لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 20-12-09, 07:56 AM   المشاركة رقم: 36
المعلومات
الكاتب:
اللقب:
مشرفة منتدى الحوار الجاد


البيانات
التسجيل: Apr 2008
العضوية: 70555
المشاركات: 6,326
الجنس أنثى
معدل التقييم: شبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسي
نقاط التقييم: 4984

االدولة
البلدSaudiArabia
 
مدونتي

 

الإتصالات
الحالة:
شبيهة القمر غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة الزائرة مشاهدة المشاركة
  


ادري حرقت اعصابكم عشان ايشوفها بس احداث القصه غييير وان شالله تكونون راضيين على الاحداث الي بتي
والي بتكون غير متوقعه بالنسبه لخليفه ونوره
اشكر الجميع على المرور
##
ودمتم وديمه العطا

ولو ياوديمه كل ماطول الوقت نحس ان شوفته لها بتكون اكشن خطيييييير بس ياخوفي يروح الرجاال فيها ومايلحقون عليه الا بالعنايه خخخخ..بس موقفهم مع بعض خطيييره ..مارحمت الا نوره ومشاعرها الملخبطه ..دوم الرجال انانيين وماهم الا نفسهم وبس ..!!

مشكوووووره وديمه على هالجزء الممتع من جد يوسع الصدر خااصه موقف فهد ..وهو يشوف الجاازي سليمه متعافيه هههههههههههه مت عليه من الضحك ..والا كلام الجازي له ..وابتسامته لها ....هالموقف صورته الكاتبه بشكل خيالي ..يعني رغم هواش الجازي ودعاويها عليه الا انه ماغايضها مثل كل مره ..يمكن فرحته بشرف بنت عمه خلا كلامها له مثل العسل ..وكل كلمه والثانيه يطق ابتساامه ..خخخخ ياحليلهم احسهم ثنائي عجيب ..

زايد ياربيه هالمعقد مادري متى تنفك عنه عقده الغضب ..اتمنى اشوفه يوم مستانس ..كله زعل ومغاايض ..
هنيه ..تدرين هنيه هونت لاعاد تعلمين نور اللهجه الامارتيه وينك ووينها ..ياخوفي تعلمينها مصري ..وعاد اكملت باكستانيه وتتكلم مصري خخخخ الله يكون بعونك يازايد ..بتجيك حرمه خليط من اللهجاات ..

ويييه نسيت العاشق المتيم ..مرواانوووه ..ياحليلك طحت وماأحد سمى عليك ههههه بنشوف وديمه كيف بتجمعكم مره ثانيه ..

الزااائره ..
مشكوووره ياغنااتي على الالتزام بالتنزيل ..واحنا بانتظااارك على طوووول ..وثقتنا كبيييره في الكاتبه بانتظاامها معانا وقصصها السابقه اكبر دليل ..وهي من الكاتبات اللي قول وفعل ..الله يسلم يدياتها عن النار ..
بس عندي سؤال ..الكاتبه تنزل في يوم محدد ..والا في اي وقت ..؟؟




 
 

 

عرض البوم صور شبيهة القمر   رد مع اقتباس
قديم 20-12-09, 10:03 AM   المشاركة رقم: 37
المعلومات
الكاتب:
اللقب:

البيانات
التسجيل: Dec 2009
العضوية: 153266
المشاركات: 115
الجنس أنثى
معدل التقييم: إماراتية نصراوية عضو بحاجه الى تحسين وضعه
نقاط التقييم: 11

االدولة
البلدUnited Arab Emirates
 
مدونتي

 

الإتصالات
الحالة:
إماراتية نصراوية غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

دائما القصص الانسانية تجذب القراء..حتى لو لم تكن قصة باللغة العربية الفصحى..قصة أدواتها بسيطة ولكن المحتوى عميق

وأكثر ما يعجبني قوة الانثى وضعفها في قوتها..وهذا ما رأيناه في

شخصيتين (نورة..ونور) وأما شخصية هنية فهى قوية ولكن الحاجة الى لقمة العيش جعلها لا تركز على قوتها..

وأكثر ما شدني في هذا الجزر تركيز الكاتبة على قصة فهد وسوء ظنه وتهوره ورعونته وشكه الشديد والذي ربما كان قد يسبب الظلم لبنت لا ذنب لها سوى انها شاركت مع فتيات لا تدري عنهن بسوء سمعتهن

والانسان لا يتهور حتى يدرس ويرى الادله على براءة هذا الشخص او عدم براءته ثم يتخذ الاجراءات الصحيحه

شاكرة لك ايتها الزائرة على هذا النقل الجميل
واصلي ابداعكِ في النقل ولا تحرمينا من جديدكِ

 
 

 

عرض البوم صور إماراتية نصراوية   رد مع اقتباس
قديم 21-12-09, 05:13 PM   المشاركة رقم: 38
المعلومات
الكاتب:
اللقب:
عضو فخري
✿ باذِخَةُ الْعَطَاءْ ✿


البيانات
التسجيل: Jun 2009
العضوية: 146680
المشاركات: 19,408
الجنس أنثى
معدل التقييم: ΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسي
نقاط التقييم: 4020

االدولة
البلدSaudiArabia
 
مدونتي

 

الإتصالات
الحالة:
ΑĽžαεяαђ غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 



مابنزله باجر بس بنزله اليوووم خخخخخخخخخ سوري على النذاله






نـــــــــــــــــــــــــــور
"

الجزء الحادي عشر

اول ما وصل خليفه قريب العريش نزلت نوره بسرعه ومشت بخطوات سريعه ناحية العريش ونظرات خليفه تتبعها
لاكنه انصدم يوم شافها ماسكه راسها وعقب طاحت على الارض نزل بسرعه وركض ناحيتها
خليفه:نووووره
وكان بعد ناصر واصل عندها ...خليفه لا شعوريا كان ماد يده للنقاب عشان يرفعه لاكن ناصر صرخ عليه
ناصر:لاااا عميه
جمدت يد خليفه ورفع نظره لناصر
خليفه:ليييييش؟
ناصروهو متلعثم:ا ا ا خااالوه ماتحب حد ايشوف ويهها
خليفه:عشان الحرق؟
ناصر وعيونه في عيون عمه هز راسه بنعم
خليفه وهو متخربط:بس خالتك مغمى عليها لازم ارفعه عشان اساعدها
ناصر:خل الخدامه اتي اتشوفها انته روح بعيد
خليفه:حبيبي انا زوجها
ناصر وهو متشدد وكان المساله فيها حياه او موت:لا لا لا تشوفها عميه روووح بعيد
قام خليفه وهو منصدم من ردة فعل ناصر ....معقوله ان الحرق كبير ومشوهنها طيب كيف اليهال عادي ايشوفونها
تحركت نوره وهيه تضغط على نقابها
نوره:نااااصر
ناصر ضحك والتفت لعمه:قااامت عميه قااامت
تم خليفه ايطالعهم بدون كلمه وخلاهم وراح لسيارته
اعتدلت نوره:ناصر حبيبي شو صاار؟
ناصر:انتي اغمى عليج وعميه كان ايريد ايشل النقاب
نوره:وشله؟
ناصر:لا لا ما خليته
ابتسمت نوره:وليش ما خليته؟
ناصر:انتي ما تحبين الريايل ايشوفونج
قرب منها وهو يهمس:ايقول علشان الحرق وقلتله هيييه اي حرق يقصد
نوره باستغراب:هااه ما مادري هو قالك؟
هز ناصر راسه بهيه
قامت نوره ومشت متجهه ناحيه خليفه الي نزل من سيارته
خليفه:اخبارج احسن الحين؟
نوره:هيه الحمدلله...انا اسفه مادري والله شو صار اليه
خليفه:لا عادي يمكن من اللف على النقيان"التلال"تحسين بشي الحين
نوره:لا
خليفه :تبونا نمشي؟
نوره:على كيفك
رن تيلفون خليفه وقبل لا يرد التفت لنوره
خليفه:جهزو حالكم
عقبها راح عنها بعيد وهو يرد على اميره
خليفه:هلا اميره
اميره:وين انته؟
خليفه:في العزبه
اميره:نفسي اعرف شو مستفيد من هالعزبه؟
خليفه:حلاليه يا اميره انا ريال ما اصبر عن العزبه
اميره:عاده ايتمن شاغلاتنك ويوم الاجازات تقضيها عندهن العالم اطورت وقامو يسافرون برا
خليفه:قالولج انيه ما قد سافرت؟
اميره:بس انا حبيبي باجر اريد كل اجازه اتسفرنيه برا
خليفه وعيونه عند اليهال ونوره الي كانو يستعدون للرجعه:ومتى بيي باجر هذا؟
اميره:بعدك مستعيل على العرس ولا خلاااص نستك الحرمه اميره؟
خليفه:اميره شو هالرمسه؟
اميره:هيه اميره اول كل ساعه اتسويلها تيلفون تترجاها عشان العرس..والحين مره نسيت السالفه ولا قمت تتصل
خليفه:ما جنيه البارحه عندج وطالب منج نملج وانتي ما طعتي؟
اميره:بس انا احس انك متغير ...خليفه تحمل من الحرمه تلعب براسك...اتغرك بصوتها وحركاتها...تراك انته الحين املها الوحيد
خليفه:وبعديييين معاااج انتي ليش ماعندج ثقه؟
اميره:لانكم ريايل محد يامن فيكم
خليفه:لاااا افا عليج انا ما خنتج من زمان اخونج الحين ترا مليون بنيه مرت في حياتيه وما كنت اشوف غيرج
اميره:هييه هذيلاك متكشفات ووضحات لاكن هاذي الغامضه بنقابها ومعذبتنك بصوتها حركاااات بس عشان تغريك
خليفه:انتي ماتقولين ان ويهها محروق ليش متروعه منها؟
اميره:انا اتروع منها تخسي...انا والله متروعه عليك انته تضحك عليك
خليفه:هب ياهل انا يا اميره؟
اميره:بنشوووف
سكرت اميره عن خليفه وتم خليفه ايفكر في المكالمه....لازم يضبط مشاعره ويكبتها عن لا يطلع كلام اميره صح...لاكن هل نوره فعلا هيه الي تحاول تغريه
هز راسه بلا ...اهيه في حالها بس انا الي مب تاركنها في حالها
رجعو من العزبه وقرر خليفه انه يبتعد عن نوره عشان مايصير الي خايفه امنه اميره
.................................................. ...
نار شابه في صدره عليها وان ما كلمها اليوم مايدري شو بيسوي؟
اتصل بدر على بيت ام فهد وكلمته الخدامه طلب مي الي يت وكلمها وتم ايسولف عليها ويسالها عن الدراسه ويمدحلها الدراجه الي خذها زايد الها
بدر:مي ممكن طلب؟
مي:اطلب
بدر:اريد اكلم روضه وماريد حد ايكون عندها
تمت مي ساكته
بدر:مي انتي معايه؟
مي:يمكن ما اطيع؟
بدر:لاتقولين الها انيه انا الي اريد اكلمها بس انتي شوفيليه الجو عندكم اذا يسمح اتكلم معاها
وقوليلها ان الاتصال الها وماريد حد يدري
مي:انزين باروح اناديها الحين لان البيت محد فيه
بدر:مشكوووره ميمي
راحت مي ونادت روضه الي نزلت تناقز رايحه للتيلفون
روضه بلقافه:هلاااا والله
ابتسم بدر:مرحبا
كشرت روضه مستغربه من الصوت:منو معايه؟
بدر:بــــــــــدر
روضه:هاااه
بدر:ممكن اتكلم معاج شويه؟
روضه وبعدها مصدومه:معااايه انااا؟
بدر:ما باخذ من وقتج وايد وبدخل في الموضوع على طول.......روضه ليلة الخطبه يوم ييت اخطبج
طبلة ذنيه من داخل انطرت من صريخج واعلانج الرفض
حطت روضه يدها على ثمها تمنع شهقتها
بدر:اظن محد في البيت والبيوت الي عدال بيتكم ما سمعج.....لا ورايحه حضرتج عشان الي ما سمعوج اتقولينها الهم وجه لوجه انج رااااافضه
وماتتنزلين تاخذين المحامي ابو نظرات وشنطه سودا....وطبعا هم لازم ايكملون المهمه عنج وايوصلون الخبر حق الي ما وصله
روضه:ان ان انته شو شوتريييد؟
بدر وغيضه بدا يطلع:اسمعينيه زيييين والله لو ما حشيمة هلج وربيعيه انه اييج الرد هذيج الليله واعرف اخلي لسانج هذا ايتم في حلجج طول عمرج
عصبت روضه ووقفت:نعم نعم انته شو قاعد اتقول؟
بدر:جب ولا كلمه انا صوتج هذا ما اريد اسمعه وعندج خيارين اختاري الي يريحج منهن
اما انج تعلنييين الموافقه وتتصلين حق كل وحده كلمتيها وتقوليلها انج متندمه على رفضج واتاكد من الكلام هذاباتصالات الحريم نفسهن لاميه
عشان ايقوللها عن ندمج على عدم الموافقه...وانا ساعتها بعرف افركش الخطبه هذي بطريقتيه الي مابتضر حد فينا .......اوتنغصبين على هالعرس الي انا خذت الموافقه عليه خلاااص وساعتها انا بربيج من اول ويديد وبمشي عليج الف وستميه قانون مب عشرين بس
روضه بغيض:انته شو قاعد اتخربط وتقول؟
بدر:اظن كلاميه مفهوم ومش مستعد اعيده ياله باااي
سكر عنها بدر وهو يحس انه نفس عن نفسه شويه بس المشكله اهيه شو بتكون ردة فعلها طز شو مابتكون ردة فعلها
رن تيلفونه وشله
روضه:ياسلاااام يعني خلصت كلامك وسكرت في ويهيه
بدر:انا مش فاضيلج
روضه:وانا بعد مش فاضيتلك ولا فاضيه لكلامك
بدر:غصبا عنج بتمشين على كلاميه
روضه:لا والله انته ماتعرف منو انا؟
بدر:اكثر من الي عرفته...ما اتشرف
روضه:اسمع انته ...انته كيف تسمح لنفسك اتكلمنيه بالطريقه هذي انا اصلا محد يقدر يجبرنيه على شي
