ღ ياغــــلاتك بقلبي يـــا نصيـــب الغيـــــــر ღ لــ...•°أم الـظـفـايـــــــر•°.•.°.• - الصفحة 11

23-01-10, 10:30 AM

المشاركة رقم: 51

المعلومات
الكاتب:	yasmine
اللقب:	ليلاس متالق

البيانات
التسجيل:	Jun 2009
العضوية:	146369
المشاركات:	1,645
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : yasmine المنتدى : القصص المكتمله

روايــــــة...№[ياغــلاتـــك بقلـبـي يانصيب الغـيـــر]№

....¸•°أم الـظـفـايــر°¸•....

©الـــجــــــــــ الحادي عشر ـــــــــــــزء©

يـــوم الخمـــيــس
1 صفـــر

الســـــاعه 6 ونص الصباح

رجع صالح للبيت وهو تعبآن ومرهق لأن سهرآن عند عمر و مواصل من أمس مـا نآم..

دخل غرفته و رمى شماغه و ثوبه على الأرض بـإهمال..

قـرَب لـ سريره و تفـاجأ لما لقى فـارس نايم فيه .. ألتفت يمين لقى سعد نايم على الأرض..

"صالح و هو يتمتم بقهر": ضـــاق فيهم البيت مـا لقـوا إلا غرفتي؟ المشكله إني ما بعد تزوَجت و تركت هالغرفه عشان يستحلونها!!
قسم إنهم دلـوخ .. بس هييييين حسابكم معي بعدين..

طلع من الغرفـه و نزل الدرج و هو رايح لـ غرفتهم عشان ينـام فيها ..

أنصــــــــــدم لـما لقى وتين نايمه لحالها..

صالح: هذي وش جابها هـِنا؟ لا يكون صاير شي و أنا مـا عندي خبر؟

"فكـَر يصحيها و يسألها بس خـاف إنه يزعجها .. أخذ المخـدَة و البطانيه من سرير سعـد و راح ينام بالدوانيه و بـاله مشغول فيها"..

ــــــــــــــــــــــــــــــــــــــــــــــــــ ـــــــــــــــــ

بـعـد ســاعــات ..

صحت أحـلام و تمت بفراشها تفتح عيونها و تسكـَرها من قـوة الألـم .. تعبت من كثر الصيـآح لـدرجه إن الدموع بلـَلـت المخـدَه ..
و شبعت تهزيئ من مشعل و تمنـَـت تختفي من الـدنيا و ترتـآح منه ..

مـا أعتـقـها من التهديدات بإنه (يحرمها من دراستها بالرياض) إلاَ بعد مـا أخـذ منها وعد ترجـَع الجوال لـوتين ومـا تقبل منها أي هديـَه ..
وهي نفـَذت وعده و طلبته يتم هذا المـوضوع بينهم ولا يعرف فيه أهلها .. و صار لها اللي تبيه ..
بـس ظلـَت خايفه من توتـَر علاقتها مع وتين .. و تشوفها صعبه لمـا تكون معها بـ غرفه وحده و بينهم زعـل و جفـا مـا تدري متى نهـايته..!!!

هي غلطت بـ حق وتين و محتـآره كيف تراضيها و تعتـذر منها..؟

قـامت من سريرها بـ كسل بعد لحظات التفكير و أخذت لها شـور سريع ..
و توضأت و صلـَت ركعتين و تمـَت جالسه على السجـاده تصيـــح و تدعي ربـَها إنه يفـرج همـَها و يريحها من الضغـوط و المشاكل اللي تصير لها ..

رن جوالها و قامت وهي تشـاهق و تمسح دمـوعها اللي تنزل بلـَلت وجهها ..

(( نـهـلــــه
يتصــــل بك ..))

"ردَت أحلام وهي مـا زالت تصيح": نهله وينــــك؟

"تفـاجأت نهله": خير عسى ماشـر ليه تصيحين؟

أحلام: تكفيـن سـاعديني .. ترى مـالي غيرك ..

نهله: طيب تعوَذي من الشيطـان و أنا معاك لا تخـافين ماراح أتركك.. بس علميني وش فيك؟

أحلام: تعبـْت منهم تعبـت!!!!

نهله: ميـن هـُـم؟

§§§§§§§§§§§§§§§§§§§§§§§§§§§§§§§

: مشعـل و أحـلام .....!!!

هديل: أوب أوب مشعل مـرَه وحده؟ وش يبي فيك هـذا..؟

وتين: مـا أدري.. حـاقد علي يبي أصيـر مثل أخته أمشي بـ جنب الحيـط .. و الله يحمـد ربـَه ومـا يطـلع من جزاي طـول عمره لأني مـا علـَمت أهلي عن الكلام اللي قـاله لي!

هديل: يا ويلي شكله مهزأ فيك ليــن بكره .. طيب ليه مـا قلتي لأهلـك؟

"وتين بـ ضيق": لـو قلـت لأهلي بيآخذون موقـف منه و أكيد تخرب العلاقات بينا بـ سببي و أنا مابي تصير مشاكل ..
إذا صالح عـرف بـ يمسح فيه الأرض و العجـْره أقرب أسلـوب لـه بالتفـاهم .. و سطـام مـُسـالم ومـا راح يبرَد قلبي بـ تفاهمه معـاه ..
يعني أحسن لـي آخذ حقــَي بـ نـفسي ..

هديل: وش راح تسـوَين يعني؟

وتين: أخلـَي علاقتي مع أحلام رسميه وسطحيـَـه يعني مالي دخـل فيها تعيش مثل مـاتبي ولا أسمـح لها تشـاركني بـ حياتي و حتى بـ مشـاويري و طـلعآتي ما آخذهـا معي أبدآ !!!!

هديل: عـز الله راحت فيها البنت .. طـلع الوجه الآخر لـك يـا وتين ..

وتين: أنا أعـطي الشخص أكثـر من قيمته و أقـدَره و أحترمه بس لـما يـدوس لي على طرف أدوسـه كلـَه ..

هديل: أممم بقولـك شي بس لا تزعلين!!

وتين: سـمـَي..

هديل: أحس إنك قـاسيه معها بـ زيـاده وهي شخصيتها ضعيفه و مهـزوزه و الدليل إنها تحـاول تفرض وجـودها زيك و عـاجزه ..
ومـا أظـن أنها لهالدرجه شرَانيه و ممكن تـأذيك لأن اللي صـار أمس بسبب مشعل مـو بـ سببها و أكيـد إنها مـو راضيه عن اللي سوَاه ..
إنتي تفضـَلـتي عليها بـ أشيـاء كثيره و مستحيل تنساهـا لـك و تجازيك بالشـرَ مستحيل ..
يعني أعتبـري المشكله بينك و بين مشعـل وهي برا الـموضـوع .. مشعل متحـامل عليك من زمـان و أنتي ملاحظـه هالشي و هـذا كله من غـِـيـرته منـك ..
بـس مـا تدرين يمكن هـ الحقـد و الكـُره اللي فيه مـُجرَد إعجـاب مـُلبـَس بـ قسـوة!!! ترى الرجـال يحبـَون الحرمه اللي شخصيتها قـوية و يكرهون الضـُعف و قـلة الحـِـيله..
والله لـو إن أحلام شخصيتها قـوية كان حطـَها مشعل على راسه بـس مـا تدرين وش طبيعـة حياتهم بالقريات و ليه هـو يعاملها كذا .. وأحلام مـا تسولف لك شي أبـد صح؟
عشان كـذا أقولـك أعذري لها سـُوء تصرَفها ..
و أبعدوا عن بعض كم يـوم لما تتصـافى قلوبكم و ترتـاح نفسياتكم و ترجعون مثل أوَل و أحسن أن شـاء الله ..........
آلــــو .. وتيــن .. إنتي معــــآي؟؟

"وتين وهي تنـطـق بـ ثقـل": معـاك .. بـس إنتي ليه تحسـَسيني إني قـاسيه والله إني إنظـلمت!!

هديل: أنـا أكلمك بالعقـل خلـَي عواطفـك على جنب..

وتين: أحلام مـو سهله مثل مـا إنتي متصـوره و ينخـاف منها .. تراها تتصرف بـ حريـَة مـو ناقصها ضعف شخصية ..
هـي بس عندنا بالبيت كذا و إلا تعالي شوفيها بالجامعه شلـون فالـَتها ع الآخر.. و هذا كله بـ جهه و أسألتها عن عـُمـر بـ جهه ثانيه كـم مـره تسألني عنه و تلمـَح عليه.. طفـَشـتـني!!
والله مـا راح أسامحها ولا أتكلـَم معها إلا لما أطيـَح كل اللي بـ راسي ..
أبي أقهـرها مثل ما قهرتني و خرَبت علي فرحتي بـ ملكة صالح و نـاديا ..
و بعدين تعالي.. أي إعجاب اللي يطـلع من مشعل بصراحه تفسيـرك غريب ..
إنتي تعرفين إن بيني و بينه حرب و ضـرب و مواقـف قديمـه كرهت أسـافر للـقريآت منه ..
و أذا إنه صـدْق مـُعجب بالقويـه الله يبلاااااه بـ زوجه تلغي شخصيته مـن أساسها!!

هديل: براحتك.. أنا قلت اللي عندي بس لا تزعلـين مني لأني أبي مصلحتك والله..

وتين: ولا يهمـَك هدَوله إحنا صديقات وما بيننا أعذار ..
بس أبي منك خـدمه صغيره!!

هديل: آآآمـري..

وتين: كلمي صفـاء و أتفـقوا على مكان نطلع نغيـَر جو فيه و أعزموني أنـا و بنت جيرانا رينـاد اليوم..

"ضحكت هديل": هههههه أوخص يالمسكينه (أعـزموني) هذا إنتي عزمتي نفسك مع رينـاد..

وتين: عشان أقـول لأهلي صديقاتي عازميني لحالي بـدون أحلام..

هديل: أهـب منك مانتي هينه .. خلاص أكلـَم صوفي و أرد لـك خبر فمان الله..

"سكرت وتين و حطـَت الجوال على سرير فـارس و راحت للمطبخ تدور لها شي تـآكله لأنها من صحت كلمت هديل ولا قـابلت أحد من أهلها"

: مســـــاء الخير ..

"ألتفتت وتين على فارس": أهلين فروسي..

فارس: مـا صارت كل هذا نـوم الساعه 2 ونص ألحين..

"وتين وهي تمسح على راسها بـ تعب": والله مـا شبعت نوم .. مـا يجتمع القهـر مع الرآحـه..

"فارس بـ ترجـَي": بالله وتين علميني وش صـاير بينكم إنتي و الطعسـه أحلام والله مـا أقول لأحـد..

"وتين بإستياء": فكـَني من طاريها أبي أنسى لا تذكـَرني..

"فارس بـ إصـرار": قلـت تكفـى!!

وتين: فروسي هـذي سالفـة خاصه مـا تصلح أقولها أحترم الخصوصيه ..

فارس: وتين ترى هـذا الكلام لـ جدَتي و سطـام مـو أنا .. والله عندي أحساس أن المشكله مـا طلعت عن أهل أحلام بـسبب خالي صالح .. زعلانين لأنه مـا تزوج من بناتهم و إلا وش معنى هالمشكله مـاجت إلا بـ يوم ملكته؟

"وتين و تحاول تصرَف الموضـوع عشان مـا يرجع يسألها مره ثانيه": إيوه صـادق لأن من رجعنا مـن الحفله و أحلام قـافله معها ومـا حسـَيت إلا وهي منفجره فيني صياح و هواش..

فارس: مـا تستاهل طيبـتك معها..

وتين: المثل يقـول أعمل خير و أرميه بالبحر يعني أنسـاااااه..
على العموم الله يسـامحها و يهدي أهلها..

فارس: تعلـَمي يابنت و أستفيدي مـن أخطائـك وإلا راح تصير حياتك بـارده و مالها طعـم ..

"أبتسمت وتين وهي تمسك خدوده بـ مزح": يـا حلوك لما تتـفـلسف أغـدي كشنه على قـولة صالح ..

فارس: ذكرتيني بخـالي صالح المسكين نـام بالدوانيه.. ألحين يحسبنا أنـا وسعد متعمـدين لـه هالحركه..

وتين: لا صلوحي حبـَوب لو زعـل مـو من قلبه..

فارس: مـا سولفتي لي وش سوَى لـما شـاف ناديا؟

وتين: مـوَتني ضحك و ربـَي أنه فلـَه.. تصـوَر أول نظره صار يتنهد و يآخذ أنفـاس واضح شعـوره ههههههههههه..

فارس: وش سـولف لما جلـس معها؟ شـوف عيني بـ طـاري السلق و البـر..

وتين: لا يـا عمري هـذا قدَامنا بس و إلا معها تطـلع السوالـف الحلوه ..

فارس: يمكن بعد التغيـَر اللي صـار بـ شكـْله هالشي أثـر على سوالفـه .. الله يصبـَر ناديا عليه لا يقـلب و يرجع مثل أوَل..

وتين: حتى لـو رجع عادي عند ناديا لأنها متـقـبـْلته بكل عيـوبه..

فارس: مـا شاءالله عليها أحسـَها مـو من هالبنات المغرورات اللي مـا يرضون بأي أحـد بالعكس متواضعه .. كنت شـايل هـمَ خالي صالح و هي فـرَجت هالهم..!!

وتين: لـيــه؟

فارس: قلت مستحيل بنت بالدنيا توافـق تتزوجه يـاختي عـربجي..!!

وتين: بسـم الله عليه ربـَي رزقه بـأحسن بنت لأنـه طيـَب و يستاهل..

فارس: الله يرزق خالي سطام و عمـر بعد .. و بالذات عمـر يـآآآآآآه متحمـس لـ زواجه مرَه..

"أبتسمـت وتين و هي تعـضَ على شفـايفها بـ خجل": آميـن..

"فـارس وهو يستـأذنها و يطلع من المطبـخ": تغدي و تعالي نكمل سوالف بـ غـرفتي ..

>>>>>>>>>>>>>>>>>>>>>>>>>>>

وفي القريــــــات..

"دخل مشعل الصاـله و هو بـ لبـس الـدوام .. حب على راس أمـه و أبـوه و جلس هو يتنهد من التعـب"..

أبو مشعل: الله يعطيك العـافيه يـا ولدي..

مشعل: و يعـافيك يبه .. تعب هـالدوام والله تعب ..

أبو مشعل: مأجور ياولدي أنت جالس تحمي الدوله و تحفظها من الفساد .. و بعدين إنت شغلك على كرسي و مرتااااح مـا غير تختـَم بهالجوازات ما وراك تعب مثل المفتـَش ..
تذكـر اخوياك اللي يفتشون سيارة واحد معه مخدرات و يومنهم كشفوه طعنهم هالمروح بـ سكـَين اللي يطعن بسيرته..!! وأسعفوا هالمفتشين و ربـَي رحمهم برحمته ..

أم مشعل: احمد ربك أنت حالـك أحسن من الموظفـين اللي معاك .. أقـلـَها بيتنا قريب من الجمـارك مـا تتعب بـ مشوار الطريق و تجي ترتاح هـِنا و ترجع لـدوامك بأي وقت ..

مشعل: الأجازه بدت يمه و بدأ معها ضغـط الشغل و الـزحمه ..

أبو مشعل: ماهو جديد عليك .. المهم تقهوى و أرجع لدوامك لا يخصمون من راتبك وإلا يعـاقبونك ..

أم مشعل: مـا تقـدر تآخذ إجـازه تروح تجيب أختك أحلام من الريـاض..

"مشعل وهو يقرَب للسفـره و يصب لـ نفسه قهوه": من شـوي و أنا أقـول ضغط شغل يعني مـا أقدر آخذ إجازه .. و بعدين أحلام مـا قدَامها إلا أسبوع و بعـدها يبدأ الترم الثاني يعني ما يسوى تجي للقريـات عشان أسبوع ..

أم مشعل: والله لـو تلقى اللي يجيبـها كان تركت الجـامعه أسبوع ثاني مـن غير الإجازه بعد أهـم شي تستانس بـ شوفـة أبوها و أخوانها..

مشعل: يا سلام .. سوَيتوا قضية عشـان تكمـَل دراستها بالرياض و الحين تقـولين تترك الجـامعه أسبوع؟ مـا يصير هالكلام ..

أم مشعل: أنـا أقول (لو) و هـ الأسبوع مـو مـأثر عليها..

"أبو مشعل وهو يمسح على لحيته بـ تفكير": كود أني أسـافر بكره مع ولد أبو حزام .. عنده شغل بالرياض و أبي أخـاويه..

"عصـَبت أم مشعل و ردَت وهي عـاقده حواجبها": و كود أني أخـاويك أنا بعد و رجلي على رجلك.. أجل أحلام بنتك أنت بس! حتى أنـا أمها و أبي أشوفها و أتطمـَن عليها..

أبو مشعل: إنتي أجلسي عند عيالك وش يوديك للريـاض..

أم مشعل: حتى هـُم عيالـك ..

"أبو مشعل بـ تذمـَر": ياحوووول يا مـًره عويذ الله من شـرَك أتركيني أروح أشوف هالمسيكينه اللي محذوفه بالرياض .. مدري متى ربـَي يفرجها و تعرس و نتطمن عليها..

"أنصـدم مشعل من كلام أبوه و سـأله بـ تعجـٌب": ليه أنت نـاوي تزوَجها أحـد من الرياض؟ وإلا تقـصد إنها تتزوج و تترك الـدراسه و ترجع للقريات..

"أرتبك أبو مشعل و ردَ بسرعه": أنا أقـول أن جاها نصيبها نخليها تترك دراستها و ترجع لأن البنت مالها إلا بيتها .. و أن ربي رزقها من عيال الرياض نزوَجها إذا كان الرجـَال زين ومتربي و نسبه يشرَف..

مشعل: الظـاهر أنها تلعب هناك وما تدرس .. شلـون تترك الدراسه بـ برود كـِذا..؟
هي مـا أبعـدت كل هالشهور إلا عشان تجيب الشهاده و ترفع رأسك مـو هذا اللي تبيه؟

أبو مشعل: يا ولدي تعوذ من الشيطان وراك معصـَب .. أنا أبيها تكمـَل بس أن جاها نصيبها ما نقدر نرفـض ..

"نزل مشعل فنجان القهوه وهو متنزفز و قـام من السفره": الشرهه علي أنا اللي أهتـم بـ سـالفه من أساسها غلـط بـ غلـط ..
مـانتم قـادرين تحكـَمون حياة أحلام بـشي صح .. احلام راح تضيع و السبب قراراتكم اللي مـا أدري كيف صايره ..
تربية عمامي غير عـن تربيتنا و هالشي أثـَر سلبي عليها لازم تفهمون ..!!

"سكـت ثواني وهو يمسح على راسه بـ توتر و كمل بشـكَ "
إسمـع يبه .. إذا أنت ناوي على شي بخصوص أحلام عطنـي خبر من ألحين و ريـَحني مـا يصير تشتـَتني كـِذا تراها أختي و أخاف عليها .. و أنت فـاهم قصدي..
أذا أنها مخطوبه من دون علمي سواء لـواحد بالقريات أو الرياض "شدد على هالكلمه بقوه" لااااازم يكون عندي خبر من الحين وإلا أعتبركم ملغين وجودي..

أم مشعل: ماحد ملغيك ياولدي علامـك تحوس بالحكي.. وش زينها عاد بنتي تنخطب و حنـا ما ندري عنها!!

"زل لسانه أبو مشعل و توهـَق .. كان موضوع خطبة (سطام وأحلام) سـر مؤجل بينه و بين أخوه فهد لـما تجي العطـله الكبيره و يتم الموضوع رسمي .. بـس الظاهر أنه بهالزلـَه رمى أول خيـوط السر و أشغلهم فيه"..

أبو مشعل: أقطعوا الهرج و أتركوا أحلام علي لا تتدخلون..

"طلع مشعل وهو يلبس طـاقيته على راسه بـ قهر و باقي فيه الضيقه مـن وضع أحلام و اللي زاد عليه كلام أبوه الغريب و عجز يفسـره"...

^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^

: سلاااامتـك من الضيقه يـا جعلها بـ عدوينك أن شـاء الله..

"وتين بحسره": آميـــــن ..

صفاء: هذا أحنا أخترنا أحلى مـلاهي نلعب و نسولف و نضحـك نستـرجع أيام الطفـوله كـذا بـ مـزاااااااجـنا ..

هديل: وتين جبتي معك المسجل؟

وتين: أيوه مع خدامتنا سيتي..

هديل: يا حركآت مـا يمدينا على البرستيج جـايبه خدَامتكم..

"وتين بأستهبال": أعتبرها البودي قـارد الخآصه لي آآآحم آآآحم ..

"ألتفتت ريناد على وتين و تسوَي نفسها معصبه": وتينووووه لا يكون عـازمتني عشان يكمل برستيجك و أصير أنـا البودي قآرد 2..!

"صـرخت وتين وهي تقرب لها و تحضنها بـ خفـه": لاااااااااا يـا عمري إلا إنتي عـاد ما أستغني عنك لا تقولين كـذا ترى أزعل!

"ريناد وهي حاضنتها و تضحك": هههههه أمـزح معك يالدوبا..

هديل: أجل من جلس عند أحـلام بالبيت..؟

وتين: أمي مـوجـوده ..

صفاء: مـا سألوك أهلـك ليه مـا أخذتيها معك؟

وتين: كل البيت سألني ما عدا صالح و أبوي لأنهم مـا يدرون أني طـالعه للملاهي..
آخر شي سطـام سألني بالسياره لما أخذني !! أنـا خلااااااص بغيت أصيـح من القهر وهو حس إني تضـايقت و سكت مـا ناقشني أبدآ..

"هديل وهي تلعب بخصلات شعرها و تمثل عليهم": يالبييييه يـا أخوك ذا أطـْخـم و يخقـَق مـا تخطبيني لـه؟ مابي شي إلا أن تتحقـق أمنيتي و أتزوج واحد رآقـي مثله..

"ضحكـوا البنات من كلامها و ردَت عليها وتين وهي مـا زالت تضحك": هههههههه إنتي مـا بقى أحد إلا و خطبتيه..

"هديل وهي تحـرَك حواجبها": بـاقي عيال جيرانك و تحديدآ عـُمـرررررر..!!

"طيـَرت عيونها وتين وهي تقرب منها": يالنذلـه مـا لقيتي إلا عمـَوري ..

"هربـت هديل وهي تضحك و لحقتها وتين ..
مشـوا صفاء و ريناد وراهم وهم يضحكون على أشكالهم لأنهم يتهاوشون بمزح"..

\ \ \ \ \ \ \ \ \ \ \ \ \ \ \ \ \ \ \ \ \ \ \ \ \

و بـ مطـعـم النافـــــــوره ..

كـانوا مجتمعين الشبـاب/ صالح و أبو عطـا و أبو طـلق و دلـي لأن عمـر عازمهم على العشـاء بـمناسبة ملكة صـالح..

عمر: أعـذروني شباب كان ودَي أعزمكم بالـمطـاعم الـراقيه بس إنتـم أصرَيتوا على إنه يكون هـِنا..

"صالح وهو كـاتم الضحكه": أنـا أول مره أشوف ناس معزومين يتحكـَمون بـ مكان العزيمه..

أبو عطا: نمـووون على أبو عمير .. بعدين أهـم شي يكون أكـل المطعم حلو مـو مهم مكـانه..

عمر: على قولتك حلو .. المهم وش تحبون أطـلب لكـم..؟

أبو طلق: لحظه خلني أشـوف الـدفتر وش فيه أكلات عشـان أختار..

صالح: أسمه (منيـو) مـو دفتـر..

أبو طلق: أسمعـوا من يعدَل علي؟ يعني عشـانك أخذت بنت كشـخه صرت تتفـلـفـس ..

"أبتسـم صالح": ايه أبي أشـوف نفسي عليكم .. أنـا تزوَجـت و أنتم لسـَه عـوانـس ..

دلي: إلا مـا قلت لنا وش أسـم مرتـك..

"صالح وهو يقلـَده بإستيـاء": مرتـك !! يـاااا ثقـل دم هالكلمه مـا أحبـَها .. قـل زوجتك و مالـك دخل بـأسمها ..

أبو طلق: أنت مستلمنـا تعـديلات اليوم ..

"عمر بـ تهديد": لو سمحتوا لا تضـايقون صديقي و إلا ترى أكنسل العشـاء..

أبو عطا: خلاص لا حـد يسأله خلـَوه براحته أهـم شي أننا نـآكل..

صالح: لااااا لحظه قبل العشـاء خلـَونا نتفـاهم على سواتكم فيني أمـس..!! و ربـَي إنكم قليليـن خاتـمه..

"ردَوا الشباب بصوت واحد ": وش سوينااااااااا..

"صالح بـعفويه": سـواة العدو .. من جلست مع نـاديا أستلمتوني إتصـالات و رسايل يلعن أبـو الإزعـاج اللي تعرفونه! متـَفـقين تنكـدون علي الجلسه..

"أنفجــروا الشباب بالضحـك على صالح لأن زلَ لسـانه و نطـق أسم ناديا .. و عمر يضحـك معهم ولا هـو قـادر ينبهه"..

أبو عطـا: أسمها ناااااااديا..! عاشـت الأسامي ..

أبو طلق: أجل مرتك ناديا هي شريكـة حيـاتك..؟

"عمر وهو مـا زال يضحك و ينـاظر بصالح": هههههههههه ياخي عليك طبـَـآت رهـيييييييـبه..

"صالح وهو يحـك رأسه بإحراج": المهم تراهـا أمور أسرية مـاله داعي تحكـون فيها..

أبو عطا: أقـووول عمر أستعجل بالعشـاء قبل لا تكثر طبـآت صالح ..

"رن جوال صالح و كـانت المتصله وتين.. قـام وهو يستـأذهم": أبي أكلـَم و أرجع لكم .. والله لا أفرشكم هـِنا و أقضي عليكم ..

أبو عطا: أقـوووول روح كلـَم ناديآ لا تتـأخر عليها..

صالح: مـو ناديا يالدلـخ اصلآ هذي مـا بعد أخذت رقمها ..

"ضحـك عمر بقوه وهو يضرب الطـاوله": ههههههههه فضحـت نفسك يا أبو صلوح خـلاص أسكـت..

أبو عطا: مشكلتك إنك مـا تعرف تسوي خصوصيات.. روح كلـَم أمـك و أخلص علينا..

"صالح وهو كاتم الضحكه": مهي أمـي بعد .. و مـووووت قهر مـاني قايل لـك ..

"رجـع أتصل على وتين وهو يوقـف بعيد عنهم بـ مسـافه"..

وتين: مرحبا..

صالح: هـلا وتين .. وش عندك متصـله..

وتين: أممم أسمـع أنا ألحين بالـملاهي و أبيك تجي تـآخذني بعد ساعه..

"صالح بـ تعجـَب": مـلاهـي! خير بزر إنتي؟

"أنقهرت وتين": يـووووه لا تتطنـَز علي يعني أوَل مـره أروح؟

صالح: مـا تكبرين عـن هالحركـات..

وتين: أنت شفت نفسك تزوجك يعني خلاص كل الناس صاروا كبار بعينك؟

صالح: المهم اللي أخـذك يرجعك أنـا مشغوووول مـآني فاضي ..

وتين: اللي أخذني سطـام و من شوي أتصل يعتـذر لأن من الصباح راح يسـافر للشرقية عنده شغل ضـروري و لازم ينام بـدري ..
و ترى معي رينـاد بنت جيرانا و راح ترجع معي بعد_ يعني لازم تجي أنـت تآخذنا قبل السـاعه 12 لأن بوابة الملاهي تقفل ..

صالح: يالييييل يـاسطام سفراته كثيره .. و إنتي وقتـه تروحين ملاهي..؟

وتين: بكيفي رايحـه أنبسـط و إذا مـا تبي تآخذني خلاص أرجع مـع سايق صديقتي صفـاء ترى جداً عـآتي..

صالح: بلا سايق بلا خرابيط خلاص أنا أجي آخـذك بعد ما أنتهي من العشـآء..

وتين: أوكِ .. الساعه 12 لا تنسى .. بـآي ..

~~~~~~~~~~~~~~~~~~~~~~~~~~~~~~~~~

كان جالس سطـام مع أمــه بالصالــه و فارس معهم و مستمـع بـ إهتمام لنقـاشــهم ..

أم سطام: مـارح اخليها تنام برى غرفتها والله إن حـس أبوك بـ شيء راح يزعـل عليها لأنه دايم يوصـَيها على بنت عمها ..

سطام: خليها على راحتها يا يمـَه ولا تضغطين عليها .. ترى مصيرهم يتراضون بس أصبري عليهم شـوي ..

أم سطام: لمتى أصبر .. كـافي أنها اليوم طـلعت و تركتها لحالها جالســه بالغرفــه .. المسكينه من أمـس دميعاتها على خدها تصيــح و أكيد أنها تبي أهلها ..

سطام: لا حول ولا قوة إلا باللـه .. طيـَب أجلسي معها و طيـبي خآطـرها..

أم سطام: كلـَمتها و تعذرت منها بس مـا ترد علي ولا تنطـق بـ حرف ولا تبي تلعمني وش سبب المشكلــه!! حتى الأكل نوديه لها و ترجعه بـدون ما تآكل على لحم بطنها من الصبـح ..

سطام: مـا يصلح كذا .. هـذي بذمتنا وما يصير نقصـَر معها ..

أم سطام: الله يهدي أختك بس..

"فـارس ما تحمـَل يسكت لازم يدافـع عن وتين": وش دخـَل وتين طيب البنت هي الغلطـانه .. لا تلومـون وتين!!

"سطام بـ تعجب": أنـت تعرف وش سبب المشكلــه؟

"فـارس يجاوبه بـ ثقـه مصطنعه": لأ .. بس وتيـن طيبه معها و مـن جت أحلام للرياض مـا شافت منها إلا كل خير و عطتها اللي اهلها مـا عطـوها..
يعني نص أحلامها حقـقـتها لها .. بـإختصــار (كانت أحلام و صارت واقع) "قـالها بمزح"..

سطام: أنت محـامي دفـاع عن وتين .. المهـم .. أبي أعطيك سيارتي و أبيك تروح للمطعم اللي بآخر الشـارع العام .. أبيك تجيب لأحلام عشــاء ..

"ألتفت على أمـه يسألها": يمه تعشـَيتي؟

أم سطام: إيه يا ولـدي أكلت أنا .. بس جيب للمسيكينه أحلام..

"فـارس وهو يآخذ مفاتيح السياره": الله و أكبـر مسيكينه؟ تراها مشكلـه صغيره تصير بـأحسن العائلات مـو غريبه يعني ..

سطام: خلاص فارس .. روح ولا تتأخـر وإذا رجعت جيب المفتاح لـ غرفتي لأني بطـلع أنـام ..

فارس: أبشـر بس لا تحكون بـوتين طيب ..

,,,,,,,,,,,,,,,,,,,,,,,,,,,,,,

23-01-10, 10:31 AM

المشاركة رقم: 52

المعلومات
الكاتب:	yasmine
اللقب:	ليلاس متالق

البيانات
التسجيل:	Jun 2009
العضوية:	146369
المشاركات:	1,645
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : yasmine المنتدى : القصص المكتمله

الساعـــــه 12 .. وقـف صالح بـ سيـارته عند مواقـف المـلاهي و عمـر معـاه لأنهم رجعوا سـوا من المـطعـم..

صالح: أحيـانآ أشـكَ إني سـاكن بالرياض .. أغلـب هالأمـاكن مـا أعرفها!!

"عمر حـاط كـُوعه على طرف الشباك و أصبعه بـ فمـه و سرحـآآن ينـاظر بالناس مـو منتبه لـ صـالح"..

"ريناد وهي مـاشيه مع وتين و الخدَامه لـ جهة السيـاره ومستانسه": وناااااسه الثنائي الـمرح أجتمعـوا و ربـَي أحلى مشـوار راح نقضيه اليـوم..

وتين: عشـان تشبعين ضحـك على سوالفهم وحركاتهم ..

ريناد: من جـد أحبـَهم لـما يجتمعون مـررره عفويـيـن ومـا يخلـَون هـًم ع القـلـب..

"ركبـوا السياره و جلسـت ريناد ورا عمـر و وتين بالنص و الخدامه ورا صـالح"..

"صالح وهو يحـرَك السياره": حتى سيتي رايحه تلعـب بالـملاهي يـا وتين؟

"كتمـت ريناد ضحكتها وهي تضـرب وتين بـ خـفـَه ..
و وتين أبتسمـت وهي ترفع طـرف الغطـاء اللي على رأسها و تآخذ أنفـاس من عـطـر عـُمـر .. مـالت على ريناد و هي تمسـك يدها بـ قـوَة و بـخاطرها تصـرخ من شوقها لـه"..

"رن جوال عمر بـ نغـمة مسج ..طـلـَعه من جيبه و هو يقـرأه .. ألتفت عليه صالح و سـأله": مـن مين..؟

عمر: لازم تسأل يعني مستحيل مـا تتدخـَل بخصوصيآتي؟

صالح: أقـوووووول بس استريح .. أنـت قائمة الأسمـاء عندك حـافظها شبر شبر جـآي تقول خصوصيآت ..

عمر: هـذا من زميلي بالدوام يذكـَرني بـ موعـد فارس يوم السبت عشان مـا أنسـاه..

صالح: وش دخـَله بـ فـارس؟

عمر: أخصائي سـوداني بـ عيادة الأنف و الأذن و الحنجره و مسـؤول عن حـالة فارس..

صالح: أهاااا .. شكله شـاطر و يحب شغله.. أجل فـاضي يرسل بـ يـوم خميس مـا وراه مشاوير و طـلعات!

عمر: والله أنـت يابو صلوح مـو طبيعي اليـوم الظـاهر تغيـَر عليك (النظـام الغذائي) عقب حفـلتك أمس..

"صالح وهو يقـاوم الضحكه": تذكـر صديقك أبو نـِظـام .. ياخي نصـَاااااااب و مهايطي يعني طـُول عمره مـاشي على طريقه معينه بالأكل مـا خربت معدته إلا بـ مصـر؟

عمر: تصدَق! سـافر لأغلب دول العـالم .. و نسيت أسأله عقب كل سفره يخرب نظـامه؟

"صالح بـ مـزح": لازم تتـأكـَد منه أخاف إذا سـافرنا أنـا و أبو النـود لـ شهر العسل يخرب نظـامنا ..

عمر: أنت ألحين دلـَعها زي النـاس بعدين فكـَر بشهر العسل .. حرآم عليك أخـاف تكتـئب البنت و تكره أسمهـا ..

صالح: أمـس أدلـَعها كـِذا و تضحك مبسـوطه مـا زعلت..

"ضحكـوا وتين و ريناد بصـوت وااااطي بـس سمعـوهم صـالح و عمـر"..

صالح: لا تضحكون على زوجتي لا أوقـف ألحين و أشوتكم مـن السيـاره ومـا أتـرك غير سيتي! ..

"مـا تحمـَلوا خفـَة دمـَه و صـاروا يضحكون بصوت مسمـوع وعمر مبتسـم و ينـاظر بالشبـَاك"..

صالح: سيتي كويـس مـلاهي!

سيتي: كويس سـالـه(صالح)..

صالح: يا عسـاك كويسه دوم ..

"ريناد وهي تهمس لـ وتين": قـولي لـصالح يشغـَل المسجـل ..

وتين: أستحـي..

ريناد: مستحيه مـن أخـوي هاه!! عـن الدلـع كلـَها كلمتيـن..

"وتين بـإرتبـاك": طيب ثواني بـس أقـوَي قلبي..

ريناد: لـمتى يعني لمـا نوصل للبيـت؟

"تسـارعت دقــَات قلبها وهي تنطـق بـ ثقل": صالح شغـَل المسجل..

"صالح سمـع أسمه بس مـا عرف وش قـالت": وش تبيـن يـا وتين؟

وتين: ..............

"أبتسـم عمر وهو يقـرَب للمسجـَل و يختـار شريـط"..

"صالح بـ صـوت عـآلي": وش تبـييييييييـن..!!

"عمـر وهو يـأشـَر له يهدأ و يهمـس": خلاص تبي المسجـل و شغـَلتها ..

صالح: أهآآ .. طيـب حـط أغنية (قـوم درجني) للمهنـدس ..

عمر: أنـا أبي شي رايـق مابي إزعـاج..

صالح: أخوص يالرومـانسـي ..

عمر: تعلـَم .. عشان إذا طـلعت بـ مشـوار مع زوجتك تسمـع أغاني هاديه و رمـانسيه .. مـو سريعه كأنكم بـ حفـله..

"ضحـك صالح": هههههههههه تخيـَل عاد نفلـَها أنا و أبو النود سـامري و حبـَتيييـن..

"عمر وهو يرفـع صوت المسجل على أغنية (ويـنـها عيـونـك) و يرجع يسترخي بـ جلسته": مـا أستبـْعد منـك ..

"أنصـدمـت وتين أنها نفـس الأغنيه اللي تحب تسمعهـا دايم .. مـا يـدري أنها تحبـَها بس كيف يحـس هالإنـســـآن؟ مـو معقولــه كذا شعـور الحـُب عنـده؟
يشبههااااا بـ كل شيء و أوَلـه الإحســــآس .. "

© ويـنـها عيـونـك ..
تعـبـْت مـن الـولــه ..
يـا حكـايات الليـالـي .. في غـلاااك
كل شـي اشتــاق لـك .. و أشـتـقـت لـه
وينـك .. اشتـقـت لـعيـونـك .. يـا هـوااااي

ليـه نـتـعب فـي لقـانـا الأسئـلـه ..
ويـن رحـت .. و كيـف .. مــا دامـك (مـعـاي)
جـبـت لـك كـل السنيـن الأوَلـه
اللي تـسـأل عن لـقـاك .. و قـلـت جــاي !

إنـت يــا احلى هـ الـغـــرام .. و أجـمـلـه
وش هـو أجـمـل مـن ( لـقـاك انـت .. و لـقـاي )..
بـ ابـتـدي حـُبــَـك .. عـشــان تـكـمّــلـه
خـذنـي مـنـَي .. و آخــذك .. و أنـسـى عنــاي ©

ـــــــــــــــــــــــــــــــــــــــــــــــــ

دخلت وتين غرفتها و هي مبتسمــه و تدندن بالأغنيــــه .. مبسـوووووطـه ع الآخـر و هي ترمـي شنطتها على الطـاوله و تنـاظـر لـ شكلها بالمــرايــه ..
تحـب تشـوف الفرحــه بـ عيـونها .. يكفي أن عـيـونها هـو (عـمـــر) و تشـوف الدنيـــا حلـوه فيــه ...
لمحـت أحلام منسدحــه على سريرهـــا و ســرحآنـه تفكــَـر .. مـا أهتمـت لها و تمـت تدندن لمـا قطـع عليها صوت الجوال و كانت المتصلـــه نـاديآ ..

"ردت وهي ترمـي الجاكيت و تحطـه بالكبت": يا هـلا و غـلا بـ زوجة أخـوي الغاليـه ..

ناديا: واضح هـالغـلا .. أشوفـك سآآحبه علي من أمـس وينك مـا أتصلتي ؟؟

وتين: و ربـَي أنشغلت و اليـوم رحت لـ مشـوار مرررره مهـم .. صديقـاتي عازميني بالمـلاهي و رحنا أنا و رينـاد و من شـوي رجعنا مع صـالح و عمـر ..
"قـالت كذا عشآن تقهـر أحلام زيـآده .. مـا شفى غيضها مـن اللي سـوَته معها أمـس هي و مشعل"..

ناديا: يـا حياتي زوجي اللي جـابك مع عـُمرك؟

"ضحكـت وتين": ههههههههههههه حتى أنتي (زوجي زوجي) .. يكفي هـو أزعجنا طـول الطريق ماله سيره إلا أنتي .. و عمر مـاسكه تعليقات ..

"ناديا و تسوَي نفسها معصبـه": وش يبي عمـر هـذا .. قـولي له لا يضـايق زوجي ..

"وتين وهي تطـلع من الغرفــه و تسكر الباب": حرآآآم عليك هـذا جزاه لأنه عـازم الشباب اليوم على العشـاء بمناسبة ملكتـك انتي و صالح ..

ناديا: يـا حليله و ربـَي طيب .. لااااا أنـا بديت أغـار على صلوحي شكله عمر يبي يـآخذه مني ..

وتين: تعالي انتي ليش مـا تكلمينه أو ترسلين لـه مسجات ..

ناديا: هـو يرسل أوَل .. أجل تبيني أنـا أقـط وجهي عليه ؟

وتين: مسويه مستحيه يعني.. خلاص أنـا راح أعطيه رقمـك بكرا و أخلـَيه يرسل لـك و يتصـل عليك عشان تتعـرفون على بعض أكثر ..

ناديا: أوكيشن .. أنتظـره بكره لا يتـأخر ..

وتين: هههههههههههه يمآآآه منك مـا تعرفين تمثلين الخجـل أبدآ ..

"ناديا وهي تضحك على نفسها": هههههههههههه والله مـا أقـدر .. شايلـه هـم صلوحي ينتـقـدني ..

وتين: بالعكس ينبسـط كثيييييير ..

ناديا: إي يـا عمري عليه خلاص صـرت زوجته ليه الخجل .. الـموووهم سولفي لي وش سوَيتي بـ مشـوآر اليوم ..؟؟

٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪ ٪

يـــوم السبــــت

3 صفــــر

كان موعـد فارس بالمستشفى اللي يشتغل فيه عمـر و راح لـه من بدري مع جـدَه بـ سيـارة ليمـوزين ..

عمر: ليه يـا عمي مو إحنا أتفـقـنا امس آخذكم معي..

أبو سطام: يا ولدي مـا بغيت أتعبك كآفي إنك سوَيـت أوراق فارس و نقلته لمستشفى ثاني..

عمر: مـا سويت إلا الواجب و هـذا قليل بـ حق فـارس والله أنه يستـاهل أكثر..

"فـارس كان جالـس و سرحآن و باين بـ ملامحه الخـُوف .. خـآيف من نتيجة الفحوصـات .. و خـآيف إن الأطبـاء يصدمونه بـ أسلوبهم معـاه..
هو حســَاس ومـا عاد يتحمـَل أي تصـرَف منهم مع أن الكـل يطمنه بـ أن حـالته أحسن مـن غيره"..

أبو سطام: هـو مطـوَل الدكتور؟

عمر: دقايق و يجي أن شـاءالله..

أبو سطام: على خير..

"وقـف عمر": وش تحب تشـرب يا عمي قهوه و إلا شـاي ..

أبو سطام: تسلم يـا ولدي أنا مـابي.. بس جيب لـ فارس فطـور تراه مـا ذاق شي من صحى من النوم ..

فارس: لا مـا أشتهي راح آكل بعد مـا أطلع من المستشفى ..

أبو سطام: هذا أنت بكل مـوعد توتـَر و تخاف حتى الأكل ماتآكله..

"عمر و يحـاول يقنعه": فارس ترى راح يعمل لـك الأخصائي تخطيـط سمع و لازم تكون شبعـآن عشان تركـَز..

فارس: عـادي تعوَدت مـا أفطر إن شاء الله مـا راح يأثر علي..

عمر: براحتــــك ..

»»»»»»»»»»»»»»»»»»»»»

"أم سطـام وهي تدخل الدوانيه و عباتها بـ يـدها": قـم معآي..

"سعد وهو منسـدح يناظر التلفزيون": وين رايحـه؟

أم سطام: أبي أسيـَر على أم الذيـب يمكن رجعت من الدوادمي هي مـا تطـوَل يومين بالكثير و ترجع ..

سعد: غريبه أول مره تسـافر ..

أم سطام: أنا مستغربه بعد .. بس هي حيل تغلـي خلف ولـد أختها و أكيد سـافرت عشانه..

سعد: لـو أنها رجعت كان جت أمـس تنام عندنا ..

أم سطام: طيب قـم خلنا نروح نشـوف وش سالفتها ..

"راحوا لـ بيتها و ظـلَوا ربع ساعه واقـفين يضربون الباب لكنها مـا فتحت"..

"أم سطام مـا طاوعها قلبها تروح بدون مـا تتطمـَن عليها": سعد .. روح أصعـد على الطوفه و أدخل بيتها يمكن نـايمه بالحوش ومـا تسمع ..

"طيـَر سعد عيونه ": كل هـ التكسير ومـا تسمع؟ والله لـو أنه فـارس كان سمع هالصوت بـدون سمـَاعاته .. و بعدين أخـاف أدخل و يمسكوني الشـرطه و يسجنوني؟

أم سطام: مـا حولنا شرطه و محد شايفـك ..

سعد: مـآبي ..

أم سطام: خلاص خلنا نرجع والله مـا منك فـايده..

# # # # # # # # # # # # # # # # # #

و فـي المسـتـشـفــــى ,,

كان جـالس فارس على الكرسي بالعيـاده بعد مـا رجع من غرفـة تخطيط السمـع .. و حوله جـدَه و عمـر و الإستشـاري و الدكتـور و الأخصـائي ..
أرتبـك من وجـودهم و هـُم يتنـاقشون بـ حـالته و جـدَه مندمج يسمعهم ولا هـو فاهم شي .. و عمـر واقـف و حـاط إيدينه بـ جيوب السكرب ..

"ألتفـت الأستشاري/ منصور على فـارس": أسمع يـا فارس .. أنت عندك الضعف بالأذن اليمنى أكثر من اليسرى طيب .. اليمنى ضعيفه جدآ و السمـاعات ماهي قـادرة تغطي الضعف
يعني تحتـاج لـ(عملية) .. وهـ العملية نسبـة نجاحها 96% و هي سهله و بسيطه و راح تسـاعدك تسمع كويس بالسمـاعات اللي ألحين وجـودها بـ أذنك مثل عـدمه..

عمر: فعلآ د/ منصور هـو يسمع باليسرى أكثر حتى السمـَاعه اللي بأذنه اليمنى دايم نـروح للشـركه و نرفع مستوى صوتها لكن مـا يستفيد شي و يشتكي منها ..

د/منصور: أيوه عشـان كذا نبي نسوي لـه العمليه بحيث أنـه يصير يستفيد من السمـاعه..

عمر: و أذنـه اليسرى يا دكتور إيش الحـل فيها..؟

د/منصور: اليسرى مـا نقـرَب لها أبدآ ولا نسـوي له عمليه لأن لها مضاعفـات خطيره..

عمر: كيف يعني؟

د/ منصور: لـو سوينا له العمليه ممكن تنجح و راح يصير يسمـع فيها ممتآز لـ مـدة سنه أو سنتين بالكثير .. بعدها يفـقـد سمعه نهائيآ مـا عاد تنفع معه حتى السمـاعات..

"أبو سطام بـ تذمـَر": أعـوذ بالله!! أنت وش تقول يـا دكتور .. لأ خلاص مـا عاد نبي هـالعمليات ..

عمر: لحظـه يـا عمي هـدَي أعصابك هو يقصـد أذن وحـده مو كلـَهم ..

د/ منصور: لا تخـاف يا عمي العمليه سهله و بنفس الوقـت مهمـَه و هو محتـاجها..

الأخصائي باشا: الأذن اليمنى فيها زيـاده في السوائل.. بالعمليه نـُخرِج هـذي السوائل و يصير يسمـع كويس لأن الأصـوات مـا توصل بـ شكل طبيعي ..

"كل هـ الآراء و النقـاشات و فـارس باقي جالس على الكرسي يسمعهم و خانقـتـه العبره و ودَه ينفجر بـالصيــآح بس المكــان مـا يسمـح !!
كان متوقــَع أن المستشفى هـذا راح ينهي مشكلـته و يصير يستغني عـن السمـَاعات طول العمـر .. بس أنصـدم أن الموعـد هذا بداية مرحله جديده مـا يدري وش مخبـَى فيها من مفـاجآت طبـَيه"..

د/ منصور: راح يعطيه باشا موعـد تخطيط سمـع هـذا الأسبوع إن شـاء الله عشان نطـابق التخطيطين مع بعـض..
وإذا طلعت النتيجه تمـام راح نعطيه مـوعـد لــ (أشعـه مقـطـعيه) نتـأكد من سـلامة العظـام بالـرأس ..

عمر: يعطـيك ألـف عـافيه دكتور..

"د/ منصـور وهو يوقـف": الله يعـافيك .. ومـا تشوف يـا فـارس..

أبو سطام: يالله يا ولـدي مشينا ..

عمر: أستريح يـا عمي أنت و فـارس بالأنتظـار لما أجيب لـه ورقـة الـموعـد ..

"فـارس وهو متضـايق": أنا رايح تلقـاني عند البوابـه ..

"طـلع بدون مـا يسمع ردَهم و تفـاجأ عمر منه و عرف أنه زعلان من كلام الأطبـاء"..

أبو سطام: وش بـلاه؟

عمر: مـا عليه يـا عمي الظـاهر نفسيته تعبانه ولا تنسى أنه مـا أفطـر ولا جلـس أرتاح عقب التخطيط ..
على العمـوم أنت روح ومـا يصير بـ خاطرك إلا طيب.. أنـا راح أخلص أوراق الموعـد و أجيبها لكم للبيت..

أبو سطام: جزاك الله خير .. فمـان الله ..

£ £ £ £ £ £ £ £ £ £ £ £ £ £ £ £ £ £ £

"أرسـل صالح المسـج هذا لـ نـاديا بعد مـا أخذ رقمها مـن وتين .. و كـان منسـدح بالصـاله و عينه على الجـوال و مبتسـم ينتظـر ردَهـا ..
ثواني و رن الجوال بـ نغمـة مسج من نـاديا"..

"صالح بـ خـاطره": بس هـذا اللي طـلع معها..؟ يـا عمري عليها حتى بـ المسجـات تستحي ..

"دوَر على مسـج حلو يرسله لها و طبعـآ كلها سارقها مـن جوال عـمـر ^_^ "

© مـن يـشـوفـك
| يـنـبـسـط | لـو هـو حـزيـن
ومـن يـحـبّـك كـيـف يـتـهـنّـا بـ نـوم
ومـن يعـرْف إللـي عـرفـتـه مـنـك زيـن
أعـتـقــد مـا عـاد يـلحـقـنـي { بـ / لـوم
لا حـكـيـت .!
الـحـرف للـسـانـك يـلـيـن
ولا لـفـيـت الـكـل فـي ~ قـدرك ~ يـقـوم
لـو غـيـابـك | يـوم | وحـضـورك سـنـيـن
مـا رسـخ فـي ذكـريـاتـي > غـيـر يـوم ...! ©

" ثـوانــي .. و ردَت ناديا بـ مسـج "

من كثـر | طيبـك | معـــاي
خايـف أحسـدْنـــي عليـك .. ©

"رن جوال بـ إتصـال من عمـر .. فــًز و هـو يرد عليه": يالله حيـَه الغـالـي..

عمر: أنـت وينـك!

صالح: أنـا بالبيت و تحديدآ بالصـالـه أتراسل أنا و أبو النـود ..

"عمر و هو مستعجل": خـل عنك أبو النود و تعـال شوف وش قصـة الرجـَال اللي كسر باب أم الـذيب تكسيـر..

"صـالح بـ شـكَ": ميـن ؟ لا يكـون ولـدها ؟

عمر: لأ مـو ولـدها .. تعال نعرف وش قصتـه..

"سكـَر صالح الجوال و حطـَه بـ جيب ثوبه و راح يركض للشـارع .. لـقى عمر واقـف مع الرجـَال عند باب بيت أم الـذيب"

صالح: السلام عليكم..

"عمر و خلف": و عليكم السلام..

عمر: صالح .. هـذا خلف ولـد أخت أم الذيب ..

صالح: هلا فيك أخـوي آمـر وش بغيت من البيـت؟

خلف: أبي خـالتي "مشعـــا" مـن زمان أنقـطــْعت أخبارها و أبي أتطمـَن عليها..

صالح: بـس هذا مو بيت مشعـــا هذا..........

"قـاطعه خلف": مشعـــا نفسها أم صـايل و (أم الذيب) مثل مـا تسمـَي نفسها بالحاره و هي خالتي الوحيده و مـا عندي غيرها...

صالح: أوَل مره أسمع أسمها .. بعدين أحنا من يـوم الخميس مـا ندري وينها بس الظـاهر أنها مسـافره للـدوادمي..

"تفـاجأ خلف": أنـا جاي من الدوادمي عشانها .. مـاهي عندنا هناك ولا ندري عنها !!!!

"ألتفـتـوا على بعض صالح و عمر و هـُم مصدومـييييييين من كلامـه لأنهم توقـَعوا أنها مسـافره و مستحيل تكون بالريـاض ولا يـدرون عنها"

صالح: أنت متـأكد أنها مـا سافرت؟ طيب وين راحـت..؟

عمر: معقوله تكون عند ولـدها صايل ؟

"خلف بـ خـوف": مـو عند صايل! أنا من شوي كلمته و قـال أنه مـا شافها من فتره طويله بس أكيد في بيتها أو عند الجيرآن.. و أنتم تقولون مسـافره و هي مـا طـلعت من الرياض .. يـا جماعه وش السالفه أنا مـو مستوعب شي..

"مـرت لحظـة صمـْت و هـُم ينـاظرون بـ بعض و يفكـَرون بـتوتـَر لأن جاء ببالهم أحتمال واحد مـا فيه غيره .. أن ربـَي أخذها بـ رحمته!!!"

"تغرقـت الدمـوع بـ عيون خلـف و صدَ و هو يقـرَب من باب بيتها و يضربه بـ قـوووه و ينـادي بصوت مخنـوق": خـااااااااااااالـتي ..

عمـر: خلونا نتصـل على الشرطه تجي تتصـرَف بهالـموضوع ..

خلف: أتصلـوا بسـرررررررعه..!

"أبعـد عمـر عن البيت وهو يكلـَم الشرطه .. و قـرَب صالح من خلف وهو يهدَيه و يطمنه "..

^^^^^^^^^^^^^^^^^^^^^^^^^^^^^

بعد نص ســـآعه وصلت سيارت الشرطــه و الإسعاف و معهم رجـال المباحث الجنائيــه .. حقـقـوا بالموضـوع بـ وجود أغلـب الجيرآن و كانت أكثر الأسئلــه موجهه لـ خلف بـحكم أنه ولد أختها و يعرفها أكثر ..

كسـروا باب البيت و دخلوا بـ هدوء و هـُم يتلفتـَون و منعـوا أي أحد أنه يدخل و كان البيت محـآط من كل مكـان ..

"الرائـد حسن و هـو يسأل خلف": هـذا الفراش اللي بـالأرض لميـن؟؟

خلف: لها .. هي تنـام بالحـوش دايم ..

الرائد حسن: لـيـه؟

خلف: لأنها مـا تدخل بيتها نهائيآ و إذا دخلـت يصير عندها ضيـق بالتنـفــَس ..

الرائد حسن: مـن متى عندها المشكله هـذي؟

خلف: مـن زمان والكل يعرف عنها هـالشي ..

"ألتفـت الرائد حسن على الرجـال اللي معاه و أشـَر لهم يفتحون باب المدخـل حق البيت .. و مشى لـ جهة الباب و يتبعه خلف ..

و بعد مـا كســـروه بالقـوَه طلعت ريحة عـًفـن قـويـــه من البيت .. صـدَ خلف وهو متضـايق من الريحه و يسد خشمــه .. و دخلـوا الرجال و هـُم يلبسون المـاسكات و يفتحون الضوء ..
و بـ أوَل غرفـة وهي الدوانيــه لقـوا (أطـراف أصابــع) طـالعه من تحـت الـبـاب ..!!!!

أنصـدم خلف و صـررررررررخ بصوت عـااااااااااااااااااالي لما شـاف اليد .. مسكه الرائد حسن و أبعـده عن المكان و هو يحـاول يهدَي منه..

صـالح لـما سمـع الصرخــــــه راح يركـض لـ داخل البيت بـ تهـوَر .. حـاولوا يمنعونه الشرطه بس هـو دفـَهم بـأقوى مـا عنده و كان يتصرف بشكل مجنـون و مـو حـاس بنفســــه ...

وقـف بجنب الرائد و أنصـدم لما شـاف أطراف أصابعها من تحت الباب .. غـطـَى وجهه بوسـط يدينه و نزلت دموعـــه بـحراره بدون مـا يشعر و عجــز يتكلـَم ..
مسكه الضـابط و طـلـَعه برا .. و جاء ضـابط ثاني و أخذ خلف و كان منهاااار و يصيح بشكل مـو طبيعي "..

كسـروا باب الدوانيــه .. لـقـوا أم الذيب منسدحــه عند الباب و يـدها تحته و كأنها تحـاول تفتحه .. و كانت واضحــه من طريقـة وفـاتها أن فيه شبهه جنائيــه بـالحادثــه
لأن على حسب كلام خلف بأنها مـا تدخل البيت نهائيآ و كيف لقـوها موجوده داخل الدوانيه و المفتـاح مرمي جنب جثــَتها المتعفـنـه "..

الرائد حسن: أنقـلـوها لـ مجمـَع الريـاض الطبـَي بالشميسي عشـان نعرضها على الطبيب الشرعي و نحدَد السبب الحقيقي للوفـــاة ..

"عـم الحزن على الجـــيرآن لما عرفـوا بـوفـاتها .. و الكل واقف قبال بيتها و يدعي لها بالرحمه و المغـفـره ..

صـالح و عمـر جالسين على الرصيـف و عيونهم مغرقه بالـدموع .. بهالموقـف هذا محد يقـدر يمنع مشـآعره أنها تبآن حتى لـو بـ أسم الرجـوله!!
ينـآظرون بالناس اللي واقفه و محتارين بسبب وفاتها .. أو بمعنى أصـحَ ! مو مصـدقين !!
أبو سطام و أبو عبدالعزيز و أبو محمد و باقي الشباب واقفين بجنبهم و كانوا أكثر صبـر منهم .. يمكن لأنهم مـا عرفوها زين ولا أحتكـَوا فيها زي عمـر و صالـح اللي تعوَدوا يتمشـَون معها على الشـارع العصــر ..
تعوَدوا يلبـَون لها طـلباتها و يشترون لها كل شي تحتـاجه .. تعوَدوا على سوالفهـا و على دعواتها لهم بالخيــر .. كانت مواعـده صالح بأنه تحضر عرســه لما عرفـت بـخطبته على ناديا ..
و كانت تحسـدها عليه و تقـول/ يا بختها بالقـلب الصافـــي .. و يابخـت اللي تآخذ القـلب الوفـــي (تقصد عـمـر)
تجمـَعت كل الذكــريآت بالشـارع هذا ..
و تجمـَعت كل الهمـوم لما شـافوا جثتها تدخل سيـارة الإسعـاف ..
و كان هـ الدخول نهايـــه لـفصول المعانـــــــآه اللي مرت فيـــها ( أم الذيـــب ) "..

ــــــــــــــــــــــــــــــــــــــــــــــــــ ــــــــــــــــــ

: إنـا لله و إنـا إليــه راجعــون .. لا حول لا قـوة إلا بالله .. لله مـا أخذ وله ما عطى ..

"أم سطام وهي تمسح دموعها": الله يرحمها ويغفر لها ...

أبو سطام: آميـــن .. كلنا ماشيين على هـالطريق يا أم سطـام ومـا يبقى غير وجهه سبحآنه و تعالى.. ومـا ينفـع صياحك عليها أدعي لها تراهـا محتاجه لـدعواتك ..
الله يبدَلها بـ دار خير و بركــه و يدخلها الجنـــه و يجيرهــا من عذاب القبـر و نار جهنم ..
يآرب اسألـك بأنك تجزيها عن الأحسان أحسانآ و عن الأساءه عفـوا و غفرآن ..
و تحاسبها برحمتك و تنظـر لها نظرة رضـــا و اللي تنظــر له ما تعذبـــه ..
و ترزقها شوفـة وجهك الكــريم و تسكنها بمسكن الشهــداء ..
و تتقبل الدعـوات و ترحمها برحمتك يـا أرحم الراحميــــن ..
يــآرب أرحم أمواتنا و أرحمنا لا سـرنا على هالطريق ..

" كـان أبو سطام يدعي و أم سطام تصيـح و وتين دافنـه راسها بوسط رجولها و تشـاهق من الصيآح .. و أحلام جالســه بـجنبها و تمسح على رأسها و تحـاول تهدَي منها "..

أبو سطام: أحلام خذي بنت عمك لـ غرفتها عشـان ترتاح ..

أحلام: ابشر يـا عمي .. قومي وتين معاي مـا ينفع اللي تسوينه بنفسك ..

"قـامت أحلام و مسكـت وتين من ذراعها و تحاول توقــَفها .. وقـفت وتين بصعــوبه وهي تمسـح دموعها و ترجع شعــرها على وراء و وجهها أحمر من كثر الصيـاح ..
دخلت الغـرفــه و رمـت نفسهـا على السرير و كمـَـلـت صياح عجـزت توقـف .. بهاللحظـــــه تذكـَرت أختها ( وجـدان ) الله يرحمها و وفـآة أم الذيــب رجـَعها لـ وراء .. أيام وفـاتهـا هي و زوجها بالحـادث..

"" يـا الـغـاليه والله فـاقـدتـك ,, مـا أخـبــّي
إلاَ فـراق (الــمـوت) مـا فـيه حـِـيـلـه ..!

يـا عـيـن صـبـَي صـافـي الـدمـْع صـبـّي
عـسـاه يــبـرَد كـبـْدي الـلـي عـلـيـلـه ..

مـا مـن جـزع فـيـمـا قـضـى فـيـه ربــّـي
.. لـكـن حـزيـن و كـن صـدْري فـتـيـلـه ..!! ""

عـدَلـت لها أحلام البطـانيــه و عطتـها كأس مـاء عشـان تشــرب ..
حسـَت بالمسؤووليـــه تجاهها و تخيـَلت لـو أن وتيـن بهالموقــف وهي مـو معها "..

× مشـكلـــه لما تكـونين وحيدهـ و مـالـك خوات ..
و ربـَي مـافيه شي بالدنيــا يعوض عـن وجود أنســان غـالي بـ غلاتــها ..

تحكيـن معها ..
تشكيـن لها ..
تسمعــك و تفهمـك ..
توقـف معاك بـ ضيقـتـك و تتحمـَلـك ..
لأن مشـاكل الحيــاه و همـومها كـثيــره تهدَ و تكســر الحيــل .. ومـا تتمنـَين من الدنيــا شيء قـد مـا تكون أمنيتـك ((أخــــــت ))!!

تخيـَلي لـو أنخطبـْتي ..
ملـَكتي ..
تزوَجتــي ..
جـاك مولـود ..
كل هـ الأحــدآث السعيـــده و أنتـي وحيــده مالـك أخـت تشـاركـك الفـرحــه ..

تخيـَلي لـو أنعزمـْتي ..
طـلعتي تتمشـَين لـ مكـــان ..
حضـرتي زواج ..
و شفـتي جًمـعــة الخـوات .. و مـزحهم و ضحـْكهم و سوالـفـهم و حـُبـَهم لـ بعض ..
بـاللحظــــه ؟؟
تذكــرين ربـَك و تصـدَين و تقـاومين الدمــوع و لسـآن حالـك يقول/ مــا شـاء الله .. الله يخلـَيهم لـبعض بـ خيـر طـووول العمــر ..

الأخــــــت (نعمـــــة) مـا يحـسَ فيها إلا اللي فـقـدهــــــا..!!!!"..

++++++++++++++++++++++++++++++++++

×× نهايــــــة البـــــارت الحــــــــــــادي عشـــر ××

23-01-10, 10:35 AM

المشاركة رقم: 53

المعلومات
الكاتب:	yasmine
اللقب:	ليلاس متالق

البيانات
التسجيل:	Jun 2009
العضوية:	146369
المشاركات:	1,645
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : yasmine المنتدى : القصص المكتمله

روايــــــة...№[ياغــلاتـــك بقلـبـي يانصيب الغـيـــر]№

....¸•°أم الـظـفـايــر°¸•....

©الـــجــــــــــ الثاني عشر ـــــــــــــزء©

يـــوم الثـلاثـــاء

6 صـفــــر

بعد مرور ثلاث أيام على وفاة أم الذيــــــب..

الكل يترحم عليها و يدعي لها بالمغفـره و يحاول يتأقلم مع حيــاته بدون وجودهـا ..!!

"سطام وهو يجلس مع أبوه و صالح بالـدوانيه": من شوي قـابلت خلف و قال أن وفـاة أم الذيب طبيعيه لأنها بسبـَـة سكته قلبيه ومـا فيه أي أثـر ضرب ولا جروح بـجسمها ..
معناته هي داخله البيت بنفسها محد .......

"قـاطعه صالح بـ قهر": ولـدها اللي أخـذها داخل هي مستحيل تدخل بـنـفسها ..

أبو سطام: أستغـفـر الله مـا نبي نظـلم ولدها لأنه أصلآ مـا يدري عنها ولا قـد زارها و سأل عنهـا ..

صالح: بـس تراه كان يجي و يهـددها أنه يذبحهـا بسبب فـلوسها و حلالها و أكبر دليل إنها تنـام عندنا بالأيـام الأخيره و أنت أدرى و تعرف قصـَـتها ..

سطام: طيب وش الـدليل اللي عندك بـ أن ولـدها يهدَدها ؟ الشرطـه و المباحث مـا يتعاملون إلا بـ أدلـَه و براهين على ورق يعني الحكي مـا يقنعهم .. على العموم هـُم أكيد بـ يحقـَـقون مع ولدهـا و قرايبهـا ..

أبو سطام: أخـوك صادق .. و بعدين لا تتـدخـَل عشان مـا يسحبونك للسجن و يتهمونك بـ وفـاتها ..

صالح: هي مـا توفـَت إلا بالـفتره اللي كانت تهرب من بيتها و تنـام عندنا ..

أبو سطام: أستغفر ربــَك .. الموت مـا يعرف لاسـاعه ولا فتره .. أنت وش بلاك تحوس بالحكي خلاص الحرمه مـاتت و سرَها معها محد يعرفـه..

"أنـقهر صالح ودَه يـآخذ لها حقـَها بس مـو عارف كيف .. رد بـ تـأكيد": أن أخذ ولـدها كل حلالها معناته هـو السبب!

"قـام صالح و طـلع من الدوانيه وهو معصـَب .. ألتفت أبو سطام على سطـام": يـا ولدي رح أجلـس تفاهم معه خلـَه يتعوذ من الشيطان و ينسى أم الـذيب و ولـدها مـا نبي مشاكل..
أنت أخوه الكبير و يسمـع منك و أنا يـابوك مابي أكلـمه أخاف يزعل ..

سطام: أبشـر يبه .. بـس ترى مسألة وقـت و ينسى لأنه متعـوَد عليها و على وجودها و صعب يتقبـَل وفاتها بـ هالسهـوله..

أبو سطام: ليته ينسى .. والله مـدري متى يتسنـَع هـالولد كل طـاري يطري عليه ومـا يترك أحد بـحاله..

سطام: يتغير مـا عليك منه .. ومـا راح يسوَي شي من اللي بـ بالك لأنه صار يحكـَم تصرفـاته بعقله..
تـذكر يوم هوشته مع الشباب اللي بالأجازه؟ مـن يومها سمع نصايحك ومـا عاد يسوي مشاكل مع غيره..

أبو سطام: ياليته بس يهتم بعرسه ولا يشـْـقى بـأحد ..

"سطام وهو يوقف": أنـا طالع أرتاح بـغرفتي .. أحس من رجعت أمـس من السفر مـا ذقت الراحه ..

* * * * * * * * * * * * * * * * * *

: و هـذا اللي صار بـموعد اليـوم..

وتين: يعني التخطيطات اللي سويتها كلها تمـام و تطـابقت مع بعضها ..

فارس: إيوه بـس باقي أسوي (الأشعه المقطعيه) الأسبـوع الجاي و بعـدها عاد يقـرر الأستشـاري إذا العملية نـاجحه أو لأ..

وتين: طيب أنت ليش زعـلان أحس مـو عاجبك وضعك ..

"تنهـَد فـارس": آآآه والله لمـا أفكـَر بـ عقـلي أقول/ الحمـدلله وصلت لـشيء كان من المستحيلات عندي و هـو (العمـليه)..
لكن لمـا أجي لـ الواقـع حولي و الله أشوفها صعبه أني أظـل بـسماعاتي الطبـَية طـول العمر .. لا أنا متـقبـلها ولا المجتمـع حولي يفهـم أنها طبيعيـه مثل النظارات ..

وتين: لا تخلـَي الشيطان يوسوس لـك .. ترى هـذا كلـَه عشـان يبعد بينك و بين ربـَك و عشان تسخـط من خلقته و تنكر نـِعمـه عليك ..
تعـوَذ من الشيطان و قـول الحمدلله ترى كلـَه خـِـيره من رب العـالمين ..

الصحابه بـ عهد الرسول صلى الله عليه وسلم كانوا إذا مـا مرضوا و تعبوا / يصيحون و يقـولـون: ( ربي غاضب علينا لأنه مـا أبتلانا بـ مـرض)..
الله إذا أحبَ عبـْد أبتلاه!! إذا أحـبَ يـا فارس!! يعني ربـَي يحبك ..

الحمدلله أنـت مسلم و تصلـَي و تصوم ,, و محترم نفسـك و غيرك مـا قد ضرَيت أحـد بـحياتك و الكل يحبـَك و يذكرك بالخير .. يعني مـو عقـاب عشان تتذمـَر و تتضـايق ..
لا تضيـَع الأجر منك ولا تترك فـرصه للشيطـان يوسوس لك..

و بعدين أنـا ما أشوف لها أي تأثير سلبي بحيـاتك .. يعني مـانت فاشل بدراستك ولا أنت غبيَ بـ تفكيرك و عقلـك أكبر من عمرك .. أنت ناجح بحياتك و متحدَي كل المعوقات عشان توصل لأهـدافـك..

تخيـَل لو أنك وقــَفـت سعادتك كلها على هالمسـأله كيف راح تعيش؟ تصير حياتك جحيم و كدر و هـمّ و أنت لسه صغير..

"سكتت وتين وهي تناظره و تشوف تأثير هالكلام عليه.. دايم تحب ترفـع من معنوياته و هالشي تعلـَمته من الأخصائية الأجتماعيه اللي في الكليه..

كانت وتين تجلس معها دايم و تشـرح لها وضع فارس و تآخذ حلول تشجعه فيها بس بـدون مـا تبيـَن له هالشي و على هالأسـاس فارس مرتاح بـ أرآئها بس تمر عليه لحظـات ضعفْ يتجـاوزها بعد سـاعآت"..

"فـارس وهو منزل رأسه بـ إحراج": قسـم بالله مـا عندي كلام أقـوله بعد اللي سمعته منك .. اللهم لا إعتراض على قـدرك ..

وتين: مـا عليه أنا أدري أنها ضـِـيقه و تعدَي أنت نـام لك ساعتين أرتاح من مشـوار المستشفى اليوم و تـأكد أن ربي مـا راح يعطيك إلا كل خيـر..

"أبتسـم فارس": يـاااخي أحبـَـك والله أنك عسـل و تهبـَلين و تجنـَنـين ووووكل الحته ..

"ضحكـت وتين بـ دلـع": هههههه ياعمري حتى أنا أحبـك ..

"رن جوالها و كان المتصل سطـام يطلبها تجيه لـ غرفته فوق.. قـفلت و أستأذنت من فـارس و صعدت فـوق لغرفة سطام "..

ــــــــــــــــــــــــــــــــــــــــــــــــــ ــــــــــــــــ

"وتين وهي تجلس قبال سطـام": هلا أخـوي ..

سطام: أبسألك إنتي فـاضيه وإلا مشغوله اليوم؟

وتين: فـاضيه أكيد ما عندي شي..

سطام: طيب أبيك تروحين لـ بيت خالتي هنوف إنتي و صـالح ..

"أستغـربت وتين": ليه نـروح؟

سطام: خلـَي صالح يجلـس مع ناديا يسولفـون و يتعرَفون على بعض أكثـر .. أبيه يطـلع من جـوّ الحزن أحسـه معصـّب و مقهور من وفـاة أم الذيب و بخاطري ينسـآها ..

وتين: مـا شاءالله عليك تفكيرك و تخطيطـك حلو.. فعلآ صلوحي ينبسـط لو شـاف ناديا و أنا بعد ودّي اشـوفها و اجلس معها ..

سطام: خلاص كلمي ناديا و عطيها خبـر و أقنعي صالح ولا تجيبيـن سيره لـه بالسالفه ..

وتين: أبشـر ولا يهمـّـك ..

سطام: إلا مـا قلتي وش صار بينك و بين أحلام تراضيتوا؟

وتين: أمممم تقريبآ صـار إعتـذار غير مبـاشر .. أننا نتكلـّم مع بعض عـادي ..
بصراحه هي مـا قصـّرت بـ يوم وفـاة أم الذيب وقفت معي وقفـة أخت مـا أنساها لها .. بـس ........

"سكتت و كان قصـدها أنها راح تعاملها بـ حدود و سطحيه عكس أوّل .. مهما كان يظـل بداخلها خـُوف من تصرفـاتها"..

سطام: بـس أيش؟

وتين: ولا شي ولا شي..

"سطام بإقـنـاع": وتين .. تـرى إنتي إنسانه واثـقه من نفسك و شخصيتـك حلوه و عنـدك قـِـيـَم و مبـادئ .. لا تخلـّين أي شخص يأثر بـ قراراتك و تصرّفـي بـ قنـاعه بدون مـا تشاورين غيرك..

وتين: وش قصـدك..؟

سطام: قصدي أن مـو من أخلاقك الكـُره و الحقـْد .. خلي قـلبك نظيـف و صفـّي النيه .. اللي يقولـك (لا تسامحين) قـولي (لأ .. المسـامح كريم)..
لا تضيعين حياتك بالتفكير بـ مواقف تافهه ممكن تحبطـك و تحـطّ حواجز بينك و بين النـاس اللي يحبونك و يحترمونك..

وتين: إذا قصـدك أحلام أنـا سامحتها و مو شـايله بـ قـلبي عليها..

سطام: أحلام و غيـرها .. تذكـّري كلامي دايم و أنـا والله تهمني مصلحتك و مـابيك تكونين صغيره بـ عين نفسـك و بعيون غيـرك..

"كـان كلام سطام نابع من أبـوّه مدفونه بداخله مهما حـاول يخفيها و يداريها لابد أنها تبان بمواقـف بسيطه ..
و وتين أقتنعـت بسرعه و أخذت برأيه .. فكـّرت بواقعيه بأن لـو ظـلت تفكر بالأشيـاء اللي تزعـّلها ما راح تتقـدّم حياتها"..

وتين: أخليك ترتـاح و أنا أبروح أكلـّم ناديا و صالح أتفـق معهم ..

سطام: لا يكـون زعلتي من كلامي؟

وتين: لا شدعوه أنـت مـا قلت إلا الحق و أنا بصراحه كنت محتـاجه أسمع رأيـك ..

"سطام وهو ينسدح على السرير": تمـام .. أجل طفـّي الضوء أبنام .. و خبريني وش يصير معـك ..

وتين: أن شاءالله .. تمسي على خير ..

↑ ↑ ↑ ↑ ↑ ↑ ↑ ↑ ↑ ↑ ↑ ↑ ↑ ↑ ↑ ↑ ↑ ↑ ↑ ↑ ↑

"نزلـت ناديا من الدرَج وهي تعـدّل شعرها و مبسوطه أنها راح تشـوف صالح ..
تحـبّ سوالفـه و عفـويته و خفـّة دمـّه ,, و تحب طيـبة قلبـه و حنــّيته ..
تحسـّه إنسـان يجمع كل الأشيـاء الحلوه بـ نـظرها بدون مـا تلتفت لـ سلبياته لأن أهـم شي عندها (قـلبه الصافـي) و الباقي مـا يهمّ "..

"نـاصر و هو معصـّب": وين وين وين على خير..

"وقـفـت ناديا بـ نص الدرج وهي منخـرعه من ردّة فعـله": وش فيك معصـّب علي..

"ناصر و هو يأشـر عليها من فـوق لـ تحت": تطـلعين له باللبـس هـذا!!!

"نـاظرت ناديا بـ لبسها": مـا فيها شي عـادي..

ناصر: بنطـلووووون؟ أستحي على وجهك الرجـّال أول مره يشوفـك بعد الملكه ألبسي شي سـاتر..

ناديا: هذا ساتر وش شـايفني يعني لهالدرجه مـا أعرف ألبس..؟

ناصر: أقـول لا تستهبلين روحي ألبسي لـك تنوره طويله و بلوزه واسـعه ..

"أنقهـرت ناديا": مـا أحب ألبـس تنوره أحس أني غبيـّه فيها..

ناصر: يـا ساتر أجل ذكيـّه بهالبنطـلون ..
أقـول روحي غيري اللي عليك صـالح ينتظرك بالمجلس و أخته عند أمي بالصـاله تسأل عنك عجـّلي ..

"رجعـت ناديا وهي مقهوره منه و تتوعـد فيه بأنها تلبس أشـين لبس عشان يتوب ولا عـاد يتحكـّم بـ لبسها"..

ــــــــــــــــــــــــــــــــــــــــــــــــــ ــــــــــ

23-01-10, 10:37 AM

المشاركة رقم: 54

المعلومات
الكاتب:	yasmine
اللقب:	ليلاس متالق

البيانات
التسجيل:	Jun 2009
العضوية:	146369
المشاركات:	1,645
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : yasmine المنتدى : القصص المكتمله

وتين: ههههههههههههه أمشي عـدل يا بنت ليه كـذا تتمـايلين؟

ناديا: التنـوره ضيقه علي مـن زمان مـا لبستها ..

"أم ناصر وهي مطيره عيونها": ناديا وش هالبـدله البايخه اللي عليك؟

"نـاديا بلا مبـالاه": مو قـال تنوره؟ هذي هي و أكمـام طويله بعد ..

"وتين وهي مـا زالت تضحك": وأسود بـأسود بعد هههههههه أرحمي أخـوي يا بنت تبين تذكـّرينه بالعـزاء ..

ناديا: وتينووووه لا تضحكين ترى ألـمّ شعـري بشباصه و أمسـح الميك آب..

"صـرخت وتين": لآآآآآآآآآ خلاص أنا آسفه..

"ناديا بـ قهر": عكـّر مزاجي يا جعل يتعكر مـزاج أبليسه..

وتين: آمين هههههههههههه..

أم ناصر: أرفعي البلوزه لـ فوق ترى صـدرك باين..

"ناديا وهي تشـدّ البلوزه بقـوة لـ رقبتها": وش فيكم علي اليـوم إنتي و ناصر؟ ..

"نـادها ناصر من وراء الباب .. طلعت و هي معصـّبه و متنرفزه"..

ناصر: ايه هـذا اللـّبس السنـع ..

"دخـل المجلس و ناديا تمشي وراه و منزلـه راسها بالأرض ..
قـام صالح و هو يعـدّل شمـاغه و يصافحها بـ حياء ..

جلسـت ناديا جنبه بدون مـا تناظره معصـّبه على ناصر و كمـّلها لما جلـس معهم هي و صـالح .. لأنها مـا راح تآخذ راحتها بالسـوالف"..

ناصر: يـالله حيـّه النسيـب ..

"صالح و هو مبتسـم": الله يحيـّـيك ..

ناصر: شخبارك و شخبار أبو عميـر؟

"صالح بـ مـزح": كم مـره تسألني؟ قلت لك تمـام ..

"ضحـك ناصر": ههههههههههه الظـاهر مزاجك مـو رايق مثل اللي بـ جنبك (يقصد ناديا)..

"ألتفـت صالح على ناديا .. لقـاها مكتـفه يدينها و تعضّ شفـايفها بـ توتـّر و سرحانه .. أعجبته حيل بـ منظرها و تـمّ يتـأملها لا شعـوريآ وهو ساكت و مبتسـم ..

رفعـت ناديا عيونها و أنتبهت لـ نظراته .. صـدّت وهي تلعب بـ شعـرها و تغطـي فيه وجهها"..

ناصر: يـا شين زعلها بـس الله يعينك عليها ..

"صالح و هو يلتفت على ناصر و يسـأله بـ إهتمـام": مين زعـّـلها؟

ناصر: أأأحم أأأحم .. أخاف أعترف عقـب تستقـوي فيك و تطـلب فزعتـك ..

صالح: آهـا .. معناته أنـت؟

ناصر: مشكله أخويـه بس هي حسـّاسه و بسرعه تشيل بخـاطرها..

"صالح لا شعـوريا": تفـداها الأحاسيس و الخواطـر كلـّها بس أهـم شي لا تزعلونها ترى مـا أرضى عليها ..

ناصر: الله و أكبر .. هـذا وهي مـا بعد نطقـت بحرف أجل و شلون لو قـالت اللي بخاطرها وش بـ تسوّي..؟

صالح: ناديا مـا تتكلـّم .. ناديا بس تأشـّر بعيونها و أنـا ألبـّي لها طـلباتها..

ناصر: من قـدّك يـا ناديا .. بعد اليـوم ما أظـن أتجرأ اغلـط عليك لأن بـ يلحقني عـِقـاب قـوي من زوجك ..

"أبتسمـت ناديا و تحـس نفسها ودّها تطير من الونـاسه .. ردت بـ همـْس": أحسـن عشان تتـأدب معي ..

ناصر: هـاه وش قلتي؟

صالح: تقولك تـأدب معها مره ثانيه .. خلني أسمـع أنك مزعـّلها مره ثانيه والله لا أوريـك نجوم الظهر ..

ناصر: أوب أوب .. يـابن الحلال خلني أهرب قبل مـا تقضـي علي .. أنا أستـأذنكم فمان الله..

"طـلع ناصر .. و ألتفت صالح على ناديا بكل جسمه و هو يسـألها": هـا أرتحتي حبيبتي ..

"أبتسمـت ناديا وهي تنـاظر الأرض": حبيبتي؟ أجل وين (أبو النـود)؟

"صالح بإحراج": يسلـّم عليك .. أأأمزح معك ندّوش أنتي حبيبتي و دنيتي و أحلى شي بـحياتي ..

"ناديا نطـّت خدودها و أستحت من كلامه .. مـو مصدقه أنـه بكل هالرومـانسيه .. بس تمـّت متضايقه من لبسها تحس نفسها مـو كاشخه عدل و هو أوّل مـره يشوفها بعد المـلكه و لازم تكون أحلى من كذا"..

صالح: باين عليك مـو رايقه .. أخاف إنك متضايقه مـن زيارتي لك..؟ بس بصراحه هـذي وتين لـزّمت علي أجي و أنا بيني و بينك مشتـاق لك و لقيتها فـرصه أجلس معاك بس مـا حبـّيت أبيـّن لأحد ..

"ناديا بـ صوت نـاعم": لأ صلوحي لا تقـول كذا بالعكس مبسـوطه بشوفتك بـس ناصر الـدوب زعـّلني .. و بعدين أنا لـو أجلس معك العـمــر كله مستحيل أمـلّ منك ..

"تنهـد صالح و هو ينـاظر فوق و يرجع ينـاظرها": والله أحسـد نفسي عليك .. يـا بختي لما تكون لي مملكـة خاصه إنتي تملكينها ..
مـا كنت متصـوّر ألاقي أنسانه تناسبني غيرك إنتي .. دخلتي قـلـبـي من أول ضحكه بالبر كنت أ..........

"قـاطعته ناديا وهي تضحك بـقوّه .. تذكـّرت حركات صالح بالبر و خفـّة دمـه ,, و كيف كانت تضحك عليها لا شعـوريآ مـا تقدر تقـاومها": ههههههههه يعني حـُب من أول ضحكه ..

صالح: و حـُب من أول خـرعه! تذكريـن لما دخـّـلت السلـق للخيمه و صرتي تنطـطـين و تصـارخين و انتي لابسه البنطلـون الفوشي .. آآه يـا زينك و أنتي خـايفه ..

ناديا: يمـآآآه منك متـذكـّر لون بنطلوني بعد..؟

صالح: وأنا أنـسى زولـك بـ ذاك اليوم! أوّل بنت أشوفها بحياتي على الطبيعه غير أمي و وتيـن .. بـس عليك ألوان باللبس غـريبه فوشي .. أصفر .. سماوي .. برتقالي ..

ناديا: أمممم أحـب هالألوان و تعوّدت عليها و مع الأيام أنـت راح تتعود تشـوفها علي ..

صالح: لأ .. الله يسعـدك بعد العرس لما تكونين في بيتـك مـابي أشوفها عليك عشـان مـا يصير عندي عمـَى ألـوان ..

"أنحرجـت ناديا منه .. و حاولت تصرّف الموضـوع بأي طريقه": بسم الله عليك .. طيـّب كلمني عن طبيعـة حياتك و يوميـاتك دايـم روتين و إلا تحـب تغيـّر ..

"تملـّل صالح من جلسته الرسميـه .. و سـألها": إنتي صرتي زوجتـي صح ..؟

"تفـاجأت ناديا من سؤاله و ردّت بـ إستغراب": إيـوه ليه؟

"صـالح وهو يفـك أزارير ثوبه اللي مـاسكه على رقبته و يرفـع رجوله على الكنب و يتربـّع": عشان آخـذ راحتي بالسوالف ..

"أبتسمـت ناديا من حركته و قـالت بدلع": أن شـاء الله دوووووم مرتـاااااح ..

"صالح وهو ذايب من حركاتها": مـا أتحمل الدلع يـا ندوش أرحميني شوي ..

"ناديا وهي تلعب بخصل شعرهـا": وإذا مـا تدلعت عند زووووجي و حبيبي من أتدلـع عليه..؟

"صـرخ صالح وهو يقـاوم الخجل": خلاااااااااص يا أبو النود .. خلينا بـ روتيني أحسـن و أتركي الدلـع للعرس ..

ناديا: هههههههههههههههه تيب كمل ذكرياتنا بالبر وش حبـّيت فيني غير الخـرعه والضحكه؟

صالح: حبيتك من أوّل فـزْعـــه .. تذكرين لـما جيت أهـاوش وتين و فـزعتي لها أنتي .. والله تعرفين الفـزعات طـالعه على زوجــــك ..

"ردت ناديا لا شعوريآ": لبـّى قلـب زوجي فديتــــــه ..

"صالح وهو يصد بحيآء": يـآحوووووول .. هـذي اللي تبني أأأأأأ ..... وإلا مـاني قـايل ..

"أنخـرعت ناديا و هي كـاتمه الضحكـــه": خلاص أبو صلوح كمـّل والله مـا راح أتكلـّم إلا بعد العرس .. أتفـقـنا..؟

"تنهـّد صالح": آآآه أتفقنا و الله يصبــّـرني لهاليوم ..

.¸¸.•°°.¸¸.•°°.¸¸.•°°.¸¸.•°°.¸¸.•°°.¸¸.•°°.¸¸.•°°

يـــوم السبــــت

10 صـفــــر

© الفجر همس و عصافير وطمأنينــه
ذكرني ~بصوتك العذب~ و سواليفــك
يـا فجر عمري صباح الحب وسنينــه
ياااارب دايم صباحاتك على كيفك؟ ©

"أبتسمـت صفــــآء وهي ماسكه جوالها و تناظر المسج اللي مـن متعب .. قـرّبت لها هديل و هي تنـاظر معها وتسألها": مـن مين..؟

صفآء: من ميتــــــو .. فديـت صبآحي كلــّه برسـالته ..

هديل: ألحين تكرهين صبآحك كلــه بعد مـا تستلمين نتيجتـك .. لأن فيه كم دكتـوره مستقعدة لـك و متحلـّفه ترسبك ..

"صفاء بـ إستيـآء": وععععع لا تذكـّريني بالنتيجه ..

هديل: مـا تحتاج ذكرى بعد شـوي يفتح مكتب القسـم و يسلمونا النتايج ..

صفاء: من زمـان بخاطري أعطيك لـقـب و أحسـّه يليق لـك ..

هديل: صـز ؟ وشـو؟

صفاء: (نـكــــد) .. لأني كلما أروّق تنكـدين علي ..

"هديل و تسوّي نفسها زعـلانه": أنا أدري ليه تسمـّيني نكد لأني صريحـــه و أقـول الحـق..

"صفاء حسـّت بالذنـب من كلامها": لأ هـدوله ما أقصـد و ربـّي .. أمزح معك يالدوبـــــــا ..

هديل: دآريه أنك تمزحين معآي والله لو أنك تقصـدين كان طردتـك من الشلـــّــه ..

صفآء: ههههههههه من كبرها الشله ,, مـا غير أنا و أنتي و وتيـن ..

"هديل وهي تأشـر": لا تفوتـك وتين كلما تمشي شبر تلاقي بنات و تسلم عليهم .. تقطـّعت خدودها المسكينه ..

صفاء: هي أجتماعيه بالكليه و تحب تسلـّم عى البنات اللي تعرفهم و تسـأل عن أحوالهم .. بس مستحيل تجلـس معهم وقـت البريك .. أحس مـا ترتاح لأحد بدون وجودنــا .. و أحنا مثلها بعد ..

هديل: مـو بس وتين الكلّ كـيذا.. أحس بنات الكليه فيهـم أنطوائيــه ومـا يحبـّون يكونون صداقـات ,,, لأنهم مـا يثقـون بأحد و هذا اللي أكتشفـته فيهم .. يعني الزمـاله هـِنا مصلحه و بـس ولا يمكن تكون صداقـه ..
الصداقه أساسـها الصبر التحمـّل و العطـاء بدون حدود .. و هـِنـــا محد يفكــّر يعـطي .. تغلب على تصرفـاتهم الأنانيــــه أنهم يآخذون وما يردون لك إلا القـليل ..

صفاء: صـــآدقه .. الحمدلله أننا نعرف بعض من أيـام الثانوي وإلا كان مـا استمرت علاقتنــا لين التخـرّج ..

"هديل بمزح": لسه باقي 4 شهور على التخرج .. يمكن نتهـاوش و نفتــرق....؟؟

"دزتها صفاء بعصبيه": بسـم الله علينااااااااا لا تفـاولين ..

هديل: هههههههههههههههههههه..

"وتين وهي توقف قـدامهم": صباحو ..

صفاء: صباح الـورد حيـّاك يالغـاليه..

"جلست وتين قبالهم وهي تحط شنطتها قـدامها": الله يحييك .. مـا جـاكم الفـرَج؟

صفاء: لسه ننتظـر ..

وتين: أحس تبلـّد شعوري مـا عاد أهتم ولا أخاف ولا يهمني إذا أرسـب أو لأ ..

"هديل وهي تغمز لها": أتحـداااااك .. بعد أربع شهـور يتحقـق حلم أنتظرتيه أكثر من أربع سنين و تقولين مـا يهـمّ !

"صرخـت صفاء وهي تصفـق بـ ردّة فعل مفـاجأه": وااااااو بعد أربع شهور الخطبه و الـزواج راح نفـرح فيك يا وتين ..

هديل: تجبـر بـخاطر هالطيـّب اللي تعـبْ و تملـّل من كثر مـا يحاول يداري شعـوره و يخفيه و يصبـّر قلبه لا يتجرأ و يحرجه قـدام الناس بأسم (الحــُـب) ..

"حمـّرت خدود وتين وهي تنـاظرهم و تحاول تستوعب الموقـف .. كلامهم حسـّسها بالمسؤوليه و أن جـاء الوقت اللي تعوّض عـُمــر كل السنوات اللي رآحت أقـلـّها بـ أهتمامها بدراستها لأن هالشي يهمـّه"..

صفاء: أنحرجت البنت لا تعليق هههههههههههههه..

"هديل بـ حمـاس": شـرايك نسوي لها زفــّه مقـدمآ قبل مـا تآخذ النتيجه..

"صفـاء وهي تزغرد و تغنـّي و تصفـق": مبروك عـروستنا يـا ربْ يبارك عرسهااااا ....... لولولولوووووووووووووش ..

"وتين وهي تقـاوم الضحكه و تضربها عشان تسكـت": أوووص فضحتيني يالعصـلاااااا..

صفاء: هههههههههه خلينا نحسّ بالحيـاة و أننا باقي فينا حظـوظ مـا عنـّسنا!!

"هـديل وهي تتحلطـم": لا تذكروني بالعنوسه ترى مـاحد طايح حظـّه غيري .. أنتي راح تتزوجيـن ميتو .. و وتـين تتزوج عموري .. أمـا أنا مسكينه ..
حتى صـالح اللي كنت حاطه عيني عليه خـآنني و أخذ ناديا .. العوض بـ سطـام .. أو عبدالمحســن أخو عـُمـر .. أو أو أو مشعـل ولد العـمّ ..

وتين: شوفي الجنـّيه مشطـبه على كل شبابنا .. أمـا مشعلوه ذا يااا شـِـينه و يـا ردى حـظ اللي تكون مـن نصيبه..!

هديل: أنتي بس مـو مالي عينك والله لـو تعرفين بواقعه تلاقين المعجبات (نمـل) حوله يعني كثـاااااار ..
يا حبيبتي النـاس ألحين تشتري الرجـّال بفـلوس و يهمـّهم منصبه و شكـله بغضّ النظـر عن أخلاقه اللي يبان لهم الحلو منها ومـا يدرون عن الخافـي..

وتين: قصدك بسبب عنوسـة بناتهم و إلا لأن صعب يلاقـون الرجـّال اللي يثقـون فيه و يأمنونه على حيـاة بنتهم؟

هديل: الأثنيـن..

وتين: الحمدلله أنـا ماني من ذولا البنات .. و أهلـي يحبـّون عـمــر و يعتبرونه بـ حسبـة (الولـد و الأخ و الصـديق) و أنـا أعتبره دنيتي و عـُمري اللي مستحيل أتخلـّى عنه ..

صفاء: و الحمدلله حبـّينـــا و أنحبـّينــا .. الـدور باقي على اللي مـا لقـوا .. "قـالتها وهي تناظر هديل و تحرّك حواجبها"..

"عصـّبت هديل و رفعت يدينها تدعي": يآرب أن كل الدكتورات اللي أستقعـدوا لك يرسبونك و تصيرين بآقيه للإعـاده..

"رفعت أكمامها صفاء وهي تتهدد تبي تضربها": محد مستقعد لـي غيرك غير يالبطه حلال فيك التسطير والله تستاهلينه..

"قـامت صفاء و سحبتها وتين وهي تجلـّسها": إنتم 24 ساعه تتناقـرون..؟ خلونا نآخذ النتيجه و نتطمن عقـب خذوا هالمربع سـاحة معركه ..

هديل: هههههههه أسمع من مهتم بالنتيجه .. وإلا عشان عـُـمرك؟

وتين: أيه عشآنــــــه ومـا عندي أغلى منه ..

-: مــيـــن هــــــو.....؟؟؟؟؟

"التفتوا البنات مع بعض و هـُم يناظـرون باللي واقفه و تسـألهم"..

وتين: أهلـيييييين جواهــــر ..

"مـدّت يدها جواهر وهي تصافح هديل و صفـاء": هلا فيك .. أمزح معك يـا بنت بس شفتك متحمسه و تسولفين بصوت عـالي ..

وتين: أممممم لا عآتي أنا كنت أتكلـّم عن أخوي .. هاه بشري نجحتي؟

جواهر: أيه ياربي لك الحمد .. و أنتي؟؟

وتين: لسه مـا فتحوا مكتب القسـم ..

جواهر: فتحوه من زمـااااااااان و البنات أستلمـوا النتايج .. الظـاهر بس باقي أنتي ..

"قـامـوا هديل و صفاء بسرعــــه وهم يشيلون شنـاطهم .. قـامت وتين وهي تشكر جواهر": مشكوره جوجو لأنك علمتيني .. و ربـّي جالسات نسولـف ومـا درينااااا ...

جواهر: بشريني بالنتيجه طيب .. فمان الله ..

**********************************

23-01-10, 10:39 AM

المشاركة رقم: 55

المعلومات
الكاتب:	yasmine
اللقب:	ليلاس متالق

البيانات
التسجيل:	Jun 2009
العضوية:	146369
المشاركات:	1,645
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : yasmine المنتدى : القصص المكتمله

: الله يبشــــــــرك بالخيــــــــر ..

"رينـاد وهي تكلـّم عمر بالجوال": أرتحت ألحين .. هـذا أنا غايبه عشـان أبشـــرك بـ نجـاحها .. تمـوووووون يـا أخوي ..

"عمـر و هو جـالس بغرفة الأشعـــه و معاه د/ رمـــزي": تستـاهلين أحلى هديــه على البشـاره الحلــوه ..

ريناد: بس ترى وتين عندها خبـر بـ أنك تسـأل عنها و مهتم لها .. يعني جـِيب لي هديتين ..

"أتسعـت أبتســامة عمــر": ولا يهمـّك .. يالله أنـا أبي أقفـل ألحين عندي الدكتور رمــزي أكلمـك وقت ثاني ..

"قفـل عمــر الجوال و هو يرتخي بـ جلستــه و يغطـّي وجهه بوسط كفـوفـه من الفرحـه": الحمدللــــــه ..

د/ رمــزي: أشبك يا رجـّال كلو عشـآنها نجحـت؟

عمر: حلم الأربع سنين راح يتحقـّق بعد أربع شهـور كيف مـا تبغآني أفـرح ..؟

د/ رمزي: اللـه يتمم على خيــر .. أنت تعبت من الخجل و السكوت و الكتمان أكثر مـن تعب أنتظـــارها .. لـو كنت متواصل معها بأي شكل من الأشكال كان خفـّف عن قلبك شوي ..

عمر: مـو من أخلاقي يارمــزي أني أستغل حـُب أهلها لي و ثقـتهم فيني بـ شيء يسيء لها و لـي و لأهلنا بعد .. وتين لــي العمــر كله و لآحق على التواصل بكل طـُرقــه ..

"رن جوال عمــر بنغمة مسج .. أخـذ الجوال من الطاولــه وهو يقـرأ":

© كـل شـي مـكـتـوب ..
بـس آهـ ,,,
يـا بـخـت اللـي مـكـتـوب لـه ..
إنـتـ
......إنـتـ
............إنـتـ ... ! ©

"عـضّ عمر على شفـايفه بقهـــر و بعيونه الحيـره": مـدري وش آخرة هـالأزعــآج ..

د/ رمــزي: مين اللي يرسلـك؟

عمــر: مـا أدري من 3 أيام و جوالي مـا يسكت من المسجـات و كلها من رقـم غريب ..

د/ رمزي: يمكن مـقـْـلـب..؟

عمــر: مـو مقلب .. هـذا احد قـاصدني و خاصني بالكلام .. و واضح أنه بنت مـو رجـّال .. و بعدين أنا كلـّمت صديقي بالأتصـالات و قالي أن الرقـم بدون أســم وهذا اللي مجنـّني!!

د/ رمزي: بنت؟؟ و بدون أسـم؟؟ مين حيكون يعني .. أنت شـاكك بـأحد؟

عمر: لأ والله مــا أعرف بنـات ولا لي علاقـه فيهم ..

"سمعـوا صوت ضربآت خفيفه على بـاب الغرفــــه .. أنفتـح الباب و دخل العامل الهندي و هو شـآيل (بوكيـــه ورد) كبير بوسطـه كـرتْ "..

عمر: لـمين هـذا...؟

العامل: أوومر أبد الأزيز (عـُمـر عبدالعزيز) ..

"تفـاجأ عمـر": مـن مين .. و من وين جبتـه ..؟

العامل: مـن رسبشـن .. هـذا رجال فلبيني سـوق سياره .. حطي هنـاك و قولي لموظف وصـل لأوومر ..

"أخـذ عمــر الـورد .. و حطـّه قدامه و هو يسحـب الكرت و يأشـر للعامل يطـلع .. قـرأ الكلام اللي على الكرت بصوت عـالي":

© كل سنـه و أنت بخير و | عيد ميلادك سعيد ؛
كل سنه و أنت يا غـالي ’,أجمل’, أيام العمـــر
كل سنه و | حـبـّـك ؛ في قـلبي يا بعد عـُمــري يزيد
و مو معقــوله أنا أنسى يوم ميلاد | القمـــر ؛
حافـظ ’, التـاريخ ’, والله مهما كنت عنك بعيد
| مستحيل أنسـاه ؛ لـو ينسى النحل ريح الزهر ©

"رفـع رأسه وهو ينـاظر برمزي و يفكــّـر": حتى ميـلادي يعرفونـه؟؟ وش السـالفه.. إذا انـا نـاااااااسي متى تاريخ ميلادي كيف تذكـّـروا؟

"د/ رمزي بـ تـأكيد": واضح أنو دولا يعرفوك كويس و همـّا حولـك حوالينك .. و يهتموا بتفـاصيل حياتك حتى الأشياء الصغيره اللي مـا تهمـّك هما يحسبوا حسابها ..

"عمــر تخيـّل أن هالـورد من وتين أبتســـم بعدين ذبلت الأبتســآمه لـما تذكــر أخلاقها و تربيتها و خجلها و أنها مستحيل تتصرف كذا": قصـدك موجودين بالريــاض؟

د/ رمزي: أيـــــوه و إحتمال 40% يكونو بـرا الرياض ..

"طيـّر عمــر عيونه ": مـن جدّك يـا رمزي؟ كيف يوصلني الـورد من برا الرياض .. والله حيـّرتني بـ تفسيرك !!!

د/ رمزي: توقــّع كل حآجه يـا عمــر .. أحنا بعصر التكنولوجيا .. عصر السرعــه و السهوله .. مـا فيه شي يصعب على حد ..

"عمـر وهو يمسـح على رأسه بـ توتـّر": راح أكلـّم صديقي اللي بالأتصالات و أخلـّيه يطلع لي وين مكـان الرقم يعني بـأي منطقه بالسعوديــــه!!

"رن البيجر اللي بـ جيب رمـزي .. و قـام وهو ينصح عمــر": خلي هالمـوضوع ســر ولا تخبـّر فيه حــد .. أن شـاء الله فتره و تعدّي و راح يفكـوا عنك بالمسجات ..
ولا تشغـل بالك زيـآده .. أتوقع أنهم بنآت يعبـّروا عن شعـورهم تجاهك .. حتى لو أن طريقتهم غـلط بس قـدّر لهم ظروفهم حتى لو كنت مـا تعرفهم ..
لا ترد عليهم ولا تهددهم عشان مـا يمسكوا عليك حـاجه .. خليك سآكـــــت و صدقني رآح يطفشـوا من تجاهلـك و تكـآبرك ..

عمــر: على قولتك يطفشـوا و يفكـوا عني .. بس صدقني يـا رمزي والله ما أعرف بنات ولا بحياتي كلـــ........

"قـاطعه رمزي": مـا يحتاج تقولي أخلاقك يـا عمـر أنا عآرفك و فـاهم شعورك .. سوي اللي قــُلت لك عليه والله ينهي الحكـايه على خير ..

عمر: أن شاء الله .. أشكــرك على الزيـآره الحلوه و الخفيفه ..

د/ رمزي: ولـو أنا تعودت أزورك كل يوم .. أستـأذنك ...

××××××××××××××××××××××××

"كـانت أحلام جالسه بالغرفه تكلـّم أمها بالجوال و خاطرها تشـوفها باللحظه و تشبع من سوالـفها"..

أحلام: أخواني نجحـوا؟

أم مشعل: أيه أخوك عيد جايب منتــــاز .. و فهد بعد نجح بـس بطـلوع الروح ياربي من هالعجي مـا يواطن المدرسه..

أحلام: مـا عليه مصيره يحبها بالأخير لأن مستقبله بشهاده ..

أم مشعل: أبوك كلما هـاوشهم على الدراسه قالهم/ صيروا مثل أحلام شـاطره و ماسكه شهادتها ..

أحلام: بس بالأخير تغرّبت عن القريات .. يـا خوفي يصير لهم مثل مـا صار فيني ..

أم مشعل: أطـلبي نقل يا بنتي كود أنك تكملين بالقـريات!

أحلام: تخصصي مـو موجود بـجامعة الحدود الشماليه ..

أم مشعل: أنتي ألحين وين جالسه؟

أحلام: بالغرفه لحـالي..

أم مشعل: بنت عمـك وينها ليه مـا تونسـك بدل مانتي لحـالك ..

"أخـذت أحلام نفـس طويـــــل و ردّت بضيق": أخوانها مسوين لها حفلة خاصه بـمناسبة نجاحها جايبين لها حلويـات و قـاتوهات و عصاير و ضحـك و ونـاسه ..
مـو أنا حسره علي نجحت أو رسبـت محد داري عني..

"أم مشعل بـإنتقـاد": الحمدلله على العافيه صـدق نـاس فسقانه و ليه كل هالحوسه هي صايره دكتوره على غفـله؟

"أحلام بـ إحبـاط": دكتـوره؟ هذولا ناس عايشين يومهم مـا يحرمون نفسهم من السعـاده لو بـأبسط الأشيـاء.. يخلـقون أحداث كبيره عشان يغيرون روتين حياتهم ..

أم مشعل: الظـاهر عجبك اللي يسوونه! أسمعي لا تحتكين بهم ولا تجلسين معهم عشان مـا يخربونـك ..

"أحلام بأستهـزاء": أكيد ولا يهمـّك يـا يمه اساسآ هـُم خراب بخراب و إحنا السنعين المعـدّلين و حياتنا مـافيه أحسن منها..!!

أم مشعل: يالله أنا أبروح أغـرف العشــــاء لأخوانك .. أنتبهي لـنفسك زين ..

أحلام: طيب .. مع الســـلامـــه ..

"سكرت أحلام جوال الســآهر القديم و رمته على السرير بـ إهمـــال .. تمنـّت لـو عندنا جهازها N95 تتسلـّى فيه شوي و تقـرأ لها قـصه أو شعر أو تسمـع أغاني تغير جـوّ شوي من الطفـش ..
دخلـت وتين وهي شآيلــه صينيه كبيــره مليـآنه قـاتوهات أشكال و أنواع و عصيــر و كانت مبتسمــه و بـآين عليها راح تطيـر من الفرحـــه .. نـاظرت فيها أحلام و غبطتها على كل شي فيها ..
مـن لبسها لأنها كانت كآشخـه على الأخــر و على روحها و شخصيتها الحلـوه و أبتسامتها وهي تعيش لحظـآت فرح بين أهلها و على أهتمامها فيها حتى بعد المشكلـــه اللي صارت بينهم في خطبـة صالح "..

"وتين وهي تحـط الصينيه بالأرض": حلوووووومه جبت لك حلويات على كيف كيفك .. أنا معدتي تعبت فـوووولت حيل .. بـآقي أنتي ..

"قـامت أحلام وهي تغتـصب الأبتســآمــه": يعطيك العافيــه ومـا قصرتي ..

وتين: لا تقولين كذا بالعكس والله أني مقصـره ,,, تمنـّيت لو أنك تجلسين معنا و تنبسطين بـس أنتي تستحين بالمررره .. تصـوري أبوي من اليوم يسـأل عنك ويقول/ نادوهااااااا .. و أنا أقـول لـه أنك رآفضــه!!

أحلام: يـا عمري عليه عمـّي .. والله أنه حنون و طيـب ..

"وتين وهي تجلس على الأرض و تتربـّع": سولفي لـي وش سويتي بالجامعـــــــه اليوم ..؟؟

^^^^^^^^^^^^^^^^^^^^^^