لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 27-01-10, 10:25 AM   المشاركة رقم: 186
المعلومات
الكاتب:
اللقب:
عضو فخري
✿ باذِخَةُ الْعَطَاءْ ✿


البيانات
التسجيل: Jun 2009
العضوية: 146680
المشاركات: 19,408
الجنس أنثى
معدل التقييم: ΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسي
نقاط التقييم: 4020

االدولة
البلدSaudiArabia
 
مدونتي

 

الإتصالات
الحالة:
ΑĽžαεяαђ غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

صباااااااااااح الورد للورود الي هنا .....

بنات شكرا شكرااااا شكراااااااااا لكل من مر هنا وترك اسمه او رده


والله نفسي ارد عليكم وحده وحده مثل كل مره بس اسمحولي ظروفي شوي

معاندتني هالايام بس حبيت اقلكم اني قريت ردودكم كلها وكلها تجنن

تهبل واعيد واقول شكراااا لـــــ

زارا امنا الحبيبة ولنوف بنت نايف واللبؤة وبوحة ضرتي الغالية ولامارا

ولشبيهة المتابعة المميزة واكيد لشارمي الكاتبة المتألقة شارمي


اسعدني وجود اسمك بين الصفحات انتي وضجوج ملكة الاحساس مشكورين كثير

كثير واكيد ما انسى اشكر مشرفتنا الجديدة جودي ها بقي احد والا

كاملين لو نسيت حد اعذروني وسامحوني واكــــــــــــــــيدالشكر

الاكبر للكاتبة المبدعة الي لها الفضل الكبير انها خلتني اتواصل

معاكم .... ودوم شكر لك من اعماق قلبي في عندي كلااااااااااام

كثيييييييييييييييييييييييييير نفسي اقوله بس للاسف مو قادرة اتواصل

معاك او اوصله لك وترا للحين الدعوة لحضورك هنا قائمة وعلى قولة


ماما قد شفتي احد لحوح مثلنا بس

ترا هذا من حبنا لك وحبنا للتواصل معك ....

يا الله بنات اترككم مع البارت الجديد قراءة ممتعة


الزائــــــــــــــــرة ×× زوزو ××

 
 

 

عرض البوم صور ΑĽžαεяαђ   رد مع اقتباس
قديم 27-01-10, 10:27 AM   المشاركة رقم: 187
المعلومات
الكاتب:
اللقب:
عضو فخري
✿ باذِخَةُ الْعَطَاءْ ✿


البيانات
التسجيل: Jun 2009
العضوية: 146680
المشاركات: 19,408
الجنس أنثى
معدل التقييم: ΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسي
نقاط التقييم: 4020

االدولة
البلدSaudiArabia
 
مدونتي

 

الإتصالات
الحالة:
ΑĽžαεяαђ غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

"نــــــــــــــــــــــور"

الجزء الثالث والعشرون



كانت روضه ملتفته لبدر واطالعه بنظرات منصدمه انه ما صدقها
روضه:انا ما اجذب عليك
بدر بابتسامه وهو متضايق:اسمعينيه زين لا تحاولين انا فاهم السالفه كلها ...انتي تبين تتجنبين كلام الناس ومستعده ادوسين على قلبج وتتتخلين عن حبيب القلب
روضه:انته ليش ماتريد اتصدق؟
وبانفعال:اصدق شوووه جذبه يديده انا اسف...شوفي الي خايفه امنه مابيصير اوعدج انا مابعطي الناس اي مجال تتكلم في الي صار الج والدليل اننا بنسوي حفلة ملجه اول ما يرجع زايد...انتي نسيتي اننا ماسوينا حفله...والعرس بقولهم بعد ماتخلصين الدراسه هااه شرايج؟؟
تمت روضه اطالعه بنظرات مش مصدقه الي يصير الها هذا كيف بيفهم؟
بدر:ولين يوم العرس اكيد بنلاقي اسباب وايد اتخلينا ننفصل
عورها قلبها وماتدري ليش غمضت عيونها بالم والتفتت عنه وهيه تنزل غطاها على ويهها وتلتفت للجهه الثانيه...شبلاج يارويض مش هذا الي كنتي تبينه ليش متضايقه؟
بعد شوي
بدر:روووضه شبلاااج؟
هزت راسها
بدر:ماقلتيليه رايج في لقتراح؟
روضه:انته تريد اطلقنيه بس عشان الي صار اليه..
فتح بدر عيونه مندهش:علشان شوووه ؟؟تعالي انتي ماكان هذا اتفاقنا من قبل؟
روضه:خلاص انزين خلاص سو الي تباه..على كيفك
حس بغيض عليها وهيه تقهره بكلامها هذا يعني الحين انا السبب
تمو ساكتين لين وصلو البيت شاف الباب الرئيسي مسكر وغير اتجاهه للباب الخلفي وبر البيت وقف السياره
بدر:روضه وصلنا الباب الوراني تعتقدين مفتوح
لاكن محد رد عليه
بدر:روضه انتي رقدتي؟
بعد محد رد عليه وابتسم نزل من السياره ولف لبابها وفتحه وجثى على ركبه ايطالعها وهيه صاده ناحية الباب وكاشفه شوي عن ويهها وفي سابع نومه
حتى وهيه راقده البرائه ظاهره فيها ونعومة الاطفال في ملامحها نزلت دمعه على خدها وحس بقرصه في قلبه وقف وهو متوتر وطلع تيلفونه واتصل على الرقم الي عطاه مي
مي:الووو
بدر وهو يبتعد عن السياره ويروح ايشوف الباب اذا مفتوح او لاا:هلا ميمي
مي وهيه على وشك اتصيييح:وين روووضه لاتقول بتبات عندهم؟
بدر:لا لا افا عليج قلتلج انيه مابخليها اتبات عندهم احنا في السياره عند الباب الوراني وهو مغفول تعالي افتحيه لين اوعي روضه
مي بفرحه:انزين انا يايه
رجع بدر عند روضه وتم ايطالعها ورجع جثى على ركبه عدالها
بدر:روضه روضه
ما زالت راقده
بدر:روضه قومي ياله احنا وصلنا
تحركت جفونها وبدت تفتح عيونها بصعوبه
بدر:اذا ما قمتي ترانيه بشلج؟
فتحت عيونها وانصدمت انه مجابلنها وقفزت قاعده عدل
روضه:شووه انا وييين؟
وقف وهو مبتسم:ترانا وصلنا من الصبح وانتي بعدج راقده
انتبهت روضه للباب ينفتح وتطلع امنه مي الي ركضت ناحيتهم فرحانه طلعت روضه بسرعه وتلاوت مع مي وتمن ايصيحن مع بعض
بدر تم واقف ايطالعهن ايريد يستوعب روضه بيبي ولا مي صارت كبيره نفس الطول تقريبا لا شكل مي اطول شوي عنها وعلى وشك تطول اكثر
بعد ما خلصن من الصياح ابتعدت مي عن روضه والتفتت لبدر الي خذها بدوره في حضنه ايهديها
بدر:خلاص فديتج هذيه رويض بخير ومافيها شي وان شالله كل شي بينتهي قريب
ابتعدت عنه ومسحت دموعها
لف بدر لباب سيارته:ياله روحن داخل وتصبحن على خير
وهو منشغل يشغل سيارته تفاجئت مي بدحه قويه على ظهرها
مي :اااي شبلااااج
روضه بعيون يطاير منها الشرر:ياحماااره ليش اتخلين الريال يلوي عليج ويحبج؟؟
انحرجت مي ونزلت راسها تحت هذا الي كانت خايفه امنه
مي:ع عااا عااادي
روضه بنظرات استنكار:لاااا عااادي هاااه ماتشوفين عمرج كبر لبقره وتقولين عااادي من متى؟
مي باحراج اكثر:من يوم انا صغيره وانا اسلم عليه اهو وزايد
روضه:والله وشحقه ماتروحين اتوايهين الطباخ تراه من يوم كنتي صغيره عندنا وشالنج دوم مودنج الدكان
مي منحرجه:روووضه
فتحت روضه عيونها اكثر:سباااااال ماعليه انا بعلمج السنع زيييين
فتح بدر دريشته قبل لا يمشي:هااه بلاكن واقفات ياله روحن داخل وانا اشوفكن
التفتت روضه لجهة الباب ويرة مي وراها بغيض تم ايطالعهن مستغرب من حركة روضه
واول ماسكرت الباب وراهن التفتت لمي
روضه:والله ياميووووه والله ان شفتج سلمتي عليه مره ثانيه ولا دريت انج اتشوفين شي ماشفتيه
مشت عنها مثل الاعصار وتمت مي واقفه وهيه منحرجه ياليتج تدرين ياروضه ان هالخطوه من زمان وانا افكر فيها ومش عااارفه
التفتت عليها وصرخت:امشــــــــــــــــــي
شنقول عاده ياروضه ان شالله ماتنسين وقفتج بين ايدين الله من قبل وتذللج له وماتضلمين ميمي معاج اوووف هذي الغيره اظن

