اهلين غموضه
بارت بدايته مفرحه ونهايته محزنه ومؤلمه
نبدأ بالعرسان اشوى طلعت ياطلال من برودك وبديت تكسر الحاجز الي بينكم اكيد قلت بنفسك انا قليل الكلام وهي خجوله شكلنا بنرجع وحلوقنا مورمه من قل الكلام بس والله بداية حلوة وحسيتك جراتا عليها وهي كذلك انا تعجبني الوحده الي تسأل وينك بس على خفيف عشان يدري انها تهتم فيه وبعد مايتعود على تركها طول الوقت
لقاءها بأهله كان حلو بس والله رحمتها من نظرة رسيل لها وان ستايلها ماعجبها بكره بتشوفين الزين اما غلبتك بعد يالمايقه ولا سما ياحبيلها المتواضعة الحنونه
ابو طلال ماقصر فيها بعد وعدها بمثابه بنته الثالثه يحسسها بالامان اكثر في هالبيت
نوره اعجبتني حركتها في السوق وغيرتها على طلال اجل لو تشوفين العله حنينوه وش بتسوين تكفين سنعيها
موضي مره رحمتها وان شاء الله يغير ابو نايف رايه ويرجع يخطبها وشيوخ ياحبيلك والله عجبتيني يوم رديتي هالماصل الي واثق من عمره من بتاخذ يعني مالت عليك وعلى حرمتك يالبايخ
ابو عادل افقت من سكرك يالدايخ وحسيت بعمرك وانا عيالك مو عندك الله ياخذك ويرتاحون من شرك
ديما وياقلبي عليها ليش كذا مافيه تفاهم ياطارق المخيس انا اشهد ان كل واحد اسمه طارق ثقيل دم هههههههههه بس ليش مافكر بمنال الزفت وشاف شكلها اكيد فيها بقايه زينة مو هالضعيفه لكن بعد هاذي ماتوقع ان فيصل بيخليها تروح لابوها لانهم تجاوزو حدودهم واتوقع فيصل يرجعها لامها بناء على طلبها
منال عساس الشلال والمرض انتي والثور الي معس صلاح طلعتي منها زي الشعرة من العجين الله يعجل بفضحك
مشكوره يالغلا على البارت وننتظرك على خير

يعطيك العافيه يالغلااااا
من جد بااارت خياااال
نوره وطلال
اتوقع طلال بيحبها وحنين بتحاول اتخرب بينهم
وديمااااا
اتوقع انها بتعيش ببيت عمها
وابوها بعترض بس فيصل بيوقف
بوجههم ماراح يخليهم يهينونها
ومناااال
بتطيح بشر اعماااالها >>انشالله متى نفتك منهابس
وتسلم يدك يالغالية بارت روووعة
ونحتريك بالفصل الثاني
يللا ان شاء الله يكون الاربعاء

يعطيييييييك الف عاااااافيه غمووض بارت رائع بكل ماتعنيه الكلمه

يااااااااااااااارب تنتبه ديما للاسم ياااارب وتتكلم معه وتعرف مكان امها

او متعب هو الي ينتبه للاسم باي شكل من الشكاااااال

يعني هي في باله ميته يقراء الاسم ويبحث عن اسم الام ويعععرف

انها بنت عمته وترجع هي لحضن امهاا

طلال ونوره : ابداع ثاني اتوقع البارت الجاي يقون في مصادفه بينها وبين حنان وتقول لها حنان عن مداء حب طلال لهاا

وبكذا تبداء غيرتهاا

وتخلي اخوات طلال يعلمونها عن الميك ابد والبسسس ويتغير

شكلها وتغير طلال بعد

ننتظرك غلاي بفارغ الصبر

جــ,ــ,ــودي

السلاام عليكم..
مرحباا غموووضه ..شووفي كنت بخليه بكره واقراه بكره لـــــــــــــــكن سبحاان ربي العظيييييم خلصت بدري وقلت بدخل شووي اشووف وش نزلوا ربيعاتي من القصص والا القى الجزء نزل.. وقلت يله ياا بنت تسلي فيه حد الدنيااا سهود ومهوود والناااس رااقدين وماايدري عنتس الا رب العااالمييييييين.. والرد خليه بكره اذاا رجعتي من الجامعه .. بس ياا اختي برضوه سبحاان ربـي العظيييييييم ماادريت من خلصت الا وانا اطقطق لااشعووريا على الكيبوورد..>> ياليت هالطقطقه تجيني بالاختباارات الا اقطع القلم من العضعضه.. هخهخهخهخهخه
نجي عاد للبارت والله باارت يهبل وماعليه كلام..بس للحين هالطلال والنووري فيهم بروود.. كن الواحد يطر منه الكلاام طر.. بس والله موقفهم جداا جداا وااقعي.. يعني فعلاا هم ماايعرفون بعض من قبل ولاا عمرهم شافوا بعض وكل واحد منهم عقله يووزن بلد والكلمه لها وزن عندهم... ومافيه أي شي ممكن يكون مشترك بينهم لوو عند اهل نووره تلفزيون كان قلنا ممكن تتنتااقش معه بالبرامج اللي يحبها ويتابعها بالتلفزيون ولوو كان عندهم مكتبه كان قلنا ممكن يتنااقشون باهم المواضيع اللي تجذبهم للقراءه ولووكان عندهم نت كان بنقوول بيتنااقشووون ببطولاات الزعيم لانها بتكون مسنتره بشبكة الهلال مثل حالاتي نافذه هنا ونااافذه لااااااازم تكون مفتووحه هناك. واشووف العلووم اللي توسع الصدر .هخخهخهخهخه ..
فهم طبعا للحين ماابعد عرفوا وش الاشيااء المشتركه بينهم..
بس وجوودهم مع بعض احس انه احسن من قبل.. واما لما كانوا بالظهراان وااااااااي والله العظيم تخيلتهم عندنابالشرقيه ..لااااا وبعد ياا يالدبيه شهيتيني بالسوووق وهوو من المحرمااااااااااااااات هالاياام.. تهي تهي تهي.. يقوولون محلي منزل بضااعه جديده واناا اخر من يعلم.. >> صدق صدق اشتهيييت الروحه لمحلات زارا العالميه..هع
للحين النوري وطلال بطوور التعرف على شخصيات بعض.. والله يوفقهم ياارب.. ويفكهم من الحقيره حنين..
ايه صح موقف ابو طلال مع نووره حبييييته فيري متش.. حسيت اني بغيت اصيح مدري هو من التأثر والا من ضيقة الصدر من الاختبارات.. وبعد ارتياح النوري لام طلال اكثر من المره اللي فاتت اتمنى ان ام طلال تكون حبوووبه وام ثانيه لنوره..
تدرين لو كااانوا للحين بالشرقيه مارجعوا كان قلت لتس خليهم يروحون ساايتك يااحبي له والله بينجنوون عليه وخلي نووره تدخل قاعه السينما عشااان تطيح مغمى عليها من اللفه اللي بتحس فيها اذا بدأ العرض.هخهخهه وايــه خليهم يشوفوون فلم البرااكييييييييييين .عشاان بالمره تنجلط.. هعهعهعهعه

واخيراا اتوقع لطلال ونووره انهم الحين بيبدوون فعلا يتعرفون على بعض بعد ما استقروا بالبيت..ويمكن يكون كل واحد يتفاجئ بالثااني .. ويمكن بعد كل واحد منهم بيتعرف على اشياااء بشخصيته مااكان يعرفها قبل.. وغير كذا يمكن تصير نووره اكثر انفتااحيه وتبدأ تتعرف على الحياة العصريه والتكنلوجيا بمسااعده سما..

رسيل وسما : سما من قبل ماتشووفين نووره وحنا ضامنينتس بجيوبنا.. بس هالدلووعه المغرووره رسيل شاايفه نفسها وااجد ومقطعه رووحها من الكشخه مدري وش تبي تثبت ؟؟ عمومااا اللي شفته اليوم بين نوره ورسيل يبين ان نووره رااااااااااااح يكون تأثيرها قووووي على رسيل ورسيل رااح يكون تأثيرهاا قووي بعد على نوره.. اتوقع انتس ياارسيل بتقولين لنووره انتس راح ترووحين معها السوق عشان اكيد الحفله اللي بتسوونها لزواج طلال .. وهنا عاد بتسووين اللي ماينتسوى لها بس نووره بيكون لها ستاايل خاص فيها وماراح تسمح لتس تلبسينها على كيفتس البنت خياطه يعني ممكن ممكن بعدين نووووره تسوووووي مشروووع قوووي جداا بالديره مثل مشرووع ميساااء ويكون عالمي او على الاقل بيكون مشهور خليجيا... مدري ليش الحين نط في بالي ان نووره ممكن تصير مصممة ازياء ويكون بينها وبين رسيل اعمال مشتركه؟؟؟؟

شيخه : خشمتس خشمتس يااا البطله.. والله انتس حرمه وطيبه وربي بيرزقتس ابرك من هالحماار سعيدان. اللي عشان عيشته متضاايق مع زوجته جااااي يبي يرد الشباااب اللي ضااع جعله مايرجع .. خليه يستاهل واحلى شي انتس فهمتي انه اللي باعتس مره ممكن يبيعتس مره ثاانيه.. اممم اتوقع انتس اللي بيطيح عليها الاختبيااار بانها تساافر مع لمياء .. بس والله احسهاا صعبه مره...

سعيداان.. لقط لقط وجهك.. هههههههههه كااااااااااااســــــــــــــحـــــــــــــــــــــــــــــــ ـــه.. فشلووووووووووووووووووووووووه وردووووووووووووووه وكسرووااااا راااسه .. هع هع هع .. لااتفكر اني شمتاانه فيك. لااا معاااذ الله اناااا بمووووووووووووووووتك من الشماااته بعد.. سعيداااااااااااااااان .. يعجبني الوااثق بس اللي يعجبني اكثررررررررر فشيلته..ههههههههههههههههااااااااااااااااااي ابرك السااعات والله يووم انك بأذنك سمعت الرد .. بس عاد واللي يسلم عمرك فكنا من الترزز مره ثاانيه.. بالاول رد اعتباااار وبالثاانيه بتكون تهزيئه لها اوول مالها تالي.. هع هع هع..
اصلاا تبي الصدق عاد اناا ماا اطيقك بس عاد لما شفتك وانت جااااااااااااي عقب هالسنين كلها غااايب وجاااي تخطب باول مره تشووفهم بعد هالسنين لااااا وبعد وزووجتك معك .. لااقدرتها ولا احترمتها حتى لو ما انت طاايق عيشتك معها نرفض رفضاا قااطعا ان شيخه تفكر ممره ثاانيه بهالموضوع تقعد وتعنس ورااسها يمتلي شيب ولااتاخذك يا الحقيييييييييييير.. يله يله اشوووف لقط وجهك ولاتنسى تلم سنك الذهب اللي ضااع تحت المركى..وفاارق وعساها رووحه بلا رده..هع

موضي : تدرين موضي نايف غياابه غريب.. مو طبيعي؟؟؟؟؟؟؟؟ يعني حتى لو اهله راافضين الزواج كيف يترك شغله كل هالوقت ؟؟ اتووقع ان الرجال صاار له شي كااايد بس الخوووف يكون مات؟؟؟ ياا انه بغيبوووبه او انه مشلووول ومريض؟؟؟ >>> مدري ليش هالسودااويه تمر علي لما يقولون الواحد غايب ..؟؟الله يستر بس اللي انا متأكده منه ان غيااابه مو تهرب ابداااا.. غياابه لسبب قووووي ... ياا انه يخصه او يخض احد من اهله .. بس انه يكون متهرب من فكرة الزواج مستحييييييييييييييييييييل.>> غموض عاد لا تصدميني بناايف تراني احترمه واحبه>> لا يروح فكرتس بعيد احبه حب اخوووي..هخهخهخهخه

ميساااء : ياااحبي لتس .. اليوم شفناتس شووي بس الافعااااااااااال واجد وااجد حلوو .. اعجبتني فكره دار التحفيظ جداا جداا جداا والله يجعلها في ميزان حسناتس.. واعجبتني جدنيييييييين مشوورع المصنع والفكره اللي فيه... وهالمصنع بيخلي بنات الديره يملن وقت فراغهن فيه ويكون لهم دخل خاص فيهن .. يعني بيكون مصنع وطني بقريه . الفكره رووعه.. بس الفكره اللي احسهاا غير وااقعيه ابداا ان وحده من البنات تجي وتترك اهلهاااا وربعها وتتغرب عشان كم ريال.. ياا اختي صعب هالشي ماا اتصوور انه بيكون الا في حالة ان البنت تجي وعيش مع اخوها راكان وهالشي بعد صعب جداااا جداااا لان راكان ماعنده امكاانيه انه يصرف على بيت برووحه.. ؟؟ بس تبين الصدق اتمنى لو فيه أي وحده بتجي تكووون شيخه ماا ادري ليش بس احس بجيتها بتقرب اكثر للوليد.. ولاا تقوولين ليش مصممه انها للوليد؟؟ ماا ادري بس احس انهم الاثنين منااسبين لبعض مرره مره مررررررره..فعشان كذا انسي فكرة شيخه انها تكون للحماار الكبير سعيدان..
بس والله على الحلول اللي حطيتيها للبنت اللي بتجي وتشتغل عندكم وانها تسكن عندكم وانكم اهل طلال اللي حرمته نوره بنتهم.. ماا ادري ؟ الا ذاااا البنت بتجي وتجلس عند اختها وهنا عاد باي وحده منهم بتكون بوجه ساامي طوول الوقت ؟؟ اممممممم ماا ادري كم عمر ساامي؟؟؟ هو يناسب من فيهن>> مشكلتي ابتدت ..ورديت اشتغل خطابه بهالقصص..هخهخخه بس لاا ساامي نو نو نو ..هئ هئ >> شهقه قووويه... . السوووووووووووووووووووووووووووووري .. السوووووووووووووووووووي هي اللي يمكن تجي مووووو أي وحده من خوات نووره؟؟ بنت عمها هي اللي بتجي وهنا بيعرفها ساامي وبيصير يرعى الغنم..هخهخهخهخهخهخه .. والله يمكن السووري هي اللي تجي لعند نصيبها مو نصيبها اللي يجي لعندها..هع هع هع..

ديما : واخيرااااااااااااا بدت الخيووط تتجمع لتس.. وهذاا متعب ربي جاابه لييين عندتس... ماا ادري هو ماا عرف اسمتس والا شوووو؟؟؟ والقصه اللي قالها له فيصل ربط بينها وبين بنت عمته والا لأ؟؟؟
اتوقع لاا لانهم قايلين انها ماتت.. بس كيف بتكون هي الحين وحالاتها اتمنى ان فيصل يااخذها لبيته ويخلي ابوها ينثبر دامه مااااااا حفظها ومااخذها بس تعذيب ينفس فيه من حرته منها خله ينثبر والرشطه تشووف شغلها معه ومع ولده اللي خايف على عرضه مالت عليه وعلى عرضه...
يمكن يمكن تلتزم الصمت وماعاد تتكمل وتسووي نفسها طرماء.. او يمكن هي فقدت القدر على الكلام؟؟؟ بس متعب هذاا بيكون له معهاا قصه ماارااح تنتهي الا ببيته..هع هع هع

حمارة القايله منال : اقوول ياا الضعيفه تحسبين اذا خذتي الواطي صلاح بينصلح حالتس اصلاا انتي بزواجتس منه لوو حصل بتكوونييين دخلتي النار برجلينتس والله مااايخليتس تهنين بحياتس وهوو الشك بيملا قلبه عليتس .. كل ماطلعتي وكل مادخلتي وكل مارفعتي التلفوون بتلقين الف كف وكف ومليوون سبه وشتيمه واهاانه.. وتبين الصدق تستااهليين اللي بيصير لتس منه.. واخرتس بيكون مصيرتس مثل مصير ديما الضرب والاهاانه والتحقييييييييير والاذلااال وبتذووقين من نفس الكاااس اللي ذووقتيه اختس... بس هالمره بيد اللي انتي اخترتيه وحبيتيه وسعيتي انتس تتزوجينه جعلهاا زوااجه النكد والندم والحسره ياارب..

ابو عادل: يااقطع وش هالابو الاقشر اللي رجع ثاانيه الله لايحيه... اتوقع انه بيكون صاادق بتهديده ووعيده وانه بياخذ عياله عنده..دانا لأ بتجلس عند امها لانها كبيره ومثلها اختها بس اخوها الصغير ماا ادري وش ممكن يصير عليها يمكن يغربل حياتهم بهالاخوو عشان يرجعون له... الا في حالة وحده انهم يقدمون ادله للمحكمه انه غير مهئ وغير صالح للتربيه لانه يبي اللي يربيه اولا وماااافيه احسن من الدووله تربي اشكاله.. الله يقوويهم عليها ياارب..


غموووضه..استمتعت جداا بالبااارت وسواااء لي جووو غير شكل بعد ها المراجع والملازم اللي الحين انا مدفونه فيها..
ايه صدق نسيت اقوولتس اني حبيت وصفتس لشكل النووري وكيف هوو جاي غريب مرره بين شاانيل وايف سان لوران..هع..
وحبيت بعد غيرتها وضيقتها من اللي صاار بالسوووق.. عاد الظهراان لااتقوولون فيه شي تراني ماا ارضى عليه..هخهخهخهخه
مشكوووره غموووضه وبانتظاار الجاي اذاا الله احيانا باكثر من الشووووق..
تسلميييييييين يااعسل..