واخيرا لحقت عليكم.. اتجست وانا اربع وراكم زين اللي وصلت.. فيس تعبان

اول شي تسلمين وديمه عالرواية العجيبة

والزائرة.. تسلمين فديتج عالنقل

فهد واليازي

خيبة تخيب العدو.. يعني ما يمر يوم الا وانتو متضاربين.. عاد انته يا فهوددواك.. تستاهل اللي اييك.. حشى جتلت البنية.. مسحت معالم ويها.. ذبحتها من التكفيخ.. ارحم حالها يا ريال.. وانتي ما اترومين اتودين لسانج.. ما يقول الكلمة الا نقزتي في ويهه شرات السكنية.. بس صخي.. انتو مشكلتكم ان فهود ما قصر من بداية القصة وهو يكفخ فيج هالشي خلاج هب بس تكرهينه الا تتمنين فرقاه.. بس بعد قلبج يميل له.. والدليل انج اتسايرينه في اكثر الاوقات.. شوف يا فهود.. اسمعني يا امك.. انته لازم تستمح من البنية قبل كل شي.. وتحاول تبين لها مشاعرك.. وخلاف بتشوفها غدت حرمة والنعم فيها.. مع اني اشك خخخخخ

خليفة ونورة

وانا اقول هذا الريال العاقل.. يعني تقريبا كنت اعقل واحد في القصة.. فجاة جي تخترش.. وعقلك ايخف.. هذا سحر نورة وانته بعدك ما شفتها.. ما عيبني موفقك ويا نورة ابد.. كنت بتطيح من عيني لو ما تيودت في رموشي خخخخخخخ.. عاد الحينة اونك ما تدري تحس بشو.. وما تتخليل انك في يوم من الايام كنت ويا هالانسانة.. بعد لا تنسى انك ظلمتها بعد.. روح خل اميروووو تنفعك.. وانتي يا نورة ما اوصيج عليه.. ابيج اتراوينه نيوم الظهر..خخخخخ عيل ايودرج هالزين كله وياخذ اميرووو المعفنه

مي ومراون

لا يا ريال.. هد اعصابك.. هذا كله قهر من صافية..خخخخخخخخخخخخخخخخ.. عاد صافية هاي نقعتني من الضحك.. الحينه انته بدال لا تخزهم جي بنظراتك.. واتعصب عليهم وما ادري الشو.. اشحقه ما تيلس ويا اخوك وتشرح له مشاعرك.. يعني هب شرط اتقول له انك تحبها.. لمح له انك تميل لها.. وان سلامه وحركاته وياها تقهر وبس.. وبين له انها خلاص كبرت وغدت حرمه وهب عدلة ايسوي جي.. هو صح يمكن ايدوسك في بطنك بس بعد بيفكر فالسالفة وبيقتنع.. وانتي يا مي ما اييوز.. خلاص انتي الحينه حرمه.. المفروض ما تسنحين لهم ايسلمون عليج جي.. باجر الناس شو بيقولون عنج.. هاي ما تستحي.. امضيعه المذهب.. بس تعالي سالفه هلاصفية من وين ظهرتيها والله اناه فنتك خخخخخخخخخ

نور وزايد

تعرف لاحظت ان الناس كلهم يحبونك الا انا مقهورة منك.. باط جبدي.. انته الحينه على الشو شايف عمرك.. ويالس لي صراخ وما ادري شو ومن اسوى شي تجلب الدنيا..يلا بس اعقل.. شو انا لين الحينه احبك يعني تقدر تقول 80% لا تخليني اكرهك.. اودعي عليك تاخذ اميرووووو.. بعدين اشحالك الحينه.. ما تانس شي.. ظهرك بعده ايعورك.. عاد هاي كلها حوبة هالنور.. وانا اقول وحليلها البنية عاقلة.. وامطوعة ودومها تنصح الناس وتحبهم.. ما ادري هالزيود اشعنه كارهنها.. طلعتي هب هين حب وغرام.. ونحن ما ندري.. من ورانا ونحن طول القصة راحمينج خخخخخ.. عاد دامج اتحبينه استحملي.. ما سمعتي المثل اللي يقول ضرب الحبيب مثل اكل الزبيب خخخخخخخخخخخخخخخخخخ

غبيشة وعيالها

حشى.. خيبة تخيب العدو هذي هب يهال.. من وين امظهرينكم.. انتو حرام تيلسون فالبلاد.. المفروض انهم يفتحون لكم سيرك.. عالاقل يستغلون الطاقةا للي فيكم.. وانتي يا غبيشة زين اللي عرفتي شقايل تربين عيالج وتعاملينهم.. عاد ما ابي اشوفهم ناقزين لي فالقصة مرة ثانية

اميرووووووووووو المعفنه

انتي ايه الدبه.. شو هالحركات.. اشحقه نصابه جي..اتجذبين عالريال اونج اتحبينه.. اكيد يوم شفتي انج ما لج لوا في زيود قلت باخذ خاله.. عالاقل اكون فالصورة وياهم.. عاد تتحرين الناس بيركضون وراج جان دروا انج ماخذه خاله.. احلفي بس.. بس الشرهة هب عليج على خلوف اللي امودر الزين اللي عنده وماخذنج.. صدق ما عنده نظر

وديمه & الزايرة

نترياكم

لاتطوولون علينا