وانا اعلنت رفضيه ومابتراجع عن كلاميه ومحد يقدر يغصبنيه على شي
بدر:والله انا ياينج في السلم واريد مصلحتج ورد لكرامتيه مابتنفذين ...ماعنديه خيار غير انيه اخذج وانا مكره لهذا الشي عشان اخذ حقيه منج براحتيه
روضه وشبت ضو ومية عفريت ركبها:ماااااا تقدر
بدر:لا تتحدينيه انتي اصلا ماتعرفينيه ولا قد اتعاملتي معايه فاحسن لج ترضخين للي اطلبه منج...لاتشوفين شي ماقد شفتيه...خصوصا وان الموافقه خذتها واقدر الليله املج واخذج بيتيه
روضه بقهر وصراخ وهيه تضرب بريلها الارض:ماااااااااااتقدر ...انا محد يقدر يجبرنيه على شي وبتبطي يالشيييييييبه
طــــــــــــــــــــــــــــــخ سكرت التيلفون في ويهه وانفجر يضحك عليها
بدر:ماعليه ان ماخليت الشيره اتشب في راسج ماكون انا بدر
مروان كان قاعد ورا بدر ومنصدم من الي يسمعه
مروان:انته شو قاعد تهبب؟
التفت بدر له:انا تونيه يا اخويه في المرحله الاولى من التاديب ان ما ادبتها لك هذي ام لسان ما اكون انا بدر
مروان:يا حلااااااااوتك تعالي يامه تعالي تعالي شوفي ابنك الحنين بيعمل اييييه
تم بدر ايرتب اوراقه في الشنطه وعيونه على مروان سكرها وطلع نظارته الي اطارها اليوم اسود عجيب ولبسها ونزل طرفين سفرته على جنب ولفهن على رقبته وانفجر حينها مروان بالضحك وهو يفهم لمعنى حركات بدر
مروان:ليييييييتها اتشوفك بس
بدر:شافها ارضي
.................................................. .....
في اليوم الثاني كان زايد وخليفه عند الجده في صالتها صرخ فجئه خليفه ورقعته العيوز على راسه
خليفه:اي عمتيه
الجده:بلااك اتزاعج
خليفه:لا بس متفاجئ من الي قلتيه
ووجه نظره لزايد الي كان كلام الجده مبهتنه وملجم لسانه
رفع زايد نظره لخاله خليفه وحرك خليفه حواجبه مستانس
وقف خليفه:ارخصوليه
زايد بصوت حاد:وين بتروووح؟
خليفه:مالك شغل وين بروووح
زايد:خااااال تحمل
خليفه على عجله:مع السلامه مع السلامه
وقف زايد:اصبر تعال وين بتروح؟
لاكن خليفه ما اعطاه فرصه وركض لسيارته وهو يضحك
عصب زايد:لاااا اظاهر انه بيخبص اليه الدنيا
اتصل زايد على خاله خليفه الي طنش الاتصال واسرع حينها زايد بخطاه ناحيه سيارته وهو يتمتم بكلمات مش مفهومه فيها سب وشتم وكان صوت سيارته قوي وهو يريوس ابها ويلحق خليفه
كان خليفه لحضتها واصل جدام فلة زايد جدام البوابه الداخليه حول بسرعه وركض داخل وهو فيه حفوز
خليفه:هنيــــــــــــــــــــه ياهنيـــــــــــــــه
طلعت هنيه تركض:ايوا يابااااشه
خليفه:وييين نور؟
هنيه:ميييين البنت نووور
خليفه:هيييه ازقريها اليه
دخل زايد مثل العصار
زايد:تحمممممممل اتقوللها
خليفه وهو يلتفت لزايد:اسف والله لا اقول الها ولا عليه منك
زايد:يا خاااااال ما يصلح هالكلاااام
خليفه:لا يصلح ومن حقها انها تعرف
زايد بعصبيه:بس انا ما اريدها اتعرف
خليفه:وانا ماعليه منك
زايد:لحوووووه
دخلت نور الي كانت مغطيه ويهها
نور:السلام عليكم ورحمة الله وبركاته...طلبتني سيدي
خليفه التفت الها مبتسم:وعليكم السلام والرحمه تعالي يانور
كان زايد منحرق ومايريد خليفه يتكلم لاكنه ما قدر له ومن التوتر الي فيه طلع رايح للميلس
نور:هل هناك امرا تريدني به ياسيد؟
خليفه:تعالي يانور انا عنديه كلام ان شالله يسعدج
ابتسمت نور:حقا سيدي؟
خليفه:هيه نعم ....نور انا خال زايد اخو والدته من الاب
هزت نور راسها بنعم
خليفه وهو يقعد على الكرسي:اقعدي يانور
نور:افضل الوقوف سيدي
خليفه:نور اليوم انا وزايد ذهبنا عند زوجة والدي الي اهيه جدة زايد
نور:اجل
خليفه:جلسنا معها وتبادلنا معها احاديث كثيره وفي نهاية احاديثنا تطرقنا معها بالحديث عن والدج
نور:ابي؟
خليفه:هييه والدج ...تعرفين يانور شو قالت النا زوجة ابي ؟ قالت ان والدة والدج الي اهيه جدتج اتكون ابنة خالتها
ابتسمت نور:حقا؟
خليفه:وقالت ان جدتج كانت حبلا بوالدج وهيه كانت حبلا باخي عبدالله وانهن ولدن في نفس الاسبوع
وان جدتج توفت بعد الولاده على طول
حطت نور يدها على فمها متفاجئه من هذا الشي...هذا يدل على ان ابوها انحرم من امه بعد ولادته
نور:يا الاهي هل يوتم كما تيتمت وهو صغير
خليفه:هذا كان مكتوب يانور وكلا له اجله...
هزت راسها وهيه تحس بتجمع الدموع في عيونها
خليفه وعيونه على زايد الي كان مثل الي منحرقه اعصابه يدخل ويطلع مايعرف شو يريد:نور....تدرين شو صار لوالدج عقب
رفعت نور راسها لخليفه تنتظره ايقول الي عنده
خليفه بابتسامه:زوجة والدي يا نور ارضعة والدج مع اخي عبدالله
ارتجف قلب نور وجسمها كله وسرت قشعريره قويه في كل اطرافها وهيه تحاول تستوعب شو قال
خليفه وهو يحاول يكتم عبره ما توقع انها بتطلع:نووووور انتي مش وحيده انتي عندج عائله وعائله كبيره
زوجة ابي ما زالت عايشه واهيه جدتج واخي راشد ابنها ايصير عمج ولديه عائله يعني عندج بنات عم وابنا عم
وبعد اخي عبدالله وهو متوفي عنده بنت كبيره اهيه بعد يتيمة الاب والام
وانا يا نور انا اصير عمج من الرضاع لان الدر يرجع للاب
نور كانت واقفه ودموعها بس الي تنزل وماتعرف كيف تستوعب هالكلام
اما زايد الي كان واقف بعيد عنهم حس ان ريوله مش قادره اتشله اهو لين الحين بعد مش مستوعب كلام يدته
ان عمه ابو نور ايصير خاله في نفس الوقت...واكثر ما كان مخلنه مستصيب انها قالتله ان الله قادر يجعل الها عائله وهو استهزا ابها على تفكيرها
نور اصبحت بالنسبه له لغز محتاااار في امرها
نور بعد ما شهقت:اتعني ان لي عائله كما كنت اتمنى؟
خليفه وقلبه رجع ايعوره عليها:هيه يانور
نور:وان لي جده؟
خليفه هز راسه الها
نور:الاااااهي لك الحمد والشكر....اعذرني احتاج لان اذهب كي اسجد لله شكرا
التفتت عنه بسرعه وركضت باتجاااه الملحق وكانت عيون زايد تتبعها متعجب من ردة فعلها
مشى خليفه متقرب من زايد الي كان السكوت طاغي عليه رفع زايد نظره لخليفه الي كان مبتسم
وقف زايد:والحيييين؟
خليفه:شو بعد الحين؟
زايد:والحين شو بنسوي اذا قالت اريد اشوفهم؟
خليفه:عادي بنقول الهم وبنوديها صوبهم
زايد باستنكار:لا والله...حلوه هذي يعني انا يايبنها اهنيه عشان محد يدري ابها وانته تريد تعلن وجودها
خليفه:انته شو مشكلتك معاها....بتسقطك في الانتخابااات يعني مالها خص الانتخابات بالنسب والحسب
زايد:انا ......اريد يوم اطلع اطلع وانا واثق من نفسيه...ومحد يتغمز عليه من ورايه بالرمسه
خليفه:اووووه يا زايد يعني هامتنك تغميزاتهم مهم دوووم يتغمزون عنك في الرمسه
زايد:ايخسوون ماعندهم شي يتغمزون فيه عليه
خليفه:ليش تسلطك وغرورك الي انته فيه ما يعطيهم مجال انهم يتغمزون فيه عليك
زايد:طز....تسلطيه برضايه...مالهم خص فيه
خليفه:اوكيه وبعد بنت عمك خلها اتكون برضاك
زايد:اتخسي بنت الباكستانيه
خليفه وهو ناوي يطلع:بنت الباكستانيه ما عليها شرولا في حااايتك دام فوقها رب يستجيب لدعائها...ياله فمان الله
طلع خليفه وخلا زايد الي بدت اعصابه اتحر من الوضع الي فيه
اما نور فتمت تسجد لله شكر وتحمده انه استجاب لدعائها ودموعها ما فارقت عيونها
.................................................. ....................
كانت مثل الاعصار رايحه راده اتفكر في المكالمه الي يتها وكل ما كلمها حد تمت تصرخ عليه وتهزبه في غرفتها الي تشهد دائما على احاديثها
المينونه
روضه:هو شفاكر نفسه انا انا اليوم يهددنيه حضرته ....ااااه ليته يعرف بس هو مع منو كان يتكلم يتحسبنيه بسمع كلامه ولا بنفذ الي يريده والله بيبطي وبيبطي
ما خذنيه الشيبه الحقيير ...والله ما عندج الاخياريين يا اما تعلنيين موافقتج واااااااه يقهر يقهر يقهر والله انه مصدق عمره
قعدت روضه على الكرسي وتفكيرها ايرد عليها"يالمينوونه وان سوا الي قاله وخذج بالقوه"
روضه بصراخ:ايخسييييي بيبطي والله يبطي
ورد عليها تفكيرها"بس اهو قال ان الموافقه خذها ويقدر اليوم ايودينيه بيته"
روضه:ههه ههههههه خله ايحاول بس ان ما خليته يندم على اليوم الي يابته فيه امه
وفكرت"بس يالخبلا عقب شو بتستفيدين وهو واااثق من نفسه وبالي بيسويه
روضه:اااااااااه برويه نجوووووم القايله
"يالعنز وان رواج اهو اياهن"
روضه واستسلمت اخيرا :يعني شووووو اسويييييييييي
دخلت اليازي عليها
اليازي:رويض عميه يبااااج
التفتت روضه لليازي زايغه:هاااااه يبانيه؟
ونقزت بسرعه وانكتت في لفراش:قولييييله محد راقده مريضه اي شي اي شي ياله رووووحي
تمت اليازي اطالعها مستغربه وطلعت روضه راسها من تحت لفراش
روضه:انتي ماتسمعين قوليله رااااااااقده...ياويلج ان قلتيله واعيه
راحت اليازي لعمها وقالتله انها راقده
وعقب رجعت بعد ما طلع عمها وقعدت مجابله التلفزون وشوي الاوفهد داخل وجه الها نظره
فهد:وين يدتيه؟
ماردت عليه وتمت مطنشتنه
فهد وهو طالع:زعل بو يعل ان شالله
اليازي بصوت بس اهيه تسمعه:يعل في خشمك
نزلت مي:اليازي بتروحين معايه الجمعيه
اليازي:لاااا
مي:ماشفتي عبود اخويه وين راح
اليازي:برا عند عميه
مي:انزين شي تبين
اليازي:اممممممم اريد اريد توكس
مي:بس
اليازي:واذا بتيبين اي شي عاادي
مي:انزييين
راحت مي واخوها عبدالله للجمعيه وتمت مي ادور بعربانتها تجمع الاغراض الي تباها اما عبدالله قالها انه بيروح محل الكمبيوترات الي عدال الجمعيه واول ماتخلص تخلي الدريول ايناديه
مي:بتخلينيه بروحيه
عبدالله:اوووه ماعليج تراج دوم تين
مي:الله يسامحك
رجعت مي تكمل تسوقها في الوقت هذا كان مروان وربيعه احمد في نفس الجمعيه وكانت عندهم مهمه
مي وهيه تلم الاغراض طاحت مجموعه كبيره من الاغراض الي على الرف زفرت بضيق ورفعت غطاها وهيه تنزل للارض تجمع الاغراض
مروان على الطرف الثاني ظربه فضول يعرف سبب الصوت وشو طاح تقدم خطوه يطل في الممر ورفعت مي راسها اتشوف منو هاذا الي يطل عليها وتلاقت نظراتهم
شهق مروان بصوت عااااالي وخلا الكل يلتفت ناحيته انحرجت مي ونزلت الغطا على ويهها
بينما يا احمد بسرعه وير مروان على جنب:مروااان الله ايهديك شبلاااك
مروان وهو يلتفت ناحيه الممر الي اختفت امنه:شفتها اهيه اهيه
احمد ايحاول يستوعب:شوووه شفتهاااا منيه هذي؟
مروان وهو يحط يده على قلبه:مشعبة القلب
احمد بهمس وهو معصب:انته صاحي انته شو مشعبة القلب انتبه يابابا واتذكر احنا شحقه اهنيه؟
مروان وعيونه ادورها:اااااااه والله ان قلبيه دق شي استوا فيه شي ماقد صار له حط يدك اسمع
احسبه ايدق بقو
احمد:لحووووووه وبعدين معاااك لا تنسى ان في مجرم في الجمعيه لازم نمسكه
مروان وهو يخطي رايح عن احمد:مسكه عزرايل انا هب فكاره...وهذي وين راحت؟
وشافها اخيرا عند المحاسب وكانت اهناك زحمه وقف قريب منها وشافته مي وتمت متوتره امنه
قرب احمد من مروان:مرواااان والله ان ما عندك سالفه ...تحرك يا اخي
هز مروان راسه بلا وطبعا ما كانو بلبس الشرطه
احمد:يعني شوووه تنلقى المهمه؟
مروان:والله لو انا صاحي كملت معاك بس انا احس انيه هب صاحي يا اخي تصرف سو الي تقدر عليه
احمد بغيض:ومتى بتصحى؟
مروان:يوم بيوقف الي بين ظلوعيه من الدق
هز احمد راسه وراح يدري بربيعه ان شاف الجنس الثاني ضاعت علومه
مي من التوتر الي ياها خلت الاغراض في العربانه وطلعت من الجمعيه رايحه للسياره
احمد:مرووووووووان
انتبه مروان وركض لاحمد وراحت عنه مي ماعرف اهيه في اي سياره ركبت
.................................................. ..................
لاحضت نوره ان خليفه بدا يتجنبها وكلامه معاها سطحي وفكرت شو سالفة الحرق الي سال عنه
ولاحضت بعد ان العمال الي بيبنون القسم الخاص الها ولعيال اختها يو عشان يبتدون البناء
ابتسمت لابد من ان كل شي بينتهي بتكون مع عيال اختها في قسم منفصل عن خليفه واكيد انه بيتزوج وبييب حرمته اهنيه.....عورها قلبها...ويمكن تطالبه بما انها يت في البيت انه يطلقها
قعدت نوره على الكرسي والفكره اتحسها ثقيله عليها ماتستحملها...يعني ان طلقها مابتكون قريبه مثل ماكانت قريبه امنه...ويمكن اتكمل بالاسابيع مابتشوفه اكييييد اكيد انها بتتجنب اتشوفه اهو الحين جدام عينها ومعذبنها وين عقب اذا صار مش حلالها ومعاه زوجته
خليفه:نووووره
قفزت نوره:هاااه
خليفه:هههه وييين سرحانه؟
نوره:هااه لا ابدا موجوده انته متى ييت؟
خليفه:انا والله من الصبح واقف وقاعد انادي وانادي
نوره:والله ماسمعتك
خليفه:شو شاغل بالج ..العيال فيهم شي؟
نوره:هااه لا مافيهم غير العافيه
خليفه:عيل ...شو فيه اتفكرييين شي مضيقنج؟
هزت راسها بلااا
عقب رفعت راسها وطالعته:العمال اليوم يو اعتقد بيبتدون خلاااص
مايدري ليش خليفه حس ان سبب تكديرها هم العمال
خليفه:والله زييين ما دريت انهم بيون اليوم اظاهر انهم خلاص اشترو كل الي يحتاجون له وبيبلشون ا ا اشفتي تخطيط القسم
هزت راسها بلا
خليفه:تعالي موجود في المكتب تعالي برويج اياه
نوره: ما ماعليه بشوفه مره ثانيه بروح اشوف فطامي اكيد قعدت من الرقاد
التفتت عنه وطلعت السلم ونظراته تتبعها
.................................................. .......

اخر الليل روضه ماياها رقاااد نزلت تحت والورقه الي سجلت فيها رقم بدر في يدها خذت التيلفون وراحت لغرفه الطعام
وعضت على اظافرها متردده تتصل له وبعدها اتشجعت
رن التيلفون عند بدر وابتسم يوم عرف الرقم طنشه شوي عقب رد
بدر:هلاا
روضه ارتبكت:اسمعنيه زييين انا ما بنفذ اي قرار تبااااه تفهم
بدر:روعتينيه والله
روضه:انته شوووه يا اخي انا ما اريدك مش غصب الزواج...حرام الوحده اتقول لا ما اريد
بدر:انتي هب اول وحده ترفض وينقبل رفضها ....لييييش اسلوبج زفت في الرد هااه
روضه:انا حره هذي طريقتيه
بدر:وانا مش اي حد عشان اتخلينيه مصخره لج
روضه:بخبرهم انك اتصلت اتهدد
بدر:وانا بجلب الايه وبقول انج انتي الي اتصلتي تعطينيه قرارج....وتاديب لج باييب المطوع وبملج ومحد بيقوليه لا تاخذها بيتك
روضه:انته ليش اتحط راسك في راسيه انته شفت كم عمرك وكم عمريه
بدر:اااه يعني تعترفين انج ياهل والي تسوينه يهاااله
انقهرت امنه اكثر:والله الــــــــــــــــــــــــــعظيم انيه ما اسويلك الي تباااه وانك بتندم على اليوم الي ييت اتخطبنيه فيه
بدر عصب عليها اكثر:ماعليه باجر بتعرفين عمرج زييين
وسكر في ويهها
...................................

كانت نور قاعده على سيادتها تخلص اذكارها وكانت واعيه من قبل الصلاه من ساعه تصلي وتذكر الله
وقفت هنيه عدالها وصلت وطوت سيادتها عشان تروح التفتت الها نور
نور:هنيه هل انتهيتي؟
هنيه:ايوا يانور عايزه اروح اعمل الفطار للباشه
نور:هناك الكثير من الوقت هنيه لما الاستعجال في الصلاه
هنيه:استعجاال دنا صليت يابنت يا نور والحمدلله
نور:هنيه ابقي قليلا هناك الكثير من الوقت لا يزال
هنيه وهيه تقعد عدال نور متربعه:في ايه يا نور ...عايزه حاجه؟
نور:هنيه هناك امر اريد ان اتحدث معك فيه ولاكنني اخجل دائما ان احدثك فيه...لا اعرف ان كان الامراستطيع التحدث لك فييه
هنيه:يا اختي قوووولي الي انتي عيزاااه انا معنديش مشكله في حاجه
نور:انتي طيبه هنيه وانا احبك كثيرا...واعرف ان قلبك طيب
هنيه بفضول:في اييه يا بنت يا نور؟
نور:هنيه.................لما الاستعجاال دائما في الصلاه؟
فتحت هنيه عيونها اطالع نور
نور:هنيه انتي ....هل تشعرين بلذة الصلااه
هنيه:انا مش فاهمه حااجه انتي عايزه اييه؟
نور:هنيه .....يجب التروي في الصلاه انتي تقفين بين يدين الله ...اتعلمين ان الحجب ترفع بينك وبين الله عند الصلاه...والله يرا ذلك القلب
هل حقا هو يصلي له
هنيه وهيه حاطه يدها على ثمها وتاشر بيدها:بنت يا نور انا مش فهمه حااجه؟
نور:هنيه ....الصلااااه هي عمود الدين يجب ان تدركي هذا الامر وان تتركي الاستعجال فيها
هنيه:دنا بصلي يانور والله بصلي
نور:اتحبين الله هنيه؟
هنيه وهيه تخبط بيدها على صدرها:يا اختي ازي تقوليلي بتحبي ربنا ميين الي ما بيحبش ربنا
ابتسمت نور:هنيه انا اريد ان احدثك قليلا لا ترتاعي هاكذا الامر بسيط....هنيه عندما تقفي بين يدين الله في الصلاه بماذا تفكرين؟
هنيه وعيونها اتروح وترجع:معرفش يا نور؟
نور:هنيه هيا تحدثي لما تكونين مستعجله دائما
هنيه:عشان الباااشه ايوا الباشه دنا بكون افكر ان في حاجه لازم اروح اعملها للباشه بعد ما اخلص من الصله
نور:هل تفكرين في الباشه عندما تكونين في اتصال مع زوجك او والدتك
هنيه بارتباااك وتفكير عميق:اصدك ايه يا نووور؟
نور:انتي تعلميين
استرخت هنيه في جلستها
هنيه:يا نور اعمل ايييه دنا لما ادخل في الصله....بتقيني افكار كتيييره دنا وانا في الصله بسافر لمصر وللحته الي كنت انا عايشه فيها
ولخواتي واصحابي
نور:ذلك من عمل الشيطان هنيه
هنيه:اعمل ايه يانووور؟
نور:عليك ان تجاهديه ...انتي لم تخلقي عبثا هنيه ...لم نخلق الامن اجل عبادة الله...واعلمي ان الصلاه هيه صله بين العبد وربه....هنيه اتعلمين ان الصلاه اذا قبلت تلف في خرقه بيضا وتصعد الى الله وتقول لك حفضك الله كما حفضتني...اما ان لم تقبل هذه الصلاه فهيه تلف في خرقه سودا وتعود لتضرب بوجهك وتقول ضيعك الله كما ضيعتني
...هل تتخيلين هنيه ان تدعو عليك تلك الصلاه في اليوم خمس مرات ....اتعلمين ما ذا يعني ان تدعو عليكي
اترين البؤس في هذه الحياه والكثير الكثير من الامور التي لا يوفق فيها المرء ربما تكون من دعا صلاتنا علينا ان لم تقبل
هنيه وعيونها مفتووووحه ويدها بعدها على صدرهاا:يالاااااهوي الصله بتدعي عليه ...دنا بقول كل يوم مين الي داعي عليكي يابنت يا هنيه...دنا صلاتي كلها كانت بتدعي عليه يالاااهوي
اعمل ايه يا بنت يا نور انا عايزه صلاتي ماتدعيش عليه
ابتسمت نور:يجب ان تحسني صلاتك هنيه يجب ان تفكري بالامر جديا ...ان تدركي حقيقة امر هذه الحياه...واعلمي يا هنيه بان الله رؤف بالعباد
واذا را الله ان المرء يريد التقرب اليه.....تقرب الله اليه باضعاف ما يريد المرء
هنيه يجب ان تدعي الله ليلا ونهار بالهدايه وان تكثري من ذكر الله اجعلي لسانك رطبا بذكر الله..هنيه سوف نجلس سويه واخبرك كيف كانت الصلاة قرة عين حبيبنا ورسولنا محمد
هنيه:والله يا نور انا بحب ربنا ...وعايزه ازكره ليل ونهار بس مش عارفه انا بنسى بسرعه يا نور
انتي المره الي فاتت قلتيلي اسبحن كثير ..اعدت نص اليوم بسبحن وبعديها نسيييت
نور:اعلم هنيه الامر ليس بسيط ويحتاج الى مجاهده....ابليس لعنة الله عليه هو بالمرصاااد دائما...هنيه ابليس منذ بداية الخلق وطرد الله له من الجنه وهو يريد ان
يهلك ابن ادم
هنيه:نعمل له اييه يا نور ....دنا قلبي وجعني من قلتي ليه ان الصله بتدعي عليه
التفتت هنيه لحضتها للقبله ورفعت ايديها:بلاش ياربنا تغضب عليه والله انا مابعرفش حااااجه...دنا الدنيا مخداني يمين وشمااال
والله ياربنا انا بحبك ومش عيزااااك تغضب عليه...وصلااتي انا ححاول اصلحها...انا حعمل كل حاجه ياربنا بس ترضي عليه...انا عيزاااك ياربنا وعيزاااك تصلح لي حاالي وتبعد عني الشيطان
ااااه وعيزاك ياربنا تساعدني ومتخليش الصلاه تدعي عليه دنا غلبااانه والله غلبااانه...وانا حسمع كلام البنت نور وازكرك ياربي كتييير وانته بأ ساعدني...استغفرك ياربي واتوب اليك استغفرك واتوب اليك
حطت هنيه ايديها على ويهها وهيه تكمل دعاها بتمتمه بينما كانت نور مبتسمه ودموعها تنزل بغزاااره

بعد ساعتين دخل زايد المطبخ على هنيه الي كانت معزيه وتذكر الله
زايد ماعرف شو فيها:هنــــــــــــــــيه
التفتت له:ايوا ياباشه الفطار جاهز
زايد:شبلاج انتي اليوم؟
هنيه :مافيش حاجه ياباااشه
زايد:لا انتي شكلج اليوم ابدا مش عاجبنيه
هنيه مستسلمه:تعرف ياباااشه ان الصله بتدعي عليه كل يووم
زايد:هاااه...انتي شو تقولين؟
هنيه:البنت نور بتقولي ان الصله بتدعي على الي ما بيصليهااااش كويس وتنلف في خرقه سووودا وتظرب في وشه وتقوول ضيعك الله كما اضعتني
تم زايد ايطالعها ومنصعق من كلااامها
دمعت عيون هنيه:انا مابعرفش حاااجه دنا كنت بصلي ومابعرفش حااجه في الصله
زايد:هنيــــــــــــــــــــــه....لا تمين تسمعيين الها تراها مينونه وبتيننج
نور من ورااه:قد قيل لرسول الله من قبل بانه مجنون
التفت الها زايد:وتحطين نفسج مع الرسوول
نور:انا انهج بمنهاجه....نحن جميعا دعاااه الى الله
تم زايد ايطالعها بنظراته الي تكرهها نور والتفت عنهن وطلع
نور بابتسامه:لا عليك منه....هنيه اود لو تتصلين على السيد خليفه اريد التحدث معه قليلا
هنيه باستغراب:الاستاز خليفه...ليييه عيزااااه في ايييه
نور:هنيه هل ستتصلين به؟
كلمت نور خليفه وطلبت امنه انها اتشوف جدتها واهلها
خليفه:نوور لازم انخبرهم اول شي عنج محد يدريبج الا انا وزايد
نور:حسنا ومتى سوف تخبرهم انني اتحرق شوقا للقاء الجده
خليفه:ماعليه اعطينيه انتي بس فرصه...ولا تتكلمين مع زايد في الموضوع...انتي تعرفين زايد زيين
نور:حسنا لن احدثه ...لقد اردت ان تكون انته من يذهب بي اليهم
خليفه:ما عليه ان شالله قريب
نور بتردد:هل انته عمي
ضحك خليفه:هيييه عمج شفتي عاده
نور:يسعدني ذلك كم انا فخورة بك يا عمااه
خليفه:ههههه حلوه هذي عمااه
##
##
##
والحين شو تتوقعون ردة فعل الجده والي كانت اتمووووت في ابو نوروالي يوم اتشوف زايد تتذكره فيه
ودمتم وديمه العطا


 
 

 

عرض البوم صور ΑĽžαεяαђ   رد مع اقتباس
قديم 21-12-09, 06:40 PM   المشاركة رقم: 39
المعلومات
الكاتب:
اللقب:

البيانات
التسجيل: Dec 2009
العضوية: 153266
المشاركات: 115
الجنس أنثى
معدل التقييم: إماراتية نصراوية عضو بحاجه الى تحسين وضعه
نقاط التقييم: 11

االدولة
البلدUnited Arab Emirates
 
مدونتي

 

الإتصالات
الحالة:
إماراتية نصراوية غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

ما أعرف شوه درت الجده..ان شاء الله خير

ونورة تصرفها حتى الآن مبهم ما أدري سر النقاب

وسر الهروب من كشف الوجه

شكراًًًعلى النقل

جميل هذا الجزء فيه افادة

 
 

 

عرض البوم صور إماراتية نصراوية   رد مع اقتباس
قديم 21-12-09, 07:53 PM   المشاركة رقم: 40
المعلومات
الكاتب:
اللقب:
عضو فخري


البيانات
التسجيل: Apr 2009
العضوية: 142868
المشاركات: 11,370
الجنس أنثى
معدل التقييم: نوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسي
نقاط التقييم: 3549

االدولة
البلدSaudiArabia
 
مدونتي

 

الإتصالات
الحالة:
نوف بنت نايف غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

السلام عليكم

اول شئ يعطيك العافيه زائرتنا الغاليه على القصه الروعه ودعوتك الكريمه لها
والله لا يهينك اذا قصصك ها الشكل ياويلك لو ماتدعيني (قطت الميانه
خخخخخخخخ
المهم روايه تجننننننننننننننننننننننننننن بمعنى الكلمه وربي مره اعجبتني
نجي للابطال
زايد شخصيه تجيب المرض يقهررررررررر بشكل ماحد يتصوره الله عاد والكرسى اللي ذبحتنا فيه والا الاخلاق التراب مادري مغتر على ايش بصراحه كرهته بقوه
*****
خليفه ونوره وسر عدم شوفته لوجهها على ان الحركه من جد قاهرتني وكمل عليها الخبل نويصر بس اتوقع ان نهاية المطاف راح يقتنع خليفه ان نوره تستاهله وسعادته معها رغم التشوه اللي بيكتشف في النهايه انه مو موجود وماهو الا لعبه دنيئه من اميره
*********
اميره هذي مادري وش اقول عنها ما قدر الا اقول ان لقب انسانه خساره في امثالها وابشرها بعد ترى خليفه ماعمره حبك وتعلقه فيك كان مجرد فراغ وكنتي الوحيه في حيا ته لا ومن وساعة الوجه تتمنين زيدان اللي الحمد لله مادري احسه ماينبلع واي علا مامي النتيه زويره مدري وش عاجبها فيه
***********
نجي الحين لنوووووووووور اللي من جدشخصيتها فذه وتهبل ما شاء الله عليها تثبت لي دائما ان حنا مقصرين في حق ديننا وان العجم المسلمين دائم احسن ممنا في تمسكهم بالدين

********
ننتظر بشوق القادم



 
 

 

عرض البوم صور نوف بنت نايف   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة وديمة العطاء, رواية نور, رواية نور للكاتبة وديمة العطاء, وديمة العطاء, نور, قصة رواية نور للكاتبة وديمة العطاء
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t126744.html
أرسلت بواسطة For Type التاريخ
ط¬ط¯ط¯ظٹ ظپظٹظ†ظٹ ط­ظٹط§طھظٹ ط¨ط§ظ„ظ‚ط§ ظ„ظ„ظƒط§طھط¨ط© ظˆط¯ظٹظ…ط© ط§ظ„ط¹ط·ط§ ط§ظ„ظ‚طµطµ ط§ظ„ظ…ظƒطھظ…ظ„ظ‡ This thread Refback 17-08-14 03:13 PM


الساعة الآن 06:10 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية