحضنــــه و يعتـذر منه عـن اللي صـار مع أن مـاله ذنب أبدآ"..

"عمر وهو يضحـك": أبو صلوح راح أقـلـد لك رقـص أبو عطـا بعرس أخوي عبدالعزيز ههههههه..

"صـار يقلده عمر .. و صالح ينـاظره من بين الدموع و يضحك لا شعـوريآ ..
سكت فجـأه وهو ينسدح بالأرض و يصد بوجهه للجـدار عشان عمـر مـا ينتبه لـدموعه..

حـس أن هاللحظـه آآآآخـــــر أبتسـامه و آخر ضحكـه لـ عـُمــر .. وبعدها مـا يعتقد يشوف الفرحـه بعيونه لأن رفـض أبوه كسـر كل شيء حلو بينهم"..

"عمر وهو ينحني لـه يسأله بـ أهتمـام": أنت نعسـان..؟

"صالح بدون مـا يناظـره": أيه .. جيب لـي مخده و بطـانيه أبنـام هـِنا..

عمر: فيه خلاف بينك و بين أهلـك ؟؟

"صالح بضيق": لا تجيب سيرة أهلي تـرى أتنكــّد زياده .. أتركني لحالي يـا عمر ..

"تنهد عمـر": أبشر .. بروح أجيب لك اللي تبيه .. أهـم شي تنام و أنت مرتـاح..

"طفـى عمر الضوء و سكر الباب و طلع يجيب لصالح فراش ينام فيه..

صالح نزلـت دمـوعه اللي حابسها من لحظـة كلام أبوه .. أنقهر مـن ضـُعفـه و قلــّة حيلته لأن الـموضوع طـالع من إيده ولا هـو قـادر يتصرف ..

بلحظه و بكلمة أنفـك و تبعثر كل اللي بينهم .. و كانت هاللحظه أشبـه بالنهاية و يــــــا ربْ مـا تكون هي النهايه.....

نـام صالح وهو يتمتم و يدعـي:

يــــارب ..
يا رحيــم .. يا غفــور ..
أتوسل لك بأعمالـــي .. و بطيبة قلبــي .. و تسامحـــي .. و محبتي لغيـــري ..
أنك ماتفرق (بيني وبينـــه) وتجعل دربنا كله رضــــا وسعاده ..

يــــارب ..
أنت جمعــت قلوبنـا على الخيـــر ..
ولا تفرقنا إلا على الخيـــر"..



>>>>>>>>>>>>>>>>>>>>>>>>>>>>>





يــــوم الأثنيــــن

9 جمــــادى الآخـــر




دخلت أم سطـام لغرفة وتين عشـان تصحيها لأن راح وقتها كله نـوم ..

: وتين .. وتين ..

"فتحـت وتين عيونها ببـطء و تمتمـت": نعسـانه بناااام ..

أم سطام: قـومي الساعه 3 ونص ألحين .. فـاتك وقت الصلاة .. و بنت عمك أخذت كل أغراضها و راحت لأهلها و أنتي باقي نـايمه ..

"عقـدت وتين حواجبها بتسـاؤل": كيف راحت لأهلها؟

أم سطام: عمـامك هـِنا بالريـاض من شوي وصلوا و أجـّر لهم سطـام شقه قريـب من بيتنا ..

"فـزت وتين من فراشها وهي مبسـوطه": صـدق!!! ونااااااسه راح أفتك من أحلام .. كاتمـه أنفاسي من شهور مـا بغت ترووووح ..

أم سطام: قومي صلي و عقب كلمي ناديا أتصلت علي تبيك ضروري لأنك مـا تردين على جوالك ..

"طلعـت أم سطام و ألتفتت وتين على الطـاوله .. أخذت جوالها و تفـاجأت بالأتصالات و المسجـات اللي من ناديا .. فتحتها و قرأتها كلها":

(أتصل على صلوحي من أمـس لين اليوم و لا يـرد .. أخـاف للحين زعـلان علي؟)

( وتينوووه ردّي لا تحرقيـن لي أعصابي زيـاده)

(شفتـي نفسك علي يـا خاينه من بعد مـا خطبك أبو عمير .. هيييين يـا دبا أنتظري بـس نتقابل و أوريك شغلـك .. أجل أنا تسحبين علي ولا تردين؟)


"ضحكت وتين على المسجات": هههههههههه الله يهديك يـا ندوش لا شفت نفسي ولاشي .. اللي يسمعك يقول متعوده أسحب عليك ..

"نزلـت وتين الجوال و راحت لدورة المياه و بالها مشغول بـ صالـح .. غريبه مـا يرد على ناديا وهو اللي ينبسـط لما يسمـع صوتها أو يقرأ منها مسـج .. غريبـــه!!!!"



ــــــــــــــــــــــــــــــــــــــــــــــــــ ــــــــ



أبو سطام: مـا غريب إلا الشيطـان.. صويلح من طلـع على هالدنيا و هذي سواته الله يصلحه و يهديه ..

"فـارس وهو مـاسك جوال جده": أتصلت خمس مـرات و جهازه مقفـل ..

"أبو سطام وهو معصـّب": أتصل عليه من جوالـك أنت .. هالولد مـا يرتاح إلا لـما يسـوي اللي براسه و يفشلني عند عمه ..

فارس: نفـس الشي يا جدي لـو أتصلت من رقمي أو رقمك راح يطلع مقفـل ..

أبو سطام: لاحول ولا قـوة إلا بالله .. هالولد وين راح راحت روح عـدوّه..
لازم يجي يسلـم على عمه و يتحمـّد له بالسلامه لكنه ولــّى ولا أدري وينه ..

"فـارس بتردد": هـو زعلان عليك؟

أبو سطام: عمره لا رضى .. يبي غصـب أوافـق على عمر و أزوجه وتين .. كل شي لازم يصير بمزاجه..

"طيـر عيونه فـارس وسأله لا شعوريآ": أنت رفضـت عمـر ؟؟؟؟؟؟


"دخل سطـام الدوانيه وهو تعبان و مرهـق": يبه متى آخـذك للحراج تشتري الذبـايح؟

أبو سطام: خلها بكره الصبح أنت الحين أرتاح .. مـا قصرت يا ولـدي بيضت وجهي عند أخوي أبو مشعل .. والله أنك أحسن من المـروح صالـح ..

"تنهد سطـام وهو يجلـس": صالح دايم مـا يقصـّر معك ولا قـد عصى شـورك بس هو زعلان من كلامك أمـس ..

"أبو سطام وهو يطـلع من الدوانيه": يزعل و يرضى بكيفه .. مـا يمشي رايه علي ..

"جلـس فارس قبال سطـام و يسأله بحيره": صـدق اللي قـاله جدي؟ أنه رفض عمـر..؟؟؟

"سطام وهو يرمي شمـاغه بـإهمـال و يفـك أزارير ثوبه": أيه صـدق .. يـا ربْ تعـدّي هالسالفه على خير والله أني مـن أمس وأنا متكـدّر و متضايق منها..

"أنقهر فـارس": طيب ليييييييه؟ حرام والله أن عمر طيب و كريم ولـه جمايل علينا .. الرجـّال مـا فيه أي شيء ينرفـض ولا تلقـون أحسن منه لـوتين ..

سطام: أنـا من رأيك و أمي و صالح بعد_ بـس أبوي له رأي ثاني و عجزنا نقنعه .. خـلاص ألحين عمامي وصلـوا للرياض ولا يمدينا نغيـّر شي بالموضـوع ..

فارس: وش دخــّل عمـامك؟

"سطام مـا يبي يقول لـه عشان مـا ينصدم أكثر": فـارس أجـّل الكلام لـوقت ثاني ..

"فـارس بإصرار": أسألـك بالله تقول لي .. أنـا واحد من هالبيت و مـن حقــّي أعرف..

سطام: أكيد من حقـك محد قـال غير هالكلام بـس .......
"سكت ثواني و كمـّل" بس مـا أبيك تجيب لـوتين سيره..!

"فـارس خنقـتـه العبره و عرف أن وجـود العـم أبو مشعل و أهله عشان وتين": بـس يا خـالي لا تكمــّل .. مـا أبي أعرف ليه ..
الله يسـامحه جده .. هـذا اللي أقـدر أقوله..

"قـام و طلع بسرعه .. و تـم سطام متفـاجأ منه لأن مـا قال له شي بخصوص مشعل و وتيـن!! بـس فـارس كان ذكي و لـمـّاح فهمها من جـو التوتر اللي صـاير في البيت"..


ــــــــــــــــــــــــــــــــــــــــــــــــــ ـــ





 
 

 

عرض البوم صور yasmine   رد مع اقتباس
قديم 24-01-10, 06:46 AM   المشاركة رقم: 64
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 





وفـي شـقـة أبو مشعــل ,,



كانت أحلام جـالسه بالصاله و تسولـف مع أمها..

أحلام: تخطبـون وتين لـ مشعل أخوي؟
لأ.. وتين مستحييييييل توافـق.. و هـذا أنا أقولها لكم من هالحين لا تخطبونها و تحرجون نفسكـم .. عمي مـا يصبر عنها ولا يرضى تترك الريـاض و تسكن بالقريات..
وهي طموحها إنسـان راقي و ذوق والله مـا تناظر بـمشعل ولا تفكـّر فيه مجرد تفكير ..

"عصـّبت أمها": و ليه مستحيل .. تحمـد ربـّها و تشكره لأن ألـف بنت تتمنى مشعل..
و بعدين أبوها هـو اللي كلم أبوك يخطبها لـمشعل عشان مـا تطلع برا الجماعه..

أحلام: أهـااا .. يعني كل هـذا عشان عمـر مـا يتزوجها!! ألحين فهمت ..
بـس ليه عمي أختار مشعل بالـذات؟ يعني يقدر يرفـض بدون مـا يزوجها أحد..

أم مشعل: أخوك أصـلآ ناوي يتزوج و كنا ندور لـه من بنات القريات بـس جت هالسالفه و جابتنا للرياض عشان وتـيـن..

"أحلام بـخاطرها": كفوه يـآخذ من بنات القريات أجل وتين الـمدلـله و الـمدلعه تصير من نصيبه.. المشكله أنه مـا يطيقها كيف وافـق يتزوجها؟

"نسـت نفسها و صارت تفكر بصوت مسمـوع": معقوله أبوي أجبر مشعل يآخذ وتيـن؟

"عصبت أم مشعل زيـاده": أخوك مهو بنت عشـان ينغصـب ..
أنتي وش بلاك تقـل إنه مو عاجبك و طـايح من عينك؟

"أنخرعت أحـلام": لأ بالعكس عاجبني بـس أنا عشت شهور مع وتين و عرفـت شخصيتها و طبيعة حياتها .. مـا تنفع لأخوي مشعـل أبدآ ولا راح تعجبك إنتي بعد _
لأن البنـت "مدلعـه .. مـايعه .. مغـروره .. تحب الحرية و تعشق الـراحه"..
فما بالـك لو تتغـرّب و تسكن بالقريات و تعيـش بغرفه وحـده في بيتنا و تساعـدك بشغل البيت... والله أنـك تخدمينها إنتي ولا تخدمـك بشي من البرود اللي فيها..عشـان كذا أقولك أنها مـا راح توافـق ..

أم مشعل: أن تزوجت مشعل تنسى هالـدلال كله .. الـمره السنعه و الفـاهمه هي اللي تطيع زوجها و تصبر عليه عشان ربـّي يرضى عليها ويوفـقها بحيـاتها ..

"أحلام بخـاطرها و بأستهزاء": أيه هيييين لسه مـا عرفتوا وتين عـدل .. والله لا توريكم نجوم الظهر و تمشــّي الكل على هـواها ..
يالله نصيبها .. بـس أهم شي أنها مـا تآخذ عمـر ..!! تمنيت زواجهم مـا يتم و تحقـقت أمنيني ..


"كل النقاش اللي دار بينهم سمعـه مشعل لأنه كان واقـف عند باب الصاله بـس مـا أنتبهوا له .. قـرّب لهم و جلس بجنب أحلام وهـو سـاكت يفكر بكلامها ..

كان حـاس أن وتين تبادله مشـاعر الكـُره و ألحين تـأكد..!! و كل هالعداوه اللي بينهم بـسبب مواقـف قديمه و صغيره مـا تستاهل أبدآ بـس مشعل عصبي و وتيـن عنيـده..
و ألحين بعد صـارت واقع بحيـاته أحتار كيف يقدر يتعـامل معها و يمحي كل ترسبـات الماضي " . .




>>>>>>>>>>>>>>


>>>>>>>>>>>>>>



: غـطــّي وجهك؟

وتين: تقصـدني أنا؟

مشعل: هـو فيه أحد كـاشف غيرك!

وتين: مـا تعوّدت أتغطى لأني لسه صغيره بـ ثالث متوسط مـا بعد كبرت عشان أخنق نفسي بالغطـاء ..

" ألتفت عليها مشعل لأنها كانت جالسـه وراه بالسياره و رد بإنتقـاد": حلوه ذي صغيره .. مـا علموك أهلك أنك كبرتـي؟

"وتين وهي تتأفـف و تتحاشى تنـاظر فيه": أففف لأ .. أصلآ بابا يقولي سـوّي اللي يريحك ..

"مشعل بنظـرات حاده": أقـوووول غطي وجهك مثل البنات اللي معـك وإلا إنزلي من السياره .. مـافي داعي تروحين للحديقه و تسـوّينا مسخـره إنتي و وجهك اللي مـا تعـوّد على الغطـا ..

"سحبـت وتين الطرحه و رمتها على كتوفها .. و نفضـت شعرها عشان تقهـره": شوف شعري بعد إذا مـو عاجبك .. و هـوّنـت مابي أروح معكم ..

مشعل: قـلعتك ..


"نزلـت من السياره و سكرت الباب بقوه و راحـت تصيح عند أمها ..
على الرغم من صغر سنها إلا أنها قـويه و تدافع عن نفسها بجرأه بـس بالنهاية تضعف و تصيح لما تشوف أحد من أهلها " . .


>>>>>>>>>>>>>>


>>>>>>>>>>>>>>



: مشعل .. مشعل .. مشعل ..

"أنتبه لـنفسه مشعل و بسرعـه رد ": هلا يمه..

أم مشعل: وش فيـك سرحت ؟

مشعل: ولا شي بـس كنت أفكــّر ..
" ألتفت بجنبه وسـألها " : إلا أحلام وينها من شـوي وهي جالسه ..

أم مشعل: راحت تسوي لـك قهوه ..




¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤



: كل شي بالدنيــــا نصيب .. و خـِـيره من رب العالـمـين ..

"أم عبدالعزيز و هـي تكلم أم سطـام بالتليفون بوجـود بناتها ريناد و داليـا و ترد بـ ضيـق": صـادقه يا وخيتي كل شي نصيب و خيره .. الله يكتب لهم الخير و يوفـق كل واحد منهم بـحياته الجايه ..

أم سطام: مـا نبي هالـموضوع يأثر بعلاقتنـا .. ترى أنتم عزيزين و غـالين علينا ..

أم عبدالعزيز: لا يا أم سطـام مو معقوله ننسـف هالأيام الحلوه اللي بيننا عشان خطبـه! ولا يهمك مـا نزعل من بعض ..
الله يوفق وتيـن و يسعدهـا مع ولد عمها اللي بتتزوجه و يرزق ولـدي عمـر بنت الحلال اللي ترضيه و تسعده ..

أم سطام: آمين .. سلمي على البنات .. فمان الله..

"سكرت أم عبدالعزيز الجوال و سرحت تفكر بـ عمـر كيف راح تقول لـه.. لأنه متحمـّس للزواج و راح تـحبـط مشـاعره رفضهم لـه"..

"ريناد وهي تنـاظر أمها و صوتها يرتعد من الصـدمــه": هـذي من جدها تتكلـم !!! كذا بسهوله يرفـضـون عمر ؟؟
مـا توقعتهم بالحقـاره و النـذاله ذي.. طيب لييييه!! وش شـافوا علينا شين عشـان يرفضون؟

"أم عبدالعزيز و تحاول تفهمها": أبو وتين بـس اللي رفض و إلا أمها و أخوانها مـوافقـين.. لأن مـا يبي بنته تطلع عـن الجماعه..

"ريناد بإنفعال": طلعـت روحه أن شـاء الله من مكانها .. هـذا مـا يحس مـا يفهم أن عصر الجاهليه أنتهى مـا بقى أحد يفكــّر بهالطريقه..

داليا: مـا يصلح يجبر بنته على الزواج مـن ولـد عمها .. المفروض يترك لها حريـة الأختيار ..

ريناد: أخاـف أن أبوها كبـر بالعمـر و خـرّف .. لأ .. والله أن وتين اللي راح تنـجن و تنجلـط لـو تزوجت ولـد عمها..

أم عبدالعزيز: يا بنتي عيب تتكلمين عـن الشايب كذا .. مهما كان تراه جـارنا و لـه أحترامه و قيمته ..

داليا: مـا أظن بقى أحترام يـا يمـّه بعد اللي صار .. هـذي إهـانه لنا و لأخوي .. عمر راح ينكسر خـاطره لـو عرف أن وتين بتصير من نصيب غيـره ..

"مـا تحملت ريناد صـارت تصـيـــح و راحت تركض لـغرفتها ..
دخل عمـر و شـافها و سمع صوت صياحها .. سلــّم على أمـه و داليا و جلس و على وجهه الحيـره "..

عمر: وش فيها رينـاد تصيـح؟

أم عبدالعزيز: مـا فيها شي تتدلـع ..

"ألتفـت على داليا لقـاها حاطـه إيدها على خدها و وجهها أحمر و عيونهـا تلمع فيها الـدمـوع"..

عمر: وش فيك أنتي الثـانيه ودّك تصيحين بعـد ..
يـا جماعه علموني وش صـاير الأجواء مـو طبيعيه أبدآ أحكـوا لا تقلـقـوني ..

" أنفجرت داليا بالصياح و راحت للغرفـه تتحاشى تشوف انكســــار عمـر لـما يعرف الحقيـقـه"..

"عمر بـ توتـّر": وش فييييييكم أحـد متوفـي لا سمح الله و أنـا مـا عندي خبر ..

أم عبدالعزيز: لأ بسم الله علينا .. بـــس ........

عمر: بـس أييييييـش؟

أم عبدالعزيز: أم سطـام من شوي أتصلـت و تقـول أنهم مــــو موافـقـين على خطبـتـك لـ وتـيـن .. لأن البنت محجـوزه لـ ولـد عمها ..

"عـمـر مـــا أستوعب الكلام و رجع سـأل أمه بـ همـس": بـس إيش؟

"أم عبدالعزيز عرفـت أنه أنصــدم و صارت تهـدّي منه": يـا ولدي نصيبها و الله يرزقــك بأحسن منها ..


"سكــــت عمــــر ..............



















مـرّت ثواني وهـو ســاااااكت بدون مـا ينطق بـ حرف ..
ينـاظر أمـه و يشـوف شفاهها تتحرك بـس مو سـامعها وش تقـول ..

حس أن ( حلمــــه ) هـو اللي توفـــّـى و خواتـه يصيحون عليه و أمـه تعزيـه ..
باقـي ( صاحب الحلــــم ) يحاول يواسـي نفسه ولا هـو عـارف طريقـه ..

وقـف عمر بهدوء و طـلـع من البيت وهـو يسحب رجولـه تسحيب ..
ركـب سيارته وهو ينـاظر بيت وتيــــن .. مـا كانت نظـرة حقـد و لا كــُره و لا عطـف.. كانـت تسـاؤل و أستفهـام و بخـاطره يسألهم ( لــيـــــــه ) ؟؟؟؟ " ..




ــــــــــــــــــــــــــــــــــــــــــــــــــ ــــ



 
 

 

عرض البوم صور yasmine   رد مع اقتباس
قديم 24-01-10, 06:47 AM   المشاركة رقم: 65
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 





وتين: لأني مستحـيييييل أوافـق على مشعـل ..

" وقـفـت وتين قبال المرايه تزين شعرهـا ومـا أهتمـت لكلام فـارس اللي واقف جنبها ولا هـو عـارف كيف يثبت لها صـدق اللي قـاله لها "..

"فـارس و خانقـتـه العبره": وتين أنا مـا أكذب عليك والله أن اللي قلته لـك هـو الحقيـقـه .. أطلعي بـرا الغرفه و شوفـي جو التوتـر اللي صـاير ..
صالح تهـاوش مع جـدي أمس و طـلـع من البيت ولا رجـع .. و سطـام معصــّب مـو طايق أراء جدي الغريبه .. و جدتي متضـايقه مـو متحمله تناظر بأحد أو تنطـق بحرف من القـهـر اللي فيها ..

" تسـارعت دقــّات قلب وتين من الخـوف و ألتفت عليه وهي تـآخذ أنفـاس ومـا زالت متوتره": أنت أصـــلآ مـا تسمــــع عدل و شيء طبيعـي أن كل اللي يوصل لأذانـك غلـط ..
الظـاهر أن بطـارية سماعـاتك طفـت أو أن السماعات كلها خربت .. روح تـأكد لا تجيب لـي كلام من راسك ..

فـارس: مـا راح أزعل منك لأني مقـدّر وش كثر هـو واقع قاسي عليك ..

"وتين وهي تهدده بإيدهـا و اللي ترجف بقـوه": لا تقـول واقع .. هـذا خيالك و خيال أهلي .. أسكـت وإلا أطـلع بـرااااااا ..

"فارس بـيـأس": مـا راح أسكت ولا أطـلع .. و خذي مني الحقـيقـه قبل تسمعينها مـن جدي بكـره..!
(زواجـك من مشعل) شي أكيد .. و رفضكم لـ عـُمـر بيكسر أشيـاء كثيييييييره مـا تنجبر ولا تتصلح طــول العمـر ..

" أخـذ نفـس طويل و كمـّل بحســـره " : تنكسـر الجـِـيره بين أهلـك و أهلـه .. و تنكسـر الصـداقـه بين عمـر و صالـح .. و ينكسـر (الـحــُــب) اللي بينـك و بينـه ..!!!

ولا تظنـين أني مـاني حـــاس بمشـاعرك .. والله أدري أنك تموتيـن عليه و كنت سـاكـــت و أسـوي نفسي مـا أفهـم لأني أدري فيك خجولـــــه مثلـــه ..!!
تعبـرين عـن حـُبـك لـه بـ إبتسـامه لا مـــر طـاريه .. وهـو مثلـك يعبـّر عن حـُبه بـ قصــايد يكتبها على الجرايد أو يرسلها لجوالـي عشان تقرأينها ..
والله حسيـت بخجلكـــم و حبيتـــه و أحترمتـــه و كنت أدعي مـن قلبي أن ربـّي يجمع قلـوبكم على خير ..

بـس مـا دريت أن مجتمعكم لهالدرجه مـا يقـدّر !!!!
مـا دريت أن المفـاهيم راح تنقلـب بهالسهوله .. الـردي له حـظ و الطيـّب تضيع حقوقه ..
ياما و ياما وقـف معنا عمـر و سـاعدنا و خدمنـا بـ طيبة قلبـه و أخلاقه .. و كل هـذا مـا شفع لـه عند جدي؟ تركه على جنب و تمسـك بعادات و تقـاليد عفى عليها الزمان ..

"كان فـارس يتكلم و وتين جالسه على سريرها و حاطه أيدينها على رأسها و ترجف ..
سكـت بعد مـا قال كل اللي بخاطره و قرب منها وهو يناديهـا ومـا ترد ..
مسكها من أيدها لكـنـهــا أرتخت و أنسدحـت وهي مغمـى عليها"..




~~~~~~~~~~~~~~~~~~~~~~~~~~~~~



(أن الهاتف الـمطلوب لا يمكن الأتصال به الآن .. نرجو محاولة ..........)


" قفـل عمر الجوال وهـو يضرب الدركسون بقـوة ..
مـن طلع من البيت وهو يتصـل على صالح و يلاقي جهـازه مغلـق .. تعب وهو يتمشـّى بشوارع الريـاض و يفكــّر .. بخاطره يشـوف صالح و يفهم منه وش القصـه ومـا يبي يشوف أي أحـد غيره ..

أتصل على جوال أبو عطـا يسأله عنه مع أن مـا ودّه يسمع صوت أحد ولا لـه نفس يتكلم"..

: هـلا أبو عمير ..

"سـأله عمر بدون مقدمـات": صالح عندك؟

أبو عطا: يـاخي سلــّم بالأول ..

عمر: مـا عندي وقت بسرعه جاوبني..

أبو عطا: أيوه عندي بالبيت و جالـس معي ألحين..

عمر: قـلـّه يلحقني للمخيم ضـروري أبي أقـابله قبل مـا أسـافر ..

أبو عطا: تسـافر؟

" قفـل عمر بوجهه و حـذف الجوال قدامه وهو يتنهـد "..




=============================



وفي شـارع ثاني من شـوارع الرياض ,,


كان سطام يسوق سيارته بسرعه كبيره عشان يسعـف وتين اللي منسدحه بالمرتبه الخلفيه و معها أمها ..

"سطام بحيره": وش فيها تعبت فجـأه و أغمى عليها .. هـي مـا كانت تشكي مـن شي !!

" أم سطام بخـوف": يـا ولدي لا يكون سامعـه خبر شين ومـا تحملت .. ترى أختك حسـّاسه و أي شيء يضـيــّق صـدرها ..

" ألتفت سطام على فـارس اللي جالس بجنبه و سألـه بأهتمـام ": أنت كنت عندها بالغرفـه وقتـها.. علمني وش سمعـت و وش قـالت لك..

"صـد فارس للشباك و نطـق بـ ثقـل": وتين عرفت أنكم رفضتـوا عمـر ..... و راح تجبرونها على مشعـل !!!

" عصــّب سطام و ضرب فـارس بقوة من كتفه و قـال بإنفعـال": ليييييييييييييه علمتهــاااااااااااااااااا !!!! أنـت مـا تفهم؟
حنا كنا نبي نقولها بطريقه أحسن بحيث أنها تقتنـع ولا تزعـل ..

"رد فـارس بصوت عالــــي": لـو تكلمها بكل الطـرق مـا راح تقتنـع!! مــا ترضى بمشعل .. أنتـم اللي مـا تفهمون وش خطـورة إجبارها على أنسـان مــا تبيه..
خلااااااص أرفضـوا عمر بس أتركوهـا تعيش حياتها مرتاحه مـو ضروري تندفن بهالزواج !!!

"سطام تفـاجأ من كلامه و قـال وهو يصـر على أسنانه": فـااارس .. أسكت ولا تتكلم بهالموضوع أبد سـامعني!! خلها بس تقوم بالسلامـه و نتفـاهم ..

فارس: مـا أظن فيه سلامه بعد هالخبر اللي سمعته ..

"سطام بحده": فـارس! و بعدين معاك؟

فارس: ياليت تكون نهاية هالموضوع على أيدك .. أعتبرها ( بنتــــك ) و تهمـّك راحتها و سعادتها.. لا تصير سلبي يـا خالي لأن شرهتهـا عليك بتلاحقـك العمر كله .. أنت الكبير و لـك .........

"قـاطعــه سطام وهو يضرب كتـف فارس مره ثانيه لاشعـوريآ من قهره على نفسه": بـس خلااااااااص ..

أم سطام: يـا فارس أسكت مـو وقته تتكلم بهالموضوع .. أدري أنـك متضايق عشان خالتك بـس مـا بيدنا شي..

"سكت فارس وهو يعض شفايفه يمنـع نفسه يفضفض أكثر .. مـا تضايق من تصرّف سطام معـاه لأن يعتبره ردّة فعل طبيعيه مـو قاصدها أبدآ.. بـس تم يفكر بالأيام الجايه وش راح يصير ؟؟ "..




٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪




وصــل عمر للـمخيـم و جلـس فـوق سيارته ينتظر صالـح ..
ناظر بإيدينه و بنطلـونه المليانـــه تــراب ولا نظـفهم ولا أهتـم .. وش الترتيب و النظـافه عند كســر خاطــــره ؟؟

مــرت نــص ساعــــه ومـا زال على نفـس وضعه يتأمل يشوف صالـح قبل يسـافـر ..
حـــس أن وجوده بــ (الريــــاض) بعد اليـوم راح يزيدها ظــــلام .. من ظـلام حظـــّه اللي خذلـــه!!!

ألتفـت على ضـوء السياره اللي جـاي جهة المخيـم ..
صــــد وهو ينـاظر بالأرض و بخاطره يبعـد حيرتـــه و يشجـّع نفسه و يقـول كل اللي يبيه .. يمكن يكـون آآآخــر لقــاء بينهم..!!!


نـزل صالح من سيارته و مشى لين وقـف قبال عمر .. نـاظره بنظرات متقطعـه و يحـاول ينطق بالسـلام أو ينـادي أسمـه و عجــز ..

كـان عمـر أجرأ منه بهذي اللحظه وهو يقطـع الصمـت بسؤال يلـح بداخله و يبي يعرف أجـابته ".....


عمــر: لـيــــــــه؟

" صالح وهو يمسـح على رأسه بـ توتــّـر": لا تسألني يـا عمـر ليه ! لأني مثلـك مـا أدري..

"عمر و بصـوت مليان ألــم": مــاحد مثلي يـا صالـح !
مـاحد مثلي أنطعـن و أنجـرح من أقــرب الناس لـه .. من أهـلــــه!!
شفنـي حتى و أنا مذبـووووح من داخلي أسمــّي ( أهـلـك ) بأسـم أهلي ..
أسمـي ( قبيلتي ) بأسـم قبيلتكم .. لأني عـمــــر ولدكــــم !!!!
ومـع ذلك أسألـك ليــــــــه؟
ليه رفضتونــــي لـ سبب مـالي ذنب فيه !!
ليه حطــّمـتوا أحلى حـلـم بـ حيــاتي .. حلم أنتظرتـه من سنين !!
ليــــه؟

صالح: عمر أرجـوك لا تلـومني .. تـرى أنا مثلـك مصدوم و أنت بعينـك شفت حـالي لما جيتك للبيت طفشــان و متضـايق لأني تهاوشـت مع أبوي .. حتى دموعي اللي مـا تنزل بالسـاهل نزلت أمـس من القهر!
مـا دخلت بيتنا ولا واجهت أي أحد مـن أهلي عشان لا أنصـدم أكثر ..
وكل همــّي ( أنـت ) يـا عمر والله أني حـاس فيك و بنفس الوقت مـالي حيله .. أبوي خطــّط و دبـّر و جهز كل شي حتى عمـامي الله يلعنهم جـو بسرعه ولا عطونـا فرصه نتصرف ..

"عمر بإستهـزاء": بــس كـذا ! فيك الخير والله .. يوميـن و ثلاث تمـر عليك و تنسى و ترجع تعيـش طبيعي .. و أبوك مصيـره يقنـع الكـلّ و ترضون بالواقـع ..
لـكــــن أنـا شلـون أبنسـى و أرضـى ..؟
أنـا إنسـان لي مشـاعري و أنفعـالاتي و مـو بكل مـرّه أقـدر أتحكم فيها .. مـو كل مره أسكـت و أصبـر و أســامح !!

"صالح : أحلف لـك بأيش عشـان تصدقني يـا عمر والله والله أني مذبـوح من داخلي و ميــّت قهـر .. ليه تحسـّسنـي إني راح أنسـى؟ وش أنسى و أنـت اكثر إنسـان قريب مني و تعـرف قلبـي و تفهم شخصيتي !!
مـا تهون علي أخـوّتنا و صداقتـنـا والــ 20سنه اللي بيننا مــا تهـوووون..

عمر: دام هانت الجــِـيره عند أهلـك راح تهون عليك .. أنـت تعرف وش معنـاته أني أنـرفـــض ؟
يعني أنـا أسوء شخص بالدنـيا!
يعني أنـا شخص ما أشرفكـم!
يعني أنـا ما أنفـع أكون صديقـك!

" كمــّـل كلامه و هو ينزل من السيـاره و يعطي صالح ظهره و بهاللحظه أنهمـرت كــــــــــل الـذكـريـــات عليه " :
تذكـر لـما كنت أكتب على الجرايـد قصــايد و أقولـك يـا صالح أبي أرتــــاح/ تسـألني: وين التعـب عشان تـدوّر على الراحه؟
كتـاباتي كانت توحي لـك أني عـاشق للشعر و بـس ..
و تذكـر لـما كنت تسـاويني معاك بالحــُـــب! تقولـي: لا أنـا أحب ولا أنت تحـب ؟
شخصيتي كانت توحـي لك أني عفوي و طيـّب و بـس ..
و تذكـر لـما كنت متفـاجــــأ من تفكيري بموضـوع الزواج بأني أختار شريكة حياتي من سمعـة أهلها و مبادئهم و قيمهـم ..
تفكيري كان يوحي لـك بأني إنسـان حالم و مـو واقعـي .. !!!!

" أخـذ نفـس طـويـــــــل و قـال بصوت مخنـوق فيه الصيـحـه ": مــا أقـوى من صدمتي بالـرفــــض إلا صدمتـي فيك يـا صالــــح ..!!
مـا كنت تفهمنـي ولا تحـس .. ولا كنت تشجـّعني أتكلـم و أفضفـض لـك عن اللي بخـاطري..
وصلـت مشاعري معـاك لحد الغــُربـــــه تجـاهـك و ذبحني خجلي و أحترامـي لـ شخصيتـك و تفكيرك ..

يـــا خســـاااااره ..
مــا تعرف قـلـب عمــر!!
و ألحين راحت عليك ولا يمـديك تعرف .. لأن (عــرق بـ قـلـبي) أنقطـع .. و إذا أنقطــع العـرق يمــوت القـلـب ..
مــات كل شعـور حلو بداخلي لـما أنرفضـت! خذلـوني أهلك يـا صالـح خذلــوووووني..

" كان صالـح يسمعه وهو منزل راسـه للأرض و مكتـف يدينه .. مـا يدري بأي طريـقـه يفهمـه أن مـاله علاقـه باللي صـار .. تكلــّم بيـأس" : المفـروض مـا تربط صداقتنـا برفض أهلي لـك .. لا تظلمني يـا عمـر ولا تحمـّـلني ذنـب غيري..

" عمـر بتأكيد ": كل الذنـب بأهلـك! و أسـمـح لـي : أنــت مـنـهـــم !!!!!

" أنـذبـــــح صالح عند كلمتـه .. ألتفـت ينـاظره مثل المجـنـــون يبي يتـأكد أن اللي يتكلم هـو نفسه عمــر حبيبه و صديقه و نصفـه الثـاني ؟؟؟ ..
تحمــّل كل اللي سمعـه منه و مقـدّر له أنها لحظة إنفعـال و أن عمـر بشر حاله حال غيره لـه أحاسيسه و مشـاعره ..
بــس كلامه صـار يجرحه و يزيد حقـده على اللي حولـه لأنهم قضـوا على [أحلى علاقـه صـادقه] تجمع بينه و بين عمــر من الطفـوله للمراهقـه للشبـاب"..

" مسـح عمر عيونه بـأطراف أكمـام بلوزته و مشى لجهة سيـارته بدون مـا يلتفت على صالح و قــال له بأهتمـام": مــا أوصيك أنتبه على خطيبتـك ناديا و حطــّها بعيونـك لأنها كانت حلم لـك و تحقـّق و أنت تستـاهل كل الخير ..
ومـا أوصيـك على (وتـيــن) تراها ضعيفـه محتـاجه لـك و مالها ذنب و حيله بـ حكـم أهلـك عليها..

" أختفى صوتـه لما تكلــّم عن وتيـن مـا قدر يكمـل لأنه خنقتـه العبره..
نســاهـا لحظات وهو يعـاتب صالح لكن مستحيل ينسـاها العمــر كله..
رحم ضعفها و قـدّر مكانها بالمجتمع بأنها (بنــــــت) مـا تقدر تختار و تقـرّر و ترفض على كيفها.. ولا تقـدر تخونه و تنســاه وهذا اللي كـان واثق منه أكيد..!!

ركـب عمـر سيارتـه و شغـّـلها .. نــاظر صالح نظــره أخيـره قبل يمشي و شــاف الأنكسـار باين عليه ..
عجـز يسـامحه أو يقتنـع بأن صداقتهـم مـالها علاقه بجيرتهم .. لكـن مثل مـا أنربطـت خيوط المحبه و التـآلـف بين هالعائلتيـن!! أنفـك أول خيوطها بالرفـض و أنفكـّت معها أول خيوط ( الـصـداقــــــــه ) بينـه و بين صـالــح "..



© لا هـنــت يــا وقـت الشـقـا حيييل لا هنـت
لـو أن مــا فيني لـ الأوجــاع .. طــاقـه

شـربــْت من كـاسـك ألــم ألــييين [ آمـنــت ]
أن الوفــاء هـ الـوقــت .. ( أكـبــر حمــاقـه )

مــا لنـت ، لكن للحــزن لـ الأســف لـنـت
و أكبــر جـروح القـلــب .. * جـرح الـصـداقــه *

عــادي أبرحل و أعتبرنـي .. ولآآ كـنـت ..!
مـنـّي لـ قـلـبـك ( ألـف وردة و بـاقــه )

يـــا وقــت أشهـد إني مـاشـي .. ولآ خـنـت .!
وافــي معه حـتــى بـ لـحـظــة فـــــراقـــــــه ©



,,


,,




,,







×× نهايــــــة البـــارت الــــرابــع عشــــــــــــر ××





 
 

 

عرض البوم صور yasmine   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ياغلاتك بقلبي يانصيب الغير قصة مكتملة, قصة للكاتبة ام الظفاير مكتملة, قصص سعودية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:15 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية