المنتدى :
الارشيف
صور ....
الدنيا مهمومة ...
والضحكة مجروحة ...
والصرخة مكتومة ...
والخلق مشبوحة ...
على جدار الزمن
.....
صورتي وصورتك ..
ع الجدار متعلقة
لو هزه من ريح القدر ..
يبقى اللقا
وبهزهزه
تبقى الصور ..
متفرقة
وبهزه تالتة ..
نترمي في بحر الشقا
ودي هزه تملانا تقى
ودي هزه فيها المشنقة
وتفوت سنين ....
جره سنين
تطحن رحاها المطحونين
لما تصير ..
كل الصور ..
متشققة
وان فك بروازه القمر
تبكي البشر
.....
جايين بشوقه للسؤال ..
جايين على دنيا شبك
شباكنا من يوم الميلاد
ناسيين مراحل عمرنا
والي يبعد عننا
حتى الي مخلوق مننا
وف كل لحظة بنتولد
وبنبقى ناس تانيين
ناس مننا تايهين
تطلع شموس حيره
تبخر فكرنا
وتخبي أسرار القمر
الأسئلة تنزل مطر
تنزل على ..
أرض الحقيقة
نتولد ...
آه يا زمن نساي
نستنا ليه ؟!
وازاي ؟!
توهت ليه كل السكك ؟!
وكتير كتييير الأسئلة
والي قدر يصرخ .....
بنلاقي بروازه انكسر
|
07-01-10, 12:13 AM
جديد مواضيع قسم الارشيف
العرض العادي