.............................................
في شقة نور وخليفه واليازي طلعت نور من غرفتهن واتجهت لخليفه الي كان مندمج مع اليازي ايطالعون فلم
قعدت عداله
نور:عماااه اريد رقم زوجتك نوره اريد ان اتحدث معها قليلا
دق قلبه ااااه ياليت بس اترد على المكالمات من يومين وهو يتصل وتخلي اليهال هم الي يردون واكثر شي فطامي الي مايقدر يتفجج منها عجبته الفكره وقال بيشوف اذا كانت قاصده ماترد عليه ولا التيلفون دائما عند فطامي
مسك تيلفون نور واتصل وحطه سبيك
ابتسمت نور يوم سمعت الصوت عالي ودرت انه ايريد يسمع صوتها
نوره:الووو
نور:السلام عليكم ورحمة الله وبركاااته
نوره بفرحه:نووووور وعليكم السلام ورحمة الله
نور:كيف حالك يا زوجة عمي الجميله
ابتسم خليفه وعينه على الفلم وسمعه طبعا عندهن
نوره:نووور فديت انا الصوووت كيف حالكي يا فتااه
نور:بخير والحمدلله اخبريني عنك انتي وابنا عمي الصغار
نوره:احنا بخير فديتج ومشتاقين الكم
نور ونظرها عند عمها:هل اشتقتي لنا حقا؟
نوره:اكيد فديتج
نور:اممممم وعماااه هل اشتقتي له؟
نوره:هههه طبعا اذا ما اشتقت له حق منووو بشتاااق
تشقق خليفه وهو يشبك ايديه ورا راسه ونظره عند التلفزون ومش منتبه لنظرات اليازي وهيه ترفع حواجبها وترجع تلتفت للتلفزون
اليازي:عاااااااشوووووو ههههه
طالعها منتبه الها ولكلمتها وابتسم ماتدرين ياليازي بالشعور الحلو الي حسيتبه وانا اسمع صوتها ولا ضحكتها هذي خبلتبيه من زمان قبل لا اشوفها ويييين الحين وصورتها في خياليه وذكريات
ليله ماتنسى شعور قوي عصف فيه وقشعريره بدت تسري فييه بدون توقف ما قدر وقف راح لغرفته ولبس بالطوه الطويل وطلع عنهن برا الشقه ايريد يمشي ويرتاح من الشعور الي رغم انه حلو لاكنه متعبنه كيف يستانس بهذا الشعور عقب كل الي سواه الها
والظلم الي حس انه ظلمها فيه كل مارجعت ذكرياته لعصبيته عليها هذاك اليوم كره نفسه وكره الي سواه والي قاله....الشعور بالذنب هذا مابيروح لين اتسامحنيه وصعب انها اتسامحنيه بالسهوله هذي....بعد شارعين
والوقت كان عنده العصر قبل المغرب بشوي شاف اسوار حديقة الهايد بارك وراحلها مشىبين اشجارها مار بالبحيره ووقف ايطالع البط وتفكيره مش عنده تنهد بصوت
عالي وهو يكمل مشيه ايحاول في هالجو الحلو يبعد تفكيره عنها شوي لفت انتباهه امريكي يمشي مع وحده افريقيه مافيها من الزين شي وهو حاط يده على بطنها البارز وهو مستانس
رغم كل الاحاسيس الي حسيتها معاها قبل لا اشوفها الا ان تفكيريه توقف على شكلها وين هالناس عن تفكيريه هذا ناس عايشه على مشاعرها واحاسيسها وياما ناس حصلو الجمال لاكن انعدمت هالمشاعر بينهم...واكبر دليل مشاعريه
المنعدمه مع اميره حتى من قبل لا اعرف نوره واحس بالي احسبه كان كل هميه زواج وتاسيس اسره وبس ماكنت ادري بالشعور الي حسيتبه مع نوره....ابتسم...الحينه مش بس مشاعر الحين بعد جمال رباني يبهر ويذبح انوجد بس اعتقد عشان يذبحنيه ويعلمنيه بكبر الغلط الي سويته...استاااهل استاهل اعيش مع اميره بلا مشاعر واشوف مشاعريه جدام عينيه وما اقدر اوصل الها
زادت الضيقه على خليفه الي قرر يرجع بعكس الشارع الي كان يمشي فيه ويرجع للشقه
بعد ما سكرت نور عن نوره رن تيلفونها
نور:السلام علــــــ........ّ
زايد:مع منوووووه من الصبح اتهربديييين؟؟
نور ارتجفت من صرخته القويه:زيد
زايد:والله يانووور ان كنتي جداميه انيه اخليج اتعرفين تمسكين التلفون مره ثانيه تتكلمين فيه
نور بارتباااك:كنت اتحدث مع..........ّ
زايد:جــــــــــــب ولا كلمه الحين تغلقين التلفون ولا تتكلمين فيه وان اتصلت وحصلته ايرن ولا مشغووول ياويييييلج
نور:حسنا حسنا سوف اغلقه
سكر في ويهها ووقفت بسرعه متجهه لليازي
نور:هيا اغلقيه بسرعه ارجوووك
اليازي بنظرات مستغربه:ليييش؟
نور:لا تكثري معي الحديث اغلقيه اولا ثم ساقووول لك
خذت اليازي التلفون واغلقته
نور:هل انتهيتي منه
اليازي:هيييه هذا الفص يغلقه ويفتحه
قعدت نور:الحمدلله
اليازي:شووو صار يانور؟
نور:زيد يريدني ان اغلقه لا يريدني ان اتحدث فيه
اليازي:واااايد معطيتنه ويه
نور:ماذا تعنييين؟؟
اليازي:انتي وايد مسويه له سالفه
نور:اليس زوجي؟
اليازي:انزين عاده مش لهدرجه يتحكم فييج يحمد ربه انج عشانه اتزوجتيه وانتي ليل ونهار قاعده اتصلين وتدعين له هو ليش مايريد يفهم انا لوعنج بعطيه بو لبااااس ايخسي يتحكم فيه وانا مسويه كل الي مسويتنه
نور:اليازيه لا تقولي ذالك .... انه زوجي وعلى الزوجه طاعة زوجها مهما كان الامر
اليازي:عاده شو لينه اتذلين نفسج عشانه؟
نور بالم واضح على ويهها:دعيه يفعل مايريد انا ارجو الثواب من الله وما على الزوجه الا ان تطيع زوجها لقد ربطت نفسي معه برباط مقدس
والله يدعو الى طاعة الزوج
قعدت نور عقب اتكلم اليازي عن حقوق الزوج وكيف المراءه لازم اطيع زوجها في كل شي الافي معصيه لله وقالتلها عن الاجورالي تحصلها الزوجه من طاعة زوجها وانها اذا ماتت وزوجها راضي عنها دخلت من اي باب من ابوب الجنه تريد
اليازي:نور صعب صعب اطيعه وانا شي في خاطريه عليه...انا ماعرف انتي كيف متحمله انا عنيه ما اقدرمستحيل في يوم عقب الي سواه فيه فهد ارضخ له ولا اسمع كلامه
استاااانس يوم اناااحسه احس انيه ابرد شوي من الي في قلبيه
نور:ولاكن كل ذالك سوف تحاسبين عليه...اليازيه انسي ذلك واحتسبي الاجر من الله وسوف ترين كيف ان الله قادر على ان يغير مافي قلوبكما
اليازي:لا لا لا انا ماريده ايغير...انا ما احبه وبظل طووول عمريه ما احبه
نور بنظرات مشفقه وهيه تحس بمعاناة اليازي الي ولا شي عند الي تحسبه اهيه من معاناه
نور:اصلح الله حالكما ووفقكما لما يحب ويرضى
رجعت نور لغرفتها وتمت اليازي اتابع الفلم وهيه تفكر في كلام نور ماتدرين يانور انه من يومين حاشرنيه بالاتصالات وانا ماريد ارد عليه وكم رساله يتنيه ايواقع فيها ويتوعدنيه ان مارديت عليه...خله يولي مايقدر يوصلنيه اهنيه

عشان ينسى نوره اتصل على خميره قصدي اميره يمكن ينسى واتمنى انه ماتصل بعد ماتمت اميره اتلومه على تاخيره بالاتصال
خليفه:يا اميره قلتلج انشغلت مع زايد
اميره:احلف انك ماتصلت على بيتك وكلمت الي ماتتسمى
زفر بضيقه:امييييره ارجوج عاده يكفي انا تعبااان وانتي مش حاااسه
اميره:شبلاااك حبيبي عسى ماشر؟
خليفه:ماشي ماشي بكلمج مره ثانيه سلمي على خالتيه
ماعطاها فرصه وسكر وكمل طريقه وهو يفكر ايمر على زايد قبل
اول ما دخل عنده عقب ماصلى المغرب في المسيد التابع للمستشفي والي كان بانينه حياة الشيخ زايد طيب الله ثراه
زايد:حمدلله على السلاااامه افاااا ليش يالخاااال متعب عمرك وياي خلك مرتاااح معاهن وانا ماعليه شر
خليفه ماعبر زايد في الي يقوله وراح سيده عند الدلال وصبله كوب شاي والتفت للتلفزون ايطالعه
زايد:بـــــــــــــعد سايلنت.... شحقه متعب عمرك وياي
دخل لحضتها الدكتور الباكستاني وهو يكلم الممرضه الي معاه
زايد:عاده انته الي باقي ناقصنيه
ابتسم خليفه
التفت الدكتور:كيف حالك اليوم؟
زايد:عفوا دكتور انا ما احيد انك انته الي تابع حالتيه
هز خليفه راسه اكيد انه بيفضحهم اليوم مع الدكتور
الدكتور وهو يحاول ان كلماته تكون صح:اردتو ان اتطمن ععليك
زايد بنظره مستهتره:لاااا فيك الخير شي في خاطرك بعد؟
تم الدكتور ايطالع زايد ما يعرف شو يقول وطالع خليفه وابتسم
الدكتور:هل انته بخير اذا اردت شي اخبرني؟
زايد تم ايطالع الدكتور ويضوق عيونه شكله هذا يتكلم بالفصحى وامس اكثر كلامه عربي مكسر وانجليزي شو السالفه؟
تخربط الدكتور من نظرات زايد والتفت وهو مبتسم عشان يطلع عقب رجع والتفت الهم
الدكتور:الاخت نور هل هيه هنا؟
فتح زايد عيونه واتدارك خليفه الوضع عقب ما فهم ليش زايد مش بالع الدكتور ووقف متقرب من الدكتور
خليفه:عفوا يا دكتور انته تعرف نور؟
ابتسم الدكتور:التقيت بها في المره السابقه
خليفه:انزين يا دكتور احنا عرب ومايوز النا حد غريب يسال عن حريمنا في شي ضروري تباه من نور؟
الدكتور وتوه ادرك هو بعد لنظرات زايد:لا لا لاتفهموني بالغلط انا اسال عنها لان اختي تريد روئيتها
زايد:لا والله وبعد امك ماتبا اتشوفها وخالتك وعمتك
التفت الدكتور لزايد مش فاهم شي
قرب امنه خليفه وطلب امنه يطلع معاه برا وهناك وضح له ان مريضهم انسان غيور مايعجبه حد يكلم زوجته
استحى الدكتور واعتذر وراح ولا عاد حد شافه
خليفه وهو مبتسم:ولا السالفه فيها غيره
زايد بنظرة استنكار:نــــــــــعم!!!؟ غيره على منوووه؟
خليفه:هههههه تدري انا ما احب اتجادل معاك انته اكيد كلامك هو الصح وانا الغلطان
التفت عنه زايد وتم ايطالع التلفزون
خليفه:كلمك بدر اليوم؟
زايد:لا
خليفه:سمعت في الاخبار ان في محامي مشهور عندنا حرمته متهمه بالقتل
زايد والموضوع مش هامنه:وشواسويلهم تبانيه؟
خليفه:لا انا بس حبيت اعطيك علم لان المحامي هذا محاميك الشخصي
زايد التفت له:شووووه؟؟!!!بدر!!!روضه
خبر عقب خليفه زايد بالسالفه وفهمه شو صار اخر شي
كانت ردة فعله انه تم ايطالع خليفه وهو سااكت ورجع والتفت ايطالع التلفزون وباله مش عنده
خليفه تندم انه قال له وهو مش عارف شو فيه ايفكر بالعاده زايد بيتم ايصارخ مش عاجبنه الي يصير وان هذا بيضر سمعته واسمه لاكن زايد كان همنه لحضتها صديقه والمشكله الي اهو فيها ومش متخيل ان روضه تكون في الموقف الي اهيه فيه

.......................................

قبل لا يرقد بدر عزم انه يكلم مي ويسالها عن احوال روضه اذا رقدت عقب اليوم الي مرت فيه
لاكن الي ردت عليه اهيه روضه نفسها عقب ما واقعت مي على التيلفون واتوعدتها ان شلته مره ثانيه ياويلها كانت توها ناويه ترقد ومنسدحه على السريريوم رن تيلفونها وقعدت بسرعه وهيه تشوف الاسم ورفعت شعرها فوق
روضه:الووو
اعتدل اهوه بسرعه وكان ناوي اهو بعد يرقد ومنسدح على السرير
بدر:روضه؟؟
زادت دقات قلبه وتضايق من دقاتها
روضه وحالها مثل حاله وهيه عارفه الصوت:منوو معايه؟
رجع بدر وساند بظهره على راس السرير وهو يعدل المخدات وراه
بدر:ماعرفتينيه؟
روضه بارتباك:بـ بدر؟؟
بدر:يعني اول مره تسمعين صوتيه؟
روضه واهيه تنكت تحت اللحاف وتغطي راسها:لا بس لانيه يمكن نعسانه
بدر استغرب الصوت الي وطى:روضه وين انتي؟
روضه:اهنيه
بدر:وين اهنيه صوتج صار بعيد
كشفت اللحاف:ا ا ا انا كنت متلحفه بالحاف
بدر:اااه يعني راقده؟
روضه:يعني على وشك
انسدح بدر وتلحف اهو بعد بالحاف:عيل انا بعد بتلحف بالحاف
روضه وهيه ترجع تتلحف:ههههه وبنتم نتكلم جذيه من تحت اللحاف
بدر:ليش مارقدتي انا قلت الحين في سابع نومه؟
روضه:وانته ليش مارقدت؟
بدر:من الصبح قاعد مع اميه ومروان...حصلتي حد واعي؟
روضه:هييه حصلت اميه ويدوه ويدوه تمت اتواقعنيه ماتدري بالسالفه تتحسبنيه متاخره عند صديقتيه
بدر:وانتي عادتا تتاخرين عند صديقاتج؟
روضه:انا اصلا ما اروح عندهن الا في المناسبات اتاخر عندهن ليش؟
بدر:يعني في بنات يهيتن لين اخر الليل عند صديقاتهن
روضه:بسم الله عليه انا مش مثلهن
بدر:لا مشاالله عليج انتي وايد مثاليه
روضه:تطنز حضرتك؟
بدر:انا اطنز !!!انا اقول يعني اذا ماكنتي مثلهن اكيد بتكونين مثاليه وايد
روضه:انته ماتعرف عنيه وايد اشياء
بدر:مثل شوووه يعني؟
روضه:انا ما احب اتكلم عن نفسيه
بدر:واذا انا قلتلج عرفينيه على نفسج؟
روضه:مش لازم
كلام عادي كان بدر وروضه يتكلمون فيه وتاخر الوقت وكل واحد مايريد ايسكر عن الثاني
بدر وهو يكشف اللحاف عشان ينصدم ان الساعه ثلاث ونصف
بدر:روووضه تدرين ان الساعه ثلاث ونص؟
روضه:هاااه مسرع الوقت مشى
بدر:زين جذيه سهرتينيه وانا لازم اكون من غبشه في المخفر
روضه:والله انا ما سهرتك انته بروحك داق
بدر:انا كنت داق اسال عن احوالج واوصي مي تقولج ترقدين من وقت عشان باجر الصبح يمكن تيج حرمه محققه اتحقق معاج
روضه:وليش ما وصيتنيه وانتهى الموضوع؟
بدر:شدرانيبج تميتي اتسولفين
قعدت روضه معصبه:انا تميت اسولف؟؟!!!ّ
بدر:هيه انتي ولا انا ماعرف السهر وارقد دوم من وقت ياله تصبحين على خير
سكر عنها وعصبت زياده وتمت اتصارخ على التيلفون
روضه:انته شوووو فاكر نفسك اااه والله انه يقهر
اما هو ابتسم وهو ينسدح وعقب رجع يضحك...... مينووووونه
تمت روضه تفكر فيه عقب انتبهت لنفسها وقامت بسرعه للحمام اتوضت وفرشت السياده صلة ركعتين شكر وتمت تدعو الله وتشكره وتطلب امنه انه يفرج كربتها بعد الي صارلها اليوم حست بثقتها في الله وان الله مابيخيب املها رغم انها مقصره لاكنها تمت تدعوه وتستغفر امنه وتطلب السماح والعفو
.................................................. ...........................

في اليوم الثاني بدر اجل مقابلة التحقيق لانه يدري ان روضه بتكون راقده الساعه اثنعشر كان قاعد في الميلس وطلب ايشوف روضه كانت توها نازله وقالولها ان بدر ايريدها ماتدري ليش حست انها متخربطه
وبعد ماراحت الخدامه التفتت للمرايه الي على الجدار وتمت اتشوف نفسها حطت يدها على قلبها
روضه:ياربي شو فيه وقته الحين
عدلت من ليلال الي لابستنه والي كان لونه بلون ثوبها واتوجهت للميلس وهيه متوتره
دخلت عليه وكان قاعد يتقهوا
روضه:احم السلام عليكم
التفت الها وقلبه بدا يرقع وشافها اليوم غييير ويهها كان هادي وعيونها الي ذبحته البارحه اليوم مزيننها لجحال الي صدق يننه اليوم وقف وهو ايطالعها بدون العباه اليوم شكلها مختلف
بدر:وعليكم السلام ...تعالي روضه
لفت من ورا الطاوله الي جدامه وقعدت مجابلتنه على الطرف الثاني بعيد قعد وعيونه عليها وهيه اطالعه وحست بنظراته غير استحت ونزلت راسها تحت
تم قاعد بس يتاملها
رفعت راسها وبتوتر:ا انته قلت اليوم بتي الي بتحقق معايه
بدر:اجلت التحقيق لين باجر
روضه:ليييش؟؟؟خلهم ايخلصون وافتك
بدر:لازم اول شي نتفق ميصير ايحققون معاج وانتي مش فاهمه لاسلوبهم
روضه:بعد اي اسلوب انا ماذبحتها والي عنديه بقوله كله
بدر:انا مااريدج اتقولين شي
روضه:يعني شوووه؟
بدر:احنا منريد انطول السالفه معاهم وانتي اي كلمه بتقولينها بتكون محسوبه عليج ولين انفهمهم المقصد من هالكلمه يبالنا وقت طويل
فاحسن شي اتمين ساكته وانا بتوكل بكل شي
روضه:ليش التعقيد هذا؟؟ على اي اساس بيصدقونك انته؟
بدر:انا محاميج
روضه:وفي التحقيق بتم ساكته
بدر:لا طبعا اباج اتردين على قد السؤال ماريد اطولين الهم السالفه
روضه:مافهمت؟
تم بدر يشرح الها ويفهمها واهيه اطالعه ومستغربه
روضه:افرض انا ذبحتها... يعني كيف بيوصلون للحقيقه؟
قام بدر وهذا الي كان ايريده وقعد عدالها
بدر:وبعدين ياروضه لا عاااد تعيدين الي قلتيه قبل اشوي
اتوترت امنه وهو قاعد قريب منها وتمت اطالعه بنظراتها الطفوليه
بدر....لحوووووه انا شو الي يابنيه وقعدنيه عدالها انا وانا اهناك مش في حاله ايي واعق عمريه في الضو لييش؟؟؟
التفت بدر وتم ايطالع في الميلس بتوتر:ا ا ا
ابتسمت وبانة الغمازيه...صد بنظره اول ما شاف ابتسامتها
بدر:ا ا فهمتيليه؟
روضه:يعني
بدر وهو يحط عيونه في عيونها ويحاول يكبت مشاعره:ترا المحققه مش هينه ويمكن تيبلج نفس السؤال اربع مرات على اساس اتخربط بج انتبهي وخلي اجابتج مختصره ووحده
هزت راسها وهيه اطالع تحت
لف بنظره في الصاله ورجع الها
بدر:شبعتي رقاااد؟
روضه:هيييه وانته من متى واعي
بدر:من ثمان وسرحت الهم تونيه ياي
روضه:تريقت؟
بدر:لا
وقفت روضه بسرعه:بروح ايبلك ريوق
مسكها من يدها:تعالي اهنيه اي ريوق الحين دخلنا وقت الغدا
روضه وهيه اطالع يدها الي ماسكنها:بسويلك سندويجات
وقف بدر وتم مجابلنها وهيه اقصر امنه ورفعت راسها فوق اطالعه
بدر:انا ما اتريق بالعاده
سحبت يدها وحس ابها وتركها
ابتسم
بدر:الحين اريد اعرف انتي قصيره ولا انا طويل؟
نزلت راسها تحت منحرجه ومعصبه في نفس الوقت
مد يده ورفع راسها عشان اطالعه:معصبه؟؟السموحه
كان ملاحظ تنفسها وصدرها الي يرتفع وينزل
بدر:رووووضه لاتسويبيه جذيه؟
حس ان تنفسه اهو الي بيوقف
بدر:ياله انا بروح ...ولا تنسين الي قلتلج اياه
على طول طلع وحاله مش في حاله
ياليييييييييييييل الشقى يابدييير
مي كانت برا في الممر ويوم سمعت صوته شردت واندست
.................................................. ..................

دخل خليفه على زايد في اليوم الثاني وكان بروحه
زايد:وينها؟
خليفه باستغراب:منيه؟؟
زايد:حرمنا المصون عجبتها القعده في الشقه
خليفه:شقصدك؟؟
زايد:انتو ليش مزوجينيه اياها عشان تاخذ راحتها في الشقه وانا اتم محتاس اهنيه شو فايدة الزواج هذا؟
خليفه:مش انته الي طلبت ماتشوفها واتم في الشقه احسن الها؟
زايد:وانا قلت ماريد اتزوجها وانجبرت على زواجها شمعنى الحين كل الي بقوله بيمشي عندها
خليفه:زايد ترا انا خلاااص ماعدت اقدر استحملك ولا استحمل تطلباتك هذي
زايد:حد مانعنك اترد تبانيه احجزلك على حسابيه؟؟
خليفه:لحول ولا قوة الا بالله....
قام خليفه وطلع دلال القهوه والشاي
خليفه:اصبلك قهوه
مارد عليه زايد
خليفه:يابويه شبلاك شو مضيقبك ؟؟...راح الكثير ومابقى الا القليل...اصبر وساعد نفسك تبا تخلص من الحال الي انته فيه خلهم
ياخذون راحتهم معاك في التمارين الطبيعيه واخلص يا اخي
زايد:سر وهات نور
خليفه:بسير وبيبها اي اوامر ثانيه؟
شغل التلفزون وتم ايطالعه
طلع عنه خليفه وهو يفكر ان زايد يتصرف تصرفات يهاااال وده ايقوله جذيه بس ايخاف من ردة فعله
استانست نور يوم قالها خليفه تجهز لان زايد ايريدها
خليفه:اليازي وين؟
نور:انها نائمه هيه لا تستيقض الا متاخره
خليفه:عيل بوديج وبرجع عندها اخلصي انتي بسرعه والله يعينج على زياد
نور:حسنا
دخلت نور على زايد وكشفت غطاها والقت السلام وتمت اطالعه وهو ملتفت للتلفزون ايطالعه ولا رد عليها
كانت خيبة امل عندها عدم رده عليها سكرت الباب وراحت لطرف الغرفه وخلعت الغطا وقفازاتها وقعدت على الكرسي
زايد:بتمين قاعده جذيه...حق شووو يايه عيل
وقفت وقربت امنه:هل تريد مني شيا؟؟
زايد:هاتيليه ثياب اريد ابدل
ابتسمت:حسنا
راحت ويابتله وماعجبنه وعيزت لين حصلت شي رضى به
زايد:ساعدينيه
نور بدهشه:ماذا!!!؟
زايد:اريد اعق القميص تعالي ساعدينيه
كان قاصد يحرجها ويخليها اتشوفه وهو بدون قميص
واول ما رفعت نور عنه قميصه احمر ويهها وهيه تحاول اتصد بنظرها بعيد عنه كانت عيونه مركزه عليها وابتسامه خبيثه على شفايفه
زايد:نووور
نور وهيه نظرها تحت:ماذا هناك؟
زايد:الي يكلمج قاعد تحت الشبريه اطالعينه؟
رفعت نظرها ناحيته منحرجه وحاولت اتثبت نظرها على ويهه
نور:هل تريد شيا؟
زايد:طالعي اهنيه في صدريه
التفتت للجهه الثانيه:زيد ماذا تريد؟
زايد:قلت......طالعي .....يااااي
التفتت له
زايد:سيري عند الممرضه وهاتي اليه المطهر والكريم وحطيليه على هالجروح ولا عاجبنج الممرضات كل يوم ايحطن اليه
حطت عينها في عينه وفكرة ان الممرضات يلمسنه مش عاجبتنها
نور:كان عليك من البدايه ان تطلب مني ذالك
زايد:وانتي وين عشان اطلب منج ...ماخذه راحتج في الشقه
نور:الم تطلب مني ذالك
زايد:هييه لاكنج يوم ماتبين اتسوين الحاجه محد يقدر يغصبج عليها شمعنا قعدة البيت عجبتج؟
نور:انا احاول ان ارضيك بما تريد
زايد:لا تكثرين الرمسه وروحي ياله هاتي الادويه من عند الممرضات
نور:حسنا
راحت نور وعرفت من الممرضات طريقة تنظيف الجروح وكيفية حط الكريم وقالتلها الممرضه انه ماكان يرضى انهن ايساعدنه في تنظيف الجروح وكانت ردة فعلها انها ابتسمت
دخلت عليه وقربت امنه وهيه تحط الادويه عدالها على الطاوله
رفع نصف السرير وراه وانسدح عليه وعيونه عليها اتراقبها التفتت له واتلاقت نظراتهم ببعض وتمو شويه على هالحال عقب وجهت نور نظرها لصدره وهيه منحرجه وبدت اتنظف الجروح بالمعقم
زايد:حطيليه المرهم بصبعج ماريد بالقطنه
هزت راسها:حسنا
طول الوقت كانت متوتره وهو ايراقبها مستانس على وضعها المحرج
زايد""بعدج ماشفتي شي يانور
نور:حسنا انتهيت
زايد:زييين سيري هاتيليه الريوق
نور:الم تفطر؟
زايد:شرايج بفطر مرتين
نور:حسنا
طول اليوم وهو ملعوزنها بطلباته وتشريطاته وياويلها ان قالت بطلع برا
على الليل
زايد:ان يا خليفه وقالج نرجع البيت قوليله ببات اهنيه
نور:ماذا ولاكن انا
زايد:شوووه؟ عيل حق شوووه انتي يايه
نور:حسنا ...ولاكن المستشفي لا يرضى
زايد:ماعليج منهم خلي حد ايي ويقولج طلعي انا بتصرف معاهم
نور:حسنا
اقنعت نور خليفه عقب محاولات انه ايخليها اتبات وزايد طول الوقت كان ساكت ونظره عند شاشة التلفزون
خليفه:على كيفج يانور بس انا ما اعتقد انهم بيرضون ايخلونج
نور:عماااه لم تكن المره الاولى لي سبق وامضيت ليلتا هنا
التفت الهم زايد:متى صار هالكلام؟
خليفه:ليلة العمليه الي سوها لك
زايد وعيونه على نور:بتي اهنيه
نور:اجل
زايد:ووين تميتي طول الليل؟
كانه قاعد يحاسبها على طول الوقت الي مضته في المستشفي
نور:امضيته بجانبك
زايد:جذابه وين كنتي طول الوقت
خليفه:زااااايد انته شو الي قاعد اتخرف واتقوله لبنيه طول الليل قاعده عدالك
زايد:عاده انا مش بتاني تضحكون عليه
خليفه:لاحول ولا قوة الا بالله العلي العظيم
التفت لنور:بعدج اتريدين اتباتين عنده
هزت راسها بنعم
قام خليفه وتوجه للباب وقبل لا يطلع التفت لزايد
خليفه:لا تفكر انيه بسكت وانا راضيليه الي تقوله ..بس ساعات في ناس ما تستاهل انعور روسنا معاها
طلع وخلاهم
تم زايد ايطالعها في انتظار ايحصل اجابه من عندها
نور:هل حقا انته لا تعلم اين قضيت ليلتي تلك؟
زايد:قالولج كنت صاحي اعرف وين رحتي ووين ييتي؟
نور:يؤلمني حقا ماتعتقده بي
دخلت حينها الممرضه وحست نور ان الله ارسلها لانها نفس الممرضه الي كانت موجوده ليلة العمليه
كلمت نور الممرضه باللغه الانجليزيهوسالتها ان كانت اهيه نفسها الممرضه الي ناوبت ليلة العمليه وطلبت منها اتقول لزايد وين اهيه قضت ليلتها هذيج
ابتسمت الممرضه والتفتت لزايد :الم اخبرك يومها ان زوجتك امضت ليلتها بجانبك وانته ممسك بيدها
توه اتذكر كلامها التفت عنهن ووجه نظره للتلفزون معلن انتها اي نقاش
طلعت الممرضه ورجعت نور تقعد على الكرسي وهيه تحس بغصه في صدرها بعد رغم كل هذا ماقال اي كلمه
كان الوقت متاخر والزيارات انتهت وزايد من قناه لقناه ثانيه متجاهل الي قاعده معاه تمت قاعده على الكرسي واتفكر كيف بتقضي ليلتها بدون فراش ولا سرير
بطرف عينه لمحها وهيه قاعده وساكته وشكلها مشغوله باذكارها لاحة في باله فكره خبيثه وعلى طول نفذها
حط على قناة للاغاني وعلى على الصوت عشان تعلو اصوات الموسيقى في الغرفه
حست نور بانزعاج قوي وتمنت انه ايبدل القناه لاكنه كان مستمتع بسماع الاغاني وقفت وقربت امنه
نور:زيد هلا ابدلت عن هذه الاغاني
زايد:انا مستطرب اريد اتسمعها
نور:ولاكنها حرام
زايد:لحووووه تراج اذيتينيه انا بكيفيه اريد اتسمع
نور:انا لا اريد ان اسمع ما حرم الله
زايد:خذي من القطن اكوه وسدي به اذنيج مافي مشكله
نور:لما تفعل بي ذلك؟
زايد:عن الحشره يالله
التفتت عنه وهيه متضايقه عقب رجعت والتفتت له:
نور:هل استطيع ان اخرج الى الخارج حتى تنتهي من سماعها
زايد:واللــــــــــــــه هذا الي تبينه عاده انتي
نور:غفرانك ربي
رجعت وقعدت على الكرسي وهيه تحط ايديها على اذنيها وتستغفر
نور"اللهم انك عفوا تحب العفو فاعفو عنا اللهم اغفر لزوجي واهديه طريقك المستقيم اللهم لا تواخذه فانه لا يعلم وتجاوز عن سياته واهديه يارب العالمين
تمت نور تستغفر وتدعو الله في سرها لين ما حست ان الصوت بدا يختفي لاكن لعانة ابليس بعدها فيه التفتت للتلفزون اطالع ليش اهو مبتسم وشافت شي خلاها توقف بدون شعور
كان حاط على قناه لبنات بلملابس الداخليه يستعرضن على المسرح والهن حركات قبيحه
نور:استغفرك يارب زيد مالذي تشاهده الا تخشى من غضب الله
ابتسم زايد وعيونه على التلفزون:شبلاج انتي خلينا انطالع ونستانس
نور:اتريد ان تستانس بما يغضب الله
زايد:الحين محد جبرج اتشوفين صدي بنظرج اهناك وماعليج منيه
نور:انته رجل وحرامن عليك رؤية تلك النساء
زايد:عادي هن بروحهن ماعندهن مانع
نور:انهن غواني كافرات لايخشن من شي
زايد:تراج صدق قذا
نور:اتقى الله ان العين تزني وزناها النظر الى ماحرم الله
زايد:عاده شو اسوي اريد اشووف واذا الحرام حرام وين عيل الحلال
وطالعها بطرف عينه
فهمتله نور ونزلت راسها تحت
زايد:مستعد ما اشوف الحرام اذا الحلال بيغنينيه عن شوفة الحرام
انتفضت نور وكرهة اسلوبه
نور:الن تراعي حيائي
زايد:عيل اتركينيه في حاليه ولاتمين اليه حشره
رفعت نور نظرها للتلفزون وشافت اجسام البنات كانت منحرقه فوووول من شوفته الهن وخايفه من غضب الله عليه
نور:حسنا سوف افعل ما تريد عليك اولا ان تطفئ ذالك الجهاز
ابتسم زايد وعلى طول بند التلفزون وشبك ايديه ورا ظهره في انتظار شو بتسوي مستمتع باحراجها
راحت نور لين الباب وغفلته ونظرات عيونه تتبعها وهيه منزله راسها تحت وتمشي وهيه ميته من المستحى وراحت لين الدريشه وتاكدت من ان الستاره مسكره زين
نور كانت متخربطه وماتعرف على شوووه مجبله كانت تدعو من الله ان في شي ايوقف الي بتسويه خلعت عباتها وكانت لابسه تحت العباه بنطلون جنز اسود وقميص مشجر طويل لين الركبه ومن تحته بلوزه سودا هاي نك وباينه من عند اكمامها
فتحت شعرها ونثرته كان شكلها رووووعه انبهر ابها زايد التفتت للجهه الثانيه وبدت تفتح ازرار القميص وهيه مستمره في الدعا والاستغفار
خلعت القميص وتمت واقفه تحاول تسحب نفسها وزايد مسمت ايطالعها في انتظار شو بتسوي
رفعت البلوزه لفوق وخلعتها وفتح عيونه زايد وهو يشوف بياض ظهرها
صرخ عليها:ايييييه انتي شوووو بتسويييين؟
ابتسمت الفرج ياي
سحبت ايديها من البلوزه وهيه صاده عنه للجهه الثانيهونزل شعرها على ظهرها ساترنه
نوروبعده ويهها للجهه الثانيه :الاتريد رؤية الحلال بدلا من الحرام
زايد:يا حماااره اتريدين اتثيرينيه وانا بالحاله هذي ماتشوفين ريليه مكسوره وتونيه مسوي عمليه
غصبا عنها ضحكت:انته تريد ذالك
زايد وهو يصد بويهه عنها بعد ما التفتت له وبعده البنطلون عليها وقطعه من الملابس الداخليه ساتره صدرها:لبسي ثيابج
نو وهيه تقرب امنه:زيد الا تريد رؤية ما احل الله لك بدلا من رؤية الحرام
زايد:نور انا ما العب معاااج قلتلج البسي ثيابج وانقلعي عن ويهيه
نور:امن بعد ان جعلتني اترك حيائي من اجلك تريدني ان انصرف
التفت الها وسحبها من شعرها صوبه وهو يحط عيونه في عيونها
زايد:قلتلج يانور لا تلعبين معايه انقلعي البسي ثيابج
ركضت عنه ودخلت الحمام ويتها موجه صياح قويه من الحال الي هيه فيه
تم قاعد ساكت وهو يحاول يكبت المشاعر القويه الي اجتاحته والرجفه الي في ايديه حاول يطلع من هالحاله وشغل التلفزون وعنادا فيها حط على نفس القناه وطول على التلفزون عشان اتعرف اهو شو يطالع لاكنه ماكان ايطالع شي عقب ما شافها
الي جدامه ولا شي
غمض عيونه وهو بعده يسمع صوت صياحها في الحمام طال الوقت وهيه بعدها في الحمام الا انها هدت اخيرا وحس براحه شويه بعد ماسمعها سكتت حتى التلفزون بنده ايريدها تسكت وتطلع وطاااااال انتظاره
تحامل على نفسه ونزل من الشبريه واتكى على العكازه وراح لين الحمام
دق الباب:نووور........نوووور
دق الباب مره ثانيه بصوت اعلى:نووور
فتحت الباب وطلت امنه وعيونها محمره ومتورمه وهيه حاطه منشفه صغيره على صدرها وماسكتنها
زايد:ممكن اريد الحمام
فتحت الباب وطلعت بخطوات تعبانه وميته من الاحراج تعداها ودخل للحمام سكر الباب عليه وتم واقف مسكر عيونه ومتضااااايق على الاخر
لبست نور ثيابها ولبست العباه وانطوت على الكرسي الصغيرلامه ريولها لحضنها ومغمضه عيونها مابتكلمه لو شوما قال ولا طلب منها خلااااص طاقتها اليوم انهدت امنه
عيونه عليها اول ما طلع يدري انها ناويه ترقد ووضعها ما عجبه بس شو بيسوي مستحيييل يعطيها حل حق رقدتها
انسدح على السرير وتم ايراقبها طول الليل لين ماغفت عينه
الصبح اول ما قامت صرخت من الويع الي في ظهرها وفتح زايد عيونه
زايد:شبلاااج؟
نور:لا شي يبدو انه شد عضلي يالااااهي انه مؤلم
تمت تمشي بخطوات بطيئه وهيه تحس بالويع ايزيد وهيه منحنيه شوي
ماعرف شو يسوي ولا شو يقولها وتم بس يراقبها لين ما وصلت للحمام والتفتت له
نور:هل تريد الحمام؟
هز راسه بسرعه بلا
نور:حسنا اريد ان اتوضى للصلاه
زايد:وانتي جذيه؟
نوروهيه اطالعه مستغربه:هل ادع صلاتي من اجل وجعا بسيط سوف يذهب الان
غفت عينه وهو ينتظرها واول مافتح عينه شافها قاعده على سيادتها الي كانت يايبتنها معاها الويع عندها خف لاكن مع بعض الحركات الها اتحس به رجع


.................................................. .
في الامارات كان فهد وابوه توهم واصلين بعد ما وصلهم خبر روضه فهد طول الطريق ايسوق وهو معصب والي زاده ابوه الي تم
طول الوقت ايقول ان روضه فضحتهم ووين بيودون ويوههم من الناس
في الصاله كانت الام وبناتها والجده قاعدين توه بدر مسكر عنهم وقالهم ان كل شي ماشي زين
دخل فهد وكان شيطان راكبنه ووراه ابوه على طول ما سوا تفاهم ومسك روضه وانهال عليها بالضرب والشتم والتكفيخات على الصريخ في الصاله بين الام وفهد وهو يصارخ ويهدد ويتوعد
روضه وهيه تشاهق من الصياح:انا ما ذبحتها والله انا مظلوووومه
فهد:جــــــــــــــــــــتب انتي فضحتينا وخليتي طارينا على كل السان يلحمااااره
روضه وهيه تلتفت لابوها وتترجاه وهيه تصيييح:ابوووويه انا ماذبحتها والله ماذبحتها لاطالعونيه جذيه
ابو فهد:فضحتينا ياروضه فضحتينا ليش تيبين النا الرمسه انا ادري انج ما ذبحتيها لاكنج انتي السبب في كل هذا الي يصير
روضه:والله ماليه ذنب
ابو فهد:لوما طولة لسانج جان ماصار هذا الشي انا الغلطان الي مدلعنج ومحقق لج كل الي تبينه
الحين وين تبينيه اودي ويهيه من العرب
روضه وهيه منهاره بعد الظرب وكلام ابوها:وقسما بالله ماذبحتها
وعلى طول اغمى عليها
ركضتلها الام ومي ايشوفن شو فيها فهد على طول طلع فوق لغرفته اما ابو فهد راح الميلس ميت من الفضيحه عقب شوي دخل عليه بدر ايبشره ببراءة روضه وايقوله انه اتصل عليهم ومحد رد عليه
الابو طلع كل الي في خاطرهوانه فتشل من الي صار وقال لبدر انه لويريد يطلق البنت محد بيلومه
بدر:لا ياعميه اطلقها ليش اهيه مالها ذنب براءتها طلعت وانا متاكد من برائتها من البدايه
ابو فهد:جزاك الله خير يا ولديه ماعرف وين اودي جمايلك بس انته محد بيلومك ان كنت اتريد اطلقها
ضحك بدر:لا ياعميه تبانيه افرط في روضه لو الموووت حرمتيه ومابتخلا عنها
ابو فهد:والله انيه مفتضح وماعرف وين اودي ويهيه من الناس
بدر:الناس مابتلومك ياعميه دامنها بريئه هذي سالفه وبتنساها الناس عقب المهم اننا طلعنا منها
ابو فهد:ومنوالي ذبح لمعلمه
بدر:وحده من صديقاتها بينهن سوالف وبلاوي استقلت الفرصه هذاك اليوم يوم روضه اتواقعت مع لمعلمه وسوت الي سوته وكانت اول شاهده ضد روضه
ابو فهد:حسبي الله عليها كنا بنذبح لبنيه بسبتها والله ستر
بدر:ليش عميه شو صار؟
ابو فهد:فهد ..............ضربها لين طاحت علينا ومادري شو مسويه الحين داخل
وقف بدر رافض الي يسمعه:لا يا عميه شو هالكلام اهيه شو ذنبها؟
ابو فهد:عاده يا ولديه صار الي صار وزين انه ما ذبحها واهيه لوما طولت لسانها ماصار الي صار
اتضايق بدر وطلع والله ياب فهد في طريقه وكانت اول مره من بدر انه يرفع يده على حد غير مروان ويعطي فهد بكس على ويهه خلاه ايطيح على الارض
بدر بتهديد:قسما بالله ان مديت يدك عليها مره ثانيه انه اييك شي ماشفته في حياتك
اتوجه عقبها بدر لسيارته وركبها صافق بالباب بقو وهو يريوس بسرعه طالع من البيت
فهد تم طايح متكي على ايديه ويمسح الدم الي طلع من خشمه منصدم من ردة فعل بدر



 
 

 

عرض البوم صور ΑĽžαεяαђ   رد مع اقتباس
قديم 27-01-10, 02:58 PM   المشاركة رقم: 188
المعلومات
الكاتب:
اللقب:
ملكة الالماسية


البيانات
التسجيل: Jul 2006
العضوية: 8455
المشاركات: 10,847
الجنس أنثى
معدل التقييم: زارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالق
نقاط التقييم: 2892

االدولة
البلدSaudiArabia
 
مدونتي

 

الإتصالات
الحالة:
زارا غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

السلاااااااااااااااام عليكم..
ودووووووووووووم اووووه وش هالفن ياا حرمه ؟؟.. مبسووطه مرره ان رووضه طلعت برااءه الحمد الله. كفااره ياابت يااروده ..بس تدرين والله بعد زعلت ..الصراحه ان القضيه كانت مسوويه جووو رووعه لروضه وبدر وكان كل مابغى يشووفها بيجيها بعذر القضيه... يله عاد الحييييين نبي شي ثااني يخليهم يشوفون بعض ويتكلمون ويطالعون بعض بنظراتهم الذباحه..هع> هذا اهم شي النظراات اللي بتودينا بداهيه..هخهخهخه
اقوول بدوور والله انك رووعه .. وانت كله تفكر ان رووضه بزر وطفله وقلبك راايح فيها من الدقات اللي بتشلع قلبك شلع.. اعجبني تصرفك مع فهوود .. احسن خله يعرف هالثوور ان اخته خلااص رااحت من سيطرته ليد وااحد يموت فيها.. واتووقع انك يمكن يمكن تعجل بزواجك منها لانك خايف عليهاا من الوضع اللي هي فيه... لااا لاا ماراح تعجل بشي بس بتكون خلااص مسؤول رسمي عنها حتى وهي ببيت ابووها وبتصير طلعاتها ودخلاتها بشوووورك انت.. مو انت الحين ولي امرهااا؟؟ خلاص اجل من الحين تبدأ مهاامك... والف الف مبرووك براااءه البنت النعوومه حرمكم المصوون . والله كنت وااثقه ان القاتله من ربع هالمدرسه ومثلها بعد.. مدري كيف الشرطه مااا فكروا بهالشي وخصووصاا لو سألوا عن وضع المدرسه المرتشيه؟؟ بس احسن بعد انهم اتهموا روااضي خلينا نفتك من سالفتها وتتعرف على بدووور.. والله انها احلى قضيه صااارت ومعجبتني وااجد..هخهخهخه
ايه صح لوو سمعتكم تطروووووووون الطلاااااااااااااق عقب مكالمات تالي الليول هذي اللي لييين الفجر كسرت رووسكم. يله ماعندنا ابطال يتطلقوون..هخهخهخه

ابو فهد.. ياربــــــــي من الشيبه المهذري هذاااا.. النااااااااااااااس ويــــــــــــــــن وهوو ويــــــــــــــــــــــــــن؟؟؟؟ بنته ممكن تنعدم وهو خاايف من فضيحته بين العرباان... صدق شيبه مخرررف.. والا اللوح بعد فهوووود الثووووووور يتسمع في كلام ابووه المخرف وماايهدي ابووه ماافيه ان شااء الله الامور سليمه ماافيه حنا واثقين من بنتنا مافيه بنووقف معها ومااايهمونا النااس .. الا الشيبه قااعد يصب الزيت ع النار وهالفهد يستقبل هالتحلطم.. واخرتها بعد يالشيبه بتخلي بنتك تفلس من رجلها وتحرضه على طلاقها.. مالت عليك وعلى دلالك لبنتك امحق دلال اللي اخرتها تتخلاى عن بنتك وبتخلي رجلها يطلقها. لاااااااااا ومن زين علومك تعلم بدر انكم مخفخين البنت لييييييييييييين غابت عن الوعي كأنك فخور بهالانجاااز . الصرااحه انك حريتني اليووم بشكلللللللللللل. ياليت بس تنتبه لمي بدال هالخبال اللي انت تسوويه...

خليفه : يااااااااااويلي على اللي بيتشقق من قالوا عرب مزاايين انهم مشتااقيين .. والله ماا الومك بس احلى شي اننا عرفنا الحييييييييييين كيف احسااسك تجاه النووري يختلف اختلااف كلي عن شعورك تجاه حاميره.. اما المووقف اللي شفته بين الامريكي وزوجته الافريقيه خلااك تعض اصاابعك ندم على افكاارك الهبلااااا .. اهم شي المضموون ياااااا ذكي .. وبعدين وين حاميره حلووه؟؟..عووع ثم عووع ثم عووع . الصراحه انك اعمى الله ينور علينا وعليك..

نوره: انتي حمااره والا شوووو؟؟ ليييييييييييييش مااتردين على مكاالمة الرجااااااااااااال؟؟ ردي يااحظي ردي ياااااا الخبلااا حد الرجال مشااعره متضااربه وابدي املي عليه التعليمات وقوولي انتس مستحيييييل تكونين مع البقره المرتاعه مع بعض والله لوو تسووين هالشي ان تفووزين وبالضربه القااضيه ومن اوول جوله بعد.. يااختي حاذفه هالتلفوون بيد البزر فطيم وانتي مدري وين ذالفه ؟؟ النووري قلبي انتي بطلي هالهبل اللي انتي فيه وحد الرجال مأنبه ضميره بابشري باللي تبينه .. يأختي انتي لتس الاحسااااس والمشااعر وهي لها الغلقه والكتمه .. يعني الفووز كااااااااااااسح لتس بس انتي حركي شووي مختس وعطيه ريق حلووو .. موو مرره بس خليه يفرح ويكون مستعد يسوووي اللي تاامرين عليها.. وهــ بس وقسم بالله حارتني مااعمرتس سمعتي بكيد الحريييييييييم ؟؟ اذا ماعمرتس سمعتي فيه تعالي انااا اعلنمتس عليه يااحظي والله لعيوون ان خلوووف يترك البقره الباكيه اسوووي لتس كل شي بس يتركها ورااه وهي تمووت من الحره.. ياليت بس هالزايد بداال مااهوو يصاايح ويضجنا بلجته يتكلم ويقوول له عن اللي هي مسوويته وهو عاد يلقى له درب عشان يفتك منها..

فهد
. شووف ياافهد عصبيتك وخبالك وتفااهمك مع الناااس بالضرب يمكن يوديك بداااهيه مثل مااا ودى اختك لسانها بداهيه.. يعني بكره بعد يموت احد ويقوولون كافخه فهد. هذيك السااعه بالله عليك وش بيفكك من كلام الناااس اللي انت مرعوب منه؟؟ والا عاد انتم ياا عيال ابو فهد..بتاخذون المخفر دوريه مره اختك ومره انت..هخهخهخهخه

الياازي
: قلبتس متروووووووووووووس على فهوووووود والله ماا الومتس عقب اللي سواه الدب فيتس ..بس بعد الشهاده لله انه حاااااااااااول يبين لتس انه تغيير بافكااره بس افعاله لااااا للحين على خبرتس فيها ليته يتغيير عشان نفسه اوول ..اقوول يزووي لـــــــيت من يسوووي بينتس انتي ونووور اشتراك مثل اللي يسوونه للسياره اذا تعطلت..نور تااخذ شووي من افكااارتس اللي كلها تحدي وانتي تاخذين من افكار نور اللي كلها خوف من الله.. وبعديييين يله تنطلقووووووووون بالحيااااااااااااااااااااااااااة..هع هع هع

شفتي كلمتس هذي ياا الياازي..

اقتباس :-  
. ...خله يولي مايقدر يوصلنيه اهنيه

هالكلمه قريبااااااااااااااااا بنشووووف انهااااااا صاارت خرطي لان فهد اتوووقع انه بيوووصلج اهنييييييييه..هخهخهخه.. والاكشن بينتقل للندن من الامارات..هخهخهخهخه

مـــي : الحيييين عاد بنشووف وشلوون بتتصرفين وانتي بتكونيين مرااقبه من عيوون رووضه اللي اوول شي بيخليها ترااقبتس هووو غيرتها على حلااالهاااااا بدووور..هخهخهخهخه
يله شكلتس بديتي تتعرفين على عالم النساااء من النحشه والركض بعيد عن أي صووت اجنبي..هخهخهخه

نووور وزياااد المااااااااااااااال:: زيووووووود والله انك دب اليووووووووم ياا المزيوووووووون.. وش هالحركات اللي تسوويها بنوور ؟؟ اناا قلت ان ربي رااضي عليك ومزوجك وحده تخاف الله ولانها تخاف الله بتسووي كل شي عشان رضاك وانت كله قااهرها وحارها.. بس بعد والله انك تخبببببببببببل وانت مشرفنا انت وجاانوتك..بس المووقف الرووعه موقف الدكتوور وهو يبي نوووووووووووور..ههههههههههههههههه بل بل بل اشووى ان النظراات ماتذبح والا كان الدكتوور المسكين الحين بالمقبره..هخهخهخه
ومع هذاا شعوورك اللي تحسه تجاه نوور وكيف انك تضاايقت من تصرفك معها يدل انها بدت تاخذ بقلبك مكان بس متى بتعترف بهالشي؟؟؟؟؟؟
وانتي نووور ياااليت تسفهينه شوووي . يمكن نوومتس عنده اليوم بيسبب لتس شوويه تعب وبترجعين للشقه وتجلسين يوومين ماتطلعين منها وكل ما سأل عنتس بيقولون انتس تعباانه وهو يمكن يخليتس تفتحين هالتلفوون وبيمووت لما يتصل ويلقاه مغلق بيتحسف الف مرره لانه قالتس اغلقيه.. بس معليه عشان يفكر مرتين قبل مايقرر أي قرار..واتووقع ان خليفه الحيييين بيتدخل بينكم وبيحاول انه يوقف بوجه زيــــد وهالشي بيخلي زيد يمووت من القهرر ومن الشووق بعد..
المهم زيــــــــــــد والله اني استااانست لمما شفت خليفه يقووول..

اقتباس :-  
خليفه:يابويه شبلاك شو مضيقبك ؟؟...راح الكثير ومابقى الا القليل...اصبر وساعد نفسك تبا تخلص من الحال الي انته فيه خلهم
ياخذون راحتهم معاك في التمارين الطبيعيه واخلص يا اخي

أي والله ماابااقي الا القليل باذن الله ونركب جميعاا الطياااره يااا زيوودي..هخهخهخهخهخه بس ياا اخي انت شد حيلك وخلصنا نبي نرد البلااد بين اهلنا وعربنا وتصير بأرض الملعب .. لان الحين مب قاادر تسووي أي شي بسبب الوجع بس من تكون ببيتك بنشووف كيف بتقدر تقااوم نوووور وكيف تبي تخليهاا تندم على زواجها منك..
ومنها بعد نشووف هنيه واللله محلها فاااضي هالحرمه ..تهببببببببببببببل..

مشكووووره ودوووووووووم على هالابدااع اللي داايم تتحفينا فيه.. الله يحيم هاليدين اللي ابدعت عن الناار ياارب..وارجع اقوووول وبكل جزء ارد عليه لييييييييييييتس تعتبرينااا خوات مو قارئات وتشرفينا هنااا والا بالمقلط وتشووفين الترحيب على اصوووله ..
ايه صح نسيييت شي..


اقتباس :-  
استحى الدكتور واعتذر وراح ولا عاد حد شافه

ودوووووووووووووم تكفيييييين طاالبتس ..نبي الدكتووور البااكستاااااااني لااتنهيين دووووره خليه كذا في لووكيشن التصوووير على اهبّة الاستعداد متى ماا احتجنا نطلع غيرة زاايد على نوور رزينا خشته بكادر التصووير بالتوو واللحظه..هخهخهخهخه

ودوووووووووم وزوززوووووو.. الله لاايحرمنااا من الابداع بالكتاابه والسرعه بالنقل.. كل الشكر لكم ..

 
 

 

عرض البوم صور زارا   رد مع اقتباس
قديم 27-01-10, 08:54 PM   المشاركة رقم: 189
المعلومات
الكاتب:
اللقب:
ليلاس متالق


البيانات
التسجيل: Nov 2009
العضوية: 152110
المشاركات: 2,010
الجنس أنثى
معدل التقييم: اموره المزيونه عضو بحاجه الى تحسين وضعه
نقاط التقييم: 19

االدولة
البلدKuwait
 
مدونتي

 

الإتصالات
الحالة:
اموره المزيونه غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 



رووووووعه بارت عجيب

بس زايد قليل ادب

ونور خبله ماتعرف تحقره وتخليه ويلي ؟؟؟؟

وروضه مفروض يصير هذا درس لها عشان تثمن كلامها ...

وتوزن امورها .....


بانتظار بارت جديد ....


في القريب العاجل






 
 

 

عرض البوم صور اموره المزيونه   رد مع اقتباس
قديم 28-01-10, 06:30 AM   المشاركة رقم: 190
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

ودوم وعديلتي الغالية زوزو تسلمن ما قصرتن

روضة وبدر

الف الف مبروك رويض.. ما بغيتي تظهرين منها.. حشا شفتي شقايل لسانج وصلج للسجون.. احسن دواج عسب مرة ثانية تعرفين شقايل تقضبينه.. تعالي جريب اشوف ويهج.. حسبي الله عالعدو.. غربل الله العدو.. حشا جنج الا من ضحايا الحرب.. شايفه حد يشبهج في قناة الجزيرة.. وينكم اييبوا لها ماي وثلج.. اتصرفوا البنت وراها ملجة وعرس.. بدور.. خشمك.. هي هذا العشم فيك.. قدها وقدود.. ظهرت البنيه من السالفة.. عاد انا منبارتين احاتيها.. ما قصرت بيض الله ويهك.. عاد يا انك بردت قلبي في هالفهد.. بس لو عطيته بكس ثاني على راسه يمكن حاسيته اترد له.. عاد انته وحليلك شال بعمرك ياي اتبشرهم.. تحصلهم امكسرين حرمتك تكسير..

اليازي

زين تسوين في هالفهد.. يستاهل.. احقريه.. ما احبه هالبارت.. حشى ما يعرف يتفاهم شرات الناس.. بس رمسة هالنور بعد اتدش المخ.. يعين بعد هالفهود ما يستاهل انج تتعاقبين عشانه

نورة

انتي ايه.. اشعنه ما تردين عالريال.. خدية انا من بداية القصه اقول هالحرمه خدية.. الحينه ودرتيه للماصخة هاي.. عاد هي تبيها من الله.. ما بتصدق ايرد البلاد.. الا بتشوفينها مستويه معلم من معالم صالتكم

فهد

انته شوو.. يا انك ما تفهم.. ولا ان امك متوحمه على ابليس يوم انها حامل فيك.. ايديك هاي تبيلها حد ايكسرها يمكن تعرف شقايل تتعامل بها المرة اليايه.. اصلا حرام ايخلونك فالبلاد.. اشحقه ما ايطرشونك دورة لاسرائيل.. عالاقل اتطلع حرتك فيهم

خليفة

الحينه حد ايودر هالزين وبتصل باللي ما تنطرى.. اقول ما عندك سالفة ما تصدقني.. شوف خلوف ركز ابويه.. انته لازم اتشل هالاميرة من مخك.. بعدين ماشي وجه مقارنه بينها وبين نورة.. بس عيبتني وانته ترمس هالزايد.. يا اخي انته خاله.. عطه على راسه.. يمكن يعقل.. ما عنده اسلوب.. علقه الله يخليك ولا ترى بقول لامايه زارا اتعقه من الطيارة عالرده

نور وزايد


ابي اعرف شي واحد.. انتي اشحقه عاطتنه ويه زيادة عن اللزوم.. اونج ترضينه.. شو الفايدة ترضينه واتعبين عمرج.. لا تقولين تتحرينه بيرضى عليج.. ترى الناس اللي جي ما يرضي غرورهم شي.. يعني لو انا منج بودره.. برايه بيخليه ايولي وبرد الشقة ولا يمكن ارد البلاد بعد.. اقول زيود.. انته يا انك ما تحس ولا فاقد الاحساس.. غربلت البنيه.. خبلت ابها.. حشى حتى انها بدت اتضيع المذهب.. بس عاد لو انه انتقام ما بتسوي بها جي.. ارحم حالها.. بس شكلك الحين حاس بالذنب.. دواك.. تعرف احس بييك يوم بتركض ورا هالنور لين تحفى ريولك.. بس بس هي اللي قاهرتني امعبرتنك ازيادة عن اللزوم

ودوم وزوزتي

نترياكن

لا تطولين

 
 

 

عرض البوم صور بوح قلم   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة وديمة العطاء, رواية نور, رواية نور للكاتبة وديمة العطاء, وديمة العطاء, نور, قصة رواية نور للكاتبة وديمة العطاء
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t126744.html
أرسلت بواسطة For Type التاريخ
ط¬ط¯ط¯ظٹ ظپظٹظ†ظٹ ط­ظٹط§طھظٹ ط¨ط§ظ„ظ‚ط§ ظ„ظ„ظƒط§طھط¨ط© ظˆط¯ظٹظ…ط© ط§ظ„ط¹ط·ط§ ط§ظ„ظ‚طµطµ ط§ظ„ظ…ظƒطھظ…ظ„ظ‡ This thread Refback 17-08-14 03:13 PM


الساعة الآن 06:07 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية